Dashi

Planetët do ju përkëdhelin mjaft gjate kësaj dite dhe do ju bëjnë te ndiheni me se miri. Do e shprehni pa dorashka dashurinë qe ndjeni për njeri-tjetrin. Beqaret do ndihen gati te fillojnë histori dashurie edhe pse personat nuk do ua mbushin 100% mendjen. Për financat do jete një dite goxha e favorshme. Mund te kryeni disa investime me tepër nëse dëshironi.

Demi

Asgjë e veçante nuk do ndodhe gjate kësaj dite ne jetën tuaj sentimentale. Merrini gjerat si t’iu vijnë dhe atë çfarë do ju thotë zemra. Beqaret do kenë veçse disa takime interesante, asgjë me shume sesa aq. Duhet ende edhe pak durim. Ne planin financiar mos kërkoni te pasuroheni menjëherë sepse nuk do ja dilni dot. Sakrificat mund t’iu dëmtojnë.

Binjaket

Ka rrezik qe gjerat te mos shkojnë ashtu si ju i keni ëndërruar sot ne jetën tuaj sentimentale. Nuk do ketë momente pasionante sepse partneri do jete si stresuar për një çështje pune. Beqaret gjithashtu duhet te presin edhe pak për dashurinë e madhe. Nëse kryeni shpenzime te tejskajshme financat do dobësohen tej mase. Ruajeni gjithë kohës maturinë.

Gaforrja

Jeta juaj ne çift nuk do shkoje ashtu si ju e kishit menduar gjate kësaj dite. Ndonjëherë atmosfera mund te behet mbytëse. Beqaret duhet te tregohen sa me te hapur dhe te pranojnë ftesat qe do ju bëhen. Se çfarë do bëjnë me pas e kane vete ne dore. Për financat duhet te merreni me seriozisht. Me pak maturi dhe kujdes gjendja do filloje te përmirësohet.

Luani

Do e dashuroni plot pasion personin qe keni ne krah gjate kësaj dite dhe atmosfera do behet elektrizuese. Zemra do rrahe edhe me fort. Beqaret do kalojnë një dite pozitive edhe pse dashurinë ende nuk do e gjejnë. Miqtë nuk do i lënë asnjë çast te mërziten. Ne planin financiar do keni goxha vështirësi dhe probleme. Duhet shume kujdes për t’ia dale mbanë.

Virgjeresha

Do merren vendime te mëdha gjate kësaj dite ne jetën tuaj sentimentale. Do diskutoni gjere e gjate me personin qe dashuroni dhe do bini ne një mendje. Klima yjore do jete e turbullt për ata qe janë vetëm. As sot nuk pritet te mbërrijë princi i kaltër. Financat do fillojnë dalëngadalë te përmirësohen. Do ndiheni me mire kur te kryeni ndonjë shpenzim.

Peshorja

Do kërkoni qe gjithçka te behet si doni ju gjate kësaj dite, prandaj mund te kini disa mosmarrëveshje me partnerin. Mundohuni te tregoheni sa me realiste dhe te bëni lëshime. Beqaret do mahniten nga je person dhe nuk do mendohen dy here për te filluar një lidhje. Ne fakt ky do jete një gabim. Financat do jene me te ekuilibruara se disa dite me pare.

Akrepi

Mos përfitoni nga fakti qe partneri ka shume besim tek ju për te bere gjera qe ai ne fakt nuk i dëshiron. Mund ta ktheni situatën përmbys dhe do keni probleme. Për beqaret do ketë goxha surpriza, kështu qe duhet te bëhen gati. Gjendja e te ardhurave nuk do jete aspak e mire. Nuk do i rezistoni dot tundimit për te shpenzuar pafund.

Shigjetari

Dite e qete dhe e qëndrueshme kjo e sotmja për ata qe janë ne një lidhje. Harmonia, mirëqenia dhe flegrua do mbizotërojë ne jetën e tyre. Beqaret nuk duhet te dekurajohen nëse nuk ju pranohen ftesat, por duhet ta kërkojnë diku tjetër dashurinë. Financat do jene gjithë kohës te stabilizuara. Nuk do jete problem edhe po kryet ndonjë investim me tepër.

Bricjapi

Dita e sotme do jete shume e veçante për ata qe janë ne një lidhje. Do kuptoheni mjaft mire me atë qe keni ne krah dhe do i ndreqni edhe problemet e se shkuarës. Beqaret do ndihen mire me statusin qe kane dhe nuk do e kërkojnë princin e kaltër. Nëse tregoheni te arsyeshëm me financat, gjendja do jete mjaft e ekuilibruar.

Ujori

Priten shume vështirësi gjate kësaj dite ne jetën tuaj sentimentale. Nuk do merreni vesh aspak me personin qe keni ne krah dhe kjo do sjelle debate te forta. Beqaret duhet te përfitojnë sa te mundin nga ftesat qe do ju bëhen, jo t’i neglizhojnë ato. Financat do jene ne gjendje te qëndrueshme, por nuk duhet te kryeni çmenduri me shpenzimet.

Peshqit

Marsi nuk do krijoje me probleme gjate kësaj dite ne jetën tuaj sentimentale, kështu qe mund te dashuroheni ashtu si ta ndjeni. Beqaret me mire te mos bëjnë plane ne mënyrë qe te mos zhgënjehen me vone. Pritet te ketë disa takime te rëndësishme gjithsesi. Ne planin financiar nuk duhet te nxitoheni për asgjë. Vetëm ndihme e specialisteve mund t’iu shpëtojë.

The post Horoskopi 3 Janar 2026, zbuloni parashikimin e yjeve për shenjën tuaj appeared first on Albeu.com.

Kapiteni me origjinë shqiptare i kombëtares zvicerane, Granit Xhaka, po aktivizohet në Premier League që nga vera.

Ai u transferua te Sunderland rreth gjashtë muaj më parë dhe me skuadrën e sapongjitur në elitë, po bën jehonë të madhe në futbollin britanik. Në një intervistë për “Suddeutsche Zeitung”, 33-vjeçari ka folur për transferimin, futbollin dhe jetën e tij.

“Kam ndjesinë se unë dhe njerëzit këtu jemi rritur në mënyrë të ngjashme: punëtorë dhe me një vullnet të fortë për të arritur diçka”.

“Prindërit e mi dikur shkuan në Basel dhe jemi me prejardhje shqiptare, nuk dinte asnjë pjestarë gjuhën, nuk kishim miq, as të afërm”.

Xhaka rrëfen më pas për ambientin ku është rritur.

“Lagjja jonë kishte arkitektë dhe këshilltarë tatimorë, por edhe alkoolistë dhe përdorues droge. Gjithçka mund të kishte shkuar në çdo drejtim për mua. Kam përfituar nga edukimi i prindërve të mi dhe nga vëllai im i madh, Taulanti”.

Sa i përket transferimit te Sunderland, mesfushori ka qenë shumë i hapur.

“Disa vendime kërkojnë kohë, por këtë e mora menjëherë”.

Xhaka ka zbuluar se pronari e telefonoi diku në muajin qershor, rreth orës 23:00.

“Në Shqipëri thonë se një telefonatë në atë orë do të thotë ose diçka e keqe, ose diçka shumë e madhe. Në fillim mendova se ishte shaka dhe nuk besoja se ishte pronari”.

“Çelësi ishte se presidenti nuk më kishte kontaktuar personalisht në asnjë nga transferimet e mia të mëparshme. Kjo më bëri shumë përshtypje”.

Kyril Louis-Dreyfus, në moshën 28-vjeçare presidenti më i ri i ligës, ishte i vendosur ta merrte Xhakën tek Sunderland.

“Unë jam një lojtar që kam nevojë të nidhem i vlerësuar dhe ai ma dha këtë ndjenjë”.

Që nga kalimi tek Sunderland, Granit Xhaka ka qenë një sukses i madh. Ai konsiderohet ndër lojtarët më të mirë të ligës, është boshti i skuadrës dhe një nga arsyet kryesore për sezonin fantastik që po zhvillon ekipi deri më tani.

“Para së gjithash, duam të sigurojmë qëndrimin në ligë; gjithçka tjetër është bonus. Deri tani nuk e kemi diskutuar asnjëherë renditjen në dhomat e zhveshjes. E di nga përvoja se gjysma e dytë e sezonit mund të jetë më e vështirë. Kemi potencial dhe duhet të vazhdojmë të besojmë tek vetja, atëherë mund të kemi një sezon të suksesshëm. Për sa kohë jam i shëndetshëm, në formë dhe i uritur. Shumë trajnerë më kanë këshilluar: luaj sa më gjatë të jetë e mundur. Gjithçka tjetër mund të bëhet më vonë”.

Sa i përket së ardhmes pas futbollit, gjithçka mbetet e hapur, por Xhaka ka zbuluar se po investon seriozisht edhe në një karrierë të mundshme si trajner.

“Katër ose pesë vjet më parë, kur isha te Arsenali, fillova të punoja për licencën e trajnerit. Tani e kam licencën A. Kjo më ndihmon, bashkë me moshën dhe përvojën, ta shoh futbollin nga një këndvështrim tjetër. Tani dua t’i bëj lojtarët e tjerë më të mirë: përmes paraqitjeve, motivimit dhe lidershipit”.

The post Xhaka rrëfen historinë e tij, nga rritja mes të droguarëve, tek e ardhmja si trajner, zbulon që ka marrë edhe licencën appeared first on Albeu.com.

Izraeli ndërmori disa sulme ajrore në Libanin jugor, në përfundim të afatit të vendosur për çarmatosjen e grupit militant Hezbollah përgjatë kufirit mes dy vendeve.

Sulmet ndodhën disa ditë para një mbledhjeje të planifikuar të qeverisë libaneze, ku komandanti i ushtrisë pritet t’i raportojë kabinetit për largimin e pranisë ushtarake të Hezbollahut nga zona pranë kufirit me Izraelin, raporton AP.

Sipas mediave shtetërore libaneze, sulmet ajrore goditën disa zona në jug të Libanit, përfshirë rajonin e njohur si “Apple Province” dhe periferitë e fshatrave Ansar dhe Zrariyeh. Ushtria izraelite njoftoi se forcat ajrore kanë goditur objekte infrastrukturore të Hezbollahut në disa zona të Libanit jugor.

Lufta e fundit mes Izraelit dhe Hezbollahut nisi më 8 tetor 2023, një ditë pas sulmit të militantëve të udhëhequr nga Hamasi në Izraelin jugor, kur Hezbollahu lëshoi raketa drejt Izraelit në shenjë solidariteti me Hamasin.

The post Izraeli kryen sulme të reja ajrore në jug të Libanit appeared first on Albeu.com.

Presidenti Volodymyr Zelensky ka ndryshuar të gjithë kupolën ushtarake të Ukrainës.

Ai njoftoi sot qëllimin e tij për të zëvendësuar Ministrin e Mbrojtjes Denys Shmyhal, duke ia ofruar këtë pozicion 34-vjeçarit Mykhailo Fedorov, deri më tani Ministër i Transformimit Dixhital.

“Kam vendosur të ndryshoj strukturën e Ministrisë së Mbrojtjes të Ukrainës. I ofroj Mykhailo Fedorov pozicionin e Ministrit të Mbrojtjes të Ukrainës”, tha Zelensky në një videomesazh të publikuar sonte.

Siç tha Zelensky, “Mykhailo është shumë i përfshirë në çështjet që lidhen me mjetet ajrore pa pilot dhe po punon shumë efektivisht në dixhitalizimin e shërbimeve dhe proceseve publike”.

Presidenti ukrainas nuk e justifikoi vendimin e tij për të zëvendësuar Ministrin aktual të Mbrojtjes Denys Shmyhal, një ish-kryeministër që e kishte emëruar në këtë pozicion disa muaj më parë, në korrik 2025.

Mykhailo Fedorov u emërua Ministër i Transformimit Dixhital në vitin 2019. Ai nuk është i njohur gjerësisht dhe ka pak përvojë në pozicione qeveritare.

Më herët gjatë ditës, Zelensky njoftoi gjithashtu emërimin e shefit të inteligjencës ushtarake Kirill Budanov si shef të stafit të tij.

Budanov zëvendëson Andriy Yermak, i cili dha dorëheqjen në nëntor për shkak të një skandali korrupsioni që shkaktoi zemërim publik ndërsa Ukraina lufton për mbijetesë mes pushtimit të vazhdueshëm rus.

The post Zelensky ndryshon edhe ministrin e Mbrojtjes, ia beson ushtrinë një 34-vjeçari! appeared first on Albeu.com.

Aksi rrugor Tropojë–Valbonë është rikthyer në funksion normal, ndërsa shërbimet e Policisë Rrugore dhe mirëmbajtjes së rrugës janë ende të pranishme në terren për të garantuar sigurinë e qarkullimit.

Në zonat ku ka prezencë të akullit, po vazhdon kriposja e rrugës, ndërsa disa segmente janë prekur nga reshjet e shiut, gjë që kërkon kujdes të shtuar nga drejtuesit e mjeteve.

Policia Rrugore apelon që shpejtësia të moderohet, vigjilenca gjatë drejtimit të mjetit të rritet, dhe udhëzimet e forcave të rendit të ndiqen me përpikëri për parandalimin e aksidenteve.

The post Aksi rrugor Tropojë–Valbonë hapet për qarkullim, policia jep paralajmërimet për drejtuesit e mjeteve appeared first on Albeu.com.

Një debat i fortë dhe emocional ka shpërthyer së fundmi në studio, ku opinionisti Valdrin Sahiti reagoi ashpër ndaj deklaratave të Labinot Labi, pasi ky i fundit kishte akuzuar këngëtaren Fjolla Morina se kishte ndarë një burrë nga familja e tij.

Sahiti e cilësoi këtë qasje si të gabuar dhe të padrejtë, duke theksuar se në kohët moderne askush nuk mund t’ia “marrë” dikujt bashkëshortin apo bashkëshorten, pasi vendimet janë personale dhe përgjegjësia bie mbi individët vetë. Ai u shpreh prerë se gjykime të tilla nuk i përkasin shoqërisë së sotme.

“Unë nuk e di kush t’i ka mësuar këto, sepse askush nuk mund të ndajë apo t’ia marrë gruan apo burrin askujt. Nuk jemi më në kohën e gurit. Pavarësisht lojës, njerëzit nuk gjykohen kështu,” tha Sahiti, duke shtuar se mentalitete të tilla janë të vjetruara dhe dëmtojnë figurën e grave në shoqëri.

Opinionisti vijoi më tej, duke theksuar se një burrë nuk duhet të sillet në atë mënyrë ndaj Fjolla Morinës, e cila është nënë e dy vajzave. Sipas tij, përgjegjësia morale dhe respekti ndaj një gruaje dhe nëne duhet të jenë mbi çdo strategji loje apo debat televiziv.

Nga ana tjetër, tensioni emocional u reflektua edhe te vetë Fjolla Morina. Në dhomën e rrëfimeve, ajo u shfaq dukshëm e prekur, duke pranuar se situata e kishte rënduar psikologjikisht. Mes lotësh, këngëtarja theksoi se është një person shumë i ndjeshëm dhe se mënyra se si po zhvillohej loja mes banorëve e kishte lënduar.

“Jo presioni, por mënyra se si po e bëjnë lojën mes vete. Unë jam tip emocional, kam emocione, jam me shpirt të madh dhe shumë e ndjeshme,” u shpreh Fjolla, duke mos i fshehur lotët.

The post E akuzoi Fjollën se ka ndarë burrin nga familja, Valdrin Sahiti i ashpër me Labin appeared first on Albeu.com.

Situata në aksin kombëtar Prrenjas-Elbasan vijon të jetë alarmante, pasi prej orësh, automjetet nuk po lëvizin, ndërsa mijëra qytetarë kanë mbetur të izoluar në kushte të vështira dhe temperatura nën zero.

Bëhet me dije se bllokimi shtrihet nga ura e Bushtricës deri në zonën e Labinotit, duke krijuar radhë të gjata dhe kaos të plotë në këtë segment të rëndësishëm rrugor.

Drejtuesit e mjeteve dhe pasagjerët po përballen me vështirësi të mëdha, ndërsa mungesa e lëvizjes po e përkeqëson edhe më tej situatën.

Qarkullimi vijon të jetë i paralizuar, pa shenja përmirësimi, ndërsa qytetarët shprehen të shqetësuar për sigurinë dhe kushtet e qëndrimit në automjete për një kohë të gjatë.

Shkaqet për fluksin e këtij trafiku janë fluksi i lëvizjeve në këtë fillim viti dhe ngricat e si pasojë rënies së ndjeshme të temperaturave.

The post Prej orësh të bllokura në trafik, rëndohet situata në Prrenjas-Elbasan appeared first on Albeu.com.

Më 1 Janar, u transmetua E Diella e parë, një episod special që solli për publikun një atmosferë festive, plot muzikë, nostalgji dhe surpriza të papritura.

Studioja u kthye në një festë të vërtetë, ku artistë dhe moderatorë kënduan e festuan së bashku, duke krijuar një klimë të ngrohtë dhe pozitive për teleshikuesit.

Por momenti që rrëmbeu vëmendjen dhe u kthye menjëherë në lajmin surprizë të ditës, ishte deklarata e këngëtarit Sinan Hoxha.

Teksa ndodhej në studio dhe bisedonte me moderatoren Megi Pojani, Sinani zbuloi se gjatë një bisede në tavolinë, Megi i kishte kërkuar që ai të ishte pjesë e një momenti shumë të rëndësishëm personal.

Me tone humori, por edhe seriozitet, këngëtari bëri publik lajmin që shkaktoi reagime dhe të qeshura në studio:

“Lajmi i vitit! Unë nuk bëj humor, ti e di që nuk bëj shaka. Megi Pojani sapo më ka rezervuar për vitin 2026. Më 12 gusht martohet.”

Deklarata e Sinanit u prit me entuziazëm dhe habi nga të pranishmit, ndërsa kamera u fokusua menjëherë te Megi Pojani, e cila, pa hezitim, e konfirmoi lajmin me një përgjigje të shkurtër, por domethënëse:

Kujtojme se Megi Pojani dhe futbollisti Endri Çekiçi janë bashkë prej disa vitesh edhe pse asnjëri prej tyre nuk ka pranuar asgjë publikisht, fotot dhe videot në vendet e njëjta e kanë vërtetuar romancën e tyre.

The post Megi Pojani do të martohet këtë verë! Këngëtari i zbulon sekretin appeared first on Albeu.com.

Sulmuesi i Vllaznisë, Lirim Kastrati e ka nisur vitin 2026 në mënyrën më të ëmbël të mundshme. Kjo pasi futbollisti i cili luan për ekipin e Shkodrës, surprizoi ndjekësit me foton e postuar në rrjetin e tij social “Instagram”.

Në foton e hedhur futbollisti ka në krah partneren e tij Sara Hajrullahu, duke treguar disa nga momentet e bukura të celebrimit të tyre. Dyshja mjaft simpatike duken shumë të lumtur krahë njëri tjetrit ku Lirimi ishte i veshur me një kostum mjaft elegant dhe Sara e cila ishte e veshur me të bardha dhe ka një buqetë shumë të bukur me trëndafila të kuq.

Ndërsa sulmuesi e ka shoqëruar postimin dhe me shkrimin: Zoti dhe Zonjusha Kastrati!

The post Janar i “ëmbël”, sulmuesi i Vllaznisë e nis vitin me celebrimin e dashurisë appeared first on Albeu.com.

Presidenti i Kinës Xi Jinping do të presë Presidentin e Koresë së Jugut Lee Jae Myung në një vizitë shtetërore që fillon të dielën, ndërsa Pekini kërkon të forcojë lidhjet me Seulin mes tensioneve në rritje me Japoninë për shkak të Tajvanit.

Marrëdhëniet midis Kinës dhe Japonisë arritën në pikën më të ulët në vite, pasi kryeministri japonez Sanae Takaichi sugjeroi në nëntor se Tokio mund të ndërmerrte veprime ushtarake nëse Pekini sulmonte Tajvanin.

Vizita e Lee do të shënojë takimin e tij të dytë me Xi në vetëm dy muaj, një interval jashtëzakonisht i shkurtër që, thonë analistët, sinjalizon interesin e madh të Kinës për të nxitur bashkëpunimin ekonomik dhe turizmin.

Koha e ftesës për një vizitë shtetërore e para e Lee-së në Kinë që nga marrja e detyrës në qershor është gjithashtu një veprim i llogaritur për të thelluar marrëdhëniet dypalëshe, veçanërisht përpara se udhëheqësi i Koresë së Jugut të vizitojë Japoninë, thonë ata.

“Kina dëshiron ta theksojë rëndësinë e Koresë së Jugut pak më shumë se më parë. Duket se Kina ka vendosur strategjikisht se do të ishte më mirë që (Lee) të vizitonte Kinën përpara se Koreja e Jugut të mbajë përsëri një samit me Japoninë”, tha Kang Jun-young, profesor i ekonomisë politike në Universitetin e Studimeve të Jashtme Hankuk.

The post Tensionet rreth Tajvanit në Azi/ Xi pret presidentin e Koresë së Jugut në Pekin, ja çfarë kërkon Kina appeared first on Albeu.com.

Ushtria ukrainase tha më 2 janar se godet vetëm “caqe ushtarake”, një ditë pasi Rusia e akuzoi Kievin se ka sulmuar me dronë një hotel dhe një kafene në jugun e pushtuar të Ukrainës, duke vrarë 27 persona.

Autoritetet e instaluara nga Rusia në rajonin e Hersonit, në jug të Ukrainës, thanë se të vrarët ishin duke festuar Vitin e Ri, ndërkaq në mesin e viktimave ishin edhe dy fëmijë, duke e përshkruar incidentin si “akt terrorist”.

Hoteli, që Moska thotë se ishte cak i sulmit, gjendet në Horli, një qytezë në Detin e Zi të cilën ushtria ruse e ka pushtuar që në fillim të vitit 2022.

Guvernatori rajonal, i instaluar nga Rusia, Vladimir Saldo, publikoi fotograi të enjten që dukej se tregonin brendësinë e djegur të një ndërtese, si dhe trupa të djegur.

Në komentet e tij për AFP, zëdhënësi i ushtrisë ukrainase, Dmytro Lykhoviy, akuzoi Rusinë se përdor vazhdimisht “dezinormata dhe deklarata të rreme”.

“Forcat e mbrojtjes të Ukrainës respektojnë normat e së drejtës humanitare ndërkombëtare dhe godasin ekskluzivisht objektivat ushtarake të armikut”, tha ai.

Më herët gjatë së premtes, shërbimi ukrainas i inteligjencës tha se Rusia po tenton të orkestrojë “një provokim në shkallë të gjerë me humbje njerëzore”, pa ofruar ndonjë dëshmi për këtë pretendim.

Akuzat vijnë në një moment të rëndësishëm të konfliktit gati katërvjeçar, më i përgjakshmi në Evropë që nga Lufta e Dytë Borërore.

Presidenti ukrainas, Volodymyr Zelensky, tha një fjalimin e tij për Vitin e ri se një marrëveshje paqeje, e ndërmjetësuar nga Shtetet e Bashkuara, ishte “90 për qind” gati, megjithatë çështjet territoriale mbeten të pazgjidhura.

Rusia nisi pushtimin e Ukrainës më 2022. Që atëherë, Moska ka zaptuar pjesë të mëdha të Ukrainës lindore dhe jugore, teksa sulmon qytetet dhe fshatrat ukrainas çdo ditë me dronë dhe raketa, duke shkaktuar edhe vdekje të civilëve./ REL

The post Ukraina mohon shënjestrimin e civilëve, pasi Moska e akuzon se ka sulmuar një hotel appeared first on Albeu.com.

Viti 2026 i rezervon Shqipërisë mundësinë e artë për të marrë pjesë në Kupën e Botës, nëpërmjet play-off në mars, ku mundet të merret një biletë për në këtë aktivitet. Por nëse pjesa e parë e vitit i kushtohet tërësisht Botërorit, në pjesën e dytë të 2026, vëmendja do të jetë te ndeshjet e Ligës së Kombeve, me një ndryshim radikal të vendosur nga UEFA.

Kalendari ndërkombëtar për vitin 2026, parashikon që në pjesën e dytë të vitit, kur të luhet Liga e Kombeve, do të ketë për herë të parë një “dritare të gjatë” të ndeshjeve ndërkombëtare. Kjo do të thotë që ndeshjet ndërkombëtare të shtatorit dhe të tetorit do të bashkohen.

Sipas asaj që ka parashikuar UEFA, ekipet kombëtare do të luajnë 4 ndeshje në periudhën 24 shtator – 6 tetor, si dhe 2 ndeshjet e tjera në periudhën 12-17 nëntor të këtij viti.

Kjo është hera e parë kur aplikohet një dritare e përbashkët për shtatorin dhe tetorin nga UEFA, e cila e kishte parashikuar fillimisht një gjë të tillë vetëm për vitin 2027 pas kërkesave të klubeve evropiane që protestonin për vajtje-ardhjet e futbollistëve në pjesën e parë të edicionit.

Shqipëria në këtë edicion të Ligës së Kombeve merr pjesë në Ligën C dhe do të ketë si objektiv vetëm fitimin e grupit, pasi kësisoj mund të sigurojë të paktën pjesëmarrjen në play-off për EURO 2028.

The post Ngjeshet kalendari i 2026-s, UEFA aplikon një format të ri, ja kur do të luajë Shqipëria! appeared first on Albeu.com.

Në shtëpinë e Big Brother VIP Albania, debatet nuk kanë të ndalur dita ditës.

Një përplasje e fortë ka ndodhur mes banorëve Seno dhe Kristi, duke krijuar një situatë të tensionuar brenda shtëpisë.

Ngjarja ka nisur kur Kristi ka lagur krevatin e Senos me ujë, gjest që ka nxitur reagimin e tij.

Seno ka reaguar duke e shtyrë Kristin, e cila e ka përshkallëzuar edhe më tej tensionin mes tyre.

The post Tensione të forta në BBVA, Kristi lag krevatin e Senos appeared first on Albeu.com.

Teksa vendi është përfshirë nga moti i keq, Instituti i Gjeoshkencave, Energjisë, Ujit dhe Mjedisit (IGJEO) ka ka paralajmëruar qytetarët për reshje intensive dhe situatë të vështirë në disa zona të vendit.

IGJEO bën me dije se sot pasdite (e premte, 2 janar) dhe nesër (e shtunë, 3 janar) priten reshje me intensitet të lartë, kryesisht në veri dhe qendër të vendit. Në qarqet Shkodër dhe Kukës mund të ketë vërshime të shpejta të lumenjve të vegjël malorë dhe rrëshqitje dherash. Në zonat urbane të këtyre qarqeve mund të shfaqen gjithashtu probleme me përmbytje të lokalizuara, në varësi të gjendjes së kanalizimeve.

Parashikimi i IGJEO për periudhën 3–7 janar 2026 tregon se reshjet intensive, kryesisht në veri dhe jug të vendit, do të shkaktojnë rritje të rrezikshme të prurjeve dhe niveleve në lumenjtë Drin-Buna, Liqeni Shkodrës, lumi Mat, Shkumbin dhe Vjosë.

Ndërsa në njoftim theksohet se priten reshje intensive deri shumë intensive në Shkodër dhe Kukës, ndërsa në qarqet Lezhë, Dibër, Durrës, Tiranë dhe Elbasan priten reshje mesatare deri lokalisht intensive, shoqëruar me shtrëngata. Në qarqet e tjera reshjet do të jenë të dobëta deri mesatare. Në zonat malore dhe Alpe priten reshje dëbore.

The post Moti i keq “paralizon” Shqipërinë, IGJEO del me njoftimin e rëndësishëm: Ja ku pritet të ketë përmbytje dhe reshje të dendura shiu appeared first on Albeu.com.

Aksi kombëtar Përrenjas–Elbasan, vijon të jetë i bllokuar prej orësh, duke lënë mijëra qytetarë të izoluar në automjete.

Qarkullimi është thuajse i paralizuar në disa segmente, ndërsa temperaturat nën zero po e vështirësojnë edhe më tej situatën.

Sipas informacioneve nga terreni, radhët e automjeteve shtrihen nga ura e Bushtricës deri në zonën e Labinotit, duke krijuar trafik të rënduar dhe lëvizje të pamundur në këtë aks të rëndësishëm kombëtar.

Drejtuesit e mjeteve raportojnë pritje të gjata pa asnjë mundësi lëvizjeje, ndërsa shqetësimi rritet për sigurinë dhe kushtet e qëndrimit në automjete, veçanërisht për fëmijët dhe të moshuarit.

Deri më tani, nuk ka një njoftim zyrtar nga autoritetet për shkaqet e bllokimit apo masat që po merren për normalizimin e qarkullimit, ndërsa situata mbetet problematike dhe pa zgjidhje të menjëhershme.

The post Vijon të jetë i bllokuar aksi Prrenjas-Elbasan, paralizohet qarkullimi (VIDEO) appeared first on Albeu.com.

Që prej mëngjesit të sotëm dhe deri më tani, një varg automjetesh ka mbetur i bllokuar në Qafë Thore, në zonën e Thethit, për shkak të reshjeve të dendura të dëborës.

Sipas drejtuesve të mjeteve, mjetet borëpastruese nuk kanë qenë në terren që nga mesdita, duke e bërë të pamundur lëvizjen dhe pastrimin e rrugës.

Shoferët raportojnë se u është kërkuar pagesë për ndërhyrje dhe pastrim, ndërsa ata vazhdojnë të mbeten të bllokuar në kushte të vështira, pa mundësi për të ecur.

Situata ka shkaktuar shqetësim të madh për udhëtarët dhe komunitetin lokal, ndërsa shumë prej tyre kërkojnë ndërhyrje urgjente nga autoritetet, për të garantuar qarkullim të sigurt dhe për të shmangur incidente.

The post Reshjet e dendura të dëborës bllokojnë rrugën e Thethit/ Drejtuesit e mjeteve ankohen për mungesën e borëpastrueseve (VIDEO+FOTO) appeared first on Albeu.com.

Anëtarja e BE-së, Bullgaria, shënoi hyrjen e saj në zonën euro të enjten me një shfaqje monedhash euro në fasadën e bankës qendrore në Sofje dhe fishekzjarre, për të festuar një moment të shumëpritur.

Që nga mesnata, euro u bë monedha e vendit dhe levi u zhduk nga historia.

Hyrja e Bullgarisë në zonën euro, do ta çojë numrin e evropianëve që përdorin monedhën në më shumë se 350 milionë.

Vendi i fundit që iu bashkua grupit të monedhës së vetme ishte Kroacia në janar 2023.

“Paratë tona do të jenë në një monedhë tjetër – nëse kam 10,000 leva, tani do të kem 5,100 euro. Është njësoj. Dhe mendoj se do të jetë më mirë”, tha Stefan Bisterkov, një instruktor drejtimi për Reuters.

Përveç ndryshimit të monedhës, bërja anëtare e 21-të e eurozonës do të thotë që Bullgaria merr një vend në Këshillin Drejtues të Bankës Qendrore Evropiane që përcakton normat e interesit.

Qeveritë e njëpasnjëshme bullgare janë përpjekur ta bëjnë këtë hap që kur vendi ballkanik me 6.7 milionë banorë iu bashkua BE-së në vitin 2007.

Sondazhet e opinionit tregojnë se bullgarët janë të ndarë për këtë çështje, megjithëse bizneset janë kryesisht në favor.

“Pritjet e mia nga adoptimi i euros janë pozitive, nuk mendoj se do të ketë ndonjë gjë për t’u shqetësuar, përkundrazi. Ne vetëm do të përfitojmë nga kjo dhe do të jetë vetëm më e dobishme për ne”, tha Antonia Tsvetkova, një argjendare.

“Kushdo që shkon në një udhëtim nuk do të ketë probleme me shkëmbimin e valutave, tani gjithçka do të jetë normale”.

Disa bullgarë shqetësohen se përdorimi i euros do të rrisë çmimet, ose janë dyshues ndaj një sistemi politik vendas që është në krizë.

Qeveria dha dorëheqjen muajin e kaluar mes protestave të përhapura kundër rritjes së propozuar të taksave.

The post Bullgaria hyn në eurozonë, monedha lev zhduket nga qarkullimi appeared first on Albeu.com.

Ditën e sotme, faqja zyrtare e “Big Brother VIP”, publikoi një video të re nga Dhoma e Rrëfimit, ku Kristi flet për banorin e ri, Kejsin.

Një ditë më parë, tensioni mes tyre kishte arritur kulmin, kur Kristi i kishte derdhur birrë Kejsit në kokë gjatë një debati.

Në Dhomën e Rrëfimit, Kristi shprehet se nuk mund të përballojë nivelin e ish-konkurrentit të “Për’puthen”, i cili sipas tij e provokon në mënyrë që nuk e suporton dot.

“Më fërkon ti mua, po pastaj filloj derdhem unë”, – shprehet këngëtari, duke kujtuar incidentin me birrën.

The post Tension në “Big Brother VIP”/ Kristi paralajmëron Kejsin: Birra mund të rikthehet… appeared first on Albeu.com.

Një lajm i bujshëm është duke qarkulluar së fundmi në mediat turke. Bëhet fjalë për të ardhmen e sulmuesit të Kombëtares, Rei Manaj.

Sipas medias turke “yenisafak.com”, lushnjari ka dërguar sinjale te Sivaspori përmes menaxherit të tij.

Është bërë e ditur se sulmuesi me përvojë dëshiron të veshë sërish fanellën kuq e bardhë, që luan në Ligën e Parë të Turqisë dhe është larg promovimit në Superligë.

Manaj kishte firmosur një kontratë 2-vjeçare me Sharjah FC.

Me skuadrën e Emirateve të Bashkuara Arabe, ish-lojtari i Interit dhe Barcelonës ka zhvilluar 16 ndeshje, duke dhënë kontribut me 6 gola.

Vlen të theksohet fakti se për transferimin e sulmuesit shqiptar, Sharjah pagoi 2 milionë euro.

The post E bujshme nga Turqia! Rei Manaj drejt largimit nga Sharjah, mund të rikthehet te… appeared first on Albeu.com.

Një ngjarje e rëndë tronditi mesditën e sotme Orikumin në Vlorë, ku ka lënë të shokuar edhe fqinjët e çiftit Xhebroj, të cilët shprehen se nuk e prisnin një fund të tillë tragjik.

Në një prononcim për A2 CNN, një prej fqinjëve tregon se çifti njihej si njerëz punëtorë dhe të qetë.

“Ishin njerëz të mirë, në punën e tyre. Njerëz punëtorë. Jemi të habitur nga ngjarja. Na ra si bombë. Kishin biznesin e tyre, një lokal ku punonin bashkë burrë e grua. Kishin dy djem”, shprehet fqinji.

Sipas informacioneve të siguruara nga A2 CNN, çifti kishte pasur probleme të vazhdueshme në marrëdhënie dhe më herët kishte qenë drejt divorcit, ndërsa dyshohet se gruaja kishte qenë edhe më parë subjekt i dhunës në familje.

The post Krimi i rëndë në Vlorë/ Flasin fqinjët e çiftit të bashkëshortëve që u gjetën të vdekur: Na ra si bombë… appeared first on Albeu.com.