Një aksident me pasojë plagosjen e dy personave ka ndodhur të premten në Rrugën e Arbrit.

Sipas informacioneve paraprake, një makinë është përplasur me një kamion dhe është batuar në anë të rrugës.

Dy të plagosurit, identiteti i të cilëve nuk dihet ende janë transportuar me urgjencë në Spitalin e Traumës, shkruan Euronews.al.

Policia ndodhet në vendngjarje dhe po heton lidhur me shkaqet e aksidentit.

Sinjali – aty ku e vërteta flet para lajmit!

/GazetaSinjali/

The post Aksident në Rrugën e Arbrit, makina përplaset me kamionin, 2 të plagosur appeared first on Sinjali.

Punëtorët e Ndërmarrjes Publike “Trafiku Urban” në Prishtinë kanë njoftuar se do të hyjnë në grevë më 13 shkurt 2026, nëse deri atëherë nuk merrin përgjigje nga institucionet për kërkesat e tyre.

Sipas një komunikate të dorëzuar menaxhmentit, ata theksojnë se më 26 janar 2026 kanë paraqitur një paralajmërim për grevë, por deri më 6 shkurt nuk kanë marrë asnjë përgjigje nga organet përgjegjëse.

Në dokumentin e dorëzuar, përmendet se vendimi për grevë bazohet në Kushtetutën e Kosovës dhe Ligjin për Grevat, duke u siguruar që do të ruhet minimumi i aktiviteteve të punës për të mos dëmtuar interesat publike dhe sigurinë e qytetarëve.

Punëtorët e “Trafikut Urban” kanë njoftuar se greva do të realizohet në përputhje me legjislacionin dhe se ky njoftim është një paralajmërim përfundimtar ligjor.

Sinjali – aty ku e vërteta flet para lajmit!

/GazetaSinjali/

The post Punëtorët e “Trafikut Urban” në Prishtinë paralajmërojnë grevë më 13 shkurt appeared first on Sinjali.

Kuvendi Komunal i Prishtinës, në një seancë të jashtëzakonshme, pas diskutimeve ka miratuar buxhetin për vitin fiskal 2026.

Ndonëse ky projekt-buxhet u kritikua nga Lëvizja Vetëvendosje, partitë tjera, Lidhja Demokratike e Kosovës, Partia Demokratike e Kosovës, Lidhja e Prishtinës dhe Nisma ishin pro tij.

Në fund, buxheti kaloi me 33 vota pro, 8 kundër dhe asnjë abstenim. 

Sinjali – aty ku e vërteta flet para lajmit!

/GazetaSinjali/

The post Kuvendi i Prishtinës miraton buxhetin për vitin 2026 appeared first on Sinjali.

Ish-nënkryetarja e Prishtinës nga radhët e Partisë Demokratike të Kosovës (PDK), Donjeta Sahatçiu, ka bërë të qartë se nuk mbështet një koalicion të mundshëm mes PDK-së dhe Lidhjes Demokratike të Kosovës (LDK) në kryeqytet.

Në një postim në Facebook, Sahatçiu ka theksuar se ka kërkuar votën e qytetarëve për atë që ka besuar, hapur dhe pa kalkulime politike, duke shtuar se, ndonëse i kupton arsyetimet politike që çojnë drejt kompromiseve, nuk i ka pranuar asnjëherë ato si mënyrë për të ndërtuar besim me qytetarët, e aq më pak sot, pas një përvoje që, sipas saj, dëshmoi të kundërtën.

“Pikëpamjet e mia janë krejtësisht të kundërta dhe kam 1001 arsye për to. Për hir të respektit ndaj bashkëpunëtorëve po përmbahem nga komentet e mëtejme, por, pas shumë telefonatave nga gazetarë në 24 orët e fundit, e ndjej përgjegjësi ta bëj të qartë distancimin tim, me fjalët e mia, para se të obligohem të demantoj dikë tjetër. Kjo është hera e parë dhe e fundit që dua të prononcohem për këtë temë”, ka shkruar ajo.

Tutje Sahatçiu, deklaroi se edhe sikur të ishte në Prishtinë, ky do të ishte qëndrimi që e përfaqëson.

“Për ata që më njohin, kjo nuk duhet të jetë befasi. Politika, si çdo gjë tjetër për mua, fillon dhe mbaron me dinjitetin për të qëndruar besnik ndaj asaj që thua dhe punon për të”, u shpreh ajo.

Sinjali – aty ku e vërteta flet para lajmit!

/GazetaSinjali/

The post Ish-nënkryetarja e Prishtinës nga PDK: Nuk e mbështes koalicionin me LDK-në kryeqytet appeared first on Sinjali.

Prokuroria e Tiranës përfundoi hetimet dhe dërgoi në gjyq 7 persona pas humbjes së jetës së 3-vjeçarit,Brian Spahiu pas një ndërhyrje dentare në një klinikë në kryeqytet.

Në përfundim të hetimeve dërgoi në gjyq shtetasit Roland Xhaxho dhe M.G., për veprën penale ‘Vrasje nga pakujdesia’ dhe ‘Mashtrim’ e kryer në bashkëpunim dhe shtetasen Ina Xhaxho për veprën penale ‘Vrasje nga pakujdesia’, ‘Mashtrim’ e kryer në bashkëpunim dhe ‘Ushtrim i aktivitetit të paligjshëm’; shtetasit E.S. dhe E.A. për veprën penale ‘Shpërdorim detyre’ si dhe shtetasit D.A. dhe V.H. për veprën penale ‘Neglizhenca në trajtimin mjekësor’.

“Më datë 28.09.2023, i mituri B.S., iu nënshtrua një ndërhyrjeje dentare në 14 dhëmbë, tek Klinika “Splendent” drejtuar nga mjekët Roland dhe Ina Xhaxho. Pas ndërhyrjes i mituri kthehet në shtëpi dhe brenda pak orësh dërgohet në gjendje të rëndë shëndetësore (koma dhe insuficencë respiratore akute), në Spitalin e Pediatrisë në Qendrën Spitalore “Nënë Tereza”, Tiranë, ku dhe më pas në datën 01.10.2023, ndërroi jetë.

Sipas aktit të riekspertimit mjekoligjor dhe ekspertimit mjekoligjor shtesë, nga ana e grupit ekspertëve italianë, u arrit në konkluzionin se: Shoku septik i rëndë, që solli më pas insufiçencën progresive shumëorganore, është shkaku kryesor i vdekjes të pacientit të mitur B.S. Grupi i ekspertëve arriti në përfundimin se gjatë ndërhyrjes dentare dhe procedurës së anestezisë, nga ana e anestezistit dhe stomatologeve që trajtuan të miturin, u konstatuan shkelje të rënda të protokolleve mjekësore ndërkombëtare dhe praktikave më të mira mjekësore, të cilat kanë një lidhje shkakësore të drejtpërdrejtë me vdekjen e tij.

Këto shkelje kanë konsistuar në:

Moszbatimin, moskryerjen e kontrolleve dhe verifikimeve të nevojshme për identifikimin e saktë të gjendjes klinike para operacionit të pacientit; mosformulimin në mënyrë adekuate të diagnozës para operacionit dhe mostrajtimin e duhur profilaktik para operacionit dhe në vazhdim, i mituri iu nënshtrua një procedure kirurgjikale pa u vizituar në mënyrë adekuate, pa një diagnozë të saktë, pa një indikacion të arsyetuar, pa specifikuar alternativat dhe pa kryer testet e nevojshme dhe të detyrueshme për gjendjen klinike të pacientit;

– ndërhyrje e kryer, e cila ishte më e gjerë se sa lejohej për një fëmijë të moshës 3 vjeç dhe induksioni i anestezisë së përgjithshme për një periudhë prej rreth 5 orë, për të trajtuar njëkohësisht shumë dhëmbë, mes të cilëve disa me infeksion të pulpës me rreziqet që lidhen me anestezinë e përgjithshme dhe kontrollin e vështirë të infeksioneve postoperative, evidenton përgjegjësinë për trajtim të tepërt.

– nxjerrjen plotësisht e papërshtatshme nga spitali i të miturit, duke mos marrë parasysh gjithashtu rreziqet që lidhen me anestezinë dhe patologjitë nga të cilat vuante fëmija, e sidomos arsyet për një kohë të zgjatur zgjimi, pas ndërhyrjes si dhe shenja të tjera klinike”, bën me dije Prokuroria.

Gjithashtu nga hetimi rezultoi e provuar se dy stomatologët Ina Xhaxho dhe M.G. kanë mashtruar prindërit e të miturit duke i marrë pagesën për mbushjen e 14 dhëmbëve, ndërkohë që nga autopsia rezultoi se 6 prej tyre ishin hapur por nuk ishin mbushur. Ndërkohë, nga hetimi, u provua që stomatologia Ina Xhaxho pas ngjarjes ka vazhduar ushtrimin e aktivitetit të saj në mënyrë të paligjshme, pasi nuk ka rinovuar, në përputhje me procedurat ligjore, licencën si stomatologe nga Urdhri i Stomatologut.

Gjatë hetimeve u konstatuan shkelje të rënda të protokolleve mjekësore në kryerjen e autopsisë dhe ekspertizës mjekoligjore edhe nga ana e ekspertëve të I.M.L.-së, shtetasit E.S dhe E. A, shkruan Euronews.al.

Gjithashtu, shkelje u konstatuan edhe tek mjekët roje të pediatrisë V.A. dhe D.S. në momentin që i mituri u dërgua në spital. Mjekët nuk zbatuan protokollet mjekësore në drejtim të përcaktimit të diagnozës së duhur, evidentimin e shkaqeve më të zakonshme të shokut tek fëmijët dhe trajtimin e terapisë së përshtatshme me antibiotikë. Si rrjedhojë edhe moskryerja e veprimeve të tyre ka shkaktuar dëmtimin e rëndë të të miturit, edhe pse ai ishte në gjendje të rëndë, fakt që rezultoi nga akti i riekspertimit, pasi vdekja e tij nuk erdhi nga mosveprimet e tyre, por nga shkaku kryesor dhe i drejtpërdrejtë, që ishin veprimet dhe mosveprimet e të pandehurve R.Xh., I.Xh dhe M.G.

Sinjali – aty ku e vërteta flet para lajmit!

/GazetaSinjali/

The post Prokuroria dërgon në gjyq shtatë persona për vdekjen e 3-vjeçarit pas ndërhyrjes dentare në Tiranë appeared first on Sinjali.

Ka ndërruar jetë këtë të premtë pronari i  Autopjesëve “Jehona”, Rasim (Ibrahim) Nimani, nga fshati Rekë i Mitrovicës.

Rasim Nimani ka ndërruar jetë sot, më 06.02.2026, në moshën 76-vjeçare.

Varrimi i të ndjerit do të bëhet po sot, në varrezat e fshatit Rekë.

Ceremonia mortore niset nga xhamia e Tunelit të Parë, pas namazit të ikindisë, në ora 14:39.

Sinjali – aty ku e vërteta flet para lajmit!

/GazetaSinjali/

The post Ndahet nga jeta Rasim Nimani në moshën 76-vjeçare appeared first on Sinjali.

Komisioni Qëndror i Zgjedhjeve ka publikuar shpenzimet tremujore të subjekteve politike për periudhën tetor-dhjetor 2025, bazuar në rezultatet e zgjedhjeve të 9 shkurtit 2025.

Sipas njoftimit të KQZ-së, Lëvizja Vetëvendosje (LVV) kryeson listën e shpenzimeve, me rreth 1 milion e 263 mijë euro të shpenzuara gjatë kësaj periudhe tremujore.

Ndërsa, në vend të dytë renditet Partia Demokratike e Kosovës (PDK), e cila ka shpenzuar rreth 280 mijë e 822 euro.

Ndërkohë, Lidhja Demokratike e Kosovës (LDK) ka raportuar shpenzime në vlerë prej rreth 224 mijë e 859 euro për periudhën tetor–dhjetor 2025.

Nga ana tjetër, Aleanca për Ardhmërinë e Kosovës (AAK) ka raportuar shpenzime 70 mijë euro gjatë kësaj periudhe raportuese.

KQZ ka bërë të ditur se publikimi i këtyre të dhënave bëhet në kuadër të transparencës dhe monitorimit të financimit të subjekteve politike, në përputhje me legjislacionin në fuqi. 

Sinjali – aty ku e vërteta flet para lajmit!

/GazetaSinjali/

The post KQZ publikon shifrat se sa shpenzuan partitë politike për tre muaj appeared first on Sinjali.

Paris Saint-Germain ka përjashtuar mundësinë e transferimit të Vinicius Junior gjatë merkatos verore, pas kërkesës së drejtpërdrejtë nga trajneri Luis Enrique.

Klubi parisien është në një fazë të thellë ristrukturimi, ku fokusi është ndërtimi i një ekipi të balancuar dhe funksional.

Sipas burimeve të afërta me klubin, Enrique ka ndërhyrë personalisht për të mbyllur çdo spekulim lidhur me transferimin e sulmuesit brazilian.

Luis Enrique synon një ekip të bashkuar, të disiplinuar taktikisht dhe me përkushtim maksimal kolektiv.

Edhe pse cilësitë sportive të Vinicius nuk vihen në dyshim, profili i tij nuk përputhet me vlerat që trajneri dëshiron të vendosë në skuadër.

Sjelljet e përsëritura brenda dhe jashtë fushës kanë ngritur pikëpyetje në stafin teknik.

Trajneri spanjoll i ka bërë të qartë drejtuesve se preferon stabilitetin e dhomës së zhveshjes ndaj afrimit të emrave mediatikë.

Ai druhet se një transferim i tillë mund të cenojë filozofinë e punës që tashmë ka nisur të japë rezultate.

Për PSG-në aktuale, funksionimi i ekipit pa “yje” të mëdhenj është dëshmi e një modeli më të qëndrueshëm.

Drejtoria sportive e klubit i jep peshë vendimtare mendimit të trajnerit dhe çdo lëvizje në afate kalimtare do të filtrohet sipas parimit të angazhimit kolektiv.

PSG synon profile që përshtaten me një lojë korale dhe me intensitet të lartë, ku inteligjenca emocionale është po aq e rëndësishme sa aftësitë sportive.

Për momentin, Vinicius mbetet jashtë planeve të menjëhershme të kampionëve të Francës.

Sinjali – aty ku e vërteta flet para lajmit!

/GazetaSinjali/

The post Enrique përjashton mundësinë e transferimit të yllit të Real Madridit appeared first on Sinjali.

Njësitë patrulluese kanë realizuar dje një urdhëresë gjyqësore ndaj Radoje Milovanovic rreth 60 vjeç, i cili ishte në kërkim nga Gjykata Themelore në Mitrovicë për veprat penale “Kanosje” dhe “Mbajtje në pronësi, posedim ose kontroll të paautorizuar të armës”.

Sipas informatave, arrestimi është bërë më 05.02.2026 rreth orës 14:50, në lokacionin e banimit të të dyshuarit në Leposaviq, ku policia e ka takuar dhe shoqëruar menjëherë.

I dënuari ishte sanksionuar me gjobë prej 500 eurosh, ose alternativisht me 25 ditë burgim. Para zyrtarëve policorë, ai ka deklaruar se nuk ka mundësi ta paguajë gjobën.

Në bazë të urdhëresës gjyqësore, Milovanovic është dërguar për vuajtje dënimi në Burgun e Mitrovicës së Veriut.

Shënim: Personat e apostrofuar në këtë artikull prezumohen të pafajshëm derisa fajësia e tyre të mos provohet me vendim të formës së prerë nga gjykata.

Sinjali – aty ku e vërteta flet para lajmit!

/GazetaSinjali/

The post Nuk pagoi gjobën 500 euro, përfundon në burg – realizohet urdhëresa ndaj 60-vjeçarit në Leposaviq appeared first on Sinjali.

Një incident i rëndë familjar ka ndodhur dje në aksin rrugor Prizren–Hoqë e Qytetit, ku një person ka mbetur me lëndime të rënda trupore, ndërsa i dyshuari është dërguar në ndalim policor.

Ngjarja është raportuar rreth orës 11:00, kur patrulla policore ka dalë në vendin e ngjarjes dhe ka kontaktuar viktimën, Rr. K rreth 57 vjeç, i cili kishte lëndime serioze. Menjëherë është njoftuar emergjenca, ndërsa i dëmtuari është transportuar në Spitalin Rajonal të Prizrenit, ku sipas raportit mjekësor rezulton me lëndime të rënda trupore dhe është hospitalizuar për trajtim të mëtutjeshëm.

Në vendin e ngjarjes kanë dalë edhe njësitë e hetimeve dhe krim-teknika, të cilat kanë kryer ekzaminimin e plotë të lokacionit.

Lidhur me rastin, në stacion policor është paraqitur njëri nga të përfshirët, ndërsa personi tjetër është kontaktuar përmes telefonit dhe më pas është paraqitur vetë.

Me urdhër të Prokurorit të Shtetit është realizuar bastisje në shtëpinë e të dyshuarve, ku është gjetur dhe sekuestruar një pistoletë e llojit SARIQAM, prodhim turk, me kalibër ende të paidentifikuar.

Pas konsultimit me Prokurorin, J. K është trajtuar në cilësinë e dëshmitarit, ndërsa ndaj D. K rreth 44 vjeç është caktuar masa e ndalimit prej 48 orësh, nën dyshimin për veprat penale “Lëndim i rëndë trupor” dhe “Mbajtje në pronësi, kontroll ose posedim të paautorizuar të armëve”.

Hetimet për zbardhjen e plotë të rrethanave të rastit janë në vazhdim.

Sinjali – aty ku e vërteta flet para lajmit!

/GazetaSinjali/

The post Ekskluzive | Babë e bir përfshihen në konflikt në Prizren – njëri përfundon me lëndime të rënda trupore, tjetri në ndalim 48-orësh appeared first on Sinjali.

Sinjali mëson se personi i katërt i dyshuar për grabitjen e armatosur në rrugën “Durak Rada” në Prizren është Valdrin Saramati, i cili u arrestua pasditen e djeshme, pasi kishte qenë në arrati që nga dita e ngjarjes.

Burime të besueshme nga strukturat e afërta me hetimin bëjnë të ditur se Saramati është kapur në shtëpinë e tij, ku gjatë bastisjes janë gjetur edhe rrobat që dyshohet se i kishte të veshura gjatë kryerjes së grabitjes.

Pas intervistimit në prezencë të avokatit mbrojtës, me aktvendim të Prokurorit të Shtetit ndaj tij është caktuar masa e ndalimit prej 48 orësh.

Sinjali kishte raportuar ekskluzivisht për këtë rast, ku më herët ishin arrestuar edhe tre të dyshuarit: Kastriot Krasniqi, Shkodran Gashi dhe Liridon Gashi, ndërsa gjatë operacionit policor janë sekuestruar armë, maska, doreza dhe prova tjera materiale.

Ekskluzive | Grabitja në Prizren – bie në pranga edhe i dyshuari i katërt, sekuestrohen prova që e lidhin me krimin

Rasti vazhdon të hetohet nga Sektori Rajonal i Hetimeve në Prizren.

Shënim: Personat e apostrofuar në këtë artikull prezumohen të pafajshëm derisa fajësia e tyre të mos provohet me vendim të formës së prerë nga gjykata.

Sinjali – aty ku e vërteta flet para lajmit!

/GazetaSinjali/

The post Ekskluzive | Ky është i dyshuari i katërt që u arrestua për grabitjen në Prizren appeared first on Sinjali.

Sinjali kishte raportuar ekskluzivisht për grabitjen e armatosur që ndodhi më 3 shkurt në rrugën “Durak Rada” në Prizren, ndërsa dje Policia e Kosovës ka arritur ta mbyllë rrethin e të dyshuarve.

Burime të besueshme nga strukturat e afërta me hetimin konfirmojnë se më 05.02.2026 rreth orës 16:00 është arrestuar edhe i dyshuari i katërt, V.S, i cili ishte në arrati që nga dita e ngjarjes.

Arrestimi është bërë në shtëpinë e tij, ku gjatë bastisjes janë gjetur rrobat që dyshohet se i kishte të veshura gjatë kryerjes së grabitjes. Pas intervistimit në prezencë të avokatit mbrojtës, me aktvendim të Prokurorit të Shtetit ndaj tij është caktuar masa e ndalimit prej 48 orësh.

Kujtojmë se për këtë rast, Sinjali kishte raportuar ekskluzivisht që në orët e para, duke publikuar detaje për grabitjen e kryer nga 4  persona të maskuar, të cilët nën kërcënimin e armëve u grabitën viktimave para në të holla.

Fillimisht ishin arrestuar tre të dyshuarit:

            •           Kastriot Krasniqi rreth 21 vjeç

            •           Shkodran Gashi rreth 21 vjeç

            •           Liridon Gashi rreth 37 vjeç

Gjatë operacionit policor ishin sekuestruar dy pistoleta (Zoraki dhe EKOL), maska, doreza, rroba që dyshohet se janë përdorur gjatë grabitjes, si dhe një veturë Golf VII.

Dy nga të dyshuarit kanë pranuar veprën penale gjatë intervistimit, ndërsa të gjithë tashmë ndodhen nën masën e ndalimit 48-orësh, teksa hetimet po vazhdojnë nga Sektori Rajonal i Hetimeve në Prizren.

Ekskluzive | Grabitje me armë në Prizren – arrestohen tre të dyshuar, një në arrati, policia sekuestron pistoleta, maska dhe rroba të përdorura në krim

Rasti po trajtohet si “Grabitje” dhe “Mbajtje në pronësi dhe posedim të paautorizuar të armëve”, ndërsa priten veprime të tjera procedurale nga Prokuroria.

Ekskluzive | Grabitje me armë në Prizren, këta janë personat e arrestuar – njëri në arrati

Shënim: Personat e apostrofuar në këtë artikull prezumohen të pafajshëm derisa fajësia e tyre të mos provohet me vendim të formës së prerë nga gjykata.

Sinjali – aty ku e vërteta flet para lajmit!

/GazetaSinjali/

The post Ekskluzive | Grabitja në Prizren – bie në pranga edhe i dyshuari i katërt, sekuestrohen prova që e lidhin me krimin appeared first on Sinjali.

Izraeli akuzohet se ka përdorur një herbicid kancerogjen mbi tokat bujqësore në jug të Libanit.

Libani ka ngritur akuza kundër Izraelit për spërkatjen e një herbicidi të lidhur me kancerin mbi ferma në jug, duke e cilësuar këtë si një “krim ndaj mjedisit dhe shëndetit” që kërcënon sigurinë ushqimore dhe jetesën e fermerëve.

Presidenti libanez, Joseph Aoun, e dënoi këtë akt si shkelje të sovranitetit të Libanit dhe premtoi se do të ndërmerren masa ligjore dhe diplomatike për të reaguar ndaj kësaj agresioni.

Akuzat thellohen në pretendimet se aeroplanë të lehtë ushtarakë spërkatën substancën nga ajri dhe se ekzistojnë pamje video të kësaj veprimtarie, raporton The Guardian.

UNIFIL, misioni paqeruajtës i OKB-së, tha se u paralajmërua të fshihej gjatë operacionit. Analizat laboratorike gjetën se substanca e spërkatur përmbante glyphosate, një herbicid shumë i përdorur që në 2015 u klasifikua nga Organizata Botërore e Shëndetësisë si “ndoshta kancerogjen për njerëzit”.

Autoritetet libaneze thanë se disa mostra treguan se përqendrimet e glyphosate ishin “20 deri në 30 herë më të larta se përdorimi normal”, çka ngre shqetësime serioze për dëmtimin e kulturave, pjellorinë e tokës dhe ekosistemin e përgjithshëm.

Ministritë e bujqësisë dhe mjedisit të Libanit thanë se spërkatja e këtyre kimikateve nga aeroplanët ushtarakë mbi territorin libanez përbën një akt të rëndë agresioni që kërcënon sigurinë ushqimore, dëmton burimet natyrore dhe minon jetesën e fermerëve, përveç rreziqeve të mundshme shëndetësore dhe mjedisore për ujin, tokën dhe zinxhirin ushqimor. 

Sinjali – aty ku e vërteta flet para lajmit!

/GazetaSinjali/

The post Izraeli akuzohet se po hedh kimikate kancerogjene mbi tokat e Libanit appeared first on Sinjali.

Barcelona thuhet se po shqyrton mundësinë e largimit të një lojtari kyç, ndërkohë që disa klube të mëdha të Premier League po monitorojnë situatën e yllit para hapjes së merkatos verore.

Klubi katalanas aktualisht kryeson La Ligën, duke pasur një avantazh prej një pike ndaj Real Madridit, me 16 ndeshje ende për t’u luajtur deri në fund të sezonit.

Skuadra e drejtuar nga Hansi Flick ka qenë shumë efikase në sulm, me 60 gola të shënuar deri tani në kampionat, me Ferran Torres, Lamine Yamal, Robert Lewandowski, Raphinha, Dani Olmo dhe Marcus Rashford që kanë kontribuar gjithashtu në këtë sukses.

Megjithatë, e njëjta gjë nuk mund të thuhet për repartin mbrojtës, pasi Barcelona ka pësuar mesatarisht më shumë se një gol për ndeshje në La Liga.

Pavarësisht se ka zhvilluar 34 paraqitje në të gjitha garat këtë sezon, e ardhmja e mbrojtësit francez Jules Kounde mbetet e paqartë, për shkak të shqetësimeve të raportuara lidhur me nivelin e tij të qëndrueshmërisë dhe udhëheqjes në fushë.

27-vjeçari, i cili ka kontratë me Barcelonën deri në qershor të vitit 2030, ka hasur vështirësi javët e fundit dhe, sipas mediumit spanjoll Fichajes, është një nga disa lojtarët që po vëzhgohen nga afër nga klubi.

Një transferim i mundshëm mund të ndikohet edhe nga problemet e vazhdueshme financiare të klubit, me Kounde që shihet si një aset i vlefshëm, largimi i të cilit mund të sjellë përfitime të konsiderueshme financiare.

Sipas Fichajes, vlera e kartonit të mbrojtësit llogaritet rreth 56 milionë euro, një çmim që mund të tundonte disa klube të paraqesin oferta gjatë verës.

Megjithatë, thuhet gjithashtu se kjo shifër mund të rritet deri në rreth 70 milionë euro në rast të një lufte ofertash mes klubeve angleze.

Manchester United, Chelsea dhe Liverpool raportohet se po ndjekin nga afër situatën e lojtarit, duke qenë të impresionuar nga aftësia e tij për të luajtur si qendërmbrojtës ashtu edhe si mbrojtës i djathtë.

Ndërkohë, edhe Bayern Munich po e mban nën vëzhgim Kounden, pasi profili i tij përputhet me kërkesat e klubit gjerman, falë përvojës dhe qëndrueshmërisë fizike që ai ofron.

Sinjali – aty ku e vërteta flet para lajmit!

/GazetaSinjali/

The post Barcelona mund të shesë një lojtar kyç, tre gjigantët anglez në garë për mbrojtësin appeared first on Sinjali.

Krimet zgjedhore po vazhdojnë të dalin në pah edhe pas përfundimit të procesit të votimit.

Gazeta Sinjali mëson se më 05.02.2026 është intervistuar dhe më pas ndaluar për 48 orë Lirim Cacaj rreth 27 vjeç, nën dyshimin për veprën penale “Falsifikimi i rezultateve të votimit”.

Rasti lidhet me procesin zgjedhor të zhvilluar më 28.12.2025 në Shkollën Teknike “Tafil Kasumaj” në Deçan.

Burime të afërta me hetimin bëjnë të ditur se, pas autorizimit të Prokurorit të Shtetit dhe analizimit të materialit zgjedhor të pranuar nga KQZ-ja, janë identifikuar elemente konkrete të manipulimit gjatë procesit të numërimit të votave, për të cilat dyshohet se është përgjegjës i dyshuari.

Pas intervistimit, Prokurori i Shtetit ka nxjerrë aktvendim për caktimin e masës së ndalimit prej 48 orësh ndaj Cacajt, ndërsa hetimet po vazhdojnë për të sqaruar plotësisht përmasat e ndërhyrjes në procesin zgjedhor dhe për të identifikuar persona të tjerë të mundshëm të përfshirë.

Rasti është duke u trajtuar nga njësitë kompetente dhe priten zhvillime të reja.

Shënim: Personat e apostrofuar në këtë artikull prezumohen të pafajshëm derisa fajësia e tyre të mos provohet me vendim të formës së prerë nga gjykata.

Sinjali – aty ku e vërteta flet para lajmit!

/GazetaSinjali/

The post Ekskluzive | Manipulim në numërimin e votave në Deçan – arrestohet 26-vjeçari, i caktohet ndalim 48 orësh (EMRI) appeared first on Sinjali.

Një ngjarje e rëndë familjare ka përfunduar me arrestim në orët e para të mëngjesit, kur Policia e Kosovës ka realizuar një operacion të shpejtë për kapjen e të dyshuarit Kanun Shabanaj, i cili dyshohet se ka sulmuar babain e tij me mjet të mprehtë (sakicë).

Sipas burimeve të afërta me familjen, Shabanaj është arrestuar në shtëpinë e tij gjatë një intervenimi policor të planifikuar, pas grumbullimit të informacioneve operative.

Incidenti dyshohet se ka ndodhur pas një konflikti verbal, i cili ka eskaluar në dhunë fizike. Viktima ka pësuar lëndime trupore dhe është dërguar për trajtim mjekësor, ndërsa gjendja e tij raportohet stabile.

I dyshuari është shoqëruar në stacion policor dhe tashmë do t’i nënshtrohet procedurave hetimore. Me urdhër të Prokurorit kujdestar, ndaj tij është caktuar masa e ndalimit për 48 orë, nën dyshimin për veprat penale “Lëndim trupor” dhe “Dhunë në familje”.

Zëdhënësi i policisë për rajonin e Pejës, tha dje për Sinjalin se i lënduari është duke u trajtuar, dhe i njëjti ka lëndime serioze.

“Policia ka dalë në vendin e ngjarjes për sigurim, pas trajtimit në QMF është udhëzu për në Pejë, është edhe prokurorja e shtetit që ka kontaktu viktimën aty, dhe është njoftuar me lëndimet. Është urdhëruar rasti të trajtohet sektori i hetimeve rajonale, krimet serioze”, tha ai.

Hetimet janë në vazhdim për zbardhjen e plotë të rrethanave të rastit.

E rëndë: Djali dyshohet se goditi me sëpatë babain në Deçan

Shënim: Personat e apostrofuar në këtë artikull prezumohen të pafajshëm derisa fajësia e tyre të mos provohet me vendim të formës së prerë nga gjykata.

Sinjali – aty ku e vërteta flet para lajmit!

/GazetaSinjali/

The post Ekskluzive | Bie në pranga Kanun Shabanaj – dyshohet se sulmoi babain e tij me sakicë appeared first on Sinjali.

Dashi

Sot ndjeni një energji të re që ju shtyn të përballeni me vendosmëri me çështje që kanë mbetur pezull. Marrëdhëniet personale përmirësohen falë hapjes suaj, por përpiquni të dëgjoni edhe të tjerët: nxitimi mund të sjellë keqkuptime. Në punë, përqendrohuni te detyrat më të vështira, sepse përpjekja e sotme do të japë rezultate konkrete në vazhdim.

Demi

Mund të ndiheni pak më të tërhequr në vetvete se zakonisht, por kjo është dita e duhur për të organizuar dhe planifikuar. Kujdes me çështjet financiare: detajet e vogla bëjnë diferencën. Në dashuri, stabiliteti shpërblehet, ndërsa beqarët mund të kenë takime interesante në situata të papritura.

Binjakët

Të dashur Binjakë, marrëdhëniet janë në qendër të vëmendjes sot: miqësia, dashuria dhe puna kërkojnë fleksibilitet. Kurioziteti dhe sharmi ju ndihmojnë të krijoni kontakte stimuluese. Në punë mund të lindin ide të reja; merrni kohën e duhur për t’i zhvilluar pa u nxituar. Fati ju buzëqesh sidomos përmes bisedave dhe takimeve rastësore.

Gaforrja

Të dashur Gaforre, dita sjell emocione të forta: dikush afër jush mund t’ju surprizojë me një gjest të papritur. Në punë, mos u nxitoni të mbyllni çështje të rëndësishme; analizoni çdo detaj me kujdes. Në dashuri, ndjeshmëria është pika juaj e fortë: shprehni hapur ndjenjat. Fati shoqëron vendimet e menduara mirë dhe momentet e reflektimit.

Luani

Të dashur Luanë, sot sharmi juaj është i lartë dhe ju bën protagonistë në marrëdhëniet personale. Kujdes nga impulsiviteti: dëgjimi i të tjerëve do t’ju ndihmojë të shmangni përplasjet. Në punë, kreativiteti ka hapësirë, por duhet kombinuar me strategji. Edhe gjestet e vogla sot mund të forcojnë lidhje dhe bashkëpunime.

Virgjëresha

Të dashur Virgjëresha, dita është ideale për të sistemuar dhe për të rregulluar çështje të mbetura pezull. Saktësia dhe përkushtimi ju shpërblejnë si në punë, ashtu edhe në marrëdhënie. Shmangni kritikën e tepërt ndaj të tjerëve: pak fleksibilitet do ta bëjë ditën më të lehtë. Fati është i qetë, por i pranishëm, sidomos në punët praktike.

Peshorja

Të dashur Peshore, aftësia juaj për të ndërmjetësuar është shumë e dobishme sot: dikush mund të ketë nevojë për ekuilibrin tuaj. Marrëdhëniet sentimentale ose profesionale kërkojnë delikatesë, por sharmi ju ndihmon të zgjidhni tensionet. Fati ju shoqëron në takime dhe situata shoqërore: hapuni ndaj mundësive të reja.

Akrepi

Të dashur Akrepë, dita është intensive dhe plot pasion. Emocionet janë të forta dhe vendosmëria ju shtyn drejt hapave të rëndësishëm. Kujdes të mos tregoheni tepër të ashpër në marrëdhënie; përdorni intuitën për të kuptuar të tjerët. Në punë, energjia dhe përqendrimi ju ndihmojnë të përballoni sfida të ndërlikuara. Fati shpërblen guximin e shoqëruar me maturi.

Shigjetari

Të dashur Shigjetarë, sot ndiheni të lirë dhe kuriozë: ide dhe impulse të reja ju nxisin të eksploroni. Marrëdhëniet kërkojnë ekuilibër mes nevojës për pavarësi dhe vëmendjes ndaj partnerit. Në punë, kreativiteti është i lartë; mos kini frikë të propozoni zgjidhje ndryshe. Fati favorizon iniciativat personale dhe daljen nga rutina.

Bricjapi

Të dashur Bricjapë, dita ju fton drejt konkretësisë dhe përgjegjësisë. Në punë, aftësitë organizative dalin në pah dhe është moment i mirë për të planifikuar projekte afatgjata. Në dashuri, maturia shpërblehet, por mos harroni gjestet e vogla ndaj atyre që doni. Fati është i përmbajtur, por forcohet me këmbëngulje dhe punë të vazhdueshme.

Ujori

Të dashur Ujorë, mendja juaj është aktive dhe plot ide. Marrëdhëniet shoqërore sjellin stimuj dhe kontakte të vlefshme. Në punë, iniciativat novatore mund të kenë sukses nëse menaxhohen me qartësi. Në dashuri, dita është pozitive për surpriza dhe emocione të bukura. Fati është në anën tuaj, veçanërisht nëse veproni me guxim dhe hapje.

Peshqit

Të dashur Peshq, dita është e ndjeshme dhe reflektuese. Dëgjoni emocionet dhe ndiqni intuitën, sepse do t’ju udhëheqë drejt zgjedhjeve të duhura. Në punë, kushtojini vëmendje detajeve dhe komunikimit. Në dashuri, momentet e ëmbla dhe mirëkuptimi forcojnë lidhjet. Fati shoqëron ata që dinë të balancojnë zemrën me arsyen dhe t’u kushtojnë kohë projekteve krijuese.

Sinjali – aty ku e vërteta flet para lajmit!

/GazetaSinjali/

The post Horoskopi i datës 6 shkurt, zbuloni se cila është shenja me fat appeared first on Sinjali.

Sot parashikohet mot kryesisht i vranët dhe herë pas here me reshje shiu, të cilat lokalisht pritet të jenë në formë të rrebesheve. Reshjet më intensive priten në Rrafshin e Dukagjinit, sidomos në zonën juglindore, ku mund të shoqërohen edhe me disa shkarkesa rrufesh.

Era do të fryjë drejtimesh të ndryshme, me shpejtësi prej 10-30 km/h.

Temperaturat do të pësojnë ulje, me minimale që do të luhaten prej 2 deri në 5°C dhe ato maksimale prej 7 deri në 9°C.

Sinjali – aty ku e vërteta flet para lajmit!

/GazetaSinjali/

The post Moti sot i vranët dhe herë pas here me reshje shiu appeared first on Sinjali.

Bordi i Zyrës së Rregulloratorit të Energjisë ka pritur në takimin Misionin e Fondit Monetar Ndërkombëtar, ku përmes një njofitmi në Facebook thuhet se gjatë takimit u diskutuan zhvillimet kryesore në sektorin e energjisë elektrike, me fokus në procesin e liberalizimit të tregut, projektet energjetike dhe proceset rregullatore tarifore.

KESCO ka propozuar shtrenjtim të rrymës për 21.3%. Vendimi pritet të merret në mars, e tarifat e reja hyjnë në fuqi nga prilli.

“ZRRE prezantoi progresin e fazave të liberalizimit të tregut, duke theksuar se, pavarësisht sfidave dhe shtyrjeve, faza e parë po zbatohet me sukses dhe se procesi do të vazhdojë në mënyrë graduale dhe të qëndrueshme, në përputhje me kornizën ligjore dhe parimet e tregut të hapur. Po ashtu, u diskutua për zhvillimin e projekteve të energjisë nga burimet e ripërtëritshme dhe për investimet në rrjetin e transmisionit dhe shpërndarjes, me qëllim të integrimit të sigurt të këtyre kapaciteteve në sistemin elektroenergjetik. Në kuadër të shqyrtimeve tarifore, u trajtua ndikimi i kostove operative, vjetërsisë së rrjetit, humbjeve teknike dhe rënieve të blloqeve gjeneruese në tarifat e energjisë elektrike”, thuhet në njoftim.

Tutje ZRRE ritheksoi rolin e saj si institucion i pavarur rregullator në garantimin e stabilitetit rregullator dhe sigurisë ligjore, si faktorë kyç për zhvillimin ekonomik dhe tërheqjen e investimeve, si dhe përkushtimin për bashkëpunim të vazhdueshëm me partnerët ndërkombëtarë.

Sinjali – aty ku e vërteta flet para lajmit!

/GazetaSinjali/

The post ZRRE takon Fondin Monetar Ndërkombëtar, diskutojnë shtrenjtimin e rrymës dhe projektet energjetike appeared first on Sinjali.

Një zjarri i madh shpërtheu këtë të enjte në një qendër të madhe kërkimore gjermane në Darmstadt.

Zjarri ra të enjten në mëngjes dhe sipas policisë u vendos nën kontroll.

Puna për shuarjen e tij pritet të vazhdojë deri në mbrëmje. Një zëdhënës shtoi se zjarrfikësit po hetojnë për të përcaktuar shkaqet dhe nëse ishte lëshuar ndonjë substancë e rrezikshme.

Sipas gazetës Hessenschau, zjarri shpërtheu në zonën ku ndodhet përshpejtuesi i grimcave të institutit. Fatmirësisht nuk u raportuan të lënduar.

“Është e paqartë se si filloi zjarri,” shtoi një zëdhënës, shkruan Euronews.al.

Qendra operon një strukturë përshpejtuese për jonet e rënda, të cilat janë jone të atomeve veçanërisht të rënda si ari ose plumbi. Jonet janë atome që kanë humbur një pjesë të shtresës së tyre të elektroneve.

Sinjali – aty ku e vërteta flet para lajmit!

/GazetaSinjali/

The post Shpërthen zjarri në një qendër kërkimore në Gjermani appeared first on Sinjali.