Këshilli Mbikëqyrës i Bankës së Shqipërisë ka dhënë miratimin paraprak për licencimin e “JET Bank”, një institucion financiar që synon të operojë plotësisht në mënyrë digjitale dhe pa degë fizike — një hap që shënon mbylljen e viteve pa inovacione të mëdha në sistemin bankar të vendit dhe një prirje drejt shërbimeve financiare digjitale.

Sipas njoftimeve zyrtare, JET Bank është themeluar në shtator 2025 me një kapital fillestar relativisht të vogël (rreth 3.5 milionë lekë) me pronar dhe themelues Idan Avishai, shtetas me dy shtetësi, izraelite dhe britanike, transmeton Albeu.com.

Sipas ligjit, Jet Bank që ka marrë miratimin paraprak për licencë, brenda 12 muajve duhet të plotësojë të gjitha kushtet e parashikuara në ligjin “Për bankat në Republikën e Shqipërisë” dhe aktet nënligjore në zbatim të tij, në mënyrë që të pajiset me licencën për fillimin e veprimtarisë bankare në vendin tonë.

Administratore e bankës do të jetë Fatbardha Rino, një figurë e njohur në sektorin financiar në Shqipëri, duke mbajtur më parë poste drejtuese në banka të nivelit të dytë si dhe postin e drejtoreshës ekzekutive e Iute Pay, një institucion financiar i akuzuar shpesh për manipulime dhe mashtrime me mikrokreditë.

Anëtarë të tjerë të bordit të bankës janë Oliver Hemmer dhe Rami Solomon, gjithashtu me origjinë izraelite.

Idan Avishai ka mbajtur deri tani një profil të ulët dhe informacioni publik rreth tij është i pakët, ndërsa sipas profilit të tij në Linkedin, përvoja e tij është e lidhur kryesisht me aktivitetin e platformave të tregtimit online ose siç njihen në zhargonin financiar “platforma forex”, shkruan Albeu.com.

Ndërkohë, dy emrat e tjerë izraelit, anëtarë bordi, janë gati anonim me shumë pak të dhëna në internet, dhe ngrenë pikëyetje mbi qëllimet dhe sfondin e bankës, duke lënë hapësirë për pasiguri tek publiku dhe investitorët e mundshëm.

I veti informacion relevant për Oliver Hemmer, është një material i vitti 2019 ku thuhet se zyrtarët federalë po hetojnë një kompani të paregjistruar me seli në Berlin të Gjermanisë, të quajtur Gal Blocklntl Ltd (platforma “4XFX”), e cila vepronte pa autorizimin e duhur. Sipas materialit, drejtori menaxhues i kompanisë, Oliver Hemmer, po drejtonte një skemë mashtrimi të quajtur “4XFX” dhe se ai po hetohej gjithashtu si përfituesi kryesor. Në lidhje me këtë çështje janë paraqitur raporte për kompaninë në Mbretërinë e Bashkuar, Spanjë dhe Estoni, dhe Australi. (https://www.scribd.com/document/714449499/report-for-the-fraudulent-activities-4xfx-com)

Në lidhje me skemën e mashtrimit të platformës “4XFX”, institucione të rëndësishme kanë publikuar njoftime ku kane denoncuar skemën. (Denoncimi i FCA britanike dhe denoncimi nga autoritetet financiare të Australisë)

4XFX ishte një platformë mashtruese dhe e parregulluar e tregtimit të kriptomonedhave dhe forex-it që synonte investitorët në vende të shumta (Mbretëria e Bashkuar, Kanada, Australi) rreth vitit 2019, duke pretenduar se ofronte tregtim bitcoin, ari dhe nafte, por në vend të kësaj mashtronte përdoruesit, me organe rregullatore si FCA dhe MSC që lëshonin paralajmërime, dhe faqja e internetit e platformës më vonë u mbyll. Është një shembull klasik i një skeme të palicencuar ku përdoruesit humbasin para, duke çuar shpesh në mashtrime pasuese të “dhomës së rikuperimit”.

Emrat të huaj “anonim” që hapin kompani në sektorë strategjik, është një skemë e njohur në botë, dhe shpesh e hasur në Shqipëri, ku të huaj përdoren për të kamufluar pronarët ose investitorët e vërtetë të një biznesi.

Ndërkohë, ekspert të ekonomisë e quajnë këtë projekt “minë me sahat për paratë e shqiptarëve”, duke nxjerrë në pah rreziqet e mundshme të stabilitetit financiar të sistemit nëse banka e re nuk ka infrastrukturë të fortë, monitorim të mjaftueshëm apo transparencë të plotë në operacione.

Jet Bank bëhet subjekti i dytë që hyn në tregun bankar shqiptar pas Ziraat Bank, duke shënuar një prirje të re zgjerimi, duke e çuar numrin e bankave tregtare në 13. /albeu.com/

The post Jet Bank, banka e parë dixhitale në Shqipëri ngjall shqetësime për transparencën dhe stabilitetin financiar appeared first on Albeu.com.

Në emisionin “Opinion” eshte diskutuar per hetimet e SPAK për çështjen e AKSHI, si dhe për vetpërgjimet që ka bërë Ergys Agasi me zyrtarë apo dhe biznesmenë.

Sipas regjistrimeve që disponon drejtësia të cilat kanë rrjedhur në media ka një episod ku Agasi flet për pengesat që kishte krijuar Damian Gjiknuri në lidhje me një emërim në një post të një personi tjetër.

Nga përmbajtja e bisedave të sekuestruara, SPAK identifikon se personi i quajtur “Labi” është Elgerti Bixha. Sipas dosjes, Agasi synonte ta emëronte Bixhën administrator në një shoqëri private, e cila kishte fituar një koncesion me ministrinë e drejtuar në atë kohë nga Gjiknuri.

Hetimi thekson se Gjiknuri konsiderohej si “pengesë” për realizimin e këtyre përfitimeve, çka çon në diskutime për mënyra të tjera presioni për ta “hequr” këtë pengesë.

Në një mesazh të datës 06.03.2019, ora 21:54:43, Ergys Agasi shprehet tekstualisht:

“Do ja *i robt do fusim cunat pastaj.”

Gjatë emisionit, Blendi Fevziu mori një mesazh në telefon me informacionin se Ergys Agasi ka planifikuar edhe dhunimin e një ministri tjetër, por që nuk është realizuar për shkak se ishte i shoqëruar nga eskorta.

The post Hetimet për Ergys Agasin, plan për dhunimin e Gjiknurit dhe një ministri tjetër appeared first on Albeu.com.

Biznesmeni i njohur Gjergj Luca, i ftuar në emisionin “Të Paekspozuarit” në MCN TV, i kërkoi publikisht Edi Ramës që t’i jepte administrimin e bashkisë më të varfër në vend, për të dhënë një shembull ndryshe nga kryetarët e bashkive që sipas tij tallin bythën me njerëzit dhe nuk bëjnë asnjë punë.

“Do të vijnë zgjedhjet lokale dhe, në qoftë se ka problem më të madh, Shqipëria ka problem me administrimin lokal. Edi Rama, njeriu që unë i besoj, ka bërë kryeveprën më të madhe që ka marrë kryetarin e bashkisë Beratit dhe kryetarin e bashkisë një katuni të marum si Cërriku që s’ka pas asnjë rrugë shtrume, që katunarët ishin në dëshpërim, që ka bo atë Cërrik atje me shpresë dhe e ka vënë jashtë gjithë nomenklaturave të Partisë Socialiste, si ministër Bujqësie.

Ndërsa pjesa tjetër e të gjithë kryetarëve të bashkisë që unë njoh, është copë-copë.

Kur unë kam ardhur para 10-12 vjetëve për të bërë biznes si Lezhën, si Elbasanin, si Tiranën, i kam gjet me një minimum nomenklature 500-700 vetë, kurse sot kanë nga 1500-2000 vetë në punë, shkatërrim.

Pushteti lokal është katastrofë, ka urrejtjen e njerëzve dhe është jashtë çdo shërbimi civil për njerëzit, për ujin, për dritat, për rrugën, vetëm përralla dhe demagogji.

Dhe Ed Rama, unë miku jot kërkoj një sfidë prej jush. Dua që si impreditor, si prodhues, të më japësh bashkinë më të varfër të Shqipërisë për ta administruar unë duke i dhënë shembullin gjithë topmodelave që janë kryetarë bashkie, se si administrohet prona e shtetit.

Ne prodhuesve që na dhemb shpirti, që e duam këtë vend dhe besojmë te ty jemi njerëz që e duam më shumë këtë vend se sa të gjithë topmodelat që i kanë krijuar getot e veta dhe tallin bythën me këtë popull.

Kështu që ne të duam, ne t’i kemi dhënë votat, ne do të vrapojmë drejt Europës dhe bëje këtë provë, se nuk do ngelesh i zhgënjyer”- tha Gjergj Luca.

The post Gjergj Luca sfidon Edi Ramën: Më jep bashkinë më të varfër për ta administruar, topmodelat e bashkive tallin b***thën me popullin appeared first on Albeu.com.

Në studion e “Çim Peka Live”, i ftuar analisti Lorenc Vangjeli u përplas me gazetarin Çim Peka mbi krizën politike dhe gjendjen e partive shqiptare. Vangjeli kritikoi ashpër partitë politike, duke thënë se ato janë shndërruar në grupe interesi që përfitojnë nga pushteti dhe pasuritë publike. Ai theksoi se sistemi ka degraduar dhe është bërë i korruptuar, ku partitë kryesisht ajo e PS është kthyer në “gardën personale” të një grushti të ngushtë.

Në përgjigje, Çim Peka theksoi se opozita nuk ka ndalur së luftuari, por ndryshimi mund të vijë vetëm përmes një rithemelimi të politikës, duke theksuar se ka ende mundësi për një ndryshim të vërtetë. Ai shtoi se është koha që të fillojnë veprimet konkrete për të përmbysur këtë sistem të dështuar.

Pjesë nga debati:

Vangjeli: PS ka vetëm emrin e trashëguar, ka ndryshuar në formë, në përmbajtje, në qëllime dhe gjithçka tjetër. Para se të dalë jashtë ligjit, apo të shkatërrohet, kjo parti ka nevojë të themelohet dhe të kthehet në vlerat e saj të mëparshme. Më shumë se shkatërrimi i kësaj partie, ka të bëjë me rithemelimin. Dhe më shumë se vetëm emri i PS-së, ka të bëjë me sistemin politik në Shqipëri, ku të gjitha partitë politike janë kthyer në garda personale të interesave të një grushti njerëzish. Nga partitë politike në vend, nga PS buron e gjithë pushteti, pasuria, suksesi, gjithçka.

Si janë partitë, ashtu është edhe shteti vetë dhe kjo krizë…

Peka: Kur shikon këto video dhe dosje, a të vjen neveri që e ke mbështetur këtë parti?… Nuk po them se e ke votuar, po e paskë votuar.

Vangjeli: Dënim më pak në vitet e kaluara, por nuk ishte kjo ligësia. Sot nuk ka politikë. Ne jemi vëzhgues të kësaj dhe po e them, një nga dëmet më të mëdha që i ka shkaktuar ky tranzicion që s’ka mbarim në Shqipëri, është denatyrimi i forcave publike, të cilat përbetohen në emër të qytetarit, por në fakt janë zëdhënës dhe dominuese të fatit të një grupi të vogël individësh.

Peka: Unë, kur shoh këto video dhe dosje, më kujtohet vetëm një i sinqertë nga grupi Muc Nano: “Të mblidhemi të gjithë, ta rrëzojmë, të gjithë bashkë.” Ai ka thënë që Rama i ka marrë parasysh… është kjo thënie.

Vangjeli: Pavarësisht se duket kaos në këtë moment, pavarësisht defekteve të pafundme që ka sistemi dhe faktorëve lokalë, kam përshtypjen, edhe me mbështetje të faktorëve të tjerë që imagjinojmë, por nuk kemi prova, do të duhet të rithemelohet nga e para.

Nga dhjetori i ’90-s, janë vetëm dy emra aktivë në politikë: Sali Berisha dhe Edi Rama.

Peka: Në kulmin e skandalit me Ballukun, ta fyesh studion… Por banalitet, ta fyesh studion në kulmin e skandalit me Ballukun dhe Ervis Agasin… Këtu leksione pluralizmi, jo beja Bajrama Begajt. Ke marrë ndonjë shishe që nuk flet ti apo jo?

Vangjeli: Nuk kam marrë shishe.

Peka: Janë 33 milionë euro për k*rv*n e mediave, ti nuk flet dot!

Vangjeli: Unë nuk flas dot? Le të marrin çdo qindarkë…

Peka: Jeni bërë njësoj, nuk flisni dot.

Vangjeli: Të thëmë konkretisht? Kemi një shprehje, tek ajo nga kanë dalë vafshin, brenda… Denoncimin çdo maskara që ka marrë çdo qindarkë… Si e doni, morë, r*rbt ku t’ke…

Peka: Nga kjo dosje, keni ndonjë emër?

The post Balluku – Ergys Agasi/ Vangjeli dhe Peka përplasen ashpër: PS është shndërruar në një grup interesi personal appeared first on Albeu.com.

Ish-futbollisti i Shpresave Arda Kurtulan, po zhvillon një sezon të shkëlqyer me Goztepe, e cila po lufton në këtë edicion për një vend në Kupat e Europës. Por, edhe pse anësori i djathtë është një titullar fiks në Superligën turke dhe dhuron paraqitje shumë të mira, ai vazhdon të injorohet nga Silvinho

Dhe Kurtulan, i cili rreshtohet si anësor i djathtë, një pozicion ku Shqipëria ka vazhdimisht probleme, ka lënë shenjë sot me një gol në ndeshjen ndaj Samsunspor.

Pas një asisti nga e majta të Huan Santos, ai u zhyt në zonë duke devijuar topin për ta çuar në rrjetë si një bomber i mirëfilltë, duke i dhënë avantazhin ekipin të tij në këtë duel (SHIH VIDEON E GOLIT).

Arda Kurtulan është i lindur në Stamboll, teksa origjina e tij e largët shqiptare nuk është harruar. Pjesë e moshave të Maqedonisë së Veriut, sulmuesi u pikas në miqësoren që Shpresat tona humbën 3-1 kundër fqinjve tre vite më parë, shkruan Albeu.com.

Lidhja me Shqipërinë daton vite më parë, me familjen e tij që emigroi drejt Turqisë nga Gostivari. Pas ofertes se bere, sulmuesi ka pranuar ofertën e Shqipërisë, ndersa ai tani është i pajisur me pasaportë shqiptare.

The post VIDEO/ Gol prej bomberi, Kurtulan vazhdon të shkëlqejë në Turqi appeared first on Albeu.com.

Në dy ditët e fundit në rrjete sociale është shpërndarë me shpejtësi një intervistë që është publikuar në Spanjë pas një turneu fëmijësh.

Niko Garrido, lojtari 10-vjeçar i Sant Andreu, dha një intervistë për “El Chiringuito TV”, ku shpjegoi se ishte tifoz me Barcelonën, edhe pse për momentin ishte i inatosur me katalanasit.

“Jam tifoz me Barcelonën, por jam i inatosur me ta. Pse? Sepse më morën në ekip kur isha 7 vjeç dhe pastaj më larguan. Nuk ma shpjeguan pse”, tha lojtari me pamje shumë serioze.

Megjithatë, ai mbetej tifoz me katalanasit teksa zbuloi se idhulli i tij ishte Karles Pujol. Ndërsa kishte kritika edhe për Lamin Jamal. “Mua më pëlqen se si luan. Por është vetëm 18 vjeç dhe kujton se është Mesi”, ishin fjalët e djaloshit që kanë bërë xhiron e rrjetit me miliona shikime.

The post VIDEO/ Intervista që po bën xhiron e rrjetit, futbollisti 10-vjeçar: Barça më largoi dhe nuk më shpjegoi pse, Jamal kujton se është Mesi appeared first on Albeu.com.

Java e 17-të e La Ligës konfirmon Barcelonën si udhëheqëse, me fitoren e tyre të tetë radhazi pas humbjes në El Clasico.

Flick dhe skuadra e tij janë të pandalshëm, duke mposhtur Villarrealin 2-0 pavarësisht disa gabimeve në mbrojtje.

Raphinha zhbllokoi sfidën me një penallti në minutën e 10-të, ndërsa Yamal vulosi fitoren në minutën e 53-të.

Kështu katalanasit vazhdojnë të fitojnë, duke u mburrur me shifra të pabesueshme: 46 pikë dhe pesëmbëdhjetë fitore në 18 ndeshje të La Ligës, 51 gola të shënuar dhe një epërsi prej 4 pikësh ndaj Real Madridit.

Ndërkohë, Villarrealit i është ndërprerë seria e fitoreve, duke rënë në vendin e katërt me 35 pikë. Atlético i ka kaluar, por Amarillo Submarino ka luajtur dy ndeshje më pak se tre të parat në ligë.

The post Barça vazhdon të fluturojë me Raphinha e Yamal appeared first on Albeu.com.

Aston Villa kundër Manchester United përmbylli raundin e 17-të të Premier League, me ekipin vendas që triumfoi me rezultatin 2-1 në Villa Park.

Të besuarit e Emery zhbllokuan sfidën në minutën e 45-të me anë të Rogers, i ndjekur nga një gol i menjëhershëm barazimi nga Cunha (48′) para përfundimit të pjesës së parë.

Rogers ishte protagonist përsëri në pjesën e dytë, duke kompletuar dopietën në minutën e 57-të për të vulosur fitoren. Aston Villa është në ve d të tretë, tri pikë pas liderit Arsenal dhe një pikë pas Manchester City-t të vendit të dytë.

Nga ana tjetër, Manchester United mbetet i bllokuar në 26 pikë, me zonën e Ligës së Kampionëve që po i largohet gjithnjë e më shumë.

The post Manchester United humbet përsëri appeared first on Albeu.com.

Në Kongresin e sotëm të Bashkimit Demokratik për Integrim (BDI), delegatët miratuan përbërjen e re të kryesisë së partisë, duke i dhënë mbështetje unanime emrave të propozuar.

Bajram Rexhepi, ish-nënkryetari dhe Blerim Bexheti, ish-sekretar organizativ janë dy personat e vetëm që nuk do jenë sërish pjesë e Kryesisë së Ngushtë të BDI-së. Bajram Rexhepi megjithatë është pjesë e Kryesisë Qendrore – si anëtar, njëjtë sikurse 17 të tjerë që do jenë sërish pjesë, ndërsa 15 të tjerë, janë larguar. Nga kjo del se, nga 33 anëtarë të Kryesisë Qendrore, 18 anëtarë janë të ri.

Këshilli i ri i përgjithshëm i partisë sot në Kongres ka zgjedhur edhe anëtarët e Kryesisë Qendrore, ndërsa në të nuk janë shumë anëtarë të vjetër si Sadulla Duraku, Talat Xhaferi, Blerim Bexheti, Fatmir Dehari, Nazim Bushi, Resi Abdurrahmani, Shaban Memeti, Ejup Rustemi, Musa Xhaferi, Xhevat Ademi, Ejup Alimi.

KRYESIA E NGUSHTË:

Bujar Osmani, nënkryetar

Faton Ahmeti, nënkryetar

Arta Bilalli-Zendeli, nënkryetare

Arbana Pasholli, nënkryetare

Erkan Arifi, nënkryetar

Arbër Ademi, Sekretar i Përgjithshëm

Nebi Rexhepi, Sekretar Organizativ

Arbëresha Vlashi, Sekretare Për Mundësi të Barabarta

ANËTARËT E KRYESISË QENDRORE:

Admir Miftari

Ajshe Osmani

Albert Tairi

Ardita Dani

Artan Bushi

Bajram Rexhepi

Besnik Rameti

Ejup Abazi

Faton Aliti

Gent Lika

Ilir Hasani

Imran Zhupani

Isamedin Azizi

Jetmir Ziberi

Jeton Shaqiri

Liridona Beqiri

Lulzime Ballazhi

Mirsad Ibrahimi

Muharem Xhezairi

Nafi Durmishi

Ridvan Ibrahimi

Rina Ajdari

Shkodrane Dardhishta

Xhemil Qamili

Ylldrita Seferi-Salihi

The post BDI ndryshon gjysmën e kryesisë në Kongresin e sotëm partiak appeared first on Albeu.com.

Armando Broja mund të kishte festuar sot dyfish në ndeshjen mes Bornmuthit dhe Bërnlit. Sulmuesi shqiptar u fut në fushën e lojës si zëvendësues në minuat e fundit dhe në minutën e 90, shënoi golin e barazimit përfundimtar 1-1 (Goli i Brojës: VIDEO).

Por në shtesën e takimit, Broja kishte një mundësi të artë për të shënuar edhe golin e dytë. Pas një topi të gjatë, ai kaloi në duel shpejtësie mbrojtësin që e mbulonte, teksa detyroi portierin Petroviç, i cili e njeh mirë nga vitet bashkë te Çelsi, që të dilte nga zona dhe për përplasej me sulmuesin.

Rasti i dyte prane golit: VIDEON

Është e pabesushme, por Broja nuk shënonte gol në Angli që nga 6 janari i vitit 2024. Asokohe Çelsi u përball me Preston në Kupën FA, ndërsa Broja realizoi në fitoren 4 me 0.

Goli në Premier Ligë ndërkohë mungonte nga 2 tetori i vitit 2023. Kjo kohë e gjatë prej dy vitesh është e kushtëzuar edhe nga dëmtimet që Broja ka kaluar.

Për Brojën duket se u thye një mallkim. Interesant është fakti se gëzoi pikën e parë me Bërnlin, që po shkon drejt rënies nga kategoria. Në dhjetë ndeshjet e mëparshme ku ka fituar minuta, Broja ishte larguar vetëm me humbje nga fusha e blertë.

The post VIDEO/ Jo vetëm goli në minutën e 90, Broja “ndezi motorin” dhe iu afrua të dytit në shtesë appeared first on Albeu.com.

Dita Ndërkombëtare e Gjuhës Arabe u shënua në Tiranë përmes një ceremonie festive të organizuar nga Ambasada e Mbretërisë së Arabisë Saudite në Republikën e Shqipërisë. Eventi mblodhi së bashku përfaqësues të institucioneve shtetërore shqiptare, anëtarë të trupit diplomatik, akademikë, drejtues universitetesh, figura kulturore, si dhe studiues dhe përkthyes të gjuhës arabe.

Qeveria Shqiptare u përfaqësua nga Ministri i Bujqësisë, Andis Salla; Zëvendësministrja për Evropën dhe Punët e Jashtme, Miriam Shyti; Zëvendësministrja e Kulturës; anëtarë të Parlamentit; dhe përfaqësues të institucioneve qendrore dhe lokale. Në ceremoni morën pjesë gjithashtu rektorë dhe profesorë nga universitetet publike, përfshirë Universitetin e Tiranës, Universitetin e Elbasanit, Universitetin e Durrsit dhe Universitetin e Vlorës; anëtarë të Akademisë së Shkencave të Shqipërisë; prefektë, kryetarë bashkish, drejtorë qendrash kërkimore; dhe figura të shquara nga komuniteti akademik dhe kulturor.

Eventi u mbajt në kuadër të Ditës Botërore të Gjuhës Arabe nën temën “Rrugë të Reja për Gjuhën Arabe: Politika dhe Praktika për një të Ardhme Gjuhësore Më Gjithëpërfshirëse”. Tema e theksoi arabishten si një trashëgimi të pasur historike dhe një gjuhë dinamike bashkëkohore që mbështet njohuritë, dialogun dhe zhvillimin.

Në hapje të ceremonisë, Atasheu Kulturor i Ambasadës Saudite, Muteb Alharithi, theksoi se arabishtja është një gjuhë qytetërimi, mendimi dhe shpirti, duke shërbyer si një urë midis kulturave dhe popujve. Ai vuri në dukje se festimi i arabishtes nuk ka të bëjë vetëm me nderimin e së kaluarës së saj, por edhe me përqafimin e së ardhmes së saj si një gjuhë e gjallë që evoluon dhe i përgjigjet sfidave moderne.

Në fjalimin e tij kryesor, Shkëlqesia e Tij Faisal Ghazi Hifzi, Ambasador i Mbretërisë së Arabisë Saudite në Shqipëri, shprehu vlerësimin e tij për organizimin e këtij eventi në Tiranë dhe nënvizoi rëndësinë e qëndrueshme të arabishtes si një gjuhë që tejkalon kohën dhe gjeografinë. Ai theksoi se ruajtja dhe zhvillimi i arabishtes është një përgjegjësi e përbashkët, duke e parë atë jo thjesht si një trashëgimi për t’u mbrojtur, por si një projekt qytetërimi që duhet të përshtatet me progresin shkencor dhe teknologjik.

Ambasadori Hifzi theksoi angazhimin e fortë të Mbretërisë së Arabisë Saudite për promovimin e gjuhës arabe, veçanërisht përmes punës së Akademisë Globale të Gjuhës Arabe “Mbreti Salman”, e cila luan një rol kyç në zhvillimin e politikave gjuhësore, kërkimin, përkthimin dhe shtrirjen ndërkombëtare, në përputhje me Vizionin Saudit 2030. Ai gjithashtu vlerësoi bashkëpunimin në rritje kulturor dhe intelektual midis Arabisë Saudite dhe Shqipërisë.

Duke iu drejtuar audiencës, Ministri i Bujqësisë Andis Salla theksoi rëndësinë globale të Ditës Ndërkombëtare të Gjuhës Arabe dhe kontributin e thellë të arabishtes në njohuritë dhe qytetërimin njerëzor. Ai vuri në dukje se arabishtja ka përcjellë vlera universale të besimit, paqes dhe bashkëjetesës ndër shekuj dhe bëri thirrje për qasje inovative që e shohin gjuhën si një nxitës të zhvillimit kulturor, arsimor dhe shoqëror.

Në emër të Sekretarit të Përgjithshëm të Akademisë Globale të Gjuhës Arabe “Mbreti Salman”, Profesor Abdullah bin Salih Al-Washmi, fjalën e mbajti Faisal Al Harbi. Ai përshkroi iniciativat globale të Akademisë, të cilat shtrihen në mbi gjashtëdhjetë vende dhe përqendrohen në arsim, politikë gjuhësore, gjuhësi kompjuterike, përmbajtje kulturore dhe bashkëpunim ndërkombëtar, duke siguruar praninë aktive të arabishtes në peizazhin global të sotëm.

Ceremonia përfundoi me një ndarje çmimesh në nder të individëve dhe institucioneve që kontribuan në suksesin e këtij eventi. Ambasadori Faisal Hifzi u dorëzoi dekorata dhe dhurata simbolike Ministrit Andis Salla, Zëvendësministres Miriam Shyti, përfaqësuesve të institucioneve akademike, Presidentit të Qendrës për Bashkëpunim Ndërfetar Arben Ramkaj, Drejtoreshës së Tirana Times Jerina Zaloshnja, Faisal Al Harbi dhe përkthyesit Elmaz Fida.

Ambasada e Mbretërisë së Arabisë Saudite shprehu mirënjohjen e saj për të gjithë pjesëmarrësit, duke riafirmuar se arabishtja do të vazhdojë të shërbejë si gjuhë dialogu, shkëmbimi kulturor dhe mirëkuptimi të ndërsjellë.

Dita Botërore e Gjuhës Arabe festohet çdo vit më 18 dhjetor për të nderuar një nga gjuhët më të vjetra dhe më të folura gjerësisht në botë, me më shumë se 400 milionë folës në të gjithë botën. Eventi në Tiranë u konsiderua gjerësisht si një kontribut domethënës në promovimin e diversitetit gjuhësor, dialogut kulturor dhe forcimin e marrëdhënieve miqësore midis Mbretërisë së Arabisë Saudite dhe Republikës së Shqipërisë.

The post Tirana feston Ditën Ndërkombëtare të Gjuhës Arabe appeared first on Albeu.com.

Gazetarja Anila Hoxha ka publikuar përmes një postimi në Facebook, një bisedë të ndodhur, ku dyshohet se bëhet fjalë për urdhër-arrestet ndaj biznesmenëve Ergys Agasi dhe Ermal Beqiraj.

Gazetarja Anila Hoxha ka ngritur dyshime mbi dekonspirimin e operacionit të SPAK ndaj tenderave të AKSH-it. Me anë të një postimi në Facebook, Hoxha ka publikuar një bisedë të ndodhur, ku dyshohet se bëhet fjalë për urdhër-arrestet ndaj biznesmenëve Ergys Agasi dhe Ermal Beqiraj.

Sipas raportimeve nëpër media, Agasi është larguar drejt Dubait disa kohë më parë, ndaj dhe ky postim shihet si një dyshim në lidhje me dekonspirimin e operacionit.

Postimi i Plotë:

Alo, mbërrite në Dubai? Shumë mirë, tani po e pres atë fletëarrestin.

Prokuroria e Posaçme ka lëshuar urdhër arreste për drejtoreshën e AKSHI-t, Mirilinda Karçanaj, Ergys Agasin dhe biznesmenin Ermal Beqiraj. Për drejtoreshën e AKSHI-it, Mirlinda Kërçanaj, GJKKO ka caktuar masën e sigurisë “arrest shtëpie”, ndërsa për Ergys Agasi dhe biznesmenin Ermal Beqiri janë caktuar masat e sigurisë “arrest me burg”.

Mëngjesin e sotëm, dy skuadra me agjentë të BKH-së, shoqëruar dhe nga patrulla të policisë së Shtetit, zbarkuan në ambientet në pronësi te biznesmenit Agasi. Bëhet fjalë për kontrollin e 4 vendeve, banesave në Durrës e Tiranë, si dhe bizneset që zotërohen Ergys Agasi.

Po ashtu është dhënë masë pezullimi nga detyra dhe për zëvendësdrejtorin e Policisë së Tiranës, Erion Ismaili. SPAK gjithsej ka vendosur në masë sigurie 8 persona që janë Ergys Agasi, Ermal Beqiraj, Mirilinda Karçanaj, Hava Delibashi, Erion Ismaili, Andis Papa, G.H dhe Rogers Rryta.

Akuzat kryesore të SPAK janë grup i strukturuar kriminal, shkelje e barazisë në tendera si dhe heqje e paligjshme e lirisë. Prokuroria e posaçme prej gati një viti po hetonte procedurat e 12 tenderave, që dyshohet se janë bërë në shkelje. Ndërkohë personat e përmendur më sipër, por dhe zyrtarë të tjerë, për të cilët është dhënë masa, por që ende nuk dihen emrat e tyre, akuzohen për shkelje barazisë në tendera, korrupsion, shpërdorim detyre dhe pastrim parash.

Drejtoresha e Agjencisë Kombëtare të Shoqërisë së Informacionit (AKSHI), Mirlinda Karçanaj u paraqit më 3 dhjetor në Prokurorinë e Posaçme në kuadër të një hetimi për abuzime me tenderat e zhvilluar nga institucioni që ajo drejton. Ndërsa në banesa dhe zyrat e biznesit të Ergys Agasit janë kontrolluar me urdhër të SPAK në muajin qershor./ Dosja.al

The post Arratisja e Ergys Agasit? Gazetarja Hoxha publikon bisedën: Mbërrite në Dubai? appeared first on Albeu.com.

Ernest Muçi është njeriu i momentit te Trabzonspori. 24-vjeçari realizoi dje dopietë ndaj Goztepes, për të fituar me rezultatin 1-2 në transfertë.

Komentatori i njohur nga Trabzoni, Erdal Hos i mbylli gojën të gjithëve duke kujtuar momentet e kritikave, transmeton Panorama Sport.

“Ernest Muci po na godet në kokë. Jemi aq të dobët sa një fije floku, në rregull. Kemi thënë kaq shumë, sa po na bën t’i marrim mbrapsht të gjitha”, u shpreh komentatori turk.

Tashmë Muçi është në kuotën e pesë golave në kampionat. Statistikë kjo e regjistruar në tri ndeshjet e fundit, ndërsa Trabzonspori vijon të ndjekë Gallatasarajn.

Komenti për Muçin: VIDEO

Gili i Muçit: VIDEO

The post VIDEO/ Muçi fantastik, komentatori turk i mbyll gojën të gjithëve: Jemi aq të dobët, po na godet appeared first on Albeu.com.

Autostrada Kërçovë-Ohër pritet të lëshohet në përdorim të plotë deri në tremujorin e parë të vitit 2027 por edhe kjo akoma nuk është e sigurt.

Pas 11 vitesh që nga fillimi i ndërtimit të autostradës Kërçovë-Ohër, deri më tani funksionale janë vetëm 20 kilometra segment ky i lëshuar në përdorim katër muaj më parë nga Vrbjani deri në Botun.

Zëvendëskryeministri dhe Ministri i transportit dhe lidhjeve Aleksandar Nikolloski thotë se po punohet intensivisht në rrugën pranë Bukojçanit, si dhe në rrugët Tetovë – Gostivar dhe Ohër-Kërçovë.

“Këtu është përfundimi i autostradës Kërçovë-Ohër, ndërtimi i segmentit Kërçovë-Bukojçan ku presim të zgjedhim zbatuesin e projektit gjatë këtij muaji. Më tej intensivisht po punohet në ndërtimin e rrugës nga Bukojçani në Gostivar, segmenti i njohur si Strazha do të bëhet bypas dhe do të ndërtohet rruga Tetovë-Gostivar, ku të gjithë thoshin se është autostradë por në fakt rrugë ekspresë. Punojmë edhe në segmentin Prilep-Manastir si autostradë e re dhe tani më punojmë gjetjen e një zgjidhje për pjesën që shkon nga Prilepi në Farish”, tha Nikollovski

Autostrada Kërçovë-Ohër prej 57km, me të gjitha marrëveshjet aneks, ka kushtuar deri më tani mbi 600 milionë euro. Ndërtimi filloi më 22 shkurt 2014. Kredia për këtë investim kapital u mor nga banka kineze “Exim” dhe shteti duhet ta shlyejë atë për 20 vjet. Në tetor 2013, Parlamenti miratoi kredinë, ndërsa në nëntor u nënshkrua marrëveshja midis Qeverisë së Maqedonisë dhe kompanisë kineze “Sinohidro”. Por nga Qeveria thonë se ka pasur 10 rrëshqitje të dheut që duhet të stabilizohen. Nga Qeveria thonë se për përfundimin e saj, do të duhet të zgjerohet edhe korniza e kreditimit, sepse sipas tyre, nuk ishin parashikuar para për stabilizimin e rrëshqitjeve të dheut.

“Në segmentin 5-kilometrësh të fshatit Botun, ka pasur 6 rrëshqitje toke shumë të mëdha. Për të gjitha këto, korniza e kredisë do të duhet të rritet sepse nuk ishin planifikuar fonde për këtë. Do të mbeten 5 kilometra në Botun dhe 17 kilometra nga dalja e tunelit në Kërçovë të përfundojnë deri në fund të vitit 2026 dhe fillim të vitit 2027”, thotë Qeveria.

Autostrada filloi të ndërtohet në vitin 2014, gjatë kohës së VMRO-DPMNE-së kur Nikolla Gruevski ishte kryeministër, dhe ende nuk është përfunduar. Qeveria e atëhershme e VMRO-DPMNE-së premtoi se autostrada e re do të jetë gati për 4 vjet, megjithatë, me ardhjen në pushtet të LSDM-së në vitin 2017, u tha se projekti u braktis, si pasojë e shumë problemeve të pazgjidhura në trase. Projekti fillestar pësoi ndryshime për shkak të një mospërputhjeje midis rrugës së projektuar dhe asaj të ndërtuar, aktivitetet e ndërtimit u ndaluan dhe çmimi për këtë u pagua nga qytetarët, dhe një marrëveshje e re aneks u nënshkrua me kompaninë kineze për 185 milionë euro shtesë. /TV21

The post Ka edhe më keq se në Shqipëri, autostrada Kërçovë-Ohër ka kaluar koston e 600 milionë € dhe s’dihet as kur do të përfundojë! appeared first on Albeu.com.

“Bamirësia nuk të varfëron”, thotë slogani, por në realitet është kthyer në një mekanizëm pasurimi për ata që janë trajnuar herët në politikë, si Arbër Hajdari nën kujdesin e Erion Veliajt.
Por kujtesa kolektive nuk fshihet me propagandë dhe përpjekja për të prodhuar një ‘Veliaj 2’ nuk bind askënd.

Së shpejti, ky personazh, tashmë i kthyer në figurë publike të diskutueshme, pritet të shfaqet në dyert e SPAK-ut për të dhënë llogari.

Ndërkohë, mbeten pa përgjigje pyetje të rëndësishme:
A kanë pronarë tokat e dhuruara nga qeveria për fondacionin që ushtron bamirësi mediatike me paratë e kontribuuesve, e jo me fondet e veta?
Dhe më e rëndësishmja: kujt i takon realisht prona, ish-pronarëve legjitimë apo personave të afërt me kupolën politike të Edi Ramës?

Pas gjithë lëvizjeve qëndron babai i tij, Shkëlqim Hajdari, ish-drejtues prokurorie dhe i shpërblyer me poste nga Edi Rama në krye të Inspektoriateve.

Arbër Hajdari është përdorur dhe përdoret për pastrimin e parave të korrupsionit të babait të tij, Shkëlqim Hajdari, i cili ka qenë prokuror deri në vitin 2016, kur dha dorëheqjen pasi nisi të ndiente lakun e Vetingut.

Bashkë me Adriatik Llallën, Shkëlqim Fushën dhe Alaudin Malajn, Çim Hajdari, perceptohet mes ish prokurorëve më të korruptuar në Shqipëri, ku si për ironi del nëpër studio televizive dhe flet për SPAK-un dhe luftën kundër korrupsionit, kur duhet të ishte vetë prej kohësh subjek i SPAK bashkë me të birin.

Shkëlqim Hajdari është nga të vetmit ish funksionarë të drejtësi që drejton një degë të qeverisë, pasi është emëruar kryeinspektor i përgjithshëm nga qeveria, institucion i cili është përfshirë në abuzime dhe shkelje nga më të rëndat.

Me vila dhe prona qysh në gjimnaz

I biri pastron masivisht paratë me “Fundjavën Ndryshe”, ka përfituar fonde dhe prona publike. Arbër Hajdarit u bë pronar i një vile në periferi të Tiranë që kur ishte 19 vjeç, pa punuar asnjë ditë, por gjoja me kredi dhe marifete të tjera zakonshme.

Sipas dokumenteve, vila është deklaruar 90 mijë euro, por dyshohet se ka një vlerë disa herë më të lartë. Një 19 vjeçar që sapo ka mbaruar shkollën e mesme e ka të vështirë të blejë një palë xhinse me paratë e tij, ndërsa Arbëri blen vilë!

Në vitin 2012, kur ishte vetëm 18 vjeç, Arbër Hajdari krijon një fermë më dele dhe dhi, në Tujan të Tiranës, me një investim rreth 16 milonë lekë. Vitin që ngriti fermën me bagëti të imta, Arbër Hajdari fiton rreth 9 milionë lekë të vjetra, një vlerë tejet e dyshimtë për një djalosh që nuk merr vesh nga blegtoria.

Një vit më pas, në 2013, kur ishte 19 vjeç, Arbër Hajdari merr një grand me vlerë 50 milionë lekë nga Agjencia për Zhvillim Bujqësor dhe Rural, një nga drejtoritë më të korruptuara në Shqipëri.

Një çunak 19-vjeç merr rreth 50 mijë USD para publike për të investuar në fermën e tij, të hapur një vit më parë, në kushte kur delet dhe dhitë i ka parë vetëm në televizor.

Duket e vështirë për t’u besuar se një 19-vjeçar, megjithëse i regjistruar si biznesmen i madh, të ketë pasur njohuritë e nevojshme për të përfituar grante nga Ministria e Bujqësisë.

Një 19-vjeçar nuk bën dot as letrat formale për të aplikuar. Dyshimet janë që babai i tij, Shkëlqim Hajdari, të ketë ketë kopsitur procedurat administrative e ligjore, aq më tepër që posti i tij si drejtues i Prokurorisë së Apelit të Tiranës i krijonte shumë aksese në veprimtarinë e institucioneve të tjera.

Dy vjet pasi mori 50 milionë lekë nga paratë publike, Arbër Hajdari i fut një të shitur deleve dhe dhive, me vlerë 14 milionë lekë, dhe mbyll fermën. Ferma e tij zgjati tre vite, duke përfituar 50 milionë lekë nga paratë publike dhe duke qarkulluar dhjetëra mijëra euro para të dyshimta.

43 mijë m2 pronë publike për 20 vjet

Pasi përlau 50 milionë lekë nga Ministria e Bujqësisë, Hajdari ka marrë 43 mijë m2 pronë publike për 20 vjet nga qeveria e Edi Ramës, duke ngritur mbi të Fundjavën Ndryshe, e cila nëse i referohemi bilanceve financiare krijon dyshime të forta për vjedhje dhe pastrim masiv parash.

Në vitin 2016, Arbër Hajdari, pasi hoqi dorë nga bagëtitë në Tiranë, bleu një pemëtore me sipërfaqe 2 300 m2 në Borsh, me vlerë 15 mijë euro, si dhe 3 makina Smart. Më pas do të kalojë nga pemtaria tek bamirësia dhe media, aktivitete për të cilat do të flasim në vijim.

Të dhënat si dhe lëvizjet nga blegtoria, pemëtaria, media dhe bamirësia, ngrenë dyshime të forta për një aktivitet fiktiv të Arbër Hajdarit, për qarkullimin e parave të dyshimta të babait të tij, Shkëlqim Hajdari si prokuror.

Martesa me vajzën e oligarkut nga Kosova

Arëbr Hajdari u martua 3 vjet më parë më vajzën e oligarkut nga Kosova Blerim Devolli, ndërsa njohja e tyre ishte në fondacionin “Fandjava ndryshe”.

Biznesmeni Blerim Devolli nga Kosova, është futur në Shqipëri, me firmën serbo-shqiptare “Devolli”, që ndër të tjera ka sjellë miellin dhe ushqimet e Serbisë në Shqipëri. Një nga arsyet që vitin e kaluar Edi Rama u shpreh se do ta shkrijë AKU-në, ishte plani që ka Ministria e Bujqësisë t’i japë këtij të fundit koncesionin e kontrollit të ushqimeve me një vlerë afro 7 milionë euro në vit. Kështu, nga një anë krushku i inspektoriateve dhe nga ana tjetër krushku i koncesionit të ushqimit, krijohet familja mafioze që merr në dorë dhe kontrollon monopolin e ushqimit.

Ndërsa paratë e vjedhura me korrupsion pastrohen me bamirësi nga fëmijët e tyre tek “Fundjava ndryshe”.

Barcelona ka regjistruar një fitore të madhe 5-3 ndaj Real Betis në kuadër të xhiros së 15-të në La Liga, duke treguar forcën e saj dhe mbajtjen e vendit të parë në renditje.

Takimi nisi me një surprizë, teksa Antony kaloi Betisin në avantazh që në minutën e 5-të.

Por katalunasit reaguan menjëherë: Ferran Torres shënoi golin e barazimit pas vetëm gjashtë minutash (11’), dhe dy minuta më vonë e përmbysi rezultatin me një vollej fantastik (13’).

Roony Bardghji shënoi golin e tretë për Barcelonën në minutën e 31-të pas asistimit të Pedrit, ndërsa Ferran Torres kompletoi het-trikun e tij në minutën e 40-të, gjithashtu pas një pasimi të Pedrit.

Në pjesën e dytë, Lamine Yamal shënoi nga penalltia (59’), duke thelluar epërsinë në 5-1.

Betisi arriti të rikuperonte pak nga rezultati në fund të ndeshjes, me gola nga Diogo Llorente (85’) dhe Cucho Hernandez (90’), por kjo nuk i mjaftoi për të marrë më shumë se humbjen 5-3.

Me këtë fitore, Barcelona ruan vendin e parë me 40 pikë, ndërsa Betis mbetet i pesti me 24 pikë.

The post Barcelona përmbys Betisin dhe fiton 5-3 në një ndeshje spektakolare appeared first on Albeu.com.

Arbër Hoxha ka shënuar për Dinamo Zagreb në Kroaci. Goli erdhi ndaj rivalëve historik të Hajduk Split, për të vendosur baraspeshën në minutën e 102-të. Festa më pas ishte e çmendur.

Të dyja golat e ndeshjes së vlefshme për javën e 16-të u shënuan në pjesën e dytë. Rezultati 1-1 ndërkohë i buzëqesh Dinamos së Zagrebit, që mbetet në krye të renditjes.

Ishin akorduar 13 minuta shtesë në fundin e kohës së rregullt. Vetë Hoxha shënoi në minutën e 102-të, pasi u pozicionua ku duhet për të shënuar golin më të rëndësishëm.

Hoxha është lojtari i momentit te Dinamo Zagreb. Sulmuesi i Kombëtares po e udhëheq në garën për titull, ndërsa deri tani numëron gjashtë gola dhe dy asistimeve. Hoxha po ashtu ishte me fat, duke qenë se dëmtimi i ndeshjes së fundit nuk rezultoi asgjë serioze.

Shikoni dy videot per te pare golin e Arbër Hoxhës: VIDEO 1  dhe VIDEO 2

The post VIDEO/ Arbër Hoxha bën mrekullinë në minutën e 102-të! Festë e çmendur ndaj rivalit historik, Dinamo Zagreb shpëton në fund appeared first on Albeu.com.

Kur kanë mbetur më pak se 200 ditë deri në fillimin e Kupës së Botës 2026, për herë të parë me 48 ekipe, janë konfirmuar procedurat për përcaktimin e përbërjes së 12 grupeve prej katër ekipesh të turneut.

Një nga momentet më emocionuese në rrugën drejt Kupës së Botës FIFA, shorti përfundimtar do të mbledhë së bashku trajnerë dhe zyrtarë nga të gjitha ekipet e kualifikuara – dhe ato që janë ende në garë – të premten, më 5 dhjetor, në Qendrën prestigjioze John F. Kennedy për Artet Performuese në Uashington DC, ku ata do të zbulojnë kundërshtarët e tyre në ndjekje të lavdisë përfundimtare.

Procedurat e shortit përfundimtar përcaktojnë që vendet pritëse Kanadaja, Meksika dhe SHBA-ja do të ndahen në vazon 1, dhe 39 ekipet e mbetura të kualifikuara do të ndahen në katër vazot me nga 12 ekipe secila sipas Renditjes Botërore të FIFA-s për Meshkuj të publikuar të mërkurën, më 19 nëntor 2025.

Së fundmi, dy vendet që do të fitojnë Play-Off-in Interkontinental për Kupën e Botës 2026, si dhe katër vendet që do të fitojnë Play Off-in evropian, do të shkojnë në vazon 4.

Vazo 1: Kanada, Meksikë, SHBA, Spanjë, Argjentinë, Francë, Angli, Brazil, Portugali, Holandë, Belgjikë, Gjermani

Vazo 2: Kroaci, Marok, Kolumbi, Uruguai, Zvicër, Japoni, Senegal, Iran, Republika e Koresë, Ekuador, Austri, Australi

Vazo 3: Norvegji, Panama, Egjipt, Algjeri, Skoci, Paraguai, Tunizi, Bregu i Fildishtë, Uzbekistan, Katar, Arabi Saudite, Afrika e Jugut

Vazo 4: Jordani, Kepi i Gjelbër, Gana, Kuraçao, Haiti, Zelanda e Re, Play-Off-et Evropiane A, B, C dhe D, Turneu Play-Off i FIFA-s 1 dhe 2

Shorti do të fillojë me të gjitha ekipet nga vazo 1 të shortuara në grupet A deri në L. Më pas do të vazhdojë me vazot 2, 3 dhe 4 në atë renditje.

The post Ndahen vazot e shortit të Kupës së Botës 2026 appeared first on Albeu.com.

Manchester City është mundur në shtëpi me shifrat 2-0 përballë Bayer Leverkusenit.

Anglezët luanin për kreun e renditjes edhe pse kishin bërë rotacion në ekip duke ulur në stol Haland. Por gjermanët u treguan shumë cinikë duke shfrytëzuar maksimalisht rastet e tyre dhe pasi gjetën avantazhin me Grimaldon në pjesën e parë, dyfishuan me Shik në të dytën duke marrë një fitore të artë.

Juventusi mposhti Bodø/Glimt 3-2, duke siguruar fitoren e parë evropiane të sezonit dhe duke u zhvendosur përkohësisht në vendin e playoff-it. Bardhezinjtë luftuan kundër shpejtësisë së norvegjezëve në pjesën e parë, u ndëshkuan nga Blomberg pas një goditjeje nga këndi.

Në pjesën e dytë, skuadra e Spallettit i ndryshoi gjërat me golat e Openda (goli i tij i parë për Juventusin) dhe McKennie. Pak para kohës shtesë, Bodø barazoi rezultatin nga një penallti me anë të Fet, por në minutën e 91-të, David shënoi golin e tij të parë pas tre muajsh dhe i dha skuadrës së tij tri pikët e para në Evropë.

Napoli tregon praninë e tij në Champions. Skuadra e Contes mposhti Qarabag-un 2-0, duke u ngjitur në shtatë pikë në renditje dhe duke u rikthyer në rrugën e duhur për kualifikim. Në stadiumin Maradona McTominay (65′) dhe autogoli i Jankovic (72′) vendosën ndeshjen.

Fiton Dortmundi, 4-0 ndaj Villarreal. Guirassy ishte ylli i mbrëmjes, duke shënuar dy gola, ndërsa Adeyemi shënoi të tretin, për të kompletuar pokerin me Svensson.

Slavia dhe Athletic u ndalën në fund në një barazim pa gola në Pragë.

The post City mposhtet nga Bayer Leverkusen, fitojnë Juve, Napoli, Dortmundi e Marseille appeared first on Albeu.com.

Chelsea ka dhënë një leksion të mirëfilltë futbolli sot në Londër përballë Barcelonës në Ligën e Kampioneve, duke u konfirmuar si një prej ekipeve pretendente në këtë turne.

Skuadra e drejtuar nga Mareska ishte më ngulmuese që në fillim duke kërkuar golin dhe pa t’i anuloheshin dy të tillë, para se Kunde të çonte topin në rrjetën e portës së vet. Kartoni i kuq i Arauho në fundin e pjesës së parë ia bëri më të thjeshtë sfidën londinezëve të cilët goditën në mënyrë të vazhdueshme prapavijën e çbilancuar të spanjollëve.

Golat e Estevao dhe Delap ishin prodhim i kësaj loje, duke vulosur një fitore 3-0 domethënëse për pretendimet e të dy ekipeve.

Goli i Delap (VIDEO)

Goli i Estevao (VIDEO)

Kartoni i kuq i Arauho (VIDEO)

Autogoli i Kunde (VIDEO)

The post VIDEO/ Leksion futbolli! Chelses nënshtron Barcelonën me 3 gola të shënuar e 3 të anuluar appeared first on Albeu.com.