Në kampionatin e futbollit turk, Ernest Muçi ka shpërthyer si një bomber i pagabueshëm dhe këtë të dielë i dhuroi një goditje të fortë dopamine tifozëvë të Trabzonspor, kur i shënoi skuadrës kundërshtare në minutën e fundit.

Një top i pasuar jashtë zonës, kontroll i shpejtë, Muçi që afrohet dhe lëshon një goditje të thatë, që depërton mes këmbëve të mbrojtësit për t’u përplasur në rrjetë pa i lënë asnjë shans portierit.

Stadiumi shpërthen në anën e vizitorëve, pankina e Trabzonsporit ngrihet në këmbë dhe Ernest Muçi bën një gjest kundër pankinës kundërshtare të Kocaelispor. Gishtin te buzët si për t’i thënë të mbyllin gojën.

Zakonisht lojtari feston ftohtë. Pasi shënon gol, ul kokën dhe pret me qetësi brohorimat e shokëve të skuadrës.

Por kësaj radhe duhej t’i jepte përgjigje trajnerit rival, i cili para ndeshjes kishte deklaruar se “Muçi nuk do të ketë hapësira dhe nuk do të shënojë sot”. Muçi jo vetëm që shënoi, por e bëri në fund, vendosi ndeshjen dhe i dha Trabzonspor një trepikësh jetik në garën për kreun.

Golat e Ernest Muçit janë surpriza më e bukur e ndeshjeve të Trabzonspor në javët e fundit. Dhe këto nuk janë pak.

Një Trabzonspor që fiton me firmën Muçi

Goli i sotëm vjen pas një serie ndeshjesh ku Muçi ka qenë vendimtar. Në javët e fundit të Superligës turke, ai ka shënuar në disa ndeshje radhazi, përfshirë dy gola kundër Göztepe, gol vendimtar në fitoren dramatike ndaj Başakşehir në minutën e 101, gol ndaj Besiktas dhe tani, goli i minutës së fundit që po bën xhiron e mediave sportive. Statistikat i japin 8 gola në 6 ndeshjet e fundit.

Forma e tij shpërthyese në fushë ka shkuar përtej emocioneve të ndeshjes. Muajin e kaluar, në dhjetor, presidenti i shoqatës së tifozëve të Trabzonsporit, Hasan Bahadir bëri publikisht një thirrje të drejtpërdrejtë për klubin që të blejë kartonin e Muçit nga Beşiktaş, duke shkuar edhe më tej: sipas tij, shuma prej rreth 8.5 milionë eurosh mund të përballohet nga vetë tifozët.

“Përkatësia nuk lidhet gjithmonë me një firmë në kontratë, por me sjelljen në fushë. Ai festoi golat sepse i ndjeu vërtet, ngriti duart sepse e ndien se kjo tribunë i përket atij”, është shprehur Bahadir, në një deklaratë që pasqyron emocionin e krijuar rreth sulmuesit shqiptar.

 “Le ta bëjmë Muçin një transferim të përbashkët të 8 milionë tifozëve. Le të jetë një ‘transferim tifozësh’. Pjesa tjetër nuk ka rëndësi. Paratë të vijnë nga ne, sepse nga kjo përfiton i gjithë komuniteti”, ka shtuar ai.

Mediat turke e kanë përcjellë me superlativa këtë fazë që po kalon lojtari shqiptar. Fanatik shkruan se “Muçi është lojtari që po mban gjallë shpresat e Trabzonsporit në ndeshjet e vështira”, ndërsa Sabah thekson se “shqiptari po luan me vetëbesim, pa frikë dhe me personalitet sulmuesi lider”.

Video lart, goli i Muçit kundër Kanyaspor

Trajneri i Trabzonsporit, Fatih Tekke, është një nga faktorët kryesorë të fazës pozitive që po përjeton lojtari. Që në javët e para, Tekke i dha Muçit një rol të lirë në ofensivë, duke e çliruar nga skemat e ngurta.

Sipas deklaratave të raportuara nga mediat lokale, Tekke është shprehur qartë në dhomat e zhveshjes: “Kur topi është në këmbët tona, Muçi duhet të ndjehet i lirë, të rrezikojë dhe të godasë”.

Ky mesazh është kthyer në filozofi loje dhe po funksionin. Muçi nuk pyet më, por vetëm godet.

Beşiktaş, pendesa publike dhe presioni nga tifozët

Lojtari duket se ka hedhur pas krahëve dështimin me Beşiktaş, klubi që e bleu për 10 milion dollarë nga Legia, por e huazoi për 1 milion tek Trabzonspor. Trajneri që e huazoi Ernest Muçin tek Trabzonspor është Sergen Yalçın. Ai mori drejtimin e skuadrës në fund të gushtit 2025, pak para se të finalizohej huazimi i Muçit duke mos ia kuptuar potencialin.

Për këtë i është dashur të justifikohet disa herë para tifozëve të tij duke thënë: “Nëse një lojtar nuk është i suksesshëm diku, nuk do të thotë se nuk mund të jetë i suksesshëm në një vend tjetër.”

Por momenti më i sikletshëm për Beşiktaş erdhi pikërisht në ndeshjen përballë Trabzonsporit, kur Muçi shënoi një gol spektakolar ndaj ish-skuadrës së tij. Pas asaj ndeshjeje, Yalcin, i bezdisur nga ngulmimi i gazetarëve u shpreh: “Ai është një lojtar që ne nuk e kemi në planet tona. Kjo tregon se ai po jep performancë te Trabzonspor që nuk e dha te ne.”

Përgjigjia gjithsesi nuk i qetësoi tifozët. Muçi vazhdoi të shënonte edhe në ndeshje të tjera. Golat e tij nga larg kthehen gjithnjë në hit në rrjetet sociale. Mediat turke raportuan se tribunat e Besiktas dhe rrjetet sociale shpërthyen kundër drejtuesve, duke i akuzuar se “lanë të ikë një lojtar që sot po bën diferencën”.

Mediat turke, vlerësime pa ekuivok për Muçin

Anadolu Agency e ka quajtur Muçin “golashënuesin e javëve të fundit”, ndërsa Hürriyet shkruan se “shqiptari është kthyer në një nga armët më të rrezikshme të Superligës në momentin vendimtar të sezonit”.

Dhe këtu vjen pyetja që nuk mund të shmanget. Me këtë formë, me këto gola, me këtë personalitet, si mund të mos jetë Ernest Muçi një opsion serioz për Kombëtaren.

Trajneri Sylvinho është përballë një fakti të thjeshtë: Muçi sot po vendos ndeshje në një kampionat të fortë, nën presion, me stadiume të mbushura dhe pritshmëri të larta, me pak fjalë po shënon gola që japin pikë, fitore dhe krijojnë një frymë tjetër në skuadër.

Nëse Kombëtarja kërkon personalitet, guxim dhe lojtarë që nuk fshihen në momentin e fundit, Ernest Muçi sot po e jep përgjigjen e tij çdo javë me golat që shënon.

Dhe goli i sotëm, ai i minutës së fundit, ai që mbylli gojën pankinës kundërshtare, mund të jetë edhe mesazhi më i qartë për Tiranën./Lapsi.al

The post Rilindja e Ernest Muçit, golat që po trazojnë Superligën turke appeared first on Albeu.com.

Kylian Mbappé merr vëmendjen, por edhe përgjegjësinë. Në prag të ndeshjes së Ligës së Kampionëve kundër Monacos, klubit që e lançoi atë në ligën më të lartë evropiane, sulmuesi i Real Madridit u zgjodh për të folur në emër të ekipit në një moment kritik të sezonit.

Francezi e hapi konferencën për shtyp me një mesazh që tejkalon futbollin, duke menduar për viktimat e aksidentit hekurudhor në Cordoba: “Ka gjëra më të rëndësishme se futbolli. Mendimet e mia shkojnë për familjet që kanë humbur dikë”.

Më pas është koha për në fushë. Mbappé nuk e nënvlerëson Monacon, ndërsa pranon vështirësitë e tyre: “Ata nuk janë në momentin e tyre më të mirë, por janë ende një ekip i aftë të konkurrojë. Do të duhet të jemi agresivë dhe ta tregojmë se është një mbrëmje për ne. Në Bernabeu, në Champions, kemi një avantazh”.

Tema më e nxehtë mbetet raporti me publikun, fishkëllimat e tifozëve. Mbappé nuk fshihet: “I kuptoj. Si tifoz, përpara se të bëhesha futbollist, edhe unë fishkëllenja kur gjërat nuk shkonin mirë. Por nëse fishkëllen, duhet ta bësh me të gjithë ekipin. Nuk ka kuptim të drejtosh gishtin nga dikush. Po bëjmë keq si grup dhe duhet ta ndryshojmë këtë brenda fushës”.

Një diskutim që ndërthuret në mënyrë të pashmangshme me situatën e Vinícius Jr., i cili e ka gjetur veten në shënjestër të tifozëve. “Nuk është faji i tij, është përgjegjësi e të gjithëve. Vinícius është një qenie njerëzore, si dhe një kampion. Ai duhet të mbrohet, jo të lihet vetëm. Kur është i lumtur, është një nga më të mirët në botë”.

The post Mbappé flet si një lider: Fishkëllimat për Vinicius? Nëse vijnë, duhet të jenë për të gjithë appeared first on Albeu.com.

Zinedine Zidane kthehet për të folur për përvojën e tij me Real Madridin ndërsa po qarkullojnë thashethemet për rikthimin e tij sensacional pas dështimit të Xabi Alonsos, i cili u shkarkua pas humbjes në Superkupën e Spanjës, dhe debutimit tronditës të zëvendësuesit të tij Arbeloa, i eliminuar nga Kupa e Mbretit nga Albacete.

Zidane kujton mbwrritjen e tij te Real Madridi si trajner në janar të vitit 2016, pikërisht në një kohë krize të ngjashme me atë aktuale të Merengues. Ata kishin vënë baste për Rafa Benitezin, por kimia mes tyre nuk u krijua. Kjo kimi, sipas Zidanes, është themeli i rolit të menaxherit të një skuadre yjore të mbushur me kampionë:

“Te Real Madrid, ne ishim aty për lojtarët. Për mua, kjo është ajo që e bën ekipin të fortë; je aty për lojtarin”.

“Nëse nuk e kupton, nuk mund të qëndrosh në këtë profesion. Ne jemi aty për t’i mbështetur ata, duhet të tregosh se je aty për ta. Që dhoma e zhveshjes të pranojë atë që dëshiron të zbatosh, duhet ta pëlqejmë njëri-tjetrin. Nëse lojtarët nuk pajtohen me gjithçka që u jepet, në stërvitje, të gjitha këto… gjithmonë do të ketë diçka që mungon. Me ne, mendoj se ata u argëtuan shumë në çdo nivel”.

The post Sekreti i suksesit të Zidane te Reali: Punova vetëm në një aspekt dhe… fitova gjithçka appeared first on Albeu.com.

Merkato e muajit janar do të jetë mjaft e rëndësishme për karrierën e Vedat Muriqit, i cili mund të rikthehet në Turqi.

Falë golave të shënuar në këtë pjesë të parë të sezonit në La Liga, sulmuesi dardan është futur në listën e dëshirave të Fenerbahçe-s.

Klubi turk e ka të pamundur që të mbajë deri në fund të sezonit sulmuesin e saj, Youssef En-Nesyri. Afrikani ka hyrë në radarët e klubeve të Premier League si Nottingham Forest dhe Everton.

Muriqi, i cili ka luajtur me klubin turk në sezonin 2019-2020, është kontaktuar nga menaxheri i tij Mirsad Türkcan dhe është vënë në dijeni të interesit të Fenerbahçes.

31-vjeçari ka pranuar që të rikthehet në Turqi ndërsa trajneri i Fenerbarhçes i ka hapur rrugën këtij transferimi. Tedesco e shikon me prioritet këtë pistë ndërsa nga finalizimi mungon vetëm takimi mes klubeve, të cilët do të bisedojnë për të caktuar çmimin për kartonin e lojtarit.

The post Fenerbahçe përgatitet për të humbur En-Nesyri, Muriqi shumë pranë rikthimit në Turqi appeared first on Albeu.com.

Finalja e Kupës së Afrikës është përfshirë në polemika pasi Senegali denoncoi publikisht praktikat joetike të Marokut, rivalit dhe vendit pritës të saj, në lidhje me përgatitjet e ndeshjes. Në një deklaratë të formuluar ashpër, Federata Senegaleze e Futbollit (FSF) përshkroi problemet me të cilat po përballet përpara finales së të dielës në Rabat.

“FSF informon publikun kombëtar dhe ndërkombëtar, si dhe organet organizuese, për mangësitë e vazhdueshme në përgatitjet për finalen e Kupës së Kombeve të Afrikës”, shpjegon deklarata, përpara se të detajojë ankesën e saj në katër pika.

Pika e parë ka të bëjë me masat e sigurisë dhe të pritjes. “FSF denoncon mungesën e qartë të masave të përshtatshme të sigurisë me mbërritjen e ekipit tonë në stacionin e trenit në Rabat. Kjo mangësi i ekspozoi lojtarët dhe stafin e trajnerëve ndaj afërsisë së madhe me tifozët vendas, gjë që është shumë larg standardeve të pritura për një garë të kësaj madhësie dhe një finale kontinentale.”

Çështja e dytë ka të bëjë me akomodimin e ekipit kombëtar senegalez: “Lidhur me logjistikën e hoteleve, FSF raporton se ka paraqitur një protestë zyrtare. Pas këtij veprimi, një hotel me pesë yje iu nda përfundimisht ekipit tonë, duke garantuar kushtet e nevojshme për finalen.”

Kishte edhe ankesa në lidhje me fushën e stërvitjes. “FSF njoftoi CAN-in për refuzimin e saj për t’u stërvitur në kompleksin Mohamed VI. Ky vendim rrjedh nga fakti se këto ambiente shërbejnë si bazë për ekipin kundërshtar, duke ngritur një çështje të drejtësisë sportive. Për më tepër, FSF specifikon se, deri më sot, nuk ka marrë ende njoftim për vendndodhjen e stërvitjes së ekipit senegalez para finales.”

Së fundmi, raporti u përqendrua në shitjen e biletave dhe aksesin në stadium. “Situata është shqetësuese. FSF dëshiron të sqarojë se paketa zyrtare përbëhet vetëm nga dy bileta VVIP dhe shpreh keqardhje për pamundësinë për të siguruar bileta VIP dhe VVIP, siç ndodhi gjatë gjysmëfinaleve. Megjithatë, Federata arriti të sigurojë bileta për tifozët e saj, deri në limitet maksimale të autorizuara zyrtarisht nga CAF, përkatësisht: 300 bileta në Kategorinë 1, 850 në Kategorinë 2 dhe 1,700 në Kategorinë 3. FSF beson se këto sasi janë të pamjaftueshme për të përmbushur kërkesën dhe denoncon kufizimet e vendosura si penalizuese për publikun senegalez.”

Në këtë atmosferë të tensionuar, finalja vjen me Marokun si favorit, pasi ka luajtur të gjashtë ndeshjet e tyre deri më tani në të njëjtin stadium (Rabat) mes disa vendimeve të dyshimta të arbitrimit që kanë tërhequr ankesa nga të gjithë rivalët dhe zyrtarët e tyre.

The post E turpshme në Afrikë, Senegali denoncon Marokun përpara finales së Kupës appeared first on Albeu.com.

Mario Mitaj është lënë sërish jashtë nga trajneri Serxho Konseisao, ndërsa sot në orën 18:30 do të nisë takimi me Al Etifaq. Kështu është ndeshja e pestë radhazi, që Mitaj do e ndjekë Al Itihadin nga tribuna.

Sot është raportuar në Arabinë Saudite, që një klub nga Europa ka ofruar 5 milionë euro për shërbimet e mbrojtësit shqiptar. Kjo shifër do t’i kthente Al Itihadit shpenzimet për huazimin dhe blerjen e kartonit nga Lokomotiva e Moskës.

Kampionët e Arabisë Saudite po shfaqen të pavendosur për të ardhmen e 22-vjeçarit. Fakt është se Mitaj rezulton jashtë planeve të Konseisaos, ndërsa po ashtu asnjë marrëveshje për t’u larguar nuk po shkon drejt konkretizimit. Deri tani çdo gjë ka mbetur në kuadër të zërave.

Mundësia që mbrojtësi të mbetet pjesë e Al Itihad po studiohet. Fakt i rëndësishëm është se vazhdon të jetë ndër lojtarët e huaj që sakrifikohen, duke mos u konsideruar as për stolin. /panorama sport/

The post Ofertë 5 milionë euro nga Europa për Mario Mitajn, Konseisao dhe arabët mbajnë “peng” appeared first on Albeu.com.

Pyetja nëse Shtetet e Bashkuara janë në rënie është bërë pothuajse refren në debatet politike dhe akademike globale. Por, sado e përsëritur, kjo pyetje sot duket e pamjaftueshme për të shpjeguar momentin historik në të cilin ndodhet Amerika – dhe bashkë me të, i gjithë rendi ndërkombëtar. Çështja thelbësore nuk është nëse Amerika po bie, por çfarë forme po humbet dhe çfarë është e detyruar të shpikë për të mbijetuar si projekt politik, shoqëror dhe simbolik.

Kriza amerikane nuk është thjesht gjeopolitike
Sot, Amerika akoma është superfuqia ushtarake, financiare dhe teknologjike më e madhe në botë, e vetmja që mund të projektojë forcë globalisht. Por kjo nuk e zbeh faktin themelor: kriza amerikane sot është para së gjithash e brendshme. Polarizimi ekstrem politik, erozioni i kohezionit shoqëror, fragmentimi identitar dhe tensionet racore nuk janë episode kalimtare, por simptoma të një modeli shoqëror që e mbajti shoqërinë amerikane të bashkuar dhe që tashmë ka humbur aftësinë për të prodhuar konsensus.

Zgjedhjet nuk mbyllin më konfliktet, institucionet nuk gjenerojnë besim dhe politika është shndërruar në një luftë kulturore të përhershme. Kjo nuk është një krizë ciklike, por strukturore.

Dollari, shtylla e padukshme e stabilitetit amerikan
Në këtë kontekst, burimi real i fuqisë amerikane nuk është vetëm ushtria apo teknologjia, por dollari. Për dekada, dollari ka financuar deficitin amerikan, ka mbajtur nivelin e konsumit dhe ka amortizuar tensionet sociale brenda vendit, ndërsa jashtë ka garantuar dominim financiar dhe politik. Rreziku sot nuk është një zëvendësim i menjëhershëm i dollarit nga yuan-i apo nga një monedhë e BRICS, por erozioni gradual i besimit dhe fragmentimi i sistemit monetar global.

Edhe një dobësim relativ i rolit të dollarit do të kishte pasoja të drejtpërdrejta për kohezionin e brendshëm amerikan. Pa këtë mekanizëm stabilizues, pabarazia dhe polarizimi rrezikojnë të shndërrohen në krizë politike të pakontrollueshme.

Politika e jashtme si zgjatim i krizës së brendshme
Nuk është rastësi që në kushte të tilla, politika e jashtme amerikane shfaq prirje për të funksionuar si menaxhim i krizës së brendshme. Historia e njeh këtë mekanizëm: kur kompromisi i brendshëm bëhet i pamundur, elitat kërkojnë unitet përmes kërcënimit të jashtëm. Luftërat “proxy”, sanksionet, përshkallëzimi i rivaliteteve strategjike dhe militarizimi i aleancave shërbejnë për të rikrijuar ndjesinë e kohezionit.

Por kjo është një strategji gjithnjë e më e rrezikshme. Në një botë multipolare, krizat nuk kontrollohen më lehtë dhe gabimet e llogaritjes kanë pasoja sistemike.

Kriza e liberal-kapitalizmit konsumist
Në thelb, kjo nuk është vetëm krizë amerikane. Është kriza e modelit liberal-kapitalist të bazuar në konsumizëm dhe rritje të pafund. Për dekada, ky model funksionoi sepse prodhonte rritje reale, mobilitet social dhe kuptim. Sot, ai prodhon pabarazi, ankth dhe zbrazëti. Në një botë me burime të kufizuara dhe shoqëri të fragmentuara, konsumizmi nuk mund të luajë më rolin e “ngjitësit” social.

Ideja se rritja ekonomike do t’i zgjidhë automatikisht të gjitha problemet ka humbur besueshmërinë. Nuk bëhet fjalë për fundin e kapitalizmit si sistem, por për mbylljen e një forme historike të tij.

Amerika dhe kriza e narrativës
Megjithatë, ta reduktosh këtë fazë në “rënien e Amerikës” do të ishte një keqlexim. Amerika nuk ka qenë kurrë vetëm një hegjemoni materiale. Ajo ka qenë agjenti më transformues i botës moderne sepse ka prodhuar jo vetëm rend, por edhe ëndërr. Kriza aktuale është, mbi të gjitha, krizë e narrativës amerikane.

Ëndrra e vjetër – punë, konsum, mobilitet individual dhe siguri – nuk është më e arritshme për shumicën. Dhe kur ëndrra humbet funksionin e saj, sistemi humb legjitimitetin, edhe nëse fuqia formale mbetet.

Sfida e një ëndrre të re
Pyetja vendimtare nuk është nëse Amerika do të bjerë, por nëse ajo është e aftë të shpikë një ëndërr të re. Jo një version të rifreskuar të konsumizmit, por një vizion që lidh dinjitetin me kuptimin, jo vetëm me pasurinë; që balancon individin me komunitetin dhe e vendos ekonominë në shërbim të jetës.

Historia amerikane njeh momente të tilla rishpikjeje: New Deal, rendi i pasluftës, revolucioni teknologjik. Të gjitha lindën nga kriza të thella. Pyetja sot është nëse polarizimi ekstrem do ta lejojë një transformim të ngjashëm.

Përfundim
Amerika nuk është në prag të zhdukjes, por ndodhet në një provë historike. Forma e vjetër e liberal-kapitalizmit konsumist po mbyllet, ndërsa ajo që do ta zëvendësojë ende nuk është e qartë. Nëse Amerika arrin të prodhojë një ëndërr të re, ajo mund të mbetet forca më transformuese e botës. Nëse jo, do të mbetet një fuqi e madhe që administron shterimin e një modeli që nuk bind më – dhe kjo do të ishte kriza më e thellë, jo vetëm për Amerikën, por për gjithë botën. /Albeu.com/

The post Amerika mes rënies dhe rishpikjes: kriza e një modeli dhe kërkimi për një ëndërr të re appeared first on Albeu.com.

Etnik Brruti ka qenë protagonist kryesor i Malishevës në ndeshjen miqësore që skuadra kosovare ka zhvilluar në kampin përgatitor në Turqi përballë ekipit të FC Kudrivka të elitës së futbollit ukrainas.

Në ndeshjen e sotme përgatitore, mesfushori i cili vendosi të linte Kosovën për t’iu bashkuar Shqipërisë, la shenjë në pjesën e parë të ndeshjes.

Brruti shfrytëzoi maksimalisht dy gabime radhazi të prapavijës së ekipit ukrainas duke shënuar në minutat 21 dhe 23 të dy golat që vendosën fatin e këtij takimi, pasi i dhanë suksesin 2-0 ekipit të Malishevës.

SHIKONI VIDEON

The post VIDEO/ Dy gola për tre minuta, futbollisti që la Kosovën për Shqipërinë shkëlqen ndaj ukrainasve appeared first on Albeu.com.

Trajneri i Manchester Cityt, Pep Guardiola, foli në njq konferencë për shtyp për jetëgjatësinë e qëndrimit të tij në Etihad. Ky është sezoni i tij i dhjetë në krye të klubit.

“Është çështje rezultatesh. Nëse nuk fiton, të shkarkojnë. Nëse nuk fitojmë, do të më shkarkojnë edhe mua. Kemi fituar shumë, prandaj jam i ulur këtu. Nuk ka sekret tjetër. Në një klub tjetër, nuk do të isha konfirmuar pas sezonit të kaluar.

Ata janë më të duruar, ndoshta edhe për shkak të asaj që kemi bërë në të kaluarën. Kemi pasur tre muaj vërtet të dobët. E kaluara ka qenë vërtet pozitive, dhe kjo është arsyeja pse jam ende këtu”.

54 vjeç, Guardiola është në krye të City-t që nga korriku i vitit 2016.

Përvoja e tij me klubin anglez përfshin 6 tituj të Premier League, 2 FA Cup, 4 Kupa të Ligës, 3 Community Shield, një Champions League dhe një Superkupë Evropiane dhe një Botëror për Klube.

The post Guardiola: Pas një sezoni si ai i vitit të kaluar, një klub tjetër do më kishte shkarkuar appeared first on Albeu.com.

Sulmuesi i kombëtares shqiptare Rei Manaj është gati të nisë një aventurë të re në karrierën e tij.

Burime pranë lojtarit konfirmojnë se ai do të transferohet në Kinë tek skuadra Zhejiang Professional FC, ku do të firmosë një kontratë 2 vjeçare dhe pritet të përfitojë një shumë prej 4 milionë eurosh në vit.

Ky transferim shënon një kapitull të ri për sulmuesin shqiptar jashtë Evropës, pas eksperiencës së fundit me Sharjah FC në Emiratet e Bashkuara Arabe, ku ai u dallua për paraqitjet e mira dhe numrin e golave të shënuar.

The post Mungon vetëm zyrtarizimi, Manaj gati të nisë një aventurë të re në Kinë appeared first on Albeu.com.

Reali i Madridit është tashmë në kërkim të një trajneri të ri. Debutimi i Alvaro Arbeloas si trajner i skuadrës “merengues” u njollos nga një eliminim i hidhur nga Kupa e Mbretit: një debutim tronditës që menjëherë shtyu drejtuesit e klubit të vinin në pikëpyetje emrin e trajnerit të emëruar për të zëvendësuar Xabi Alonson e shkarkuar.

Sipas shtypit spanjoll, kërkimi për një trajner të ri ka filluar tashmë dhe janë kontaktuar disa kandidatë për sezonin e ardhshëm.

“Është një farsë, është qesharake, jemi objekt talljeje për të gjithë”, shkruajnë mediat, të cilat, ashtu si Mundo Deportivo, e quajnë Real Madridin një “fuçi baruti”. Shkurt, largimi i Xabit nuk ka pasur efektin e dëshiruar. Edhe pse Arbeloa nuk ka pasur kohë të mësohet me taktikat e ekipit, vendimet e trajnerit kundër Albacetes kanë ngritur shumë dyshime.

Prandaj, shumë besojnë se eksperimenti nuk do të zgjasë shumë, se Arbeloa është një zgjedhje e përkohshme dhe se trajneri i sezonit të ardhshëm do të jetë ndryshe.

The post Arbeloa zhgënjeu në debutim, Reali i Madridit kërkon trajner appeared first on Albeu.com.

Ernest Muçi vazhdon të shënojë gola me rregullsi mbresëlënëse në Turqi, teksa sot ka lënë shenjën e tij edhe në Kupë me fanellën e Trabzonspor.

Në ndeshjen e raundit të dytë, me grup të përbashkët, që luhej në fushën e Istanbulspor, ishte pikërisht sulmuesi shqiptar ai i cili tundi rrjetën me një diagonale të shkëlqyer në minutën e 41-të.

Një gol fantastik i cili bëri që në tribuna të shpërthenin brohoritjet “Muçi, Muçi” mes tifozëve të skuadrës së Trabzonspor për të cilët sulmues shqiptar është kthyer shumë shpejt një idhull, ndonëse ka pak muaj në radhët e kësaj skuadre.

SHIH VIDEON

Një gol fantastik i cili bëri që në tribuna të shpërthenin brohoritjet “Muçi, Muçi” mes tifozëve të skuadrës së Trabzonspor për të cilët sulmues shqiptar është kthyer shumë shpejt një idhull, ndonëse ka pak muaj në radhët e kësaj skuadre.

The post VIDEO/ Edhe në transfertë dëgjohen thirrjet “Muçi, Muçi!” në tribuna, sulmuesi shqiptar tund rrjetën përsëri në Turqi appeared first on Albeu.com.

Kapiteni i Marokut, Ashraf Hakimi ka shpërthyer në lot pasi mposhtën Nigerinë për të shkuar në finalen e Kupës së Afrikës.

Mbrojtësi që luan për PSG-në nuk është përmbajtur pas këtij momenti emocionues dhe videoja e tij është bërë virale në rrjet.

Kualifikimi u arrit falë penalltive, ku marokenët u treguan më të saktë dhe shënuan 4 gola ndërsa nigerianët 2. Rikujtojmë që tashmë Maroku do të kërkojë Kupën më 18 janar përballë Senegalit.

The post VIDEO/ Moment emocionues, Ashraf Hakimi shpërthen në lot pas kualifikimit në finalen e Kupës së Afrikës appeared first on Albeu.com.

Hofenhejmi i dy shqiptarëve të Kosovës, Avdullahu dhe Fisnik Aslllani, zhvilloi një pjesë të parë spektakolare, teksa mposhti Borusia Mynshengladbah, me rezultatin 4 me 0.

Protagonist absolut në këtë fragment loje ishte sulmuesi Asllani, i cili dhuroi 2 asiste mjaft të rëndësishëm. Fillimisht shqiptari i Kosovës, asistoi në minutën e 24-t për Lemperle.

Ndërkohë të njëjtën gjë bëri edhe në minutën e 45+1’ ku shërbeu për Kramariç. Kroati ishte i papërmbajtshëm, teksa në pjesën e parë, arriti të tunde 3 herë rrjetën.

GOLAT E NDESHJES: VIDEO

The post VIDEO/ Asllani fenomenal, dhuron 2 asiste në pjesën e parë appeared first on Albeu.com.

Ndodh e paimagjinueshmja në Kupën e Mbretit, Real Madridi u mund 3-2 në fushën e Albacete dhe u eliminua nga gara.

Ekipi i nivelit të dytë triumfoi para tifozëve vendas falë një goli nga Villar dhe dy golave ​​nga Betancor, ky i fundit shënoi në minutën e 94-të për të eliminuar Blancos nga turneu.

Debutimi i Arbeloas si trajner i Merengues ishte i zymtë: performancat emocionuese të Mastantuono dhe Gonzalo Garcia nuk ishin të mjaftueshme për ta parandaluar humbjen.

The post Reali poshtërohet nga Albacete appeared first on Albeu.com.

Për Álvaro Arbeloa etapa e re në Madrid nuk është aspak e lehtë. Ish-mbrojtësi trashëgon një ekip, i cili prej kohësh kishte humbur kontrollin ndërsa detyra e tij e parë do të jetë që të rikthejë harmoninë në “Santiago Bernabéu”.

Sipas gazetarit të njohur spanjoll Bruno Alemany janë plot shtatë futbollistë, të cilët kishin kundërshtuar trajnerin në muajt e fundit.

“Shtatë lojtarë kanë kundërshtuar direkt ose nëpërmjet palëve të treta vendimet e trajnerit. Unë nuk mund të përmend emra, por përveç lojtarëve edhe Florentino Perez dukshëm nuk ishte i kënaqur nga mënyra se si drejtoi Alonso skuadrën”, tha Bruno Alemany, i cili pohoi se ky informacion i kishte ardhur nga njëri prej pjestarëve të stafit të trajnerëve.

The post Prapaskena/ Jo vetëm Vinicius Jr., shtatë futbollistë të Real-it kishin kundërshtuar Xabi Alonso-n appeared first on Albeu.com.

Në kushte aspak të mira atmosferike, me mjegull, me një shikueshmëri të diferencuar, të cilat ndikuan në performancën e skiatoreve në pistën austriake në Flachau ka përfunduar të martën në mbrëmje gara e slalomit në Kupën e Botës në ski. Me Lara Colturin që e mbyll konkurrimin në vendin e 8-të.

Në Flachau, pistën austriake ndodh gjithçka. 35 skiatore nuk arrijnë të përfundojnë garën, nga 75 që ishin në listën fillestare në disiplinën slalom. Në kushte aspak të mira atmosferike, me mjegull, me një shikueshmëri të diferencuar, të cilat ndikuan në performancën e skiatoreve në pistën austriake në Flachau ka përfunduar të martën në mbrëmje gara e slalomit në Kupën e Botës në ski.

Duke sfiduar vështirësitë e natyrës, Lara Colturi arrin të shkëlqejë, sidomos në lëshimin e dytë, që me kohën fantastike 53“77 ishte e para, më e mira nga të gjitha, mbretëresha e këtij raundi duke lënë pas edhe Mikaela Shifrin. Por një gabim në lëshimin e parë, i kushtoi podiumin skiatores shqiptare, që e detyroi të renditej në vendin e 16-të. Në përfundim Lara Colturi renditet në vendin e 8-të.

Në podiumin e garës në Flachau, në shkallën më të lartë të tij ngjitet Milkaela shifrin, që i çon në 60 numrin e fitoreve në slalom, një shifër e jashtëzakonshme në historinë e këtij sporti. E dyta në podiumin e Flachau është Paula Molzen e SHAB dhe në të tretin Katarina Trupe e Austrisë.

The post Lara Colturi e 8-ta në Flachau, shkëlqen në lëshimin e dytë appeared first on Albeu.com.

Manchester United ka njoftuar emrin e trajnerit të ri që do të drejtojë skuadrën deri në fund të sezonit. Bëhet fjalë për një emër të njohur, Michael Carrick, i cili zëvendëson Amorim. “Është një nder të kem përgjegjësinë e drejtimit të Manchester United”.

“E di se çfarë duhet për të pasur sukses këtu dhe qëllimi im është t’i ndihmoj lojtarët të arrijnë standardet që presim në këtë klub të jashtëzakonshëm. Kam besim të plotë në aftësitë dhe përkushtimin e tyre”.

“Ka ende shumë për të arritur këtë sezon dhe ne jemi gati t’i bashkojmë të gjithë për t’u dhënë tifozëve performancat që meritojnë”, tha ai.

The post Michael Carrick, trajneri i ri i Manchester United appeared first on Albeu.com.

nga Albeu.com

Rruga dytësore nga Casa Italia, konkretisht segmenti nga Spitali Hygeia deri te Megatek, është shndërruar në një simbol të gjallë të dështimit, papërgjegjshmërisë dhe mashtrimit institucional. Nuk është thjesht një rrugë e keqe. Është një fyerje e hapur për qytetarët, për taksapaguesit dhe për çdo koncept minimal të shtetit funksional.

Prej vitesh kjo rrugë “riparohet” herë pas here nga Bashkia Tiranë dhe ARRSH, me ndërhyrje kozmetike, të shpejta dhe pa asnjë standard teknik. Gropa mbulohet sot, hapet nesër. Asfalti hidhet sot, zhduket pas pak ditësh dhe askush nuk mban përgjegjësi. Askush nuk del të shpjegojë pse, në vitin 2026, në kryeqytet, një rrugë strategjike është më keq se një shteg fshati.

Vetëm dy javë më parë, autoritetet “u kujtuan” të mbushnin gropat me asfalt. U shfaqën makineritë, u bllokua përkohësisht qarkullimi dhe u dha iluzioni se më në fund po bëhej diçka. Sot, pas vetëm dy javësh, gropat janë kthyer sërish, sikur asfalti të mos ishte hedhur kurrë. E njëjta pamje, i njëjti kaos, i njëjti zhgënjim. Kjo nuk është më rastësi, ky është model.

Pasojat janë të përditshme dhe konkrete: trafik i rënduar, orë të humbura për qytetarët, konsum nervash, aksidente, dëmtime të makinave, amortizatorë të shkatërruar, goma të çara, kosto që bien drejtpërdrejt mbi xhepat e qytetarëve. Ndërsa institucionet heshtin, qytetarët paguajnë dy herë: një herë me taksa dhe herën e dytë me riparime.

Kjo rrugë lidh zona me fluks të lartë qarkullimi, biznese të mëdha, universitete, qendra shërbimi, spitale dhe akses drejt daljeve kryesore të Tiranës. Nuk është rrugë periferike pa rëndësi. Është një arterie e rëndësishme e lënë qëllimisht në degradim, e trajtuar si “punë sezonale”, sa për të mbyllur gojën e opinionit publik për disa ditë.

Pyetja që shtrohet është e thjeshtë: kush (nuk) po i bën këto punime dhe pse po paguhen? Kush i kontrollon? Kush firmos kolaudimin e një asfalti që shembet brenda dy javësh? Dhe pse askush nuk mban përgjegjë për këtë tallje publike?

Në çdo vend normal, kjo do të quhej abuzim me fondet publike. Në Shqipëri quhet “mirëmbajtje”. Në çdo qytet normal, një kompani që lë pas një rrugë në këtë gjendje do të penalizohej dhe përjashtohej. Këtu, vazhdon të marrë tenderë dhe të hedhë asfalt që tretet si rërë.

Rruga Hygeia–Megatek nuk është më thjesht problem infrastrukture. Është provë e qartë se si qeverisja urbane ka dështuar, se si paratë publike shpenzohen pa asnjë rezultat dhe se si qytetarët dhe taksapaguesit trajtohen si numra, jo si njerëz. Dhe kjo situatë nuk ka ndryshuar me dekada, edhe kur ishte Lali Eri “punësosur” në krye të Bashkisë edhe sot që praktikisht nuk është më.

Derisa kjo rrugë të ndërtohet seriozisht, me standarde reale dhe jo me arnime tallëse, çdo fjalë për “Tiranën moderne” është hipokrizi e pastër. Sepse një qytet nuk matet me fasada dhe sllogane, por me rrugët ku qytetarët ecin çdo ditë – dhe kjo rrugë është një plagë e hapur në një nga zonat më të rëndësishme të kryeqytetit. /albeu.com/

The post EDITORIAL/ Rruga e turpit urban Hygeia–Megatek: Taksa në asfalt, gropa në rrugë appeared first on Albeu.com.

Eliminim i bujshëm në Kupën e Francës. PSG i jep lamtumirën kompeticionit në fazën e 1/16-ve, pas humbjes në shtëpi në derbin me Paris FC, që bën historinë falë një goli të Ikoné. I futur në fushë në minutën e 40-të, në vend të të dëmtuarit Gory, lojtari me një të kaluar në Serie A, gjeti golin fitues në minutën e 74-t.

Dembélé, Doué dhe Mendes, të aktivizuar në pjesën e dytë nga trajneri Luis Enrique, nuk arritën ta ndryshonin fatin e ndeshjes. Kupa e Francës humb kështu mbajtësen e trofeut dhe favoriten kryesore për të shkuar në finale.

Në “Parc des Princes” shkoi çdo gjë keq për PSG. Vetëm 8 ditë pas fitores 2-1 të kampionëve absolutë në Francë, vjen hakmarrja e Paris FC. Jonathan Ikoné nuk duhej të luante, por dëmtimi i Gory i dha mundësinë të zbriste në fushë dhe ai vendosi ndeshjen.

Luis Enrique kishte bërë rotacion, duke lënë jashtë big-ët Marquinhos, Joao Neves, Nuno Mendes, Dembélé dhe Doué. Aktivizoi disa prej tyre në fund dhe PSG ushtroi presion, por pa rezultat. Paris FC merr kështu një fitore historike në derbin e kryeqytetit francez, duke nxjerrë PSG nga gara për njërin nga trofetë sezonalë.

The post PSG jashtë Kupës së Francës, kampionët e Europës humbin derbin dhe eliminohen appeared first on Albeu.com.