Prime-i i sotëm ka nisur me debate në shtëpinë e Big Brother, kjo pasi është bërë një lidhje direkte mes banorëve të shtëpisë dhe Rogertit që ndodhej në dhomën e reflektimit.

Përmes një klipi u sollën disa momente gjatë kësaj jave, ku rogerti ka patur mundësinë që të takojhë 3 banorë dhe prej tyre vetëm Seelin ka shkuar për ta takuar, ndërkohë që dy të përzgjadhurit e tjerë prej tij, Stenaldo dhe Mal nuk kanë shkuar.

Rogerti është shprehur se në atë shtëpi ai ka 12 armiq dhe vetëm dy miq që janë Tani dhe Luela.

Pjesë nga debati:

Stenaldo: Për natyrën që kam unë, një zgjedhje si ajo që bëra më rri mirë, më shkon.

Selin: Rogertit nuk i mjafton një dhomë reflektimi për të reflektuar.

Rogerti: Është e vështirë për të kuptuar dinamikën e shtëpisë. Por i kam marrë vesh copa copa. Këtu kam armiq 12 veta, përveç 2 vetave. Artanin dhe Juelën i kam miq, të tjerët i kam armiq në kuptimin e plotë të fjalës. Ata janë xhelozë në lojën time, sepse kam lëvizur shtëpinë si kurrë më parë. Arsye tjetër është enigma ime: e keqi, i shpifuri dhe i miri. I bëj thirrje lojërave që të kujdesen nga Miri sepse është i vetmi që po i vë në lëvizje, me mua është vetëm Tani dhe Juela. Na ka lidhur vetëm shpirti i bardhë.

Stenaldo: Për Rogertin ngelem pa fjalë kur e dëgjoj. Një personazh që do të fitojë BBV, nuk ka limit, nuk mendohet dy herë, ka pikësynim të godasë tjetrin. Rogerti le të vijë dhe me mua do të luftojë këtu çdo sekondë.

The post “Kam vetëm 2 miq dhe 12 armiq”, prej së martës në dhomën e reflektimit, Rogerti: Ata janë xhelozë në lojën time, sepse kam lëvizur shtëpinë appeared first on Albeu.com.

AMP ka arrestuar kryeinspektorin e shërbimit zjarrfikës në Elbasan. Aio u arrestua, pasi drejtonte automjetin në gjendje të dehur. Mbi të rëndon akuza për veprën penale “Drejtim i automjeteve në mënyrë të parregullt”. Arrestimi i tij u krye pasi ditën e sotme rreth orës 15:47.

Njoftimi i AMP-së

Agjencia e Mbikëqyrjes Policore (Rajoni Elbasan – Korçë) ka arrestuar në flagrancë punonjësin e Shërbimit për Mbrojtjen nga Zjarri dhe Shpëtimi, Kyreinspektor A. B., me detyrë pranë MZSH-së Elbasan, i dyshuar për kryerjen e veprës penale “Drejtim i automjeteve në mënyrë të parregullt”, parashikuar nga neni 291 i Kodit Penal.

Arrestimi i tij u krye pasi ditën e sotme rreth orës 15:47, gjatë drejtimit të mjetit të tij (jashtë shërbimit), është konstatuar nga shërbimet e qarkullimit rrugor të DVP Elbasan në aksin Cërrik – Elbasan, ku pas verifikimit me testin matës të alkoolit ka rezultuar pozitiv në masën 0.87 mg/l. Materialet proceduriale u referuan në Prokurorinë Pranë Gjykatës së Shkallës së Parë të Juridiskionit të Përgjithshëm Elbasan.

AMP mbetet e përkushtuar në misionin e saj për garantimin e zbatimit të ligjit dhe fton qytetarët të denoncojnë çdo rast të abuzimit apo shkeljes së ligjit nga ana e punonjësve të strukturave, duke telefonuar në numrin e gjelbër 0800 9090, ose duke dërguar Email në adresën ankesa@amp.gov.al. Për ankesa me ëhatsapp 0694151511
Ose shkarkoni në Play Store dhe App Store aplikacionin “Agjencia Digjitale”.

The post Drejtonte automjetin në gjendje të dehur, arrestohet kryeinspektori i shërbimit zjarrfikës në Elbasan appeared first on Albeu.com.

Një aksident rrugor ka ndodhur minutat e fundit pranë Lungomares në Vlorë. Një automjet ka përplasur një motor që po lëvizte në të njëjtin drejtim. Si pasojë e përplasjes, është lënduar drejtuesi i motorit, i cili nuk mbante kaskë mbrojtëse.

Ai është transportuar me urgjencë për në Spitalin Rajonal të Vlorës, për të marrë ndihmën e specializuar mjekësore. Shërbimet e Policisë dhe ambulanca kanë mbërritur menjëherë në vendngjarje. Policia po heton më shumë mbi shkaqet e aksidentit.

The post Aksident në Vlorë/ Makina përplas motorin, transportohet me urgjencë drejt spitalit drejtuesi i motomjetit appeared first on Albeu.com.

Banorja e Big Brother Vip Kosova Elijona, gjatë mbrëmjes së fundit ndau me publikun një histori personale të pa bërë publike më parë.

Ajo ndau një periudhë të vështirë të fëmijërisë dhe ndarjen nga familja. Elijona tregoi se problemet nisën kur ishte vetëm në klasën e dytë, duke theksuar ndryshimet mes rregullave shkollore dhe ligjore në Gjermani, ku jetonte atë kohë, dhe Kosovës. Sipas saj nëna e saj ishte vonuar ta merrte nga shkolla dhe e “kishte harruar” për shkak të angazhimeve me motrën e saj, teksa ka shtuar se mësuesit atje dhe po ashtu shërbimet sociale i kishin konsideruar detyrat e saj të papërfunduara shpesh herë një problem serioz.

Por jashtë shtëpisë nuk është menduar kështu, e kjo nga vet daja i banores. Pasi në rrjetet sociale ka qarkurlluar në “screenshot” e një komenti të bërë nga daja i saj i cili e ka qëuajtur versionin e dhënë prej saj si të pavërtëtë.

Daja i saj Valon Zhubaj, është shprehur në komentin e tij se largimi i Elijonës dhe vëllait të saj nga familja ishte pasojë e dhunës së ushtruar nga babai ndaj fëmijëve dhe nënës së tyre, gjë e cila çoi edhe në divorc.

“Dhuna të cilën babi yt e ka ushtru pa ndërpre ndaj mamit tënd dhe juve që çoi deri te divorci atë se përmend!? Shkaktari kryesor pse ti dhe vllau jeni larguar nga familja je ti dhe babi yt. Krejt rrëfim i pavërtetë”, ka shkruar Zhubaj në koment.

Ndërkohë Elijona kujtojmë se është shgprehur më parë: “Mami ka harruar disa herë të më marrë nga shkolla dhe detyrat nuk i bëja. Kjo ishte arsyeja pse nga shkolla ishin të shqetësuar. Jam ndjerë shumë e pambrojtur kur më kanë marrë, kërkoja mamin. Më prezantuan me një grua dhe më thanë: kjo është familja e re. Unë kërkoja të kontaktoja me familjen, por më thoshin se nuk kishte mundësi”

The post Tha se e larguan nga familja për “shkak” të së ëmës, trondit daja i Elijonës të BBVK: Pse nuk e përmend dhunën që ka ushtruar babi yt? appeared first on Albeu.com.

Kur sateliti rus – që mund të lëshojë satelitë të tjerë në orbitë – manovroi në afërsi të një sateliti amerikan qershorin e vitit të kaluar, ishte lëvizja e fundit e një loje të rrezikshme sikur “e maces me miun” në hapësirë.

Cosmos 2558 është parë duke e ndjekur satelit USA 326 që kur sateliti rus u lansua në hapësirë më 2022. Por, tani ai doli me një befasi, duke lëshuar një modul më të vogël që nisi të lëvizte edhe më afër satelitit amerikan.

“Kjo është hera e dytë që kemi parë një veprim të tillë nga pala ruse”, tha DeAnna Burt, e cila në kohën e incidentit ishte drejtoreshë për operacione në Forcën Hapësinore të Shteteve të Bashkuara.

“Keni një satelit që ka brenda tij një satelit tjetër, për të cilin ne besojmë se është një mjet KK apo Kinetic Kill, i cili do të mund të lëvizë dhe të takohet me një satelit tjetër dhe potencialisht mund ta dëmtojë atë ose ta fotografojë apo të kryejë veprime të ndryshme”, shtoi ajo.

Burt doli në pension në tetor të vitit 2025 dhe foli për Radion Evropa e Lirë gjatë një vizite në Pragë, të organizuar nga Instituti Aspen. Në një intervistë më 30 janar, ajo diskutoi për kërcënimet ndaj satelitëve nga Rusia, Kina, Irani dhe Koreja e Veriut, si dhe për një konflikt ‘në hije’ që tashmë po zhvillohet që nga fillimi i pushtimit në shkallë të plotë të Ukrainës, që Rusia nisi më 2022.

Takimet e rrezikshme në hapësirë

“Kemi parë atë që ne do ta quanim operacione afrimi dhe takimi, që do të thotë… fluturim rreth e rrotull dhe vëzhgim i satelitit tjetër”, tha Burt, kur u pyet për incidentin e qershorit të vitit të kaluar.

Shqetësimi, shtoi ajo, ishte nëse “do të lëshonin një mjet shkatërrues” apo nëse bëhej fjalë “thjesht për mbikëqyrje dhe zbulim”. Rezultoi se ishte kjo e fundit. Megjithatë, situata mbeti alarmante, jo vetëm për shkak të rrezikut të përplasjes.

“Ajo që po shihni në këtë zhvillim, të gjitha këto janë teste që ndërtojnë gradualisht një kapacitet… hipotetikisht, nëse do të synoja të zhvilloja një aftësi në hapësirë, fillimisht do të doja që të sigurohesha se mund t’i identifikojë objektivat, përpara se të mund t’i godasë”.

Kjo nuk hera e parë që Burt paralajmëron për kërcënime të tilla ruse.

Incidenti i mëparshëm u përmend shkurtimisht nga shefi i atëhershëm i operacioneve hapësinore të Forcës Hapësinore të SHBA-së, gjenerali John Raymond, në një deklaratë për revistën Time në vitin 2020.

“Mënyra se si e imagjinoj unë këtë në mendjen time është si kukullat ruse matryoshka”, tha ai. “Sateliti i dytë doli nga sateliti i parë”.

Në vitin 2024, pasardhësi i Raymondit, gjenerali Chance Saltzman, paralajmëroi për një “Ditë Zero” nëse Rusia do të vendoste një armë bërthamore në hapësirë, e aftë të shkatërrojë kapacitetet e satelitëve.

Po atë vit, një pretendim i Pentagonit se Rusia “me gjasë” kishte vendosur një armë antisatelitore në hapësirë u hodh poshtë nga Kremlini.

Më 21 janar, ndërkaq, një raport i Këshillit të Atlantikut tha se SHBA-ja është “në mënyrë të papranueshme e cenueshme” ndaj kërcënimeve të tilla dhe bëri thirrje që vendi të kalojë drejt “arkitekturave satelitore më të qëndrueshme”.

Burt tha se ky është tashmë është një prioritet kryesor për SHBA-në: “Të kesh aftësinë të përballosh një goditje dhe të jesh në gjendje të rikuperohesh… me satelitë në depo që janë gati për t’u lëshuar”.

Një stërvitje e kryer më 2023, me emrin e koduar Victus Know, vendosi një rekord të ri për lëshimin e një sateliti “nga depoja në kapacitet operacional në orbitë brenda një jave”, sipas një njoftimi të Forcës Hapësinore. Por, për Burtin, kjo nuk mjafton.

“Si ta bëni këtë në një shkallë të gjerë? Ne e kemi bërë këtë në mënyrë të izoluar, vetëm një herë. Si të arrijmë ta bëjmë këtë në përmasa të mëdha, në mënyrë që të ndërtojmë qëndrueshmëri”, tha ajo.

Por, ky është skenari më i keq, që Burt e kishte përshkruar dikur në një ligjëratë si “një [v.j. sulmi i befasishëm që Japonia kreu ndaj SHBA-së në Havaji më 1941] Pearl Harbor në hapësirë”. Çdo sulm i tillë në shkallë të gjerë do të ishte gjithashtu një vetëdëmtim, pasi do të shkaktonte dëme pa dallim, duke shkatërruar ose duke i bërë të paaftë satelitët që u përkasin Rusisë, Kinës apo shteteve të tjera.

Bllokimi i sinjaleve, laserët dhe krahët robotikë

Ka edhe shumë mënyra të tjera, më të sofistikuara, për t’i nxjerrë satelitët jashtë funksionit sesa vetëm t’i shkatërrosh në stilin e Star Wars.

“Kemi parë në Ukrainë që një nga sulmet e para ishte një sulm kibernetik ndaj një rrjeti komunikimi satelitor… Dhe, kemi vazhduar të shohim bllokim të GPS‑së dhe ndërhyrje në komunikimet satelitore gjatë gjithë këtij konflikti”, theksoi Burt.

Këto janë sulme direkte ruse ndaj kapaciteteve satelitore të SHBA-së.

“Këto sulme kanë pasur efekt shumë të lokalizuar, jokinetik, që nënkupton se bëhet fjalë për ndërhyrje në sinjale, duke e nxjerrë një satelit jashtë funksionit për një periudhë kohore dhe më pas ai rikthehet në funksion sapo të dalë nga zona ku ka ndërhyrje në sinjale. Pra, është shumë e qartë se synimi është të ketë një efekt rajonal dhe të bëhet vetëm për shfaqje, jo efekt global. Kjo është diçka që e shohim mjaft shpesh”, tha Burt.

“Armiqtë tanë e kuptojnë rëndësinë e hapësirës, dominimin gjithmonë më të madh, siç e quajmë ne ‘semper supra’”, shtoi ajo.

Kapacitete të tjera antisatelitore përfshijnë laserë të vendosur në Tokë për të shkaktuar ndërprerje të komunikimeve satelitore. Burt tha se fuqitë më të vogla, sikurse Irani dhe Koreja e Veriut, kanë po ashtu kapacitete të tilla hapësinore, por kërcënimet kryesore, sipas saj, vijnë nga Rusia dhe Kina.

“Teknologjia më shqetësuese nga ato që posedon Kina është krahu robotik. Pra, aftësia për të kapur një satelit dhe për ta transferuar nga një orbitë funksionale në një orbitë jofunksionale, në thelb e shkatërron qëllimin e satelitit dhe e nxjerrë jashtë përdorimit”, theksoi ajo.

Implikimet në Tokë

Siguria e satelitëve ka implikime për jetën në Tokë. Nga satelitët varen shumë gjëra duke nisur GPS-i civil dhe parashikimet e motit e deri te bankat dhe komunikimet.

Implikimet ushtarake në rast të pengesave në aktivitetin e satelitëve mund të jenë nga pamundësia e ushtarëve për të komunikuar, mungesa e imazheve satelitore dhe informacioneve të tjera të inteligjencës, e deri te sistemet e mbrojtjes antiraketore që mbeten krejtësisht të paaftë për të reaguar ndaj sulmeve.

“Të gjithë janë të cenueshëm” nga kjo, paralajmëroi Burt.

“Nuk them domosdoshmërish se është Thembra jonë e Akilit. Por, mendoj se të gjithë varen nga kjo. Dhe po, do ta bënte luftimin më të vështirë. Por, gjithashtu do të thosha se luftëtarët tanë do të vazhdonin të luftonin, dhe pjesa tjetër e forcave do të vazhdonte gjithashtu luftën… Por, padyshim do ta bënte më të vështirë, dhe mendoj se do të humbnim më shumë jetë njerëzish nëse hapësira nuk do të ishte e qasshme për luftën e përbashkët”./REL

The post SHBA-ja paralajmëron për kërcënime ruse dhe kineze në hapësirë appeared first on Albeu.com.

Gazmend Bardhi reagoi edhe një herë ndaj mbetjes në fuqi të pezullimit të Belinda Ballukut, duke theksuar se Shqipëria është më e korruptuar, më e kriminalizuar, më e shtrenjtë dhe më e padrejtë pas 13 vjetësh në pushtet.

Ai e konsideroi Belinda Ballukun si simbol të këtij sistemi, por jo përjashtim, duke shtuar se përgjegjësia bie te vetë kryeministri, i cili sipas tij “nuk mban kurrë asnjë përgjegjësi”.

Bardhi theksoi se sa herë ka skandal ose aferë, sakrifikohet një ministër, ndërsa degradimi i vendit vazhdon sepse “problemi mbetet i pazgjidhur” dhe arkitekti i sistemit është Rama. Ai ftoi qytetarët për të protestuar të martën, më 10 shkurt, në orën 17:00, duke deklaruar: “Pa ndryshuar kokën, peshku do të vazhdojë të qelbet. Shqipëria flet, s’ka më alibi”.

Postimi i Bardhit: S’ka më alibi! Problemi i Shqipërisë ka emër: Edi Rama!

Edi Rama ka ndryshuar mbi 50 ministra në 13 vjet. Por si është sot Shqipëria? Më e korruptuar. Më e kriminalizuar. Më e shtrenjtë. Më e padrejtë. Më e zbrazur.

Belinda Balluku është simboli më i dukshëm i këtij sistemi keqbërës, por nuk është përjashtim. Ajo është simbol i pushtetit të korruptuar dhe të kriminalizuar të Edi Ramës. Dhe ky është i vetmi që nuk mban kurrë asnjë përgjegjësi!

Sa herë ka skandal, sakrifikohet një ministër. Sa herë ka aferë, Edi Rama lan duart dhe bën të paditurin. Ministrat ndryshojnë, degradimi vazhdon, sepse problemi mbetet i pazgjidhur. Ai nuk është emri i radhës së një ministri. Problemi është arkitekti i këtij sistemi: Edi Rama.

Të martën protestojmë kundër Edi Ramës, sepse shqiptarët po paguajnë shumë shtrenjtě çmimin e korrupsionit të tij. Sepse pa ndryshuar kokën, peshku do të vazhdojë të qelbet.

Të martën, datë 10 Shkurt, ora 17:00, Shqipëria flet. Sepse s’ka më alibi.

The post “Sa herë ka skandal, sakrifikohet një ministër”, Bardhi: Balluku simboli më i dukshëm i sistemit keqbërës! 10 shkurti, protestë kundër Ramës appeared first on Albeu.com.

Hyrja e bujshme e Luiz Ejllit në “Big Brother VIP Albania 5” konsiderohet si karta më e fortë që Top Channel ka luajtur këtë sezon, duke monopolizuar vëmendjen e publikut. Por, a po përgatit Kosova një kundërpërgjigje të së njëjtës madhësi?

Dyshimet kanë nisur të vlojnë pas dy postimeve “të çuditshme” dhe të sinkronizuara në kohë, që duket se paralajmërojnë një “stuhi” mediatike.

Nga njëra anë, Arbana Osmani ka publikuar një foto në Instastory me diçiturën kuptimplotë: “THE CALM BEFORE THE STORM” (Qetësia para stuhisë).

Nga ana tjetër, producentja e “Big Brother VIP Kosova”, Olsa Muhameti, ka postuar disa orë më pas një foto ku shfaqet në ambientet e punës së bashku me moderatorin Alaudin Hamiti. Ajo që bie në sy është mbishkrimi identik: “Calm after/before the storm” (Qetësia pas/para stuhisë).

Ky koinçidencë në përdorimin e frazës “para stuhisë” nga ikona e këtij formati, Arbana Osmani, dhe krerët e BBVK-së, ka nxitur aludimet se palët mund të jenë në bisedime.

A po planifikon “Big Brother VIP Kosova” t’i bëjë konkurrencë BBVA-së duke marrë Arbanën në Prishtinë (në çfarëdo roli qoftë), tani që BBVA mori Luizin?

Mbetet për t’u parë nëse kjo “stuhi” e paralajmëruar do të jetë thjesht një projekt i ri, apo lëvizja më e papritur televizive e vitit.

The post Konkurencë midis formateve, Luizi në BBVA, Arbana në BBVK? appeared first on Albeu.com.

Instituti i Gjeoshkencës ka ndarë një parashikim mbi situatën meteorologjike të kësaj fundjave. Sipas të dhënave të motit, e shtuna dhe e diela do të shoqërohen nga reshje shiu në pjesën më të madhe të qarqeve në vend, teksa nuk do të mungojnë as reshjet e dëborës në zonat malore.

Po ashtu, paralajmërohet se nga reshjet mund të krijohen problematika të ndryshme, si rënie gurësh e inertesh dhe vërshime të ujit në zonat urbane.

Sot pasdite (e shtunë, datë 7) dhe nesër (e diel, datë 8) priten reshje mesatare deri lokalisht intensive në qarqet Dibër, Lezhë, Tiranë dhe Durrës, ndërsa në qarqet Shkodër, Elbasan dhe Fier priten reshje mesatare.

Në qarqet e tjera priten reshje të dobëta deri lokalisht mesatare. Reshjet priten të shoqërohen me shtrëngata (siç tregohet në tabelë, respektivisht për secilin qark). Në zonat malore në lartësitë mbi 1100 m nga niveli i detit reshjet do të jenë në formë dëbore.

Shtrëngatat dhe intensiteti i lartë i reshjeve, mund të krijojnë probleme të ndryshme, si rënie gurësh e inertesh dhe vërshime të ujit në zonat urbane të lokalizuara, në varësi të sistemit të kanalizimeve në qarqet Dibër, Lezhë dhe Durrës.

Nesër temperaturat minimale dhe maksimale të ajrit pritet të arrijnë:

në bregdet: 10 / 15 °C

në vendet e ulëta: 8 / 15 °C

në vendet malore: 2 / 11 °C

Sot pasdite era pritet të fryjë mesatare deri e fortë në zonat malore. Nesër era pritet të fryjë e lehtë deri mesatare.

The post IGJEUM, ‘na përgatit’: Fundjava me reshje, rrezik për vërshime uji në zonat urbane appeared first on Albeu.com.

Deklarata e fortë e Ilir Vrenozit, i cili zbuloi publikisht prapaskenat financiare të marrëveshjes me Top Channel, duket se nuk është pritur aspak mirë nga drejtuesit e formatit.

Pas videos virale ku ish-banori pretendonte se produksioni i kishte paguar 600 mijë lekë të vjetra për të mbuluar rrogën e bashkëshortes, moderatori Ledion Liço ka bërë një lëvizje të qartë distancimi.

Nga një vëzhgim në rrjetet sociale, rezulton se Ledioni e ka hequr Vrenozin nga lista e personave që ndjek në Instagram (unfollow).

Kjo lëvizje vjen menjëherë pas thyerjes së heshtjes nga ana e korçarit lidhur me kushtet e kontratës, të cilat zakonisht janë rreptësisht konfidenciale në formate të tilla.

Vrenozi u shpreh se paratë ishin kusht për hyrjen e tij, në mënyrë që bashkëshortja të linte punën për t’u kujdesur për motrën e tij të sëmurë, por duket se kjo transparencë e tepruar i ka kushtuar atij “miqësinë” virtuale me moderatorin e spektaklit.

The post Zbuloi shifrën që ka marrë për të hyrë në BBVA, Ledion Liço merr këtë vendim ndaj Ilir Vrenozit appeared first on Albeu.com.

Kryetari i Partisë Demokratike, Sali Berisha tha se në çdo takim me zyrtarët amerikanë janë klanet e drogës dhe lidhjet e qeveritarëve me klanet e drogës. Gjatë fjalës së tij në foltoren me demokratët në Kamëz, Berisha foli për rrëmbimin e Daniel Shimës, ish zv.drejtorit të AKSHI-t, për të cilin tha se i kishte dalë zot disa ditë me radhë. Lideri demokrat tha se ai kishte bërë nënën e tij milionere me paratë e AKSHI-t, kur ajo ishte me profesion rrobaqepëse.

Sali Berisha: Në çdo takim me zyrtarët amerikanë janë klanet e drogës dhe lidhjet e qeveritarëve me klanet e drogës. Ja arritëm të paraqesim para shqiptarëve dhe botës se 90% e mediave janë në kontroll qeveritar. Më keq se në diktaturë.

Janë 43 mashtrues profesionist, që paguhen nga studio në studio vetëm për të mashtruar qytetarët. Paguhen me paratë që ju vjedhin qytetarëve. Degradim ekstrem i administratës. Anti qytetare. Njerëz të cilët, drejtor bashkie vjedh e vjedh ndërton pallate me Olsi Ramën dhe Veliajn. Qelqi. E rrëmbyen para ca javësh një Daniel Shimën dhe unë duke i dalë zot atij disa ditë me radhë. Danieli ishte si ai, kishte bërë nënën mln me vjedhjen e parave të AKSHI. Ajo rrobaqepëse dhe kishte regjistruar mln në emër të saj.

The post “I dola zot Daniel Shimës që e rrëmbyen”,Berisha: Ai kishte bërë nënën milionere me paratë e AKSHI-t appeared first on Albeu.com.

Turi i “Foltores” pasditen e kësaj të shtune u ndal në Kamëz, aty ku kryetari i PD-së, Sali Berisha, zhvilloi një bashkëbisedim me qytetarët dhe simpatizantët e Kamzës.

Gjatë fjalës së tij në foltoren e radhës në Kamëz, Berisha akuzoi qeverinë se ka dhunuar votën dhe vullnetin e lirë të qytetarëve.

Lideri demokrat u shpreh se Rama ka krijuar në fushatë elektorale, tregun e votës. Sipas tij, Rama ka përdorur të gjitha metodat anti demokratike, anti kushtetuese, për të plaçkitur votën e qytetarëve.

FJALA E BERISHËS

Mirëmbrëma dhe përshëndetjet e mia më të përzemërta ju, demokratëve dhe demokratëve të Kamzës të pranishëm në këtë sallë, banorëve të këtij qyteti, kudo që janë sonte, në Kamëz, Shqipëri, jashtë vendi.

I dashur zoti kryetar i degës së Partisë Demokratike të Kamzës, i dashur zoti Ali Mehmeti, zonja Garo, të nderuar miq.

Kam shumë kënaqësi që vij sot tek ju.

Së pari, për të shprehur mirënjohjen më të pakufishme për secilin prej jush, për çdo demokrat e demokrate dhe mbështetës të Partisë Demokratike dhe të opozitës në këtë qytet, të cilët me besim të palëkundur tek Partia Demokratike, ja duart në tërësi, Kamzën që ndërtuat, që e ngritët nga hiçi, e shndërruat në një nga qytetet më të mëdha të Shqipërisë, ta mbani qytet në përputhje me idealet tuaja, të qëndroni të palëkundur, të pamposhtur në të vërtetat dhe vlerat që ju besoni.

Vij këtu me ndjenjën e mirënjohjes së thellë, sepse ju në zgjedhjet e fundit përmbysët rezultatet e mëparshme dhe shkojmë të sigurt drejt garave të reja me besim të madh për fitore.

Por, vij gjithashtu të përulem para jush edhe për faktin se 12 vite kanë qenë vitet e padrejtësive më të mëdha që kanë rënë mbi ju. Ka qenë vitet e diskriminimit më të pamerituar tuaj. Kanë qenë vitet në të cilat shumica e familjeve tuaja janë detyruar të përcjellin fëmijët në rrugët e botës, sepse nuk ka patur për ta asnjë mundësi që të qëndrojnë në vatrat e tyre familjare dhe të ndërtojnë ëndrrën e tyre. Kanë qenë vite në të cilin koha pothuajse ka ndaluar në Kamëz me këtë kryetarin, pseudo-kryetarin që keni. Kamza ka mbetur me një infrastrukturë në rrënim e sipër.

Ato terrene, ato mjedise të cilat ishin të domosdoshme për një qytet që është i gjashti në Shqipëri për kap banorët, një nga një i hëngri dhe po i han betoni i Edi Ramës dhe kryetarit.

Por këto kanë qenë vite dëshpërimi. Kanë qenë vite në të cilat pensionet jo që nuk u rritën, por krahasuar me çmimet u bënë gjithnjë më të vogla. Po kështu dhe rrogat e ulëta dhe rrogat e mesme.

Pra, vite të një regjimi që në Kamëz dhe në mbarë Shqipëri është sjellë si një pushtues i vërtetë. Është sjellë si një pushtues i vërtetë sepse, së pari, duke dhunuar votën tuaj, vullnetin tuaj të lirë, një lloj si në raste pushtimesh dhe diktaturash, të gjithë pushteti u përqëndrua në duart e një njeriu.

Kanë qenë vite në të cilët ju keni derdhur lumenj djerse në fushata elektorale.

I keni fituar zgjedhjet, por armiku më i egër i votës së lirë të shqiptarëve pas Enver Hoxhës, Edi Rama, ka shndërruar procesin zgjedhor në farsë zgjedhore, në farsë elektorale.

Ka krijuar në fushatë elektorale tregun më të zi të të gjitha tregjeve, që është tregu i votës, tregu i vullnetit, tregu i idealeve të njerëzve.

Ka përdorur të gjitha metodat antidemokratike, antikushtetuese për të plaçkitur votën e qytetarëve.

The post “Vota juaj u shndërrua në treg të zi”, Berisha: Procesi zgjedhor ishte farsë elektorale appeared first on Albeu.com.

Gazetarja Klodiana Lala ishte pasditen e sotme në “Kjo Javë” ku dha më shumë detaje mbi lënien në fuqi të vendimit të GJKKO për pezullimin nga detyra të zv.kryeministres dhe ministres së Infrastrukturës dhe Energjisë, Belinda Balluku.

Gazetarja shpjegoi se vendimi i GJKKO u rrëzua me votim 4 me 4, duke rikthyer pezullimin nga funksionet deri në vendimin e Apelit.

Lala theksoi se SPAK ka të drejtë të kërkojë në gjykatë pezullimin e çdo ministri, kryeministri apo presidenti, pa pasur nevojë për autorizim të Kuvendit për masa si pezullimi nga detyra.

Klodiana Lala: GJK ka arritur një vendimmarrje 4 me 4. Që një vendim i GJK të konsiderohet i marrë duhet të plotësojë kuorumin. Minimalisht Rama duhet të merret 5 vota në favor të tij. Ose që të rrëzohet, duhet të votonin 5 apo 6. Në momentin që nuk arrihet kuoromi, kërkesa konsiderohet e rrëzuar. GJK me 4 me 4 rrëzoi kërkesën dhe riktheu pezullimin nga funksionet. Nuk mund të ushtrojë funksionin e zv.kryeministres dhe ministres derisa të shprehet Apeli i GJKKO.

Zoti Rama kërkonte interpretim të dispozitës kushtetuese. Thoshte se ministri nuk pezullohet pasi gëzon atribute si deputeti i kuvendit. Duhet shkuar me kërkesë në Kuvend nga ana e SPAK. Kryetarja e GJK, Fiona Papajorgji, Sandër Beci, Sonila Bejtja. Marjana Semini, janë të qëndrimit që Balluku nuk pezullohet pasi SPAK duhet të kërkojë autorizim nga Kuvendi dhe të kërkojë heqjen imunitetin. GJK nuk e ka konsideruar anti-kushtetues vendimin e GJKKO u jep mundësinë SPAK në çdo rast të drejtohet gjykatës dhe të kërkojë pezullimin e çdo ministri. Nëse kryeministri presidenti apo çdo funksionar tjetër, do preferoja që GJK duhet të japë përgjigje përfundimtare.

Nuk e kemi të prerë. Do kemi nesër në vendimin e arsyetuar. SPAK ka mundësinë dhe e shfrytëzon momentin nëse po hetohet një ministër apo një zyrtar mund të kërkojë Gjykatës pezullimin nga funksionet. 4 që votuan kundër se autorizimi në Kuvend duhet kërkuar për arrestin në shtëpi, kontrollin personal. Për masat e tjera si ndalim i daljes jashtë vendit, pezullimin nga detyra nuk është e nevojshme.

The post Pezullimi i Ballukut mbeti në fuqi, Klodiana Lala: SPAK-ut i jepet e drejta të kërkojë në Gjykatë pezullimin e çdo ministri, kryeministrit apo presidentit appeared first on Albeu.com.

Për herë të parë, Shtetet e Bashkuara të Amerikës kanë vendosur një axhendë ambicioze për përfundimin e luftës në Ukrainë, duke kërkuar një marrëveshje paqeje me Rusinë brenda marsit 2026 dhe një përfundim të plotë të konfliktit deri në qershor.

Administrata amerikane, nëpërmjet të dërguarit të posaçëm Steve Witkoff dhe dhëndrit të presidentit amerikan Jared Kushner, po nxit palët të arrijnë një marrëveshje që përfshin referendum kombëtar dhe zgjedhje në Ukrainë, me qëllim të sigurojë një tranzicion politik të qetë dhe legjitim. Objektivi, sipas mediave të huaja, është që çdo marrëveshje të votohet nga populli ukrainas dhe të reflektojë sovranitetin e vendit.

Presidenti ukrainas Volodymyr Zelenskyy konfirmoi se SHBA kanë dhënë një ultimatum për të arritur marrëveshjen deri në qershor 2026. Ai deklaroi se raundet e ardhshme të negociatave mund të zhvillohen në Shtetet e Bashkuara, me diskutime për armëpushim dhe garanci sigurie në ditët në vijim.
Zelensky theksoi se negociatat nuk janë të lehta: Territori i Donbas, kontrolli mbi stacionin bërthamor Zaporizhzhia dhe garancitë për sovranitetin janë çështje kyçe që pengojnë arritjen e marrëveshjes.

Ndërkohë që Rusia ka intensifikuar sulmet ndaj infrastrukturës energjetike ukrainase, duke shkaktuar ndërprerje të energjisë dhe duke rritur presionin mbi qeverinë dhe civilët.

Raundet e fundit të bisedimeve trepalëshe në Abu Dhabi nuk sollën marrëveshje përfundimtare, megjithatë pati shkëmbim të 314 të burgosurish si pjesë e përpjekjeve diplomatike.

Aleatët perëndimorë, përfshirë Britaninë e Madhe, mbështesin përpjekjet diplomatike të SHBA, por theksojnë se marrëveshjet paqeje të qëndrueshme kërkojnë kompromis të thellë nga të dyja palët, gjë që deri tani nuk është arritur.

Ekspertët e sigurisë dhe diplomatët paralajmërojnë se afatet e SHBA janë ambicioze, duke qenë se situata në terren dhe mosmarrëveshjet territoriale e bëjnë të vështirë një armëpushim të qëndrueshëm brenda gjashtë muajve.

The post SHBA afat të ri për luftën në Ukrainë, Zelensky: Bisedimet e ardhshme mund të mbahen në Uashington appeared first on Albeu.com.

Banorët e fshatit Baks-Rrjoll në Shkodër janë mbledhur pranë Drejtorisë Vendore të Policisë. Ata kërkojnë lirimin e banorëve, të cilët janë shoqëruar nga policia gjatë protestave për pronat.

Sipas tyre po bëhet një padrejtësi në çështjet e pronësisë. Në lidhje me këtë, ata kërkojnë zgjidhje të menjëhershme nga institucionet përgjegjëse. Gjatë një prononcimi për mediat, njëri prej protestuesve është shprehur se do t’i drejtohen gjykatave, dhe SPAK-ut.

“Na arrestojnë te toka, shkojnë atje sikur ua kemi zënë ne. Ne do të vijmë nesër, e pasnesër, pasi jemi në të drejtën tonë. Këta kriminelë na trajtojnë se u kemi zënë ne tokat. Na bllokojnë makinat, kanë falsifikuar dokumentet. Nuk do të ndalemi, dhe do ta mbrojmë me çdo mënyrë. Do t’i drejtohemi gjykatave, SPAK-ut. I kapin prej leckash, nuk pyesin nëse janë pleq apo të rinj. Nuk është shteti që kemi ne, por ata që kanë paguar.”, tha një prej protestuesve.

The post Shoqërimi i protestuesve nga policia/ Banorët e Rrjollit kërkojnë lirimin e tyre: Po na marrin tokat padrejtësisht dhe po na dhunojnë appeared first on Albeu.com.

Prej ditësh banorët e Rrjollit janë ngritur në protesta ku dhe po kundërshtojnë me forcë ndërtimin e resortit në tokën e tyre. Së fundmi, një prej banorëve ka bërë një thirrje të drejtpërdrejtë ish-kryeministrit Sali Berisha, duke vënë në dukje mungesën e mbështetjes së tij për kauzën e tyre.

Banori thekson se Berisha nuk ka dërguar përfaqësues në protestë dhe nuk ka shprehur një qëndrim mbështetës në publik, duke lënë të hapur dyshimin nëse ka ndikim edhe nga vetë Berisha në këtë çështje.

Ai i kërkon Berishës që të mos i mbështesë vetëm kur ka interesa personale, por të tregojë solidaritet edhe me kërkesat e komunitetit të Rrjollit.

“Nuk dërgoi një përfaqësues të vetin dhe nuk erdhi të na mbështes në grevën tonë. A mos vallë ka dorë edhe Berisha në këtë mes. Nuk e kemi dëgjuar as në lajme që të na dalë zot. I lutem, mos na thirr kur ke interesat e tua, por na mbështet edhe në interesat tona”, ka thënë ai ndër të tjera.

The post Banorët e Rrjollit kundër ndërtimit të resortit, kërkojnë përgjigje nga Sali Berisha: Mos na thirr vetëm kur ke interesat e tua appeared first on Albeu.com.

Hyrja e Luiz Ejllit në shtëpinë e “Big Brother VIP” nuk ka trazuar vetëm rrjetin, por ka futur në ‘panik’ familjarët e banorëve që ndodhen aktualisht në garë.

Gjatë koncertit të tij të fundit në Tiranë, fenomeni i këtij formati zbuloi një prapaskenë interesante: në telefonin e tij kanë ardhur mesazhe nga prindërit dhe të afërmit e konkurrentëve, të cilët i kanë kërkuar “amnisti” për të dashurit e tyre.

Me stilin e tij karakteristik, Luizi zgjodhi t’u përgjigjej publikisht nga skena, duke i siguruar se qëllimi i tij është spektakli.

“U them gjithë atyre familjarëve të konkurrentëve që më kanë shkruar: ‘Jo po ma ki kujdes djalin, vajzën, mos mi bjer vajzës, mos mi bjer djalit’… nuk kam punë me ta. Thjesht do kënaqemi, keni me u kënaq tu e pa, vetëm kaq po ju them,” u shpreh ai.

The post VIDEO/ Luizi konfirmon në koncert pjesëmarrjen në “BBVA”, jep më tepër detaje appeared first on Albeu.com.

Ministri i Jashtëm i Iranit tha se Teherani dhe Uashingtoni besojnë se bisedimet bërthamore duhet të rifillojnë së shpejti pas negociatave indirekte në Oman, edhe pse Teherani përjashtoi diskutimet për programin e tij raketor dhe pasurimin e uraniumit.

Abbas Araqchi i tha televizionit Al Jazeera të Katarit më 7 shkurt se të dyja palët ranë dakord që diskutimet duhet të rifillojnë së shpejti, duke shtuar se nuk ka një afat të rënë dakord për takimin e radhës.

Ndërsa tha se Teherani është i hapur për arritjen e një marrëveshjeje, Araqchi shtoi se çështjet që lidhen me programin raketor të Iranit dhe pasurimin e uraniumit janë të papranueshme për negociatat e ardhshme.

“As tani e as në të ardhmen nuk mund të mbahen negociata për raketat, sepse kjo është një çështje mbrojtëse”, tha ai. “Çështja e ndalimit të pasurimit nuk është e negociueshme nga këndvështrimi i Iranit”.

Araqchi shtoi se Irani do t’i përgjigjej çdo sulmi të mundshëm amerikan: “Nëse Irani sulmohet, ne do të shënjestrojmë bazat amerikane në rajon”.

Komentet e Araqchit erdhën një ditë pasi delegacione nga Teherani dhe Uashingtoni zhvilluan bisedime të ndërmjetësuara nga Omani dhe pasi presidenti i SHBA-së, Donald Trump, tha se diskutimet ishin “shumë të mira”.

Ndërsa asnjëra palë nuk njoftoi rezultate konkrete, të dyja sugjeruan se negociatat për programin bërthamor të Iranit mund të vazhdojnë në afat të afërt.

“Irani duket se dëshiron shumë të arrijë një marrëveshje. Duhet të shohim se çfarë marrëveshjeje është ajo”, u tha Trump gazetarëve në bordin e Air Force One.

“Fakti që bisedimet nuk dështuan dhe se të dyja palët nuk u larguan nga tryeza e negociatave tregon se ndoshta ato gjetën mjaftueshëm pika të përbashkëta ose se të dyja palët vunë në tryezë disa lëshime që ishin mjaft tërheqëse për të vazhduar bisedimet”, i tha Radios Farda të REL-it Ali Vaez, drejtor i projektit për Iranin në International Crisis Group.

Bisedimet u zhvilluan mes një grumbullimi ushtarak amerikan në Lindjen e Mesme. Tensionet janë rritur nga më shumë se dy javë trazira në Iran, gjatë të cilave autoritetet nisën një goditje të ashpër që, sipas grupeve për të drejtat e njeriut, vrau mijëra civilë.

Ndërsa raportet për masakrën nisën të dilnin nga Irani, Trump kërcënoi se do ta godiste Iranin nëse ndonjë nga dhjetëra mijëra protestuesit e arrestuar do të ekzekutohej.

Presidenti amerikan ka vazhduar të mbajë opsionet ushtarake mbi tryezë, ndërsa njëkohësisht ka theksuar përpjekjet për të frenuar programin bërthamor të Iranit, për të cilin fuqitë perëndimore druhen se synon prodhimin e një bombe, pavarësisht këmbënguljes së Teheranit se ai ka qëllime civile.

Pas bisedimeve në Oman, Departamenti amerikan i Shtetit njoftoi sanksione të reja ndaj eksporteve të naftës së Iranit, duke shënjestruar 15 subjekte dhe 14 anije të ashtuquajtura të “flotës hije”.

“Shtetet e Bashkuara do të vazhdojnë të veprojnë kundër rrjetit të transportuesve dhe tregtarëve të përfshirë në transportin dhe blerjen e naftës së papërpunuar iraniane, produkteve të naftës dhe produkteve petrokimike”, tha në një deklaratë zëdhënësi i Departamentit të Shtetit, Tommy Pigott.

Veçmas, Trump nënshkroi një urdhër ekzekutiv që mund të vendosë tarifa dytësore ndaj vendeve që importojnë mallra nga Irani, sipas një deklarate të Shtëpisë së Bardhë.

Urdhri e përshkruan këtë hap si “të domosdoshëm dhe të përshtatshëm” pas marrjes së informacionit shtesë nga zyrtarë të lartë lidhur me “veprimet dhe politikat” e qeverisë iraniane.

Trump nuk ka komentuar drejtpërdrejt për urdhrin, por ka përsëritur “asnjë armë bërthamore” për Iranin, gjatë një bisede me gazetarët në Air Force One.

Urdhri nuk specifikon nivelin e tarifës, por përmend 25 për qind si shembull. Ai thotë se tarifa mund të zbatohet për mallrat e importuara në SHBA nga çdo shtet që “drejtpërdrejt ose tërthorazi blen, importon ose përndryshe siguron ndonjë mall ose shërbim nga Irani”.

Shtëpia e Bardhë tha se ky urdhër i fundit ekzekutiv riafirmon “gjendjen e vazhdueshme të emergjencës kombëtare në lidhje me Iranin” dhe vuri në dukje se presidenti mund ta ndryshojë atë nëse rrethanat ndryshojnë.

“Presidenti po e mban Iranin përgjegjës për ndjekjen e kapaciteteve bërthamore, mbështetjen e terrorizmit, zhvillimin e raketave balistike dhe destabilizimin rajonal që rrezikojnë sigurinë amerikane, aleatët dhe interesat”, thuhet në urdhër./REL

The post Pas negociatave në Oman, Irani thotë se bisedimet bërthamore me SHBA-në duhet të rifillojnë së shpejti appeared first on Albeu.com.

Dashi
Të lindur më: 21 Mars – 19 Prill
Sot mund të ndiheni më të lidhur emocionalisht me partnerin apo personin që ju pëlqen, duke hapur rrugën për biseda të thella dhe të sinqerta. Beqarët do kenë mundësi të reja për të njohur dikë interesant, por duhet të jenë të durueshëm dhe të mos nxitojnë. Në punë, energjia juaj është e lartë dhe keni ide të freskëta që mund t’ju ndihmojnë të dalloheni para kolegëve apo eprorëve. Megjithatë, shmangni konfliktet apo debatet e panevojshme, sidomos nëse ndiheni të lodhur. Kujdes me shëndetin, pasi mund të ndjeni lodhje apo stres në fund të ditës, ndaj relaksohuni dhe mos e teproni me angazhimet. Financat paraqiten të qëndrueshme, por është e këshillueshme të mos merrni vendime të nxituara lidhur me investimet. Planifikoni shpenzimet dhe ruani balancën në buxhet.

Demi
Të lindur më: 20 Prill – 20 Maj
Në marrëdhënie, sot mund të përjetoni një atmosferë të ngrohtë dhe të qetë, ku ndiheni të vlerësuar dhe të dashur. Nëse keni pasur mosmarrëveshje së fundmi, kjo është dita e duhur për të sqaruar çdo keqkuptim. Në aspektin profesional, do të keni mundësi të tregoni aftësitë tuaja dhe të fitoni respektin e kolegëve. Sidoqoftë, mund të ndiheni të ngarkuar me detyra, ndaj organizoni mirë kohën. Kujdesuni për shëndetin duke shmangur ushqimet e rënda dhe duke bërë pak aktivitet fizik. Financat janë në një fazë të mirë, por është këshillueshme të shmangni shpenzimet e kota. Mos harroni të kurseni për të ardhmen dhe të planifikoni investime të mençura.

Binjakët
Të lindur më: 21 Maj – 20 Qershor
Sot në dashuri mund të lindin ndjesi të reja dhe emocionuese, sidomos nëse jeni të hapur për aventura të vogla romantike. Çiftet do të forcojnë lidhjen përmes surprizave të këndshme apo një bisede të thellë. Në punë, dita është e përshtatshme për të nisur projekte të reja ose për të kërkuar mbështetje nga kolegët. Sidoqoftë, shmangni vendimet impulsive dhe analizoni mirë çdo hap të rëndësishëm. Shëndeti juaj është i qëndrueshëm, por mos anashkaloni pushimin dhe kujdesuni për të balancuar aktivitetin me relaksin. Financat mund të përmirësohen falë një pagese të papritur apo një mundësie të re, por mbani nën kontroll shpenzimet e panevojshme. Kujdesuni të mos i besoni çdo oferte që ju premton fitime të shpejta.

Gaforrja
Të lindur më: 21 Qershor – 22 Korrik
Sot marrëdhëniet familjare dhe sentimentale do jenë në fokus, ku një bisedë e sinqertë mund të zgjidhë shumë keqkuptime të vogla. Është momenti i duhur për të shprehur ndjenjat dhe për të përmirësuar klimën mes jush dhe të afërmve. Në punë, do të ndjeni presion për të përfunduar detyrat në kohë, ndaj përpiquni të mos humbni fokusin. Një bashkëpunim i ri mund të sjellë përfitime të mëdha në të ardhmen. Shëndeti kërkon më shumë vëmendje, ndaj mos neglizhoni simptomat e lodhjes apo stresit. Në aspektin financiar, është e këshillueshme të mos bëni shpenzime të mëdha sot, pasi mund të dalin shpenzime të papritura. Kurseni dhe planifikoni me kujdes për projekte të ardhshme.

Luani
Të lindur më: 23 Korrik – 22 Gusht
Jeta sentimentale sot është mjaft e gjallë, ku mund të ndjeni nevojën për aventura të reja ose për të përforcuar lidhjen me partnerin tuaj. Beqarët kanë mundësi për të krijuar njohje të reja, mjafton të jenë të hapur ndaj eksperiencave. Përsa i përket punës, do të keni energji të mjaftueshme për të përballuar sfida të reja dhe për të fituar vëmendjen e eprorëve. Fokusi dhe vendosmëria do t’ju ndihmojnë të arrini qëllimet, por shmangni konfliktet me kolegët. Shëndeti është i mirë, por është e rëndësishme të ruani ekuilibrin mes punës dhe pushimit. Financat paraqiten të qëndrueshme, por është mirë të shmangni shpenzimet e tepërta për argëtime. Planifikoni mirë buxhetin dhe mos harroni të kurseni për të ardhmen.

Virgjëresha
Të lindur më: 23 Gusht – 22 Shtator
Në dashuri, sot është një ditë për të reflektuar mbi marrëdhënien tuaj dhe për të bërë ndryshime që sjellin më shumë harmoni. Një bisedë e qetë me partnerin mund të zgjidhë çdo paqartësi të vogël që ju ka shqetësuar. Në punë, përqendrimi juaj është i lartë dhe mund të arrini rezultate të mira nëse ndiqni një plan të qartë. Mos lejoni që pengesat e vogla t’ju dekurajojnë, sepse aftësitë tuaja do të shpërblehen. Shëndeti është i mirë në përgjithësi, por mund të ndjeni pak lodhje nga rutina e përditshme. Kujdesuni të mos e teproni me ushqimin apo aktivitetet fizike. Financat kërkojnë më shumë vëmendje, ndaj përpiquni të mos shpenzoni për gjëra të panevojshme sot.

Peshorja
Të lindur më: 23 Shtator – 22 Tetor
Sot në aspektin sentimental mund të përjetoni një periudhë të qetë, ku ndjenja sigurie dhe besimi do të jenë në rritje. Partneri juaj do të jetë mbështetës, ndërsa beqarët mund të takojnë dikë që i intrigon. Në punë, mund të përballeni me sfida të reja, por me përkushtim dhe organizim do t’ia dilni mbanë. Është momenti i duhur për të nxjerrë në pah idetë dhe kreativitetin tuaj. Shëndeti është i qëndrueshëm, por është mirë të mos neglizhoni pushimin dhe të kujdeseni për veten. Financat janë të mira, por është e këshillueshme të mos bëni shpenzime të mëdha pa një plan të qartë. Kurseni për projekte të ardhshme dhe mos u tërhiqni nga ofertat e dyshimta.

Akrepi
Të lindur më: 23 Tetor – 21 Nëntor
Në dashuri mund të ndiheni më të afërt me partnerin, duke ndarë momente të veçanta dhe duke forcuar lidhjen tuaj. Beqarët do të kenë mundësinë të njohin dikë që i bën të ndihen të veçantë, por duhet të jenë të durueshëm. Në punë, dita është e favorshme për bashkëpunime dhe për të ndërtuar marrëdhënie të reja profesionale. Mos ngurroni të kërkoni ndihmë ose të ndani idetë tuaja me të tjerët. Shëndeti kërkon më shumë vëmendje ndaj aktivitetit fizik, ndaj mos e lini pas dore ushtrimin apo ecjen. Financat mund të përmirësohen falë një burimi të ri të ardhurash, por është mirë të mos shpenzoni më shumë sesa fitoni. Planifikoni mirë dhe investoni në mënyrë të zgjuar.

Shigjetari
Të lindur më: 22 Nëntor – 21 Dhjetor
Sot marrëdhëniet tuaja personale mund të përjetojnë një kthesë pozitive, falë komunikimit të hapur dhe sinqeritetit. Çiftet do të ndihen më të bashkuar, ndërsa beqarët do të tërheqin vëmendjen e dikujt interesant. Në punë, do të keni mundësinë të zgjidhni një problem të vjetër ose të merrni një përgjigje të rëndësishme. Këshillohet të jeni të kujdesshëm në bashkëpunime dhe të mos nxitoni me vendimet. Shëndeti është i mirë, por mos harroni të pushoni mjaftueshëm për të shmangur lodhjen. Financat janë të balancuara, por është mirë të shmangni shpenzimet e paplanifikuara. Mendoni për të ardhmen dhe kurseni për situata të paparashikuara.

Bricjapi
Të lindur më: 22 Dhjetor – 19 Janar
Në dashuri, dita është ideale për të shprehur ndjenjat dhe për të bërë një hap të rëndësishëm përpara në marrëdhënien tuaj. Një surprizë e vogël apo një gjest i ëmbël mund të sjellë më shumë ngrohtësi mes jush dhe partnerit. Në punë, mund të merrni përgjegjësi të reja ose të përballeni me sfida që kërkojnë vendime të shpejta. Mos u frikësoni nga ndryshimet, pasi ato mund të sjellin përmirësime të mëdha në karrierën tuaj. Për shëndetin, është e rëndësishme të mbani një ritëm të qëndrueshëm dhe të mos e teproni me angazhimet. Financat janë të qëndrueshme, por është mirë të planifikoni një buxhet të ri për muajt në vijim. Kurseni dhe investoni me kujdes për të siguruar stabilitet.

Ujori
Të lindur më: 20 Janar – 18 Shkurt
Sot mund të përjetoni një periudhë të bukur romantike, ku ndjeshmëria dhe mirëkuptimi do të mbizotërojnë në marrëdhënie. Beqarët mund të ndihen më të hapur ndaj njohjeve të reja, veçanërisht nëse dalin nga rutina. Në aspektin profesional, dita sjell mundësi të reja për të avancuar ose për të mësuar diçka të dobishme. Mos ngurroni të pranoni sfida, pasi aftësitë tuaja do të vihen në pah. Shëndeti është i mirë, por kushtojini vëmendje ushqyerjes dhe hidratimit. Financat janë të stabilizuara, megjithatë është e këshillueshme të bëni një plan të qartë për shpenzimet. Mos merrni borxhe të panevojshme dhe mendoni për të ardhmen.

Peshqit
Të lindur më: 19 Shkurt – 20 Mars
Në dashuri, sot është dita ideale për të kaluar më shumë kohë me partnerin ose për të njohur dikë të ri nëse jeni beqar. Një bisedë e thellë mund të sjellë mirëkuptim dhe afrimitet të shtuar. Në punë, do të vlerësoheni për përpjekjet dhe kreativitetin tuaj, ndërsa një projekt i ri mund të fillojë me sukses. Mos harroni të merrni këshilla nga ata me më shumë përvojë për të shmangur gabime të panevojshme. Shëndeti është i mirë, por duhet të kushtoni më shumë vëmendje pushimit dhe balancës mes detyrimeve dhe kohës për veten. Financat janë të mira, por është e rëndësishme të mos shpenzoni më shumë sesa fitoni. Planifikoni me kujdes dhe kurseni për projekte të ardhshme që ju interesojnë.

The post Horoskopi 6 Shkurt 2026/ Çfarë parashikojnë yjet për ju appeared first on Albeu.com.

Dita e nesërme pritet të shoqërohet me rreshje intensive shiu në qytetin e Durrësit. Shërbimi Meteorologjik Ushtarak njofton se për periudhën 06.02.2026 – 10.02.2026, parashikohen reshje shiu me intensitet të lartë në territorin e Qarkut Durrës. Gjë e cila mund të shkaktojnë vështirësi dhe problematika në qarkullimin e automjeteve dhe lëvizjen e qytetarëve.

Shërbimi Meteorologjik Ushtarak thotë se nisur nga situatat e mëparshme që reshjet intensive kanë shkaktuar mbi banesat, bizneset, infrastrukturën dhe jetën e përditshme të qytetarëve, është e domosdoshme që të gjitha strukturat përgjegjëse të tregojnë gatishmëri maksimale, përgjegjësi institucionale dhe bashkëpunim të vazhdueshëm.

Në kuadër të kësaj, kërkohet marrja e masave parandaluese dhe monitorimi i vazhdueshëm i situatës në terren. Gjithashtu duhet të bëhet menjëherë raportimi i çdo problematike.

The post E premtja nis me përkeqësim të motit në Durrës, pritet intensitet i lartë i reshjeve/ Shërbimi Meteorologjik Ushtarak: Të merren masa appeared first on Albeu.com.

Shtëpia e Bardhë ka paralajmëruar Iranin se Trump ‘ka shumë opsione’ përveç diplomacisë. Sekretarja e shtypit e Shtëpisë së Bardhë Karoline Leavitt, u shpreh se Trump ka qenë mjaft i qartë në kërkesat e tij ndaj Iranit, duke përfshirë zero aftësi bërthamore.

Mediat shkruajnë presidenti amerikan, Donald Trump po ndjek nga afër bisedimet mes Shteteve të Bashkuara dhe Iranit, të cilat pritet të zhvillohen të premten në Oman, për të parë nëse mund të arrihet një marrëveshje me Teheranin.

“Ai dëshiron të shohë nëse mund të arrihet një marrëveshje. Dhe ndërsa këto negociata po zhvillohen, unë do t’i kujtoja regjimit iranian se presidenti ka shumë opsione në dispozicion, përveç diplomacisë, si komandant i përgjithshëm i ushtrisë më të fuqishme në historinë e botës.” u tha Leavitt gazetarëve gjatë një konference në Uashington, DC.

The post Shtëpia e Bardhë paralajmëron Iranin: Trump ka shumë opsione përveç diplomacisë appeared first on Albeu.com.