Autoritetet amerikane të imigracionit kanë ndaluar këtë muaj të paktën katër fëmijë, përfshirë një 5-vjeçar, në zonën e Minneapolis, në kuadër të operacioneve të administratës së Trump kundër emigracionit të paligjshëm.

Sipas autoriteteve lokale, rreth 3 mijë agjentë federalë janë dislokuar në qytetin më të madh të Minesotës, duke rritur ndjeshëm tensionet mes komuniteteve emigrante.

Një nga rastet më tronditëse është ai i Liam Conejo Ramos, vetëm 5 vjeç, i cili pa babanë e tij të arrestohej nga agjentë të maskuar në oborrin e shtëpisë, ku sapo ishte kthyer nga kopshti.

Departamenti Amerikan i Sigurisë Kombëtare deklaroi se babai i fëmijës ndodhej ilegalisht në Shtetet e Bashkuara, por nuk dha detaje mbi ndonjë precedent penal.

Autoritetet theksuan se fëmijët nuk janë objektiv i drejtpërdrejtë i operacioneve dhe se prindërve u ofrohet mundësia të vendosin për kujdestarinë e tyre.

Megjithatë, drejtues të shkollave konfirmojnë edhe raste të tjera: një 17-vjeçar u ndalua nga agjentë të armatosur teksa shkonte në shkollë, një 10-vjeçare u ndalua dy javë më parë dhe ndodhet ende në një qendër ndalimi në Teksas, ndërsa një tjetër adoleshente u arrestua bashkë me nënën e saj në banesë.

“Është e qartë se ajo që po shohim në rrugët tona tani është diskriminim vetëm në bazë të racës. Pra, po, në Minneapolis, ne duam të zgjidhim krimin. Ne duam të arrestojmë vrasësit. Ajo që po shohim është se kjo ka më shumë të bëjë me hakmarrjen politike, me terrorizimin e njerëzve sesa me sigurinë”, tha Jacob Frey, kryetari i Bashkisë së Minneapolisit.

Ngjarjet kanë shkaktuar reagime të forta nga demokratët dhe autoritetet lokale, të cilët akuzojnë agjentët federalë për përdorim force të panevojshme dhe për krijimin e një klime frike mes komuniteteve emigrante.

Kryeministrja italiane Giorgia Meloni ia paraqiti argumentet e presidentit të SHBA-së Donald Trump BE-së pas dyerve të mbyllura këtë javë, në një përpjekje për të qetësuar tensionet transatlantike.

Në një samit në Bruksel të enjten, Meloni u tha homologëve të saj të BE-së se luftimi i Trumpit ishte një ide e keqe sepse Evropa ka gjithçka për të humbur nga një konflikt me Amerikën, sipas katër personave të informuar mbi bisedat e udhëheqësve, të cilëve iu dha anonimitet për të detajuar bisedat private.

Në vend të kësaj, ajo i nxiti të gjithë të qëndronin të qetë dhe të mos e konsideronin Trumpin si “të çmendur” ose të paparashikueshëm.

Duke folur pas samitit, presidentja e Komisionit Evropian, Ursula von der Leyen, sugjeroi që udhëheqësit e kishin nxjerrë mësimin këtë javë se përballja me Trumpin në një mënyrë “të vendosur”, por “jo-përshkallëzuese”, ishte një strategji efektive që ata duhet ta vazhdonin.

Udhëheqësit e BE-së thirrën samitin e jashtëzakonshëm në përgjigje të kërcënimit të Trumpit për të goditur tetë vende evropiane me tarifa për shkak se kundërshtuan kërkesën e tij për të marrë kontrollin e Grenlandës nga Danimarka.

Kriza në marrëdhëniet transatlantike ka dominuar diskutimet në Bruksel dhe kryeqytete të tjera evropiane, dhe udhëheqësit u mblodhën për darkë për të provuar të hartojnë një strategji për të ardhmen.

Pasi BE-ja kërcënoi të përdorte metoda tregtare dhe të tjera për t’u hakmarrë nëse Trump do të vazhdonte me kërcënimin e tij për tarifa, dhe tregjet reaguan negativisht, presidenti amerikan u tërhoq dhe tregoi se donte një marrëveshje miqësore për Grenlandën.

Raportet e ndërhyrjes së Melonit sugjeronin se ajo donte një qasje më të kujdesshme sesa disa udhëheqës rreth tryezës.

Ndryshe, të premten Meloni priti kancelarin gjerman Friedrich Merz në Romë për të diskutuar bashkëpunim më të madh në mbrojtje dhe industri.

Udhëheqësit e BE-së vendosën të takohen përsëri muajin e ardhshëm për një sesion “brainstorming” mbi mënyrat e përshtatjes ndaj një rendi të ri botëror të dominuar nga rivalitetet e fuqive të mëdha.

Një hetim lidhur me përplasjen e dy trenave të shpejtë në Spanjë, që la të vdekur 45 persona, sugjeron se shina e hekurudhës ishte çarë para aksidentit, sipas një raporti preliminar të publikuar të premten, më 23 janar.

Spanja po kërkon përgjigje për një nga aksidentet më vdekjeprurëse të këtij lloji në Evropë në këtë shekull, që ka ngritur dyshime mbi sigurinë e rrjetit të dytë më të madh në botë të hekurudhave me shpejtësi të lartë.

Aksidenti ndodhi në rajonin jugor të Andaluzisë mbrëmjen e 18 janarit, kur një tren që operohej nga kompania private, Iryo, doli nga shinat dhe kaloi në shinat në anën tjetër, duke u përplasur me një tren që po vinte nga drejtimi i kundërt, tren që operohej nga kompania shtetërore, Renfe.

Një inspektim i trenit Iryo “zbuloi prerje në rrotat anësore në anën e djathtë” të katër vagonëve, u tha në raportin preliminar të komitetit CIAF për hetimin e aksidenteve hekurudhore.

“Këto prerje në rrota dhe deformimi në shina janë të përputhshme me faktin që shina ishte e çarë”, u tha në dokument.

Prerje u gjetën gjithashtu edhe në rrotat anësore në anën e djathtë të tre trenave që kishin kaluar mbi të njëjtat shina disa orë para aksidentit, tha CIAF.

Bazuar në këto informacione, “mund të propozojmë hipotezën se çarja e shinës ka ndodhur para kalimit të trenit Iryo që pësoi aksident, dhe prandaj para devijimit nga shinat”, u tha në raport.

CIAF paralajmëroi se “kjo hipotezë… duhet të verifikohet më pas përmes llogaritjeve dhe analizave të detajuara”.

Ministri i Transportit, Oscar Puente, tha se ishte “qetësuese” që hetuesit kanë këtë hipotezë mbi shkakun e mundshëm të aksidentit.

“Gjetjet nuk janë përfundimtare, por ato hedhin dritë mbi teorinë që ekspertët e komisionit aktualisht e konsiderojnë më të mundshme”, u tha ai gazetarëve në Madrid.

Ai shtoi se çarja e shinës duhej të kishte qenë aq e vogël sa të mos ndërpriste energjinë elektrike që kalonte përmes saj, pasi nëse do të ishte më e thellë automatikisht do të aktivizohej sistemi i alarmit dhe ndalimin i trafikut hekurudhor.

Segmenti i hekurudhës ku ndodhi aksidenti ishte renovuar së voni, ndërkaq treni i Iryos ishte prodhuar në vitin 2022.

Gabimi njerëzor është përjashtuar si shkak i mundshëm i aksidentit, teksa trenat që u përplasën kishin qenë duke udhëtuar brenda kufirit të lejuar të shpejtësisë.

Spanja ka rrjetin më të madh në Evropë për trenat e shpejtë me mbi 3 mijë kilometra hekurudhë që lidhin qytetet e mëdha përfshirë Madridin, Barcelonën, Seviljan, Valencian dhe Malagën.

Bisedimet trepalëshe mes Shteteve të Bashkuara të Amerikës, Ukrainës dhe Rusisë, të mbajtura sot në Abu Dhabi, janë mbyllur për ditën e sotme dhe do të vazhdojnë nesër.

Një zyrtar i Shtëpisë së Bardhë ka thënë se takimi i sotëm ka qenë “produktiv”, duke shtuar se diskutimet do të vijojnë edhe ditën e nesërme.

Ndërkohë, edhe agjencia shtetërore ruse e lajmeve TASS ka raportuar se palët janë dakorduar që bisedimet të rifillojnë nesër.  / abcnews.al /

Read More...

Eksperti i ekonomisë Ergis Sefa tha se vendet e mëdha po riorganizojnë zinxhirët e furnizimit për t’u shkëputur nga Kina, proces që do të prekë edhe BE-në.

Sipas tij, inteligjenca artificiale dhe robotika do të zëvendësojnë shumë profesione, duke rritur produktivitetin, ndërsa vendet duhet të përshtatin politikat e kapitalit njerëzor. Këto ndryshime, tha ai, pritet të ndihen edhe në Shqipëri brenda 4–5 viteve.

“Do të ketë një riorientim të zinxhirëve të financimit. Politikat e vendeve të mëdha tentojnë të riorganizojnë zinxhirët e furnizimit për t’u shkëputur nga Kina, tashmë duan t’i kenë më nën kontroll. E njëjta gjë do të ndodhë edhe me BE-në dhe polet e tjera. Procesi i riorientimit nuk do të jetë “business as usual”, por nga ajo që po shohim do të kemi një riorientim të theksuar.

Shumë drejtues të kompanive botërore e bënë të qartë që në vitet që vijnë pritet që pjesa më e madhe e profesioneve të zëvendësohen nga inteligjenca artificiale ose robotika, pasi kjo do të rrisë produktivitetin për kompanitë. Ndërkohë që mundësia është që ato vende më pak të zhvilluara ose në zhvillim do të bëjnë kapërcime më të mëdha falë AI-së.

Do të duhet një kujdes i shtuar në politikat e kapitalit njerëzor dhe në orientimin e tregut të punës. Brenda 4–5 viteve, kjo nuk do të jetë e largët as për Shqipërinë.”, tha Sefa./ abcnews.al /

Eksperti i ekonomisë Igli Tola tha për Sheshi i Dollarit se për një periudhë afatmesme ekonomia globale do të përballet me pasoja nga ngadalësimi i globalizimit. Sipas tij, kjo do të sjellë rritje çmimesh, ulje të konsumit dhe do të godasë veçanërisht shtresat me më pak mundësi ekonomike.

Tola paralajmëroi se edhe vendi ynë do të ndiejë këto pasoja, ndërsa inteligjenca artificiale rrit rrezikun për shkurtimin e vendeve të punës.

“Për një periudhë afatmesme do të jemi në këtë situatë, për sa kohë që po ndalojmë ritmin e globalizimit, i cili si parim bazë kishte specializimin e disa vendeve në prodhim dhe maksimizimin e efiçencës së ekonomisë së shkallës. Kjo gjendje do të zgjasë për një periudhë afatmesme, derisa të rriten marrëveshjet mes palëve. Edhe vendi ynë do të përballet me pasojat që do t’i vijnë përkundër.

Ritmi i rritjes do të ndihet në vendet e Brexit-it, por me një tendencë rënëse, për sa kohë që tregjet e konsumit kanë pësuar ndryshime. Ekonomia globale në tërësi do të vuajë pasojat: do të ketë rritje të çmimeve në mënyrë eksponenciale dhe ulje të konsumit. Konsumatori final do të afektohet drejtpërdrejt.

E gjithë kjo do të prekë shtresat ekonomike që kanë më pak mundësi ekonomike për të përballuar shportën e konsumit. Inteligjenca artificiale në ekonomi rrit rrezikun për zëvendësimin e krahut të punës dhe do të sjellë pasoja edhe më të mëdha në shkurtimin e vendeve të punës.”  / abcnews.al / 

Eksperti i ekonomisë Ergis Sefa, i ftuar në emisionin “Sheshi i Dollarit” në ABC Neës, ka analizuar zhvillimet më të fundit në ekonominë globale dhe ndikimin e tyre në rajon.

Sipas tij, Shtetet e Bashkuara të Amerikës vijojnë të mbeten forca dominuese në tregun global, pavarësisht një rënieje graduale, ndërsa Kina po barazohet gjithnjë e më shumë me SHBA-në për sa i përket prodhimit të brendshëm bruto.

Sefa theksoi se ekonomia botërore mbështetet aktualisht mbi katër pole kryesore, SHBA-në, Europën, Kinën dhe Lindjen e Mesme, duke paralajmëruar se tarifat tregtare të vendosura së fundmi pritet të sjellin pasoja të ndjeshme për Bashkimin Europian dhe vendet partnere, përfshirë edhe Shqipërinë.

“Shtetet e Bashkuara të Amerikës vazhdojnë që të jenë dominuese të tregut global, megjithëse ka qenë në rënie. Kohët e fundit është kina ajo që është njësoj si SHBA për prodhimin e  brendshëm bruto. SHBA është tregu më i madh i brendshëm, Europa vazhdon të jetë një pol i tretë, është një treg goxha i madh dhe Lindja e Mesme vazhdon të jetë ai poli i katërt, sidomos për lëndët minerale. Çdo lëvizje gjeopolitike është në këto katër rajone.

Ka vetëm një vit janë vendosur tarifat, por ende nuk janë ndjerë efektet e tarifave që janë vendosur. Projektohet deri në vitin 2027 prodhimi bruto i BE-së të ulet. Vetëm për pasojë e tarifave pritet që të zbresë deri në 17% eksportet. Kjo bëhet fjalë për tarifat e vendosura dhe jo ato shtesë. 30% e eksporteve të BE drejt SHBA. Pa diskutim që edhe Shqipëria do të marrë goditje , sepse partneri jonë tregtar është BE. Edhe Shqipëria do e pësojë, si një vend që importon dhe eksporton. Kjo është shumë me rëndësi për ne dhe për fat të keq nuk po e kuptojmë dhe nuk po marrim dot masat e duhura për t’u mbrojtur”, tha Sefa.

Eksperti i marrëdhënieve ndërkombëtare, Geron Kamberi, ka komentuar rëndësinë dhe mesazhet kryesore të Forumit Ekonomik Botëror të Davosit, gjatë një interviste në emisionin “Sheshi i Dollarit” në ABC News.

Sipas tij, Davosi mbetet një forum me peshë të konsiderueshme globale, që bashkon ekonominë dhe biznesin, duke ofruar perspektiva për zhvillimet ekonomike të së ardhmes, ndonëse nuk ka rol vendimmarrës.

Kamberi theksoi se forumi, ku marrin pjesë qindra liderë politikë dhe biznesmenë, po funksionon si një “OKB në hije”, ndërsa këtë vit vëmendje të veçantë mori fjalimi i Donald Trump dhe ndikimi i tij në qetësimin e tregjeve, në një kohë kur bota po përballet me sfida dhe konflikte të rëndësishme globale.

“Është një forum që synon të bëjë bashkë ekonominë, biznesin dhe t’i japë botës perspektivën e ekonomisë në ditët që vijnë. Nuk është një forum vendimmarrës, por që ka marrë një peshë të konsiderueshme. Marrin pjesë qindra lider dhe biznesmenë. Është një lloj OKB-je në hije. Forumi i Davos u mbajt këtë vit në përvjetorin e presidencës Trump, e cila gjatë një viti ka arritur shumë gjëra.

Është një lloj ndërhyrje, ku ekonomia pa politikë dhe politika pa ekonomi nuk ekziston. Ajo që tërhoqi vëmendjen ishte fjalimi i Trump, kritika se si e sheh ai botën. Forumi i Davosit sivjet pati mesazhe shumë interesante edhe për5 faktin që bota mori frymë nga dy konflikte, siç ishte ai për paqen e Gazës dhe Groenlanda, ku nga deklarata e djeshme e Trump u duk sikur qetësoi shumë tregje”, tha Kamberi.

Presidenti i SHBA-së, Donald Trump, ngriti një padi prej 5 miliardë dollarësh kundër JPMorgan Chase dhe CEO-s së saj Jamie Dimon, duke i akuzuar ata se i kanë mohuar shërbimet bankare për arsye politike duke i mbyllur disa nga llogaritë e tij.

Padia, e ngritur në një gjykatë shtetërore të Floridës në Qarkun Miami-Dade, akuzonte bankën më të madhe amerikane për shkelje të politikave të veta duke zgjedhur Trumpin për të përfituar nga “vala politike”.

Por, JPMorgan mohoi se mbyll llogaritë për arsye politike ose fetare.

“Ndërsa na vjen keq që presidenti Trump na ka paditur, ne besojmë se padia nuk ka asnjë vlerë”, tha ajo.

“Ne e respektojmë të drejtën e presidentit për të na paditur dhe të drejtën tonë për të mbrojtur veten”, shtoi banka.

Trump akuzoi JPMorgan për shkelje të parimeve të saj në mënyrë të njëanshme duke mbyllur llogaritë që i përkisnin atij dhe kompanive të tij të mikpritjes.

Ai gjithashtu akuzoi Jamie Dimon se kishte urdhëruar një “listë të zezë” dashakeqe për të paralajmëruar bankat e tjera në lidhje me bërjen e biznesit me Organizatën Trump dhe anëtarët e familjes Trump, si dhe me vetë Trumpin.  /abcnews.al /

Read More...

Abc News Live

Në një letër shpjeguese drejtuar këshillit të Lartë Gjyqësor, gjyqtarja Irena Gjoka sqaron arsyen se përse në formularin e dekriminalizimit, nuk ka deklaruar se është dënuar me vendim gjykate në Greqi, për falsifikim vize.

Letra e plotë:

Çmoj të theksoj se, në të gjithë përmbajtjen e vendimit të Gjykatës së Janinës të dhënë ndaj meje, nuk përmendet në asnjë moment përcaktimi i shkeljes së pretenduar si të kryer nga unë, e natyrës “penale”, por ajo cilësohet në të gjitha rastet si një “vepër”, “shkelje” e cila parashikohet nga paragrafi 7 i nenit 54 të Ligjit nr. 2910/2001 me titull “Hyrja dhe qëndrimi i të huajve në Territorin Grek” dhe jo nga Kodi Penal.

Si konkluzion, në mungesë të dijenisë, nuk mund t’i përgjigjesha me “po” pyetjeve në formular që kanë të bëjnë me hetimin, gjykimin apo dënimin nga Gjykata e Janinës.

Në rastin konkret vendimi i dënimit nuk është i formës së prerë dhe si rrjedhojë ai nuk ka asnjë vlerë juridike në Territorin e Republikës së Shqipërisë.

Nuk kam asnjë ndalesë që të ushtroj funksione publike në bazë të ligjit për dekriminalizimin dhe kam plotësuar saktë formularin e dekriminalizimit bazuar në njohuritë që kisha në momentin e plotësimit të këtij formulari.

Vendimi i dënimit i dhënë nga Gjykata e Shkallës së Parë Janinë, nuk më është njoftuar asnjëherë dhe nuk ka marrë formë të prerë, jo vetëm për shkak të mosnjoftimit por edhe për shkak të miratimit në vitin 2005 të Ligjit nr.3346, datë 17.6.2005, i cili shfuqizonte vendimet jo të formës së prerë dhe linte pa fuqi të gjitha vendimet e dënimit me më pak se gjashtë muaj burgim. Autoritetet greke të drejtësisë, nëpërmjet letërporosisë, siç u theksua më sipër kanë dërguar shkresën me nr.363 Prot, datë 13.06.2025, të Gjykatës së Shkallës së Parë Janinë, Zyra e Hetuesit, nga përmbajtja e së cilës rezulton se: Vendimi i Gjykatës së Shkallës së Pare me Tre Anëtarë për kundravajtjet, Janinë, nuk u ekzekutua sipas aktit të prokurorit me nr.492/2005 dhe vendimi u depozitua në arkivë në përputhje me nenin 32, parg.1 dhe 2 të Ligjit nr.3346/2005. Për këtë arsye, ky vendim nuk është regjistruar asnjëherë në regjistrin e gjendjes gjyqësore për shkak se ai nuk mori formë të prerë dhe u arkivua nga prokurori.

Si konkluzion, vendimi i dënimit jo i formës së prerë i Gjykatës së Shkallës së Parë Janinë nuk mund të përbëjë shkak për mbarimin e mandatit tim si gjyqtare, sepse ky vendim nuk cenon kushtet e zgjedhshmërisë. Në kushtet e analizuara më sipër, ky vendim konsiderohet si i paqenë.

Nga analiza e sipërcituar, rezulton qartë se ILD nuk mund të fillojë procedim disiplinor ndaj meje, në funksionin e gjyqtares, sepse nuk provohet se kam kryer një vepër penale, vendimi i dënimit nuk sjell asnjë pasojë juridike. Përtej diskutimit të sipërcituar, ILD-se nuk i lejohet të fillojë një procedim disiplinor pas 5 vjetëve nga koha kur ka ndodhur shkelja e pretenduar.

Agjentët e Policisë Kombëtare, në një operacion të përbashkët me Agjencinë Tatimore, gjetën 200 kilogramë kokainë të fshehur në një kontenier nga Kolumbia në Portin e Vigos në Spanjë dhe shkatërruan një organizatë kriminale shqiptare me arrestimin e 8 personave, 5 prej të cilëve u dënuan me burg.

Hetimi filloi në vitin 2024 falë bashkëpunimit midis Policisë Kombëtare dhe Agjencisë Tatimore për të penguar përpjekjet e organizatave ndërkombëtare për të përfituar nga rrugët e reja direkte midis Amerikës Latine dhe portit të Vigos, siç u raportua këtë të premte në një konferencë për shtyp nga ata që ishin përgjegjës për operacionin, të quajtur Monterrey.

Si rezultat i hetimeve fillestare, u bë e mundur të përcaktohej ekzistenca e një klani shqiptar që përdorte mënyrën e veprimit të njohur si grabitje ose “grep i verbër”. Kjo procedurë konsiston në futjen e lëndës narkotike në një kontenier ngarkese të ligjshëm ose bosh në bordin e anijeve të dedikuara për transportin e mallrave , për ta nxjerrë atë sapo anijet e lartpërmendura mbërrijnë në portin e destinacionit.

Pas një pune të mundimshme hetimore, ky rrjet kriminal u identifikua dhe një operacion policor u krijua më 12 janar, i cili kulmoi me arrestimin e pesë anëtarëve të tij, të cilët kishin mbërritur një ditë para se anija kontenier të ankorohej për të provuar të merrnin në dorëzim drogën. Dy prej tyre ndodheshin në një shtëpi me qira po atë ditë pranë Vigos dhe tre të tjerët u habitën ndërsa po hanin në një restorant në qytet.

Të martën e kaluar, hetimi kulmoi me arrestimin e tre anëtarëve të tjerë të organizatës në një operacion të kryer në A Coruña, Lugo, Madrid dhe rajonin e Salnés (Pontevedra).

Udhëheqësi i këtij rrjeti ishte një lord i drogës, ndërsa hetuesit verifikuan se ai kishte një urdhër gjykate në fuqi për burgosjen e tij për një vepër penale të trafikimit të drogës. Më në fund, operacioni kulmoi me sekuestrimin e 200 kilogramëve kokainë të shpërndarë në katër pako dhe 20,000 eurove.

Tetë të ndaluarit iu dorëzuan autoriteteve gjyqësore si autorë të dyshuar të krimeve të përkatësisë në një organizatë kriminale dhe trafikimit të drogës, me pesë prej tyre që u dërguan në burg.

SHBA-të dhe BE-ja shpresojnë të tërheqin 800 miliardë dollarë fonde publike dhe private për të ndihmuar në rindërtimin e Ukrainës, pasi Rusia të përfundojë agresionin e saj, sipas një dokumenti të siguruar nga POLITICO .

Dokumenti 18-faqësh përshkruan një plan 10-vjeçar për të garantuar rimëkëmbjen e Ukrainës me një rrugë të përshpejtuar drejt anëtarësimit në BE.

Komisioni Evropian i qarkulloi planet në kryeqytetet e BE-së përpara samitit të liderëve të enjten në mbrëmje, ku u trajtua dokumenti, i datës 22 janar, sipas tre zyrtarëve dhe diplomatëve të BE-së, të cilëve iu dha anonimiteti për të folur rreth temës së ndjeshme.

Ndërsa Brukseli dhe Uashingtoni po grumbullojnë qindra miliarda dollarë në fonde afatgjata dhe po e paraqesin Ukrainën si një anëtare të ardhshme të BE-së dhe destinacion investimi, strategjia varet nga një armëpushim që mbetet i pakapshëm – duke e lënë planin e prosperitetit të cenueshëm për sa kohë që luftimet vazhdojnë.

Strategjia e financimit shtrihet deri në vitin 2040 së bashku me një plan operativ 100-ditor për të nisur menjëherë projektin.

Por plani i prosperitetit do të ketë vështirësi në tërheqjen e investimeve të jashtme nëse konflikti vazhdon, sipas kompanisë së investimeve, BlackRock.

Ndryshe, SHBA-të pritet të luajnë një rol të spikatur në rimëkëmbjen e Ukrainës.

Në vend që ta paraqiste Uashingtonin kryesisht si donator, dokumenti e pozicionoi SHBA-në si një partner strategjik ekonomik, investitor dhe i besueshëm për rimëkëmbjen e Ukrainës.

Gjatë 10 viteve të ardhshme, BE-ja, SHBA-ja dhe organet financiare ndërkombëtare, përfshirë Fondin Monetar Ndërkombëtar dhe Bankën Botërore, janë zotuar të shpenzojnë 500 miliardë dollarë kapital publik dhe privat, thuhet në dokument.

Delegacionet nga Ukraina, Rusia dhe Shtetet e Bashkuara të Amerikës kanë nisur zyrtarisht bisedimet tripalëshe në Abu Dabi pasditen e kësaj të premteje, me qëllim për të vendosur paqe në konfliktin e nisur 4 vite më parë.

Shtetet e Bashkuara përfaqësohen nga Steve Witkoff dhe Jared Kushner, të cilët i bashkohen takimit pas një bisede me Vladimir Putin në Moskë, si dhe nga Josh Gruenbaum, një ndër këshilltarët e lartë të Bordit të Paqes.

Nga Ukraina në takim marrin pjesë disa nga zyrtarët e saj të lartë, përfshirë Rustem Umerov, kreun e këshillit të sigurisë dhe mbrojtjes kombëtare të Ukrainës, Kyrylo Budanov, kreun e zyrës së Zelensky, negociatorin David Arakhamia dhe shefin e shtabit të përgjithshëm, Andrii Hnatov.

Bisedimet për palën ruse drejtohen nga admirali Igor Kostyukov, zëvendësshef i shtabit të përgjithshëm rus. I dërguari rus i investimeve Kirill Dmitriev është gjithashtu në Emiratet e Bashkuara Arabe dhe do të mbajë një takim të veçantë me Witkoff.

Takimi trilateral me pjesëmarrjen e Rusisë, Ukrainës dhe Shteteve të Bashkuara vijnë pas takimit të Moskës që të dërguarit amerikanë mbajtën me Presidentin rus Vladimir Putin. Këto bisedime u konsideruan nga Kremlini si të sinqerta dhe konstruktive. Megjithatë, padakordësitë mes Kievit dhe Moskës vijojnë dhe problematika kryesore janë territoret.

Putin theksoi gjatë takimit me Steve Witkoff dhe Jared Kushner se nëse nuk zgjidhet kjo çështje sipas formulës territoriale të rënë dakord gjatë takimit me Donald Trump në Alaska, nuk ka shpresë as për një zgjidhje afatgjatë.

Lideri ukrainas Volodymyr Zelensky tha se pikërisht çështja e territoreve do të jetë një pjesë e rëndësishme e diskutimeve në Emiratet e Bashkuara Arabe.

Ka pak detaje publike në lidhje me bisedimet në Abu Dabi, por Volodymyr Zelensky ka thënë se ato do të zgjasin dy ditë.

Bisedimet vijnë në një moment të vështirë për Ukrainën. Vendi ka qenë nën sulmet ruse që nga fillimi i këtij viti dhe infrastruktura e dëmtuar rëndë ka lënë qindra mijëra familje pa energji elektrike këto ditë të ftohta dimri.

Ajo që bie sërish në sy është mungesa e zyrtarëve europianë në këto negociata. Presidenti ukrainas e shprehu qartë zhgënjimin e tij me aleatët në kontinent gjatë forumit të Davosit në Zvicër.

Në përgjigje të Zelensky, presidentja e Komisionit Evropian, Ursula von der Leyen, theksoi se BE ishte mbështetësja më e madhe e Ukrainës.

“Veprimet flasin më shumë se fjalët”, u tha ajo gazetarëve, por pavarësisht kësaj, roli i europianëve vitin e fundit në përpjekjet për arritjen e paqes ka qenë dytësor dhe liderët e kontinentit kanë vepruar vetëm kur situata dukej të ishte emergjente.

Anis Mehmeti afrohet më shumë me Premier League, duke zyrtarizuar transferimin e tij te Ipsëich Toën.

Futbollisti shqiptar, i cili ka shkëlqyer në sezonet e fundit me Bristol City do të vijojë të luajë në Championship, por skuadra e tij e re shihet si pretendente për t’u ngjitur sërish në kampionatin elitar anglez.

Nuk janë zbuluar detajet e këtij transferimi, ndërsa mediat në vend thonë se Ipsëich ka paguar 3 milion paund për kartonin e futbollistit, që në fund të sezonit mund të largohej nga Bristol si një lojtar i lirë, pasi nuk kishte pranuar të rinovonte kontratën.

Vetë lojtari ka firmosur deri në qershor të vitit 2029, duke rritur ndjeshëm të ardhurat e tij.

Pas prezantimit nga klubi i ri, Mehmeti ka dhënë edhe intervistën e parë.

Ai është shprehur i lumtur për transferimin dhe se kërkon të përmirësohet çdo ditë për të ndihmuar ekipin në objektivin e tij për t’u kthyer në Premier League.

Sulmuesi 25 vjeçar kalon te Ipsëich si një prej lojtarëve më të mirë të sezonit në Championship, ku ka shënuar 8 gola dhe ka dhënë 6 asiste.

Që nga janari 2023 kur u transferua te Bristol, ai numëron 136 ndeshje dhe 26 gola gjithsej.

Shifra të rëndësishme, por që deri tani nuk i kanë shërbyer për të bindur trajnerin Sylvinho ta kthejë në kombëtaren kuqezi,

Analisti politik Roland Bejko, i ftuar në emisionin “Tirana Live” në ABC News, ka komentuar zhvillimet e fundit në opozitë dhe rolin e Sali Berishës në skenën politike shqiptare.

Sipas Bejkos, retorika e Berishës ndaj demokratëve synon vetëm mobilizimin e tyre artificial, ndërsa në realitet ai ka dështuar të prodhojë rezultate konkrete politike.

Analisti theksoi se veprimet e fundit të Berishës, përfshirë raportin me faktorin ndërkombëtar, kanë çuar në legjitimimin e kryeministrit Edi Rama, duke rrëzuar gjithë narrativën e ndërtuar më herët nga opozita. Bejko e cilësoi situatën si të dëmshme për Partinë Demokratike dhe vlerësoi se kriza aktuale brenda saj kërkon reflektim dhe ndryshim lidershipi.

“Berisha u hedh gënjeshtra demokratëve, që t’i mbajë të karikuar, që të mos i lënë sheshin bosh. Berisha jo vetëm që nuk e largoi Ramën me Trump, por dje Berisha legjitimoi Ramën, duke ia çuar Trump si kryeministrin e Shqipërisë. I ra e gjithë retorika. Gjithë këtë alibi i e krijoi Berisha, sepse jeton në realitete paralele. Ndërton një gjuhë politike dhe në fund ngelet pa gjë. Beriaha është vetëm një komedian që luan në politikën shqiptare. Është tragjike për demokratët.

Çdo gjë që thotë Berisha nuk duhet marrë seriozisht dhe nuk ka asnjë vlerë sot. Në datën 24 demokratët nuk duhet të protestojnë para kryeministrisë, por po të kishin mend duhet shkonin para selisë së PD dhe të kërkojnë dorëheqjen e Berishës. Rënia e Sali Berishës do te hapë procesin për rënien e Ramës. Berisha nuk prodhon politikë, por vetëm disa lëvizje kaotike. Rama vazhdon të jetë 3-4 hapa në këtë lojë politike para Berishës dhe të gjithë politikanëve të tjerë”, tha Bejo.

Autoritetet franceze po hetojnë vdekjen e dy foshnjave që konsumuan produkte formule, që u tërhoqën së fundmi si masë paraprake, tha të martën ministria franceze e shëndetësisë.

Një foshnjë, e cila vdiq në qytetin jugperëndimor francez të Pessac, ishte ushqyer me qumësht pluhur Guigoz të prodhuar nga Nestle. Zyra e prokurorit të Bordeaux po heton shkaqet e mundshme të vdekjes. Deri më tani, tha ministria, nuk ka prova që lidhin vdekjet me produktet formule për foshnje.

Nestle dhe gjigandi i qumështit Lactalis thanë të mërkurën se po tërhiqnin gjashtë grupe të formulës për foshnje të markës Picot në Francë dhe në një numër vendesh të tjera për shkak të “pranisë së mundshme” të cereulidës, një toksinë që mund të shkaktojë diarre dhe të vjella. Substanca bakteriale është lidhur me një përbërës të furnizuar nga një furnizues ndërkombëtar. Reuters nuk mundi të përcaktonte menjëherë se cilën formulë kishte konsumuar foshnja e dytë.

“Deri më sot, asnjë lidhje nuk është vërtetuar shkencërisht”

Nestle tha se ishte në dijeni të hetimeve në vazhdim. “Siç kanë deklaruar autoritetet, në këtë fazë nuk ka asgjë që të sugjerojë se ka ndonjë lidhje midis këtyre ngjarjeve tragjike dhe konsumit të produkteve tona”, tha grupi në një email drejtuar Reuters.

Lactalis theksoi se nuk ka marrë asnjë raport nga autoritetet shëndetësore. “Autoriteteve shëndetësore u janë sjellë në vëmendje dy raporte për vdekje foshnjesh, të cilat kanë të bëjnë me fëmijë që u raportua se kishin konsumuar formulën e foshnjeve të tërhequr. Deri më sot, asnjë lidhje shkakësore nuk është vërtetuar shkencërisht”, theksoi Ministria e Shëndetësisë në një deklaratë, duke shtuar se “janë duke u zhvilluar analiza të mëtejshme dhe këto raste po hetohen nga prokurorët kompetentë”.

Çfarë gjetën autoritetet?

Lactalis ka tërhequr produktet e qumështit për foshnje në 18 vende dhe Nestle në dhjetëra. Një grup tjetër francez, Danone, ka bllokuar një grup qumështi për foshnje të prodhuar posaçërisht për tregun e Singaporit. Të tre kompanitë thanë se masat ishin paraprake. Ministria franceze e bujqësisë tha të mërkurën se rezultatet e një hetimi të parë gjyqësor për rastin priten brenda 10 ditëve të ardhshme. Ajo tha se hetimet e saj kishin identifikuar një vaj të pasur me acid arakidonik, ose ARA, të prodhuar nga një furnizues kinez si burimin e kontaminimit.

Read More...