Cristiano Ronaldo ka rihapur mundësinë e një rikthimi surprizë në futbollin evropian, teksa vazhdon ndjekjen e objektivit madhor prej 1.000 golash në karrierë.

Ylli portugez, i cili aktualisht luan për Al-Nassr, ka lënë të kuptohet se e ardhmja e tij nuk është e lidhur domosdoshmërisht me Lindjen e Mesme.

40-vjeçari numëron aktualisht 956 gola në karrierë, pas dopietës së realizuar në fundjavë me fanellën e Al-Nassr. Pavarësisht moshës, Ronaldo mbetet i vendosur të vazhdojë të luajë në nivel të lartë, duke theksuar se vendndodhja nuk është faktor vendimtar për të.

“Nuk ka rëndësi se ku luaj, qoftë në Lindjen e Mesme apo në Evropë. Pasioni im për futbollin është ende i madh dhe dua të vazhdoj,” ka deklaruar Ronaldo, fjalë që janë interpretuar si sinjal i qartë për një rikthim të mundshëm në kontinentin evropian.

Kontrata rekord e tij me Al-Nassr, me vlerë rreth 492 milionë funte, skadon në vitin 2026. Ndërkohë, vetë Ronaldo ka pranuar se Kupa e Botës e ardhshme do të jetë turneu i tij i fundit me Portugalinë, çka e bën edhe më të paqartë fazën përfundimtare të karrierës së tij.

Ronaldo ka ndërtuar një trashëgimi të jashtëzakonshme në Evropë, me dy periudha te Manchester United, nëntë sezone te Real Madrid, si dhe eksperiencë te Juventusi dhe Sporting Lisbona. Një rikthim eventual në Evropë do të ishte i bujshëm, sidomos duke pasur parasysh moshën e tij dhe faktin se ndodhet tashmë në sezonin e katërt larg futbollit evropian.

Të dielën, Ronaldo u nderua me çmimin “Lojtari më i Mirë i Lindjes së Mesme” në ceremoninë Globe Soccer Awards në Dubai, por pikërisht aty ai la të hapur derën për një kapitull të ri në karrierë, duke mos përjashtuar asnjë opsion për të ardhmen.

Sinjali – aty ku e vërteta flet para lajmit!

/GazetaSinjali/

The post Ronaldo nuk e mbyll mundësinë për rikthim në Europë appeared first on Sinjali.

Vetëm një ditë pas zgjedhjeve të parakohshme parlamentare në vend, kryeministri i rizgjedhur i Kosovës, Albin Kurti, ka falënderuar qytetarët që morën pjesë në votime.

Ai nuk la pa falënderuar as bashkatdhetarët që ishin në Kosovë për të votuar, duke mos përjashtuar edhe ata që votuan në ambasada dhe konsullata.

“U jemi mirënjohës për kontributin tuaj të pamatshëm për liri, shtet dhe komb, si dhe për përkrahjen vendimtare që e bëri fitoren në këto zgjedhje aq madhështore, saqë historike,” tha ai.

Kurti tutje tha se puna e tyre do të vazhdojë.

“Puna vazhdon, siguria dhe begatia do të shtohen. Na priftë e mbara!” tha ai.

Sinjali – aty ku e vërteta flet para lajmit!

/GazetaSinjali/

The post Pas zgjedhjeve parlamentare, Kurti: Puna vazhdon, siguria dhe begatia do të shtohen appeared first on Sinjali.

Ditën e djeshme qytetarët e Kosovës votuan për të katërtën herë këtë vit.

Zgjedhjet e djeshme të jashtëzakonshme në vend sjellën një rezultat jo edhe fort të pritshëm e goxha befasues.

Kryetari i Partisë Demokratike të Kosovës (PDK) dhe kandidati për kryeministër, Bedri Hamza, ka komentuar rezultatet e Zgjedhjeve të Jashtëzakonshme Parlamentare të 28 dhjetorit, duke pranuar se rezultatet nuk përputhen me pritshmëritë e partisë.

Në një konferencë për media, Hamza theksoi se do të analizojë situatën dhe se do të marrë përgjegjësitë e veta, duke nënvizuar angazhimin për të mos u shmangur nga vendimet e domosdoshme.

“PDK ka pritur një rezultat më të mirë, por ka arritur të ruajë votën dhe elektoratin e vet. Pozita ka përgjegjësi, dhe unë nuk jam nga ata që ikin apo shmangen prej tyre”, deklaroi Hamza.

Ai shtoi se ditët e ardhshme do të zhvillohen takime me strukturat e partisë për të diskutuar dhe vendosur rreth hapave të mëtejshëm, duke garantuar që vendimmarrja të bëhet në kohë dhe me analiza të kujdesshme.

Sa i përket bashkëpunimit me Lëvizjen Vetëvendosje dhe procesit për zgjedhjen e Presidentit, Hamza theksoi se PDK-ja do të kontribuojë sipas interesit të vendit.

“Sa i përket çështjes së presidentit, procesi është i ndarë. Së pari presim konstituimin e Kuvendit dhe formimin e Qeverisë, dhe më pas do të shohim mundësinë për një formulë që të mos bllokojë vendin”, u shpreh ai.

Sinjali – aty ku e vërteta flet para lajmit!

/GazetaSinjali/

The post PDK e dyta në zgjedhje, Hamza: Kemi pritur rezultat më të mirë, do të marrë përgjegjësi appeared first on Sinjali.

Ka vdekur një pjesëtar i Policisë së Kosovës, Menon Vreva.

Sindikata e Policisë së Kosovës, përmes një telegrami ka shprehur ngushëllime për familjen, kolegët dhe bashkëpunëtorët e të ndjerit.

“Telegram ngushëllimi!

Sindikata e Policisë së Kosovës shpreh ngushëllimet më të sinqerta për ndarjen nga jeta të Policisë së lartë Menon Vreva.

Ngushëllime familjes, kolegëve dhe bashkëpunëtorëve të tij.

Sindikata e Policisë së Kosovës”, shkruhet në telegram.

Sinjali – aty ku e vërteta flet para lajmit!

/GazetaSinjali/

The post Ndahet nga jeta pjesëtari i Policisë së Kosovës, Menon Vreva appeared first on Sinjali.

Presidenti i Shqipërisë, Bajram Begaj, ka uruar qytetarët e Kosovës si dhe kryeministrin e rizgjedhur Albin Kurti pas shprehjes së vullnetit demokratik në zgjedhjet e fundit.

Përmes një postimi në rrjetin social “X”, ai ka theksuar se qytetarët e Kosovës kanë krijuar mundësinë për formimin e institucioneve të reja që do të udhëheqin vendin.

“Urime, Kosovë! Urime, Albin Kurti!” ka shkruar presidenti Begaj.

Ai ka shprehur besimin se vota e qytetarëve do të shndërrohet në përgjegjësi institucionale, duke i dhënë Kosovës një të ardhme të qëndrueshme dhe të integruar në Europë.

Urime Kosovë! Urime Albin Kurti!

Qytetarët e Kosovës shprehën vullnetin e tyre demokratik për institucione të reja që do të qeverisin vendin.

Uroj dhe besoj që kjo votë të shndërrohet në përgjegjësi institucionale, për t’i dhënë Kosovës dhe qytetarëve të saj një të ardhme të…

— Bajram Begaj (@BajramBegajAL) December 29, 2025

Sinjali – aty ku e vërteta flet para lajmit!

/GazetaSinjali/

The post Zgjedhjet në Kosovë, Presidenti i Shqipërisë: Urime Kosovë, urime Albin Kurti appeared first on Sinjali.

Një aksident i rëndë trafiku me pasoja fatale ka ndodhur pasditen e së dielës, më 28.12.2025, rreth orës 17:20, në fshatin Greme të komunës së Ferizajt.

Ngjarja ka ndodhur pasi një veturë transportuese tip pickup, me ngjyrë të kuqe dhe me targa vendore, ka dalë jashtë rrugës dhe është vetaksidentuar.

Sipas të dhënave që ka siguruar Sinjali, i dyshuari për aksidentin është Besnik Uka, ndërsa viktima që ka humbur jetën si pasojë e aksidentit është Djellza Kosumi, e cila dyshohet se ishte pasagjere në automjet.

Në vendin e ngjarjes kanë dalë njësiti i trafikut rrugor, së bashku me hetuesin e rastit. Bazuar në hetimet fillestare, dyshohet se shkak i aksidentit ka qenë mospërshtatja e shpejtësisë me kushtet e rrugës, çka ka bërë që drejtuesi i automjetit të humbë kontrollin dhe të dalë jashtë rrugës.

Ekipi mjekësor ka konstatuar vdekjen e viktimës në vendin e ngjarjes.

Lidhur me rastin është njoftuar prokurori kujdestar, i cili ka dalë në vendin e ngjarjes dhe ka urdhëruar që trupi i pajetë të dërgohet për obduksion në Institutin e Mjekësisë Ligjore. Hetimet për zbardhjen e plotë të rrethanave të aksidentit janë në vazhdim.

Humb jetën një 19 vjeçare në një aksident në Ferizaj

Shënim: Personat e apostrofuar në këtë artikull prezumohen të pafajshëm derisa fajësia e tyre të mos provohet me vendim të formës së prerë nga gjykata.

Sinjali – aty ku e vërteta flet para lajmit!

/GazetaSinjali/

The post Ekskluzive | Ky është i dyshuari dhe viktima e aksidentit me fatalitet në Ferizaj appeared first on Sinjali.

Vetëm një ditë pas përfundimi të procesit zgjedhor në Kosovë, Albin Kurti, ka filluar të marrë urimet e para edhe për një mandat të tretë në krye të vendit.

Së fundi një urim me mesazh iu nis edhe nga kreu i BDI-së, Ali Ahmeti.

Ahmeti, ka uruar Lëvizjen Vetëvendosje dhe kandidatin e saj për kryeministër, Albin Kurti, për rezultatin e arritur në zgjedhjet nacionale.

Ai i dërgoi mesazh Kurtit që Kosova të ecë përpara me hapa të sigurt dhe të forcojë aleancën strategjike me Shtetet e Bashkuara dhe Bashkimin Evropian.

“I përgëzoj qytetarët e Republikës së Kosovës për procesin zgjedhor, ku dëshmuan maturi dhe pjekuri të lartë demokratike. U zhvillua një proces i lirë, i ndershëm dhe plotësisht demokratik, duke konfirmuar forcën e institucioneve dhe vullnetin e lirë të qytetarëve të Kosovës. Urime Lëvizjes Vetëvendosje dhe Kryeministrit Albin Kurti për fitoren e shënuar! Kosova ka nevojë për stabilitet, zhvillim dhe vizion të qartë shtetëror, në shërbim të qytetarëve të saj”, shkroi Ahmeti.

Ai njëherësh tha se rruga e Kosovës drejt paqes dhe zhvillimit kalon përmes forcimit të partneriteteve me ShBA dhe BE, duke garantuar një të ardhme të sigurt për brezat që vijnë.

“Kosova e lirë, e fortë dhe e zhvilluar ka qenë dhe mbetet ëndrra jonë e përbashkët”, shkroi Ahmeti.

Sinjali – aty ku e vërteta flet para lajmit!

/GazetaSinjali/

The post Ahmeti i BDI-së mesazh Kurtit: Kosova ta forcojë aleancën me ShBA-të appeared first on Sinjali.

Rënie goxha e madhe kjo që Lidhja Demokratike e Kosovës e përjetoi në zgjedhjet e fundit parlamentare në vend.

Megjithatë, rezultati duket të ketë qenë i kënaqshëm për kryetarin e Prishtinës, Përparim Rama.

Ai s’ka lënë pa reaguar pas rezultateve preliminare të zgjedhjeve të 28 dhjetorit, në të cilat Lidhja Demokratike e Kosovës pësoi një humbje të thellë.

Sipas Ramës, figura dhe lidershipi i kryetarit të LDK-së, Lumir Abdixhiku, duhet cilësuar si shembull të politikës së përgjegjshme dhe etike.

“Në një moment sfidues për demokracinë dhe etikën publike, Lumir Abdixhiku përfaqëson një model të lidershipit të përgjegjshëm. Ai udhëhoqi një proces të thellë reformues brenda Lidhjes Demokratike të Kosovës, duke e orientuar partinë drejt standardeve programore, profesionale dhe morale që i shërbejnë interesit publik dhe jo kalkulimeve afatshkurtra politike”, ka shkruar Rama.

Sinjali – aty ku e vërteta flet para lajmit!

/GazetaSinjali/

The post LDK pëson rënie, Rama s’i kursen lëvdatat për Abdixhikun appeared first on Sinjali.

Ekipi rumun, Cluj, ka shprehur interesim për të transferuar Etnik Brrutin, si zëvendësues të Lindon Emërllahut, i cili u shit për 2 milionë euro te Polissya në Ukrainë.

Megjithatë, klubi i Malishevës nuk do ta lërë lehtë Brrutin.

Klubi kërkon të paktën 800 mijë euro për mesfushorin 21-vjeçar dhe dëshiron gjithashtu të ruajë 15% të kartonit të tij në rast rishitjeje.

Kontrata e Brrutit me Malishevën është në fuqi deri në qershor të vitit 2026, ndaj klubi është i angazhuar të mos e humbë lojtarin pa ndonjë kompensim të denjë.

Brruti ishte gjithashtu në qendër të vëmendjes ndërmjet Kosovës dhe Shqipërisë disa muaj më parë, kur vendosi të vishte fanellën e Shqipërisë, duke lënë pas Kosovën U21, ku aktivizohej më parë.

Për këtë edicion, 21-vjeçari është lojtari më i rëndësishëm për Malishevën, duke shënuar katër gola dhe duke kontribuar me tre asistime në 17 ndeshje.

Sinjali – aty ku e vërteta flet para lajmit!

/GazetaSinjali/

The post Ekipi rumun kërkon Brrutin, Malisheva kërkon çmim të lartë për transferimin e tij appeared first on Sinjali.

Komisioni Qendror i Zgjedhjeve ka përditësuar pak më parë të dhënat mbi rezultatet e zgjedhjeve të parakohshme parlamentare që u mbanë dje në Kosovë.

Deri tani janë procesuar 99.34 për qind e vendvotimeve.

Këto janë rezultatet e fundit:

Sinjali – aty ku e vërteta flet para lajmit!

/GazetaSinjali/

The post KQZ përditëson të dhënat, këto janë rezultatet appeared first on Sinjali.

Mos respektimi i rregullave të komunikacionit është një ndër arsyet e aksidenteve të shumta që po ndodhin çdo ditë. E një prej mënyrave të zakonshme për parandalimin e këtyre aksidenteve, është gjobitja e atyre që shkelin rregullat në trafik, shkruan Gazeta Sinjali.

Gjatë ditës së djeshme, sipas të dhënave të nxjerra nga raporti 24-orësh i Policisë së Kosovës, në vend kanë ndodhur 78 aksidente trafiku dhe një aksident me fatalitet.

Rasti raportohet të ketë ndodhur në Ferizaj.

Sa i përket pjesës së gjobave, ditën e djeshme, për dallim nga herët e tjera, ky numër ishte më i ulët, duke përfshirë vetëm 794 tiketa trafiku për kundërvajtje.

9 persona janë arrestuar dhe 5 janë dërguar në mbajtje.

Sinjali – aty ku e vërteta flet para lajmit!

/GazetaSinjali/

The post 24 orët në trafikun e Kosovës – 78 aksidente trafiku, një me fatalitet appeared first on Sinjali.

Presidenti francez, Emmanuel Macron, ka njoftuar se në fillim të janarit do të organizohet një samiti i aleatëve të Kievit në Paris, për të diskutuar garancitë e sigurisë që Ukraina kërkon si pjesë e një marrëveshjeje të mundshme paqeje me Rusinë.

“Vendet e aleancës së të vullnetshmëve do të mblidhen në Paris për të finalizuar kontributin specifik të secilit prej tyre”, tha Macron në një postim në X (ish Twitter), pas bisedimeve me udhëheqës të tjerë evropianë dhe homologët ukrainas, Volodymyr Zelensky dhe Presidentin amerikan, Donald Trump.

Ky samit i rëndësishëm pritet të shpërfaqë hapa të rinj për sigurinë dhe stabilitetin e rajonit, duke rritur tensionet dhe presionin ndaj Rusisë.

Sinjali – aty ku e vërteta flet para lajmit!

/GazetaSinjali/

The post Garancitë e sigurisë nga Ukraina, Macron kërkon samit të aleatëve të Kievit në fillim të janarit appeared first on Sinjali.

Lëvizja Vetëvendosje, ka shënuar një fitore të thellë në zgjedhjet parlamentare në Kosovë, sipas rezultateve paraprake.

Me rreth 90% të votave të numëruara, subjekti politik i udhëhequr nga Albin Kurti ka marrë 50.8% të votave, duke i hapur rrugën një mandati të tretë qeverisës.

Dy partitë kryesore opozitare, Partia Demokratike e Kosovës dhe Lidhja Demokratike e Kosovës janë renditur pas, me përkatësisht 20.98% dhe 13.89% të votave.

Vetëvendosje kishte fituar edhe zgjedhjet e mbajtura në shkurt, por pa arritur shumicën e nevojshme për të formuar qeverinë, ç`ka e la Kosovën pa institucione funksionale për disa muaj.

Ngërçi politik ngriti pikëpyetjen kryesore të këtyre zgjedhjeve të dyta brenda vitit, nëse votuesit do ta ndëshkonin Kurtin për bllokadën institucionale apo partitë opozitare që refuzuan bashkëqeverisjen me të. Rezultati duket se ka dhënë një përgjigje të qartë.

Edhe pse Vetëvendosje pritet të mos i ketë e vetme votat e mjaftueshme për të qeverisur pa partnerë, Kurti pritet të sigurojë mbështetje nga partitë e pakicave etnike, të cilat kanë të garantuara 20 nga 120 ulëset në Kuvend.

Kjo është fitorja e katërt radhazi e Vetëvendosjes në zgjedhjet parlamentare dhe shihet si një konfirmim politik pas dështimit për formimin e qeverisë pas zgjedhjeve të 9 shkurtit.

Kurti e cilësoi rezultatin si “fitoren më të madhe në historinë e vendit” dhe shprehu pritshmërinë që opozita këtë herë të bashkëpunojë.

Një sinjal i tillë erdhi edhe nga LDK-ja. Deputeti Arben Gashi deklaroi se, “kur votuesit flasin, rezultati nuk mund të injorohet”, duke bërë thirrje për reflektim dhe veprim të përgjegjshëm.

Në lojë janë interesa të mëdha. Për shkak të mungesës së një qeverie funksionale, Kosova ka humbur qindra milionë euro fonde nga Bashkimi Evropian.

Kurti ka përmendur gjithashtu marrëveshje të mundshme me Bankën Botërore, që do ta çonin shumën e investimeve mbi një miliard euro.

Një tjetër sfidë mbetet riparimi i marrëdhënieve me aleatët kryesorë ndërkombëtarë, BE-në dhe SHBA-në.

Politikat e Kurtit ndaj institucioneve që shërbejnë komunitetin serb në Kosovë kanë shkaktuar tensione, veçanërisht në veri të vendit,  shkruan BBC.

Edhe pse BE-ja ka rënë dakord të heqë masat ndëshkuese të vendosura në vitin 2023, ajo pritet të kërkojë një qasje më pragmatike në dialogun e normalizimit me Serbinë.

Sinjali – aty ku e vërteta flet para lajmit!

/GazetaSinjali/

The post BBC: Albin Kurtit i hapet rruga e mandatit të tretë appeared first on Sinjali.

Dashi

Do e kuptoni me mire gjate kësaj dite se marrëdhënia ne çift nuk i përmbush te gjitha objektivat e duhura, prandaj mund te merren vendime me rëndësi. Beqaret duhet te tregohen sa me te arsyeshëm dhe te mos bëjnë zgjedhje te gabuara. Financat nuk do jene aspak ne gjendjen me te mire kështu qe mund te keni vështirësi te mëdha.

Demi

Dite e veçante kjo e sotmja për te gjithë ata qe janë ne një lidhje. Do merreni vesh për mrekulli me parterin tuaj dhe do argëtoheni pa fund se bashku. Beqaret duhet te tregohen me te disponueshem ndaj ftesave qe do ju bëhen dhe nuk duhet te mbyllen ne vetvete. Ne planin financiar do ketë vështirësi te vogla, por asgjë për t’u alarmuar.

Binjaket

Do i jepni rëndësinë e duhur sot jetës suaj ne çift dhe gjithçka do shoje ashtu si e kishit ëndërruar. Nuk pritet te ndodhe asgjë e keqe. Beqaret do ndihen mire ashtu si janë dhe nuk do kërkojnë te bëjnë ndryshime. Perspektivat financiare do jene te mrekullueshme. Do i zgjidhni shume shpejt te gjithë problemet qe keni pasur.

Gaforrja

Dite goxha e tensionuar pritet te jete kjo e sotmja për ata qe janë ne një lidhje. Gjithsecili do kërkojë te dale e tija dhe askush nuk do hape rruge. Beqaret duhet t’i dëgjojnë edhe këshillat e miqve para se te vendosin te bëjnë një zgjedhje. Ne planin financiar do keni shume fat dhe gjendja do përmirësohet me shume sesa ju mund ta kishit menduar.

Luani

Dita e sotme do jete me e qete për ata qe janë ne një lidhje. Me ne fund do i sqaroni mosmarrëveshjet e vogla qe keni pasur dhe do jeni me te qete. Beqaret do ndihen mjaft mire ashtu si janë dhe nuk do kërkojnë me patjetër te ndryshojnë status. Financat do rriten mjaft fale një ndihme te qe do iu japin familjaret. Mund te shlyeni pa frike borxhet e hershme.

Virgjeresha

Pesimizmi juaj sot ne jetën sentimentale do jete tërësisht i pajustifikuar. Nëse mbylleni ne vetvete keni për ta humbur njëherë e përgjithmonë partnerin. Beqaret do ëndërrojnë me shume nga sa duhet dhe kjo mund t’iu krijoje iluzione te kota. Me financat duhet te bëni shume kujdes. Po shpenzuat pa menduar aspak për situatën ne te cilën ndodheni do keni vështirësi.

Peshorja

Do keni te njëjtat ide dhe mendime me partnerin tuaj dhe do bashkëpunoni për gjithçka me te. Dita do jete plot diell dhe e mbushur me emocione. Beqaret do realizojnë takime mjaft interesante te cilat mund te sjellin edhe një histori dashurie te bukur. Ne planin financiar duhet te mundoheni te ruani sa te mundni ekuilibrin sepse përndryshe do keni vështirësi.

Akrepi

Do keni probleme goxha te mëdha gjate kësaj dite ne jetën tuaj ne çift sot dhe do ndiheni shpeshherë keq. E mira do jete te gjeni mënyrën për te folur me partnerin, jo te kërkoni ngushëllim ne krahët e dikujt tjetër. Beqaret do marrin vendime me rëndësi pas disa takimeve te mrekullueshme. Dite me shume fat për financat. Situata do jete mjaft e mire.

Shigjetari

Do përballeni me shume zhgënjime sot juve qe jeni ne një lidhje dhe do vuani tej mase. Sikur te kishit bere kujdes me pare nuk do përballeshit kurrsesi me një situate te tille. Beqaret do bëjnë për vete cilindo qe do pëlqejnë. Financat fatmirësisht nuk do jene te këqija edhe pse jo aq te shkëlqyera sa për te hequr shume te mëdha mënjanë.

Bricjapi

Do bekoheni nga yjet gjate kësaj dite dhe marrëdhënia ne çift do ece me se miri. Si ju ashtu edhe partneri do jeni te gatshëm ta dëgjoni tjetrin dhe te shkëmbeni mendime për çdo gjë. Beqaret me mire t’i lënë gjerat te rrjedhin vete. Ne planin financiar do jeni shume te shpërqendruar dhe problemet mund te jene te njëpasnjëshme. Kujdes!

Ujori

Do tregoheni shume te hapur dhe te disponueshem ndaj partnerit gjate kësaj dite. Marrëdhënia ne çift nuk do ketë asgjë për çfarë te shqetësoheni. Beqaret nuk do mundin as sot ta gjejnë personin qe do ju përshtatet ne çdo pike. Financat do jene delikate për shkak te shpenzimeve te mëdha qe do kryeni për veshjet dhe produktet e bukurisë.

Peshqit

Do i shtoni dozat e intimitetit ne çift gjate kësaj dite dhe do kaloni çaste te lumtura ne krahët e partnerit. Shume gjera kane për te qene ndryshe për ju. Beqaret do përballen me zhgënjime te mëdha nëse nuk tregohen te matur. Te ardhurat do përmirësohet me shume nga sa mendonit. Do ndiheni te qete kur te kryeni shpenzimet e nevojshme.

Sinjali – aty ku e vërteta flet para lajmit!

/GazetaSinjali/

The post Çfarë thonë yjet sot për ditën tuaj? appeared first on Sinjali.

16-të persona kanë humbur jetën dhe tre të tjerë janë plagosur në një zjarr që shpërtheu në një azil pleqsh në Manado, në ishullin indonezian të Sulawesi.

Shumë prej trupave të viktimave u gjetën brenda dhomave të tyre, tha punonjësi i shpëtimit Jimmy Rotinsulu, duke shtuar se shumë nga banorët e moshuar me shumë gjasa po pushonin në dhomat e tyre të dielën në mbrëmje kur shpërtheu zjarri, shkruan Metro TV.

Autoritetet arritën të evakuonin 12 persona, të gjithë të padëmtuar, dhe t’i transferonin ata në një spital lokal, shtoi ai, transmeton A2CNN.

Pamjet e transmetuara treguan flakët që përfshinë azilin e pleqve, ndërsa banorët vendas ndihmuan në evakuimin e një burri të moshuar.

Sinjali – aty ku e vërteta flet para lajmit!

/GazetaSinjali/

The post Shpërthen zjarri në azil pleqsh në Indonezi, 16-të të vdekur e tre të plagosur appeared first on Sinjali.

Pasim ëndrrash nga Granit Xhaka, megjithatë Sunderlandi fitoi vetëm një pikë ndaj Leeds Unitedit të dielën.

Ndeshja Sunderland – Leeds United përfundoi 1:1, kurse i takoi xhiros së 18-të të Premier Leagues.

Në minutën e 28-të, Granit Xhaka fitoi një top, dha një pasim të shkëlqyer për golin e epërsisë 1:0 të realizuar nga Simon Adingra. Por Xhaka nuk është plotësisht i kënaqur, pasi Dominic Calvert-Leëin barazoi për Leedsin.

“Betejë e vështirë, por ne qëndrojmë të përqendruar. Pika e radhës, sfida e radhës. Së bashku në vitin e ri”, ka shkruar Xhaka në Instagram pas ndeshjes.

Ishte asistimi i pestë i Xhakës këtë sezon. Vetëm Bruno Fernandes dhe Rayan Cherki kanë më shumë asistime. Ata kanë regjistruar nga shtatë asistime deri më tani. Sunderlandi mbetet në vendin e shtatë në elitën angleze.

“E dija që Graniti do të më gjente me pasim. Të shënosh para tifozëve tanë është një moment pozitiv”, ka thënë Adingra.

Shkëlqimin e radhës të Xhakës në Premier League e ka vlerësuar edhe legjenda e Liverpoolit, Jamie Redknapp.

“Shkëlqyeshëm. Më pëlqen shumë ajo që bën Granit Xhaka. Një pasim i bukur në drejtim të bashkëlojtarit. Një prekje e mirë me këmbën e majtë dhe Adingra e përfundoi mjeshtërisht aksionin”, ka thënë Redknapp për “Sky Sports”.

Trajneri i Sunderlandit, Regis Le Bris ka komentuar po ashtu barazimin. Ai thotë se nxori mësime të vlefshme.

“Ishte një ndeshje e vështirë, siç pritej. Leedsi është skuadër e mirë dhe në formë të mirë. Tregoi cilësi të shkëlqyer në fushë sot. Mendoj se e nisëm mirë dhe shënuam. Në fund të pjesës së parë patëm mundësinë të shënonim golin e dytë. Ishte një moment kyç sepse pas kësaj ata ndryshuan strukturën dhe ne luftuam për të gjetur ritmin dhe pikat tona të referencës. Ata dominuan, por ne gjetëm energjinë për të ndryshuar vrullin. Në fund të ndeshjes patëm mundësinë të ishim pak më të rrezikshëm, por mendoj se në fund është një rezultat i drejtë”, ka thënë Le Bris.

Ai është i lumtur me golin e Adingras.

“Është një mësim i mirë për ne në Premier League. Po ecim përpara me shumë ndryshime në skuadër. Jam i lumtur për Simonin sepse tregon se çdo lojtar është i rëndësishëm. Shokët e tij të ekipit e mbështetën dhe kjo e ndihmoi gjatë procesit. Shpresojmë se kjo do ta ndihmojë edhe në të ardhmen. Është vërtet pozitive që jemi ende të pamposhtur në shtëpinë tonë, veçanërisht në momente të vështira. Dhoma e zhveshjes është e zhgënjyer tani dhe kjo tregon dëshirën për të fituar”, ka theksuar trajneri i Sunderlandit.

Xhaka po cilësohet në Angli si transferimi më i mirë i  edicionit. Ai ka luajtur rol kyç te Sunderlandi i rikthyer këtë edicion në Premier League.

Sinjali – aty ku e vërteta flet para lajmit!

/GazetaSinjali/

The post Nuk zhgënjen Xhaka, vazhdon sukseset në Premier League appeared first on Sinjali.

Komisioni Qendror i Zgjedhjeve (KQZ) ka bërë të ditur se deri në orët e hershme të mëngjesit të sotëm janë numëruar 99,26 për qind e votave nga zgjedhjet e parakohshme parlamentare.

Sipas të dhënave të përditësuara nga KQZ, kanë mbetur për t’u numëruar edhe 19 kuti votimi.

Në bazë të rezultateve preliminare, Lëvizja Vetëvendosje vazhdon të prijë me 49,30 për qind të votave, apo gjithsej 429 mijë e 979 vota.

Në vendin e dytë renditet Partia Demokratike e Kosovës (PDK) me 21,01 për qind, përkatësisht 183 mijë e 258 vota, ndërsa e treta është Lidhja Demokratike e Kosovës (LDK) me 13,59 për qind, apo 118 mijë e 490 vota.

Pas tyre pasojnë Aleanca për Ardhmërinë e Kosovës (AAK) me 5,68 për qind të votave dhe Lista Serbe me 3,74 për qind.

Pjesëmarrja në zgjedhje sipas përditësimit të fundit në KQZ është 44.99 përqind e qytetarëve me të drejtë vote.

Procesi zgjedhor u zhvillua në 948 qendra të votimit, me gjithsej 2.614 vendvotime, prej të cilave 910 qendra me 2.557 vendvotime për votimin e rregullt dhe 38 qendra me 57 vendvotime për të mundësuar votimin me kusht.

Në garë për të zënë një vend në Kuvendin e Kosovës ishin gjithsej 1.146 kandidatë për deputetë nga 23 subjekte politike që garuan në këto zgjedhje.

Sinjali – aty ku e vërteta flet para lajmit!

/GazetaSinjali/

The post Përditësimi i fundit nga KQZ për zgjedhjet e 28 dhjetorit appeared first on Sinjali.

Presidenti amerikan Donald Trump priti sot në Mar-a-Lago presidentin ukrainas Volodymyr Zelensky për bisedime mbi zgjidhjen e konfliktit në Ukrainë. Takimi fokusohet tek strategjitë për avancimin e planit të punës së përbashkët të dy vendeve, përfshirë çështje financiare dhe rindërtimin e Ukrainës.

Presidenti amerikan Donald Trump theksoi rëndësinë e përfundimit të menjëhershëm të konfliktit në Ukrainë, duke deklaruar se të dyja vendet e përfshira e duan këtë dhe janë të gatshme për një marrëveshje. Ai njoftoi se do të telefonojë presidentin rus Vladimir Putin pas takimit me presidentin ukrainas Volodymyr Zelensky për të vazhduar negociatat dhe vuri në dukje rolin mbështetës të vendeve evropiane në këtë process, shkruan Euronews.al.

“Të dy vendet duan që lufta të përfundojë menjëherë, të dy udhëheqësit e duan këtë dhe kjo do të ndodhë. Kemi të gjitha përgatitjet për një marrëveshje. Do ta telefonoj Putinin pas takimit me Zelenskyn për të vazhduar negociatat. Kombet evropiane kanë qenë shumë mbështetëse dhe të përfshira në arritjen e një marrëveshjeje. Ndërsa ka shumë punë për të rindërtuar Ukrainën, do të kishte gjithashtu një përfitim të madh ekonomik për vendin e shkatërruar nga lufta.Mund të lëvizim shumë shpejt. Ukraina e vlerëson dhe Rusia e vlerëson. Të dyja duan ta shohin të marrë fund. Përndryshe, do të vazhdojë për një kohë të gjatë. Dhe miliona njerëz të tjerë do të vriten. Miliona”, tha Trump.

Zelensky falenderoi Trumpin për pritjen dhe shprehu shpresën që bisedimet “do të sjellin paqe sa më shpejt të jetë e mundur”. Ai tha se ekipet e tyre kanë punuar në një plan me 20 pika dhe takimi ka për qëllim diskutimin mbi implementimin e strategjive të këtij plani.

Lidhur me koncesionet territoriale që mund të kërkohen nga Rusia, Zelensky u shpreh se “çështja do të diskutohet sot” dhe se qëndrimi i tij është rezervuar për momentin.

Sinjali – aty ku e vërteta flet para lajmit!

/GazetaSinjali/

The post “Të dy vendet duan që lufta të marrë fund”, Trump: Kemi të gjitha përgatitjet për një marrëveshje appeared first on Sinjali.

Kryesuesi i Komisionit Qendror të Zgjedhjeve, Kreshnik Radoniqi, ka bërë të ditur gjatë një konference për media se sot do të nisë numërimi i votave të kandidatëve dhe konfirmimi i votave për subjektet politike.

“Numërimi i votave për kandidatët dhe konfirmimi i atyre për subjektet politike do të fillojë nesër, në orën 12:00, pasi i gjithë materiali do të pranohet gjatë natës në qendrat e numërimit,” tha Radoniqi.

Në përditësimin më të fundit, Komisioni Qendror i Zgjedhjeve ka njoftuar se janë numëruar 99,26% e votave të zgjedhjeve të parakohshme parlamentare.

Për momentin, kanë mbetur vetëm 19 kuti pa u numëruar, sipas të dhënave të përditësuara nga KQZ-ja.

Lëvizja Vetëvendosje është partia që prin me 49,30% të votave, duke siguruar deri tani 429,979 vota.

Pas saj, renditet Partia Demokratike e Kosovës me 21,01%, ndërsa në vendin e tretë është Lidhja Demokratike e Kosovës me 13,59%.

Ndërkaq, AAK renditet e katërta, e NISMA s’ia del t’a kalojë as pragun e zgjedhjeve.

Sinjali – aty ku e vërteta flet para lajmit!

/GazetaSinjali/

The post Një ditë pas zgjedhjeve, sot fillon numërimi i votave të kandidatëve për deputetë appeared first on Sinjali.

Rezultatet e zgjedhjeve të djeshme të jashtëzakonshme parlamentare në vend erdhën si një befasi.

Mes atyre që u thanë në Exit Poll-e dhe rezultateve preliminare, diferencat në % dolën të jenë diku 3-5% për pothuajse secilën parti.

Sipas rezultateve të fundit që janë publikuar në faqen e KQZ-së, zgjedhjet e djeshme në Kosovë kanë nxjerrë në epërsi Lëvizjen Vetëvendosje, të cilët ishin të parët po ashtu edhe në dy palë zgjedhjet e kaluara.

LVV, si e para, prin me 49,30 për qind të votave të numëruara deri tani.

Në bazë të të dhënave preliminare, VETËVENDOSJE! ka siguruar 429,979 vota, duke u renditur e para në shumicën e komunave të vendit. Në vendin e dytë renditet Partia Demokratike e Kosovës (PDK) me 21,01 për qind ose 183,258 vota, ndërsa e treta është Lidhja Demokratike e Kosovës (LDK) me 13,59 për qind, që përkthehet në 118,490 vota.

Aleanca për Ardhmërinë e Kosovës (AAK) ka marrë 5,68 për qind të votave, ndërsa Lista Serbe është renditur me 4,74 për qind. NISMA Socialdemokrate ka siguruar 1,72 për qind të votave të numëruara deri më tani.

Sipas KQZ-së, procesi i numërimit është drejt përfundimit, me mbi 99 për qind të vendvotimeve të përpunuara, ndërsa pjesëmarrja e qytetarëve në votim ka qenë rreth 45 për qind. Rezultatet mbeten preliminare dhe pritet të konfirmohen pas përfundimit të të gjitha procedurave ligjore.

Dita e djeshme, ndërkaq, nuk u shoqërua me ndonjë incident madhor, gjë që e konfirmoi edhe Prokuroria e Shtetit dhe Policia e Kosovës.

Numërohen 99.22% e votave – VV e para me 49.31%

Sinjali – aty ku e vërteta flet para lajmit!

/GazetaSinjali/

The post Zgjedhjet e 28 dhjetorit – Çka thanë qytetarët dje, kush u ndërshkua? appeared first on Sinjali.