Për rreth 12 vite qeveria e Shqipërisë ka shmangur krijimin e një regjistri në formën e një inventari për asetet fizike pronë publike.

Të dhënat e fundit mbi inventarin e aseteve publike i përkasin vitit 2014, me një vlerë totale 353 miliardë lekë ( shiko linkun https://financa.gov.al/pasqyrat-financiare/). Mirëpo që nga ajo kohë miliarda euro janë injektuar për shtimin dhe mirëmbajtjen e pronës publike nga financimet buxhetore nëpërmjet investimeve kapitale dhe shpenzimeve operative të mirëmbajtjes.

Ministria e Financave në një raport monitorim për Strategjinë e Menaxhimit të Financave në 2025 referoi se, inventari i pronave nuk po krijohet për shkak të vonesave në mbledhjen e të dhënave dhe verifikimin e inventarit, veçanërisht në institucionet me kapacitete të kufizuara administrative.

“Llogaritë Kombëtare të Qeverisë po përballen me sfida të përbashkëta, si mbështetja e kufizuar buxhetore, vonesat në mbledhjen dhe strukturimin e të dhënave, si dhe mungesa e sistemeve të integruara për shkëmbimin ndërinstitucional të informacionit. Për të përparuar, kërkohet sigurimi i financimit për infrastrukturën e Web Service, zbatimi i mekanizmave të raportimit në përputhje me SNKSP dhe forcimi i bazës së të dhënave për PPP-të dhe koncesionet, përmes bashkëpunimit më të ngushtë me ATRAKO-n dhe institucionet përkatëse” argumenton Ministria e Financave.

Por ndërkohë që buxheti në dy vitet e fundit është mbyllur me suficit dhe miliona euro hidhen në projekte që nuk ekzistojnë (inceneratorët) krijimi i regjistrit të pronave publike ka vështirësi në financim.

Regjistri i aseteve është jetik për transparencën e qeverisë, pasi pa këtë inventar shteti nuk di realisht çfarë zotëron, ku ndodhen asetet, sa vlejnë dhe si përdoren.

Regjistri u jep institucioneve mbikëqyrëse, Kuvendit, KLSH-së dhe publikut mundësinë të verifikojnë ekzistencën, vlerën dhe përdorimin e pronave publike dhe kjo ul hapësirat për abuzime dhe keq-menaxhim.

Mungesa këtij regjistrit krijon rrezik për humbje, përdorim pa autorizim ose transferime informale të pasurisë publike, ndërkohë që regjistri vepron si mekanizëm kontrolli.

Në mungesë të regjistrit qytetarët nuk kanë mundësi të dinë se çfarë zotëron qeveria, si menaxhohet kjo pasuri dhe nëse ajo përdoret në interes publik.

Asetet që nuk janë të regjistruara dhe të publik janë më të ekspozuara ndaj humbjes, përdorimit pa transparencë, dhënies me koncesion ose transferimeve joformale, shpesh pa një vlerësim të qartë të kostos dhe përfitimit për publikun.

Praktikat kanë treguar se pa një pasqyrë të saktë të aseteve, qeveria mund të investojë në mënyrë joefikase, të ndërtojë infrastrukturë të panevojshme, ose të shesë pasuri publike nën vlerë, duke transferuar kosto te taksapaguesit.

Mungesa e regjistrit ka bërë që qytetarët jo vetëm të humbasin kontrollin mbi pasuritë publike, por edhe një informacion formal për pronat publike të vendit ku jetojnë./ Monitor/kb

Ministrja e Jashtme, Elisa Spiropali ka zhvilluar një konferencë për mediat lidhur me ftesën e presidentit amerikan, Donald Trump që Shqipëria t’i bashkohet “Bordit të Paqes” për Gazën.

Spiropali tha se ndërsa Shqipëria mori këtë ftesë nga aleati i saj më i madh, opinioni publik u sulmua nga brenda me ato që ajo i quajti fantazi të opozitës.

“Ndërkohë që Shqipëria ftohet si një bashkëndërtuese e një mekanizmi të ri ndërkombëtar që synon paqen e qëndrueshme në botë, opinion publik shqiptar sulmohet nga brenda më fantazi të kundërshtarëve të kësaj qeverie. Periferia e skenës tonë politike ndizet a thua se Shqipëria u përjashtua me turp, jo se u ftua me nder. Aftësia për ti kontribuar paqes dhe sigurisë, çka Shqipërisë ja çmojnë prej vitesh, në Tiranë plas marazi e marrin dhenë lloj lloj tregimesh që do paguakemi për bordin, me palestinezë që do sillkemi në Shqipëri në këmbim të prezencës në Bordin e Paqes. Tamam kur kjo ftesë e Trump për kryeministrin konfirmon besimin e ndërsjellë në partneritetin strategjik SHBA-Shqipëri, në Tiranë pasqyrat mediatike mbushen me shëmbëlltyrat e dëshpërimit a thua së në tryezë do të ulet Shqipëria e një partie dhe jo Shqipëria e gjithë shqiptarëve. Shqipëria po vlerësohet si një aleate e çmuar nga aleati i saj i madh, SHBA. Të gjithë ata që pa asnjë përgjegjshmëri publike u turrën të helmojnë publikun, e morën përgjigjen direkt nga presidenti Trump, i cili ka nënshkruar se Shqipëria është një partner i mrekullueshëm dhe Edi Rama është një udhëheqës i respektuar botërisht”, u shpreh Spiropali. /Kb

Përgatiti: Leonard Veizi

Më 19 janar 2007, Stambolli u zgjua në një ditë të ftohtë dimri, që pak orë më pas do të nxehej nga tri të shtëna arme. Në trotuarin e rrugës “Halaskargazi”, përpara redaksisë së gazetës “Agos”, u shtri për tokë një njeri mbi supet e të cilit rëndonte pesha e dy historive të përgjakura dhe një shprese të brishtë pajtimi. Me Hrant Dinkun u vra jo vetëm një gazetar, por u qëllua fjala e lirë në zemër të qytetit.

Ai ishte një njeri që guxonte të fliste aty ku të tjerët zgjidhnin heshtjen. Një zë i qetë, por i palëkundur, që kërkonte dialog në një hapësirë të helmuar nga frika, nacionalizmi dhe mohimi. Dhe pikërisht për këtë arsye, fjala e tij u konsiderua rrezik.

Një pasdite e përgjakur në Şişli

Mesditën e asaj të premteje, një i ri 17-vjeçar, Ogün Samast, i ushqyer me propagandë ultra-nacionaliste dhe urrejtje të kultivuar, i doli pas shpine dhe e qëlloi për vdekje. Trupi i Dinkut mbeti i shtrirë në asfalt, me këpucët e vjetruara të drejtuara nga qielli i hirtë i Stambollit, ndërsa mbi të u hodh një çarçaf i bardhë – një simbol i menjëhershëm i pafajësisë së vrarë.

Dëshmitarët mbetën të mpirë. Por ajo që u shtri në tokë nuk ishte vetëm një trup. Aty u rrëzuan iluzionet për një Turqi që kishte mbyllur hesapet me demonët e saj dhe themelet e një lirie shprehjeje që ekzistonte më shumë në letër sesa në realitet.

“Pëllumbi” që e ndiente rrezikun

Vetëm pak ditë para se të vritej, Hrant Dink kishte shkruar një nga tekstet më profetike dhe më të dhimbshme të gazetarisë turke. Ai fliste për frikën e përditshme, për kërcënimet dhe izolimin, por edhe për besimin e tij naiv – ose fisnik – se fjala mund të mbijetojë:

“Po, e ndiej veten me shqetësimin e një pëllumbi. Por e di se në këtë vend njerëzit nuk i prekin pëllumbat. Ata jetojnë mes nesh, pak të frikësuar, por të lirë.”

Më 19 janar 2007, u vërtetua se edhe pëllumbat mund të bëhen shënjestër, kur klima politike ushqehet me urrejtje dhe shteti zgjedh të mos dëgjojë paralajmërimet.

Ura që nuk u lejua të qëndronte

Misioni i Hrant Dink ishte i rrallë dhe i rrezikshëm: ai kërkonte të ishte urë, jo flamur. Ai nuk fliste për hakmarrje, por për njohje dhe përgjegjësi. Ai besonte se turqit dhe armenët nuk mund të shërojnë plagët e së shkuarës duke i mohuar, por vetëm duke i parë në sy.

Ai foli hapur për gjenocidin armen, duke thyer tabu që në Turqi kushtonin burg, ndjekje penale dhe demonizim publik. Por Dink nuk ishte zë vetëm i armenëve. Ai u bë mbrojtës i çdo pakice, i çdo qytetari që besonte se demokracia nuk ndërtohet mbi heshtje të detyruar.

Për këtë arsye, ai u shndërrua në shënjestër të një sistemi që toleron nacionalizmin agresiv, por ndëshkon mendimin kritik.

“Të gjithë jemi Hrant Dink”

Vrasësit dhe frymëzuesit e tyre gabuan rëndë në një pikë thelbësore: ata menduan se fjala vdes bashkë me trupin. Por reagimi i shoqërisë ishte i papritur dhe tronditës.

Dhjetëra mijëra njerëz dolën në rrugët e Stambollit në funeralin e tij, në një marshim të heshtur që u kthye në një britmë morale. Parullat që u ngritën atë ditë hynë në histori:

“Hepimiz Hrant’ız, hepimiz Ermeniyiz”
Të gjithë jemi Hrant, të gjithë jemi armenë.

Ishte një moment i rrallë kur shoqëria turke e sfidoi veten, duke pranuar se problemi nuk ishte një vrasës i vetëm, por klima që e prodhoi atë.

Trashëgimia e një fjale që nuk u vra

Hrant Dink la pas një trashëgimi që nuk matet me artikuj apo editorialë, por me guximin për të thënë të vërtetën në një ambient armiqësor. Ai dëshmoi se patriotizmi nuk është mbrojtje e krimeve, por përpjekje për t’i pranuar ato, që të mos përsëriten.

Ai na kujtoi se demokracia nuk vritet me grushte shteti, por me plumba kundër fjalës së lirë. Dhe se një shoqëri matet jo nga mënyra si trajton shumicën, por nga mënyra si mbron zërat që e shqetësojnë.

Kur vritet fjala, rrezikohet shpirti i një vendi.
Me Hrant Dinkun u tentua të vritej fjala. Por ajo vazhdon të jetojë – si kujtesë, si akuzë dhe si detyrim moral që ende pret drejtësi.

Vendimi i Ryanair për të anashkaluar WiFi-n e Starlink është kthyer në një sherr të madh publik mes Elon Musk dhe drejtorit ekzekutiv të Ryanair, Michael O’Leary.

Përplasja shpërtheu në publik pasi O’Leary e hodhi poshtë Musk dhe biznesin e tij të internetit satelitor në një intervistë radiofonike në “Newstalk të Irlandës”.

Duke iu përgjigjur Musk-ut që e quajti atë “të keqinformuar” për refuzimin e Ryanair për të instaluar Starlink Wi-Fi, O’Leary u tha dëgjuesve se nuk do t’i kushtonte aspak vëmendje Elon Musk.

“Ai është një idiot shumë i pasur, por prapëseprapë një idiot”, tha O’Leary. Ai gjithashtu e përshkroi platformën e mediave sociale X të Musk si një pus uji.

Musk iu kundërpërgjigj X, duke shkruar: “CEO i Ryanair është një idiot i madh. Pushojeni nga puna këtë budalla”

Ryanair në platformën X u bashkua gjithashtu në këtë debat, duke tallur Musk gjatë një ndërprerjeje të raportuar në platformën e tij, duke u përgjigjur: “ndoshta ke nevojë për Wi-Fi?”

Pas fyerjeve qëndron një mosmarrëveshje thelbësore në lidhje me kostot dhe performancën e avionëve. Ryanair ka përjashtuar publikisht instalimin e Starlink në më shumë se 600 Boeing 737 të saj, duke argumentuar se antenat e jashtme do të rrisnin rezistencën ndaj ajrit dhe konsumin e karburantit.

O’Leary ka thënë se teknologjia do të impononte një gjobë prej rreth 2 përqind për karburantin dhe mund t’i kushtonte linjës ajrore qindra miliona dollarë në vit, një kompromis që ai thotë se nuk ka shumë kuptim në fluturimet me distanca të shkurtra ku pasagjerët nuk ka gjasa të paguajnë për lidhje.

Musk i kundërshton këto shifra, duke iu referuar linjave ajrore që tashmë fluturojnë me avionë të pajisur me Starlink dhe duke argumentuar se interneti i shpejtë do të formësojë gjithnjë e më shumë zgjedhjen e pasagjerëve.

Teksa përplasjet vijonin në platformën X një përdorues sugjeroi që Musk thjesht të blinte Ryanair dhe të pushonte nga puna CEO, ndërsa Musk u përgjigj: “Ide e mirë”. /Kb

Një ngjarje e rëndë është regjistruar në Sarandë, ku një çift i moshuar kanë plagosur me thikë një të mitur.

Burime zyrtare nga policia bënë me dije se pas hekurave ranë shtetasit me inicialet L. B., 79 vjeç, dhe P. B., 73 vjeçe, bashkëshortë, banues në Sarandë, pasi dyshohen se për motive të dobëta, kanë dëmtuar me mjet prerës (thikë), në pjesën e dorës. Po ashtu ka nisur procedimi për djalin e tyre 37-vjeçar.

“Specialistët për Hetimin e Krimeve në Komisariatin e Policisë Sarandë arrestuan në flagrancë shtetasit L. B., 79 vjeç, dhe P. B., 73 vjeçe, bashkëshortë, banues në Sarandë, pasi dyshohen se për motive të dobëta, kanë dëmtuar me mjet prerës (thikë), në pjesën e dorës, një shtetas të mitur, si dhe nuk janë bindur urdhrit të punonjësve të Policisë për shoqërim. Në kuadër të këtij rasti është proceduar penalisht edhe shtetasi E. B., 39 vjeç, (djali i çiftit të bashkëshortëve), pasi dyshohet se ka kanosur gjithashtu të miturin me mjet prerës”, sqaron policia./kb

Last Updated on 19/01/2026 by Kesjana

Mbledhja e Konferencës së Kryetarëve është zhvilluar me debate mes opozitës dhe mazhorancës.

Deputetja e PD-së, Ina Zhupa ka akuzuar mazhorancën se asnjë nga projektligjet e propozuara nga opozita nuk janë marrë parasysh për shqyrtim.

Sipas deputetes, është qeveria ajo që e pëngon këtë.

“Duhet të kesh guxim të tepruar dhe pafytyrësi të thuash që sesioni i kaluar ishte sukses dhe dhënie hapësire për deputetët e opozitës. Treguesi kohor që citon Balla, ku opozita ka folur 48 orë dhe mazhoranca 40 orë, tregon që paskeni folur shumë. Sepse Edi Rama ju trajtoi si kartona dhe ushtarë pa personalitet, teksa ju tha: ju mos diskutoni, por vetëm miratoni projektligje. Edhe në këtë porosi, ku askush nga ju s’e kundërshtoi, ju ftoj që këtë sesion të flisni 4 orë gjithsej, sepse atë rol ua kanë dhënë: si kartona.

Opozita kërkon mbledhjen e Këshillit të Mandateve sipas rregullores, ju e shkelni. Opozita kërkon mocion me debat për problemet e shqiptarëve, ju e mohoni. Opozita kërkon interpelanca me kryeministrin, ju s’i lejoni. Për çfarë flisni atëherë?

Mjafton të shikosh edhe këtë projekt-kalendar: asnjë nga projektligjet e deputetëve të opozitës nuk ka një datë për shqyrtim. Zero, asnjë, sa për sy e faqe. Data kanë vetëm projektligjet e qeverisë dhe ato të deputetëve tuaj, që nuk i kanë bërë as vetë, por i sjellin të qeverisë për të shmangur procesin e konsultimit public

S’keni as guxim t’i fusni dhe t’i rrëzoni, sepse nuk thoni dot publikisht që kundërshtoni interesin qytetar. Rri në sirtar projektligji im për pagat e mësuesve, heqja e 5-mijë lekëshit të kategorisë. Nuk e fusni, sepse nuk e rrëzoni dot, por as nuk e miratoni, sepse s’ju lë qeveria. Ky është realiteti i një parlamenti që nuk respekton asgjë dhe nuk ka asnjë rol përtej dëshirave dhe vullnetit të Edi Ramës”, tha ajo./kb

Last Updated on 19/01/2026 by Kesjana

Ditën e sotme është mbledhur Konferenca e Kryetarëve, ndërsa janë zbardhur edhe diskutime nga brenda takimit.

Lidhur me bojkotin e opozitës në komisionet e posaçme për Reformën Territoriale dhe Reformën Zgjedhore, kreu i Grupit Parlamentar të Partisë Socialiste, Taulant Balla, është shprehur se ata nuk mund të bllokojnë punën.

Duke iu drejtuar opozitës, Balla ka paralajmëruar se punimet për reformat do të vazhdojë pa ata, nëse do të zgjedhin të tërhiqen nga komisionet.

“Mos humbisni kohë kot me thirrje dhe përbetime revolucionesh që nuk kanë për të ndodhur. Mos humbisni kohë kot as me “shtrimin e tapetit” të alibisë për humbjen e radhës. Jemi të gatshëm të bashkëpunojmë me ju plotësisht për t’i dhënë Shqipërisë një Kod të ri Zgjedhor sipas standardeve më të mira zgjedhore, Ndarje Administrative Territoriale funksionale, e gjithçka tjetër.

Duhet ta fiksoni mirë në mendje se ju nuk mund të bllokoni reformat. Kemi bërë një marrëveshje në sesionin e kaluar për ngritjen e komisioneve. Nese ju sot thoni tërhiqeni nga komisionet kjo është shkelje e marrëveshjes në mënyrë te njëanshme. Ne do të detyrohemi të vazhdojmë punën edhe pa ju.

Komisioni i Posaçëm i Reformës Zgjedhore duhet të adresojë rekomandimet e OSBE-ODIHR-it ku përparësi të veçantë ka depolitizimi i plotë i administratës zgjedhore. Duhet të marrë fund kjo qasje e papranueshme për një vend anëtar të BE, partitë votohen, partitë numërojnë.

Gjithashtu të gjithë ia themi njëri-tjetrit majtas-djathtas, në ato netët pafund të numërimit në pallatet e sportit apo palestrat e shkollave, sa herë kemi zgjedhje. Dhe këtu duhet ta ripërsërisim me zë të lartë nevojën e nxjerrjes së rezultatit të zgjedhjeve në një kohë më të shkurtër, pse jo të mos kryhet numërimi në qendrat e votimit.

Fakti është se qoftë për komisionet zgjedhore partiake, qoftë për vonesën në nxjerrjen e rezultatit zgjedhor, koha nuk pret më as për zgjedhjet vendore 2027. Reforma zgjedhore sa i përket Kodit Zgjedhor kërkon të paktën 84 vota në Kuvend. Por ne e kemi bërë publike ambicien tonë për një reformë më të thellë e cila të përfshijë edhe zvogëlimin e numrit të deputetëve të Kuvendit të Shqipërisë në të paktën 100 apo 101 deputetë.

Dëgjova zotin Gjekmarkaj se opozitës i është mohuar e drejta e fjalës. Ka një indikator shumë domethënës nga sesioni i kaluar. Koha e diskutimeve. Opozita ka marrë 48 orë diskutime, shumica bashkë me Qeverinë 40 orë diskutime në seancë plenare”, është shprehur Balla. /Kb

Nga Fatos Çoçoli

Ftesa e Presidentit amerikan, Donald Trump, drejtuar Kryeministrit Edi Rama për të qenë pjesë e Bordit të Paqes së Gazës nuk është thjesht një akt protokollar. Ajo përfaqëson një fitore diplomatike për Shqipërinë dhe përbën një zhvillim me rëndësi të veçantë strategjike për vendin tonë.

Dhe jo vetëm për marrëdhëniet Shqipëri–SHBA, por edhe për pozicionimin ndërkombëtar të vendit, në një nga çështjet më delikate të sigurisë globale. Ka disa arsye pse kemi dalë të fituar. Së pari, kjo ftesë është një njohje e drejtpërdrejtë e rolit dhe besueshmërisë së Shqipërisë si një aktor i përgjegjshëm në politikën ndërkombëtare. Një vend i vogël në përmasa, por i qëndrueshëm në orientimin e tij euroatlantik, Shqipëria shihet si palë që kontribuon në paqe, dialog dhe stabilitet.

Përfshirja e Kryeministrit Rama në një strukturë që synon paqen në Gaza tregon se Tirana zyrtare konsiderohet një zë i moderuar dhe konstruktiv në arenën globale. Së dyti, ftesa e Presidentit Trump thekson marrëdhënien strategjike mes Shqipërisë dhe Shteteve të Bashkuara të Amerikës. Historikisht, Shqipëria ka qenë një nga aleatët më të besueshëm të SHBA-së në Ballkan, duke mbështetur iniciativat amerikane në NATO, në luftën kundër terrorizmit dhe në misionet ndërkombëtare të paqes.

Ky hap konfirmon vazhdimësinë e këtij partneriteti dhe besimin politik që Uashingtoni ka ndaj udhëheqjes shqiptare. Së treti, përfshirja e Kryeministrit Rama në bordin e Paqes së Gazës rrit profilin diplomatik të Shqipërisë përtej rajonit të Ballkanit. Gaza dhe konflikti izraelito-palestinez janë çështje me ndikim global, ku përfshihen interesa të mëdha gjeopolitike. Prania e një përfaqësuesi shqiptar në këtë tryezë e vendos vendin tonë në një nivel më të lartë të diplomacisë shumëpalëshe dhe e bën Shqipërinë pjesë të diskutimeve, ku merren vendime me rezonancë ndërkombëtare.

Ftesa nuk ka asnjë detyrim financiar për buxhetin e Shtetit tonë, as edhe nuk kushtëzohet me kontribute financiare, pasi dihen kufizimet dhe mundësitë financiare të Shqipërisë. Së katërti, kjo ftesë ka edhe një dimension simbolik dhe moral. Vendi ynë njihet ndërkombëtarisht për traditën e tij të tolerancës fetare dhe bashkëjetesës paqësore. Ky model shoqëror përbën një vlerë të shtuar në çdo nismë që synon paqen në zona konfliktesh të thella, si Gaza. Ftesa e Trump mund të shihet edhe si një përpjekje për të sjellë në tryezë këtë përvojë unike shqiptare. Në fund, ftesa e Presidentit Trump për Kryeministrin Rama nuk është vetëm një ngjarje protokollare, por një sinjal i qartë politik.

Ajo dëshmon se Shqipëria po fiton hapësirë dhe peshë në diplomacinë ndërkombëtare dhe se lidershipi i saj po perceptohet si pjesë e zgjidhjeve, jo e problemeve. Në një botë të trazuar nga konflikte dhe tensione, ky është një kapital politik dhe diplomatik që i shërben interesave afatgjata të vendit. Së pesti, vendi ynë nuk paraqitet thjesht si përfitues i sigurisë ndërkombëtare, por si kontribuues aktiv. Anëtarësimi në Bordin e Paqes së Gazës e shfaq vendin si faktor dialogu, ndërmjetësimi dhe zëri i moderuar në konflikte të ndërlikuara, duke ndërtuar një imazh pozitiv dhe afatgjatë. Angazhimi në misione paqeruajtëse dhe forume ndërkombëtare rrit kredibilitetin e Shqipërisë edhe në sytë e Bashkimit Europian. Kontributi për stabilitet global është një element i rëndësishëm politik që forcon argumentin se Shqipëria është gati të marrë përgjegjësi si vend anëtar i ardhshëm i BE-së.

Së gjashti, pjesëmarrja në këtë bord krijon mundësi për kontakte të reja diplomatike, bashkëpunim shumëpalësh dhe rol më aktiv në iniciativat ndërkombëtare për rindërtim, ndihmë humanitare dhe zhvillim ekonomik në rajone konflikti. Së shtati, ftesa e Presidentit Trump për Shqipërinë është gjithashtu një mesazh për Ballkanin: vendet që mbështesin paqen, stabilitetin dhe aleancat perëndimore shpërblehen me rol dhe besim. Kjo e veçon Shqipërinë pozitivisht nga vendet që ndjekin politika të paqarta dhe që pjellin tension. Ftesa rrit peshën ndërkombëtare të vendit, forcon aleancën me SHBA-të dhe e pozicionon Shqipërinë si një aktor të përgjegjshëm në skenën globale të paqes dhe të sigurisë. Në një botë të trazuar, Shqipëria fiton zë, rol dhe respekt./kb

Në deklaratën për mediat pas daljes nga SPAK-u, kryetari i PD-së, Sali Berisha, foli sërish lidhur me vendimin e Gjykatës Kushtetuese për ankimimin e tij për arrestin shtëpiak.

Berisha akuzoi Gjykatën si “një seksion të Partisë Socialiste”, ndërsa shtoi se ajo çështje u trajtua me shumë vonesë. Sipas tij, gjykata shpalli jokushtetues vendimin, por nuk e shfuqizoi. Ai theksoi se ai vendim ishte i turpshëm.

“Gjykata Kushtetuese është një seksion i Partisë Socialiste. Atë çështje Gjykata Kushtetuese e trajtoi pas 8 muajsh paraqitje, ndërkohë që në rastin e zyrtarëve duhet trajtuar pas dy ose tri javësh. Gjykata shpalli jokushtetues vendimin ndaj meje, por nuk e shfuqizoi. Ai vendim ka pasoja edhe sot. Nuk e shfuqizoi duke pretenduar se nuk është më në fuqi, por janë në fuqi pasojat e tij. Vendimi është i turpshëm”, tha Berisha. /Kb

Kreu i PD-së, Sali Berisha, ka folur për operacionin në “call center” duke hedhur akuza ndaj policisë se kanë marrë para për të mbyllur sytë para një veprimtarie të tillë që ka vjedhur dhe mashtruar qytetarët e vendeve të huaja. Ai shtoi se operacioni u dekonspirua.

“Dekonspiruan operacionin dyvjeçar të një grupi gazetarësh hetimorë ndër më të shkëlyqerit në Europë. Ky treg është një nga tregjet më kriminale në Ballkan, Europë dhe botë.

Mashtrojnë qytetarët dhe ‘call center’-i i cili u kontrollua sipas hetimit që kanë bërë me agjentët e vet vidhte në muaj të paktën 30 milionë euro me mashtrim. Kjo veprimtari kriminale është e tëra në mbikëqyrjen e narkopolicisë.

Njëlloj si dikur për çdo rrënjë kanabis paguhej tarifa 300 euro kur ishin të shëndetshëm, çdo qendër për çdo kompjuter u paguan tarifa zyrtarëve të policisë që mbyllin sytë para një veprimtarie të tillë. Në këto qendra ushtrohet një mashtrim masiv i qytetarëve fatkëqij”, tha Berisha./Kb

Në Anoeta, Barça bie përballë Real Sociedad, në një sfidë spektakolare, ku protagonist absolut ishte gjyqtari i takimit dhe sistemi VAR, ku vetëm në pjesën e parë u anuluan 4 gola. Ekipi i Hansi Flick pësoi një humbje 2-1 që më shumë u festuan në Madrid, kjo pasi Reali arrin të ngushtojë diferencën me 1 pikë.

Pas vetëm një minute lojë, Sociedad dërgoi topin në rrjetë, i anuluar nga gjyqtari i takimit për pozicion jashtë loje, por ky ishte një mesazh i fortë për Barçën. Blaugranët reaguan fuqishëm me ekipin e Hansi Flick që gjeti dy herë rrugës, por në të dy rastet si me Fermin Lopez ashtu edhe me Yamal, gjyqtari i takimit anuloi gjithçka për pozicion jashtë lojë. Më në fund, pas disa tentative, Real Sociedad gjeti golin e avantazh, me Oyarzabal që tundi rrjetën me një goditje fluturimthi brenda në zonë.

Ashtu si në pjesën e parë, edhe në fraksionin e dytë historia ishte e njëjtë. Yamal fitoi një 11-metërsh për faull në zonë, por pas rishikimit në VAR, gjyqtari i takimit anuloi gjithçka për pozicion jashtë lojë. Në minutën e 70-të ishte Rashford që konvertoi me gol një asist të Lamine Yamal duke barazuar shifrat në 1-1. Festa nuk zgjati shumë pasi një minutë më vonë, Guedes realizoi për Sociedad duke rikthyer festën në Anoeta, një gol që në fund rezultoi një trepikësh.

I zhgënjyer për këtë rezultat, u shfaq trajneri Hansi Flick: “Luajtëm një ndeshje të shkëlqyer, krijuan shumë raste, por në fund rezultati nuk pasqyron atë që dhamë në fushë, jam i zhgënjyer për këtë, por kjo është mënyra se si ne duam të luajmë futboll”, u shpreh Hansi Flick.

Një fitore të rëndësishme këtë javë siguroi edhe Atletico Madrid, me ekipin e Simeones që triumfoi 1-0 përballë Aleves. Golin trepikësh e realizoi Sorloth në minutën e 48-të. Falë këtij suksesi, Atletico renditet në vendin e 4-ët në kuotën e 41 pikëve./K.M

Reza Pahlavi, djali i shahut të rrëzuar në Revolucionin Islamik të vitit 1979, ka deklaruar se do të kthehet në Iran nga mërgimi në Shtetet e Bashkuara të Amerikës. 65-vjeçari Pahlavi nuk dha një datë ekzakte për kthimin e tij, ndërsa mbetet e paqartë nëse do t’i lejohet të hyjë në Iran dhe me çfarë pasojash do të përballet si politikan i opozitës.

Protestat shpërthyen në të gjithë Iranin në fund të dhjetorit për shkak të një krize të thellë ekonomike dhe inflacionit në rritje, të cilat shpejt u përshkallëzuan në demonstrata më të gjera kundër sistemit autoritar të Republikës Islamike. Pahlavi tha në një videomesazh të postuar në “X” se populli iranian po kërkon një rrugë të re të besueshme përpara.

“Beteja në Iran sot është midis pushtimit dhe çlirimit. Populli iranian më ka thirrur të udhëheq. Unë do të kthehem në Iran”, shtoi ai.

Ai tha se iranianët po ndërmarrin veprime në terren dhe është koha që bashkësia ndërkombëtare t’u bashkohet atyre.

“Do të kthehem në Iran. Populli i Iranit është ngritur për të kërkuar kthimin e vendit të tij. Historia do t’i nderojë ata që qëndrojnë pranë tij”, është shprehur ai.

Pahlavi, i cili u emërua princ kurorë nga babai i tij, ish-Shah, ka jetuar në mërgim në Shtetet e Bashkuara për dekada të tëra. Protestat mund të kenë vrarë 16,500 deri në 18,000 njerëz, sipas shifrave nga personeli mjekësor të botuara në gazetën britanike “Sunday Times” të dielën, megjithëse numri i viktimave nuk mund të konfirmohet saktësisht.

Udhëheqësi Suprem i Iranit, Ali Khamenei, pranoi për herë të parë të shtunën se mijëra njerëz janë vrarë në trazirat në të gjithë vendin. Agjencia e Lajmeve të Aktivistëve të të Drejtave të Njeriut (HRANA) me seli në SHBA tha se kishte konfirmuar 3,308 vdekje deri më tani dhe po shqyrtonte 4,382 të tjera.

Shifrat nuk mund të konfirmohen sepse informacioni mbi viktimat nuk është publikuar që kur autoritetet iraniane vendosën një mbyllje të internetit në të gjithë vendin më 8 janar./K.M

Presidenti amerikan, Donald Trump, ka intensifikuar kërcënimet e tij për marrjen e Groenlandës. Në një postim në platformën “Truth Social”, Trump është shprehur se NATO prej 20 vjetësh ka paralajmëruar Danimarkën që të largojë kërcënimin rus nga Groenlanda.

Sipas tij, Danimarka nuk e ka bërë këtë, por tani është momenti që ta bëjnë vetë Shtetet e Bashkuara të Amerikës.

“NATO i ka thënë Danimarkës, për 20 vjet, se ‘duhet ta largoni kërcënimin rus nga Groenlanda’. Fatkeqësisht, Danimarka nuk ka qenë në gjendje të bëjë asgjë në lidhje me këtë. Tani është koha, dhe do të bëhet!!!”, thuhet në reagimin e Trump-it.

Prej javësh, Trump ka argumentuar se Shtetet e Bashkuara kanë nevojë për Groenlandën e pasur me minerale. Ndërkohë, vendet europiane, që janë anëtare të NATO-s, ditëve të fundit kanë shprehur mbështetjen e tyre për Danimarkën dhe Groenlandën, pas kërcënimeve në rritje nga Trump, përfshirë edhe duke dërguar trupa në këtë territor strategjik. /Kb

Last Updated on 19/01/2026 by Kesjana

Këshilli i Ambasadorëve Shqiptarë (KASH) mëson se projektligji i ri për Shërbimin e Jashtëm, i përpiluar rreth dy vite më parë nga Ministria për Evropën dhe Punët e Jashtme (MEPJ), i është përcjellë për të disatën herë Kuvendit të Shqipërisë për shqyrtim në komisionet përkatëse dhe për miratim të mëpasshëm në seancë plenare.

Mesa mësohet, këtij projektligji nuk i është bërë asnjë ndryshim nga varianti i parë i para dy viteve, duke mos marrë në konsideratë asnjë nga sugjerimet e propozuara nga KASH dhe nga aktorë të tjerë gjatë procesit të konsultimit publik. Projektligji mbetet në formën e propozuar nga politika dhe nuk ka asgjë të përbashkët me karrierën profesionale në diplomaci.

Në qëndrimet e saj publike, KASH është shprehur që në gusht 2024 se një projektligj i tillë është antikushtetues, anti-administrativ dhe shkatërron nga themelet karrierën diplomatike, të ndërtuar me mund dhe sakrifica për më shumë se një çerek shekulli.

Në letrën drejtuar Ministrit për Evropën dhe Punët e Jashtme, KASH jo vetëm e konsideron të dëmshëm këtë projektligj për karrierën diplomatike, por ka paraqitur edhe një sërë sugjerimesh dhe amendimesh konkrete, në germë dhe në frymë, për t’i shërbyer diplomacisë shqiptare dhe politikës së jashtme të vendit. Asnjë prej këtyre sugjerimeve nuk është marrë në konsideratë nga MEPJ.

Për të shprehur qëndrimin e saj mos-pajtues, KASH i ka kërkuar Komisionit për Evropën dhe Punët e Jashtme të Kuvendit të Shqipërisë organizimin e një seance dëgjimore me KASH dhe aktorë të tjerë të interesuar, përpara marrjes së çdo vendimi për kalimin e projektligjit në seancë plenare.

Këshilli i Ambasadorëve Shqiptarë i përmbahet qëndrimit se diplomacia shqiptare ka nevojë për një ligj që forcon karrierën profesionale, pas dëmit të shkaktuar nga Ligji nr. 23/2015, por kurrsesi nga projektligji aktual, i cili e varros përfundimisht diplomacinë e karrierës duke e lënë atë në duart e ndërhyrjeve politike dhe partiake.

KASH mendon se sistemi i karrierës diplomatike nuk duhet të përcaktohet nga politika e radhës, por nga vetë diplomacia e karrierës, përmes komisioneve profesionale, të drejtuara nga Sekretari i Përgjithshëm i Ministrisë, si nëpunësi më i lartë civil. Duhet të forcohen procedurat e vlerësimit në punë, kompetencat drejtuese, sistemi i gradave diplomatike dhe përgjegjshmëria profesionale.

Në përfundim, Këshilli i Ambasadorëve Shqiptarë i kërkon Kuvendit të Republikës së Shqipërisë të mos e miratojë këtë projektligj dhe ta rikthejë atë për një përmirësim thelbësor, ku KASH është i gatshëm të kontribuojë, në mbrojtje të diplomacisë së karrierës dhe interesave kombëtare të vendit./kb

Kryeministrja e Danimarkës, Mette Frederiksen, ka deklaruar se Evropa nuk do të shantazhohet nga kërcënimet e Presidentit amerikan Donald Trump për vendosjen e tarifave lidhur me Groenlandën.

Frederiksen, së bashku me udhëheqës të tjerë evropianë, lëshoi të dielën një deklaratë të përbashkët ku paralajmëruan se një plan i tillë rrezikon të krijojë një “spirale të rrezikshme përkeqësimi” të marrëdhënieve me Shtetet e Bashkuara.

Mëngjesin e së hënës, Trump deklaroi se NATO i ka thënë Danimarkës prej 20 vitesh se “duhet të largojë kërcënimin rus nga Groenlanda”, duke shtuar se “tani është koha dhe kjo do të bëhet”. Ai ka paralajmëruar vendosjen e taksave të reja ndaj tetë aleatëve të SHBA-së në muajin shkurt, nëse ata kundërshtojnë propozimin e tij për marrjen e territorit autonom danez.

Presidenti amerikan këmbëngul se Groenlanda është kritike për sigurinë e SHBA-së dhe nuk e ka përjashtuar mundësinë e marrjes së saj me forcë, një qëndrim që ka shkaktuar kritika të gjera ndërkombëtare.

Në një postim në Truth Social, Trump përsëriti se NATO i ka kërkuar Danimarkës “të largojë kërcënimin rus nga Groenlanda” për dy dekada, duke shtuar se Kopenhaga “nuk ka qenë në gjendje të bëjë asgjë për këtë”.

Tarifat e reja, sipas Trump, do të vendosen ndaj Danimarkës, Finlandës, Francës, Gjermanisë, Holandës, Norvegjisë, Suedisë dhe Mbretërisë së Bashkuar.

Në deklaratën e tyre të përbashkët, tetë vendet theksuan se “kërcënimet me tarifa dëmtojnë marrëdhëniet transatlantike” dhe riafirmuan se “qëndrojnë në solidaritet të plotë me Mbretërinë e Danimarkës dhe popullin e Groenlandës”. Ato nënvizuan gjithashtu përkushtimin për forcimin e sigurisë së Arktikut si një interes i përbashkët transatlantik, në kuadër të NATO-s.

“Ne jemi të gatshëm të angazhohemi në dialog, të bazuar në parimet e sovranitetit dhe integritetit territorial, të cilat i mbështesim fuqimisht”, thuhet në deklaratë.

Në një postim të veçantë në Facebook, Frederiksen shkroi se Danimarka dëshiron bashkëpunim dhe jo konflikt, duke shtuar se mesazhet nga pjesa tjetër e kontinentit janë të qarta: “Evropa nuk do të shantazhohet”. Ajo theksoi se është edhe më e rëndësishme që vendet evropiane të qëndrojnë të vendosura në vlerat themelore mbi të cilat është ndërtuar komuniteti evropian.

Ndërkohë, kryeministri britanik Sir Keir Starmer bëri të ditur se të dielën ka zhvilluar biseda telefonike me Frederiksen, me presidenten e Komisionit Evropian Ursula von der Leyen dhe me sekretarin e përgjithshëm të NATO-s, Mark Rutte, përpara se të fliste me Presidentin Trump./kb

Në këtë pikë është ende “shumë herët” për të ditur se çfarë e shkaktoi daljen nga shinat, tha në një intervistë Alvaro Fernandez Heredia, presidenti i kompanisë hekurudhore kombëtare të Spanjës, Renfe.

Duke folur për televizionin shtetëror spanjoll, ai tha se aksidenti ishte veçanërisht i pazakontë sepse ndodhi në një segment të drejtë të linjës hekurudhore, me sisteme sigurie aktive.

“Ne tashmë e dimë nga regjistrimet e shpejtësisë se trenat po udhëtonin me një shpejtësi më të ulët se ajo e caktuar për këtë segment,” tha ai. Ai shtoi se shkaku mund të lidhet “me ndonjë problem të trenit ose të infrastrukturës”.

Linja e prekur pritet të mbetet e mbyllur për disa ditë, por kompania po përgatitet të ofrojë rrugë alternative transporti.

Fernandez Heredia tha se ky ishte “një nga momentet më të vështira” të jetës së tij, pasi kaloi natën në vendin e aksidentit./K.M

Këngëtarja Britney Spears ka shkaktuar sërish reagime të forta në rrjetet sociale pas publikimit të një videoje të re në llogarinë e saj në Instagram. Videoja, me nota tejet sensuale, ka ngjallur entuziazëm te fansat e saj besnikë, por edhe shqetësim te një pjesë e publikut.

Në pamje, “princesha e popit” shfaqet duke kërcyer e veshur thuajse e zhveshur, me një bady të zi, ku pjesa e sipërme është transparente, duke lënë shumë pak vend për imagjinatën. Lëvizjet provokuese dhe twerk-u i saj kanë rikthyer debatin rreth gjendjes dhe zgjedhjeve të artistes.

Më herët, Spears kishte njoftuar se planifikon të tërhiqet nga turnetë brenda vendit për “arsye jashtëzakonisht të ndjeshme”. Megjithatë, ajo ka bërë të ditur se synon të udhëtojë jashtë Shteteve të Bashkuara “shumë shpejt”, së bashku me të paktën njërin nga djemtë e saj.

Postimi i fundit dëshmon edhe një herë se Britney Spears vazhdon të mbetet në qendër të vëmendjes publike, duke ndarë opinionin mes admirimit dhe shqetësimit./K.M

Dy ditë më parë Kryeministri i Greqisë, Kyriakos Mitsotakis, komentoi deklaratat e kryeministrit shqiptar Edi Rama në Abu Dhabi, të cilat shkaktuan polemika në Greqi për origjinën e grekëve.

“E njoh shumë mirë zotin Rama, ka një mënyrë të veçantë të të shprehurit dhe shpesh i shpëtojnë gjëra që nuk duhej t’i thoshte. Këtë herë tha një të gabuar dhe e kuptoi gabimin e tij. Mbaj në konsideratë korrigjimin; ishte një deklaratë e pafat, më mirë ta lëmë pas”, u shpreh Mitsotakis.

Reagimi vjen pas kritikave në mediat greke lidhur me komentin e Edi Ramës ndaj gazetarit greko-amerikan John Defterios, gjatë një paneli të zhvilluar në Abu Dhabi, duke u përfshirë në një debat historik dhe kulturor mes të dy vendeve.

“Mendoni se keni monopol mbi filozofinë dhe jeni trashëgimtarë të drejtpërdrejtë të Platonit dhe Aristotelit, por nuk jeni”, është kjo deklarata e shkëputur nga Edi Rama, i cili iu drejtua gazetarit greko-amerikan John Defterios pasi ky i fundit i shqiptoi emrin gabim dhe më pas Rama reagoi duke thënë se tonet e tij nuk kanë qenë aspak tendencioze, por vetëm humor miqësor.

Por sot në këtë polemikë ndërhyn edhe avokati Spartak Ngjela, duke mbrojtur idenë se grekët nuk ishin pasardhësit as të Platonit, as të Aristotelit, por se erdhën nga Anadolli në Greqi dhe aty gjetën shqiptarët.

Reagimi i Ngjelës:

Grekët kanë ardhur nga Anadolli në Greqi në shekullin e VIII, aty gjetën shqiptarët që quheshin arbanë ose arbanitas; me lagjen e tyre kryesote në Athinë poshtë Aktopolit, që quhej e që quhet ende sot Plaka.

Kot po lodhen këta injorantë shekullorë, sepse shqiptatët dhe gjuhën shqipe nuk e ka mposhtur dot askush në historinë tonë: Iliri- Arbëri – Shqipëri – Dardani (Kosovë)

Dhe mbajeni mend: Edhe Greqia arvanitase ka qenë, është e do të jetë, se edhe ata i ka mbajtur dhe mbrujtur në histori formimi shqiptar që nga Teuta e Madhe e deri sot.

Autoktonë në Greqi janë arvanitasit, kryesorët në formimin e Eladhës, të cilët edhe sot jetojnë në lagjen Plaka në Athinë, të tjetër janë të ardhur shumë vonë, dhe kuptohet se nuk janë racë e bardhë, sepse këta i ka sjellë nga Mesdheu mbreti i parë i Greqisë së pavarur: gernani Otto, sepse ashtu quhej ai.

Askush nuk e ka mposhtur dhe nuk e mposht dot shqiptarinë, sepse tani është e provuar në Oxford e në Kembrige, edhe në Harvard që, gjuha shqipe, është gjuha e parë e Evropës.

Dhe këtu mbaron çdo diskutim, por ne shqiptarët e Shqipërisë kemi vuajtur nga makinacionet shekullore të Serbisë dhe të Greqisë, sepse të dy këta shtete janë ngritur mbi shtypjen barbare të shqiptarisë, e cila ka qenë autoktone në trojete veta.

Por koha erdhi te historia reale në vitin 2008 me pavarësinë e Kosovës. Kurse koha sot po thërret sërish për Çamërinë. Dhe thirrja e kohës gjithmonë ka krijuar histori të re për popullin, të cilit ajo i është drejtuar./kb

Ish-kryeministri Sali Berisha do të paraqitet sot në GJKKO në kuadër të respektimit të masës së sigurisë ‘detyrim paraqitje’. Teksa kjo është e hëna e tretë e muajit, Berisha duhet të paraqitet siç e përcakton procedura, ndërsa ndaj tij po hetohet për çështjen e privatizimit të ish-kompleksit Partizani./K.M

Në intervistën e saj për emisionin “Aromë gruaje” në RTSH, Linda Rama ka bërë një skaner të hollësishëm të jetës publike në Shqipëri, duke analizuar raportin delikat mes politikës, filozofisë dhe medias.

Zonja Rama bëri një ndarje të qartë mes filozofisë, që kërkon kohë dhe jep ligjshmëri, dhe politikës, që është arti i të përditshmes dhe veprimit.

“Dinamika e politikës është tjetër nga ajo filozofike. Aq i larmishëm sa është realiteti, aq të larmishme janë edhe vendimmarrjet apo mënyrat që politika gjen. Është kollaj të kritikosh nga jashtë. Jeta pranë Edit më ka mësuar gradualisht se vërtet nuk i di të gjitha. Një njeri duhet t’i japë mundësi vetes që të mos e çojë gjykimin deri në ekstrem. Thjesht e kam mësuar: ti nuk i di të gjitha. Tani e kam bërë timen. Gjykimi i padrejtë është ngarkesë negative.“, tha ajo.

Sipas saj, kalimi nga bota e ideve në atë të vendimmarrjes shpesh shoqërohet me kompromise të dhimbshme për integritetin e mendimtarit.

“Kam parë filozofë që kanë hyrë në politikë, por që janë zhveshur si filozofë. Ata pranojnë deformimin për hir të politikës,” tha ajo, duke shtuar se personalisht nuk e justifikon këtë qasje as “për një të mirë të madhe”.

Pushteti, OJQ-të dhe Media

Në analizën e saj për aktorët shoqërorë, Linda Rama e cilësoi pushtetin si të dominuar nga egoja, ndërsa shoqërinë civile si “ndjeshmëri e shtuar” dhe një “zile” që pushteti duhet ta dëgjojë. Ndryshe nga shoqëria civile, për median ajo u shpreh:

“Shoqëria civile ka nevojë për pushtetin, sepse ajo është ndjeshmëri e shtuar. Kurse pushteti është i pushtuar nga egoja. Shoqëria civile është një zile që duhet ta dëgjojë pushteti. Ata mund të bashkëjetojnë duke u dëgjuar njëri me tjetrin. Nuk mund ta them këtë për median. Media, si pushtet, nuk është e zhveshur nga egoja. Media e ka raportin me të vërtetën. Por janë edhe përgjegjësitë, si kodi në raport me ligjin, mjedisin, lirinë; dhe nëse ti i ke plotësuar këto, liria ka kuptim”, tha zonja Rama./kb