Një rast i dhunës në familje është raportuar më 01.02.2026 në fshatin Balloc të Komunës së Podujevës.

Sipas informatave, rreth orës 13:15 Stacioni Policor në Podujevë ka pranuar njoftim për incidentin. Viktima, I.P., është dërguar fillimisht për tretman mjekësor në urgjencën e qytetit, ndërsa më pas është transferuar në QKUK në Prishtinë për trajtim të mëtejmë mjekësor.

I dyshuari, N.P., është shoqëruar në stacion policor ku është intervistuar në prani të avokatit mbrojtës. Gjatë deklarimit, ai ka pranuar se ka ushtruar dhunë fizike ndaj bashkëshortes, duke pretenduar se veprimi ka ndodhur pasi, sipas tij, ishte sulmuar fillimisht nga viktima.

Në cilësinë e dëshmitarëve janë intervistuar edhe dy djemtë e çiftit. Për shkak të gjendjes shëndetësore dhe trajtimit mjekësor që po vazhdon, viktima nuk ka qenë në gjendje të japë deklaratë në këtë fazë.

Me urdhër të Prokurorit kujdestar, ndaj të dyshuarit është iniciuar rasti për “Dhunë në familje” dhe i njëjti është ndaluar për 48 orë, ndërsa hetimet po vazhdojnë.

Sinjali – aty ku e vërteta flet para lajmit!

/GazetaSinjali/

The post Dhunë në familje në Podujevë – i dyshuari pranon ushtrimin e dhunës, ndalohet për 48 orë appeared first on Sinjali.

Një rast i rëndë i tentim vrasjes është regjistruar në Mitrovicë, ku një person dyshohet se ka përdorur armë zjarri duke plagosur një tjetër.

Siç mëson Gazeta Sinjali, i dyshuari është Çerkin Kurti (56- vjeçar), i cili dyshohet se ka shtënë me armë zjarri ndaj viktimës Florent Haliti (56- vjeçar), duke e plagosur në këmbën e majtë.

Ngjarja ka ndodhur më 1 shkurt 2026, rreth orës 13:30, në rrugën “Ilaz Kodra”, në lagjen Vaganicë të Mitrovicës. Viktima është dërguar për trajtim mjekësor fillimisht në Spitalin Rajonal të Mitrovicës dhe më pas në QKUK, ku sipas mjekëve gjendja e tij është stabile.

Policia ka arrestuar të dyshuarin në shtëpinë e tij, ndërsa në vendin e ngjarjes kanë dalë njësitë e hetimeve dhe krim-teknika, duke sekuestruar prova materiale dhe intervistuar dëshmitarë.

Me vendim të Prokurorit të Shtetit, rasti fillimisht është iniciuar si “Vrasje në tentativë”, por pas hetimeve është rikualifikuar në veprat penale “Lëndim trupor” dhe “Përdorim i armës apo mjetit të rrezikshëm”. I dyshuari është ndaluar për 48 orë.

Hetimet për zbardhjen e plotë të rrethanave të rastit janë në vazhdim.

Shënim: Personat e apostrofuar në këtë artikull prezumohen të pafajshëm derisa fajësia e tyre të mos provohet me vendim të formës së prerë nga gjykata.

Sinjali – aty ku e vërteta flet para lajmit!

/GazetaSinjali/

The post Ekskluzive|Tentim vrasja në Mitrovicë: Ky është 55-vjeçari që dyshohet se qëlloi me armë dhe plagosi një person appeared first on Sinjali.

Liverpooli ka arritur një marrëveshje për transferimin e mbrojtësit të talentuar të Francës U21, Jeremy Jacquet, nga Rennes, sipas gazetarit të njohur Fabrizio Romano.

Për transferimin pritet të realizohet në qershor të vitit 2026, me një tarifë prej 60 milionë euro dhe mundësinë e bonusëve prej 10 milionë euro.

Jacquet, i cili ka rënë dakord për kushtet personale me klubin anglez, konsiderohet si një nga mbrojtësit më premtues në futbollin global. Negociatat mes Liverpoolit dhe Rennes kanë avancuar shumë që nga fillimi i këtij muaji, me klubin nga Merseyside që ka mposhtur Chelsean në konkurrencën për nënshkrimin e tij.

Nëse transferimi realizohet menjëherë, marrëveshja mund të përfshijë një huazim te Rennes deri në përfundim të sezonit.

Sinjali – aty ku e vërteta flet para lajmit!

/GazetaSinjali/

The post Liverpooli siguron marrëveshje për Jeremy Jacquet nga Rennes, transferimi pritet në 2026 appeared first on Sinjali.

Një kontroll rutinë në komunikacion ka përfunduar me procedim penal për një 24-vjeçar në Prizren, pasi policia e ka kapur duke drejtuar veturën pa patentë shofer dhe me substancë narkotike në posedim.

Ngjarja ka ndodhur më 1 shkurt 2026, rreth orës 21:30, në rrugën “Ismail Kryeziu”, ku patrulla e Trafikut Rajonal Prizren ka ndaluar për kontroll veturën Passat që drejtohej nga Arjan Shatri rreth 25 vjeç. Gjatë verifikimit, policia ka konstatuar se i njëjti nuk posedonte patentë shofer, me ç’rast është shoqëruar në stacion policor për procedim të mëtejmë.

Në ambientet e stacionit, gjatë kontrollit trupor, te i dyshuari është gjetur dhe sekuestruar substancë e dyshuar narkotike e llojit marihuanë me peshë rreth 5 gramë, dy grinder dhe një pako rizlla. Për rastin janë njoftuar hetuesit e Drejtorisë për Hetimin e Trafikut të Narkotikëve (DHTN).

Me urdhër të Prokurorit kujdestar për krime të përgjithshme, rasti është iniciuar për veprën penale “Posedim i paautorizuar i narkotikëve, substancave psikotrope ose analoge”, ndërsa pas intervistimit i dyshuari është liruar në procedurë të rregullt hetimore. Hetimet po vazhdojnë nga DHTN – Njësia në Prizren.

Shënim: Personat e apostrofuar në këtë artikull prezumohen të pafajshëm derisa fajësia e tyre të mos provohet me vendim të formës së prerë nga gjykata.

Sinjali – aty ku e vërteta flet para lajmit!

/GazetaSinjali/

The post Ekskluzive | Kapet pa patentë dhe me drogë në Prizren – policia gjen marihuanë në xhepat e 24-vjeçarit appeared first on Sinjali.

Një incident i rëndë ka ndodhur mbrëmjen e së dielës në Fushë Kosovë, ku dy të mitur janë sulmuar, njëri prej tyre duke u therur me thikë dhe duke përfunduar në gjendje të rëndë shëndetësore.

Ngjarja ka ndodhur më 1 shkurt 2026, rreth orës 20:15, në rrugën “Pajazit Islami”. Fillimisht, Policia ka pranuar informatën se një person ishte therur në rrugën “Nënë Tereza”, por pas verifikimeve është konfirmuar se rasti ka ndodhur në adresën e lartcekur.

Burimet e Sinjalit bëjnë të ditur se viktima kryesore është i mituri A.S., i lindur në vitin 2010, i cili është therur me thikë dhe është dërguar me urgjencë në QKUK. Për shkak të gjendjes së rëndë, ai është nënshtruar intervenimit kirurgjik. Sipas mjekëve kujdestarë, pas operimit gjendja e tij është stabilizuar dhe aktualisht po trajtohet në repartin në QKUK, nën sigurimin e Policisë.

Në këtë rast është lënduar edhe një tjetër i mitur, D.M., i lindur në vitin 2009, i cili është goditur me grushte, por fatmirësisht nuk ka pasur nevojë për tretman mjekësor.

Në vendin e ngjarjes kanë dalë njësitë relevante policore, Njësia e Hetimeve dhe NJHP. Sipas informatave nga burimet, katër persona të dyshuar janë larguar nga vendi i ngjarjes dhe aktualisht ndodhen në arrati, ndërsa identiteti i tyre ende nuk është konfirmuar.

Theret me thikë një person në Fushë Kosovë

Me urdhër të Prokurorit kujdestar, rasti është iniciuar si “Lëndim i rëndë trupor”, ndërsa hetimet për identifikimin dhe arrestimin e të dyshuarve janë në zhvillim e sipër.

Sinjali do t’ju mbajë të informuar me detaje të reja lidhur me këtë rast.

Sinjali – aty ku e vërteta flet para lajmit!

/GazetaSinjali/

The post Therje me thikë në Fushë Kosovë: i mituri përfundon në sallë operimi, katër të dyshuar në arrati appeared first on Sinjali.

Një ngjarje e rëndë ka ndodhur pasditen e djeshme në fshatin Dejn të Rahovecit, ku një 34-vjeçar ka humbur jetën në rrethana tragjike, teksa ishte duke punuar në oborrin e shtëpisë së tij.

Burime të sigurta bëjnë të ditur se dje, më 1 shkurt 2026, rreth orës 15:30, familjarët kanë dërguar pa shenja jete në Emergjencën e Spitalit Rajonal “Isa Grezda” në Gjakovë viktimën Nevruz Krasniqi, rreth 35 vjeç.

Sipas informatave fillestare, viktima ishte duke prerë një lis të gjatë në oborrin e shtëpisë së tij, kur gjatë punës ka pësuar lëndime të rënda trupore. Familjarët e tij, e kanë transportuar menjëherë drejt spitalit, mirëpo mjeku kujdestar ka konstatuar se i njëjti kishte mbërritur pa shenja jete.

Në vendin e ngjarjes kanë dalë të gjitha njësitë relevante të Policisë së Kosovës, përfshirë hetuesinë dhe forenzikën nga Stacioni Policor në Rahovec, si dhe hetimet rajonale në Gjakovë.

Lidhur me rastin është njoftuar Prokurori kujdestar nga Departamenti i Krimeve të Rënda, i cili ka urdhëruar që rasti të iniciohet si “Hetim i vdekjes”.

Rreth orës 18:20, në Spitalin Rajonal të Gjakovës kanë mbërritur zyrtarët e Institutit të Mjekësisë Ligjore, të cilët kanë marrë trupin e pajetë të viktimës dhe e kanë dërguar në IML në Prishtinë për obduksion, me qëllim të përcaktimit të saktë të shkakut të vdekjes.

Hetimet lidhur me këtë rast tragjik janë në vazhdim.

Sinjali – aty ku e vërteta flet para lajmit!

/GazetaSinjali/

The post Tragjedi në Rahovec: 34-vjeçari vdes pasi pëson lëndime fatale gjatë prerjes së lisit në oborrin e shtëpisë appeared first on Sinjali.

Rreth 600 deve të egra janë asgjësuar këtë javë në Australinë qendrore për të parandaluar “kaosin” që këto kafshë të etura shkaktojnë në komunitetet e largëta, pas një periudhe të gjatë thatësire.

Sipas SBS News, thatësira, e cila është përkeqësuar nga temperatura ekstremisht të larta, ka shtyrë tufat e mëdha të deveve të hyjnë në komunitetet indigjene, duke shkaktuar dëme në tubacionet e ujit dhe gardhet që ndodhen në rrugët e tyre, ndërsa ato kërkojnë burime uji.

Banorët kanë raportuar për grupe të mëdha deve që lëvizin së bashku, nga 800 deri në 1 mijë individë, të njohura si “treni devesh”, të cilat mund të shtrihen deri në një gjatësi prej rreth 5 kilometrash në zonat afër Mt. Liebig dhe Papunya.

Për të menaxhuar këtë situatë, një task-forcë e përbashkët, e krijuar nga qeveria e Territorit Verior, Këshilli Rajonal MacDonnell dhe Këshilli Qendror i Tokës (CLC), ka miratuar një operacion treditor asgjësimi nga ajri, që ka nisur këtë javë. Sipas CLC-së, çdo ditë po vriten rreth 150 deve.

Devet e egra u sollën për herë të parë në Australi në vitin 1840 dhe deri në vitin 2008, numri i tyre arrinte në rreth 1 milion, duke u shpërndarë në territoret e thata të Australisë Perëndimore, Territorit Verior, Australisë Jugore dhe Queenslandit.

Një raport federal për Gjendjen e Mjedisit ka treguar se Projekti Australian për Menaxhimin e Deveve të Egra, gjatë periudhës 2008–2013, largoi më shumë se 160 mijë deve.

Sinjali – aty ku e vërteta flet para lajmit!

/GazetaSinjali/

The post Asgjësohen 600 deve në Australi për të parandaluar kaosin pas thatësirës appeared first on Sinjali.

Qendra Kombëtare për Menaxhim Kufitar ka njoftuar se gjendja e rrugëve që çojnë drejt pikave të kalimit kufitar është kryesisht e mirë dhe e kalueshme.

Sipas të dhënave të fundit, në shumicën e rrugëve nuk ka prani të borës, akullit, mjegullës apo rrëshqitjeve të dheut. Aksesi në rrugët Mitrovicë–Bërnjak, Gjakovë–Qafë Morinë, Gjakovë–Qafë Prushit, Gjilan–Dheu i Bardhë, Kaçanik–Hani i Elezit, Podujevë–Merdarë dhe Prizren–Vërmicë është i kalueshëm pa pengesa.

Megjithatë, janë raportuar disa segmentë ku ka prani borë dhe akulli. Në rrugën Pejë–Kullë ka mjegull dhe borë, ndërsa në aksin Prishtinë–Mutivodë janë vërejtur borë dhe akull, duke kërkuar kujdes të shtuar nga drejtuesit e automjeteve.

Policia e Kosovës apelon për kujdes të shtuar për shkak të kushteve atmosferike dhe reshjeve të borës, të cilat kanë vështirësuar qarkullimin në disa akse rrugore. Trafiku është bërë më i vështirë për shkak të borës, ngricave dhe dukshmërisë së ulët në disa rrugë, sidomos ato nacionale dhe rajonale.

Autoritetet u bëjnë thirrje drejtuesve të automjeteve të përshtatin shpejtësinë me kushtet e rrugës, të mbajnë distancë të sigurt nga automjetet përpara, të përdorin dritat kur dukshmëria është e dobët dhe të shmangin manovrat e rrezikshme, si parakalimet e panevojshme dhe frenimet e papritura.

Sinjali – aty ku e vërteta flet para lajmit!

/GazetaSinjali/

The post Gjendja e rrugëve drejt pikave kufitare e mirë dhe e kalueshme appeared first on Sinjali.

Një tentativë për vjedhje të rëndë është parandaluar në orët e para të mëngjesit në Kaçanik, ku Policia ka arrestuar pesë persona të dyshuar, të cilët dyshohet se vepronin të organizuar.

Ngjarja ka ndodhur më 01 shkurt 2026, rreth orës 01:40, në rrugën “Ismail Raka” në Kaçanik, ku Policia ka pranuar informatë se dy persona po tentonin të thyenin një dritare të artarísë “Fera”.

Sipas burimeve policore, udhëheqësi i ndërrimit së bashku me patrullën kanë dalë menjëherë në vendin e ngjarjes, ku kanë hasur dy shtetas të Serbisë, të cilët janë kapur në flagrancë, teksa po kryenin veprën penale. Të njëjtit janë arrestuar në vend.

Ndërkohë, rreth të njëjtës kohë, një patrullë tjetër policore ka ndaluar një veturë me targa vendore, në të cilën ndodheshin tre persona nga Podujeva, të cilët dyshohet se ishin pjesë e të njëjtit grup. Edhe këta janë shoqëruar në Stacion Policor për verifikim.

Në vendin e ngjarjes kanë dalë njësitet e hetimeve, të cilët kanë kryer këqyrjen dhe kanë sekuestruar mjete të shumta, përfshirë:

            •           një shufër metalike (hebell),

            •           një palë dana,

            •           pesë çelësa të ndryshëm,

            •           tre kaçavida,

            •           një mjet të mprehtë (skallper),

            •           doreza pune.

Gjatë kontrollit trupor ndaj dy shtetasve të Serbisë, policia ka gjetur çelësat e një veture VW Caddy me targa vendore, e cila ndodhej në afërsi të vendngjarjes.

Të dyshuarit janë identifikuar si:

            •           Millosh Milkoviq rreth 36 vjeç

            •           Darko Taskoviq rreth 35 vjeç

            •           Lulzim Murtezi rreth 48 vjeç

            •           Blerim Haliti rreth 42 vjeç

            •           Rinor Fazliu rreth 28 vjeç

Dy shtetasit e Serbisë janë intervistuar në prani të avokatit dhe përkthyesit, ku kanë pranuar se ishin duke tentuar të thyenin artarinë. Ndërsa tre të dyshuarit e tjerë janë intervistuar në prani të avokatëve mbrojtës, ku njëri prej tyre është mbrojtur në heshtje.

Lidhur me rastin është njoftuar Prokurori kujdestar i PTH Ferizaj, Departamenti i Përgjithshëm, i cili ka marrë vendim që të pesë të dyshuarit të dërgohen në mbajtje për 48 orë.

Rasti po trajtohet si “Vjedhje e rëndë në tentativë”, ndërsa hetimet janë në vazhdim.

Shënim: Personat e apostrofuar në këtë artikull prezumohen të pafajshëm derisa fajësia e tyre të mos provohet me vendim të formës së prerë nga gjykata.

Sinjali – aty ku e vërteta flet para lajmit!

/GazetaSinjali/

The post Ekskluzive | Tentuan të thyejnë artarinë në Kaçanik – këta janë 5 të arrestuarit për vjedhje të rëndë appeared first on Sinjali.

Një lajm befasues ka ardhur nga Arabia Saudite, ku Cristiano Ronaldo ka marrë një vendim të papritur.

Portugezi ka vendosur të mos luajë për Al Nassr në derbin e nesërm kundër Al-Riyadh, një ndeshje e rëndësishme mes dy rivalëve të qytetit.

Ronaldo ka informuar drejtuesit e klubit se nuk do të marrë pjesë në takimin e ardhshëm.

Sipas gazetës portugeze “A Bola”, CR7 është i pakënaqur me mënyrën si po menaxhohet Al Nassr.

Pakënaqësia e tij drejtohet drejtpërdrejti ndaj Fondit të Investimeve Publike të Arabisë Saudite. Sipas A Bola, Ronaldo është i zhgënjyer me mënyrën se si PIF e trajton Al Nassr në lidhje me rivalët e tjerë në ligë.

Sigurisht, PIF menaxhon klubet e tjera nga fondi, por sipas Ronaldos, ato janë në një pozicion më të mirë se klubi për të cilin ai luan.

Edhe Fabrizio Romano konfirmoi se Cristiano Ronaldo nuk do të luajë në ndeshjen e nesërme.

Përveç kësaj, Romano deklaroi qartë se mungesa e tij nuk kishte të bënte fare me ndonjë dëmtim, por nuk donte të jepte më shumë detaje.

Është e qartë se të gjithë janë të shokuar nga vendimi i Ronaldos, por mbetet të shihet se cili do të jetë reagimi i Al Nassr.

Cristiano Ronaldo will not feature in tomorrow’s match between Al Nassr and Al Riyadh.

His absence is not related to any physical issue nor to workload or fitness management. pic.twitter.com/k5TvpMquBR

— Fabrizio Romano (@FabrizioRomano) February 1, 2026

Disa ditë më parë, Karim Benzema bëri një gjë të ngjashme dhe refuzoi të luante për Al Ittihad, transmeton Sinjali.

Ai ishte i pakënaqur me ofertën për të vazhduar bashkëpunimin dhe vendosi të hynte në grevë.

Sinjali – aty ku e vërteta flet para lajmit!

/GazetaSinjali/

The post Cristiano Ronaldo trondit Arabinë Saudite, refuzon të luajë për Al Nassr në derbin e madh appeared first on Sinjali.

Dashi

Asnjë planet nuk do ndikoje sot ne jetën tuaj sentimentale kështu qe gjithçka do shkoje si e kishit ëndërruar. Lëreni pas krahë edhe ato qe keni kaluar. Beqaret do i marrin gjerat me seriozisht dhe ne çdo moment do e kërkojnë princin e tyre te kaltër. Financat do mbeten te qëndrueshme gjate gjithë kohës. Asgjë dhe askush nuk do mund t’i trazoje ato.

Demi

Venusi do ndikoje pozitivisht gjate kësaj dite ne jetën tuaj sentimentale. Me ne fund do pajtoheni me personin qe keni ne krah dhe do e shihni me pozitivizëm te ardhmen. Beqaret do kenë disa takime, por ne asnjë moment nuk do mendojnë te krijojnë menjëherë një lidhje. Ne planin financiar tregohuni gjithë kohës te vëmendshëm sepse përndryshe do keni vështirësi.

Binjaket

Dite e mbushur me çaste te lumtura kjo e sotmja për te dashuruarit. Si kurrë me pare do flisni hapur edhe për disa tema delikate. Beqaret do luajnë me zjarrin dhe ka rrezik te digjen rende. Gjerat e nxituara asnjëherë nuk dalin për mire. Sektori i financave do jete i animuar. Nuk priten aspak probleme dhe vështirësi te mëdha, megjithatë maturia duhet te mbizotërojë.

Gaforrja

Ka rrezik qe gjate kësaj dite te ketë mjaft konflikte ne jetën tuaj sentimentale. Marrëdhënia me partnerin do jete delikate. Beqaret do ndihen gati për te filluar një histori dashurie dhe do i shohin me kujdes te gjitha mundësitë qe do iu jepen. Edhe gjendja e te ardhurave do përmirësohet ndjeshëm kështu qe do jeni me te qete kur te kryeni ndonjë shpenzim.

Luani

Do tregoheni shume te matur gjate kësaj dite dhe nuk do lejoni te krijohet asnjë lloj problemi me personin qe keni ne krah. Beqaret do jene nervoze dhe nuk do mund te fillojnë dot një lidhje serioze. Duhet te presin edhe pak kohe për te ndryshuar status. Ne planin financiar duhet te merrni masa strikte ne mënyrë qe gjendja mos përkeqësohet me tepër.

Virgjeresha

Ata qe janë ne një lidhje nuk do ndihen te qete gjate kësaj dite. Te shumte do jene personat qe do ju thonë histori nga me te ndryshmet ne mënyrë qe t’iu ngrenë dyshimet mbi partnerin. Mos ua bëni qejfin. Për beqaret ka shume mundësi qe një miqësi te përfundojnë ne diçka me shume. Ne lanin financiar duhet te ndërmerrni disa rreziqe qe gjendja me pas te rregullohet.

Peshorja

Do ja njihni te gjitha cilësitë partnerit tuaj gjate kësaj dite dhe gjithçka do shkoje për mrekulli mes jush. Emocionet do jene te njëpasnjëshme. Beqaret do jene te parrezistueshem dhe do marrin propozime nga me mbresëlënëset. Gjendja e te ardhurave do vije dalëngadalë duke u përmirësuar dhe kjo edhe pale ndihmës se disa familjareve.

Akrepi

Do ndiheni mjaft xheloze sot pe rate qe keni ne krah dhe kjo mund te nxisë edhe debatet te njëpasnjëshme. Asgjë nuk ka për te ecur si e kishit ëndërruar. Beqaret nuk do ndihen ende gati për te filluar një lidhje dhe do ju bien me shkelm edhe mundësive te mira qe do iu jepen. Ne planin financiar perspektivat janë goxha te mira. Nëse hiqni para mënjanë keni për t’u pasuruar shpejt,

Shigjetari

Do e ngrini ne piedestal gjate kësaj dite partnerin sepse ne fakt ai i meriton te gjitha. Shume gjera kane për te ndryshuar qe sot e tutje. Beqaret do fillojnë aventura kalimtare te cilat do i bëjnë te ndihen mjaft mire. Gjendja e financave do vije dalëngadalë duke u përmirësuar. Do lodheni pak duke marre masa strikte, por rezultati do ju beje te ndiheni te qete.

Bricjapi

Mos ëndërroni gjera te cilat partneri nuk do mund t’ua plotësojë dot sot sepse do lëndoni veten tuaj. Jo gjithçka do jete ne dorën e tij. Beqaret do jene sensuale dhe gati për te pranuar ftesat qe do ju bëhen. Me shume gjase do fillojnë histori te bukura dashurie. Financat nuk do mbeten ne gjendjen qe ishin pasi ndihma e një te afërmi do iu ndihmoje mjaft.

Ujori

Fatmirësisht kjo dite nuk do jete aspak e tensionuar për jetën tuaj sentimentale. Do merreni vesh për çdo gjë me atë qe keni ne krah dhe gjerat do ecin për mrekulli. Beqaret do i mendojnë gjerat me kujdes dhe nuk do nxitohen te fillojnë menjëherë një lidhje. Ne planin financiar bëjini mire llogarite ne mënyrë qe gjendja te mos përkeqësohet.

Peshqit
Duhet te tregoheni sa me besnike gjate kësaj dite me atë qe keni ne krah, përndryshe situata mund t’iu ndërlikohet me tepër nga sa mund ta keni menduar ndonjëherë. Beqaret do kenë një dite shume te zakonshme dhe nuk do arrijnë te krijojnë dot një lidhje. Ne planin financiar do kryeni transaksione te rëndësishme sepse gjendja do jete goxha e qëndrueshme.

Sinjali – aty ku e vërteta flet para lajmit!

/GazetaSinjali/

The post Horoskopi i datës 2 shkurt appeared first on Sinjali.

Sot parashikohet mot me vranësira të shpeshta dhe intervale të shkurta me diell, ku pritet herë pas here të ketë ndonjë reshje të izoluar bore, veçanërisht rreth zonave malore.

Era do të fryjë drejtimesh të ndryshme, me shpejtësi prej 13-27 km/h.

Temperaturat minimale do të luhaten prej -5 deri në -1°C dhe maksimale prej 1 deri në 5°C. 

Sinjali – aty ku e vërteta flet para lajmit!

/GazetaSinjali/

The post Parashikimi i motit për ditën e sotme appeared first on Sinjali.

Donald Trump i cili kohët e fundit përshkallëzoi kërcënimet e tij kundër Kubës, duket se ka ndryshuar qëndrim. Uashingtoni ka filluar dialogun me autoritetet kubane, dhe sipas presidenti amerikan bisedimet mund të çojnë edhe në një marrëveshje.

“Po flasim me kubanezët, zyrtarët e lartë në Kubë. Do të shohim se çfarë do të ndodhë, por mendoj se do të arrijmë një marrëveshje me Kubën”. Pas ndërhyrjes ushtarake amerikane në Venezuelë, aleatin kryesor të Kubës, Trump e ka kërcënuar vazhdimisht qeverinë e ishullit komunist.

Trump, i cili tashmë ka ndaluar dërgesat e naftës venezueliane në Kubë pas arrestimit të Nicolas Maduros në fillim të janarit, nënshkroi një urdhër ekzekutiv të enjten që thotë se Uashingtoni “mund” të vendosë tarifa, me një shumë të paspecifikuar, për vendet që shesin naftë në Havanë, duke pretenduar se Kuba përbën një kërcënim për sigurinë kombëtare të SHBA-së.

Sinjali – aty ku e vërteta flet para lajmit!

/GazetaSinjali/

The post Pas kërcënimeve të vazhdueshme, Trump paralajmëron një marrëveshje me Kubën appeared first on Sinjali.

Në dosjen voluminoze të Jeffrey Epstein, e cila përfshin mbi 3 milionë faqe dhe është bërë publike nga Departamenti Amerikan i Drejtësisë, shfaqet edhe emri i një vajze nga Tirana, e cila rezulton të ketë aplikuar për një pozicion pune si asistente personale.

Sipas dokumenteve zyrtare, email-i i vajzës me Egerta Terziu, është dërguar në mars të vitit 2017. Fillimisht, ajo ka kontaktuar një ndërmjetës, emri i të cilit është i redaktuar në dosje, duke i dërguar CV-në dhe duke shprehur interes për vendin e punës.

“Nuk jam me bazë në Shtetet e Bashkuara. A është kjo problem?”, shkruan ajo në email, duke iu referuar një oferte pune që, sipas saj, i ishte komunikuar përmes Evan Luthra-s.

Përgjigjja që ajo merr është se vendndodhja nuk përbën pengesë, ndërsa i kërkohet të dërgojë tre fotografi personale të cilësisë së mirë, si dhe CV-në e saj. Pas dërgimit të materialeve, ndërmjetësi i përcjell informacionin Jeffrey Epstein-it, duke e përshkruar vajzën si 21–22 vjeçe.

Në komunikimin e mëtejshëm me Epstein-in, ndërmjetësi shprehet se vajza jeton në Paris, ndonëse në CV-në e dorëzuar nga ajo thuhet se banon në Tiranë. “A duhet ta intervistoj këtë?”, pyet ai në email-in drejtuar Epstein-it.

Nga lista e bashkëngjitjeve rezulton se, përveç CV-së dhe fotografive, vajza ka dërguar edhe një video prezantuese në kuadër të aplikimit për këtë pozicion.

Dokumentet nuk sqarojnë nëse ky proces aplikimi ka vijuar më tej apo nëse ka pasur kontakte të tjera mes palëve.

Sinjali – aty ku e vërteta flet para lajmit!

/GazetaSinjali/

The post “Nuk jetoj në SHBA”, email-i i vajzës nga Tirana në dosjet Epstein, aplikoi për punë si asistente personale appeared first on Sinjali.

Dokumentari “Melania”, që fokusohet në jetën e Zonjës së Parë të SHBA-së, Melania Trump, ka shënuar sukses të rëndësishëm në arkëtime, duke gjeneruar 7.04 milionë dollarë gjatë fundjavës hapëse në kinema.

Sipas “Deadline”, kjo shifër përbën hapjen më të madhe të një filmi dokumentar jofiktiv në dekadën e fundit. 

Rekordi i mëparshëm mbahej nga dokumentari “After Death” i vitit 2023, i cili kishte arkëtuar rreth 5 milionë dollarë në fundjavën e parë.

Parashikimet para publikimit kishin qenë më të ulëta. 

Variety raportonte se debutimi i filmit pritej të ishte mes 3 dhe 5 milionë dollarësh, ndërsa kompania “National Research Group” e kishte projektuar hapjen rreth 5 milionë dollarë. Edhe më konservatore ishte parashikimi i “Boxoffice Pro”, i cili e ka vlerësuar arkëtimin fillestar mes 1 dhe 2 milionë dollarësh.

Filmi pati premierën të enjten, më 29 janar, në Kennedy Center përpara daljes globale në kinema më 30 janar. Projekti mbështetet nga një marrëveshje prej 40 milionë dollarësh me “Amazon MGM Studios”, si dhe nga një fushatë marketingu që kap vlerën e 35 milionë dollarëve.

Dokumentari ofron pamje të përzgjedhura nga jeta e Melania Trumpit në javët që paraprinë inaugurimin e dytë të Presidentit Donald Trump në janar 2025. Melania Trump, 55 vjeçe, është gjithashtu producente ekzekutive e filmit.

Sinjali – aty ku e vërteta flet para lajmit!

/GazetaSinjali/

The post Dokumentari për Melania Trumpin mbledh mbi 7 milionë dollarë vetëm në fundjavë appeared first on Sinjali.

Prokuroria Themelore në Mitrovicë ka ushtruar kërkesë për masën e paraburgimit ndaj 10 prej 34 kryesuesve të ndaluar, nën dyshimet për manipulime gjatë numërimit të votave.

Prokuroria ka dorëzuar kërkesën në gjykatë dhe seanca dëgjimore pritet të mbahet nesër.

Gjyqtari i procedurës paraprake do të vendos për masën e sigurisë ndaj të dyshuarve.

Në total, sot janë intervistuar 43 të dyshuar, 34 prej të cilëve janë ndaluar për 48 orë.

Hetimi i Prokurorisë ka përfshirë kryesuesit nga qendrat komunale në Mitrovicë Jug, Mitrovicë Veri, Leposaviq, Zubin Potok dhe Zveçan.

Sinjali – aty ku e vërteta flet para lajmit!

/GazetaSinjali/

The post Prokuroria kërkon paraburgim për 10 kryesuesit që dyshohet se manipuluan me votat në Mitrovicë appeared first on Sinjali.

Të hënën, transporti publik në Gjermani pritet të përballet me probleme serioze për shkak të grevës së paralajmëruar nga punonjësit e sektorit të transportit. Sipas përfaqësuesve sindikalë, pjesëmarrja në grevë do të jetë shumë e lartë, çka do të sjellë anulimin e shumicës së linjave të transportit publik.

Autobusët, tramvajet dhe trenat urbanë në shumë qytete gjermane pritet të mos funksionojnë ose të qarkullojnë vetëm në raste të rralla. Autoritetet u kanë bërë thirrje qytetarëve që të përdorin alternativa të tjera transporti ose, nëse është e mundur, të punojnë nga shtëpia.

Greva lidhet me kërkesat e sindikatave për rritje pagash dhe përmirësim të kushteve të punës, ndërsa bisedimet me punëdhënësit deri më tani nuk kanë sjellë marrëveshje.

Udhëtarëve në Gjermani u rekomandohet të informohen rregullisht përmes faqeve zyrtare dhe aplikacioneve të transportit publik për zhvillimet gjatë ditës së grevës.

Sinjali – aty ku e vërteta flet para lajmit!

/GazetaSinjali/

The post Greva paralizon transportin publik në Gjermani: Udhëtarët përballen me ndërprerje të mëdha të shërbimit appeared first on Sinjali.

Një aksident rrugor ka ndodhur mbrëmjen e kësaj të diele në qendër të qytetit të Shkodrës, ku një automjet ka përplasur humoristin Nexho Shabani, i cili po lëvizte me biçikletë.

Si pasojë e përplasjes, Shabani ka pësuar dëmtime të shumta dhe është transportuar me urgjencë në spital, ku po merr ndihmën mjekësore.

Për lajmin ka shkruar edhe kryebashkiaku i Shkodrës Benet Beci.

“Sonte, Nexho Shabani, Nexhoja i tavolinave, njeriu popullor që sjell humorin tipik shkodran kudo ku ulet, ka nevojë për lutjet tona. 

Pas një aksidenti të rëndë, gjendja e tij shëndetësore është e paqëndrueshme, ndërsa mjekët e Spitalit Rajonal të Shkodrës janë të angazhuar maksimalisht”.

Sinjali – aty ku e vërteta flet para lajmit!

/GazetaSinjali/

The post Aksident në qendër të Shkodrës, goditet humoristi Nexho Shabani appeared first on Sinjali.

Autoritetet e komunës së Prishtinës bëjnë të ditur se ekipet përkatëse janë në terren dhe plotësisht të gatshme për të ndërhyrë sipas nevojës, me qëllim garantimin e sigurisë në rrugët e Kryeqytetit.

Megjithatë, për shkak të rënies së temperaturave, qytetarët ftohen të tregojnë kujdes të shtuar gjatë qarkullimit, veçanërisht në zonat rurale dhe malore, ku paraqitet rrezik nga ngricat dhe rrëshqitjet e rrugëve.

Autoritetet rekomandojnë përdorimin e pajisjeve dimërore, ngasje me shpejtësi të reduktuar si dhe respektimin e sinjalistikës rrugore dhe udhëzimeve të institucioneve përgjegjëse.

Ekipet komunale do të vijojnë monitorimin e situatës dhe ndërhyrjet e nevojshme për të siguruar qarkullim sa më të sigurt për të gjithë qytetarët.

Thirrje për kujdes ka bërë edhe Policia.

Policia e Kosovës apelon për kujdes të shtuar në trafik për shkak të kushteve të vështira atmosferike

Sinjali – aty ku e vërteta flet para lajmit!

/GazetaSinjali/

The post Ngricat “ngrinë” rrugët e Prishtinës, komuna: Ekipet në gatishmëri të plotë appeared first on Sinjali.

Kënga e re e Gjestit, “Memories”, po shënon sukses të madh ndërkombëtar.

Artisti ka ndarë në rrjetet sociale një postim ku tregon se projekti i tij muzikor është renditur në ‘trending’ në disa vende të Evropës, duke zënë pozita shumë të larta në platformat muzikore.

Sipas postimit, “Memories” është numër një në Shqipëri, Zvicër dhe Maqedoninë e Veriut, ndërsa ka arritur gjithashtu pozita të larta në shtete si Gjermani, Suedi, Belgjikë, Austri, Norvegji, Greqi, Slloveni, Itali, Maltë, Mbretëri e Bashkuar, Danimarkë, Finlandë, Francë dhe Kroaci.

Në mesazhin shoqërues, Gjesti ka falënderuar fansat për mbështetjen e vazhdueshme, duke theksuar se ky sukses është rezultat i dashurisë dhe përkrahjes së publikut.

“Me pa këngën trending në kaq shumë shtete dhe gjithë këtë dashuri prej juve. S’kam fjalë”, ka shkruar ai.

Projektin ia ka dedikuar vëllait të tij të ndjerë, Eldionit, i cili vdiq në shtator të vitit të kaluar nga një aksident me motoçikletë. 

Sinjali – aty ku e vërteta flet para lajmit!

/GazetaSinjali/

The post Kënga e re ‘shpërthen’ gjithandej, reagon Gjesti: Kaq shumë dashuri, s’kam fjalë appeared first on Sinjali.