Read More...

Read More...

Ethet e Kampionatit Botëror zbresin sot në fushë me një përballje mjaft interesante të Grupit F, ku Holanda dhe Suedia do të masin forcat mes tyre. Kjo sfidë ka rrëmbyer vëmendjen e specialistëve të futbollit në vend, të cilët kanë analizuar formën e skuadrave dhe pritshmëritë për këtë turne.

Për specialistin e futbollit, Ermal Tahiri, Holanda po vjen në rritje dhe po dhuron spektakël, duke kaluar vështirësitë e ndeshjeve të para. Një ecuri pozitive të “tulipanëve” parashikon edhe futbollistja e kombëtares, Megi Doçi, e cila megjithëse veçon Francën si favoriten e saj kryesore, beson se Holanda ka cilësinë për të shkuar të paktën deri në gjysmëfinale, pasi skuadrat tashmë po studiojnë pikat e dobëta të njëra-tjetrës.

Nga ana tjetër, trajneri Gentian Mezani është i prerë në gjykimin e tij, duke deklaruar se Holanda mbetet një ekip i fortë dhe e meriton fitoren bazuar në lojën që prodhon. Ndërkohë, gazetari Bledar Kuka vë theksin te disiplina e jashtëzakonshme e publikut holandez dhe te filozofia e tyre e lojës:

“Kjo Holandë sot nuk ka emrat që ka pasur dikur, por nuk e ka ndryshuar kurrë traditën. Futbolli fitohet me ekip dhe sot shohim shumë pak gola individual”, u shpreh Kuka.

Ermal Tahiri: Holanda është ekip shumë i vështirë dhe po jep spektakël. Ndeshjet e para janë shumë të vështira, tani janë më mirë.

Megi Doçi: Çdo ekip ka pikat e dobëta të tij, skuadrat përpara se të përballen i shikojnë këto. Por Holanda gjithmonë ka dhënë ndeshje të mira. Gjermania, Spanja, Franca, e cila për mua prevalon. Unë them që Holanda do shkojë deri në gjysmë finale.

Bledar Kuka: Publiku holandez është një nga më të disiplinuarit. Kjo Holandë sot nuk ka pasur emrat që ka pasur dikur. Nuk e ka ndryshuar kurrë traditën e saj. Futbolli fitohet me ekip. Gola individual ti shikon shumë pak sot.

Gentian Mezani: Holanda është e fortë dhe e meriton fitoren dhe në bazë të lojës që bën.

Read More...

Gjenerali, Dedë Prenga në një intervistë në emisionin “War Report” foli për zhvillimet fundit në konfliktet në botë. Gjatë intervistës, gjenerali Prenga, u ndal te lufta mes Rusisë dhe Ukrainës, dhe kërkesave të Perëndimit lidhur me këtë situatë, drejtuar SHBA për t’i kushtuar më shumë vëmendje tashmë këtij konflikti.

Sipas tij, edhe diskutimet në samitin e G7 janë përqendruar në zhvillimet e fundit të luftës dhe në nevojën që Shtetet e Bashkuara të luajnë një rol më aktiv në procesin e zgjidhjes së konfliktit.

Ai vlerësoi se si presidenti rus ashtu edhe ai ukrainas ndodhen në pozita të vështira politike dhe ushtarake, gjë që e bën procesin e negociatave më kompleks.

Megjithatë, sipas gjeneralit, shtimi i përpjekjeve diplomatike dhe presioni ndërkombëtar mund të krijojnë kushtet për një dialog më të strukturuar mes palëve në muajt në vijim.

“Pas uljes së tensioneve në Lindjen e Mesme dhe ceremonisë që po vjen zyrtare në Gjenevë të Zvicrës, kjo tashmë dhe në takimin në ditën e dytë të G7, iu përkushtua tërësisht zhvillimeve në Ukrainë dhe mundësisë të kthimit të opinionit jo vetëm të europianëve por edhe të Shteteve të Bashkuara. A do të jetë e lehtë nënshkrimi i marrëveshjeje paqeje, kjo nuk është se duket, por liderët si ajo rus dhe ai Ukrainës janë në pozita të vështira. Intensifikimi i veprimeve ushtarake, dhe faktori ndërkombëtar që do përqendrohet totalisht te ky konflikt jam i bindur se do të cojë shumë shpejt në një tavolinë negociatash, pse jo edhe në arritjen e nënshkrimit të paqes. Por a do të jetë kjo e lehtë, unë them se jo”, tha ai.

/abcnews.al/

Read More...

Read More...

Kombëtarja e Katarit ka shkruar historinë duke marrë pikën e saj të parë në një Kampionat Botëror, pas një barazimi dramatik në minutat e fundit përballë Zvicrës së Granit Xhakës. Pavarësisht dominimit dhe sulmeve të shumta të helvetikëve, mungesa e përqendrimit dhe pamundësia për ta “vrarë” ndeshjen u ndëshkuan në minutën e 94-t.

Sipas specialistëve dhe gazetarëve sportivë, suksesi i Katarit erdhi falë durimit, luftës deri në fund dhe rritjes së cilësisë nga lojtarët që luajnë në Europë.

Nga ana tjetër, ky rezultat u cilësua si një mësim i mirë për Zvicrën, e cila pagoi shtrenjtë mendjemadhësinë dhe lëshimin e terrenit në sekondat e fundit.

Artur Çobani: Ishte një ndeshje, që sipas statistikave Zvicra nuk kishte bërë asnjëherë kaq shumë atakë, shënoi një gol. Katari, më pëlqeu durimi që patën në fushën e lojës. Skuadra e Katarit luftoi deri në fund, dhe shënoi në minutat e fundit. Për Katarin ka shërbyer shumë fakti që kanë shkuar shumë lojtarë nga Europa. Penalltia që pati polemika, pasi ishte krijuar edhe një problem në atë moment, por në momentin fillestar ajo ngeli penallti, vetëm në gjykimin e gjyqtarët.

Ermal Tahiri: Nuk diskutohet që të gjithë ekipet që marrin pjesë në kampionat, duan që të dominojnë. Zvicra nuk u tregua e përqendruar në 95 minutat e ndeshjes, mendjemadhësi shumë e madhe dhe ja ku e ndëshkoi.

Nertan Prifti: Nuk arriti që të mbyllë ndeshjen. Të gjitha skuadrat nuk janë kot të botëror, kanë elementet e tyre. Duhet të vrasin ndeshjen.

Fatmir Mneri: Është tepër e vështirë, që të ndeshesh me skuadra të tilla. Për fatin e Katarit shansi erdhi në minutën e ’94. Xhaka ka aftësi të jashtëzakonshme, por nuk është dalluar dhe nuk mund të presësh prej tij që të vertikalizojë.

Trazirat dhe polemikat jashtë fushe e kanë kthyer këtë kampionat Botëror në një nga turnetë më shpërthyes dhe më të diskutuar të viteve të fundit.

Në emisionin “Real Story” në ABC News, gazetari Nertan Prifti vuri në dukje trajtimet rrepta ndaj ekipeve kombëtare, duke sjellë si shembull penalizues mbajtjen e kapitenit të Irakut për shtatë orë në aeroport.

SHBA-ja kanë treguar një rreptësi të jashtëzakonshme, ndryshe nga qasja më liberale e Anglisë dhe Spanjës.

Ndërkohë, gazetari Maksi Teshin bëri një krahasim me Botërorin e Klubeve, ku ekstreme të tilla nuk janë parë asnjëherë. Në mbyllje të analizës, të dy gazetarët ranë dakord se ky turne po shënjon kulmin e karrierës, por njëkohësisht edhe fillimin e rënies së dy ikonave të futbollit botëror, Lionel Mesi dhe Kristiano Ronaldo.

Nertan Prifti: Këtë Botëror e bën shpërthyes edhe fakti i polemikave. Pamë pamje që s’ishin parë kurrë, këtë trajtim për ekipet kombëtare. Ishin disa detaje që bënë diferencën. SHBA e rreptë në trajtimin e ekipeve kombëtare. Anglia dhe Spanja kishte një trajtim tjetër. Kapiteni i Irakut u mbajt 7 orë në dhomën e aeroportit.

Maksi Teshin: Botërorin e klubeve nuk kishte këto lloj ekstreme. Kemi kulmin e Mesit dhe Ronaldos, por kulmin e rënies së njërit dhe tjetrit.

Shqipëria po përballet me një valë të re të luftës hibride dhe dezinformimit nga ana e Iranit, i cili po shfrytëzon protestat qytetare kundër projektit të resortit në Zvërnec për të nxitur frymë antisemite dhe për të dëmtuar imazhin ndërkombëtar të vendit.

I ftuar në emisionin “Real Story” në ABC News, eksperti i sigurisë, Ervin Karamuço, ka lëshuar alarmit se pas këtyre lëvizjeve fshihet një skenar i mirëfilltë hakmarrës i Teheranit zyrtar, i cili zë fill që nga koha kur Shqipëria bllokoi dhe kthye mbrapsht elemente të armatimeve të tyre.

Sipas Karamuços, megjithëse në protesta nuk ka fizikishit iranianë, ata po përdorin video të manipuluara, si ato që pretendojnë rrejshëm praninë e ushtarëve izraelitë në Sazan dhe sulme të koordinuara, përfshirë atë ndaj ambasadores izraelite, për të përçarë opinionin publik dhe për të futur shqiptarët në një “gardh të ri” përplasjesh.

“Na kanë synuar prej vitesh. Ata nuk na i kanë falur që atë kohë elementet të armëve që i kemi kthyer mbrapsht që në atë kohë. Të gjitha këto janë pjesë të një skenari kundër Shqipërisë. Këta ndikojnë ndërkombëtarisht. Synojnë që të nxisin një frymë antisemite.

Nxjerrin video të manipuluara, sikur në Sazan janë ushtarët izraelitë dhe shqiptarët kanë shkuar që t’i nxjerrin. Dje kanë sulmuar ambasadoren izraelite.

Ka diçka që nuk shkon. Nuk ka iranianë në protestë, por iranianët po e shfrytëzojnë kundër Shqipërisë. Irani po shfrytëzon situatën për dezinformim. Kjo i fut shqiptarët në një gardh të ri brenda Zvërnecit, disa brenda dhe disa jashtë”, tha Karamuço.

Read More...

Eksperti i marrëdhënieve ndërkombëtare, Xhavit Shala, vlerëson se konflikti mes Izraelit dhe Iranit mbetet ende i kontrolluar, pavarësisht tensioneve të larta dhe interesave të kundërta të palëve.

I ftuar në emisionin “War Report” në ABC News, Shala theksoi se Izraeli nuk pranon kompromise kur bëhet fjalë për sigurinë e tij kombëtare, ndërsa Irani kërkon që çështjet rajonale, përfshirë atë të Hezbollahut, të trajtohen në kuadër të një marrëveshjeje më të gjerë.

Sipas tij, situata po ushtron presion të madh edhe mbi presidentin amerikan Donald Trump, i cili përballet me sfida të brendshme politike, ndërsa kryeministri izraelit Benjamin Netanyahu synon ta zgjasë konfliktin deri në periudhën zgjedhore.

“Izraeli në raport me interesat e tij të sigurisë kombëtare, nuk pranon asnjë lloj kompromisi. Ata po përpiqen që çështjen me Hezbollahun ta trajtojnë si çështje më vete, kurse Irani e kërkon që të jetë bashkë me marrëveshjen. Trump është në një trysni shumë të madhe, pasi është rritur shumë presioni brenda vendit.

Ai ndodhet në një situatë të vështirë. Ndërkohë që muajt po ikën, lufta nuk po mbaron dhe vijnë zgjedhjet në fund të mandatit. Nga ana tjetër Netanyahu kërkon që ta zgjasë luftën, derisa të hyjë në zgjedhje në gjendje lufte. Konflikti vazhdon që të jetë akoma i kontrolluar”, tha Shala.

Hetimet e SPAK për çështjet e pronësisë në zonën e Zvërnecit dhe ndikimi i tyre në projektet zhvillimore ishin në fokus të diskutimit në emisionin “Real Story” në ABC News.

I ftuar në studio, avokati Idajet Beqiri deklaroi se një pjesë e konsiderueshme e vendimeve gjyqësore për pronat janë dhënë mbi bazën e akteve të ekspertimit të përfituara në mënyrë korruptive, duke theksuar se SPAK ka mundësi të kërkojë rishikimin e tyre nëse konstatohen shkelje ligjore.

Nga ana tjetër, analisti Arben Meçe ngriti pikëpyetje mbi efektivitetin e procesit, duke argumentuar se rishikimi i dosjeve mund të zgjasë me vite për shkak të procedurave të gjata gjyqësore.

Idajet Beqiri: Shumica e vendimeve gjyqësore që janë dhënë në rrugë korruptive, janë bërë mbi bazën e akteve të ekspertimit, sepse një pjesë e ekspertëve në gjykatë të korruptuar. Nëse SPAK konstaton që pronarët në Zvërnec i kanë marrë në akte të papranuara, merret dosja nga gjykata e rrethit dhe merr ekspertë dhe kur shikon prova që janë në flagrantë me ligjin, atëherë kemi rishikimin e vendimeve.

Arben Meçe: SPAK do të nisë rishikimi, më pas do të kalojë në Shkallë të Parë, të Dytë dhe kështu me radhë… do të duhen 20 vjet. 20 vjet ne jemi futur në një protokoll pengues dhe unë këtu kam pikëpyetje të mëdha për këtë lloj aksione të SPAK.

Ish-prokurori Ervin Karanxha ka komentuar ecurinë e procesit gjyqësor për çështjen e kompleksit “Partizani”, duke theksuar se aktualisht procedurat janë të përqendruara te dëshmitarët dhe marrja në pyetje e tyre lidhur me procesin e privatizimit.

I ftuar në emisionin “Real Story” në ABC News, Karanxha u shpreh se në vijim pritet administrimi i provave shkencore, si dhe paraqitja e provave nga mbrojtja, e cila ka kërkuar edhe dëshminë e kryeministrit Edi Rama.

Sipas tij, në thelb të debatit qëndron interpretimi i një akti normativ që synonte t’u jepte vlerë letrave me vlerë të shpërndara më herët qytetarëve, por që u konsiderua nga disa palë si një favorizim për ish-pronarët në procesin e blerjes së pronave.

“Në këtë fazë të procesit gjyqësor, po veprohet me dëshmitarët. Në këtë fazë, mesa pashë nga pikëpamja proceduriale i bën disa pyetje lidhur me privatizimin. Mendoj që do të procedohet në prova të tjerë.

Do të jenë provat shkencore, më pas provat e mbrojtjes që është kërkuar edhe marrja në pyetje të Edi Ramës. Këtu kemi të bëjmë me një akt normaliv, qëllimi ishte që me letrat me vlerë, që u ishin dhënë shqiptarëve para disa viteve, të kishin një vlerë. Kjo u interpretua që ishte në favor të ish pronarëve, që ta blinin”, tha Karanxha.

Read More...

Në sondazhin e ABC News te “Zëri i Shqiptarëve”, qytetarët që mbështesin zhvillimin e projektit janë pyetur se kush besojnë se fshihet pas tubimeve që po zhvillohen në kryeqytet. Sipas shifrave të publikuara, pjesa më e madhe e tyre shohin ndikime të jashtme gjeopolitike, ku plot 42.5% e të anketuarve që janë pro investimit në Zvërnec besojnë se pas këtyre protestave qëndron Irani.

Ndërkohë, një tjetër grup i konsiderueshëm prej 31.2% e qytetarëve ia faturon organizimin e revoltave Greqisë fqinje.

Përtej faktorëve ndërkombëtarë, sondazhi nxjerr në dritë edhe perceptimet për ndikime të tjera, ku 15.5% e të pyeturve mendojnë se pas protestave është “Linja Soros”, ndërsa një pakicë prej 10.8% e tyre besojnë se bëhet fjalë për skenarë të nxitur nga segmente të caktuara brenda vetë Partisë Socialiste.

Ky sondazh u realizua me një kampion prej 1,475 banorësh të rritur në Shqipëri, ku linku i pyetësorit u shpërnda me SMS të rastësishme në mënyrë proporcionale në qytetet dhe fshatrat e vendit, duke u plotësuar në mënyrë elektronike dhe krejtësisht anonime.

Prej 9 ditësh, kryeqyteti është përfshirë nga protestat lidhur me investimin në Zvërnec. Anketa më e fundit e realizuar nga ‘Zëri i Shqiptarëve’ tregon se motivi kryesor i revoltës lidhet me një frustrim të thellë ndaj të gjithë spektrit politik në vend.

Konkretisht, 45.2% e qytetarëve kanë deklaruar se po protestojnë kundër të gjithë klasës politike, ndërsa 24.5% e tyre janë pozicionuar drejtpërdrejt kundër qeverisë.

Vetëm 15.7% e të anketuarve kanë si motiv parësor vetë investimin në Zvërnec dhe vetëm 14.6% e tyre janë deklaruar kundër familjes Trump.

Ky sondazh u realizua me një kampion prej 1,475 banorësh të rritur në Shqipëri, ku linku i pyetësorit u shpërnda me SMS të rastësishme në mënyrë proporcionale në qytetet dhe fshatrat e vendit, duke u plotësuar në mënyrë elektronike dhe krejtësisht anonime.

Ish-ambasadori Arben Çejku, i ftuar në emisionin “Real Story” në ABC News, ka lëshuar kritika të ashpra ndaj Presidentes së Kosovës, Vjosa Osmani, duke e cilësuar atë si një “shkaktare indirekte” të bllokimit të dialogut për shkak të ambicieve të saj për pushtet.

Sipas Çejkut, këmbëngulja e Osmanit për t’u bërë presidente dhe manovrat e saj kanë futur në qorrsokak proceset politike, duke i shkaktuar një dëm të madh Lidhjes Demokratike të Kosovës (LDK) së bashku me Lumir Abdixhikun.

Ai hodhi akuza të rënda mbi moralin e saj politik, ndërsa paralajmëroi se presioni i negociatave të ardhshme do të përqendrohet te LDK-ja, ku Albin Kurti do të synojë përçarjen dhe “ekzekutimin” politik të kësaj partie.

“Vjosa Osmani është shakatarja indirekte, është shkaktare, këmbënguljet dhe manovrat e saj me LDK-në për të qenë patjetër një kandidate për presidente, e futi në një qorrsokak edhe pjesën e dialogut. Kur e dëgjova jo se nuk e besova, por pata një hezitimi se deri ku mund të shkojë egoizmi i pushtetit.

 Ajo ka prezumuar poste, edhe kur ka qenë në LDK e ngau përgjysmë, edhe në përdorimin e presidencën. Dhanë goditje nën brezim. Një presidente që synon të kthehet në detyrë sërish, duke përdorur postin do të thotë se nuk ka mësuar asnjë gjë në detyrën e saj si Presidente. Ajo bashkë me Lumi Abdixhikut i kanë bërë dëmin më të madh Lidhjes Demokratike të Kosovës.

 Unë mendoj që i gjithë presioni i negociatave do të shkojë te LDK, ku Albin Kurti do kërkojë, ose provojë që të çajë LDK-në. Qëllimi i tij është që ta ekzekutojë. Për mua Vjosa Osmani është jo vetëm larg politike, por edhe larg moralit politik”, tha ish-ambasadori.

TIRANË– Shtrenjtimi i çmimeve ka vijuar edhe në maj, duke reflektuar ndikimin nga lufta në Iran. Kjo ka bërë që sipas Instat inflacioni të arrijë në 3%.

Kjo shënon normën më të lartë në dy vite e gjysmë si dhe përkon me objektivin e Bankës së Shqipërisë.

Ndikimin më të madh në rritjen e inflacionit e kanë dhënë transporti, shërbimet financiare, qiratë, argëtimi e shërbimet, të lidhura edhe me turizmin.

I ftuar në emisionin “Money Report”, eksperti i ekonomisë Artur Ribaj u shpreh se kjo ishte një tendencë e paralajmëruar, pasi treguesit ekonomikë kishin sinjalizuar prej kohësh afrimin e inflacionit drejt objektivit prej 3%.

Sipas tij, përshpejtimi i këtij procesi është ndikuar nga tensionet mes Iranit dhe Shteteve të Bashkuara, të cilat kanë sjellë efekte të menjëhershme në tregje.

Eksperti theksoi se, në kushtet aktuale, nuk e sheh të nevojshme që Banka e Shqipërisë të ndërhyjë me ndryshime në normën bazë të interesit.

“Kjo ishte një tendencë qe dukej, i kishte dhënë shenjat më herët, që të shkonte drejt objektivit prej 3%. Kjo u përshpejtua për shkak të luftës së Iranit dhe SHBA. Efekti psikologji dhe çmimi i shpërndarjes së produkteve te konsumatori ka qenë të menjëhershme, duke rritur barrën financiare.

Pra ndikim kryesor ka dhënë shtrenjtimi i karburanteve. Ka shtrenjtim të çmimeve dhe në sektorë që lidhen me turizmin. Nuk është momenti që Banka Qendrore të rishikojë normën bazë të interesit “, tha ai./abcnews.al

Në Kukës po eksperimentohet kultivimi I mjedrës, një nga frutat më të kërkuara të pyllit.

Lavdrim Shehu është një nga fermerët që ka zgjedhur “të provojë fatin”.

Është në parcelën e tij dhe merret me shërbimin ndaj kësaj bime.

Nuk është specialist I fushës, por ka marrë trajnimet e nevojshme dhe ka vizituar edhe ferma që merren me kultivimin e mjedrës brenda e jashtë vendit.

Kosot për të ngritur një parcel të tillë janë të konsiderueshme.

Sfidat për mbjelljen e kësaj kulture janë të shumta, veçanërisht kur bëhet fjalë për temperaturat e larta.

Është marrë gjithë jetën me tokën duke u kujdesur për të, por mjedra është kulturë e re që kërkon shërbime specifike.

Shembulli më i mirë sipas tij është Kosova, që ka nisur më herët kultivimin e të tilla frutave.

Angazhimi për parcelën është i përditshëm dhe nevojitet një teknologji e përshtatshme.

Lavdrimi prej dy dekadash ka drejtuar organizatat rinore e ndër projektet e zbatuara me të rinjitë ishin edhe ato për nxitjen e tyre për t’u marrë me punë e angazhime të tilla. Këtë herë ka vendosur vetë të merret me këtë process.

Duke qënë se katër fermerë që merren me këtë kulturë, Lavdrimi thotë se njëri prej tyre ka ngritur edhe pikën e grumbullimit duke garantuar tregun.

Nuk harron të rikujtojë faktin dhe amanetin e të parëve për të punuar dhe administruar çdo pëllëmbë tokë, duke e kthyer atë në prodhuese.

Mjedra është frut me vlera të larta ushqyese, por vetitë kurative e kanë bërë ndër më të kërkuarat në tregjet ndërkombëtare, veçanërisht për industrinë farmaceutike.