Udhëtimet për vitin 2026 duhet të planifikohen duke marrë parasysh ndryshimet klimatike dhe turizmin, duke respektuar stinën ideale të çdo destinacioni.

Sipas një artikulli të La Repubblica, ekspertët e Evaneos sugjerojnë udhëtime larg vendeve të populluara. Dimri rekomandohet për destinacione të ngrohta si Kreta, Jordania dhe Afrika e Jugut.

Pranvera është ideale për kulturë dhe natyrë në Shqipëri, Gjeorgji dhe Peru, ndërsa vjeshta ofron përvoja emocionale në Skoci, Azore dhe Indonezi, duke kombinuar natyrën, kulturën dhe aventurën.

Artikulli i plotë:

Në Maldive me çadër shiu apo në Japoni duke djersitur mes rrokaqiejve të Tokios, ose akoma më keq, në Nju Jork në ditët e mbingarkesës turistike? Nuk është më e mendueshme të udhëtosh duke harruar tekat e reja të motit apo fenomenin e turizmit të tepruar. Dhe jo vetëm kaq. Çdo vend ka stinën e vet ideale dhe ato duhen respektuar. Repubblica u ka kërkuar ekspertëve të platformës së udhëtimeve të qëndrueshme Evaneos këshilla për vitin 2026 mbi disa destinacione frymëzuese për të udhëtuar në mënyrë ndryshe dhe autentike, duke kontribuar edhe në uljen e ndikimit të turizmit. Përzgjedhja për çdo stinë – dimër, pranverë, verë dhe vjeshtë – përfshin destinacione me distancë të shkurtër, të mesme dhe të gjatë, jashtë rrugëve dhe modave të zakonshme, për t’u zbuluar në periudha më pak të mbipopulluara.

Dimër në ngrohtësi në Kretë, Jordani ose Afrikë të Jugut

Kreta tregon fytyrën e saj më intime në muajt më të ftohtë. Plazhet e saj, mes të cilave Balos, Falassarna dhe Elafonissi, shfaqen pothuajse të zbrazëta dhe zbulojnë ngjyra të mrekullueshme edhe jashtë sezoni, ashtu si edhe bregdeti i egër jugor. Mes fshatrave prej guri, tavernave përballë Egjeut dhe grykeve që më në fund janë të qeta si ajo e Samarias, ishulli ofron një Greqi ndryshe nga ajo verore, më të ngadaltë dhe autentike. Mitet dhe legjendat lokale, nga historitë e Zeusit te pallati i Minotaurit, magjepsin më të vegjlit dhe e bëjnë udhëtimin edhe më tërheqës.

Jordania ofron një udhëtim po aq të veçantë në dimër: larg Petrës dhe Ëadi Rum-it më të frekuentuara, vende si kodrat e rezervës pyjore të Ajloun-it hyjnë në zemrën e udhëtarëve, edhe falë mikpritjes së familjeve që ftojnë për të mbledhur ullinj dhe për t’u ulur të gjithë bashkë në tryezë për të ndarë një mansaf të ngrohtë. Një udhëtim në natyrë, por edhe në histori, falë rrënojave të Umm Qais-it në veri dhe kështjellave të shkretëtirës në lindje si Qasr Al-Kharanah dhe Qasr Amra, apo fshatit Dana në jug, që ofron shtigje alternative trekkingu përmes peizazheve të paprekura.

Në Afrikën e Jugut, dimri europian përkon me ditë të ngrohta dhe të ndritshme: është momenti ideal për të zbuluar provincën Northern Cape, ku nxehtësia e thatë i shndërron peizazhet gjysmë-shkretinore në një set kinematografik me kanione të kuqërremta dhe qiej të pafund që shkëlqejnë natën. Në Eastern Cape, plazhet e egra dhe ritmet e ngadalta ftojnë për relaks, surf apo shëtitje me kalë në sheshet e rërës së bardhë, ndërsa në KëaZulu-Natal rezervatet më pak të njohura ofrojnë safari detare dhe tokësore në një mozaik lagunash, pyjesh bregdetare dhe zonash të lagështa të përshkuara nga hipopotamë dhe flamingo. Për adhuruesit e trekkingut, është gjithashtu periudha optimale për të eksploruar majat dhe luginat e Drakensbergut.

Pranverë nën shenjën e kulturës dhe peizazheve në lulëzim: udhëtim në Shqipëri, Gjeorgji dhe Peru

Shqipëria në pranverë është një triumf drite dhe traditash. Gjatë Noëruz-it (ekuinoksi), fshatrat ndizen nga zjarret dhe tryezat e mbushura, ndërsa mes maleve ende me dëborë dhe rivierës së puthur nga dielli zbulohen peizazhe çuditërisht të larmishme. Çatitë e kuqe të Beratit, rrënojat e Butrintit dhe arkitektura që alternon minaret me brutalizmin tregojnë një histori komplekse dhe magjepsëse. Plazhet e qeta dhe panoramat e jugut janë perfekte për të lëvizur pa nxitim, ndërsa familjet mund të shijojnë ujërat e kristalta të Parkut të Llogarasë, duke vozitur mes pishave dhe heshtjes.

Gjeorgjia në pranverë ka aromë ajri të ri: qershitë lulëzojnë në Tbilisi dhe luginat e mëdha të Kaukazit bëhen sërish të aksesueshme pas dimrit. Është stina kur familjet mblidhen për të ngritur dolli me verëra artizanale dhe pjata tipike si khinkali. Luginat verore të Kakhetit, manastiret e ngritura mbi shkëmbinj dhe qytetet historike si Kutaisi tregojnë një vend plot hijeshi. Për më të vegjlit, ka emocionin e kalimit të urës së gjatë të varur të Okatse-s, mes kanioneve dhe peizazheve të paprekura.

“Peruja, e freskët dhe e gjelbër pas sezonit të shirave, është udhëtimi perfekt për ata që kërkojnë emocione të reja – tregon Alessandro, një agjent lokal udhëtimesh. Është destinacioni me një mijë peizazhe, mes pllajave, luginave të gjelbra dhe natyrës ende të egër, ku zbulohet kultura e lashtë Inka që rrëfen një të kaluar të lavdishme. Nga bregdeti eksplorohen Paracas dhe ishujt Ballestas për të vëzhguar luanë deti, pinguinë dhe flamingo, deri te Linjat mistike të Nazca-s, për të mbërritur më pas në Arequipa, e dominuar nga vullkani madhështor Misti. Kanioni Colca ofron emocionin e kondorëve në fluturim në lartësi ekstreme, ndërsa Liqeni Titicaca befason me komunitetet e tij me identitet të fortë. Më pas arrihet në Cusco, plot ngjyra dhe histori, porta hyrëse e Machu Picchu-t imponues. Dhe akoma rajonet e veriut, të pasura me kultura para-Inka, dhe pafundësia e Amazonës.”

“Norgejia është një destinacion veror i paharrueshëm falë ditëve të gjata nën diellin e mesnatës që krijojnë atmosferën për përvoja vërtet të jashtëzakonshme”, tregon Paola, gjithashtu eksperte lokale e Evaneos. “Udhëtarët mund të provojnë aktivitete unike si safari me varka RIB për të parë shqiponjat në Lofoten, të ndjekin shtigje panoramike përgjatë luginave dhe fjordeve mahnitëse ose të shmangen nga rrugët më të rrahura drejt Vesterålen për të parë balenat. Dhe gjithashtu të kenë mundësinë të flenë në rorbuer, shtëpizat tradicionale të peshkatarëve përballë detit. Nga fshatrat bregdetare plot gjallëri te peizazhet spektakolare, Norvegjia ofron një përzierje magjepsëse natyre, kulture dhe momenteve të sloë travel që e bëjnë verën vërtet të veçantë”, përfundon ekspertja lokale e Evaneos.

Jashtë qyteteve, përgjatë bregut Atlantik dhe në zonat malore, edhe Maroku në verë tregon një fytyrë të freskët dhe të këndshme të papritur. Është koha e duhur për të zbuluar Essaouira-n, Tarfaya-n dhe plazhet okër e bezhë të Mirleft-it, ku dallgët dhe shkëmbinjtë krijojnë skenarë unikë. Grykat e Amtoudi-t, me pishinat e tyre natyrore, ofrojnë strehë rigjeneruese gjatë orëve më të nxehta. Mikpritja marokene mbetet një nga elementët më të paharrueshëm të udhëtimit, qoftë në male apo në një surf house me pamje nga oqeani.

Kanadaja në verë ofron jetë urbane dinamike, hapësira të pafundme dhe natyrë në kulmin e saj. Qytete si Montreal, Toronto dhe Calgary presin festivale muzikore me jehonë ndërkombëtare, ndërsa përgjatë lumit Shën Lorenc takohen fshatra peshkatarësh, tregje autentike dhe peizazhe të pafundme. Mes liqeneve të largëta, burimeve termale, via ferrata-ve dhe parqeve kombëtare si Kejimkujik, udhëtimi bëhet një alternim i vazhdueshëm mes aventurës dhe zbulimit. Nuk duhet humbur një vizitë në kasollet tradicionale për të mësuar sekretet e përgatitjes së shurupit të panjës.

Vjeshtë në kërkim emocionesh: Skoci, Azore dhe Indonezi

Skocia i vesh Highlands-at me ngjyra teatrale dhe mjegulla sugjestive, ndërsa trenat që përshkojnë vendin tregojnë peizazhe që duken sikur kanë dalë nga një rrëfim epik. Në cottage, mes uiskit të tymosur dhe frutave të detit, përjetohet një atmosferë intime dhe mikpritëse, ndërsa fëmijët mund të ndjekin gjurmët e Harry Potter-it ose të bëjnë shëtitje rreth liqeneve në kërkim të përbindëshit të Loch Ness-it. Ishulli jugor i Islay-t, i njohur për distileritë e tij, në vjeshtë ofron edhe një spektakël natyror unik me mbërritjen e mijëra patave të egra që mbushin qiellin e zonave bregdetare juglindore.

Azoret përfaqësojnë një tjetër fytyrë të vjeshtës: të egra, të gjelbra dhe të qeta. Burimet termale në natyrë, lagunat e mbështjella nga mjegulla, vreshtat mbi shkëmbin lavik dhe aktivitetet si canyoning apo trekking e bëjnë arkipelagun perfekt për një udhëtim relaksues dhe aktiv njëkohësisht. Dhe edhe pse nuk është sezoni i hortensiveve, është e mundur të admirohet zambaku i bukur i Jersey-t dhe foliage-i i krijuar nga Ginkgo Biloba.

Me mbi 17 mijë ishuj dhe rreth 150 vullkane aktive, Indonezia është një destinacion i shkëlqyer për ata që duan natyrën e gjallë dhe të egër. Vjeshta është e përshtatshme për zhytje nënujore, si në Raja Ampat-in skenografik apo në Moluke, por aktivitetet mund të jenë jashtëzakonisht të larmishme, nga itineraret me biçikletë te shpellat nëntokësore, deri te lindja e diellit në malin Bromo ose në Flores. Falë bashkëpunimit me Planeterra, udhëtimi merr edhe një vlerë sociale, në mbështetje të komuniteteve lokale dhe projekteve gjithëpërfshirëse./KM

Mesazhet private të Ryan Reynolds, në të cilat ai del në mbrojtje të Blake Lively-t gjatë realizimit të filmit “It Ends With Us”, janë bërë publike si pjesë e procesit gjyqësor me Justin Baldoni-n.

Një përfaqësues i aktorit ka reaguar pas publikimit të tyre.

“Po, Ryan u përfshi. Cili bashkëshort nuk do ta mbështeste gruan dhe nënën e fëmijëve të tij?” tha përfaqësuesi i aktorit për Puck News, në kuadër të një artikulli me titull ‘A ekziston mundësia që Blake të mos punësohet më dhe a mundet Ryan të shmangë pasojat?’”

Ai vazhdoi duke thënë: “Ryan e pa gruan e tij duke luftuar çdo ditë vetëm që të përballej me ngacmimin seksual në mënyrë private, por më pas u përball me hakmarrje. Madje Ryan mendon se reagimi i tij ishte më i përmbajtur se ç’duhej. Ai beson shumë dhe do të mbrojë gjithmonë të drejtën themelore për një vend pune të sigurt, pa ngacmime dhe pa hakmarrje për gruan e tij dhe për të tjerët. Atëherë, tani dhe gjithmonë.”

Më 21 janar, avokati i Justin Baldoni-t, Bryan Freedman, deklaroi:

“Ashtu siç kemi thënë që në fillim dhe siç pasqyrohet në kërkesat ligjore të klientëve tanë, si dhe në mesazhet nga Sony që diskutojnë sjelljen e zonjës Lively, provat nuk i mbështesin pretendimet e saj nga pikëpamja ligjore. Një lexim i thjeshtë i mesazheve të publikuara së fundmi i bën gjërat edhe më të qarta. Ne jemi të bindur se përmes procesit ligjor emri i Justin Baldoni-t dhe gjithë palëve të përfshira në çështje do të pastrohet.

Ndër mesazhet e Ryan Reynolds që janë publikuar së fundmi është edhe një mesazh i dërguar në gusht 2024 ndaj menaxherit të tij, Warren Zavala, pikërisht në kohën kur “It Ends With Us” po arrinte shumë sukses gjatë fundjavës në kinema, ndërkohë që në rrjet po qarkullonin zëra mbi dramat që kishin ndodhur prapa skenave.

“Jam shumë i zemëruar, sepse ky është një moment kur Blake duhet të festojë. Ajo e bëri të mundur këtë sukses,” shkruante ai.

Në të njëjtin mesazh të gjatë, Ryan Reynolds pretendonte se Justin Baldoni dhe studioja e tij “Wayfarer Studios” kishin “krijuar një rrëmujë të madhe” dhe se Blake Lively “nuk duhet të trajtohet si ‘grua kontrolluese’ në mënyrë poshtëruese.”

Në një tjetër shkëmbim mesazhesh nga korriku i vitit 2024, drejtuar një drejtuesi të WME-së (një prej agjensive më të mëdha të menaxhimit të talenteve në Hollywood), Ryan Reynolds thuhet se i referohej Justin Baldoni-t si “një mashtrues i rrezikshëm dhe mjaft i aftë” dhe gjithë situatës së krijuar si “një rrëmujë e dëmshme dhe e pashpjegueshme”.

Gjyqi mes aktorëve filloi në dhjetor të vitit 2024 dhe javët e fundit janë publikuar disa biseda private të aktores, por edhe të bashkëshortit Ryan Reynolds./K.M

Sipas të dhënave zyrtare, të ardhurat vjetore nga qiradhënia arritën në rreth 221.5 milionë lekë në vitin 2025, nga 159.2 milionë lekë në vitin 2024. Diferenca prej 62.3 milionë lekësh përkthehet në një rritje rreth 39% në bazë vjetore, një tregues i qartë i eficiencës më të lartë në administrimin e pasurive të sekuestruara dhe të konfiskuara.

Analiza mujore tregon se rritja nuk ka qenë sporadike, por e shpërndarë përgjatë gjithë vitit, me disa muaj që kanë dhënë një kontribut veçanërisht të fortë. Mars 2025 rezulton muaji me rritjen më të madhe krahasuar me të njëjtin muaj të vitit 2024, me një diferencë prej 11.8 milionë lekësh. Një tjetër muaj me performancë shumë të mirë është Qershori, ku të ardhurat u rritën me rreth 8 milionë lekë, ndërsa Dhjetori shënoi gjithashtu një rritje prej 7.5 milionë lekësh, duke e mbyllur vitin me nivelin më të lartë mujor të të ardhurave.

Në muajin e fundit të vitit të kaluar, të ardhurat arritën në   23.2 milionë lekë, ndërsa edhe Shtatori dhe Korriku ishin muaj me të ardhura të konsiderueshme nga qiradhënia. Kjo ecuri sugjeron jo vetëm rritje të vlerës së arkëtimeve, por edhe një planifikim më të mirë dhe një shfrytëzim më efektiv të portofolit të pasurive të administruara.

Rritja e të ardhurave nga qiradhënia lidhet drejtpërdrejt me përmirësimin e praktikave të mirëmenaxhimit, rritjen e transparencës dhe profesionalizmit në administrimin e aseteve publike që burojnë nga proceset e sekuestrimit dhe konfiskimit. AAPSK ka arritur të kthejë këto pasuri në burime konkrete financiare për buxhetin e agjencisë.

Një pjesë e këtyre të ardhurave është përdorur gjithashtu për të mbështetur drejtpërdrejt agjencitë ligjzbatuese, në funksion të forcimit të kapaciteteve të tyre në luftën kundër krimit të organizuar. Financimi i pajisjeve, logjistikës apo nevojave të tjera operacionale për institucione të drejtësisë dhe rendit publik përbën një element thelbësor në misionin e AAPSK.

Në këtë kontekst, të ardhurat nga qiradhënia nuk përfaqësojnë thjesht një tregues financiar, por edhe një instrument politikash publike, që lidh drejtpërdrejt mirëadministrimin e pasurive me forcimin e shtetit ligjor. Performanca e vitit 2025 konfirmon se një menaxhim aktiv, transparent dhe i orientuar drejt rezultateve mund të prodhojë një impakt të shumëfishtë – financiar, institucional dhe shoqëror./K.M

Mëngjeset janë thuajse të urryeshme gjatë dimrit. Teksa nxitoni për të shkuar në punë apo shkollë mes të ftohtit duhet të mendoni edhe për veshjen e ditës. Dy janë qëllimet kryesore, të dukemi bukur dhe më e rëndësishmja të jemi ngrohtë. Për të arritur një ekuilibër mes të dyjave, kemi disa opsione që nuk duhen nënvlerësuar.

1. Bëje kapuçin pjesë të veshjes tënde

2. Blini patjetër një xhup (mos harro shallin)

3. Xhaketë, bluzë e trashë dhe kapuç

4. Mos harroni ngjyrat! E bardha dimërore është perfekte për sezonin

5. Pallto me pellush

6. Pallto me lule (i shton gjallërinë pamjes)

7. Guxoni me ngjyrat

8. Xhup (shumë) i gjatë

9. Stil zyrtar (edhe me xhup e arrin këtë)

/KM

E mbani mend herën e fundit që keni derdhur lot? Mund të ketë qenë afër, ose nuk e mbani mend, kjo sipas perceptimit që keni për të qarën. Shumë njerëz e marrin si shenjë dobësie këtë emocion, por sipas psikologëve duket të jetë një gabim i madh. Përballja me emocionet tuaja në të vërtetë kërkon forcë. Nëse në një situatë të caktuar ndjeni si lotët ju mblidhen, mos i mbani ! Qani dhe nuk e besoni se çfarë të mirash i vijnë organizmit nga lotët e sinqertë (nuk po flasim për ato të krokodilit)

Lotët i mbajnë të pastër sytë tuaj

Pasi të qani ju do të shihni më qartë (e kjo në kuptimin e parë). Kjo është për shkak se lotët lubrifikojnë kokërdhokët e syve dhe kanalin e lotit. Por më e rëndësishmja, e qara ndihmon në hidratimin e mukozës. Nëse filloni të ndjeni se sytë tuaj janë të thatë, mund t’ju lindin probleme me shikimin, ndaj zgjidhja më e shpejtë është të shihni një film dramatik.

Të qarat ndihmojnë të luftoni ftohjen

Besojeni apo jo, kur sytë tuaj prodhojnë lot, ato ju ndihmojnë të luftoni viruset dhe bakteret, veçanërisht në zonën përreth syve (përgjegjëse për shfaqjen e bycave). Çdo ditë, ne jemi në kontakt me lloje të ndryshme të patogjeneve që mund të ndikojnë negativisht në shëndetin tonë. Kur shkoni në vende publike, si në dyqanet ushqimore, sa herë që përdorni karrocat e blerjeve ose kur përdorni një banjo publike dhe prekni lavamanin, mund t’i prekni sytë pa ditur se duart tuaja janë plot me baktere ose viruse. Lotët shërbejnë si një dezinfektues sepse ato përmbajnë lizozimë, e cila është aq e fuqishme sa mund të vrasë deri në 95% të baktereve në më pak se 10 minuta./KM

Ankimimi i tij është regjistruar në Apel më 26 janar. Sipas mbrojtjes ligjore, Metës i ka përfunduare afati i paraburgimit./K.M

Menopauza lidhet me ndryshime në tru të ngjashme me ato që shihen te sëmundja e Alzheimerit, sipas një studimi në Mbretërinë e Bashkuar.

Humbja e lëndës gri në zona që lidhen me kujtesën dhe emocionet mund të shpjegojë pjesërisht pse gratë, në përgjithësi, kanë rrezik më të lartë për demencë sesa burrat, thonë studiuesit.

Studimi përfshiu pothuajse 125,000 gra, prej të cilave 11,000 iu nënshtruan rezonancës magnetike të trurit.

Në studimin e botuar në revistën Psychological Medicine, përdorimi i terapisë zëvendësuese hormonale (HRT) nuk duket se e parandalon humbjen e lëndës gri.

Prof. Barbara Sahakian, autore dhe nga Universiteti i Kembrixhit, tha: “Zona e trurit ku pamë këto ndryshime janë ato që zakonisht preken nga sëmundja e Alzheimerit. Menopauza mund t’i bëjë këto gra më të cenueshme më vonë. Edhe pse nuk është e gjithë historia, kjo mund të ndihmojë në shpjegimin pse shohim pothuajse dy herë më shumë raste demence te gratë sesa te burrat.”

Ndryshimet në tru ndodhën në:

-një zonë që ka rol kryesor në të mësuar dhe kujtesë,

-një zonë për formimin e kujtimeve dhe orientimin hapësinor,

-një pjesë që ndihmon në vëmendje dhe rregullimin e emocioneve.

Lënda e bardhë dhe lënda gri janë të dyja pjesë thelbësore të trurit dhe palcës kurrizore.

Lënda gri përbëhet nga trupat e qelizave nervore dhe dendritet e tyre – zgjatime të shkurtra që komunikojnë me neurone të afërta. Lënda e bardhë përbëhet nga aksone të gjata të neuroneve që transmetojnë impulse drejt rajoneve më të largëta të trurit dhe palcës kurrizore.

Sipas studiuesve, ka një kuptim të kufizuar të efekteve të menopauzës dhe përdorimit të HRT-së mbi trurin, kujtesën dhe humorin.

Studimi zbuloi se gratë që merrnin HRT kishin më shumë gjasa të vuanin nga shëndeti i dobët mendor. Por shumë prej tyre kishin tashmë probleme më të mëdha të shëndetit mendor përpara se t’u përshkruhej medikamenti.

Dr. Christelle Langley tha se ishte e rëndësishme të njihej shumëllojshmëria e vështirësive që mund të shoqërojnë menopauzën. “Të gjithë duhet të jemi më të ndjeshëm jo vetëm ndaj shëndetit fizik, por edhe ndaj atij mendor të grave gjatë menopauzës. Nuk duhet të ketë turp për t’u treguar të tjerëve se çfarë po kaloni dhe për të kërkuar ndihmë.”

Prof. Channa Jayasena, ekspert i hormoneve nga Imperial College London, tha: “Efekti i HRT-së mbi shëndetin e trurit gjatë menopauzës vazhdon të jetë një temë debati, dhe studimet e vjetra klinike si Women’s Health Initiative nuk kanë arritur t’i japin përgjigje kësaj pyetjeje. Sidoqoftë, kjo është një çështje e rëndësishme që përjetojnë miliona gra në Mbretërinë e Bashkuar, prandaj meriton vëmendje të madhe në të ardhmen.”

Michelle Dyson nga Shoqata e Alzheimerit tha se gratë përbëjnë rreth dy të tretat e personave që jetojnë me sëmundjen e Alzheimerit në Mbretërinë e Bashkuar.

“Dhe, megjithëse ende nuk e kuptojmë plotësisht pse ato janë më të ndjeshme sesa burrat, mendohet se hormonet mund të luajnë një rol,” tha ajo. “Ky studim i madh i shtohet provave që tregojnë se si menopauza ndikon në tru, përfshirë ndryshime fizike si humbja e vëllimit të trurit. Por pa ndjekje afatgjatë të pjesëmarrësve, për të parë nëse ata zhvillojnë më vonë demencë, nuk mund të jemi të sigurt se këto ndryshime të trurit të lidhura me menopauzën rrisin gjithashtu rrezikun e demencës.”

Ajo shtoi se ushtrimet e rregullta fizike, moskonsumimi i duhanit dhe kufizimi i alkoolit mund të ndihmojnë në uljen e rrezikut të demencës./K.M

Last Updated on 28/01/2026 by Klara

Penélope Cruz ka bërë një ndryshim të madh në stilin e flokëve, duke hequr flokët e saj karakteristikë të gjatë dhe duke u shfaqur me një prerje të re dhe shumë elegante.

Pasi më shumë se një vit duke mbajtur flokët e gjatë të valëzuar, të frymëzuar nga stili i Hollywood-it të vjetër, ajo ka bërë një hap guximtar dhe ka shkurtuar flokët e saj në një lob voluminoz, që arrin vetëm deri te shpatullat.

Flokët e saj të rinj janë stiluar në një pamje të mirë dhe natyrale, duke i dhënë një pamje të freskët dhe shumë moderne. Për të përforcuar efektin e shpupuritur, ajo ka zgjedhur në një anë, gjë që jep një pamje të shkujdesur dhe të natyrshme, por gjithsesi shumë elegante.

Ky është një ndryshim i madh për aktorët, cila ka qenë e njohur për flokët e saj të gjatë dhe të valëzuar, që ishin një element karakteristik i stilit të saj. Ky lob i ri është një freskim për Penélope Cruz dhe i jep një pamje më të ëmbël, duke u bërë në mënyrë të ngjashme në ngjarjet e modës si Java e Modës në Paris./K.M

Rusia e ka bombarduar Ukrainën me dronë dhe raketa gjatë natës, duke i vrarë dy njerëz në rajonin e Kievit, ndërsa qyteti jugor i Odesës u sulmua për natën e dytë radhazi, thanë zyrtarët të mërkurën.

“Një burrë dhe një grua u vranë në rajonin e Kievit dhe katër njerëz të tjerë, përfshirë dy fëmijë, kërkuan ndihmë mjekësore”, tha guvernatori Mykola Kalashnyk në Telegram.

Forcat Ajrore të Ukrainës thanë se Rusia lëshoi një raketë balistike Iskander-M dhe 146 dronë gjatë natës, 103 prej tyre u rrëzuan nga mbrojtja ajrore.

Në kryeqytetin e Ukrainës, Kiev, një ndërtesë banimi 17-katëshe u godit, duke pësuar dëme të lehta në çati dhe në dritare në katet e sipërme.

Në Odesa – e cila shpalli një ditë zie pasi një sulm me dronë vrau tre njerëz të martën – tre persona u plagosën, tha kreu i administratës ushtarake të qytetit, Serhiy Lysak.

Infrastruktura e portit në rajonin përreth, ku ndodhen portet e Ukrainës në Detin e Zi, u dëmtua gjithashtu, tha guvernatori rajonal.

“Në qytetin qendror ukrainas të Krivi Rih, dy persona u plagosën nga një sulm me raketa gjatë natës”, tha kreu i administratës ushtarake, Oleksandr Vilkul./K.M

Të paktën 83 persona u evakuuan pasi një zjarr përfshiu çatinë e një hoteli me pesë yje në vendpushimin e skive Courchevel në Francë.

Zjarri shpërtheu gjatë natës dhe u përhap mbi çatinë e hotelit “Grand Alp”, ndërsa ekziston rreziku që flakët të përhapen në ndërtesat fqinje, raportojnë mediat e huaja.

Ekipet zjarrfikëse kanë ndërhyrë për të neutralizuar flakët./K.M

Kërkesa e SPAK për arrestimin e numrit 2 të qeverisë, Belinda Balluku ka mbetur ende pezull në sirtarët e Kuvendit. Sot në orën 12:00 ishte parashikuar që të mblidhej Këshilli për Rregulloren, Mandatet dhe Imunitetin, ku do të shqyrtohej kërkesa e SPAK për arrestimin e Ballukut, por Kuvendi njoftoi shtyrjen e mbledhjes pa afat.

Kjo lëvizje vjen ndërsa Gjykata Kushtetuese ende nuk ka dalë me një vendim për rastin Balluku, pas shqyrtimit të ankimit të qeverisë. Kuvendi thotë se anëtarët e këtij Këshilli, pra socialistët, kanë kërkuar që vendimmarrja të merret duke vlerësuar edhe vendimin e Gjykatës Kushtetuese mbi këtë rast. Kjo e fundit u mblodh dje por nuk doli dot me një vendimmarrje duke argumentuar se i duhet më shumë kohë.

“Në mbështetje të nenit 73 të Kushtetutës, nenit 13, pika 5, dhe nenit 118 të Rregullores së Kuvendit, si dhe duke marrë në konsideratë se në mbledhjen e parë të Këshillit, të zhvilluar më datë 19.12.2025, deputetë anëtarë të këtij këshilli kanë kërkuar që shqyrtimi i kërkesës së Prokurorisë së Posaçme kundër Korrupsionit dhe Krimit të Organizuar “për dhënie e autorizimit nga Kuvendi për arrestimin/heqjen e lirisë së deputetit/ministrit/zëvendëskryeministrit nëpërmjet zëvendësimit të masës së sigurimit”, të lidhet me marrjen dhe vlerësimin paraprak të vendimit përkatës të Gjykatës Kushtetuese, duke vlerësuar se një shqyrtim i tillë synon garantimin e një procesi vendimmarrjeje të plotë, objektiv dhe në përputhje me parimet kushtetuese, me qëllim shmangien e cenimit të parimit të sigurisë juridike dhe garantimin e rregullsisë kushtetuese të veprimtarisë dhe vendimmarrjes së Kuvendit”, njoftoi Kuvendi.

GJKKO, me kërkesë të SPAK pezulloi nga detyra zv/kryeministren Balluku e pandehur për abuzime me tenderin e Llogarasë, por Kryeministri Rama e cilësoi këtë si një shkelje të kompetencave të tij.

Rama e çoi në Gjykatën Kushtetuese çështjen Balluku, me argumentin se GJKKO ka shkelur kufirin e një tjetër pushteti, atij ekzekutiv duke marrë kompetencat e tij si kryeministër për pezullimin ose shkarkimin e një anëtari qeverie. Pas kërkesës së kryeministrit Rama, gjykata riktheu përkohësisht në detyrë Ballukun deri sa çështja e saj të shqyrtohej në themel nga “Kushtetuesja”.

E pandehur për shkeljet në tenderin 190 mln euro të Tunelit të Llogarasë dhe nën hetim për 7 procedura të tjera prokurorimi lidhur me ndërtimin e lotëve të Unazës së Madhe, SPAK ka dyshime se Balluku duke qenë në detyrë, rrezikon të prishë provat hetimore dhe të intimidojë dëshmitarët./K.M

Gjatë votimit në Kuvend për projektligjin “Për disa shtesa dhe ndryshime në ligjin nr. 7895, datë 27.01.1995 “Kodi Penal i Republikës së Shqipërisë”, i ndryshuar, grupi parlamentar i Partisë Socialiste abstenoi për amendamentin e propozuar nga Erion Braçe.

Braçe kërkonte që pas nenit 44 të projektligjit, të shtohet neni 45. Amendamenti i Braçes ka për qëllim kategorizimin “vepër penale” të shitjes, ofrimit falas, shitjes me ofertë për të miturit nën moshën 18 vjeç duhanit dhe produktet e duhanit.

Siç ai shpjegoi, amendamenti e kërkon këtë kur më parë ndaj personit janë marrë masa administrative. Sipas propozimit, parashikohet gjobë nga 100000 lekë në 300000 lekë ose burgim deri në 6 muaj. Gjithashtu parashikohet 4-8 vjet burgim për dëmtim të rëndë të shëndetit të të miturit dhe 8-16 vjet burgim në rast se shkakton vdekjen e tij.

Fjalën e mori kreu i grupit parlamentar Taulant Balla, i cili kërkoi shtyrjen e votimit.

“Në emër të grupit parlamentar të PS dua të sqaroj se nuk ka asnjë dyshim që mbështesim çdo lloj nisme të kësaj natyre, por sikurse u tha përgjatë gjithë procesit të diskutimit jo vetëm të këtij projektligji, por të gjithë kësaj pakete kemi përpara një paketë që është negociuar gërmë për gërme me Komisionin Europian, pra gjithë ndryshimet e sotme në Kodin Penal në rastin në fjalë, është negociuar me ta. Nuk është serioze për ne që të kalonim sot për nesër këto ndryshime. Kemi pasur një përpjekje gjatë gjithë këtyre orëve me komisionin, ua kemi dërguar materialin, por nuk kemi marrë përgjigje. I kërkoj kolegut Erion Braçe shtyrjen”, tha Balla.

Amendamenti i Braçes u votua me 2 vota pro, 82 abstenim dhe 0 kundër. Braçe nuk votoi në dy projektligje:

-“Për lobimin në Republikën e Shqipërisë”, i cili mori 83 vota pro, 0 abstenim dhe 10 kundër.

-“Për importin, eksportin dhe transitin e armëve të zjarrit, të komponentëve të tyre kryesorë dhe të municioneve”, i cili mora 84 vota pro, 0 abstenim dhe 10 kundër./K.M

Specialistët për Hetimin e Narkotikëve në vijim të punës për goditjen e aktivitetit kriminal në fushën e prodhimit dhe shitjes së narkotikëve, bazuar edhe në informacionet e marra në rrugë operative, për një shtetas që shpërndante lëndë narkotike, finalizuan operacionin policor të koduar “Polena”.

Në kuadër të operacionit u bë kapja dhe arrestimi në flagrancë i shtetasit N. Dh., alias M. K., 41 vjeç, banues në fshatin Voskop, Korçë.

Gjatë kontrollit të ushtruar në lokalin që ky shtetas kishte në përdorim, në fshatin Polenë, Korçë, iu gjet dhe sekuestrua në cilësinë e provës materiale një sasi me lëndë narkotike të dyshuar kokainë, e ndarë në doza gati për shitje.

Në bashkëpunim me Prokurorinë vijon puna për dokumentimin e plotë ligjor të veprimtarisë kriminale të këtij shtetasi.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme./K.M

Last Updated on 28/01/2026 by Klara

Ministrja e Shëndetësisë, Evis Sala, gjatë vizitës së saj në Vjenë zhvilloi një takim me homologen austriake, Korinna Schumann.

Sala dhe Schumann diskutuan për bashkëpunim në disa fusha, përfshirë hartimin e një Marrëveshjeje të re Bashkëpunimi në Shëndetësi për periudhën 2026–2030. Gjithashtu, u diskutua edhe për modernizimin e infrastrukturës shëndetësore.

Sala u shpreh se Shqipëria mbetet e angazhuar për të thelluar më tej partneritetin me Austrinë.

“Në vijim të vizitës zyrtare në Vjenë, Ministrja e Shëndetësisë dhe Mirëqenies Sociale, prof.Evis Sala zhvilloi një takim me homologen austriake, ministren Federale për Punën, Çështjet Sociale, Shëndetësinë, Kujdesin dhe Mbrojtjen e Konsumatorit të Austrisë, Korinna Schumann.

Gjatë takimit, palët diskutuan mbi fusha të mundshme për bashkëpunim, përfshirë hartimin e një Marrëveshjeje të re Bashkëpunimi në Shëndetësi për periudhën 2026–2030, si dhe modernizimin e infrastrukturës shëndetësore, me investime strategjike në shërbimet e urgjencës mjekësore, teknologji të avancuar mjekësore dhe reformën e sistemit spitalor.

Shqipëria mbetet e angazhuar për të thelluar më tej partneritetin me Austrinë, me synim përmirësimin e shërbimeve shëndetësore dhe rritjen e mirëqenies sociale për të gjithë qytetarët.”, thuhet në njoftimin e Ministrisë së Shëndetësisë.

Last Updated on 28/01/2026 by Klara

Kryetarët e bashkive anëtare të Rrjetit të Qyteteve të Ballkanit B40 shprehin shqetësimin e tyre të thellë për paraburgimin pa afat të Kryetarit të Bashkisë së Stambollit, Ekrem İmamoğlu dhe Kryetarit të Bashkisë së Tiranës, Erion Veliaj. Në një letër të përbashkët, krerët e 76 bashkive e quajnë mbajtjen në paraburgim pa afat të Imamoglusë dhe Veliajt një “trend të rrezikshëm” që kërcënon demokracinë vendore në Ballkan dhe më gjerë.

Ata kërkojnë t’i jepet fund masës së paraburgimit ndaj tyre: “Thirrja jonë e qartë është t’i jepet fund paraburgimit pa afat të Kryetarit Ekrem İmamoğlu dhe Kryetarit Erion Veliaj, dhe t’u lejohet të presin në liri procedurat ligjore, duke ushtruar njëkohësisht detyrat që u janë besuar nga qytetarët që përfaqësojnë”.

Sipas nënshkruesve të letrës, largimi nga detyra i zyrtarëve të zgjedhur pa një vendim përfundimtar “nuk është drejtësi” dhe minon vullnetin e votuesve. Ata i referohen edhe Raportit të tetorit 2025 të Komisionit të Venecias dhe Konventës Evropiane për të Drejtat e Njeriut, duke theksuar se ndalimi duhet të jetë masë e fundit dhe jo mjet për pengimin e mandatit.

Më poshtë letra e plotë e Rrjetit të Qyteteve të Ballkanit B40:

Letër e përbashkët: Qëndrim solidarizues për Demokracitë Lokale dhe dhënien fund të masës së paraburgimit për Kryetarin e Bashkisë së Stambollit, Ekrem İmamoğlu dhe Kryetarin e Bashkisë së Tiranës, Erion Veliaj

Ne, të nënshkruarit kryetarë të bashkive të Rrjetit të Qyteteve të Ballkanit B40, nisma më e rëndësishme e rajonit të Ballkanit, e themeluar nën udhëheqjen e z. Ekrem İmamoğlu, Kryetar i Bashkisë së Stambollit, shprehim shqetësimin tonë të thellë lidhur me shfaqjen e një trendi të rrezikshëm që kërcënon demokracinë vendore në Ballkan dhe në botë.

Pavarësisht përkatësive tona të ndryshme politike, ne jemi të bashkuar në ngritjen e alarmit për paraburgimin pa afat të Kryetarit të Bashkisë së Stambollit, Ekrem İmamoğlu, President themelues i Rrjetit B40, Kryetarit të Bashkisë së Tiranës, Erion Veliaj, Presidenti i tretë i Rrjetit B40, si edhe të kryetarëve të tjerë. Largimi nga detyra i zyrtarëve të zgjedhur në mënyrë demokratike, pa një vendim përfundimtar, nuk është drejtësi. Ai minon vullnetin e votuesve dhe paraqet kërcënime të drejtpërdrejta për demokracitë vendore.

Raporti i tetorit 2025 i Komisionit të Venecias të Këshillit të Evropës paralajmëron shprehimisht se përdorimi i paraburgimit ndaj kryetarëve aktualë të bashkive përbën rrezik serioz për qeverisjen demokratike. Kur zbatohet pa afat, një paraburgim i tillë i privon në praktikë qytetarët nga përfaqësimi, duke i mënjanuar përfaqësuesit e zgjedhur prej tyre pa një procedurë të rregullt ligjore.

Sipas Konventës Evropiane për të Drejtat e Njeriut, ndalimi duhet të mbetet një masë e fundit, jo një mjet për ta penguar ushtrimin e mandatit për arsye politike. Kur një kryetar bashkie i zgjedhur mbahet i ndaluar pa kusht ose pa gjyq, qytetarët mbeten pa përfaqësim, çka gërryen besimin e publikut dhe legjitimitetin institucional.

Është e qartë se ndalimi dhe procedurat gjyqësore që lidhen me Kryetarin Ekrem İmamoğlu dhe Kryetarin Erion Veliaj nuk përputhen me parimet dhe standardet e sanksionuara në Konventën Evropiane për të Drejtat e Njeriut dhe të artikuluara në Raportin e tetorit 2025 të Komisionit të Venecias të Këshillit të Evropës.

Ne theksojmë çfarë nuk po kërkojmë. Ne nuk kërkojmë imunitet, as nuk komentojmë mbi thelbësinë e akuzave apo mbi fajësinë ose pafajësinë. Apeli ynë është i kufizuar, parimor dhe plotësisht në përputhje me standardet evropiane.

Thirrja jonë e qartë është t’i jepet fund paraburgimit pa afat të Kryetarit Ekrem İmamoğlu dhe Kryetarit Erion Veliaj, si edhe kryetarëve të tjerë të ndaluar, dhe t’u lejohet të presin në liri procedurat ligjore, duke ushtruar njëkohësisht detyrat që u janë besuar nga qytetarët që përfaqësojnë.

Drejtësia duhet të jetë transparente, proporcionale dhe respektuese ndaj zgjedhjes demokratike. Prandaj, u bëjmë thirrje të gjitha autoriteteve përkatëse t’i zbatojnë këto parime dhe të mbrojnë demokracinë vendore.

Ne, kryetarët e bashkive të nënshkruar më poshtë të Rrjetit të Qyteteve të Ballkanit B40, u bëjmë thirrje të gjitha autoriteteve përkatëse të sigurojnë rivendosjen e mandateve demokratike dhe zbatimin e qëndrueshëm të normave evropiane në të gjitha rastet që kanë të bëjnë me zyrtarë vendorë të zgjedhur./K.M

Last Updated on 28/01/2026 by Klara

Kuvendi i Shqipërisë miratoi dje paketën e ndryshimeve në Kodin Penal, si dhe një sërë projektligjesh të rëndësishme, me shumicë votash. Ndryshimet në Kodin Penal u miratuan me 85 vota pro.

Ministri i Drejtësisë, Besfort Lamallari, prezantoi dje projektligjin “Për disa shtesa dhe ndryshime në ligjin nr. 7895, datë 27.01.1995 “Kodi Penal i Republikës së Shqipërisë”, i ndryshuar.

Lamallari sqaroi se ndryshimet vijnë në kuadër të procesit të integrimit europian të vendit, duke afruar më tej legjislacionin shqiptar me atë të Bashkimit Europian, me qëllim përputhjen për aq sa është e mundur.
Dy ndryshimet e propozuara më të debatuara në opinionin publik dhe qarqet mediatike është ashpërsimi i sanksionit penal për parkimin dysh dhe dekriminalizimin e shpifjes për gazetarët, duke i dhënë imunitet vetëm këtyre të fundit nga procedimi penal për veprën penale të shpifjes.

Këtë ndryshim, Lamallari e cilësoi një shembull të diskriminimit pozitiv që shteti shqiptar ka ndaj medias, ndërsa theksoi se parkimi dysh do të trajtohet si vepër penale vetëm në raste kur kjo shkelje pengon qarkullimin e autoambulancave, zjarrfikësve apo operacionet e Policisë së Shtetit.
Gjatë seancës plenare u miratuan gjithashtu:
• Akti normativ për ndryshimet në ligjin e Buxhetit 2025
• Projektligji për bashkëpunimin strategjik
• “Shqipëria në Traktatin për Pronësinë Intelektuale”
• Projektligji “Për tregtinë e pronësisë intelektuale”
• Projektligji “Për shërbimet e agjencive të udhëtimit
• Projektligji “Për tregtinë e paligjshme të duhanit”
• Projektligji “Për ndryshimin e Kodit Penal”
• Projektligji “Për statusin e gjyqtarëve dhe prokurorëve”
• Projektligji “Për organet e qeverisjes në drejtësi”
• Projektligji “Për dhunën ndaj grave dhe dhunën në familje”
• Projektligji “Për lobimin në Republikën e Shqipërisë”
• Projektligji “Për importin dhe eksportin e armëve”
• Projektligji “Për organizimin e Komisioneve Hetimore të Kuvendit”
• Projektligji “Për Mediat Audiovizive”/K.M

Last Updated on 28/01/2026 by Klara

Presidenti i SHBA-së, Donald Trump, ka njoftuar një ulje të tensioneve të operacioneve të zbatimit të ligjit për imigracionin në Minesota, pas vdekjes së dytë të një qytetari amerikan nga agjentët federalë të shtunën në Minneapolis.

” Do ta ulim pak tensionin “, tha Trump për Fox News, duke iu referuar operacioneve të agjentëve federalë në Minesota. Ai nxitoi të sqaronte se ” nuk është një tërheqje “, por një “ndryshim”.

Donald Trump tha gjithashtu se kishte folur me Tom Homan, të ashtuquajturin “car kufitar” të cilin presidenti amerikan e dërgoi në Minesota për të mbikëqyrur situatën.

Lidhur me vdekjet e Renee Good dhe Alex Pretty nga agjentët e ICE, Trump i quajti ato incidente “të tmerrshme”. Megjithatë, ai foli pozitivisht për prindërit e Good, të cilët njihen për mbështetjen e tij, dhe la të kuptohej se vajza e tyre “ishte radikalizuar”.
Pas bisedës së tij me Fox, presidenti amerikan foli me mbështetësit e tij në Iowa. Edhe pse fjalimi u përqendrua në ekonomi dhe çështje të tjera të brendshme, pati edhe referenca për imigracionin dhe Minesotën.

Ai tha gjithashtu se protestat në Minesota janë pjesë e një përpjekjeje për të shpërqendruar vëmendjen nga një hetim më i gjerë federal mbi mashtrimet me ndihmën sociale në shtet.
“E gjithë kjo bujë, është bërë për t’i mbajtur njerëzit larg të folurit për mashtrimin. E kam thënë këtë që nga dita e parë, është një shpërqendrim”, tha ai./K.M

Last Updated on 28/01/2026 by Klara

Gazetari Reldar Dedaj ka komentuar hetimet ndaj zv/kryeministres Belinda Balluku, duke theksuar se procesi lidhet drejtpërdrejt me procedurat e tenderimit dhe verifikimin e dokumentacionit zyrtar.

Sipas Dedajt, në procedurat e tenderave dokumentet ndahen në disa kopje dhe arkivohen si në formë fizike, ashtu edhe elektronike, çka e bën të pamundur ndërhyrjen apo ndryshimin e provave. Ai u shpreh se procedura ka ndodhur, dokumentet u janë vënë në dispozicion palëve dhe tashmë janë objekt verifikimi nga organet e drejtësisë.

Gazetari theksoi se prokuroria mbështetet kryesisht në dokumente fizike dhe në ballafaqimin e tyre, ndërsa përgjimet shërbejnë si indicie. Sipas tij, nëse ka përputhshmëri mes dokumentacionit dhe provave të tjera, çështja konsiderohet e provuar dhe personat përgjegjës duhet të përballen me drejtësinë.

Dedaj nënvizoi se, sipas procedurave ligjore, asnjë ndikim politik apo ndërhyrje e jashtme nuk mund të ndryshojë faktet, pasi provat janë të dokumentuara dhe të verifikueshme.

“Balluku po gjykohet për tenderat. Ai që e di procedurën dihet që ndahen në 3 kopje, vendosen në arkiva fizike dhe elektronike. Procedimi ka ndodhur dhe u janë dhënë dokumentet palëve. Edhe Zoti të jetë nuk ndikon dot të provat, ndahen në 4 kopje, kush e di procedurën e tenderave. Prokuroria merret me dokumente fizike, të ballafaqon me dokumentin. Përgjimet janë indicie. Nëse ka përputhshmëri je zënë shah mat dhe përballu me drejtësinë”, u shpreh ai./K.M

Udhëheqësi i SHBA-së, Donald Trump, nuk e ka përjashtuar përsëri mundësinë e pjesëmarrjes në zgjedhjet presidenciale të vitit 2028.

Trump e bëri këtë deklaratë në një bisedë me mbështetësit gjatë një udhëtimi pune në Des Moines, Iowa.

“Vlerësimet tona janë të shkëlqyera, më të mira se kurrë. Mendojeni pak. Nëse do të kandidoja përsëri, a do të ishte dikush i lumtur për këtë?” pyeti Trump, i shoqëruar nga brohoritjet e turmës.

Kreu i Shtëpisë së Bardhë shprehu shpresën se Partia Republikane do të fitojë zgjedhjet e mesit të mandatit për në Kongres që do të mbahen në nëntor 2026./K.M

Sllovakia do të përballet me Kosovën, në kuadër të Play Off të Botërorit. Leo Sauer, 20-vjeçari sllovak i Feyenoord, ka folur për dardanët dhe për mundësinë për të luajtur në këtë kompeticion, në një intervistë të dhënë së fundmi.

“Do të jem i sinqertë, nuk di shumë për këtë kundërshtarë. Nuk e kam parë asnjëherë duke luajtur. Por Kosova e ka mposhtur Suedinë dhe të gjithë thonë se kemi kundërshtarë të vështirë. Kështu që duhet të përgatitemi mirë.

Pjesëmarrja në Kupën e Botës do të thoshte shumë për mua. Tashmë kam shijuar Evropianin dhe kam pasur përvojë dhe kujtime të mahnitshme”./K.M