Opinionistja e Big Brother VIP Kosova, këngëtarja Leonora Jakupi, ka reaguar ashpër ndaj banores Dolce gjatë diskutimeve në shtëpi, duke e vendosur atë në qendër të vëmendjes.

Reagimi i Jakupit erdhi pas situatës së krijuar mes Limit dhe Dolces, si dhe gjendjes së rënduar emocionale të Albës. Ajo e akuzoi Dolcen për mungesë empatie ndaj Albës, e cila po përballej me faktin se ish-partneri i saj kishte krijuar një lidhje të re brenda shtëpisë, para syve të saj.

Leonora Jakupi theksoi përgjegjësinë emocionale që, sipas saj, banorët duhet ta kenë ndaj njëri-tjetrit në një ambient të mbyllur si BBVK. Megjithatë, deklaratat e saj u bënë edhe më të forta kur u shpreh me ironi ndaj Dolces: “Ti i zë meshkujt në shtëpi më shpesh se sa më zë mua gjumi”.

Kjo deklaratë nxiti menjëherë reagimin e Dolces, e cila e quajti të patolerueshme një qasje të tillë nga një opinioniste, duke theksuar se nuk ishte e drejtë të trajtohej në këtë mënyrë nga dikush që ka rolin e analizueses dhe këshillueses brenda spektaklit.

Situata shkaktoi debat të gjerë mes banorëve dhe reagime të shumta nga publiku, duke u shndërruar në një nga momentet më të komentuara të javës në Big Brother VIP Kosova 4.

Sinjali – aty ku e vërteta flet para lajmit!

/GazetaSinjali/

The post Leonora Jakupi shpërthen ndaj Dolces: Ti më shpesh i zë meshkujt aty, se sa më zë mua gjumi appeared first on Sinjali.

Është gjetur Xhengiz Hyzeiri, 17-vjeçari i raportuar i zhdukur.

Lajmin e ka konfirmuar Policia përmes një njoftimi, ku bëri të ditur se i mituri është gjetur në gjendje të mirë shëndetësore.

I njëjti ishte zhdukur nga 2 janari.

Njoftimi i Policisë:

Gjendet personi i shpallur i humbur

Gjilan, 16 janar 2026

Ju njoftojmë se pas veprimeve operative dhe angazhimit të njësive relevante të Policisë së Kosovës, si dhe falë bashkëpunimit me qytetarëve dhe mediave, personi i shpallur më herët si i humbur Xhengiz (Aliriza) Hyzeiri, i lindur më 15.07.2008, me banim në rrugën “Lufta e Gjilanit” në Gjilan, është gjetur në gjendje të mirë shëndetësore.

I njëjti aktualisht ndodhet në ambientet e Policisë së Kosovës, ku janë duke u zhvilluar procedurat e nevojshme ligjore në përputhje me legjislacionin në fuqi.

Drejtoria Rajonale e Policisë në Gjilan falënderon mediat dhe të gjithë qytetarët për bashkëpunimin, informacionet e ofruara dhe përkrahjen e treguar gjatë kërkimit, duke vlerësuar lart kontributin e tyre në zbardhjen e këtij rast.

Sinjali – aty ku e vërteta flet para lajmit!

/GazetaSinjali/

The post Lajm i mirë: Gjendet shëndosh e mirë i mituri që u raportua i zhdukur nga Policia në Gjilan appeared first on Sinjali.

Udhëheqës politikë në Norvegji e kanë dënuar vendimin “absurd” të udhëheqëses së opozitës venezuelase, Maria Corina Machado, për t’ia dhuruar Çmimin e saj Nobel për Paqe Donald Trumpit, duke e akuzuar presidentin amerikan se po tregohet “mburravec klasik” që i merr meritat e veprave të të tjerëve.

Laureatja e Nobelit ia dha medaljen e saj Trumpit të enjten në Shtëpinë e Bardhë “në njohje të përkushtimit të tij unik ndaj lirisë sonë”. Disa orë më vonë, Trumpi shkroi në rrjetin “Truth Social”, duke thënë se Machado “ma prezantoi mua Çmimin e saj Nobel për punën që e kam bërë. Një gjest aq i mrekullueshëm i respektit të ndërsjellë”, raporton gazeta “The Guardian”.

Qendra e Nobelit për Paqe tha në rrjetet sociale se “një medalje mund t’i ndërrojë pronarët, por titulli i laureatit të çmimit Nobel për paqe nuk mundet”. Organizatorët e çmimit, Komiteti Norvegjez i Nobelit dhe Instituti Norvegjez i Nobelit, tashmë kishin thënë se çmimi “nuk mund të tërhiqet, të ndahet ose të transferohet”, kur Machado fillimisht e kishte zbuluar planin e saj.

Kirsti Bergsto, kryetare e partisë E Majta Socialiste në Norvegji dhe zëdhënëse e saj për politikë të jashtme, tha: “Kjo është, mbi të gjitha, absurd. Çmimi për paqe nuk mund të dhurohet.”

Trygve Slagsvold Vedum, kryetar i partisë Qendra, tha: “Kushdo që e ka marrë çmimin, e ka marrë. Fakti që Trumpi e pranoi medaljen thotë diçka për të si tip i personit: mburravec klasik që dëshiron ta zbukurojë veten me nderet dhe punën e njerëzve të tjerë.”

Raymond Johansen, ish-kryetar i Oslos nga radhët e Laburistëve, i cili tani është sekretar i përgjithshëm i Ndihmës së Popullit Norvegjez, tha se kjo situatë është “e turpshme dhe e dëmshme në mënyrë të pabesueshme”.

Ai tha se veprimet e Machado-s mund ta dëmtojnë reputacionin e Çmimit Nobel për Paqe dhe të Komitetit të Nobelit.

Sinjali – aty ku e vërteta flet para lajmit!

/GazetaSinjali/

The post Politikanët norvegjezë thonë se dhënia e medaljes Nobel për Paqen për Trumpin është ‘absurde’ appeared first on Sinjali.

Korporata Energjetike e Kosovës ka njoftuar se sot, rreth orës 18:40, ka ndodhur ndalja e përkohshme e Njësisë A3 nga operimi, pasi ka vepruar releja mekanike e Buchholz-it të bllok-transformatorit energjetik 15.75/220 kV, 240 MVA.

Sipas KEK-ut, kjo ndalesë është realizuar në përputhje të plotë me standardet dhe parametrat e sigurisë teknike.

Në njoftim thuhet se ekipet profesionale dhe teknike të KEK sh.a. kanë nisur menjëherë verifikimet dhe kontrollet e nevojshme për të identifikuar shkakun e kësaj ndalese, si dhe për të ndërmarrë masat përkatëse për sanimin e situatës, në përputhje me procedurat teknike operative.

KEK sh.a. ka sqaruar gjithashtu për opinionin publik se, pavarësisht ndaljes së Njësisë A3, operimi i sistemit elektroenergjetik po vazhdon në mënyrë të qëndrueshme dhe të kontrolluar. Aktualisht, sistemi po operon me katër njësi gjeneruese: A4, A5, B1 dhe B2, në përputhje me planin e prodhimit dhe bilancin energjetik të aprovuar.

Sipas njoftimit, njësia e pestë aktivizohet sipas nevojës dhe parametrave teknikë, me qëllim të adresimit të rritjes së konsumit, pa cenuar stabilitetin dhe sigurinë operative të sistemit.

Në fund, KEK sh.a. ka falënderuar stafin teknik dhe punonjësit për reagimin profesional dhe angazhimin e vazhdueshëm në garantimin e operimit të sigurt dhe të besueshëm të kapaciteteve prodhuese.

Sinjali – aty ku e vërteta flet para lajmit!

/GazetaSinjali/

The post Njësia A3 ndalet përkohësisht nga operimi, KEK-u: Situata është e përkohshme appeared first on Sinjali.

Presidenti amerikan Donald Trump ka deklaruar se Grenlanda është jetike për sigurinë kombëtare të Shteteve të Bashkuara dhe ka konfirmuar se diskutimet me NATO-n lidhur me këtë territor janë duke vazhduar.

“NATO ka pasur marrëdhënie me ne për çështjen e Grenlandës. Ne kemi shumë nevojë për Grenlandën për sigurinë kombëtare”, tha Trump.

Ai shtoi se mungesa e Grenlandës do të krijonte një boshllëk serioz në sigurinë amerikane. “Nëse nuk e kemi, kemi një boshllëk të madh në sigurinë kombëtare – veçanërisht kur bëhet fjalë për atë që po bëjmë në lidhje me Kupolën e Artë dhe të gjitha gjërat e tjera”, u shpreh presidenti amerikan.

Trump nuk dha detaje konkrete rreth iniciativave ushtarake apo të sigurisë që përmendi, por theksoi se SHBA-të janë duke u angazhuar në mënyrë aktive me aleancën veri-atlantike për këtë çështje. “Po flasim me NATO-n”, tha ai shkurtimisht.

Më tej, Trump deklaroi se po shqyrton mundësinë e përdorimit të tarifave si mjet presioni ndaj vendeve që kundërshtojnë interesat e SHBA-së në lidhje me Grenlandën. “Mund ta bëj këtë edhe për Grenlandën”, tha ai, duke kujtuar një shkëmbim me presidentin francez Emmanuel Macron, ku kishte përdorur kërcënimin e një tarife gjithëpërfshirëse prej 25% për të nxitur rritjen e çmimeve të barnave në Francë.

Javën e kaluar, Trump kishte sugjeruar se SHBA-të duhet ta “blejnë” Grenlandën për të parandaluar që Rusia ose Kina të fitojnë kontroll mbi këtë territor autonom të Danimarkës.

Ndërkohë, si Danimarka ashtu edhe Grenlanda kanë hedhur poshtë kategorikisht çdo propozim për shitjen e territorit, duke riafirmuar sovranitetin danez mbi ishullin.

Sinjali – aty ku e vërteta flet para lajmit!

/GazetaSinjali/

The post Trump: Po flasim me NATO-n për Grenlandën appeared first on Sinjali.

Trendi i parave të falsifikuara ka ‘lulëzuar’ në Kosovë për një kohë të gjatë, ku qindra e mijëra euro false janë vënë përditë në qarkullim. Rastet e tilla raportohen kryesisht nga zyrtarët e bankave në vend, teksa monedhat metalike që më së shumti dalin false janë 1 dhe 2 euro, si dhe kartëmonedhat 50 e 100 euro, raporton Gazeta Sinjali.

Një rast i dyshuar është raportuar në Prizren, pasi nga klientë të ndryshëm janë deponuar para që dyshohet se janë të falsifikuara.

Burime të Sinjalit bëjnë të ditur se më 16.01.2026 rreth orës 10:00, në Stacionin Policor në Prizren është paraqitur ankuesi, përfaqësues i bankës Raiffeisen, i cili ka raportuar se gjatë periudhës 31.12.2025 deri më 08.01.2026, nga klientë të ndryshëm janë deponuar 500 euro, të cilat dyshohet se janë të falsifikuara.

Sipas informatave, shuma e dyshuar prej 500 euro është sekuestruar dhe është dërguar për trajtim në njësinë e krim-teknikës, me qëllim të verifikimit dhe ekzaminimit.

Në lidhje me rastin është njoftuar edhe njësia e hetuesisë, ndërsa hetimet pritet të vazhdojnë për të zbuluar origjinën dhe qarkullimin e këtyre kartëmonedhave të dyshuara.

Sinjali – aty ku e vërteta flet para lajmit!

/GazetaSinjali/

The post Para të falsifikuara në Prizren, “Raiffeisen Banka” raporton deponimin e 500 eurove fals appeared first on Sinjali.

Një person është goditur nga vetura në mbrëmjen e sotme, rreth orës 20:00, në rrugën nacionale Mitrovicë–Zubin Potok, në segmentin rrugor në fshatin Zhabar, raporton Gazeta Sinjali.

Lajmin për Sinjalin e ka konfirmuar Avni Zahiti, zëdhënës i Policisë për rajonin e Mitrovicës, i cili bëri të ditur se këmbësori ka pësuar lëndime dhe është dërguar për tretman mjekësor në Spitalin Rajonal të Mitrovicës së Jugut.

“Njësitet policore janë duke ndërmarrë veprimet e nevojshme hetimore për sqarimin e rrethanave të aksidentit.”, tha ai.

Sinjali – aty ku e vërteta flet para lajmit!

/GazetaSinjali/

The post Këmbësori goditet nga vetura në rrugën Mitrovicë–Zubin Potok, përfundon në spital appeared first on Sinjali.

Ka më shumë së një vit, që familja Tejeci nga komuna e Prizrenit po e kërkojnë familjarin e tyre, Zylfi Tejecin, veteran i Ushtrisë Çlirimitare të Kosovës, i cili me 23 janara të vitit të kaluar doli nga shtëpia për të shkuar në një tubim elektoral dhe nuk u kthye më.

Djali i tij, Isuf Tejeci në një rrëfim për Nacionalen tha se më nuk ka asnjë informacion nga Policia e Kosovës.

I dëshpëruar, z.Tejeci i ka bërë thirrje institucioneve të shtetit për të ndërmarrur masa lidhur me rastin që sipas tij të kenë të paktën një informacion.

Për më shumë ndiqeni videon

Sinjali – aty ku e vërteta flet para lajmit!

/GazetaSinjali/

The post Shkoi në tubim elektoral dhe nuk u kthye më: Zhdukja e mistershme e veteranit të UÇK-së, askush s’di gjë për fatin e tij appeared first on Sinjali.

Presidenti amerikan, Donald Trump, ka përshëndetur anulimin e ekzekutimeve masive në Iran, të cilat ishin planifikuar të kryheshin dje, duke theksuar se vendimi është një lajm i mirë për protestuesit dhe të drejtat e njeriut.

“Unë e respektoj shumë faktin që të gjitha ekzekutimet me varje, të cilat do të kryheshin dje (mbi 800 prej tyre), janë anuluar nga udhëheqja e Iranit. Faleminderit!”, shkroi Trump këtë të premte në rrjetin e tij Truth Social.

Gjatë dy javëve të fundit, Trump ka kërcënuar në mënyrë të përsëritur me veprime ushtarake kundër Iranit për të mbështetur protestuesit, ndërsa grupet e të drejtave të njeriut raportojnë se forcat iraniane kanë vrarë mijëra persona. Shifrat konkrete nuk janë konfirmuar ende zyrtarisht.

Megjithatë, tani presidenti amerikan po heziton të ndërhyjë. Të mërkurën, ai deklaroi se i kishin thënë se vrasjet në Iran kishin ndaluar.

Trump hodhi poshtë gjithashtu komentet e disa zyrtarëve të Gjirit, sipas të cilëve Arabia Saudite, Katari dhe Omani kishin ndihmuar në bindjen e tij për të hequr dorë nga një sulm. Ai theksoi se vendimi i Iranit ishte vendimtar.

“Asnjë nuk më bindi, unë binda veten time,” u tha Trump gazetarëve të premten më vonë, ndërsa largohej nga Shtëpia e Bardhë për të shkuar në Floridë për fundjavën.

“Ata nuk varën askënd. Ata i anuluan varjet. Kjo pati një ndikim të madh.”

Sinjali – aty ku e vërteta flet para lajmit!

/GazetaSinjali/

The post Trump i thotë “faleminderit” Iranit që nuk i vari protestuesit appeared first on Sinjali.

NATO ka njoftuar se Kroacia po hyn në një fazë të re të mbrojtjes së saj ajrore, pasi do të marrë përgjegjësinë e plotë për mbrojtjen e hapësirës së saj ajrore me aeroplanë luftarakë modernë Dassault Rafale.

Sipas njoftimit të Aleancës, aeroplanët kroatë do të integrohen në sistemin e integruar të mbrojtjes ajrore dhe raketore të NATO-s, duke forcuar aftësitë e Kroacisë, por edhe duke kontribuar në mbrojtjen kolektive të Aleancës.

Kalimi nga MiG-21 në Dassault Rafale përfaqëson një hap të madh teknologjik dhe operacional, thekson NATO. Aeroplanët e rinj sjellin sensorë modernë, ofrojnë ndërveprim të plotë me aleatët dhe integrim të drejtpërdrejtë në sistemet e komandës dhe kontrollit të NATO-s.

Gjatë periudhës kalimtare, Italia dhe Hungaria siguruan mbrojtje të vazhdueshme të hapësirës ajrore kroate, një shembull që NATO e përshkroi si solidaritet të qartë aleat.

Sipas njoftimit të Aleancës, ekuipazhet kroate janë tashmë plotësisht të trajnuara, ndërsa aeroplanët Rafale janë në detyrë të vazhdueshme 24 orë në ditë, shtatë ditë në javë, duke forcuar sigurinë kombëtare dhe mbrojtjen kolektive të NATO-s.

Sinjali – aty ku e vërteta flet para lajmit!

/GazetaSinjali/

The post NATO: Kroacia tani do të mbrojë qiellin e saj me Rafale appeared first on Sinjali.

Barcelona ka intensifikuar kërkimet në treg për një qendërmbrojtës. Lajmi i bujshëm është se një nga emrat që po ndiqet nga afër është Ron Raçi, mbrojtësi kosovar që luan tek Hajduk Split.

Sipsa ‘Football Transfer News’, Raçi është emri më i ri në listën e Barcelonës, me gjigantin spanjoll që e preferon sepse luan me këmbën e majtë pavarësisht pozitës së qendërmbrojtësit.

Megjithatë, Raçi nuk është i vetmi emër në listën e Barcelonës. Klubi blaugrana po monitoron gjithashtu mbrojtës të afirmuar si Alessandro Bastoni, Nico Schlotterbeck dhe Micky van de Ven, teksa ende nuk është marrë një vendim përfundimtar mbi objektivin kryesor.

Barça are monitoring Ron Raçi — the young CB of Hajduk Split

Barça are actively scanning the market for a left-footed centre-back ahead of next season. Among the names being closely monitored: Ron Raçi — the highly-rated young defender of Hajduk Split, who has impressed with top… pic.twitter.com/MzjAsvnfxu

— Football Transfer News (@FTransferNews) January 16, 2026

Vendimi pritet të varet nga situata financiare e klubit dhe strategjia sportive për sezonin e ardhshëm, por është e qartë se Barcelona po planifikon me kujdes përforcimin e repartit defensiv.

Sinjali – aty ku e vërteta flet para lajmit!

/GazetaSinjali/

The post Mbrojtësi kosovar në ‘radarin’ e Barcelonës appeared first on Sinjali.

Ministria për Evropën dhe Punët e Jashtme njofton opinionin publik se shtetasi shqiptar Jozef Ndoci, i cili mbahej i burgosur në Venezuelë për më shumë se një vit (tetor 2024 – janar 2026), është liruar dhe ndodhet tashmë në gjendje të sigurt.

Ndoci mbahej në burgun e sigurisë së lartë El Rodeo, në shtetin Miranda, dhe lirimi i tij u realizua pas një procesi të zhvilluar gjatë ditëve të fundit, në kuadër të lirimit të një numri të të burgosurve të huaj në Venezuelë. Pas transferimit të përkohshëm në ambientet e DGCIM, ai u lirua dhe aktualisht ndodhet nën kujdesin e Komitetit Ndërkombëtar të Kryqit të Kuq (ICRC) në Karakas.

Ministria për Evropën dhe Punët e Jashtme, përmes Ambasadës së Republikës së Shqipërisë në Brazil, ka ndjekur çështjen në mënyrë të vazhdueshme dhe në disa rrafshe, në bashkëpunim me partnerë ndërkombëtarë dhe përfaqësi diplomatike mike, duke patur në fokus mbrojtjen e të drejtave dhe interesave të shtetasit shqiptar.

“Autoritetet shqiptare kanë qenë në kontakt të vazhdueshëm me familjarët e z. Ndoci dhe do të vijojnë të ofrojnë mbështetjen e nevojshme deri në kthimin e tij të sigurt në Shqipëri”, thuhet në njoftimin e MEJ.

Sinjali – aty ku e vërteta flet para lajmit!

/GazetaSinjali/

The post Shtetasi shqiptar i liruar nga Venezuela është nën kujdesin e Kryqit Kuq appeared first on Sinjali.

Djali i ish-shahut të ndjerë të Iranit ka bërë thirrje ndaj botës që të ndihmojë protestuesit të rrëzojnë qeverinë iraniane, duke thënë se është i sigurt: “Republika Islamike do të bjerë – jo nëse, por kur”.

Reza Pahlavi, lider opozitar me bazë në SHBA, ka kërkuar që komuniteti ndërkombëtar të synojë udhëheqësinë e Gardës Revolucionare të Iranit, të cilën ai e cilësoi se do të “lehtësojë misionin tonë dhe do të parandalojë humbje të tjera jete”.

Më shumë se 2,500 protestues janë vrarë, sipas një grupi të të drejtave të njeriut, në demonstrata që nisën më 28 dhjetor për shkak të situatës ekonomike dhe u shndërruan në thirrje për përfundimin e sundimit të Liderit Suprem të Iranit, Ali Hosseini Khamenei, raporton BBC, transmeton Sinjali.

Qeveria iraniane ka quajtur protestat “dëmet dhe trazirat”, duke i cilësuar si të mbështetura nga armiqtë e Iranit.

Pahlavi është shfaqur si një figurë kryesore në opozitën e fragmentuar të Iranit dhe më parë ka bërë thirrje që iranianët të përshkallëzojnë protestat e tyre.

Por protestuesit janë përballur me forcë vdekjeprurëse nga autoritetet, ndërsa rrjeti i internetit dhe shërbimet e komunikimit pothuajse janë bllokuar totalisht.

Presidenti amerikan Donald Trump ka paralajmëruar qeverinë iraniane kundër vrasjes së protestuesve, duke u thënë më herët kësaj jave demonstruesve se “ndihma është në rrugë”.

Në një intervistë për CBS News, partneri i BBC-së në SHBA, Trump tha se SHBA do të ndërmarrë “masa shumë të forta” kundër Iranit nëse ekzekuton protestues.

Ai më pas deklaroi se i ishte thënë se “vrasjet kanë ndaluar”, por nuk përjashtoi mundësinë e veprimeve ushtarake ndaj vendit.

Sinjali – aty ku e vërteta flet para lajmit!

/GazetaSinjali/

The post Princi i kurorës i bën thirrje botës që t’i ndihmojnë protestuesit për ta rrëzuar qeverinë e Iranit appeared first on Sinjali.

Zëvendëskryeprokurori i Prokurorisë Speciale, Valdet Gashi, ka thënë se do të krijohej precedent i rrezikshëm, po që se Prokuroria do të shkonte në zyrë të kryeministrit për ta intervistuar Albin Kurtin në cilësinë e dëshmitarit për rastin e rezervave shtetërore.

“Jo sepse nuk është mundësi ligjore në rend të parë dhe nuk mund të krijohen precedentë të tilla sepse janë shumë të rrezikshme për procesin e hetimeve”, ka thënë ai në ktv.

E nëse ka pasur precedentë të tillë në të kaluarën, Gashi ka thënë: “Jo, me sa e di unë, jo”

Gashi ka thënë se Prokuroria Speciale i ka shfrytëzuar të gjitha mundësitë ligjore, sa i përket ftesave për Kurtin. Ai ka thënë se Prokuroria e ka ftuar Kurtin duke e parë si të domosdoshme dhe në interes të rastit një dëshmi të tij. Pas refuzimit, ai ka thënë se është kërkuar nga gjykata që Kurti të detyrohet të paraqitet, por prapë kjo nuk ka ndodhur.

“Pavarësisht kësaj, ne me rastin e ngritjes së aktakuzës e kemi propozuar që të dëgjohet si dëshmitar sepse këtë na lejon edhe Kodi i Procedurës Penale. Ne shpresojmë shumë që i njëjti të paraqitet në gjykatë kur të marrë ftesën nga ana e gjykatës për të dëshmuar në shqyrtim gjyqësor. Në momentin kur kemi dorëzuar aktakuzën, të gjithë procesin gjyqësor e menaxhon gjykata. Edhe dëshmitarët edhe të pandehurit. Mosparaqitja e tyre ka pasoja ligjore që i vendos gjykata. Ne i kemi shfrytëzuar të gjitha mundësitë ligjore qysh e parasheh ligji. Por jemi ku jemi sot në raport me këtë dëshmitar”, ka thënë ai.

Sinjali – aty ku e vërteta flet para lajmit!

/GazetaSinjali/

The post Prokurori që e ngriti aktakuzën në rastin e Rezervës: Precedent i rrezikshëm nëse Kurti intervistohet në Qeveri appeared first on Sinjali.

Futbollisti i Sunderlandit, Luke O’Nien, ka folur hapur për përvojën e tij duke punuar krah për krah me Granit Xhakën, duke pranuar se prania e mesfushorit kosovar ka pasur një ndikim të madh si në zhvillimin e tij si lojtar, ashtu edhe si lider brenda skuadrës.

O’Nien i bëri këto deklarata pas fitores së Sunderlandit ndaj Evertonit në FA Cup, duke u ndalur te përgjegjësitë që ka marrë këtë sezon dhe te roli i Xhakës prapa skenave.

Ai përmendi veçanërisht një moment nga përballja e fundit në Ligën Premier ndaj Newcastle United, kur iu drejtua skuadrës para ndeshjes, ndërsa Xhaka, me qëllim, u tërhoq një hap mbrapa.

“Të jem i sinqertë, kjo do të thoshte gjithçka për mua”, tha O’Nien kur u pyet për gjestin e Xhakës para ndeshjes në ‘Stadium of Light’, të cilën Sunderlandi e fitoi 1-0 falë një autogoli spektakolar të Nick Woltemade.

“Ai është një nga, në mos lideri më i mirë në futboll dhe ai ma dha mua këtë nder. Sinqerisht, nuk do të mund ta përshkruaj me fjalë se sa shumë do të thotë kjo për mua”, shtoi ai.

O’Nien vlerësoi lart edhe cilësitë personale dhe profesionale të Xhakës, duke theksuar ndikimin e tij të vazhdueshëm në ekip.

“Ai është një lojtar i veçantë. Ndonjëherë e gjej veten duke mos besuar që është ende këtu dhe që po e çon klubin përpara në kaq shumë mënyra”.

“Bisedat që bën, mënyra se si sillet, edhe para ndeshjes së sotme, më tregonte çfarë është e rëndësishme, çfarë të kërkoj dhe çfarë të bëj”.

“Është një person shumë i lehtë për t’u komunikuar, qoftë për futbollin, familjen, të kaluarën apo të ardhmen. Ai është thjesht një njeri shumë i mirë”.

Në fund, mesfushori i Sunderlandit theksoi se ambienti i krijuar nga figura me përvojë si Granit Xhaka po ndihmon në rritjen e standardeve brenda skuadrës, pavarësisht minutazhit individual të secilit lojtar në fushë.

Sinjali – aty ku e vërteta flet para lajmit!

/GazetaSinjali/

The post Ylli i Sunderlandit me fjalë të mëdha për Granit Xhakën: Ai është një lider dhe lojtar shumë i veçantë appeared first on Sinjali.

Komandanti i Komandës Rajonale–Perëndim të misionit të udhëhequr nga NATO-ja në Kosovë, KFOR, kolonel Lorenzo Mangia, ka kryesuar paradën e medaljeve për kontingjentin shumëkombësh, e cila është mbajtur në Pejë.

Sipas njoftimit zyrtar, gjatë ceremonisë pjesëtarët e kontingjentit shumëkombësh janë nderuar me Medaljen e NATO-s për operacionet jashtë Nenit 5, në shenjë vlerësimi për profesionalizmin e lartë, përkushtimin dhe shërbimin e tyre në funksion të paqes dhe stabilitetit në Kosovë.

“Gjatë ceremonisë, pjesëtarët e kontingjentit shumëkombësh u nderuan me Medaljen e NATO-s për operacionet jashtë Nenit 5, në shenjë vlerësimi për profesionalizmin e tyre të lartë, përkushtimin dhe shërbimin ndaj paqes dhe stabilitetit në Kosovë”, thuhet në njoftim.

Po ashtu, kolonel Mangia ka shprehur mirënjohjen e tij për personelin e dekoruar, duke vlerësuar kontributin e tyre të rëndësishëm në përpjekjet e vazhdueshme të KFOR-it për të garantuar një mjedis të sigurt për të gjitha komunitetet që jetojnë në Kosovë.

Sinjali – aty ku e vërteta flet para lajmit!

/GazetaSinjali/

The post Pjesëtarët e KFOR-it nderohen me medaljen e NATO-s për shërbim ndaj paqes në Kosovë appeared first on Sinjali.

Kryeministrja e Italisë, Giorgia Meloni, i ka kërkuar NATO-s të premten të zhvillojë “një prani të koordinuar” në rajonin e Arktikut, me qëllim parandalimin e tensioneve dhe përgjigjen ndaj “ndërhyrjes nga aktorë të tjerë”, në një kohë kur tensionet midis aleatëve perëndimorë mbi Groenlandën po përshkallëzohen.

Në një letër të lexuar gjatë prezantimit të një dokumenti të qeverisë italiane mbi Arktikun, Meloni tha se rajoni po bëhet gjithnjë e më i rëndësishëm për shkak të zhvillimit të rrugëve të reja detare dhe “burimeve të tij të mëdha të energjisë dhe mineraleve”.

Italia ka pasur statusin e vëzhguesit në Këshillin Arktik që nga viti 2013 dhe e ka përditësuar politikën e saj mes tensioneve të fundit midis SHBA-së dhe Danimarkës mbi Groenlandën, të cilat theksuan rëndësinë e fokusit në këtë zonë.

Presidenti i SHBA-së, Donald Trump, ka ripërtërirë thirrjet për kontrollin amerikan të Groenlandës për të parandaluar pushtimin e saj nga Rusia ose Kina. Ishulli, një territor autonom i Danimarkës, e hodhi poshtë idenë gjatë bisedimeve të mbajtura në Uashington këtë javë, duke nxjerrë në pah dallimet “themelore”.

“Ne jemi një vend vëzhgues në Këshillin Arktik dhe gjithmonë kemi mbështetur respektin për të drejtën ndërkombëtare, duke filluar me Konventën e OKB-së mbi Ligjin e Detit”, tha Meloni.

Sinjali – aty ku e vërteta flet para lajmit!

/GazetaSinjali/

The post Tensionet në Groenlandë, Meloni: NATO duhet të koordinohet në Arktik për të parandaluar përshkallëzimet appeared first on Sinjali.

Sulmuesi kosovar i Mallorcës, Vedat Muriqi, thuhet se është i interesuar për t’u rikthyer në Superligën e Turqisë, te Fenerbahçe.

Sipas raportimeve nga burime brenda klubit të Stambollit, Youssef En-Nesyri po tërheq interesim nga disa klube, përfshirë Nottingham Forest dhe Everton nga Liga Premier, si dhe Napoli nga Serie A. Për këtë arsye, Fenerbahçe po planifikon të përgatisë një sulmues për ta zëvendësuar ish-sulmuesin e Sevillas, nëse lind nevoja.

Në këtë kontekst, sipas gazetës AS, Vedat Muriqi është duke u konsideruar si opsioni kryesor për repartin ofensiv të klubit turk.

Muriqi, i cili kishte qenë pjesë e Fenerbahçes në sezonin 2019–2020, ka kontaktuar agjentin e tij, ish-lojtarin e NBA-së, Mirsad Turkcan, duke i shprehur dëshirën për t’u kthyer në Turqi.

Trajneri Domenico Tedesco raportohet se është i interesuar për shërbimet e Muriqit, ndërsa drejtuesit e Fenerbahçes pritet të zhvillojnë bisedime me Mallorcën për të negociuar një transferim të mundshëm.

Sipas mediumit turk Sozcü, Fenerbahçe do t’i bëjë një ofertë zyrtare Mallorcës për Muriqin, për të cilin thuhet se klubi verdhë e kaltër ka ndarë një shumë prej 15 milionë eurosh.

Megjithatë, pengesë për realizimin e transferimit mbetet fakti se Mallorca ka nënshkruar një kontratë të re me Muriqin në fillim të sezonit dhe nuk është e gatshme ta lëshojë sulmuesin me përvojë pa u përmbushur shifra e kërkuar.

Ndryshe, Vedat Muriqi ka kontribuar me 11 gola në 18 ndeshje me fanellën e Mallorcës këtë sezon dhe ka kontratë me klubin spanjoll deri në vitin 2029.

Fenerbahçe e kishte transferuar Muriqin nga Çaykur Rizespor për 5.6 milionë euro në vitin 2019, ndërsa një vit më vonë e shiti atë te Lazio për 21 milionë euro.

Sinjali – aty ku e vërteta flet para lajmit!

/GazetaSinjali/

The post Muriqi midis Mallorcës dhe Fenerbahçes appeared first on Sinjali.

Udhëheqësi kinez, Xi Jinping, dhe kryeministri i Kanadasë, Mark Carney, kanë njoftuar uljen e tarifave tregtare pas një takimi të mbajtur në Pekin, duke sinjalizuar një përmirësim të marrëdhënieve mes dy vendeve.

Sipas marrëveshjes së arritur, Kina do të ulë tarifat për vajin e kanolës të importuar nga Kanadaja nga 85% në 15% deri më 1 mars. Ndërkohë, Kanadaja do të vendosë një taksë prej 6.1% për automjetet elektrike të importuara nga Kina, sipas normës së “kombit më të favorizuar”.

Kjo marrëveshje vlerësohet si një përparim i rëndësishëm pas vitesh marrëdhëniesh të tensionuara dhe masash ndëshkuese reciproke. Xi Jinping e cilësoi këtë zhvillim si një pikë kthese në marrëdhëniet dypalëshe.

Nga ana tjetër, marrëveshja përbën edhe një fitore politike për Mark Carney, i cili është lideri i parë kanadez që viziton Kinën pas gati një dekade, raporton BBC.

Carney po synon të diversifikojë tregtinë e Kanadasë dhe ta zvogëlojë varësinë nga Shtetet e Bashkuara të Amerikës, partneri më i madh tregtar i vendit, për shkak të pasigurisë së krijuar nga tarifat e paqëndrueshme të vendosura nga presidenti amerikan, Donald Trump.

Marrëveshja mund të hapë gjithashtu rrugën për më shumë investime kineze në Kanada, e cila ndodhet shumë pranë kufirit amerikan. Vetë Carney la të kuptohej se ky afrim është pjesërisht pasojë e tarifave të SHBA-së, të cilat kanë shtyrë një aleat kyç amerikan drejt rivalit të tij më të madh.

Ai u shpreh se marrëdhëniet e Kanadasë me Kinën kanë qenë më “të parashikueshme” muajt e fundit dhe se bisedimet në Pekin i kishte parë si “realiste dhe të respektueshme”. Megjithatë, Carney theksoi se Otava nuk është dakord me Pekinin për çdo çështje, duke përmendur “vijat e kuqe” të Kanadasë, përfshirë të drejtat e njeriut dhe shqetësimet për ndërhyrje në zgjedhje.

Vëzhguesit vlerësojnë se vizita e Carneyt në Kinë mund të shërbejë si shembull për vende të tjera që po ndjejnë presionin e tarifave amerikane. Ndërkohë, Xi Jinping po përpiqet ta paraqesë Kinën si një partner global të qëndrueshëm, duke promovuar marrëdhënie më pragmatike dhe bashkëpunim me fitim reciprok.

Sinjali – aty ku e vërteta flet para lajmit!

/GazetaSinjali/

The post Kina dhe Kanadaja bien dakord për uljen e tarifave pas takimit Xi–Carney në Pekin appeared first on Sinjali.

Venezuela ka liruar nga burgu shtetas të Shqipërisë, Çekisë, Hungarisë, Holandës dhe Gjermanisë dhe shteteve të tjera, njoftuan disa nga këto vende.

Lirimi i tyre është pjesë e një vale të lirimeve nga burgu pasi Shtetet e Bashkuara arrestuan presidentin e rrëzuar, Nicolas Maduro.

Një burrë nga Çekia që u lirua ishte në burgjet venezuelase që nga viti 2024, kur autoritetet në Venezuelë e akuzuan atë se planifikonte të merrte pjesë në një komplot për të vrarë Maduron dhe për të rrëzuar Qeverinë, raportuan mediat në Republikën Çeke.

Ministria e Jashtme e Çekisë kishte deklaruar vitin e kaluar se një shtetas çek ishte arrestuar pa “ndonjë aktakuzë dhe pa një gjykim të drejtë”. Grupi venezuelas për të drejtat e njeriut, Foro Penal, tha se ai u arrestua për arsye pilitike.

Ministri i Jashtëm i Çekisë, Petr Macinka, tha se ai u lirua së bashku me të burgosur të tjerë nga Shqipëria, Irlanda, Rumania, Gjermania, Ukraina dhe Holanda.

Ende nuk dihet se sa është numri i shqiptarëve të liruar nga burgjet në Venezuelë dhe ende nuk ka ndonjë reagim zyrtar për këtë çështje.

“Pas negociatash prej disa javësh, kemi arritur lirimin e tij”, tha Macinka gjatë një konference për media, duke shtuar se Republika Çeke është e gatshme që të përmirësojë raportet diplomatike me Venezuelën.

Ministri i Jashtëm gjerman, Johann Wadephul, shkroi në X se janë liruar tre shtetas gjermanë, duke e cilësuar si “gjest drejt raporteve më konstruktive”, njofton rel.

Holanda tha se tre shtetas të saj janë liruar, ndërkaq Hungaria njoftoi për lirimin e një shtetasi të saj që kishte qenë në një anije kërkimore.

Jorge Rodriguez, president i Asamblesë Kombëtare të Venezuelës, dhe presidenti amerikan, Donald Trump, kanë deklaruar se një numër i madh i të burgosurve do të lirohen pasi SHBA-ja kapi Maduron në fillim të janarit.

Venezuela tha gjatë kësaj jave se më shumë se 400 persona janë liruar, por grupet për të drejtat e njeriut kanë deklaruar se numri i të liruarve është më i vogël.

Sinjali – aty ku e vërteta flet para lajmit!

/GazetaSinjali/

The post Venezuela liron shtetas të huaj nga burgu, përfshirë edhe shqiptarë appeared first on Sinjali.