Papa Leo shprehu të dielën shqetësimin e tij të thellë për rritjen e tensioneve ndërmjet Shteteve të Bashkuara dhe Kubës, duke apeluar për një “dialog të sinqertë dhe efektiv” për të parandaluar dhunën dhe vuajtjet e mëtejshme për popullin kuban.
Këtë shqetësim Papa Leo e shprehu pas lutjes së tij të përjavshme të Angelus, ku gjithashtu theksoi rëndësinë e ndërmarrjes së veprimeve për të shmangur çdo përshkallëzim të situatës. “Të gjithë ata që janë përgjegjës duhet të nxisin një dialog të sinqertë dhe efektiv për të shmangur dhunën dhe vuajtjet e mëtejshme për popullin e dashur kuban,” tha ai.
Ky apel erdhi pas vendimit të Presidentit të SHBA-së, Donald Trump, që javën e kaluar shpalli masa tarifore ndaj importeve nga shtetet që furnizojnë Kubën me naftë, duke e rritur presionin mbi regjimin kuban. Ky veprim u pasua nga largimi i Presidentit të Venezuelës, Nicolás Maduro, një aleat i rëndësishëm i Kubës, në fillim të muajit janar.
Trump argumentoi se këto tarifa janë të nevojshme për të mbrojtur “sigurinë kombëtare dhe politikën e jashtme të SHBA-së nga veprimet dhe politikat e dëmshme të regjimit kuban.”
Në adresën e tij, Papa gjithashtu kujtoi viktimat e shembjes së minierës në Republikën Demokratike të Kongos, si dhe ata që po vuajnë nga fatkeqësitë natyrore në Portugali, jug të Italisë dhe Mozambik. Ai bëri thirrje gjithashtu për përdorimin e Lojërave Olimpike Dimërore të Milano-Kortina për të promovuar paqen, duke kërkuar që udhëheqësit botërorë të ndërmarrin hapa konkretë drejt de-eskalimit dhe dialogut.
Lojërat Olimpike do të mbahen nga 6 deri më 22 shkurt në Milano dhe stacionin malor të Cortina d’Ampezzo./mxh
Zëvendëskryetari i Këshillit të Sigurisë të Rusisë, Dmitry Medvedev, ka theksuar se Rusia është afër fitores ushtarake në luftën kundër Ukrainës, por ka shtuar se është po aq e rëndësishme të mendohet për pasojat e kësaj fitoreje, duke e cilësuar si një mundësi për të parandaluar konflikte të reja në të ardhmen.
Në një intervistë për bloggerin rus të luftës, WarGonzo, Medvedev u shpreh se fitorja është shumë e rëndësishme dhe tashmë mund të vërehet përmes disa indikatorëve. Ai theksoi se qëllimi kryesor i operacionit ushtarak special të Rusisë, i vendosur nga presidenti Vladimir Putin, ka mbetur i pandryshuar që nga fillimi, me disa nuanca, por në përgjithësi qëllimet janë të njëjta.
“Sot, është shumë e qartë se fitorja ushtarake është e rëndësishme, dhe ajo mund të shihet në disa tregues. Ju e dini këtë mirë, pasi keni ardhur nga fronti, e ndieni vetë. Por është po aq e rëndësishme të mendojmë për atë që vjen më pas. Qëllimi i fitores është të parandalojmë konflikte të reja, është e dukshme,” tha Medvedev.
Për më tepër, Medvedev ka përmendur se, megjithë dallimet mes Luftës së Dytë Botërore dhe luftës aktuale, thelbi mbetet i njëjtë: Rusia është duke mbrojtur atdhenë dhe jetën e qytetarëve të saj. Ai u shpreh se pavarësisht se ai dhe brezi i tij nuk e përjetuan Luftën e Dytë Botërore, kanë mësuar shumë nga historia dhe se tani po përjetojnë një situatë të ngjashme, duke luftuar për mbrojtjen e vendit dhe familjeve të tyre.
Në një moment tjetër të intervistës, Medvedev u pyet nëse lufta në Ukrainë mund të cilësohet si një “luftë e popullit”, dhe ai pranoi se ka pasur shumë konflikte në historinë e Rusisë, por për herë të parë, këto veprime ushtarake janë të lidhura ngushtë me mbrojtjen e interesave kombëtare dhe të qytetarëve të Rusisë.
“Ky është një rast i mbrojtjes së vendit tonë, dhe kjo është diçka që do të zgjasë përgjithmonë, ashtu siç do të kujtohen heroizmat e popullit që po lufton për ne sot,” tha ai.
Medvedev gjithashtu e përmendi se pas fitores ushtarake, është e rëndësishme që Rusia të parandalojë çdo lloj konflikti të ri, duke i dhënë fund një periudhe tensionesh dhe duke e siguruar stabilitetin afatgjatë për vendin dhe popullin e tij./mxh
Gjatë një interviste në “Big Brother VIP Fan Club”, Anxhelo Haruni foli për herë të parë për një romancë të së shkuarës, për të cilën u përfol shumë nëpër portale gjatë qëndrimit të tij në shtëpinë e “Big Brother VIP Albania 5”.
Emri u konfirmua dhe lajmet ishin të vërteta, mes tij dhe moderatores Neada Muçaj pati një lidhje e cila zgjati për rreth tre vite. Edhe pse gjërat mes tyre kishin përfunduar, kur u pyet nga Kiara Tito mbi ndjenjat, Anxhelo u shpreh se ende ishte shumë i ndikuar nga ajo marrëdhënie e së shkuarës.
“Sigurisht, një lidhje gati 3-vjeçare nuk hidhet dot poshtë në asnjë moment. Një njeri i cili bëhet pjesë e jotja, nxjerr anët më të mira të tuat vazhdimisht, do të qëndrojë me ty gjithë jetën. Qëndron në zemër gjithë jetën, absolutisht. Pastaj nëse ka diçka më tutje, këtë nuk di ta them në këtë moment, por më ndikon akoma. Kaq mund të them.”
Ndër të tjera, ai nuk nguroi t’i jepte edhe një mesazh përmes ekranit.
“Nëse do t’i thoja diçka, është që shfaq vetëm anën më të mirë të vetes tënde, kthehu njeriu pozitiv edhe i lumtur që ishe siç di ti të bësh.”
Pa u ndalur në arsye të tjera mbi mbylljen e marrëdhënies, ai u shpreh se prej një viti nuk kishte pasur më asnjë komunikim mes tyre./mxh
Disa regjistrime zëri të papublikuara më parë, ku Michael Jackson shpreh disa mendime “intime” për fëmijët, do të bëhen publike në një dokumentar të ri televiziv.
Këngëtari dëgjohet duke folur hapur për ndjenjat dhe interesin e pazakontë që kishte ndaj fëmijëve, aq sa në një moment dëgjohet të thotë se po të mos kishte ata pranë ishte i gatshëm të hiqte dorë nga jeta e tij.
“Nëse do të më thoshe tani… Michael, nuk do të mund të shihje më kurrë asnjë fëmijë… do të vrisja veten,” thotë ai.
Menjëherë pas kësaj shtoi: “Fëmijët e duan personalitetin tim. Ndonjëherë kjo më shkakton probleme.”
Këto regjistrime krijojnë një këndvështrim të ri mbi lidhjen e ngushtë që Michael Jackson kishte me fëmijën që i mbijetoi betejës me kancerin, Gavin Arvizo, i cili më vonë e akuzoi për abuzim seksual gjatë një gjyqi penal në vitin 2005.
Dokumentari pasqyron gjyqin e atij viti, i cili u përqendrua në miqësinë mes atyre të dyve.
Gjatë vitit 2005, Michael Jackson u përball me disa akuza serioze, përfshirë ngacmim seksual dhe dehjen e një fëmije, si dhe komplot për mbajtjen peng të tij dhe familjes së tij. Në përfundim të gjyqit, ai u shpall i pafajshëm për të gjitha akuzat.
Kompania britanike e prodhimit “Wonderhood Studios” ka siguruar këto regjistrime për dokumentarin e ri të Channel 4 me titull “The Trial” (Gjyqi), i cili transmetohet javën e ardhshme.
Një burim i brendshëm, që ka dëgjuar regjistrimet, tha:
“Ka diçka jashtëzakonisht të pazakontë dhe shqetësuese në fiksimin e Michael Jackson-it ndaj fëmijëve, veçanërisht ndaj atyre që nuk ishin të tij. Të dëgjosh zërin e tij duke folur për fëmijët në këtë mënyrë, duke pasur parasysh se ishte i akuzuar për ngacmim seksual, ngre shumë pyetje mbi shëndetin e tij mendor, gjendjen psikologjike dhe fatkeqësisht edhe mbi qëllimet e tij. Ky është Michael në momentin e tij më të sinqertë, duke na treguar edhe më hapur se ishte i ‘dashuruar’ pas fëmijëve dhe i fiksuar pas dëshirës për të qenë pranë tyre. Ai nuk shihte asgjë të gabuar në sjelljen e fëmijëve në shtëpinë dhe shtratin e tij, pa mbikëqyrjen e prindërve, duke i justifikuar këto veprime si miqësi dhe dëshirë për t’i ndihmuar ata. Ai madje shkonte deri aty sa arrinte të thoshte se shumica e fëmijëve të përkëdhelur prej tij binin në dashuri me të.”
Sipas burimit, këto shprehje të thëna nga një burrë beqar në të 40-at janë shumë shqetësuese.
Burimi shtoi gjithashtu: “Ka edhe pamje filmike të zbuluara, që tregojnë se si Michael u kujdes për Gavin gjatë betejës së tij me kancerin. Shumë mjekë mendonin se diagnoza e tij ishte vdekjeprurëse, por Michael nuk e humbi kurrë shpresën. Ai tregonte se i thoshte Gavin-it se për të dukej si një engjëll.”
Ndërkohë, producenti ekzekutiv, Tom Anstiss, tha se rrëfimet e këngëtarit në ato regjistrime janë shumë të vërteta, aq sa në disa pjesë teksa ai flet për fëmijët fillon të përlotet./mxh
Publikimi i fundit i dosjeve Epstein nga Departamenti i Drejtësisë ofron të dhëna të reja se si stafi i ish-presidentit amerikan Bill Clinton komunikoi me Jeffrey Epstein dhe bashkëpunëtoren e tij të gjatë, Ghislaine Maxwell, duke përfshirë shkëmbime email-esh ndonjëherë të pahijshme.
Publikimi i dosjeve Epstein të premten – më shumë se 3 milionë dokumente – vjen pas një grupi më të vogël, më të hershëm në dhjetor, që zbuloi foto të papara më parë të Bill Clinton dhe Epstein së bashku dhe një foto të Clinton pa bluzë në një vaskë me dikë që një zyrtar i Departamentit të Drejtësisë e përshkroi si “viktimë” të abuzimit seksual të Epstein.
Dosjet më të fundit përfshijnë komunikime të shpeshta midis Maxwell – e cila aktualisht është në burg për trafikim seksual – dhe stafit të Clinton midis viteve 2001 dhe 2004.
Ishte gjatë kësaj periudhe që Bill Clinton udhëtoi me stafin e tij në aeroplanin privat të Epstein të paktën 16 herë sipas një analize të CNN.
Gjithashtu, midis dosjeve të publikuara rishtazi është një listë me akuza për abuzim seksual kundër presidentit Donald Trump nga informacione të paverifikuara që Departamenti i Drejtësisë përpiloi verën e kaluar.
Kjo listë i referohet gjithashtu akuzave ndaj Bill Clinton.
Të dy burrat kanë mohuar çdo shkelje që lidhet me Epstein.
I pyetur mbi akuzat kundër Trumpit në dokumente, Shtëpia e Bardhë iu referua një deklarate të Departamentit të Drejtësisë se “ky prodhim mund të përfshijë imazhe, dokumente ose video të rreme ose të paraqitura në mënyrë të rreme”.
Një zëdhënës i Clinton ka thënë vazhdimisht se ish-presidenti i ka prerë lidhjet me Epstein përpara se financieri i turpëruar të akuzohej për nxitje prostitucioni në vitin 2006 dhe nuk ka qenë në dijeni të krimeve të tij.
Clinton gjithashtu ka mohuar të ketë vizituar ndonjëherë ishullin e Epstein.
Ndryshe, zëdhënësi i Clintonit, Angel Urena tha se Bill nuk dërgoi asnjë nga emailet në dosjet e Epstein.
“Nuk mund ta konfirmoj se i kujt ishte, mund t’ju them vetëm se i kujt nuk ishte: i Bill Clintonit”, tha Urena.
“Do të thoja se ai nuk ka dërguar kurrë email, por në të vërtetë e ka bërë këtë dy herë në jetën e tij , si president. Një herë ish-astronautit dhe senatorit John Glenn ndërsa ai po orbitonte Tokën në bordin e anijes kozmike Discovery, dhe një tjetër trupave amerikane që shërbenin në Adriatik”, shtoi ai.
Në një email të prillit 2003, Maxwell i shkroi një adrese postare të redaktuar të zyrës së Clintonit: “Gëzohem që po vini në darkë – JE thotë, a mendoni se Clintonit do t’i pëlqente të vinte – më njoftoni”.
Në një email tjetër nga dhjetori i vitit 2001 , një anëtar i stafit të Clinton i kërkoi Maxwell numrin e telefonit të Princit Andrew për të koordinuar një lojë golfi gjatë një udhëtimi të Bill Clinton në Skoci.
Maxwell u përgjigj: “Sapo fola me Andrew. Ai nuk është aktualisht në Skoci, por do të shkojë atje. Ai tha se nëse i jap një numër, do ta telefonojë Clinton. Doug, a do që ai të të telefonojë”.
Nuk është e qartë se për kë bëhet fjalë me “Doug”, por një këshilltar i lartë i Clinton në atë kohë ishte Doug Band.
Në një shkëmbim tjetër mesazhesh të vitit 2002, një person, emri i të cilit është redaktuar, i shkroi Maxwellit nga një adresë emaili e Clintonit: “Shkova në shtëpi me dikë që kam pasur më parë, një 40-vjeçare bjonde me gjoks të madh, nëse mund ta besoni këtë. Duhet të ndaloj së piri”.
Megjithatë, nuk ka prova në dosje që tregojnë se Maxwell i ka dërguar personalisht email ish-presidentit dhe anasjelltas./mxh
Ditët e fundit, dedikimet e Besit në rrjetet sociale kishin ngjallur kureshtje dhe spekulime, ndërsa tashmë gjithçka duket se është më e qartë. Pas lumturisë që shfaqet tek aktori, fshihet dashuria.
Gjatë një koncerti të zhvilluar dje, Besi vendosi t’i japë fund pyetjeve dhe komenteve të shumta nga ndjekësit, duke zbuluar publikisht personin për të cilin është bërë tatuazhi i tij më i fundit. Përballë audiencës, aktori ndau një moment tejet emocional, që u shndërrua në një deklaratë të hapur dashurie:
“Jini falenderues Zotit në ditët tuaja më të mira dhe në ditët më të vështira. Gjithë jetën time kam bërë për të qeshur publikun, por viteve të fundit më kishte humbur buzëqeshja. Dhe meqë më keni pyetur aq shumë për tatuazhin tim të ri, dua të falenderoj Zotin që më solli pranë dikujt që më riktheu buzëqeshjen. Ejona, të dua!”
Mesazhi ishte i qartë: Ejona është ajo që ka rikthyer lumturinë tek Besi, duke e bërë të duket më i lumtur se kurrë./mxh
Dy motrat Kylie Jenner dhe Kourtney Kardashian kanë sjellë një frymë të epokës së artë të Hollywood-it, duke rikrijuar një nga imazhet më të famshme të Sophia Loren dhe Jane Mansfield nga vitet ’50.
Fotografia e bardh e zi tregon Kylie-n dhe Kourtney-n me veshje të spikatura, dekolte të theksuar dhe stil flokësh vintage, duke kapur elegancën dhe estetikën klasike të Hollywood-it të asaj periudhe.
Kourtney, e njohur për markën e saj Lemme, ka përdorur këtë projekt për të prezantuar linjën e limituar Lemme x Kylie Cosmetics Skin Glaze Gummies, duke e ndarë këtë moment edhe me ndjekësit e saj në rrjete sociale.
Ky homazh vizual rikthen magjinë e vitit 1957 dhe stilin legjendar të dy ikonave të filmit, duke treguar se eleganca klasike është gjithmonë në modë./mxh
Deputeti demokrat, Tritan Shehu ka reaguar lidhur me listën e re të çmimeve të ilaçeve.
Përmes një postimi në rrjetet sociale, Shehu, edhe si mjek në profesion, e cilëson këtë akt si një politike që dëmton shëndetin publik dhe ushqen korrupsionin në vend.
“Lista e re e çmimeve të barnave synon të mbulojë kolapsin financiar të ISKSh-së duke rritur ndjeshëm praninë e medikamenteve me origjinë jo të sigurt për qytetarët.
Ulja e çmimeve për barnat patente dhe ato të kompanive serioze, pa negocim dhe pa transparencë, po i largon nga tregu medikamentet e sigurta, të certifikuara nga EMA dhe FDA, që qarkullojnë në vendet e BE-së.
Në vend të tyre, qytetarëve po u ofrohen gjithnjë e më shumë medikamente me origjinë të pasigurt, pa certifikime ndërkombëtare, të cilat nuk lejohen të qarkullojnë as në BE dhe as në Kosovë.
Medikamentet nuk janë mallra të zakonshme. Parametri kryesor i tyre është efektiviteti klinik dhe siguria, të garantuara vetëm përmes certifikimeve ndërkombëtare, për Europën nga EMA.
Kolapsi financiar i ISKSh-së nuk mund të korrigjohet duke rrënuar më tej sigurinë medikamentoze dhe duke vënë në rrezik jetën dhe shëndetin e qytetarëve.
Sot fondi i rimbursimit mbetet rreth 100 milion euro, duke detyruar qytetarët të paguajnë rreth 60% nga xhepi, ndërkohë që në BE kjo barrë është rreth 10%.
Amendamentet qe paraqita për rritjen e buxhetit të shëndetësisë dhe rikthimin e detyrimit ligjor për certifikim EMA/FDA u rrëzuan, duke shtuar zbrazjen e listës së rimbursimit nga barnat e sigurta dhe mbushjen e saj me “fake drugs”, te importit e prodhimit vendas.
Kjo politikë dëmton shëndetin publik, ushqen korrupsionin”,-shkruan Shehu./mxh
E ardhmja e Ademola Lookman do të jetë te Atletico Madrid, edhe pse marrëveshja ende mbetet për t’u formalizuar.
Klubi spanjoll ka paraqitur një ofertë prej 35 milionë eurosh plus 5 milionë në formë bonusesh, duke përmbushur kërkesat ekonomike të Atalantës.
Sulmuesi nigerian ka pranuar ofertën e Diego Simeones, që i garanton rreth 6 milionë euro në sezon, përfshirë bonuset. Lookman nuk do të jetë i pranishëm në ndeshjen e radhës ndaj Comos.
Fenerbahçe, ndonëse kishte arritur një marrëveshje me lojtarin, është tërhequr për shkak të mungesës së garancive financiare. Atalanta realizon një tjetër operacion të rëndësishëm në merkato pas afrimit të Raspadorit.
Atletico zëvendëson Raspadorin me Lookman, duke mbyllur një operacion të konsideruar strategjik nga të dy klubet./mxh
-Marrë nga BBC News- Çmimet Grammy 2026, të cilat shënojnë edicionin e 67-të, vazhdojnë të konsiderohen “nata më e madhe e muzikës”. Ceremonia e këtij viti do të mbahet në Los Anxhelos sot, këtë të dielë, duke mbledhur një sërë artistësh të njohur, nga Harry Styles te Chaka Khan. Me 95 çmime që do të shpërndahen gjatë tetë orëve, ngjarja premton të jetë e mbushur me emocione…
Juventus po bën përpjekje intensive në minutat e fundit të merkatos për të siguruar shërbimet e Kolo Muani, një dëshirë e trajnerit Luciano Spalletti. Kontaktet me Tottenham-in kanë vazhduar, por presioni nga lojtari dhe drejtori sportiv Marco Ottolini nuk ka mjaftuar deri tani për të ndryshuar planet e “Spurs”. Klubi anglez nuk dëshiron ta lëshojë Kolo Muani para kohe, pasi ai është në huazim nga…
Wolves janë pranë finalizimit të një marrëveshjeje huazimi për mesfushorin anglez të Marseilles, Angel Gomes. Bisedimet mes klubeve kanë qenë në vazhdim për rikthimin e ish-lojtarit të Manchester United në Premier League. Burimet tregojnë se marrëveshja është në një fazë të avancuar dhe do të përfshijë fillimisht një huazim me opsion blerjeje. Gomes iu bashkua Marseilles nga Lille gjatë verës…
Udhëheqësi Suprem i Iranit, Ayatollah Ali Khamenei, ka paralajmëruar Presidentin amerikan Donald Trump se i gjithë rajoni do të përfshihet në konflikt nëse SHBA fillon një luftë. Kjo vjen pasi Presidenti Trump paralajmëroi për veprime ushtarake kundër Iranit pas vrasjes së protestuesve paqësorë dhe njoftoi dërgimin e “anijeve shumë të mëdha dhe të fuqishme” amerikane drejt rajonit.
Presidenti Donald Trump deklaroi se Shtetet e Bashkuara kanë nisur bisedimet me udhëheqësit kubanë, ndërkohë që administrata e tij po rrit presionin ndaj ishullit komunist dhe po ndërpret furnizimet kyçe me naftë. Komentin, presidenti e bëri për gazetarët të shtunën mbrëma, gjatë fluturimit për në Florida. Kjo vjen pas lëvizjeve të tij të fundit për të ndërprerë furnizimet me naftë nga Venezuela…
Nottingham Forest ka arritur një marrëveshje me Manchester City për portierin Stefan Ortega, me vlerë deri në 500,000 paund. Klubi po kërkon gjithashtu të sigurojë mesfushorin e Inter Milan, Davide Frattesi, fillimisht në huazim me opsionin për një transferim të përhershëm. Këto lëvizje vijnë ndërsa Forest synon të forcojë skuadrën e tij. Frattesi, 26 vjeç, ka luajtur 33 ndeshje me kombëtaren e…
Izraeli kreu sulmet ajrore më të rënda në Gaza në javë të shtunën, duke vrarë të paktën 28 persona, sipas zyrtarëve palestinezë të shëndetësisë. Kjo valë dhune vjen pavarësisht armëpushimit të ndërmjetësuar nga SHBA, i cili hyri në fazën e dytë në fillim të këtij muaji. Si Izraeli ashtu edhe grupi militant palestinez Hamas kanë akuzuar njëri-tjetrin për shkelje të marrëveshjes së brishtë të…
Policia e Kosovës ka njoftuar për një rast të kanosjes së gazetarëve në Viti.
Rasti ka ndodhur të premten, në ora 14:30.
“Viti 30.01.2026-14:30. Raportohet se pas përfundimet të një seance gjyqësore që ishte duke u mbajtur në Gjykatën Themelore në Viti, gazetarët janë kanosur nga i dyshuari mashkull kosovar, i cili gjendej në sallën e gjykimit”, thuhet në raport.
Lidhur me rastin është njoftuar prokurori. Rasti nën hetime. /Telegrafi/
Gjykata Themelore në Pejë – Departamenti për Krime të Rënda, me gjyqtarin e procedurës paraprake Shaqë Curri, ka caktuar masën e paraburgimit në kohëzgjatje prej një muaji ndaj të pandehurit T.P., pas kërkesës së Prokurorisë Themelore në Pejë – Departamenti për Krime të Rënda.
I pandehuri dyshohet për dhunimin e një të miture në Istog.
Masa e paraburgimit është caktuar për shkak të dyshimit të bazuar se i pandehuri T.P. ka kryer veprën penale “Dhunimi”, nga neni 227 paragrafi 7 lidhur me paragrafin 1, si dhe lidhur me nenin 77 të Kodit Penal të Republikës së Kosovës, ndërsa paraburgimi është caktuar mbi bazën e kushteve ligjore të parapara me Kodin e Procedurës Penale të Republikës së Kosovës.
Paraburgimi i është caktuar nga data 29.01.2026, ora 14:30, dhe do të zgjasë deri më 28.02.2026, ora 16:00. /Telegrafi/
Sot po mbahen punimet e Kuvendit të Lidhjes Demokratike të Kosovës, për të vendosur lidhur me udhëheqjen e partisë pas rezultateve jo të mira në zgjedhjet e 28 dhjetorit.
Para delegatëve të partisë, në fjalë rasti e mbajti kryetari i LDK-së, Lumir Abdixhiku.
E fotoreporteri i Telegrafit, Ridvan Slivova ju sjell fotografi nga punimet e Kuvendit të LDK-së. /Telegrafi/
Policia e Kosovës për rajonin e Pejës ka bërë të dotir se ka arrestuar dy të dyshuar për grabitjen në një këmbimore në Pejë.
Rasti kishte ndodhur më 28.01.2026, rreth orës 15:45 në rrugën “Eliot Engel” në Pejë.
Policia njoftoi se menjëherë i është përgjigjur rastit dhe me të arritur në vendngjarje, ka kuptuar nga viktima e cila ka qenë në orarin e punës se dy persona të maskuar kanë hyrë në lokal dhe nën kërcënimin e thikës kanë arritur t’i marrin nga viktima 1 mijë euro.
Në njoftim tutje thuhet se pas një pune intensive të hetuesve të sektorit rajonal për hetime, në bashkëpunim me njësitet e Stacionit Policor në Istog, më 30.01.2026, rreth orës 23:00, nga zyrtarët policor të Stacionit Policor në Istog janë lokalizuar dhe arrestuar në bjeshkët e Istogut, dy persona të dyshuar për këtë rast.
Pas intervistimit nga hetuesit e sektorit rajonal për hetime, dy të dyshuarit, me urdhër të prokurorit të Shtetit janë dërguar në mbajtje për 48 orë.
Të njëjtit dyshohen edhe për një grabitje tjetër e cila ka ndodhur më 21.12.2025 në rrugën “Bekim Berisha” në Pejë. /Telegrafi/
Login
