Eksperti për çështjet ekonomike, Ferjolt Ozuni, i ftuar në Money Report,” u shpreh se këtë ka një tendencë rritjeje të shpenzimeve për tryezën e fundvitit, në krahasim me vitet e shkuara shkuara.

Sipas tij, kjo rritje nuk lidhet me çmime abuzive në disa pika të caktuara, por reflekton rritjen standarde të çmimeve, e ndikuar nga inflacioni, rritja ekonomike dhe situata ndërkombëtare, përfshirë këtu dhe luftërat.

“Rritja e çmimeve është e ndikuar nga kërkesa e lartë në fundvit. Është e vështirë të diskutojmë për tryezën fikse, sepse në varësi të tipologjisë së festimeve kemi edhe variacionin e shportës së fundvitit. Ajo normalja, gjeli i detit, darka festive familjare sivjet do të kushtojë rreth 20% më shumë. Kostoja e tryezës mund të jetë tek pragu 40–50 mijë lekë të reja për të gjithë familjen. Nëse kalojmë në restorante apo evente të organizuara për vit të ri, variacionet fillojnë nga 15 mijë lekë për person dhe në rritje e sipër,” tha Ozuni.

Ai shtoi se shqiptarët preferojnë të festojnë në familje dhe më shumë vendet e ngrohta sesa destinacionet me borë, duke ruajtur traditën dhe komoditetin gjatë festave.

Sipas ekspertit, Korça dhe Pogradeci janë dy qytetet më të frekuentuara brenda vendit.  Ai theksoi se edhe të huajt po zgjedhin Shqipërinë për të kaluar festat e fundvitit.

“Brenda vendit është kërkesa e lartë për Korçën dhe Pogradecin. Ka interes edhe nga të huajt për të festuar në vendin tonë”, tha ai.

Lezha i dedikoi një aktivitet përkujtimor, Gjergj Fishtës, një nga figurat më të mëdha të kulturës shqiptare, në 85-vjetorin e ndarjes së tij nga jeta.

Aktiviteti u mbajt në qendrën muzeale që mban emrin e tij në fshatin Fishtë, ku ishin të pranishëm përfaqësues të klerit, studiues, historianë e botues.

Të pranishmit sollën në fokus rolin e pazëvendësueshëm të At Gjergj Fishtës në formësimin e gjuhës shqipe, në letërsinë kombëtare dhe në jetën shpirtërore e shoqërore të shqiptarëve.

Për ta, trashëgimia e Fishtës mbetet aktuale edhe sot, jo vetëm për vlerat artistike, por edhe për mesazhin kombëtar dhe moral që përcjell vepra e tij.

Veprimtaria u shoqërua me recitime poetike dhe këngë të frymëzuara nga jeta dhe krijimtaria e At Gjergj Fishtës, duke kthyer këtë përkujtim në një homazh për një nga figurat më emblematike të kulturës shqiptare.

Viti i Ri 2026 ka trokitur në Australi me një spektakël madhështor fishekzjarrësh që ndriçoi qiellin e Sydney, duke shënuar kulmin e verës në vend.

Qytetarët dhe turistët u mblodhën për të shijuar këtë traditë të veçantë të natës së ndërrimit të viteve.

Si çdo vit, Australia dallon për organizimin e spektakleve të saj të mëdha, duke e bërë natën e ndërrimit të viteve një nga më të bukurat në botë.

Tryeza e natës së ndërrimit të viteve për familjet shqiptare vazhdon të mbushet plot e për plotë. Edhe përse në kohët e sotme alternativat për të festuar këtë mbrëmje janë të shumta, sërish një pjesë e mirë e qytetarëve preferojnë të jenë tradicionalë me tavolinat e shtruara në shtëpitë e tyre.

Në Sarandë blerjet nuk janë lënë për momentin e fundit, por megjithatë në tregun e fruta-perimeve, blerësit janë të shumtë për të plotësuar blerjet me produkte të freskëta.

“I keni bërë pazaret?

Po, moj zemër, i kemi blerë, ka plotë për të gjithë.”

“Gjithë shqiptarëve t’ua bëjë diell plotë bereqet.”

“Urojë gjithë shqiptarët mbarësi të kenë, gjithë populli anë e mbanë.”

Për tregtarët, festa e Vitit të Ri është thjeshtëzuar, por pavarësisht kësaj blerësit, sidomos ata të moshave të mëdha, janë të shumtë.

“Festa e Vitit të Ri është bërë diçka e thjeshtëzuar sepse vijnë nga pushime shumë të zgjatura, nga pushime herë pas here dhe nga festa herë pas here që nga nëntori vazhduar nga javët e para të dhjetorit.”

“Shqiptarët kanë blerë shumë, i kanë plotësuar të gjitha nevojat se ka nga të gjitha gjërat. Janë shumë mirë.”

“Pazaret i bëjnë në kohë lineare se njerëzit nuk mund të dalin vetëm në një ditë, ditën e fundit lënë gjërat ekspres siç janë sallata, erëzat e njoma, gjërat e lehta, dhe amvisat i fillojnë gatimet herët se janë disa gatime për t’u bërë.”

Në Sarandë ditët e festave shtyjnë qytetarët dhe rezidentët e huaj, t’i drejtohen gjithnjë e më shumë produkteve të freskëta për të bërë pazare, duke i kthyer këto ditë në mjaftë produktive edhe për tregtarët, të cilët shtojnë nuk i kanë ndryshuar çmimet.

SHQIPËRI- Në prag të ndërrimit të viteve, Autoriteti Rrugor Shqiptar (ARRSH) ka ndërmarrë një plan masash në të gjithë vendin për të garantuar sigurinë dhe qarkullimin normal në akset rrugore.

Drejtori i Përgjithshëm i ARRSH-së, Ami Kozeli, u shpreh se dita e fundit e vitit shoqërohet çdo vit me një fluks të shtuar të automjeteve në të gjitha rrugët e vendit. Sipas tij, autoritetet janë të përgatitura për të përballuar situatën.

““Sot është dita e fundit e vitit, ashtu si çdo vit. Pritet një fluks i shtuar i automjeteve në të gjitha akset e Shqipërisë. ARRSH, së bashku me të gjitha ekipet nënkontraktore, është në gatishmëri të plotë dhe ka marrë të gjitha masat për të siguruar një qarkullim të vazhdueshëm në të gjitha akset rrugore në mbarë Shqipërinë. ARRSH ka marrë masat, ku do jenë në gatishmëri 130 borëpastruese dhe 577 mjete të tjera dhe 800 punonjës, që do jenë në gatishmëri 24 orë”, deklaroi Kozeli.

Autoriteti Rrugor u bën thirrje drejtuesve të mjeteve të pajisen me goma dimërore, të respektojnë rregullat e qarkullimit rrugor dhe të tregojnë kujdes të shtuar gjatë udhëtimeve festive.

Topi e ndjek sikur të jetë një magnet. Kristiano Ronaldo është një shënues kaq I madh saqë realizon edhe kur nuk nuk e mendon, apo kur duket e pamundur.

Kështu ndodhi në ndeshjen e Ligës Profesioniste Saudite, me portugezin që regjistroi emrin në tabelën elektronike krejt pa dashje.

Kjo ndodhi në 67’, kur pas një aksioni rrëmujë, topi u godit nga Zhoao Feliks, ndryshoi drejtimin pasi preku shpinën e CR7-ës.

Për shkak të devijimit, goli iu quajt Kristianos dhe tani ka 957 rrjeta në karrierë e 14 këtë sezon në kampionat, duke qenë më I miri në garën për Këpucën e Artë.

Sërish Al Nasr nuk bëri sa duhet, dhe nuk e mori dot fitoren.

Mesfushori holandez, Vajnaldum, autor I golit të parë, barazoi për 2-2 dhjetë minuta para fundit.

Nuk mjaftoi epërsia e thellë me 22 gjuajtje ndaj 8 të rivalit, me 64 për qind mbajtje topi dhe me goditjet nga këndi plot 16-1!

Al Nasr ka 31 pikë dhe e mbylli vitin në krye të renditjes, ndonëse Al Tauon ka 28, dhe Al Hilal mund të mbërrijë në 2 pikë largësi nëse fiton ndeshjen e kësaj jave.

Është shumë I mirë, por padyshim nuk është vetëm. Ernest Muçi përbën vetëm njërën nga hallkat e suksesit të Trabzonsporit në Superligën turke, ndërsa skuadra e rëndësishme pretendon për titullin.

Siç njofton e përditshmja “Fanatik”, skuadra e shqiptarit ka repartin sulmues më të mirë të kampionatit.

E përbërë nga Muçi, Pol Onuaçu dhe Felipe Augusto, kjo treshe ofensive ka lënë pas ato të Gallatasarajit, Fenerbahçes dhe Beshiktashit.

Fjala është për efikasitetin e sulmit, pra për numrin e rrjetave të shënuara në raport me shpenzimin për t’i marrë.

Treshja e Trabzonit ka shënuar deri tani 26 gola gjithsej në ligë, ose 78.8 për qind të totalit prej 33, dhe kjo është përqindje më e madhe sesa e reparteve sulmuese të treshes së klubeve të Stambollit.

Reparti ofensiv I Gallatasarajit, me Ikardin, Osimhenin dhe Sanenë arrin në 104 milionë euro vlerë kartoni, treshja e Fenerbahçes shkon në 45 milionë, ajo e Beshiktashit në 34 milionë, treshja e Trabzonit ka vlerë 21 milionë euro.

Onuaçu ka 11 gola dhe një asist në 15 ndeshje, duke qenë numri 1 I ekipit, ndonëse kartoni I tij është mjaft më poshtë sesa I shqiptarit, me vlerë 6 milionë në krahasim me 9.

Felipe Augusto, qendërsulmuesi brazilian, ka 8 rrjeta në 16 ndeshje, duke qenë pak më mirë se Muçi, edhe pse kartoni gjithashtu është 6 milionë euro, pra inferior.

Ylli kuqezi ka shtatë gola e dy asistë në 14 ndeshje deri tani, madje praktikisht I ka realizuar në pesë sfidat e fundit të Superligës.

Flitet që është Viti I Ri I fundit si profesionist. Lebron Xhejms mbushi 41 vjeç në 30 dhjetor, me fanelën e Lejkërsave edhe këtë sezon, I cili mund të jetë edhe ai I përmbylljes së karrierës.

Klubi I madh nga Kalifornia mund të mos ia rinovojë kontratën që skadon në 2026, por gjithsesi “Mbreti I basketbollit” mbetet në fushë në edicionin e tij të 23-të, një rekord, ndërsa mban edhe rekordin e më shumë minutave të luajtura në histori.

Çfarë synon ende legjenda e gjallë që ka fituar 4 tituj në NBA?

Padyshim që t’i afrohet 6 titujve të Majkëll Xhordanit që cilësohet ende si basketbollisti më I mirë për të gjitha kohët.

Karriera e tij është vërtet e jashtëzakonshme.

Xhejms është shënuesi më I mirë I sezonit të rregullt në NBA për të gjitha kohët me 42 471 pikë, rekord që do të vazhdojë të rritet.

Legjenda e Lejkërsave, Karim Abdul Xhabar, ka mbetur prapa me 38 387, ndërsa vendi I tretë, Karl Maloun është gati 6 000 pikë pas.

Pranë podiumit është edhe për asistet, duke treguar sesa I kompletuar është si basketbollit.

Lebroni është I katërti për të gjitha kohët me 11 678, jo larg të famshmit Xhejzën Kid, ndërsa mund të arrijë edhe Kris Polin në vendin e dytë.

Edhe pse jo në rolin qendër në fushë, Lebron ka 11 800 topa në tabela, më I miri nga lojtarët aktivë, në vend të 25-të për të gjitha kohët, në një konkurrim të dominuar nga qendrat si Uilt Çembërlen, Bill Rasëll, Xhabar, Hejes, Mozes e Karl Maloun, Dankën, Garnet, Hauard, Olaxhuon apo Shak O’Nill.

Kapiteni I sotëm I Lejkërsave është në vend të gjashtë edhe në klasifikimin historik të vjedhjeve të topit me plot 2 359.

Në duet me sllovenin Luka Doncic, Lebron do të bëjë edhe provën e fundit për titullin.

“Mbreti” është ende gjallë, me mesaraisht mbi 20 pikë për ndeshje, gati 7 asistë për ndeshje dhe mbi 50 për qind saktësi nga loja.

Lavdërimet kanë nisur dhe janë të shumta. Jasir Asani e tregoi të gjithë klasin e tij me golin që shënoi në ndeshjen e fundit të Championsit të dytë të Azisë, në fitoren 3-0 jashtë fushe që arriti ekipi I tij, Esteglal, dhe me kualifikimin për në raundin e dytë.

Rrjeta ishte tipike e tij, si ato që shënoi një sezon më parë në Championsin kryesor, kur luante me fanelën e skuadrës koreanojugore, Kuangju, dhe ku arriti të realizonte 9 herë në 10 ndeshje.

Mediat në Iran nuk ngurruan ta ngrinin në qiell talentin e futbollistit të kombëtares shqiptare, I cili e bën dallimin edhe në Iran.

Ishin të shumta gazetat, portalet dhe televizionet që përsëritën apo komentuan mënyrën sesi Asani gjeti golin.

Gjithsesi, pikërisht në momentin e tij më të mirë, dhe kur I duhej Esteglalit më shumë se kurrë, shqiptari nga Shkupi do të bëjë një ndalesë të detyruar.

Ai nuk do të luajë këtë të enjte të 1 janarit kundër ekipit që kryeson kampionatin, Sepahanit, pasi mori karton të verdhë në sfidën e Ligës Profesioniste iraniane humbur 0-1 në shtëpi ndaj Gol Goharit.

Një problem I madh për skuadrën nga kryeqyteti e cila ka humbur terren me kryesuesit duke pasur 22 pikë në 14 ndeshje, ndaj 30 që ka Sepahani në po kaq duele të luajtura.

Ylli 30-vjeçar kuqezi ka 10 gola këtë sezon në 19 ndeshje, duke shtuar edhe dy asistë, nga të cilët 6 rrjeta në kampionat, dy në Champions dhe dy në Kupën e Iranit.

Për fat të keq rivali ishte shumë i fortë dhe nuk mund të bëhej asgjë.

Pavarësisht luhatjeve, Njukasëlli është kategori tjetër në krahasim me Bërnlin, dhe në stadiumin “Tërf Mur” u regjistrua humbja 1-3, ndërsa titullar ishte sërish Armando Broja.

Sulmuesi I kombëtares shqiptare ishte më I miri në fushë për vendasit, duke krjuar edhe golin e vetëm, apo më saktë duke dhënë asistin për autorin Xhosh Lorent.

Ylli kuqezi ishte që nga minuta e parë për të katërtën herë në pesë ndeshjet e fundit, dhe në dy sfida radhazi.

Broja u tregua tepër I lëvizshëm, sidomos kur kishte hapësirë në kundërsulme.

Forma e tij fizike është siç duhet dhe ka hyrë plotësisht në ritmin e lartë të futbollit anglez.

Mund të thuhet se Bërnli rrezikoi thuajse vetëm atëherë kur topi ishte në këmbët e shqiptarit, apo kur ai ishte pjesë e aksionit.

Armando dha asistin e parë këtë sezon në Premier Ligën angleze, ndërsa dy ndeshje më parë shënoi në barazimin 1-1 me Bornmuthin.

Një asist e ka edhe në Kupën e Ligës.

Momenti duket I shkëlqyer për Brojën që në 14 ndeshjet e para në kampionatin anglez luajti vetëm gjithsej 111’, mungoi tri herë për shkak dëmtimi, dhe tri herë ishte gjatë gjithë kohës në stol.

Pasagjerët që po udhëtojnë me linjën e trenave Eurostar në tunelin nënujor hekurudhor që lidh Mbretërinë e Bashkuar me Francën dhe mbarë Europën po përballen me vonesa të udhëtimeve të tyre, pas një problematike në sistemin elektrik që preku linjat e trenave të martën. Ndonëse problematika e furinzimit me energji elektrike u zgjidh të martën  30 dhjetorit ka lënë kaos dhe vonesa për mijëra pasagjerë që po udhëtojnë në prag të ndërrimit të viteve.

Përvec vonesave dhjetëra udhëtime mes Londrës, Parisit,Amsterdamit dhe Brukselit u anuluan  pasi një tren u prish brena tunelit duke shkaktuar një bllokim disa orësh.

Në një deklaratë zyrtare të publikuar kete 31 dhjetor , Eurostar tha:
“Ne planifikojmë të operojmë ne menyre te sakte me të gjitha shërbimet tona , megjithatë për shkak të efekteve zinxhir mund të ketë ende vonesa dhe anulime të minutës së fundit.”

Treni i parë i së mërkurës nga Parisi i planifikuar për në orën 06:01, u anulua, ndërsa nisja e orës 06:31 u shty për shkak të një problemi teknik me një tjetër tren në tunel.  Disa prej pasagjereve rrëfyen se kishin pritur mbi 4 orë pa ushqim dhe ujë të bllokuar në automjetet e tyre.

Eurostar ka pasur monopol në transportin e pasagjerëve përmes tunelit që nga viti 1994, por në të ardhmen pritet konkurrencë: biznesmeni Richard Branson ka paralajmëruar një shërbim rival, ndërsa kompania italiane Trenitalia synon të hyjë në linjën Paris–Londër deri në vitin 2029.

Këto ndërprerje vijnë në një moment kur Eurostar përballet me kritika për çmime të larta të biletave, veçanërisht në linjën Paris–Londër.

Presidenti i Republikës së Shqipërisë, Bajram Begaj, ka uruar qytetarët shqiptarë për Vitin e Ri 2026, duke sjellë në kujtesë rëndësinë e familjes, bashkëpunimit dhe përgjegjësisë qytetare.

Në mesazhin e tij, Presidenti Begaj nënvizoi se nata e ndërrimit të viteve është koha e reflektimeve dhe e shpresave për vitin e ri. Ai bëri thirrje për kujdes ndaj brezat e rinj, duke e quajtur investimin te fëmijët dhe të rinjtë si gur themeli për një Shqipëri evropiane.

Ai theksoi gjithashtu se viti 2025 ishte një vit sfidash dhe përpjekjesh, duke përmendur progresin në forcimin e shtetit të së drejtës, luftën kundër korrupsionit dhe krimit të organizuar, si dhe përparimet në procesin e integrimit në Bashkimin Evropian.

Presidenti Begaj uroi bashkëpunim dhe bashkërendim për të arritur qëllimet e interesave mbarëkombëtare dhe për të ndërtuar një shoqëri më të drejtë dhe më të begatë. Ai dërgoi urime të veçanta për shqiptarët kudo që ndodhen, për mjekët, infermierët, punonjësit e rendit, zjarrfikësit dhe gazetarët që janë larg familjeve gjatë natës festive.

Mesazhi i tij përfundoi me dëshirën për shëndet, gëzime, mbarësi dhe më shumë besim dhe mirëkuptim mes shqiptarëve, duke theksuar se e ardhmja e vendit ndërtohet me punë, solidaritet dhe përgjegjësi qytetare.

Mesazhi i plotë: 

Sonte, teksa jeni mbledhur rreth tryezës festive me familjen dhe njerëzit tuaj të dashur, dëshiroj t’ju marr vetëm pak çaste për t’ju uruar përzemërsisht Vitin e Ri!
Nata e ndërrimit të viteve është koha e reflektimeve, momenti kur ndalemi për të parë çfarë lamë pas dhe për të projektuar shpresat tona për motmotin e ri. Kjo është, mbi të gjitha, festa e familjes. Vlerat që rriten brenda saj janë pikërisht ato që i japin forcë dhe qëndrueshmëri mbarë shoqërisë sonë.
Kujdesi për brezin e ri nuk është thjesht një ndjenjë, por një zgjedhje e mençur për të ardhmen. Investimi te fëmijët dhe të rinjtë tanë është gur themeli i Shqipërisë evropiane që aspirojmë.
Shqiptarët kanë treguar se dija, përkushtimi dhe puna e ndershme janë forca jonë më e madhe. Kemi dëshmuar arritje. Pas çdo suksesi, ka
punë e sakrifica familjare që dëshmojnë se e ardhmja nuk ndërtohet me fjalë të mëdha, por me angazhim të përditshëm.

Të dashur shqiptarë,
Puna juaj e ndershme, angazhimi dhe suksesi juaj forcojnë besimin dhe shpresën tek e ardhmja.

Motra dhe vëllezër,
Viti që po mbyllet ishte një vit përpjekjesh dhe sfidash, ku Shqipëria dëshmoi sërish vullnetin për të ecur përpara. Kemi ende punë për të ngushtuar pabarazitë dhe për të forcuar besimin tek institucionet. Forcuam rolin tonë ndërkombëtar dhe hodhëm hapa konkretë drejt Bashkimit Evropian. Kemi shënuar progres në forcimin e shtetit të së drejtës, në luftën kundër korrupsionit dhe krimit të organizuar dhe në pavarësinë e sistemit të drejtësisë.
Të inkurajuar nga sukseset dhe të përulur nga mosarritjet, viti 2026 duhet të jetë viti i një përpjekjeje të përbashkët për ta kthyer standardin evropian në një realitet të prekshëm në jetën e çdo familjeje shqiptare.
Interesi kombëtar dhe dialogu duhet të udhëheqin veprimet tona për të ndërtuar një shoqëri më të drejtë dhe më të begatë, sepse ajo që na bashkon është më e fortë se çdo interes që na ndan.
Ndaj, në vigjilje të Vitit të Ri 2026, urimi im i parë është për bashkëpunim dhe bashkërendim rreth qëllimeve e interesave mbarëkombëtare!
Përshëndetjet më të ngrohta dhe urimet më të mira kam sot për  shqiptarët kudo ndodhen në Kosovë, Maqedoninë e Veriut, Mal të Zi, Luginën e Preshevës, arbëreshët dhe Diasporën tonë! Ju jeni pjesë e pandarë e këtij kombi dhe energji vitale për të ardhmen tonë të përbashkët.
Një urim të veçantë kam sonte për të gjithë mjekët, infermierët, pjesëtarët e Forcave të Armatosura, punonjësit e rendit, zjarrfikësit dhe gazetarët, si dhe të gjithë ata që sot janë në krye të detyrës dhe larg familjeve të tyre!
Mendimi ynë shkon edhe për ata që këtë natë e kalojnë në spitale apo në kushte të vështira, larg ngrohtësisë së shtëpisë.
Çdo familje shqiptare, nga fëmijët, te gjyshërit, pastë shëndet, gëzime dhe mbarësi!
Mbi të gjitha, uroj për Vitin e Ri 2026 më shumë besim te njëri-tjetri dhe më shumë mirëkuptim, sepse Shqipëria është shtëpia jonë e përbashkët, përgjegjësia jonë e përditshme dhe e nesërmja që ndërtojmë bashkërisht!
Me përulësi për sfidat që kemi përpara, me besimin te vlerat e punës, solidaritetit dhe përgjegjësisë qytetare, dhe me vendosmëri për të  ndërtuar të ardhmen tonë evropiane, ju uroj nga zemra: Gëzuar Vitin e Ri 2026!
Zoti e bekoftë Shqipërinë dhe të gjithë shqiptarët!
Zoti ju bekoftë ju dhe familjet tuaja!
Gëzuar!

“Të gjithë duam që festat e fundvitit të na gjejnë pranë njerëzve që duam më shumë. Por, jo të gjithë e kanë këtë mundësi. Arsyeja është e thjeshtë, se profesioni i tyre është misioni për të na garantuar neve festën.

Abc News ka biseduar me disa prej profesionistëve, të cilët natën e ndërrimit të viteve do të jenë në krye të detyrës, larg familjeve të tyre, duke ruajtur jetën, shëndetin dhe sigurinë e qytetarëve, si dhurata më e çmuar që na bëjnë të gjithëve”

Nata e ndërrimit të viteve i gjen inspektorët e Policisë së Shtetit, Iris Alikon dhe Isuf Likën, për herë të parë larg tryezës familjare. Ata do të jenë në patrullim në rrugët e kryeqytetit, pranë qytetarëve, aty ku i thërret detyra.

“Kam katër muaj në Policinë e Shtetit. Është festa e parë që nuk e festoj me familjen. Është një ndjesi shumë e bukur të jesh pranë popullit. Familjarët nuk e kanë pritur shumë mirë, por më kanë mbështetur.”

“Këtë vit festat na kanë rënë t’i kalojmë në punë. Shumicën e festave i kemi kaluar me kolegët, edhe ditëlindjet. Edhe Vitin e Ri do ta presim në shërbim, deri në orën 6 të mëngjesit.”

Iris Aliko ka përfunduar studimet e larta për Kimi Industriale dhe Mjedisore,  ndërsa Isuf Lika për Ekonomi dhe aktualisht ndjek studimet master. Dëshira për të qenë pranë komunitetit i ka bërë pjesë të uniformës blu, pas përfundimit të Akademisë së Policisë.

As shërbimi shëndetësor nuk njeh festë. Për bluzat e bardha, festat vijnë me më shumë orë pune dhe lodhje.

“Gjithmonë ka një karrige bosh në tavolinën e familjes, por kjo punë do pasion dhe përkushtim.”

Albana Koçiaj është mjeke në Urgjencën e QSUT, spitalit më të madh publik në vend. Prej më shumë se 10 vitesh, festat e fundvitit e gjejnë në shërbim, pranë pacientëve.

“Më shumë festa i kam kaluar pranë pacientëve. Kjo punë kërkon pasion, përkushtim dhe shpesh orë të zgjatura. Pavarësisht nëse është festë apo pushim, telefoni bie dhe ne duhet të jemi gati.”

Edhe shërbimi zjarrfikës është në gatishmëri 24 orë. Edhe këtë 31 dhjetor, zjarrfikësi Ervin Lleshi e pret Vitin e Ri në shërbim, së bashku me kolegët e tij.

“Shumë festa i kemi kaluar këtu me shokët, jo me familjen. Edhe këtë vit jemi në punë. Do të festojmë një ditë tjetër.”

Balanca mes jetës familjare dhe profesionit është e vështirë, por kur puna kthehet në pasion, sakrifica merr tjetër kuptim.

“Kur ke fëmijë të vegjël është e vështirë, por mundohemi ta kompensojmë ditën tjetër.”

“Vajza ime gjithmonë më pyeste: ‘Kur s’do bësh roje që të flej me ty?’ Ende nuk kam një përgjigje. Mendoj se misioni im do t’i tejkalojë këto mërzi.”, tha mjekja.

“Kemi lënë ditëlindje dhe festa. Si në protesta apo stadiume, ndërrohemi dhe dalim në punë.”, the polici Isuf Lika.

Në ditë festash, urgjencat dhe emergjencat nuk ndalen. Numri i rasteve shtohet, ndërsa përjetimet emocionale janë të ndryshme për secilin profesionistë.

“Raste të rrezikshme ka pasur shumë. Zjarri në fabrikën ‘Everest’ apo te ‘Casa Italia’. Humbja e jetës është e rëndë, por shpëtimi i një jete është kënaqësia më e madhe.”

“Jemi pranë të sëmurëve, por edhe pranë familjarëve për t’i ngushëlluar. Është shumë e vështirë.”

“Kur dikush humb një të afërm, ne e përjetojmë shumë, por duhet të qëndrojmë të fortë.”

“Më ka prekur shumë një rast kur një nënë ktheu rrobat e fëmijëve sepse i kishin vjedhur paratë.”

Forca e tyre buron nga familja, kolegët dhe mbështetja e qytetarëve.

“Familja ime është shumë mirëkuptuese. U jam shumë mirënjohëse.”

“Ka vështirësi dhe keqkuptime, por shumica e qytetarëve na mirëkuptojnë.”

Çdo sakrificë ka një emërues të përbashkët: shpëtimin e jetës.

“Nëse shpëton qoftë edhe një jetë të vetme, nuk ka kënaqësi më të madhe.”

Porosia që merr kur del nga shtëpia?

“Ki kujdes për veten. Ruaj veten.”

Teksa shumica prej nesh do të trokasë gotat për të uruar një vit të mbarë, një mjek do të shpëtojë një jetë, një polic do të jetë në patrullë për sigurinë dhe një zjarrfikës në gatishmëri për çdo emergjencë, ashtu si çdo ditë të vitit. Me mirënjohje, u themi faleminderit për fisnikërinë dhe shërbimin e tyre dhe u urojmë një 2026 sa më të gëzuar atyre dhe familjeve të tyre./abcnews.al

SHQIPËRI- Tradita e do që tryeza në ndërrim të viteve të jetë plot për ti paraprirë një viti me bollëk, por çfarë sugjerojnë specialistët për të mos e tepruar me ushqimin.

“Sugjerimi im ne radhe te pare është psikologjik, kush bën pazaret e festave, bashkëshortet,  të jenë të dy të ngopur.  Është e vërtetuar shkencërisht që bëjnë zgjedhje më të qenësishme”

Mishi, ëmbëlsirat, pijet tundojnë, por në mënyrë që ushqyerja të jetë  kënaqësi dhe të mos kthehet në shqetësim nutricionistët këshillojnë.

“Mishin ta pjekin mundësisht, sa me pak i skuqur , ai do i rendonte, ta pjekin por jo ne temperatura te larta sepse… Pijet ti konsumojnë me  stomakun plot, studimet tregojnë qe kur është e shoqëruar sikur dhe me një meze efekti do jete jo vetëm për dhimbjen e kokës, por dhe nga ana metabolike do jete shume me here e përballueshme”

Më shumë se për shmangie të ushqimeve të caktuara këto ditë festash specialistët flasin  për kombinimin e duhur të tyre.

“Në mënyrë që të mos ndjehen të mbi fryrë t’i koordinojnë ushqimet, ëmbëlsirën jo veçmas, në fund të një vakti me perime proteinë dhe në fund do marrin dhe ëmbëlsirën, por vetëm ajo ka ndikim në glicemi të menjëhershme dhe fibrat do e bëjnë që të metabolizohet dhe tretet me ngadalë për ne vaktin tjetër

Kos dhe turshi shtëpie do i ndihmojnë në tretje. Frutave të mos u heqin lëkurën, fibra e frutave do i ndihmojë të treten më ngadalë, por do jenë më pak të fryrë.

Atyre që kane vendosur të prishin dietën  specialistet iu sugjerojnë te shmangin ngrënien emocionale ndërsa për ata që duan të vijojnë të mbajnë regjimin  ushqimor , por të mos  privohen as nga  tryeza plot iu këshillojnë

“Do te sugjeroja një çaj i ngrohtë para çdo vakti”, tha ajo.

Reduktimi i ushqimit mund te nise pas feste.

“7700 kalori që është 1 kg dhjam është e sigurt që s’do e vënë në një apo dy vakte. Me shume se të shmangin është të balancojnë ditën tjetër. Të nisim me  reduktimin e atyre qe e kemi tepruar, jo të hamë bakllavanë për 1 javë rresht”, tha ajo.

Zelanda e Re mirëpret Vitin e Ri 2026, duke shënuar momentin me një spektakël madhështor dritash dhe fishekzjarrësh. Qytetarët dhe turistët u mblodhën në qendrat kryesore të qyteteve për të ndjekur këtë traditë të veçantë, e cila simbolizon fillimin e një viti të ri me shpresë dhe gëzim.

 

View this post on Instagram

 

A post shared by ABC News Albania (@abcnewsal)

Spektakli i fishekzjarrëve ndriçoi qiellin e qyteteve kryesore të vendit, duke krijuar një atmosferë festive dhe plot emocione.

Familjet, por dhe vizitorët u bashkuan për të festuar, ndërsa muzika dhe ngjyrat e ndritshme “stolisën” natën e ndërrimit të viteve.

Zelanda e Re ka ka krijuar një traditë tashmë, që tërheq mijëra vizitorë nga e gjithë bota. Ajo njihet si një prej destinacioneve më të bukura për të pritur Vitin e Ri./abcnews.al

Atolli Kiritimati, i njohur edhe si Ishulli i Krishtlindjeve ka mirëpritur zyrtarisht vitin 2026, duke u bërë vendi i parë në botë që hyn në Vitin e Ri.

Pjesë të tjera të shtetit ishullor të Kiribatit në Paqësor do ta festojnë Vitin e Ri gjatë orëve në vijim.

Kiritimati është pjesë e shtetit të Kiribatit, i vendosur në Oqeanin Paqësor, në jug të Havait dhe në verilindje të Australisë. Kiribati përbëhet nga disa atolle – shkëmbinj koralorë në formë unaze – dhe shtrihet në një distancë prej gati 4,000 kilometrash nga lindja në perëndim.

Kiribati – që shqiptohet “Kiribas” – u shpall i pavarur nga Mbretëria e Bashkuar në vitin 1979. Vendi është shtëpia e rezervës më të madhe detare në Paqësorin Jugor. Shumë prej atolleve janë të banuara, por shumica e tyre janë shumë të ulëta mbi nivelin e detit dhe të rrezikuara nga rritja e nivelit të ujërave si pasojë e ngrohjes globale.

Arkipelagu ka rreth 116 mijë banorë. Pavarësisht se ndodhet pothuajse drejtpërdrejt në jug të Havait, Kiribati e feston Vitin e Ri një ditë më herët.

Në prag të Vitit të Ri 2026, Drejtori i Përgjithshëm i Policisë së Shtetit, Ilir Proda, uroi qytetarët dhe punonjësit e policisë, duke vlerësuar përkushtimin dhe sakrificën e treguar gjatë vitit që po lëmë pas.

Në mesazhin e tij, Proda theksoi sfidat dhe përgjegjësitë e mëdha të vitit 2025, si dhe angazhimin e vazhdueshëm të policisë për të garantuar sigurinë e qytetarëve. Ai shprehu mirënjohje të veçantë për familjarët e Dëshmorëve të Policisë, qytetarët, mediat dhe partnerët kombëtarë e ndërkombëtarë për bashkëpunimin dhe besimin.

Ai përfundoi urimin me dëshirën për shëndet, paqe dhe mbarësi për të gjithë, duke theksuar se vetëm me përgjegjësi dhe besim mund të ndërtohet një vend më i sigurt në vitin 2026.

Mesazhi  i Ilir Prodës:

Në prag të ndërrimit të viteve, shpreh mirënjohjen time të thellë për çdo punonjës të Policisë së Shtetit, për angazhimin, përkushtimin dhe sakrificën e treguar çdo ditë, duke vënë shpesh në plan të dytë familjen dhe sigurinë e tyre.

Viti që po lëmë pas nuk ka qenë i thjeshtë, ka qenë sfidues, një vit përgjegjësish të mëdha dhe sakrificash, të cilat na kanë lidhur më fort me njëri-tjetrin, me qytetarët dhe me partnerët, na kanë forcuar dhe na kanë bërë më të qartë se si duhet të jemi dhe çfarë duhet të bëjmë, për të qenë të denjë për misionin tonë.

Me përzemërsi të thellë uroj familjarët e Dëshmorëve të Policisë, të cilët kanë në tryezë një pjesëtar më pak, por në historinë e kombit, një hero më shumë.

Një falënderim dhe urim të sinqertë për qytetarët, për rolin e tyre të rëndësishëm, të cilët, nëpërmjet besimit dhe bashkëpunimit, kanë përforcuar pozitën e tyre si aleati ynë kryesor; për gazetarët dhe mediat, për rolin e tyre të rëndësishëm në informimin e publikut dhe forcimin e transparencës; si dhe për partnerët tanë kombëtarë e ndërkombëtarë, bashkëpunimi me të cilët ka qenë sinergji kapacitetesh, investimesh, angazhimi dhe profesionalizmi, në funksion të garantimit të sigurisë.

Policia e Shtetit është në gatishmëri për përmbushjen e detyrave, në çdo cep të vendit, për të garantuar një ndërrim vitesh të sigurt dhe të qetë.

Gëzuar Vitin e Ri! Shëndet, paqe dhe mbarësi! Bashkë, me përgjegjësi dhe besim, për të ndërtuar përgjatë vitit 2026, një vend edhe më të sigurt!/abcnews.al

Një 28-vjeçar, i dehur dhe i armatosur me kallashnikov, u arrestua nga Policia e Kurbinit pasi kërcënonte qytetarët. Po ashtu, i riu siç thotë Policia ka thyer xhamat e tre automjeteve dhe të një lokali.

Gjatë arrestimit, atij iu sekuestrua arma automatike dhe municioni luftarak./abcnews.al

TIRANË– Tre shtetase të huaja, dy kineze dhe një tajlandeze, u arrestuan nga Policia e Tiranës, pasi dyshohen se ushtronin prostitucion në një apartament të marrë me qira në bulevardin “Zogu i parë”.

Gjithashtu, janë proceduar penalisht gjashtë persona të tjerë që dyshohet se përfitonin nga kjo veprimtari.

Policia sekuestroi një shumë monetare dhe katër celularë.

Materialet procedurale janë referuar Prokurorisë së Tiranës, ndërsa vijon puna për identifikimin e të tjerëve të përfshirë në rrjet./abcnews.al

Read More...