Reagimi i menjëhershëm i tifozit të Man United që nuk ka prerë flokët në më shumë se një vit, është bërë viral pasi ‘Djajtë e Kuq’ nuk ia dolën të fitojnë ndaj West Hamit.

Që nga emërimi i Michael Carrick si pasardhës i Ruben Amorimit, Djajtë e Kuq kanë qenë në një formë të shkëlqyer. United kanë mundur skuadra të mëdha si Manchester City, Arsenal, Fulham dhe Tottenham Hotspur në javët e fundit.

Të martën në mbrëmje, ata mbërritën në London Stadium me synimin për të regjistruar pesë fitore radhazi ndaj Ëest Ham, që po kalon një periudhë të vështirë.

Një tifoz i United, Frank Ilett, ishte shumë i interesuar për këtë ndeshje për shkak të një sfide madhështore që kishte nisur më shumë se një vit më parë.

Si sfida virale e një tifozi të Man United me flokët u bë pasqyrë e paqëndrueshmërisë së “Djajve të Kuq” për pothuajse dy vite – tani ai ka një pyetje

Ilett, i njohur si “The United Strand”, kishte vendosur të mos prerë flokët derisa United të fitonte pesë ndeshje radhazi.

Të martën ishte momenti vendimtar: nëse United do të fitonte, ai do të bënte një prerje flokësh; nëse do të barazonte apo humbiste, sfida do të rivendosej përsëri.

Pas një pjesë të parë të kujdesshme që përfundoi 0-0, West Ham kaloi në avantazh në minutën e 50-të me një gol të Tomas Soucek.

Në kohën shtesë, Benjamin Sesko shënoi për të barazuar rezultatin në 1-1 dhe për të shpëtuar një pikë për Djajtë e Kuq.

Për “The United Strand”, sfida u rivendos sërish dhe tani i duhen përsëri pesë fitore radhazi për të marrë atë prerje flokësh të pritur me padurim.

Në fund të ndeshjes, ai qëndroi ulur në karrige, i shokuar dhe pa fjalë. Më pas ai përshëndeti miqtë e tij dhe tha: “Ishte një ndeshje e çuditshme. Zemërthyer”.

Kujtojmë se pesë ndeshjet e ardhshme të United janë kundër Everton, Crystal Palace, Newcastle United, Aston Villa dhe Bournemouth./Telegrafi/

Federata e Sportit Shkollor të Kosovës ka konfirmuar se të gjithë nxënësit pjesëmarrës në programin “Drejt Malit”, i cili po zhvillohet në Qendrën e Skijimit në Brezovicë, janë të sigurt dhe në gjendje të mirë shëndetësore pas lëkundjeve sizmike që ndodhën sonte në rajon.

Në një njoftim për opinionin publik dhe prindërit, Federata thekson se stafi i programit është prezent në çdo moment pranë nxënësve, duke bashkëpunuar ngushtë me Forcën e Sigurisë së Kosovës (FSK) dhe strukturat përgjegjëse të qendrës së skijimit.

“Janë kryer verifikimet e nevojshme në hapësirat e akomodimit dhe aktivitetit, dhe nuk është evidentuar asnjë rrezik apo incident,” thuhet në njoftim.

Sipas Federatës, situata po monitorohet vazhdimisht, ndërsa janë në koordinim të plotë me institucionet përkatëse për të garantuar sigurinë maksimale të nxënësve dhe stafit.

Federata gjithashtu ka bërë thirrje për qetësi, duke i siguruar prindërit dhe opinionin publik se siguria dhe mirëqenia e nxënësve mbeten prioritet absolut.

“Çdo informacion i ri do të komunikohet në mënyrë zyrtare”, përfundon njoftimi.

Ky njoftim vjen në një moment kur lëkundjet sizmike kanë krijuar shqetësim në rajon, por falë koordinimit të institucioneve dhe masave të marra në kohë, situata në Brezovicë mbetet nën kontroll./Telegrafi/

Manchester United ka luajtur baras me rezultat 1-1 në udhëtim ndaj West Hamit në kuadër të javës së 26-të në elitën e futbollit anglez.

Rastin e parë serioz vendasit e patën në minutën e 13-të me anë të Crysencio Summerville, por goditjen e tij të bukur e priti për mrekulli Senne Lammens.

Në minutën e 23-të West Hami pati një tjetër rast të mirë shënimi, por goditjen e Aaron Ëan-Bissaka e bllokuan mbrojtësit kundërshtar.

Vendasit ia dolën të realizojnë golin e epërsisë në minutën e 50-të përmes Tomas Soucek që realizoi për 1-0 pas asistimit nga Jarrod Bowen.

Mysafirët menduan se barazuan rezultatin në minutën e 63-të kur Casemiro dërgoi topin në rrjetë për 1-1, por goli u anulua nga VAR-i për pozicion jashtë loje.

Në minutën e 76-të Benjamin Sesko pati një gjuajtje të bukur me kokë, por portieri vendas bëri një pritje të mrekullueshme për t’ia mohuar golin.

Ishte pikërisht sulmuesi slloven ai i cili realizoi në minutat shtesë të takimit për të barazuar rezultatin në 1-1 pas një krosimi të bukur nga Bryan Mbeumo.

Pas këtij barazimi Unitedi ngjitet në pozitën e katërt në tabelë dhe ka 45 pikë të grumbulluara./Telegrafi/

Ronald Araujo ka dhënë më në fund një intervistë për Mundo Deportivo, ku ka folur hapur për të gjitha problemet e shëndetit mendor me të cilat është përballur.

Gjithçka nisi pas kartonit të kuq që Araujo mori në ndeshjen e Ligës së Kampionëve kundër Chelseat në muajin nëntor, me Barcelonën që humbi ndeshjen 3-0.

“Në atë moment, me adrenalinën e ndeshjes, thjesht vepron. Ndihesh i trishtuar, por kur ndeshja përfundon, gjithçka të bie mbi supe".

“E vërteta është se tashmë ndihesha se nuk isha mirë, por nga zakoni përpiqesh të vazhdosh, dhe ndonjëherë ke nevojë për ndihmë", tha ai për Mundo Deportivo.

“Për një vit e gjysmë jam përballur me ankth, i cili u shndërrua në depresion, dhe po luaja në atë gjendje. Kjo nuk ndihmon, sepse në fushë nuk ndihesh vërtet vetvetja".

“Ti e di vlerën tënde dhe çfarë mund të kontribuosh në fushë, dhe kur nuk ndihesha mirë, e dija se diçka nuk shkonte".

“Atë ditë e kuptova se kishte ardhur fundi, se duhej të flisja me profesionistë dhe me klubin që të më ndihmonin.”

Araujo vizitoi Izraelin në kërkim të udhëzimit shpirtëror gjatë kohës që ishte larg Barcelonës dhe ka zbuluar pse i duhej të merrte një pushim nga futbolli.

“Gjërat kanë ndryshuar mjaft, sepse kam mësuar shumë gjatë kësaj kohe. Mendoj se ishte gjëja e duhur për t’u bërë pas atij vendimi që mora".

“Ndjehem ndryshe dhe jam i lumtur për këtë, sepse jam më i qetë, më i lumtur. Mund të shijoj atë që dua të bëj, që është të luaj futboll, dhe kjo më ndihmon shumë", shtoi ai.

“Koha që mora larg kishte një arsye, sepse në fund arrita ta përballoja gjithçka me profesionistë, me familjen time dhe në aspektin shpirtëror, gjë që ishte ajo që më nevojitej".

“Kështu që mendoj se kjo më bëri shumë mirë dhe sot ndihem si një person krejtësisht tjetër", përfundoi uruguaiani./Telegrafi/

Chelsea dhe Leeds United kanë dhuruar një përballje të fortë dhe plot emocione në ndeshjen e javës së 26-të në Ligën Premier, e cila u mbyll me barazimin 2-2, pas një pjesë të dytë dramatike.

Skuadra londineze e nisi më mirë takimin dhe kaloi në epërsi në minutën e 24-të, kur Cole Palmer asistoi bukur për Joao Pedro, i cili me një parabël elegante mposhti portierin Karl Darloë për rezultatin 1-0.

Pjesa e parë u karakterizua edhe nga ndërhyrje të ashpra, me disa kartonë të verdhë për të dyja ekipet, por pa ndryshim tjetër rezultati deri në pushim.

Në pjesën e dytë, Chelsea fitoi një penallti në minutën e 57-të pas një faulli të Jaka Bijol, ndërsa Cole Palmer u tregua i saktë nga pika e bardhë, duke dyfishuar epërsinë në 2-0.

Megjithatë, reagimi i Leeds ishte i menjëhershëm. Në minutën e 65-të, një ndërhyrje e Moises Caicedo solli penallti për vendasit, të cilën Lukas Nmecha e shndërroi në gol për 2-1.

Vetëm gjashtë minuta më vonë, Leeds barazoi shifrat. Pas një topi të kthyer nga portieri, Noah Okafor u tregua i saktë nga afërsia, duke realizuar golin e 2-2 dhe duke rikthyer plotësisht ndeshjen në ekuilibër.

Minutat e fundit u zhvilluan me ritëm të lartë dhe ndryshime taktike nga të dy trajnerët, por pa gola të tjerë, duke bërë që takimi të mbyllej me ndarjen e pikëve./Telegrafi/

Barcelona kanë vendosur prioritetet e tyre për afatin kalimtar të verës, ku sulmuesi numër 9 është objektivi kryesor. Ideja është të sjellin një lojtar të klasit të lartë në këtë pozicion, gjë që do të ketë pasoja për opsionet aktuale të klubit në këtë repart.

Shumëkush ka supozuar se Robert Lewandowski do të largohet nga klubi në fund të sezonit, kur i përfundon kontrata, megjithatë ka pasur sugjerime se ai mund të rikthehet si një alternativë rotacioni dhe jo si konkurrencë për vendin e titullarit.

Megjithatë, Sport raporton se Barcelona po debaton brenda klubit nëse në fakt duhet të jetë Ferran Torres ai që duhet t’i hapë derën largimit.

Torres është golashënuesi më i mirë i Barcelonës këtë sezon dhe starton në shumicën e ndeshjeve përpara Lewandowskit, edhe pse veteran polak ka qenë titullar në disa nga ndeshjet më të rëndësishme të sezonit.

Këtë vit ai ka shënuar 16 gola dhe ka dhënë një asist në 31 paraqitje, por kontrata e tij skadon në vitin 2027.

Kishte thënë se Barcelona planifikonte t’i ofronte një kontratë të re, por nuk ka pasur zhvillime të mëtejshme në këtë drejtim që nga tetori.

Nga ana e tij, sulmuesi 25-vjeçar i kombëtares së Spanjës është i interesuar të qëndrojë në klub.

Gjiganti anglez bën çmendurinë - ofron 80 milionë euro për transferimin e Ferran Torres

Nëse Torres largohet, duket e mundshme që Lewandowski të mbetet si alternativë rezervë. Nëse Lewandowski do të largohej, Barcelona do të kursente rreth 30 milionë euro në paga bruto sezonin e ardhshëm.

Çdo marrëveshje e mundshme do të shoqërohej me një ulje të konsiderueshme të pagës, por në aspektin e limitit të pagave, do të aplikohej vetëm një reduktim prej 3 milionë eurosh, edhe nëse paga e tij aktuale do të ishte më e ulët se kaq./Telegrafi/

Mohamed Salah raportohet se është në bisedime me gjigantin arab, Al-Ittihad, për një transferim të mundshëm gjatë afatit kalimtar veror.

Ylli egjiptian ka qenë një objektiv afatgjatë për klubet saudite që nga momenti kur Fondi i Investimeve Publike (PIF) filloi të injektonte shuma të mëdha parash në ligën kryesore të vendit. Salah, i cili ka kaluar një sezon të vështirë dhe plot tensione te Liverpooli, shihet si përforcimi i radhës “galaktik” për këtë verë.

Pavarësisht se rinovoi kontratën në prill, Salah ka shënuar vetëm katër gola në Premier League këtë sezon, por ky bilanc nuk ka ulur aspak interesimin nga Arabia Saudite.

Sipas Foot Mercato, negociatat mes Salah dhe Al-Ittihad tashmë kanë nisur dhe ekziston më shumë optimizëm për arritjen e një marrëveshjeje këtë vit, krahasuar me 12 muaj më parë.

33-vjeçari thuhet se është tani më i hapur ndaj një transferimi në Lindjen e Mesme, ku me shumë gjasa do të shndërrohej në yllin më të madh të kampionatit, pavarësisht pranisë së emrave si Cristiano Ronaldo, Karim Benzema dhe Sadio Mané.

Al-Ittihad, një nga katër klubet që zotërohen drejtpërdrejt nga PIF, ka përjetuar një mbrojtje zhgënjyese të titullit kampion këtë sezon.

Kampionët në fuqi ndodhen aktualisht në vendin e shtatë, 16 pikë larg liderit Al-Hilal, pas 20 ndeshjeve të zhvilluara.

Klubi ka pësuar gjithashtu goditje të mëdha gjatë afatit të janarit, me largimin e dy prej lojtarëve më të rëndësishëm.

Ish-ylli i Liverpoolit: Rënia nga forma e Salah ka ndodhur si pasojë e këtij lojtari

Karim Benzema u transferua te Al-Hilal dhe tani synon të fitojë titullin e dytë radhazi në Arabi, ndërsa N’Golo Kante është rikthyer në Europë për të luajtur me Fenerbahçen në Turqi.

Skuadra e Al-Ittihad është tashmë e varfëruar, me Fabinho, Moussa Diaby, Houssem Aouar dhe transferimin e ri Youssef En-Nesyri si emrat më të njohur në përbërje.

Lajmi për interesimin e Al-Ittihad nuk përbën surprizë, duke qenë se raportohet se klubi e ka identifikuar Salahun si zëvendësuesin ideal të Benzemës që javën e kaluar./Telegrafi/

Cluji ka luajtur baras me rezultat 1-1 ndaj Rapid Bukureshtit në kuadër të Kupës së Rumanisë.

Golin e vetëm për Clujin në këtë sfidë e realizoi ylli kosovar Meriton Korenica.

Reprezentuesi dardan u tregua i saktë nga pika e bardhë në minutën e 66-të, për t’i dhënë epërsinë prej 1-0 skuadrës së tij.

- YouTube www.youtube.com

Megjithatë, ky gol i tij nuk i mjaftoi Clujit, pasi ata pësuan në minutën e 88-të gjë që bëri që epilogu përfundimtar i takimit të jetë baras 1-1.

Për Korenicën ky ishte goli i tij i tetë këtë edicion në të gjitha garat, teksa ka edhe dy asistime./Telegrafi/

Lionel Messi duhej të “shënonte gjithë kohën” te Barcelona, përndryshe “nuk ishte i lumtur”, ka zbuluar një ish-shok skuadre i yllit argjentinas.

Fituesi i Kupës së Botës, Samuel Umtiti, ka punuar me tetë herë fituesin e Topit të Artë te Camp Nou dhe ka qenë dëshmitar i afërt i asaj lëvizjeje të pandalshme që e ngre një nga më të mirët në botë në majën e futbollit global.

Umtiti u transferua te Barcelona në vitin 2016 dhe qëndroi në Katalonjë deri në fund të periudhës së Messit te Barça, në vitin 2021. Ai pa nga afër yllin e madh të gjithësecilit se si shënonte të paktën 30 gola në pesë sezone radhazi – duke kaluar edhe shifrën e 50 golave në disa prej tyre.

“Si person, ai është i shkëlqyer. Kupton se edhe nëse ke fituar gjithçka, është e kotë të besosh se je superior. Ka vetëm një të tillë, është Leo”.

“Në të gjitha nivelet. Vetëm ai është në gjendje të fitojë një ndeshje, dhe shumë pak mund ta bëjnë këtë”.

“Nëse fitonim 4-0 dhe ai nuk shënonte, nuk ishte i lumtur. Në kokën e tij, ishte e qartë: duhej të shënonte gjithë kohën. Ky është shenja e të mëdhenjve”.

Ish-lojtari i Barcelonës shokon me deklaratën: Klubi më detyroi të them se Messi është më i miri

Umtiti, i cili fitoi Kupën e Botës në 2018 duke qenë ende pjesë e Barcelonës, shtoi se çfarë e bën Messin të veçantë dhe magjik.

“Ai është një vrasës para portës. Dinte saktësisht kur të shpejtonte dhe kur të ngadalësonte ritmin e lojës. Ai gjithmonë shikon majtas dhe djathtas, kontrollon pozicionimin e të gjithëve”.

“Ai gjithmonë ka një avantazh në kohë. Nuk ka recetë për ta mbrojtur Leon, ai është i paparashikueshëm”, ka deklaruar Umtiti./Telegrafi/

Një deklaratë e atribuar ish-mesfushorit të Chelseat, John Obi Mikel, ka shkaktuar polemika në rrjetet sociale, pasi legjenda e Real Madridit, Toni Kroos, u cilësua si një “mesfushor mediokër”.

Sipas raportimeve, Mikel është cituar të ketë thënë: “Toni Kroos ka qenë një mesfushor mediokër. Unë kam qenë një lojtar më i mirë se ai. Dallimi i madh ishte se unë nuk luajta për Real Madridin”.

Deklarata, e cila u përhap me shpejtësi në media dhe rrjete sociale, nuk kaloi pa reagim nga vetë Kroos.

Mesfushori gjerman, fitues i shumë titujve me Real Madridin dhe kampion bote me Gjermaninë, zgjodhi Instagramin për t’iu përgjigjur ish-kapitenit të Nigerisë.

Në reagimin e tij të shkurtër, por ironik, Kroos shkroi: “Atëherë pse nuk luajte për Real Madridin?”

Një përgjigje që u interpretua gjerësisht si thumbuese dhe që ndezi edhe më shumë diskutimin mes tifozëve.

Megjithatë, mbetet e paqartë nëse John Obi Mikel i ka bërë realisht këto komente apo nëse deklarata është nxjerrë jashtë kontekstit.

Kroos brutal me arabët: Pa Ronaldon nuk i shikon askush

Nuk është hera e parë që ish-mesfushori i Chelseat përfshihet në polemika të tilla.

Vitin e kaluar, Mikel doli publikisht për të mohuar pretendimet se kishte minimizuar vlerën e pesë titujve të Ligës së Kampionëve të fituar nga yjet e Real Madridit, përfshirë edhe Toni Kroos.

Për momentin, Mikel nuk ka dhënë një reagim zyrtar për deklaratën e fundit, ndërsa debati mbetet i hapur nëse bëhet fjalë për një kritikë reale apo thjesht një keqinterpretim mediatik./Telegrafi/

Ish-trajneri i Manchester United, Ruben Amorim, pritet të bëhet drejtuesi i një klubi të madh evropian para sezonit 2026/27.

Edhe pse erdhi te ‘Old Trafford’ me një reputacion të shkëlqyer, pas dy titujve të ligës portugeze me Sporting Lisbonën gjatë kohës së tij në Lisbonë, periudha 14-mujore e Amorimit në krye të United nuk shkoi ashtu siç ai do të kishte dëshiruar.

41-vjeçari drejtoi Manchester United në 63 ndeshje, me 25 fitore, 15 barazime dhe 23 humbje, para se të shkarkohej nga klubi më 6 janar. Pas tij, Michael Carrick mori drejtimin e ekipit.

Megjithatë, 41-vjeçari pritet të ruajë ambiciet për një karrierë të suksesshme si trajner, pavarësisht dështimit në Ligën Premier.

Amorim ka fituar tre herë Kupën e Portugalisë, dy herë me Sportingun dhe një herë me Bragën si dhe dy tituj të kampionatit me Sporting Lisbonën.

Por gjatë karrierës së tij si futbollist, e cila zgjati 13 vjet, ai zhvilloi 154 paraqitje për rivalët e Sporting, Benfica, dhe mund të marrë së shpejti drejtimin e tyre.

Sipas raportimit të ESPN, Benfica pret që trajneri aktual, Jose Mourinho, të largohet në verë, para se të marrë drejtimin e kombëtares së Portugalisë kur kontrata e Roberto Martinez të skadojë pas Botërorit 2026 në korrik.

Ruben Amorim u përplas me yllin e Man Utd në stërvitje para se të shkarkohej

Nëse Mourinho bëhet trajner i kombëtares, Amorim pritet të zëvendësojë atë në ‘Estadio da Luz’.

ESPN raporton se Amorim ka “mbështetje të konsiderueshme” mes vendimmarrësve të klubit, ndërsa ruan një reputacion të shkëlqyer në vendin e tij.

Amorim ka zbuluar më parë se është rritur duke mbështetur Benficën, edhe pse më vonë u bë trajner i Sporting./Telegrafi/

Emri i legjendës franceze Franck Ribery është shfaqur gjashtë herë në dosjet Epstein. Ish-ylli i Bayern Munich përmendet në një deklaratë të atribuar një pale të tretë.

Futbolli francez nuk i ka shpëtuar skandalit Epstein. Në fillim të shkurtit, drejtësia amerikane publikoi miliona dokumente që lidhen me biznesmenin amerikan Jeffrey Epstein, i akuzuar për krime seksuale.

Këto dosje, të cilat zbulojnë lidhje mes multimilionerit dhe disa figurave të njohura, përmbajnë gjithashtu edhe emrin e Franck Ribery.

Ish-lojtari i Kombëtares së Francës përmendet gjashtë herë në dokumentin e publikuar nga Departamenti Amerikan i Drejtësisë.

Franck Ribery citohet në një deklaratë të atribuar një pale të tretë, e cila flet për incidente të dhunshme dhe një rrjet prostitucioni.

“Franck Ribery u përpoq të më godiste ndërsa isha në kopshtin tim dhe kishte siguruar numrin tim të telefonit dhe adresën time; oficerë policie e rrethuan dhe e shoqëruan përsëri te makina e tij”, thuhet në deklaratë.

Brenda këtij vëllimi të madh materialesh, emri i Ribery shfaqet në një dokument publikisht të aksesueshëm, për herë të parë në faqen 26.

Pasazhet që i referohen atij janë akuza të përfshira brenda një dëshmie të një dëshmitari.

Një fragment thotë: “Franck Ribery u përpoq të më rrihte ndërsa isha në kopshtin tim dhe kishte siguruar numrin tim dhe adresën time; policë e rrethuan dhe e shoqëruan deri te makina e tij”.

Një tjetër pasazh nga e njëjta faqe deklaron: “Jam i habitur që pashë ardhjen e një rrjeti prostitucioni. Pata përshtypjen se një degë e prostitucionit u kthye për të më marrë, sikur duhej t’u përkisja atyre”.

Referenca të tjera shfaqen në faqet pasuese, përfshirë përmendje të figurave ligjore dhe lidhjeve shoqëruese.

Një pasazh tjetër thotë: “Ai mbërriti me Franck Ribery dhe Policia Gjyqësore e Versajës mbërriti sepse ai kërkoi që t’i silleshin vajza 14-vjeçare”./Telegrafi/

Ish-trajneri i Liverpoolit, Jurgen Klopp, raportohet se ka pesë kërkesa që dëshiron të plotësohen nëse do të marrë drejtimin e Real Madridit.

Klopp ka qenë pa një rol trajneri që nga largimi i tij nga posti i trajnerit të Liverpoolit në fund të sezonit 2023/24. Që prej asaj kohe, gjermani është përfshirë në Grupin Red Bull, ku ushtron funksionin e Drejtorit të Futbollit Global.

Por a mund të rikthehet ai së shpejti në bankinë?

Sipas Sky Sports në janar, Klopp është një nga kandidatët që Real Madridi po shqyrton në rast se klubi vendos të emërojë një trajner të ri në verën e vitit 2026.

Real Madridi kontakton me agjentin e yllit të Liverpoolit

Pas largimit të Xabi Alonsos muajin e kaluar, ish-mbrojtësi i djathtë i Real Madridit, Alvaro Arbeloa, u promovua nga posti i trajnerit të ekipit rezervë dhe që atëherë ka udhëhequr “Los Blancos” drejt katër fitoreve radhazi në La Liga, kundër Levantes, Villarrealit, Rayo Vallecanos dhe Valencias.

Fillimisht nuk ishte e qartë se për sa kohë do të zgjaste kontrata e Arbeloas, megjithatë gazeta spanjolle Marca sugjeroi se marrëveshja është e vlefshme përtej përfundimit të sezonit aktual.

Megjithatë, nëse Klopp mbetet i lirë, ekziston mundësia që ai të bëhet trajneri i Real Madridit, duke pasur parasysh rekordin e tij mbresëlënës si trajner, me tituj kampionë në Angli dhe Gjermani, si dhe triumfin në Ligën e Kampionëve me Liverpoolin në vitin 2019.

Sipas Defensa Central, Klopp thuhet se ka kërkuar që të plotësohen pesë kushte përpara se të marrë në konsideratë drejtimin e Real Madridit këtë verë.

Raportohet se trajneri gjerman ka kërkuar transferimin e dy mbrojtësve qendrorë, dy mesfushorëve, si dhe rikthimin e talentit brazilian Endrick në klub, pasi ai është huazuar te Lyon për pjesën e mbetur të sezonit 2025/26.

Edhe pse Klopp nuk ka përmendur drejtpërdrejt emra konkretë, raporti pretendon se Kees Smit, Adam Wharton, Nico Schlotterbeck dhe Jacobo Ramon janë ndër lojtarët që mund t’i bashkohen Real Madridit gjatë verës./Telegrafi/

Real Madridi është afruar në vetëm një pikë nga Barcelona në La Liga që prej momentit kur Alvaro Arbeloa mori drejtimin e skuadrës, me ish-trajnerin e Castillës që ka fituar të katër ndeshjet e kampionatit që ka drejtuar. Megjithatë, vlerësimet për Arbeloan nuk kanë qenë unanimisht pozitive.

Pavarësisht rezultateve në kampionat, paraqitjet e “Los Blancos” kanë qenë të paqëndrueshme. Midis ndeshjeve të La Ligës, Reali ka pësuar humbje ndaj Albacetes në Kupën e Mbretit dhe ndaj Benficës në Ligën e Kampionëve, rezultate që kanë ngritur pikëpyetje mbi aftësinë e Arbeloas për të sjellë përmirësimin e nevojshëm në “Santiago Bernabeu”.

Një nga arsyet që çoi në largimin e paraardhësit të tij, Xabi Alonso, ishte marrëdhënia e tensionuar me disa nga yjet e Real Madridit, ndonëse trajneri bask kishte gjithashtu mbështetës brenda dhomës së zhveshjes.

Sipas Cadena Cope, Kylian Mbappe ishte më i kënaqur me Alonson sesa është aktualisht me Arbeloan.

U vu re se Mbappe, i cili foli për mediat një javë pas shkarkimit të Alonsos, mbrojti fuqishëm punën e tij. Ai deklaroi se Alonso “nuk kishte dështuar” te Real Madridi dhe se në të ardhmen do të ishte “një trajner fantastik”.

Megjithatë, pavarësisht qëndrimit të Mbappés, duket se ai nuk përfaqëson domosdoshmërisht mendimin e shumicës së skuadrës. Raportimet e javëve të fundit tregojnë se ardhja e Arbeloas ka ulur tensionet në qendrën stërvitore dhe ka përmirësuar atmosferën brenda ekipit.

Në veçanti, Arbeloa ka qenë i shpejtë në mbrojtjen e yjeve të tij, përfshirë Vinicius Juniorin.

Megjithatë, Arbeloa ende nuk ka arritur ta bindë plotësisht skuadrën se do të jetë një zgjidhje afatgjatë, ndërsa disa nga udhëzimet e tij taktike nuk kanë arritur ende të frymëzojnë lojtarët./Telegrafi/

Ish-trajneri i Barcelonës, Gerard Lopez, ka pranuar se ka përdorur raportet famëkeqe të skautimit të gjyqtarëve, të cilat janë në qendër të skandalit më të madh të korrupsionit në historinë e futbollit spanjoll.

Barcelona akuzohet për korrupsion sportiv pas pagesave prej 7-8 milionë eurosh gjatë një periudhe 17-vjeçare ndaj kompanive të lidhura me ish-nënkryetarin e Komitetit të Gjyqtarëve (CTA), Jose Maria Enriquez Negreira. Klubi katalanas ka mohuar çdo shkelje dhe ka mbrojtur pafajësinë e tij ndaj të gjitha akuzave.

Thelbi i çështjes qëndron në bindjen e prokurorisë spanjolle se raportet dhe shërbimet këshilluese të ofruara nga kompanitë e Negreirës nuk përputheshin me shumën e pagesave të kryera nga Barcelona.

Për më tepër, klubi nuk ka qenë në gjendje të paraqesë dokumentacion për të gjithë periudhën 17-vjeçare, duke argumentuar se raportet shkatërrohen periodikisht çdo pesë vjet.

Gerard Lopez

Gjithashtu, ish-trajnerët Ernesto Valverde dhe Luis Enrique kanë dëshmuar në gjykatë se nuk kanë parë, përdorur apo qenë të informuar për ekzistencën e raporteve mbi gjyqtarët.

Ndryshe nga ta, ish-trajneri i Barcelonës B (Barça Atletic), Gerard Lopez, ka deklaruar se ai i ka përdorur raportet, megjithëse e ka cilësuar përfshirjen e klubit me Negreirën si një “gabim historik”.

Barcelona përgatit 180 milionë euro për të mbyllur tri super transferime

“Negreira është një gabim historik për Barçën, por të thuash se janë blerë gjyqtarë. Unë isha te skuadra rezervë dhe kam marrë raporte gjyqtarësh nga djali i Negreirës, të cilat për mua ishin jashtëzakonisht të dobishme”, deklaroi Lopez për Onda Cero.

Ish-presidentët e Barcelonës, Joan Gaspart, Sandro Rosell, Josep Maria Bartomeu, si dhe presidenti aktual Joan Laporta, kanë dëshmuar të gjithë në gjykatë, duke mohuar se klubi ka përfituar ndonjë avantazh sportiv nga marrëdhëniet me Negreirën.

Megjithatë, djali i tij, Javier Enriquez Romero, i cili punonte në kompanitë e të atit duke përgatitur raportet, ka deklaruar se pagesat “nuk ishin vetëm për raportet”, pa sqaruar konkretisht se për çfarë tjetër shërbenin ato./Telegrafi/

Në episodin më të ri të podcastit “Arena e Yjeve”, mysafir ishte ish-futbollisti i njohur, tashmë trajneri Fadil Ademi. Ky episod realizohet me mbështetjen e sponsorëve zyrtarë Golden Eagle dhe Exfis.

Ademi ka rrëfyer për periudhën gjatë kohë sa ishte trajner i Hysit, ekip me të cilin e përmbysën deficitin prej -9 pikëve, për t’u shpallur në fund kampion.

“Kam thënë djem, jemi minus nëntë pikë, jemi këtu ku jemi, duhet të besojmë fuqishëm se mundemi me ia dalë, mundemi me ia dalë të bëjmë gjëra të mëdha”.

“Kurse për ne gjërat e mëdha ishin të mbërrijmë titullin. Së paku nuk kemi me u dorëzu. Më mirë është një luftë të provojmë ta dërgojmë a po e lufton, a po e fiton se sa mos me vazhdu fare”.

“Kështu që, binduni se nuk është lehtë, jemi shumë mbrapa, ama në qoftë se jemi unikë, në qoftë se jemi homogjenë, luftojmë për njëri-tjetrin, kemi për t’ia dalë”.

“Deshi Zoti, xhiron e radhës në Flamurtar fituam 0-3, Prishtina dështoi më duket mos ka qenë me Drenicën, pastaj shkuam jashtë diku nuk e di me kë, por patëm rrjedhë të mirë, prej -9 pikëve në fund e kemi luajtur ndeshjen që në fund te ky sistemi i garave, në fund luhej vendi i parë me të dytin”.

“Edhe ne gjithmonë llogaritë që i bënim me ardhë punë në fund me vendos me Prishtinën. Po ne shkuam me shumë komoditet lojën e fundit me plus katër pikë dhe luajtëm atë lojë 0-0 edhe u shpallëm kampion”, ka rrëfyer Ademi

Episodin e plotë me Fadil Ademin mund ta ndiqni në kanalin zyrtar të Telegrafit në YouTube./Telegrafi/

- YouTube www.youtube.com

Në episodin më të ri të podcastit “Arena e Yjeve”, mysafir ishte ish-futbollisti i njohur, tashmë trajneri Fadil Ademi. Ky episod realizohet me mbështetjen e sponsorëve zyrtarë Golden Eagle dhe Exfis.

“Vjen diku në pjesën e parë një duel edhe ndëshkohem me karton të verdhë. Ajo ka qenë diçka në kuadër duelet për top”.

“Marr karton të verdhë nga i ndjeri gjyqtari Bekim Bauta nga Struga e ka referuar lojën. Edhe rrjedha e lojës shkon më tutje, pjesa e dytë”.

“Pjesa e dytë, nga ana e majtë e jonë ishte Arsim Abazi, tash trajneri i respektuar. Kalon disi rreth Arsimit dhe e lëshon një top pak më të gjatë se sa mendova unë, edhe mendova të shkojë start rrëshqitës edhe me largu topin”.

“Kam shkuar start rrëshqitës po ai normal lojtar cilësor, e shtyn vetëm pak topin dhe nën këmbën e tij. E dita menjëherë se çfarë më gjeti”.

“Unë i shtrirë edhe ai i shtrirë, Klodian Duro edhe po vjen gjyqtari po më thotë, djalosh, duhet me u ndëshku me të verdhin”.

“I thashë mos se marre kjo ndeshje revyale. Nuk bën më tha, nuk bën për shkak se je për karton të verdhë, tha jo për direkt të kuqin, por unë e kisha një”, rrëfeu Ademi.

Episodin e plotë me Fadil Ademin mund ta ndiqni në kanalin zyrtar të Telegrafit në YouTube./Telegrafi/

- YouTube www.youtube.com

Manchester United thuhet se iu ofrua mundësia për të transferuar një ish-mesfushor të Ligës Premier gjatë afatit kalimtar të janarit, por marrëveshja nuk u realizua.

“Djajtë e Kuq” nuk afruan asnjë lojtar gjatë merkatos së dimrit, pasi verën e kaluar kishin transferuar Benjamin Sesko, Bryan Mbeumo, Matheus Cunha dhe Senne Lammens.

Megjithatë, Manchester United pritet të kërkojë përforcime në mesfushë në të ardhmen e afërt, veçanërisht për të zëvendësuar Casemiron, i cili do të largohet nga klubi pas skadimit të kontratës së tij në fund të sezonit 2025/26.

Disa emra janë lidhur vazhdimisht me një transferim të mundshëm në “Old Trafford”, përfshirë Elliot Anderson të Nottingham Forest, Carlos Baleba të Brighton dhe Adam Wharton të Crystal Palace.

Te Man Utd të “dashuruar” me Michael Carrick, Fernandes: Ka sjellë diçka të veçantë në skuadër

Megjithatë, United mund të kishte pritur që një tjetër lojtar me përvojë në Ligën Premier të bashkohej me skuadrën që në janar, pasi një mundësi konkrete iu ishte ofruar klubit anglez.

Sipas gazetarit të njohur Fabrizio Romano, ish-mesfushori i Leicester City dhe aktualisht pjesë e Besiktas, Wilfred Ndidi, iu ofrua Manchester Unitedit si një “opsion me kosto të ulët” gjatë afatit të dimrit, ndërsa lojtari ishte i interesuar për këtë lëvizje.

“Në aspektin e transferimeve, mund t’ju them se Wilfred Ndidi, ish-mesfushori i Leicester dhe tani te Besiktas, iu ofrua Manchester Unitedit”, deklaroi Romano në podcastin Here We Go këtë javë.

“Ishte një opsion me kosto të ulët dhe lojtari ishte shumë i interesuar për transferimin, por United vendosi menjëherë të mos vazhdojë tutje”.

“Ata patën mundësinë të realizonin një marrëveshje të tillë, por zgjodhën të mos e bëjnë”, përfundoi ai.

Ndidi ka një përvojë të madhe në Ligën Premier, ku ka luajtur për Leicester City mes viteve 2017 dhe 2025, duke regjistruar gjithsej 303 paraqitje me fanellën e “Dhelprave”./Telegrafi/

Sulmuesi i Barcelonës, Lamine Yamal, ka vazhduar serinë e tij të jashtëzakonshme të golave me një goditje spektakolare ndaj Mallorcës, duke arritur kuotën e 40 golave në 136 paraqitje me ekipin e parë, në moshën vetëm 18-vjeçare.

Sipas të dhënave të Opta, Yamal ka shënuar tashmë 24 gola në 92 ndeshje në LaLiga, duke u bërë lojtari nën moshën 19 vjeç me numrin më të madh të golave në pesë ligat kryesore evropiane në shekullin e 21-të.

Me këtë shifër, ai ka lënë pas edhe Kylian Mbappe, i cili në të njëjtën moshë kishte realizuar 23 gola.

Në këtë sezon, talenti i Barcelonës ka shënuar 15 gola dhe ka dhënë 13 asistime në të gjitha garat, duke qenë një nga lojtarët më vendimtarë të skuadrës katalanase.

Seria e tij pozitive përfshin gola në tre ndeshjet e fundit të La Ligas, në ndeshjen e fundit të Ligës së Kampionëve ndaj Kopenhagës, si dhe në përballjen e Kupës së Mbretit ndaj Albacetes.

Aktualisht, vetëm Ferran Torres, me 16 gola, ka realizuar më shumë gola se Yamal për Barcelonën në këtë sezon./Telegrafi/

Në episodin më të ri të podcastit “Arena e Yjeve”, mysafir ishte ish-futbollisti i njohur, tashmë trajneri Fadil Ademi. Ky episod realizohet me mbështetjen e sponsorëve zyrtarë Golden Eagle dhe Exfis.

Ademi tregon për raportin që kishte pasur me Ismet Munishin, të cilin e kishte pasur bashkëlojtar te Kombëtarja e Kosovës.

Ai zbulon se si Munishi i kishte bërë ftesë që t’i bashkohej në Slloveni, transferim i cili në fund nuk u realizua.

“Është e vërtetë, është e vërtetë, Ismet Munishi ka qenë bashkëlojtar i imi në reprezentacion. Nuk kemi pasur fatin të jemi bashkëlojtar, kemi qenë bashkëlojtar në një periudhë të shkurtë nja dy javë ose tri në Flamurtar, por shumë shkurtë në 93-tën”.

“Kështu që unë me të vërtetë e ndiej veten shumë të kënaqur, të privilegjuar, që i takoj në njëfarë mënyre epokës së Ismet Munishit që e kam pasur edhe si kundërshtar në të shumtën e rasteve, por edhe bashkëlojtar në atë periudhën e shkurtë”.

“Ismeti ka qenë në atë kohë futbollist cilësor edhe karrierën e kishte vazhduar në Slloveni. Edhe ka qenë një ekip, nëse nuk gaboj mos ka qenë Olimpia ose ndoshta në Maribor”.

“Edhe më thërret Ismeti bashkë me menaxherin e njohur dhe njeriun që ka kontribuar shumë për futbollin e Kosovës, Nexhmedin Haxhiu, edhe thonë kanë shprehur interesim që të vish te Olimpia”, rrëfen Ademi.

Episodin e plotë me Fadil Ademin mund ta ndiqni në kanalin zyrtar të Telegrafit në YouTube./Telegrafi/

- YouTube www.youtube.com