Read More...

Rreth orës 19:00, në lagjen “Vasil Shanto”, një shtetas ende i paidentifikuar është futur brenda ambienteve të filialit të Postës Shqiptare dhe ka tentuar të marrë me forcë një shumë monetare, por nuk ka mundur ta marrë dhe gjatë largimit ka thyer xhamin e sportelit.

Shërbimet e Policisë kanë shkuar menjëherë në vendin e ngjarjes dhe vijojnë kontrollet në zonë për kapjen e tij.

Grupi hetimor, nën drejtimin e Prokurorisë, po punon për identifikimin e autorit dhe dokumentimin ligjor të rastit.  / abcnews.al /

Irani nuk ka pranuar të heq dorë nga programi I tij për pasurim të Uraniumit që mund të sjell prodhimin e armëve bërthamore, por Shtetet e Bashkuara duan që të vijojnë negociatat.

Ky ishte përfundimi i ditës së parë të bisedimeve mes Teheranit dhe Ëashingtonit sipas asaj që raporton media Amerikenae Axios. Përpjekjet diplomatike dhe ulja e palëve në tryezën e negociatave vjen teksa Shtetet e Bashkuara kanë zhvendosur një armadë të madhe në Lindjen e Mesme në gatishmëri për të sulmuar Iranin. Teherani ka paralajmëruar se një lëvizje e tillë do të sillte një luftë më të gjërë rajonale.

Ministri i Jashtëm iranian, Abbas Araghchi, deklaroi për televizionin shtetëror pas përfundimit të bisedimeve se negociatorët do të kthehen në kryeqytetet e tyre për konsultime, duke e cilësuar takimin si “një fillim të mirë”.

Teherani kishte deklaruar më parë se bisedimet do të kufizoheshin vetëm në programin bërthamor të Iranit. Ndërkohë, Uashingtoni ka kërkuar që në tryezë të përfshihen edhe programi i raketave balistike të Iranit dhe mbështetja që ai u jep grupeve të armatosura në rajon.

Bisedimet mes Shteteve të Bashkura dhe Iranit ishin në strukturën që njihet si bisedime indirrekte. Ministri i Jashtëm I Omanit ishte ai që bisedo me secilën pale vec e veç duke përçuar tek secila prej tyre mesazhet e njëri tjetrit. Irani u përfaqësua në këto bisedime nga Ministri I jashtëm Abas Aragchi ndërsa Shtetet e Bashkuara nga I Dërguari special për Lindjen e Mesme Steve Ëitkoff si dhe nga Jared Kushner, dhëndrri I presidentit Trump.

Raundi i fundit i bisedimeve mes SHBA-së dhe Iranit për programin bërthamor ishte planifikuar për në qershor të vitit të kaluar, por u ndërpre pas sulmit të papritur të Izraelit ndaj Iranit. Sipas analistëve ushtarak , për udhëheqjen iraniane këto bisedime mund të përbëjnë shansin e fundit për të shmangur një veprim ushtarak amerikan që mund të destabilizojë më tej regjimin, i cili ndodhet në pozitën më të dobët që nga Revolucioni Islamik i vitit 1979.

Një tjetër lloj qumështi për  foshnje  tërhiqet nga tregu në vendin tonë si një product I pa sigurtë.

“Beba Supreme Pre” me paketim  800 g dhe me datë  skadence  majin e  vitit 2027.

Kompania “rosmman & lala” sipas Autorietit Kombëtar të Ushqimit  kishte importuar 186 copë  prej të cilave  114  I ka eksportuar në Kosovë.

Ndërkohë që 72  të tjerat  I kishtë shpërndarë në  rrjetin e dyqaneve në Shqipëri.

Autoriteti Kombëtar I Ushqimit thotë se  ka bllokuar    një sasi prej   68 paketimesh.

Katër prej tyre ishin shitur.  Autoritetet  thonë se kanë njoftuar konsumatorin  të mos e përdorin këtë qumësht, por  ta kthejnë në pikat e shitjes.

Qumështi për foshnje  Beba Suprem  Pre 800 gram është bllokuar dhe në Kosovë.

Agjencia e Ushqimit dhe Veterinarisë thotë së produkti do të asgjësohet.

Javën e shkuar në vendin tonë  u bllokuar dhe  qumështin për bebe “aptamil  1 pronutra”  me paketim  800 gramë  dhe  datë skadence nëntorin e vitit  2026 dhe më herët ai “nan 1 optipro”  800g.

Masa u mor nga Autoriteti Kombëtar I Ushqimit  pas njoftimit  nga autorietet europiane se  në produkt  ishe gjetur   substanca cereulide , një toksinë e prodhuar nga bakteri bacillus cereus.

Sipas specialistëve ajo  shkakton diarre, dhembje barku ndonjëherë dhe ethe të lehta  8 deri në 16 orë pas konsumimit.

Franca ka hapur një konsullatë në kryeqytetin e Grenlandës, Nuuk, duke forcuar praninë e saj diplomatike në Arktik dhe duke mbajtur premtimin e bërë nga presidenti Emmanuel Macron gjatë vizitës së tij në ishull qershorin e kaluar.

Duke vepruar kështu, Franca bëhet vendi i parë i BE-së që hap një konsullatë të përgjithshme në Grenlandë, përpara partnerëve të saj në bllokun me 27 anëtarë.

Megjithatë, Brukseli është tashmë i përfaqësuar në ishull, pas hapjes së një zyre të Komisionit Evropian në vitin 2024.

Jean-Noël Poirier, ish-ambasadori francez në Vietnam, e mori detyrën me mbërritjen në Nuuk, ku do të përfaqësojë Francën në këtë territor gjysmë-autonom danez me rreth 56,000 banorë.

Deri më tani, shtetasit francezë që jetonin në Grenlandë mbështeteshin në një marrëveshje të kufizuar konsullore.

Një konsulle nderi, Kristine Winberg, merrej me procedurat themelore administrative dhe asistencën konsullore në emër të ambasadës franceze në Danimarkë.

Roli i saj përfshinte lëshimin e dokumenteve të identitetit, ofrimin e mbështetjes në rastet e çështjeve ligjore ose vdekjeve, dhe veprimin si një lidhje me komunitetin e vogël francez, sipas transmetuesit francez BFM TV.

Një burim diplomatik tha se vetëm “tetë qytetarë francezë janë të regjistruar në Nuuk, por ndoshta rreth 30 jetojnë në Grenlandë”.

Megjithatë, pavarësisht madhësisë së vogël të popullsisë franceze në ishull, konsullata e re do të ketë përgjegjësi të zgjeruara.

Përveç ofrimit të mbështetjes administrative për shtetasit francezë, do të punohet “për të thelluar projektet ekzistuese të bashkëpunimit me Grenlandën në fushat kulturore, shkencore dhe ekonomike, duke forcuar njëkohësisht lidhjet politike me autoritetet lokale”, sipas një deklarate të publikuar nga ministria e jashtme.

Parisi thotë se qëllimi është të forcohen lidhjet midis Grenlandës, Francës dhe BE-së në një rajon që është bërë burim mosmarrëveshjesh të konsiderueshme midis Evropës dhe SHBA-së, mes kërkesave të përsëritura të presidentit të SHBA-së Donald Trump që Uashingtoni të marrë kontrollin e territorit që është pjesë e Mbretërisë së Danimarkës.

Stuhia “Leonardo” ka goditur fuqishëm Portugalinë dhe Spanjën, duke shkaktuar viktima, përmbytje të mëdha dhe evakuime masive.

Deri më tani raportohet për të paktën një viktimë në Portugali, ndërsa një vajzë e mitur rezulton e zhdukur në rajonin e Andaluzisë, në jug të Spanjës.

Reshjet e dendura dhe erërat e forta kanë detyruar autoritetet spanjolle të evakuojnë mbi 7 mijë persona, kryesisht në zonat pranë lumit Guadalquivir, në provincën e Kordobës. Në fshatin malor Grazalema, rreth 1 500 banorë janë urdhëruar të largohen nga shtëpitë për shkak të rrezikut nga rrëshqitjet e dheut.

Në Portugali, qeveria ka zgjatur gjendjen e emergjencës në 69 bashki deri në mes të shkurtit. Disa lumenj, përfshirë lumin Tagus, janë në nivel alarmi, ndërsa autoritetet paralajmërojnë rrezikun më të madh nga përmbytjet në pothuajse 30 vjet. Në Porto, lumi Douro ka dalë nga shtrati, ndërsa qytete të tëra në jug të vendit mbeten pjesërisht nën ujë.

Situata e rëndë ka ndezur debat politik në Portugali, vetëm dy ditë para raundit të dytë të zgjedhjeve presidenciale. Partia e ekstremit të djathtë “Chega” ka kërkuar shtyrjen e votimit, duke argumentuar se kushtet aktuale cenojnë barazinë e qytetarëve. Megjithatë, autoriteti kombëtar zgjedhor ka bërë të ditur se zgjedhjet do të zhvillohen sipas planit.

Ndërkohë, shërbimet meteorologjike paralajmërojnë se stuhitë do të vijojnë edhe në ditët në vijim, me reshje të tjera intensive dhe erëra të forta.

Analisti politik Martin Leka, i ftuar në emisionin “Tirana Live” në ABC News, ka komentuar zhvillimet e fundit brenda Partisë Demokratike, duke u ndalur veçanërisht te përjashtimi i Dash Sulës nga gara elektorale dhe situata e përgjithshme e opozitës.

Sipas Lekës, mënyra se si PD ka trajtuar figura të votuara dhe me mbështetje në bazë përbën një “tragjedi-komedi” për partinë, në një kohë kur ajo nuk ka luksin të mënjanojë vlera të tilla. Ai theksoi se kryeministri Rama po tregohet më largpamës politikisht, ndërsa opozita, e drejtuar nga Sali Berisha, ndodhet në krizë të thellë dhe e përçarë, duke mos arritur të trondisë mazhorancën. Leka vlerësoi gjithashtu takimet e Ervin Salianjit si pozitive, duke nënvizuar se ato kanë ekspozuar ndarjet e forta në bazën e PD-së.

“Nuk e kuptuam asnjëherë se për çfarë arsye Dash Sula u shmang nga PD. Unë ende nuk e di se për çfarë u përjashtua si kandidat edhe nga listat e mbyllura, por edhe të hapura edhe pse mori një shumë votash dhe doli më i votuari në qarkun e Elbasanit. Një gjë e tillë, është një tragjedi-komedi për PD. Në këtë situatë ku ndodhet PD nuk e ka aspak luksin që të tilla vlera në PD t’i mënjanojë dhe të bëjë sikur nuk ka ndodhur asgjë.

Rama po luan politikë, është më largpamës se kundërshtari.  Duhen parë me kujdes partitë e vogla. Ne jemi në kushtet që kemi një hall më të madh se sa qeverisja, kemi hallin e opozitës, ku në krye është Sali Berisha, një ‘non grata’. Opozita normale mund të kushte tronditur mazhorancën. Duhet të kthehemi pas në kohë dhe të kuptojmë se si është një parti nën drejtimin e Sali Berishës, një parti brutaliteti dhe dhune. Mund të kenë shumë gjëra në PD, përveç “kalit të Trojës”, Berisha. Takimet e Salianjit janë një akt për t’u përshëndetur, mbledh njerëz kudo ku shkon. Baza e PD-së është shumë e ndarë në këtë periudhë. Salianji ka prekur thembrën e Akilit në PD”, tha Leka.

Read More...

Gjykata e Durrësit, ka  verifikuar masat për 20 të arrestuarit për trafikim të mbetjeve të rrezikshme ku ka lënë në burg 8 të arrestuar, 5 në arrest shtëpie dhe 7 detyrim paraqitje.

Mbetjet e rrezikshme të ‘Kurum’, 102 kontejnerë me peshë 2800 tonë u kthyen nga Tajlanda në tetor 2024.

Arrest me burg per 8 persona- Shaban Hyseni, Mikail Hila, Nazif Bajrami, Andon Prifti, Indrit Likaj, Edmond Voda, Florian Çomo, Gazmend Sina
Detyrim paraqitje per 7 persona: Julian Kapedani, Arta Dollani, Marjeta Përlala, Kledina Skëndo, Bujana Tonçiça, Elis Mellonashi, Iva Musa
Arrest në shtëpi per 5 persona: Rami Buga, Mirjeta Zotaj, Helidon Lila, Shkëlqim Jakupi, Kejqi Ahmetaj.

1. Shtetasi R.B- dyshuar për veprën penale “Kontrabandë me mallra të ndaluar apo kufizuar” dhe “Menaxhim i mbetjeve”- Arrest në shtëpi
2. Shtetasi Sh.H- dyshuar për veprën penale “Kontrabandë me mallra të ndaluar apo kufizuar” dhe dhe “Falsifikim i dokumenteve”- Arrest në burg
3. Shtetasja M.Z- dyshuar për veprën penale “Falsifikim i dokumenteve” dhe “Pastrimi i produkteve të veprimtarisë kriminale”;- Arrest në shtëpi
4. Shtetasi M.H- dyshuar për veprën penale “Kontrabanda nga punonjës që lidhen me veprimtarinë doganore”-Arrest në burg
5. Shtetasi N.B- dyshuar për veprën penale “Menaxhim i mbetjeve”;-Arrest në burg
6. Shtetasi A.P- dyshuar për veprën penale “Menaxhim i mbetjeve”;- Arrest në Burg
7. Shtetasi J.K- dyshuar për veprën penale “Kontrabanda nga punonjës që lidhen me veprimtarinë doganore”;- Ndalim i daljes jashtë shtetit dhe Detyrim për t’u paraqitur në policinë gjyqësore
8. Shtetasi I.L- dyshuar për veprën penale “Kontrabanda nga punonjës që lidhen me veprimtarinë doganore”;- Arrest në Burg
9. Shtetasi E.V- dyshuar për veprën penale “Kontrabanda nga punonjës që lidhen me veprimtarinë doganore”;- Arrest në burg
10. Shtetasi H.L- dyshuar për veprën penale “Kontrabanda nga punonjës që lidhen me veprimtarinë doganore”;- Arrest në shtëpi
11. Shtetasi Sh.J- dyshuar për veprën penale “Kontrabanda nga punonjës që lidhen me veprimtarinë doganore”;- Arrest në shtëpi
12. Shtetasi F.Ç- dyshuar për veprën penale “Menaxhim i mbetjeve”;- Arrest në burg
13. Shtetasi G.S- dyshuar për veprën penale “Menaxhim i mbetjeve”; Arrest në burg
14. Shtetasja A.D- dyshuar për veprën penale “Shpërdorimi i detyrës”, për tre raste;- Ndalim i daljes jashtë shtetit dhe Detyrim për t’u paraqitur në policinë gjyqësore
15. Shtetasja M.P- dyshuar për veprën penale “Shpërdorimi i detyrës”, për tre raste;- Detyrim paraqitje në policinë gjyqësore
16. Shtetasja K.S- dyshuar për veprën penale “Shpërdorimi i detyrës”;- Ndalim i daljes jashtë shtetit dhe Detyrim për t’u paraqitur në policinë gjyqësore
17. Shtetasja B.T- dyshuar për veprën penale “Shpërdorimi i detyrës”;- Ndalim i daljes jashtë shtetit dhe Detyrim për t’u paraqitur në policinë gjyqësore

18. Shtetasja E.M- dyshuar për veprën penale “Shpërdorimi i detyrës”;- Ndalim i daljes jashtë shtetit dhe Detyrim për t’u paraqitur në policinë gjyqësore
19. Shtetasi K.A- dyshuar për veprën penale “Shpërdorimi i detyrës”;- Arrest në shtëpi
20. Shtetasja I.M- dyshuar për veprën penale “Shpërdorimi i detyrës”;- Ndalim i daljes jashtë shtetit dhe Detyrim për t’u paraqitur në policinë gjyqësore

BE-ja ka njoftuar propozimet për paketën e saj të 20-të të sanksioneve kundër Rusisë, që mbulojnë energjinë, shërbimet financiare dhe tregtinë.

Ajo përfshin një ndalim të plotë të shërbimeve detare për naftën bruto ruse, si dhe shtimin e 43 anijeve të tjera pjesë e të ashtuquajturës ‘flotë në hije’ të Kremlinit, njoftoi presidentja e Komisionit Evropian Ursula von der Leyen.

Një ndalim i ri për mallrat dhe shërbimet do të shtrëngojë kufizimet e eksportit që vijnë nga Rusia, ndërsa ndalimet e reja të importit për metalet, kimikatet dhe mineralet kritike do të vlejnë më shumë se 570 milionë euro.

Do të merren masa gjithashtu kundër kompanive dhe platformave që mundësojnë tregtinë e kriptomonedhave dhe do të listohen 20 banka të tjera rajonale ruse në listën e sanksioneve.

“Rusia do të ulet në tryezën e bisedimeve vetëm me qëllim të sinqertë nëse i bëhet presion ta bëjë këtë. Kjo është e vetmja gjuhë që Rusia e kupton. Kjo është arsyeja pse po bëjmë një hap përpara sot”, tha von der Leyen.

Ndryshe, propozimi duhet të miratohet nga 27 shtetet anëtare të BE-së përpara se të hyjë në fuqi zyrtarisht. Paketa e 19-të e sanksioneve të bllokut – e cila synonte flotën e saj në hije dhe ndaloi importet e gazit natyror të lëngshëm – hyri në fuqi në nëntor.

Ismail Tasholli, organizator, “Liria ka emer” ka bërë thirrje për mobilizim mbarëkombëtar më 17 shkurt në Prishtinë, në kuadër të një proteste për lirimin e ish-krerëve të UÇK-së.

Duke folur në emisionin “Balkan Update” në ABC News, Tasholli deklaroi se Gjykata Speciale në Hagë ka humbur besueshmërinë e saj, duke e cilësuar atë si një institucion me prapavijë politike, mungesë transparence dhe elemente të qasjes totalitare në trajtimin e çështjeve ndaj ish-drejtuesve të UÇK-së.

Ai theksoi se protesta synon të evidentojë, sipas tij, padrejtësitë e kësaj gjykate dhe të kërkojë drejtësi, jo vendimmarrje politike.

 “17 shkurti të jetë e Shqipërisë. Të gjithë shqiptarët ngado që janë, janë të ftuar që të jenë në Prishtinë për të marrë pjesë për protestën për lirimin e ish-krerëve të UÇK-së. Ajo gjykatë ka kohë që ka premisa politikë, që nga fakti se si ata kanë marrë vendimet. Raporti asimetrik se si është ndërtuar ndaj qytetarëve, që ajo gjykatë është e bunkerizuar dhe ka hequr bazën, transparencën. Ne si qytetari do të krijojmë mundësinë që të evidentojmë padrejtësinë dhe për t’i stopuar.

Mënyra aludive e fajit i ka vendosur në totaliratet. Gjykata është e rrethuar në dyshime. Mënyra se si janë trajtuar krerët e UÇK-së, na ka dhënë shenja që ata janë brenda habitatit totalitar. Asnjë qytetar nuk u frikësohet vendimeve totalitare. Gjykata e Hagës e ka humbur pikënisjen e saj. Kanë përdoru çdo gjë për të dhënë pretendime propagandistike. Drejtësi, jo politikë në datën 17 shkurt, në Prishtinë”, tha Tasholli.

GJKKO rrëzon kërkesën e Veliajt për përjashtimin e gjyqtares Etleva Deda. Kërkesa u bë nga vetë Erion Veliaj, në seancën e datës 2 shkurt në Gjykatën e Posaçme, me pretendimin se i mohoi të drejtën të mbrohej efektivisht. Në këtë seancë, Veliaj kërkoi që të mos përfaqësohej nga avokatja e caktuar, kryesisht Valentina Teodoresku.

Kryebashkiaku i Tiranës Veliaj kishte depozituar pranë Gjykatës së Posaçme kundër Korrupsionit dhe Krimit të Organizuar në 4 shkurt një kërkesë zyrtare për përjashtimin e gjyqtares Etleva Deda nga çështja penale ndaj tij. Kërkesa ishte paraqitur më 2 shkurt dhe u shqyrtua nga gjyqtari Bib Ndreca.

Erion Veliaj ndodhet në paraburgim prej afro një viti. Ai u arrestua më 10 shkurt 2025 dhe përballet me akuza si pastrim parash, mosdeklarim pasurie, korrupsion pasiv në disa episode, shpërdorim detyre dhe futje të sendeve të ndaluara në ambientet e paraburgimit.

Ministri i Drejtësisë, Besfort Lamallari, tha se indeksimi i pagave është i vlefshëm për çdo punonjës të shtetit shqiptar dhe se sot gjyqtarët kanë paga të dinjitetshme, të barabarta me vendet anëtare të BE-së, duke treguar mbështetje reale për gjyqësorin.

Ai nënvizoi problemet reale të sistemit: proceset gjyqësore që zvarriten, vakancat e pazbatuara, zgjatjet e afateve të krerëve të gjykatave dhe paraburgimin e padrejtë për qytetarët.

Lamallari theksoi se llogaridhënia e zyrtarëve dhe besimi i qytetarëve te drejtësia janë kyçe për forcimin e demokracisë dhe integrimin europian.

“Indeksimi është i vlefshëm për çdo punonjës të shtetit shqiptar, institucionet e pavarura, buxhetore ose jo. Çdo dy vjet ligji e bën të qartë që ka nevojë për indeksim për inflacionin.

Diskutimi real duhet të jetë për një nevojë për analizë të fortë për 10 vitet e reformës: a ka sot procese gjyqësore që zvarriten, a ka vakanca që duhen adresuar, a ka sot zgjatje të afateve të qëndrimit në detyrë të krerëve të gjykatave dhe prokurorive, a ka drejtësi cilësore për qytetarët.

Nuk duhet të ketë sot zvarritje dhe qytetarët duhet të marrin drejtësi; një drejtësi e vonuar është e mohuar. Këtë mund ta pësojë një qytetar në paraburgim dhe nuk ka vendim gjykate apo pafajësie që të kthejë pas kohën e mohuar të një qytetari.

Këto janë çështje reale që gjyqësori duhet t’i flasë sot. Qeveria e ka treguar mbështetjen. Sot gjyqtarët kanë pagat më të larta në rajon, paga të barabarta me një vend anëtar të BE-së, konkretisht Greqinë.

Pagat e gjyqtarëve janë dinjitoze, duke marrë parasysh edhe kontekstin e pagave, dhe besimi i qytetarëve te drejtësia është kyç dhe nuk duhet të cenohet nga diskutime të vogla për një mision të madh.

Unë respektoj ndarjen e pushteteve, por më e rëndësishme është llogaridhënia. Kjo është në funksion të forcimit të demokracisë. Çdo zyrtar shqiptar duhet të japë llogari para qytetarit.

Paraburgimi është padrejtësi e shtuar ndaj qytetarëve dhe kur kjo përforcohet nga Këshilli i Europës, kur kemi një stok çështjesh që nuk po shqyrtohen nga gjyqtarët, këto janë çështjet reale që duhen diskutuar. Kjo duhet të jetë ajo.”

Ministri i Drejtësisë, Besfort Lamallari, tha në Balkan Update se qeveria ka miratuar dhe depozituar në Kuvend projektligjin për amnisti, në bashkëpunim dhe me dakordësinë e Prokurorisë së Përgjithshme dhe asaj të Posaçme.

Ai theksoi se amnistia është një akt human dhe pjesë e një politike të re penale, që synon t’u japë një mundësi të dytë qytetarëve dhe lidhet ngushtë me procesin e integrimit europian. Sipas ministrit, do të ndërmerret edhe një reformë urgjente e Kodit të Procedurës Penale, ndërsa paraburgimi i tejzgjatur nuk mund të ketë vend në Shqipërinë e sotme.

“Në përfundim të vitit të shkuar, qeveria shfaqi vullnetin për të kryer amnistinë, së bashku me institucione si Prokuroria e Përgjithshme dhe ajo e Posaçme, ku morëm dakordësinë e tyre. U miratua sot ky akt, duke bërë edhe depozitimin në Kuvend.

Është e rëndësishme të kemi sa më parë shqyrtimin në procedurën parlamentare për këtë dokument të rëndësishëm, duke marrë parasysh kategorinë e personave që përfitojnë, për disa që kanë kryer shumicën e burgimit dhe për të tjerë të vijojë procedimi penal për vepra të vogla.

Ishte e nevojshme, përveçse një akt human, ku të kemi një amnisti që tregon një qasje të re penale për të dhënë një mundësi të dytë për qytetarët, një politikë e re penale që lidhet me frymën për të ecur në integrimin europian, që ecën paralelisht me reformimin e sistemit të drejtësisë.

Do të ketë një reformë urgjente të Kodit të Procedurës Penale për ta përafruar me BE-në. Ne kemi pasur një konferencë të nivelit të lartë me magjistratë të nderuar, ku u theksua me shqetësim se situata në Shqipëri meriton një vëmendje të shtuar për të garantuar më shumë mbrojtje dhe qartësi.

Paraburgimi i tejzgjatur dhe i tepruar nuk mund të ketë vend në Shqipërinë e sotme.”

Është një fitore e vonuar, por me ndikim të fortë politik dhe institucional, ajo që arriti dje Carles Puigdemont së bashku me dy ish-eurodeputetë të tjerë katalanas. Gjykata e Drejtësisë e Bashkimit Europian anuloi përfundimisht vendimin e Parlamentit Europian për heqjen e imunitetit parlamentar të Puigdemont, Toni Comín dhe Carla Ponsatí.

Sipas gjyqtarëve në Luksemburg, emërimi i raportuesit të ngarkuar me kërkesat për heqjen e imunitetit ishte në kundërshtim me parimin e paanshmërisë.

Rasti ka lidhje të forta me lojërat politike spanjolle brenda Parlamentit Europian. Partia Popullore Europiane, nën presionin e Partido Popular, kishte organizuar emërimin e një eurodeputeti të partisë ekstremiste nacionaliste VOX si raportues, pa hasur rezistencë nga grupi i Socialistëve & Demokratëve, i kryesuar nga socialistja spanjolle Iratxe García Pérez.

Gjykata thekson se, duke qenë se VOX ishte në origjinë të procedimit në Spanjë ndaj Puigdemont dhe të tjerëve për referendumin e vitit 2017 mbi pavarësinë e Katalonjës, raportuesi nga VOX mund të perceptohej si i paanshëm.

Ky vendim përbën një goditje jo vetëm për nacionalizmin spanjoll, por edhe, dhe mbi të gjitha, për përdorimin politik të procedurave të imunitetit në Parlamentin Europian.

Read More...

Nga blu në rozë.

Ish deputeti i PD, Dashnor Sula, është emëruar kryeinspektor i përgjithshëm me vendim të Këshillit të Ministrave.

Sula do të zvëndësojë në këtë post Shkëlqim Hajdarin, i cili është emëruar prefekt i qarkut të Tiranës.

Distancimi i Sulës me Partinë Demokratike nisi në zgjedhjet parlamentare të 11 majit, pasi Sali Berisha, nuk e përfshiu në listën e deputetëve edhe pse Sula fitoi primaret në Elbasan si kandidati më i preferuar nga demokratët.

Më pas Sula bëri një tentativë për t’iu bashkuar koalicionit Lapaj-Shabani, por dhe aty, aventura zgjati vetëm 24 orë.

Derën për të zhgënjyerin e radhës së Berishës, Edi Rama e hapi që në muajin mars, kur nga Elbasani, e ftoi ti bashkohet por Sula refuzoi të angazhohej në zgjedhjet e 11 majit.

“Kjo është partia jonë, e mbajmë derën mbyllur nëpër territore por sot jemi këtu për t’ju thënë këtu mirësevini përveç salamandrave dhe kukumjaçkave të kënetës nuk kanë vend. Kurse Dash Sula …duhet të dezinfektohet. Po duhet të heqë morrat e kënetës. Aty të mbyt morri, është tmerr”, tha Rama.

Por nga krahu tjetër, megjithëse e la jashtë listave, një gjysmë derë të hapur e la dhe Berisha për të kontribuar në partinë demokratike.

Por kur po mbushet viti nga krisja me Berishën dhe ftesa e Ramës, Sula, tashmë e ka të qartë të ardhmen.

Ai do të mbajë postin e kryeinspektorit të përgjithshëm, duke ndarë përfundimisht rrugët me Partinë Demokratike.

Kështu, Sula, është rasti i fundit I dhjetërave demokratëve të mërzitur të cilët vendosin ti bashkohen Ramës duke marrë poste të larta nga qeveria socialiste.  Pak muaj më parë, një tjetër ish deputete demokrate, Zheni Gjergji, pranoi ofertën e qeverisë për të drejtuar spitalin rajonal të Elbasanit.

Këshilli i Ministrave ka miratuar indeksimin me 2.5% të pagave për disa kategori të administratës publike për vitin 2026. Vendimi përfshin rritjen e pagës së Presidentit të Republikës, pagave referuese për gjyqtarët dhe prokurorët, si dhe përditësimin e strukturave të pagave për Gardën e Republikës, Policinë e Burgjeve, administratën publike dhe personelin shëndetësor.

Në disa sektorë parashikohen edhe rregullime të shtesave dhe kompensimeve. Efektet financiare do të mbulohen nga buxheti i vitit 2026 dhe do të zbatohen nga 1 janari 2026, pas botimit në Fletoren Zyrtare.

Ndërkohë, qeveria ka paraqitur një projektligj për dhënien e amnistisë, me synim përjashtimin tërësor ose të pjesshëm nga dënimi dhe ndjekja penale të personave që plotësojnë kriteret ligjore. Projektligji udhëhiqet nga parimi i humanizmit, rehabilitimi dhe mbrojtja e interesit publik, duke synuar edhe rritjen e eficiencës së sistemit të drejtësisë.

” Këshilli i Ministrave ka miratuar një paketë vendimesh për indeksimin me 2.5% të pagave dhe elementeve përbërëse të tyre në disa kategori të administratës publike për vitin 2026.

(Vendimet përfshijnë rritjen e pagës së Presidentit të Republikës dhe të pagës referuese bazë për funksionet gjyqësore dhe të prokurorisë, si edhe përditësimin e strukturave të pagave për Gardën e Republikës, Policinë e Burgjeve, koordinatorët kundër korrupsionit, punonjësit mbështetës dhe specialitetet e ndryshme në administratë, si dhe personelin e sistemit shëndetësor.)

Krahas indeksimit, në disa sektorë parashikohen edhe rregullime specifike të shtesave dhe kompensimeve.

Efektet financiare përballohen nga buxheti i miratuar për vitin 2026 dhe vendimet hyjnë në fuqi pas botimit në Fletoren Zyrtare, me efekte financiare nga 1 janari 2026.

Projektligj për dhënie amnistie

Qëllimi i këtij ligji është të përjashtojë nga vuajtja e dënimit dhe ndjekja penale, tërësisht ose pjesërisht, të gjithë personat që plotësojnë kriteret, sipas dispozitave të këtij ligji.

Dhënia e amnistisë, sipas këtij ligji, udhëhiqet nga:
-parimi i humanizmit;
-arritja e qëllimit të dënimit;
-rrezikshmëria e ulët e personave që amnistohen;
-edukimi dhe rehabilitimi;
-mbrojtja e interesit publik;
 -dhënia e mundësisë së integrimit më të lehtë dhe më të shpejtë të të dënuarve të  mitur dhe gra;
-rritja e eficiencës në sistemin e drejtësisë;
-mbrojtja e interesit më të lartë të fëmijës.“, thuhet ne vendim.  / abcnews.al /

Reshjet intensive të shiut në Himarë dhe dalja e përroit nga shtrati kanë shkaktuar probleme në disa banesa, ndërsa uji ka depërtuar edhe në brendësi të tyre. Sipas banorëve të zonës, reshjet kanë qenë të shumta dhe prurjet e ujit tepër të mëdha, duke përmbytur një pjesë të shëtitores, si edhe disa banesa pranë saj.

Si pasojë, janë shkaktuar dëme kryesisht në katet e para të banesave, ku uji ka hyrë brenda, duke dëmtuar orendi dhe pajisje shtëpiake. Banorët shprehen se situata ka qenë e papritur dhe e vështirë për t’u përballuar në një kohë kaq të shkurtër.

Për më shumë se 30 minuta, Himara ka kaluar një situatë të vështirë për shkak të reshjeve intensive të shiut dhe daljes së përroit. Shëtitorja u përmbyt, po ashtu edhe disa banesa, ku u raportuan dëme në katet e para.

HIMARË- Reshjet e shiut kanë shkaktuar rënien e gurëve dhe dherave në Qafa e Vishës, në Himarë duke bllokuar njërin krah të rrugës dhe duke vështirësuar ndjeshëm qarkullimin e automjeteve.

Sipas informacioneve nga zona, masivi i gurëve është shkëputur nga shpati përreth dhe ka përfunduar mbi asfalt, ndërsa fatmirësisht nuk raportohet për persona të lënduar.

Drejtuesit e mjeteve janë të detyruar të lëvizin me kujdes dhe me shpejtësi të reduktuar, pasi rruga është e kalueshme vetëm në një krah.

Autoritetet pritet të ndërhyjnë për pastrimin e segmentit dhe rikthimin e normalitetit në qarkullim./abcnews.al/