Mbrojtësi Joao Cancelo e ka kompletuar rikthimin te Barcelona nga skuadra arabe Al Hilal.

Ylli portugez do t’i bashkohet katalunasve në formë huazimi pa ndonjë opsion blerje, meqenëse nuk është në planet e trajnerit Simeone Inzaghi.

Gazetari Fabrizio Romano raporton se gjithçka është mbyllur mes tre palëve, ndërsa Barcelona do të paguajë 4 milionë euro për Al Hilalin.

“Joao Cancelo te Barcelona e kryer! Marrëveshja e kryer në formë huazimi deri në qershor”.

“Barcelona do të paguajë 4 milionë euro për huazimin te Al Hilal”.

“Pavarësisht që Interi ka arritur marrëveshje me Al Hilalin, Joao e donte vetëm Barcelonën”, shkroi ai.

Interi tentoi deri në fund që ta bindte yllin portugez, por ky i fundit ishte i etur që të luajë sërish në fanellën katalunase./Telegrafi/

Barcelona është afër marrëveshjes për ta rikthyer në skuadër mbrojtësin Joao Cancelo.

Gazetari italian Fabrizio Romano raporton se katalunasit kanë bërë ofertë zyrtare drejt Al Hilal për portugezin, meqenëse Simeone Inzaghi e ka larguar nga skuadra dhe nuk e ka në plane për pjesën e mbetur të sezonit.

Cancelo e ka bërë prioritet rikthimin te Barcelona ndërsa edhe është pajtuar që të zbresë pagën për ta kompletuar huazimin.

“Barcelona bënë ofertë zyrtare drejt Al Hilalit për Joao Cancelon. Propozim huazimi me pagën e mbuluar, negociatat po vazhdojnë”.

“Propozimi zyrtar nga Al Hilali dhe kampi i Joaos pritet të pranohet me hapat zyrtar së shpejti. Cancelo e ka bërë të qartë se Barcelona është prioritet absolut”, shkroi ai ndër të tjera.

Ndërkohë, edhe Interi ka arritur marrëveshje në parim me Al Hilalin për Cancelon, në rast që dështon kalimi i këtij të fundit te Barcelona./Telegrafi/

Interi ka hedhur një hap konkret drejt afrimit të Joao Cancelo, pasi ka arritur një marrëveshje verbale me Al-Hilal për transferimin e mbrojtësit të krahut. Marrëveshja parashikon që një mbrojtës aktual i “Nerazzurrëve” të lëvizë në drejtim të kundërt.

Klubi zikaltër ka qenë në kërkim të një mbrojtësi të krahut të ri për t’iu bashkuar skuadrës së drejtuar nga Cristian Chivu, pas lëndimit afatgjatë të Denzel Dumfries.

Në këtë kuadër, Interi është lidhur me rikthimin e ish-lojtarit të huazuar më parë, Joao Cancelo, i cili mund të largohet nga Al-Hilal gjatë këtij muaji. Për shërbimet e tij interesim ka shfaqur edhe Barcelona.

Sipas “Sky Sport Italia”, Interi dhe Al-Hilal kanë arritur një marrëveshje verbale për Cancelo. Sipas të njëjtit burim, marrëveshja do të përfshinte kalimin e njërin prej qendërmbrojtësve Stefan De Vrij ose Francesco Acerbi në Arabinë Saudite.

Joao Cancelo

Një lëvizje e tillë do të sillte ribashkimin e njërin prej tyre me ish-trajnerin e Interit, Simone Inzaghi, i cili aktualisht drejton Al-Hilal.

Hapi i radhës për drejtuesit e Interit është të bindin vetë Cancelon që të pranojë transferimin. Mbrojtësi 31-vjeçar ka kërkuar edhe një ose dy ditë kohë për të marrë vendimin përfundimtar.

“Sky Sport Italia” shton se dëshira kryesore e Cancelos do të ishte një rikthim te Barcelona, megjithatë mbetet për t’u parë nëse klubi katalanas do të jetë në gjendje të arrijë një marrëveshje me Al-Hilal për kushtet e transferimit./Telegrafi

Juventusi është shumë pranë mbylljes së një goditjeje të madhe në afatin kalimtar me Theo Hernandez.

Mbrojtësi i majtë francez, i cili iu bashkua Al Hilalit vetëm disa muaj më parë, është i vendosur të rikthehet në futbollin evropian.

Pavarësisht paraqitjeve të mira dhe aktivizimit të rregullt, lojtari nuk ndihet plotësisht i përmbushur larg elitës kontinentale.

Dëshira e tij ka shtyrë lëvizje konkrete në afatin kalimtar të janarit.

Theo Hernandez nuk e ka fshehur pakënaqësinë e tij për mungesën e ritmit dhe presionit që ofron futbolli evropian.

Edhe pse ka ruajtur nivel të mirë nën drejtimin e Simone Inzaghit, ai kërkon sërish ndeshje të nivelit më të lartë.

Nga rrethi i tij bëhet e ditur se synimi kryesor është rikthimi në një ligë të madhe.

Në këtë kontekst, Juventusi është shfaqur si klubi më i avancuar në negociata.

Në Torino, francezi shihet si një mundësi e artë për të përforcuar menjëherë skuadrën.

Përvoja e tij në Serie A dhe aftësia për të bërë diferencën që në ndeshjet e para janë faktorë vendimtarë.

Një element që e bën këtë transferim edhe më të bujshëm është e kaluara e tij te AC Milan.

Kalimi te një rival historik si Juventusi pritet të shkaktojë reagime të forta mes tifozëve kuqezi.

Juventusi ka përshpejtuar kontaktet për të mbyllur sa më shpejt marrëveshjen.

Klubi dëshiron të përfitojë nga afati kalimtar i dimrit për të paraprirë konkurrencën nga gjigantë të tjerë evropianë.

Al Hilal nuk përjashton një largim, nëse arrihet një marrëveshje e favorshme.

Nëse transferimi realizohet, rikthimi i Theo Hernandez në Serie A do të ishte një nga goditjet më të mëdha të janarit. /Telegrafi/

Braziliani Neymar ka pranuar se ka menduar të tërhiqej nga futbolli për shkak të numrit në rritje të lëndimeve që ka pësuar në vitet e fundit.

Ky mendim u theksua veçanërisht pas dëmtimit të ligamentit të gjurit, i cili çoi edhe në ndërprerjen e kontratës së tij me Al-Hilal, një marrëveshje fitimprurëse që ai ishte duke kryer.

Megjithatë, ish-lojtari i Barcelonës dhe PSG-së vendosi të mos largohej, edhe pse ende ndjen dhimbje pas operacionit në gju.

Ai tani shpreson të sigurojë vendin e tij në sulmin e Brazilit për Kupën e Botës 2026, që do të zhvillohet në SHBA, Kanada dhe Meksikë, raporton Goal.

Babai i Neymarit, Neymar Senior, foli për ndikimin që lëndimet kanë pasur te djali i tij.

“Ai pati një dëmtim në meniskun. Mediat e raportuan para se ne të flisnim me të, dhe mendja e tij thjesht u shua. Për një moment, nuk munda ta shpëtoja gjendjen mendore të djalit tim. Të gjithë thoshin se nuk do të luante. Mendja e tij thjesht u shua", tha Neymar Senior.

Ky rrëfim tregon betejën jo vetëm fizike, por edhe mendore që Neymar ka kaluar, ndërsa përgatitet për një nga eventet më të mëdha të karrierës së tij me kombëtaren braziliane. /Telegrafi/

Juventusi synon të përforcojë repartin ofensivë në merkaton e janarit, duke vënë në shënjestër një qendërsulmues të nivelit të lartë për fazën e mbetur të sezonit.

Kriza në sulm është bërë e dukshme te bardhezinjtë, pas formës zhgënjyese të Jonathan David dhe dëmtimit afatgjatë të Dusan Vlahovic.

Në listën e objektivave janë futur Alexander Sorloth i Atletico Madridit, si dhe sulmuesi i Al-Hilal, Darwin Nunez, të cilët konsiderohen zgjidhje potenciale për majën e sulmit.

Për Sorloth, Juventusit raportohet se është gati të propozojë një marrëveshje shkëmbimi, që do ta çonte Jonathan Davidin drejt Wanda Metropolitano.

Ndërkohë, Nunez po mendon mundësinë e largimit nga Arabia Saudite, por paga e tij shumë e lartë mund të bëhet pengesë për klubin torinez.

Atletico Madrid mund të humbasë edhe Giacomo Raspadorin, i lidhur me një kalim te Roma, ndaj spanjollët mund të hezitojnë të lejojnë largimin e Sorloth.

Megjithatë, Juventusi duket i vendosur të gjejë përforcimin e duhur në sulm dhe pritet që javët e ardhshme të jenë vendimtare për ecurinë e negocimeve. /Telegrafi/

Juventusi ka nisur bisedimet për një marrëveshje befasuese për ish-mbrojtësin e Milanit, Theo Hernandez, i cili sezonin 2025/26 e ka kaluar në Ligën Profesionale Saudite me Al-Hilal, nën drejtimin e ish-trajnerit të Interit, Simone Inzaghi.

Hernandez u largua nga Milani në fund të sezonit 2024/25, pas gjashtë vitesh te kuqezinjtë, duke u transferuar te Al-Hilal në një marrëveshje që raportohet të ketë vlerë rreth 20 milionë euro plus bonuse.

Mbrojtësi francez thuhet se përfiton pothuajse të njëjtën shumë edhe si pagë vjetore në kontratën aktuale me klubin nga Riadi.

Sipas disa raportimeve nga Italia, Hernandez tashmë po shqyrton seriozisht largimin nga kampionati saudit. Madje, bazuar në informacionet që kanë origjinën nga Carlo Pellegatti, ekzistojnë tashmë bisedime të avancuara mes përfaqësuesve të lojtarit dhe Juventusit për një transferim të mundshëm.

Megjithatë, raportimet e fundit theksojnë se bëhet fjalë për një transferim të mundshëm gjatë verës dhe jo për afatin kalimtar të janarit.

“Zonja e Vjetër” ishte lidhur edhe më herët me Theo Hernandez gjatë sezonit 2024/25, para se ai të vendoste përfundimisht të transferohej në Arabinë Saudite.

Pak para Krishtlindjeve, Theo Hernandez dha një intervistë për La Gazzetta dello Sport, ku pranoi se në të vërtetë nuk kishte dashur kurrë të largohej nga Serie A, por se ishte detyruar nga rrethanat te Milani.

“Unë kurrë nuk doja të largohesha nga Serie A, por Milani më kishte kërcënuar se do të më linte jashtë skuadrës nëse qëndroja edhe vitin e fundit të kontratës. Unë meritoja një trajtim shumë më të mirë”.

Mbetet për t’u parë se sa do të kushtojë kartoni i Theo Hernandez nëse Juventusi vendos të ecë përpara me këtë operacion. Ajo që është e sigurt është se mbrojtësi i majtë do të duhet të ulë ndjeshëm kërkesat financiare, pasi paga e tij aktuale, e vlerësuar mes 20 dhe 25 milionë eurosh në sezon, është shumë e lartë për standardet e Serie A./Telegrafi

Trajneri Hansi Flick është kundër rikthimit të mbrojtësit Joao Cancelo te Barcelona gjatë afatit kalimtar të janarit.

Sipas “Marca”, trajneri i Barcelonës e ka bërë të qartë se nuk po insiston për rikthimin e përfaqësuesit portugez në “Camp Nou”. Vendimi i Flick përputhet me qëndrimin e përgjithshëm të klubit, i cili ka përcaktuar prioritetet për këtë afat kalimtar.

Drejtuesit e Barcelonës kanë vendosur që fokusi kryesor të jetë përforcimi i repartit defensiv, konkretisht afrimi i një qendërmbrojtësi, dhe jo shtimi i Joao Cancelos në skuadër. Kjo lidhet drejtpërdrejt me nevojën për të mbuluar mungesën e Andreas Christensen, i cili është jashtë fushave për shkak të lëndimit.

Një tjetër arsye pse transferimi i Cancelos shihet si shumë i vështirë ka të bëjë me politikën e klubit për merkato. Barcelona dëshiron të shmangë afrimet afatshkurtra dhe po synon lojtarë që përputhen qartë me projektin sportiv afatgjatë.

Edhe pse Cancelo vazhdon të vlerësohet brenda klubit për cilësitë e tij, paga prej rreth 15 milionë eurosh që ai përfiton aktualisht te Al Hilal konsiderohet e pamundur për t’u përballuar nga Barcelona, duke pasur parasysh strukturën aktuale të pagave. Madje, edhe në rast të një uljeje të ndjeshme të pagës, një marrëveshje shihet si shumë pak e realizueshme.

Për pasojë, rikthimi i Joao Cancelos në janar mbetet thuajse i përjashtuar, teksa Barcelona dhe Hansi Flick janë të përqendruar në gjetjen e një zgjidhjeje konkrete për repartin e mbrojtjes.

Kësisoj, gjasat janë të mëdha që Cancelo t’i bashkohet Interit, skuadër që dëshiron ta kompletojë një ofertë shkëmbimi me Al Hilalin./Telegrafi

Çdo dimër, tregu i futbollistëve të lirë ofron një mori talentesh. Emra me peshë, përvojë dhe një entuziazëm konkurrues, të gatshëm për të nisur një aventurë të re pa pasur nevojë që klubi blerës të shpenzojë ndonjë euro për tarifë transferimi.

Me kalibrin e lojtarëve që janë aktualisht në dispozicion, 11-shja ideale titullarë e futbollistëve të lirë do të ishte vërtet mbresëlënëse.

Gazeta Marca ka përpiluar një përzgjedhje prej njëmbëdhjetë yjesh që formojnë një formacion të veçantë... dhe një ekip plot mundësi.

Midis shtyllave, një portier klasik. Manuel Neuer mbetet një shkëmb, një kapiten me një zë të vendosur dhe një vështrim të ftohtë. Një kampion i gjithçkaje me Gjermaninë dhe Bayern Munich, autoriteti i tij ende ankoron çdo mbrojtje. Ai nuk kërcen më siç bënte një dekadë më parë, por leximi i tij i lojës, komanda e tij dhe përvoja e tij e mbajnë një hap përpara.

Mbrojtja nxjerr në pah përvojë dhe forcë. Në pozicionin e mbrojtësit të djathtë, Dani Carvajal mishëron besueshmërinë në futboll: mbi 400 ndeshje dhe 26 tituj me Real Madridin dëshmojnë autoritetin e tij në netët e mëdha, megjithëse dëmtimet e fundit e kanë penguar.

Boshti qendror do të zihej nga Antonio Rudiger dhe Kalidou Koulibaly, një partneritet i fortë si shkëmbi. Gjermani dominon në situatat një-me-një; senegalezi, në ajër. Dy mbrojtës të kalibrit të turneve të mëdha, të forcuar nga finalet dhe betejat me tension të lartë.

Mesfusha është ndërtuar mbi ekuilibër dhe talent. Leon Goretzka mishëron ritmin e punës, hapin dhe vrapimet nga thellësia; një lojtar i palodhur që futet në zonë dhe nuk ngurron kurrë.

Krahas tij, Bernardo Silva i drejton fijet me një qartësi të pakrahasueshme. Portugezi e interpreton ritmin, duke përshpejtuar ose duke bërë pauza sipas nevojës, dhe ofron zgjidhje aty ku të tjerët shohin vetëm probleme. Me to, skuadra fiton qëllim dhe rrjedhshmëri.

Në sulm, dinamit. Në njërën anë, Sadio Mane, me mbi 100 gola në Ligën Premier dhe shok skuadre i Cristiano Ronaldos në Arabinë Saudite, mbetet një makth për çdo mbrojtës të krahut. Shpejtësia, instinkti dhe shpirti i tij garues janë ende të pazvogëluara.

Në anën tjetër, Paulo Dybala, ai lojtar i butë me këmbë të majtë që duket se e ka të gjithë fushën të hartuar në kokën e tij. Një lojtar lidhës, i paparashikueshëm dhe vdekjeprurës midis vijave, argjentinasi ruan prekjen magjike që vendos ndeshjet.

Në mesfushë, ka edhe yje të lirë si Modric, i cili në Itali tashmë po merret në konsideratë për një rinovim kontrate me Milanin pas sezonit të tij të suksesshëm pavarësisht se është 40 vjeç.

Dhe në sulm, dy golashënues. Karim Benzema, fituesi i Topit të Artë 2022, kombinon qetësinë e një veterani me talentin e tij të zakonshëm. Pranë tij, ose duke alternuar me të, është Robert Lewandowski, i cili, pavarësisht pasigurisë së kontratës me Barçën, vazhdon të shënojë rekorde golash. Si një opsion i tretë, Dusan Vlahovic: një sulmues ike me një të ardhme ende të pashkruar.

Njëmbëdhjetë lojtarë të lirë që, pa asnjë tarifë transferimi, krenohen me tituj të Ligës së Kampionëve, çmime të Topit të Artë, cilësi lidershipi dhe mbi 1,200 gola në emrin e tyre.

Një ekip me cilësi të provuar, me një të kaluar dhe të tashme të artë, që do të bënte çdo klub ambicioz të ëndërronte të bënte një hap të menjëhershëm përpara. /Telegrafi/

Formacioni i yjeve të lirë

Bayern Munich ka shtuar interesimin për Reben Neves, mesfushorin portugez të Al-Hilal, i cili pritet të jetë një nga emrat më të diskutuar të merkatos së ardhshme verore.

Sipas gazetës spanjolle AS, kampionët e Gjermanisë janë mes klubeve që po monitorojnë nga afër situatën e lojtarit, në rast se ai nuk rinovon kontratën aktuale që skadon këtë verë.

Bavarezët tashmë kanë zhvilluar bisedime joformale me përfaqësuesit e Neves, duke iu bashkuar interesimit të klubeve si Manchester United, Atletico Madrid dhe Juventusi, të cilët gjithashtu po ndjekin zhvillimet rreth së ardhmes së 28-vjeçarit.

Nga ana tjetër, Al-Hilal ka reaguar duke i paraqitur Neves një ofertë të re deri në vitin 2028, e cilësuar si “e papërmbajtshme”, që përfshin një rritje të ndjeshme të pagës.

Sipas raportimeve, ka sinjale të forta se mesfushori mund ta pranojë këtë ofertë, me një marrëveshje joformale që do t’i lejonte atij të largohej nga klubi saudit në verën e vitit 2027.

Megjithatë, 63-herë reprezentuesi i Portugalisë ende nuk ka marrë një vendim përfundimtar. Gazeta britanike Times raportoi së fundmi se Neves synon një rikthim në Liga Premier, ku kishte lënë gjurmë me Wolverhampton Wanderers. Për një transferim të mundshëm, po përmendet një shifër rreth 20 milionë euro.

Neves thuhet se i është ofruar edhe Real Madridit kohët e fundit, por gjigantët spanjollë kanë vendosur të mos ecin përpara me këtë opsion. Ndërkohë, nga 1 janari, mesfushori ka të drejtë të negociojë lirshëm me klube të tjera pa pëlqimin e Al-Hilal dhe të nënshkruajë një kontratë që do të hyjë në fuqi verën e ardhshme.

E ardhmja e Rúben Neves mbetet e hapur, mes ofertës luksoze nga Arabia Saudite dhe dëshirës për t’u rikthyer në elitën e futbollit evropian. /Telegrafi/

E ardhmja e Joao Cancelos po merr formë në tregun evropian, me mbrojtësin portugez që pritet të largohet nga Al-Hilal pas një aventure të shkurtër në Arabinë Saudite.

Sipas gazetarit të njohur Fabrizio Romano, Interi ka nisur bisedime të drejtpërdrejta si me klubin saudit, ashtu edhe me Jorge Mendes, agjentin e lojtarit, për të eksploruar mundësinë e një rikthimi të tij në Serie A.

Cancelo shihet si një profil ideal për skemat e Interit, ku ka luajtur më parë dhe ku la përshtypje pozitive gjatë periudhës së tij të parë në “San Siro”. Rikthimi në një ambient të njohur dhe në një kampionat elitar evropian konsiderohet si një opsion shumë tërheqës për lojtarin.

Në të njëjtën kohë, Barcelona është vënë në dijeni për situatën e Cancelos, por çdo lëvizje e mundshme nga klubi Blaugrana mbetet e kushtëzuar nga rregullat e Fair Play Financiar. Për momentin, nga Katalonja nuk ka hapa konkretë, pavarësisht interesimit.

Në garë është futur edhe Juventusi, i cili ka kontaktuar herët Jorge Mendes për të mësuar rreth kushteve kontraktuale dhe parametrave financiarë të një transferimi të mundshëm, duke e mbajtur kështu hapur opsionin për një përforcim në krahët e mbrojtjes.

Cancelo, i cili ka përvojë të madhe në elitën evropiane me skuadra si Manchester City, Bayern Munich, Barcelona, Juventus dhe Interi, mbetet një nga emrat më të lakmuar të merkatos aktuale. Ndërkohë, Al-Hilal po shqyrton alternativat për të vendosur përfundimisht mbi të ardhmen e lojtarit, ndërsa klubet evropiane presin zhvillimet e radhës. /Telegrafi/

Gjigantit të La Ligës, Real Madrid i është ofruar mundësia për të transferuar një mesfushor nga skuadra saudite Al-Hilal për sezonin e ardhshëm.

Kjo vjen në një kohë kur është mësuar se Ruben Neves po synon një rikthim në kryeqytetin spanjoll, duke pasur dëshirë të largohet nga futbolli arab dhe të rikthehet në skenën kryesore të futbollit në Evropë.

Mesfushori portugez aktualisht ka kontratë me Al-Hilal deri në verën e vitit 2026, por e ardhmja e tij duket gjithnjë e më e paqartë, teksa afati i marrëveshjes po shkon drejt fundit.

Drejtuesit e klubit saudit i kanë vendosur në tavolinë një ofertë rinovimi, megjithatë Neves nuk duket i bindur për të vazhduar aventurën e tij në Arabinë Saudite.

Sipas raportimeve, 28-vjeçari e ka të qartë synimin për t’u rikthyer në Evropë dhe beson se ende ka nivelin dhe përvojën e nevojshme për të qenë pjesë e një prej klubeve më të mëdha të kontinentit. Pikërisht për këtë arsye, ai është i gatshëm të shqyrtojë vetëm projekte të nivelit më të lartë.

Sipas një raporti të “Diario AS”, përfaqësuesit e Ruben Neves ia kanë ofruar atë Real Madridit, duke shpresuar se mesfushori mund të përshtatet në projektin sportiv të klubit mbretëror.

Megjithatë, Florentino Perez dhe stafi drejtues e kanë refuzuar këtë mundësi, duke mos e konsideruar Neves si një profil të domosdoshëm për skuadrën e ndërtuar nën drejtimin e Xabi Alonso.

Në këtë mënyrë, edhe pse dëshira e lojtarit për t’u rikthyer në Evropë mbetet e fortë, Real Madridi nuk duket se do të jetë destinacioni i tij i radhës, të paktën për momentin./Telegrafi

Ruben Neves është sërish në qendër të tregut të transferimeve. Mesfushori portugez, aktualisht te Al Hilal, mund të përfshihet në një nga lëvizjet më të mëdha të verës së ardhshme duke iu bashkuar Real Madridit si transferim i lirë.

Neves është veçuar drejtpërdrejt nga Al Jaber, një nga legjendat e mëdha të futbollit arab, i cili nuk ka hezituar të parashikojë rezultatin e së ardhmes së mesfushorit portugez. Fjalët e tij kanë pasur një ndikim të fortë si në Arabinë Saudite ashtu edhe në Evropë.

Deklarata është përfundimtare. Lojtari portugez nuk do ta rinovojë kontratën e tij me klubin e tij aktual dhe destinacioni i tij është vendosur tashmë. Real Madridi duket të jetë opsioni prioritar për ta përfunduar karrierën e tij në nivelin më të lartë të futbollit evropian. Në Valdebebas, ata po e monitorojnë nga afër një mundësi që përputhet në mënyrë të përkryer me politikën e fundit të transferimeve të klubit.

Koha e Ruben Neves te Al Hilal mund të jetë drejt fundit. Pavarësisht rëndësisë së tij për sistemin e ekipit saudit, lojtari thuhet se nuk ka ndërmend të zgjasë kontratën e tij.

Burime në Arabinë Saudite pohojnë se mesfushori ka marrë tashmë një vendim të prerë. Ai preferon të kthehet në futbollin evropian para se të mbushë 30 vjeç dhe të garojë në nivelin më të lartë.

Al Hilal është në dijeni të këtij qëndrimi dhe pranon se nuk mund ta mbajnë atë përtej kontratës së tij aktuale. Për më tepër, largimi i tij do të ndodhte pa asnjë tarifë transferimi. Ky skenar, ndonëse i dhimbshëm për klubin, konsiderohet i pashmangshëm duke pasur parasysh ambiciet sportive të lojtarit.

Real Madridi e sheh Nevesin si një opsion strategjik të nivelit të lartë. Shtimi i një mesfushori të provuar dhe kryesor me përvojë ndërkombëtare si transferim i lirë është një mundësi që është e vështirë të injorohet.

Los Blancos kanë vlerësuar lojtarë që mund të sjellin ekuilibër, karakter dhe vetëdije taktike në mesfushë. Lojtari portugez i plotëson të gjitha këto kërkesa. Për më tepër, përvoja e tij në ligën e parë angleze dhe pjekuria e tij futbollistike përputhen me idenë e forcimit të skuadrës pa kompromentuar stabilitetin financiar.

Në La Liga, ardhja e tij do të rriste nivelin konkurrues të kampionatit dhe do të përforconte një zonë kyçe të fushës për ekipin e bardhë. /Telegrafi/

Theo Hernandez këmbëngul se nuk donte të largohej nga Milani verën e kaluar, ndërsa ka treguar se ishte i detyruar ta merrte këtë vendim shkaku i drejtorit ekzekutiv Giorgio Furlani.

Ish-mbrojtësi i Milanit mendon se meritonte një trajtim më të mirë nga Rossonerët verën e kaluar, kur klubi vendosi ta shiste atë te skuadra saudite Al-Hilal.

“Meritoja një trajtim më të mirë. Nuk e prisja. Disa shokë skuadre më shtynë të qëndroja, por kur një drejtues të telefonon dhe të thotë: ‘Nëse qëndron, do të të përjashtojmë’, çfarë mund të bësh? Thjesht shiko diku tjetër”, ka thënë fillimisht Theo në një intervistë për Gazzetta dello Sport.

Francezi këmbënguli se nuk donte kurrë të largohej nga Milani, se "prioriteti i tij ishte të qëndronte" dhe se nuk e refuzoi kurrë një transferim te Como në janar.

"Agjenti im nuk ma përmendi kurrë. Ata thanë se kisha kërkuar shifra të jashtëzakonshme për të rinovuar kontratën, se po shtyja për një transferim. Të gjitha të rreme".

Marrëdhënia midis Theos dhe Milanit filloi të përkeqësohej kur Paolo Maldini u shkarkua në vitin 2023.

“Kur mbërrita, ishin Massara, Boban dhe idhulli im Maldini. Ibra është një figurë e lartë, por pasi Paolo u largua, gjithçka ndryshoi për keq. Sezonin e kaluar, unë dhe Calabria shkuam në Milanello duke veshur fanellën e Paolos, dhe disa njerëzve nuk u pëlqeu kjo. Ata rrëzuan një legjendë për asgjë. Përveç Ibrës, mund të ndihet mungesa e Milanizmit”.

"Bëra gabime, si kartonët e kuq kundër Fiorentinës ose Feyenoordit, por jemi njerëz. Nuk isha mendërisht i qetë dhe mund të kisha bërë më mirë, por tifozët e dinë se kush ishte Theo te Milani".

"Drejtimi që ka marrë klubi nuk pasqyron më vlerat që më tërhoqën këtu” - Theo Hernandez godet Milanin pas largimit

Kritikat që lexoi pas largimit të saj e lënduan.

“Më në fund kam mundësinë të flas për këtë: ka njerëz që duan të të shkatërrojnë jetën dhe karrierën. Më dhemb të lexoja gjëra të caktuara, por familja ime e di që nuk janë të vërteta”, përfundoi trajneri francez. /Telegrafi/

Mesfushori Ruben Neves po përgatit terrenin për një rikthim në Ligën Premier që në afatin kalimtar të muajit të ardhshëm, duke vënë në lëvizje disa klube angleze, mes tyre Manchester United dhe Newcastle United.

Pportugez, aktualisht pjesë e Al-Hilal në Arabinë Saudite, ka refuzuar ofertat për rinovimin e kontratës, çka e bën atë një nga emrat më të kërkuar sapo të rihapet merkatoja më 1 janar.

Al-Hilal, që pagoi rreth 47 milionë funte për ta transferuar Neves nga Wolverhampton Wanderers në verën e vitit 2023, është i gatshëm ta lejojë largimin e tij që në fillim të janarit, në mënyrë që të shmangë rrezikun e humbjes së lojtarit pa pagesë gjatë verës, raporton “The Times”.

Raportimet e para sugjerojnë se një shumë rreth 18 milionë funtesh mund të jetë e mjaftueshme për të siguruar shërbimet e mesfushorit, megjithëse klubet e interesuara besohet se mund të negociojnë edhe një çmim më të ulët, duke marrë parasysh situatën kontraktuale.

Në këtë sezon, Neves ka zhvilluar 15 ndeshje me fanellën e Al-Hilal, duke realizuar 5 gola dhe duke kontribuar me 1 asistim, shifra që dëshmojnë se ai mbetet një profil shumë i vlefshëm për tregun evropian./Telegrafi

Real Madridi ka shënuar edhe një herë territorin e tij në tregun ndërkombëtar duke refuzuar një nga ofertat më ekstravagante të parë ndonjëherë në historinë e futbollit modern.

Oferta e Al-Hilal synonte të shkaktonte një tërmet të madh mediatik dhe ekonomik duke vendosur Kylian Mbappen në qendër të një projekti të paprecedentë të drejtuar nga Arabia Saudite.

Megjithatë, në zyrat e “Santiago Bernabeu” nuk pati asnjë dyshim. Mesazhi ishte i menjëhershëm: largimi i lojtarit është i panegociueshëm, pavarësisht shumës së propozuar.

Propozimi saudit arriti në 350 milionë euro, një shifër e paprecedentë për një marrëveshje të këtij dimensioni. Plani përfshinte një kontratë katërvjeçare me një pagë vjetore prej 300 milionë eurosh për Mbappen.

Me këto shifra, sulmuesi francez do të kishte tejkaluar edhe fitimet e Cristiano Ronaldos, duke u bërë futbollisti më i paguar në botë, me një diferencë të konsiderueshme krahasuar me yjet e tjerë.

Pavarësisht kësaj, Real Madridi as që e mori në konsideratë hapjen e negociatave. Bordi drejtues beson se ekzistojnë vlera sportive që nuk mund të maten vetëm në terma ekonomikë.

Klubi e sheh pranimin e një oferte prej 350 milionë eurosh si dobësim të një projekti të ndërtuar rreth lojtarit dhe ndikimit të tij global.

Për Al-Hilal, nënshkrimi i Mbappes ishte shumë më tepër sesa një përforcim sportiv. Ishte një lëvizje strategjike për ta shndërruar ligën saudite në një vitrinë globale.

Klubi arab synonte një ikonë gjeneracionale të aftë për të tërhequr audiencë, sponsorë dhe prestigj ndërkombëtar, duke ndjekur rrugën e hapur nga emra të tjerë të mëdhenj që janë transferuar në rajon.

Sidoqoftë, Real Madridi e ka mbyllur këtë derë në mënyrë kategorike, duke dërguar një mesazh të qartë dhe të pakontestueshëm për tregun global./Telegrafi/

Trajneri i klubit saudit, Simone Inzaghi thuhet se e ka etiketuar një yll të Interit për ta transferuar gjatë afatit kalimtar të verës.

Sipas gazetarit Fabrizio Romano, Al-Hilal po kërkon të nënshkruajë me mbrojtësin e Interit, Francesco Acerbi, verën e ardhshme si transferim i lirë.

Prania e trajnerit Simone Inzaghi do të jetë çelësi për të bindur Acerbin të shkojë në Arabinë Saudite, pasi të dy kanë punuar më parë së bashku te Interi dhe Lazio.

37-vjeçari ka qenë një prani e fortë në mbrojtjen e Interit gjatë dy sezoneve të fundit, por mosha e tij në rënie po i shtyn Nerazzurrët të gjejnë një zëvendësim afatgjatë për italianin në vend që t’ia zgjasin kontratën.

Kontrata e Stefan de Vrij skadon gjithashtu në fund të sezonit dhe mbrojtësi holandez pritet të jetë në rrugë të largimit.

Ndërkohë, Interi mund ta shndërrojë huazimin e Manuel Akanjit nga Manchester City në një transferim të përhershëm. /Telegrafi/

Bruno Fernandes kërkoi mendimin e Cristiano Ronaldos kur po shqyrtonte mundësinë e largimit nga Manchester United për t’u bashkuar me Al-Hilal në Arabinë Saudite gjatë verës.

Kapiteni i United zbuloi se foli me bashkëlojtarin e tij të kombëtares së Portugalisë kur mori ofertën fitimprurëse, por e refuzoi atë pas diskutimeve me familjen dhe trajnerin Ruben Amorim.

Në fund, Fernandes e refuzoi ofertën sepse donte të qëndronte te United dhe të vazhdonte të konkurronte në Premier League, por pranoi se fillimisht iu drejtua Ronaldos.

“Fola me Cristianon për situatën, për Arabinë dhe gjithçka. Nuk do të thoja çfarë më tha, por folëm për këtë”.

Bruno Fernandes dhe Cristiano Ronaldo

“Sigurisht, tani ai ka një trajner që foli gjithashtu me mua në atë kohë. Ai ishte te Al-Hilal tre vite më parë, dhe gjëja e parë që më tha ishte: ‘A je shumë i shtrenjtë për klubin?’ Unë i thashë: ‘Nuk ka lojtarë të shtrenjtë për atë klub’”.

“Por i thashë të njëjtën gjë, nuk isha i etur për t’u larguar, për të shkuar në Arabinë Saudite, sepse doja të qëndroja në klub”.

“Dhe ai është një trajner me të cilin kam një marrëdhënie të shkëlqyer. Ai ishte ai që besoi tek unë për të shkuar te Sporting dhe për të luajtur në skenat më të mëdha”.

“Por Cristiano më tha mendimin e tij për atë që duhej të bëja. Ishte e rëndësishme për mua, sigurisht, me gjithë përvojën që ai ka dhe gjithçka, ishte e rëndësishme për mua të dëgjoja se çfarë mendonte. Por, sigurisht, vendimi gjithmonë do të ishte i imi dhe i klubit”, ka thënë Fernandes./Telegrafi/

Lamine Yamal, talenti i jashtëzakonshëm i FC Barcelonës, është në qendër të një oferte rekord prej 400 milionë eurosh nga klubi saudit Al-Hilal, një shifër që mund të shënojë transferimin më të madh në historinë e futbollit botëror.

Me vetëm 18 vjeç, Yamal ka lënë gjurmë të pashlyeshme te FC Barcelona. Performanca e tij e shkëlqyer në UEFA Euro 2024, ku Spanja u shpall kampione, ka konsoliduar statusin e tij si një nga talentet më premtuese të futbollit global.

Rinovimi i fundit me Barcelonën deri në vitin 2031, me një pagë prej rreth 21 milionë euro në vit, reflekton besimin e klubit në potencialin e tij. Megjithatë, oferta e Al-Hilal ka vënë në dyshim qëndrimin e tij në ‘Camp Nou’.

Klubi saudit ka dorëzuar një propozim historik prej 400 milionë eurosh për lojtarin, për një kontratë shtatëvjeçare, një shifër që tejkalon ndjeshëm vlerën e tregut të Yamalit.

FC Barcelona ka refuzuar fillimisht këtë ofertë, duke theksuar dëshirën për ta mbajtur si një element kyç të projektit të tyre sportiv. Megjithatë, presioni ekonomik dhe ambiciet e lojtarit mund ta bëjnë këtë situatë më komplekse.

Burime nga brenda klubit tregojnë se Yamal ndjehet i pakënaqur nga kritikat publike të trajnerit Hansi Flick, i cili ka kërkuar përmirësim në intensitet dhe përqendrim.

E ardhmja e Lamine Yamal mbetet e paqartë. Megjithëse FC Barcelona dëshiron ta mbajë, oferta e jashtëzakonshme e Al-Hilal dhe tensionet e mundshme mund të ndikojnë në vendimin përfundimtar.

Afati i transferimeve që vjen do të jetë vendimtar për të përcaktuar nëse talenti i ri do të vazhdojë karrierën në ‘Camp Nou’ apo do të nisë një aventurë të re në Arabinë Saudite.

Një gjë është e sigurt, Lamine Yamal është shndërruar në një nga figurat më të kërkuara të futbollit botëror dhe çdo lëvizje e tij e ardhshme mund të ndryshojë standardet e transfertave në sportin më të ndjekur në botë. /Telegrafi/

Agjenti i Simone Inzaghit, Federico Pastarello, ka zbuluar se trajneri italian do të kishte qëndruar te Interi nëse do ta kishte fituar Ligën e Kampionëve sezonin e kaluar.

Pas largimit të Inzaghit drejt Al-Hilal u raportua shumë se trajneri italian kishe pasur një marrëveshje para finales së Ligës së Kampionëve, por Pastaello ka konfirmuar se vendimi për t'u bashkuar me sauditët erdhi vetëm pas humbjes 4-0 kundër PSG-së në finale.

“E vërteta është se ai kurrë nuk donte të hynte në detajet e një marrëveshjeje të mundshme përpara se të ndodhnin disa gjëra. Ai më tha me besim se nëse do ta kishte fituar Ligën e Kampionëve, nuk do të ishte larguar kurrë nga Interi”, ka thënë fillimisht Pastarello.

“Mund t'ju siguroj se vendimi erdhi pas finales dhe pas diskutimeve me drejtuesit e Interit”.

“Aspekti financiar ishte i rëndësishëm, por ai donte të testonte veten edhe jashtë vendit, dhe liga saudite është ndër më të rëndësishmet në botë, jo vetëm për potencialin e saj financiar, por edhe për cilësinë e kampionatit”.

“Al Hilal është gjithashtu klubi më i rëndësishëm në Azi për sa i përket historisë dhe numrit të tifozëve”, përfundoi agjenti i Inzaghit. /Telegrafi/