TIRANË- Gazetari Martin Leka, i ftuar në “Real Story” u shpreh se po të kishte gjë në dorë, Sali Berisha do ta shkrinte SPAK.

Ai theksoi se këtë “betim” Sali Berisha e ka bërë në publik.

Ai theksoi se zbutja e toneve të Sali Berishës për SPAK, pas zgjedhjet së drejtuesit të ri Klodjan Brahos, ka ardhur për arsyet se vetë kryetari i PD është në konflikt me akuzat penale që ka ngritur Prokuroria e Përgjithshme.

“Berisha po të kishte gjë në dorë, e kishte shkrirë me themele  SPAK dhe këtë lloj sistemi drejtësie, sepse e ka thënë me kohë vete.

Tonet që ka tani janë thjesht për të qenë politikisht korrekt dhe për të mos renduar pozitat veta sepse ai është në një konflikt penale me akuza penale me SPAK.

Nga ana tjetër, përveç Edi Ramës, të gjithë qeverinë e vet e ka bërë copë. Ramës i ka rënë SPAK. Kur të priten të gjithë rrënjët, degët janë kot”, tha ai./abcnews.al

Juristja Brizida Gjikondi foli për deklaratat e kreut të PD Sali Berisha ndaj SPAK, duke thënë se tonet e qeta të Berishës ndaj drejtuesit të SPAK, Klodian Braho i sheh thjesht si një strategji të përkohshme.

Në emisionin “Real Story” në ABC News, tha se kreu i PD është i njohur për gjuhën dhe akuzat e tij ndaj drejtësisë dhe se nuk mund të dalë nga skema e tij por thjesht po ndryshon taktikë.

“Ulja e toneve ndaj SPAK kam përshtypjet se është taktikë apo strategji e përkohshme. Pra nuk e shoh si vizion i tij të ndryshojë tani. Kam përshtypjen se edhe zoti Braho do t’i bashkohet fjalorit të zotit Berisha. Edhe për zotin Kraja në fillim tha fjalë shumë të mira, dhe më pas ka ndryshuar regjistri i fjalorit edhe ndaj zotit Kraja dhe zotit Dumani”, tha Gjikondi.

Nga ana e tij Indrit Hoxha u shpreh se vlerëson SPAK dhe punën  e drejtësisë, megjithatë thotë se beson se në SPAK ka edhe prokurorë që përdoren nga kryeministri Edi Rama.

“I qëndroj mendimit tim se në SPAK ka njerëz me integritet, por ka edhe prokurorë që përdoren nga kryeministri Edi Rama. Ky është mendimi im. Pra tani Rama po na del sikur nuk di gjë. Por SPAK të shkojë ta marrë kryeministrin, minimalisht për çështje që mund të ketë në dijeni, duhet të ishte thirrur të paktën njëherë në SPAK.

Read More...

Rithemelimi i Partisë Demokratike është shoqëruar me një rihetim nga ana e SPAK-ut lidhur me financimet e Kuvendit të 11 dhjetorit 2021.

Anëtari i Kryesisë së Partisë Demokratike, Indrit Hoxha, deklaroi se çdo donacion është i deklaruar në KQZ dhe se gjithçka është transparente dhe ligjore, por nuk dha detaje lidhur me procesin në SPAK. Hoxha shtoi se Partia Demokratike po rifreskon listat e anëtarësisë për të mos përjashtuar askënd dhe se, sipas tij, PD-ja do të kalojë drejt digjitalizimit të anëtarësisë, për shkak të mospërputhjes mes numrit të anëtarëve të deklaruar dhe pjesëmarrjes reale në votime.

“Duhet të ndajmë financimin e një force politike që është e rregullt nga ana juridike, nga ajo periudhë kur nuk kishim as status financiar dhe as juridik, dhe nuk na njihte askush. Si çdo organizim që vepron brenda kuadrit ligjor, kjo gjë nuk përbën asnjë pengesë.

Çdo donacion për partitë politike është i deklaruar në KQZ, ashtu siç janë mbyllur edhe bilancet për zgjedhjet. Gjithçka është transparente dhe ligjore. Unë jam një nga personat që jam pyetur për çështjen e financimeve dhe, për arsye ligjore, nuk është korrekte që ta komentoj më tej. Nëse nuk do të isha përfshirë drejtpërdrejt në këtë proces, do ta bëja publike këtu edhe koston e Kuvendit të 11 nëntorit.

Partia Demokratike po rifreskon listat e anëtarësisë. Është rënë dakord që ata që kanë votuar për Bashën herën e fundit, së bashku me ata që kanë marrë pjesë në Foltore, të kenë të drejtën e anëtarësimit. Kjo bëhet për të mos përjashtuar askënd nga PD-ja.

Mua më ishte hequr emri nga listat e PD-së kur isha sekretar i forumit në detyrë. Ka ardhur koha që anëtarësia në PD të digjitalizohet, pasi sot një degë mund të deklarojë 15 mijë anëtarë, ndërsa në votime marrin pjesë vetëm rreth 1 mijë. Mbi këtë problem po ndërtohet një organizim i ri.”, tha Hoxha.  / abcnews.al /

Read More...

TIRANË- Anëtari i Kryesisë së Partisë Demokratike, Indrit Hoxha, i ftuar në “Real Story”, tha se fatura e Kuvendit të “Rithemelimit” të 11 dhjetorit 2021 është shume herë më pak, nga ajo që kanë publikuar mediat.

Ai nuk pranoi të tregonte shifrën duke e cilësuar si pjesë të sekretit hetimor.

Ai theksoi se ky hetim i SPAK mund të jetë iniciuar nga denoncimet e Gazment Bardhit, i cili në atë kohë ishte me Lulzim Bashën dhe kundër Sali Berishës.

Ky i fundit luftonte për të marrë vulën e Partisë Demokratike, në një betejë që vijoi për një kohë të gjatë.

“Sa i takon shpenzimeve të Kuvendit çdo gjë është me faturë. Prokuroria i ka të gjitha pagesat dhe të gjitha faturat, është çështja e sekretit hetimor dhe nuk mund të flas për këtë pjesë, por ju them se shifra është qindra herë më e vogël se sa shumat që fliten nëpër media.

Çështja e Kuvendit mund të ketë nisur edhe  si denoncimi i z.Bardhi dhe mund të ketë pasur indicie nga denoncimi i Bardhit asaj kohe kur ishte me z.Basha, por mund të jetë edhe për shkak të hetimeve të tjera”, tha ai./abcnews.al

Anëtari i Kryesisë së PD Indrit Hoxha, në emisionin “Real Story” në ABC News foli për financimet e Kuvendit të Dhjetorit si edhe Foltoret e PD.

Ai u shpreh se të gjitha të dhënat apo financimet janë të ditura dhe se drejtësia është e lirë të hetojë.

Gjatë intervistës Hoxha nënvizoi se në një përllogaritje të shpejtë 27 Foltoret e Berishës kanë kushtuar gati 3-4 mijë euro.

“Në vendin tonë , si bashkitë tona dhe bashkitë e kundërshtarit politik  për aktivitete kryesore të partive i kanë dhënë sallat. Kjo është e vërteta.. Një sallë më shumë se 150 euro nuk shkon në Shqipëri. Dhe 27 Foltore që ka bërë Berisha janë 3-4 mijë euro dhe nëse lideri nuk gjen 3-4 mijë euro donacione për të paguar këto salla nuk është për të drejtuar partinë më të madhe në opozitë. I ka SPAK të gjitha faturat”, tha ai.

/abcnews.al/

TIRANË– Pak ditë më parë, anëtari i kryesisë së Partisë Demokratike, Indrit Hoxha, u thirr në Prokurorinë e Posaçme Antikorrupsion për t’u pyetur mbi të financimit të Kuvendit të Rithemelimit.

Kuvendi i Rithemelimit u zhvillua më 11 dhjetor në vitin 2021, i iniciuar nga ish-kryeministri Sali Berisha, në atë kohë demokratët ishin në konflikt për vulën dhe logon e PD, pasi kjo e fundit drejtohej nga Lulzim Basha.

Ky veprim i SPAK duket se ka trembur jo pak Sali Berishën, i cili tha se shpenzimet e Kuvendit le të hetohen, por jo pasuritë e familjarëve të tij.

Kjo çështje u trajtua mbrëmjen e kësaj te enjteje në studion e “Real Story”. Juristja Brizida Gjikondi u shpreh se Sali Berisha e ka kthyer në modë sulmin publik që adreson ndaj prokurorëve të SPAK.

Sipas saj, Berisha është i frikësuar pasi vetë kreu i SPAK  në vizionin e tij është shprehur se prioritet është hetimi pasuror i personave, që janë nën hetim nga SPAK.

“Berisha është mësuar të sulmojë prokurorët  SPAK, Për Kraja dhe Millonai, janë dy prokurorët që kanë edhe çështjen e hetimit pasuror dhe Partizanit.

Për hetimin pasuror ndodhet një farë shqetësimi edhe për Berishën dhe Metës, sepse Klodian Braho kur mori detyrën  në krye të SPAK, kur u pyet për vizionin e tij, ai tha se unë do hetojë pasuritë e politikanëve që janë nën akuzë.

Fillimi i hetimit me themele, sidomos i Kuvendit të z, Berisha te stadium “Arena”, kam përshtypjen se ka të bëjë me të gjithë vizionin që ka Braho për ta filluar tek bishti, për të arritur tek koka.

Kuvendi i bërë te stadium ishte 1.1 milionë euro, nga lista që vetë Basha apo Bardhi nuk e di kush e ka dorëzuar në SPAK. Gjërat po ecin në drejtimin e duhur për të bërë një përshtatje të asaj që është deklaruar, me atë që rezulton aktualisht.”,  tha ajo./abcnews.al

Analisti Roland Bejko tha për Real Story se takimet e Sali Berishës zhvillohen kryesisht me njerëzit më të afërt, të cilët shpesh shmangin t’i thonë të vërtetën për shkak të besnikërisë ndaj tij.

Sipas Bejkos, pas humbjeve të njëpasnjëshme dhe zhgënjimit, uniteti i krijuar rreth Berishës po zbehet, ndërsa premtimet për rikthim të shpejtë në pushtet nuk janë përmbushur.

Ai theksoi se presioni ndaj Berishës është rritur.

“Takimet që zhvillon Berisha janë kryesisht me njerëzit më të afërt të tij, me ata që u beson më shumë. Kemi vënë re se këta, nga dashuria e madhe për Berishën, shpesh vihen në siklet për t’i thënë të vërtetën. Ata shkojnë deri në maksimum në mbështetje të disa emrave që vijnë pas Berishës. Në Lezhë, ai i tha: “Ka kaq të vështirë e keni ju të trashëgoheni diku tjetër?”

Është arritur pika e ngopjes, pasi janë humbur të gjitha zgjedhjet dhe ka pasur zhgënjim nga Basha, kur ishin bërë gati për të marrë pushtetin dhe humbja ishte e butë. Me rikthimin e Berishës, si një figurë karizmatike, e ndershme dhe e viktimizuar pas shpalljes “non grata”, u krijua një unitet i përkohshëm. Berisha u premtoi se nëse do të ishte kryetar për gjashtë muaj, do t’i kthente në pushtet, por sot ata e kuptojnë situatën reale dhe e ballafaqojnë me atë që Berisha u thotë.

Përtej Partisë Demokratike është e djathta dhe një elektorat i pakënaqur që nuk po mblidhet brenda PD-së. Presioni ndaj Berishës është shumë i fortë dhe për herë të parë, që kur ai është kryetar, figura si Ervin Salianji dalin përpara dhe zhvillojnë takime me mbështetës të tjerë demokratë.

Ervini ka një avantazh, sepse pas daljes nga burgu partia e ka konsideruar si hero dhe si figurë të viktimizuar për shkak të dhunës që, sipas tyre, ka ushtruar mazhoranca.”  / abcnews.al /

Në një intervistë në emisionin “Real Story” në ABC News, Indrit Hoxha anëtar i Kryesisë së PD, u shpreh se drejtësia duhet lënë që të bëjë punën e saj.

Sa i përket paraqitjes së tij në SPAK ai tha se ishte si donator i Rithemelimit, duke shtuar se

“I kam bërë thirrje prokurorisë së posaçme të hetojë pasurinë time dhe të kundërshtarëve. Unë mendoj që çdo njeri që merret me politikë duhet të ketë një transparencë të financave. Jam thërritur në cilësinë e personit që mund të ketë dijeni në lidhje me organizimin dhe financimin e Kuvendit të Dhjetorit dhe kam dhënë për kontributet e mia çdo gjë të justifikuar, shumat apo  arsyet. Nëse do bëhet sërish ai Kuvend sërish do jem një nga donatorët e mundësimit të Kuvendit të 11 dhjetorit. Në gjykimin tim, drejtësia duhet lënë të bëjë punën e saj”, tha ai.

Më tej shtoi se pret që të thërritet sërish në SPAK dhe se është shumë i hapur për të dhënë shpjegime.

“Dikur ata që kanë gjykuar familjet time për 25 vite fatkeqësisht sot duhet të bëjnë drejtësinë e re. Sa i takon çështjes se si është hapur ky hetim nuk më intereson. Unë jam shumë i pastër përpara drejtësisë dhe sa herë të më thërrasë do përgjigjem. Unë pres të më thërrasin sërish sepse kam bërë disa denoncime, kam tre kallëzime ndaj kryeministrit të vendit të faktuara për shpërdorim detyre. Por ka dhe kërkesa që kam bërë për hetimin e pasurisë për çdo politikan në Republikën e Shqipërisë. Unë pas humbjes së 2021 të PD kam të njëjtin mendim ndaj personazhit në fjalë që sot është kreu i PD. Unë ndaj jam i djathtë dhe mendimi ndryshe duhet të pranohet. Unë kam qenë kundër bashkimit në diversitet, por pjesa a e pranojnë apo jo nuk ka rëndësi”, shtoi ai.

TIRANË- Gjykata Kushtetuese i ka dhënë të drejtë padisë së një personi, i cili ishte ankuar se SPAK dhe GJKKO, pas sekuestrimit të celularit, i kishin marrë dhe përdorur të gjitha të dhënat personale, që kishin gjetur në aparat.

Kushtetuesja e ka quajtur këtë shkelje të të drejtave të njeriut dhe të privacisë dhe ka urdhëruar përdorimin vetëm të komunikimeve për çështje në hetim, të cilat do të përcaktohen si të tilla paraprakisht me vendim gjykate, duke i vënë kështu një vijë të kuqe kufizuese SPAK-ut dhe GJKKO-së.

I ftuar në emisionin “Tirana Live”, analisti Skënder Minxhozi e cilësoi vendimin e Gjykatës Kushtetuese si një reflektim të një niveli të lartë juridik. Sipas tij, bëhet fjalë për një çështje që ka shkaktuar debate të forta mediatike dhe politike, ndërsa thelbi i problemit qëndron te respektimi i procedurave dhe standardeve gjatë procesit hetimor.

Minxhozi theksoi se ky vendim përbën një piketë të rëndësishme në përcaktimin e kufijve që duhet të respektohen nga drejtësia e re, sidomos në rastet e sekuestrimit të celularëve, laptopëve dhe pajisjeve të tjera elektronike.

Ai nënvizoi se mbrojtja e privatësisë dhe e të drejtave të individit është thelbësore, pasi keqpërdorimi i të dhënave personale ka qenë shpesh një realitet i dhimbshëm, ku informacione pa lidhje me hetimin janë bërë objekt diskutimi në rrjetet sociale dhe media, duke synuar denigrimin e personave nën hetim.

Sipas analistit, vendimi i Gjykatës Kushtetuese synon të korrigjojë devijimet që kanë ndodhur në këto procese dhe të forcojë besimin e qytetarëve te sistemi i drejtësisë, përmes institucioneve me vetëdije të lartë ligjore.

“Është një reflektim i një niveli të lartë juridik, siç është dhe kjo gjykatë në lidhje me një çështjet që ka shkaktuar debate të ndezura mediatike dhe politike. Procesi hetimor kërkon informacionet dhe burimet e tij të verifikimit dhe menaxhimit të të dhënave, çështje qëndron nëse e gjitha kjo bëhet bazuar në procedurë dhe në standarde.

Ky vendim i Kushtetueses është piketë madhore në përcaktimin e disa kufijve të cilët duhen respektuar, që pas shumë vitesh, drejtësia e re, kemi këtë eksperiencë kur celularët dhe materialet e tjera si laptopë, kompjuterë, të gjithë këto materiale kërkojnë  një rregulle: të sigurohet privacia dhe e drejta e individit.

Keqpërdorimi i privacisë është një realitet i dhimbshëm. ndodheni në një situatë shumë shpesh kur informacione, pa lidhje me objektin e hetimit janë kthyer në çështje diskutime në rrjetet sociale dhe në media. Këto kanë si synim ta denigrojnë personin e hetuar.

Duhen institucione me vetëdije të lartë. Duhet sistemi ku njerëzit të besojnë në drejtësi. Kushtetuesja synon të rregullojë dhe korrigjojë devijimin që ka ndodhur dhe po ndodh në këto procese”, tha ai./abcnews.al

Presidenti rus Vladimir Putin deklaroi të enjten se situata ndërkombëtare po përkeqësohet dhe se rreziqet globale janë në rritje, ndërsa shmangu komentet për zhvillimet në Venezuelë, Iran dhe tensionet e fundit që përfshijnë Shtetet e Bashkuara.

Gjatë një fjalimi në Kremlin para ambasadorëve të rinj, Putin theksoi se konfliktet e vjetra po intensifikohen dhe se po shfaqen vatra të reja krize në botë. Ai nuk përmendi drejtpërdrejt SHBA-në apo presidentin amerikan Donald Trump, por kritikoi vendet që, sipas tij, përpiqen të imponojnë vullnetin e tyre përmes forcës.

“Rusia mbetet e përkushtuar ndaj një bote shumëpolare,” u shpreh Putin, duke bërë thirrje për diskutimin e propozimeve ruse për krijimin e një arkitekture të re sigurie në Evropë.

Deklaratat vijnë në një kohë tensionesh të larta ndërkombëtare, ndërsa lufta në Ukrainë vazhdon të përbëjë përplasjen më të madhe mes Rusisë dhe Perëndimit që nga Kriza e Raketave Kubane në vitin 1962.

Ministri i Jashtëm turk, Hakan Fidan, tha të enjten se Turqia është kundër “çdo ndërhyrjeje ushtarake” ndaj Iranit, duke i kërkuar Teheranit të zgjidhë vetë “problemet e veta të brendshme”.

Vërejtjet e Fidanit erdhën gjatë takimit të tij me gazetarët në Stamboll.

Çështja ka një dimension të marrëdhënieve ndërkombëtare, tha Fidan, duke shtuar se Teherani është “subjekt i sanksioneve” për shkak të disa prej politikave të tij.

Duke deklaruar se i ka nxitur homologët e tij iranianë të zgjidhin problemet me vendet e rajonit, Fidan tha: “(Irani) duhet t’i zgjidhë çështjet e tij në çështjen bërthamore globale përmes diplomacisë pa humbur asnjë mundësi, në mënyrë që disa probleme strukturore që shkaktojnë vështirësi ekonomike të eliminohen”.

Fidan nënvizoi se kur një vend është nën izolim ndërkombëtar, ofrimi i shërbimeve të caktuara ekonomike kufizohet.

“Irani ka një popullsi të madhe dhe një shoqëri dinamike. Ka njerëz të sofistikuar me një dëshirë shumë të fortë për jetë dhe për pjesëmarrje në jetën shoqërore. Kur i privon një shoqërie të tillë nga mundësi të caktuara, shfaqen këto lloj problemesh.

Ajo që ngatërrohet këtu është se vështirësitë me të cilat përballen njerëzit për shkak të vështirësive ekonomike dhe vështirësive të tjera mund të shfaqen si një kryengritje ideologjike kundër regjimit; Në realitet, kjo përbën një zonë gri”, tha ai.

“Kur shqyrtohet nga afër, nuk ka asnjë situatë që do të nxiste oreksin e disa vendeve armiqësore ndaj Iranit jashtë vendit, në aspektin e armiqësisë ndaj regjimit. Megjithatë, vështirësitë ekonomike të krijuara nga politikat ekzistuese dhe pamundësia për t’i lehtësuar ato, krijojnë probleme serioze.

Ne nuk duam të shohim ndonjë ndërhyrje këtu, por kur shikoni politikat e (Presidentit të SHBA-së Donald) Trump, nuk kemi parë një preferencë të fortë deri më tani për përdorimin e forcave tokësore”, tha ai më tej.

Ligji për Arsimin e Lartë do të rishikohet brenda këtij sesioni parlamentar.

Gjatë një takimi me 40 rektoret e universiteteve publike dhe private, kryeministri Edi Rama propozoi ngritjen e një grupi pune për të adresuar boshllëqet dhe nevojat e sistemit universitar në rrugen drejt Bashkimit Europian.

“Eshtë koha për të rivizituar Ligjin e Arsimit të Lartë, pasi tanimë ka kaluar një periudhë e mjaftueshme për të reflektuar në atë ligj ndryshimet që ka sjell koha, por edhe  konstatimet e praktikës në raport me kornizën e ligjit. besoj që edhe për shkak të eksperiencës edhe për shkak se në këtë rast nuk bëhet fjalë për një përmbysje si në rastin kur u shkrua ligji, por bëhet fjalë për korrektime do të jetë e mundur që ta bëjmë këtë në një kohë të arsyeshme dhe ma ha mendja që nuk do presim sesionin tjetër të Parlamentit për ta përgatitur bazën e ndryshimeve.

Pastaj proceduara parlamentare mund të jetë në fund të këtij sesioni, mund të jetë në fillim të sesionit tjetër, por ajo që është e rëndësishme është që të organizohemi me një grup pune të përbashkët për të reflektuar mbi të gjitha shqetësimet apo konstatimet dhe për të shkruar ndryshimet.”

Rama njoftoi ndërtimin e dy kampuseve studentore në Tiranë dhe Durrës, edhe si përgjigje ndaj qirave të larta.

“Kemi dy kampuse përpara. Kampusin e madh të Tiranës. Në ndërkohë, kemi hapur procesin për kampusin e Universitetit “Aleksandër Moisiu”, në Durrës, Kemi pasur një interes jo të vogël nga 40 studio ndërkombëtare.

Ka një potencial shumë të madh për të krijuar edhe infrastrukturë qëndrimi, rezidence të studentëve duke pasur parasysh trenin që duhet të jetë në funksion së shpejti, duhet të jetë absolutisht shumë e thjeshtë që studentët të jenë në Tiranë, të kenë mundësi të strehohen në kampusin e Durrësit dhe për këtë arsye do të ndërtojmë një kompleks studentor rezidencial shumë të mirë në mënyrë që të ndihmojnë në zgjidhjen e një problemi të madh që kanë studentët për shkak të çmimeve të larta që kanë qiratë në Tiranë, edhe në Durrës gjithashtu, por në Tiranë.”

Qeveria ka vënë në dispozicion të universiteteve 11.2 miliardë lekë grant për mësimdhënien, për të mbështur me paga rreth 5,800 personel akademik dhe administrative në 14 universitetet publike dhe mbi 12,000 studentë ekselentë apo me nevoja sociale, përmes skemës së bursave.  / abcnews.al /

Presidenti rus, Vladimir Putin deklaroi situata ndërkombëtare është përkeqësuar dhe se bota po bëhet më e rrezikshme.

“Situata në skenën ndërkombëtare po përkeqësohet gjithnjë e më shumë, nuk mendoj se dikush do të ishte kundër kësaj. Konfliktet afatgjata po intensifikohen dhe po shfaqen pika të reja serioze të nxehta”, tha Putin.

Duke iu drejtuar ambasadorëve të rinj që paraqitën kredencialet e tyre në Kremlin, Putin i nxiti të diskutojnë propozimet e Rusisë për një arkitekturë të re sigurie në Evropë.

Një paralajmërim i rrallë i nivelit të kuq për erëra të rrezikshme dhe të stuhishme është lëshuar nga Met Office për jugperëndimin e Anglisë, ndërsa stuhia ”Goretti” pritet të sjellë shpejtësi ere deri në 160 km/h.

Paralajmërimi prek veçanërisht Cornwallin dhe Ishujt Scilly.

Sipas parashikimeve, pjesë të këtyre zonave do të goditen nga erëra të fuqishme që zgjasin dy deri në tre orë, ndërsa në zona të ekspozuara priten erëra maksimale prej 130–160 km/h ose edhe më shumë.

Autoritetet paralajmërojnë për dëmtime të ndërtesave, dallgë shumë të mëdha, mbetje që fluturojnë në ajër duke rrezikuar jetën, ndërprerje të energjisë elektrike dhe anulime të transportit publik.

Një paralajmërim i kuq nënkupton se pritet mot jashtëzakonisht i rrezikshëm dhe se qytetarët duhet të ndërmarrin masa për të mbrojtur veten.

Met Office thekson se ekziston rrezik serioz për jetën, me ndërprerje të mëdha në udhëtime, furnizim me energji dhe dëme të gjera në prona dhe infrastrukturë, duke këshilluar shmangien e udhëtimeve.

Stuhia, e emërtuar nga shërbimi meteorologjik francez Meteo France, është përshkruar si një ngjarje me shumë rreziqe. Përveç erërave ekstreme, parashikohet edhe reshje intensive bore, me deri në 30 centimetra në disa pjesë të Britanisë së Madhe.

Paralajmërime për borë, shi, erë dhe akull janë lëshuar në të gjithë vendin për shkak të kushteve të rrezikshme të udhëtimit. Kryeparashikuesi i Met Office, Neil Armstrong, tha se ndikimet më të mëdha priten nga bora në disa zona të Uellsit dhe Midlandsit, si dhe nga erërat shumë të forta në jugperëndim.

Ai paralajmëroi se reshjet e shiut në disa rajone mund të shndërrohen në borë të rëndë, duke izoluar komunitete rurale.

BBC raporton se stuhia ”Goretti” mund të sjellë në BM një të ashtuquajtur ”bombë moti”, e njohur ndryshe si ciklogjenezë shpërthyese.

Ky fenomen ndodh kur presioni në qendër të një sistemi me presion të ulët bie me të paktën 24 milibarë brenda 24 orësh, duke prodhuar erëra aq të forta sa të rrëzojnë pemë dhe të shkaktojnë dëme strukturore.

Gjykata Supreme në Kosovë e ka hedhur poshtë si të pabazuar ankesën e Partisë Demokratike të Kosovës kundër vendimit të Panelit Zgjedhor për Ankesa dhe Parashtresa lidhur me rreth 20 mijë vota të dërguara me postë në zgjedhjet e jashtëzakonshme parlamentare të 28 dhjetorit.

PDK-së i kanë përfunduar kështu të gjitha rrugët ligjore për ankimimin e rreth 20 mijë votave të dërguara me postë nga diaspora, të cilat ata pretendojnë se kanë ardhur pas afatit ligjor.

Gjykata Supreme argumentoj se ankesa e PDK-së është e pabazuar.

Sipas Ligjit të Kosovës për Zgjedhjet, fletëvotimet e dërguara me postë nga jashtë vendit mund të pranohen nga KQZ-ja një ditë pas zgjedhjeve me kusht që të ketë vulën e dërgimit para ditës së zgjedhjeve, kusht i cili është plotësuar sipas Gjykatës Supreme.

Ndërkohë, Komisioni Qendror i Zgjedhjeve, ka njoftuar se edhe këtë të enjtë po vazhdon numërimi i fletëvotimeve sipas listë së vendvotimeve për të cilat është marrë vendim për rinumërim.

Në total janë 914 qv ku procesi po përsëritet, cka ka bërë që komisioni qëndror I zgjedhjeve të parlajmëroj se shpallja e rezultatit përfundimtar të 28 dhjetorit mund të vonoj edhe 2 javë të tjera.

/ abcnews.al /

Arkivisti Esat Shala ka deklaruar se pas luftës ka arkivuar mijëra orë pamje të masakrave në Kosovë, përfshirë edhe Reçakun, të cilat i ka dorëzuar në Gjykatën e Hagës.

Sipas tij, mbi 3,600 kaseta përmbajnë pamje shumë të rënda, por materialet janë refuzuar nga Gjykata Speciale, pavarësisht se janë dërguar përmes avokatit të Hashim Thaçit.

Shala thekson se këto pamje e kanë dëmtuar rëndë psikologjikisht dhe se publikimi i tyre do të dëshmonte krimet e kryera gjatë luftës në Kosovë.

“Pas përfundimit të luftës, kam nisur të arkivoj çdo pamje nga masakrat, përfshirë edhe atë të Reçakut. Pamjet janë shumë të rënda dhe tronditëse. Masakrat që kanë ndodhur në Kosovë përbëjnë mbi tri orë incizime, ndërsa një pjesë e madhe e materialeve ndodhen në mbi 3,600 kaseta, të cilat ende nuk i kam parë për të kuptuar saktësisht përmbajtjen e tyre.

Mbi dy mijë orë incizime i kam dorëzuar në Gjykatën e Hagës vitin e kaluar. Për fat të keq, Gjykata Speciale ende nuk i ka dëshmuar këto krime, edhe pse materialet i kam dërguar përmes avokatit të Thaçit. Ato janë refuzuar, gjë që është shumë zhgënjyese. Jam i bindur se shteti serb dhe ai rus po shpenzojnë miliona euro që këto materiale të mos dalin para Gjykatës Speciale. Nëse këto pamje do të shfaqeshin, krerët e UÇK do të liroheshin menjëherë.

Në moshën 14-vjeçare kam nisur t’i shikoj këto incizime dhe të bëj grumbullimin e tyre në terren. Këto pamje më kanë dëmtuar rëndë psikologjikisht dhe është e arsyeshme të kem probleme psikike në të ardhmen, pasi materialet janë jashtëzakonisht të rënda. Është shumë e vështirë ta bindësh veten se këto ngjarje kanë ndodhur në vendin tonë.”  / abcnews.al /

Kryeministri Edi Rama do të mbledhë të shtunën kryebashkiakët.

ABC News mëson se takimi do të mbahet në Durrës.

Si çdo vit politika ka bërë homazhe në varrezat memoriale të Reçakut.

Presidentja Vjosa Osmani e shoqëruar nga kryeministri në detyrë Albin Kurti ka deklaruar se themelet e shtetit të Kosovës janë të forta falë sakrificës së martirëve dhe dëshmorëve të Ushtrisë Çlirimtare të Kosovës, ndaj politika e ka për detyrë të vazhdoi ta mbroj të vërtetën.

“Sot jemi të lirë, gëzojmë lirinë, pavarësinë dhe demokracinë në shtetin tonë sovran në tërë territorin e Republikës së Kosovës, për shkak se themelet e shtetit tonë janë të forta dhe janë bërë të forta me sakrificën e martirëve të Reçakut dhe gjithandej Kosovës, dhe dëshmorëve të UÇK-së, të cilët dhanë edhe jetën në mënyrë që ne sot të gëzojmë lirinë.”

Kryetari i Aleancës për Ardhmërinë e Kosovës Ramush Haradinaj tha se na Hagë po gjykohen krerët e UÇK-së e jo ata që kanë kryer krimet.

“Ta gëzojmë lirinë. E vërtetë është që nuk është vendosur drejtësia për masakrat në Kosovë, jo vetëm në Reçak por edhe për Mejën dhe shumë të tjera. Po ashtu, është e vërtetë që padrejtësisht vazhdojnë të gjykohen udhëheqësit e UÇK-së dhe jo ata që kanë kryer krimet anë e mbanë e Kosovës dhe është një akuzë që kërkon drejtësi.”

Në homazhe morën pjesë edhe kreu i PDK Bedri Hamza dhe kreu i LDK Lumir Abdixhiku, ndërsa Albin Kurti premtoi se nuk do të ndalet së kërkuari drejtësi për krimet që Serbia kreu ndaj popullit shqiptar, edhe pse per masakren e Reçakut nuk ka ende asnjë të dënuar.  / abcnews.al /