Pallati i Rinisë u mbush mbrëmë me energji dhe ritëm gjatë natës së parë të “Supernova”, ku Dafina Zeqiri dhuroi një performancë të paharrueshme. Skena ishte e mbushur me muzikë, drita dhe emocion, duke bërë që publiku të kërcente dhe të këndonte me të gjithë fuqinë e tij.

Por jo gjithçka shkoi pa pengesa. Temperaturat e ulëta brenda sallës sollën pak surpriza për fansat e pranishëm. Shumë ndjekës ndanë në rrjetet sociale shqetësimin e tyre për të ftohtin, duke e përshkruar si “të vështirë për t’u përballuar”. Pavarësisht atmosferës elektrizuese në skenë, disa ndjenja të ngrohtësisë duket se munguan në radhët e para.

Dafina, me stilin e saj të njohur dhe humorin karakteristik, nuk e la këtë situatë të kalonte pa u komentuar. Përmes një InstaStory të publikuar pas koncertit, ajo dha një paralajmërim miqësor për ndjekësit e natës së dytë: “Vishuni trash 😝❤️”. Një mesazh i thjeshtë, por i qartë: muzika do të ndezë atmosferën, por temperaturat e sallës mbeten të paparashikueshme.
Koncerti i dytë, i fundit i kësaj serie, mbahet sonte dhe fansat presin që eksperienca të jetë po aq e zjarrtë, pa pengesat e natës së parë. Të gjithë të pranishmit duhet të jenë të përgatitur: ritmi dhe performanca e Dafina Zeqirit premtojnë një mbrëmje të paharrueshme, por truket për t’u mbajtur ngrohtë janë të domosdoshme.

Një koncert ku muzika ndez shpirtin, por salla… nuk ka fjalë!

The post Çfarë kishte që nuk shkonte në koncertin e Dafinës? appeared first on Albeu.com.

Shkurta Haxhiu është eliminuar nga gara e Big Brother VIP Kosova 4, duke u bërë e larguara e dytë e mbrëmjes së së premtes, në një spektakël të shoqëruar me tensione dhe reagime të forta.

Ajo nuk arriti t’i mbijetojë një nominimi të fortë, ku përballë saj ishin Alba Pollozhani, Labinot Rexha, Benita Zena dhe Dolce. Ky televotim u konsiderua vendimtar, pasi erdhi si pasojë e shkeljes së rregullave të shtëpisë nga disa prej banorëve, duke i çuar ata automatikisht në nominim.

Menjëherë pas largimit nga shtëpia, Shkurta Haxhiu nuk i fshehu pakënaqësitë e saj, duke drejtuar kritika të forta ndaj produksionit të spektaklit. Ajo deklaroi se nuk i ishte dhënë hapësira e nevojshme për të treguar historinë e saj personale dhe për të shpalosur plotësisht identitetin e saj si artiste dhe aktiviste, duke lënë të kuptohet se rrugëtimi i saj në lojë ishte i cunguar dhe i pabarabartë.

Kritikat e Haxhiut nuk u ndalën vetëm te produksioni. Ajo u shpreh ashpër edhe ndaj opinionisteve Leonora Jakupi dhe Olta Gixhari, të cilat i cilësoi si opinionistet më negative që kishte hasur ndonjëherë, duke i akuzuar për qasje të njëanshme dhe mungesë empatie ndaj saj.

Eliminimi i Shkurta Haxhiut ka ngjallur reagime të shumta në rrjetet sociale. Një pjesë e publikut ka shprehur hapur mbështetje për deklaratat e saj, duke kritikuar mënyrën se si u trajtua nga produksioni dhe paneli i opinionistëve. Nga ana tjetër, ka edhe zëra që vënë në pikëpyetje strategjinë e saj brenda shtëpisë, duke argumentuar se ajo nuk arriti ta menaxhonte siç duhet lojën dhe dinamikat me banorët e tjerë.

Debati rreth largimit të saj vazhdon të mbetet i ndezur, duke e bërë eliminimin e Shkurta Haxhiut një nga momentet më të komentuara të këtij edicioni të Big Brother VIP Kosova 4.

The post Shkurta eliminohet nga BBVK 4, akuzon rëndë produksionin në transmetim direkt appeared first on Albeu.com.

Ish-deputet i Partisë Demokratike, Edmond Spaho deklaron se është kundërshtar i vendosur i Ervin Salianjin, por thekson se pavarësisht dallimeve të thella, mbështetja ndaj demokratit është e nevojshme për të ardhmen e PD.

“PD ka rënë në mocal dhe përgjegjësinë kryesore për gjendjen e sotme e ka Sali Berisha, i cili e përdor partinë vetëm për interesat e tij personale,” shprehet Spaho. Ai kritikon gjithashtu Flamur Nokën, të cilin e quan ndër udhëheqësit më të pabesë dhe intrigantë që ka njohur në 35 vitet e tij në PD.

Spaho rikujton se ka pasur përplasje me Lulzim Bashën pas zgjedhjeve të vitit 2021, por gjithmonë me interes të PD dhe jo personal. Ai shton se gjatë viteve 2023-2025 ka mbajtur qëndrim të qartë në Grupin Parlamentar, duke sugjeruar krijimin e një force politike të re, pavarësisht se kjo ide u konsiderua “herezi” nga Sali Berisha.

Edmond Spaho përfundon me një thirrje: “Është përgjegjësi morale dhe qytetare që të gjithë demokratët të mbështesin Ervin Salianjin, pasi çdo ndryshim është në interes të PD, demokracisë dhe vendit.”
REAGIMI I SPAHOS
Unë jam kundërshtar i thekur dhe i vendosur i Ervin Salianjit!
Të gjithë në PD e dinë këtë.
Madjë shumë në PD, mendojnë që unë u dogja në zgjedhjet e vitit 2025, sepse veç kundërshtive të tjera, mbajta qëndrim të ashpër ndaj sjelljes puthadore të Berishës ndaj Ervën Salianjit. I vetmi që nuk i shkova në gjyqin në Apel apo në burg.
Edhe Salianji e di këtë.
Ai di edhe sa shumë ka punuar rrethi i tij politik, por edhe familja e tij në Korçë, që unë të mos fitoja në zgjedhjet e vitit 2025. Frymëzimin dhe udhëzimin për të punuar kundër meje e morën nga burri me pabytë që ka PD, Flamur Noka.
Raportet e mia pa kompromis me Ervin Salianjin, shpjegojnë përplasjet që kam pasur me Lulëzim Bashën, i cili me paburrëri, pas zgjedhjeve të vitit 2021, shiti ata që kishin sakrifikuar për të ndër vite dhe mblodhi rreth vetes lepujt dhe lepurushet e familjes së tij.
Unë nuk kam pasur asgjë personale në përplasjen me lepujt e Lulit, përveçse interesit të PD. Këtë e dinë Lulëzim Basha, Sali Berisha dhe Flamur Noka në takimet dhe debatet që kemi pasur në periudhën Gusht-Shtator 2021.
Në periudhën 2023-2025 kam mbajtur qëndrim të qartë në Grupin Parlamentar (veçanërisht në mbledhjen në fund të muajit Gusht 2023) që Rithemelimi duhet të krijonte Grup Parlamentar me vete, të shkëputur nga grupi i PD, madjë kërkova të krijonim një forcë të re politike.
Mendimet e mia u konsideruan herëzi nga Sali Berisha.
Ndërkohë Berisha pothuaj po mbyllte pazarin me përfaqësuesit e Lulëzim Bashës për t’u bashkuar me ta në një grup të vetëm parlamentar, me kosto të rënda për PD dhe zgjedhjet që pasuan.
Pavarësisht sa më sipër dhe kontradiktave politike që unë kam me Ervin Salianjin, mendoj se lëvizja e tij, i duhet dhe e ndihmon PD.
PD ka rënë në mocal.
Përgjegjësia kryesore për gjendjen ku është PD bie mbi Sali Berishën, i cili e do PD vetëm për interesat e tij.
Veçanërisht përgjegjësë ka Rasputini i Berishës në PD, Flamur Noka, që bahçës të Berishës i ka shtuar një bahçë edhe më të madhe, që quhet bahçja e kënaqësive politike dhe personale të Mulit.
Unë kam 35 vjet në PD por nuk kam hasur ndonjë udhëheqës më të pabesë, intrigant, të papërgjegjshëm, servil, arrogant dhe pa moral politik sa Flamur Noka.
Me gjithë kontradiktat që kam pasur, Ridvan Bodë ndryshon si nata me ditën me Flamur Noken për sa i takon përgjegjësive më të cilat ai e shihte postin e Sekretarit të Përgjithshëm dhe punës kolosale që ndërmori për të organizuar strukturat e PD që të fitonim zgjedhjet e vitit 2005.
Në këto kushte mendoj se, pavarësisht diferencave të thella që unë kam me Ervën Salianjin, të cilat gjithmonë i kam bërë publike, është përgjegjësë morale dhe qytetare që të bëj thirrje të gjithë demokratëve që të mbështesin Ervën Salianjin, pasi çdo ndryshim, nga kushdo që vjen, është në interes të PD, demokracisë dhe vendit.
Lërini përrallat me Suel Celen. Nga sa kam dëgjuar, të paktën 3 deputetë të PD sot në Parlament janë me lidhje me grupet kriminale. Gojet e liga thonë që kanë paguar për t’u futur në listë të mbyllur. Unë nuk e besoj. Mos harroni që PD me sakrifica të mëdha, 12 vjet më parë, miratoi ligjin e dekriminalizimit.
Harrojini gënjeshtrat që në Janar do bëjmë protesta çdo natë, që do rrëzojmë Edi Ramën, që nga sot Rama nuk është më Kryeministër, që ndërkombëtarët na mbështesin.
PD duhet të ndryshojë programin, të zëvendësojë ata që e udhëheqin jo vetëm në nivelet e larta por edhe më poshtë, të ndryshojë gjuhën e komunikimit politik, sjelljen ndaj institucioneve, veçanërisht ndaj SPAK si dhe të ketë një vështrim më të qartë sesi një parti demokratë perëndimore vjen në pushtet.
Harrojeni forcën. Rama është qeverëtari më i korruptuar në botë por lufta ndaj korrupsionit dhe rikthimi në pushtet nuk realizohet me Nongrata.

The post Edmond Spaho thirrje demokratëve të mbështesin Ervin Salianjin, “shpërthen” kundër Berishës e Nokës: PD ka rënë në moçal appeared first on Albeu.com.

Prokuroria pranë Gjykatës së Shkallës së Parë të Juridiksionit të Përgjithshëm Sarandë ka përfunduar hetimet dhe dërgon në gjyq pesë shtetas, midis të cilëve dhe kryeinspektorin dhe inspektorin e Inspektorati Vendor i Mbrojtjes së Territorit (IVMT), Sarandë për veprat penale ‘Shpërdorim detyre’ dhe ‘Ndërtim i Paligjshëm’, parashikuar nga nenet 248 dhe 199/a/4 të Kodit Penal.
Nga hetimet mbi procedimin penal nr.416 të vitit 2023 rezultoi se në zonën e Ksamilit në vendin e quajtur “Kanali i Vivarit”, është ndërtuar në zonë të mbrojtur në një sipërfaqe të madhe pa leje ndërtimi nga Agjencia e Zhvillimit të Territorit si dhe pa kontratë me Agjencinë Kombëtare të Bregdetit.
Kanali i Vivarit bën pjesë në Parkun Kombëtar “Butrint” dhe ka statusin Monument Natyre (MN) sipas Vendimit nr.303, datë 10.5.2019 “Për miratimin e listës së rishikuar, të monumenteve të natyrës shqiptare” (të përditësuar), ndryshuar me VKM nr 187 datë 25.03.2021 “Rishikim”
Nga ana e punonjësve të IVMT Bashkia nuk është mbajtur procedura ligjore në lidhje me konstatimin e plotë të punimeve dhe marrjen e masës administrative ‘dënim me gjobë’.
Sa më sipër u dërgun në gjyq shtetasit:
· R.P, për veprat penale “Ndërtimi i paligjshëm”, parashikuar nga neni 199/a/4 i Kodit Penal dhe “Pushtimi i tokës” parashikuar nga neni 200 i K.Penal. “Shpërdorimi i tokës” parashikuar nga neni 199 dhe “Dëmtimi i habitateve në zonat e mbrojtura mjedisore” parashikuar nga neni 202/b i K.Penal;
· Personin Juridik “Laguna Invest”, për veprën penale “Ndërtimi i Paligjshëm” parashikuar nga neni 199/a/4 i K.Penal, “Pushtimi i tokës” parashikuar nga neni 200 i K.Penal;
· Shtetasit E.Z, B.K, V.X, me detyrë inspektor të IVMT, Bashkia Sarandë në kohën e kryerjes së veprës penale, të akuzuar për veprën penale “Shpërdorimi i detyrës” parashikuar nga neni 248 i K.Penal; dhe
· Shtetasin A.M, me detyrë Kryeinspektor të IVMT Bashkia Sarandë, në kohën e kryerjes së veprës penale, akuzuar për veprën penale “Shpërdorimi i detyrës” parashikuar nga neni 248 i K.Penal.

The post Lejuan ndërtimet pa leje në zonë të mbrojtur në Butrint, Prokuroria Sarandë dërgon në gjyq për ‘Shpërdorim detyre’ kryeinspektorin dhe inspektorët e IVMT, e pësojnë dhe personat që ndërtuan appeared first on Albeu.com.

Presidenti i Shteteve të Bashkuara, Donald Trump, deklaroi të premten se Uashingtoni nuk ka ndërmend ta njohë pavarësinë e Somalilandit. Në një intervistë për gazetën New York Post, Trump iu përgjigj shkurtimisht “Jo” pyetjes nëse SHBA do ta njihte këtë territor si shtet të pavarur, duke shtuar më pas: “A e di vërtet dikush se çfarë është Somalilandi?”.

Deklarata vjen në një moment tensionesh të shtuara pas vendimit të Izraelit për të njohur Somalilandin, një rajon i shkëputur i Somalisë, i cili deri më tani nuk është njohur zyrtarisht nga asnjë vend tjetër në botë. Ky hap ka shkaktuar reagime të forta nga qeveria e Mogadishut dhe shqetësim në disa vende të rajonit.

Somalilandi shpalli njëanshmërisht pavarësinë në vitin 1991, pas rrëzimit të regjimit ushtarak të ish-diktatorit Siad Barre dhe shpërthimit të luftës civile në Somali. Që prej asaj kohe, territori ka funksionuar në mënyrë autonome, me institucionet e veta, përfshirë monedhën, forcat e sigurisë dhe administratën shtetërore, duke ruajtur një stabilitet relativ krahasuar me pjesën tjetër të Somalisë.

Ndërkohë, Somalia vazhdon të përballet me kriza të thella politike dhe të sigurisë, si dhe me sulme të vazhdueshme nga grupi rebel islamist Al-Shabaab. Megjithatë, pavarësisht funksionimit de facto si një entitet i pavarur dhe pozicionit të saj strategjik pranë Ngushticës Bab el-Mandeb — një nga rrugët më të rëndësishme detare që lidh Oqeanin Indian me Kanalin e Suezit, Somalilandi mbetet i panjohur ndërkombëtarisht dhe i izoluar politikisht dhe ekonomikisht.

The post Trump i prerë: Uashingtoni nuk ka ndërmend ta njohë pavarësinë e Somalilandit! appeared first on Albeu.com.

Sulmet digjitale në Shqipëri kanë ardhur duke u sofistikuar përgjatë 12 muajve të fundit. Shpeshherë ato ndodhin në forma të fshehta, por pasojat në integritetin e të dhënave apo sigurinë e qytetarëve janë të dukshme dhe problematike.

Një monitorim i BIRN për hapësirën digjitale në Shqipëri për periudhën kohore shtator 2024-gusht 2025 identifikoi 115 shkelje në total, ku kryesojnë përmbajtjet e dëmshme dhe sjelljet kërcënuese, të ndjekura nga shkeljet e të drejtave ekonomike dhe aseteve digjitale.

Më të prekurit nga këto shkelje janë qytetarët dhe grupet e aktivistëve, ndërkohë që autorët e këtyre sulmeve janë një pjesë të paidentifikuar.

Transferimi i pothuajse të gjitha shërbimeve publike në platformën digjitale qeveritare “e-Albania” përgjatë viteve të fundit është shoqëruar jo vetëm me avantazhe për qytetarët, por edhe me rrisqe përsa i përket mbrojtjes së të dhënave të tyre personale.

Sipas ekspertëve, shkeljet digjitale më të rrezikshme janë përqendruar në sulmet ndaj infrastrukturave kritike të vendit, dezinformimin dhe manipulimin zgjedhor, mashtrimet financiare digjitale, si edhe sulmet online ndaj aktivistëve dhe gazetarëve.

Orkidea Xhaferaj, hulumtuese dhe drejtuese e Departamentit të Politikave Digjitale dhe Inovacionit pranë SCiDEV, i tha BIRN se prej vitesh ka një trend rritës të sulmeve kibernetike në Shqipëri, gjë që reflekton trendin global apo tranformimin digjital që po ndodh në vend.

“Sulmet ndaj infrastrukturave kritike janë më të rrezikshmet, pasi impaktojnë shërbimet publike, dhe së dyti sigurojnë akses të keqbërësve në të dhënat personale dhe sensitive të qytetarëve në masë,” i tha BIRN Orkidea Xhaferaj, duke përmendur si shembull sulmin ndaj Bashkisë Tiranë në qershor 2025, që la pa shërbim mijëra qytetarë.

Daniel Prroni, hulumtues pranë Institutit për Demokraci dhe Ndërmjetësim (IDM) shtoi më tej se një tjetër trend shkeljesh digjitale në 2025 konsiston pikërisht në përhapjen e dezinformimit gjatë fushatës zgjedhore të zgjedhjeve parlamentare të vitit 2025.

“Një tjetër rrezik gjatë këtij viti ka qenë përhapja e dezinformimit dhe manipulimit të informacionit, veçanërisht gjatë fushatës zgjedhore përmes përmbajtjeve të gjeneruara me AI, pa etiketime apo transparencë, dhe përdorimin të bot-eve për të amplifikuar mesazhe politike”, i tha BIRN Daniel Prroni.

Fushata zgjedhore e zgjedhjeve parlamentare të Majit 2025 u karakterizua nga një sërë shkeljesh etike në hapësirën online.

Edhe pse partitë kryesore të vendit nënshkruan Kodin e Etikës për Fushatën Digjitale, shumica e tyre përdorën dhe shpërndanë video të gjeneruara me Inteligjencë Artificiale që patën si efekt bullizëm kibernetik dhe dezinformim ndaj kundërshtarëve politikë. Gjithashtu më shumë se 50 faqe të ndryshme anonime online u përdorën për propagandë politike.

Ekspertët pranojnë gjithashtu se gjatë vitit 2025 të dhënat personale dhe financiare të qytetarëve janë ndikuar ndjeshëm prej një serie sulmesh “phishing” që kanë shënjestruar financat e tyre, sulme të sofistikuara të cilat kamuflohen sikur vijnë prej institucione reale të vendit.

“Mashtrimet digjitale dhe sulmet ‘phishing’ janë bërë gjithnjë e më të vështira për t’u dalluar nga komunikimet legjitime të institucioneve apo operatorëve ekonomik legjitim përmes imitimit të domain-eve të institucioneve shtetërore dhe kompanive private”, i tha BIRN hulumtuesi i IDM, Daniel Prroni.

Të njëjtën gjë konfirmon edhe ekspertja Xhaferaj, sipas të cilës skemat e mashtrimit financiar kanë impakt të drejtpërdrejtë në jetën e qytetarëve.

“Shitja apo rrjedhja e të dhënave personale nga sulmet phishing ndaj qytetarëve rrit vulnerabilitetet për sulme të tjera ndaj tyre”, i tha BIRN Orkidea Xhaferaj.

Autoriteti Kombëtar i Sigurisë Kibernetike (AKSK) ka paralajmëruar disa herë qytetarët të tregohen të kujdesshëm ndaj këtyre tentativave të mashtrimit që targetojnë të dhënat dhe financat e tyre.

Një kategori tjetër që janë prekur nga shkeljet në sferën digjitale janë aktivistët e të drejtave të njeriut, gazetarët, apo anëtarët e komuniteteve vulnerabël, që vijojnë të jenë shënjestër e sulmeve të cilat jo pak herë konsistojnë edhe në kërcënime me jetë apo fushata linçimi që ndikojnë ndjeshëm në mirëqënien e këtyre personave.

Sipas Indeksit Botëror të Lirisë së Shtypit, Shqipëria renditet e 80 nga 180 vende, duke u theksuar se gazetarët janë viktima të akteve të indimidimit nga politikanët dhe krimi i organizuar.

Prroni i tha BIRN se këto sulme ndaj aktivistëve apo gazetarëve vijojnë të mbeten një shqetësim për lirinë e shprehjes.

“Kërcënimet dhe bullizmi kibernetik gjithashtu kanë përbërë një volum të lartë të shkeljeve. Qytetarët e angazhuar në publik dhe grupet e margjinalizuara janë sulmuar vazhdimisht online, shpesh nga njerëz të paidentifikuar”, tha Prroni për BIRN.

“Në thelb, këto sulme kanë synuar të krijojnë një klimë frike dhe presioni që nxit vetëcensurën e gazetarëve dhe shkurajon pjesëmarrjen e qytetarëve në jetë publike”, shtoi ai.

Ekspertët janë të mendimit se ndërgjegjësimi i qytetarëve ndaj këtyre sulmeve është hapi kyç në adresimin e kësaj situate.

“Ndërgjegjësimi dhe rritja e kapaciteteve të qytetarëve për phishing dhe mashtrimet online mbetet kyç për adresimin e situatës”, i tha BIRN Xhaferaj.

Ajo shtoi se edhe forcimi i kapaciteteve të mbrojtjes kibernetike vendore duhet të jetë prioritet për mbrojtjen e infrastrukturave lokale dhe të dhënave të qytetarëve.

Edhe hulumtuesi Prroni nga IDM theksoi rëndësinë e përmirësimit të legjislacionit me mekanizma më efektive hetimi kundër mashtrimeve digjitale apo harmonizimin me rregulloret e BE-së përsa i përket përdorimin të platformave digjitale.

“Nevojiten përmirësime thelbësore të legjislacionit kundër mashtrimeve digjitale dhe mekanizma më efektivë hetimi”, i tha BIRN Prroni.

“Gjithashtu duhet punuar për harmonizimin e akteve të BE-së që rregullojnë mjedisin digjital, posaçërisht DSA-së në lidhje me sjelljen e platformave digjitale dhe Aktin e Inteligjencës Artificiale në lidhje me përdorimin dhe përhapjen e materialeve të gjeneruara nga AI”, përfundoi ai./ Reporter.al

The post ALARM! Rriten s*lmet kibernetike dhe mashtrimet online në Shqipëri appeared first on Albeu.com.

Shumë shoqëri audituese kanë filluar të ofrojnë shërbime kontabiliteti për sipërmarrje të huaja, kryesisht italiane. Një program i specializuar zhvillimi profesional dhe promovimi ndërkombëtar po vendos themelet që Shqipëria të bëhet ofrues rajonal i shërbimeve kontabël për tregjet e BE-së. Rezultatet e para tregojnë kapacitete të qëndrueshme teknike, interes real nga firmat vendase dhe ndikim të prekshëm ekonomik për eksport. Avantazhet e kompanive shqiptare dhe potenciali i një tregu që mund të ofrojë më shumë të ardhura për kontabilistë

Dy nga 18 të punësuarit e shoqërisë “Public Accounting Service Union and Trust”, në Tiranë janë të angazhuar gjithë kohës me ofrimin e shërbimeve të kontabilitetit për disa shoqëri italiane. Punët që ata kryejnë janë regjistrimi i faturave blerje e shitje, lëvizjeve bankare, si dhe shërbime të tjera në bazë të kërkesës në bashkëpunim me klientët.

“Nëse ke kontaktet e dukura, kërkesa nga kompanitë italiane është e lartë”, thotë Ilda Duhanxhiu, partnere audituese në shoqërinë “Public Accounting Service Union and Trust”, që ofron shërbime auditimi, kontabiliteti, konsulencë tatimore dhe financiare. Kostot më të lira në Shqipëri janë arsyeja kryesore që tërheq shoqëritë italiane. Për të njëjtën punë si në Itali, fatura në Shqipëri është të paktën 50% më e ulët.

Kësaj i shtohet dhe fleksibiliteti i shoqërive në Shqipëri, që nëse marrin një punë përsipër e bëjnë brenda afatit të përcaktuar, ndërsa në Itali ka kosto shtesë dhe burokraci si paga e 13-të, lejet për sëmundje etj., të cilat zgjasin kohën e ofrimit të punës. “Stafi punon online, direkt në sistem, teksa përparësi është njohja e gjuhës dhe eficienca e punës në hedhjen e faturave, deri dhe në analizimin e tyre”, thotë znj. Duhanxhiu.

Arsyeja tjetër e kërkesës nga shoqëritë e huaja lidhet me mungesën e kontabilistëve në Europë. Ky është një profesion që po preferohet gjithnjë e më pak nga të rinjtë, që duan punë pa shumë angari e me fitim të lartë e të shpejtë.

“Public Accounting Service Union and Trust” po synon që ta zgjerojë më tej këtë shërbim, që do të thotë shtim i numrit të të punësuarve, si dhe diversifikim i të ardhurave të kompanisë. Por, znj. Duhanxhiu shton se ky shërbim nuk është pa probleme, pasi shoqëritë duhet të jenë shumë të kujdesshme me mbrojtjen e të dhënave dhe si rrjedhojë, gjetja e klientëve kërkon kontakte të besuara.

Edhe rënia e vazhdueshme e euros rrit indirekt kostot, që ndryshe parashikohen në fillim të vitit e ndryshe rezultojnë, kur monedha e përbashkët zhvlerësohet gjatë vitit, siç ka ndodhur rëndom vitet e fundit. Sotiraq Dhamo, kryetar i Institutit të Kontabilistëve të Miratuar, thotë se ofrimi i shërbimeve të kontabilitetit jashtë vendit, ose eksportimi i tyre, është një mundësi e mirë për zhvillimin e sektorit, kualifikimin e stafeve të punës dhe forcimin e njohurive.

Megjithatë, sipas tij, ky shërbim përballet me sfida të shumta, që lidhet pikë së pari me njohuri të kufizuara në legjislacionin tatimor të vendit të huaj, si dhe përvoja e mangët. Përmes projekteve të ndryshme, sidomos në tre vitet e fundit, janë zhvilluar programe të reja specializimi për rritjen e kapaciteteve të kontabilistëve në eksportin e shërbimeve.

Një program i specializuar zhvillimi profesional dhe promovimi ndërkombëtar po vendos themelet që Shqipëria të bëhet ofrues rajonal i shërbimeve kontabël për tregjet e BE-së. Rezultatet e para tregojnë kapacitete të qëndrueshme teknike, interes real nga firmat vendase dhe potencial të prekshëm ekonomik për eksport.

Në kuadër të mbështetjes së Qeverisë së Zvicrës përmes SECO dhe asistencës teknike të Bankës Botërore, Shqipëria ka ndërmarrë një seri veprimesh për të pozicionuar profesionin kontabël si një sektor me vlerë të lartë të shtuar dhe të orientuar drejt tregjeve ndërkombëtare.

Sipas informacioneve nga Ministria e Financave, në muajt e fundit, projekti ka prodhuar rezultate të matshme që sinjalizojnë se vendi ka potencial real të konkurrojë në ofrimin e shërbimeve kontabël, financiare dhe të përputhshmërisë për firma në Europë.

Modeli operacional i eksportit të shërbimeve kontabël si funksionon në praktikë

Eksporti i shërbimeve kontabël zakonisht nis me një ndarje të qartë të shërbimeve që ofrohen. Në fazën e parë, firmat hyjnë në treg përmes shërbimeve më standarde dhe rutinore, të ashtuquajturat shërbime me intensitet transaksional.

Këtu përfshihen përpunimi i faturave për t’u paguar dhe për t’u arkëtuar, administrimi i listë-pagesave, rakordimi i llogarive bankare, përpunimi i shpenzimeve të udhëtimit, mbajtja e librave kontabël dhe procedurat mujore ose vjetore të mbylljes financiare. Këto shërbime janë zakonisht pika më e lehtë e hyrjes, pasi kërkojnë procese të standardizuara dhe mund të shkallëzohen relativisht shpejt.

Në një fazë të dytë, firmat kalojnë drejt shërbimeve me vlerë më të lartë të shtuar, që kërkojnë ekspertizë më të avancuar. Këtu përfshihen raportimi menaxherial, buxhetimi dhe parashikimi financiar, mbështetja financiare për projekte, raportimi rregullator dhe i përputhshmërisë, menaxhimi i likuiditetit dhe analizat financiare.

Këto shërbime kërkojnë staf më të kualifikuar, përvojë ndërkombëtare dhe shpesh certifikime profesionale, por edhe gjenerojnë marzhe më të larta dhe marrëdhënie më afatgjata me klientët.

Marrëdhënia kontraktuale me klientët e huaj ndërtohet zakonisht mbi dy dokumente bazë: një përshkrim të detajuar të punës që do të kryhet (Statement of Work – SOW) dhe një marrëveshje për nivelin e shërbimit (Service Level Agreement – SLA).

Dokumenti SOW përcakton qartë proceset që mbulohen, sa shpesh kryhen, çfarë rezultatesh dorëzohen dhe çfarë teknologjish apo sisteme përdoren, si p.sh. sistemet ERP ose harmonizimi i planeve të llogarive.

SLA-ja, nga ana tjetër, vendos tregues të matshëm performance, si koha e përpunimit të faturave, niveli i gabimeve ose koha e reagimit ndaj kërkesave, si dhe penalitete apo mekanizma korrigjimi në rast mosrespektimi. Përvoja ndërkombëtare tregon se kontratat me SLA të qarta rrisin ndjeshëm besueshmërinë e ofertës, pasi ulin rrezikun për blerësin dhe krijojnë transparencë në marrëdhënie.

Përpara lidhjes së kontratës, klientët ndërkombëtarë kryejnë zakonisht një proces verifikimi të thelluar, të njohur si due diligence. Ky proces përfshin kontrollin e sistemeve të kontrollit të brendshëm, verifikimin e kualifikimeve të stafit, referencat profesionale, kapacitetet ligjore për ofrimin e shërbimit dhe politikat për mbrojtjen e të dhënave dhe sigurinë e informacionit.

Për firmat më të vogla, veçanërisht kur synojnë tregun e BE-së, është thelbësore të demonstrojnë në mënyrë konkrete aftësinë për të ofruar shërbimin.

Kjo bëhet përmes projekteve pilot, provave konceptuale (proof-of-concept), referencave nga kontrata ekzistuese, si dhe dokumentacionit të strukturuar, si manuale procesesh dhe ndarje të qarta të përgjegjësive. Këto elemente janë shpesh vendimtare për të fituar besimin e klientëve ndërkombëtarë dhe për të kaluar nga potenciali teorik në kontrata reale eksporti.

Çfarë modeli mund të ndjekë Shqipëria?!

Përvoja e vendeve që kanë arritur të eksportojnë me sukses shërbime kontabël dhe financiare tregon se hyrja në tregjet ndërkombëtare nuk ndodh rastësisht, por përmes modeleve të provuara dhe të ndërtuara gradualisht.

Një nga modelet më të përhapura është ai i Qendrave të Shërbimeve të Përbashkëta ose Qendrave të Shërbimeve Kontabël dhe Financiare, të njohura si SSC ose AFSC. Këto janë struktura që ofrojnë shërbime për disa klientë ose për disa njësi të të njëjtit grup dhe krijojnë avantazhe të forta në shkallëzim, trajnim të përqendruar të stafit dhe eficiencë kostosh.

Në vende si Rumania, krijimi i këtyre qendrave në qytete si Cluj apo Bukuresht ka qenë një shtysë kryesore për zhvillimin e eksporteve të shërbimeve financiare dhe BPO, duke kontribuar në diversifikimin e ekonomisë dhe rritjen e eksporteve të shërbimeve me vlerë të shtuar.

Rumania përfaqëson një nga shembujt më domethënës në rajon. Qytete si Cluj dhe Bukuresht janë shndërruar në qendra rajonale për shërbime financiare dhe BPO falë një kombinimi faktorësh: disponueshmërisë së fuqisë punëtore të kualifikuar në financë dhe IT, kostove konkurruese dhe lidhjeve të forta mes universiteteve dhe industrisë.

Modeli rumun është ndërtuar mbi qendra të mëdha SSC, bashkëpunim të strukturuar akademi–biznes dhe partneritete ndërkombëtare, duke e bërë atë një referencë të vlefshme për Shqipërinë, sidomos në fazën fillestare të zhvillimit të këtij sektori.

Modeli

Rumania përfaqëson një nga shembujt më domethënës në rajon. Qytete si Cluj dhe Bukuresht janë shndërruar në qendra rajonale për shërbime financiare dhe BPO falë një kombinimi faktorësh: disponueshmërisë së fuqisë punëtore të kualifikuar në financë dhe IT, kostove konkurruese dhe lidhjeve të forta mes universiteteve dhe industrisë.

Edhe Polonia dhe vendet baltike kanë ndërtuar me sukses oferta konkurruese në shërbimet financiare, duke kombinuar aftësitë në teknologji informative me njohuritë rregullatore dhe certifikimet profesionale. Një nga mësimet kryesore nga këto vende është se ndërthurja e kontabilitetit me IT-në, përfshirë afërsinë me zhvillimin e softuerëve dhe automatizimin e proceseve, rrit ndjeshëm konkurrueshmërinë në tregjet ndërkombëtare.

Sipas Ministrisë së Financave, që është e angazhuar në projektin e SECO dhe asistencës teknike të Bankës Botërore, një avantazh specifik për Shqipërinë lidhet me modelin e nearshoring-ut të kombinuar me oferta të specializuara.

Afërsia gjeografike, përputhja e orareve të punës, lidhjet kulturore dhe gjuhësore, si dhe kostot konkurruese e bëjnë Shqipërinë një partner potencialisht tërheqës për tregje si Italia apo Greqia. Tregu ndërkombëtar shpesh favorizon zgjidhje që janë afër, fleksibile dhe më ekonomike sesa alternativat vendase, veçanërisht për shërbime të standardizuara ose të përsëritshme.

Një model tjetër i rëndësishëm është partneriteti me organizatat profesionale të kontabilitetit, të njohura si PAO. Marrëveshjet e bashkëpunimit me organizata të njohura ndërkombëtare, si ACCA, struktura të lidhura me AICPA ose organizata kombëtare homologe në vendet pritëse, rrisin ndjeshëm besueshmërinë e firmave shqiptare dhe lehtësojnë aksesin në rrjete profesionale dhe klientësh.

Ky model, sipas financave, është veçanërisht i rëndësishëm për firmat e vogla dhe të mesme, të cilat nuk kanë kapacitet të hyjnë drejtpërdrejt në kontrata të mëdha ndërkombëtare, por mund të pozicionohen përmes rrjeteve profesionale të konsoliduara.

Avantazhi

Një avantazh specifik për Shqipërinë lidhet me modelin e nearshoring-ut të kombinuar me oferta të specializuara. Afërsia gjeografike, përputhja e orareve të punës, lidhjet kulturore dhe gjuhësore, si dhe kostot konkurruese e bëjnë Shqipërinë një partner potencialisht tërheqës për tregje si Italia apo Greqia. Tregu ndërkombëtar shpesh favorizon zgjidhje që janë afër, fleksibile dhe më ekonomike sesa alternativat vendase, veçanërisht për shërbime të standardizuara ose të përsëritshme.

Përpara se të hyjnë në tendera apo negociata me klientë të huaj, firmat shqiptare duhet të jenë të përgatitura me dokumentacion të qartë që dëshmon kapacitetin dhe përvojën e tyre.

Kjo përfshin profile profesionale të stafit kyç, raste konkrete pune dhe referenca të verifikueshme.

Po aq e rëndësishme është edhe adresimi i çështjeve të sigurisë së të dhënave, përmes certifikimeve si ISO 27001, ose të paktën planeve të dokumentuara për arritjen e tyre, si dhe përgatitja e marrëveshjeve për përpunimin e të dhënave në përputhje me kërkesat e BE-së.

Nga ana teknologjike, përdorimi i mjeteve për automatizimin e proceseve, përpunimin e faturave dhe bashkëpunimin e sigurt me klientët është tashmë standard. Standardizimi i konfigurimeve kontabël dhe i sistemeve ERP ndihmon në përshpejtimin e integrimit të klientëve të rinj dhe ul kostot e tranzicionit.

Edhe modelet e çmimit luajnë rol të rëndësishëm në konkurrueshmëri, sqarojnë Financat. Në praktikë përdoren modele të ndryshme, nga tarifimi për transaksion, i përshtatshëm për shërbime si përpunimi i faturave, te tarifimi për staf të dedikuar ose modele të kombinuara me bazë fikse dhe komponentë variabël.

Përvoja e tregut tregon se klientët preferojnë gjithnjë e më shumë modele çmimi që lidhen drejtpërdrejt me vëllimin e punës dhe cilësinë e shërbimit të ofruar, duke e bërë transparencën dhe matshmërinë elemente kyç për suksesin afatgjatë.

Në këtë mënyrë, ndërtimi i një modeli të qëndrueshëm eksporti për shërbimet kontabël nuk është vetëm çështje kostoje, por kombinim i strukturës organizative, besueshmërisë profesionale, teknologjisë dhe një pozicionimi të qartë në tregjet ndërkombëtare./Monitor.al

The post Eksporti i shërbimeve kontabël/ Pse kompanitë europiane po zgjedhin Shqipërinë appeared first on Albeu.com.

DASHI

Do të ndjeni një nxitje të fortë emocionale: marrëdhëniet bëhen më intensive dhe ka një dëshirë për dialog. Kjo është një kohë pozitive për sqarimin e keqkuptimeve dhe forcimin e lidhjeve të rëndësishme. Energjitë janë të larta në punë, por kini kujdes të mos veproni impulsivisht: peshoni me kujdes vendimet tuaja, veçanërisht nëse ka mundësi të reja për të eksploruar. Fati është në anën tuaj, por duhet ta përdorni atë me kujdes dhe me gjykim të shëndoshë.

DEMI

Sipas horoskopit të Paolo Fox një periudhë stabiliteti emocional: marrëdhëniet e vendosura do të thellohen dhe ata që janë afër jush do ta vlerësojnë durimin dhe praktikën tuaj. Ata që janë beqarë mund të ndihen më të menduar dhe të vëmendshëm ndaj njohjeve të reja. Në frontin profesional, ka mundësi interesante, veçanërisht nëse punoni në një ekip ose duhet të negocioni kontrata: çelësi është të dini si të dëgjoni dhe të përshtateni. Kjo është një kohë e favorshme për të zgjidhur çështje praktike ose financiare.

BINJAKËT

Takimet dhe kontaktet stimulojnë kuriozitetin dhe kreativitetin. Energjia është e lartë, prandaj shfrytëzojeni atë për të ndjekur projekte që kërkojnë inovacion ose fleksibilitet. Marrëdhëniet romantike mund të sjellin surpriza të këndshme, por është e rëndësishme të komunikoni qartë për të shmangur keqkuptimet. Fati është me ju përmes ndryshimeve të vogla dhe iniciativave të papritura, prandaj mbajini sytë hapur për mundësi të papritura.

GAFORRJA

Kjo është një kohë emocionesh intensive dhe të menduara mirë. Çiftet do të përjetojnë momente lidhjeje të thellë, ndërsa beqarët mund të tërhiqen nga njerëz veçanërisht intrigues ose të pazakontë. Në punë, është një ide e mirë të bëni zgjedhje të menduara mirë, duke shmangur vendimet e nxituara dhe duke u përqendruar në strategji afatgjata. Energjia emocionale është e lartë, prandaj merrni kohë për t’u rimbushur kur është e nevojshme, pasi intuita juaj do të jetë e paçmuar në përballimin e çdo sfide.

LUANI

Sipas horoskopit të Paolo Fox (e shtunë, 27 dhjetor 2025), është një javë me sharm dhe vitalitet të madh. Personaliteti juaj i fortë dhe energjia pozitive do të tërheqin të tjerët, si në marrëdhëniet romantike ashtu edhe në biznes. Ka mundësi të shkëlqyera në punë, veçanërisht në projekte krijuese ose bashkëpunime. Kjo është koha e duhur për të qenë pak më të guximshëm, pa humbur nga sytë diplomacinë. Fati do të jetë në anën tuaj, por avantazhi i vërtetë do të vijë nëse e kanalizoni më së miri vendosmërinë dhe entuziazmin tuaj.

VIRGJËRESHA

Kjo është një ditë për vetëanalizë dhe planifikim. Marrëdhëniet kërkojnë takt dhe mirëkuptim: shmangia e konflikteve të panevojshme do të jetë thelbësore. Në punë, është koha për të analizuar me kujdes çdo detaj dhe për të planifikuar me kujdes çdo lëvizje. Edhe pse tundimi për të vepruar shpejt është i fortë, durimi do të jetë arma juaj më e mirë. Fati u vjen atyre që dinë të organizohen, prandaj shpenzoni kohë duke rregulluar çështjet tuaja praktike dhe financiare.

PESHORJA

Kjo është një kohë harmonie dhe mundësish të reja. Marrëdhëniet ndërpersonale përmirësohen, si në dashuri ashtu edhe në miqësi, dhe ka vend për takime stimuluese. Diplomacia shpërblehet në punë: bashkëpunimet dhe rrjetëzimi mund të sjellin përfitime të konsiderueshme. Është një kohë krijuese, ideale për ata që duan të zhvillojnë ide inovative ose përpjekje artistike. Fati ju favorizon, veçanërisht nëse dini si të balanconi dëshirat tuaja personale me nevojat e të tjerëve.

AKREPI

Sipas horoskopit të Paolo Fox emocionet janë të forta dhe kjo reflektohet në marrëdhëniet tuaja më intime: ndershmëria do të jetë çelësi për të shmangur tensionin. Në punë, ka energji pozitive për të përballuar sfidat dhe për të çuar përpara projekte të rëndësishme, por është thelbësore të peshoni me kujdes çdo vendim dhe të shmangni impulsivitetin. Fati favorizon ata që kombinojnë ambicien dhe intuitën, prandaj ndiqni instinktet tuaja pa humbur nga sytë racionalitetin.

SHIGJETARI

Ditët tuaja janë të mbushura me lëvizje dhe mundësi. Dashuria kërkon një ekuilibër midis lirisë dhe vëmendjes ndaj partnerit tuaj: beqarët mund të ndihen të tërhequr nga njerëz të largët ose të pazakontë. Sfida të reja ju presin në punë, veçanërisht për ata me lidhje ndërkombëtare ose projekte që përfshijnë ndryshime. Fati është në anën tuaj nëse ruani një mendje të hapur dhe optimizëm, duke shfrytëzuar mundësitë që ofron jeta pa lejuar që dyshimet t’ju pengojnë.

BRICJAPI

Po përjetoni një periudhë konkretësie dhe vendosmërie. Marrëdhëniet janë më të forta kur bazohen në besim dhe qëndrueshmëri; beqarët mund të ndihen më të kujdesshëm ndaj njohjeve të reja. Në punë, ka mundësi për rritje dhe projekte që kërkojnë përkushtim: shmangni vendimet impulsive dhe përqendrohuni në strategji afatgjata. Fati është diskret, por i pranishëm, veçanërisht nëse përballeni me vështirësi me durimin dhe pragmatizmin.

UJORI

Sipas horoskopit të Paolo Fox, do të jeni të mbushur me kreativitet dhe origjinalitet. Në dashuri, do të dëshironi të provoni diçka të re dhe ta surprizoni partnerin tuaj, ndërsa beqarët mund të hasin takime stimuluese dhe të pazakonta. Në punë, idetë dhe bashkëpunimet e reja mund të sjellin rezultate pozitive, me kusht që të menaxhoni të papriturat me qartësi. Fati favorizon projektet personale dhe iniciativat inovative, prandaj përqafojeni energjinë e momentit pa frikë.

PESHQIT

Kjo është një periudhë delikate, por pozitive, e mbushur me intuitë dhe ndjeshmëri. Marrëdhëniet thellohen dhe ata që janë beqarë mund të përjetojnë emocione intensive dhe kuptimplote. Në punë, ndjekja e instinkteve dhe kreativitetit tuaj do të sjellë përfitime, por kërkohet vëmendje ndaj detajeve praktike. Fati është më intensiv nëse përqendroheni në ndjekje artistike, shpirtërore ose të ndjeshme: ditët tuaja premtojnë kënaqësi nëse dëgjoni zërin tuaj të brendshëm.

The post “Sot do të merrni vendime të rëndësishme”/ Emocione të forta dhe kthesa të papritura në horoskopin e kësaj të shtune, 27 dhjetor 2025 appeared first on Albeu.com.

Mohamed Salah ka shkaktuar sërish zhurmë, këtë herë jo për golat e tij të jashtëzakonshëm apo për diskutimet rreth të ardhmes së tij, por për një moment privat që ka ndarë me ndjekësit e tij. “Ylli” i Liverpool ka publikuar një foto familjare, e cila e tregon atë duke festuar Krishtlindjet me gruan dhe vajzat e tij para pemës së Krishtlindjes.

Ky moment i thjeshtë dhe i ngrohtë ka tërhequr vëmendjen e shumë fansave dhe medieve, duke i dhënë një pamje tjetër të jetës së tij jashtë fushës së futbollit.

Postimi i Mohamed Salah me mbishkrimin “Gëzuar Krishtlindjet” ka gjeneruar një reagim masiv në rrjetet sociale, me mbi 50,000 komente dhe më shumë se 500,000 pëlqime brenda vetëm 30 minutash. Megjithatë, shumë egjiptianë kanë shprehur pakënaqësinë e tyre në komentet poshtë fotos, duke e sulmuar 32-vjeçarin. Ata kanë argumentuar se, si një person që i përket fesë islame, Salah po shkel disa parime fetare, duke i cilësuar urimet për Krishtlindje si të papranueshme dhe “haram” (ndaluar). Ky reagim ka nxitur një diskutim të gjërë rreth kufijve të fesë dhe tolerancës ndërfetare, duke theksuar se gjithsesi, Salah vazhdon të jetë një figurë shumë e dashur për shumë njerëz, përfshirë ata që ndjekin besime të tjera.

Salah ka treguar më shumë se njëherë se i përket besimit Islam. futbollisti ka shpërndarë shpesh foto së bashku me familjen e tij duke vizituar Mekën në Arabinë Saudite, gjithashtu një nga vendet e shenjta për popullin islamik. Në fakt, tifozët e zjarrtë mund të kujtojnë sulmuesin që shpesh lutej në fushë përpara se të fillonte ndonjë ndeshje.

The post Mohamed Salah uron Krishtlindjet! “Shpërthejnë” polemikat në rrjet appeared first on Albeu.com.

Ish-kryeministri i Malajzisë, Najib Razak, është dënuar me 15 vjet burg për abuzim me pushtetin dhe pastrim parash, në gjyqin e tij të dytë të madh lidhur me skandalin 1Malaysia Development Berhad (1MDB).

Najib, 72 vjeç, u akuzua për përvetësimin e gati 2.3 miliardë ringit malajzian (rreth 569 milionë dollarë) nga fondi sovran i pasurisë së vendit, 1MDB, dhe u shpall fajtor për katër akuza për shpërdorim pushteti dhe 21 akuza për pastrim parash.
Vendimi i gjykatës, i shpallur të premten në Putrajaya, pasoi shtatë vjet procese ligjore dhe dëshmira nga 76 dëshmitarë. Ky është dënimi i dytë për Najib në lidhje me 1MDB, pasi ai është tashmë i dënuar dhe në burg për një tjetër rast të lidhur me këtë skandal.

Dënimi i fundit përfshin katër akuza për shpërdorim pushteti dhe 21 akuza për pastrim parash, ku ai do të vuajë një dënim të përgjithshëm prej 15 vitesh burg.
Ndërsa Najib kishte kërkuar që të vuante pjesën e mbetur të dënimit në arrest shtëpiak, gjykata e hodhi poshtë kërkesën e tij të hënën.
Skandali i 1MDB bëri bujë ndërkombëtarisht dhe përfshiu figura të njohura nga Malajzia, Goldman Sachs dhe Hollywood. Hetuesit kanë vlerësuar se rreth 4.5 miliardë dollarë u shpenzuan nga ky fond në xhepa privatë, duke përfshirë edhe atë të Najibit.
Avokatët e Najibit kanë pretenduar se ai u mashtrua nga këshilltarët e tij, përfshirë Jho Low, financierin që mbetet i lirë dhe i akuzuar për përfshirje në skandal.
Në vitin 2020, Najib u shpall gjithashtu fajtor për përvetësim të 42 milionë ringit (rreth 10 milionë dollarë) që ai mori nga një njësi e 1MDB, SRC International, dhe u dënua me 12 vjet burg. Ky dënim u përgjysmua vitin e kaluar, por ky i fundit është më i rëndë dhe ka të bëjë me një shumë më të madhe parash.

The post Skandali i fondeve shtetërore, ish-kryeministri i Malajzisë dënohet me 15 vite burg appeared first on Albeu.com.

Kreu i PD Sali Berisha në një intervistë në podkastin “Elevate” të Floriana Garos, ka folur politikën, sfidat, si edhe shpalljen non grata, për të cilën u shpreh se ishte një rrufe në qiell të hapur.

“Ata që erdhën me rebelim i përzura me votën e lirë. Erdha me një program që ndryshova Shqipërinë. U ndjeva i përkushtuar. Do vazhdoja reformën”, tha ai.

Berisha tha se demokratët ia kanë dalë me kauzën e tyre duke shtuar se beson edhe se do t’ia dalin për t’u rikthyer në pushtet.

“Ata që erdhën me rebelim i përzura me votën e lirë. Erdha me një program që ndryshova Shqipërinë. U ndjeva i përkushtuar. Do vazhdoja reformën. Kisha besuar. Sikundër besoj dhe sot. Patjetër. Le të bëjnë zgjedhje të lira dhe ta shikojmë kush fiton. Vetëm mision. Ministrat e mi, mision. Qeverisja është mision. Anëtarësimi në NATO, mision. Infrastruktura mision. Edhe diktatorin e përzumë me votë. Pse qëndrova? Në 13 dhjetor u thashë mirupafshim. Do mbetem mik i PD-së dhe gjatë gjithë natës mendova se bëra gabim se duhet të qëndroj me Kosovën. Shkruaja çdo ditë. Facebook ishte gazeta ime. Dhe unë merresha me të. E kam përdorur. Lexoja. Natyrisht kam shkruajtur disa nga kujtimet por nuk jam fans i autobiografive. Ekziston diçka. Kisha jetuar në diktaturë, një nga mësimet ishte se qëndrimi në kohë të gjatë në karrige nuk është i dobishëm për vendin. Edhe sot e mendoj. Kam dhënë dorëheqjen. Pa ndonjë keqardhje të madhe. Mendova se unë përmbusha. Ishte një rrufe në qiell të hapur. Më kishte thënë Rama po censurohesh, se ke dekonspiruar kundër politikës së jashtme SHBA. Vendimi ishte për korrupsion dhe minim të demokracisë. Ishte një fyerje e rëndë dinjitetit tim. Ishte beteja për dinjitetin tim. Kur ata kërkuan të mos hyj në parlament. Atë se bënë dot. Kur në tërbim, Yuri Kim bënte çdo gjë që të kontrollonte Lulzim Bashën si kryetar partie. Kjo nuk mund të ndodhte. U vendosëm në një izolim të paprecedent. Nga burokratë të korruptuar europianë dhe botëror. Ne ia dolëm dhe do ia dalim. Është kauzë e drejtë. Për të qenë i suksesshëm duhet të ketë moral dhe empati. Jashtë moralit dhe empatisë e kam të vështirë të mendoj. Mund të kesh sukses por do jesh problem i madh”, ka thënë Berisha.

The post “Non-grata ishte rrufe në qiell të hapur”/ Berisha flet për betejat politike: Le të bëjnë zgjedhje të lira dhe ta shikojmë kush fiton. Besoj ende se do rikthehem në pushtet appeared first on Albeu.com.

Një defekt në një tubacion kryesor të ujit të pijshëm ka lënë pa furnizim një pjesë të qytetit të Vlorës, duke rikthyer problemet kronike të menaxhimit të ujësjellësit.

Tubacioni me diametër 1000 mm, i dëmtuar ditën e sotme, ka ekspozuar jo vetëm dobësinë e rrjetit, por edhe mungesën e investimeve afatgjata në sigurinë e furnizimit.

Drejtori i Përgjithshëm i Agjencisë Kombëtare të Ujësjellës-Kanalizimeve, Flauers Shoshi, dhe kreu i Ujësjellësit të Vlorës, Ermal Murati, inspektuan nga afër dëmtimin, ndërsa qytetarët mbetën pa ujë në mes të ditës.

Burime konfirmuan se pasditja solli një zgjidhje provizore, e cila nuk garanton stabilitet dhe mbetet larg një zgjidhjeje përfundimtare.

Ndërhyrja e plotë është shtyrë për orët e mëngjesit, duke lënë qytetin të varur nga improvizime./ Boldnews

The post Defekt në tubacionin kyç të ujit të pijshëm në Vlorë, një pjesë e qytetit mbetet pa furnizim appeared first on Albeu.com.

Një aksident ka ndodhur në Malësi të Madhe. Drejtuesi i automjetit tip kamion ka humbur kontrollin dhe si pasojë automjeti ka dalë nga rruga.

Si pasojë e aksidentit, është dëmtuar drejtuesi i kamionit dhe pasagjeri.

Të lënduarit janë transportuar në Spitalin Rajonal Shkodër dhe janë jashtë rrezikut për jetën.

Grupi hetimor po punon për sqarimin e rrethanave të aksidentit.

The post Aksident në Malësi të Madhe, kamionisti humb kontrollin, plagoset shoferi dhe pasagjeri appeared first on Albeu.com.

Ervin Salianji ka njoftuar se ditën e nesërme do të zhvillojë takimin e radhës me demokratët, këtë herë duke u ndaluar në qytetin e Shkodrës.

Valë e dytë sanksionesh ‘non grata’ në Shqipëri/ Bushkolaj: Është shtuar vëmendja e SHBA-ve në vendin tonë në raport me kartelet e dr*gës

Me anë të një njoftimi në rrjetet sociale, Salianji ka njoftuar se takimi do të mbahet në orën 18:00, në ambientet e Hotel Rozafa (ish turizmi). Më herët Salianji ka qenë edhe me demokratët në Elbasan dhe Durrës.

“Nesër, shihemi në Shkodër, Hotel Rozafa (ish turizmi), ora 18:00,” shkruan Salianji në Facebook.

The post Pas Durrësit dhe Elbasanit, Salianji njofton takimin e radhës me demokratët në Shkodër appeared first on Albeu.com.

Selvije Jao ka ndarë një video në rrjetet sociale, duke përkujtuar bashkëshortin e saj të ndjerë, Shpat Kasapi, i cili u nda nga jeta një muaj më parë si pasojë e një ataku kardiak.

Përmes një postimi në InstaStory, ajo publikoi një video ku shihet këngëtarin i cili ishte duke luajtur me djali e tij ku shkruan: “Një muaj pa ty”, duke e vendosur dhe një emoji me zemër të thyer.

Kujtojmë se Shpat Kasapi ndërrojë jetë me datë 26 nëntor, ku ishte në Itali së bashku me familjen për kurim të djalit të tij.

Gjatë karrierës së tij, Kasapi mori pjesë në festivale të rëndësishme dhe realizoi bashkëpunime që lanë gjurmë te publiku.

Ai vazhdoi të ishte aktiv dhe i pranishëm në muzikë, duke ruajtur popullaritetin edhe vitet e fundit.

The post VIDEO/ “Një muaj pa ty”, Selvije Jao ndan PAMJE prekëse të Shpat Kasapit me të birin appeared first on Albeu.com.

Sekretari i Përgjithshëm i Partisë Demokratike, Flamur Noka, nëpërmjet një postimi në facebook deklaron se projektligji amerikan “Western Balkans Democracy and Prosperity Act” synon forcimin e demokracisë dhe luftën kundër korrupsionit në rajon, përmes ndërhyrjeve të drejtpërdrejta në strukturat shtetërore.

Sipas Nokës, SHBA parashikon asistencë teknike për Shqipërinë, me kusht rishikimin e strategjisë kombëtare kundër korrupsionit dhe bashkëpunim të drejtpërdrejtë me programet amerikane, me fokus të veçantë te drejtësia, zgjedhjet dhe prokurimet publike.

The post Raporti i Kongresit Amerikan/ Noka: Projektligji synon forcimin e demokracisë dhe luftën kundër korrupsionit appeared first on Albeu.com.

Qarkullimi i automjeteve në Rrugën e Arbrit paraqitet i rënduar, veçanërisht në segmentin nga Shkalla e Tujanit deri në hyrje të Tiranës. Trafiku është shtuar ndjeshëm si pasojë e fluksit të lartë të emigrantëve që po kthehen në vendlindje për pushimet e fundvitit.

Në këtë aks rrugor po qarkullojnë jo vetëm automjete nga qytete të ndryshme të vendit, por edhe mjete që vijnë nga Maqedonia e Veriut dhe Bullgaria, duke rritur ndjeshëm ngarkesën në qarkullim.

Policia Rrugore ndodhet në terren dhe po punon për menaxhimin e trafikut dhe lehtësimin e lëvizjes së automjeteve, ndërsa drejtuesit e mjeteve këshillohen të tregojnë kujdes dhe durim gjatë udhëtimit.

The post Fluks automjetesh gjatë festave të fundvitit, trafik i rënduar në Rrugën e Arbrit appeared first on Albeu.com.

Kryetari i Partisë Mundësia, Agron Shehaj, ka denoncuar sot përshkallëzimin e skandalit që lidhet me përgjimet e reja në aferën Balluku dhe AKSHI, duke paralajmëruar se situata ka marrë përmasa të rënda që prekin drejtpërdrejt sigurinë kombëtare dhe rendin demokratik në vend.

Sipas Shehajt, përgjimet e publikuara tregojnë qartë ndërhyrjen e drejtpërdrejtë të kryeministrit Edi Rama në çështje koncesionesh miliardëshe, si dhe përfshirjen e Belinda Ballukut në negociata që synojnë kapjen e shtetit përmes interesave private. Ai theksoi se koncesioni Thumanë–Kashar, me vlerë 1.3 miliardë euro, është shembulli më flagrant i këtij modeli.

Shehaj deklaroi se, ndërkohë që kryeministri Rama ka zgjedhur të heshtë publikisht, në terren po veprojnë banda dhe individë të lidhur me pushtetin, të cilët po përdorin kërcënime, shpifje dhe presion ndaj mediave, përfaqësuesve të opozitës dhe përfaqësuesve të Partisë Mundësia, me qëllim mbylljen e gojës dhe fshehjen e skandaleve.

Shehaj thotë se për këtë arsye, Partia Mundësia ka kërkuar zyrtarisht mbledhjen e Këshillit të Sigurisë Kombëtare, duke vlerësuar se intimidimi, kërcënimet dhe përdorimi i strukturave kriminale për të mbrojtur korrupsionin përbëjnë rrezik serioz për demokracinë dhe sigurinë e vendit.

The post Skandalet Balluku-AKSHI/ Shehaj: Të mblidhet Këshilli i Sigurisë Kombëtare! Bandat janë në aksion appeared first on Albeu.com.

Shtetet e Bashkuara të Amerikës kanë intensifikuar vëmendjen ndaj Ballkanit Perëndimor, me fokus të veçantë Shqipërinë, ku sipas vlerësimeve konstatohet një nivel i lartë korrupsioni, shtrembërim i konkurrencës dhe ndërhyrje e krimit të organizuar, shpesh e lidhur me politikanë dhe zyrtarë të caktuar.

Në këtë kuadër, Kongresi amerikan paralajmëron një valë të dytë sanksionesh “Non Grata”, si edhe një proces vlerësimi 90-ditor në sektorë strategjikë që kanë qenë së fundmi në qendër të hetimeve ose dyshimeve për abuzime nga SPAK, përfshirë AKSHI-n, KESH-in, OST-në, si dhe institucione dhe ndërmarrje të tjera publike.

Akti për Demokracinë dhe Prosperitetin në Ballkanin Perëndimor, i miratuar nga Kongresi i SHBA-së, evidenton problematikat kryesore në Shqipëri dhe përcakton rrugë konkrete për adresimin e tyre, me synimin e goditjes së korrupsionit dhe fenomeneve kriminale përpara zgjedhjeve të vitit 2027.

Në raport theksohet se, përmes identifikimit të përkrahësve ekonomikë të korrupsionit, figurave të biznesit dhe “ndërmjetësve”, SHBA po ofron një udhërrëfyes të qartë për SPAK-un, për të kaluar nga ngrirja e aseteve drejt arrestimeve në nivele të larta, me qëllim pastrimin e tregut nga konkurrenca e shtrembëruar.
Në fokus të veçantë do të jenë kontratat e AKSHI-t, sektori i energjisë, pastrimi i parave, krimi i organizuar, mbikëqyrja e KESH dhe OST, projektet luksoze bregdetare dhe ndërtimet shumëkatëshe, PPP-të, monitorimi i sistemit bankar, si dhe rishikimi i projekteve që kanë përfituar status “strategjik”.

Sipas vlerësimeve amerikane, këto masa synojnë të krijojnë kushte për konkurrencë të ndershme dhe institucione më të forta, në prag të një procesi zgjedhor të konsideruar vendimtar për të ardhmen demokratike të vendit.

Pjesë nga raporti i Kongresit Amerikan:

“Afati 90-ditor (që përfundon në mars 2026) pas miratimit të Aktit për Demokracinë dhe Prosperitetin në Ballkanin Perëndimor shënon një zhvendosje nga goditja e politikanëve individualë drejt çmontimit të rrjeteve financiare që i mbështesin ata. Në Shqipëri, rezultati më i mundshëm është një “valë e dytë” sanksionesh që lidh statusin Non Grata politik me ndjekjen penale. Duke emërtuar përkrahësit ekonomikë, figurat e biznesit dhe “ndërmjetësit” që lehtësojnë korrupsionin, SHBA po ofron në mënyrë efektive një udhërrëfyes për SPAK-un që të kalojë nga ngrirja e aseteve drejt arrestimeve në nivele të larta, me synimin për të “pastruar” tregun nga konkurrenca e shtrembëruar përpara zgjedhjeve të vitit 2027.

Sektorët kryesorë nën vëzhgim:

–Rishikimi 90-ditor i Departamentit të Shtetit synon sektorët ku fluksi i “parave gri” është më i lartë:

-Teknologjia dhe infrastruktura digjitale: Fokus te kontraktorët e AKSHI-t dhe “taksa e korrupsionit” në shërbimet shtetërore digjitale.

-Pasuritë e paluajtshme dhe ndërtimi: Shqyrtim i projekteve luksoze bregdetare dhe kullave të larta në Tiranë.

-Energjia dhe shërbimet publike: Mbikëqyrje e korporatave shtetërore të energjisë (KESH, OST) dhe koncesioneve në energjinë e rinovueshme.

-Partneritetet Publike-Private (PPP): Auditimi i kontratave për menaxhimin e mbetjeve dhe infrastrukturën.

-Bankat dhe financat: Monitorim i bankave vendase për të siguruar shkëputjen e tyre nga “lehtësuesit” e rinj të sanksionuar.

-Turizmi strategjik: Rishikim i projekteve që kanë marrë status “strategjik” përmes favorizimit politik”

The post “Valë e dytë sanksionesh ‘non grata’ në Shqipëri”, raporti i Kongresit amerikan” SHBA si udhërrëfyes për SPAK-un! Hetime për AKSHI-n, KESH dhe… appeared first on Albeu.com.

Zyra e Kryeprokurorit të Shtetit ka njoftuar se Prokuroria e Shtetit ka përfunduar të gjitha përgatitjet e nevojshme për zgjedhjet parlamentare, të cilat do të mbahen të dielën, më 28 dhjetor.

Sipas njoftimit qëllimi kryesor i këtyre përgatitjeve është mbrojtja e votës së lirë të qytetarëve dhe garantimi i integritetit të procesit zgjedhor.

Në këtë kuadër, gjatë ditës së zgjedhjeve do të angazhohen rreth 100 prokurorë të shtetit dhe zyrtarë të sistemit prokurorial, raportojnë mediat në Kosovë.

“Ata do të jenë të shpërndarë në të gjithë territorin e Republikës së Kosovës dhe do të qëndrojnë kujdestarë deri në përfundim të plotë të procesit zgjedhor, me qëllim të trajtimit dhe procedimit të çdo parregullsie apo shkeljeje të mundshme ligjore që mund të ndodhë gjatë zgjedhjeve”, thuhet në njoftim.

The post “Garantimi i integritetit të procesit zgjedhor dhe mbrojtja e votës, prioritet”/ Rreth 100 prokurorë të angazhuar për zgjedhjet e 28 dhjetorit në Kosovë appeared first on Albeu.com.