Sot qytetarët e Kosovës po votojnë  për herë të dytë brenda këtij viti për përbërjen e Kuvendit.

Këto zgjedhje mbahen pas dështimit për formimin e qeverisë nga legjislatura e dalë nga zgjedhjet e mëparshme, duke e futur vendin në një tjetër cikël zgjedhor dhe në një ngërç të zgjatur institucional.

Pavarësisht se Lëvizja Vetëvendosje doli e para në zgjedhjet e shkurtit, mungesa e shumicës parlamentare dhe pamundësia për ndërtimin e koalicioneve çuan në bllokadë institucionale, duke e bërë të pashmangshëm shpërndarjen e Kuvendit dhe thirrjen e zgjedhjeve të reja.

Vendvotimet janë hapur nga ora 07:00 dhe do të qëndrojnë të hapura deri në ora 19:00, kohë gjatë së cilës qytetarët me të drejtë vote mund t’u drejtohen kutive të votimit.

Sipas të dhënave të Komisionit Qendror të Zgjedhjeve, numri i përgjithshëm i votuesve është 1 milion e 999 mijë e 24 persona.

Nga KQZ kanë bërë të ditur se përgatitjet për mbarëvajtjen e procesit zgjedhor janë përmbyllur me kohë dhe se votimi do të zhvillohet në 910 qendra të votimit në mbarë vendin.

Një ditë para fillimit të votimit, KQZ njoftoi se materiali zgjedhor është shpërndarë në të gjitha qendrat përkatëse. Zëdhënësi i KQZ-së, Valmir Elezi, ka deklaruar se gjatë ditës së shtunë është bërë shpërndarja e fletëvotimeve dhe materialeve të tjera nga depoja qendrore drejt qendrave komunale të numërimit, nga ku ato janë dërguar në qendrat e votimit.

“Gjatë ditës së shtunë është shpërndarë materiali zgjedhor, përfshirë fletëvotimet nga depo qendrore e KQZ-së për në qendrat komunale të numërimit, nga ku të dielën në mëngjes do të dërgohet në qendrat e votimit në më shumë se 900, të cilat do të hapen në orën 7:00 për qytetarët me të drejtë vote”, ka thënë Elezi.

Procesi zgjedhor po zhvillohet në gjithsej 910 qendra të votimit me 2 mijë e 557 vendvotime. Përveç votimit të rregullt, në secilën komunë është organizuar edhe nga një qendër për votim me kusht, gjithsej 57 vendvotime.

“Procesi zgjedhor do të zhvillohet në 910 qendra të votimit në 2557 vendvotime. Pra në to do të mundësohet votimi i rregullt, ndërkaq në çdo komunë do të kemi nga një qendër votimi me gjithsej 57 vendvotime ku do të mundësohet procesi i votimit me kusht”, ka deklaruar ai.

Numërimi i votave për partitë politike do të nisë menjëherë pas mbylljes së vendvotimeve dhe do të bëhet në vendvotime, ndërsa numërimi i votave për kandidatët për deputetë do të zhvillohet në qendrat komunale të numërimit, proces që pritet të fillojë të hënën.

Nga KQZ kanë bërë të ditur se rezultatet e para do të fillojnë të publikohen para orës 20:00 në platformën zyrtare të rezultateve.

Mbarëvajtja e procesit zgjedhor po monitorohet edhe në aspektin e sigurisë nga Policia e Kosovës dhe Zyra e Prokurorit të Shtetit, e cila ka angazhuar rreth 100 prokurorë dhe zyrtarë të sistemit prokurorial.

Zgjedhjet po monitorohen edhe nga vëzhgues vendorë dhe ndërkombëtarë, ndërsa në cilësinë e vëzhguesit është akredituar edhe Këshilli i Evropës me 23 vëzhgues.

Kujtojmë se në zgjedhjet e shkurtit, LVV ishte non e para me 42.3%, PDK e dyta me 20.95%, LDK në vendin e tretë me 18.27% dhe pas tyre ishte koalicioni mes AAK-së dhe Nismës me 7.06%.

Sinjali – aty ku e vërteta flet para lajmit!

/GazetaSinjali/

The post Kosova rikthehet sot në kutitë e votimit, rreth 2 milionë qytetarë me të drejtë vote appeared first on Sinjali.

Sot parashikohet depërtimi i masave të ftohta ajrore që në orët e mëngjesit. Fillimisht pritet të përfshihet veriu i vendit, e më pas ky depërtim do të shtrihet gradualisht drejt jugut.

Në këto kushte, moti do të karakterizohet me intervale me diell dhe vranësira. Nuk përjashtohet mundësia e ndonjë reshjeje të dobët dhe lokale.

Era do të fryjë kryesisht nga drejtimi i veriut, e cila herë pas here pritet të jetë mjaft e fuqishme, me shpejtësi prej 17-58 km/h.

Temperaturat minimale do të lëvizin prej -5 deri në -1°C, ndërsa ato maksimale prej 1 deri në 9°C. Vlerat më të larta pritet të regjistrohen në pjesën e parë të ditës, kryesisht në jugperëndim të vendit, pasi veriu do të ndikohet që herët nga depërtimi i frontit të ftohtë, duke mos lejuar rritje më të theksuar të temperaturave. 

Sinjali – aty ku e vërteta flet para lajmit!

/GazetaSinjali/

The post Moti sot: Me diell dhe vranësira, temperaturat minimale prej -5 deri në -1°C appeared first on Sinjali.

Policia e Kosovës me qëllim të mbarëvajtjes së ditës së zgjedhjeve ka hartuar dhe është në zbatim të urdhrit operativ ‘Zgjedhjet e parakohshme për Kuvendin e Republikës së Kosovës’.

Në ambientet e Drejtorisë së Përgjithshme të Policisë së Kosovës janë mbajtur dy takime zyrtare informuese dhe koordinuese lidhur me planifikimin, zbatimin dhe koordinimin e urdhrit operativ lidhur me procesin zgjedhjeve të parakohshme për Kuvendin e Republikës së Kosovës.

Takimi i parë është mbajtur me drejtorë rajonal dhe drejtorë të departamenteve të Policisë së Kosovës, ndërsa në takimin e dytë morën pjesë edhe përfaqësues të organeve të drejtësisë, Komisionit Qendror të Zgjedhjeve, dhe të institucioneve të tjera relevante ndërkombëtare, të cilat u njoftuan lidhur me përgatitjet dhe planifikimet policore për mbarëvajtje në aspektin e sigurisë të procesit zgjedhor dhe koordinimit ndërinstitucional.

Drejtori i Përgjithshëm, kolonel Gazmend Hoxha foli rreth përgatitjeve të deritashme, rreth angazhimeve policore në procesin zgjedhor (fushatë), në aspektin e sigurisë.

Ndër të tjera, pos angazhimeve konkrete nga zyrtarë policorë në mbarëvajtje të procesit zgjedhor në aspekt të sigurisë, nga drejtori Hoxha, u kërkua nga të gjithë menaxherët rajonal e ata qendrorë mbikëqyrje dhe porosi konkrete që policia të kryej edhe këtë aktivitet, angazhim me profesionalizëm e integritet sa më të lartë.

Policia e Kosovës tutje u tha se në bashkëpunim me institucionet vendore dhe ndërkombëtare, mbetet e përkushtuar në zbatimin e detyrave dhe përgjegjësive të saj ligjore në mënyrë profesionale, transparente dhe të paanshme, me qëllim të garantimit të ushtrimit të lirë dhe demokratik të së drejtës së votës për të gjithë qytetarët.

Me këtë rast, Policia e Kosovës inkurajon qytetarët që të bashkëpunojnë dhe të raportojnë çdo rast të dyshuar apo veprim të kundërligjshëm që ndërlidhet me sigurinë dhe procesin zgjedhor, përmes numrit emergjent 192, adresës elektronike info@kosovopolice.com apo në stacionet policore më të afërta. /Telegrafi/

Instituti Hidrometeorologjik bën të ditur se sot në Kosovë do të mbajë mot i vranët dhe me intervale me diell.

IHK njofton se temperaturat minimale parashihen të lëvizin ndërmjet -2 deri -6 gradë Celsius, ndërsa maksimalet e ditës parashihen të lëvizin ndërmjet 0-3 gradë Celsius.

Do të fryjë erë kryesisht nga veriperëndimi e lehtë deri mesatare. /Telegrafi/

Viti që shënon pikën tuaj të kthesës, ku energjia profesionale dhe pasioni shpirtëror bashkohen për të ndërtuar një realitet të ri e solid. Përmes disiplinës së trupit dhe guximit të zemrës, ky rrugëtim dymbëdhjetëmujor do t’ju mësojë të zotëroni artin e të jetuarit në harmoni të plotë me veten dhe botën që ju rrethon

PESHORJA (24 Shtator – 23 Tetor)

Peshorja sundon shtëpinë e shtatë në horoskopin natyror, sektorin që lidhet me partneritetin, martesën dhe marrëdhënien me “tjetrin” - atë që qëndron përballë “unit”. Kjo e bën këtë shenjë thellësisht të orientuar drejt marrëdhënieve, dialogut dhe balancës ndërpersonale. Sunduesja e saj, Venera ajrore, i dhuron Peshoreve hijeshi, ndjenjë të theksuar për drejtësinë dhe shije të rafinuar. Janë estete të lindura, dashamirëse të bukurisë, finesës dhe paqes, ndërsa konfliktet përpiqen t’i shmangin me çdo kusht.

Në formën e saj tipike, Peshorja është e sjellshme, e sinqertë dhe fisnike. Në shoqëri njihet lehtë për gjallërinë, komunikimin e këndshëm dhe buzëqeshjen e saj të hapur, që shpesh vepron si ngjitëse. Edhe pse emocionale dhe e butë në thelb, ajo nuk është impulsive. Përkundrazi, i peshon me kujdes situatat jetësore dhe rrallë merr vendime të nxituara. Balancimi i argumenteve pro dhe kundër është një nga aftësitë e saj më të forta, por nuk duhet nxituar, sepse presioni emocional mund ta çojë drejt gabimeve.

Peshorja ka ndjenjë të thellë për vlerat e vërteta dhe një idealizëm të lindur që e shtyn drejt përsosmërisë. Pikërisht ky idealizëm, megjithatë, mund të sjellë vështirësi në jetën praktike. Në përpjekjen për të qenë e drejtë dhe e paanshme, ajo shpesh lodhet nga dilemat e vazhdueshme dhe nga nevoja për të mos lënë asgjë pa shqyrtuar. Sërish, sapo një vendim të jetë marrë, Peshorja i qëndron atij me përkushtim dhe dinjitet.

Në marrëdhëniet miqësore, Peshoret janë jashtëzakonisht të përkushtuara dhe besnike. Edhe pse shoqërore dhe komunikative, zakonisht nuk kanë shumë miq, por një rreth të vogël dhe të përzgjedhur me kujdes. Nuk janë hakmarrëse dhe edhe në konflikt preferojnë fjalën e bukur dhe qasjen e qytetëruar. Kur ndihen të lënduara ose të zhgënjyera, mund të tërhiqen përkohësisht në vetvete, duke kërkuar qetësi dhe distancë emocionale.

Ajo ndihet më mirë në hapësira harmonike, të rregulluara dhe estetikisht të këndshme. Edhe pse nuk është gjithmonë shenja më e organizuar në punë, kur e do atë që bën, është jashtëzakonisht efikase. Preferon vendimmarrjen kolektive dhe funksionon më mirë në mjedise ku mbizotërojnë marrëdhënie të shëndetshme dhe respekt i ndërsjellë.

Viti 2026 shfaqet si një rrugëtim drejt një ekuilibri më të thellë, ku kërkohet integrimi i pjekur i ambicies profesionale me mirëqenien shpirtërore. Ky është viti kur kompromiset sipërfaqësore duhen lënë pas, ndërsa marrëdhëniet e vërteta marrin prioritet, duke përdorur diplomacinë tuaj natyrale për të vendosur kufij të shëndetshëm. Karriera kërkon disiplinë dhe menaxhim të mençur të energjisë, ndërsa dashuria shndërrohet në pasqyrë të rritjes së brendshme, nga fazat e paqarta drejt harmonisë së qëndrueshme. Në mbyllje të vitit, bëhet e qartë se suksesi më i madh nuk qëndron vetëm në arritjen e objektivave, por në aftësinë për të qëndruar të ankoruar në qendrën tuaj, pavarësisht luhatjeve të botës së jashtme, transmeton Telegrafi.

KARRIERA DHE FINANCAT

Janari nis me një fokus të fortë te stabiliteti dhe ndërtimi i bazave tuaja profesionale, ndërsa Dielli ndriçon sektorin tuaj të sigurisë. Në aspektin planetar, Venera, udhëheqësja juaj, ndodhet në një pozicion që ju kërkon të jeni më të disiplinuar me shpenzimet e fillimvitit. Ky është momenti i duhur për të bërë një rishikim të plotë të gjendjes suaj financiare dhe për të hartuar një strategji kursimi afatgjatë. Në punë, mund të ndiheni nën presion për të përfunduar detyra administrative, por ndikimi i Saturnit ju siguron se kjo punë do të sjellë stabilitet. Ky janar favorizon shumë punën nga shtëpia ose investimet që rritin efikasitetin tuaj personal. Financat paraqiten të qëndrueshme, por yjet ju këshillojnë të shmangni huatë e reja pa pasur një plan të qartë fitimi. Komunikimi me bashkëpunëtorët do të jetë zyrtar dhe do t'ju duhet të tregoni autoritet për të mbrojtur idetë tuaja inovative. Mesi i muajit sjell një bisedë të rëndësishme për një rritje përgjegjësie që do të konkretizohet më tej në pranverë. Është koha të pastroni tavolinën nga projektet e vjetra dhe të bëni vend për energjitë e reja që po vijnë rrugës. Intuita do t'ju ndihmojë të pikasni një mundësi të mirë investimi në teknologji rreth javës së tretë të muajit. Mos e neglizhoni organizimin e dokumenteve, pasi saktësia e tanishme do t'ju kursejë kohë të çmuar në muajin mars. Ky janar ju gjen me dëshirë për të vërtetuar vlerën tuaj, duke hedhur hapat e parë drejt një viti me prosperitet. Fundi i muajit sjell një lajm inkurajues për një projekt që kishte mbetur pezull nga viti i kaluar.

Shkurti kërkon një ekuilibër të hollë midis ambicies dhe diplomacisë suaj karakteristike në ambientin e punës. Në aspektin profesional, do të ndjeni një nevojë të fortë për të riorganizuar strukturën e detyrave, duke u fokusuar te bashkëpunimet. Venera dhe Saturni ju nxisin të jeni më të disiplinuar me projektet e prapambetura, duke kërkuar saktësi në çdo detaj. Mesi i muajit mund të sjellë një ofertë interesante që kërkon vendimmarrje të shpejtë dhe një analizë të ftohtë të riskut. Financat paraqiten të qëndrueshme, por yjet këshillojnë kujdes me investimet e rrezikshme apo shpenzimet e nxituara për luks. Është momenti ideal për të rinegociuar një kontratë ose për të kërkuar një rritje page bazuar në meritat e vitit të kaluar. Fokusimi te detajet teknike do t’ju kursejë gabime që mund të kushtojnë financiarisht në fund të këtij muaji. Tregoni kujdes me komunikimin në grup, pasi qartësia juaj do të jetë çelësi i suksesit në çdo mbledhje të rëndësishme. Intuita juaj financiare do të jetë e mprehtë, ndaj besojini instinktit kur bëhet fjalë për kursime apo lëvizje monetare. Ky muaj shënon një pikë kthese ku puna e palodhur fillon të përkthehet në përfitime konkrete dhe vlerësim moral. Ju duhet të ruani qetësinë përballë sfidave të reja, duke përdorur hijeshinë tuaj për të zbutur çdo tension me kolegët. Një aleancë e re profesionale mund të lindë papritur, duke ju ofruar mbështetjen që ju nevojitej për planet tuaja. Muaji mbyllet me një ndjenjë sigurie dhe me një vizion më të qartë për hapat që duhet të ndërmerrni në vijim.

Marsi kërkon një qasje shumë analitike dhe të kujdesshme ndaj çdo lëvizjeje profesionale që do të ndërmerrni. Energjia e këtij muaji fokusohet te rregullimi i strukturave, ku do t’ju duhet të rishikoni metodat e vjetra për t’u bërë më efikase. Kjo është periudha kur detajet e vogla administrative do të kërkojnë vëmendjen tuaj të plotë për të shmangur vonesat. Në aspektin financiar, Marsi sjell një nevojë për të vënë rregull në buxhet, duke eliminuar shpenzimet e panevojshme operative. Mund të përballeni me sfida në komunikim, ku diplomacia juaj do të testohet nga kërkesat e larta të eprorëve tuaj. Është një kohë e mirë për të kërkuar këshilla nga profesionistët nëse planifikoni të bëni një investim të madh në biznes. Yjet sugjerojnë të mos nxitoni për të mbyllur marrëveshje në javën e dytë, pasi mund të ketë klauzola të pafavorshme. Një mundësi e re për rritje mund të vijë përmes një kontakti të vjetër, duke ju ofruar një bashkëpunim fitimprurës anësor. Fokusimi te stabiliteti dhe jo te rreziku do të jetë strategjia më e mirë për të mbajtur bilancin në territor pozitiv. Rreth fundit të muajit, do të ndjeni një çlirim nga presionet, duke hapur rrugën për ide më krijuese në karrierë. Tregoni kujdes me dokumentet zyrtare dhe sigurohuni që çdo premtim i bërë në punë të jetë i shkruar qartë. Intuita juaj për të gjetur burime të reja të ardhurash do të jetë mjaft e mprehtë gjatë ditëve të fundit të marsit. Ky muaj shërben si një urë lidhëse mes fazës së planifikimit dhe asaj të korrjes së rezultateve që po afrohen.

Prilli shpërthen me mundësi të reja që premtojnë të transformojnë pozicionin tuaj në tregun e punës ose në kompaninë tuaj. Ky muaj favorizon jashtëzakonisht shumë Peshoret që merren me tregti, ligj apo art, duke u dhënë një avantazh konkurrues. Ndikimi i Jupiterit do të jetë si një erë e fortë, duke ju shtyrë drejt projekteve me përmasa më të mëdha e prestigjioze. Financat tuaja do të njohin një rritje të ndjeshme, ndoshta përmes rritjes së pagës apo bonuseve të performancës suaj. Është momenti ideal për të prezantuar plane afatgjata, pasi karizma juaj profesionale është në kulmin e saj këtë muaj. Do të keni mundësi të udhëtoni për punë ose të merrni pjesë në evente që do të zgjerojnë rrjetin tuaj të kontakteve. Edhe pse paratë do të rrjedhin më lirshëm, Venera ju këshillon të mendoni për një plan kursimi të sigurt afatgjatë. Një projekt i nisur si hobi mund të kthehet papritur në një burim serioz të ardhurash, duke ju dhënë më shumë liri. Kujdes duhet treguar vetëm në mes të muajit, kur mund të ndiheni të tunduar për të shpenzuar tepër në luks. Ambicia juaj do të jetë ngjitëse, duke frymëzuar ekipin tuaj që t'ju ndjekë në vizionet tuaja të guximshme profesionale. Fundi i prillit ju gjen me një ndjenjë përmbushjeje dhe me një llogari bankare më të shëndoshë se në fillim të vitit. Përdoreni këtë energji për të betonuar pozicionin tuaj, pa harruar të ruani etikën e punës në çdo bashkëpunim të ri. Ky është muaji i korrjes së fryteve të para, duke ju dhënë sigurinë që ju duhej për të ecur me guxim përpara.

Maji sjell një valë transformimi në mënyrën se si ju i menaxhoni burimet tuaja të përbashkëta dhe financat afatgjata. Ky muaj është i fokusuar te menaxhimi i kredive, taksave ose investimeve të bëra me partnerë të tjerë në biznes. Në aspektin profesional, do të ndjeni nevojën për të gërmuar më thellë në projekte komplekse që kërkojnë hulumtim të detajuar. Ky është një moment i shkëlqyer për të bërë prapaskenën e duhur për një lansim të madh që do të ndodhë në verë. Financat kërkojnë një rishikim të rreptë të portofolit; yjet sugjerojnë të jeni të kujdesshëm me lëvizjet e nxituara në bursë. Komunikimi me partnerët financiarë do të kërkojë qartësi maksimale për të shmangur keqkuptimet teknike që mund të lindin. Një mundësi e re për të fituar përmes pasurive të paluajtshme mund të shfaqet papritur në javën e tretë të majit. Edhe pse mund të ndjeni presion për rezultate të shpejta, qëndrueshmëria juaj do të jetë arma juaj më e fortë këtë muaj. Është koha të tregoni se jeni të aftë të menaxhoni situata sfiduese pa humbur ekuilibrin tuaj natyral dhe diplomacinë. Shmangni dhënien e huave miqve, pasi kjo mund të krijojë tensione të panevojshme në marrëdhëniet tuaja personale e punë. Fokusohuni te trajnimet që lidhen me inteligjencën financiare, pasi këto njohuri do t'ju shërbejnë shumë shpejt në vijim. Fundi i muajit do t'ju gjejë me një vizion më të qartë, duke mbyllur një cikël pasigurie që ju ka shoqëruar. Ky muaj shënon një pjekuri të re në menaxhimin e parave, duke ju përgatitur për projekte edhe më fitimprurëse.

Qershori hap një kapitull të ri të mbushur me optimizëm për të zgjeruar horizontet tuaja profesionale përtej kufijve aktualë. Energjia planetare favorizon udhëtimet e punës, bashkëpunimet ndërkombëtare dhe edukimin që rrit vlerën tuaj në treg. Nëse punoni në media, ligj ose tregti, ky muaj do të jetë një nga më produktivët e vitit 2026 për shenjën tuaj. Financat do të kenë një tendencë rritëse, veçanërisht nëse jeni të përfshirë në projekte që lidhen me teknologjinë inovative. Ky është momenti ideal për të kërkuar një pozicion të ri që ju ofron më shumë liri veprimi dhe udhëheqjeje. Megjithatë, kujdesuni që të mos premtoni më shumë sesa mund të realizoni, për të mos humbur besueshmërinë te partnerët. Një kontratë e rëndësishme mund të nënshkruhet rreth datës 20, duke ju sjellë stabilitetin financiar që keni kërkuar. Përdoreni këtë periudhë për të përmirësuar markën tuaj personale që reflekton profesionalizmin dhe shijen tuaj të hollë. Takimet me njerëz me ndikim gjatë eventeve sociale do të jenë çelësi për të hapur dyer të rëndësishme biznesi. Edhe pse të ardhurat do të shtohen, Venera ju këshillon t'i investoni ato në mjete që rrisin efikasitetin tuaj në punë. Në javën e fundit të qershorit, mund të merrni një lajm të mirë lidhur me një konkurs ku keni marrë pjesë. Besimi te vetja do të jetë në nivelin më të lartë, duke ju bërë magnetikë për mundësi të reja shumë fitimprurëse. Muaji mbyllet me një ndjenjë lirie dhe me plane të qarta për ta çuar karrierën tuaj në një nivel tjetër.

Korriku shënon një nga periudhat më të rëndësishme për statusin tuaj, pasi Dielli ndriçon sektorin e karrierës dhe famës. Me praninë e Venerës që favorizon imazhin tuaj publik, ky është momenti për të korrur suksesin e përpjekjeve të nisura. Do të jeni në qendër të vëmendjes dhe eprorët do të vlerësojnë aftësinë tuaj për të menaxhuar krizat me elegancë. Kalimi i Marsit në sektorin e financave ju jep guximin për të kërkuar një rritje page apo kushte më të mira kontrate. Financat tuaja po stabilizohen, por Marsi mund t'ju nxisë edhe drejt shpenzimeve të mëdha për luks, ndaj tregoni vetëpërmbajtje. Është koha ideale për të bërë prezantime të rëndësishme ose për të marrë një rol drejtues në një projekt të madh. Bashkëpunimet me autoritetet do të jenë të frytshme, por duhet të qëndroni strikt ndaj rregullave për të shmangur vërejtjet. Një investim i bërë më parë mund të fillojë të japë frytet e para konkrete rreth mesit të këtij muaji veror. Ambicia juaj do të jetë e balancuar me diplomaci, duke ju bërë të padiskutueshëm në tryezat e bisedimeve të punës. Kujdesuni që të mbani marrëdhënie të mira me kolegët, pasi suksesi juaj mund të shkaktojë xhelozi të vogla në zyrë. Në fund të korrikut, mund të merrni një ftesë për një bashkëpunim prestigjioz që do të ndryshojë trajektoren tuaj profesionale. Besojini autoritetit tuaj dhe mos e nënvlerësoni fuqinë e rrjetëzimit social në avancimin e karrierës suaj të suksesshme. Muaji mbyllet me një arritje të madhe që do të mbahet mend gjatë si një pikë kthese në jetën tuaj.

Gushti sjell një zhvendosje të energjisë drejt bashkëpunimit në grup dhe realizimit të aspiratave tuaja afatgjata në punë. Planetët favorizojnë punën në skuadër dhe projektet që kanë një impakt të gjerë shoqëror apo teknologjik në treg. Në aspektin financiar, ky muaj është i orientuar drejt investimeve strategjike sesa drejt fitimeve të menjëhershme të parasë. Merkuri do të jetë aktiv, duke ju dhënë një mprehtësi për të pikasur tendencat e reja të tregut përpara të tjerëve. Është një periudhë e mirë për të rishikuar marrëveshjet dhe për të parë nëse jeni në rrugën e duhur financiare. Do të keni mundësi të bashkoheni me grupe interesi që rrisin prestigjin tuaj dhe ju hapin dyer të reja biznesi. Megjithatë, bëni kujdes rreth mesit të muajit, kur Saturni mund të sjellë vonesa të vogla në pagesa ose burokraci. Mos u dekurajoni nga këto pengesa, pasi ato shërbejnë për të testuar qëndrueshmërinë e planeve tuaja profesionale. Intuita juaj për të bërë blerje të mençura teknologjike do t'ju ndihmojë të rrisni efikasitetin në punën e përditshme. Fundi i gushtit është i shkëlqyer për të mbyllur marrëveshje që bazohen në besimin reciprok dhe vizionin e përbashkët. Paratë që do të qarkullojnë duhet të përdoren për të forcuar bazën tuaj profesionale dhe jo për aventura të rrezikshme. Qëndroni besnikë vlerave tuaja dhe do të shihni se si projektet e vështira do të fillojnë të marrin formë natyrshëm. Ky muaj ju mëson se suksesi vjen më lehtë kur punoni në harmoni me njerëz që ndajnë të njëjtat qëllime.

Shtatori paraqitet si një muaj introspeksioni dhe përgatitjeje, përpara se Dielli të hyjë në shenjën tuaj në fund të muajit. Në aspektin planetar, Merkuri ju fton të rishikoni strategjitë e prapaskenës dhe të rregulloni detajet që pengojnë progresin. Ky nuk është momenti për të nisur iniciativa të mëdha publike, por për të mbyllur ciklet e vjetra profesionale. Financat tuaja kërkojnë një menaxhim diskret; shmangni bisedat për fitimet me njerëz jashtë rrethit tuaj të besimit. Mund të ndjeni një rënie të përkohshme të energjisë, por kjo është e nevojshme për të kursyer forca për tetorin. Në punë, fokusohuni te detajet që kërkojnë përqendrim individual, pasi intuita juaj do të jetë në kulmin e saj. Një çështje financiare nga e kaluara mund të rishfaqet, duke ju dhënë mundësinë ta zgjidhni përmes diplomacisë suaj. Përdoreni këtë kohë për të bërë një plan buxhetor për fundvitin, duke prioritizuar stabilitetin mbi rrezikun e kotë. Edhe pse ritmi i punës mund të duket më i ngadaltë, kjo është qetësia përpara një periudhe shumë aktive dhe fitimprurëse. Kujdesuni për shëndetin tuaj si investimin kryesor për të përballuar ngarkesën profesionale që po vjen së shpejti. Fundi i muajit do të sjellë një qartësi të re, duke ju treguar saktësisht se ku duhet të investoni energjinë. Ky shtator shërben si një laborator idesh ku ju po përgatitni sukseset e mëdha që do të vijnë në muajt vijues. Mbajeni vizionin tuaj të qartë dhe mos lejoni që vonesat e vogla t'ju shpërndajnë vëmendjen nga objektivat kryesore.

Tetori. Me hyrjen e Diellit në shenjën tuaj, tetori shënon nisjen e një faze të re ku ju jeni arkitekti i fatit tuaj. Ky muaj është i mbushur me dinamizëm, pasi Venera ju dhuron një karizëm që tërheq mundësi të reja biznesi. Marsi i jep hov sektorit tuaj të të ardhurave, duke krijuar terren ideal për të rritur fitimet përmes negociatave. Kjo është koha më e mirë e vitit për të kërkuar rritje page apo për të lançuar një produkt të ri në treg. Financat do të kenë një kthesë pozitive dhe do të ndiheni më të sigurt për të bërë blerje që rrisin vlerën tuaj. Megjithatë, Jupiteri ju kujton të jeni të matur; mos merrni përsipër më shumë kredi seç mund të përballoni aktualisht. Çdo veprim që ndërmerrni tani do të ketë një impakt afatgjatë në karrierën tuaj për vitet në vijim. Bashkëpunimet me persona në pozita drejtuese do të jenë të suksesshme, duke ju hapur rrugën drejt një ngritjeje. Ambicia juaj e kombinuar me hijeshinë natyrale do t’i bëjë të tjerët të besojnë verbërisht në vizionin tuaj profesional. Në fund të tetorit, një projekt që nisi si ide e thjeshtë mund të marrë përmasa serioze financiare dhe morale. Shijoni këtë moment triumfi, por mbani sytë te objektivat që keni vendosur për mbylljen e suksesshme të vitit. Ky muaj ju jep energjinë e nevojshme për të dominuar sferën tuaj profesionale me vetëbesim dhe elegancë. Festoni arritjet tuaja, por qëndroni të fokusuar te puna që kërkon konsolidimin e këtyre sukseseve të reja.

Nëntori zhvendos fokusin tuaj kryesor te sektori i financave, pasi Dielli ndriçon shtëpinë tuaj të dytë të parave. Ndikimi i Venerës ju ndihmon të keni një sy të mprehtë për blerje cilësore dhe investime që ruajnë vlerën. Merkuri favorizon bisedat për rritje të ardhurash, duke ju dhënë argumentet e duhura përballë partnerëve ose eprorëve tuaj. Ky është një muaj ku do të ndjeni nevojën për siguri materiale, ndaj do të jeni më shumë të prirur drejt konsolidimit. Puna juaj do të jetë e orientuar drejt rezultateve praktike, duke ju sjellë lëvdata për efikasitetin dhe seriozitetin tuaj. Kujdes nga një aspekt sfidues i Saturnit, i cili mund të sjellë një shpenzim të detyruar për çështje familjare. Megjithëse fluksi i parave pritet të jetë i qëndrueshëm, sidomos nëse punoni në fusha që lidhen me dizajnin, është koha e duhur për të bërë një bilanc të shpenzimeve të vitit për të parë se ku mund të optimizoni. Bashkëpunimet me kolegët do të jenë më pak intensive, duke ju lënë hapësirë për të punuar në projektet personale. Në fund të nëntorit, një mundësi e re për të fituar përmes një aftësie të vjetër mund të rishfaqet papritur. Qëndroni me këmbë në tokë dhe përdorni diplomacinë për të zgjidhur çdo mosmarrëveshje të vogël monetare në zyrë. Ky muaj ju ndihmon të kuptoni se ku qëndron vlera juaj e vërtetë dhe si mund ta monetizoni atë më mirë. Mbyllja e muajit ju gjen me një ndjenjë sigurie dhe me një llogari bankare që reflekton punën tuaj të madhe.

Dhjetori mbyllet me një energji shumë komunikuese, duke zhvendosur vëmendjen te marrëdhëniet me mjedisin tuaj të afërt. Me Venerën në një pozicion që favorizon kontaktet e reja, ky muaj është ideal për të mbyllur marrëveshje biznesi. Në aspektin profesional, do të jeni shumë të zënë me raporte dhe takime që synojnë të finalizojnë objektivat e vitit. Financat do të pësojnë një lëvizje më të shpejtë; paratë vijnë dhe ikin për shkak të shpenzimeve të festave. Jupiteri vazhdon t'ju japë mbrojtje në vendimet tuaja, duke u siguruar që viti të mbyllet me bilanc pozitiv. Ky është momenti për të rishikuar kontratat që skadojnë dhe për të vendosur piketat për vitin 2027 me vizion. Një lajm i mirë lidhur me një njohje profesionale mund të vijë rreth datës 20 dhjetor, duke ju gëzuar pamasë. Mundohuni të mos mbingarkoheni me punë në javën e fundit; delegimi do të jetë i nevojshëm për qetësinë tuaj. Intuita do t'ju udhëheqë drejt njerëzve që do të jenë kyç për karrierën tuaj në ciklin e ri që po vjen. Mbyllet një vit ku keni mësuar shumë për vlerën tuaj dhe për ekuilibrin mes punës dhe shpërblimit meritor. Ky dhjetor ju gjen më të pjekur profesionalisht dhe me një bazë financiare më solide se në fillim të vitit. Shijoni frytet e punës suaj dhe përgatituni shpirtërisht për sfidat e reja që sjell viti i ardhshëm me vete. Është kohë reflektimi dhe mirënjohjeje për të gjitha sukseset që keni arritur të ndërtoni me diplomaci e punë.

SHËNDETI

Viti 2026 për shenjën e Peshores shënohet nga një kërkim i vazhdueshëm për harmoni midis gjendjes fizike dhe asaj shpirtërore, duke e vendosur theksin te parandalimi dhe disiplina personale. Si një individ që natyrshëm kërkon ekuilibrin, gjatë këtij viti do të kuptoni se trupi juaj funksionon si një instrument preciz, i cili reagon menjëherë ndaj çdo lloj çekuilibri emocional apo mjedisor. Energjia juaj vitale do të ketë luhatje sipas stinëve, duke kërkuar një menaxhim më të mirë të forcave, veçanërisht gjatë gjashtëmujorit të parë, kur angazhimet profesionale mund të tentojnë t’ju konsumojnë rezervat energjetike. Kjo është një periudhë ku duhet të mësoni të dëgjoni sinjalet e para të lodhjes, përpara se ato të kthehen në stres kronik.

Pikat më të ndjeshme për ju mbeten veshkat dhe sistemi urinar, zona që kërkojnë një vëmendje të shtuar gjatë gjithë vitit. Hidratimi i mjaftueshëm nuk duhet parë thjesht si një rutinë, por si një domosdoshmëri organike për të mbajtur "filtrat" e trupit tuaj në gjendje optimale. Konsumi i mjaftueshëm i ujit, i shoqëruar me pakësimin e kripës dhe ushqimeve të procesuara, do të jetë investimi më i mirë që mund të bëni për shëndetin tuaj afatgjatë. Gjithashtu, zona lumbare dhe pjesa e poshtme e shpinës mund të jenë burim shqetësimi, sidomos për ata që kalojnë orë të gjata ulur në zyrë. Tensioni i akumuluar në këto pjesë të trupit kërkon aktivitet fizik të rregullt, me fokus te shtriqja dhe forcimi i muskujve të barkut, të cilët mbështesin shtyllën kurrizore.

Në aspektin e metabolizmit, viti 2026 kërkon një qasje më të vetëdijshme ndaj ushqyerjes. Ju keni një prirje natyrale për të shijuar ushqimet e shijshme dhe estetike, por këtë vit trupi juaj do të preferonte thjeshtësinë dhe dietat alkaline. Perimet jeshile, frutat e freskëta dhe proteinat e lehta do t'ju ndihmojnë të mbani peshën nën kontroll dhe të shmangni ndjenjën e rëndesës që vjen nga mbingarkesa me sheqerna apo karbohidrate. Metabolizmi mund të jetë pak më i ngadaltë në fund të verës dhe fillim të vjeshtës, ndaj ky është momenti ideal për të ndjekur një regjim detoksi që pastron gjakun dhe lëkurën. Lëkura juaj, si pasqyra e shëndetit të brendshëm, do të rrezatojë vetëm nëse sistemi tretës dhe ai hormonal janë në ekuilibër të plotë.

Shëndeti mendor luan një rol parësor në mirëqenien tuaj të përgjithshme gjatë vitit 2026. Si një person që preket thellë nga konfliktet dhe disharmonia në marrëdhënie, mund të përjetoni simptoma fizike si dhimbje koke apo probleme me gjumin kur gjërat nuk shkojnë mirë në rrethin tuaj shoqëror apo familjar. Mësoni të vendosni kufij të qartë dhe të mos merrni mbi supe problemet e të tjerëve, pasi kjo mund t'ju shkaktojë një ngarkesë të panevojshme psikologjike. Praktikimi i aktiviteteve që qetësojnë mendjen, si meditimi apo shëtitjet e gjata në natyrë, do t'ju ndihmojë të ruani qartësinë dhe të shmangni ankthin që mund të vijë nga vendimmarrjet e rëndësishme.

Për sa i përket aktivitetit fizik, viti 2026 ju shtyn drejt sporteve që kombinojnë forcën me elegancën. Pilates, joga, noti apo vallëzimi janë opsionet më të mira, pasi ato nuk ushtrojnë presion të tepërt mbi nyjet, por ndihmojnë në tonifikimin e trupit dhe qarkullimin e gjakut. Gjatë muajve të ftohtë, bëni kujdes me sistemin imunitar; ftohjet e stinës mund të jenë më të shpeshta nëse neglizhoni marrjen e vitaminave bazë si C dhe D, ose nëse nuk visheni përshtatshëm. Një vëmendje e vogël duhet t'i kushtohet edhe shikimit, sidomos nëse përdorni gjatë pajisjet teknologjike, duke bërë pushime të shpeshta për të çlodhur sytë.

Në mbyllje, viti 2026 ju fton të bëheni më të disiplinuar dhe më të dashur me veten. Shëndeti nuk do të jetë problem nëse nuk e tejkaloni masën në asnjë drejtim. Balanca midis punës dhe pushimit, dietës dhe kënaqësisë, si dhe lëvizjes dhe qetësisë, do të jetë formula juaj e suksesit. Duke kultivuar një ambient të qetë rreth vetes dhe duke ushqyer mendime pozitive, do të vëreni se si trupi juaj do t'ju falënderojë me vitalitet të lartë dhe mbrojtje natyrale. Ky është viti i duhur për të investuar në zakone të reja shëndetësore që do t'ju shërbejnë gjatë, duke e kthyer ekuilibrin në një stil jetese, transmeton Telegrafi.

DASHURIA

Janari shërben si një hyrje dramatike dhe emocionuese, duke sjellë një energji që i shtyn beqarët drejt takimeve fatale dhe çiftet drejt një rishikimi të thellë të harmonisë së tyre. Janari nis me një pozicionim interesant të Jupiterit, i cili zgjeron dëshirën tuaj për lidhje kuptimplota, duke e bërë komunikimin urën kryesore drejt zemrës së tjetrit. Për ata që janë në një marrëdhënie, javët e para të vitit do të kërkojnë një balancë mes jetës private dhe ambicieve profesionale që sapo kanë marrë hov. Partneri juaj mund të kërkojë më shumë prani emocionale, dhe aftësia juaj diplomatike do të jetë çelësi për të shmangur keqkuptimet e vogla që lindin nga lodhja e festave. Janari favorizon bisedat e sinqerta rreth planeve afatgjata, si bashkëjetesa apo zgjerimi i familjes, duke i dhënë lidhjes suaj një strukturë më solide.
Nga ana tjetër, beqarët e kësaj shenje do të ndjejnë një magnetizëm të shtuar; sharmi juaj natyral do të jetë në kulmin e tij, duke tërhequr persona që vlerësojnë intelektin dhe elegancën tuaj. Një njohje e re në një ambient social apo përmes miqve të përbashkët rreth mesit të muajit mund të kthehet shpejt në diçka më serioze sesa një flirt i thjeshtë pasionant. Venera ju këshillon të mos nxitoni, por të shijoni procesin e njohjes, duke lënë hapësirë që ndjenjat të piqen natyrshëm pa presionin e kohës. Për çiftet që kanë kaluar një periudhë ftohjeje, fundi i janarit sjell një mundësi për të rindezur shkëndijën përmes udhëtimeve të shkurtra apo aktiviteteve të përbashkëta krijuese. Ky muaj kërkon gjithashtu që të jeni të vërtetë me veten; mos pranoni kompromise që cenojnë paqen tuaj të brendshme vetëm për të ruajtur një harmoni sipërfaqësore në çift.
Ndikimi i hënës së plotë në fund të muajit do të nxjerrë në pah dëshirat tuaja më të fshehura, duke ju dhënë guximin t'i shprehni ato pa frikë nga gjykimi i tjetrit. Beqarët mund të përballen me një rikthim të papritur nga e kaluara, një mesazh apo telefonatë që do t'ju bëjë të rishikoni disa vendime të vjetra emocionale. Megjithatë, yjet sugjerojnë të shihni përpara, pasi viti 2026 ka rezervuar për ju takime me njerëz që përputhen më mirë me versionin tuaj të ri. Dashuria në janar për Peshoren është si një vals i matur: kërkon vëmendje, ritëm dhe mbi të gjitha, një partner që di të ndjekë hapat tuaj me të njëjtën elegancë. Ky muaj mbyllet me një ndjenjë optimizmi, duke ju lënë të kuptoni se zemra juaj është gati për të përjetuar emocione që do të lënë gjurmë gjatë gjithë vitit. Investoni kohë në gjërat e vogla, si një darkë nën dritën e qirinjve apo një shëtitje e gjatë, sepse pikërisht aty fshihet magjia që ushqen shpirtin tuaj.

Shkurti vjen me një energji elektrizuese për Peshoren, ku atmosfera e Shën Valentinit vetëm sa e përforcon dëshirën tuaj për vëmendje dhe adhurim. Ky muaj dominohet nga një aspekt provokues i Marsit, i cili zgjon te ju një nevojë të pazakontë për të testuar fuqinë tuaj të joshjes, shpesh duke kaluar kufijtë e sigurt. Për beqarët, ky është muaji i "gjuetisë" sociale; do të gjendeni në qendër të flirteve të shumta, ku shikimet e shkëmbyera në ambiente pune apo evente do të jenë plot tension seksual. Megjithatë, bëni kujdes, pasi jo çdo flirt është i pafajshëm; ekziston rreziku i përfshirjes me një person që nuk është plotësisht i lirë, gjë që mund t’ju fusë në një lloj "trekëndëshi" emocional që do t’ju kushtojë qetësinë.
Për çiftet, shkurti është një terren i minuar ku besnikëria mund të vihet në provë. Peshorja, në kërkim të validimit, mund të tundohet nga një kompliment i tepërt jashtë lidhjes, duke krijuar situata që partneri mund t'i interpretojë si tradhti emocionale. Nëse marrëdhënia juaj ka pasur krisje, ky muaj do t’i nxjerrë ato në pah përmes xhelozisë. Mund të zbuloni mesazhe apo biseda që qëndronin të fshehura, duke provokuar debate të nxehta. Nga ana tjetër, për çiftet e qëndrueshme, ky tension mund të kanalizohet në një pasion të rigjetur në dhomën e gjumit, duke thyer rutinën me eksperimente të reja. Një udhëtim i papritur apo një dhuratë ekstravagante mund të jetë tentativa e partnerit për t’ju mbajtur pranë vetes, duke ndjerë konkurrencën e padukshme që ju rrethon.
Dashuria në shkurt nuk njeh rrugë të mesme; ose do të jetë një ringritje e fuqishme e zjarrit, ose një përballje me të vërtetat e dhimbshme të tradhtive të vogla apo të mëdha. Kujdes me rrjetet sociale, pasi një "like" i pakujdesshëm mund të bëhet shkak për një stuhi që do të zgjasë deri në fund të muajit. Në fund të shkurtit, do t'ju duhet të vendosni: a ia vlen ta sakrifikoni stabilitetin për një moment adrenaline? Energjia e Venerës ju kërkon të mos luani me zjarrin nëse nuk jeni gati të digjeni.

Marsi e zhvendos dashurinë në një terren më misterioz dhe shpeshherë të errët, ku gjërat nuk janë asnjëherë ashtu siç duken në pamje të parë. Gjatë këtij muaji, Peshorja do të ndjejë një tërheqje të fortë drejt të ndaluarës dhe sekreteve. Për çiftet, ky është muaji i "skeleteve në dollap"; sekrete të vjetra, qofshin tuajat apo të partnerit, mund të dalin në sipërfaqe në mënyrën më të papritur. Besimi do të jetë tema kryesore dhe çdo tentativë për të fshehur të vërtetën do të dështojë nën vëzhgimin e rreptë të Saturnit. Tradhtitë, nëse ekzistojnë, do të jenë të vështira për t'u mbuluar më tej, pasi intuita e partnerit do të jetë tejet e mprehtë. Megjithatë, Marsi ofron edhe mundësinë e një pastrimi rrënjësor; një bisedë e vështirë që keni shmangur për muaj të tërë mund të çojë në një ndarje përfundimtare ose në një rilindje totale, ku asgjë nuk mbetet më në hije.
Beqarët do të gjenden të përfshirë në histori që ngjajnë me skenarët e filmave plot tension. Mund të tërhiqeni nga një person misterioz, ndoshta dikush me një të kaluar të komplikuar apo dikush që mban një profil të ulët publik. Flirtet në këtë periudhë do të jenë intensive, me shumë mesazhe në orët e vona dhe takime në vende diskrete. Kini kujdes nga zhdukja pa lënë gjurmë, pasi dikush mund t'ju joshë vetëm për të plotësuar një ego të përkohshme. Një rikthim i një ish-partneri është pothuajse i garantuar rreth mesit të muajit, por këtë herë jo për nostalgji, por për të mbyllur një llogari të hapur ose për të kërkuar një shans të dytë që mund t'ju konfuzojë totalisht.
Për Peshoren, marsi kërkon mprehtësi mendore; mos lejoni që fjalët e ëmbla t'ju verbërojnë ndaj veprimeve konkrete. Ky muaj do të testojë vlerat tuaja morale dhe forcën për të thënë "jo" ndaj tundimeve që vijnë nga njerëz toksikë. Në fund të marsit, atmosfera do të qetësohet, duke ju lënë me një ndjenjë më të qartë se kush e meriton vërtet vendin në zemrën tuaj dhe kush ishte thjesht një hije kalimtare. Sekreti i këtij muaji është të mos premtoni përjetësinë në një natë pasioni, pasi emocionet do të jenë të paqëndrueshme si moti i pranverës.

Prilli vjen si një zgjim i vrullshëm i shqisave për Peshoren, ku Dielli dhe Jupiteri krijojnë një atmosferë të nxehtë që favorizon aventurat dhe guximin emocional. Ky muaj nuk njeh kufij dhe as rregulla strikte; ai ju fton të jetoni në moment, duke lënë pas dorë rezervat tuaja të zakonshme. Për beqarët, Prilli është një "fushë e hapur" për njohje të reja që nisin si flirte të pafajshme, bur kthehen shpejt në obsesione pasionante. Do të ndiheni si magnet për njerëz të guximshëm, ndoshta pak më të rinj në moshë ose me një karakter shumë të ndryshëm nga i juaji, gjë që do t’ju ngacmojë kureshtjen. Takimet e këtij muaji do të karakterizohen nga një tërheqje fizike e papërmbajtshme, ku bisedat intelektuale lihen mënjanë për t'i bërë vend gjuhës së trupit. Megjithatë, bëni kujdes: në këtë eufori pranverore, është e lehtë të ngatërroni dëshirën e çastit me dashurinë e vërtetë, duke u përfshirë në lidhje që mund të jenë aq jetëshkurtra sa janë intensive.
Për ata që janë në një marrëdhënie, Prilli sjell nevojën për ajër të ri dhe ndryshim. Nëse lidhja juaj është bërë monotone, ky muaj mund të jetë i rrezikshëm. Tundimi për të kërkuar emocione jashtë kornizës së çiftit do të jetë i lartë. Një koleg i ri apo një njohje e rastësishme mund t'ju bëjë të ndiheni sërish të dëshiruar dhe "të gjallë", duke provokuar mendime për tradhti që më parë as nuk i kishit imagjinuar. Disa Peshore mund të gjenden në situata ku duhet të fshehin mesazhe apo të shpjegojnë vonesat, gjë që do të rrisë adrenalinën por edhe tensionin me partnerin. Nga ana tjetër, nëse vendosni ta kanalizoni këtë energji brenda lidhjes, Prilli mund të shënojë një "muaj të dytë mjalti", ku udhëtimet spontane dhe surprizat romantike do të rigjallërojnë gjithçka. Besnikëria do të testohet veçanërisht rreth mesit të muajit, kur një ftesë provokuese mund t'ju vërë përballë një zgjedhjeje morale. Shmangni lojërat me "dy porta", sepse rreziku për t'u zbuluar është i lartë dhe pasojat mund të jenë të pariparueshme për besimin e partnerit. Prilli ju kërkon të jeni të guximshëm, por jo të pamend; shijoni magjinë e pranverës pa djegur urat që keni ndërtuar me vite. Dashuria këtë muaj është si një verë e fortë: e ëmbël në fillim, por që mund t'ju marrë mendtë nëse nuk e konsumoni me masë.

Maji e zhyt Peshoren në një atmosferë më të rëndë dhe më intriguese, ku dashuria fillon të ndikohet nga faktorë të jashtëm dhe interesa të fshehura. Ky muaj nuk është për sipërfaqësoren; ai kërkon që të zbuloni çfarë fshihet pas buzëqeshjeve dhe premtimeve të bukura. Për çiftet, ky është muaji i "përballjes me realitetin". Mund të zbulohen ndërhyrje nga persona të tretë, ndoshta miq që japin këshilla të këqija ose familjarë që përpiqen të diktojnë rrjedhën e marrëdhënies suaj. Tradhtitë që mund të kenë ndodhur në muajt e kaluar, tani do të lënë gjurmë të dukshme, duke krijuar një klimë dyshimi dhe kontrolli të tepruar. Venera kërkon transparencë, por ju mund të ndiheni të tunduar të luani një lojë strategjike për të mbrojtur pozicionin tuaj. Kujdes nga manipulimet emocionale; dikush mund të përdorë dobësitë tuaja për t'ju mbajtur lidhur, ose ju mund të përdorni sharmin tuaj për të mbuluar një gabim të madh.
Beqarët do të gjenden në mes të një rrjete intrigash që ngjajnë me një roman dashurie të komplikuar. Një person që ju pëlqen mund të rezultojë se ka një jetë paralele, ose ju mund të jeni "i treti" në një histori pa e ditur fare në fillim. Flirtimet e këtij muaji kanë një dozë melankolie dhe rreziku; tërheqja ndaj njerëzve "të ndaluar" ose "të paarritshëm" do të jetë tema juaj kryesore. Mund të përjetoni një histori dashurie që duhet mbajtur sekret, një lidhje në fshehtësi që ju konsumon shumë energji mendore por ju jep një ndjenjë të veçantë pushteti. Ky muaj favorizon takimet që ndodhin në orët e vona apo në vende ku nuk ju njeh askush. Megjithatë, fundi i Majit do të sjellë një zbardhje të gjithçkaje; maskat do të bien dhe ju do t'ju duhet të përballeni me pasojat e zgjedhjeve tuaja. Nëse keni luajtur me ndjenjat e të tjerëve, prisni një reagim të fortë. Nga ana tjetër, nëse jeni treguar të sinqertë, Maji mund t'ju dhurojë një lidhje tejet të thellë që shkon përtej fizikës, duke u kthyer në një shkrirje shpirtërore. Kujdes me xhelozinë, pasi ajo mund të kthehet në një mjet shkatërrues për vetëbesimin tuaj. Ky muaj ju mëson se dashuria nuk është vetëm bukuri dhe harmoni, por edhe aftësia për të përballuar anët e errëta të tjetrit pa e humbur veten. Në fund të muajit, një bisedë e vërtetë dhe pa doreza do të vendosë nëse do të vazhdoni rrugëtimin bashkë apo do të ndiqni shtigje të ndara.

Qershori hapet me një frymë lirie të skajshme dhe një dëshirë të papërmbajtshme për të eksploruar horizonte të reja sentimentale, duke i lënë pas dramat e muajve të kaluar. Për Peshoren, ky muaj përfaqëson një zgjerim të rrethit shoqëror, ku kufiri midis miqësisë dhe dashurisë bëhet tejet i hollë dhe i thjeshtë për t'u kaluar. Beqarët do të gjenden nën shoqërinë e njerëzve me kulturë të ndryshme ose me një botëkuptim shumë të gjerë, gjë që do të shërbejë si një nxitës i fuqishëm intelektual dhe erotik. Flirtet gjatë udhëtimeve apo në evente ku diskutohen ide të mëdha do të jenë të shpeshta dhe plot shkëndija. Mund të ndodhë që të dashuroheni me dikë që jeton larg, duke nisur një histori intensive në distancë, e cila do të ushqehet nga mesazhet e gjata, videot dhe dëshira e zjarrtë për t'u takuar sërish. Për çiftet, ky muaj kërkon thyerjen e rutinës shtëpiake; nëse nuk lëvizni bashkë drejt vendeve të reja, rreziku i largimit emocional është i pranishëm.
Një flirt i pafajshëm në rrjetet sociale mund të kthehet në një shqetësim real nëse nuk vendosni kufij të qartë me veten dhe me të tjerët. Pasiguria mund të nxjerrë kokë kur shihni partnerin të pavendosur, por qershori ju fton të mos e merrni çdo gjë me shumë seriozitet dhe të shijoni lehtësinë e verës. Tradhtitë në këtë periudhë tentojnë të jenë më shumë mendore sesa fizike, si një lloj arratisjeje nga përgjegjësitë e përditshme që ju rëndojnë. Ju mund të ndiheni të tunduar të jetoni një jetë paralele virtuale, ku merrni vëmendjen që ju mungon në realitet. Kjo mund të çojë në keqkuptime të mëdha nëse partneri juaj zbulon bisedat e fshehta. Megjithatë, energjia e muajit është pozitive dhe ju ndihmon të falni gabimet e vogla, me kusht që të ketë një dëshirë të sinqertë për të rregulluar komunikimin. Është një kohë ku do të kërkoni më shumë liri individuale brenda lidhjes, duke provokuar debate se sa hapësirë i takon secilit. Nëse jeni në një lidhje të re, ky muaj do t'ju shërbejë për të parë nëse keni të njëjtat vlera dhe vizion për botën, pasi bisedat do të jenë po aq të rëndësishme sa kimia fizike. Fundi i muajit sjell një qartësi të re, duke ju lënë të kuptoni se dashuria është edhe një udhëtim i përbashkët drejt njohjes së vetvetes përmes syve të tjetrit.

Korriku sjell një nxehtësi tjetër, duke e zhvendosur vëmendjen te statusi juaj dhe mënyra se si lidhja juaj shihet nga bota e jashtme dhe shoqëria. Për çiftet, ky është muaji i vendimeve të mëdha dhe shpeshherë i rëndë; mund të ketë biseda intensive për zyrtarizimin e lidhjes, martesën apo prezantimin zyrtar me familjen, por kjo vjen me një dozë ankthi dhe presioni të shtuar. Ju mund të ndiheni sikur jeni nën vëzhgim të vazhdueshëm, gjë që mund të shkaktojë tensione nëse partneri nuk ju mbështet mjaftueshëm në publik apo nëse nuk mbron privatësinë tuaj. Është një kohë ku "loja e pushtetit" brenda çiftit bëhet më e dukshme se kurrë; kush merr vendimet kryesore dhe kush dominon në marrëdhënie?
Beqarët do të tërhiqen fuqishëm nga njerëz që kanë një pozicion të rëndësishëm shoqëror apo një karrierë të suksesshme, duke e parë dashurinë si një partneritet që duhet t'u sjellë stabilitet material dhe social. Një romancë në ambientin e punës është shumë e mundshme, por ajo mund të shoqërohet me thashetheme zyre dhe intriga që mund t'ju dëmtojnë imazhin tuaj profesional. Tradhtitë në korrik kanë një karakter më strategjik dhe shpesh lidhen me kërkimin e diçkaje "më të mirë" ose dikujt që mund t'ju ndihmojë të ngjiteni më lart. Mund të tundoheni të lini një lidhje të sigurt e të qetë për dikë që ju premton një jetë më luksoze apo më emocionuese, por yjet këshillojnë të mos digjni urat për një iluzion të përkohshëm të rëndësisë. Pasioni do të jetë i lartë, shpesh i ndikuar nga egoja dhe dëshira për të rënë në sy në çdo ambient. Gjatë këtij muaji, mund të ndjeni xhelozi për sukseset e partnerit ose anasjelltas, duke krijuar një garë të pashpallur midis jush. Tradhtia mund të ndodhë edhe si një formë hakmarrjeje nëse ndiheni të lënë pas dore për shkak të punës së tjetrit. Megjithatë, nëse ka dashuri të sinqertë, ky muaj mund t'ju bëjë një "çift të fuqishëm" që admiron çdo sukses të përbashkët. Fundi i muajit do t'ju gjejë duke peshuar vlerën e vërtetë të dashurisë kundrejt interesave personale, duke kuptuar se asnjë titull apo pasuri nuk mund të zëvendësojë lidhjen e pastër shpirtërore që keni ndërtuar.

Gushti paraqitet si muaji më social, më i zhurmshëm dhe më i hapur për jetën tuaj sentimentale, ku miqtë dhe jeta shoqërore do të luajnë një rol vendimtar në ecurinë e dashurisë suaj. Për beqarët, ky është muaji i artë për të gjetur dikë përmes shoqërisë ose në festa të mëdha verore ku atmosfera është e çliruar nga çdo paragjykim; një shkëndijë e papritur me një mik të vjetër mund të kthehet në një flakë të vërtetë pasioni. Flirtet do të jenë të shumta, të shpejta dhe pa detyrime të mëdha, duke ju dhënë mundësinë të eksploroni anën tuaj më lozonjare dhe aventuriere pa u ndjerë të gjykuar nga rrethi juaj. Megjithatë, kjo atmosfera festash ka edhe anën e saj të errët dhe të rrezikshme: rreziku i tradhtisë rritet ndjeshëm për ata që janë në lidhje, pasi mundësitë dhe tundimet do të jenë në çdo cep të pushimeve.
Një festë e vonë, alkooli apo një natë pa gjumë nën ndikimin e verës mund t'ju shtyjë të bëni veprime impulsive për të cilat mund të pendoheni hidhur sapo të lindë dielli. Për çiftet, gushti kërkon pjesëmarrje aktive në jetën sociale si një front i bashkuar; nëse veçoheni apo shkoni në festa veçmas partnerit, mund të filloni të ndiheni sikur po jetoni jetë krejtësisht paralele. Xhelozia mund të bëhet një problem serioz nëse shihni partnerin të flirtojë hapur me të tjerët nën maskën e mirësjelljes apo mirësisë. Intrigat brenda grupit të miqve mund të dëmtojnë rëndë marrëdhënien tuaj nëse nuk i mbani problemet e çiftit dhe sekretet e krevatit larg veshëve të huaj e dashakeqë. Ky muaj ju mëson se dashuria ka nevojë për liri të kontrolluar, por edhe për një bazë të fortë besimi që nuk lëkundet nga flladet apo tundimet e verës. Do të ketë shumë momente gëzimi, të qeshura dhe takime që do t'ju mbeten gjatë në memorie, por edhe pika kulminante ku do t'ju duhet të vërtetoni besnikërinë tuaj përpara tundimeve më të forta që viti 2026 ka rezervuar. Disa Peshore mund të përballen me zbulimin e një tradhtie të partnerit që ka ndodhur gjatë pushimeve, duke çuar në skena dramatike pranë detit apo në udhëtime. Fundi i muajit kërkon një reflektim të thellë: a është dëshira për aventurë më e rëndësishme se njeriu që keni në krah? Ju do të kuptoni se flirtet janë si valët e detit që vijnë e shkojnë, por bregu mbetet pika ku ktheheni gjithmonë për qetësi.

Shtatori vjen me një ndryshim të ndjeshëm të atmosferës, duke e zhvendosur fokusin nga zhurma e jashtme sociale drejt një nevoje më të thellë për intimitet dhe reflektim shpirtëror. Ky muaj shërben si një periudhë "pastrimi" për Peshoren, ku do t'ju duhet të rregulloni balancat që u tronditën gjatë verës dhe të kuptoni se çfarë dëshironi vërtet nga njeriu që keni në krah. Për çiftet, ky është muaji i bisedave të gjata dhe shëruese; nëse keni kaluar tensione apo dyshime në gusht, shtatori ju ofron mundësinë të uleni dhe të flisni hapur për pasiguritë tuaja. Ndikimi i Venerës në një pozicion më introspektiv ju bën të ndjeshëm ndaj detajeve të vogla dhe ndaj nevojave të paplotësuara të partnerit. Është një kohë e shkëlqyer për të rindërtuar besimin e thyer përmes veprimeve konkrete dhe jo vetëm premtimeve boshe.
Megjithatë, astrologët parashikojnë se për disa Peshore, ky muaj mund të sjellë rikthimin e një dashurie të vjetër, një figurë nga e kaluara që rishfaqet për të kërkuar sqarime ose për të ndezur një zjarr që mendonit se ishte shuar. Kjo mund të krijojë konfuzion të madh, sidomos nëse jeni në një lidhje të re, duke ju vënë përballë dilemës: të qëndroni në të sigurtën apo të rrezikoni për diçka që dikur ju ka bërë të lumtur? Beqarët do të jenë më të tërhequr pas njerëzve që ofrojnë pjekuri dhe stabilitet emocional, duke i ikur flirteve sipërfaqësore të muajve të kaluar. Dashuria këtë muaj mund të lindë në vende të qeta, si librari, ekspozita arti apo përmes një shkëmbimi idesh që zgjat me orë të tëra. Nuk ka vend për tradhti në shtator; përkundrazi, ka një nevojë për besnikëri absolute ndaj vetes dhe ndaj ndjenjave tuaja më të vërteta. Ju do të kërkoni një partner që ju kupton pa folur dhe që respekton nevojën tuaj për paqe. Një udhëtim i qetë në natyrë apo një fundjavë larg teknologjisë do të bënte mrekulli për të forcuar lidhjen tuaj. Ndërsa muaji mbyllet, do të ndjeni se jeni duke u përgatitur për diçka të madhe, një rilindje emocionale që do të kulmojë me hyrjen e Diellit në shenjën tuaj.

Tetori është muaji juaj i artë, ku sharmi, karizma dhe magnetizmi juaj arrijnë kulmin, duke e bërë jetën tuaj të dashurisë protagonistin kryesor të vitit 2026. Me Diellin dhe Venerën që vallëzojnë në shenjën tuaj, ju do të rrezatoni një energji joshëse që është pothuajse e pamundur të injorohet. Beqarët do të ndihen sikur e gjithë bota është në këmbët e tyre; mundësitë për njohje të reja do të jenë të panumërta dhe ju do të keni luksin të zgjidhni. Ky është muaji i dashurive "me shikim të parë", i takimeve fatale që mund të ndryshojnë rrjedhën e jetës suaj brenda natës. Për ata që kanë pritur gjatë për të gjetur një partner që përputhet me idealet e tyre, tetori premton takime me njerëz që jo vetëm ju tërheqin fizikisht, por që ju plotësojnë në çdo nivel.
Për çiftet, ky muaj shënon një fillim të ri, një lloj "rinovimi të betimeve". Do të ndjeni një dëshirë të madhe për t'i treguar botës lumturinë tuaj, duke organizuar festa, darka apo duke zyrtarizuar marrëdhënien tuaj në mënyra madhështore. Megjithatë, kjo dozë e lartë vëmendjeje mund të sjellë edhe tundime; kur të gjithë ju admirojnë, mund të jetë e vështirë të mos flirtoni pak më shumë seç duhet. Astrologët sugjerojnë që të bëni kujdes të mos e lëndoni partnerin me nevojën tuaj për të qenë në qendër të vëmendjes së të tjerëve. Tradhtia në tetor, nëse ndodh, nuk vjen nga mungesa e dashurisë, por nga një ego e fryrë që kërkon vazhdimisht adhurim të ri. Por për pjesën më të madhe të Peshoreve, ky do të jetë muaji i harmonisë absolute. Do të gjeni ekuilibrin perfekt midis dëshirave tuaja dhe nevojave të tjetrit. Pasioni në krevat do të jetë i lartë, i shoqëruar me një butësi dhe përkujdesje që vetëm shenja juaj di ta japë. Tetori ju mëson se kur jeni mirë me veten, dashuria rrjedh natyrshëm dhe pa sforcime. Një propozim i papritur, një dhuratë me vlerë të madhe simbolike ose një udhëtim romantik i paplanifikuar mund ta bëjnë këtë muaj të paharrueshëm. Është koha të shkëlqeni dhe të lejoni zemrën tuaj të udhëheqë, duke besuar se e meritoni të gjithë dashurinë që po ju vjen.

Nëntori sjell një atmosferë më intensive dhe pasionante, ku dashuria fillon të marrë ngjyra më serioze dhe ndonjëherë edhe pakëz posesive. Pas festimeve të tetorit, tani vjen koha për të ndërtuar diçka më të thellë dhe më të qëndrueshme. Për çiftet, ky është muaji i "shkrirjes" emocionale; do të dëshironi të kaloni çdo moment të lirë me partnerin, duke eksploruar anët më intime të njëri-tjetrit. Kimia fizike do të jetë jashtëzakonisht e fortë, pothuajse magnetike, duke e bërë dhomën e gjumit vendin ku zgjidhen të gjitha mosmarrëveshjet. Megjithatë, ky intensitet mund të sjellë edhe xhelozi të papritur. Mund të bëheni dyshues për lëvizjet e partnerit ose të ndjeni nevojën për ta kontrolluar atë, gjë që mund të shkaktojë fërkime nëse nuk tregoni kujdes.
Astrologët paralajmërojnë se nëntori mund të nxjerrë në pah disa të vërteta të fshehura ose sekrete që mund të lëkundin pak stabilitetin e lidhjes. Besnikëria do të jetë një temë e nxehtë dhe çdo gjest i dyshimtë do të analizohet me imtësi. Beqarët do të kenë takime që do t'i trondisin emocionalisht; nuk do të mjaftoheni më me biseda të bukura, por do të kërkoni një lidhje që ju prek në palcë. Mund të tërhiqeni nga njerëz misteriozë, ndoshta me një karizëm paksa të errët apo dominues, duke u përfshirë në histori që ngjasojnë me një thriller romantik. Ky muaj favorizon lidhjet që bazohen në një besim të verbër dhe në një përkushtim total. Tradhtia në nëntor është e rrallë, sepse energjia e muajit kërkon përkushtim, por nëse ndodh, ajo ka pasoja shkatërruese dhe është shumë e vështirë për t'u falur. Është një kohë e mirë për të folur për financat e përbashkëta apo për të investuar në një të ardhme bashkë. Edhe pse jashtë bën ftohtë, zjarri i brendshëm i Peshores do të jetë i mjaftueshëm për të mbajtur ngrohtë çdo marrëdhënie që bazohet në vërtetësi. Ky muaj ju mëson se dashuria e vërtetë kërkon guximin për të qenë i prekshëm dhe për të hapur shpirtin plotësisht përpara tjetrit, pa frikë nga gjykimi apo humbja e kontrollit.

Dhjetori mbërrin si një finale madhështore dhe festive, duke sjellë me vete një përzierje të nostalgjisë, gëzimit dhe dëshirës për të forcuar lidhjet që i mbijetuan sfidave të të gjithë vitit. Për Peshoren, ky muaj është i mbushur me një energji komunikuese dhe ngrohtësi që favorizon pajtimet dhe planet e mëdha për të ardhmen. Për çiftet, atmosfera e fundvitit do të shërbejë si një katalizator për të lënë pas çdo lloj hatërmbetjeje apo keqkuptimi që mund të ketë mbetur pezull nga vjeshta. Do të gjeni kënaqësi në organizimin e festave të përbashkëta, dekorimin e shtëpisë dhe në shkëmbimin e dhuratave që mbajnë një domethënie të thellë emocionale. Astrologët parashikojnë se dhjetori është muaji perfekt për të marrë vendime përfundimtare: shumë Peshore mund të marrin një propozim për martesë nën dritat e festave ose të vendosin për një zhvendosje të rëndësishme në jetë bashkë me partnerin. Komunikimi do të rrjedhë natyrshëm dhe do të ndiheni më të afërt se kurrë me njeriun tuaj të zemrës, duke shijuar sigurinë që vjen nga një marrëdhënie e pjekur.
Nga ana tjetër, beqarët do ta mbyllin vitin me një notë mjaft optimiste. Ambientet e festave, darkat e punës dhe takime me miqtë e vjetër do të jenë terreni ideal për njohje të reja elektrizuese. Mund të ndodhë që një person që e keni njohur prej kohësh, por që nuk e keni parë kurrë si partner, të shfaqet në një dritë krejtësisht të re, duke ndezur një interes të papritur. Flirtet e dhjetorit do të kenë një dozë magjie dhe lehtësie, duke ju bërë të ndiheni të vlerësuar dhe të dëshiruar. Për disa të tjerë, fundi i vitit mund të sjellë një udhëtim romantik jashtë vendit, ku dashuria mund të trokasë në formën e një personi të huaj apo dikujt që takoni në rrethana krejtësisht të rastësishme. Megjithatë, bëni kujdes nga "melankolia e festave" që mund t'ju shtyjë të kontaktoni një ish-partner vetëm sepse ndiheni vetëm në një moment të caktuar. Ju do ta mbyllni këtë kapitull 12-mujor me një zemër më të plotë dhe me një kuptim më të gjerë të asaj që quhet dashuri e vërtetë: një kombinim i pasionit, miqësisë dhe respektit reciprok. Duke trokitur gotat në natën e ndërrimit të viteve, Peshorja do të ndjejë një mirënjohje të thellë për të gjitha mësimet e marra, e gatshme për të nisur një vit të ri me më shumë vetëbesim dhe dashuri për veten e për të tjerët. /Telegrafi/

Nga valëzimet romantike te topuzi elegant – tre stile nga një larje e vetme flokësh

Në vrullin e ditëve festive, shpesh nuk kemi shumë kohë për t’ia kushtuar flokëve dhe stilimit të tyre. Pothuajse gjithmonë ndodh të ndihemi të pakënaqura për mungesë frymëzimi. Këtë sezon dimëror 2026, guxuam të provojmë diçka ndryshe, pa caktuar termin te parukieri.

Ju prezantojmë tri frizura për tri ditë, të cilat mund të realizohen pas vetëm një larjeje dhe tharjeje të flokëve.

Flokët në valëzime romantike

Para se të nisë euforia festive, ndani rreth një orë për t’i larë dhe stiluar flokët në valëzime romantike, gati për tapetin e kuq. Thajini flokët me tharëse, më pas ndajini në tufa dhe përdorni figaron për t’i valëzuar. Mbajeni çdo tufë me dorë derisa të ftohet, në mënyrë që valëzimet të formohen më mirë. Në fund, aplikoni një llak të lehtë për flokë dhe krehini butësisht me një furçë të butë për të krijuar valëzime të çliruara dhe natyrale, transmeton Telegrafi.

Topuz i thjeshtë

Ditën pasuese, mund t’i shfrytëzoni valëzimet që tashmë janë zbutur, duke i stiluar flokët në një topuz të lirshëm. Sërish, aplikoni pak llak të lehtë për t’i dhënë teksturë flokëve. Më pas, mblidhini në bisht dhe rrotullojini në një spiralë të butë, duke i fiksuar me karfica. Nëse keni flokë të gjatë ose të dendur, mund të përdorni një kapëse më të madhe dhe t’i lini majat të lira. Shtoni edhe pak llak për ta siguruar frizurën.

Top Knot

Ka zgjidhje edhe për ditën e tretë. Nëse gjatë ditëve festive nuk keni kohë të merreni me flokët, ekziston një mënyrë e thjeshtë që ato të duken sërish të kuruara. Bëhet fjalë për topuzin elegant, ose top knot. Krihini mirë flokët dhe aplikoni një krem nga rrënja deri te majat për t’i zbutur fijet dhe për ta lehtësuar stilimin.

Mblidhini flokët në një bisht të lartë, duke ndjekur vijën e mollëzave për të krijuar efekt ngritjeje. Ndajini flokët në dy pjesë dhe rrotullojini në formë nyje; përsëriteni edhe një herë, më pas fshihini majat dhe fiksuarini me karfica. /Telegrafi/

Nuk janë mobiliet e shtrenjta ato që krijojnë luksin, por ndjesia, drita, detajet dhe harmonia që e bëjnë një hapësirë të duket elegante, e ngrohtë dhe e menduar me kujdes

Kur mendojmë për luksin, shpesh na shkojnë ndër mend mobile të shtrenjta apo detaje dizajnerësh. Në realitet, luksi ka shumë pak lidhje me çmimin dhe shumë më tepër me ndjesinë. Një shtëpi që duket luksoze nuk është e ftohtë, e paarritshme apo sterile. Është një hapësirë ku hyn me lehtësim, ku dëshiron të ulesh, të qëndrosh dhe të marrësh frymë thellë. Luksi i vërtetë është një ndërthurje e rehatisë, identitetit personal dhe vëmendjes ndaj detajeve.

Një shtëpi që duket luksoze nuk është një shtëpi perfekte. Është një hapësirë ku ndiheni mirë, të sigurt dhe vetvetja. Kur bashkoni rehatinë, dritën, objektet personale, rregullin dhe elementet natyrore, krijoni një interier që nuk përpiqet të impresionojë, por e bën këtë në mënyrë krejt spontane.

Ekzistojnë disa rregulla të thjeshta që e krijojnë këtë efekt pothuajse pa u vënë re, por me siguri, transmeton Telegrafi.

Truku 1: Tekstura që ndihen nën gishta

shutterstock

Një shtëpi luksoze nuk perceptohet vetëm me sy, por përjetohet edhe përmes prekjes. Jastëkë të butë, batanije ku mund të mbështilleni, qilima që këmbët zbathur i njohin si diçka të këndshme, të gjitha këto ndërtojnë ndjesinë e ngrohtësisë dhe sigurisë. Nuk bëhet fjalë për grumbullim, por për materiale të zgjedhura me kujdes, që ftojnë kontaktin. Kur një hapësirë ka thellësi teksturash, ajo automatikisht duket më e pasur dhe më e menduar.

Truku 2: Dritë që ndryshon atmosferën

Ndriçimi është një nga elementet më të nënvlerësuara të interierit, por në fakt bën diferencë të madhe. Një dritë e vetme qendrore nuk krijon kurrë ndjesi luksi. Ndriçimi i ngrohtë, një llambë tavoline në qoshe, drita muri, llamba diskrete pranë shtratit apo divanit, qirinj që nuk shërbejnë vetëm si dekor, por edhe si burim atmosfere, të gjitha i japin hapësirës thellësi dhe qetësi. Drita që nuk verbëron, por qetëson, gjithmonë duket më e shtrenjtë.

Truku 3: Objekte që kanë histori

Një shtëpi që duket luksoze nuk ndërtohet kurrë vetëm me sende të reja dhe të përgjithshme. Në të ka objekte me histori. Një fotografi familjare në një kornizë të bukur, një pjatë e vjetër, një libër me dedikim, një pikturë e blerë gjatë udhëtimit apo një mobile që mbart kujtime. Këto detaje i japin hapësirës identitet. Ato tregojnë se në atë shtëpi dikush jeton vërtet, jo thjesht qëndron.

Truku 4: Rregulli që sjell qetësi

shutterstock

Luksi dhe kaosi nuk shkojnë bashkë. Një hapësirë e rregullt nuk do të thotë sterilitet, por qartësi. Kur çdo gjë ka vendin e vet, kur nuk ka tepri që e ngarkon ambientin, shtëpia bëhet më e lehtë për t’u jetuar. Pastërtia dhe organizimi krijojnë ndjesi kontrolli dhe qetësie - ky është një luks që sot vlerësohet më shumë se kurrë. Një hapësirë ku merr frymë lirshëm gjithmonë duket më e shtrenjtë sesa është.

Truku 5: Elementet natyrore si bazë

unsplash

Bimët, druri, guri, mermeri dhe materialet natyrore gjithmonë e ngritin nivelin e një ambienti. Gjelbërimi sjell jetë dhe ekuilibër, ndërsa druri dhe guri japin ngrohtësi dhe ndjesi qëndrueshmërie. Edhe një bimë e vetme, e vendosur mirë, mund të ndryshojë tërësisht përshtypjen e një dhome. Natyra në interier nuk është trend, por nevojë dhe pikërisht për këtë arsye duket elegante, e qetë dhe luksoze. /Telegrafi/

Dy përbërje nga kanabisi tregojnë efekte premtuese në ndalimin e rritjes dhe metastazimit të kancerit të vezoreve

Derivatet e kanabisit, përkatësisht barnat e prodhuara nga kanabisi, në të ardhmen mund të shndërrohen në një trajtim të ri për kancerin e vezoreve. Shkak për këtë pretendim është zbulimi i një ekipi shkencëtarësh që po teston efektet e dy përbërjeve kimike të përftuara nga kanabisi mbi qelizat e kancerit të vezoreve. Konkretisht, shkencëtarët kanë zbuluar se të dyja përbërjet shfaqin efekte premtuese antikancerogjene.

Kanceri i vezoreve është i vështirë për t’u diagnostikuar dhe edhe më i vështirë për t’u trajtuar

Edhe pse do të nevojiten më shumë kërkime që këto rezultate të shndërrohen në barna që mund t’u jepen pacientëve, këto gjetje përfaqësojnë një mundësi të rëndësishme për zhvillimin e terapive të reja dhe efektive për një kancer që diagnostikohet me vështirësi dhe trajtohet edhe më rëndë.

• Kanceri i vezoreve mbetet një nga malignitetet gjinekologjike më vdekjeprurëse, i karakterizuar nga diagnostikimi i vonshëm, shkalla e lartë e rikthimit dhe mundësitë e kufizuara të trajtimit efektiv, theksoi dr. Siyao Tong nga Khon Kaen University, autori kryesor i studimit të publikuar në revistën Pharmacology.
  
• Qëllimi ynë është të gjejmë barna alternative që mund të përmirësojnë efikasitetin dhe potencialisht të ulin toksicitetin, duke sjellë në fund shpresë të re për pacientët që përballen me këtë sëmundje sfiduese, nënvizon dr. Tong.

Sëmundja vdekjeprurëse merr jetën e shumicës së pacienteve

Nga të gjitha kanceret gjinekologjike, kanceri i vezoreve shkakton numrin më të madh të vdekjeve. Edhe pse ka pasur përparime në strategjitë e trajtimit, barnat aktuale nuk janë gjithmonë efektive dhe shpesh shoqërohen me efekte anësore të rënda. Ekspertët theksojnë se “opsione të reja janë urgjentisht të nevojshme”. Duke qenë se CBD (kanabidioli, i cili nuk është psikoaktiv) dhe THC (delta-9-tetrahidrokanabinoli, i cili është psikoaktiv) kanë treguar potencial kundër llojeve të tjera të kancerit, ekipi hulumtues vendosi t’i testojë ato mbi qelizat e kancerit të vezoreve.

Shkencëtarët përdorën dy linja të ndryshme qelizash të kancerit të vezoreve, njëra e ndjeshme ndaj barnave të bazuara në platinium dhe tjetra rezistente, dhe i ekspozuan këto linja ndaj CBD-së, THC-së ose kombinimit të të dyjave, për të vlerësuar nëse qelizat mund të mbijetojnë dhe të riprodhohen pas ekspozimit. Ata testuan gjithashtu një linjë qelizash të shëndetshme, për të parë nëse përbërjet shkaktonin dëmtime, transmeton Telegrafi.

Kombinimi i CBD-së dhe THC-së pengon migrimin e qelizave të kancerit të vezoreve

Shkencëtarët zbuluan se qelizat e të dyja linjave të kancerit, të trajtuara me CBD ose THC, formonin koloni më të vogla. Edhe pse të dyja përbërjet vepruan në frenimin e riprodhimit të qelizave kancerogjene, kombinimi i tyre dha rezultate veçanërisht të mira. Ndërsa asnjëra përbërje veçmas nuk shkatërroi një pjesë të madhe të qelizave të kancerit, kombinimi i tyre rezultoi shumë i suksesshëm.

Është e mundur që THC dhe CBD të veprojnë mbi qelizat e kancerit përmes mekanizmave të ndryshëm dhe, kur përdoren së bashku, efektet e tyre të fuqizohen. Është vërejtur se efekti inhibitor ishte më i theksuar kur CBD dhe THC u përdorën në raport 1:1, thekson dr. Tong.

Testet shtesë treguan se përbërjet pengojnë migrimin e qelizave, çka nënkupton se ato mund të ndalojnë përhapjen e kancerit të vezoreve në pjesë të tjera të trupit. Shumë paciente humbin jetën si pasojë e metastazave, ndaj një trajtim që i pengon ato mund të shpëtojë jetë.

Të dyja linjat qelizore u prekën në mënyrë të ngjashme, gjë që sugjeron se përbërjet mund të veprojnë njësoj mirë në lloje të ndryshme të kancerit të vezoreve. Përbërjet dhe kombinimet e tyre patën gjithashtu efekte minimale mbi qelizat e shëndetshme, duke treguar se trajtimet e bazuara në to mund të jenë më pak toksike dhe më të lehta për t’u toleruar sesa barnat aktuale.

Nevojiten studime in vivo që kanabinoidet të përdoren si terapi e re për kancerin e vezoreve

- Edhe pse studimi ynë është ende paraprak, ai vendos një bazë të rëndësishme për kërkime të ardhshme mbi aplikimet potenciale të CBD-së dhe THC-së në trajtimin e kancerit të vezoreve. Duke konfirmuar aktivitetin e tyre antikancerogjen dhe duke identifikuar mekanizmat molekularë kyç, pritet që gjetjet tona të nxisin studime të mëtejshme paraklinike. Nëse studimet e ardhshme i konfirmojnë këto efekte, terapia e kombinuar CBD-THC mund të kontribuojë në zhvillimin e strategjive të reja të trajtimit, shpjegon dr. Tong.

Megjithatë, studimi ka disa kufizime, thekson dr. Tong, pasi të gjitha eksperimentet janë kryer in vitro, ndaj rezultatet mund të mos pasqyrojnë plotësisht kompleksitetin e sjelljes së tumoreve në organizma të gjallë.

- Nuk kemi përfshirë modele in vivo dhe të dhëna farmakokinetike, të cilat janë thelbësore për të përcaktuar nëse CBD/THC mund të përdoret në mënyrë të sigurt dhe efektive klinikisht. Për më tepër, çështjet rregullatore dhe ligjore që lidhen me terapitë me kanabinoide mund të ndikojnë në kërkimet e ardhshme. Edhe pse rezultatet janë inkurajuese, nevojiten studime shtesë përpara se këto gjetje të aplikohen në trajtimin e pacientëve, përfundon dr. Tong. /Telegrafi/

Një vendim surprizues ka ndodhur gjatë spektaklit të sotëm të Big Brother VIP Albania.

Pas hapjes së televotimit për banorët Lorna, Angelo, Seno dhe Xhodi, publiku ka vendosur që banori që do të largohet nga shtëpia është Xhodi.

Megjithatë, Xhodi ka biletë fati, që i mundëson të ketë një mundësi tjetër për t’u rikthyer në shtëpi, nëse kushtet e biletës plotësohen.

Ky eliminim pritet të ndikojë në dinamikat brenda shtëpisë, duke sjellë emocione dhe reagime të ndryshme nga banorët e tjerë.

Tani loja do të vazhdojë me tensione të reja, ndërsa Lorna, Angelo dhe Seno mbeten të fokusuar në sfidat dhe strategjitë e ardhshme. /Telegrafi/

- YouTube www.youtube.com

Presidenti ukrainas Volodymyr Zelensky ka falënderuar kryeministrin kanadez, Mark Carney, pas takimit të tyre në Halifax, ndërsa situata në Ukrainë vazhdon të tensionohet nga sulmet e fundit ruse.

Kryeministri i Kanadasë dënoi sulmet e fundit ajrore ruse ndaj Ukrainës si akte “barbarizmi”.

Në një postim në Telegram, presidenti ukrainas tha: “Rusia vazhdon të torturojë qytetet dhe qytetarët tanë. Moska ka refuzuar propozimet për armëpushim për Krishtlindje dhe po intensifikon sulmet me raketa dhe dronë”.

Ai shtoi se “ky është një sinjal i qartë se si ata e shohin diplomacinë. Deri tani, kjo nuk është marrë seriozisht”.

Zelenskyy pritet të flasë gjithashtu me aleatët evropianë sonte – do të njoftojmë për rezultatet e asaj telefonate sapo të kemi informacion.

Sinjali – aty ku e vërteta flet para lajmit!

/GazetaSinjali/

The post Zelensky falënderon Kanadanë ndërsa sulmet ruse intensifikohen appeared first on Sinjali.

Google ka nisur të testojë një veçori të pritur prej kohësh nga përdoruesit, duke mundësuar tani ndryshimin e adresës së emailit edhe për ata që përdorin @gmail.com.

Më parë, kjo mundësi ishte e disponueshme vetëm për përdoruesit që kishin lidhur shërbime të jashtme si Yahoo ose Outlook, ndërsa përdoruesit e Gmail nuk kishin këtë mundësi. Funksioni i ri është duke u shpërndarë gradualisht dhe pritet të bëhet i disponueshëm për të gjithë.

Çfarë përfshin ky ndryshim?

Nëse ndryshoni adresën (p.sh. nga filan.fisteku@gmail.com në une.fisteku@gmail.com), adresa e vjetër mbetet e lidhur me llogarinë tuaj.

Mbërritja e emaileve

Të gjitha mesazhet do të vazhdojnë të mbërrijnë në të njëjtin inbox. Të dhënat e tjera, si fotot dhe skedarët në Google Drive, mbeten të paprekura.

Hyrje me të dyja adresat

Përdoruesit mund të përdorin cilëndo nga dy adresat për të hyrë në shërbime si YouTube, Maps dhe Drive.

Kufizime kohore

Pas ndryshimit, nuk mund të bëhet një tjetër ndryshim ose të fshihet adresa e re për një periudhë 12-mujore.

Masa sigurie

Mund të bëhen deri në tre ndryshime: Çdo llogari mund të ndryshojë adresën deri në tre herë, që do të thotë se mund të ketë deri në katër adresa të lidhura.

Adresa origjinale mbetet e juaja dhe nuk mund të regjistrohet nga dikush tjetër.

Ky funksion është duke u bërë i disponueshëm për të gjithë përdoruesit e Gmail.

Sinjali – aty ku e vërteta flet para lajmit!

/GazetaSinjali/

The post Google lejon ndryshimin e adresës Gmail për përdoruesit appeared first on Sinjali.

Një moment shumë emocionues ka ndodhur në shtëpinë e Big Brother VIP Albania, kur babai i Malit ka hyrë për të takuar djalin e tij.

Pas divorcit, ata nuk kanë pasur shumë kontakte dhe tani janë vite që nuk janë parë e takuar, çka ka sjellë emocione të forta mes tyre.

Mali para se të merrte lajmin se babai i tij ndodhej aty, tha: “Jam pak shpirt i lirë dhe s’e kam pritur që do të adaptohem kaq shpejt, edhe pse rri me pak njerëz, kam surprizuar veten. Nuk jam futur me strategji, jam futur të tregoj karakterin tim, kjo është e rëndësishme për mua”.

BBVA/YouTube

Ai foli me dashuri për nënën e tij: “Për nënën e përshëndes shumë, jemi si shokë. Nëna më ka dhënë jetën dhe i kam shumë borxhe dhe ishalla ia kthej një ditë. Më kanë përkrahur, sidomos nëna, për të gjitha gjërat që kam bërë dhe më ka thënë që je për atë format dhe ishalla e kam bërë krenare atë”.

Për marrëdhënien me vëllain, Mali tha: “Me vëllain i kemi mendimet të ndryshme, por e dua shumë, po me të dy i kam marrëdhëniet e ndryshme që i shijojmë. Shpresoj që t’i kem bërë krenarë dhe i kam qëndruar vetes ashtu si duhet”.

Babai i Malit ndau perspektivën e tij për mungesën e kontakteve: “Ma i bukuri, ma i miri, llokum. Kemi 7 vite e tre muaj që nuk jemi parë e takuar. Ka qenë periudhë shumë e vështirë. Unë me bashkëshorten time jemi ndarë dhe fëmijët kanë qenë të prekur. Ka pasur ditë që më takonin, më flisnin, por një ditë nuk erdhën as të më takonin e as të më flisnin”.

Ai shtoi se Mali nuk ka asnjë arsye që ta shmangë takimin: “E kam mbajtur si pëllumbin, edhe unë edhe gjyshja. Qajmë për të natë e ditë. Ai e ka hallin e nënës së vet”.

Mali foli edhe për marrëdhëniet e tjera familjare: “Violeta ka shtatë vëllezër dhe unë kam raporte shumë të mira me ta, edhe nëna m’i merr në telefon. Edhe me Njomzën edhe me Anisin, edhe ajo jeton në Gjermani dhe u uroj jetë të gjatë Njomzës dhe djalit të saj që bën një vjeç”.

Ai përfundoi duke shpjeguar vendimin e tij për të mos e takuar babain për momentin: “Nuk është e vështirë, po zgjedh mos të përmend, jo se kemi hequr përpara unë, nëna, motra dhe vëllai. Shumë pata qejf prej nënës ose motrës, shans të dytë i jepet njerëzve që gabojnë dhe mësojnë nga gabimet, jo atyre që vetëm gabojnë dhe nuk të lënë të ecësh përpara. Unë i uroj të gjitha të mirat në jetë, por kur të vijë dita do e takojë ku nuk ka kamera”. /Telegrafi/

- YouTube www.youtube.com

Në shtëpinë e Big Brother VIP Albania, përkujdesja e Brikenës ndaj Stenaldos ka ngjallur reagime të ndryshme.

Ndërsa disa banorë e kanë perceptuar këtë si të shtirur, Stenaldo është shprehur se nuk pranon një kujdes të tillë, madje as nga njerëzit e tij më të afërt.

Brikena ka shpjeguar arsyen e sjelljes së saj: “Unë jam një person që jam një person i tillë, i kujdesshëm. E kanë parë edhe ata që janë këtu. Është një gjë që e bëj me të gjithë banorët. Jam tip që kam qejf të ndihmoj çdokënd”.

BBVA/YouTube

Nga ana tjetër, Stenaldo ka treguar kufijtë e tij personalë: “Është kënaqësi të kesh një vajzë si Brikena. Bukuria e Brikenës, është shumë e këndshme në të gjithë dimensionin e saj, por të hysh në BBV është të marrësh përsipër një sfidë. Ju më keni parë gjatë qëndrimit në shtëpi është e vështirë ta lë veten time kaq vulnerabël. Mendoj që është faktike, që asnjëri nuk i ka përjetuar. Këtë lloj përkujdesje nuk e pranoj as nga miqtë e mi më të ngushtë, as nga prindërit e mi, jo më në këto rrethana që jemi”.

Ky moment nxjerr në pah tensionin mes nevojës për mbështetje dhe dëshirës për pavarësi, duke reflektuar sfidat emocionale që sjell pjesëmarrja në lojë. /Telegrafi/

Rreth dy milionë qytetarë të Kosovës do të kenë mundësi të votojnë të dielën në zgjedhjet e parakohshme parlamentare. Komisioni Qendror i Zgjedhjeve (KQZ) ka konfirmuar se “përgatitjet janë përmbyllur që votimi të zhvillohet në 910 qendra gjithandej Kosovës”. Numërimi i votave për partitë politike do të nisë menjëherë pas mbylljes së vendvotimeve, dhe rezultatet e para pritet të publikohen “para orës 20:00”.

Të drejtë vote kanë 1,999,024 persona. Një ditë para zgjedhjeve, KQZ njoftoi se “janë zhvilluar të gjitha përgatitjet e nevojshme për mbarëvajtjen e procesit”.

“Gjatë ditës së shtunë është shpërndarë materiali zgjedhor, përfshirë fletëvotimet nga depoja qendrore e KQZ-së për në qendrat komunale të numërimit, nga ku të dielën në mëngjes do të dërgohet në qendrat e votimit në më shumë se 900, të cilat do të hapen në orën 7:00 për qytetarët me të drejtë vote,” ka theksuar zëdhënësi i KQZ-së, Valmir Elezi.

Përveç qendrave të rregullta të votimit, në secilën komunë do të ketë nga një qendër për votim me kusht.

“Procesi zgjedhor do të zhvillohet në 910 qendra të votimit në 2,557 vendvotime. Pra, në to do të mundësohet votimi i rregullt, ndërkaq në çdo komunë do të kemi nga një qendër votimi me gjithsej 57 vendvotime ku do të mundësohet procesi i votimit me kusht,” ka bërë të ditur Elezi.

Numërimi i votave për kandidatët për deputetë do të bëhet në qendrat komunale të numërimit dhe do të nisë të hënën. Siguria e procesit do të monitorohet nga Policia e Kosovës dhe Zyra e Prokurorit të Shtetit, ku janë angazhuar rreth 100 prokurorë dhe zyrtarë të sistemit prokurorial.

Përveç organizatave joqeveritare dhe disa ndërkombëtare, vëzhgues i zgjedhjeve është edhe Këshilli i Evropës, me 23 vëzhgues të akredituar.

Policia ka njoftuar se ka hartuar planin operativ për mbarëvajtjen e zgjedhjeve të së dielës, në aspektin e sigurisë së procesit zgjedhor dhe koordinimit ndërinstitucional. Ajo inkurajon qytetarët të bashkëpunojnë dhe të raportojnë çdo rast të dyshuar ose veprim të kundërligjshëm që ndërlidhet me sigurinë dhe procesin zgjedhor.

Institucioni i Avokatit të Popullit gjithashtu do të vëzhgojë zgjedhjet e parakohshme për Kuvendin e Kosovës. Ai do të monitorojë gjithashtu procesin e votimit në institucionet ku mbahen personat e privuar nga liria, në shtëpitë për persona të moshuar dhe pa përkujdesje familjare, si dhe në shtëpitë integruese në bashkësi.

Pas një takimi me KQZ-në, KEDS njoftoi se ka përmbyllur planin operativ për furnizim të pandërprerë me energji elektrike gjatë ditës së zgjedhjeve. KEDS ka bërë të ditur se do të angazhohen gjithsej 1,049 punëtorë, të organizuar në 140 ekipe në mbarë vendin.

Ndërsa viti 2025 po mbaron, sezoni i dhënies së dhuratave duket se është zgjeruar në skenën botërore, me presidentin amerikan Donald Trump që mori një shumëllojshmëri të jashtëzakonshme dhuratash këtë vit - disa simbolike, të tjera me vlerë miliona apo edhe miliarda dollarë.

Nga një aeroplan luksoz Boeing te shufrat e arit dhe madje edhe një kurorë e lashtë mbretërore, disa vende të huaja dukeshin të etura për të vendosur diçka nën pemën e Krishtlindjeve të presidentit .

Çdo dhuratë, e paraqitur në mes të diplomacisë formale, pasohej nga vendime të rëndësishme tregtare, mbrojtëse ose teknologjike që u sillnin dobi vendeve donatore.

Presidentët amerikanë lejohen të marrin dhurata të huaja kur ato deklarohen siç duhet dhe transferohen në pronësi të qeverisë sipas rregullave federale të etikës.

Megjithatë, këtë vit, vlera e dhuratave të lidhura me Trumpin i tejkaloi ato të marra nga çdo president amerikan në dekadat e fundit.

Disa nga dhuratat u prezantuan së bashku ose pak para marrëveshjeve zyrtare tregtare, mbrojtëse, investimi ose teknologjike që përfshinin vendet donatore, duke përfshirë ndryshimet tarifore, kontratat e prokurimit dhe bashkëpunimin e zgjeruar të sigurisë.

Shkalla e dhuratave dhe koha e veprimeve pasuese politike kanë rikthyer vëmendjen në mënyrën se si shkëmbimet e dhuratave të huaja mund të ndërthuren me diplomacinë, tregtinë dhe sigurinë kombëtare gjatë mandatit të një presidenti në detyrë.

Dhuratat ishin ndër më të vlefshmet ose domethënëset që iu dhanë Trumpit në vitin 2025 dhe u pasuan nga veprime të SHBA-së në fushën e tregtisë, mbrojtjes, investimeve ose sigurisë me vendet donatore.

Katari: Boeing 747 luksoz dhe marrëveshje për aviacionin

Në vitin 2025, Katari siguroi një avion Boeing 747 me vlerë rreth 400 milionë dollarë për përdorim të mundshëm si Air Force One i ardhshëm.

Pentagoni e pranoi aeroplanin dhe më pas SHBA-ja dhe Katari finalizuan disa marrëveshje për aviacionin dhe mbrojtjen.

Këto përfshinin një marrëveshje historike për aviacionin komercial në të cilën Qatar Airways ra dakord të blinte deri në 210 aeroplanë Boeing me trup të gjerë, me vlerë afërsisht 96 miliardë dollarë, sipas kontratave të njoftuara gjatë vizitës së Trumpit.

Paketa më e gjerë e marrëveshjeve dypalëshe që mbulojnë aviacionin, mbrojtjen, teknologjinë dhe sektorët e lidhur me të, u raportua se tejkalonte 243 miliardë dollarë në vlerë totale.

Emiratet e Bashkuara Arabe: Miratimet e Investimeve dhe Teknologjisë në Kriptovaluta

Një investitor nga Abu Dhabi, i lidhur me shtetin, investoi afërsisht 2 miliardë dollarë në një monedhë të qëndrueshme, një monedhë digjitale të projektuar për të ruajtur një vlerë të qëndrueshme, e lidhur me një sipërmarrje biznesi të lidhur me Trumpin.

Në të njëjtën kohë, administrata Trump miratoi eksportet e çipave të përparuar të Al dhe zgjeroi bashkëpunimin teknologjik me Emiratet e Bashkuara Arabe, duke mbuluar infrastrukturën e Al dhe partneritetet teknologjike përkatëse.

Zvicër: Shufër ari, orë Rolex dhe ulje tarifash

Një delegacion udhëheqësish biznesi zviceranë i dhuroi Trumpit një shufër ari me vlerë afërsisht 130,000 dollarë, dhe një orë Rolex.

Disa ditë më vonë, SHBA-të ulën tarifat për mallrat zvicerane nga 39% në 15% sipas një kuadri të ri tregtar, i cili përfshinte edhe angazhime për investimet e ardhshme zvicerane në SHBA.

Ndërsa vetë shufra e arit ishte modeste në vlerë, ajo përkoi me një rregullim të madh tregtar në dobi të Zvicrës.

Koreja e Jugut: Kurora Ceremoniale dhe Angazhime për Investime

Gjatë një vizite në Korenë e Jugut në fund të tetorit, Trump mori një kopje të kurorës së artë të epokës Silla dhe Urdhrin e Madh të Mugunghwa, nderi më i lartë civil i vendit.

Gjatë së njëjtës vizitë, Koreja e Jugut angazhoi afërsisht 350 miliardë dollarë për investime me bazë në SHBA në sektorët e prodhimit dhe teknologjisë.

Të dy vendet gjithashtu ecën përpara me masat tregtare që prekin mallrat e automobilave dhe industriale.

Pakistani: Mineralet e rralla të tokës dhe Çmimi Nobel për Paqen

Në shtator, zyrtarët pakistanezë i dërguan Trumpit mostra të mineraleve të rralla të tokës, duke nxjerrë në pah industritë minerare dhe teknologjike të vendit.

Ata gjithashtu e rekomanduan zyrtarisht atë për Çmimin Nobel për Paqen 2026 për ndihmën në lehtësimin e tensioneve me Indinë.

Në këmbim, SHBA-të uli tarifat për mallrat pakistaneze në 19% - nën normën prej 25% të Indisë - dhe një firmë amerikane premtoi 500 milionë dollarë për nxjerrjen dhe përpunimin e metaleve të rralla në Pakistan. /Telegrafi/

Juventusi mori një fitore me rezultat 2-0 në udhëtim ndaj Pisas në kuadër të javës së 17-të në elitën e futbollit italian.

Ylli kosovar Edon Zhegrova u aktivizua në këtë ndeshje në minutën e 60-të dhe për 30 minuta lojë ai ishte mjaft aktiv.

Pas ndeshjes, ai ka analizuar momentin e skuadrës, duke vënë theksin te uniteti i grupit, roli i tij personal dhe puna taktike nën drejtimin e trajnerit Luciano Spalletti.

“Gjëja më e rëndësishme është që i gjithë grupi ka qenë i bashkuar. Dua t’i vë në dispozicion të ekipit cilësitë e mia. Pashë një Juventus kompakt gjatë gjithë ndeshjes".

"Spalletti? Po përpiqet të më përmirësojë edhe në fazën mbrojtëse, edhe pse kjo më është kërkuar edhe te klubet e mia të mëparshme dhe e di që në futbollin modern duhet të luash në të dyja fazat".

"Kam qenë jashtë për një kohë të gjatë, nuk kam luajtur shumë, por tani po jap kontributin tim", ka deklaruar ylli dardan./Telegrafi/

Barcelona dhe Paris Saint-Germain kanë ndarë disa lojtarë të përbashkët ndër vite, megjithëse së fundmi nuk ka dyshim se fluksi ka qenë më shumë drejt Parisit sesa drejt Katalonisë. Gjigantët francezë tashmë kanë hedhur sytë nga një tjetër sulmues që po aktivizohet te Barcelona.

Vitet e fundit kanë parë emra si Neymar Junior, Rafinha Alcnatara, Lionel Messi dhe së fundmi Ousmane Dembele të transferohen drejt “Parc des Princes”.

Lojtari më i fundit që ka tërhequr interesin e PSG-së, dhe që aktualisht ende i përket Manchester United, është Marcus Rashford.

Sipas Mundo Deportivo, Rashford po monitorohet nga PSG, e cila thuhet se është e gatshme të paguajë deri në 50 milionë euro për ta realizuar transferimin.

Barcelona ka një opsion blerjeje prej 30 milionë eurosh në fund të sezonit, por ende nuk është e sigurt nëse do ta aktivizojë atë.

Disa kanë sugjeruar se Barcelona mund ta aktivizojë opsionin dhe më pas të tentojë ta shesë Rashfordin, por për ta bërë këtë do të duhej fillimisht ta regjistronte lojtarin.

Reprezentuesi anglez ka pasur një rol të vështirë te Barcelona. I kërkuar të luajë shpesh dhe herët për të zëvendësuar të dëmtuarin Raphinha dhe gjithë kontributin e tij në skuadrën e Hansi Flick, Rashford tani po detyrohet të lë gjurmë kryesisht nga stoli.

Deri tani këtë sezon, ai ka shënuar shtatë gola dhe ka dhënë 11 asistime në 24 paraqitje, kryesisht duke luajtur nga krahu i majtë. Kjo përkthehet në një kontribut për gol çdo 87 minuta për Rashfordin./Telegrafi/

Liga Arabe, Këshilli i Bashkëpunimit të Gjirit (GCC) dhe Bashkimi Afrikan (AU) i janë bashkuar shumë vendeve që kritikojnë njohjen zyrtare nga Izraeli të rajonit të shkëputur të Somalilandit në veri të Somalisë si shtet të pavarur.

Somalilandi, një rajon në Bririn e Afrikës, shpalli pavarësinë nga Somalia në vitin 1991 dhe ka kërkuar njohje ndërkombëtare për dekada të tëra, me presidentin Abdirahman Mohamed Abdullahi që e ka bërë këtë një përparësi kryesore që kur mori detyrën vitin e kaluar.

Izraeli njoftoi të premten se e konsideronte Somalilandin si një “shtet të pavarur dhe sovran”, duke u bërë vendi i parë që bëri një deklaratë të tillë.

Njoftimi e shtyu Somalinë ta quante vendimin një “sulm të qëllimshëm” ndaj sovranitetit të saj që do të dëmtonte paqen rajonale.

Në një deklaratë të premten, blloku kontinental i AU-së hodhi poshtë veprimin e Izraelit dhe paralajmëroi se rrezikonte “të vendoste një precedent të rrezikshëm me pasoja të gjera për paqen dhe stabilitetin në të gjithë kontinentin”.

Kryetari i Komisionit të AU-së, Mahmoud Ali Youssouf, tha se institucioni “hedh poshtë me vendosmëri çdo iniciativë ose veprim që synon njohjen e Somalilandit si një entitet të pavarur, duke kujtuar se Somalilandi mbetet një pjesë integrale e Republikës Federale të Somalisë”.

Sekretari i Përgjithshëm i Ligës Arabe, Ahmed Aboul Gheit, e quajti veprimin e Izraelit “një shkelje të qartë të së drejtës ndërkombëtare dhe një shkelje flagrante të parimit të unitetit dhe sovranitetit të shteteve”.

“Çdo përpjekje për të imponuar njohje të njëanshme përbën një ndërhyrje të papranueshme në punët e brendshme të Somalisë dhe vendos një precedent të rrezikshëm që kërcënon sigurinë dhe stabilitetin rajonal dhe ndërkombëtar”, paralajmëroi ai.

Këshilli i Gjirit e quajti zhvillimin “një shkelje të rëndë të parimeve të së drejtës ndërkombëtare dhe një shkelje të hapur” të sovranitetit të Somalisë.

“Kjo njohje përfaqëson një precedent të rrezikshëm që do të minojë themelet e stabilitetit në rajonin e Bririt të Afrikës dhe do të hapë derën për tensione dhe konflikte të mëtejshme, duke kundërshtuar përpjekjet rajonale dhe ndërkombëtare që synojnë forcimin e paqes dhe sigurisë ndërkombëtare në rajon”, tha Sekretari i Përgjithshëm i GCC-së, Jasem Albudaiwi.

Bashkimi Evropian tha se respekton integritetin territorial dhe sovranitetin e Somalisë, duke bërë thirrje për dialog midis qeverisë kombëtare somaleze dhe Somalilandit.

Ministrat e jashtëm të Somalisë, Egjiptit, Turqisë dhe Xhibutit gjithashtu dënuan njohjen e Somalilandit nga Izraeli, duke thënë: "Ministrat konfirmuan refuzimin dhe dënimin e plotë të njohjes së rajonit të Somalilandit nga Izraeli, duke theksuar mbështetjen e tyre të plotë për unitetin, sovranitetin dhe integritetin territorial të Somalisë".

Katari, Irani, Arabia Saudite, Pakistani, Kina dhe Nigeria ishin ndër vendet e tjera që dënuan veprimin e Izraelit.

Autoriteti Palestinez gjithashtu hodhi poshtë njohjen e Somalilandit nga Izraeli.

Somalia kërkoi që Izraeli të tërhiqte njohjen e Somalilandit si të pavarur, duke e dënuar këtë veprim si një akt "agresioni që nuk do të tolerohet kurrë".

Megjithatë, udhëheqësi i Somalilandit, Abdullahi, e përshëndeti vendimin e Izraelit si një “moment historik” dhe tha se kjo shënoi fillimin e një “partneriteti strategjik”.

Presidenti i Shteteve të Bashkuara, Donald Trump, gjithashtu komentoi për këtë çështje.

I pyetur nëse Uashingtoni planifikonte ta njihte edhe Somalilandin, Trump tha "jo".

“A e di ndokush se çfarë është me të vërtetë Somaliland?”, tha ai. /Telegrafi/

Kandidati për Kryeministër nga LDK, Lumir Abdixhiku në Debat Plus të Dukagjinit ka thënë se nuk ofendon Kurtin e elektoratin e tij, sado që s’pajtohet me atë çfarë përfaqëson.

Madje sipas tij një pushtet që kërcënon demokracinë e vendit, është rrezik.

“Unë nuk e ofendoj as Kurtin as elektoratin e tij.Mund të mos pajtohem me atë çfarë përfaqëson".

"Një pushtet që kërcënon demokracinë e vendit, ai kërcënon më shumë se sa vetëm fjalë, është e rrezikshme. Turmat janë të rrezikshme. Ata kanë rrënuar çdo urë të komunikimit me ne. Ne kemi qenë korrekt me ta, ata kanë ofenduar dhe propaganduar. Në anën tjetër besoj që mirë që e kanë kuptuar se gjuha duhet të ndërrohet”, tha Abdixhiku.

Lidhja Qytetare Shqiptaro-Amerikane (LQShA) ka publikuar një deklaratë publike përmes së cilës shpreh shqetësim për zhvillimet e fundit politike dhe diplomatike që lidhen me Kosovën, duke theksuar nevojën për qartësi morale dhe mbrojtje të interesit kombëtar.

Në deklaratë thuhet se, ndërsa mbështetja evropiane për qeverinë e Serbisë dhe njohja evropiane e Kosovës si forcë pro-perëndimore dhe pro-amerikane në Ballkan po zbehet, brenda Kosovës po vërehet një kthim prapa i kësaj vale mbështetëse.

LQShA vlerëson se kjo është koha që Kosova të riafirmojë përkushtimin e saj ndaj rolit historik që shqiptarët kanë luajtur ndër shekuj, duke jetuar në harmoni si shqiptarë dhe si besimtarë të feve të ndryshme – katolikë, myslimanë, ortodoksë, hebrenj dhe laikë – si vlerë themelore e shoqërisë kosovare.

Organizata u bën thirrje të gjitha partive politike në Kosovë që interesin kombëtar ta vendosin mbi interesat partiake, duke mbrojtur sovranitetin, demokracinë dhe sundimin e ligjit.

Po ashtu, LQShA u bën thirrje diplomatëve amerikanë dhe evropianë që të mos ndërhyjnë në zgjedhjet e Kosovës dhe të mos mbajnë anë në procesin zgjedhor, duke respektuar vullnetin e qytetarëve.

Në deklaratë kërkohet edhe nga Komisionet për Marrëdhënie me Jashtë të Senatit dhe Dhomës së Përfaqësuesve të SHBA-së që të mbështesin arritjet e qeverisë së udhëhequr nga Albin Kurti, veçanërisht në zbatimin e ligjit dhe rendit në veri të vendit, si dhe në ruajtjen e sovranitetit dhe integritetit territorial të Kosovës.

LQShA shprehet kundër krijimit të Asociacionit të Komunave me Shumicë Serbe pa njohjen paraprake të pavarësisë së Kosovës nga Serbia, duke e cilësuar këtë si të papranueshme për shtetësinë e vendit.

Deklarata është nënshkruar në emër të Bordit të LQShA-së nga Shirley Cloyes Dioguardi, këshilltare për Çështjet e Ballkanit, dhe Joe DioGuardi, president i organizatës.