Shtetet e Bashkuara kanë “ndikim maksimal” mbi autoritetet e përkohshme të Venezuelës pas kapjes së Nicolas Maduros dhe do të diktojnë vendimet që ata marrin, tha Shtëpia e Bardhë të mërkurën.

Ndërkohë, presidenti Donald Trump do të takohet me drejtuesit e naftës amerikane të premten për të diskutuar planet për sektorin e naftës së Venezuelës, tha Sekretarja e Shtypit, Karoline Leavitt, disa ditë pas bastisjes që rrëzoi Maduron.

“Ne padyshim kemi ndikim maksimal mbi autoritetet e përkohshme në Venezuelë tani”, ka thënë Leavitt në një konferencë për shtyp, shkruajnë mediat e huaja.

“Ne po vazhdojmë të jemi në koordinim të ngushtë me autoritetet e përkohshme dhe vendimet e tyre do të vazhdojnë të diktohen nga Shtetet e Bashkuara të Amerikës”.

Trump ka thënë vazhdimisht se Shtetet e Bashkuara do të “drejtojnë” Venezuelën pas kapjes së Maduros, pavarësisht se nuk kanë forca në terren atje.

Në realitet, Uashingtoni duket se mbështetet në një bllokadë detare të eksporteve të naftës venezueliane dhe kërcënimin e forcës së mëtejshme të mundshme, për të siguruar bashkëpunimin e presidentes së përkohshme Delcy Rodriguez.

Plani i SHBA-së deri më tani përfshin atë që Trump tha të martën se ishte një marrëveshje e pa konfirmuar nga Karakasi, që Venezuela t’i dorëzojë Shteteve të Bashkuara midis 30 dhe 50 milionë fuçi naftë.

Ai ka thënë gjithashtu se kompanitë amerikane të naftës do të investojnë në objektet që po shkatërrohen në Venezuelë, megjithëse asnjë kompani nuk ka bërë ende premtime të tilla.

“Takimi është të premten dhe është vetëm një takim për të diskutuar, padyshim, mundësinë e madhe që është para këtyre kompanive të naftës tani”, u tha Leavitt gazetarëve.

E Sekretari i Energjisë i SHBA-së, Chris Wright, tha më parë se Uashingtoni do të kontrollojë shitjet e naftës venezueliane “për një kohë të pacaktuar”.

Shtetet e Bashkuara po zbatojnë atë që e quajnë bllokadë ndaj Venezuelës për të ndaluar çdo eksport të paautorizuar të naftës, duke sekuestruar një anije cisternë nafte në Atlantikun e Veriut të mërkurën pasi e ndoqën atë nga brigjet e Venezuelës. Leavitt këmbënguli që anija-cisternë, e cila kishte pretenduar se lundronte me flamur rus, ishte “konsideruar pa shtetësi pasi kishte ngritur një flamur të rremë”.

“Kjo ishte një anije e flotës në hije të Venezuelës që ka transportuar naftë të sanksionuar”, tha ajo, duke shtuar se ekuipazhi do të “i nënshtrohej ndjekjes penale”. 

Avokati Idajet Beqiri, i ftuar në “Ora e Fundit” në ABC News, ka komentuar zhvillimet e fundit politike dhe ligjore në vend, duke u ndalur te çështja e dëmshpërblimit të qytetarëve të prekur nga përmbytjet, si dhe te përgjegjësitë e ish-zyrtarëve të lartë për ngjarje të rënda në të kaluarën.

Beqiri theksoi se marrja përsipër e dëmshpërblimeve nga qeveria aktuale është një hap pozitiv, ndërsa akuzoi ish-kryeministrin Sali Berisha për mungesë përgjegjësie ndaj qytetarëve gjatë qeverisjes së tij.

Gjithashtu, ai bëri të ditur se ka marrë sinjale pozitive lidhur me letrën drejtuar Sekretarit amerikan të Shtetit, Marco Rubio, ku kërkon hetim për krime të pretenduara të Berishës, Ilir Metës dhe bashkëpunëtorëve të tyre, duke kërkuar një rol më aktiv të SPAK në zbardhjen e ngjarjeve si viti 1997 dhe “21 Janari”.

“Të dëmtuarit nga përmbytjet duhet që të dëmshpërblehen, fakti që qeveria merr përsipër dëmshpërblimet është diçka pozitive. Kurse, Sali Berisha që flet nuk ka dëmshpërblyer asnjë qytetar, ka akoma njerëz që kërkojnë dëmshpërblime nga përmbytjet në kohët që ishte Berisha. Sot kam marrë një lajm pozitiv për letrën që i dërgova sekretarit amerikan të shtetit, Rubio, për krimet që ka bërë Berisha, Meta dhe banda e tyre. SPAK duhet të merret me bëmat e Berishës dhe Metës.

Me krijimin kundër njerëzimit në vitin 1997 dhe me në krye krimin shtetëror të “21 Janar”. Presim zhvillime të reja në shumë apekte. Po bëjnë përpjekjet për ta varrosur, edhe në kohën e rikuperimit të serverëve të Kryeministrisë. Më “21 Janar” do të kemi mandatën e Berishës, është fundi i tij, nuk ka më kufij”, tha avokati.

Read More...

Shtetet e Bashkuara të Amerikës sekuestruan këtëtë të mërkurë dy cisterna nafte te lidhura me Rusine, njeren prej tyre ne Karaibe dhe tjetren në Atlantikun e Veriut , cisterne kjo mbante një flamur Rus. Mbretëria e Bashkuar konfirmoi se ishte përfshirë operacion ushtarak krah Washingtonit per sekuestrimin e Anijes Ruse.

Operacioni për sekuestrimin e anijes me Flamur Rus që ishte e lidhur me Venezuelën, kishte nisur që muajin e kaluar, pasi ajo u përpoq të shmangte një bllokadë amerikane rreth vendit të Amerikës së Jugut. E quajtur Marinaera , anija u sanksionua nga Uashingtoni në vitin 2024 për dyshimin e kontrabandës së ngarkesave për një kompani të lidhur me grupin militant libanez Hezbollah.

Në muajin dhjetor roja bregdetare amerikane u përpoq ta ndalonte anijen në Karaibe, teksa ajo shkonte drejt Venezuelës, por nuk ia doli dhe më pas ajo u drejtua për në Atlantik.

Cisterna u bë një pike e re konflikti mes Uashingtonit dhe Moskës, pasi Rusia kritikoi atë që e quajti vëmendje të tepruar ndaj anijes.  Moska akuzoi Shtetet e Bashkuara per shkelje te se Drejtes e Detit pas aneksimit te Kesaj Anije duke i kërkuar Shteteve te Bashkuara qe te kthejne sa me pare ne Moske qytetaret Ruse ne kete cisterne.

Mariniera  ishte një nga cisternat e sanksionuara, pjesë e flotës në hije, që vepronin pranë Venezuelës, por ne kohet e fundit kjo cisterne kishte ndryshuar flamurin e saj duke vene nje flamur rus dhe duke nderruar emrin e saj nga Bella 1 ne Marinera. Që prej 5 janarit,  kjo cisterne ishte ishte në brigjet perëndimore të Skocisë në Atlantikun e Veriut.

Por Marinera mund të mos jetë e vetmja cisternë që kërcënon të minojë bllokadën e Shteteve të Bashkuara. Të paktën tre cisterna të tjera të sanksionuara nafte që kanë vepruar pranë Venezuelës në javët e fundit kanë ndryshuar flamujt e tyre në rusë.  Shtetet e Bashkuara sekuestruan dy cisterna nafte në brigjet e Venezuelës muajin e kaluar, si pjesë e bllokadës së tyre ndaj dërgesave të sanksionuara të naftës për në dhe nga vendi./abcnews.al

Sekretari amerikan i Shtetit, Marco Rubio, ka thënë se planifikon të takohet me zyrtarë danezë javën e ardhshme për të diskutuar për Grenlandën, ndërsa një krizë po përshkallëzohet brenda NATO-s për shkak të kërcënimeve të presidentit Donald Trump për të marrë territorin e Arktikut.

Një takim urgjent ishte kërkuar nga ministrat e jashtëm të Grenlandës dhe Danimarkës, e cila ka thënë se çdo pushtim ose  marrje e territorit nga aleati i saj në NATO do të shënonte fundin e aleancës ushtarake perëndimore dhe “sigurisë pas Luftës së Dytë Botërore”.

Duke folur me gazetarët në Washington, Rubio nuk iu përgjigj drejtpërdrejt një pyetjeje nëse administrata Trump ishte e gatshme të rrezikonte aleancën duke ecur potencialisht përpara me një opsion ushtarak për të fituar kontrollin e Grenlandës.

“Nuk jam këtu për të folur për Danimarkën apo ndërhyrjen ushtarake, do të takohem me ta javën e ardhshme. Do t’i zhvillojmë ato biseda me ta atëherë, por nuk kam asgjë tjetër për të shtuar për këtë”, tha ai.

Franca ka thënë se po punon me aleatët se si t’i përgjigjen nëse SHBA-ja pushton Grenlandën.

“Duam të veprojmë, por duam ta bëjmë bashkë me aleatët evropianë”, ka theksuar ministri i Jashtëm, Jena Noel Barrot.

Shtëpia e Bardhë ka thënë se Trumpi preferon diplomacinë, por se nuk përjashton veprimin ushtarak.

“Kjo është diçka që po diskutohet në mënyrë aktive nga presidenti dhe ekipi i sigurisë kombëtare”, ka thënë zëdhënësja Karoline Leavitt.

Korridori VIII, ishte në qendër të emisionit ‘Të gjitha rrugët të cojnë në Romë”, të gazetarit Artur Nura në ABC News.

Në debatin shqiptar mbi integrimin në Bashkimin Europian, vëmendja shpesh mbetet e përqendruar te kapitujt e negociatave, reformat dhe raportet vjetore të Brukselit, shprehet Nura, por shton se Europa nuk ndërtohet vetëm me ligje dhe standarde; ajo ndërtohet edhe me rrugë, hekurudha dhe porte. Pikërisht këtu, thotë ai, hyn në lojë Korridori VIII, një projekt që për Shqipërinë është më shumë se infrastrukturë: është provë europianizimi.

Shqipëria prej vitesh flet për Europën si destinacion politik. Korridori VIII e zhvendos këtë diskurs nga retorika në funksion. Duke lidhur Adriatikun me Detin e Zi, ky korridor e fut Shqipërinë në zemër të rrjeteve trans-europiane të transportit, aty ku BE-ja e mat realisht përfshirjen e një vendi.

Integrimi nuk është vetëm çështje anëtarësimi formal; është çështje përdorimi dhe kontributi. Një vend që lidh tregje, stabilizon rajone dhe garanton rrjedhë ekonomike është më afër BE-së sesa një vend që vetëm kërkon anëtarësim.

Iniciativa e përbashkët e qeverive italiane dhe shqiptare për të mbledhur në Shqipëri të gjitha vendet e Korridorit VIII nuk është thjesht takim diplomatik. Është një sinjal politik për Brukselin: Ballkani Perëndimor mund të prodhojë projekte serioze, jo vetëm probleme.

Italia, si një nga shtetet themeluese të BE-së, vepron këtu si sponsor politik i Shqipërisë. Për Tiranën, kjo aleancë është kapital diplomatik: çdo kilometër i Korridorit VIII është edhe një argument më shumë në tryezat europiane.

BE-ja sot nuk pyet vetëm “a i keni miratuar ligjet?”, por “a i zbatoni?”. Korridori VIII është një test brutal i kësaj logjike. Ai kërkon: koordinim rajonal, kapacitet administrativ, transparencë financiare, qëndrueshmëri politike.

Nëse Shqipëria arrin ta menaxhojë këtë projekt, ajo tregon se është gati të jetë pjesë e mekanizmave të ndërlikuar europianë. Nëse dështon, konfirmon stereotipin e një vendi që di të premtojë, por jo të realizojë.

Një nga pengesat kryesore psikologjike në procesin e zgjerimit është perceptimi i vendeve kandidate si barrë. Korridori VIII e përmbys këtë logjikë. Ai e paraqet Shqipërinë si kontribuese në sigurinë, tregtinë dhe kohezionin europian.

Një Shqipëri që lidh Adriatikun me Ballkanin lindor nuk është më periferi; është nyje. Dhe në Europë, nyjet kanë peshë politike. Historia e Ballkanit është e mbushur me projekte të mëdha të lëna përgjysmë. Rreziku më i madh për Korridorin VIII nuk janë kundërshtarët gjeopolitikë, por neglizhenca e brendshme, politizimi dhe mungesa e vizionit afatgjatë.

Nëse Korridori VIII reduktohet në slogan, Shqipëria humbet jo vetëm një projekt, por një moment historik afrimi real me BE-në.

Në fund, integrimi europian nuk kalon vetëm nga sallat e negociatave, por edhe mbi asfalt, hekurudha dhe porte. Korridori VIII është forma më konkrete e pyetjes që BE-ja i bën Shqipërisë sot:  A jeni gati të jeni pjesë funksionale e Europës, apo vetëm aspiruese e saj?

Për gazetarin Nura, eksperti i ekonomisë dhe financave Fatos Çoçoli, e konsideroi nismën me shumë rëndësi.

“Gjykoj se është një nismë shumë e mirë e qeverisë italiane, nuk është hera e parë që ajo po përpiqet t’i japë interesin që meriton korridorit VIII. Gjykoj se do jetë një takim konkret ky i shkurtit të vitit 2026 ku do të hidhen bazat për një përpjekje të përbashkët. Shqipëria ka bërë sa ka mundur për të shtruar këtë korridor. Sfida e vërtetë tanimë është te segmentet hekurudhore, sepse ato kushtojnë edhe më shumë. Është mirë që gjithë BE, të angazhohet. Është një korridor që po merr rëndësinë e duhur edhe në nivel të investimeve strategjike të BE”, tha ai.

Për Mateo Spahon, ekspert i Ekonomisë dhe Financave, takimi i parashikuar në shkurt të këtij viti për korridorin VIII, është një gjë shumë pozitive për Shqipërinë.

“Është diçka shumë pozitive sa i përket sigurisë ekonomike dhe ushtarake të NATO-s dhe Ballkanit, me rëndësi është që edhe Itali po e mbështet këtë projekt. Ka rëndësi që Shqipëria po kryen investimet e duhura, ka mëse një vit që ka nisur ndërtimi, ka rëndësi që këto investime të përfundojnë që kjo rrugë të mbarojë përpara 2030, duke shpresuar që edhe Maqedonia të bëjë pjesën e vet. Shqipëria duhet të jetë shumë transparente, duhet të kemi parasysh se me fondet e BE nuk duhet të ketë shaka, duhet seriozitet maksimal”, u shpreh ai.

Enriko Ceko, ekspert i Ekonomisë dhe Financave, shprehet se Korridori VIII nuk është vetëm cështje italo shqiptare.

“ Është një çështje që prek gjithë vendet e Evropës juglindore. Kostot e transportit reduktohen jashtëzakonisht me vënien në funksion të korridorit VIII. Qarkullimi i ideve, bashkë me mallrat shërbimet, kapitalin janë shumë të rëndësishme”, thotë ai.

Ndërkohë, Geron Kamberi, ekspert i çështjeve europiane vlerëson se cështja e riaktivizimit të korridorit VIII, bën të mundur krijimin e një zone ekonomike por edhe gjeopolitike.

“Përmes këtij korridori që është pjesë e rrjeteve të korridoreve europiane, do të krijohet një aktivitetet shumë i madh ekonomik por mbi të gjitha një shkëmbim shumë i madh mallrash që vijnë nga Perëndimi për të zbritur deri në Lindje. Besoj kemi edhe një rikthim të historisë, rruga Egnatia kthehet me një synim tjetër, gjeopolitik por edhe gjeoekonomik”, u shpreh ai.

Eksperti i ekonomisë Genti Beqiri, i ftuar në emisionin “War Report” në ABC News, ka deklaruar se zhvillimet e fundit globale po tregojnë qartë një përshkallëzim të fortë të luftës ekonomike, ku nafta nuk përbën më thelbin kryesor të përplasjes. Sipas tij, sinjalet e dhëna nga presidenti Donald Trump për Groenlandën dhe lëvizjet e tjera gjeopolitike lidhen kryesisht me problematika të brendshme të SHBA-së dhe një lojë shumë më të gjerë ekonomike.

Beqiri theksoi se Kina, si një nga aktorët më të fuqishëm globalë, ka zgjeruar prej kohësh influencën e saj në sektorin e energjisë dhe tregtisë, duke hyrë në përplasje ekonomike me vende si Japonia dhe Australia. Ai nënvizoi se lufta aktuale nuk zhvillohet me armë, por me mjete të forta ekonomike, ndërsa Groenlanda shihet nga SHBA jo vetëm për mineralet e rralla, por edhe si një nyje strategjike për rrugët e reja tregtare dhe lëvizjen e mallrave në shkallë globale.

“Është luftë ekonomike, thelbi i saj nuk është nafta. Më pas edhe sinjali që ka dhënë Trump për Groenlandën. Faktikisht të gjitha lëvizjet shtyhen nga probleme të brendshme, nuk kanë një peshë shumë të rëndësishme ndaj Donald Trump. Situata brenda SHBA nuk është shumë e qetë. E gjitha është një lojë shumë e gjerë. Kina prej shumë kohësh është një aktor shumë i fortë, është 1/5 e globit. Kina prej shumë kohësh e ka shtrirë influencën e saj për gazin dhe naftën, ka nisur një luftë tregtare ndaj Japonisë dhe Austrisë.

Është e gatshme të luftojë, jo me armë, por me mjetet e saj shumë të forta ekonomike. Është një luftë ekonomike shumë e fortë në zhvillim. Amerika e shikon Groenlandën, jo vetëm për mineralet e rralla, por e shikon si një nyje për rrugët tregtare. Pjesa e influencës që kërkon Amerika ka të bëjë me lëvizjen e mallrave me rrugët e reja nëpër botë”, tha eksperti i ekonomisë.

Reshjet e shumta të shiut paralizuan situatën në vendin tonë, ku në bilancet paraprake raportohen qindra shtëpi të përmbytura dhe dëme të shumta në bagëti dhe në shtëpi e biznese.

Në redaksinë e ABC News, një qytetare e zonës së Ish- Kënetës ka apeluar për ndihmë lidhur me gjendjen e banesës së saj e cila ka prani të konsiderueshme të ujit prej dy ditësh.

Nga pamjet e sjella për redaksinë tonë, në banesën e saj ka dëme të konsiderueshme në orendi shtëpiake, ndërkohë që familja është strehuar në katin e dytë të ndërtesës tek të afërmit e tyre.

Situata në Durrës vijon të mbetet e rënduar ku janë përmbytur mbi 800 familje. Sakaq, strukturat ndodhen në terren dhe 2 hidrovorët në Hamallaj janë në kapacitet të plotë për përmirësimin e situatës.

Lidhur me dëmshpërblimet, ministri Vengu theksoi për ‘Real Story’ se çdo qytetar i prekur do të kompesohet dhe se instrumentat financiarë janë të pranishëm.

/ abcnews.al /

Eksperti i marrëdhënieve ndërkombëtare Ledion Krisafi, i ftuar në emisionin “War Report” në ABC News, ka analizuar interesin strategjik të fuqive të mëdha ndaj Groenlandës. Sipas tij, Rusia dhe Kina nuk mund të hyjnë lehtësisht në Groenlandë për shkak të faktit se ajo është pjesë e NATO-s.

Krisafi theksoi se arsyeja kryesore pse Donald Trump shfaqi interes për Groenlandën lidhet me frenimin e ambicieve të Kinës për sigurimin e mineraleve të rralla, ndërsa nuk përjashtohet edhe dimensioni personal i Trump, i cili synon të hyjë në histori duke zgjeruar territorin e Shteteve të Bashkuara.

“Rusia dhe Kina nuk mund të hyjnë kaq lehtë në Groenlandë për shkak se është në NATO. Arsyeja pse Trump kërkon Groenlandën, është se i hiqet një mundësi Kinës për të hequr dorë nga marrja e mineraleve të rralla. Është edhe ky dimension i egos së Donald Trump që duhet marrë në konsideratë. Nëse Trump shton territorin me 2 milion kilometra katrore normalisht që do të futet në histori”, tha Krisafi.

Shqipëria po përballet me kushte të vështira atmosferike si pasojë e motit të keq, i cili ka sjellë reshje intensive shiu dhe problematika në disa zona të vendit. Një nga qytetet më të prekura është Durrësi, ku autoritetet vendore dhe qendrore janë angazhuar maksimalisht për të menaxhuar situatën.

Ministrja e Punëve të Brendshme, Albana Koçiu, së bashku me kryetaren e Bashkisë së Durrësit, Emiriana Sako, inspektuan nga afër situatën në hidrovorin e ri të Porto Romanos. Gjatë inspektimit, ministrja Koçiu bëri me dije se të dy hidrovoret e Bashkisë Durrës po punojnë me kapacitet të plotë për të përballuar prurjet e shtuara të ujit dhe për të shmangur përmbytjet.

Sipas saj, ndërhyrjet në terren vijojnë pa ndërprerje, me forcat e emergjencave civile dhe strukturat vendore që janë në gatishmëri të plotë për t’iu përgjigjur çdo situate problematike që mund të krijohet si pasojë e motit të keq.

Ndërkohë, paralelisht ka nisur edhe procesi i vlerësimit të dëmeve materiale, me qëllim evidentimin e pasojave dhe marrjen e masave të nevojshme për mbështetjen e qytetarëve të prekur.

Qarku i Gjirokastrës u prek ndjeshëm nga reshjet e dendura të shiut që paralizuan vendin tonë prej më shumë se 48 orësh. Në bilancin paraprak, Edmond Avdalli, përgjegjës i Emergjencave Civile në Gjirokastër, ka bërë të ditur se për shkak të rrëshqitjeve të dherave janë evakuuar 4 familje nga banesat e rrezikuara. Sipas tij, strukturat në terren po vijojnë punën për pastrimin e akseve dhe monitorimin e situatës.

“Qarku i Gjirokastrës është përfshirë nga reshje të pazakonta, ndërsa Bashkia e Gjirokastrës gjatë këtyre dy ditëve ka kaluar një situatë të vështirë. Sot situata po përmirësohet dhe po vijon puna për pastrimin e inerteve.

Gjatë ditës së djeshme pati vërshime të përrenjve malorë dhe rrëshqitje masive të dherave dhe gurëve, duke vështirësuar qarkullimin e mjeteve dhe duke shkaktuar përmbytje në disa pallate. Në terren kanë qenë forcat bashkiake dhe ato të armatosura, të cilat kanë evakuuar banorët që kishin nevojë.

Katër banesa janë rrezikuar nga rrëshqitjet e dherave dhe janë evakuuar 4 familje. Në orët e pasdites, intensiteti i reshjeve ka rënë. Aktualisht, në bashki janë të bllokuara 3 akse rurale dhe është kërkuar ndihmë nga Ministria e Mbrojtjes për asistencë me mjete të rënda.”  / abcnews.al /

Prej dy ditësh, i gjithë vendi ndodhet nën pushtetin e ujit, me qindra shtëpi të përmbytura dhe familje të evakuuara, ndërsa krahas kësaj një problem kryesor mbetet edhe furnizimi me energji elektrike.

Drejtori i Menaxhimit të OSSH-së, Llambi Miti, deklaroi se si pasojë e kushteve të vështira atmosferike janë evidentuar disa avari në rrjetin elektrik. Ai theksoi se falë mobilizimit maksimal të grupeve në terren, numri i abonentëve pa energji u reduktua ndjeshëm brenda ditës. Miti shtoi se avaria më e madhe në nënstacionin e Kajanit u riparua dhe furnizimi me energji u rikthye me efikasitet të plotë.

“Dje në mëngjes nisëm me 22 linja në avari dhe, si pasojë e punës në terren, duke marrë parasysh vështirësitë e mëdha dhe prezencën e shkarkimeve, disa prej të cilave ishin të rrezikshme, falë organizimit dhe punës arritëm që dje në darkë nga 29 827 abonentë pa energji të mbeteshin vetëm 4 441.

Për sot, e nisëm ditën me 17 linja në avari dhe aktualisht jemi me 5 filtra në avari, që prekin 3 555 abonentë. Avarinë më të madhe e kishim në nënstacionin e Kajanit, që furnizon Belshin, për shkak të dëmtimeve atmosferike.

Mobilizimi maksimal bëri të mundur që në orën 18:00 nënstacioni të vihej në punë me efikasitet të plotë.”  / abcnews.al /

Për shkak të motit të keq që ka pushtuar vendin tonë në të dytën ditë radhazi, ka pasur probleme të shumta në shumë qarqe të vendit, rrugë, toka bujqësore nën ujë, banesa të përmbytura dhe familje të evakuuara.

Për shkak të rrëshqitjeve të dheut është bllokuar përkohësisht aksi rrugor Qukës-Qafë Plloçë. Duke u ndalur gjerësisht te kjo problematike, analisti Arben Meçe tha për emisionin “Real Story” në ABC News se problemi qëndron që te projektimi i rrugës në vitin 2009, ku sipas tij SPAK duhet të nisë një hetim.

Meçe thotë se rruga do të jetë jashtë funksionit për shkak të faktorëve gjeologjikë të papërshtatshëm dhe Berisha, sipas tij, duhet të mbajë përgjegjësi pasi u vendos në shërbim të interesave greke për të sabotuar Korridorin 8.

“Qoftë në planin gjeostrategjik dhe të interesave kombëtare, qoftë edhe në mënyrën e projektimin ajo rrugë quhet sabotazh në sistemin rrugor në Republikën e Shqipërisë. Në mënyrë më të posaçme, problemi më serioz i saj është mos marrja fare në konsideratë e informacioneve gjeologjike në të cilat ajo është zhvilluar. Nuk po them në gjeometrinë e trupit dhe në gjeometrinë e aksit të lëvizjes. Është ndërtuar në formacione gjeologjike, që kanë për ta nxjerrë ashtë funksionit atë rrugë.

Që në momentin që është nisur projektimi, unë kam thënë që SPAK duhet të fillojë një hetim që në gjenezë, që në vitin 2009 se kush janë projektuesit e asaj rrugës dhe cili ishte synimi final i asaj rruge. 300 milionë euro janë hedhur në kosh në atë rrugë. Në një kohë shumë të shkurtër do të shohim shkarje masive. Aksi Qukës -Qafë Plloçë është rasti më i pastër dhe më ideal ku Sali Berisha vendoset në shërbim të interesave greke për të sabotuar Korridorin 8”, tha Meçe./abcnews.al

Gjatë mbrëmjes së sotme ka pasur reshje të dendura të shiut. Kurbini ka dëme të shtuara nga përmbytjeve. Shihet një prani e lartë të ujit, që arrit deri në 1 metra.

7 familje nga Bashkia e Kurbinit janë evakuuar. Sipas situatës së paraqitur në fshatra, dëmet janë të konsiderueshme janë në fushat bujqësore dhe në ato blegtorale.

Ndërkohë gazetarja e ABC Neës e cila ndodhet në terren, Xhoana Çallaku për emisionin “Real Story” tha se rrezikohen nga përmbytjet afërsisht 50 familje. Banorët e fshatit Adriatik, ku ndodhet dhe gazetarja për mikrofonin e ABC News treguar se si është situata në banesat e tyre.

“Jam banor i fshatit Adriatik, jemi të bllokuar nga të gjitha anët. Uji ka arritur deri në 1 metra. Zoti na ka në dorë, shpresojmë të mos sëmuret ndonjë fëmijë sepse nuk kemi nga i çojmë”, tha një banor për mikrofonin e ABC News.

“Në banesën time uji ka hyrë brenda. Jemi pesë anëtarë në familje. Nuk dimë se çfarë të bëjmë. Nuk kemi çfarë të kërkojmë tani, duhet t’i bëhet pritë para kohe”, thotë një banor tjetër.

Shqipëria prej dy ditësh ndodhet në pushtetin e ujit me përmbytje masive si pasojë e reshjeve të dendura të shiut.

Prefekti i Qarkut Korçë, Nertil Jole, ka theksuar nevojën për një planifikim të ri buxhetor për të rritur vigjilencën institucionale ndaj fatkeqësive natyrore. Ai vuri në dukje se bashkitë duhet të parashikojnë një përqindje të konsiderueshme të buxhetit për mbrojtjen civile, duke marrë parasysh historikun e zonave. Prefekti nënvizoi gjithashtu rëndësinë e një vlerësimi të ri për të siguruar përdorimin efektiv të transferta nga buxheti qendror.

“Bashkitë kanë detyrë që 4 përqind të buxhetit t’i kenë për mbrojtjen, mund të jenë edhe 5 ose 6 përqind, në varësi të historikut të këtyre zonave. Vitet e fundit, pas tërmetit, qeveria ka dhënë vëmendje përmes transferta që delegohen nga buxheti qendror.

Në Korçë, vetëm për vitin e kaluar, këto transferta kanë qenë 50 milionë lekë të rinj. Ka ardhur koha që të bëhet një planifikim buxhetor për ato zëra që duhen shtuar, me qëllim rritjen e vigjilencës institucionale. Duhet të ketë një vlerësim të ri.”

Rruga e Qafë Pllocës është e bllokuar plotësisht, dhe policia ka vendosur kone për të ndaluar kalimin e mjeteve. Kjo masë parandaluese është marrë derisa firma përgjegjëse të kryejë pastrimin e rrugës.

Drejtoria e Policisë së Korçës konfirmoi bllokimin, ndërsa drejtoria e Policisë së Elbasanit do të zbatojë të njëjtin veprim në Librazhd. Mjetet që duhet të kalojnë do të drejtohen përmes Qafë Thanës.  / abcnews.al /

Reshjet e dendura të shiut që kanë përfshirë vendin prej dy ditësh kanë shkaktuar përmbytje në disa zona, duke rikthyer në vëmendje problematikat e menaxhimit të situatave emergjente. I ftuar në emisionin “Real Story” në ABC News, prefekti i qarkut Korçë, Nertil Jole, bëri një pasqyrim të situatës në juglindje të vendit, duke theksuar se sasia e reshjeve ka qenë jashtëzakonisht e lartë krahasuar me mesataren shumëvjeçare.

Sipas tij, ndonëse Korça është ndër qarqet me intensitetin më të madh të reshjeve në 24 orët e fundit, relievi malor ka ndihmuar që përmbytjet të mos shkaktojnë dëme të rënda, ndërsa nënvizoi nevojën për një qasje më parandaluese dhe shumëdimensionale në menaxhimin e rreziqeve natyrore.

“Në dy situatat e fundit aktuale dhe të nëntorit të 4-5 ditëve, kur kemi patur reshje edhe qyteti ynë që ka pasur karakteristika shumë të veçanta në dimër, me situatën e borës, ka ndryshuar si pasojë e ndryshimeve natyrore. Për statistikë, në ditët e nëntorit për ato katër ditë në Korçë, sasia e reshjeve të rëna ka qenë sa gjysma e asaj shumëvjeçare.

Ndërkohë që vetëm në 24 orët e fundit, qarku i Korçës është klasifikuar si qarku me intensitetin më të lartë të reshjeve në qark, dhe ka përfaqësuar 24 orëshi 1/10 e shumës së reshjeve shumëvjeçare, por duke qenë se Korça ka qenë një reliev malor dhe me tendencë ulëse, ka qenë e favorizuar që përmbytjet të mos shkaktojë dëmtime të rënda. Por, jemi në kushtet që ky fokus dhe kjo vëmendje duhet ridimensionuar. Unë mendoj që në rastin e Korçës nuk është situata për emergjencë civile, por mendoj që me një infrastrukturë dhe me një logjistikë dhe një vëmendje parandaluese shumë aspekt duhet të adresohen në të ardhmen në mënyrë më të butë. Duhet të pranojmë që fokusi i Mbrojtjes Civili nuk duhet të jetë i një dimesionalizuar te zjarri apo bora dhe përmbytja, por duhet të jetë i shumë dimensionalizuar”, tha  Nertil Jole.

Qyteti i Durrësit u zgjua sërish nën pushtetin e ujit. Reshjet e pandërprera e kthyen për disa orë jetën e përditshme të banorëve në një betejë me përmbytjet, ku rrugët u shndërruan në lumenj dhe shtëpitë në hapësira të pasigurta.

Një ditë pas përmbytjeve, megjithëse situata paraqitet më e qetë, pasojat mbeten të rënda. Ajo që ka mbetur pas është kryesisht jofunksionale, ndërsa banorët vijojnë të kërkojnë ndihmë.

Gazetarja Bleona Prengëzaj raporton se hidrovori në Hamallaj është funksional, si ai i ri ashtu edhe i vjetri. Qytetarët nuk e kanë kuptuar momentin se si uji ka vërshuar në banesat e tyre, ndërsa kanë mjaftuar vetëm disa orë për të pasur këtë prani uji në qytet.

Nga Emergjencat Civile po bëhet e mundur largimi i ujit, ndërsa në zonën e Urës së Dajlanit dhe në Nishtullë uji është jo vetëm në lagje, por edhe në rrugë.

/ abcnews.al /

Read More...

Ekipet e Emergjencave Civile të Bashkisë Fier, së bashku me kryebashkiakun Armando Subashi, po monitorojnë nga afër situatën e krijuar nga reshjet e shiut në qarkun Fier.

Vëmendja është përqendruar përgjatë argjinaturës së Çervenit, ku dy fadroma dhe mjete të tonazhit të rëndë po punojnë për riparimin e segmenteve të rrezikuara nga dalja e lumit Vjosë.

Sipas autoriteteve lokale, reshjet po vazhdojnë me intensitet të lartë, duke e bërë situatën kritike dhe duke kërkuar gatishmëri të shtuar në terren.  / abcnews.al/