Tim Allan, drejtori i komunikimit i kryeministrit britanik, Keir Starmer, ka dhënë dorëheqjen pas vetëm pesë muajsh në detyrë.

Allan tha në një deklaratë të shkurtër: “Kam vendosur të jap dorëheqjen për të lejuar ndërtimin e një ekipi të ri nr. 10. I uroj kryeministrit dhe ekipit të tij çdo sukses”.

Dorëheqja është një tjetër goditje për pozicionin e Starmer mes një debati të ashpër rreth vendimit për ta bërë Peter Mandelson ambasador në Uashington, pavarësisht lidhjeve të tij të ngushta me pedofilin e ndjerë, Jeffrey Epstein.

Starmer përsëriti keqardhjen e tij për emërimin e Mandelson, ndërsa këmbënguli që qeveria e tij mund të “vazhdojë përpara nga këtu”.

“Le të ecim përpara që këtej. Le të ecim përpara me besim ndërsa vazhdojmë ta ndryshojmë vendin”, tha Starmer.

Por një tjetër dorëheqje nuk e qetësoi pikërisht situatën dhe as nuk i heshti thirrjet për dorëheqjen e Starmer.

Skandali i ri që rrethon Mandelsonin, i cili u shkarkua nga posti i ambasadorit në Shtetet e Bashkuara në shtator, vjen pasi dokumentet e publikuara nga Departamenti i Drejtësisë i SHBA-së muajin e kaluar përfshinin email-e që sugjeronin se Mandelson i kishte zbuluar Epsteinit diskutime rreth shitjeve të mundshme të aseteve britanike dhe ndryshimeve tatimore gjatë krizës financiare.

Franca filloi të dielën stërvitjen e saj më të madhe ushtarake që nga Lufta e Ftohtë, duke vendosur 12,500 trupa në një stërvitje tremujore të projektuar për t’u përgatitur për luftë me intensitet të lartë në Evropë.

Stërvitja Orion 26, e cila zgjat deri më 30 prill, do të përfshijë 25 anije, përfshirë aeroplanmbajtësen Charles de Gaulle, 140 avionë, 1,200 dronë dhe forca nga 24 vende, shkruajnë mediat e huaja, përcjell Telegrafi.

Ministria Franceze e Forcave të Armatosura e përshkroi Orion 26 si “një ngjarje të madhe në përgatitjen operacionale franceze për skenarë me intensitet të lartë” që synon përgatitjen e forcave për “situata komplekse në mjedise të shumëfishta, të larmishme dhe të kontestuara”.

Stërvitja bazohet në një skenar fiktiv që përfshin dy vende të quajtura Arnland dhe Mercury, të frymëzuara drejtpërdrejt nga kërcënimi rus në Evropë.

Në skenar, Mercury, një shtet ekspansionist, kundërshton fqinjin e tij Arnland, të cilin Mercury kërkon ta destabilizojë për të parandaluar afrimin e tij me Bashkimin Evropian.

Franca udhëheq një koalicion ndërkombëtar për të mbrojtur Arnland kundër veprimeve hibride në rritje dhe mbështetjes nga milicitë e mbështetura nga Mercury.

Stërvitja do të fillojë me një ulje të simuluar amfibe dhe ajrore në Brittany, me rreth 700 ushtarë dhe 100 automjete të vendosura pranë Quiberon në rajonin Morbihan më 20 dhe 21 shkurt.

Nga prilli, stërvitja do të vihet nën komandën e NATO-s për të testuar aftësinë e ushtrive evropiane për të punuar së bashku.

Stërvitja përfshin tre brigada, 2,150 automjete taktike dhe 40 helikopterë, së bashku me komponentë të luftës kibernetike dhe hapësinore.

Forcat franceze dhe të NATO-s do të simulojnë vendosjet në terren të hapur, do të nisin kundërsulme dhe do të kalojnë pengesa natyrore duke përfshirë lumenjtë Seine dhe Aube me “zjarr të vërtetë”.

Ministria Franceze e Forcave të Armatosura tha se stërvitja ishte veçanërisht e rëndësishme “në një kontekst ku përfshirja në një konflikt me intensitet të lartë mund të bëhet realitet”.

Japonia, Zvicra, Maroku dhe SHBA-të janë midis vendeve aleate të Francës që marrin pjesë në stërvitje.

Stërvitja vjen ndërsa Sekretari i Përgjithshëm i NATO-s, Mark Rutte, paralajmëroi se Rusia mund të sulmojë aleancën brenda pesë viteve.

“Ne jemi objektivi i radhës i Rusisë”, tha Rutte, ndërsa operacionet e luftës hibride që i atribuohen Rusisë po shumohen në të gjithë Evropën, ndërsa pushtimi në shkallë të plotë i Ukrainës hyn në vitin e katërt.

Epilepsia, sëmundja kronike neurologjike që shfaqet me kriza të përsëritura nga dridhjet e trupit deri tek humbja e vetëdijes, për shkak të aktivitetit elektrik të papritur dhe jo normal në tru, prek 5- 6 persona në 1 mijë banorë.

“Krizat epileptike zgjasin pak sekonda deri në pak mintua, 2 -3 minuta,  nëqoftëse kriza zgjat mbi 5 min është emergjencë që duhet trajtuar mirë. E mban 30 min nuk është epilepsy, duhet diferencuar. Kriza nuk janë përherë si ato kur bie në tokë, urinon në mënyrë të pavullnteshme, kemi dhe kriza pa humbje të vetëdijes me mpirje dore këmbe ndjesi ankthi  pështjellimi konfuzionale”, tha Aida Quka.

Ky çrregullimi i trurit sipas neurologëve prek çdo moshë ndërsa shkaqet janë të lindura dhe të fituara.

“Pikun e saj e ka tek të vegjlit por dhe të moshuarit kanë një pikë tjetër të sëmundjes, pasi vetë truri vjen duke u degjeneruar, shfaqen më shumë sëmundje dhe këto shkaktojnë fillimin e epilepsisë dhe në këto mosha.  Kemi dhe mosha mesatare, por në grupmoshat e mesme, 30 deri në 60 vjeç, zakonisht ka një shkak sekondor që mund të jetë një truamë e trurit, një infeksion, një tumor, dhe pajtjetër duhen ekzaminime komplementare, nuk fillon epilepsia në mënyrë të akonshme në këto mosha.  Alkooli dhe abuzimi me substancat kanë rolin e tyre në shfaqjen e epilepsisë kjo vjen pasi ato japin, dëmtime kronike në tru duke filluar edhe në arteriet e trurit apo dhe qelizat e trurit duke dhënë dëmtime të parikthyeshme të qelizave dhe shtojnë shfaqjen e epilepsisë”, shtoi mjekja,

Ndonëse sipas neurologëve në rreth 60% të rasteve ajo trajtohet  personat e prekur shpesh përballen me paragjykime.

“Sidomos pacientët që vuajnë që në mosha të vogla ndjehen të përjashtuar nga shoqëria pikërisht për faktin se konsiderohen si njerëz të sëmurë të paaftë për të ndenjur në jetë shoqërore ata vuajnë nga ankthi se do ti shfaqen krizat në shoqëri.  Tek të punësuarit kemi po të njëjtën gjë, shpesh humbasin vendin e punës… Në fakt është plotësisht e trajtueshme”, tha më tej Quka.

Në ditën botërore të ndërgjegjësimit për këtë sëmundje mjekët apelojnë.

“60% e pacientëve përfitojnë shumë mirë nga mjekimi dhe kanë jetë pothuajse normale dhe duhet të integrohen në shoqëri”, përfundoi mjekja.

Read More...

Kryeqyteti shqiptar është destinacion për turistët gjatë kësaj pranvere. Prestigjozja britanike Express shkruan se Tirana  është një  vend që duhet të eksplorohet pasi  përzien arkitekturën me ngjyra të ndezura me shtresa të historisë osmane dhe komuniste .

Po ashtu sipas Express krahasuar me destinacione të tjera evropiane, veçanërisht me fqinjët e tyre Italinë dhe Greqinë , Tirana është shumë më e përballueshme për t’u vizituar. Kostoja e një vakti të lirë në Shqipëri është afërsisht 9 paund, ndërsa një birrë kushton 2.28 paund.

Piramida Veçohet  si një nga monumentet më të shquara të Tiranës objekt që u ndërtua për diktatorin Enver Hoxha,  më pas u përdor si muze derisa u rindërtua në vitin 2018. Duke u transformuar në një qendër e gjallë kulturore dhe teknologjike për të rinjtë dhe publikun.

Tirana  shkruan Express ka gjithashtu një xhami të bukur, Xhaminë historike të Et’hem Beut, e vendosur pikërisht në Sheshin Skënderbej. E ndërtuar gjatë epokës osmane, ajo paraqet afreske të ndërlikuara dhe arkitekturë elegante, duke ofruar një hapësirë ​​të qetë dhe reflektuese në zemër të qytetit. Aty pranë, Xhamia e Madhe e Tiranës është një nga më të mëdhatë në Ballkan, duke kombinuar dizajnin modern me elementët tradicionalë islamikë dhe duke mirëpritur vizitorët që duan të admirojnë madhështinë e saj ose të mësojnë rreth kulturës fetare lokale.

Vetëm pak minuta larg qendrës, Mali i Dajtit ofron një arratisje perfekte nga zhurma urbane. vizitorët mund të shijojnë pamje panoramike mbi Tiranën dhe më gjerë, përpara se të bëjnë ecje, piknik ose thjesht të shijojnë ajrin e freskët malor.

Me plazhe të kristalta që shpesh krahasohen me Maldivet dhe një kryeqytet plot jetë, Shqipëria dhe veçanërisht Tirana, po shndërrohet shpejt në sekretin më të bukur të Evropës e mbyll shkrimin e përditshmja britanike.

Policia Kufitare në Rinas ka goditur dy raste të mosdeklarimit të vlerave monetare në kufi. Sekuestrohen mbi 26 mijë euro dhe paundë.

Nga verifikimet e policisë shtetasi shqiptar  D. Sh., 37 vjeç, rezident në Mbretërinë e Bashkuar, të cilit, gjatë kontrollit në vijën e dytë, iu gjetën 15 000 paundë, që synonte t’i fuste në territorin e Republikës së Shqipërisë pa i deklaruar, në kundërshtim me legjislacionin në fuqi.

Po ashtu, u procedua penalisht shtetasi A. Z., 32 vjeç, banues në Kamëz, të cilit, gjatë kontrollit në vijën e dytë, iu gjetën 11 370 euro, që synonte t’i nxirrte nga Republika e Shqipërisë pa i deklaruar, në kundërshtim me ligjin.

Furnizuesi i Shërbimit Universal ka nisur një proces të gjerë kontrollesh për të identifikuar subjektet që ushtrojnë aktivitet ekonomik, por vijojnë të faturohen si abonentë familjarë.

Administratori i ri i FSHU, Algert Luzi, deklaroi në “Money Report” në ABC News se kontrollet janë përqendruar kryesisht në banesat e reja dhe katet e larta, ku janë konstatuar raste të shumta abuzimi, përfshirë njësi shërbimi, klinika dentare dhe qendra për kujdesin ndaj fëmijëve, ndërsa paralajmëroi se për subjektet që nuk përditësojnë të dhënat do të merren masa administrative.

“Ne jemi përqendruar më shumë në banesat e reja dhe në katet e larta. Kemi konstatuar shumë raste dhe shpresojmë të gjejmë raste. Kemi konstatuar shumë ngjyra, klinika detare dhe qendra për kujdesin për fëmijë.

Ky është një proces në vazhdim dhe do shohim në vijim. Të gjithë abonentët që ushtrojnë aktivitetin si profesion i lirë dhe e ka deklaruar, të saktë edhe adresën e abonimit, nuk do të ketë ndryshim të tarifimit.

Tarifim do të ketë edhe për makinat elektrike, ato që trajtohen si pika  karikimi. Do ketë ndryshime të reja tarifimi. Të gjitha subjektet e kanë mundësinë që ta shikojnë tarifimin për mes faturave, po edhe përmes informacionit ndaj klientit.

Për ne e rëndësishme është që të ndërgjegjësojmë të gjitha subjektet, për të bërë përditësimin e tyre, nëse më vonë ndaj tyre nuk kanë bërë përditësime, do të merren masa administrative. Për momentin ne jemi fokusuar në Tiranë, më vonë do të shtrihemi edhe në zona të tjera”, tha Luzi.

Shumë biznese në Shqipëri po faturohen për energjinë elektrike si familjarë duke përfituar në mënyrë të padrejtë një çmim më të lirë. Furnizuesi i Shërbimit Universal pjesë e OSHEE, ka ngritur grupe kontrolli në terren të cilët gjatë verifikimeve kanë identifikuar raste ku subjekte me aktivitet ekonomik janë ende të regjistruara si klientë familjarë dhe tarifoheshin me 8.5-9.5 lek/kwh si klientë familjarë, dhe jo 14 lek/kwh, që është tarifa e miratuar për klientët biznes.

FSHU u ka bërë thirrje bizneseve dhe organizatave jofitimprurëse të verifikojnë dhe përditësojnë kontratën e tyre të energjisë, nëse rezultojnë ende të regjistruar si klientë familjarë.

sipas FSHU, ky fenomen vjen si pasojë e regjistrimeve të vjetra apo mungesës së përditësimeve të kontratave, ndërkohë që objektet përdoren realisht për qëllime ekonomike.

Përmes këtij procesi, FSHU u bën thirrje subjekteve të ndërgjegjësohen dhe të bashkëpunojnë me grupet e kontrollit në terren, me qëllim ndryshimin e tarifimit nga familjar në jo-familjar, duke shmangur penalitetet. Ndërsa procesi aktualisht kryhet pa penalitete dhe mund të realizohet pranë sporteleve të OSHEE-së ose online.

Shqipëria  është  bërë një vend tërheqës për punonjësit e huaj. Nga të dhënat rezulton se  nga vendi kanë emigruar rreth 40 % e fuqisë punëtore duke detyruar qeverinë që të  lidhë marrëveshje  dhe të lehtësojë procedurat për marrjen e punonjësve nga vendet e treta për të plotësuar nevojat e bizneseve.

Shumë prej punonjësve rezultojnë se  vijnë nga India, Filipinet dhe Pakistani, dhe  janë të punësuar në sektorë të ndryshëm, si peshkimi, ndërtimi dhe turizmi.

Një pjesë e konsiderueshme kanë zgjedhur Vlorën  ndërsa shprehen se dëshirojnë që të tërheqin edhe familjet e tyre.

Të punësuar në sektorë të ndryshëm, ata shprehen të kënaqur me kushtet që kanë gjetur, ndërsa sipas statistikave vetëm në Vlorë  janë rreth 800 të huaj të punësuar një numër që pritet të rritet ndjeshëm  me afrimin e sezonit turistik. Disa prej tyre janë të vendosur në Vlorë prej një ose dy vitesh, ndërsa të tjerë kanë mbërritur vetëm disa muaj më parë.

Edison Memolla shkon në burg. Apeli i Gjykatë se Posacme vendosi lënien në fuqi të dënimit me 1 vit burg dhënë nga shkalla e parë për kryetarin e bashkisë Rrogozhinë. Po ashtu Memolla do duhet që për 5 vitet e ardhshme të mos ushtrojë asnjë funskion publik.

Vendimi është i formës së prerë dhe pritet të ekzekutohet brenda ditës së hënë. Trupa gjykuese e përbërë nga gjyqatrët Florian Kalaja, Igerta Hysi dhe Daniela Shirka, nuk pranuan kërkesën për pafajsi apo dënim në alternitavië shërbim prove për Memollën.

Kryebashkiaki i Rrogozhinës u regjistrua teksa ndikonte tek punonjësit e OSHE për të mos i ndërprerë energjinë elektrike një abonenti debitor në këmbim të votas për zgjedhjet e pjeshme lokale të 6 marsit 2022.

Apeli i Gjkko la në fuqi edhe vendimet për 3 të pandheur të tjerë Blerim Xhamani dhe Isuf Tosku, të cilët u dënuan nga shkalla e parë përkatësisht me 1 vit dhe 8 muaj burg, ku për Toskun dënimi u pezullua duke u vendosur në shërbim prove. Në fuqi u la edhe denimi për  Ndriçim Tafxhafa që u dënua me 1 vit burg.

Vendimi i Gjykates:

Gjykata e Posaçme e Apelit për Korrupsionin dhe Krimin e Organizuar, me trup gjykues të përbërë nga gjyqtarët Florjan Kalaja (kryesues), Daniela Shirka (anëtare) dhe Igerta Hysi (anëtare), sot më 09.02.2026, shpalli vendimin mbi çështjen penale nr. 5/70 akti, datë 14.11.2025 regjistrimi, mbi ankimet e të pandehurve B.Xh., I.T., E.M., N.T., ndaj vendimit nr. 41, datë 17.06.2025, të Gjykatës së Posaçme të Shkallës së Parë për Korrupsionin dhe Krimin e Organizuar, disponuar si vijon:
“1. Deklarimin fajtor të të pandehurit E.M. për kryerjen e veprës penale “Korrupsioni aktiv në zgjedhje” kryer në bashkëpunim, parashikuar nga nenet 328 dhe 25 të Kodit Penal dhe dënimin e tij me 1 (një) vit burgim.
2. Dënimi të fillojë nga dita e ekzekutimit të vendimit penal dhe të vuhet në një burg të sigurisë së zakonshme.
3. Në zbatim të nenit 35 të K.Penal, heqjen e së drejtës për të ushtruar funksione publike për të pandehurin E.M. për një periudhë 5 (pesë) vjeçare.
4. Deklarimin fajtor të të pandehurit N.T. për kryerjen e veprës penale “Korrupsioni aktiv në zgjedhje” parashikuar nga neni 328 të K.Penal dhe dënimin e tij me 1 (një) vit burgim.
5. Dënimi të fillojë nga dita e ekzekutimit të vendimit penal dhe të vuhet në një burg të sigurisë së zakonshme.
6. Deklarimin fajtor të të pandehurit B.Xh. për kryerjen e veprës penale “Korrupsioni aktiv në zgjedhje” kryer në bashkëpunim, parashikuar nga nenet 328 dhe 25 të Kodit Penal dhe dënimin e tij me 1 (një) vit burgim.
7. Deklarimin fajtor të të pandehurit B.Xh., për kryerjen e veprës penale “ Falsifikimit të dokumenteve”, kryer në bashkëpunim, parashikuar nga neni 186, paragrafi dytë të Kodit Penal dhe dënimin e tij me 8 (tetë) muaj burgim.
8. Në bashkim të dënimeve, në zbatim të nenit 55 të K.Penal, dënimin përfundimisht të të pandehurit B.Xh. me 1 (një) vit burgim.
9. Dënimi të fillojë nga dita e ekzekutimit të vendimit penal dhe të vuhet në një burg të sigurisë së zakonshme.
10. Deklarimin fajtor të të pandehurit I.T., për kryerjen e veprës penale “ Falsifikimit të dokumenteve”, kryer në bashkëpunim, parashikuar nga neni 186, paragrafi dytë të Kodit Penal dhe dënimin e tij me 8 (tetë) muaj burgim.
11. Në aplikim të nenit 59 të K.Penal, pezullimin e ekzekutimit të dënimit me burgim për të pandehurin I.T. dhe vënien e tij në provë për një periudhë prej 1 (një) vit e 4 (katër) muaj, me kusht që gjatë kohës së provës i pandehuri të mos kryejë vepër tjetër penale dhe gjatë kësaj kohe i pandehuri detyrohet të mbajë kontakte me Drejtorinë e Shërbimit të Provës që mbulon vendbanimin e tij.
12. Në zbatim të nenit 190, pika 1 të K.Pr.Penale, provat materiale sipas urdhërit për bashkimin e provës materiale me fashikullin e gjykimit të datës 27.10.2023, konkretisht aparatet celularë të sekuestruar shtetasve B.Xh. dhe H.D. t’u kthehen këtyre të fundit, ndërsa provat e tjera materiale të mbeten pjesë e dosjes.
13. Shpenzimet procedurale gjatë fazës hetimore si dhe shpenzimet gjyqësore, sipas formularit bashkëlidhur, në ngarkim të të pandehurve në mënyrë solidare.
14. Kundër këtij vendimi lejohet ankim brenda 15 (pesëmbëdhjetë) ditëve, në Gjykatën e Posaçme të Apelit për Korrupsionin dhe Krimin e Organizuar, duke filluar ky afat nga e nesërmja e njoftimit të këtij vendimi të arsyetuar.”

Në përfundim, Gjykata e Posaçme e Apelit për Korrupsionin dhe Krimin e Organizuar vendosi:
1. Lënien në fuqi të vendimit nr. 8, datë 24.01.2025 të Gjykatës së Posaçme të Shkallës së
Parë për Korrupsionin dhe Krimin e Organizuar.
2. Shpenzimet procedurale u ngarkohen solidarisht të pandehurve.
3. Kundër këtij vendimi mund të ushtrohet rekurs brenda 45 ditëve në Gjykatën e Lartë,
duke nisur ky afat nga dita e nesërme e njoftimit të vendimit të arsyetuar.
U shpall në Tiranë, më datë 09.02.2026

Bashkia e Maliqit do të aplikoje gjoba që varjojnë nga 5 mijë deri në 50 mijë lek ( te reja), për të gjithë banorët e fshatrave në fushën e Maliqit që ndotin ambientin.

Nga inspektimi që është bërë në terren ka rezultuar qe ndotja e ambjentit, hedhja e mbetjeve  plastike, inerteve, por dhe mbetjet organike, plehu i bagëtive, janë në kufijtë alarmantë. Plehu i bagëtive i hedhur në kanale dhe buzë rrugëve, konsiderohet si ndotësi më i madh.

Read More...

Publikimi i miliona dosjeve në lidhje me Jeffrey Epstein ka shkaktuar një tërmet politik në Britaninë e Madhe.

Morgan McSweeney, shefi i stafit të Keir Starmer, ka dhënë dorëheqjen nga roli i tij si ndihmësi më i ngushtë i kryeministrit mes kritikave për emërimin e Peter Mandelson si ambasador në Shtetet e Bashkuara. Mandelson përmendej qindra herë në dosje dhe dokumentet e publikuara provonin lidhjet e tij të ngushta me Epstein.

McSëeeney dha dorëheqjen duke thënë se merrte përgjegjësinë e plotë për këshillimin e Starmer për të emëruar Mandelson, i cili kishte qenë një aleat i ngushtë dhe mentor politik.

Largimi i figurës më të rëndësishme politike të Partisë Laburiste në vitet e fundit është një goditje e madhe për Starmer, i cili kishte filluar të mbështetej në gjykimin politik të McSëeeney, shpesh mbi të vetin. Madje McSëeeney konsiderohet si arkitekt i ditores së laburistëve në zgjedhjet e fundit.

Starmer tha se ishte një nder të punonte me McSëeeney për shumë vite dhe e falënderoi për shërbimin e tij.

Pavarësisht largimit të McSëeeney, presioni mbi Starmer për skandalin ka të ngjarë të vazhdojë, me publikimin e qindra mijëra dokumenteve që lidhen me Mandelson në komisionin parlamentar të inteligjencës dhe sigurisë. Ekziston gjithashtu një hetim policor në vazhdim për rrjedhjet e dyshuara të informacionit qeveritar nga Mandelson.

Por ky nuk është i vetmi rast nga Epstein ka marrë informacione konfidenciale nga Britania e Madhe. Në Pallatin Mbretëror, lidhjet e tij me ish princin Andreë ishin aq të ngushta, sa ky i fundit ka ndarë me vetëdije informacione konfidenciale me Jeffrey Epstein nga puna e tij zyrtare si i dërguar tregtar në vitet 2010 dhe 2011.

Emailet nga grupi i dosjeve të Epstein, tregojnë se ish-princi ndante raporte për vizitat në Singapor, Hong Kong dhe Vietnam dhe detaje konfidenciale të mundësive të investimit.

Sipas udhëzimeve zyrtare, të dërguarit tregtarë kanë detyrimin e konfidencialitetit mbi informacionin e ndjeshëm, tregtar ose politik në lidhje me vizitat e tyre zyrtare.

Belinda Balluku do qëndrojë në detyrë, pavarësisht se pezullimi i saj u rikthye nga vendimi kontravers i Gjykatës Kushtetuese. Kryeministri i tha deputetëve të shumicës që do ndryshojnë kodin penal që të pamundesojë pezullimin e atyre që mandatohen në detyrë nga Presidenti i Republikës.Deri në ndryshimin e kodit penal, kërkesa tjetër e Prokurorisë së Posaçme për heqjen e imunitetit të zëvendëskryeminstres, do t’i duhet të presë.

Pas përfundimit të mbledhjes së Grupit Parlamentar kryeministri Edi Rama ka reaguar në platformën “X”, për mosvendimin e Gjykatës Kushtetuese, e cila riktheu pezullimin e zëvendëskryeministres dhe njëherësh ministres së Energjisë dhe Infrastrukturës, Belinda Balluku.

Rama bëri publike tre konkluzionet që u vendosën nga mbledhja e Grupit Parlamentar lidhur me këtë çështje.

Postimi i kryeministrit Edi Rama:

3 konkluzione nga mbledhja e Grupit Parlamentar pas mosvendimit të Gjykatës Kushtetuese dhe rivendosjes së pezullimit të ministres nga :

1. Funksionet e padelegueshme kushtetuese, nga ai i anëtarit të qeverisë tek ai i Presidentit të Republikës dhe jo vetëm, nuk mund të pezullohen kurrësesi nga askush duke u nisur nga një emër përveçëm, sepse pezullimi paralizon funksionin, pra institucionin që ai/ajo drejton.

2. Nisur edhe nga leximi i deklaratës publike të Gjykatës Kushtetuese, ku të gjithë anëtarët e trupës shfaqen unanimë lidhur me problemin, po ndahen tek rrugëzgjidhja, grupi parlamentar socialist do të angazhohet për zgjidhjen përmes ndërhyrjes në legjislacion.

3. E vetmja palë e përmbushur nga rikthimi i pezullimit është SPAK-u, që në kushtet e pezullimit mund të vazhdojë krejt qetësisht hetimin përkatës, ndërkohë që deri në adresimin ligjor të zgjidhjes nuk ka asnjë urgjencë për të trajtuar kërkesën që SPAK-u bëri pas rënies së masës së pezullimit.

Një shtesë nga ana ime:

SPAK-u nuk preket, vetëm mbështetet. Liria dhe e drejta e çdo prokurori për të hetuar çfarëdoqoftë e këdoqoftë nuk preken, vetëm garantohen. Pavarësia kushtetuese e pushtetit legjislativ dhe ekzekutiv, gjithashtu nuk preken. Vetëm garantohen./abcnews.al

Një zyrtar i lartë i shëndetësisë në SHBA u bëri thirrje njerëzve të vaksinohen kundër fruthit në një kohë shpërthimesh në disa shtete.

“Merrni vaksinën, ju lutem”, tha Dr. Mehmet Oz , administratori i Qendrave për Shërbimet Medicare dhe Medicaid.

“Ne kemi një zgjidhje për problemin tonë”, shtoi ai.

Oz, një kirurg zemre, mbrojti disa rekomandime federale për vaksinat të rishikuara së fundmi, si dhe komentet e kaluara nga presidenti Donald Trump dhe shefi i shëndetësisë së vendit, Robert F. Kennedy Jr., në lidhje me efikasitetin e vaksinave.

Nga Oz, pati një mesazh të qartë mbi fruthin.

“Jo të gjitha sëmundjet janë po aq të rrezikshme dhe jo të gjithë njerëzit janë po aq të ndjeshëm ndaj këtyre sëmundjeve”, tha ai në emisionin “State of the Union” të CNN-së.

“Por fruthi është një sëmundje kundër së cilës duhet të vaksinoheni”, vazhdoi ai.

Një shpërthim në Karolinën e Jugut me qindra raste ka tejkaluar numrin e rasteve të regjistruara në shpërthimin e vitit 2025 në Teksas, dhe ka edhe një në kufirin Utah-Arizona.

Shumë shtete të tjera kanë pasur raste të konfirmuara këtë vit.

Shpërthimet kanë prekur kryesisht fëmijët dhe kanë ndodhur ndërsa ekspertët e sëmundjeve infektive paralajmërojnë se mosbesimi në rritje i publikut ndaj vaksinave në përgjithësi mund të kontribuojë në përhapjen e një sëmundjeje që dikur shpallet e zhdukur nga zyrtarët e shëndetit publik.

I pyetur në intervistën televizive nëse njerëzit duhet të kenë frikë nga fruthi, Oz u përgjigj: “Oh, sigurisht”. Ai tha se Medicare dhe Medicaid do të vazhdojnë të mbulojnë vaksinën kundër fruthit si pjesë të programeve të sigurimeve.

“Nuk do të ketë kurrë pengesë për amerikanët që të kenë akses në vaksinën kundër fruthit”, tha Oz.

Sipas të dhënave federale, normat e vaksinimit në SHBA kanë rënë. Në të njëjtën kohë, normat e sëmundjeve që mund të mbrohen me vaksina, të tilla si fruthi dhe kolla, po rriten në të gjithë vendin.

Nga mungesa e mbështetjes deri tek sfida për t’u bërë njeriu më i fuqishëm në planet, historia e Bujar Mulit është rrëfimi i një force që nuk matet vetëm me kilogramë, por me vullnet, sakrificë dhe besim të palëkundur.

Në një lidhje direkte për ABC e Mëngjesit, sportisti rekordmen zbuloi detaje nga sfida e radhës që synon të hyjë në histori. Juria e Guinness tashmë ka zbritur në Kosovë, ku po përgatitet tentativa për të thyer rekordin ekstrem: mbajtja mbi trup e një peshe nga 2000 deri në 2500 kilogramë.

“Kur kërkova ndihmë financiare për të sjellë jurinë e Guinness në Kosovë, të gjithë heshtën. Sot juria është këtu dhe rekordi do të tentohet,” u shpreh ai, duke treguar se rruga drejt këtij momenti nuk ka qenë aspak e lehtë.

Data 18 korrik 2026 pritet të jetë momenti i madh. Muli shprehet i vendosur të shtyjë kufijtë e trupit njerëzor aty ku, sipas tij, askush nuk ka shkelur më parë. Për të, kjo nuk është vetëm një garë fizike, por një betejë personale për të arritur atë që mendon se i takon pas viteve të punës dhe sakrificës.

I quajtur shpesh “Hulku” ose “Herkuli Shqiptar”, ai ka hyrë tashmë në librin Guinness pasi arriti të mbajë mbi trup 1,531 kilogramë, një arritje që e vendosi mes njerëzve më të fuqishëm në botë.

Rrënjët e kësaj force nisin herët. Që në moshën 13-vjeçare ai ngrinte thasë me miell, ndërsa vitet e gjata të stërvitjes, mundit dhe djersës ndërtuan bazën e një karriere të jashtëzakonshme.

“Mbajtja e një peshe të tillë dhe fitorja më dhurojnë një ndjesi shumë të mirë. Kjo ka ardhur pas një pune të madhe dhe një sakrifice të gjatë,”  tregon ai.

Edhe pse pranon se nuk ka pasur gjithmonë përkrahjen që priste, pasioni e ka çuar deri në këtë pikë. Sot ai deklaron me besim se asgjë nuk mund ta ndalë në rrugën drejt qëllimeve të tij, duke falënderuar Zotin për forcën dhe mundësinë që ka sot. Mesazhi i tij për publikun është i thjeshtë dhe i fortë: të ndjekin rrugëtimin e tij drejt rekordit të radhës Guinness dhe të besojnë se kufijtë ekzistojnë vetëm për t’u thyer.

Aksidenti i ndodhur në orët e para të mëngjesit në Vlorë, drejtuesja e një prej mjeteve e plagosur dërgohet në gjendje të rëndë drejt Tiranës.

25-vjecarja Konstandina Shoraj ka marrë plagë të shumta në trup, me politraumë.

Një shqiptar në zemër të Lojërave Olimpike Dimërore 2026. Një artist i “La Scala”. Një moment që po bën xhiron e rrjeteve dhe po mbush me krenari publikun shqiptar.

Në një lidhje direkte nga Italia për ABC e Mëngjesit, bass-i shqiptar i “La Scala”, Xhieldo Hyseni, ka rrëfyer emocionet e jashtëzakonshme të mbajtjes së flakës olimpike në Cortina 2026, një moment që ai vetë e përshkruan si realizimin e një ëndrre të kahershme.

“Ky ishte një moment që përfaqëson ëndrra, përkushtim dhe forcën që na bashkon,”- u shpreh ai, duke shtuar se përvoja do të mbetet ndër kujtimet më të forta të jetës së tij.

Përzgjedhja nuk ishte rastësi. Hyseni u zgjodh nga Akademia prestigjioze e “La Scala”, ndërsa fakti që ishte ndër më me eksperiencë në grup bëri që nderi t’i besohej pikërisht atij. Ai parakaloi 200 metra me flakën olimpike deri pranë “La Scala”, një distancë që për të simbolizon vite pune, sakrifice dhe besimi te vetja.

Prej dy vitesh, artisti shqiptar jeton në Itali pasi fitoi Akademinë e “La Scala”, ku specializimi është ekskluzivisht në kanto dhe ku vetëm artistët me rezultate të larta mund të sigurojnë kontrata profesionale. Në këtë teatër prestigjioz, pagesa lidhet drejtpërdrejt me numrin e shfaqjeve, një sfidë që kërkon nivel maksimal profesionalizmi.

Edhe pse është fokusuar te muzika klasike, ai nuk e ka shkëputur lidhjen me muzikën e lehtë dhe grupin “Alar Band”, duke theksuar se raporti njerëzor dhe artistik vazhdon të mbetet i fortë.

Sa i përket së ardhmes, Hyseni nuk përjashton kthimin në Shqipëri. Ai shprehet se nuk ka shkuar në Itali me idenë për të mos u kthyer më, por do të vlerësojë projektet që do t’i ofrohen.

Në qershor, ai pritet të jetë pjesë e operës “Carmen” në “La Scala”, ndërsa paralelisht do të jetë edhe në shfaqjen “Love Español”. Në Shqipëri, dalja e fundit në skenë ishte me operën “Aida”, duke dëshmuar lidhjen e fortë me publikun shqiptar.

Shërbimi i inteligjencës FSB i Rusisë thotë se tentativa e vrasjes së gjeneralit Vladimir Alexeyev të premten u urdhërua nga Shërbimi i Sigurisë i Ukrainës.

Madje, sipas mediave të huaja, FSB gjithashtu pretendon se inteligjenca polake ishte e përfshirë në rekrutimin e autorit të vrasjes, sipas agjencisë së lajmeve Interfax.

Megjithatë, siç vë në pah Sky News, nuk janë dhënë prova për të verifikuar pretendimet. Ukraina ka mohuar përfshirjen dhe Polonia nuk i është përgjigjur pretendimit.

Një shtetas rus i lindur në Ukrainë u ekstradua në Moskë nga Dubai me dyshimin për plagosjen e rëndë të Alexeyev, thanë zyrtarët rusë të sigurisë.

Rusia tha se i dyshuari për të shtënat, një shtetas rus i lindur në Ukrainë, i quajtur nga Moska si Lyubomir Korba, ishte marrë në pyetje pasi u ekstradua nga Dubai. Një bashkëpunëtor i dyshuar, Viktor Vasin, është marrë gjithashtu në pyetje.

FSB theksoi në një deklaratë se si Korba ashtu edhe Vasin kishin “pranuar fajin e tyre” dhe kishin dhënë detaje për të shtënat, të cilat ata thanë se ishin “kryer në emër të Shërbimit të Sigurisë së Ukrainës”.

Megjithatë, FSB nuk dha asnjë provë dhe Reuters shkruan se nuk ishte në gjendje ta verifikonte këtë pretendim menjëherë.

FSB tha se Korba u rekrutua në gusht 2025, u trajnua në Kiev dhe u dërgua në Rusi nëpërmjet Moldavisë dhe Gjeorgjisë, me shërbimin e sigurisë ukrainase që i premtoi atij 30,000 dollarë për sulmin.

Gjenerallejtënant Vladimir Alekseyev, zëvendësshef i inteligjencës ushtarake ruse, u qëllua disa herë nga një sulmues i panjohur në një ndërtesë banimi në veriperëndim të kryeqytetit, tha Komiteti Hetimor i Rusisë në një deklaratë.

Alekseyev ishte zëvendësuesi i parë i gjeneralit Igor Kostyukov, i cili udhëhoqi delegacionin rus gjatë bisedimeve të fundit me Ukrainën në Abu Dhabi, në prani të përfaqësuesve amerikanë, mbi mundësinë e një zgjidhjeje të konfliktit në Ukrainë.

Duhet të ishte gara që do të celebronte karrierën e madhe të një kampione madje edhe shpirtin olimpik. Por premiera e Lindsey Vonn në Lojërat Olimpike Dimërore “Milano Cortina 2026” as nuk iu afrua asaj që kishte ëndërruar skiatorja amerikane.

Madje, ai që do të ishte turneu i fundit në jetën sportive të 41-vjeçares u kthye në një makth të vërtetë.

Lindsey Vonn u cilësua si mishërimi i sakrificës sportive, pasi vendosi të marrë pjesë në Lojërat Dimërore me një dëmtim të rëndë në gjurin e saj.

Pak ditë nga nisja e “Milano Cortina 2026” ajo zbuloi se kishte këputur ligamentet e kryqëzuara gjatë rrëzimit në garat e Crans Montana.

Por tjetër gjë është dëshira dhe një tjetër gjë kur trupi nuk përgjigjet.

Dhe në garën e parë të zbritjes, Lindsey Vonn pësoi një tjetër rrëzim të rëndë në pistë, duke sjellë momente të vërtet paniku.

Pamjet tregojnë humbjen e kontrollit dhe përplasjen e fortë të skiatores amerikane, që mes dhimbjesh mori ndihmën e parë, ndërsa më pas u dërgua me helikopter për një ndihmë më të specializuar në spital.

Një fund i hidhur për atë që konsiderohet si një nga skiatoret më të mira të historisë, që tërhiqet përfundimisht nga garat e torturuar nga lëndimet e shumta, por me një palmares plot me trofe, si pak të tjerë në sportet dimërorë.