Protesta e deputetëve të opozitës në Parlamentin Europian në Strasburg do të mbahet më datë 23 tetor.

Burime për Euronews Albania bëjnë me dije se do të jenë mbi 40 deputetë të PD që do protestojnë. Ata do të kërkojnë sensibilizim dhe mbështetje për kauzat e opozitës.

Protesta do jetë gjatë zhvillimit të seancës plenare në Parlamentin Europian në Strasburg.

Përveç protestës, mësohet se deputetët e PD do të zhvillojnë takime me përfaqësues dhe anëtarë të Parlamentit Europian.

Protesta e fundit e opozitës u zhvillua në Tiranë më 7 tetor dhe erdhi si reagim pas dënimit me 1 vit burg dhe më tej arrestimit të ish-deputetit të PD Ervin Salianji lidhur me dosjen “Babale”.

 

LEXONI GJITHASHTU:

• Nga bojkoti i komisionit “Xhafaj” te protesta e opozitës, flet ambasadori i BE
• “Nga protesta në Bruksel, te bllokimi i akseve nacionale”, 6 porositë e Berishës

The post Caktohet data e protestës së PD në Parlamentin Evropian appeared first on Euronews Albania.

Protesta kundër dhunës ndaj grave në Turqi

Qindra gra kanë protestuar në qytetet turke kundër vrasjes së grave, pas raportimit të dy rasteve në Stamboll.

Qindra persona kanë bërtitur zëshëm kundër presidentit turk, Recep Tayyip Erdogan dhe partisë së tij me rrënjë islamike, AKP.

“Ju jeni një Qeveri që lejoni vrasjen e grave”, ka thënë organizatorja e marshit, Gunesh Fadime Ahsahin, para turmës.

Gulizar Sezer, nëna e një gruaje të re që është vrarë, ka thënë se duhet t’i jepet fund “masakrimit të vajzave tona”.

Trupi i vajzës së saj është gjetur ne qershor, pasi fillimisht është gjuajtur në det, i mbështjellë në një tepih.

Protesta tjera janë mbajtur në Ankara dhe Izmir, sipas Federatës për të Drejta të Grave.

Protesta të ngjashme janë mbajtur çdo ditë gjatë javës, në qytete të ndryshme, kryesisht nëpër kampuse universitare.

Protestat kanë shpërthyer prej vrasjes së dy vajzave të reja në javën e fundit, brenda 30 minutave.

I dyshuari për vrasje e ka vrarë më pas edhe veten.

I dyshuari dhe dy gratë kanë qenë të moshës 19-vjeçare, kanë thënë zyrtarët.

 

The post Protesta kundër dhunës ndaj grave në Turqi appeared first on Euronews Albania.

Kryeministri Edi Rama ka komentuar protestat e organizuara nga opozita, duke i cilësuar ato si “manifestime politike për interesa të pushtetit”,

Gjatë podkastit të tij “Flasim”, Rama theksoi se këto protesta nuk janë manifestime të qytetarëve por organizime partiake në përpjekje për të fituar pushtet.

Rama bëri një ndarje mes protestave qytetare dhe atyre politike, duke përmendur se në Shqipëri ka pasur vetëm dy protesta të vërteta gjatë kohës së tij në qeveri: protesta kundër armëve kimike dhe ajo e studentëve.

Për këto protesta, kryeministri vlerësoi se ato kishin një ndjeshmëri të brendshme dhe një energji që tërhiqte qytetarët, duke krijuar një atmosferë elektrizuese që rritej vazhdimisht.

“Dy protesta ka pasur në Shqipëri që kanë qenë protesta, sa kohë jam unë këtu, të tjerat nuk janë protesta, janë shfaqje manifestime politike, për interesa për pushtet, nuk janë qytetare.

Janë protesta partie, ka një traditë protestash në Shqipëri, e kemi bërë edhe ne kur ishim në opozitë, por nuk janë qytetare, janë organizime partie, mbledhin njerëz. Sipas sensit që njerëzit kanë të nuhatjes së tyre, jemi më afër jemi më larg të mundësisë së marrjes së pushtetit përmes fitores, vijnë më shumë, vijnë më pak dhe po gjithmonë i sjellin ca njerëz. Dy protesta mbaj mend unë, ajo e armëve kimike sapo kam filluar dhe protesta e studentëve”, tha Rama.

Ai gjithashtu kritikoi përfshirjen e forcave politike në protestën e studentëve, duke e quajtur këtë një ndërhyrje të padëshiruar, që përfaqësonte një trup të huaj në atë që duhet të ishte një lëvizje e pastër qytetare.

LEXONI GJITHASHTU:

• “Shqipëria është e pagoditshme”, Rama falenderon Erdogan për dronët kamikazë
• Erdogan zbulon planin nga Tirana: Do mbështesim Shqipërinë në shëndetësi dhe siguri

The post Rama për protestën e opozitës: Partaike, dy protesta qytetare ka patur që nga 2013-a appeared first on Euronews Albania.

Gjykata e Tiranës ka lënë në burg protestuesin Sokol Bushkolaj, të arrestuar pas protestës së 7 tetorit.

Prokuroria kërkoi arrest në burg me pretendimin se protestuesi kishte thyer edhe masën e sigurisë arrest shtëpie, lidhur me një vendim të mëparshëm të gjykatës.

Bushkolaj akuzohet për largim nga vendi i qëndrimi, për goditje për shkak të detyrës dhe shkatërrim prone me zjarr.

Ditën e enjte u lanë në arrest shtëpie me kërkesë të prokurorisë dy protestuesit e tjerë Xhevahir Rrushi dhe Gentian Tuga.

LEXONI GJITHASHTU:

• Opozita zbret në shesh, Kryeministria blindon dyert, Rama rikthehet në zyrë
• Opozita bojkoton Komisionet, PS miraton udhërrëfyesin për integrimin në BE

The post Theu masën e arrestit e doli në protestën e opozitës, lihet në burg Sokol Bushkolaj appeared first on Euronews Albania.

Qytetarë të shumtë serbë kanë protestuar sot para objektit të policisë në veri të Mitrovicës, kundër arrestimit të liderit të ‘Demokracisë serbe’, Aleksandar Arsenijeviq që ka ndodhur të mërkurën pasdite.

Ata kërkuan lirimin e menjëhershëm të Arsenijeviqit, ndërsa mbanin në duar pankarta në gjuhën serbe dhe angleze me përmbajtje “EULEX cila rregull është kjo”, “A është BE e shqetësuar”, “Veç le të shkoj me radhë” , pankartë kjo me fotografi të kryeministrit Kurti, etj.

Nënkryetari i ‘Demokracisë serbe’, Stefan Veljkoviq, tha për KosovaPress se sot qytetarët po protestojnë kundër represionit që po bëhet ndaj serbëve nga ana e kryeministrit Albin Kurti.

“Sot jemi duke protestuar kundër represionit që po e zbaton qeveria e Albin Kurtit dhe do të vazhdojmë të protestojmë edhe ditët në vijim’, ka thënë Veljkoviq.

Protestuesit, në mesin e të cilëve edhe zyrtarë të “Listës serbe”, pas rreth një orë qëndrimi para objektit të policisë, janë nisur këmbë në drejtim të urës kryesore të Ibrit. Me t’u ofruar pranë njw lokali nw veri, i cili ishte i mbushur me mysafirë shqiptarë, filluan thirrjet ‘Serbia, Serbia’, duke provokuar kështu mysafirët që ishin ulur në këtë lokal, ndërsa disa prej tyre afroheshin krejt afër duke ju fishkëlluar para fytyrave. Vetëm falë reagimit të mençur të policisë, pjesëtarët e së cilës ishin rreshtuar para këtij lokali, është evituar ndonjë incident i mundur.

Protesta ka zgjatur më shumë se një orë e gjysmë dhe policia ka vëzhguar gjatë gjithë kohës situatën nga afër.

LEXONI GJITHASHTU:

• ​Raportohet për të shtëna me armë zjarri në Mitrovicë, dyshohet për të lënduar
• Osmani bisedon me zyrtarin e lartë të NATO-s për çështjen e urës në Mitrovicë

The post Protestuesit serbë provokojnë shqiptarët në një kafiteri në veri të Mitrovicës appeared first on Euronews Albania.

Presidenti i Partisë së Lirisë, Ilir Meta, zhvilloi këtë të martë një konferencë me gazetarët ku u ndal dhe te protesta kombëtare e opozitës.

Kreu i PL tha se protesta ishte një shprehje legjitime e revoltës ndaj qeverisë së kryeministrit Edi Rama.

Meta theksoi se përballja me atë që e cilësoi si “Narkoshteti” është një mision i rëndësishëm për të rivendosur demokracinë dhe sigurinë për familjet shqiptare, duke bërë thirrje për një përshkallëzim të protestave deri në arritjen e objektivave të vendosur.

“Mirënjohje dhe falenderim për dhjetëra mijëra qytetarë dinjitozë, kurajozë dhe guximtarë, që folën qartë me protestën dhe zemëratën e tyre legjitime kundër Narkoshtetit të Edi Ramës, i provuar tanimë si armiku më i egër i lirive dhe të drejtave të qytetarëve, të dinjitetit njerëzor, por edhe të interesave kombëtare të mbarë shqiptarëve.

Ngritja e qytetarëve dhe përshkallëzimi i domosdoshëm i protestës qytetare dhe përballja pa kthim dhe me çdo çmim me Narkoshtetin është tanimë e vetmja rrugë dhe alternativë që ka mbetur për të rivendosur shtetin ligjor dhe llogaridhënien, për të mbrojtur dhe garantuar rikthimin e pluralizimit politik, të demokracisë dhe njëkohësisht sigurinë e familjeve shqiptare.

Narkoshteti nuk do të ketë më asnjë minutë paqe dhe ai e kuptoi qartë se beteja e tij me qytetarët nuk do të fitohet kurrë duke helmuar popullin me gaz dhe as duke përdorur dhunën dhe provokimet e Narkopolicisë.

Përdorimi kriminal dhe jo proporcional i dhunës, i gazit lotsjellës deri tek fëmijët dhe të moshuarit, si dhe arrestimet e paligjshme provuan se Policia e Shtetit është shndërruar në Policinë e NarkoPushtetit, që ka humbur jo vetëm besimin, por edhe misionin për të garantuar rendin dhe sigurinë publike, për të mbrojtur jetën dhe pronën e qytetarëve.

Çdo shtet ka mafien e tij, por dihet botërisht se këtu mafia ka shtetin e vet dhe një falenderim të veçantë për të gjitha mediat botërore për pasqyrimin e jashtëzakonshëm që i kanë bërë protestës së mbrëmshme. Ndaj, shporrja një orë e më parë e kumbarit të krimit, Edi Ramës, është objektivi dhe misioni kryesor për të gjithë shqiptarët e ndershëm, patriotë dhe me dinjitet!”- tha Meta.

LEXONI GJITHASHTU:

• Mosbindja civile e opozitës, procedohen Bardhi e Noka. Shpallen në kërkim 9 persona
• VIDEO| Sulmohet me lëndë plasëse selia e PS-së, merr flakë godina

The post Meta reagon për protestën: Nuk do të ketë më asnjë minutë paqe appeared first on Euronews Albania.

Kryetari i Partisë Demokratike, Sali Berisha, mbajti këtë të martë një konferencë me gazetarët, ku u ndal gjerësisht te proteta e opozitës.

Berisha theksoi se mosbindja civile do të vazhdojë dhe do të përshkallëzohet, duke e quajtur këtë një përgjigje të nevojshme ndaj një “narko-diktature”.

Kreu i PD shtoi se protesta e 7 tetorit ishte një shprehje e fortë e revoltës qytetare ndaj qeverisë aktuale dhe nënvizoi se mosbindja civile do të ketë sisynim krimin e qeverisë teknike përpara zgjedhjeve.

Pjesë nga deklarata e Berishës:

Prandaj nëse shihje mbrëmë komentet e popujve europianë, në titujt e medieve ndërkombëtare, kishin vetëm admirim për ju.

Dhe për ironi të fatit.

Mbrëmë, kur gjithë popujt e botës së lirë, të përfaqësuara nga mediat e tyre, solidarizoheshin me opozitën shqiptare, të përulurit e zakonshëm të narkoregjimit dukej se për ne kishin përsëri vetëm sulme te shpëlara.

Ata janë papagajtë e zakonshëm të qeverisë, që ashtu si çdo natë, në studiot televizive bënin opozitën e opozitës.

Janë po ata që deri dje thoshin opozita është e mbaruar se nuk reagon. Ndërsa mbrëmë thanë se opozita reagoi se është e mbaruar.

Janë po ata që u mërzitën se dogjëm disa kazanë plehrash, por nuk thanë një fjalë për vajzën e vogël që u helmua me gaz nga narkopolicia e Edi Ramës, si të ishim në Sirinë e Asadit.

Janë po ata që thanë dje se protestuesit dogjën babanë e artistes së njohur Juli Emiri, kur gjithë shqiptarët e panë në video narko-kriminelin me uniformë që jo vetëm i hodhi protestuesit të pafajshëm shishen molotov me qëllimin total për ta djegur, por në një krim edhe më të shëmtuar, në vend se të shuanin zjarrin që mbuloi protestuesin, zgjodhi të shuante me ujë zjarrin e pllakave.

Janë po ata që heshtën si fije bari për breshëritë me plumba me shotganë që vrasës gjakftohtë me uniformë shkrehen kundër protestuesve.

Janë këta shpifarakë që nuk shqipëruan një fjalë për helmimin me gaz toksik të banorëve të një lagjeje të tërë për të mbrojtur parlamentin e krimit, parlamentin e Spirogjokës.

Miq, sulmet e këtyre mjeranëve për ne janë nder, sepse këta janë qenie të denatyruara që ulin kokën kur vidhen.

Që kyçin gojën para së keqes.

Që buzëqeshin kur poshtërohen.

Që admirojnë dhunuesin e tyre.

Dhe jo vetëm kaq. Shumëkush prej tyre, në xhepa ka dhe paratë tuaja, që janë vjedhur me inceneratorë, me tendera e prokurime.

Por ne nuk jemi të tillë.

Ne jemi shqiptarë të guximshëm.

Që e duam demokracinë.

Që e duam lirinë.

Që e duam Europën.

Që kemi të shenjtë dinjitetin.

Dhe prandaj luftojmë.

Prandaj mosbindja do vazhdojë.

Prandaj mosbindja do përshkallëzohet.

Prandaj përballë narko-diktaturës do ketë vetëm mosbindje totale.

Sepse koha e narkoshtetit perëndoi përgjithmonë.

Tani është ora e guximtarëve.

Është radha jonë.

Votën nuk e falim!

Prandaj me hir ose me pahir, do ta kemi qeverinë teknike.

Që të garantojmë votën e lirë.

Dhe me votë të lirë, do të shohim kë do votojnë shqiptarët.

Rrofshi ju. Rroftë Partia Demokratike. Rroftë opozita, rroftë Shqipëria.

O sot o kurrë!

Është radha jone!

Fitore!

The post “Mosbindja civile do të përshkallëzohet”- Berisha reagon pas protestës së opozitës appeared first on Euronews Albania.

Pas protestës së opozitës në Tiranë, policia arrestoi një person dhe shpalli në kërkim nëntë të tjerë, përfshirë ish-komandantin e Forcave të Ndërhyrjes së Shpejtë (FNSH) në Shkodër, Hivzi Bushati.

Arresimet dhe shpalljet në kërkim erdhën pas akteve të kundërligjshme gjatë protestës, ku u përfshinë edhe disa të mitur, tre prej të cilëve janë proceduar në gjendje të lirë.

Duket se sipas policisë ish-kreu i FNSH është përfshirë në veprimet e dhunshme gjatë protestës së opozitës në kryeqytet.

Nga përleshjet dhe incidentet gjatë protestës, 10 efektivë të policisë mbetën të plagosur, ndërkohë që të lënduar mbetën dhe tre protestues.

Ministri i Brendshëm, Ervin Hoxha, reagoi duke theksuar se një grup individësh kishin kaluar kufijtë e ligjit me veprimet e tyre të dënueshme, duke rrezikuar sigurinë publike.

Nga ana tjetër opozita deklaroi se protesta e 7 tetorit është vetëm fillimi i mosbindjes civile e cila do të shtrihet në të gjitha qytetet deri në arritjen e qeverisë teknike.

Demonstrata u përqendrua kryesisht në bulevardin “Dëshmorët e Kombit”, përpara Kryeministrisë, bashkisë së Tiranës dhe Ministrisë së Brendshme.

Tubimi u karakterizua nga tensione mes protestuesve dhe forcave të rendit. Krahas goditjeve me molotov ndaj institucioneve të sipërpërmendura, gjatë protestës pati dhe një sulm intensiv me lëndë plasëse ndaj selisë së Partisë Socialiste.

LEXONI GJITHASHTU:

• Përshkallëzohet protesta, hidhet molotov mes efektivëve: Merr flakë dhe një qytetar
• VIDEO| Sulmohet me lëndë plasëse selia e PS-së, merr flakë godina
• VIDEO| Protestuesit përplasen me policinë, qëllohet me molotov: Shpërthime të shumta

The post Mosbindja civile e opozitës, kush është ish-komandanti i FNSH i shpallur në kërkim appeared first on Euronews Albania.

Pas protestës së opozitës në Tiranë, policia ka ndërmarrë veprime ndaj personave që u përfshin në aktet e kundërligjshme, duke arrestuar një person dhe duke shpalllur në kërkim disa të tjerë.

Ky zhvillim ndodhi pas goditjeve me bomba molotov ndaj institucioneve publike gjatë protestës të së hënës, ku u përfshinë edhe disa të mitur, tre prej të cilëve janë proceduar në gjendje të lirë.

Nga përleshjet dhe incidentet gjatë protestës, 10 efektivë të policisë mbetën të plagosur, ndërkohë që të lënduar mbetën dhe tre protestues.

Ministri i Brendshëm, Ervin Hoxha, reagoi duke theksuar se një grup individësh kishin kaluar kufijtë e ligjit me veprimet e tyre të dënueshme, duke rrezikuar sigurinë publike.

Nga ana tjetër opozita deklaroi se protesta e 7 tetorit është vetëm fillimi i mosbindjes civile e cila do të shtrihet në të gjitha qytetet deri në arritjen e qeverisë teknike.

Demonstrata u përqendrua kryesisht në bulevardin “Dëshmorët e Kombit”, përpara Kryeministrisë, bashkisë së Tiranës dhe Ministrisë së Brendshme.

Tubimi u karakterizua nga tensione mes protestuesve dhe forcave të rendit. Krahas goditjeve me molotov ndaj institucioneve të sipërpërmendura, gjatë protestës pati dhe një sulm intensiv me lëndë plasëse ndaj selisë së Partisë Socialiste.

LEXONI GJITHASHTU:

• Përshkallëzohet protesta, hidhet molotov mes efektivëve: Merr flakë dhe një qytetar
• VIDEO| Sulmohet me lëndë plasëse selia e PS-së, merr flakë godina
• VIDEO| Protestuesit përplasen me policinë, qëllohet me molotov: Shpërthime të shumta

The post Protesta e opozitës në Tiranë: Arrestohet 1 person, 3 të tjerë procedohen penalisht appeared first on Euronews Albania.

Gazetari Mentor Kikia ishte i ftuar këtë të hënë në emisionin “Now” me Erla Mëhillin, ku komentoi protestën kombëtare të opozitës në Tiranë.

Gjatë intervistës, Kikia vuri në dukje se protesta ishte më e madhe se ato të mëparshmet, por nuk përmbushi pritshmëritë e krijuara. Sipas tij Partia Demokratike pompoi fort opinionin publik se do të ndodhte diçka e madhe, gjë e cila nuk u arrit.

“Prisnim të ndodhte një konfrontim me policinë, por ky nuk ndodhi në asnjë moment,” tha ai, duke shprehur habi për faktin që policia përdori gaz lotsjellës, pavarësisht se, sipas tij, protesta nuk ishte aq e dhunshme sa pritej.

Ai theksoi se kjo mund të jetë pjesë e një strategjie për të tërhequr vëmendje ose për të dhënë një paralajmërim për atë që mund të ndodhë në të ardhmen.

Gazetari shtoi se është hera e parë që protestat e opozitës kanë një kauz reale që është arritja e një marrëveshjeje për një qeveri teknike.

“Ishte diçka më shumë se protestat e mëparshme, por nuk ishte ajo që u pompua. Prisnim të ndodhte konfrontimi me policinë, i cili nuk ndodhi në asnjë moment. Nuk e di pse policia shkoi në përdorimin e gazit lotsjellës. Protesta e sotme nuk ishte ajo që u kërkua në opinionin publik që do të ndodhte, diçka që do t’i përgjigjeshim me dhunë dhe konspiracioni i madh që është në dorë të popullit. U sulmuan të gjitha institucionet me bomba molotov, por te bashkia u hodhën më pak se çfarë ndodhi te Kryeministria. Unë besoj se kjo ka qenë pjesë e një skenari për të mos çuar te ekstremi i dhunës. Ndoshta kjo ka qenë një strategji për të marrë vëmendje, por ndoshta për të dhënë një paralajmërim për atë që mund të ndodhë në të ardhmen. Policia nuk është një film aksion, por ka një qëllim dhe ky qëllim është arritja e një marrëveshjeje për një qeveri teknike. Është për t’u shënuar se për herë të parë protesta e PD-së është me një kauzë konkrete”, tha Kikia.

LEXONI GJITHASHTU:

• Përshkallëzohet protesta, hidhet molotov mes efektivëve: Merr flakë dhe një qytetar
• VIDEO| Sulmohet me lëndë plasëse selia e PS-së, merr flakë godina
• VIDEO| Protestuesit përplasen me policinë, qëllohet me molotov: Shpërthime të shumta

The post “Protesta nuk ishte ajo që u pompua”- Gazetari: Paralajmërimi që u dha, qëllimi i PD appeared first on Euronews Albania.

Gazetari Basir Çollaku tha në “Now me Erla Mëhillin” në Euronews Albania, se në këtë protestë vuri re se u kontrollua zemërimi i qytetarëve.

Sipas tij nëse do ishte lënë në dorë të qytetarëve sot do ishin djegur edhe Kryeministria dhe Ministria e Brendshme edhe Bashkia, pasi siç u shpreh ai revolta e qytetarëve ishte shumë e madhe.

“Unë e kam ndjekur protestën duke qenë pjesë e saj. Unë pash një potencial revolte dhe zemërimi të pashfrytëzuar. Po kontrollohej zemërata, po e kontrollonin qytetarët dhe vetë organizatorët.

Njerëzit aty ishin të zemëruar dhe ishin të gatshëm të përballeshin me këdo dhe me gjithçka. Po të ishte lënë në dorë të lirë të protestuesve sot edhe kryeministria edhe ministria e Brendshme edhe Bashkia do ishin shesh ndërtimi sot. S’do kishin bërë dot gjë zjarrfikësit.

Nëse do ishte lënë në dorë të lirë të protestuesve do ishin djegur. Por duke qenë se edhe kontrolli por edhe vetëdija e tyre se përballja nuk është me godinat, por me ata që janë brenda”,-tha Çollaku.

LEXONI GJITHASHTU:

• U lënduan te protesta e opozitës, babë e bijë përfundojnë në QSUT
• Protestuesit mblidhen te Parlamenti, policia i shpërndan me gaz lotsjellës

The post “Do ishte djegur Kryeministria dhe Bashkia”, Çollaku: Zemërimi nuk u shfrytëzua… appeared first on Euronews Albania.

Protesta e opozitës, rreth 2 orë pas nisjes së saj është përqendruar para bashkisë Tiranë ku edhe ka degraduar në dhunë mes policisë dhe militantëve të PD.

Në drejtim të kordonit të policisë janë hedhur vazhdimisht bomba molotov, madje në një moment një efektiv policie ka hedhur mes protestuesve një bombë molotov të pashpërthyer që vetë këta të fundit e kishin hedhur drejt tij.

Policia ka përdorur ujë dhe gaz lotsjellës për të zmbrapsur protestuesit, ndërkohë që disa prej tyre janë lënduar edhe vetë nga sasia e madhe e gazit të përdorur duke shfaqur proleme me frymëmarrjen dhe shikimin.

Më herët bomba të shumta molotov janë hedhur në drejtim të selisë së Partisë Socialiste, ku edhe slogani i vendosur në ballinë të godinës u përfshi nga flakët.

Protesta e opozitës po zhvillohet në disa zona, ndërsa skenarët për vijimin e saj vijojnë të mbeten të paqartë.

 

LEXONI GJITHASHTU:

• Protestuesit marshojnë drejt Parlamentit, FNSH blindon godinën
• Hidhet gaz lotsjellës te bashkia, policët në gjendje të rënduar

The post Hidhet gaz lotsjellës te bashkia, policët në gjendje të rënduar appeared first on Euronews Albania.

Opozita po mban sot një protestë kombëtare në Tiranë.

Mbështetës të PD janë vendosur në disa pika të kryeqytetit, një pjesë në sheshin Skënderbej, një pjesë e vogël te Kryeministria, ndërsa pjesa më e madhe e demokratëve janë grumbulluar para selisë blu, nga ku bashkë me deputetë dhe eksponentë të PD pritet të marshojnë drejt Kryeministrisë.

Rreth 1500 forca të policisë janë angazhuar për mbarëvajtjen e protestës së opozitës.

Protesta vjen si një reagim ndaj qeverisë së kryeministrit Edi Rama, e cila ka rritur tensionet politike pas dënimit të deputetit Ervin Salianji me një vit burg nga Gjykata e Apelit.

The post VIDEO-LIVE/ Nis protesta e PD, qytetarët marshojnë drejt Kryeministrisë appeared first on Euronews Albania.

Ervin Salianji i cili ndodhet në burg, u është drejtuar qytetarëve me një mesazh pak para nisjes së  protestës së thirrur nga opozita.

Në një letër të dërguar nga burgu ai shprehet se është koha që qeveria të korrë fikën që mbolli. Ai ka ftuar të gjithë qytetarët që të bashkohen në protestë ndërsa shprehet se duhet të bëhen “mur që të ndalojnë të keqen”.

Në mesazhin e tij ai shprehet se qytetarët duhet të reagojnë për të ruajtur dinjitetin dhe të drejtat e secilit.

Më poshtë mund të lexoni letrën e Ervin Salianjit:

“Në këto orë, ata po korrin frikën që mbollën vetë!

E dimë që  menduan se do na frikësonin, e sot më shumë na forcuan. Qëndresa jonë është shpërbërja e tyre!  Ne e dimë që shumë nga ne sakrifikojnë e rezistojnë sepse na takon ne së pari të jemi muri që ndal të keqen. Na takon ne dhe vetëm ne të jemi forca e shembullit.

Miq,

Të humbësh lirinë për të fituar forcën e goditjes ndaj padrejtësisë, është zgjedhje e ndërgjegjes. Të humbësh lirinë në betejë për të fituar demokracinë e qeverisje të mirë për njerëzit, është vlera më e lartë.

Të humbësh lirinë  duke fituar besimin në sakrificë është forma më ë lartë e fisnikërisë civile. Të fitosh lirinë duke protestuar me besimin që shqiptarët meritojnë një tjetër zgjidhje, është rruga!

Reago, mos humb veten, as dinjitetin, as të drejtat!

Reago, sepse forca dhe e drejta janë me ty!

Reago!  Reago për pagën e degraduar; për fitimin e munguar; për pronën e pafituar, për jetën e shtrenjtuar, për fjalën e cunguar, për shpresën e mpirë, për një Shqipëri më të mirë.

Populli shkund çdo tirani!”

LEXONI GJITHASHTU:

• Protesta kombëtare e opozitës, reagon ambasada amerikane
• Si do zhvillohet protesta e 7 tetorit/Detaje nga mbledhja e Këshillit Kombëtar të PD

The post “Do korrin frikën që mbollën”, Salianji mesazh nga burgu para protestës appeared first on Euronews Albania.

Mbështetësit e Partisë Demokratike nga të gjitha rrethet e vendit janë mbledhur këtë të hënë në Tiranë për të marrë pjesë në protestën e opozitës.

Me flamujt e Partisë Demokratike nëpër makina, mbështetësit e opozitës kanë mbërritur në kryeqytet për të nisur atë që drejtuesit e Partisë Demokratike e kanë cilësuar si fillimin e mosbindjes civile.

“Para Laçi, rroftë Sali Berisha,” dëgjohet të thotë një nga protestuesit nga makina e tij, teksa i drejtohet qendrës së Tiranës në rrethrrotullimin e Zogut të Zi.

Protesta është parashikuar të nisë në orën 18:00 në bulevardin “Dëshmorët e Kombit,” përpara godinës së kryeministrisë, dhe më pas pritet të shtrihet në disa prej akseve kryesore brenda kryeqytetit. Për këtë, në hyrjen kryesore të godinës së qeverisë janë vendosur pjesë metalike. Ndryshe nga protestat e tjera, këtë radhë nuk do të jetë një protestë me fjalime, por me aksione në terren, të cilët organizatorët kanë zgjedhur ende të mos i zbulojnë.

Për protestën, selia blu ka kërkuar 4 orë leje në policinë e Tiranës, leje e cila i është aprovuar. Prej pasdites së të dielës, policia ka kaluar në gatishmëri, dhe për këtë protestë janë angazhuar 1500 efektivë, të cilët do të jenë në terren për protestën dhe mbrojtjen e disa prej godinave shtetërore, duke përfshirë Kryeministrinë dhe Kryesinë e Kuvendit.

LEXONI GJITHASHTU:

• Opozita zbret në shesh, Kryeministria blindon dyert, Rama rikthehet në zyrë
• Protesta kombëtare e opozitës, reagon ambasada amerikane

The post “Para Laçi” – Me flamujt e PD në makina, protestuesit nga rrethet mblidhen në Tiranë appeared first on Euronews Albania.

Ambasada SHBA-së në Tiranë ka përcjellë një mesazh për qytetarët amerikanë në lidhje me protestën e planifikuar nga opozita, që pritet të mbahet pasditen e kësaj të hëne.

Në komunikatën e saj, ambasada këshillon personelin e saj të shmangë pjesëmarrjen në këtë demonstratë dhe u sugjeron shtetasve amerikanë të jenë vigjilentë duke monitoruar mediat lokale për informacionet më të fundit.

Qytetarët amerikanë janë këshilluar gjithashtu të ndjekin udhëzimet e autoriteteve shqiptare për të minimizuar rrezikun gjatë protestës.

Protesta do të zhvillohet pranë Kryeministrisë në orën 18:00, dhe pritet që të ketë një prani të shtuar të policisë, mbyllje të rrugëve dhe ndërprerje të qarkullimit.

MESAZHI I PLOTË i AMBASADËS AMERIKANE: 

Ambasada e SHBA në Tiranë, Shqipëri
Mesazh për Qytetarët Amerikanë
Vendndodhja: Në të gjithë Tiranën; Bulevardi Deshmoret e Kombit ndërmjet Sheshit Skënderbej dhe Sheshit Nënë Tereza
Data/Ora: E Hënë 07 Tetor 2024, ora 18:00
Ngjarja: Të hënën më 7 tetor është planifikuar të zhvillohet një demonstratë. Protestuesit planifikojnë të mblidhen te Kryeministria. në orën 18:00. Pritet prania e shtuar e policisë, mbyllja e rrugëve dhe ndërprerja e qarkullimit. Policia e Shtetit Shqiptar ka këshilluar se protestuesit mund të bllokojnë kryqëzimet në pjesë të ndryshme të qytetit të Tiranës. Personeli i ambasadës amerikane është këshilluar të shmangë demonstratën. Monitoroni mediat lokale dhe ndiqni udhëzimet e autoriteteve lokale të zbatimit të ligjit për informacionin më të fundit.

Veprimet për të ndërmarrë:
· Qytetarët amerikanë këshillohen të shmangin këtë ngjarje
· Monitoroni mediat lokale
· Jini të vetëdijshëm për rrethinën tuaj
· Mbani një profil të ulët

Ndihma:
Ambasada e SHBA Tiranë, Shqipëri
+(355) (0)4224-7285
+(355) (0)4224-7285 (pas orarit)
[email protected]
https://al.usembassy.gov/us-citizen-services/
Departamenti i Shtetit – Çështjet Konsullore
888-407-4747 ose 202-501-4444
Informacione për Shqipërinë
Regjistrohu në programin e regjistrimit të udhëtarëve inteligjentë (STEP) për të marrë përditësime të sigurisë.

LEXONI GJITHASHTU:

• Opozita zbret në shesh, Kryeministria blindon dyert, Rama rikthehet në zyrë
• A ngjason protesta e opozitës me atë të 21 janarit? Përgjigjet Flamur Noka

The post Protesta kombëtare e opozitës, reagon ambasada amerikane appeared first on Euronews Albania.

The post Partia Republikane apel qytetarëve për t’ju bashkuar protestës së opozitës appeared first on Euronews Albania.

Policia e Tiranës ka shpallur planin e masave për protestën e paralajmëruar nga opozita, e cila do të zhvillohet sot në kryeqytet.

Në një komunikatë për mediat, uniformat blu njoftojnë qytetarët se, duke filluar nga ora 18:00 e pasdites së sotme dhe deri në përfundim të tubimit, do të ketë bllokime në lëvizjen e automjeteve në bulevardin “Dëshmorët e Kombit”, nga kryqëzimi i Ministrisë së Brendshme deri te sheshi “Nënë Tereza”. Bllokime të ngjashme do të ndodhin edhe në rrugët “Ukraina e Lirë”, “Papa Gjon Pali II” dhe “Ismail Qemali”.

Në shkresën që Partia Demokratike i ka dërguar policisë, kërkohet një leje prej katër orësh për tubimin, nga ora 18:00 deri në orën 22:00. Kjo shkresë specifikon vetëm lejen për zhvillimin e protestës para Kryeministrisë, pa dhënë detaje mbi itinerarin që do të ndjekin protestuesit.

Sipas policisë në varësi të zhvillimit të protestës, mund të ketë kufizime të qarkullimit në këto akse rrugore:

• Kafe “Europa” – Segmenti “Ushtari i Panjohur” deri te 9-katëshet
• Shkolla “1 Maji” – Kryqëzimi i urës së ATSH-së deri te rruga e Elbasanit
• Kryqëzimi i Liceut Artistik deri te Fakulteti i Gjuhëve të Huaja
• Sheshi “Skënderbej”, bashkia Tiranë dhe Pallati i Kulturës
• Kryqëzimi i Librit Universitar
• Kryqëzimi i 21-Dhjetorit deri te shkolla “Sabaudin Gabrani”
• Kryqëzimet në zonën ish-Bllokut, rruga “Ibrahim Rugova” dhe rruga “Ismail Qemali”
• Rrethrrotullimi “Zogu i Zi”
• Kryqëzimi te ish-stacioni i trenit
• Kryqëzimi i urës së Taiëanit
• Kryqëzimi i rrugës së Kavajës me hyrjen e sheshit “Skënderbej”
• Kryqëzimi i urës së ish-hotel “Dajti”
• Kryqëzimi i 9-katësheve me Rrugën e Barrikadave
• Rruga “Dritan Hoxha”, përpara vendit të quajtur “Kupola”
• Kryqëzimi i pallatit me shigjeta

Apeli i policisë për qytetarët:

Policia i bën thirrje qytetarëve që të shmangin lëvizjen me automjete në këto akse dhe të përdorin rrugë alternative, për të lehtësuar lëvizjen e protestuesve.

Ajo thekson se respekton të drejtën e qytetarëve për të organizuar dhe marrë pjesë në tubime, dhe apelon përfaqësuesit e organizatorëve, drejtuesit dhe pjesëmarrësit që të ushtrojnë këtë të drejtë në përputhje me Kushtetutën dhe legjislacionin në fuqi.

Gjithashtu, Policia e Shtetit apelon për të gjithë ata që do të marrin pjesë në protestë që të distancohen nga çdo akt që mund të cënojë sigurinë publike dhe jetën, si dhe nga çdo akt dhune ndaj institucioneve shtetërore, pronës publike dhe private, punonjësve të Policisë, përfaqësuesve të mediave dhe qytetarëve.

Policia siguron qytetarët se ka marrë të gjitha masat e nevojshme për të garantuar rendin dhe sigurinë para, gjatë dhe pas përfundimit të tubimit, si dhe për të siguruar sigurinë publike dhe rrugore në të gjithë territorin e vendit.

LEXONI GJITHASHTU:

• Opozita zbret në shesh, Kryeministria blindon dyert, Rama rikthehet në zyrë
• A ngjason protesta e opozitës me atë të 21 janarit? Përgjigjet Flamur Noka

The post Policia paraqet planin e masave për protestën: Rrugët që do të bllokohen appeared first on Euronews Albania.

Opozita nis këtë të hënë mosbindjen civile me protestën e paralajmëruar në kryeqytet, e cila do të fillojë në orën 18:00.

Në shkresën që Partia Demokratike i ka dërguar policisë, kërkohet një leje prej katër orësh për tubimin, nga ora 18:00 deri në orën 22:00. Kjo shkresë specifikon vetëm lejen për zhvillimin e protestës para Kryeministrisë, pa dhënë detaje mbi itinerarin që do të ndjekin protestuesit.

Për sigurinë e protestës, rreth 1,000 deri në 1,500 efektivë nga Forcar e Rendi, Forcat Kombëtare të Sigurisë dhe Shqiponjat do të jenë në terren. Forcat RENEA do të jenë gjithashtu në gatishmëri për të ndërhyrë në rast të ndonjë incidenti. Autobotë me ujë do të jenë të vendosur në pjesën e pasme të Kryeministrisë dhe në disa pika të tjera pranë institucioneve ku pritet të protestohet.

Reagimet e forta nga opozita janë nxitur nga dënimi me burg i deputetit Ervin Salianji, çka ka rezultuar në thirrjen për protestë sot në sheshin para Kryeministrisë dhe në akse të tjera të qytetit. Kauza e protestës është e lidhur ngushtë me kërkesat për mosbindje civile, një apel i përsëritur nga opozita, e cila shpreson të mobilizojë një numër të madh njerëzish për të shprehur pakënaqësitë e tyre ndaj qeverisë.

Mëngjesin e sotëm, për të garantuar rendin gjatë protestës, janë forcuar dyert kryesore të Kryeministrisë. Ndërkohë, burime për Euronews Albania konfirmojnë se kryeministri Edi Rama është rikthyer në detyrë pas operacionit që ka kryer, por ende nuk ka planifikuar aktivitete publike.

LEXONI GJITHASHTU:

• Opozita zbret në shesh, Kryeministria blindon dyert, Rama rikthehet në zyrë
• A ngjason protesta e opozitës me atë të 21 janarit? Përgjigjet Flamur Noka

The post Blindohet Tirana, 1500 efektivë në terren për protestën: Sa do të zgjasin tubimet appeared first on Euronews Albania.

Kryetari i Partisë Demokratike, Sali Berisha tha këtë të diel se duke filluar nga protesta e  7 tetorit, mosbindja civile do të jetë pa ndalim.

Ai u shpreh se kjo mosbindje është përgjigjja e vetme që opozitarëve u ka mbetur kundër kryeministrit Rama dhe qeverisjes së tij, të cilën Berisha e konsideron “narkoshtet”.

Në një mesazh drejtuar qytetarëve një ditë para protestës, Berisha ka ftuar të gjithë shqiptarët që të bashkohen në protestë dhje mosbindje civile deri sa të vendoset qeveria teknike.

“Por nëse veçmas, çdo shqiptar ka të paktën nga një arsye personale për betejë, sot të gjithë si shqiptar, kemi edhe arsye të përbashkëta për bashkim.

Shqiptarët sot duhet të jenë bashkë, për të shpëtuar demokracinë. Sepse është mungesa e zgjedhjeve të lira, bllokimi i rotacionit që ka sjellë mbi ju gjithë fatkeqësitë që përmenda deri tani. Shqiptarët sot duhet të jenë bashkë, për dinjitetin e tyre. Sepse jeta në diktaturë, nuk ka dinjitet miqtë e mi. Nuk ka dinjitet, kur i kursen fëmijës vaktin ditor të ushqimit edhe hesht për këtë.

Nuk ka dinjitet, kur paranë e fituar me ndershmëri dhe lodhje, të vidhet me taksa. Të vidhet me gjoba të tepruara. Dhe këto para më pas shkojnë në fluturime me avion taksi të Edi Ramës. Shkojnë në oborre përrallore 4 milionë euro, në zyrën e Edi Ramës. Shkojnë në ndërtimin e hoteleve luksoze të Erion Veliajt. Shkojnë në xhepat e bashkëshortit strategjik të Olta Xhaçkës. Nuk ka dinjitet miq, kur trafikanti me krahët e mbrojtura nga narko policia, të kanosët si të ishte padroni yt. Kur qytetari jeton si skllav, mezi shtyn muajin. Ndërsa Edi Rama ministrat dhe trafikantet e tyre jetojn si mbret.

Nuk ka dinjitet, kur shef një deputet të ri, që burgoset sepse të informoi ty, se vëllai i ministrit të brendshëm është i dënuar për trafikim kokaine dhe vazhdon i qete trafiqet ne Vlore

Nuk ka dinjitet, kur gëlltit çdo poshtërim, kur pranon çdo të keqe, vetëm se kërcënohesh me një rrogë që nuk del as për nevojat jetike. Por mbi të gjitha, shqiptarët sot duhet të jenë bashkë, për Shqipërinë. E cila nga një gjenocid i butë i kalkuluar, është pakësuar në frymë plot 40% për 10 vite.

Prandaj mosbindja civile që nis nesër, në datën 7 tetor, ora 6, shënon një gur kilometrik në

historinë e demokracisë së Shqipërisë. Sepse nesër jo vetëm fillojmë paralizimin e narkoshtetit, por vendosim një precedent për demokracinë tonë, për pasardhësit tanë, se kur e keqja na kërcënon, ne reagojmë. Se kur të drejtat tona shkelen, ne sulmojnë, ashtu si çdo popull europian garanton demokracinë e tij.

O sot o kurrë për vote e lire është radha jone.

Miq nëse Europa na mëson një gjë, është se demokracia fitohet nuk të jepet. Prandaj kur popujt europian paralizojnë jetën për 5% të halleve tona, shqiptarët nuk do të ketë asnjë hezitim, asnjë kompleksim për të kërkuar të drejtat e tyre themelore të njeriut. Si Parti Demokratike ne jemi mbi 600.000 shqiptarë. Si front opozitar ne jemi shumica numerike e Shqipërisë. Ne kemi gjithë forcën. Ne kemi gjithë përgjegjësinë për ti dal zot vendit.

Prandaj edhe një herë, ftoj çdo shqiptar, në datën 7 tetor, ora 18/ ne marshimin drejt Tiranes

Pa fjalime. Sepse kjo është beteja e gjithë shqiptarëve. Duke filluar nga nesër. Mosbindje civile, pa kthim. Deri në qeveri teknike. Sepse vetëm me qeveri teknike, garantohen zgjedhjet e lira. Vetëm me zgjedhje të lira, rotacioni i vonuar realizohet. Dhe vetëm me rotacion, Shqipëria shpëton!”,-tha Berisha.

Kujtojmë se kreu i opozitës ndodhet në arrest shtëpie që prej 30 dhjetorit 2023. Ai akuzohet për çështjen “Partizani”.

LEXONI GJITHASHTU:

• Berisha dënon sulmin iranian ndaj Izraelit: Regjimi i Teheranit faktor destabiliteti
• Jota “heroi” i Liverpoolit, Arsenal e Man City triumfojnë me përmbysj

The post Berisha mesazh qytetarëve 1 ditë para protestës: Bashkohuni në mosbindje civile appeared first on Euronews Albania.