Ish presidenti Ilir Meta njofton se është dënuar sërish nga Komisioni Displinor i burgut të Durrësit me një ndalesë 14-ditore nga ushtrimet fizike të përbashkëta.

Përmes rrjeteve sociale, kreu i Partisë së Lirisë thotë se argumenti i penalizimit është se ka shkelur një pikë të rregullores që thekson se nuk lejohet “komunikimi me mediat pa leje të posaçme nga Drejtori i Përgjithshëm i Burgjeve”.

Deklarata e plotë e Ilir Metës:

Sot u njoftova për një dënim të ri i bazuar mesa duket në një Rregullore të “re”.

Juristi i IEPV “Jordan Misja” më solli për t’u njohur me dënimin e ri, normalisht siç shkruhej atje të marrë “njëzëri” nga Komisioni Disiplinor, që të ndalohesha edhe 14 ditë nga ushtrimet fizike të përbashkëta.

Argumenti ishte se kisha shkelur në mos gaboj pikën c të pikes ç të Rregullores ku nuk lejohej komunikimi me mediat pa leje të posaçme nga Drejtori i Përgjithshëm i Burgjeve.

Për këtë i referoheshin një komunikimi përmes telefonit të avokatit tim Kujtim Cakrani me gazetaren Znj. Aida Toncica në MCN TV, në 2 korrik 2025.

Kur më dënuan herën e parë u thashë se ju nuk po më dënoni pse kam folur pas orës 20:00, por për faktin pse iu përgjigja gazetares Znj. Beti Njuma.

Jo, më thanë, nuk ka lidhje me këtë por me shkeljen e rëndë të orarit me 20 minuta.

Kur fola live në ora 12:00 të drekës (brenda orarit) shpikën Rregulloren e “re” se nuk mund të flitet me mediat pa leje të posaçme nga Drejtori i Përgjithshëm i Burgjeve.

Tani kemi jo vetëm Prokurori të Posaçme, jo vetëm Gjykata të Posaçme, por edhe “leje të posaçme” për të folur.

Këta që nuk pyetën as për lejet e posaçme që Prokuroria e Posaçme u dha zyrtarisht deputetëve të Partisë së Lirisë për të më takuar do më japin mua leje të posaçme për të folur kundër “Ramaduros”.

Këta që nuk kanë lejuar asnjë gazetar vendas dhe të huaj që të më takojë do më japin leje të posaçme mua.

Këta që vetë më kërkuar që më 11 Maj të votoja në ora 10:00 se donin mediat të më filmonin dhe që “çuditërisht” ua bënë të pamundur kameramanëve dhe gazetarëve duke i vonua për “arsye të kontrollit të sigurisë” që të më filmonin.

Këta që dy javë më lanë motrën dhe tre fëmijët te dera e burgut pa më takuar dhe që herën e tretë kur erdhën të katërt u shpikën rregulloren se njëri duhej të rrinte jashtë se nuk lejoheshin katër siç ndodhte gjithmonë, tani do më japin “leje të posaçme” që të çmontoj të gjithë këtë proces monstruoz criminal të fabrikuar me shpifje dhe kallzime të rreme prej shumë vitesh.

Të dëshpëruar se gjatë 9-muajve në paraburgim nuk arritën të më krijojë asnjë provë të re këtu pavarësisht nga provokacionet e panumërta, kujtojnë se do më nervozojnë me çmendurira të tilla, pjellë e një koke të çmendur e të droguar nga pushteti i vjedhur që nuk mbulohet dot me operacionin “tokë e xanun” e as duke blerë e korruptuar ndërkombëtarët me çanta me dollar si McGonigalin e plot të tjerë.

As ndalimi i komunikimit tim telefonik me Sekretarin e Përgjithshëm të Partisë së Lirisë, Tedi Blushin, nuk do i qetësojë dot makthet e “Ramaduros”,

Fytyrën e vërtetë kriminale të “Ramaduros” e tregojnë sjelljet kriminale ndaj komunitetit të mrekullueshëm të Thethit.

“Toka e xanun” nuk e mbulon dot “pushtetin e xanun” me burgosje opozitarësh dhe ndihmën e karteleve të drogës.

Ata njerëz të mrekullueshëm janë në tokat e tyre brez pas brezi dhe nuk e meritonin këtë pabesi dhe poshtërsi se me sakrificat dhe mikpritjen e tyre i dhanë emër Shqipërisë në botë.

Ndërsa i pabesi e di se në mandatin e katërt karrigia e tij nuk ka më katër këmbë nga pasha e rënduar e vjedhjeve, korrupsionit dhe krimeve.

The post ‘Ramaduro në panik’, Meta: Më ndaluan 14 ditë palestrën se fola me një gazetare, kërkojnë ‘leje të posaçme’ appeared first on Sot News | Lajme.

Ilir Meta ka bërë rekurs në Gjykatën Kushtetuese vendimin e Gjykatës së Lartë që e la në burg.

Kreu i PL-së përmes avokatit Kujtim Cakrani, kërkon në Kushtetuese lirimin nga qelia.

Meta kërkon shfuqizimin e vendimit të Gjykatës së Lartë që e la në burg më 27 shkurt. Gjithashtu, ish-presidenti i Republikës kërkon edhe shfuqimin e vendimit të mëparshëm, atij të 19 nëntorit 2024, kur Apeli në GJKKO e la në burg.

Meta mbahet i izoluar në burgun 313 në Tiranë, prej 21 nëntorit 2024. Kreu i PL-së po hetohet për aferën CEZ/DIA, gjatë kohës kur bashkëqeveriste forca e tij LSI me Partinë Demokratike, si dhe për lobingjet në Uashington.

The post Meta kërkon lirinë, rekurs në Kushtetuese pas vendimit të Gjykatës së Lartë appeared first on Sot News | Lajme.

Presidenti i Partisë së Lirisë, Ilir Meta, ka apeluar vendimin e GJKKO-së e cila rrëzoi kërkesën e tij për zëvendësimin e masës së sigurisë.

Burime bëjnë me dije se apelimi ndaj vendimit të GJKKO-së u dorëzua sot nga avokatët e presidentit të PL-së.

Kujtojmë se Presidenti i PL-se kërkoi ndryshimin e masës së sigurisë nga “arrest në burg” në një masë më të butë, por GJKKO  la në fuqi vendimin dhe Meta do të vijojë të jetë në qeli.Ilir Meta ndodhet në paraburgim që prej datës 21 tetor 2024, ndërsa mbrojtja e tij argumenton se janë shkelur afatet procedurale.

Sipas tyre, SPAK nuk ka paraqitur njoftimet periodike dy mujore, të parashikuara nga ligji për vazhdimin e masës së sigurisë.

Avokatët kërkojnë që kjo situatë të konsiderohet si shkak për zëvendësimin e masës me një formë më të lehtë sigurimi, siç mund të jetë “arresti shtëpiak” apo “detyrimi për paraqitje”.

The post GJKKO “mbyll derën” për Metën, Presidenti i PL-së apelon vendimin appeared first on Sot News | Lajme.

Në deklaratën e sotme publike, sekretari i PL-së Tedi Blushi tha se arrestimi i Metës më 21 tetor 2024 është i pakrahasueshëm “edhe me arrestimin e Aleksei Navalnyt në Rusi”, duke e cilësuar këtë si “një skenar autokratik për të eliminuar kundërshtarët politikë”.

Sipas Blushit, Meta u rrëmbye në mes të ditës nga forca të armatosura e të maskuara, pa urdhër arresti, pa u lejuar të kontaktonte me avokatët apo të komunikonte me publikun. Ai tha se arrestimi u krye në mënyrë brutale, pa asnjë procedurë ligjore dhe se Meta është mbajtur në kushte degraduese, duke u trajtuar si armik politik, jo si qytetar nën hetim.

Blushi theksoi se as regjimi i Putinit nuk ka vepruar kaq brutalisht ndaj opozitarëve, ndërsa akuzoi drejtësinë shqiptare për heshtje dhe SPAK-un për bashkëpunim me qeverinë. “Ky nuk ishte arrestim – ishte rrëmbim politik,” tha ai.

Blushi kërkon për arrestimin e Metës, nisjen e një hetimi ndërkombëtar të pavarur, si dhe reagimin e BE-së dhe Këshillit të Evropës.

Deklarata e Sekretarit të Partisë së Lirisë, Tedi Blushi:

Partia e Lirisë dënon me vendosmërinë më të madhe aktin terrorist shtetëror politik të Narkoqeverisë, që keqpërdor institucionet e drejtësisë si armë kundër kundërshtarëve të saj politike, duke vijuar të mbajë në izolim ekstrem, pa fakte dhe pa prova penale, me masa represive që shtohen çdo ditë, liderin e saj, Presidentin Ilir Meta.
Sot, në Shqipëri, vend kandidat për anëtarësim në familjen europiane, nën sytë e BE-së dhe me heshtjen e turpshme të një pjese të drejtësisë, po përsëritet një skenar i egër kundër opozitës, që synon të instalojë një autokraci funksionale.
Procesi kriminal fund e krye farsë ndaj Presidentit të Partisë së Lirisë u vulosën që me rrëmbimin e tij kriminal, më 21 tetor 2024, në mes të ditës, nga forca paramilitare të maskuara dhe të armatosura rëndë, pa asnjë identifikim ligjor apo vendim gjykate, që nuk treguan asnjë urdhër-arresti.
Ky nuk ishte një arrestim – ky ishte një rrëmbim i pastër politik dhe i paprecedent në një vend që pretendon të jetë demokraci dhe kandidat për t’u anëtarësuar në Bashkimin Europian.
Trajtimi i ish-Presidentit të Republikës, i tërhequr zvarrë, i dhunuar përpara publikut dhe i mbajtur në kushte degraduese, përfaqëson një nga shkeljet më flagrante të dinjitetit njerëzor dhe të parimeve themelore të shtetit të së drejtës në Shqipëri.

Nuk ekziston më asnjë dyshim: rrëmbimi kriminal i Ilir Metës është i motivuar politikisht, i orkestruar në mënyrë kriminale nga një regjim që po përpiqet të eliminojë opozitën dhe t’i mbyllë gojën çdo zëri kritik përpara zgjedhjeve parlamentare të 11 majit 2025 dhe pas tyre.

Për fat të keq, mënyra se si u ekzekutua ky operacion ka kaluar çdo kufi të imagjinueshëm.
As regjimet autoritare nuk i kanë lejuar vetes akte të tilla. As regjimi i Vladimir Putinit nuk e ka arrestuar Aleksei Navalnyn në këtë mënyrë, në mënyrë kaq brutale, barbare dhe të poshtër.
Përkundrazi, siç mund ta konstatoni lehtësisht regjimi autoritar i Putinit u kujdes në dukje të arrestonte Navalnyn me forca të rregullta policie, të identifikuara, që i paraqitën atij një urdhër-ndalimi, i lejuan të drejtën të prononcohej edhe për mediat e të takonte bashkëshorten e tij, u shoqërua pa dhunë, pa u tërhequr zvarrë, pra formalisht me procedura të rregullta.

Ndryshe nga rasti Navalny, autoritetet shqiptare nuk kanë bërë asnjë përpjekje formale për të justifikuar masat ekstreme të përdorura, nuk kanë vërtetuar asnjë rrezik të pretenduar nga z. Meta, nuk kanë respektuar as të drejtat procedurale minimale, nuk kanë komunikuar vendim gjykate, nuk kanë dhënë asnjë sqarim ligjor, nuk i kanë dhënë të drejtën të kontaktojë avokatin.
Çdo element i këtij “operacioni” është shkelje e hapur e nenit 25 të Kushtetutës dhe nenit 3 dhe 5 të Konventës Evropiane për të Drejtat e Njeriut.
Ndërkohë për çështjen Navalnyy etj. kundër Rusisë, GJEDNJ u shpreh: “…se Gjykatat vendase nuk kishin bërë asnjë përpjekje, për të verifikuar masën e rrezikut, që përbënin aplikuesit, nëse ishte e nevojshme, për t’i ndaluar ata; Edhe nëse prezumohet, që aplikuesit nuk i ishin bindur urdhrit për ndalim, nuk kishte arsye për t’i arrestuar ata. Masat shtrënguese të marra kishin një potencial serioz, për të penguar mbështetësit opozitarë, në marrjen pjesë, në përgjithësi, në debatin e hapur politik. Efekti pengues i këtyre sanksioneve ishte fuqizuar më tej, nga fakti që ato kishin, si objektiv figura të njohura publike, heqja e lirisë së të cilëve, kishte tërhequr vëmendje të gjerë të mediave. Kështu, ndërhyrja nuk ishte e nevojshme, në një shoqëri demokratike. Ka shkelje të nenit 5 të KEDNJ, edhe në lidhje me shoqërimin e panevojshëm, në rajonin e policisë dhe mungesën e shkaqeve, për ndalimin e tyre”.
Imagjinoni se çfarë damke të zezë do t’i vendosë Shqipërisë, Gjykata e Strasburgut lidhur me rrëmbimin terrorist dhe trajtimin çnjerëzor që Narkopolicia e Edi Ramës i bëri Presidentit të Partisë së Lirisë.
Skandaloz dhe kriminal është gjithashtu fakti se asnjë masë, qoftë edhe më miminale disiplinore nuk u ndërmorr ndaj kapuçonëve maskëzinj që rrëmbyen Presidentin e Partisë së Lirisë, të cilët përkundrazi u graduan siç ishte rasti i Vilson Balës, që u “gradua” drejtor i Policisë së Durrësit.

Më kriminale është edhe fakti që drejtësia me regji nuk nisi asnjë hetim për rrëmbimin e Presidentit Meta edhe pse Narkodrejtori i Policisë së Shtetit, Ilir Proda ka mashtruar publikisht duke pretenduar se Presidentit të Partisë së Lirisë në momentin e ndalimit iu komunikua urdhër-arresti, ç’ka është fund e krye një mashtrim dhe falsifikim, sepse kjo ka ndodhur në ambientet e Drejtorisë së Tiranës disa orë pasi rrëmbimi i Z. Meta ishte bërë fakt.

SPAK dhe afërmendsh gjykatat e kapura dhe të vendosura nën shantazhin e përgjimeve nga Altin Dumani, mbyllën sytë dhe askush sot nuk mban përgjegjësi ligjore për këtë akt kaq të rëndë.

Pra rrëmbimi kriminal, hetimi kriminal dhe izolimi kriminal i Presidentit Meta nuk është asgjë tjetër veçse një akt terrori shtetëror politik i një qeverie të kapur, që përdor institucionet e drejtësisë si armë kundër kundërshtarëve të saj, si përpjekje për ta
Është një përpjekje e dëshpëruar për të imponuar heshtjen përmes frikës. Është një sinjal i qartë se pushteti në Shqipëri ka kaluar nga demokracia formale në autokraci funksionale.
Urdhri për arrestimin e Ilir Metës nuk ka

Partia e Lirisë kërkon me vendosmëri:

Ndërhyrje urgjente të Gjykatës Kushtetuese, për të konstatuar shkeljet flagrante të të drejtave themelore të qytetarit Ilir Meta dhe për të rikthyer ligjshmërinë në vend duke i dhënë fund masës absurde, kriminale dhe politike të arrestit me burg për Presidentin e Partisë së Lirisë;

Një hetim të pavarur ndërkombëtar mbi mënyrën kriminale të arrestimit dhe përgjegjësit e këtij rrëmbimi politik;

Reagim të menjëhershëm të institucioneve ndërkombëtare, veçanërisht të Këshillit të Europës dhe Bashkimit Evropian, për këtë precedent të rrezikshëm për demokracinë në Shqipëri.

Ne nuk do të heshtim. Ne nuk do të frikësohemi. Ne nuk do të ndalemi.
Kjo është një betejë për demokracinë, për dinjitetin njerëzor, për lirinë e të gjithë shqiptarëve dhe për të ardhmen evropiane të Shqipërisë dhe në emër të tyre ne do vijojmë të çmontojmë të gjitha akuzat politike të këtij procesi kriminal dhe politik, në Tiranë dhe në Strasburg.

The post “Rrëmbimi i Metës më kriminal se arrestimi i Navalnyt”/ Tedi Blushi: Kërkojmë hetim ndërkombëtar appeared first on Sot News | Lajme.

Kreu i Partisë së Lirisë, Ilir Meta i përgjigjet Monika Kryemadhit, e cila nga SPAK deklaroi se Meta flet me gjuhën e Dumanit.

Reagimi i plotë:

Një përgjigje për Zeqinenë e SPAK-ut

Në respekt dhe përkujdesje të tre fëmijëve të mi u kisha thënë pas zgjedhjeve, që nëna e tyre të mos e përmendte më emrin tim në publik se nuk doja të merresha më me të.

Por kur të komandon halli bëhesh “Zeqine” e SPAK-ut. Ilir Meta dhe Tedi Blushi, jo vetëm që nuk përsërisin akuzat e Altin Dumanit, por vetëm kanë çmontuar publikisht shpifjet kriminale të orkestruara nga Altin Dumani se gjoja ishin gjetur dy prova të reja, pra dy karta banakre të reja, që sipas tyre ishin të përdorur edhe nga Ilir Meta, apo edhe ai ishte në dijeni.

Ilir Meta dhe Tedi Blushi iu janë përgjigjur këtyre shpifjeve monstruese që filluan me rrëmbimin tim monstruoz, me hetimin monstruoz dhe me izolimin tejet monstruoz, që nuk ka lidhje me asnjë fakt dhe provë penale për Ilir Metën.

Përkundrazi. faktet dhe provat janë fshehur deri tani për të mbuluar personat që kanë shkelur ligjet apo që kanë patur dijeni për shkeljet e ligjeve apo që janë vërtetuar si dëshmitarë të rremë, që dihet publikisht që ishin në listat e kandidatëve për deputet të “Rilindjes” dhe kanë punuar për “Rilindjen” me material shtrëngues.

Sigurisht edhe unë nuk dua t’i besoj, që ato që ka shkruar Altin Dumani për kartat e saj bankare dhe të Adrian Shatkut janë të vërteta, por ata i shkruajnë për të justifikuar izolimin kriminal të Ilir Metës si lider i Partisë së Lirisë.

Se po të ishin të vërteta, sigurisht që SPAK nuk do i jepte leje “Zeqinesë” të shkonte të SHBA në janar të këtij viti, ku jeton Adrian Shatku dhe janë kompanitë e lobimit që ia ka sjellë në Shqipëri, të cilat po i heton SPAK prej 3 vitesh.

The post “Kur të komandon halli bëhesh ‘Zeqine’ e SPAK”/ Çifti i përçarë ‘dialog’ me kundërakuza: Flet me gjuhën e Dumanit appeared first on Sot News | Lajme.

Përmes një komunikimi nga qelia, Meta shprehet se miliona euro para të dhuruara për fermerët nga Bashkimi Europian, përfunduan në xhepat e “investitorëve strategjikë” për pishina vilash dhe resortesh.

Kreu i Partisë së Lirisë, Ilir Meta ka ndarë një reagim lidhur me sektorin bujqësor. Sipas Metës, programi i qeverisë për kreditim ndaj bujqësisë, është thjesht një mashtrim i ri.

Ilir Meta:

“Miliona euro para të dhuruara për fermerët tanë nga Bashkimi Europian, përfunduan në xhepat e “investitorëve strategjikë” për pishina vilash dhe resortesh.

Nuk u ndalën në babëzinë e tyre, aq sa edhe 310 mijë euro për Bujqësinë, u zhvatën nga një punonjës i inceneratorit inekzistent të Tiranës, të cilin e shndërruan në fermer për t’i kaluar paratë.

Ndërkohë zero fonde për blegtorinë, zero fonde për serat, frutikulturën dhe agro-përpunimin. Përballë këtij korrupsioni galopant, BE ndërpreu edhe për dy vitet e ardhshme grantet për Bujqësinë.

Plot 120 milionë euro para të dhuruara ju hoqën fermerëve tanë, sepse BE kërkon të kthehen pas paratë e korrupsionit.

Ndërkohë vazhdon tallja me fermerët, blegtorët dhe agro-përpunuesit, duke u premtuar kredi me fonde sovrane. Pra meqenëse paratë e falura nga BE për ju të dashur fermerë përfunduan në xhepat e korrupsionit, atëherë Kreu i Organizatës ju fton të aplikoni për kredi sovrane ashtu siç ju gënjeu edhe në vitin 2015, me të njëjtën mënyrë dhe me të njëjtin mashtrim banal.

Jemi i vetmi vend në Europë ku Bujqësia merr zero fonde europiane, ndërkohë që Serbia përfiton plot 280 milion euro. Jemi i vetmi vend në Europë që shtyp prodhimin vendas me tatim vlerë të shtuar 20 përqind.

Nuk ka Bujqësi në BE që financohet me kredi, por vetëm me para të drejtpërdrejta të dhuruara. Prandaj “Bujqësi me Kredi”, është thjesht një Mashtrim i Ri”.

The post “Nuk u ndalën në babëzinë e tyre”/ Reagon ashpër Meta: Paratë janë në xhepat e politikanëve appeared first on Sot News | Lajme.

Gjykata e Posaçme ka zbardhur arsyetimin e vendimit të 26 qershorit, që refuzoi kërkesën për lirim nga paraburgimi të ish-presidentit të Republikës, Ilir Meta.

Në vendimin e siguruar nga A2 CNN, gjykata nënvizon se kërkesa e ish-presidentit të marrë të pandehur për “korrupsion”, “pastrim të parave” dhe “fshehje të pasurisë”, për zëvendësim të masës së sigurisë “arrest në burg” në masë më të butë duhet të rrëzohet si e pabazuar në ligj dhe në prova. Për gjykatën, gjetjet e hetimeve të SPAK kanë forcuar dyshimin e arsyeshëm kundër Metës.

“edhe gjatë këtij gjykimi referuar akteve hetimore që i janë bashkalidhur informacionit me shkrim mbi gjendjen e procedimit përforcohet dyshimi i arsyeshëm i bazuar në prova mbi mundësinë e kryerjes nga i pandehuri të veprave penale për të cilën akuzohet. Gjatë gjykimit rezultoi e provuar sembi bazën e provave të reja që janë mbledhur nga organi i akuzës gjatë kësaj kohe ka ndryshuar edhe cilësia që ka pasur kërkuesi Ilir Metaj në kuadër të këtij procedimi penal nga ajo e personit nën hetim në të pandehur”.

Gjykata e Posaçme liston në vendim veprimet hetimore të SPAK, mes të cilëve pyetja e personave nën hetim, Ilir Meta, Monika Kryemadhi, Fatime Kryemadhi e Ema Çoku dhe e 13 personave të tjerë si persona në dijeni, përgjigje të një banke të nivelit të dytë mbi kartat e kreditit të përdorura nga Monika Kryemadhi dhe letërporosi të ardhura nga Shtetet e Bashkuara të Amerikës.

Në një nga këto të fundit pasqyrohet shpenzimet e kryera nga Monika Kryemadhi në vlerën e gati 235 mijë USD për blerje në dyqane në Londër, Vjenë, Las Vegas e Berverly Hills dhe hotele e bileta avioni për në Londër New York dhe Las Vegas në periudhën dhjetor 2014-nëntor 2017.

Sipas SPAK, të gjitha të paguara me një kartë krediti që i ishte dhënë nga biznesmeni Dritan Shatku. Sipas vendimit, SPAK ka administruar dokumentacion edhe nga Departamenti i Drejtësisë së SHBA, ndërsa në maj e qershor 2025 ka marrë përgjigje edhe nga Ministria e Jashtme dhe Kuvendi mbi vizitat e Metës i Kryetar Kuvendit në SHBA në periudhën 2016-2017.

Gjykata e Posaçme arsyeton në vendim se nevojat e sigurimit ndaj Metës nuk janë zbutur, ndërsa argumentet e dhëna nga vetë ish-presidenti në sallën e gjyqit nuk shqyrtohen në seancën për informacion 2-mujor.

“Në lidhje me pretendimet/shpjegimet e kërkuesit (të pandehurit) Ilir Metaj mbi rrethanat faktike, gjykata vlerëson se këto pretendime nuk mund të jenë objekt shqyrtimi i këtij gjykimi, por ato do të duhet të vlerësohen në unitet dhe një nga një nga ana e gjykatës në faza të mëpasshme të gjykimit mbi bazën e parimit të kontradiktoritetit”.

Sipas gjykatës, SPAK ka bërë me dije gjatë gjykimit se hetimi i Metës dhe të tjerëve paraqitet kompleks, por hetimi është drejt përfundimit. Në vendim gjykata vlerëson se prokuroria ka kryer një hetim aktiv, ka kryer një sërë veprimesh hetimore dhe grumbulluar prova të reja, duke treguar kështu, kujdesin e duhur në ushtrimin e ndjekjes penale.

The post Si u dëshmua fajësia e Ilir Metës? Zbardhet vendimi i Gjykatës appeared first on Sot News | Lajme.

Juristi Romeo Kara ka zbuluar për herë të parë arsyet se përse Genci Gjokutaj nuk është më avokati i Ilir Metës.

Pak javë më parë, në seancën për ish-presidentin u pa në sallë Kujtim Cakrani dhe jo Gjokutaj, i cili ka pasur miqësi të hershme me Metën. Askush nuk tregoi arsyet e vërteta të këtij ndryshimi, por Kara shprehet se ka pasur sherr të madh mes tyre. Në një intervistë ai ka rrëfyer se gjatë një takimi mes Metës dhe Gjokutjat në ambientet e burgut 313, ka pasur të bërtitura.

“Një nga ulërimat e Metës sepse ulërimat e tij dëgjoheshin edhe jashtë ka qenë: ‘Shkruaj çfarë të them unë, jo çfarë thua ti!’”, rrëfeu Kara për një emision televiziv.

Ai theksoi se Meta nuk e lë askënd të bëjë punën e vet, madje as avokatin që e ka për të shpëtuar nga burgu. Kara shtoi se Meta po trajton procesin gjyqësor si betejë politike dhe personale, jo si një përballje serioze me drejtësinë.

Sipas tij, largimi i Gjokutajt është vetëm një simptomë e mënyrës se si Meta e trajton të gjithë sistemin, si pronë private. Në vend të një mbrojtjeje ligjore të qetë dhe profesionale, Meta kërkon nënshtrim total.

The post “Shkruaj çfarë të them unë”, Kara tregon prapaskenat e sherrit Meta-Gjokutaj: Të bërtiturat dëgjoheshin deri jashtë appeared first on Sot News | Lajme.

Prokuroria e Posaçme ka zbuluar se ish-bashkëshortët Ilir Meta e Monika Kryemadhi kanë shpenzuar rreth 240 mijë dollarë nga karta e dytë bankare, e cila iu vu në dispozicion nga biznesmeni shqiptaro amerikan Adrian Shatku.

Avokati Edmond Petraj, i ftuar në një studio televizive tha se pjesa e përdorimit të kartës duhet parë me kujdes pasi në këtë proces mund të ketë autorizim nga personi, në këtë rast nga biznesmeni Shatku, për përdorimin e saj.

Ai theksoi se nëse kjo kartë është keqpërdorur, atëherë këtu kemi të bëjmë me një shkelje dhe një vepër penale, por kjo rrethanë duhet të sqarohet në mënyrë të plotë. Sipas avokatit, hetimi pasuror ndaj ish-çiftit Meta ka nisur prej kohësh dhe janë dërguar letërporosi në shumë shtete.

“Kjo është një marrëdhënie personale mes personit që ka kartën dhe subjektit që e ka përdorur. Nëse ky person ka përdorur kartën në mënyrë të paligjshme tregon se kemi vepër, por nëse kemi autorizim për përdorimin e saj, kjo duhet parë me kujdes. Kjo kartë është pjesë periferike e procesit, ndërsa letër-porositë që ka kërkuar në vendet të ndryshme nëse kanë pasuri çifti, janë në fazën e hetimit dhe mbetet për t’u parë”, tha Petraj.

Ai komentoi dhe procesin ndaj ish-kryeministrit Sali Berisha, i cili sipas tij, nëse arrihet të provohet fajësia në gjykatë, atëherë krydemokrati rrezikon të dënohet nga 8-10 vjet burg. Ai vlerësoi dhe kërkesën për dorëheqje nga procesi të gjyqtares Elsa Ulliri, e cila ka deklaruar se është kushërira e deputetes demokrate Andia Ullirin dhe marrëdhënia e tyre mund të cilësohet si konflikt interesi në dosjen “Partizani”.

“Gjyqtarja Elsa Ulliri ka dhënë dorëheqjen si detyrim moral, për të mos komplikuar procesin. Pritet vendimi i një gjyqtari tjetër, që të vendosë mbi situatën për të cilën do ta pranojë kërkesën për heqje dorë nga procesi. Mendoj se nëse do ta gjejë fajtor Berisha rrezikon 8-10 vjet burg”, tha ai.

Ai pohoi se edhe Meta pritet të kërkojë gjykim të zakonshëm. Sipas Petrajt, pas këtij hapi, nis përballja e vërtetë në gjykatë, pasi ish-kreu i shtetit do të përpiqet të hedhë poshtë provat që ka dorëzuar Prokuroria në Gjykatë.

“Edhe Meta do të hyjë më gjykim të zakonshëm dhe do kemi përballje për provat që ka mbledhur SPAK dhe do kemi mbrojtjen e Metës. Do kemi përballjen. Në të njëjtat pozita është dhe Meta, vetëm se ka dhe një akuzë shtesë, që është ajo e fshehjes së pasurisë. Gjithmonë nëse do t’i gjejë fajtorë”, tha ai.

The post “Rrezikon 8-10 vjet burg”, Petraj: Hetimi ndaj Metës dhe Berishës po merr hov, lufta në gjykatë sapo fillon appeared first on Sot News | Lajme.

Meta përmendi edhe proceset e tij gjyqësore dhe rikthimin në jetën publike. Kreu i Partisë së Lirisë, Ilir Meta, gjatë një bisede telefonike me avokatin e tij të ftuar në një emision, bëri disa deklarata lidhur me ish-bashkëshorten e tij, Monika Kryemadhi, për të cilën u shpreh se ka pasur shumë pasuri.

“Unë s’e di sa karta ka pasur znj.Kryemadhi. Ajo ka pasur shumë pasuri, edhe për shkak të një pallati me nënën e saj. Unë në jetën time kurrë s’kam pasur kartë. Kartat që pretendon SPAK-u s’kanë lidhje me z.Meta. Vende si Bevery Hills apo Las Vegas, as kam qenë, as kam ndërmend të shkoj. Më pëlqen Prevalla. Jam i lidhur me natyrën. Nëse janë të vërteta janë të papranueshme dhe të rënda për një politikane me përvojë, që ka qenë e këshilluar nga ana ime, që të jetë e kujdesshme me ligjin. S’kanë asnjë lidhje këto karta me mua, shpërndahen nga gazetaret e SPAK-ut. Unë s’jam në burg. Jam i lirë. Unë të arratisem nga këta legena? Po pse. Nuk arratiset njeriu pse mbron Shqipërinë, Kosovën, detin e Shqipërisë. Mua ma kanë hequr imunitetin që 22 vjeç dhe donin të më arrestonin. Si do arratisem unë nga vendi im?!”,-tha Meta.

I pyetur nëse do rikthehet në jetën publike, Meta u shpreh se po.

“Është e padiskutueshme. Është çështje durimi, është një betejë e fituar, ne kemi të vërtetën me vete. Ata kanë shumë mjete, paratë e inceneratorit shpërndahen edhe në media, paratë e PPP-ve.”,-tha Meta.

The post “Nuk arratisem nga burgu”/ Ilir Meta reagon i revoltuar nga qelia: Monika ka pasur shumë pasuri appeared first on Sot News | Lajme.

Konferenca për shtyp e kreut të Partisë së Lirisë, Ilir Meta nga qelia dështoi. Sekretari i Përgjithshëm i Partisë së Lirisë, Tedi Blushi, në një deklaratë për mediat hodhi akuza ndaj qeverisë dhe strukturave të sigurisë së burgjeve.

Blushi theksoi se Ilir Meta po mbahet në izolin të skajshëm në IEVP Jordan Misja, i privuar për të komunikuar me avokatin e tij dhe publikun.

“Meta nuk e realizoi konferencën me gazetarët në telefonin tim sepse në ‘Jordan Misja’ u aplikua një ‘blackout’ total për telefonatat”, deklaroi Blushi në një dalje për mediat.

Tedi Blushi thekson se ndalimi i kontakteve me avokatin Dylejman Karaj nga Studio Ligjore “Cakrani” është një tjetër shkelje e të drejtave të mbrojtjes dhe transparencës.

“Meta po mbahet në izolim ekstrem, pa asnjë fakt apo provë penale. Ndalohet të takojë jo vetëm avokatët, por edhe familjarët, deputetë, eurodeputetë dhe drejtues të Partisë së Lirisë”, theksoi Blushi.

Duke e quajtur situatën si një “farsë politike e shekullit”, ai publikoi një pjesë të relacionit të fundit të SPAK, për të cilin pretendon se nuk përmban asnjë provë konkrete ndaj Metës.

“Kjo farsë do të çmontohet në Tiranë dhe Strasburg”, u shpreh ai me tone të forta.

The post “U aplikua një ‘blackout’ total për telefonatat”, Tedi Blushi zbulon detajet: Ja pse nuk e mbajti konferencën Ilir Meta appeared first on Sot News | Lajme.

Sekretari i Përgjithshëm i Partisë së Lirisë, Tedi Blushi, ka reaguar ashpër ndaj trajtimit të ish-Presidentit Ilir Meta në Institutin e Ekzekutimit të Vendimeve Penale “Jordan Misja”, duke e cilësuar situatën si represion politik dhe shkelje të të drejtave themelore të të paraburgosurve.

Blushi denoncoi se Metës i është ndaluar e drejta për të komunikuar me avokatin Dylejman Karaj, pjesë e Studios Ligjore Cakrani, si dhe i është kufizuar kontakti me familjarët, deputetët dhe eurodeputetët. Ai shtoi se Meta nuk ka mundur të zhvillojë një konferencë telefonike me gazetarët për shkak të një “black out”-i të plotë të telefonatave në IEPV “Jordan Misja”, masë e cila sipas tij ka prekur edhe të paraburgosurit e tjerë.

Abdixhiku pas takimit me Kurtin: Qëndrimet e tij nuk kanë ndryshuar, Kosova vazhdon të mbetet në krizë
“U kërkojmë ndjesë familjeve të të paraburgosurve që nuk kanë komunikuar dot me të afërmit për shkak të këtij izolimi të padrejtë”, u shpreh Blushi, duke shtuar se këto masa tregojnë “tmerrin e regjimit të Ramaduros nga të vërtetat e Ilir Metës”.

Ai bëri gjithashtu publik një relacion të ri të SPAK, ku sipas tij, “nuk gjendet asnjë fakt apo akt penal ndaj Presidentit Meta”, duke e quajtur situatën si “farsën e shekullit” që do të çmontohet si në Tiranë, ashtu edhe në Strasburg.

Blushi akuzoi se z. Meta po mbahet në “izolim ekstrem pa fakte dhe prova penale”, ndërsa theksoi se represioni është përshkallëzuar veçanërisht pas bisedës telefonike që Meta zhvilloi me gazetaren Beti Njuma.

The post Çfarë po ndodh me Metën pas hekurave? Blushi: Masa represive, as avokati s’e takon dot appeared first on Sot News | Lajme.

Kreu i Partisë së Lirisë, Ilir Meta, mbeti në arrest me burg pas vendimit të marrë nga Gjykata e Posaçme më 26 qershor, pavarësisht kërkesës së tij për zbutje të masës së sigurisë. Seanca zgjati rreth 4 orë, me debate të forta mes Metës dhe prokurorit Sotri Kllapi, përfaqësues i SPAK.

Pas seancës, Meta njoftoi një intervistë “live” nga burgu, që do të transmetohej përmes telefonit të Tedi Blushit, duke ftuar gazetarët të dërgonin pyetjet për një “konferencë për mediat”.

“Nesër në ora 11:00 përmes telefonit të z. Blushi i ftoj të gjithë gazetarët të më adresojnë pyetjet e tyre për të zhvilluar së bashku një konferencë për mediat live. Nuk ka fuqi që i mbyt të vërtetat e Ilir Metës dhe kauzat e Partisë së Lirisë”, shkroi Meta.

Megjithatë, intervista nuk u zhvillua, për arsye që nuk janë bërë ende publike. Kujtojmë që Meta kishte denoncuar më parë se ishte dënuar me 10 ditë ndalim telefonate, pikërisht për një intervistë të dhënë më herët përmes telefonit të Tedi Blushit.

The post Njoftoi intervistë pas vendimit të GJKKO/ Pse Meta anuloi telefonatën me Tedi Blushin? appeared first on Sot News | Lajme.

Gazetarja Klodiana Lala u ‘përplas’ sot me Tedi Blushin, lidhur me zhvillimet e fundit sa i takon procesit gjyqësor ndaj kreut të Partisë së Lirisë, Ilir Meta.

Gjatë fjalës së tyre në një emision televiziv, gazetarja iu përgjigj deklaratave të Blushit lidhur me vërtetësinë e qëndrimeve të shprehura nga Meta përmes avokatit të tij Kujtim Cakrani.

“Të vërtetën mos e kërko te unë. E dëgjojmë atë që thotë Cakrani për hir të opinionit publik. I vetmi që po thotë të pavërteta jeni ju. Vazhdo bëj detyrën politike që ke marrë përsipër”,-tha Lala.

Lala: Tejkaloje këtë Blush. Na thuaj ndonjë gjë të hajrit. Lëri këto dënglat me mua. Vazhdo se të njoh herët. Lëri dënglat me mua se të njoh herët. Mbro Ilir Metën mos më bëj gjyq publik mua se më njeh shumë mirë profesionalizmin tim. Tejkaloje këtë Ted se nuk të falet.

Vazhdo planin çoja deri në fund shefit tënd.

The post “Lëri këto dënglat me mua,vazhdo se të njoh herët”, Lala bën për “ujë të ftohtë” Blushin: I vetmi që po thotë të… appeared first on Sot News | Lajme.

Gazetarja Klodiana Lala i është përveshur Blushit të Metës sa i përket asaj që ka ndodhur në seancës gjyqësore të Ilir Metës.

Blushi e ka akuzuar se gazetarja ka thënë të pavërteta në lidhje me atë që ka ndodhur në seancës.

Gazetarja nuk e ka kursyer dhe ka thënë që gjyqin publik nuk ia bën askush dhe nuk i tregon dot se si të bëjë gazetari.

“Vazhdo planin, çoja në fund planin shefit tënd politik. Gjykimin publik nuk ma tregon mua. Nuk më tregon dot mua se si të bëj gazetari të paktën ti jo.

Vazhdo te hapi i dytë. Çoja deri në fund këshillat politike të Ilir Metës. Gjyqin publik nuk ma bën dot mua.

E di shumë mirë ti. Thuaj çfarë të kanë dhënë urdhër të thuash të tjerat lëri se nuk të ecin me mua”, tha Lala.

The post “Nuk më tregon dot mua se si të bëj gazetari”,Lala ‘shuplakë’ zëdhënësit të Metës: Thuaj ç’të tha shefi,mos lexo letrat appeared first on Sot News | Lajme.

Gazetarja Klodiana Lala ka zbuluar detaje nga seanca gjyqësore për Ilir Metën.

Gazetarja e ftuar në një emision televiziv është shprehur se, në seancë ka patur debat dhe tension përreth 1 orë.

“Ka patur tension gjatë seancës mes prokurorit dhe Metës.

Prokurori ka pretenduar se një kartë krediti e Adrian Shatkut është përdorur edhe nga Meta dhe Kryemadhi.

Meta mohon ta ketë patur këtë kartë dhe thotë se nuk mban përgjegjësi për çfarë ka bërë bashkëshortja.

Meta pretendon se nuk ka patur firmë në kontratat e lobimit.

Në këtë aspekt ka patur një orë debat mes tyre në gjuhë juridike.

Pasi dëgjoi palët gjykata la në fuqi vendimin”,  tha gazetarja.

The post Pse u la Ilir Meta në burg? Klodiana Lala zbulon prapaskenat: Ja ç’ndodhi brenda seancës gjyqësore appeared first on Sot News | Lajme.

Ish-presidenti Ilir Meta ka reaguar ashpër përmes një postimi në Facebook, pas vendimit të Gjykatës së Posaçme që la në fuqi masën “arrest me burg” ndaj tij. Ai akuzon organet e drejtësisë për veprim të orkestruar politikisht dhe paralajmëron betejë në Gjykatën Europiane për të Drejtat e Njeriut dhe në opinionin publik.

“Askush të mos çuditet nga një drejtësi me regji, ku SPAK përgjon gjykatat dhe ku akuzat formulohen në tribunat e Rilindjes,” shkruan Meta.

Ai u bën thirrje qytetarëve dhe gazetarëve të ndjekin argumentet mbrojtëse të Partisë së Lirisë: Sot, në orën 17:30, përmes një deklarate të Sekretarit të Përgjithshëm, Tedi Blushi. Nesër, në orën 11:00, për një konferencë live për media ku Meta do të përgjigjet nëpërmjet telefonit ndaj pyetjeve të gazetarëve.

“Nuk ka fuqi që i mbyt të vërtetat e Ilir Metës dhe kauzat e Partisë së Lirisë”, përfundon ai mesazhin e tij.

The post GJKKO e la në qeli, reagon Meta: Nuk ka fuqi që mbyt të vërtetat e Ilirit, njofton konferencë për mediat nga burgu appeared first on Sot News | Lajme.

Kreu i Parisë së Lirisë ilir Meta ka mbërritur në Gjykatën e Posaçme ku po merr pjesë në seancë. Gazetarja Klodiana Lala raporton se Meta momentalisht po kundërshton me tone të ashpra të gjitha pretendimet e prokurorëve të posaçëm.

Sot po mbahet seanca për shqyrtimin e kërkesës së Ilir Metës për zëvendësimin e masës së sigurisë nga “arrest me burg” në një masë më të lehtë. Në seancën e mëparshme, prokuroria paraqiti një material prej 31 faqesh, duke argumentuar se disponon fakte dhe prova që mbështesin qëndrimin e saj për vijimin e masës “arrest me burg”.

Por kjo është kundërshtuar nga mbrojtja, e cila e konsideron këtë dokument të papërshtatshëm për të justifikuar qëndrimin e Metës në burg. Që nga tetori i vitit të kaluar, meta ndpodhet në qeli, ndërsa përballet me akuzat për pastrimit të parave dhe fshehjes së pasurisë.

The post Kërkon zëvendësim të masës/ Meta i pranishëm në GJKKO, Lala zbulon detaje: Kundërshtime me tone të ashpëra ndaj… appeared first on Sot News | Lajme.

Avokati Kujtim Cakrani deklaron se akuza për çështjen e lobimit tët Ilir Metës në SHBA, ka rënë. Cakrani në një emision tha se nuk ka asnjë provë që të vërtetojë se Ilir Meta ka firmosur lobimin. Sipas tij, Meta po qendron në burg për një kartë bankare që përdorej nga Monika Kryemadhi, për të cilën Meta s’kishte dijeni.

“Përveç lobimit të parë për të cilin ka qenë konform rregullave dhe ligjeve të SHBA dhe ato shqiptare, ku është bërë pagesë prej 100 mijë euro, për lobimin tjetër as ka firmosur dhe as ka qenë në dijeni, por janë persona të tjerë që kanë qenë në dijeni të plotë dhe me një kompani të huaj kanë bërë pagesa për llogari të tyre.

Ka ardhur prova nga Anglia, SHBA, Kanadaja dhe Qipro për pasuritë e luajtshme dhe të paluajtshme të zotit Meta, është zero. Pasuria e zotit Meta është zero. Problemi qëndron se ndaj zotit Meta është bërë hetim mbi gjithë karrierën e tij politike.

Nuk rezulton që të ketë urdhëruar një person të caktuar apo VKM për të bërë magazina peshku. Është vërtetuar që të vetmin pretendim që ka organi i akuzës, është një kartë bankare që zotëron ish-bashkëshortja e tij, zonja Kryemadhi. Është e një njeriu i afërt, për të cilin zoti Meta nuk ka patur dijeni dhe nuk kishte dijeni deri në momentin kur vendosi të zgjidhë martesën.

Karta ka ekzistuar si procedurë nga organi i akuzës, por nuk është verifikuar. Por përgjegjësia është individuale dhe jo kolektive. Zoti Meta është vërtetuar se nuk ka blerë asnjëherë as gruan e Bilalit dhe as dashnorin e McGonigal. Flas si avokat i tij me bindje dhe prova dhe nëse këto që them vërtetojnë të kundërtën, mbaj përgjegjësinë time morale që të mos dalë më në publik. Është çështja më e bukur dhe më e lehtë për tu mbrojtur. Se zoti Meta nuk rezulton të ketë firmosur për dike”, tha ai.

The post Avokati i Metës i lë ‘dopio gjashtë-n’ në dorë Kryemadhit: Po qëndron në burg për një kartë bankare që e përdorte ajo appeared first on Sot News | Lajme.

Gazment Bardhi, kreu i grupit parlamentar të PD-së, tha në  një studio televizive se Partia e Lirisë nuk i kishte më të njëjtat kuota si ato të katër viteve më parë në zgjedhjet e 2021, ku mori katër mandate.

Megjithatë, sipas Bardhit, Zoti Berisha iu ofroi të njëjta mandate që ata kishin marrë në 2021, pra katër të tilla, vetëm për të bërë gjithë faktorin opozitar bashkë.

Zoti Berisha iu ofroi të njëjta mandate që ata kishin marrë në 2021, pra katër të tilla. Po ta jap shembullin e Qarkut të Fierit, Partia e Lirisë kishte marrë 1 mandat dhe ne ofruam 1 mandat. Në 2021 kishin 13 mijë vota, ndërsa në zgjedhjet e fundit morën 1900 vota. Pra, po të ishte për numra, nuk e meritonin mandatin nga lista e PD-së, por për efekt bashkimi të çdo faktori opozitar, iu ofrua ajo që kishin pasur në 2021. Berisha ishte i gatshëm të jepte nga pushteti i tij vetëm që bëhej bashkë i gjithë faktori opozitar.”

The post “PL jashtë loje, por mori mandate si në 2021”, Bardhi reagon ashpër: Berisha i ofron edhe kur nuk i meritonin appeared first on Sot News | Lajme.