I ftuar në emisionin “Ora e fundit”, gazetari Ardit Rada komentoi çështjen “Balluku” duke u shprehur se Qeveria ka të drejtë për ankimimin në Gjykatën Kushtetuese.

“Është një precedent për të cilin ne kemi nevojë ta kalojmë, për të ditur se çfarë ndodh në të ardhmen mes gjyqësorit dhe Qeverisë. Logjika nuk ta lejon të besosh se një prokuror bashkë me një gjyqtar mund të pezullojnë numrin dy të qeverisë. Madje asnjë minsitër. Sepse kështu i bie që të çmendet një prokuror në Dibër fjala bie, edhe të thotë se në një hetim që po kryen mes grupeve kriminale, figuron në përgjime edhe emrin i Edi Ramës. Ky prokurori tani do ta pezullojë Kryeministrin? Sepse ligji ia jep si të drejtë pa qenë prokuror i SPAK. Ai e bën sepse është urgjente dhe derisa çështja të kalojë në Tiranë në SPAK, i duhet të mbrojë provat mos ia prish Rama në detyrë. Pra nesë nën avujt e alkoolit mund t’ia japi truri një prokurori dhe një gjyqtari që të pezullojnë qeverinë, çfarë do bëjmë ne? Se në zgjedhje të parakohshme nuk shkohet dot. T’i kërkojmë Blendi Klosit se cilin mendon për pasardhës të Ramës si kryeministër nga radhët e PS?” – u shpreh Rada në “Ora e fundit”.

I pyetur nëse ‘Kushtetuejsa’ ka ndonjë vonesë në marrjen e vendimit, Rada tha:

“Tani tek vonesa e Gjykatës Kushtetuese, që thuhet nëpër media. Për Sali Berishën, GJK-së iu desh 8 muaj të shprehej në favor të tij dhe s’e akuzoi njeri pse u vonua. Gjykata Kushtetuese merr vendime jetike. Këtu kemi çështje civile që zgjasin me vite, për 3 metra tokë që në fund të fundit ta thotë metri të saktë se kush ka të drejtë. Si mund t’i themi Kushtetueses ne, fol pak shpejt se po të pret Gazment Bardhi? E dini ju që në asnë vend të botës shkalla e fundit e gjyqësorit s’mund të shprehet si Këshilli i Lagjes, me një mbledhje apo me nëj muaj? S’mund t’i digjet karriera politike dikujt, edhe të bredhi rrugëve të botës pastaj nga GJEDNJ në Strasburg etj, edhe të vijë me një vendim pafajësia, por këtu të gjejë Berishën kryeministër. Të bëhet zv.Kryeminsitrja e Berishës pastaj me rikthim në detyrë?” – tha Rada.

Pak ditë pasi u rrëzua  kërkesa, për verifikimi ndaj gjyqtares së Gjykatës së Posaçme, Irena Gjoka lidhur me mosdeklarimin e një dënimi të dhënë nga Greqia në vitin 2005, një prej anëtarëve të Këshillit të Lartë Gjyqësor, Klodian Kurushi, ka bërë dorëzuar, në Inspektoratin e Lartë të Drejtësië, një ankesë me objekt fillimin e hetimit për shkelje ndaj magjistrates.

Deri në këtë fazë, mësohet se Inspektori i Lartë i Drejtësisë, ka nisur verifikimet e kësaj ankese, ligjshmëria e saj dhe nëse meriton apo jo të merret në shqyrtim. Më 30 janar, 6 anëtarë të Këshillit të Lartë Gjyqësor, votuan kundër një projektvendimi që e çonte çështjen në Komisionin e Karrierës, me argumentin se vendimmarrja i takon Inspektorit të Lartë të Drejtësisë.

Vetë magjistratja Gjoka në një letër që i ka dërguar Këshillit të Lartë gjyqësor, shprehet e bindur se nuk ka bërë asnjë shkelje kur nuk e ka deklaruar në formularin e dekriminalizimit vendimin e Gjykatës së Janinës së korrikut 2005. Ajo shpjegon se vetëm i është refuzuar pa shpjegime hyrja në territorin grek, ndërsa nuk ka patur dijeni as për procesin dhe as vendimin gjyqësor, i cili sipas vetë ligjeve greke është arkivuar dhe asnjëherë nuk mori vendim të formës së prerë. Po për këto arsye ajo deklaron se nuk është në kushtet ligjore ku funksioni i saj si gjyqtare, mund të vihet në dyshim.

Ndërkohë për sa i përket anëtarët të KLGJ, Klodian Kurushi, ai ishte një prej 6 anëtarëve që votuan kundër verifikimi ndaj gjyqtares së Gjykatës së Posaçme, dhe pro mendimit që çështjen duhet ta verifikonte Inspektorati i Lartë i Drejtësisë.

Klodian Kurushi, i është bashkuar Këshillit të Lartë Gjyqësor në fund të vitit 2021, ndërsa më herët ka qenë gjyqtar në Gjykatën e Posaçme, në Gjykatën e Krimeve të Rënda, ndërsa fillimet I ka pasur në Gjykatën e Sarandës.

Për sa i përket kontributit që Klodian Kurushi ka në sistemin në drejtësi, ndër çështjet që ai ka gjykuar, është ajo e Suel Celës, gjatë kohës kur ishte tek Krimet e Rënda.  Klodian Kurushi ishte kryesuesi i trupës gjyqësores, tek Krimet e Rënda, që shpalli të pafajshëm Suel Çelën për goditjen me një makinë të blinduar të punonjësve të policisë në shtator 2017 në Elbasan. Ndërkohë në një tjetër gjyq të bujshëm që ai ka marrë pjesë si trupë Gjykuese, është ajo e vitit 2015.

Klodian Kurushi dhe 4 gjyqtarë të tjerë, firmosën pafajësi për  Arben Frrokut i cili ishte personi  i akuzuar për vrasjen e kryepolicit Dritan Lamaj. Pavarësisht se Shkalla e Parë e shpalli të pafajshëm, me të njëjtat prova, Gjykata e Shkallës së Dytë ajo e Apelit vendosi burg të përjetshëm për Arben Frrokun. Po ashtu Klodian Kurushi tek krimet e Renda ka qenë pjesë edhe e trupës gjykues të Izet Haxhise.

Presidenti i Ukrainës, Volodymyr Zelensky, ka deklaruar se raundi i ardhshëm i bisedimeve të paqes me Rusinë mund të mbahet në SHBA.

Zelensky në platformën Telegram tha se “takime të mëtejshme janë planifikuar për të ardhmen e afërt, me gjasë në Amerikë”.

“Sot mora një raport nga ekipi ynë negociator pas dy ditësh takimesh dhe bisedimesh në Emirate me palën amerikane dhe atë ruse. E pres ekipin në Kiev për një raport të plotë. Shumë aspekte nuk mund të diskutohen në telefon. Nga ajo që tashmë mund të thuhet, takime të mëtejshme janë planifikuar për të ardhmen e afërt, me gjasë në Amerikë”, shkroi ai.

Zelensky rikonfirmoi gatishmërinë e Ukrainës për t’u angazhuar në formate “që realisht e afrojnë paqen dhe e bëjnë atë të besueshme dhe afatgjatë, duke ia hequr Rusisë çdo oreks për të vazhduar luftën”.

“Është e rëndësishme që kjo luftë të përfundojë në një mënyrë që Rusia të mos shpërblehet për agresionin e saj. Ky është një nga parimet kyçe që rikthen dhe garanton siguri të vërtetë. I falënderoj të gjithë partnerët tanë që na mbështesin në këtë”, tha ai.

Të mërkurën dhe të enjten, Rusia, Ukraina dhe SHBA-ja zhvilluan një takim dyditor për zgjidhjen e çështjes ukrainase në kryeqytetin Abu Dhabi të Emirateve të Bashkuara Arabe.

Në përfundim, palët ranë dakord të kryejnë shkëmbimin e parë të robërve të luftës pas pesë muajsh, i cili u realizua menjëherë.

Një komunikatë e përbashkët mbi rezultatet e takimit i përshkroi diskutimet si “konstruktive” dhe “të përqendruara në mënyra për të krijuar kushtet për arritjen e një paqeje të qëndrueshme”.

Kurora e Mbretëreshës Eugenie, bashkëshortes së Napolonit III, një prej thesarëve më të çmuar të Luvrit, u gjet e shtypur pas grabitjes spektakolare që tronditi muzeun më 19 tetor të vitit të kaluar.

Megjithëse grabitësit vodhën bizhuteri me vlerë rreth 88 milionë euro (£76 milion, $104 milion), kurora e dekoruar me diamante mbeti pas, e dëmtuar, por sipas muzeut është gati e paprekur dhe mund të rikthehet në gjendjen e saj origjinale.

Fotografitë e para të publikuara nga muzeu tregojnë se kurora ishte lënë “shumë e deformuar”, pasi grabitësit përpiqeshin ta nxirrnin nga një vrimë e ngushtë në vitrinën e saj prej qelqi. Kurora ka humbur një nga tetë shqiponjat prej ari që e zbukuronte, por ruan 56 smeralde dhe pothuajse të gjitha diamantet e saj (vetëm 10 nga 1,354 diamantet mungojnë). Sipas muzeut, rikthimi do të bëhet pa nevojën për rindërtim, duke ruajtur kështu pamjen dhe strukturën origjinale të shekullit XIX.

Rikthimin e kurorës do ta mbikëqyrë një komitet ekspertësh i udhëhequr nga presidentja e Luvrit, Laurence des Cars, që do të sigurojë se çdo detaj historik do të rikthehet me kujdes maksimal. Grabitja e tetorit të kaluar ishte mjeshtërisht e planifikuar. Grabitësit përdorën një ngritës mekanik të vjedhur për të hyrë në Galerinë e Apollonit përmes një ballkoni pranë lumit Sena.

Ngjarja tronditi jo vetëm muzeun, por edhe publikun ndërkombëtar, duke nxjerrë në pah pasurinë e jashtëzakonshme të Luvrit dhe rrezikun që i kanoset objekteve të rralla historike. Kurora e Mbretëreshës Eugenie mbetet një simbol i madhështisë dhe elegancës franceze të shekullit XIX, dhe rikthimi i saj i plotë do të jetë një fitore e madhe për trashëgiminë kulturore dhe për muzeun më të vizituar në botë.

Presidenti Recep Tayyip Erdogan ka thënë se Turqia po punon shumë për të parandaluar që tensionet SHBA-Iran të mos e çojnë Lindjen e Mesme në një konflikt të ri.

Duke folur me gazetarët në një fluturim kthimi nga një vizitë në Egjipt, Erdogan shtoi se bisedimet në nivelin e udhëheqjes amerikane dhe iraniane do të ishin të dobishme pas negociatave bërthamore të nivelit më të ulët që do të mbahen në Oman të premten, sipas një transkripti të komenteve të tij të ndara nga zyra e tij të enjten.

Turqia po bënte çmos për të parandaluar një përshkallëzim, tha Erdogan, i cili ka kaluar vite duke kultivuar një marrëdhënie të ngushtë me presidentin e SHBA-së Donald Trump, ndërsa zgjeroi ndikimin diplomatik të Ankarasë në të gjithë Lindjen e Mesme dhe më gjerë.

Irani dhe SHBA-të mbeten në mosmarrëveshje për shkak të këmbënguljes së Uashingtonit që negociatat të përfshijnë arsenalin raketor të Teheranit dhe insistimin e Iranit për të diskutuar vetëm programin e tij bërthamor, në një ngërç që ka çuar në kërcënime të ndërsjella për sulme ajrore.

Dhe dallimet mbi fushëveprimin dhe vendin e diskutimeve kanë ngritur dyshime nëse takimi do të zhvillohet, duke lënë të hapur mundësinë që Trump të mund të zbatojë një kërcënim për të goditur Iranin.

I pyetur të mërkurën nëse Udhëheqësi Suprem i Iranit, Ali Khamenei, duhet të shqetësohet, Trump i tha NBC News: “Do të thoja se ai duhet të shqetësohet shumë. Po, duhet të shqetësohet”.

Ai shtoi se “ata po negociojnë me ne”, por nuk dha detaje.

Pasi Trump foli, zyrtarët amerikanë dhe iranianë thanë se të dy palët kishin rënë dakord të zhvendosnin vendndodhjen e bisedimeve në Muscat, pasi fillimisht pranuan Stambollin.

Por nuk kishte asnjë tregues se ata kishin gjetur terren të përbashkët në axhendë.

Tensionet janë të larta në të gjithë rajonin, ndërsa SHBA-të ndërtojnë forca atje, dhe lojtarët rajonalë kërkojnë të shmangin një përballje ushtarake që shumë frikësohen se mund të përshkallëzohet në një luftë më të gjerë.

E Trump paralajmëroi për “gjëra të këqija” nëse nuk arrihet një marrëveshje me Iranin.

Irani thotë se bisedimet duhet të kufizohen në mosmarrëveshjen e tij të gjatë bërthamore me fuqitë perëndimore, duke hedhur poshtë një kërkesë të SHBA-së për të diskutuar edhe raketat e Teheranit, dhe duke paralajmëruar se shtyrja e çështjeve përtej programit bërthamor mund të rrezikojë bisedimet.

Por Sekretari i Shtetit i SHBA-së, Marco Rubio, tha të mërkurën se bisedimet do të duhet të përfshijnë rrezen e veprimit të raketave balistike të Iranit, mbështetjen e tij për grupet e armatosura të ndërmjetësuara në Lindjen e Mesme dhe trajtimin e popullit të vet, përveç çështjeve bërthamore.

Burime iraniane thonë se SHBA-të po kërkojnë që Teherani të kufizojë rrezen e veprimit të raketave të Iranit në 500 km (310 milje).

Ndikimi rajonal i Teheranit është dobësuar nga sulmet e Izraelit ndaj ndërmjetësve të tij – nga Hamasi në Gaza te Hezbollahu në Liban, Houthit në Jemen dhe milicitë në Irak – si dhe nga rrëzimi i aleatit të ngushtë të Iranit, ish-presidentit sirian Bashar al-Assad.

Ndërsa bisedimet fillimisht ishin planifikuar në Turqi, Irani donte që takimi të zhvillohej në Oman si një vazhdim i bisedimeve të mëparshme të mbajtura në vendin arab të Gjirit që ishin përqendruar vetëm në programin bërthamor të Teheranit, tha një zyrtar rajonal.

Irani thotë se aktivitetet e tij bërthamore janë të destinuara për qëllime paqësore, jo ushtarake, ndërsa SHBA-të dhe Izraeli e kanë akuzuar atë për përpjekje të kaluara për të zhvilluar armë bërthamore.

Një djalë 15-vjeçar u arrestua sot në 5 shkurt nga policia nën dyshim për tentativë vrasjeje pas një incidenti në Milford Haven Comprehensive School në Pembrokeshire, Uells. Incidenti ndodhi të enjten rreth orës 15:20, kur nxënësi tentoi të sulmonte një mësues me armë.

Policia e Dyfed-Powys tha se menjëherë pas ngjarjes, shkolla u vendos nën bllokadë, për të siguruar nxënësit dhe stafin. Mësuesi i sulmuar po merr trajtim mjekësor për lëndimet e marra. Asnjë nxënës nuk u dëmtua dhe shumica tashmë kanë shkuar në shtëpi. Një zëdhënës i Shërbimit të Ambulancës në Uells tha se u thirrën në vendngjarje dhe një pacient u transportua në spital. Policia vijoi të qëndrojë në shkollë për hetime.

Këshilli i Pembrokeshire konfirmoi se të gjithë nxënësit janë të sigurt dhe se çdo aktivitet pas shkollor për këtë mbrëmje është anuluar. Incidenti është nën hetim dhe se oficerët po punojnë për të kuptuar të gjitha rrethanat e ngjarjes. Ngjarja ka tronditur komunitetin lokal. Autoritetet po bëjnë thirrje që prindërit dhe komuniteti të qëndrojnë të qetë dhe të lejojnë policinë të kryejë hetimin.

Zhvillimet e fundit në arenën ndërkombëtare po sinjalizojnë një përshkallëzim të garës së armatimit dhe ripozicionime të rëndësishme gjeopolitike, ndërsa konfliktet ekzistuese duket se kanë hyrë në një fazë ngërçi.

I ftuar në emisionin “War Report” në ABC News, eksperti i marrëdhënieve ndërkombëtare Geron Kambe theksoi rolin në rritje të Kinës, duke e lidhur atë me zhvillime të pritshme në Groenlandë dhe Venezuelë, si edhe me një mundësi për zbutje të regjimit në Iran.

Ndërkohë, sipas tij, negociatat mes Rusisë dhe Ukrainës nuk po prodhojnë më rezultate konkrete, por po shfaqen më tepër si lëvizje politike pa ndikim real.

Në të njëjtën linjë kritikeri analisti i zhvillimeve ndërkombëtare Lulzim Veliu e cilësoi situatën si një dështim të politikës amerikane, duke argumentuar se ndihma e SHBA dhe BE për Ukrainën ka qenë e pamjaftueshme, ndërsa Rusia ka konsoliduar pozita të favorshme ushtarake dhe politike, duke e shndërruar konfliktin në një sfidë të hapur për ndikimin amerikan në skenën globale.

Geron Kamberi: Zhvillimet e fundit kanë treguar që ka një thellim të garës së armatim. Rolin e Kinës e shikoj edhe në sajë të zhvillimeve që pritet të ndodhin. Mund të jetë në sajë të Groenlandës dhe asaj që pritet të ndodhë në Venezuelë. Mund të ketë një zbutje të regjimit të Iranit. Edhe negociatat e Rusisë dhe Ukrainës, tashmë nuk sjellin më një gjë të re. Më shumë duken si ecejake politike, se sa diçka konkrete.

Lulzim Veliu: Unë mendoj që në këtë rast shikojmë një dështim të SHBA. Këto katër vite Ukraina ka rezistuar ndaj Rusisë, ndihma nga BE dhe SHBA ka qenë e vogël. 30% e territorit të Ukrainës është e pushtuar nga Rusia dhe kjo e fundit është e vendosur për të mos i lëshuar. Ishin disa politika të SHBA që ndihmuar Rusinë që është një pozicion shumë të favorshëm ushtarak, por edhe politik, pasi kanë arritur marrëveshje shumë të mirë në Lindjen e Largët. Pra në tërësi gjithë këtë dështim e shikoj si dështim të SHBA dhe si dështim të Trump.

Sllovenia po përgatit një projektligj që do të ndalojë aksesin në mediat sociale për fëmijët nën 15 vjeç, tha zëvendëskryeministri slloven Matej Arkon në një konferencë për shtyp të martën. Sllovenia, me një popullsi prej rreth 2 milionë banorësh, ndjek shembullin e Spanjës dhe vendeve të tjera që kanë propozuar ndalimin e përdorimit të mediave sociale nga adoleshentët , në një shenjë të një forcimi të qëndrimeve në Evropë ndaj teknologjisë që disa thonë se është projektuar të krijojë varësi.

Arkon tha se Ministria e Arsimit ka marrë iniciativën, duke u mbështetur në përvojën e vendeve të tjera, dhe se ekspertë në arsim dhe teknologji dixhitale do të përfshihen gjithashtu në hartimin e projektligjit që synon mbrojtjen e fëmijëve dhe adoleshentëve.

“Ka qenë një çështje shumë ‘e nxehtë’ në të gjithë botën dhe në Evropë në javët dhe muajt e fundit, dhe me këtë, ne si qeveri po tregojmë se kujdesemi për fëmijët tanë”, tha Arkon pas një mbledhjeje të kabinetit.

Ai vuri në dukje se qeveria dëshiron të rregullojë rrjetet e mediave sociale ku ndahet përmbajtja, duke përmendur ndër të tjera TikTok, Snapchat dhe Instagram.

Spanja dëshiron të ndalojë mediat sociale për adoleshentët nën moshën 16 vjeç. Vende të tjera, përfshirë Britaninë dhe Francën, po shqyrtojnë gjithashtu masa më të ashpra në mediat sociale, pasi Australia në dhjetor u bë vendi i parë që ndaloi aksesin në platforma të tilla për fëmijët nën moshën 16 vjeç.  / abcnews.al /

Ervin Salianji tha për Real Story se opozita duhet të ketë epërsi morale ndaj qeverisë, duke theksuar se kjo arrihet vetëm duke qenë ndryshe nga kryeministri Rama.

Sipas tij, nëse Berisha ndihet i sigurt për mbështetjen që ka, duhet të lejojë hapjen e listës së anëtarëve, pasi e vetmja mënyrë për t’u sfiduar është vota.

Salianji theksoi se do të vijojë të jetë pjesë e Partisë Demokratike dhe se nuk ka asnjë problem me kolegët e tij. Ai shtoi se në PD kanë nisur të ndodhin disa ndryshime dhe se këto lëvizje kanë sjellë protesta para qeverisë.

“Opozita duhet të ketë epërsi morale mbi qeverinë, ne e kërkojmë këtë duke qenë ndryshe nga Rama. Në Himarë isha para një jave, ku u përjashtua e tërë partia për të zgjedhur dikë me 17 vota, këtu ka një problem.

Ka disa që thonë se Berisha ka 500 mijë vota, çfarë shqetësimi ka që do të përjashtojë listën e anëtarëve. Lidershipi përcakton kush janë anëtarët, një parti ka detyrimin të rrisë numrin e anëtarëve.

Këtu bie analiza se janë 500 mijë vota. Nëse Berisha ndihet i sigurt te mbështetja që ka, duhet të hapë listën e anëtarësisë. Nëse ka ndonjë mënyrë si sfidohet Berisha, është vota. Unë do të jem në PD, s’kam asnjë problem me kolegët. Duhet t’i hyjmë dhe të bëjmë përpjekje, deri tani kanë ndryshuar disa gjëra në PD. Këto salla e kanë bërë që të ketë protesta para qeverisë.

Nëse kishte një mbiarsye për të dalë populli në protestë, ishte vjedhja e zgjedhjeve. E kam kërkuar të dalin në protestë ditën e parë që u bë konstituimi. Kjo lëvizje i ka sjellë disa të mira. S’më kanë ndaluar dot kur kam qenë në burg, jo më tani.”  / abcnews.al/

Abc News Live

Analisti politik Skënder Minxhozi, i ftuar në emisionin “Real Story” në ABC News, ka analizuar balancat e brendshme në Partinë Demokratike dhe pozicionin e Sali Berishës përballë sfidantëve të tij.

Sipas Minxhozit, mbështetja reale elektorale që pretendohet nga Berisha dhe përkrahësit e tij mbetet dukshëm nën pragun e nevojshëm për marrjen e pushtetit, ndërsa thekson se Berisha, i kalçifikuar tashmë në krye të partisë, po merr vendime afatgjata që ndikojnë jo vetëm në rregullat e lojës politike, por edhe në vështirësimin e garës për kundërshtarët e brendshëm, përfshirë Ervin Salianjin.

“Nëse pyet sot, hidhtarët, përkrahësit e Berishës se si shpjegohet që doktori u rikthye dhe ju jeni sërish kaq të bindur që do të jeni sërish numri një i partisë, ata të japin vetëm një shifër që Berisha ka 500 mijë vota. Kjo është një përgjigje që aty për aty është sugjestionuese, por nëse futesh pak më thellë dalin pastaj firot e para dhe firot e dyta, firot e treta dhe të katërta, për të arritur tek ajo shifra magjike prej 750-800 mijë votash që duhen për të fituar pushtetin në Shqipëri, nga e cila shifra që ofron Berisha dhe mbështetësit e vet janë të paktën 300 mijë vota rregullisht pas. E thënë kjo, ky raport shifrash na nxjerr tek ajo qartësia që me të drejtë vë në dukje Bejko, që secili është i qartë Salianji si sfidant dhe Berisha si kryetar në detyrë i partisë realisht janë. Doktori e di që me 50 mandate minimumi, që ai do i marrë kurdoherë, edhe 40 po mori ndjehet mirë, ai thotë që ule sa të duash se unë disa dhjetëra do i kem të mitë. E kthejmë me 99 dhe pastaj del ndryshe, 40 del më e madhe se 50.

Ideja është këtu, që Berisha është kalçifikuar kaq shumë në parti, saqë ai realisht në orët që ne flasim ai po merr disa vendime, që nuk janë për javën apo muajin e ardhshëm, por futet në disa komisione reformash që përcaktojnë se si do jetë politika shqiptare, jo pas 3 muajsh, por pas 3 vitesh, sepse reformat territoriale e bëjnë këtë. Reformat elektorale e bëjnë gjithashtu këtë. Ai po i jep formë ndër të tjera edhe pushtetit të vet, ndër të tjera 50 mandateve që ka dhe ua bën më të vështirë sfidantëve luftën, sepse ua përcakton rregullat e lojën në tavolinë pa qenë ata vetë. Salianji tani i mbush sallat dhe realisht ka 30%, por nëse ai nuk mendon një strategji, afatshkurtër mundësisht, që të rrisë mbështetjen dhe të jetë sa më prezent mediatikisht, unë mendoj se do të kalojë dhe ky tren i orëve të vona dhe unë mendoj se lufta e tij do të relativizohet, sepse do ketë marrë më shumë fortë sistemi dhe do jetë kalçifikuar partia”, tha Minxhozi.

Një automjet është përfshirë nga flakët mbrëmjen e sotme në zonën e Ujit të Ftohtë, pranë vendit të njohur si “Te Rrapi”.

Sipas informacioneve paraprake, zjarri ka shpërthyer papritur, ndërsa flakët kanë shkrumbuar një pjesë të madhe të mjetit.

Ende nuk dihen shkaqet e ngjarjes, teksa dyshimet e para janë për një shkëndijë elektrike në automjet, ndërsa fatmirësisht nuk raportohet për persona të lënduar.

Autoritetet pritet të zbardhin rrethanat e plota të incidentit./abcnews.al

Analisti politik Roland Bejko, i ftuar në emisionin “Real Story” në ABC News analizoi zhvillimet e fundit brenda Partisë Demokratike, duke i cilësuar të qarta dhe të kundërta qëndrimet e Sali Berishës dhe Ervin Salianjit.

Sipas Bejkos, Salianji përfaqëson një vizion për një PD të hapur, të bashkuar dhe moderne, të ndërtuar mbi meritokracinë dhe me një agjendë të qartë drejt pushtetit, ndërsa Berisha synon mbajtjen e kontrollit personal mbi partinë, përmes mekanizmave të dominimit dhe përjashtimit të rivalëve.

Bejko theksoi se reagimet dhe sulmet e Berishës ndaj lëvizjeve të Salianjit kanë prodhuar këtë herë efekt të kundërt, duke rritur mbështetjen për këtë të fundit, ndërsa paralajmëroi se përpjekjet për ta penguar Salianjin të kandidojë pritet të vazhdojnë.

“Unë them që të dy janë të qartë, si Saliu ashtu edhe Salianji. Janë të qartë sepse Salianji është i qartë sepse kërkon një PD të hapur, të bashkuar, moderne, të mbështetur te meritokracia dhe të ketë një agjendë të qartë politike drejt pushtetit. Kurse Sali Berisha, kërkon të kundërtën e kësaj, kërkon një parti personale dhe e ka bërë, kërkon një parti që ta kontrollojë dhe ta dominojë, edhe këtë e ka arritur, sepse me vendosjen e deputetëve në listën e mbyllur të atyre që ka më besnikë dhe më protagonistë sot në aktivitetin publik dhe politik, janë pikërisht njerëzit e tij.

Me daljen e Salianjit nëpër takime ne e shikojmë Sali Berishën vërtet në pasqyrë, doli Berisha që njerëzit mendonin se e kishte kapërcyer dhe nuk ekzistonte më si i tillë, si një pulist i vjetër, që nuk heq dorë nga kurthet, planet dhe shpallja e armiqve të brendshëm. Për këtë arsye, sapo u pi kafja, ai hodhi menjëherë në lojë taktikat e tij, të rekrutimit. Rekrutoi ata të cilët mund të largonte nga linja e Salianjit, nëpërmjet joshjes. Në taktikën e dytë, kur nuk ecën joshja, nëpërmjet mesazherëve, që jam i bindur që edhe Salianji duhen të kenë shkuar. Dhe kur nuk i funksionojnë mesazherët, hedh furtuna me shpifje, gjë që e pamë.  Dhe kur pa që hasi rezistencë dhe që ky e kishte seriozisht këtë punë, atëherë lëshoi sulmet, duke i quajtur si aktivitete që organizohen në mbështetje të grupeve kriminale. Demokratët që ishin në sallë, nuk i quajti demokratë dhe Saliu menjëherë kërkoi që ta mbyllte këtë derë, ta mbyllte diskutimin dhe kjo histori të mbyllej këtu.

Mirëpo kjo krijoi efekt të kundërt, ndryshe nga herët e tjera, ku shantazhi, sulmet dhe denigrimet Saliut i kanë shkuar, kanë bërë efekt dhe kanë krijuar atë braktisjen e atij që ka marrë iniciativa politike, kësaj here nuk i eci dhe pamë që të gjitha këto sulme që ka lëshuar Saliu, kanë mbushur sallat gjithnjë dhe më shumë. Për mendimin tim të dy janë të qartë, Salianji në objektivat e tij dhe Saliu në objektivat e tij, që ta mbajë partinë pa rival. Jam i bindur që nuk do e mbyllë lojën me kaq, por do të bëjë të pamundurën që Salianji të mos kandidojë”, tha Bejko.

Read More...

Read More...

Vazhdojnë lëkundjet e tërmetit në qarkun e Korçës. Në orën 19:09 janë ndjerë përsëri lëkundje në qytetin juglindor.

Tërmeti me magnitudë 3.9, e pati epiqendrën në fshatin Desmirë. Ndërkohë fatmirësisht nuk raportohen dëme materiale apo të lënduar.

Qarkullimi në Qafë Thore është aktualisht i hapur

Vijon puna për pastrimin e borës që po bie, si dhe monitorimi i vazhdueshëm i situatës për shkak të rrezikut të mundshëm nga ortekët.

Mjetet që kanë nevojë të lëvizin, këshillohen të qarkullojnë tani, me qëllim shmangien e lëvizjeve gjatë orëve të vona të natës

Reshjet e borës po vazhdojnë dhe, nëse shtohen gjatë natës, ekziston rreziku i riaktivizimit të ortekëve.

Kontraktori i mirëmbajtjes është në terren me mjete dhe punëtorë në gatishmëri për çdo situatë.  / abcnews.al /

Read More...

Një vatër zjarri është shfaqur sërish në zonën e Qafa e Llogarasë, konkretisht pranë Qafës së Luadhit.

Sipas informacioneve nga terreni, flakët dyshohet se janë ndezur qëllimisht, ndërsa era e fortë po favorizon përhapjen e shpejtë të zjarrit drejt sipërfaqeve me bimësi natyrore .

Aktualisht nga vatra e zjarrit nuk ka rrezik për banesa apo biznese në zonë ndërsa situata mbetet ne monitorim.

Qeveria rihapi zyrtarisht të enjten rrjetin social TikTok, pas debatit të ndezur publik dhe institucional mbi sigurinë, gjuhën e urrejtjes dhe mbrojtjen e të miturve.

E ftuar në emisionin “Tirana Live” në ABC News, pedagogia e IT-së, Nadia Elbasani, theksoi se TikTok, si platformë me origjinë kineze, përballet me kufizime ligjore që lidhen me bashkëpunimin me shtetin kinez, ndërsa nënvizoi se për institucionet shtetërore dhe pajisjet qeveritare instalimi i aplikacionit nuk rekomandohet.

Ajo shtoi se asnjë vend i Bashkimit Europian nuk ka ndërmarrë një bllokim të plotë të TikTok, duke e cilësuar vendimin në Shqipëri si “rruga më e lehtë”, ndërkohë që vëmendja mbetet tek gjuha e urrejtjes, verifikimi i moshës dhe kufizimet e pritshme për përdoruesit nën 16 vjeç në disa vende europiane.

“TikTok ka një origjinë kineze, kështu që sipas legjislacionit të atij vendi kompanitë privatë nuk kanë të drejtë t’i thonë jo bashkëpunimit me legjislacionin e atij vendit. Për institucione shtetërore dhe për pajisje qeveritare nuk sugjerohet instalimi i këtij aplikacioni. Por, asnjë vend të BE nuk pati një bllokim të TikTok, në Shqipëri u zgjodh rruga më e lehtë. U fol në fakt në dhjetor të vitit 2025 për një marrëveshje qeveria shqiptare pati me TikTok, kjo nuk u bë publike. Duhet theksuar që u hap dy ditë para se të kishim seancën në GJK. Gjuha e urrejtjes është e pranishme në të gjitha rrjetet sociale.

Në TikTok është më shumë i përdorshëm live, ku dhe ka më shumë gjuhë urrejtjeje, kurse në rrjetet e tjera sociale live nuk është shumë i përdorur. Në live fjalët më gjuhë urrejtjeje janë më pak të evidentueshme. Vendet e tjera të BE, po edhe të tjera do të ndalojnë TikTok deri në 16 vjeç. Më problematike në TikTok është mënyra e verifikimit të moshës. Një aplikacion si TikTok e gjen pak më të vështirë përshtatjen me BE”, tha pedagogia.