"Për fat të keq kemi opozitë të papërgjegjshme dhe jokontruktive dhe pa ide", tha kryeministri Hristijan Mickoski duke komentuar refuzimin e Venko Filipçes për pjesëmarrje në takimin e liderëve, ku pritet të diskutohet për heqjen e qeverisë teknike dhe konsensus mbi ligjet reformuese.

Mickoski thotë se pushteti ka shumicë për ta shfuqizuar vetë qeverinë teknike, por që ka dashur që procesi të jetë gjithëpërfshirës.
“Ne me 61 deputetë në Kuvend mund ta ndryshojmë Ligjin për Qeverinë dhe ta fshijmë qeverinë teknike. Nuk kemi nevojë për mednimin e opozitës, por ne duam që procesi të jetë gjithëpërfshirës, edhe pse kemi shumicë të kryetarëve të komunave. Më shumë se 90% e kryetarëve të komunave janë nga koalicioni qeverisës, rreth 2/3 shumicë në Kuvend. Kështu që, nëse do të donim të silleshim në mënyrë të papjekur dhe papërgjegjshme, mund ta bënim këtë pa atë takim liderësh”, tha mes tjerash Mickoski.

I pyetur nëse takimi i liderëve ka të bëjë me zgjedhje të parakohshme parlamentare, Mickoski tha se zgjedhjet nuk i ka prioritet.

Filipçe: Nuk ka marrëveshje me kriminelët, Mickoski kërkon alibi për shpalljen e zgjedhjeve të parakohshme

“Prioriteti ynë siç thash, janë reformat dhe projektet. Nuk i kemi prioritet zgjedhjet. Qytetarët më herët në zgjedhjet lokale qartë treguan se ku është mbështetja, më pak se një vjet e gjysmë qartë e thanë edhe në zgjedhje parlamentare dhe presidenciale se cilin opsion politik e mbështesin”, theksoi Mickoski.

Mickoski tha se pavarësisht refuzimit nga LSDM, formalisht sot dhe nesër do të dërgohen ftesat deri tek liderët e partive politike, ndërsa takimi pritet të mbahet më 14 janar në ora 12, në Klubin e deputetëve. Kreu i ekzekutivit tha se mes tjerash, në takim pritet të diskutohet edhe për çështjen e Avokatit të Popullit./tv21/

"Nuk do të ketë takim me kriminelë", kështu e filloi konferencën e tij për shtyp lideri i LSDM-së, Venko Filipce, i cili shprehu qëndrimin e tij për takimin e paralajmëruar të liderëve që do të thirret nga kryeministri Hristijan Mickoski, përcjell Telegrafi Maqedoni.

Mickoski: Nesër do t’u dërgojë ftesa të gjitha partive politike për mbajtjen e një takimi liderësh

Një nga temat e takimit të liderëve është planifikuar të jetë shfuqizimi i mundshëm i "Qeverisë Teknike", gjë që është bërë praktikë para zgjedhjeve parlamentare në vend.

Filipçe beson se "Kryeministri është në një pozitë të vështirë, është me nxitim dhe po kërkon një alibi për të shpallur zgjedhje të parakohshme".

Ai përsëriti qëndrimin e LSDM-së se Mickoski "po planifikon zgjedhje të parakohshme parlamentare, pastaj para për migrantët".
Sipas Filipçe, Qeveria është me nxitim sepse nuk ka para në Buxhet, dhe shtoi se, qeveria teknike nuk duhet të hiqet.

"Qeveria teknike duhet të mbetet, sepse qeveria ka uzurpuar gjithçka. Ka futur kthetrat e saj në gjyqësor, ka marrë kontrollin e plotë mbi prokurorinë, ka sjellë ndryshime në Kodin Penal në kundërshtim me rekomandimet e Bashkimit Evropian. E bën këtë për të mbrojtur kriminalitetin e qeverisë. Miratuan një rezolutë për të shfuqizuar lirinë e fjalës së opozitës, duke shtypur kështu demokracinë shtesë dhe miratoi një Ligj për Policinë për partizim të plotë dhe për përjashtimin e profesionistëve", shtoi Filipçe./Telegrafi/

Inflacioni i matur nga indeksi i çmimeve të konsumit në dhjetor 2025, krahasuar me dhjetorin 2024, ishte 4.1 përqind, njoftoi sot Enti Shtetëror i Statistikave. I gjithë viti 2025 përfundoi me të njëjtin nivel inflacioni relativisht të lartë krahasuar me vitin 2024.
Indeksi i çmimeve të konsumit në vitin 2025, krahasuar me vitin 2024, u rrit me 4.1%, ndërsa indeksi i çmimeve me pakicë me 3.6%.
Lëvizja e indeksit të çmimeve të konsumit në vitin 2025 ishte e ndryshme midis grupeve individuale të konsumit.

Rritje e indekseve u regjistrua në të gjitha grupet: Restorante dhe hotele me 7.2%, Rekreacion dhe kulturë me 6.4%, Pije alkoolike, duhan dhe narkotikë me 5.9%, Ushqime dhe pije joalkoolike me 5.2%, Mobilje, mallra shtëpiake dhe mirëmbajtje shtëpiake me 4.6%, Mallra dhe shërbime të ndryshme me 3.7%, Veshje dhe këpucë, Shëndetësi me 3.1%, Strehim, ujë, energji elektrike, gaz dhe lëndë të tjera djegëse me 1.8%, Komunikime me 1.3%, Transport me 0.8% dhe Arsim me 0.1%.

Rritja e inflacionit në dhjetor 2025, krahasuar me nëntorin 2025, është rezultat i rritjes së kostos së jetesës në grupet e mëposhtme: Transporti me 5.8%, Rekreacioni dhe kultura me 0.8%, Shëndetësia me 0.7%, Mobiljet, mallrat shtëpiake dhe mirëmbajtja e shtëpisë me 0.5%, Restorantet dhe hotelet me 0.4%, Strehimi, uji, energjia elektrike, gazi dhe lëndët e tjera djegëse me 0.2%, Mallrat dhe shërbimet e ndryshme, Pijet alkoolike, duhani dhe narkotikët me 0.1%./Telegrafi/

Lidhja Auto-Moto e Maqedonisë njofton se është hequr ndalesa e qarkullimit të automjeteve të rënda në rrugën Strugë-Qafë Thanë.

"Sot (08.01.2026) vendkalimi kufitar Bogorodicë, gjegjësisht Evzoni nga ora 17:00 do të jetë e mbyllur për të gjithë automjetet", thonë nga LAMM.

Komunikacioni jashtë mjediseve urbane po zhvillohet me intensitet të moderuar./Telegrafi/

Ministria e Punëve të Jashtme (MPJ) e Bullgarisë njofton se mbështet politikat e përcaktuara nga Presidenca Qipriote me Këshillin e Bashkimit Evropian.

Gjatë një diskutimi të organizuar nga "PanEuropa" dhe Fondacioni Konrad Adenauer, Zëvendësministri i Punëve të Jashtme njoftoi se MPJ mbështet prioritetet e Qipros në fushat e sigurisë, mbrojtjes, si dhe mbështetjen e vazhdueshme për Ukrainën.
Në bashkëpunim me Presidencën Qipriote të Këshillit të Bashkimit Evropian, Ministria e Punëve të Jashtme tërhoqi vëmendjen edhe për marrëdhëniet e Bullgarisë me Maqedoninë e Veriut.

"Bullgaria do të vazhdojë të ketë një qëndrim të qartë dhe të qëndrueshëm ndaj Republikës së Maqedonisë së Veriut. Nuk ka kushte shtesë përveç zbatimit të të gjitha aspekteve të Marrëveshje për Miqësi, Fqinjësi të Mirë dhe Bashkëpunimit", tha Zv. ministri i Punëve të Jashtme, i cituar nga "News.bg".

Prandaj, ata theksojnë se "përpjekjet për të anashkaluar marrëveshjen dhe për ta simuluar atë do të çojnë në humbje të kohës së çmuar dhe humbje të mundësive të vlefshme"./Telegrafi/

Pas ndërmarrjes së masave dhe aktiviteteve, më datë 07.01.2026, zyrtarët policorë nga SPB Tetovë, në koordinim me SPB Shkup dhe Njësinë për Krimin Ekonomik – Sektori për Krimin e Përgjithshëm dhe të Dhunshëm pranë MPB-së, kanë zbardhur tri vepra penale „mashtrim“ dhe një „mashtrim në tentativë“, njoftojnë nga SPB Tetovë.

Me këtë rast, në Shkup është ndaluar personi me iniciale A.J. (23) nga Shkupi.

"Sipas raportit, ajo ka postuar një shpallje në rrjetet sociale se jep banesa me qira në Tetovë dhe përmes telefonit i ka bindur personat e interesuar që të paguajnë mjete financiare në një llogari bankare ose t’i dërgojnë ato me zarf në Shkup përmes shoferëve të autobusëve. Po ashtu, ajo ka mashtruar edhe një person gjatë pagesës për rezervim në një hotel në Ohër.

Ndërkohë, pas kontaktit të realizuar me një person të tretë nga Tetova për dhënien e një banese me qira, ky i fundit ka raportuar rastin në SPB Tetovë. Policia, në koordinim me Njësinë për Krimin Ekonomik, ka dërguar një zarf të zbrazët përmes një shoferi autobusi dhe, pasi e dyshuara ka ardhur te shoferi për ta marrë atë, ajo është ndaluar

A.J. është ndaluar në stacionin policor dhe, pas dokumentimit të plotë të rasteve, ndaj saj do të parashtrohenkallëzimet përkatëse", thonë nga SPB Tetovë./Telegrafi/

Të dhënat e Drejtorisë së Doganave tregojnë se në dhjetë vitet e fundit, mbi 80% e automjeteve të importuara në Maqedoninë e Veriut, janë të përdorura.

Në të njëjtën kohë, numri i automjeteve të regjistruara është dyfishuar – nga 350 mijë në vitin 2012 në gati 700 mijë në vitin 2024, por edhe pse kështu, mosha mesatare e automjeteve ka shkuar në 19.4 vjet, që do të thotë se në rrugë lëvizin gjithnjë e më shumë automjete të vjetra.

Në Shkup është regjistruar çdo automjet i tretë në vend, me mbi 33% të makinave dhe 38% të automjeteve të transportit të mallrave. Dominojnë automjetet me naftë me 63%, benzina ka rënë në 26%, ndërsa automjetet elektrike dhe hibride po shënojnë rritje të shpejtë – vetëm vitin e kaluar +169% për automjetet elektrike dhe +295% për ato hibride.

Të dhënat e importit të automjeteve

Në vend gjatë vitit janë importuar gjithsej 62,069 automjete, prej të cilave 53,867 janë automjete pasagjerësh.
Për çdo automjet të ri të importuar, mesatarisht janë importuar 3.5 automjete të përdorura. Në 11 muajt e parë të vitit janë importuar gjithsej 12,025 automjete të reja dhe 41,842 të përdorura.

Në importin e automjeteve të transportit, këtë vit janë importuar më shumë automjete të reja – 4,408 krahasuar me 3,502 të përdorura, ndërsa autobusët dhe minibuset e reja janë importuar vetëm 13, krahasuar me 278 të përdorura.

Që nga viti 2009, janë importuar gjithsej 631,574 automjete pasagjerësh, prej të cilave mbi 81% ose 515,856 janë të përdorura, dhe vetëm 115,718 janë të reja.

Importi i automjeteve të reja vetëm vitin e kaluar për herë të parë tejkaloi numrin e importit të automjeteve të reja në vitin 2009, kur ishin importuar 10,574 automjete të reja krahasuar me 2,944 të përdorura.

Bashkimi Demokratik për Integrim ka reguar lidhur me spërkatjen e veturave të policisë nga një klerik ortodoks
Nga atje thonë se kjo është shkelje e hapur e parimit të shtetit sekular.

"Riti nuk është kryer në hapësirë private apo objekt fetar, por në oborrin e policisë, mbi mjete zyrtare të shtetit, brenda një institucioni të sigurisë publike. Një veprim i tillë është plotësisht i papranueshëm në një shtet që me Kushtetutë është sekular dhe me realitet multietnik e multikonfesional.

Policia e Republikës së Maqedonisë së Veriut është institucion shtetëror që duhet t’u shërbejë të gjithë qytetarëve njësoj, pa dallim etnie dhe besimi. Ajo nuk i përket asnjë feje dhe nuk guxon të krijojë perceptimin se ekziston fe dominante apo “fe zyrtare” brenda institucioneve të shtetit.

Kur hapësirat dhe mjetet shtetërore përdoren për rituale të vetëm një konfesioni, mesazhi për të tjerët është përjashtues dhe i rrezikshëm: se institucionet publike identifikohen me një religjion, duke nënvlerësuar dhe përjashtuar të tjerët. Kjo nuk është simbolikë e pafajshme, kjo është institucionalizim i fesë dhe shkelje e drejtpërdrejtë e Kushtetutës.

Është veçanërisht ofenduese që këto automjete janë blerë me paratë e të gjithë taksapaguesve dhe do të përdoren nga pjesëtarë të policisë të besimeve të ndryshme. Askush nuk ka të drejtë t’i “shënojë” institucionet publike me simbolikë të një besimi të vetëm", thuhet në reagimin e BDI-së./Telegrafi/

Lidhja Auto-Moto e Maqedonisë njofton se është ndaluar qarkullimi i autobusëve për në Kodrën e Diellit.

"Për shkak të reshjeve të dendura të borës në rrugën Tetovë - Kodra e Diellit, nga ora 09:25 vendoset ndalim qarkullimi për autobusë, ndërsa pajisjet dimërore (zinxhirët e borës) janë të detyrueshme për automjetet e lehta", njoftojnë nga LAMM.

Sipas Drejtorisë për Punë Hidrometeorologjike, temperatura më e ulët e matur sot në mëngjes deri në orën 7:00 ka qenë në Kodër të Diellit -4 gradë celsius, ku ka edhe shtresë bore prej 31 centimetrash./Telegrafi/

Lidhja Auto-Moto e Maqedonisë njofton se për shkak të reshjeve të borës është ndaluar qarkullimi i automjeteve të rënda në rrugën Strugë-vendkalimi kufitar Qafë Thanë.

Nga atje poashtu njoftojnë se nga sot (08.01.2026) në fillim në orën 10:00 në vendkalimin kufitar "Niki" (Mexhitlija) do të ketë ndërprerje të qarkullimit të automjeteve të rënda e cila do të vlejë deri më 10.01.2026

Nga LAMM njoftojnë se komunikacioni në vend po zhvillohet në kushte dimërore dhe në rrugë me lagështi.

"Në vendkalimet kufitare nuk ka pritje të gjata për hyrje dhe dalje nga vendi./Telegrafi/

Moti sot në Maqedoninë e Veriut do të jetë me reshje të shiut, ndërsa në vende më të larta do të ketë reshje të borës.

Në vend do të fryjë një erë e fortë nga drejtimi verior.

Temperaturat minimale do të lëvizin nga -2 deri 5, ndërsa temperaturat maksimale do të lëvizin nga 0 deri 10 gradë celsius.

Nën ndikimin e aktivitetit ciklonik, moti në ditët në vijim do të jetë i ndryshueshëm me vranësira me reshje të herëpashershme shiu, dhe në male me reshje bore./Telegrafi/

Gjatë vitit 2025, Maqedonia e Veriut nuk arriti të marrë një nga vendimet më vendimtare në procesin e saj të gjatë drejt anëtarësimit në Bashkimin Evropian: ndryshimet kushtetuese që, sipas Brukselit dhe partnerëve evropianë, janë kusht kryesor për hapjen e kapitujve të negociatave të anëtarësimit. Që kur procesi i negociatave u bllokua nga Bullgaria në vitin 2020, nuk është lëvizur pothuajse aspak nga pika zero.

Në vitin 2025, kryeministri Hristijan Mickoski, nuk ndryshoi aspak qëndrimin e tij se “asnjë ndryshim kushtetues nuk do të bëhet pa garanci të qarta nga Bashkimi Evropian dhe pa përmbushje të obligimeve nga ana e Bullgarisë”. Në një vijë me kryeministrin, edhe Presidentja e shtetit.

“Nevojitet vullnet politik, por jo vetëm i yni, por edhe i Unionit. Pasi ne kemi propozuar shumë zgjidhje, ndërsa Bashkimi Evropian duhet të zgjedh një ose të gjejë zgjidhje të saj kreative për debllokim të procesit. Nëse ka zgjidhje për Ukrainën dhe Moldavinë, lehtë do të gjendet edhe për ne”. 38:30 “Pa garanci të qarta prej BE-së dhe Bullgarisë dhe pa mekanizma përkatëse mbrojtëse, me edhe një ndryshim kushtetues, ne rrezikojmë që prej këtij procesi të dalim siç plaku i Hemingueit doli nga deti, me një skelet peshku, me sovranitet dhe identitet nacional kulturor të zhveshur dhe gërryer”, tha Gordana Siljanovska Davkova, Presidente.

Partnerët evropianë në mënyrë të përsëritur theksuan se kushti mbetet i pandryshueshëm përpara hapjes së kapitujve. Kryetarja e Komisionit Evropian, Ursula Von Der Leyen, gjatë një vizite në vend në muajin tetor, i dërgoi Shkupit një mesazh të qartë.
“Ne mbetemi plotësisht pas Maqedonisë së Veriut në rrugën e saj drejt BE-së. Ju mund të mbështeteni tek ne. Hapi i ardhshëm dhe i vetëm para hapjes së negociatave është i qartë. Ju duhet të bëni ndryshimin kushtetues të dakorduar. Topi është në fushën tuaj. BE-ja është gati”, pati thënë Ursula Von Der Leyen, Kryetare e Komisionit Evropian.

Nga ana tjetër, partitë opozitare dhe një pjesë e shoqërisë civile shprehën zhgënjim të thellë për ngecjen e procesit. Për ta, kjo ishte një mundësi e humbur për të kapërcyer ngërçin e gjatë negociues dhe për t’i dhënë vendit një perspektivë të qartë evropiane.

Në vitin e ri, për udhëheqësit politikë të Maqedonisë së Veriut mbetet një pyetje: a do të marrë Shkup garancitë që kërkon nga Brukseli dhe do të riformësojë kushtetutën e saj me konsensus politik? Apo qëndrimi i fortë për identitetin do të vazhdojë të mbajë vendin pranë pragut të negociatave, pa e kaluar atë? Ndërsa vendet e rajonit shohin progres në proceset e tyre të zgjerimit, vendi nuk ndjek rrugën e tyre./Alsat/

Një shtetas i Turqisë dhe një banor i Gostivarit janë ndaluar nga policia, pasi pronari i një pompe të benzinës në fshatin Zherovjan ka denoncuar se të njëjtit i kanë dhënë 50 euro false gjatë pagesës.

“Më 06.01.2026 në ora 21:35 në autostradën Gostivar-Tetovë, pranë fshatit Zherovjan, zyrtarë policorë nga SPB Tetovë, për shkak të dyshimit të bazuar për vepër penale “falsifikim i parave”, kanë privuar nga liria personat S.S. (31) nga Gostivari dhe Ç.J.B. (24) nga Republika e Turqisë.

Ata në ora 17:15 në Njësinë Policore Zherovjan janë denoncuar nga A.R. (22) nga fshati Zherovjan, punonjës në një pikë karburanti në fshatin Zherovjan, se rreth orës 15:40, me automjetin e udhëtarëve “Citroen” me targa të Gostivarit, kanë mbushur karburant dhe punonjësit i kanë dhënë një kartëmonedhë prej 50 eurosh, për të cilën ai ka dyshuar se është e falsifikuar.

Ata janë mbajtur në stacionin policor dhe pas dokumentimit të rastit do t’u përgatitet parashtresë përkatëse”, thonë nga MPB.

MPB njofton se është ngritur kallëzim penal ndaj një 66-vjeçari nga Ohri i cili dyshohet për kryerjen e veprës penale "ndërtim i paligjshëm".

"SPB Ohër ka ngritur kallëzim penal kundër G.L. (66) nga fshati Leskoec i Ohrit, për shkak të dyshimit të bazuar për vepër të kryer penale "ndërtim i paligjshëm".

Ai, pa marrë leje ndërtimi përkatëse përfundimtare për ndërtim, të dhënë nga Sektori i Urbanizmit dhe Menaxhimit të Tokës Ndërtimore i Komunës së Ohrit, në një parcelë kadastrale që ndodhet në zonën e quajtur "Debello Pole" në afërsi të Ohrit, ndërtoi objekt në mënyrë të paligjshme", thonë nga MPB.

Shpërndarja e disa fotografive nëpër rrjete sociale ku shihet një prift duke spërkatur me ujë disa prej automjeteve të reja të Ministrisë së Punëve të Brendshme, ka shkaktuar debat në opinion. Siç mund të shihet në fotografitë që janë realizuar në parkingun afër ndërtesës së MPB-së në Shkup, prifti është duke kryer ceremoni fetare me ujë të bekuar, që sipas besimit të krishterë sjellë fat, mbarësi dhe mbron nga e keqja.

Megjithatë, një akt i këtillë sipas Kushtetutës së vendit është i ndaluar meqë karakteri i shtetit është sekular dhe ndalon kryerjen e riteve dhe ceremonive fetare nëpër institucione shtetërore. Për këtë Ministria e Punëve të Brendshme informoi se kontrolli i brendshëm po heton rastin.

“Sektori për Kontroll të Brendshëm, Hetime Kriminalistike dhe Standarde Profesionale në kuadër të MPB-së po ndërmerr masa dhe aktivitete për konstatimin e plotë të rrethanave, pas çka opinioni do të informohet në mënyrë përkatëse”, thonë nga MPB.

Ndërkohë, zëvendësministri i Punëve të Brendshme Astrit Iseni në Facebook thekson se veprimi është kryer nga disa punonjës të një njësie të policisë rrugore, në bashkëpunim me klerikun fetar, dhe në asnjë mënyrë nuk përfaqëson qëndrimin apo veprimtarinë institucionale të MPB-së.

“Ky rast dëshmon për mungesë të vetëdijes profesionale te disa pjesëtarë të policisë. MPB është institucion shtetëror që duhet t’u shërbejë të gjithë qytetarëve pa dallim feje. Hapësirat dhe mjetet zyrtare nuk janë pronë e asnjë besimi fetar dhe nuk guxojnë të përdoren për rituale apo veprime fetare”, reagoi Iseni.

Reagimi, mbase mund të lexohet si porosi se VLEN nuk e ka harruar reagimin e OBRM-PDUKM-së ndaj kryetarit të Kuvendit Afrim Gashi për një rast që ka ndodhur para një viti, kur në hapësirat e Kuvendit së bashku me përfaqësuesit e komunitetit boshnjak u lutën sipas traditës islame, duke ngritur duart lart, në nder të viktimave nga gjenocidi i Srebrenicës. Këtë akt e dënuan menjëherë të gjitha partitë opozitare maqedonase, por edhe partneri i koalicionit OBRM-PDUKM.

“Në vendin tonë nuk vend për rituale në institucionet shtetërore. Lidhur me ngjarjen ku njëri e keqpërdori ftesën dhe organizoi lutje islame në këtë institucion shtetëror, shprehim dënim të ashpër”, reaguan asokohe nga OBRM-PDUKM.

Reagimet politike për rastet me priftin në MPB dhe lutjet në Kuvend, pasqyrojnë realitetin e ndarjes së shoqërisë krahas bazës etnike në atë religjioze. Derisa faktori politik shqiptar alarmon për shkeljen e sekularitetit me rastin e priftit në MPB, partitë maqedonase me heshtje po e tejkalojnë këtë akt. E kundërta ndodhi me rastin e lutjeve, kur partitë maqedonase alarmuan për shkelje sekulariteti, ndërsa ato shqiptare nuk reaguan./Alsat/

Kur sot vazhdimisht dëgjomë Krishti u lind, me të vërtetë u lind, kjo nuk është vetëm një deklaratë e zakonshme, por është një përkujtim i thellë për veten, për të më afërmit, për shtetin, për të krishterët se kjo deklaratë ka peshë të thellë dhe rëndësi të madhe. Do të thotë se duhet të përkujtohemi për atë që e nënkupton, ndërkaq nënkupton gatishmëri dhe aftësi dhe dëshirë që ta zgjojmë brenda vetes njerëzoren, ndërkaq njerëzorja çdoherë është e lidhur me dritën, me mirësinë, me shpresën apo nëse akoma më mirë mund të sqarohet, të zgjohet brenda nesh hyjnorja.

Këtë sot e deklaroi presidentja Gordana Siljanovska-Davkova e cila mori pjesës në liturgjinë e krishtlindjes në Kishën kryesore “Shën Klimenti i Ohrit”.

“Prandaj çdo vit, siç tha arqipeshkvi, në këtë ditë hedhim një vështrim drejt vetes s onë, vlerësojmë veten dhe pyesim veten nëse vërtet sillemi me besim dhe bindje në të mirën, në të bukurën apo, nëse doni, në dritë. Prandaj është një ditë e madhe. Më duket se fjalët e arqipeshkvit se në këtë kohë të stuhishme, edhe kur nuk shohim diçka, duhet të besojmë në të, dhe kjo është përsëri e mira, drita, shpresa se njeriu brenda nesh ekziston, se këtu sot na kujtohet Zoti-njeriu, Jezu Krishti, i cili nuk është vetëm midis nesh sot, por është vazhdimisht midis nesh për të na kujtuar se rruga e tij është rruga jonë e vërtetë”, tha Siljanovska-Davkova.

E shihni, potencoi ajo, përnjëherë sa popull bashkohet, e shihni sa energji pozitive dhe mendim ka.

“Unë sot nuk pashë një person të vrenjtur, të gjithë të buzëqeshur dhe të gjithë i ptremtojnë vetess se prej sot e tutje do të jenë më të mirë, do ta shohin më të mirën tek tjetri, do ta nxisin të mirën tek tjetri, do të gjurmojnë dritën, përkatësisht do ta gjurmojnë Zotin brenda vetes”, shtoi Siljanovska-Davkova.

MPB njofton se në Shkup ka ndodhur një aksident trafiku, në të cilën janë lënduar tre persona.

"Më 06.01.2026 rreth orës 21:50, në Shërbimin e Sigurisë Publike të Shkupit është raportuar se në Bulevardin "Serbia" në Shkup, ka ndodhur një aksident trafiku midis një automjeti pasagjerësh "Daihatsu" me targa bullgare, i drejtuar nga J.C. (63) nga Prilepi, me banim në Shkup, dhe një triçikletë "Tomos", e drejtuar nga M.S. (18) nga Shkupi.

Në aksident, lëndime të rënda kanë pësuar M.S. dhe pasagjeri i tij S.R. (23), ndërsa lëndime kanë pësuar edhe një pasagjer tjetër nga triçikleta I.S. (19), të gjithë nga Shkupi, të cilët janë diagnostikuar në Spitalin e Përgjithshëm të Qytetit "Shën Naum i Ohrit".

Një inspektim është kryer nga një ekip inspektimi nga Shërbimi i Sigurisë Publike të Shkupit./Telegrafi/

Kryeministri Hristijan Mickoski pret që inflacioni të jetë diku 4% në nivel vjetor.

Mickoski paralajmëron ndryshime ligjore, me çka pritet të ketë gjoba më të larta për rrjetet e marketeve që manipulojnë me çmimet.

“Mendoj se rreth 4 për qind do të jetë inflacioni i vitit. Këtë e flasim me muaj, dhe atë që ne e bëjmë, janë kontrollet e shpeshta të Inspektoratit Shtetëror të Tregut.

Kontrolle të shpeshta të Komisionit për Mbrojtje të Konkurrencës. Do të propozojmë ndryshime ligjore për vitin e ardhshëm, me gjoba më të mëdha, për të gjitha rrjetet e supermarketeve që po manipulojnë me Ligjin për Praktika të Padrejta Tregtare, për disa prej rrjeteve tashmë kemi dëshmi, dhe mendoj se nëse vazhdojnë ashtu, do të duhet t’i vendosin dry derës”, tha Mickoski.

Kryetari i LSDM-së, Venko Filipçe sot me rastin e festës së Krishtlindjeve ortodokse theksoi se të rinjtë duhet ta shohin të ardhmen në vendin e tyre.

"Uroj festën më të gëzueshme në Krishterim me përshëndetjen tradicionale të paqes së Zotit, Krishti lindi.
Uroj festa të qeta, uroj festa të gëzuara të gjithë besimtarëve që festojnë këtë festë sot. Ky është një rast tradicional për të mbledhur familjen, për të mbledhur më të afërmit, për të treguar respekt, për të treguar kujdes. Uroj që dita të kalojë në paqe, dhe në paqe në këto kohë të trazuara që na duhet, në mënyrë që të mund të vazhdojmë të ndërtojmë shoqërinë, të jemi të drejtë, të jemi tolerantë, të jemi të lirë.

Në të kaluarën, zbatuam politika që qytetarët vërtet mund t’i ndjenin për të jetuar më mirë, më të sigurt, më të pasur. Të rinjtë duhet ta shohin të ardhmen këtu. Zbatuam politika që i përshtaten shoqërive të zhvilluara, një shoqërie në të cilën askush nuk do të ndihet më pak i vlefshëm, pavarësisht nëse është etnik, kombëtar, fetar, kulturor, gjinor, seksual apo orientim seksual.

Uroj që të gjithë së bashku të ndërtojmë një shoqëri në të cilën askush nuk do të diskriminohet”, tha Kryetari i LSDM-së, Venko Filipçe para Katedrales në Shkup./Telegrafi/

Vetëm i vërtetojnë ato teza që i kemi pasur nga momenti i parë, se nuk janë bullgarët në Kushtetutë kërkesa e vetme, por ridefinim i plotë i identitetit maqedonas, tha kryeministri Hristijan Mickoski në pyetjen se si e komenton reagimin e Ministrisë së Jashtme bullgare, ku nuk përmendet gjuha maqedonase.

Mikcoski i bëri thirrje opozitës për bashkim në çështjen ndaj Bullgarisë dhe në mbrojtje të interesave kombëtare maqedonase.

“Por këto janë ditë kur duhet të falim, të bashkohemi, të bëhemi bashkë si popull dhe si komb. Mendoj se përfundimisht si popull do të kuptojmë se pa dallim nëse jemi në pushtet apo opozitë, për disa çështje, thjesht duhet të jemi bashkë. Më vjen keq që ndodhi që qeveria e kaluar hyri në atë aventurë në atë mënyrë dhe e bllokoi procesin eurointegrues të shtetit.

Më vjen keq që e pranoi kapitullimin, respektivisht ultimatumin e fqinjit lindor, në vend që të na dëgjonin edhe atëherë, po ja serish apeloj te opozita, është shtrirë dora. Le të heqin dorë nga ato teza që i dëgjojmë në publik dhe përfundimisht le të dalin në mbrojtje të interesave kombëtare maqedonase”, tha Mickoski.