Ish-drejtori i Burgjeve, Agim Ismaili është paraqitur sërish sot në SPAK ku ka qëndruar për më shumë se dy orë.

Ndaj ish zyrtarit dhe Zambak Gjoni e Arnold Rrokaj janë mbyllur hetimet për përgjim i paligjshëm në kuadër të grupit kriminal.

Më herët, ish-drejtuesi i burgjeve ishte në hetim nga SPAK për tre vepra penale, përgjim i paligjshëm i të dhënave kompjuterike, kryerje e veprimeve në kuadër të grupit kriminal dhe grup kriminal.

Hakerimi i kompjuterëve u sinjalizua në 12 mars të këtij viti dhe brenda pak kohësh përfunduan në pranga ish zyrtari i burgut Zambak Gjoni dhe Arnold Rrokaj.

Ky i fundit është personi që theu kodet e sigurisë së kompjuterëve dhe materialet e përftuara ja përcolli Gjonit, që nga ana e tij ja përcolli Ismailajt.

Nga hetimet e SPAK rezulton se personat e përfshirë dyshohet se kanë tentuar të ndërhyjnë në kompjuterët e tre prokurorëve të posaçëm, Behar Dibra, Enkeleida Millonai dhe Elida Kaçkini, me synimin për të siguruar të dhëna sensitive.

Sipas Prokurorisë së Posaçme, tentativa për depërtim në sistemin e brendshëm të IT-së ka dështuar dhe hakerët nuk kanë arritur të hyjnë në databazat kryesore të institucionit.

SPAK ka sqaruar se të arrestuarit kanë mundur të sigurojnë disa të dhëna të pjesshme, të cilat më pas dyshohet se janë shpërndarë te persona të tjerë.

Në këtë rreth përfshihen dy gazetarë, si edhe Agim Ismaili, ish-kreu i Burgjeve, dhe Dritan Palnikaj, Sekretar i Përgjithshëm në Ministrinë e Bujqësisë.

Hetimet janë fokusuar në rolin konkret të secilit person, mënyrën e sigurimit të informacionit dhe qëllimin e përdorimit të tij.

SPAK vlerëson se rasti përbën një ngjarje serioze që synon cenimin e sigurisë së institucioneve të drejtësisë dhe ka theksuar se mbrojtja e sistemeve informatike dhe e pavarësisë së prokurorëve mbetet prioritet.

Këtë të martë, më 23 dhjetor, Autoriteti i Konkurrencës ka njoftuar se ka nisur hetimet ndaj kompanisë së linjave të transportit Urban të Kamzës, pas rritjes së çmimit nga 40 lekë në 50 lekë.

“NJOFTIM PER SHTYP – HETIMI NDAJ SHPRESA AL – TRANSPORT URBAN KAMEZ

Autoriteti i Konkurrencës hap hetim paraprak në transportin urban në Kamëz

Pas ankesave dhe shqetësimeve publike për rritjen e çmimeve të biletave dhe aboneve, Autoriteti i Konkurrencës ka vendosur hapjen e hetimit paraprak ndaj SHPRESA – AL SHPK.

Linjat e përfshira

• Kamëz – Tiranë – Kamëz
• Paskuqan – Babrru – Tiranë

SHPRESA – AL SHPK rezulton operatori i vetëm i licencuar, duke zotëruar pozitë dominuese në treg.

Nga vlerësimi paraprak, mungojnë analiza ekonomike dhe financiare që të justifikojnë rritjen e tarifave.

Periudha e hetimit: 1 janar 2025 – 12 dhjetor 2025

Autoriteti i Konkurrencës do të vijojë me trajtimin e çështjes dhe do të informojë publikun për rezultatet e procedurës dhe çdo vendimmarrje të mëtejshme”.

Kujtojmë se, me vendim të Këshillit Bashkiak të Kamzës, duke nisur nga data 1 nëntor, qytetarët paguajnë 10 lekë më shumë për të përdorur autobusët e dy linjave.

Sipas një studimi të kryer nga Fondacioni gjerman “Konrad Adenauer”, çdo banor i Bashkimit Evropian do të duhej, mesatarisht, të paguante pesë euro dhe 29 cent euro në vit gjatë një periudhe 7-vjeçare për të mbështetur integrimin e Ballkanit Perëndimor.

Nëse e llogarisim koston totale të integrimit të Ballkanit Perëndimor, ajo shkon në 46.6 miliardë euro, nëse e shpërndajmë për frymë të BE-së gjatë shtatë viteve, e përkthyer ndryshe rezultati arrin në çmimin e një kafeje dhe një kroasani në vit.

Mesatarisht, barra për secilin shtet anëtar të BE-së do të ishte 0.015% e të ardhurave kombëtare bruto.

Ekspertët gjermanë shprehen se shqetësimi kryesor mes qytetarëve të BE-së është fakti se nëse shtysa e re e zgjerimit do ta bënte unionin më të fortë apo më të dobët.

Sipas këtij studimi mbi kostot dhe përfitimet e procesit te zgjerimit anëtarësimi i shteteve të rajonit do të sillte përfitime ekonomike si për Ballkanin Perëndimor, ashtu edhe për BE-në.

Shtetet e reja anëtare nuk ishin vetëm marrëse të fondeve të BE-së, por ato do të kontribuonin edhe në familjen evropiane, prandaj zgjerimi nuk ishte kurrë vetëm një kosto në një drejtim.

Ministrja për Europën dhe Punët e Jashtme, Elisa Spiropali vijoi vizitën e saj zyrtare në Komunën e Tetovës të Maqedonisë së Veriut.

Spiropali u prit në Komunën e Tetovës nga Kryetari i saj Bilall Kasami.

Në fokus të takimit ishte zhvillimi lokal, sfidat e qytetit dhe rolin që Tetova luan sot si një qendër dinamike arsimore, kulturore dhe shoqërore në rajon.

Më tej, Spiropali dhe zyrtarët lokalë ndoqën performancat artistike të të rinjve në shkollën e mesme mjekësore të Tetovës.

“Një gjeneratë e re ruan me pasion vlerat, traditat dhe trashëgiminë që e bëjnë këtë qytet kaq të gjallë, krenar dhe frymëzues për të mirën e përbashkët”, theksoi Spiropali nga shkolla e mesme mjekësore.

Postimi i plotë:

“Ku ka shqiptarë, ka atdhedashuri, patriotizëm, shpirt kuqezi! Pritja në Komunën e Tetovës nga Kryetari Bilall Kasami ishte një ndalesë me shumë domethënie, ku folëm për zhvillimin lokal, sfidat e qytetit dhe rolin që Tetova luan sot si një qendër dinamike arsimore, kulturore dhe shoqërore në rajon.

Me emocione shijuam performancat artistike të të rinjve në shkollën e mesme mjekësore të Tetovës, aty ku një gjeneratë e re ruan me pasion vlerat, traditat dhe trashëgiminë që e bëjnë këtë qytet kaq të gjallë, krenar dhe frymëzues për të mirën e përbashkët”.

Breno Bidon e mbylli sezonin si një nga lojtarët më të spikatur të Corinthians, e cila arrit të fitojë Kupën e Brazilit.

Në finalen e zhvilluar në “Marakana” ndaj Vasco da Gama, mesfushori 20-vjeçar ishte vendimtar në golin që siguroi fitoren 2-1.

Aksioni i golit nisi nga këmbët e Bidon, i cili realizoi një driblim shumë të bukur ndaj Cauan Barros dhe vazhdoi lojën që përfundoi me golin vendimtar për ekipin bardhezi, përcjell Fax News.

Pikërisht ky driblim është shndërruar tashmë në “hit” në rrjetet sociale.

Loja e futbollistit ka patur jehonë edhe në Evropë me skuadra të ndryshm që kanë nisur interesimin për të.

Por plani i Corinthians-it është i qartë: nuk ka asnjë qëllim për të negociuar mbi “xhevahirin” e tij në këtë moment. Madje, sipas asaj që ka mësuar ESPN, vlerësimi i disa specialistëve është se Bidon ende nuk ka arritur potencialin e tij maksimal.

Vlera e lojtarit aktualsht sillet mes 15 dhe 20 milionë euro. Ai ka kontratë deri në fund të vitit 2029 dhe një klauzolë largimi prej 100 milionë eurosh.

Në muajt e fundit, dy klube evropiane janë shfaqur të interesuara për Bidon: PSV nga Holanda dhe, së fundmi, Sporting nga Portugalia. Megjithatë, ende nuk ka asgjë konkrete.

Policia e Vlorës ka goditur një rast të trafikimit dhe shfrytëzimit të femrave për prostitucion, duke vënë në pranga dy shtetas kinezë, ndërsa një tjetër shtetase është shpallur në kërkim.

Sipas policisë, këta shtetas dyshohet se shfrytëzonin për prostitucion shtetasen kineze J. G., 52 vjeçe, në apartamentin e marrë posaçërisht për këtë qëllim.

Shtetasja J. G. dhe një shtetas shqiptar, E. B., i cili u gjet në ambientet e apartamentit, u proceduan penalisht për veprën penale “Prostitucioni”.

“Si rezultat i hetimeve të kryera me metoda proaktive, nga nga Seksioni për Hetimin e Trafiqeve, në drejtimin e Prokurorisë pranë Gjykatës së Shkallës së Parë të Juridiksionit të Përgjithshëm Vlorë, u finalizua operacioni i koduar “Victim”, që goditi një rast të shfrytëzimit për prostitucion. Nga hetimet u identifikuan 3 autorët e dyshuar të kësaj veprimtarie kriminale. 2 prej tyre, shtetasja X. L., 40 vjeçe, banuese në Kinë dhe shtetasi B. W., 31 vjeç, banues në Kinë, u vunë në pranga, ndërsa bashkëpunëtorja, shtetasja K. X., 50 vjeçe, u shpall në kërkim”, njofton policia.

Ndërkohë vijon puna për kapjen e shtetases së shpallur në kërkim dhe për dokumentimin e plotë të kësaj veprimtarie kriminale.

Materialet procedurale i janë referuar Prokurorisë për veprime të mëtejshme.

Kryeministri Edi Rama mikpriti në mjediset e Kryeministrisë maturantët ekselentë nga i gjithë vendi, të cilët kanë shkëlqyer me rezultatet e tyre në mësime, duke merituar Medaljen e Artë të dorëzuar nga vetë Kryeministri së bashku me certifikatën shoqëruese.

Në ceremoninë, e cila është kthyer në një traditë vjetore të vlerësimit të ekselencës akademike, ishte edhe Ministrja e Arsimit Mirela Kumbaro, e cila ndau me të rinjtë mesazhe frymëzuese nga vepra “Letër bijës time” e shkrimtares Maya Angelou, teksa theksoi se suksesi është rezultat i përpjekjes së vazhdueshme dhe i zgjedhjes për të ndjekur rrugën e dijes.

Ndërsa, Kryeministri Rama nënvizoi se numri i medaljeve të arta këtë vit është më i larti që nga krijimi i këtij eventi, një tregues i qartë i rritjes së performancës akademike, i cili përkon edhe me rritjen e numrit të studentëve shqiptarë që pranohen në universitete prestigjioze ndërkombëtare.

Kryeministri uroi të rinjtë për rrugëtimin e tyre të ardhshëm, duke i inkurajuar të ndjekin ëndrrat me guxim dhe këmbëngulje, si dhe të mos harrojnë asnjëherë rrënjët e tyre dhe kontributin që, në të ardhmen, mund t’i japin Shqipërisë.

“Së pari mirë se keni ardhur këtu në Kryeministri. E them çdo herë në përsëritjen e kësaj ceremonie tanimë tradicionale, që ky është momenti kur kjo sallë  ka brenda më shumë tru sesa asnjëherë tjetër. Është një ceremoni tradicionale që është dhe momenti më i bukur i fundvitit për mua këtu në këtë zyrë, sepse besoj që nuk ka privilegj më të madh sesa të kesh detyrën të vlerësosh mundin, përpjekjen dhe rezultatet e njerëzve si ju. Sot, ju keni plotësisht të qartë se çfarë përfaqëson suksesi juaj.  

Me siguri keni të qartë pjesën që ka të bëjë me prindërit. Keni të qartë pjesën që ka të bëjë me vëllezërit, me motrat, me gjyshen, gjyshin, të cilët pa diskutim, rezultati juaj i bën shumë të lumtur, por nuk besoj se keni plotësisht të qartë atë që ky rezultat dhe ky sukses do të thotë për shoqërinë tonë, do të thotë për të gjithë brezin tuaj dhe s’ma ha mendja se juve e mendoni se çfarë do të thotë për mua personalisht. Unë besoj që për ne të gjithë si njerëz, pavarësisht moshës, pavarësisht statusit, pavarësisht vendndodhjes, shembujt janë shumë të rëndësishëm.

Shembujt janë shumë të rëndësishëm për të na nxitur që të vazhdojmë më tutje. Dhe shembujt na nxisin në forma të ndryshme dhe nga drejtime të ndryshme. Shembulli i një fqinji që mbjell lule dhe bën që oborri i tij të duket bukur, na nxit që edhe ne të mbjellim lule, që të bëjmë të bukur oborrin tonë dhe kështu me radhë. Dhe besoj që shembujt na ndikojnë dhe i kemi shumë të nevojshëm“, tha ndër të tjera Rama.

Trajneri i Polonisë, Jan Urban, i ka thurur elozhe Kombëtares shqiptare, që do të jetë rivali i tij në gjysmëfinalen e “Play Off”-it.

Ai thotë se dueli nuk do të jetë aspak i lehtë, sepse kuqezinjtë janë një skuadër që dinë të luajnë mirë futboll dhe këtë e tregon fakti që ndodhen në këtë fazë të eliminatoreve.

“Shqipëria është një skuadër që ia ka dalë të kalojë grupin. Ata dinë të luajnë mirë futboll, ashtu si pjesa më e madhe e skuadrave që kanë siguruar Botërorin. Është një ndeshje dhe mund të ndodhë gjithçka. E di shumë mirë që gjatë kësaj kohe duhet të monitoroj jo vetëm lojtarët e mi, por edhe të Shqipërisë“, ka thënë ai për mediat polake.

Megjithatë, Urban e konsideroi shortin të lehtë dhe avantazhin për të luajtur në shtëpi të rëndësishëm.

“Shorti është i mirë, edhe pse do të më pëlqente t’i luanim të dyja ndeshjet në shtëpinë tonë. Por unë mendoj vetëm për ndeshjen me Shqipërinë. Për të shkuar në Botëror gjithçka fillon nga aty”, shton ai.

Ndeshja mes Polonisë dhe Shqipërisë do të luhet në Varshavë më 26 mars, ndërsa skuadra e kualifikuar do të përballet në finale me fituesin e çiftit Suedi-Ukrainë.

LEXO EDHE: “Unë mbart në gjak futbollin brazilian”, Sylvinho për median italiane: Shqipëria ka posedimin spanjoll, intensitetin britanik…

Me kërkesë të Prokurorisë pranë Gjykatës së Shkallës së Parë të Juridiksionit të Përgjithshëm, Gjirokastër, u konfiskuan tre milionë euro pasuri të shtetasit Drini Aliko, i cili nga hetimet rezultoi se nuk ka burime të ligjshme për krijimin e pasurive.

Shtetasi në fjalë është arrestuar në nëntor 2014, në afërsi të fshatit Lazarat.

“Ndalimi i tij u bë për arsye se ky shtetas ishte person i shpallur në kërkim, pasi më datë 21.06.2014, në karburantin e tij “IP”, si dhe mbrapa karburantit që është një sipërfaqe toke e blerë nga Drini Aliko, në rrugën Kordhocë- Lazarat , mbi ish ndërtesat e Pularisë, janë gjetur dhe sekuestruar në cilësinë e provës armë luftarake të kalibrit të ndryshëm, granata dhe municione të ndryshme, tritol , e lëndë narkotike, tre automjete, nëntë gëzhoja arme zjarri luftarake, armë dhe mjete të cilat dyshohet se janë perdorur nga ky shtetas e persona të tjerë për të kundërshtuar me armë forcat e policisë gjatë zhvillimit të aksionit kundër kultivimit të Cannabis Sattiva në fshatin Lazarat”, njoftonte asokohe Policia.

Kërkesa për konfiskim erdhi në kuadër të hetimit pasuror nr.2 të vitit 2019 dhe u konfiskuan pasuritë si më poshtë:

– Pasuria e llojit “Truall” me sipërfaqe 350m2, me vendndodhje në qytetin Gjirokastër;

– Pasuria e llojit “Truall” me sipërfaqe 1500m2 dhe ndërtim 23 m2 me vendndodhje në Lazarat, Gjirokastër;

– Pasuria e llojit “Truall” me sipërfaqe 450 m2, me vendndodhje në Grehot, Gjirokastër;

– Pasuria e llojit “Truall” me sipërfaqe 1646 m2 me vendndodhje në Grehot, Gjirokastër;

– Pasuria e llojit “Arë” me sipërfaqe 7000 m2 me vendndodhje në fshatin Arshi Lengo, Gjirokastër;

– Pasuria e llojit “Banesë” me sipërfaqe 120 m2 ndërtim, dhe pasuria e llojit “Sipërfaqe sheshi” 600 m2 me vendndodhje në Lazarat;

– Pasuria e llojit “Karburant” me sipërfaqe 148 m2 me vendndodhje në Kordhocë, Gjirokastër;

– Pasuria e llojit “Ndërtesë e zyrave dy-katëshe” me sipërfaqe 69 m2 me vendndodhje në Kordhocë, Gjirokastër;

– Pasuria e llojit “Lokal” me sipërfaqe 94 m2 me vendndodhje në Kordhocë, Gjirokastër;

– Pasuria e llojit “Magazinë” me sipërfaqe 437 m2 me vendndodhje në Kordhocë, Gjirokastër;

– Pasuria e llojit “Magazinë” me sipërfaqe 98 m2 me vendndodhje në Kordhocë, Gjirokastër;

– Pasuria e llojit “Magazinë” me sipërfaqe 542 m2 me vendndodhje në Kordhocë, Gjirokastër;

– Pasuria e llojit “Vendroje” me sipërfaqe 5 m2 me vendndodhje në Kordhocë, Gjirokastër;

– Pasuria e llojit “Nyje betoni” me sipërfaqe 55 m2 me vendndodhje në Kordhocë, Gjirokastër;

– Pasuria e llojit “Vend afrimi i materialeve të ngurta” me sipërfaqe 424 m2 me vendndodhje në Kordhocë, Gjirokastër;

– Pasuria e llojit “Truall” me sipërfaqe 2224 m2 me vendndodhje në Kordhocë, Gjirokastër; dhe

– Pasuria e llojit “Truall” me sipërfaqe 1608 m2 me vendndodhje në Kordhocë, Gjirokastër;

Prokuroria pranë Gjykatës së Shkallës së Parë të Juridiksionit të Përgjithshëm Gjirokastër, shpreh angazhimin e plotë për hetimin me prioritet të procedimeve pasurore si dhe për sekuestrimin/konfiskimin e pasurive në zbatim të ligjit Nr.10192, datë 03.12.2009 “Për Parandalimin dhe Goditjen e Krimit të Organizuar, Trafikimit dhe Korrupsionit nëpërmjet Masave Parandaluese Kundër Pasurisë”.

Në vijim, Prokuroria pranë Gjykatës së Shkallës së Parë Juridiksionit të Përgjithshëm Gjirokastër, shpreh angazhimin e plotë për vijimin e hetimeve të grupveprave që lidhen me pasurimin e paligjshëm nëpërmjet marrjes së masave për sekuestrimin dhe konfiskimin e tyre.

Kryetari i Partisë Demokratike, Sali Berisha, i pyetur nga gazetarët në lidhje me ish deputetin Ervin Salianji, është përgjigjur se ai ka kaluar vijën e kuqe dhe së është vetëpërjashtuar.

“Salianji sot është një njeri që ka kaluar linjat e kuqe”, tha Berisha.

LEXO EDHE: Salianji nuk mungon në protestën e Opozitës: Nuk më përjashton njeri nga partia, duhet përjashtuar Rama

“Çka lidhje Salianji me këtë?! Salianji ishte i burgosur politik kur u bënë zgjedhjet. Çfarë do të thotë kjo?! Sot është një njeri që ka kaluar linjat e kuqe. E kam thënë. Kaq është e gjithë puna”.

Çfarë funksioni ka Salianji sot?

“Akoma mendja tek Salianji. Ne këtu jemi për enciklpedinë e krimit që nuk është paraqitur kurrë. Çka lidhje Salianji me këtë?! Salianji ishte i burgosur politik kur u bënë zgjedhjet. Çfarë do të thotë kjo?! Sot është një njeri që ka kaluar linjat e kuqe. E kam thënë. Kaq është e gjithë puna”, vijoi Berisha.

Kryeministri Edi Rama ndau sot “Medaljet e Arta” për gjimnastët, të cilët kanë përfunduar ciklin shkollor pa asnjë 9.

Gjatë fjalës së dhe ndarjes së medaljes, kryeministri Rama nuk i kurseu as batuta me një djalë nga Pogradeci, i cili ka një vëlla tjetër binjak, por që sipas Ramës nuk e merr dot medaljen sepse ka një 9.

“Nuk shkoni në kërkim të justifikimeve por në kërkim të suksesit. Për këtë arsye ju jeni shembull frymëzues edhe për mua dhe unë ju falenderoj për këtë.

Më thanë që këtu ka një djalë që vjen nga Pogradeci dhe është vëllai binjak i një djali tjetër dhe nuk e merr medaljen e artë sepse ka marrë një 9. Kjo 9 bën që në atë shtëpi të shkojë vetëm një medalje

Nuk dua t’i them djalit që do marrë medaljen asgjë, por dua ti them atë që nuk do ta marrë medaljen që ajo 9 nuk e ben aspak që të ndihet i dyti pas vëllait.

Unë kam bindjen që ajo 9 në pjesën tjetër të rrugës ta kalojë vëllain.

Nuk i japim dot medaljen se nuk na takon, por do ta gjejmë një zgjidhje që ai të mos mjaftohet me fjalët e tua, por ta ketë një shenjë për ta lënë në shtëpi” tha Rama.

Kreu i Partisë Demokratike, Sali Berisha në një konferencë me gazetarët ditën e sotme pas protestës kombëtare mbrëmjen e djeshme para kryeministrisë, është shprehur se çdo shqiptar duhet ta ketë të qartë se kemi të bëjmë me një përballje jetë a vdekje.

“Çdo qytetar i ndershëm i këtij vendi, demokrat, socialiste, e ka të qartë, se me zhvillimet dhe zbulimet e fundit, faktimin, se unë Ergys Agasin jo vetëm në këtë sallë, por edhe në Këshillin e Evropës dhe kudo, në rezolutat tona, e kemi damkosur si koordinatorin e Ramës për veprat më të zeza dhe tani po faktohet. Çdo shqiptar duhet ta ketë të qartë se kemi të bëjmë me një përballje jetë a vdekje”, tha ai.

Kryedemokrati theksoi më tej se Edi Rama nuk do t’i heq imunitetin Belinda Ballukut, sepse sipas tij, ai është vetë prapa akteve që ka kryer zv.kryeministrja.

“Edi Rama po ble kohë për vepra të zeza, është i gatshëm dhe i aftë të ndryshoj çdo ligj dhe rregullore që të nxjerr gjithçka jashtë përgjegjësisë ligjore, kjo do shënonte vdekjen  e opozitës, asgjësimin politik të saj”, tha ai, ndërsa shtoi se “Rama mendon të përdorë mandatet si marioneta krimi, por po gabohet shumë rëndë”.

Po ashtu, Berisha theksoi se motoja e shqiptarëve duket të jetë “ja të vdesim, ja të rrojmë për liri”, pasi sa herë opozita i është përmbajtur këtij himni, ka fituar.

Berisha: Çdo qytetar i ndershëm i këtij vendi, demokrat, socialiste, e ka të qartë, se me zhvillimet dhe zbulimet e fundit, faktimin, se unë Ergys Agasin jo vetëm në këtë sallë, por edhe në Këshillin e Evropës dhe kudo, në rezolutat tona, e kemi damkosur si koordinatorin e Ramës për veprat më të zeza dhe tani po faktohet. Çdo shqiptar duhet ta ketë të qartë se kemi të bëjmë me një përballje jetë a vdekje.

Edi Rama nuk do t’i heq imunitetin Lubi Ballukut, sepse është vetë prapa akteve që ka kryer Lubia. Edi Rama po ble kohë për vepra të zeza, është i gatshëm dhe i aftë të ndryshoj çdo ligj dhe rregullore që të nxjerr gjithçka jashtë përgjegjësisë ligjore, kjo do shënonte vdekjen  e opozitës, asgjësimin politik të saj.

Ndaj dhe kjo betejë është “ja të vdesim, ja të rrojmë për liri”. Sa herë opozita i është përmbajtur këtij himni, ka fituar. Çdo opozitar duhet t’i përsëri vetes këtë moto. Nuk ka moto më të rëndësishme se kjo, opozita nuk mund të shuhet, do ishte fundi.

Nuk mundet një bandë kriminale e implikuar në akte të renda, në pengmarrje, zhdukje, kontrolle të të dhënave të qytetarëve, transaksioneve, nuk mundët kjo të asgjësoje sovranitetin e brendshëm të një kombi, opozitën. Beteja jonë të vazhdojë. Rama mendon të përdorë mandatet si marioneta krimi. Gabohet shumë rëndë.

Kreu i PD-së, Sali Berisha theksoi se dy nga personat e arrestuar për protestën e djeshme ishin turistë nga Kosova dhe nuk kishin lidhje me protestën.

Sipas tij, njëri prej tyre ishte djali i një ish luftëtari të UÇK-së. Berisha tha se ai ishte arrestuar vetëm se ai kishte bërë foto me të. Kryedemokrati kërkoi lirimin e menjëhershëm të tyre.

“Janë ndaluar 10 nga të cilat 4 janë arrestuar. Këta dy prej tyre janë kosovarë, turistë të ardhur dhe janë arrestuar nga policia sapo kanë marrë vesh se janë kosovarë për të mundur me akuzuar edhe qytetarët e Kosovës për pjesëmarrje në protesta.

E vërteta është që këta të dy kanë ardhur si turistë. Kanë qenë këtu pas protestës, në mos gabohem. Kanë bërë foto. Njëri më tha se jam djali i një luftëtari të UÇK.

Bëra foto me të. Kërkoj lirimin e menjëhershëm të tyre dhe paralajmëroj policinë që të mos prekë me dorë protestuesit se ata po luftojnë kundër hajdutëve të kombit, e kriminelëve në detyrë.”, tha Berisha.

Ministrja e Ekonomisë dhe Inovacionit, Delina Ibrahimaj, mori pjesë sot në takimin e përbashkët me Kryeministrin Edi Rama dhe ministrin e Financave, Petrit Malaj, me komunitetin e biznesit, mbi Paketën Fiskale dhe politikën e Paqes Fiskale.

Ministrja Ibrahimaj sqaroi se Paqja Fiskale mbështetet në dy shtylla kryesore: kontratën fiskale me biznesin, e cila synon planifikim më të mirë të detyrimeve tatimore, nxitje të deklarimit dhe rritje të sigurisë juridike; si dhe mundësinë e rishikimit të bilanceve të së kaluarës, me norma tatimore më të favorshme, për të mbyllur paqartësitë e së shkuarës dhe për të hyrë në vitet e ardhshme me stabilitet dhe besim të ndërsjellë.

“Synimi ynë është të hyjmë në vitin 2026 me biznese të formalizuara, konkurruese dhe me marrëdhënie të besueshme me administratën tatimore e doganore. Vetëm kështu mund të kalojmë nga një ekonomi e mbështetur te konsumi në një ekonomi të mbështetur te prodhimi dhe eksportet”, theksoi ministrja.

Ministrja Ibrahimaj rikonfirmoi angazhimin e qeverisë për politika fiskale të qëndrueshme dhe afatgjata, pa rritje taksash, që nxisin investimet, formalizimin dhe konkurrencën e ndershme, duke e konsideruar Paqen Fiskale si një instrument kyç për forcimin e ekonomisë dhe për afrimin e saj me standardet europiane.

Në fjalën e saj, ministrja Ibrahimaj theksoi se duke iu referuar të dhënave ekonomike të viteve të fundit, ministrja nënvizoi se ekonomia shqiptare ka shënuar përmirësime të qëndrueshme falë politikave të ndërmarra dhe bashkëpunimit me sektorin privat.

Ministrja nënvizoi se, numri i bizneseve është rritur me më shumë se 25% në 10-vjeçarin e fundit, ndërsa numri i të punësuarve është rritur me mbi 300 mijë persona. Po ashtu, theksoi ajo, janë shënuar rritje të ndjeshme të eksporteve, ulje të papunësisë, si dhe dyfishim të të ardhurave dhe fitimeve të bizneseve.

“Këto nuk janë shifra për narrativë politike, por tregues konkretë se klima ekonomike është përmirësuar vit pas viti. Qëllimi ynë është që ky trend pozitiv të vijojë përmes një mjedisi ekonomik stabël, të parashikueshëm dhe me rregulla të qarta për biznesin”, u shpreh Ibrahimaj.

Drejtues dhe pronarë autobusësh janë grumbulluar sërish këtë të martë jashtë ambienteve të Këshillit Bashkiak të Vlorës, ku kërkojnë të hyjnë në mbledhje për të ngritur shqetësimin e tyre lidhur me vendndodhjen e terminalit të autobusëve, i cili pritet të vendoset në hyrje të qytetit.

Në një moment është shënuar tension, pasi protestuesit kanë tentuar të futen brenda sallës së mbledhjes, por janë ndaluar nga Policia Bashkiake.

Si pasojë, është njoftuar edhe Policia e Rendit. Aktualisht, pronarët e autobusëve ndodhen ende jashtë ambienteve të këshillit, në pritje për t’u lejuar të hyjnë brenda.

Njëri prej pronarëve të autobusëve u shpreh se ata nuk janë kundër një terminali, por kundër vendndodhjes së propozuar.

Gjatë takimit me sipërmarrësit, kryeministri Rama pati dhe një debat me ndërtuesit. Ishte Erion Harizi nga Shoqata e Ndërtuesve, i cili i kërkoi qeverië lehtësia në pagesën e taksës së infrastrukturës.

Rama tha se me ndërtuesit nuk ka paqe dhe as mbështetje. Kryeministri u shpreh se ndërtimi është sektori me fitimin më të lartë në Shqipëri dhe ato akoma vijojnë të deklarojnë punonjës me paga minimale.

“Ajo që ndërtuesit duhet të kjuoptijënë shtë se ky vendi i ka dhënë shumë më terpër se farë ndërtueit po japin mbrapsht. Kqto ndërtime që bëhen do të jenë aty për dhjetëra vite. Nuk tolerohet që ne ndërkohë miratojmë projekte të cilësisë së parë kur i sheh dhe në terren nuk ngjajnë fare. Është kriminale që njerëzit të paguajnë për të marrë një shpi dhe të mos marrin hipotekën se ndërtuesi luan me lejen.

Është shëmtuar Shqipëria në shumë pjesë të saj që nga ato katrauat në Golem e të tjera tek ndërtimet… Vjen mer një leje për të bërë një godinë spektakolare dhe bën një kafaz pëllumbash, po ku lejohet kjo. Mos ta vazhdojmë këtë bisedë që mos të kërkoj të shoh ndërtimet e tua. I shohim po mos del pastaj me gjysmagjel. Mos na hap këtë muhabet. Paqe me ndërtuesit nuk ka. Më keni mbrapa këmba këmbës mua dhe gjithë ca janë që varen prej meje. Pastaj keni ca bashki që mund të bëni lodra da të doni, vazhdoni bëjni, po u kapët nuk ua ka fajin njeri.

Mbështetje ju që akoma deklaroni punonjës me 500 mijë lekë kur e dimë shumë mirë dhe ti dhe unë që nuk ekziston punonjës me pagë minimale në ndërtim. Po nuk keni faj ju, po na ka lidhur duart Gjykata Kushtetuese para disa vitesh që nuk mund t’iu vendosim juve tavan dhe ju lozni.  Ju jeni sektori me më shumë fitim në Shqipëri, cfarë mbështetje kërkoni ju. Jeni sektori ku shfrytëzohet punonjësi më shumë”, tha Rama.

Karçanaj ia ka deleguar kompetencat Romina Kostanit. Ajo akuzohet nga SPAK për “shkelje të barazisë në tendera”.

Drejtoresha e Agjencinë Kombëtare të Shoqërisë së Informacionit (AKSHI) Mirlinda Karçanaj ka deleguar kompetencat drejtuese pasi SPAK caktoi ndaj saj masën e sigurisë “arrest shtëpie”.

Karçanaj ia ka deleguar kompetencat Romina Kostanit. Ajo akuzohet nga SPAK për “shkelje të barazisë në tendera”.

Vendimi

Në mbështetje të ligjit nr. 44/2015, “Kodi i Procedurave Administrative i Republikës së Shqipërisë”, ligjit nr.90/2012 “Për Organizimin dhe Funksionimin e Administratës Shtetërore”, të Ligjit nr.43/2023 “Për Qeverisjen Elektronike” të ndryshuar, të Kreut V, neni 21, pika 5 të Ligjit nr. 162, datë 23.12.2020 “Për prokurimin publik” të ndryshuar, të Kreut IX, neni 73, pika 2, të Vendimit nr. 285, datë 19.05.2021, të Këshillit të Ministrave, “Për miratimin e rregullave të prokurimit publik”, të ndryshuar, si dhe të Rregullores së Brendshme Nr.2740 Prot., datë 20.6.2025 “Mbi detyrat dhe funksionimin e Agjencisë Kombëtare të Shoqërisë së Informacionit”,

Ngarkohet Drejtori i Koordinimit të Agjendës Digjitale dhe Projekteve e-Gov me Fonde te Huaja, Drejtori i Monitorimit dhe Mbrojtjes Kibernetike për Sistemet dhe Infrastrukturat e-Gov dhe Drejtori i Infrastrukturës e-Gov, për zbatimin e këtij urdhri.

Ngarkohet Sektori i Arkivë Protokollit për njoftimin e këtij urdhri.

Ky urdhër hyn në fuqi menjëherë”, thuhet në vendim.

Kreu i Shoqatës së Linjave Interurbane të Shqipërisë, Shpëtim Vrioni, ka theksuar se do të kërkojnë deri në fund zgjidhjen e problematikave dhe se nuk do të largohen pa një takim në Këshillin Bashkiak, kërkesa këto të mbështetura edhe nga drejtuesit e autobusëve interurban.

Pas nisjes së protestës një ditë më parë, shoferët e autobusëve të linjave urbane kanë kërkuar të hyjnë në mbledhjen e Këshillit Bashkiak, duke kërkuar një takim si me kryetaren e këshillit, ashtu edhe me kryetaren e bashkisë. Konkurrenca e paligjshme dhe mungesa e një terminali janë ndër shqetësimet kryesore të tyre.

Megjithatë, ata nuk janë lejuar të marrin pjesë gjatë zhvillimit të mbledhjes. Nuk kanë munguar debatet mes shoferëve dhe efektivëve të Policisë Bashkiake. Ndërkohë, drejtues të autobusëve interurban kanë theksuar se nuk do të largohen pa zhvilluar një takim, ku të parashtrojnë kërkesat e tyre dhe të gjendet një zgjidhje.

Kreu i Shoqatës së Linjave Interurbane të Shqipërisë, Shpëtim Vrioni, ka theksuar se do të kërkojnë deri në fund zgjidhjen e problematikave dhe se nuk do të largohen pa një takim në Këshillin Bashkiak, kërkesa këto të mbështetura edhe nga drejtuesit e autobusëve interurban.

Protesta nisi të hënën, ndërsa drejtuesit e autobusëve deklarojnë se ajo do të vijojë deri në zgjidhjen e kërkesave, duke pezulluar shërbimin.

Kryeministri i vendit, Edi Rama, u shpreh se nga “paqja fiskale” do të përfitojnë të gjithë ata subjekte, të cilat nuk kanë probleme me ligjin dhe nuk kanë procese gjyqësore të hapura.

Ai theksoi se kjo është “vija e kuqe” dhe kush nuk i plotëson këto kritere, nuk përfiton nga lehtësirat fiskale.

Kryeministri Rama theksoi se bizneset që do paraqesin pasqyra të reja fiskale do të paguajë 5% të fitimit.

“Këtu bëhet paqe me të gjithë atë me të cilët nuk janë në konflikt aktualisht me ligjin në Republikën e Shqipërisë, nuk janë në procese penale të hapura, nuk janë në procese gjyqësore të hapura, të cilat afektojnë legjitimitetin e të ardhurave dhe për të gjithë pjesën tjetër, në ligj shkruhet se nëse sipërmarrja dëshiron të rikthehet pasqyrave të deklaruar të viteve të mëparshme dhe të paraqesë para tatimeve pasqyra të reja, ku ka korrigjim të të ardhurave, atëherë do paguajë 5% të fitimit dhe kështu do të formalizojë atë pjesë të të ardhurave që nuk e ka në pasqyrë.

Këtu jemi duke folur për sipërmarrjen e mesme dhe të madhe, sepse biznesi i vogël nuk ka tatim fitimi. Jemi të vetmit në këtë kontinent, që biznesi i vogël nuk paguan dhe do vazhdojë të mos paguajë tatim fitimi deri në vitin 2029.

Siç e kemi premtuar. Kjo e ka ndihmuar biznesin e vogël dhe shifrat janë të qarta. Instrument që jep rezultat për të cilët ata e përdorin duke besuar në dobinë e tij.”, tha ai.