Lufta e gjatë në Jemen ka marrë një kthesë dramatike këtë të martë, duke shënuar një përçarje të hapur mes dy fuqive kryesore të koalicionit anti-Houthi: Arabisë Saudite dhe Emirateve të Bashkuara Arabe (EBA).

Emiratet e Bashkuara Arabe kanë njoftuar zyrtarisht tërheqjen e forcave të tyre ushtarake nga Jemeni. Ky vendim vjen pas një ultimatumi të prerë nga Këshilli Presidencial i Jemenit, i mbështetur nga Riadi, si dhe pas një sulmi ajror saudit ndaj një dërgese të dyshuar armësh.

Pika kritike e përshkallëzimit ishte bombardimi i portit jugor të Mukallas nga aviacioni saudit. Në një deklaratë të rrallë dhe të ashpër, ushtria saudite pretendoi se kishte goditur një dërgesë që vinte nga Fujairah, në Emiratet e Bashkuara Arabe, e cila sipas tyre përmbante “sasi të madhe armësh” për separatistët e Këshillit Tranzicional Jugor (STC).

“Ekuipazhi kishte çaktivizuar pajisjet e gjurmimit. Dërgesa ishte një kërcënim i menjëhershëm”, thuhej në deklaratën e Riadit.

Nga ana tjetër, Abu Dhabi i mohoi kategorikisht akuzat për dërgim armësh, duke pranuar vetëm transferimin e automjeteve. Ministria e Jashtme e Emirateve bëri thirrje për “përmbajtje dhe mençuri”, duke mohuar çdo rol në nxitjen e konfliktit.

Reagimi politik ishte i menjëhershëm. Udhëheqësi i Këshillit Presidencial të Jemenit shpalli gjendjen e jashtëzakonshme dhe mori dy vendime drastike: anulimin e paktit të mbrojtjes me Emiratet e Bashkuara Arabe dhe dhënien e një ultimatumi 24-orësh për largimin e forcave të EBA-së nga territori jemenas.

Po ashtu, u vendos një ndalim 72-orësh për të gjitha kalimet kufitare që nuk kanë miratimin e Riadit.

Ky zhvillim nxjerr në pah tensionet e fshehura prej kohësh mes dy shteteve të Gjirit. Ndonëse të dyja janë pjesë e luftës kundër rebelëve Houthi, të lidhur me Iranin, ato mbështesin fraksione rivale brenda kampit tjetër: Arabia Saudite mbështet qeverinë qendrore, përkatësisht Këshillin Presidencial, ndërsa Emiratet janë mbështetësi kryesor i separatistëve të jugut të STC-së.

Ministria e Mbrojtjes e Emirateve të Bashkuara Arabe deklaroi se tërheqja po bëhet për shkak të “zhvillimeve të fundit”, pa dhënë një kalendar të saktë, duke lënë të hapura pikëpyetje serioze mbi të ardhmen e operacioneve kundër terrorizmit në rajon.

Sinjali – aty ku e vërteta flet para lajmit!

/GazetaSinjali/

The post Përplasje aleatësh në Jemen, Emiratet tërhiqen pas ultimatumit 24-orësh dhe bombardimit saudit appeared first on Sinjali.

“Ishte pothuajse pa shenja jete… pas 45 minutash hapi sytë dhe dhuroi buzëqeshje”.

Këto fjalë përmbledhin momentet dramatike të një fluturimi transatlantik nga Vjena drejt New York-ut, ku një akt humanizmi i një kosovari u kthye në mrekulli.

Protagonist është Malë Dautaj, mjek nga Peja, i cili me profesionalizëm dhe guxim arriti të shpëtojë jetën e një të riu amerikan.

Në aeroplanin e mbushur me udhëtarë, mjeku nga Kosova u gjend në këtë situatë emergjente gjatë një fluturimi, e para që i kishte ndodhur në jetë.

Këtë përvojë të jashtëzakonshme, që ai e përjetoi me përgjegjësi të madhe, por edhe me krenari profesionale, Malë Dautaj, e ndau në një rrëfim.

Ai tregoi fillimisht momentin kur u kërkua ndihmë për pasagjerin, gjendja shëndetësore e të cilit po përkeqësohej me shpejtësi dhe pothuajse ishte pa shenja jete.

“Rreth orës 16:00 pasdite, gjatë fluturimit mbi oqean, në aeroplanin e Vjenës duke shkuar në Nju Jork, kam vërejtur një situatë emergjente në mes të kabinës. Një djalë kishte filluar të përkeqësohej dhe u kërkua menjëherë ndihmë.”

Në ato çaste kritike, Dautaj iu afrua pacientit dhe e kuptoi menjëherë seriozitetin e gjendjes së tij.

“U afrova pranë pacientit dhe vërejta se në ato momente ishte i shtrirë, pothuajse pa shenja jete. Fillimisht e tërhoqëm drejt pjesës së përparme të aeroplanit, ku u shtri për të mundësuar ndërhyrje më të sigurt.”

Përballë një situate ku çdo sekondë ishte vendimtare, përgjegjësia që mori mbi vete ishte jetike për fatin e të riut amerikan.

Ai rrëfeu tutje se intervenimi ishte i domosdoshëm për ta kthyer pacientin në jetë.

Ndërhyrjen e realizoi me pajisjet personale që kishte me vete, si dhe me mjetet e ofruara nga ekuipazhi i avionit.

“Vrapova për të marrë mjetet nga çanta ime personale dhe më pas kërkova nga ekuipazhi çantat me pajisjet e nevojshme. Me ndihmën e një djalit që më asistoi gjatë gjithë kohës, filluam trajtimin emergjent. Ishte një përgjegjësi shumë e madhe, por ishte e domosdoshme ta kthenim pacientin në jetë, përndryshe situata do të ishte fatale”, tha ai për Klan Kosovën.

Përpjekjet zgjatën pothuajse një orë dhe falë reanimimit të pandërprerë dhe përkushtimit maksimal, i riu buzëqeshi.

Momentet e rikthimit në jetë të tij u shoqëruan me duartrokitje nga pasagjerët, ndërsa për mjekun nga Kosova me 27 vjet përvojë pune, ky ishte shpërblimi më i madh emocional dhe profesional.

“Vura re se pacientit i mungonte oksigjeni. Pas rreth 45 minutash reanimimi dhe ndërhyrjeje të vazhdueshme, pacienti hapi sytë dhe dhuroi buzëqeshjen e parë, moment që ishte jashtëzakonisht prekës. Pas kësaj, duartrokitjet që mora, ishin vërtetë impresionuese, pasi ishte hera e parë që bëra një veprim të tillë në aeroplan. U ndjeva me të vërtetë i lumtur” – përfundoi Dautaj rrëfimin.

Sinjali – aty ku e vërteta flet para lajmit!

/GazetaSinjali/

The post Hero në fluturim: Mjeku nga Peja shpëton jetën e një të riu amerikan në aeroplan appeared first on Sinjali.

Komisioni Qendror i Zgjedhjeve ka njoftuar se deri të martën pasdite është përmbyllur numërimi i votave të kandidatëve për deputetë dhe verifikimi i rezultateve të subjekteve politike në 9 Qendra Komunale të Numërimit (QKN).

Komunat ku është përmbyllur procesi janë: Mamushë (6 vendvotime), Shtërpcë (17), Junik (6), Hani i Elezit (11), Kllokot, Mitrovicë e Veriut (22), Novobërdë (23), Zveçan (11) dhe Viti (64).

Deri më tani, 1,221 vendvotime nga gjithsej 2,557, ose 47.75%, janë procesuar në të gjitha Qendrat Komunale të Numërimit.

Komisioni njofton se procesi i numërimit dhe verifikimit po vazhdon në 29 QKN-të tjera dhe rezultatet përfundimtare do të bëhen të ditura pas përfundimit të procesit në të gjitha komunat.

Sinjali – aty ku e vërteta flet para lajmit!

/GazetaSinjali/

The post Përfundon numërimi në 9 QKN, vazhdon në 29 komuna të tjera appeared first on Sinjali.

Pesë persona janë lënduar në një aksident trafiku në pasditën e sotme, në rrugën Zhujë Selmani, në Pejë, raporton Gazeta Sinjali.

Në këtë aksident janë përfshirë katër vetura, kështu konfirmoi për Sinjalin, zëdhënësi i Policisë për rajonin e Pejës, Fadil Gashi.

Të lënduarit janë dërguar për tretman mjekësor në Spitalin Rajonal në Pejë.

Sinjali – aty ku e vërteta flet para lajmit!

/GazetaSinjali/

The post Pesë persona të lënduar në aksidentin mes katër veturave në Pejë appeared first on Sinjali.

Presidenti ukrainas, Volodymyr Zelensky, ka bërë të ditur të martën se Kievi po diskuton me Uashingtonin mundësinë e vendosjes së trupave amerikane në Ukrainë si pjesë e garancive të sigurisë.

Në një bisedë përmes WhatsApp me gazetarë, Zelensky tha se një prani e tillë do të përfaqësonte një nxitje të madhe të sigurisë për vendin e tij.

“Sigurisht, ne po e diskutojmë këtë me presidentin Trump dhe me përfaqësuesit e koalicionit perëndimor që mbështesin Kievin. Ne e duam këtë. Ne do ta donim këtë. Ky do të ishte një qëndrim i fortë i garancive të sigurisë,” ka deklaruar Zelensky.

Shtëpia e Bardhë nuk ka komentuar ende çështjen e dërgimit të trupave amerikane në Ukrainë sipas çdo marrëveshjeje të mundshme paqeje me Rusinë.

Zelensky gjithashtu ngriti çështjen e asaj që ai e përshkroi si një sulm të rremë ndaj rezidencës së presidentit rus, Vladimir Putin. Ai theksoi për mediat se është i përkushtuar për të vazhduar bisedimet për të dhënë fund luftës së nisur nga pushtimi rus në vitin 2022 dhe se është i gatshëm të takohet me Putinin në çdo format.

Presidenti i SHBA-së, Donald Trump, deklaroi të dielën se ai dhe Zelensky ishin “ndoshta shumë afër” një marrëveshjeje për t’i dhënë fund luftës, megjithëse çështjet territoriale mbetën të vështira. Ai shtoi se garancitë e sigurisë ishin 95% e rrugës drejt një marrëveshjeje të tillë dhe shpresonte që vendet evropiane të merrnin përsipër një pjesë të madhe të përpjekjes me mbështetjen e SHBA-së.

Ndërkaq, të martën, Rusia njoftoi se qëndrimi i saj negociues do të ashpërsohej, duke akuzuar Kievin për sulmin ndaj një prej rezidencave presidenciale të Putinit – një akuzë që Kievi e ka quajtur të pabazë dhe e cila synonte, sipas tij, të dëmtonte bisedimet e vështira të paqes.

Sinjali – aty ku e vërteta flet para lajmit!

/GazetaSinjali/

The post Zelensky dhe Trump diskutojnë dërgimin e trupave amerikane në Ukrainë appeared first on Sinjali.

Një ngjarje e rëndë është shënuar në fshatin Piskupat në Pogradec. Një 12 vjeçare nga ky fshat është përdhunuar brutalisht para 4 muajsh nga një 67 vjeçar po nga i njëjti fshat. Ngjarja ka ndodhur 4 muaj më parë në banesën e 67 vjeçarit, por është zbuluar vetëm tani pasi 12 vjeçarja ka mbetur shtatzënë dhe është 4 muajshe.

E mitura e terrorizuar nuk u ka treguar prindërve të saj për ngjarjen pasi 67 vjeçari e ka kërcënuar vazhdimisht se do ta vriste në raste se i tregonte prindërve. E mitura në praninë e psikologut janë pyetur mbrëmjen e sotme për orë të tëra në prokurori ku ka rrëfyer të gjithë ngjarjen dhe se si autori e kishte përdhunuar me forcë duke e lidhur, në banesën e tij.

Kanë qenë prindërit e vajzës të cilët e kanë çuar pëe vizitë atë pasi ajo po shtonte peshë në mënyrë të pakuptimtë dhe mjekët i kanë informuar se vajza ishte shtatzën 4 muajshe.

Fill pas kësaj vajza ka tregruar më pas ngjarjen dhe sesi 67 vjeçari e kishte përdhunuar në banesën e tij, i cili tashmë është arrestuar nga policia.

Euronews raporton se autori është baba i 4 fëmijëve si dhe është edhe gjysh. Ndërsa mitura tashmë ndodhet nën kujdesin e prindërve dhe psikologëve pasi është në gjendje tepër të rëndruar psikologjike.

Sinjali – aty ku e vërteta flet para lajmit!

/GazetaSinjali/

The post E rëndë në Pogradec, e mitura përdhunohet nga 67-vjeçari dhe mbetet shtatëzanë – arrestohet i dyshuari appeared first on Sinjali.

Një ngjarje e rëndë ka ndodhur pasditen e sotme në Pejë, ku dy persona janë gjetur pa shenja jete brenda një vile në rrugën “KFOR”.

Siç mësoi Sinjali, njëri nga viktimat është Endrit Lajqi, kurse bashkë me të ishte edhe një femër, të moshës rreth 20 deri në 25 vjeç, të cilët sipas informacioneve fillestare kishin hyrë në vilë që nga mbrëmja e 29.12.2025, por prej asaj kohe nuk ishte dëgjuar asnjë zë nga brenda.

E trishtë: Ky është njëri nga viktimat që u gjet pa shenja jete në një vilë në Pejë

Lidhur me rastin, ka dhënë detaje Shkodran Nikçi, zëdhënës i Prokurorisë Themelore të Pejës. Ai tha se në vendin e ngjarjes janë siguruar prova që do të shërbejnë për veprimet e mëtejshme hetimore, si dhe janë identifikuar dëshmitarët.

“Me të pranuar informatën menjëherë kanë dalë në vendin e ngjarjes Policia e Kosovës, dyshohet se ishin pa shenje jete në një motel. Në vendin e ngjarjes kanë dalë kryeprokurorja e Prokurorisë Themelore të Pejës dhe prokurorja e Krimeve të Rënda dhe janë ndërmarrë të gjitha veprimet në vendin e ngjarjes duke siguruar provat të cilat do të shërbejnë në veprimet e mëtutjeshme. Njëkohësisht janë identifikuar dëshmitarë, është ftuar Mjekësia Ligjore për t’i tërhequr trupat e pajetë dhe me urdhër të shtetit të bëhet autopsia. Për shkak të ndjeshmërisë së rastit nuk mund të jepen detaje më shumë”, tha ai.

Detaje nga rasti tragjik në Pejë: Të rinjtë kishin hyrë në vilë që nga mbrëmja e djeshme, prej asaj kohe s’ishte dëgjuar asnjë zë nga brenda

Konfirmohet raportimi i Sinjalit: Dy persona gjenden pa shenja jete në një vilë në Pejë

Sinjali – aty ku e vërteta flet para lajmit!

/GazetaSinjali/

The post Rasti tragjik i vdekjes së dy personave në një vilë në Pejë, Prokuroria: Janë identifikuar dëshmitarë e gjetur prova appeared first on Sinjali.

Rusia ka publikuar një video duke deklaruar se raketat e saj Oreshnik, me kapacitet bërthamor, janë futur në shërbim aktiv në Bjellorusi, aleatin e saj fqinj, i cili gjithashtu ndan kufi me vendet e NATO-s: Poloninë, Lituaninë dhe Letoninë.

Presidenti rus, Vladimir Putin, ka pretenduar se këto armë janë të pamundura për t’u interceptuar, duke theksuar se shpejtësia e raketave supozohet të jetë më shumë se 10 herë shpejtësia e zërit.

Ky veprim mund të lejojë që raketat bërthamore ruse të arrijnë objektivat në Europë më shpejt, nëse ruhen në një bazë në Bjellorusi. Raketat e mesme kanë një rreze prej rreth 5,500 km (3,415 milje), që do të thotë se mund të godasin kudo në Europë ose në bregun perëndimor të SHBA-së nga Rusia.

Videoja e publikuar nga ministritë e mbrojtjes së Rusisë dhe Bjellorusisë të martën nuk specifikoi vendndodhjen e sistemeve të raketave në Bjellorusi, por tregonte transportimin e tyre nëpër pyje dhe kamuflimin me rrjeta.

“Divizioni i raketave Oreshnik ka filluar të kryejë detyrat e shërbimit luftarak në zonat e caktuara të vendit,” tha ministria e mbrojtjes e Bjellorusisë.

Sinjali – aty ku e vërteta flet para lajmit!

/GazetaSinjali/

The post Rusia vendos raketat bërthamore Oreshnik në Bjellorusi appeared first on Sinjali.

Islanda ka përjetuar Krishtlindjen më të nxehtë të regjistruar ndonjëherë, duke shënuar një tjetër sinjal alarmi për pasojat e ngrohjes globale.

Sipas Zyrës Meteorologjike Islandeze, më 24 dhjetor temperatura në qytetin Seyðisfjörður, në lindje të vendit, arriti në 19,8 gradë Celsius, pothuajse 20°C, një vlerë jashtëzakonisht e lartë për këtë periudhë të vitit. Zakonisht, temperaturat mesatare të dhjetorit në Islandë variojnë nga -1°C deri në 4°C.

Rekorde të tjera u shënuan po atë ditë edhe në zona përreth, ku në Bakkagerði u regjistruan 19,7°C. Rekordi i mëparshëm për muajin dhjetor ishte vendosur në vitin 2019.

Meteorologët shpjegojnë se ky fenomen u shkaktua nga masa ajri të ngrohta me origjinë tropikale, tërhequr mbi vend nga një sistem i fortë presioni të lartë, i cili pengoi depërtimin e ajrit të ftohtë.

Ekspertët theksojnë se Islanda po ngrohet me shpejtësi për shkak të ndryshimeve klimatike të shkaktuara nga aktiviteti njerëzor. Gjatë këtij viti, vendi ka përjetuar valë të forta të të nxehtit, shkrirje të akullnajave dhe ndryshime të dukshme në ekosisteme.

Madje, për herë të parë janë konstatuar edhe mushkonja në Islandë, një dukuri e panjohur më parë. Studimet tregojnë se rajoni Arktik po ngrohet katër herë më shpejt se pjesa tjetër e planetit, dhe Islanda është një nga shembujt më të qartë të këtij ndryshimi dramatik.

Sinjali – aty ku e vërteta flet para lajmit!

/GazetaSinjali/

The post 20°C në “tokën e akullt”: Shteti nordik përjeton Krishtlindjen më të nxehtë në histori appeared first on Sinjali.

Policia holandeze ka arrestuar një burrë 29-vjeçar sirian, për të cilin dyshohej se ishte anëtar i Shtetit Islamik dhe po planifikonte një sulm në një vend të paspecifikuar në Evropë, kanë njoftuar prokurorët të martën.

Sipas autoriteteve, dyshimet mbi planet e tij u bazuan në postimet që burri kishte bërë në mediat sociale.

Prokurorët kanë thënë se agjencia holandeze e inteligjencës, AIVD, kishte gjetur mesazhe në të cilat burri kërcënonte të kryente një sulm gjatë periudhës së Krishtlindjeve.

Megjithatë, autoritetet nuk kanë dhënë detaje mbi sulmin e dyshuar ose mbi anëtarësinë e tij të mundshme në Shtetin Islamik.

Burri u arrestua më 18 dhjetor në shtëpinë e tij në Vlissingen, në jugperëndim të Holandës. Një gjykatë vendosi të martën që paraburgimi i tij të zgjatet për të paktën 30 ditë, ndërsa hetimet vazhdojnë.

Sinjali – aty ku e vërteta flet para lajmit!

/GazetaSinjali/

The post Policia holandeze arreston një sirian, dyshohet se po planifikonte sulm diku në Evropë appeared first on Sinjali.

Vjedhësit përdorën një makinë të madhe për të hapur një kasafortë në një degë të bankës në rrugën kryesore në perëndim të Gjermanisë dhe vodhën një shumë të vlerësuar prej 30 milionë eurosh (26 milionë paund; 35 milionë dollarë) në para dhe sende të çmuara, ka thënë policia.

Një zëdhënës i policisë e krahasoi grabitjen me filmin e Hollivudit Ocean’s Eleven, duke thënë për agjencinë e lajmeve AFP se ishte “shumë profesionalisht e ekzekutuar”.

Gjatë grabitjes në bankën Sparkasse në qytetin Gelsenkirchen, vjedhësit hapën më shumë se 3,000 kasaforta që përmbanin para, ar dhe bizhuteri, raporton bbc, transmeton Sinjali.

Policia e Gelsenkirchen tha se u bë e vetëdijshme për krimin pasi u ndez alarma e zjarrit në orët e hershme të mëngjesit të hënës.

Aktualisht, nuk ka arrestime dhe kryerësit janë ende të lirë.

Policia tha se vjedhësit shfrytëzuan “ditët e qeta të Krishtlindjeve” për të grabitur ndërtesën në Nienhofstrasse, në distriktin Buer.

Hetimet fillestare sugjerojnë se ata kanë hyrë në bankë dhe janë larguar përmes një garazhi ngjitur.

Dëshmitarë raportuan se panë disa burra duke mbajtur çanta të mëdha në shkallët e garazhit gjatë natës nga e shtuna në të dielën.

Policia tha se pamjet nga kamerat e sigurisë tregojnë një Audi RS 6 të zezë duke lënë garazhin në De-La-Chevallerie-Strasse, herët në mëngjes të hënës.

Holi në dhomën e kasafortave nën tokë u zbulua kur u ndez alarma e zjarrit në orët e hershme të mëngjesit të hënës, dhe policia bashkë me zjarrfikësit kërkuan në ndërtesë.

Klientët e prekur të bankës janë udhëzuar të kontaktojnë Sparkasse, e cila ka hapur një linjë telefonike speciale. Policia siguroi hyrjen e degës të martën pasi një numër i madh klientësh u mblodhën jashtë duke kërkuar informacione.

Një mesazh në faqen e internetit të bankës tha se dega do të mbetet e mbyllur të martën pas grabitjes.

Sparkasse tha se 95% e kasafortave të klientëve janë hapur nga vjedhësit, kështu që mundësia që klientët të jenë prekur është “shumë e lartë”.

Bankë gjithashtu shtoi se përmbajtja e secilit kasafortë është e siguruar deri në 10,300 euro dhe këshilloi klientët të kontrollojnë nëse kanë mbulim shtesë përmes sigurimit të shtëpisë.

Sinjali – aty ku e vërteta flet para lajmit!

/GazetaSinjali/

The post Hajdutët përdorin makinë shpimi për të vjedhur 30 milionë euro në një bankë gjermane appeared first on Sinjali.

Një aksident i rëndë mes dy automjeteve ka ndodhur pasditën e sotme, në hyrje-daljen e autostradës “Arbën Xhaferi” në Lipjan, raporton Gazeta Sinjali.

Si pasojë e aksidentit, pesë persona janë lënduar.

Kështu e ka konfirmuar për Sinjalin, zëdhënësi i Policisë, Bajram Krasniqi.

“Në ora 16:20 është lajmëruar një aksident trafiku të ndodhur në hyrje-daljen e autostradës në Lipijan. Në aksident janë përfshirë dy automjete dhe si pasojë e aksidentit pesë persona kanë kërkuar ndihmë mjekësore. Policia është marrë me procedurat në vendngjarje”, deklaroi ai.

Sinjali – aty ku e vërteta flet para lajmit!

/GazetaSinjali/

The post Aksident mes dy automjeteve në autostradën “Arbën Xhaferi”, pesë persona të lënduar appeared first on Sinjali.

Meta Platforms ka blerë Manus, një zhvillues nga Singapori i agjentëve të Inteligjencës Artificiale të përgjithshme, duke zgjeruar kështu investimet e saj në fushën e AI-së.

Manus, e themeluar fillimisht në Kinë dhe më pas zhvendosur në Singapor, ka lansuar këtë vit agjentin e saj të parë të përgjithshëm, i cili është i aftë të kryejë detyra komplekse si kërkim tregu, kodim dhe analiza të të dhënave.

Kompania pretendohet të ketë arritur të ardhura të përgjithshme vjetore mbi 100 milionë dollarë vetëm tetë muaj pas lansimit, ndërsa ritmi aktual i të ardhurave tejkalon 125 milionë dollarë.

Sipas raportimeve të “Wall Street Journal”, marrëveshja është mbyllur me një vlerë mbi 2 miliardë dollarë, edhe pse Meta nuk ka dhënë shifra zyrtare.

Manus do të vazhdojë të operojë shërbimet e saj me abonim pa ndryshime, ndërsa Meta synon të integrojë teknologjinë e saj në produktet ekzistuese për bizneset dhe konsumatorët, përfshirë edhe Meta AI.

CEO i Manus, Xiao Hong, tha se bashkimi me Metën siguron një bazë “më të fortë dhe më të qëndrueshme” për zhvillimin e mëtejshëm global të kompanisë.

Sinjali – aty ku e vërteta flet para lajmit!

/GazetaSinjali/

The post Meta blen ‘Manus’ për mbi 2 miliardë dollarë, zgjeron investimet në AI appeared first on Sinjali.

Ambasada Britanike në Kosovë ka uruar Komisionin Qendror të Zgjedhjeve, si dhe të gjithë ata që u përfshinë në organizimin e procesit zgjedhor të dielën, duke e konsideruar atë një proces tjetër të rregullt zgjedhor.

Në një postim në Facebook, ambasada ka shprehur pritshmërinë për formimin e institucioneve të reja të Kosovës.

“Ishte kënaqësi të shihnim disa nga zyrtarët dhe vullnetarët duke punuar me përkushtim sot për numërimin e votave. Presim me padurim formimin e shpejtë të institucioneve të Kosovës sapo rezultatet të certifikohen”, thuhet në postimin e ambasadës.

Sinjali – aty ku e vërteta flet para lajmit!

/GazetaSinjali/

The post Britanikët “presin me padurim” formimin e institucioneve të reja në Kosovë appeared first on Sinjali.

Komisioni Qendror i Zgjedhjeve ka përpunuar deri tani 47.75% të votave të kandidatëve për deputet në zgjedhjet e 28 dhjetorit në Kosovë.

Nga 2,557 vendvotime gjithsej, 1,221 janë tashmë të numëruara, dhe rezultatet preliminare tregojnë se Lëvizja Vetëvendosje kryeson me 49.34% të votave. Lideri i saj, Albin Kurti, ka marrë deri tani 165,893 vota.

Në vend të dytë renditet kryetari i Partisë Demokratike të Kosovës, Bedri Hamza, i cili ka marrë 75,124 vota. Pas tij është lideri i Lidhjes Demokratike të Kosovës, Lumir Abdixhiku, me 36,190 vota, ndërsa në vend të katërt renditet lideri i Aleancës për Ardhmërinë e Kosovës, Ramush Haradinaj, me 18,184 vota.

Fatmir Limaj nga Nisma Socialdemokrate ka marrë deri tani 5,057 vota.

Nga totali i qytetarëve me të drejtë vote, që është 1,999,204, kanë votuar 899,517 qytetarë.

Sa i përket përqindjeve të partive:

Lëvizja Vetëvendosje: 49.34%

Partia Demokratike e Kosovës: 20.98%

Lidhja Demokratike e Kosovës: 13.57%

Aleanca për Ardhmërinë e Kosovës: 5.66%

Nisma Socialdemokrate: 1.70%

Sinjali – aty ku e vërteta flet para lajmit!

/GazetaSinjali/

The post Mbi 45% të numëruara, kaq vota kanë marrë liderët e partive politike deri më tani appeared first on Sinjali.

Sulmuesi kosovar, Albion Rrahmani, është pranë një hap i rëndësishëm në karrierën e tij, me një transferim të mundshëm nga kampionati çek në Ligue 1 franceze.

Klubi i njohur francez, Lyon, ka shfaqur interesim serioz për sulmuesin e Kombëtares së Kosovës dhe tashmë ka paraqitur një ofertë zyrtare për Spartën e Pragës. Sipas raportimeve të “FootMercato”, Lyon i ka ofruar klubit çek 6 milionë euro për shërbimet e yllit kosovar, shumë që mund të bindë klubin të pranojë transferimin.

25-vjeçari ka qenë një nga lojtarët më të spikatur të Spartës së Pragës këtë sezon, me 12 gola në 32 paraqitje në të gjitha garat. Performancat e tij kanë tërhequr vëmendjen edhe të klubeve të tjera nga kampionate të forta evropiane, përfshirë edhe interesime nga Premier League.

Lyon synon të përforcojë repartin ofensiv gjatë afatit kalimtar të dimrit dhe e sheh Albion Rrahmanin si një nga opsionet kryesore për pjesën e mbetur të sezonit.

Nëse marrëveshja do të realizohet, transferimi në Francë do të përbëjë një hap të madh dhe vendimtar në karrierën e sulmuesit kosovar.

Sinjali – aty ku e vërteta flet para lajmit!

/GazetaSinjali/

The post Rrahmani në radarët e Lyon, kjo është oferta e gjigantit francez për sulmuesin kosovar appeared first on Sinjali.

Presidenti amerikan, Donald Trump, ka lënë të kuptohet se Shtetet e Bashkuara kanë kryer një sulm kundër një strukture bregdetare, nga e cila, sipas tij, po bëhej ngarkimi i drogës, raporton agjencia “AP”.

Trumpi fillimisht e konfirmoi sulmin gjatë një radio-interviste të improvizuar të premten, ndërsa të hënën, kur u pyet nga gazetarët lidhur me një shpërthim në Venezuelë, ai tha se SHBA-ja ka goditur një strukturë nga e cila anijet po ngarkoheshin me drogë për transport.

“Pati një shpërthim të madh në zonën e portit ku ata ngarkojnë anijet me drogë”, tha Trump, ndërsa u takua në Florida me kryeministrin e Izraelit, Benjamin Netanyahu. “Ata ngarkojnë anije me drogë, kështu që ne goditëm të gjitha anijet dhe tani goditëm zonën. Është zonë zbatimi. Atje është vendi ku ata zbatojnë. Dhe kjo nuk është më aty”.

Administrata Trump ka bërë të ditur se synim i sulmit ishin anijet që kontrabandonin drogë për në SHBA. Ndryshe nga sulmet e mëparshme, që kryheshin nga ushtria në ujërat ndërkombëtarë të Detit të Karaibeve dhe Lindjes së Oqeanit Paqësor, këtë herë sulmet po afroheshin më pranë bregdetit.

Ushtria amerikane njoftoi se kreu një tjetër sulm të hënën kundër një anijeje, e cila sipas pretendimeve kontrabandonte drogë në Lindje të Oqeanit Paqësor, duke shkaktuar vdekjen e dy personave. Që nga fillimi i shtatorit, janë kryer 30 sulme të tilla, me të paktën 107 të vrarë, sipas shifrave të administratës Trump.

Presidenti Trump nuk ka konfirmuar nëse sulmin e ka kryer Ushtria Amerikane apo CIA, as vendndodhjen e saktë të strukturës portuale. Ai madje nuk ka pohuar në mënyrë të qartë nëse goditja ka ndodhur në Venezuelë.

“E di saktësisht se kush ishte, por nuk dua të them se kush ishte. Por, ju e dini se ishte përgjatë bregdetit”, tha Trump.

Sinjali – aty ku e vërteta flet para lajmit!

/GazetaSinjali/

The post Tensionet me Venezuelën, Trump thotë se u “godit” një strukturë bregdetare appeared first on Sinjali.

Sipas Policisë së Kosovës, gjatë vitit 2025 është shënuar një rënie e përgjithshme e veprave penale krahasuar me vitin 2024. Numri total i veprave penale ka rënë nga 27.118 në 26.157, që përbën një ulje prej -3.54%.

Megjithatë, sa i përket vrasjeve, numri është rritur me një rast, nga 17 në 18.

Policia ka bërë të ditur të dhënat për veprat penale dhe incidentet e regjistruara gjatë periudhës janar–20 dhjetor 2025, krahasuar me të njëjtën periudhë të vitit të kaluar.

Sipas statistikave: Numri i rasteve të kanosjes ka shënuar rënie, nga 2.559 në 2.393 raste (-6.49%).

Numri i lëndimeve të rënda ka shënuar rritje, nga 205 në 221 raste (7.8%).

Numri i vjedhjeve ka rënë nga 3.596 në 3.528 raste (-1.89%).

Numri i vjedhjeve të rënda ka shënuar rënie, nga 2.087 në 2.027 raste (-2.87%).

Numri i grabitjeve ka rënë nga 70 në 62 raste (-11.43%).

Numri i rasteve të dhunës në familje ka shënuar rënie, nga 2.498 në 2.443 raste (-2.2%).

Gjatë vitit 2025, janë regjistruar gjithashtu 95 aksidente fatale, ndërsa Policia ka konfiskuar 1.882 armë.

Në kuadër të luftës kundër krimit të organizuar, Policia ka shkatërruar 20 grupe kriminale.

Drejtoria për Hetimin e Krimeve të Luftës ka iniciuar 21 raste të reja, ka arrestuar 10 të dyshuar, prej të cilëve 9 janë dërguar në mbajtje dhe janë adresuar në Prokurorinë Speciale.

Gjatë trajtimit të rasteve të korrupsionit, krimeve ekonomike, narkotikëve dhe krimeve të rënda, Policia, në koordinim me organet e drejtësisë, ka sekuestruar ose ngrirë:

8 shtëpi

218 banesa

36 lokale

194 garazhe

397 toka

69 xhirollogari

Vlera e përafërt e të gjitha këtyre aseteve është 112.999.972 euro.

Sinjali – aty ku e vërteta flet para lajmit!

/GazetaSinjali/

The post Policia jep të dhënat për vitin 2025: 18 vrasje dhe rreth 113 milionë euro asete të ngrira e të sekuestruara appeared first on Sinjali.

Studimet vazhdojnë të tregojnë përfitimet shëndetësore të kafesë, duke vënë në pah se koha më e mirë për ta konsumuar atë është mëngjesi.

Sipas studiuesve, kafeja mund të ulë rrezikun nga sulmi në tru dhe zemër, të ndihmojë në ruajtjen e masës muskulore dhe madje lidhet me jetë më të gjatë, për sa kohë që nuk shtoni shumë sheqer në çdo filxhan.

Studimet kanë treguar se nuk ka rëndësi vetëm sa kafe pini, por edhe kur i pini, ka raportuar AOL.

Studimi i publikuar në European Heart Journal ka analizuar lidhjen mes kohës së pirjes së kafesë dhe jetëgjatësisë. Studimi ka përfshirë mbi 40 mijë të rritur në SHBA, të cilët raportuan çka dhe kur konsumonin ushqime dhe pije, përfshirë kafen.

Të dhënat u krahasuan me shkaqet e vdekjeve gjatë një periudhe 9-10 vjeçare.

Rezultatet kanë treguan se personat që pinin kafe në mëngjes kishin:
– 16 për qind rrezik më të ulët për vdekje nga çdo shkak
– 31 për qind rrezik më të ulët për vdekje nga sëmundjet e zemrës

Në krahasim, ata që pinin kafe gjatë gjithë ditës nuk kishin ulje të rrezikut krahasuar me personat që nuk pinin fare kafe.

Përfitimet u panë si te ata që pinin dy deri në tre filxhanë në mëngjes, ashtu edhe te ata që pinin më shumë se tre. Ndërsa personat që pinin vetëm një filxhan ose më pak përfitonin më pak.

Sipas autorit kryesor të studimit, profesorit Lu Qi, rëndësi nuk ka vetëm fakti nëse pini kafe apo sasia që pini, por edhe koha e ditës kur e konsumoni.

Ai ka theksuar se udhëzimet ushqimore zakonisht nuk flasin për kohën e konsumimit, por ndoshta kjo duhet të ndryshojë në të ardhmen.

Kafeja përmban antioksidantë, si acidet fenolike dhe flavonoidet, të cilat ndihmojnë në mbrojtjen e trupit nga dëmtimet qelizore dhe proceset inflamatore. Ajo gjithashtu ndikon pozitivisht në humor dhe energji.

Sipas mjekëve, pirja e kafesë në mëngjes lidhet me përfitime më të mëdha sepse respekton ritmin natyror të trupit. Konsumimi i kafeinës më vonë gjatë ditës mund të prishë gjumin dhe prodhimin e melatoninës, çka mund të zbehë përfitimet shëndetësore.

Studime të tjera kanë treguar se gjumi i dobët ose mungesa e gjumit lidhen me rrezik më të lartë për probleme shëndetësore dhe vdekje të parakohshme, sidomos te personat e moshës së mesme dhe të moshuarit.

Sinjali – aty ku e vërteta flet para lajmit!

/GazetaSinjali/

The post Cila është koha më e mirë e ditës për të pirë kafe? appeared first on Sinjali.

Një ngjarje e rëndë është regjistruar pasditen e sotme në Pejë, ku dy persona janë gjetur pa shenja jete brenda një vile në rrugën “KFOR”.

Ngjarja ka ndodhur sot rreth orës 15:10, kur Policia ka pranuar informatën se në vilat nr. 03 ndodheshin një mashkull dhe një femër, të moshës rreth 20 deri në 25 vjeç, të cilët sipas informacioneve fillestare kishin hyrë në vilë që nga mbrëmja e 29.12.2025, por prej asaj kohe nuk ishte dëgjuar asnjë zë nga brenda.

Sinjali merr vesh se njëra nga viktimat është Endrit Lajqi.

Pas daljes së patrullave policore në vendin e ngjarjes dhe kontrollit të objektit, është konstatuar se të dy personat ndodheshin pa shenja jete. Njësia e Emergjencës, e cila ka dalë në vendngjarje, ka konfirmuar vdekjen e tyre.

Konfirmohet raportimi i Sinjalit: Dy persona gjenden pa shenja jete në një vilë në Pejë

Sinjali – aty ku e vërteta flet para lajmit!

/GazetaSinjali/

The post E trishtë: Ky është njëri nga viktimat që u gjet pa shenja jete në një vilë në Pejë appeared first on Sinjali.