Deputetja Monika Kryemadhi ka deklaruar se nuk ka asnjë komunikim me kreun e PL-së Ilir Meta ndonëse kërkon votën për të në zgjedhjet e 11 Majit.

E ftuar në një emision televiziv, Kryemadhi u shpreh se pas 11 Majit, do të ketë një jetë krejt tjetër.

“Nuk kemi komunikuar, nuk më intereson fare se çfarë mendon. Pas 11 majit ora 20:00 që do jem në punë, pastaj është një jetë krejt tjetër për mua”, tha Kryemadhi.

The post A ka komunikuar me Metën? Ja si përgjigjet Kryemadhi appeared first on Sot News | Lajme.

Presidenti i Partisë së Lirisë, Ilir Meta, ka akuzuar Kryeministrin Edi Rama për gjendjen e rëndë të arsimit në Shqipëri. Përmes një postimi në rrjetin social Facebook Meta theksoi se arsimi shqiptar po përjeton një krizë të thellë, duke u përpjekur të mbajë pushtetin përmes shtimit të analfabetizmit dhe injorancës mes rinisë. Sipas tij qeveria e Edi Ramës e ka rrënuar arsimin, sepse e ka përbuzur gjatë tre mandateve qeverisëse. Meta gjithashtu theksoi se një situatë e tillë dramatike mund ta ndryshojë vetëm opozita shqiptare dhe me “PD-ASHM”.

Postimi i Metës:

Arsimi shqiptar po përjeton ditët më të këqia të tij për shkak të narkoqeverisjes, që ka bërë gjithçka për të shembur themelet e tij dhe për të instaluar padijen dhe injorancën me qëllimin e vetëm të mbajtjes së pushtetit.
Analfabetizmi qoftë i plotë, qoftë ai funksinal, pra i mijra të rinjve që marrin dëftesa por që realisht nuk kanë as njohuritë minimale është shtuar në mënyrë kritike.

Qeveria e Edi Ramës e ka rrënuar arsimin, sepse e ka përbuzur gjatë tre mandateve qeverisëse. Nga premtimi i 2013-s për buxhetimin e arsimit në mesataren e BE-së, sot jemi ende në nivelin 2.4%, më i ulëti në rajon. Jemi të fundit pas Kosovës, Malit të Zi, Maqedonisë së Veriut dhe Serbisë. Mësuesit sot janë të keqpaguar dhe shkolla po braktiset. Mësuesia sot nuk shihet si një profesion që të garanton një jetë dinjitoze.

Degët e mësuesisë tkurren me shpejtësi dhe vendi rrezikon të mbetet pa mësues brenda pak vitesh. Dhjetra shkolla mbyllen çdo fillim viti shkollor nëpër rrethe, ndërsa në Tiranë mësimi bëhet ende me turne. Nuk mbështetet kërkimi shkencor dhe nuk incentivohen talentet. Arsimi është në gjëndjen më të mjeruar që ka njohur ndonjëherë vendi. Dinjiteti i mësuesit është nëpërkëmbur nga qeveria e Edi Ramës, duke mos u vlerësuar për kontributin e jashtëzakonshëm në edukimin e brezit të ri e duke u kthyer në një ushtar që shpërndan postimet e Kryeministrit.

Një situatë e tillë dramatike mund ta ndryshojë vetëm opozita shqiptare dhe me “PD-ASHM”: Buxheti i arsimit do të dyfishohet për të shkuar në 5% të PBB. Pagat e mësuesve do të shkojnë në 1500 euro në krye të mandatit.
Pagat për pedagogët do të shkojnë në 2000 euro. Numri i nxënësve në klasa do të reduktohet në 25, nga 40 që është sot në shumë shkolla. Do të dixhitalizohet thellësisht sistemi arsimor. Inovacioni do të financohet mbi mesataren e Bashkimit Europian.

Do të shpërndahen kupona 250 euro për çdo fëmijë në lagjet ku mungon shkolla derisa qeveria të hapë aty shkollën e re. Mësuesia dhe shkenca do të konsiderohen degë prioritare dhe do të mbështeten financiarisht.
Investime prioritare në degët e teknologjisë së informacionit. Arsimi Profesional do të jetë në varësi të Ministrisë së Arsimit. Kurrikulat do t’i nënshtrohen një reformimi të thellë nga ekspertë të pavarur, larg çdo ndikimi politik, për të formuar të rinj me mendim kritik. Do të implementojmë sistemin e kateringut në kopshte dhe shkolla, sipas modelit europian. Mbështetje e fortë e arsimit profesional dhe ekselencave në bizneset start-up

VOTO NR.1 – Koalicioni “PD – Aleanca për Shqipërinë Madhështore”! VOTO ILIR METAJ- Qarku Tiranë

The post “Rrënuan arsimin”, Meta akuzon Ramën: Një situatë e tillë dramatike mund ta ndryshojë vetëm opozita shqiptare dhe… appeared first on Sot News | Lajme.

Drejtuesi i Koalicionit Euroatlantik dhe Demokratëve Euroatlantikë, Endri Hasa tha sot në një emision televiziv se në zgjedhje nuk kanë dalë për të bërë opozitën e opozitës, por një konkurrencë për të fituar një garë kundër qeverisë.

Ai shprehu mbështetjen ka rezerva ndaj drejtësisë dhe SPAK-ut, pavarësisht se kush është personi që hetohet dhe gjykohet.

Hasa solli në vëmendje faktin se kreu i koalicionit, Lulzim Basha, ka qenë i vetmi që ka propozuar në Parlament ligjin për heqjen e imunitetit të deputetëve, si dhe vettingun në politikë, por që janë refuzuar.

“Koalicioni Euroatlantik hyn në zgjedhje për të fituar zgjedhjet. Ata që nuk janë në partinë tonë nuk i quajmë opozitë, por konkurrent. Ne kërkojmë votën për numrin katër. Opozitën me qeverisjen e bëjmë çdo ditë, edhe në fushatë, për keqqeverisjen e Ramës në 12 vjet. Mbështetja jonë për SPAK-un dhe drejtësisë është ka ekuivok, mbështetje e plotë. Kur flet drejtësia, politika duhet të heshtë”, u shpreh ai.

Dhe solli në vëmendje disa nga nismat e koalicionit që përfaqëson ndër vite, në mbështetje të drejtësisë dhe për një Shqipëri drejt të ardhshmes. Në lidhje me dosjen “Partizani” dhe hetimin e Berishës, Hasa tha se “kur flet gjykata, politika hesht” dhe “të gjithë duhet të jenë të barabartë para ligjit e drejtësisë”.

“Lulzim Basha ka depozituar personalisht ligjin për heqjen e imunitetit të deputetëve në Parlament, që u rrëzua. Nëse ai ligj do ishte miratuar, Arben Ahmetaj nuk do ishte arratisur duke përfituar nga ai imunitet, por do përballej me drejtësinë, në dyert e SPAK. Ashtu sikurse është edhe vettingu në politikë, që duhet të bëhet. Ne jemi në mbështetje të drejtësisë edhe nëse SPAK troket në derën tonë, pa asnjë dallim”, tha Hasa mes të tjerash.

Ai vuri në dukje se nëse vota shkon për Sali Berishën, shkon për të bërë Metën deputet dhe e nxjerr nga Burgu 313-të.

“Koalicioni Euroatlantik e bazon fushatën në program real kombëtar. Lufta kundër korrupsionit është primare. Kush abuzon me pushtetin duhet të hetohet dhe të përballet me drejtësinë.

Sot është fakt se PD-ja kërkon votën për të bërë deputet Ilir Metën, e për ta nxjerrë atë nga 313-ta. E bëjnë hapur, thjeshtë dhe qartë. Gjithsecili përgjigjet vetë para drejtësisë për atë që ka bërë. Ne nuk i kemi diskutuar kurrë vendimmarrjet e gjykatës dhe drejtësisë”, argumentoi ai.

The post “Politika duhet të heshtë kur flet drejtësia”,Hasa shpërthen: Berisha do ta bëjë Metën deputet për ta nxjerrë nga burgu appeared first on Sot News | Lajme.

Bashkimi Evropian ka vendosur gjoba të mëdha ndaj dy gjigantëve të teknologjisë, Apple dhe Meta, për shkelje të rregullave të reja të konkurrencës në tregun dixhital. Vendimi historik është i pari i marrë në bazë të Aktit për Tregjet Dixhitale (DMA), një ligj i ri që synon të rrisë transparencën dhe zgjedhjet për konsumatorët brenda BE-së.

Apple është gjobitur me 500 milionë euro për kufizimin e zhvilluesve të aplikacioneve që të informojnë përdoruesit për mundësitë më të lira të blerjes jashtë App Store-it. Komisioni Evropian e cilësoi këtë praktikë si “bllokuese të konkurrencës dhe të dëmshme për konsumatorët”.

Ndërkohë, Meta, kompania mëmë e Facebook dhe Instagram, u ndëshkua me 200 milionë euro për politikat e saj të reja që u imponojnë përdoruesve të zgjedhin midis shikimit të reklamave ose pagesës për t’i shmangur ato – një qasje që BE-ja e konsideron të padrejtë dhe kufizuese.

Zyrtarët evropianë pranuan se shpallja e vendimeve ishte shtyrë për shkak të tensioneve në rritje tregtare me administratën e presidentit amerikan Donald Trump, i cili ka kritikuar ashpër politikat e BE-së që prekin kompanitë amerikane.

Reagimet nga kompanitë nuk kanë munguar ku  Apple akuzoi Komisionin për “trajtim të padrejtë”, duke theksuar se ka investuar shumë në përputhje me ligjin e ri dhe ka bërë ndryshime të rëndësishme në sistemin e saj operativ dhe App Store.

Meta, përmes shefit të çështjeve globale Joel Kaplan, tha: “Komisioni po përpiqet të dëmtojë kompanitë amerikane të suksesshme, ndërkohë që aplikon standarde të ndryshme për kompanitë evropiane dhe kineze.”

Ky vendim pritet të ketë ndikim të gjerë në mënyrën se si gjigantët e teknologjisë operojnë në tregun evropian, ndërsa BE-ja përgatitet të zbatojë me rigorozitet ligjet e reja për një ekonomi dixhitale më të drejtë dhe më të hapur.

The post Shkelën rregullat e reja të konkurrencës në tregun dixhital/ BE gjobit Apple dhe Meta me 700 milionë euro appeared first on Sot News | Lajme.

Monika Kryemadhi e ftuar në një emision televiziv, ka folur për divorcin e saj me Ilir Metën.

E pyetur nga mdoeratorja  nëse e kishte menduar ndonjëherë që do të mund të arrinte deri këtu, Kryemadhi tha se nuk e kishte menduar por jeta është e paparashikueshme.

Pjesë nga biseda:

Borakaj: E kishe menduar ndonjëherë që pas të 50-ve, do të ishit në këtë situatë që jeni sot?

Kryemadhi: Jo, ç’të sjell minuti nuk ta sjell sekondi. Nuk e kisha menduar, prapë më duket si një ëndërr e keqe.

Borakaj: Që do kalojë?

Kryemadhi: Ndoshta nuk do kalojë, por ti mësohesh. Thonë që koha është shëruesi më i mirë, por unë nuk mendoj se koha është shëruesi më i mirë, unë mendoj se ti mësohesh me problemin dhe fillon i përshtatesh një jete të re, një standardi të ri të të jetuari, por edhe të rrethit shoqëror me të cilin ti jeton dhe punon.

The post E kishte imagjinuar divorcin? Monika Kryemadhi habit me përgjigjen e saj appeared first on Sot News | Lajme.

Presidenti i Partisë së Lirisë, Ilir Meta, ka reaguar nga izolimi në burg pas deklaratave të fundit të kryeministrit Edi Rama në një takim me operatorë turistikë në Përmet. Në një postim në Facebook, Meta ironizon me atë që e quan “Akademinë e Çobanëve” dhe akuzon kryeministrin për shkatërrimin e blegtorisë dhe zonave rurale.

Sipas tij, Rama shqetësohet për pagat e çobanëve në krahasim me Greqinë, por duhet të pyesë INSTAT-in përse numri i bagëtive është përgjysmuar jo vetëm në Përmet, por në gjithë Shqipërinë.

Meta e akuzon qeverinë për braktisjen e fermerëve, mungesën e mbështetjes me subvencione, vjedhjen e fondeve të IPARD-it dhe dështimin e premtimeve për infrastrukturën e zonës. Ai përmend rrugët e papërfunduara si ajo Skrapar-Përmet dhe Përmet-Frashër, duke theksuar se fondet mund të ishin përdorur për zhvillim, por janë shpërdoruar për afera korruptive si ajo e tunelit të Llogarasë.

Në fund, Meta thumboi edhe një nga vizitat e Ramës në Kolonjë, duke përmendur shembjen e rrugës nga cilësia e dobët e punimeve:

“E dëgjove këngën atje ku rruga jote u shemb si kala rëre, me një tegel asfalt sa një fletë cigareje”, shkruan ai në postimin e tij.

Postimi i plotë: 

Pasi e “ndriti” me Akademinë e Çobanëve, Kryetari i Organizatës u interesua sot nga Përmeti për pagën e çobanit në raport me Greqinë.
Po Përmetin zgjodhe për këtë “ekstradë”?
Pyet INSTAT-in të të tregojë kush e përgjysmoi numrin e bagëtive në Përmet dhe në të gjithë Shqipërinë?
Pyete përse kope të tëra janë shitur për një copë buke dhe ato pak baxho që kanë ngelur më shumë harxhojnë se sa fitojnë?
Përgjigjen ta japin përmetarët se janë ata dhe jo ti, rilindas të vërtetë dhe pasardhës të Frashërllinjve:
Sepse t’i bëre “Ballkanin e Hapur” për të shkatërruar prodhuesin dhe fermerin vendas për t’ja çuar dëm sakrificat e pafund dhe djersën e derdhur.
Sepse rruga Skrapar-Përmet ka ngelur në fshatin Rog që në vitin 2017 dhe do mjaftonte vetëm 1/10 e aferës së tunelit të Llogarasë për të lidhur dy luginat e mrekullueshme të rafting, atë të Osumit dhe Vjosës.
Shpopullimi i këtyre trevave ka qenë i vetmi prioriteti i yti dhe jo zhvillimi .
Gjete përmetarët për t’i mashtruar për miliardat që do të vijnë nga BE kur me pragun tënd artificial një fermer merr 0 lekë mbështetje nëse ka 9 lopë ose nëse ketë 99 dele ose dhi?
Po pse nuk e dinë fermerët dhe blegtorët e Përmetit se ti bashkë me bandën tënde i vodhët fondet e IPARD-it dhe i çuat edhe ato te inceneratori që nuk ekziston?
Po me rrugën Përmet-Frashër që e ke premtuar nja 5 herë si ujin e pijshëm a ja u tregove përmetarëve pse nuk e realizove kurrë?
Ndërsa atë këngën që porosite në Kolonjë, e dëgjove tamam atje ku u shemb rruga jote si kala rëre para 1 viti dhe ku tërë kolonjarët e panë me sytë e tyre që kishte një tegel asfalt sa një fletë cigareje dhe gjithçka u bë pluhur e hi nga korrupsioni skizofrenik i yt dhe i bandës tënde që të rrethon.
Me programin tonë “Made in Albania” nuk do të ketë më pragje artificiale përjashtuese për fermerët, por vetëm mbështetje me pagesa direkte dhe ndihmë konkrete.
Fermeri është investitori ynë strategjik që pas 11 Majit do të përfitojë subvencione për çdo kokë bagëti dhe për çdo njësi prodhimi.
Përmeti, Skrapari dhe Kolonja do ta japin më 11 Maj përgjigjen e tyre kudo, edhe në Tiranë, edhe në Durrës edhe në Diasporë.

The post ‘Shpopullimi i trevave, prioritet i qeverisë’, Meta-Ramës: Ti bashkë me bandën tënde vodhët fondet e IPARD-it appeared first on Sot News | Lajme.

Presidenti i PL-së, Ilir Meta, i cili garon në Tiranë për deputet tregon për gazeta “Panorama” se si po e zhvillon fushatën elektorale pavarësisht izolimit në qeli.

1. Pyetje: Z. Meta, edhe 26 ditë na ndajnë nga 11 Maji. A keni besim në fitoren e Opozitës?

Përgjigje: Më i qartë se gjithë të tjerët se është pakicë, është vetë Edi Rama pengmarrësi i shtetit të së drejtës dhe shkatërruesi i zgjedhjeve të lira në mënyrë të përsëritur e të provuar botërisht. Vetë arrestimet dhe persekutimet politike të lidershipit të opozitës, duke nisur me arrestimin antikushtetues të Z. Berisha dhe rrëmbimi im kriminal, që i ngjan vetëm atij të Aldo Moros nga brigadat terroriste e provojnë këtë. Por llogaritë e tij janë prishur e këtë e dëshmon shumë qartë paqëndrueshmëria e tij jo vetëm politike, por edhe psiqike.

2. Pyetje: Megjithatë, ai insiston në një fitore bindëse.

Përgjigje: Po por nga 1 milionë vota zbriti në 800.000, e në javët që vijnë do i dalë dehja nga verat e shtrenjta e do ulet shumë më tepër. Nga mbi 90 mandate, zbriti në 77, e kur ti dalë dehja nga verërat e shtrenjta do zbresë shumë më tepër. Fitorja është qartazi në duart e opozitës dhe ajo s’duhet ta lëshojë për asnjë moment, sepse është në garë me një shtet të kapur dhe jo me PS. Opozita ka programin pikën më të fortë dhe duhet ti qëndrojë fort programit të saj që ndihmon cdo shqiptar që në 100 ditët e para të qeverisjes. Por ky program duhet të hyjë në cdo familje shqiptare, e këtë e kanë në dorë vetëm kandidatët e opozitës e aktivistët e saj në të gjithë vendit.

Opozita garanton cdo shqiptar që do të marrë 200 euroqë në 100 ditët e para të qeverisjes së re, ndërsa Edi Ramamashtron se në 2030, pra pas zgjedhjeve të 2029, do synojë pensionin minimal 200 euro.A ka tallje më të madhe për pensionistët shqiptarë? Edi Rama bën premtime futuristese me anëtarësimin në BE, që vetëm ky e ka sabotuar në 12 vite, por edhe kur ishte në opozitë me bllokimin e 3 ligjeve për Qarkun e Fierit do vijnë miliarda euro, por duhet të japë llogari se pse u vodhën qindra milionë euro të IPARD- it për bujqësinë e fermerët dhe pse lekët e tyre shkuan te inceneratorët.

Por opozitës nuk i mjafton Programi i shkëlqyer e konkret që ul taksat e rikthen lirinë ekonomike, por i duhet të shkojë te cdo biznes e t’ia sqarojë se si do përfitojë konkretisht.

3. Pyetje: Por ndërkohë sondazhet tregojnë se Edi Rama është në avantazh sidoqoftë.

Përgjigje: Është provuar botërisht edhe me përgjimet e Veliajt se si i kontrollojnë Rilindasit mediat edhe nga burgu. Besoj se e keni të qartë se si i kontrollon Edi Rama në krye të Qeverisë dhe kemi dhe të Bashkisë të Tiranës. Besoj është e qartë pse nuk ndërpritet financimi i inceneratorit të Tiranës që nuk ekziston, sepse ato parashikojnë, siç na e tha edhe Ahmetaj, për të blerë mediat, emisionet, analistët dhe sondazhet, gjithashtu për të dekurajuar frymën e ndryshimit dhe revoltës. Ndaj fuqia e opozitës është te njerëzit dhe ajo duhet të shkojë çdo ditë, çdo orë pranë tyre, atje te furra e bukës, te bar – restoranti më i thjeshtë, te fabrikat që po falimentojnë e te qindra – mijëra pensionistë që do jenë përfituesit e parë që në 100 ditët e para të programit tonë. 3.3 miliardë euro në vit vidhen nga Edi Rama pa hyrë fare në buxhetin e shtetit ose 13.2 miliardë euro në 4 vite. Sepse 14% është diferenca midis të ardhurave që realizon Shqipëria sot në raport me PBB në krahasim me Bosnjen, Serbinë e Malin e Zi.

Si shpjegohet që në vendin ku taksat janë shumëfishuar në 12 vite si askund tjetër në rajon, të ardhurat të jenë më skandalozet? Sepse korrupsioni i Edi Ramës është skizofrenik. Ndaj pensionisti në Ulqin ka trefishin e pensionistit në Velipojë. Ulja drastike e taksave do formalizojë me shpejtësi ekonominë, sic ndodhi edhe pas 2005 me taksën e sheshtë.

4. Pyetje: Si po ecën fushata e PL dhe e juaja vecanërisht?

Përgjigje: Partia e Lirisë ka qenë targeti kryesor i regjimit mafioz të Edi Ramës prej një kohe të gjatë.Por përpjekjet e tij kriminale nuk e realizuan dot rrëmbimin e drejtimit të PL përmes bashkëpunëtorëve të tij të rekrutuar nga SPAK- u. Dhe Edi Rama u “ngushëllua”duke marrë të konvertuarin në rilindas pasi doli nga dyert e SPAK- ut dhe duke e futur në listën e tij. Mori kështu simbolin e nepotizmit në PL dhe përgjegjësin për shumë shpërdorime financiare në parti. Ky madje na “ rrëmbeu” edhe financieren e PL(LSI), prej 20 vitesh, duke e punësuar në biznesin e tij dhe e cila u largua pa bërë dorëzimet sipas ligjit dhe etikës. Kjo thjesht tregon sa rëndë është Edi Ramadhe nivelin ordiner që ka rënë për të gjetur shpëtim.,Nga 27 Prilli i vitit të kaluar PL është në një proces rindërtimi mbi themele shumë të shëndosha parimore e morale.
Kjo betejë do na ndihmojë shumë në konsolidimin e PL për dy dekadat që vijnë.
Jam shumë i kënaqur nga angazhimi i shumë njerëzve të rinj që kurrë s’kishin përfituar nga LSI dhe janë në ballë të betejës tonë për Fitore dhe Liri!

Fushata ime ecën shumë mirë. Çdo ditë dërgoj 50 – 100 letra për shokë te miqtë kudo e marr plot të tilla.5 – E theksoj, tani deputetët e sigurt dhe gjithë kandidatët në listat e hapura të PL, duhet të jenë pa ndërprerje në terren kudo.

Beteja e vërtetë çdo minutë në terren do na çojë të pjesëmarrja e lartë , të cilës i trembet me të drejtë Edi Rama.
90% e televizorëve që kontrollohen nga Edi Rama, synojnë çoroditjen e qytetarëve dhe fikjen e shpresës për Ndryshim.
Ndaj vetëm dalja në terren e sqarimi konkret i programit na çon në mënyrë të sigurt te Fitorja.

6. Pyetje: A ekziston rreziku i ndarjes së votave nga opozita, sepse tani jeni disa subjekte të reja?

Përgjigje: Ky rrezik ekziston nëse opozita nuk lëshohet gjithë kohës në terren. Askush nuk ka program më të mirë për familjet shqiptare dhe mbështetjen e prodhimit vendas se sa opozita e bashkuar. Edi Rama çdo palë zgjedhje, financon e stimulon G.99 për të bërë opozitën e opozitës. Asnjë votë s’duhet të shkojë dëm dhe indirekt në interesin e Edi Ramës. Çuarja e programit te njerëzit do garantojë Ndryshimin dhe rrisë pjesëmarrjen e tyre në këtë moment ekzistencial jo për demokracinë, por për kombin tonë.

7. Pyetje: Po për strategun LaCivita c’do të thonit?

Përgjigje: Besoj se fjalimet e tij kanë qenë më të qartat dhe koncizet. 12 vjet krim, drogë dhe shpopullimjanë tepër për të vazhduar kështu. Po kështu, se programi i Opozitës është zgjidhja e problemeve të çdo familje shqiptare. Njëkohësisht se ky program është si ai i Regamit e Trampit që unë do e interpretoja: Me pak qeveri (administratë), me shumë liri (popull). Me Edi Ramën kemi shumë qeveri ( administratë e cila është dyfishuar), shumë më pak liri ( popull). Sa më thjeshtë të shpjegojmë këtë program, e sidomos uljen drastike të taksave e bashkë me të ulje drastike të kostove të jetesës për familjet shqiptare, aq më e lartë pjesëmarrja në zgjedhje dhe aq më e sigurt fitorja e saj!

The post “Dehja nga verërat e shtrenjta do t’i kalojë”, Meta ironizon Ramën për rënien e mbështetjes: Ka kapur shtetin, po… appeared first on Sot News | Lajme.

Monika Kryemadhi, edhe pse vetë nuk kandidon për deputete dhe ka mbetur jashtë strukturave të PL-së, deklaron se vazhdon të bëjë fushatë për të siguruar vota për babain e fëmijëve të saj, Ilir Meta, me të cilin u divorcua pak ditë më parë.

Kryemadhi, e pyetur se pse nuk ishte e pranishme në seancën e divorcit, u shpreh se “kush ka iniciuar le ta komandojë”, referuar ish bashkëshortit të saj, i cili ndodhet në qeli prej 21 tetorit 2024. Ajo theksoi se nuk ka arsye pse t’i lutet apo të presë të pajtohet nga dikush që do të ndërpresë marrëdhënien me të.

Kryemadhi deklaroi se politika ishte thjesht një justifikim nga Ilir Meta për t’i dhënë fund martesës së tyre. Ndërsa ka hedhur akuza ndaj zyrtarëve të PL-së, pasi sipas saj, kanë thënë që “mos dëgjoni Monikën se po kërkon votë për PS”, por shtoi se në çdo takim merr me vete fëmijët e saj, që sipas Kryemadhit, janë dëshmitarë të fushatës që ajo po bën për Metën.

Pjesë nga deklarata për gazetarët:

Monika Kryemadhi: Jam përfshirë në fushatë për babain e fëmijëve të mi.

Pse nuk shkuat në seancë

Monika Kryemadhi: Kush ka iniciuar divorcin le ta komandojë. Nuk ka pse të kem seancë pajtimi për një gjë që dikush do të ndërpresë marrëdhënien me mua, nuk kam pse të lutem dhe të pres të pajtohem.

Nuk është shkaktare politika?

Monika Kryemadhi: Mendoj se ishte justifikim, për mua s’ka gjë dmth. Për shkak të politikës nuk shkatërrohet familja.

Do të keni të njëjtin intensitet në angazhimin tuaj elektoral?

Monika Kryemadhi: Patjetër ndoshta pak më shumë për hir të fëmijëve, se janë fëmijët ata që janë më mua në çdo hap në çdo takim, i kam marrë si dëshmitar duke qenë se stafi i ngushtë i Metës me turpësinë më të madhe thonë “mos dëgjoni Monikën se po kërkon votë për PS|” kur në të vërtetë paaftësia e tyre për të shkuar derë më derë tek njerëzit është në një justifikim të tillë.

The post “S’kam pse t’i lutem”/ Kryemadhi tregon pse s’mori pjesën në seancën e divorcit, sulmon zyrtarët e PL: Stafi i Metës… appeared first on Sot News | Lajme.

Monika Kryemadhi, e ftuar në një emision televiziv kërkoi votën për Ilir Metën i cili vijon të jetë i burgosur. Kryemadhi u pyet se përse po e mbështet Metën në fushatë, ndërkohë që sapo kanë finalizuar divorcin. Ajo tha se mbështet fëmijët e saj dhe do që babai i tyre të jetë mirë, ndërkohë pati kritika për drejtimin e Partisë së Lirisë, veçanërisht ndaj Tedi Blushit.

Pjesë nga biseda:

Ylli Rakipi: Monika Kryemadhi sapo ka bërë divorcin me Metën, por kërkon me insistim të madh dhe punë të palodhur votat për Metën. Një pjesë thonë mos bëjnë vetë dhe nuk janë ndarë vërtëtë…?

Monika Kryemadhi: Divorci me Metën, është gjë personale, marrëdhënie që merr fund dhe ikën mbaron. Vota ime do ti shkojë Metës. Po të mos ishte në listë të hapur, do të votoja vetëm koalicionin e opozitës dhe asnjë nga kandidatët e listës.

Enton Abilekaj: Zoti Meta e di që ju po bëni fushatë për Metën?

Monika Kryemadhi: Ka 45 mijë gra të ndara…

Ylli Rakipi: Edhe vazhdojnë votojnë për burrin?

Monika Kryemadhi: Them mos ta bastardojmë këtë histori. Ju e dini shumë mirë të gjithë historikun që ka ndodhur që në Konventën Kombëtare. Pavarësisht marrëdhënies time nuk kam ndërmend ta komentoj. Ne ligjërisht jemi të divorcuar, nuk kam marrë pjesë në asnjë nga seancat. Nuk kam pse flas në fushatë elektorale për këtë.

Enton Abilekaj: Edhe ju të mos e bënit në përiudhë fushate divorcin.

Monika Kryemadhi: Kjo ka axhendat e veta, edhe ndikime të ndryshme, njerëzit ecin para. Si deputete dhe si babai i fëmijëve të mij, unë e kërkoj votën për Ilir Metën.

Andi Tela: Pra ju bëni status në facebook dhe thoni votoni Metën apo bëni fushatë?

Monika Kryemadhi: Patjetër që bëj fushatë. Dal me njerëzit e mi dhe ata që më bashkohen mua. Nuk janë strukturat e PL. Të LSI, të larguar dhe përjashtuar nga mënyra të ndryshme. Edhe vetë drejtuesit e PL sot, njerëzit më të pavotuar, një nga detyrat kryesore që kanë, të kontaktojnë çdo ish anëtar të LSI dhe ata tani, për të çuar votën në kutitë e votimit. Edhe mungesa e eksperiencës së hartimit të fushatave, lë për të dëshiruar. Pavarësisht mënyrës si përjashtuan Monika Kryemadhin, por ne qejfmbeturit, duhet të kthehemi në mekanizëm për të strukturuar votën. Ti kur dëgjove atë karafilin (Bashën), duhet të më dëgjosh edhe mua…

Ylli Rakipi: Tani mos e fyej kot se ke punuar me të.

Monika Kryemadhi: Karafil, lule është. Sot është i rëndësishëm unifikimi i votës.

The post “Sapo u divorcove me Metën, tani pse kërkon vota për të?”/ Ja si përgjigjet Kryemadhi appeared first on Sot News | Lajme.

Teksa pritet të nisë nga çasti në çast hapja e fushatës së PD, në sheshin “Skënderbej” mes pjesëmarrësve janë dhe 3 fëmijët e ish-presidentit të Republikës Ilir Meta i cili ndodhet në burg. Meta dhe Kryemadhi janë martuar në tetor të 1998 dhe nga martesa kanë tre fëmijë, Bora, Besar dhe Era Metaj.

Kujtojmë se sot, është zyrtarizuar dhe divorci i çiftit Meta-Kryemadhi.

The post Fushata e PD-së starton në “Skënderbej”, tre fëmijët e Metës në skenë appeared first on Sot News | Lajme.

Ilir Meta:

Asnjë izolim fizik sado ekstrem nga Narkoregjimi, nuk më ndal dhe nuk do të më ndalë në përballjen time për të mbrojtur liritë dhe të drejtat e shqiptarëve nga dhuna e Narkoqeverisë, që ka zaptuar dhe plaçkit vendin. Sonte vetëm fizikisht nuk do të jem në shesh, por me të gjithë fuqinë e kauzës, do të jem krah jush në Sheshin “Nënë Tereza”, në ora 19:00.

Sonte është fillimi i betejes finale për çlirimin e çdo shqiptari, sonte starton fushata fitimtare që do të kurorëzohet më 11 Maj me Fitoren Madhështore të Lirisë kundër Narkoregjimit të dorëzuar në duart e krimit dhe korrupsionit! Sot të gjithë në shesh ku do gjëmojë zëri i qytetarëve për Shqipërinë Madhështore që meritojnë shqiptarët e ndershëm, punëtorë dhe patriotë.

VOTO NR.1 Koalicionin “PD-Aleanca për Shqipërinë Madhështore”

VOTO ILIR METAJ, Qarku Tiranë.

The post Zgjedhjet e 11 majit/”Sonte është fillimi i betejës me fitoren madhështore të lirisë, asnjë izolim smë ndal”, reagon… appeared first on Sot News | Lajme.

Ilir Meta dhe Monika Kryemadhi konsiderohen tashmë zyrtarisht të divorcuar. Që prej orës 10:30 është duke u zhvilluar në Gjykatën Civile gjyqi për zgjidhjen martesore mes Monika Kryemadhit dhe Ilir Metës.

Në këtë seancë paraprake ku është parashikuar pajtimi mes palëve mësohet se i pranishëm ishte edhe vetë Kreu i Partisë së Lirisë Ilir Meta, i cili prej tetorit 2024 mbahet në burg për llogari të hetimeve te SPAK. Meta është shoqëruar nga qelia e 313 me forcat e policisë së Burgjeve drejt gjykatës civile te Tiranës. Ndërkohë vetë Kryemadhi nuk u paraqit në Seancë por përfaqësohet nga avokati i saj mbrojtës Redi Llanaj.

Njoftimi i Gjykatës:

Sot në datën 11.04.2025, ora 10:30, pranë Gjykatës së Shkallës së Parë të Juridiksionit të Përgjithshëm Tiranë, Dhoma Civile, u zhvillua seanca e pajtimit si dhe seanca gjyqësore me objekt zgjidhje martese me paditës I.M dhe të paditur M.K, ku të pranishëm ishin paditësi dhe avokati i tij.

Pala e paditur, e njoftuar nga gjykata me fletëthirje, nuk u paraqit në seancë, pa asnjë shkak ligjor, duke e lënë gjykimin në mungesë. Në përfundim të seancës, gjykata vendosi :

Zgjidhjen e marteses midis paditesit I.M dhe te paditures M.K.

The post Nuk ka pajtim/ Pas 26-vitesh martesë, divorcohen zyrtarisht Ilir Meta dhe Monika Kryemadhi appeared first on Sot News | Lajme.

Seanca gjyqësore për zgjidhjen e martesës së Monika Kryemadhit dhe Ilir Metës zhillohet ditën e sotme Seanca ishte planifikuar për në datën (21 Shkurt) në orën 10:30 në Gjykatën Civile, por u shty për sot (11 Prill). Raportohet se në seancë nuk janë paraqitur as Ilir Meta dhe as Monika Kryemadhi, të cilët përfaqësohen nga avokatët.

Padia për divorc është ngritur nga presidenti i PL-së, Ilir Meta, i cili ndodhet në qeli prej muajit tetor 2024.

“Lidhur me çështjen me paditës I.M dhe të paditur M.K. Me objekt “zgjidhje martese” është caktuar seanca gjyqësore 21.02.2025, ora 10:30”, informon gjykata më 23 Janar.

Në qershor 2024 dokumenti i kërkesë padisë së Ilir Metës drejtuar Gjykatës së Shkallës së Parë të Juridiksionit të Përgjithshëm, ku kërkon zgjidhjen e martesës me Kryemadhin. Meta dhe Kryemadhi janë martuar në tetor të 1998 dhe nga martesa kanë tre fëmijë, Bora, Besar dhe Era Metaj.

KERKESE PADI

PADITES: Ilir Metaj, I biri I Rexhep dhe I Fiqirete, I datelindjes 24.03.1969, lindur ne Skrapar dhe banues ne Tirane, I martuar me 3 femije, me shtetesi dhe kombesi shqiptare, adresa: Partia e Lirise, rruga “Sami Frasheri”, godina 20/10, Tirane.

E PADITUR: Monika Kryemadhi, e bija e Ramazan dhe e Fatime, e datelindjes 09.04.1974, lindur dhe banuese ne Tirane, e martuar me 3 femije, me shtetesi dhe kombesi shqiptare, adresa: Rezidenca „Kodra e Diellit”, vila nr. 50, Tirane

OBJEKTI I PADISE: Zgjidhja e marteses me te padituren

BAZA LIGJORE: Neni 132 e vijues te Kodit te Familjes

DREJTUAR: GJYKATES SE SHKALLES SE PARE TE JURIDIKSIONIT TE PERGJITHSHEM

(SEKSIONI FAMILJAR)

E nderuar Gjykate!

TIRANE

Me te padituren sipas edhe certifikates se marteses bashkelidhur kesaj kerkese padie kemi lidhur martese ligjore ne Bashkine Tirane me Aktin nr 1982, date 29.10.1998.

Nga kjo martese kane lindur 3 femije:

Bora Metaj

Besar Metaj

Era Metaj

VENDIMI

Presidenti i Partisë së Lirisë, Ilir Meta, zbuloi në një intervistë se ishte ndarë zyrtarisht me Monika Kryemadhin, teksa u shpreh se nuk ishte më gruaja e tij, por ish-bashkëshortja. Ai u shpreh se idenë për ndarje ia kishte dhënë edhe i biri, që sipas Metës, ishte shprehur se, “meqë keni kaq shumë tensione dhe probleme, mund të gjeni edhe ndonjë zgjidhje më të qetë’.

“Znj.Monika Kryemadhi është ish-bashkëshortja ime dhe sot kam ndjekur edhe rrugën juridike për këtë çështje dhe kam njoftuar edhe djalin tim, Besar Ilir Meta, i cili e ka pasur si ide të tillë edhe më parë dhe më ka thënë që ‘meqë keni kaq shumë tensione dhe probleme, mund të gjeni edhe ndonjë zgjidhje më të qetë’ dhe unë besoj se kam gjetur një zgjidhje”, u shpreh presidenti i PL në qeshor 2024.

Zonja Kryemadhi në atë kohë tha për “Zërin e Amerikës” se nuk preferonte të komentonte vendimin e bashkëshortit të saj dhe se më parë donte të mësonte arsyet që e kishin çuar zotin Meta në kërkesën për divorc, të depozituar të enjten në Gjykatën e Tiranës.

Meta nuk jetonte në shtëpinë e familjes prej disa muajsh para kërkesës për divorc. Edhe në padinë për zgjidhjen e martesës, ai ka paraqitur si adresë personale atë të Partisë së Lirisë. Tronditja e marrëdhënieve mes tyre u shpërfaq dhe publikisht, kur riformatimi i strukturave drejtuese të Partisë së Lirisë la jashtë tyre zonjën Kryemadhi.

Të dy shkëmbyen dhe polemika gjatë mbledhjeve të forumeve drejtuese të Partisë. Meta ka theksuar se krisja me Kryemadhin filloi që me çështjen e mandatave, të cilin ai e quajti një krim për popullin shqiptar. Ai theksoi se tani marrëdhënia me Kryemadhin është bërë e pamundur.

“E para, unë e mendoj se është e pafajshme. E dyta, Batoni më ka thënë në një darkë tek ‘Kodra e Diellit’, se kam menduar se do ta ndaje që kur u lanë mandatet. E përmenda çështjen e mandateve se ajo ka qenë një krisje shumë e madhe mes nesh. Nuk ka qenë lojë dhe nuk është lojë. Çështja e mandateve është një krim për popullin shqiptar. Unë kam pritur nga ajo një reflektim. Nga ajo dhe e deputetëve dhe askush nuk mori në telefon për të pyetur se, nëse ti ke dalë kundër, çfarë mendon”.

The post Meta kërkoi divorcin nga Monika Kryemadhi, zhvillohet sot seanca për zgjidhjen e martesës së çiftit appeared first on Sot News | Lajme.

Gazetari Arian Sulo ishte këtë të hënë i ftuar në një emision televiziv ku ka komentuar zhvillimet e fundit politike. Ndër të tjerat ai ka komentuar edhe angazhimin e djalit të Ilir Metës, Besar Metaj në fushatë.

Ai tha se futja e tij në fushatë është një rast specifik për të dhënë më shumë siguri te votuesit, pasi sipas gazetarit një gjë e tillë nuk do kishte ndodhur nëse vetë Iliri do të ishte pjesë e fushatës dhe as nëse Monika Kryemadhi do të merrte pjesë në fushatë.

“Ka një specifik dalja e djalit të ilir Metës, Ai nuk o dilte nëse Ilir Meta do ishte i lirë dhe në fushatë. Gjithashtu në rast se do ishte Monika Kryemadhi ai nuk do dilte. Këto dy specifika e kanë bërë të nevojshme një mesazh për anëtarësim për militantët në këtë fushatë atipike dhe aty duhet çdo energji, çdo votë, aq më shumë një përfaqësues i familjes që i çon një mesazh elektoratit të PL-së se drejtimi i fushatës nga Tedi Blushi dhe djali i Ilir Metës ky është një mesazh sigurie. Por këtu kemi disa pikëpyetje, se mbetet trashëgimi familjare. Për mua ky është një problem në partitë e mëdha, jo më në parti më të vogla se e Ilir Metës është forcë e tretë”,-tha Sulo.

The post Pse Besar Meta doli në fushatë? Gazetari tregon arsyet: Kjo është një lëvizje që ka për qëllim sigurinë e votuesve appeared first on Sot News | Lajme.

Teksa ka reduktuar ndjeshëm daljet publike, deputetja e Partisë së Lirisë Monika Kryemadhi bën fushatë në rrjete sociale. Në një postim në Facebook, Kryemadhi shfaqet duke hapur një derë, teksa shprehet se do të trokasë derë më derë, për të marrë votat që sipas saj do të sjellin ndryshimin.

Megjithëse janë në proces divorci, Kryemadhi bën thirrje për të votuar ish bashkëshortin Ilir Meta, i cili gjithashtu është i angazhuar në fushatë nga qelia ku ndodhet prej muajit tetor të vitit të kaluar.

“Ju uroj një të dielë të mbarë.

Do trokas në çdo derë, do ta hap me zemër dhe do të kërkoj votën për ndryshimin që duan shqiptarët.

Voto Nr 1

Voto Ilir Metaj”, shkruan Kryemadhi.

Kujtojmë që të shtunën, Kryemadhi postoi edhe një foto në mbështetje të djalit të saj, Besarit, i cili mori pjesë në prezantimin e kandidatëve për deputetë të Partisë së Lirisë për zgjedhjet e 11 Majit.

The post ‘Divorci nuk e pengon’/ Kryemadhi fushatë për Metën: Do të trokas ‘derë më derë’ për votën që do të sjellë ndryshimin appeared first on Sot News | Lajme.

Presidenti i Partisë së Lirisë Ilir Meta, edhe pse në burg po kandidon në listat e hapura në qarkun e Tiranës.

Monika Kryemadhi ka ndarë në rrjetet sociale një foto të të birit, Besar Metaj dhe bën thirrje që të votohet Ilir Meta.

“Marrja e përgjegjësive është jo vetëm virtyt ,por edhe burrëri. Sot ti ke treguar edhe një herë që je rritur. Bravo Besar Metaj jam krenare për ty. Voto Ilir Metaj!”,shkruan Kryemadhi.

The post Djali i Ilir Metës bën fushatë për të atin, Monika Kryemadhi: Ti po tregon burrëri appeared first on Sot News | Lajme.

Partia e Lirisë ka nisur përgatitjet e saj për fushatën e zgjedhjeve parlamentare të 11 majit, duke intensifikuar punën dhe organizimin brenda strukturave të partisë. Edmond Haxhinasto, kryetar i komitetit drejtues kombëtar të PL-së, shprehu synimin e partisë për të arritur maksimumin e mundshëm në aleancën me Partinë Demokratike dhe 25 parti të tjera, në kuadër të koalicionit Aleanca për Shqipërinë Madhështore.

Në një intervistë televizive, Haxhinasto theksoi se mungesa e kryetarit të partisë, Ilir Meta, i arrestuar dhe paraburgosur prej 21 tetorit 2024, e cila ndihet, nuk do të dëmtojë fushatën e Partisë së Lirisë. Ai siguroi se puna e partisë vazhdon pa ndërprerje dhe se Meta do të marrë më shumë vota se të gjithë të tjerët në listën e hapur.

Haxhinasto njoftoi gjithashtu objektivin e PL-së për të siguruar 7 mandate në qarkun e Elbasanit, ku ai vetë është pjesë e listës për zgjedhjet e 11 majit. Ai tha se qëllimi është të përmirësohet rezultati i zgjedhjeve të vitit 2021 dhe të arrihen më shumë fitore nëpërmjet një programi të fuqishëm dhe konkret. Haxhinasto përmendi disa nga masat që partia propozon, si taksa e sheshtë 10%, lehtësira fiskale për fermerët dhe bujqësinë, rritja e pensioneve dhe pagave, si dhe ndihmat ekonomike për qytetarët. Ai theksoi gjithashtu se paga minimale do të jetë 500 euro dhe paga mesatare 1200 euro.

Në lidhje me fushatën dhe paraburgimin e Ilir Metës, Haxhinasto e quajti këtë një situatë të pashembullt, por që nuk do të ndalojë angazhimin e partisë. Ai tha se, përkundër vështirësive, Meta do të jetë më i votuari në listën e hapur dhe ka mbështetje të fortë nga strukturat e partisë dhe qytetarët.

“Synojmë 7 mandate në Elbasan. Objektiv është marrja e një rezultati më të mirë nga viti 2021, por edhe fushata nëpërmjet programit. Ka varfërim masiv të qytetarëve të vendit, Elbasani më i prekuri, kjo ka detyruar 1 milion të largohen nga vendi. Kemi propozuar taksën e sheshtë 10%, lehtësira fiskale, fermerët, bujqësinë, pensionet, rrogat dhe ndihmat ekonomike, sikurse paga minimale 500 euro e mesatare 1200 euro.

Komunikojmë me letra, por me disa telefonata, puna vijon e pandërprerë me strukturat dhe komunikimet me të. Ilir Meta do marrë më shumë vota. Nuk ndikon në fushatën e PL. Do jetë më i votuari në listën e hapur. Vizioni, përzgjedhja që ka bërë, ndjehen te strukturat e partisë dhe qytetarët. Pavarësisht situatës juridike, prezenca e tij në fushatën elektorale të 11 majit është e fuqishme”, tha Haxhinasto.

The post ‘Meta në burg nuk e pengon fushatën tonë’, Haxhinasto: Do të jetë më i votuari, komunikojmë me letra appeared first on Sot News | Lajme.

Avokati Idajet Beqiri denoncoi në studio televizive një tjetër çështje që lidhet me pasuritë e ish-presidentit të arrestuar që prej 21 tetorit 2024, Ilir Meta, njëkohësisht kreu i Partisë së Lirisë. E jo vetëm, por edhe me disa pasuri në vila e shtëpi të kreut të PD-së, Sali Berisha, për të cilat tha se i ka kallëzuar në SPAK, ua ka bërë gati të kopsitura dhe madje me lokacione, por “ata flenë mbi dosjet e tyre”.

Beqiri denoncoi edhe me fotografi rastin që ka të bëjë me një lagje luksi me 12 kulla të ndërtuara në Rumani, një kompleks gjigant i quajtur “Dielli”, 12 km larg Bukureshtit dhe shumë të tjera në proces, që e cilësoi si të ngjashme me modelin “Komuna e Parisit” në Tiranë.

“Janë 210 mln euro të pastruara në Rumani. Po bëhet si Parisi i Vogël. Kompleksi ‘Dimri’ e ka. 12 km larg Bukureshtit. Janë miliona euro këto në fotografi. Firma prestigjoze, pishina, rezidenca, dyqane me qira. Këto janë të ish-presidentit Ilir Meta.

SPAK le të vejë te vajza e tezes së Ilir Metës dhe burri i saj, të verifikojë, SPAK i jap provat me hetimin e parë që kam bërë vetë. Le të shkojë dhe ta verifikojë, ta gjejë, por besoj se do veprojë njëlloj si me të tjerat. Janë 12 kulla të ngjashme, si me Komunën e Parisit në Tiranë, një pjesë kanë mbaruar”, tha avokati. Më tej ai theksoi se prokurorët flenë mbi dosje, madje edhe për rastin e pasurive të Berishës, ku shtoi se ia ka gjetur pasuritë gjithandej nëpër Europë dhe denoncuar deri edhe me zona se ku ndodhen.

“Ata i kanë dosjet gati, ata flenë në to, zënë pluhur dosjet, le të rrinë atje, një ditë do shkundet ky pluhur, por atëherë do jetë e rëndë. I kemi thënë SPAK ndiq paranë, të shikojë vilat e Berishës në Greqi, Belgjikë, Itali, Angli etj., ia kemi dhënë me zona konkrete, edhe për Metën, pse nuk veprojnë. U gjetën vilat e Berishës jashtë vendit dhe u denoncuan”, shprehet avokati

Ai mori për referencë rast të ngjashëm ku prokurorët i anashkalojnë qëllimisht hetimet për dosjet e denoncuara, duke e krahasuar me çështjen “Haklaj”.

“Edhe dosjen e Haklajve prokuroria e mbylli, e harroi njëlloj si të tjerat. Dhe prokurori ishte Besim Hajdarmataj, ish-prokurori i Krimeve të Rënda, emri i tij ishte atje. Ia çuam edhe me emrin e autorit, Lumneshit, ia kemi dhënë. Ai vetëm kaq duhet të verifikonte, por nuk e ka bërë. Bënte udhëtime me avion dhe flinte në hotel me 5 yje. Tani është i kallëzuar për organizatë kriminale, e kjo nuk është mirë”, kujton avokati rastin në fjalë.

The post “Ka përdorur vajzën e tezes”/ Denoncimi i avokatit Beqiri: Ilir Meta po pastron 210 mln euro me 12 kulla në Rumani appeared first on Sot News | Lajme.

Kreu i Partisë së Lirisë, Ilir Meta, ka uruar besimtarët myslimanë me rastin e Fitër Bajramit, i cili shënon mbylljen e agjërimit gjatë muajit të shenjtë të Ramazanit.

Me përfundimin e Muajit të Shenjtë të Ramazanit, Meta foton besimtarët të bashkohen në lutje që agjërimi, devotshmëria ndaj Zotit dhe veprat e mira të shpërblehen me paqe, shëndet, begati dhe mirësi për çdo familje shqiptare, veçanërisht për fëmijët, të cilët janë shpresa dhe e ardhmja jonë!

“Le të ecim përpara me vendosmëri, me dashuri për njëri-tjetrin dhe me përkushtim për të ndërtuar një të ardhme më të drejtë dhe më të ndritur!”, ka përfunduar ai.

Urimi i Ilir Metës

Gëzuar dhe me fat Bajramin e Madh!

Me përfundimin e Muajit të Shenjtë të Ramazanit, le të bashkohemi në lutje që agjërimi, devotshmëria ndaj Zotit dhe veprat e mira të shpërblehen me paqe, shëndet, begati dhe mirësi për çdo familje shqiptare, veçanërisht për fëmijët, të cilët janë shpresa dhe e ardhmja jonë!

Të forcojmë besimin, të mbajmë ndezur dritën e shpresës dhe të qëndrojmë të palëkundur përballë çdo sfide! Kurani na mëson: “Qëndro i vendosur kundër padrejtësive, edhe nëse kjo gjë rezulton kundër teje.”

Me zemrën plot besim, të punojmë së bashku për një Shqipëri ku dielli ndriçon për të gjithë! Profeti Muhamed (Paqja dhe Mëshira e Zotit qoftë mbi Të) na mëson: “Nuk ka begati pa sakrifica!”

Le të ecim përpara me vendosmëri, me dashuri për njëri-tjetrin dhe me përkushtim për të ndërtuar një të ardhme më të drejtë dhe më të ndritur!

The post Meta urim besimtarëve myslimanë për Fitër Bajramin: Të forcojmë besimin dhe të qëndrojmë të palëkundur përballë çdo.. appeared first on Sot News | Lajme.

Monika Kryemadhi prej disa kohësh është distancuar nga politika aktive, edhe pse është deputete e Partisë së Lirisë. Konflikti politik me Ilir Metën brenda partisë dhe divorci bashkëshortor me të, duket se ka bërë Kryemadhin të gjejë pasione të tjera në jetë.

E ftuar në një emision televiziv, Kryemadhi deklaroi se aktualisht është e përfshirë në disa projekte. Kryemadhi bëri të ditur se një ndër to është edhe kinematografia. Ajo theksoi se aktualisht po merr pjesë në xhirimet e një filmi që pritet ta ketë premierën gjatë muajve të Verës.

“Unë kam disa projekte në dorë duke bërë. Jam në realizimin e një filmi artistik, me një grup të rinjsh, kam një rol të rëndësishëm, i cili quhet “Me Fat”. Është një film shumë interesant që ka në thelb familjen, ëndrrat e të rinjve për t’i realizuar dhe se si sfidat me të cilat ata përballen dhe përplasen, shoqëria në të cilën ne jetojmë e cila vjen në mënyrë nga më të ndryshmet. Shpresojmë që ta nxjerrim në Verë shumë shpejt, jemi duke xhiruar, janë xhiruar një pjesë e skenave dhe jemi duke xhiruar. Jam e bindur që do t’ju pëlqejë sepse është shumë interesante. Mendoj që do të jetë diçka ndryshe që ka një lloj ndikimi sadopak edhe në jetën time politike dhe aktive,” tha Kryemadhi.

The post “Jam duke realizuar një film artistik”, Kryemadhi: Kam disa projekte në dorë, me një grup të rinjsh… appeared first on Sot News | Lajme.