Udhëheqësi çeçen, Ramzan Kadyrov, është shumë i sëmurë dhe së fundi u reanimua me vështirësi në Moskë.

Ramzan Kadyrov u shtrua urgjentisht në spital në Moskë në natën e 24‑25 dhjetorit pas përkeqësimit të shpejtë të gjendjes shëndetësore dhe për këtë arsye nuk mori pjesë në takimin e Këshillit të Shtetit të udhëhequr nga presidenti rus, Vladimir Putin.

Ai u transportua me ambulancë në Spitalin Klinik Qendror të Administratës Presidenciale të Rusisë, ndërsa takimi i Këshillit të Shtetit u mbajt pa përfaqësues të Çeçenisë. Sipas një burimi, në Moskë ia dolën me vështirësi ta ringjallin (reanimonin), dhe më pas ai u kthye në shtëpi, por që atëherë nuk është parë në publik.

Raportohet se Kadyrov më herët këtë vit ishte hospitalizuar në një klinikë private në Grozni, dhe që atëherë gjendja e tij është përkeqësuar.

Vetë Kadyrov ka thënë se përjeton “çrregullime nervore” dhe “ndjenjë të vazhdueshme tensioni”, të cilat i ka lidhur me pjesëmarrjen e luftëtarëve çeçenë në luftën kundër Ukrainës.

Emisioni të Gjitha rrugët të Çojnë në Rome në mbyllje të vitit 2025, kur qytetet ndizen nga dritat e festave, kur rrugët mbushen me ngjyra, shpresë dhe emocione, sjell Fun Club Napoli Albania i cili ndriçon si një dritë blu që bashkon zemra shqiptare rreth një pasioni të vetëm: Napolit.

Ky fan club nuk është thjesht një emër apo një grup tifozësh. Është një zjarr që nuk shuhet, një këngë që këndohet me zemër, një ndjenjë që jeton nga Shqipëria deri në rrugët e Napolit. Në këtë fundvit, mes festave, gëzimit dhe reflektimit, dashuria për Napolin bëhet edhe më e fortë dhe ne ja bashkengjisim puntates se fundit te emisionit tone ne Abc News.

Në zemër të Fun Club Napoli Albania janë drejtues të rinj, me mendësi moderne, që përfaqësojnë brezin e ri të tifozërisë: energjikë, të bashkuar dhe plot ide. Ata janë si dritat e Vitit të Ri – simbol i fillimeve të reja, shpresës dhe vizionit për të ardhmen.

Me çdo aktivitet, me çdo ndeshje të ndjekur së bashku, ata sjellin një frymë të re, ku pasioni për futbollin bashkohet me respektin, kulturën sportive dhe dashurinë e sinqertë për klubin. Ky është Napolizmi i ri: i pastër, modern dhe plot zemër.

Pyetje qe shtrohet është: Pse Napoli prek zemrat shqiptare?

Pergjgijen e japin keta te rinj qe thone: Se Napoli është emocion, është luftë, është krenari.
Është historia e atyre që nuk dorëzohen, e atyre që besojnë edhe kur rruga është e vështirë. Kjo është arsyeja pse shqiptarët e ndjejnë Napolin kaq afër.

Figura e Maradonës mbetet si një yll që nuk fiket kurrë, ashtu si dritat e festave në qiellin e dhjetorit. Ai simbolizon magjinë, shpirtin rebel dhe lidhjen e përjetshme mes ekipit dhe popullit.

Në këtë fundvit 2025, Fun Club Napoli Albania feston jo vetëm fitoret në fushë, por edhe bashkimin, miqësinë dhe dashurinë e përbashkët. Çdo ndeshje është një festë, çdo gol është një përqafim, çdo moment i ndarë së bashku është një kujtim që mbetet.

Nga Shqipëria, mes dritave të Vitit të Ri, me ngjyrat blu që përzihen me festën, Emisioni “te Gjitha Rrugët të Çojnë ne Rome” kete here nga Tirana me entuziazmin Italo Shqiptar te Futbollit Napolitian nemperjet ketij emisioni ju prezanton Fan Club Napoli Albania që dëshmon se pasioni i vërtetë nuk njeh distancë./abcnews.al

Recep Tayyip Erdogan deklaroi të mërkurën se Turqia nuk do të tolerojë përdorimin e forcës, piraterinë apo provokime të tjera që kërcënojnë interesat e saj detare në Mesdheun Lindor.

Presidenti turk tha se Ankaraja po ndjek me vëmendje rreziqet për “Atdheun e saj të kaltër” – term që përdoret për kufijtë detarë turq – si dhe interesat e turqve të Qipros.

Në mesazhin e vitit të ri, të publikuar nga Presidenca turke, Erdogan tha se Turqia është e vëmendshme për tensionet në rritje në rajon dhe se do të mbrojë të drejtat dhe interesat e saj.

“Asnjëherë nuk do të tolerojmë përdorimin e forcës, piraterinë apo grabitjen në detet tona”, tha ai.

Read More...

Diplomatja e lartë e BE-së i ka quajtur pretendimet e Moskës se Ukraina ka shënjestruar bazat e qeverisë ruse një “shpërqendrim të qëllimshëm” dhe një përpjekje për të prishur procesin e paqes.

Komentet e Kaja Kallas në mediat sociale duket se janë një referencë për pretendimin e Kremlinit se Ukraina u përpoq të kryente një sulm me dron në njërën nga rezidencat e Vladimir Putinit.

“Askush nuk duhet të pranojë pretendime të pabaza nga agresori i cili ka synuar pa dallim infrastrukturën dhe civilët e Ukrainës”, shkroi Kallas në rrjetet sociale.

Më herët këtë javë, Moska akuzoi Ukrainën për sulmin ndaj shtëpisë private të Putinit në liqenin Valdai në veriperëndim të Rusisë.

Si rezultat, Rusia do të rishikojë qëndrimin e saj në negociatat e vazhdueshme të paqes, tha Kremlini.

Që kur Ministri i Jashtëm Sergei Lavrov i ndau për herë të parë pretendimet, media shtetërore ruse dhe politikanët e kanë diskutuar sulmin e dyshuar me tone gjithnjë e më nxitëse.

“Sulmi është një goditje në zemër të Rusisë”, tha Andrei Kartapolov, kreu i komitetit të mbrojtjes së parlamentit rus. “Pas asaj që ka bërë [Ukraina], nuk mund të ketë falje.”

Edhe pse Kremlini fillimisht tha se nuk shihte asnjë kuptim në ndarjen e provave të sulmit të supozuar, të mërkurën ushtria ruse publikoi atë që e quajti prova të sulmit të tentuar./abcnews.al

Një aksident tragjik hekurudhor ka ndodhur pranë Machu Picchu, ku dy trena u përplasën ballë për ballë.

Si pasojë e përplasjes, një person humbi jetën dhe të paktën 40 të tjerë janë plagosur. Sipas autoriteteve, aksidenti ndodhi dje në një shinë të vetme që lidh stacionet Ollantaytambo dhe Aguas Calientes, qyteti më i afërt me qytetin e lashtë Inka.

Në vendngjarje arritën rreth 20 ambulanca, ndërsa të plagosurit u transportuan me urgjencë drejt spitaleve në qytetin fqinj të Cusco.

Mediat raportojnë se qindra turistë mbetën të bllokuar në vendngjarje, ndërsa evakuimi u vështirësua nga terreni i thyer dhe aksesin e kufizuar në zonë.

Tajlanda ka liruar 18 ushtarë kamboxhianë që ishin kapur në muajin korrik gjatë përplasjeve të përgjakshme në kufirin mes dy vendeve, në kuadër të marrëveshjes së armëpushimit të arritur të shtunën.

Dorëzimi i ushtarëve u shty për një ditë, pasi autoritetet tajlandeze shprehën shqetësime për shkelje të dyshuara të armëpushimit. Megjithatë, procesi u përmbyll pas presionit të vazhdueshëm diplomatik nga Kina, e cila ka luajtur rol ndërmjetësues për ruajtjen e marrëveshjes.

Tensionet përgjatë kufirit Tajlandë–Kamboxhi u përshkallëzuan në fillim të këtij muaji dhe zgjatën për disa javë, duke detyruar afro një milion civilë të largohen nga banesat e tyre.

Sipas marrëveshjes së armëpushimit, të dyja palët janë angazhuar të ngrijnë pozicionet ushtarake aktuale, të ndalojnë përforcimet dhe të lejojnë kthimin e banorëve në zonat kufitare sa më shpejt të jetë e mundur. Ushtarët e liruar, të veshur me rroba civile, u shoqëruan përmes një pike kufitare dhe iu dorëzuan autoriteteve kamboxhiane.

Mbajtja e tyre në paraburgim që nga korriku kishte nxitur reagime të forta nacionaliste në Kamboxhia dhe lirimi i tyre ishte një nga kërkesat kryesore të qeverisë së Phnom Penhit në bisedimet me Tajlandën.

Ministria e Jashtme e Tajlandës e cilësoi lirimin si një “gjest vullneti të mirë”, duke shprehur shpresën që Kamboxhia të përgjigjet me “veprime konkrete”. Ndërkohë, Ministria e Mbrojtjes e Kamboxhias deklaroi se mbetet “shpresëplotë” se ky hap do të ndihmojë në ndërtimin e besimit të ndërsjellë.

Sipas kushteve të marrëveshjes, ushtarët duhej të dorëzoheshin brenda 72 orësh, por Bangkoku akuzoi Phnom Penhin për shkelje të armëpushimit, duke pretenduar se mbi 250 dronë kamboxhianë kishin fluturuar mbi territorin tajlandez të dielën.

Pavarësisht akuzave, armëpushimi duket se po mbahet deri më tani. Mosmarrëveshjet kufitare mes dy vendeve datojnë prej më shumë se një shekulli, por tensionet u rritën ndjeshëm këtë vit pas incidenteve në një tempull të kontestuar. Përplasjet e korrikut lanë dhjetëra të vrarë dhe mijëra të zhvendosur.

Një depo e madhe nafte është përfshirë nga flakët pas një sulmi me dron ukrainas, njoftojnë autoritetet lokale.

Zjarri po digjet me intensitet të lartë, ndërsa ekipet e zjarrfikësve po përpiqen të vendosin kontrollin mbi situatën dhe të parandalojnë përhapjen e flakëve në zonat përreth.

Shkak i këtij incidenti është një sulm i kryer me dron nga ukrainasit, që ka goditur infrastrukturën e depozitës, duke shkaktuar shpërthime të vogla dhe zjarr të përhapur. Autoritetet kanë evakuuar pjesën e zonës pranë depotës dhe kanë vendosur një perimetër sigurie për të mbrojtur banorët dhe punonjësit.

In Kopaево, Yaroslavl region, an oil depot is burning intensely after a drone strike

Earlier, Ukrainian drones targeted an oil refinery in Tuapse, Krasnodar region. https://t.co/hUQcM66lSz pic.twitter.com/cNyMS5oqwU

— NEXTA (@nexta_tv) December 31, 2025

Ky incident vjen pak ditë pas sulmit të mëparshëm me dron nga Ukraina ndaj një rafinerie nafte në Tuapse, në rajonin Krasnodar.

Sipas ekspertëve, këto sulme synojnë goditjen e infrastrukturës energjetike dhe parandalimin e furnizimit me naftë, duke shkaktuar shqetësime serioze për sigurinë energjetike në rajon.

Zjarret në depotë të tilla janë veçanërisht të rrezikshme për shkak të natyrës së lëndëve të depozituara dhe mund të shkaktojnë shpërthime të mëdha.

Banorët e zonës janë paralajmëruar të shmangin qarkullimin pranë depove dhe të qëndrojnë të sigurt deri në stabilizimin e plotë të situatës.

Kryeministri Edi Rama ka uruar shqiptarët me rastin e ndërrimit të viteve.

Përmes një mesazhi, Rama u shpreh se mazhoranca socialiste ia doli ta ndryshojë Shqipërinë dhe ta bëjë atë europiane.

Ndër të tjera, shefi i qeverisë shtoi se objektivin për Shqipërinë 2030 në BE nuk e solli koha, por forca qeverisëse që ai drejton.

Mesazhi i kryeministrit Rama

Të dashur bashkëqytetarë e bashkëqytetare, kudo ku jeni,

Ja edhe një vit tjetër mbërriti tek dera për të dalë, duke e lënë Shqipërinë më lart, se në ditën kur hyri.

Gjatë rrugëtimit të këtij viti, shumica prej jush, në Shqipëri, Europë, gjetkë nëpër botë, e bekoi përpjekjen e përbashkët të dekadës së fundit, duke i dhënë qeverisë sonë, fuqinë e jashtëzakonshme të 83 mandateve.

Faleminderit edhe njëherë nga unë sot, për atë fuqi me të cilën falë jush, unë dhe të zgjedhurit tuaj do të bëjmë për Shqipërinë, në katër vitet e ardhshme, gjithçka duhet që ta ngremë flamurin tonë kombëtar, në oborrin e Shtëpisë së Bashkimit Europian.

Në një dekadë kemi bërë çfarë nuk imagjinohej kur nisi numërimi i viteve tona në qeverisje.

Kemi bërë realitet një Shqipëri tjetër, ku këtë vit u mblodhën krejt udhëheqësit e Europës Demokratike, nga Parisi në Ankara, dhe nga Kievi në Londër për të diskutuar të nesërmen e kontinentit tonë.

Një Shqipëri tjetër, ku për 18 muaj do të mblidhen të gjithë udhëheqësit e NATO-s, për Samitin vjetor të Aleancës, që plot vende të tjera, të cilat kanë hyrë në NATO, kohë përpara nesh, ende s’e kanë patur privilegjin ta mikpresin.

Një Shqipëri tjetër, e cila ndryshe nga jo shumë vite më parë, nuk ia ul më kokën asnjë shqiptari kur del jashtë kufijve të saj, prej ku tanimë vërshojnë drejt këtij vendi miliona e miliona turistë.

Një Shqiperi tjetër, më e prekshme se kurrë në çdo skaj të saj, me Dibrën e kthyer në zgjatim të Tiranës, falë rrugës së Arbrit; me Vermoshin, Thethin e Valbonën, të kthyera në destinacione turistike, falë kthimit të shtigjeve të vjetra të dhive në akse me standarte europiane; me Shkodrën e rilindur,  falë kthimit të shpresës dhe rikthimit të turizmit si burim ekonomie i tharë qysh prej viteve‘30; me Lezhën, Beratin, Korçën, Pogradecin, Gjirokastrën, Përmetin, Tepelenën, Kolonjën, e me radhë, të kthyera në qytete të rilindura e fshatra rrotull tyre, ku vejevijnë njerëz nga Shqipëria e mbarë bota dhe hapen për t’i mikpritur, dyer pas dyersh, e ku numrat e turistëve, kanë arritur në shifra që nuk imagjinoheshin kur nisi kjo dekadë; me luginën e Lumit të Vlorës, të kthyer në një aks panoramik i Shqipërisë tjetër, ku të tjera e të tjera akse të reja, autostradash, rrugësh, tunelesh të hapur në veri e në jug, me standarde europiane e ritëm të pandalur gjatë këtyre viteve, i kanë dhënë kësaj Shqipërie, jo thjesht infrastrukturë më të mirë, po energjinë ripërtëritëse të një vendi në ngjitje.

Të gjithë këtë transformim, që vazhdon e do të vazhdojë pa ndalim, me kantiere të hapura e projekte të reja, drejt Shqipërisë 2030 në Bashkimin Europian, nuk e solli koha siç thonë disa, nuk e sollën as alienët apo bandat siç bërtasin disa të fantaksur të tjerë, po e solli forca jonë qeverisëse, besimi juaj tek ne dhe besimi ynë i përbashkët tek Shqiperia, e solli puna pa orar e  mijëra e mijëra njerëzve, e ministrisë, agjencive shtetërore dhe kompanive private, përpjekja e madhe në shumë frontet e betejës për Shqipërinë Europiane, ku të metat, dobësitë, gabimet apo edhe rrëshqitjet ose mëkatet e disave brenda nesh, nuk e zvogëlojnë dot kurrsesi përmasën historike të një transformimi të tillë.

Kjo është një Shqipëri tjetër, edhe falë kthimit të infrastrukturës  digjitale nga një dorë kioskash me internet, në një shtyllë qeverisëse  me maturitet të lartë, siç e vlerësojnë organizmat më prestigjozë ndërkombëtarë të fushës.

Një Shqipëri që tre vitet e fundit ka ngjitur plot 54 vende, duke u renditur e 14-ta ndër 197 vende të botës për qeverisjen digjitale dhe duke vendosur në dispozicion të qytetarëve, një platformë shërbimesh publike në kohë reale, falas nga çdo cep i globit.

E-Albania u ka kursyer shqiptarëve 620 milione euro dhe 7500 vjet radha nëpër sportele, ose e thënë ndryshe, një radhë të gjatë sa 25 mijë rrotullime rreth tokës.

Kjo është një Shqipëri tjetër, e cila pas sulmit terrorist kibernetik mbi pikërisht këtë infrastrukturë moderne digjitale, ngriti një nga muret më të fortë të mbrojtjes kibernetike në Europë, ku deri më sot kanë dështuar të gjitha sulmet e vazhdueshme që kanë ardhur e vazhdojnë të vijnë më pas e askush nuk flet për to.

Një Shqipëri tjetër,  e shërbyer në këto vite transformimi me dijen dhe përkushtimin e skuadrave të AKSHI-t e të AKCESK-ut, ku vajza e djem të talentuar, e kanë rritur vit pas viti aftësinë e këtij shteti për t’u shërbyer njerëzve dhe vendit, duke e bërë Shqipërinë një histori suksesi edhe ndërkombëtarisht.

Kjo është një Shqipëri tjetër, e dalë nga errësirat kronike të ikjes së dritave, falë vizionit, projekteve e punës këmbëngulëse të mbështetur nga investime të vazhdueshme, që kanë transformuar krejt panoramën e sektorit, duke rritur kapacitetet prodhuese, diversifikuar burimet e energjisë së rinovueshme, ulur çmimin për konsumatorët familjarë, e duke u ngjitur vit pas viti drejt majës së sovranitetit energjetik, të cilën do ta mbërrijmë brenda këtij mandati për të mos harxhuar më asnjë qindarkë për të importuar energji nga jashtë.

Kjo Shqipëri tjetër, nuk ka asnjë lidhje me Shqipërinë e pikënisjes së kësaj dekade, kur ishim të shpërfillurit e damkosur të Europës.

Ky vit mbyllet për Shqipërinë, jo vetëm me negociatat e anëtarësimit të hapura në çdo kapitull, po edhe me ngjitjen e Shqipërisë në pozicionin e të ashtuquajturit front-runner, pararendës, i procesit të integrimit të Ballkanit Perëndimor në Bashkimin Europian.

As këtë rezultat shembullor, fantastik për emrin e vendit tonë dhe për dinjitetin e kombit tonë, nuk e solli koha, por përkushtimi i ekipit kombëtar të negociatave dhe dija, puna, këmbëngulja e më shumë se 1000 patriotëve publikë në ministritë e në institucionet e pavarura të shtetit shqiptar.

Dekada e fundit ka qenë për Shqipërinë dhe shqiptarët, një kohë me një shpejtësi të re shqiptare, një përpjekje e madhe për të fituar kohën e humbur të një tranzicioni të çartur përplasjesh me muret e prapambetjes, një projekt kombëtar reformash transformuese për të hapur rrugën e të vërtetës sonë si popull europian, që meriton të ulet në sofrën e përbashkët europiane.

Nuk është sot gjëkundi koha për një nga ato fjalimet e mia të gjata. Ky është momenti për mua qe t’ju siguroj se kohën e re të Shqipërisë nuk e kthen dot më mbrapsht askush dhe se më e mira është e gjitha përpara për Shqipërinë dhe shqiptarët; që t’ju garantoj se viti i ardhshëm e ata pas tij, do të sjellin edhe me shumë frute se sa ka sjellë deri më sot puna transformuese e kësaj dekade dhe që t’ju uroj gëzuar, kudo ku jeni, me këdo që keni pranë, e me shëndet dhe mbarësi në vitin që po hyn në derë.

Gëzuar!

Edhe ditët e fundit të këtij viti, presidenti rus Vladimir Putin nuk i ka kursyer sulmet në Ukrainë.

Këtë herë, në shënjestër ishte rajoni i Odesës. Ndërsa presidenti ukrainas, Volodymyr Zelensky, është shprehur i gatshëm të takohet me kreun e Kremlinit për bisedimet e paqes.

Rusia ka sulmuar rajonin e Odesës, duke goditur ndërtesa banimi. Shërbimi Shtetëror i Emergjencave të Ukrainës ka publikuar pamjet ku shfaqen ndërtesa në flakë dhe të shkatërruara si pasojë e sulmeve me dronë rusë.

Guvernatori rajonal i Odesës, Oleh Kiper, tha se zjarrfikësit punuan gjatë gjithë natës për të shuar zjarret, ndërsa disa banorë u strehuan në tenda emergjence. Sipas autoriteteve rajonale, katër persona u plagosën, përfshirë një foshnjë 7-muajshe.

Odesa është shënjestruar vazhdimisht nga raketat dhe dronët rusë gjatë gati 4 viteve të luftës, me sulme që shpesh godasin infrastrukturën e energjisë, transportit dhe portit, si dhe zonat e banuara.

Ndërkohë, Kievi është në diskutime me presidentin amerikan, Donald Trump, për praninë e mundshme të trupave amerikane në Ukrainë si pjesë e garancive të sigurisë.

Zelensky ka deklaruar se Ukraina është e përkushtuar të vazhdojë bisedimet për të dhënë fund luftës. Ai gjithashtu shprehu gatishmërinë që të takohet me presidentin rus, Vladimir Putin.

Në fjalimin e tij të parë të Vitit të Ri që kur u zgjodh kancelar i Gjermanisë në zgjedhjet e parakohshme të shkurtit, Friedrich Merz përshkruan një botë të pasigurt, të mbushur me konflikte dhe gjithnjë e më të fragmentuar.

Por ai gjithashtu u përpoq ta ripoziciononte Gjermaninë në këtë skenar në ndryshim, duke pikturuar një pamje jo të qetësimit, por të vetësigurisë.

“Ne nuk jemi një gur shahu i fuqive të mëdha”, tha Merz, duke kundërshtuar hapur ndjenjën e shumë njerëzve që mendojnë se Gjermania po humbet ndikimin dhe kontrollin përballë krizave globale.

Në vend të kësaj, Merz theksoi aftësinë e vetë Gjermanisë për të vepruar, duke theksuar se vendi nuk është as viktimë e rrethanave të jashtme dhe as e pafuqishme përballë zhvillimeve ndërkombëtare.

Merz gjithashtu preku pushtimin në shkallë të plotë të Ukrainës nga Rusia dhe i kujtoi audiencës se ukrainasit po e fillonin përsëri vitin e ri në kushte ekstreme, me pak siguri, ndonjëherë pa energji elektrike dhe shpesh duke jetuar nën bombardime të vazhdueshme.

Në të njëjtën kohë, ai e bëri të qartë se lufta nuk mbaronte në kufijtë e Gjermanisë. Sabotimi, spiunazhi dhe sulmet kibernetike, shpesh të lidhura me Rusinë, kanë qenë prej kohësh pjesë e jetës së përditshme në Gjermani dhe Merz tha se përpjekje të tilla destabilizimi po drejtohen kundër të gjithë Evropës.

Megjithatë, Gjermania është një vend i sigurt, tha Merz, duke shtuar se kjo siguri nuk mund të merret si e mirëqenë dhe se Evropa duhet të forcojë aftësinë e saj parandaluese dhe të mbrojë interesat e veta në mënyrë më të qëndrueshme.

Fjalimi i Vitit të Ri i Merz dukej se ishte qëllimisht i përgjithësuar, por megjithatë ai vendosi një theks të qartë në pavarësinë më të madhe evropiane në çështjet e sigurisë.

Përveç politikës së jashtme, Merz foli gjithashtu për ndryshimet strukturore që do ta formësojnë vendin në planin afatgjatë. Ai përmendi proteksionizmin global, varësitë strategjike nga lëndët e para dhe marrëdhënien në ndryshim me SHBA-në si rreziqe të mundshme për prosperitetin dhe stabilitetin.

Read More...

Forcat ushtarake izraelite kanë filluar shembjen e 25 ndërtesave në kampin e refugjatëve Nur Shams, lindje të qytetit Tulkarm në Zapadna Obala të okupuar, thanë burime të medias.

Foto dhe raportimet tregojnë buldozerë dhe makineri të tjera që rrëzojnë ndërtesat, duke ngritur re pluhuri në ajër ndërsa zbatohen urdhërat për rrëzimin e tyre. Këto ndërtesa banonin rreth 100 familje palestineze dhe shembja është pjesë e një operacioni që ushtria izraelite e ka përshkruar si përpjekje për të zhdukur “grupe të armatosura” në zonat veriore të territorit të okupuar.

Autoritetet ushtarake izraelite kanë thënë se këto veprime janë të nevojshme për arsye operative dhe sigurie, duke argumentuar se disa kampe refugjatësh shërbejnë si qendra të aktiviteteve të armatosura.

Megjithatë, zyrtarë palestinezë dhe aktivistë për të drejtat e njeriut e kanë dënuar vendimin dhe kanë paralajmëruar se shembjet, bashkë me zhvendosjet e banorëve, përbëjnë dëmtim të rëndë humanitar dhe shkelje të ligjeve ndërkombëtare.

Kampi Nur Shams, themeluar në vitin 1952 për refugjatët palestinezë të shpërngulur nga konfliktet e mëparshme, është prej kohësh një zonë me kushte të rënda jetese.

Operacionet e fundit ushtarake, përfshirë shembjen e shtëpive dhe vendosjen e rrethimit të fortë, kanë kontribuar në një krizë të thellë humanitare për banorët e tij. Dhjetëra ndërtesa janë shkatërruar ose dëmtuar që nga fillimi i ofensivës së ushtrisë, duke lënë mijëra banorë pa shtëpi.

Read More...

Franca synon të ndjekë shembullin e Australisë dhe të ndalojë platformat e rrjeteve sociale për fëmijët duke filluar nga viti shkollor 2026.

Një projektligj që ndalon përdorimin e rrjeteve sociale për personat nën moshën 15 vjeç do të dorëzohet për verifikime ligjore dhe pritet të diskutohet në parlament në fillim të vitit të ri, raportonThe Guardian.

Presidenti francez, Emmanuel Macron, ka bërë të qartë javët e fundit se dëshiron që Franca të ndjekë shpejt ndalimin e parë në botë të Australisë për rrjetet sociale për të miturit nën 16 vjeç, i cili hyri në fuqi në dhjetor. Ndalimi përfshin Facebook-un, Snapchat-in, TikTok-un dhe YouTube-in.

Le Monde dhe France Info raportuan të mërkurën se projektligji tashmë ishte gati dhe përmbante dy masa: ndalimin e rrjeteve sociale për nën-15-vjeçarët dhe ndalimin e telefonave celularë në shkollat e mesme, ku studiojnë nxënësit nga 15 deri në 18 vjeç. Telefonat janë ndaluar tashmë në shkollat fillore dhe të mesme të ulëta.

Projektligji do t’i paraqitet në ditët në vijim Këshillit të Shtetit të Francës (Conseil d’État) për shqyrtim ligjor. Sindikatat e arsimit do të shqyrtojnë gjithashtu ndalimin e propozuar të telefonave në shkollat e mesme.

Qeveria synon që ndalimi i rrjeteve sociale të hyjë në fuqi nga shtatori i vitit 2026.

Le Monde raportoi se teksti i projektligjit përmend “rreziqet e përdorimit të tepruar të ekraneve nga adoleshentët”, përfshirë rreziqet e ekspozimit ndaj përmbajtjeve të papërshtatshme në rrjetet sociale, bullizmin online dhe çrregullimin e ritmeve të gjumit. Projektligji thekson nevojën për të “mbrojtur brezat e ardhshëm” nga rreziqe që kërcënojnë aftësinë e tyre për të lulëzuar dhe për të jetuar së bashku në një shoqëri me vlera të përbashkëta.

Më herët këtë muaj, Macron konfirmoi gjatë një debati publik në Saint-Malo se dëshironte një ndalim të rrjeteve sociale për adoleshentët e rinj. Ai tha se po formohej një “konsensus” për këtë çështje pas ndalimit të vendosur nga Australia. “Sa më shumë kohë para ekranit, aq më shumë bie arritja në shkollë… sa më shumë kohë para ekranit, aq më shumë rriten problemet e shëndetit mendor,” u shpreh ai.

Ai përdori analogjinë e një adoleshenti që hipën në një makinë të Formula 1 para se të mësojë të ngasë. “Nëse një fëmijë është në një makinë të Formula 1 dhe ndez motorin, unë nuk dua që ai ta fitojë garën, thjesht dua që të dalë nga makina. Dua që fillimisht të mësojë rregullat e qarkullimit, të sigurohet që makina funksionon dhe ta mësojmë të ngasë në një makinë tjetër.”

Disa vende të tjera po shqyrtojnë ndalime të rrjeteve sociale për nën-15-vjeçarët pas vendimit të Australisë, përfshirë Danimarkën, qeveria e së cilës shpreson të vendosë një ndalim në vitin 2026, si dhe Norvegjinë.

Anne Le Hénanff, ministrja franceze përgjegjëse për zhvillimin dixhital dhe inteligjencën artificiale, i tha këtë muaj gazetës Le Parisien se ndalimi i rrjeteve sociale për nën-15-vjeçarët ishte një prioritet qeveritar dhe se projektligji do të ishte “i shkurtër dhe në përputhje me ligjin evropian”, konkretisht me Aktin e Shërbimeve Dixhitale të BE-së (DSA) – një rregullore e synuar për të luftuar gjuhën e urrejtjes, keqinformimin dhe dezinformimin.

Ndalimi i rrjeteve sociale është pjesë e përpjekjes së Macronit për të formësuar trashëgiminë e tij politike, ndërsa hyn në vitin e fundit të vështirë të presidencës me një parlament të përçarë. Më 23 dhjetor, u miratua në minutën e fundit një legjislacion për të mbajtur qeverinë funksionale deri në janar, pasi parlamenti dështoi të binte dakord për buxhetin e plotë për vitin 2026. Përpjekjet për arritjen e një marrëveshjeje për buxhetin do të rifillojnë muajin e ardhshëm

Veprat e tij renditen vazhdimisht ndër artet më të shtrenjta në botë, me piktura që shiten për më shumë se 100 milionë dollarë në ankand. Por tani nuk është më e nevojshme të jesh multimilioner për të pasur një Picasso – për 100 €, kushdo në botë ka mundësinë të fitojë një pikturë nga një prej artistëve më me ndikim të shekullit XX.

Fondacioni francez për Kërkimin e Alzheimerit njoftoi së fundmi se po organizon një short për portretin e Picassos të vitit 1941, Tête de femme, i cili vlerësohet mbi 1 milion €. Të ardhurat nga biletat do të ndihmojnë në financimin e kërkimit për Alzheimerin, një nga shkaqet kryesore të vdekjes dhe paaftësisë në mbarë botën, raporton The Guardian.

Projekti, i titulluar “1 Picasso për 100 Euro”, është i pari i këtij lloji në botë dhe, sipas nipit të tij Olivier Picasso, një vazhdim i natyrshëm i trashëgimisë së Picassos.

“Gjyshi im ishte shumë bujar, por edhe diskret,” i tha Olivier Guardian-it. “Ai ndihmoi familjen e tij, veçanërisht gjyshen time Marie-Thérèse [Walter]. Ai ndihmoi miqtë. Ai ndihmoi njerëzit në nevojë gjatë luftës civile në Spanjë, gjatë Luftës së Dytë Botërore dhe edhe më pas, në vitet ’50 dhe ’60.

“Prandaj, për mua, ky projekt është një pjesë absolutisht logjike dhe legjitime e trashëgimisë së tij. Shpresoj që në të ardhmen të mund ta bëjmë këtë çdo vit, nëse është e mundur.”

Shorti është ideja e Péri Cochin, një producente franceze televizive dhe pronare e kompanisë së enëve të tryezës Waww La Table. Cochin e pati idenë pasi pa nënën e saj t’i përdorte ato në evente bamirësie që ajo organizonte.

“Mendova: a nuk do të ishte fantastike të bënim një short mbarëbotëror, duke shitur bileta online? Vendosa që duhej të ishte një vepër arti, dhe cili është emri më i famshëm në art? Sigurisht, Picasso,” tha ajo.

Cochin kontaktoi Olivier Picasso-n, një mik i saj që nga fëmijëria. Pasi ai dhe pjesa tjetër e administratës dhe trashëgimisë Picasso dhanë miratimin, ajo rezervoi pikturën e vitit 1941 nga galeria Opera, e cila do të marrë pak më pak se 1 milion € pas hedhjes së shortit.

“Jemi mësuar të dëgjojmë për Picasso-n dhe këto ankande me çmime të larta, por kjo ishte hera e parë që Picasso lidhej vërtet me një kauzë bamirësie,” tha ajo.

Olivier tha se familja “u lidh menjëherë me projektin”, jo më pak sepse paratë e mbledhura shkojnë për një kauzë të mirë. Nuk ka kurë për sëmundjen e Alzheimerit dhe asnjë trajtim që mund ta ndalojë ose ta përmbysë përparimin e saj. “Tani që jetojmë më gjatë se më parë, ne ose njerëzit rreth nesh mund të preken nga kjo sëmundje. Dhe e di sa e vështirë dhe e dhimbshme është,” shtoi ai.

Qëllimi është të shiten 120.000 bileta, duke mbledhur 11 milionë € për kërkimin e Alzheimerit. Hedhja e shortit është planifikuar të zhvillohet në shtëpinë e ankandeve Christie’s në Paris më 14 prill. Nëse nuk shiten mjaftueshëm bileta për të mbuluar koston e pikturës, të gjithë pjesëmarrësit do të rimbursohen.

Olivier tha se Tête de femme ishte një vepër “shumë interesante”, e pikturuar në të njëjtin studio në Bregun e Majtë të Parisit si kryevepra e Picassos e vitit 1937, Guernica. “Periudha ishte e rëndësishme për gjyshin tim, sepse ai ishte në fund të një procesi për t’u divorcuar nga gruaja e tij e parë, Olga Khokhlova – një divorc që nuk ndodhi kurrë sepse Franco shfuqizoi ligjin e divorcit [në 1939], pavarësisht se ai kishte njohur gjyshen time dhe Dora Maar-in.

“Kjo periudhë ishte gjithashtu shumë e ndërlikuar për shkak të pushtimit të Parisit nga nazistët. Prandaj ngjyrat janë më të errëta se zakonisht, me kafe, të zezë dhe gri. Edhe pse është një paraqitje e bukur e një gruaje, ende ka atmosferën tipike të Picassos. Gjyshi im e mbajti pikturën si një kujtim të atij momenti.”

Cochin ka organizuar dy shorte të mëparshme për piktura të Picassos, në vitet 2013 dhe 2020, duke mbledhur gjithsej mbi 10 milionë €. Fituesi i parë ishte 25-vjeçari Jeffrey Gonano, i cili u bë pronar i një vizatimi të Picassos me vlerë 860.000 €. “Ai e vendosi pikturën për një kohë në Muzeun e Pittsburgh-ut, dhe tani është në depozitë te Christie’s në Nju Jork, sepse nuk donte ta mbante në shtëpi,” tha ajo.

Fituesja e dytë ishte Claudia Borgogno, një kontabiliste nga Ventimiglia, Itali, së cilës i biri i kishte dhuruar një biletë shorti për Krishtlindje. Ajo u bë pronare e një Picassos të vitit 1921 me vlerë 1 milion €. “Ajo ende e ka pikturën; tha se do t’i ndryshonte jetën. Është një histori vërtet e bukur,” shtoi Cochin.

Prokuroria Speciale ka ngritur aktakuzë ndaj 12 personave fizikë dhe tre personave juridikë për veprat penale “Keqpërdorimi i pozitës apo autoritetit zyrtar”,“Keqpërdorimi dhe mashtrimi në prokurim publik“ dhe “Falsifikimi i dokumenteve“.

Sipas aktakuzës, të pandehurit persona fizikë: N.D., A.M., A.B., Xh.B., M.Z., F.D., F.Z., A.Sh., M.L., D.L., A.B., I.E., dhe të pandehurit persona juridikë:  “A&F P. Sh.p.k”, “S. Sh.p.k”, ”Sh.G Sh.p.k”., kanë keqpërdorur detyrën zyrtare, kanë falsifikuar dokumente dhe kanë mashtruar në procedurat e prokurimit publik me qëllim të përfitimit të kundërligjshëm pasuror, transmeton Klankosova.tv.

Bazuar  në aktakuzë, të pandehurit A.M, N.D., nga 2 prilli i vitit 2019 e deri më 11 mars 2021, në cilësinë e personave zyrtarë pranë MASHT-it, kanë hartuar kritere përzgjedhëse në procedurat e tenderimit “Blerja e pakove të pajisjeve të nevojshme për fusha lëndore dhe mirëmbajtje”, të cilat favorizonin operatorin fitues dhe përjashtonin padrejtësisht operatorë të tjerë. Si pasojë e këtyre veprimeve, është shkaktuar dëm i përgjithshëm në buxhetin e shtetit në vlerë prej 1,824,970.00 euro.

Nga ana tjetër, sipas aktakuzës, të pandehurit:, A.B., Xh.B., M.Z., N.D. dhe A.M.,  nga 26 tetori 2020 deri më 27 nëntor 2023, në cilësinë e personave zyrtarë pranë MASHT-it, në kundërshtim me Ligjin për Prokurimin Publik, kanë kontraktuar produkte me çmime deri në 1900% më të larta se ato të tregut duke i shkaktuar buxhetit dëm prej 2,148,282.35 euro.

Gjithashtu, në kundërshtim me kushtet e kontratës, kanë lejuar dorëzimin e produkteve me origjinë nga Kina dhe Turqia në vend të produkteve me origjinë nga Bashkimi Evropian, siç ishte përcaktuar në kontratë. Si pasojë e këtyre veprimeve, është shkaktuar dëm i përgjithshëm në buxhetin e shtetit në vlerë prej 3,626,243.80 euro./klankosova

Ndërrimi i viteve për qytetarët e Kosovës dhe emigrantët që janë kthyer në vendlindje për të kaluar ditët e pushimeve me familjarët pritet të jetë i vështirë edhe për shkak të ndërprerjeve të shpeshta të energjisë elektrike.

Autoritetet kanë njoftuar se 500 puntorë të KEDS (kompania kosovare per distribuim te energjise elektrike) janë në gjendje gatishmërie për të ndërhyre në rrjet në çdo rast avarie.

Natën e ndërrimit të viteve, KEDS-i thotë se i ka marrë masat për të furnizuar vendin me energji, megjithatë për shkak të ngarkesës, qytetet më të rrezikuara për tu prekur nga ndërprejet e rrymës janë Prizreni, Dragashi, Rahoveci, Shtimja, Xërxa, Malisheva, Theranda dhe Lipjani, si pasojë e mungesës së kapaciteteve nga ana e transmisionit.

“Ju njoftojmë se janë bërë të gjitha përgatitjet e nevojshme paraprake, si nga aspekti organizativ, teknik dhe logjistik në mënyrë që natën e ndërrimit të viteve të ketë furnizim të qëndrueshëm me energji elektrike, pavarishst rritjes së lartë të konsumit dhe ngarkesës në rrjet në nivele të pakapura ndonëjherë më parë.” Njoftojnë autoritetet.

Sipas KEDS, më 29 dhjetor në orën 23:00 është arritur  piku me i lartë në nivelin e shpërndarjes, me një vlerë prej 1418MË – një rritje prej 7.5% krahasuar me vitin e kaluar.

Një ditë më parë, Kryetari i Bordit të Zyrës së Rregullatorit të Energjisë, Ymer Fejzullahu u ka bërë thirrje qytetarëve që të kursejnë energjinë elektrike, të paktën gjatë dhjetorit dhe janarit.

Ai në konferencën për media pas mbledhjes së bordit ka thënë se konsumi i pikut të Kosovës i është afruar atij maksimal të Shqipërisë, edhe pse për nga popullsia është dyfish më e ulët.

Ai sugjeroi konsumatorët në fshatra që të ngrohen me lëndë drusore./abcnews.al

Kreu i Odës Ekonomike të Kosovës, Lulzim Rafuna thotë se ngarkesat në rrjetin elektrik në Kosovë për festat e fundvitit, do të bëjë që të ketë mungesa të energjisë elektrike, referuar dhe apelit të dhënë nga institucionet.

Në një intervistë për “Ballkan Update” në ABC News, Rafuna u shpreh se kjo situatë është kthyer në shqetësim për qytetarët dhe kosto për bizneset.

Sipas njoftimit zyrtar, zyrtarë kanë paralajmëruar se do ketë mungesë të energjisë, si pasojë e mbingarkesës. I kanë bërë thirrje qytetarëve që të kenë kujdes me shpenzimin e energjisë elektrike. Po ashtu i kanë bërë thirrje edhe bizneseve. Kjo është një shqetësim i qytetarëve të Kosovës. Jemi të shqetësuar edhe si biznese. Ka një kosto shtesë për biznesin. Rrjeti është dashur të mirëmbahet. Qytetarët nuk janë fajtorë, edhe bizneset nuk janë fajtorë që nuk është mirëmbajtur rrjeti. Historikisht, në Kosovë, në muajt dhjetor, janar, por edhe në mars, çmimi i energjisë është rritur. Bizneset janë duke performuar me humbje.”, theksoi ai./abcnews.al

Pak pushim për natën e ndërrimit të viteve.Procesi i numërimit për kandidatët për deputetë në zgjedhjet e 28 dhjetorit u mbyll mesditën e 31 dhjetorit për të nisur me 1 janar nga ora 16 në 11 Qendra Komunale të Numërimit në Prishtinë.

Njoftimi është dhënë nga zëdhënësi i Komisionit Qëndror të Zgjedhjeve, Valmir Elezi, i cili ka sqaruar se deri në ndërpreje janë procesuara mbi 74 për qind e vendvotimeve në nivel vendi, duke e konsideruar aktivitetin e numërimit të mbyllur në 27 komuna.

“Aktivitetet e numërimit janë përmbyllur në 27 komuna, përkatësisht në Mamushë, Shtërpcë, Junik, Hani i Elezit, Kllokot, Partesh, Mitrovicë e Veriut, Novobërdë, Zveçan, Viti, Zubin Potok, Ranillug, Dragash, Istog, Obiliq, Gllogoc, Deçan, Shtime, Klinë, Kamenicë, Fushë Kosovë, Leposaviq, Graçanicë, Vushtrri, Rahovec, Skënderaj dhe Kaçanik.”

Elezi ka dhënë një sqarim edhe për votat me postë.

“Nga votimi me postë, numri i shtetasve të regjistruar ka qenë rreth 58 mijë. Ende nuk është përmbyllur procesi i tërheqjes së fletëvotimeve nga kutitë postare, andaj në këtë fazë nuk e dijmë se sa prej këtyre votuesve kanë ushtruar të drejtën e votës.”

Ai njoftoi se numërimi i fletëvotimeve nga votimi jashtë Kosovës do të nisë gjatë kësaj jave, ndërsa data dhe ora e saktë do të bëhen të ditura me një njoftim nga KQZ, ndërkohë numërimi për subjektet politike ka përfunduar./abcnews.al