Një nga tiparet më të dukshme të Barcelonës nën drejtimin e Hansi Flick është etja e pandalshme për gola.

Trajneri gjerman e nxit vazhdimisht ekipin e tij të sulmojë, pavarësisht rezultatit në tabelën e rezultateve – një filozofi që u ka sjellë katalanasve shifra mbresëlënëse në aspektin ofensiv.

Barcelona e mbylli vitin 2025 me statistika të jashtëzakonshme: 169 gola të shënuar në 60 ndeshje në të gjitha garat, sipas të përditshmes spanjolle Marca.

Një ritëm “vrasës” gjatë gjithë vitit

Skuadra blaugrana ka qenë veçanërisht e fuqishme në La Liga, ku ka shënuar 102 gola në 37 ndeshje gjatë dymbëdhjetë muajve të fundit – një mesatare prej 2.75 golash për ndeshje.

Vetëm në periudhën gusht–dhjetor, Barcelona realizoi 67 gola, prej të cilëve: 51 në kampionat, 14 në Ligën e Kampionëve dhe 2 në Kupën e Mbretit.

Ky sezon do të mbahet mend edhe për fitoret spektakolare: nga gjashtë gola kundër Valencias dhe Olympiacos, pesë ndaj Real Betisit, si dhe katër gola kundër Athletic Bilbaos dhe Celta Vigos.

Në 13 nga 25 ndeshje të luajtura këtë sezon, Barcelona ka shënuar tre ose më shumë gola.

Performanca më e mirë që nga epoka e Luis Enriques

Shifra prej 169 golash përfaqëson performancën më të mirë të Barcelonës që nga viti 2016, kur ekipi i drejtuar nga Luis Enrique realizoi 174 gola, me një mesatare prej 2.94 golash për ndeshje. Në atë kohë, barra e golave mbahej nga treshja legjendare Messi – Neymar – Luis Suárez.

Në vitin 2025, përgjegjësia për finalizimin është shpërndarë mes disa emrave: Robert Lewandowski, Ferran Torres, Raphinha, Lamine Yamal dhe Fermín López, duke treguar një Barcelonë më kolektive në sulm.

“Mallkimi” i shtyllave të portës

Statistikat mund të kishin qenë edhe më mbresëlënëse po të mos ishte “aksidenti” me shtyllat e portës. Lojtarët e Barcelonës kanë goditur shtyllën ose traversën 36 herë gjatë vitit kalendarik.

Rasti më i fundit ishte ai i Raphinhas, të dielën e kaluar në La Cerámica, kur topi përfundoi në traversë. Nga këto 36 goditje: 17 kanë ndodhur këtë sezon, prej tyre 15 në La Liga dhe 2 në Ligën e Kampionëve.

Një detaj që tregon se shifrat sulmuese të Barcelonës nën Flick mund të kishin qenë edhe më të frikshme. /Telegrafi/

Barcelona, nën drejtimin e trajnerit Hansi Flick dhe drejtorit sportiv Deco, ka përcaktuar prioritetet për afatin kalimtar të verës 2026, sipas La Vanguardia.

Prioriteti kryesor është afrimi i një mbrojtësi qendror, për shkak të problemeve të vazhdueshme me dëmtimet e Andreas Christensen dhe formës jo të qëndrueshme të Ronald Araujo.

Po ashtu, në plan është edhe zëvendësimi i Inigo Martinez, i cili u largua në drejtim të Al-Nassr.

Një tjetër fokus i rëndësishëm është përforcimi i repartit ofensiv. Pavarësisht paraqitjeve të mira të Raphinha dhe Lamine Yamal, klubi kërkon më shumë alternativa si në krahë, ashtu edhe në qendër të sulmit.

Marcus Rashford është një nga objektivat kryesorë, me Barcelonën që po shqyrton mundësinë e një transferimi të përhershëm prej rreth 30 milionë eurosh për sulmuesin anglez.

Në rast se Robert Lewandowski largohet, klubi katalanas do të synojë afrimin e një sulmuesi të nivelit të lartë për të ruajtur cilësinë e golave.

Strategjia e verës së Barcelonës parashikon një “mini-ristrukturim” të skuadrës, me synim rritjen e thellësisë së ekipit dhe konkurrueshmërisë për sezonin 2026-2027./Telegrafi/

Hansi Flick ka dhënë shenja se është i hapur për të zgjatur kontratën e tij me Barcelonën përtej afatit aktual që skadon në 2027, duke dhënë një mesazh inkurajues për klubin përballë thirrjeve në rritje që trajneri të qëndrojë më gjatë.

Një raport i fundit i COPE zbulon se Barcelona ka kontaktuar zyrtarisht trajnerin gjerman për të shtuar një vit të ekstra në kontratë, duke e çuar atë deri në vitin 2028.

Ndërsa Flick kishte planifikuar fillimisht të tërhiqej pas përmbushjes së kushteve aktuale, burime të afërta tregojnë se ai tani është më i hapur ndaj idesë, pas interesimit të fundit të klubit, megjithatë ai mbetet i qetë përsa i përket marrjes së një vendimi përfundimtar.

Pozitiviteti i 60-vjeçarit buron nga kënaqësia e tij e thellë me jetën në Kataloni, si në aspektin profesional, ashtu edhe personal.

Flick thuhet se është i entuziazmuar nga projekti sporti, veçanërisht nga shtimi i talentit nga La Masia, ndërsa familja e tij ka gjetur vendin e përsosur, me gruan, vajzat dhe nipërit që vizitojnë shpesh terrenin e stërvitjes dhe e shohin Barcelonën si një shtëpi ideale.

E rëndësishme, e ardhmja e tij duket e lidhur ngushtë me presidentin Joan Laporta, me të cilin ndan një marrëdhënie të shkëlqyer, si dhe me drejtorin sportiv Deco, duke e bërë perspektivën e qëndrimit të tij në klub edhe më të besueshme./Telegrafi/

Mesfushori i Barcelonës, Pedri, zhvilloi sezonin e tij më të mirë që nga problemet e shumta me dëmtimet që e shqetësuan për dy sezone radhazi, por pas një viti pa lëndime, ai po përballet sërish me probleme muskulore.

Blaugranasit do të jenë pa të në ndeshjen e fundit të vitit ndaj Villarrealit.

Pedri u rikthye në fushë më herët se sa ishte parashikuar këtë muaj, duke luajtur dy javë para afatit dhe duke u paraqitur në ndeshje vendimtare kundër Atletico Madridit, Real Betisit dhe Eintracht Frankfurtit.

Para përballjes me Villarrealin, Hansi Flick konfirmoi se do të mbetej sërish pa mesfushorin e tij më të mirë.

“Ai nuk do të jetë aty. Nuk jam i kënaqur për këtë. Ai është i dëmtuar. Pres që të rikthehet kundër Espanyolit. Ka probleme me muskujt e pasmë të kofshës”.

“Ai edhe mund të luajë, por rreziku është shumë i madh; nëse ndodh diçka, atëherë do të mungojë për dy muaj”.

Duke dhënë më shumë detaje mbi situatën, Flick shpjegoi se Pedri, nëse do të shtyhej deri në fund, mund të luante, por do të rrezikonte një dëmtim më serioz.

“Duhet të kujdesemi për të dhe të sigurohemi që të marrë trajtimin e duhur. Nuk mund të stërvitet, por është e pamundur të luajë. Vendosëm të mos marrim asnjë rrezik. Kjo është gjëja më e mirë për momentin”.

“Na duhet për ndeshjet e ardhshme në vitin e ri kundër Espanyolit dhe më pas për Superkupën. Kjo ndeshje ndaj Villarrealit është e rëndësishme, por kemi shumë cilësi në skuadër”, ka deklaruar gjermani./Telegrafi/

Trajneri i Barcelonës, Hansi Flick, ka hedhur dyshime mbi rinovimin e kontratës së tij, duke këmbëngulur se do të varet nga disa faktorë, veçanërisht nga prania e presidentit Joan Laporta pas zgjedhjeve të vitit të ardhshëm.

Kontrata e Flick është e vlefshme deri në vitin 2027 dhe Barcelona po kërkon ta zgjasë atë edhe për një sezon tjetër.

Megjithatë, trajneri gjerman ka thënë se rinovimi i kontratës së tij varet nga disa faktorë dhe kjo do të kuptohet në muajt në vazhdim.

Barcelona në bisedime me Hansi Flick për rinovimin e kontratës

“Një vit e gjysmë është një kohë e gjatë për një trajner. Jam shumë i lumtur që punoj në këtë klub, me Decon dhe të gjithë stafin. Stafi im është fantastik, Deco është i pabesueshëm dhe kam një marrëdhënie të shkëlqyer me të”, ka thënë fillimisht Flick.

“Jam këtu për shkak të presidentit dhe është e rëndësishme të kem besimin e tij. Për mua, edhe një vit e gjysmë është në rregull, por gjithashtu ka rëndësi për mua nëse presidenti është ende këtu. Nëse luajmë mirë dhe kemi sukses, kjo është e rëndësishme", përfundoi trajneri gjerman.

Ndryshe, Barcelona momentalisht është liderë në La Liga me katër pikë më shumë se Real Madridi i vendit të dytë, teksa në Ligën e Kampionëve renditet në pozitën e 15-të, ku kërkon të perfundojë në top 8 nga dy ndeshjet e mbetura në fazën e ligës. /Telegrafi/

Ka tension të madh në Barcelonë, por jo për shkak të asaj që ndodh në fushë, por për shkak të problemeve që po zhvillohen pas dyerve të mbyllura në dhomën e zhveshjes.

Për javë të tëra, informacionet konfidenciale nga takimet taktike të Barcelonës përfunduan në mënyrë misterioze në mediat spanjolle, duke shqetësuar seriozisht qetësinë e ekipit.

Sipas gazetarit Rafael Hernández në Twitter, trajneri Hansi Flick ka zbuluar tashmë se kush fshihet pas rrjedhjes së informacionit.

Metoda e zgjuar e Flick

Flick ndërmori një veprim të zgjuar për të identifikuar “spiunin” në dhomën e zhveshjes. Ai qëllimisht i dha informacion të rremë një lojtari që dyshonte se po rridhte detaje të brendshme. Kurthi ishte i thjeshtë: Flick përhapte lajmin se Wojciech Szczęsny do të luante në vend të Marc-André ter Stegen për ndeshjen e Kupës së Mbretit të martën.

Plani funksionoi. Ter Stegen mbajti portën në atë ndeshje, duke konfirmuar se informacioni i rremë kishte rrjedhur nga një rreth shumë i ngushtë brenda ekipit. Me këtë, sipas mediave, spiuni u zbulua.

Reagimi i klubit

Edhe pse Barcelona nuk ka komentuar zyrtarisht për këtë çështje, brenda klubit thuhet se është e qartë kush tradhtoi besimin e Flick.

Pritet që trajneri të ndërmarrë hapa konkretë në periudhën në vijim, duke marrë parasysh se rrjedhjet e vazhdueshme të informacionit kanë shqetësuar seriozisht stafin dhe kanë zemëruar trajnerët.

Një precedent i ngjashëm

Metoda e Flick kujton një rast të famshëm nga Liga Premier në vitin 2019. Coleen Rooney, gruaja e legjendarit Wayne Rooney, përhapi informacion të rremë përmes profilit të saj privat në Instagram për të zbuluar se kush po i kalonte detaje tabloideve.

Informacioni përfundimisht u gjurmua te Rebekah Vardy, gruaja e Jamie Vardyt, dhe çështja përfundoi në gjykatë, me një kompensim prej rreth 1.6 milion euro.

Në Barcelonë, një epilog i tillë nuk pritet, por është e qartë se Flick nuk do të tolerojë më tradhtinë e besimit brenda dhomës së zhveshjes. /Telegrafi/

Barcelona ka qenë e angazhuar në muajt e fundit në disa negociata kontratash dhe më e rëndësishmja prej tyre ende pritet të vijë.

Raphinha, Frenkie De Jong dhe Eric Garcia janë ndër lojtarët që kanë rinovuar qëndrimin e tyre në ‘Spotify Camp Nou’, ndërsa i radhës mund të jetë Hansi Flick.

Në fund të sezonit të kaluar, Flick nënshkroi një zgjatje kontrate njëvjeçare, e cila e mban atë në klub deri në verën e vitit 2027.

Aktualisht, atij i kanë mbetur edhe 18 muaj kontratë, por sipas BILD, Barcelona dëshiron të sigurojë që ai të mos hyjë në sezonin 2026/27 me më pak se një vit të mbetur në marrëveshje.

Barcelona shpreson të arrijë një zgjatje të re njëvjeçare me Flick, e cila do ta mbante atë në krye të ekipit deri në fund të sezonit 2027/28.

Negociatat mes palëve tashmë kanë nisur, me drejtorin sportiv Deco në rolin kryesor.

Flick është i lumtur te Barcelona dhe e sheh veten duke qëndruar si trajner i ekipit të parë të paktën deri në fund të sezonit të ardhshëm.

Megjithatë, ekzistojnë dyshime nëse ai është i gatshëm të nënshkruajë një tjetër zgjatje kontrate, pasi raportime të mëparshme kanë sugjeruar se synimi i tij është të tërhiqet nga futbolli në verën e vitit 2027./Telegrafi/

Klubi katalunas, Barcelona thuhet se është duke planifikuar një zgjatje tjetër të kontratës për trajnerin gjerman, Hansi Flick.

Pavarësisht një fillimi të luhatshëm të sezonit, Barça është qartësisht në rrugën e duhur me gjashtë fitore radhazi, duke ruajtur stilin e tyre agresiv të futbollit.

Flick i ka kapërcyer problemet e hershme me lëndimet dhe të metat sistematike dhe tani e ka vënë Barçën në rrugën e duhur për të përsëritur heroizmat e sezonit të kaluar.

Trajneri gjerman i frymëzoi Blaugranët drejt një triplete vendase në sezonin 2024/25, duke e lënë emrin e tij në nivelet e larta të historisë së klubit.

Ndërsa ai nënshkroi një zgjatje kontrate deri në vitin 2027 në fillim të këtij viti, presidenti i Barcelonës, Joan Laporta, po kërkon ta zgjasë qëndrimin e tij, gjë që tregon besimin e klubit te trajneri gjerman për të udhëhequr projektin e tyre afatgjatë.

Sipas gazetës gjermane Bild, Barcelona po planifikon të zgjasë kontratën e trajnerit Hansi Flick deri në vitin 2028.

Për më tepër, klubi katalunas po planifikon ta mbështesë Flick me më shumë nënshkrime verën e ardhshme. /Telegrafi/

Përveç Nico Schlotterbeck të Borussia Dortmund, Barcelona ka identifikuar edhe qendërmbrojtësin e Aston Villa, Pau Torres, si një objektiv të mundshëm transferimi.

Mbrojtësi spanjoll, i cili luan për Aston Villa nën drejtimin e Unai Emery që prej vitit 2023, raportohet se është i hapur për një rikthim në La Liga nëse klubi katalanas konkretizon interesimin.

Barcelona kishte tentuar ta afronte Torres edhe gjatë kohës kur ai ishte pjesë e Villarrealit.

Megjithatë, Schlotterbeck mbetet objektivi kryesor i trajnerit Hansi Flick, pasi mbrojtësi gjerman po kërkon një sfidë të re dhe nuk është i prirur të pranojë rinovimin e kontratës me Borussia Dortmund.

Pavarësisht interesit për përforcime, Barcelona duhet së pari të përmirësojë gjendjen financiare për të mundësuar afrime gjatë verës.

Largimi i emrave të mëdhenj, si Robert Lewandowski sezonin e ardhshëm, do t’i lejonte klubit të lironte hapësirë në buxhetin e pagave dhe të përshtatej me rregullat e Fair Play Financiar të La Ligës.

Nevoja për përforcime në mbrojtje është bërë edhe më urgjente pas vendimit të Ronald Araujo për të marrë një pushim të pacaktuar, me qëllim përqendrimin në shëndetin e tij mendor. /Telegrafi/

Trajneri i Barcelonës, Hans-Dieter Flick, komentoi komentet e Real Madridit për gjyqtarët, duke cilësuar kritikat si diçka të padrejta.

Real Madridi me anë të televizionit të tyre Real Madrid TV vazhdon të bëjë presion ndaj gjyqtarëve, gjë që zakonisht zë vend në mediat botërore.

Megjithatë, kjo taktikë e tyre është kritikuar nga rivali i tyre, trajneri i Barcelonës, Flick, i cili ka thënë se kjo nuk është mënyra e tij.

“E dimë që gjyqtarët janë një pjesë e rëndësishme e lojës dhe nuk mund të luajmë pa ta”, ka thënë fillimisht Flick.

“Të gjithë bëjnë gabime. Duhet të përqendrohemi te vetja dhe të shohim se çfarë mund të bëjmë më mirë. Nuk dua të flas për të tjerët”.

“Ne duhet të ndërtojmë ekipin më të mirë të mundshëm dhe është e padrejtë të ushtrojmë presion shtesë mbi gjyqtarët. Kjo nuk është mënyra ime”, përfundoi gjermani.

Ndryshe, Barcelona është aktualisht në krye të tabelës së ligës spanjolle, me Real Madridin në vendin e dytë, me katër pikë më pak. /Telegrafi/

Trajneri i Barcelonës, Hansi Flick, ka folur për opsionet që ka ekipi në repartin ofensiv, pasi u pyet për alternativat e mundshme në rast se Robert Lewandowski mungon, duke theksuar rëndësinë e përgatitjes dhe fleksibilitetit të skuadrës përpara përballjes ndaj Guadalajara në Kupën e Mbretit.

Tekniku gjerman pranoi se stafi teknik i kushton vëmendje të vazhdueshme këtij aspekti, duke nënvizuar se Barcelona ka disa lojtarë që mund të luajnë në rolin e sulmuesit qendror.

“Ne gjithmonë mendojmë për këtë. E dimë që ka lojtarë që mund të luajnë si numër 9 dhe e analizojmë vazhdimisht këtë mundësi. Kjo është puna jonë”, ka thënë Flick.

Ai përmendi konkretisht Fermin Lopez, Marcus Rashford dhe Ferran Torres si lojtarë të aftë për të mbuluar këtë pozicion, përveç Lewandowskit, duke shtuar se ka edhe alternativa të tjera brenda skuadrës.

“Ka edhe lojtarë të tjerë që janë të aftë të luajnë në këtë rol”, shtoi Flick, duke vënë në pah thellësinë e skuadrës dhe opsionet që ka në dispozicion për ndeshjen e ardhshme të Barcelonës ndaj Guadalajaras në Kuadër të Kupës së Mbretit. /Telegrafi/

Portieri gjerman Marc-Andre ter Stegen nuk ka ndërmend të heqë dorë nga kontrata e tij aktuale me Barcelonën, e vlefshme deri në vitin 2028.

Marc-Andre ter Stegen e ka të qartë pozicionin e tij.

Pavarësisht se prej kohësh Barcelona i ka lënë të kuptohet se mund të largohet, lojtari nuk ka asnjë synim të ndërpresë marrëveshjen përpara afatit.

Sipas Mundo Deportivo, në mendjen e tij vazhdon të jetë prioritet respektimi i kontratës deri në fund.

Sidoqoftë, i vetëdijshëm se aktualisht është pothuajse e pamundur të rrëzojë Joan Garcia nga roli i titullarit, gjermani ka nisur të shqyrtojë seriozisht opsionin e një huazimi në janar.

Vendimi i tij do të varet në masë të madhe nga ajo që do të ndodhë në ndeshjen e Kupës së Mbretit, ku Barça përballet këtë të martë me Deportivo Guadalajara.

Nëse Hansi Flick i jep mundësinë të luajë dhe i konfirmon rolin si zëvendësuesi kryesor, pritet që ter Stegen të qëndrojë.

Në të kundërt, nëse Flick zgjedh Wojciech Szczesny, do të kërkojë një largim të përkohshëm.

Faktorët vendimtarë

Prania e Kupës së Botës 2026 në horizont është thelbësore për të kuptuar qëndrimin e portierit gjerman.

Ter Stegen e di se do të jetë shumë e vështirë të sigurojë një vend në përfaqësuesen e Gjermanisë pa asnjë minutë loje gjatë sezonit.

“Gjermani ka folur tashmë me Flick. Një bisedë private, që mbetet mes tyre, siç tha edhe trajneri. Ai e di se për të shkuar në Botëror duhet të luajë. Te Barça e ka të vështirë dhe është i vetëdijshëm për këtë”, përmbledh Mundo Deportivo.

Natyrisht, për drejtuesit e klubit katalanas zgjidhja ideale do të ishte një transferim përfundimtar, por as lojtari nuk është i gatshëm të heqë dorë nga kontrata e nënshkruar, as nuk ka klube të interesuara të paguajnë një shumë transferimi.

Edhe zgjidhja e prishjes së kontratës nuk është e favorshme, pasi Barça do të duhej t’i paguante pjesën e mbetur të pagës.

Në këto kushte, vetëm një huazim mund të lehtësojë pjesërisht një situatë që mbetet e ndërlikuar dhe pa zgjidhje të shpejtë. /Telegrafi/

Trajneri i Barcelonës, Hansi Flick, ka treguar gatishmëri për të ndryshuar planin e tij kryesor dhe formacionin titullar gjatë javëve të fundit.

Mund të ketë edhe më shumë eksperimente para fundit të vitit.

Së fundmi, Flick ka vendosur të përdorë më rregullisht Gerard Martin si qendërmbrojtës, pasi ka hasur vështirësi në gjetjen e një partneri të qëndrueshëm për Pau Cubarsi.

Në një fazë, Eric Garcia po luante përkrah tij, por tani është zhvendosur përpara në mesfushë, me Flick që i ka bërë të qartë Frenkie de Jong se ai duhet ta fitojë sërish vendin në formacion.

Sipas Cadena SER, Flick tani planifikon ta zhvendosë Raphinhan më në qendër dhe mendon se ai mund të jetë opsioni më i mirë për pozitën numër 10.

Brazilianit pritet t’i besohet ajo rol kundër Osasunës këtë të shtunë, dhe nuk do të ishte aspak befasi ta shohim po aty edhe në ndeshjet e ardhshme të Barcelonës.

Po ashtu u raportua se Raphinha i ka thënë Flickut disa herë se ishte i gatshëm të luante në atë pozicion.

Flick e ka përdorur këtë opsion në fazat e vona të ndeshjeve në të tretën e fundit të sezonit të kaluar, kur Barcelona po ndiqte rezultatin. Gjatë verës pati zëra se, nëse do të transferonin Nico Williams ose Luis Diaz, atëherë Raphinha do të zhvendosej brenda në mënyrë të rregullt.

Nuk është lajm i mirë për Fermin Lopez dhe Dani Olmo, të cilët kanë konkurruar mes tyre për atë pozicion gjatë 18 muajve të fundit.

Olmo është i dëmtuar deri në fillim të vitit 2026, ndërsa Lopez sapo është rikthyer nga një dëmtim. Pikërisht ai pozicion pas sulmuesit është padyshim vendi ku të dy ndihen më komod./Telegrafi/

Trajneri i Barcelonës, Hansi Flick, shmangu me diplomaci të fliste për situatën në Real Madrid dhe trajnerin e asaj skuadre, Xabi Alonso. Siç dihet mirë, Reali ka luajtur në një formë të dëshpëruar kohët e fundit, duke qenë katër pikë prapa liderëve të Barçës.

Mediat spanjolle kanë njoftuar se Alonso do të largohet nëse Reali nuk e mposht Alavesin, një ndeshje e planifikuar për të dielën.

Flick shmangu çdo përmendje të Alonsos dhe situatës te Reali në konferencën e sotme për shtyp përpara ndeshjes së nesërme të Barcelonës kundër Osasunës.

"Nuk dua të flas për Real Madridin, vetëm për Barcelonën, prandaj jam këtu. Pavarësisht nëse futbolli është i padrejtë ndaj trajnerëve apo jo, nuk do të flisja për këtë tani", ka thënë fillimisht Flick.

“Nuk jam i shqetësuar për Realin, vetëm për situatën tonë".

Barça është katër pikë përpara në krye të La Ligës dhe Flick pretendon se ata kanë ende shumë ndeshje për të luajtur.

“Është vetëm dhjetor dhe ne ende mund të bëjmë më mirë. Jemi të lumtur që jemi në krye, por mbetemi të përqendruar deri në fund të sezonit", përfundoi trajneri gjerman. /Telegrafi/

Hansi Flick komentoi reagimin e zemëruar të Lamine Yamal pas zëvendësimit të tij gjatë fitores 2-1 të Barcelonës ndaj Eintracht Frankfurt në Ligën e Kampionëve, të martën mbrëma.

Ylli i ri i Barcelonës u zëvendësua nga loja në minutën e 89-të për t’i lënë vend Roony Bardghjit, duke shfaqur hapur irritim teksa largohej nga fusha. Shprehja e tij mbeti e ashpër ndërsa ecte drejt pankinës dhe ai dukej sikur murmuriste i zhgënjyer nën zë.

Flick adresoi irritimin e Yamal për zëvendësimin e vonshëm në deklaratat pas ndeshjes, duke dhënë një shpjegim të qetë.

Ai konfirmoi se vendimi për të larguar nga loja anësorin ishte masë paraprake, jo taktike.

“E zëvendësuam Lamine pak para fundit sepse kishte një karton të verdhë dhe ishte vonë. Nëse u mërzit pak, e kuptoj plotësisht dhe më pëlqen. Edhe unë kam qenë lojtar. Është plotësisht e pranueshme, nuk është problem”.

Megjithëse trajneri mund ta vlerësojë intensitetin e Yamal, Barcelona do të duhet të përballojë mungesën e tij në ndeshjen e radhës të Ligës së Kampionëve.

Kartoni i tij i verdhë ndaj Frankfurt ishte i treti këtë sezon, duke shkaktuar automatikisht një pezullim prej një ndeshjeje. Për rrjedhojë, ai do të mungojë në përballjen e janarit kundër Slavia Pragës.

Flick theksoi gjithashtu rëndësinë e rikthimeve të shpeshta të Barcelonës, ndonëse pranoi se skuadra nuk mund ta lejojë vetes të nisë ndeshjet dobët.

“Jam shumë i lumtur që arrijmë të kthehemi, por ndonjëherë do të ishte mirë të nisnim mirë dhe të shënonim golin e parë. Është kështu siç është”, përfundoi ai./Telegrafi/

Lamine Yamal nuk e fshehu fare zhgënjimin e tij në momentin kur u zëvendësua ndaj Frankfurtit, pavarësisht se Barcelona po e kontrollonte ndeshjen dhe rezultati ishte i sigurt.

Trajneri Hansi Flick konfirmoi pas ndeshjes se i riu 18-vjeçar ishte dukshëm i mërzitur me vendimin.

“Lamine ishte pak i zhgënjyer me zëvendësimin e tij, por ai mori një karton të verdhë dhe ne kishim nevojë për lojtarë të freskët", shpjegoi ai, duke theksuar se gjithçka ishte thjesht një vendim taktik dhe parandalues.

“Lamine është i tillë. Është i ri dhe mendoj se sjellja e tij është e mirë, është mirë që reagon kështu kur largohesh. Nuk është problem".

Yamal, i cili asistoi për golin vendimtar të Jules Kounde, reagoi me nervozizëm teksa u largua nga fusha për t’i lënë vendin Roony Bardghjit.

Megjithatë, Flick insistoi se zëvendësimi ishte i duhuri për të ruajtur rezultatin dhe për të mbrojtur talentin e tij më të ndritshëm nga rreziku i një kartoni të dytë. /Telegrafi/

Trajneri i Barcelonës, Hansi Flick, beson se skuadra e tij është në një trajektore pozitive javët e fundit, pas rikthimit në krye të tabelës së La Ligës.

Pavarësisht humbjes ndaj Chelseat në Ligën e Kampionëve, Barcelona ka arritur fitore ndaj Athletic Club, Alaves, Atletico Madrid dhe Real Betis në garat vendase.

Duke folur para ndeshjes, Flick u përqendrua te Liga e Kampionëve, ku shpresat për të siguruar një vend mes tetë ekipeve më të mira varen në fije të perit.

Konsensusi është se atyre u duhen pikët maksimale nga ndeshjet e mbetura, duke filluar me Eintracht Frankfurt të martën në mbrëmje.

“Liga e Kampionëve është ndryshe, ndaj gjithçka që ka ndodhur më parë nuk ka rëndësi. Eintracht ka një skuadër të mirë, shumë të re, me shumë intensitet dhe lojtarë të shpejtë. Gjithashtu dinë të përshtasin sistemin e tyre”.

“Ne duhet të luajmë në nivelin tonë më të lartë. Nëse e bëjmë këtë, atëherë mund të marrim edhe tre pikët”.

Flick vazhdoi duke shpjeguar faktorët kryesorë që sipas tij kanë ndikuar në vështirësitë e muajve të fundit.

“Të gjithë e dinë çfarë kemi kaluar gjatë këtyre tre muajve, me lojtarë të dëmtuar dhe me nevojën për të menaxhuar minutat e lojës”.

“Kemi vetëm gjashtë lojtarë në mbrojtje. Në minutat e fundit lodhja ndikon dhe nuk është gjithmonë e lehtë të ruash një nivel të lartë”.

“Këtë mëngjes u thashë se po bëjmë mirë, më të bashkuar. Kjo është ajo që duam. Ata luajtën në një nivel tjetër krahasuar me një muaj më parë”, ka deklaruar Flick./Telegrafi/

Trajneri gjerman i Barcelonës, Hansi Flick, ka shprehur qartë dëshirën për të sjellë mesfushorin e ri gjerman Angelo Stiller nga Stuttgart.

Futbollisti ka shfaqur një rritje të qëndrueshme gjatë disa sezonesh dhe konsiderohet një nga mesfushorët më të talentuar të rinj në Bundesligë.

Pjekuria e tij taktike dhe aftësia për të organizuar lojën e bëjnë atë një element të përshtatshëm për stilin e Barcelonës.

Flick e njeh mirë Stiller nga koha e tij në Gjermani dhe e sheh si profil ideal për të forcuar mesfushën e klubit katalanas.

Trajneri ka kërkuar drejtpërdrejt nga drejtuesit që të bëjnë përpjekje për transferimin, duke e konsideruar lojtarin një investim të rëndësishëm për projektin afatgjatë të skuadrës.

Çështja kryesore është çmimi. Stuttgart nuk ka ndërmend të lehtësojë largimin e lojtarit dhe kërkon një ofertë mbi 50 milionë euro. Performanca e mirë e Stiller dhe interesi i disa klubeve të tjera e bëjnë operacionin të ndërlikuar. Barcelona duhet të gjejë ekuilibrin mes kosto-sportive për ta realizuar transferimin.

Nga ana e tij, Stiller sheh Barcelonën si një mundësi të shkëlqyer për zhvillim dhe avancim në karrierë. Prania e Flick, trajneri që i beson plotësisht talentit të tij, mund të jetë vendimtare për vendimin e mesfushorit.

Lojtari vlerëson projektet që ofrojnë rritje dhe Camp Nou përfaqëson një sfidë dhe mundësi unike.

Nëse Barcelona arrin të bindë lojtarin dhe të strukturojë një ofertë të pranueshme për Stuttgartin, Stiller mund të vishet me fanellën blaugrana sezonin e ardhshëm.

Dëshira e trajnerit dhe interesimi i lojtarit mbajnë gjallë mundësinë e një transferimi të vështirë, por të realizueshëm. /Telegrafi/

Roony Bardghji po kalon një moment delikat në kohën e tij si lojtar i Barcelonës. Sulmuesi i krahut, i cili ka shtetësi suedeze, ende nuk ka lënë gjurmë në fillimet e sezonit, duke grumbulluar vetëm 195 minuta në nëntë paraqitje mes La Ligas dhe Ligës së Kampionëve.

Pa gola dhe me vetëm një asist, ndikimi i tij ka qenë thuajse i papërfillshëm, kryesisht për shkak të mungesës së vazhdimësisë dhe besimit në një kontekst me kërkesa maksimale.

Në këtë skenar, Bardghji është vendosur në një rol dytësor, duke u tejkaluar nga opsione të tjera sulmuese që përshtaten më mirë me idenë e trajnerit gjerman.

Flick beson se, aktualisht, dinamizmi dhe vertikaliteti i kërkuar nga skema e tij duhet të sigurohet nga profile më të konsoliduara ose më vendimtare në tremujorin e fundit.

Duke u përballur me këtë situatë, trajneri ka hapur derën për një huazim në dritaren e ardhshme të transferimeve.

Qëllimi nuk do të jetë largimi i përhershëm i lojtarit, por t’i lejohet të fitojë minuta, besim dhe eksperiencë konkurruese larg presionit të ‘Camp Nou’.

Një lëvizje strategjike që është përdorur tashmë nga Barcelona në raste të tjera me talente të rinj që kanë nevojë për kohë loje.

E ardhmja e Roony Bardghjit mbetet, për tani, e pasigurt. Edhe pse destinacioni i tij i ardhshëm nuk është përcaktuar ende, të gjitha shenjat tregojnë se ai do të jetë larg Barcelonës në të ardhmen e afërt./Telegrafi/

Roony Bardghji po kalon një periudhë të vështirë si lojtar i Barcelonës. Anësori i ri, i cili ka shtetësi suedeze, ende nuk ka lënë gjurmë në pjesën e parë të sezonit, duke grumbulluar vetëm 195 minuta në nëntë paraqitje në La Liga dhe Ligën e Kampionëve. Pa gol dhe vetëm një asistim, ndikimi i tij ka qenë praktikisht inekzistent, kryesisht për shkak të mungesës së kohës së vazhdueshme të lojës dhe besimit në një mjedis shumë kërkues.

Koha e Hansi Flick në stolin e Barcelonës ka sjellë një qasje të re konkurruese, ku çdo minutë ka rëndësi bazuar në performancën e menjëhershme. Në këtë skenar, Bardghji është lënë në një rol dytësor, i lënë pas opsione të tjera sulmuese që i përshtaten më mirë filozofisë së trajnerit gjerman.

Flick beson se, aktualisht, dinamizmi dhe vertikalizimi i kërkuar nga sistemi i tij duhet të sigurohet nga lojtarë më të vendosur ose nga ata që janë më vendimtarë në fazën e tretë të fushës.

Duke pasur parasysh këtë situatë, trajneri i ka hapur derën një largimi të Bardghjit në formë huazimi në afatin e ardhshëm kalimtar. Qëllimi nuk do të jetë ndarja e përhershme me lojtarin, por përkundrazi t'i lejohet atij të fitojë kohë loje, vetëbesim dhe përvojë konkurruese larg presionit të Camp Nou.

Është një veprim strategjik që Barcelona e ka përdorur më parë me talentë të rinj që kishin nevojë për kohë loje.

Brenda klubit, kuptohet që Bardghji mbetet një lojtar me potencial, por edhe se zhvillimi i tij kërkon një rol të rëndësishëm, diçka që skuadra e parë nuk mund t'ia garantojë aktualisht.

Prioriteti, megjithatë, është të nënshkruajë menjëherë një sulmues anësor që i përshtatet planeve të Flick dhe që rrit nivelin konkurrues të skuadrës. /Telegrafi/