Zinedine Zidane kthehet për të folur për përvojën e tij me Real Madridin ndërsa po qarkullojnë thashethemet për rikthimin e tij sensacional pas dështimit të Xabi Alonsos, i cili u shkarkua pas humbjes në Superkupën e Spanjës, dhe debutimit tronditës të zëvendësuesit të tij Arbeloa, i eliminuar nga Kupa e Mbretit nga Albacete.

Zidane kujton mbwrritjen e tij te Real Madridi si trajner në janar të vitit 2016, pikërisht në një kohë krize të ngjashme me atë aktuale të Merengues. Ata kishin vënë baste për Rafa Benitezin, por kimia mes tyre nuk u krijua. Kjo kimi, sipas Zidanes, është themeli i rolit të menaxherit të një skuadre yjore të mbushur me kampionë:

“Te Real Madrid, ne ishim aty për lojtarët. Për mua, kjo është ajo që e bën ekipin të fortë; je aty për lojtarin”.

“Nëse nuk e kupton, nuk mund të qëndrosh në këtë profesion. Ne jemi aty për t’i mbështetur ata, duhet të tregosh se je aty për ta. Që dhoma e zhveshjes të pranojë atë që dëshiron të zbatosh, duhet ta pëlqejmë njëri-tjetrin. Nëse lojtarët nuk pajtohen me gjithçka që u jepet, në stërvitje, të gjitha këto… gjithmonë do të ketë diçka që mungon. Me ne, mendoj se ata u argëtuan shumë në çdo nivel”.

The post Sekreti i suksesit të Zidane te Reali: Punova vetëm në një aspekt dhe… fitova gjithçka appeared first on Albeu.com.

Merkato e muajit janar do të jetë mjaft e rëndësishme për karrierën e Vedat Muriqit, i cili mund të rikthehet në Turqi.

Falë golave të shënuar në këtë pjesë të parë të sezonit në La Liga, sulmuesi dardan është futur në listën e dëshirave të Fenerbahçe-s.

Klubi turk e ka të pamundur që të mbajë deri në fund të sezonit sulmuesin e saj, Youssef En-Nesyri. Afrikani ka hyrë në radarët e klubeve të Premier League si Nottingham Forest dhe Everton.

Muriqi, i cili ka luajtur me klubin turk në sezonin 2019-2020, është kontaktuar nga menaxheri i tij Mirsad Türkcan dhe është vënë në dijeni të interesit të Fenerbahçes.

31-vjeçari ka pranuar që të rikthehet në Turqi ndërsa trajneri i Fenerbarhçes i ka hapur rrugën këtij transferimi. Tedesco e shikon me prioritet këtë pistë ndërsa nga finalizimi mungon vetëm takimi mes klubeve, të cilët do të bisedojnë për të caktuar çmimin për kartonin e lojtarit.

The post Fenerbahçe përgatitet për të humbur En-Nesyri, Muriqi shumë pranë rikthimit në Turqi appeared first on Albeu.com.

Gjykata e Durrësit vendosi masat e sigurisë për 8 personate arrestuar për arratisjen e Altin Ndocit, pak ditë më parë nga spitali i Durrësit.

Gjykata vendosi “Arrest me burg” për tre prej tyre, “Arrest në shtëpi” për dy të tjerë dhe “Detyrim paraqitje” për tre prej të arrestuarve.

MASAT E SIGURISË

Komisar Dezdemon Pazaj – Punonjës i Policisë së Burgjeve – Arrest në burg

Komisar Violeta Uka – Punonjëse e Policisë së Burgjeve – Arrest në shtëpi

Kryeinspektor Dorjan Saraçi – Punonjës i Policisë së Burgjeve – Detyrim paraqitje

Inspektor Sali Ferrollari – Punonjës i Policisë së Burgjeve – Arrest në burg

Inspektor Fatjon Braçi – Punonjës i Policisë së Burgjeve – Arrest në burg

Inspektor Preng Marvataj – Punonjës i Policisë së Burgjeve – Detyrim paraqitje

Kryeinspektor Aranit Çela – Punonjës i Policisë së Burgjeve – Detyrim paraqitje

Kryeinfermier Aulon Quku – Punonjës i IEVP Durrës – Arrest në shtëpi

SI NDODHI NGJARJA?

Altin Ndoci, një prej emrave më të shumëpërfolur të botës së krimit i pandehur në procesin “Plumbi i Artë” dhe i cilësuar si vrasësi me pagesë i organizatës kriminale të drejtuar nga vëllezërit Franc dhe Hajdar Çopja, u arratis të martën nga ambjentet e spitalit rajonal në Durrës.

Ai ishte shoqëruar nga punonjësit e policisë së Burgjeve për vizita mjekësore në repartin Infektiv në dhomën e posaçme ku trajtohen të paraburgosurit apo të dënuarit, për shkak se kishte shfaqur probleme me veshkat. Bashkë me Ndocin për vizitë në spital ndodhej edhe një i paraburgosur tjetër.

Burimet thonë se një moment ka kërkuar të shkojë në tualet ku aty ka goditur një nga 3 punonjësit e policisë së burgjeve dhe është larguar.

Mësohet se një nga policët ka qëlluar në ajër teksa ndiqte Ndocin, por ai është larguar me shpejtësi sikurse shihet edhe në këto pamje….

Në parkimin e spitalit atë e priste një Audi të bardhë, A7, me targa AA700RS dhe sapo është ngjitur në të, mjeti ka lëvizur në drejtim të Spitallës duke humbur më pas çdo gjurmë.

I riu me origjinë nga Puka dhe banim në Tiranë, është arrestuar nga SPAK në Tiranë 6 vite më parë gjatë operacionit “Plumbi i Artë” dhe akuzohet vrasje me pagesë. Ai akuzohej në këtë të këtij procesi për vrasjen e Andi Zylyfit dhe plagosjen e Ardit Uruçit, ngjarje ne të cilën e implikoi vrasësi me pagesë Nuredin Dumani që mban statusin e të penduarit të drejtësisë. Për të kryer këtë vrasje ai ishte rekrutuar nga Talo Cela, dikur mik e më pas armik me Nuredin Dumanin.

Pas përplasjes së dy miqve, Dumani veproi për llogari të Erion ALibej, kundërshtar me Çopjat, ndër4sa Talo Cela për llogari të Franc e Hajdar Copjas.

Nga hetimet e SPAK rezulton se Ndoci kishte vepruar si vrasës për llogari të organizatës Çopja. Ai konsiderohet person me rrezikshmëri të lartë shoqërore.

The post EMRAT+MASAT E SIGURISË/ Arratisja e Altin Ndocit, gjykata vendos për tetë të arrestuarit appeared first on Albeu.com.

Një debat i fortë ka shpërthyer së fundmi në shtëpinë e Big Brother VIP Albania, duke tensionuar ndjeshëm atmosferën mes banorëve. Këtë herë, përplasja ka qenë mes Brikenës dhe Keijsit, dy prej personazheve që deri më tani nuk kishin pasur konflikte të theksuara mes tyre.

Situata nisi krejt papritur, në një moment që fillimisht dukej i qetë dhe pa asnjë ngarkesë emocionale. Të dy ndodheshin në oborr, duke shijuar akullore së bashku me banorë të tjerë. Sipas pamjeve të transmetuara, Brikena iu drejtua Keijsit me shaka, duke i thënë se e kishte parë “me këmbët përpjetë”. Komenti, i cili nga ana e saj u perceptua si humor, nuk u prit aspak mirë nga Keijsi.

Reagimi i tij ishte i menjëhershëm dhe mjaft i ashpër. Keijsi e akuzoi Brikenën për sjellje të pahijshme dhe për kalim të kufijve të respektit, duke e kthyer situatën në një debat të nxehtë përpara banorëve të tjerë. “Niveli yt janë këmbët përpjetë? The e mban akulloren në gojë gjithë ditën”, iu drejtua ai Brikenës, fjalë që ndezën edhe më shumë tensionin mes tyre.

Debati u shoqërua me replika të forta dhe tone të larta, ndërsa banorët e tjerë mbetën të habitur nga përshkallëzimi i situatës për një shaka të thënë pa menduar pasojat. Kjo përplasje tregon edhe një herë se marrëdhëniet brenda shtëpisë së Big Brother VIP Albania po bëhen gjithnjë e më të brishta.

The post “Niveli yt janë këmbët përpjetë”, ‘plas’ keq mes Keijsit dhe Brikenës appeared first on Albeu.com.

Finalja e Kupës së Afrikës është përfshirë në polemika pasi Senegali denoncoi publikisht praktikat joetike të Marokut, rivalit dhe vendit pritës të saj, në lidhje me përgatitjet e ndeshjes. Në një deklaratë të formuluar ashpër, Federata Senegaleze e Futbollit (FSF) përshkroi problemet me të cilat po përballet përpara finales së të dielës në Rabat.

“FSF informon publikun kombëtar dhe ndërkombëtar, si dhe organet organizuese, për mangësitë e vazhdueshme në përgatitjet për finalen e Kupës së Kombeve të Afrikës”, shpjegon deklarata, përpara se të detajojë ankesën e saj në katër pika.

Pika e parë ka të bëjë me masat e sigurisë dhe të pritjes. “FSF denoncon mungesën e qartë të masave të përshtatshme të sigurisë me mbërritjen e ekipit tonë në stacionin e trenit në Rabat. Kjo mangësi i ekspozoi lojtarët dhe stafin e trajnerëve ndaj afërsisë së madhe me tifozët vendas, gjë që është shumë larg standardeve të pritura për një garë të kësaj madhësie dhe një finale kontinentale.”

Çështja e dytë ka të bëjë me akomodimin e ekipit kombëtar senegalez: “Lidhur me logjistikën e hoteleve, FSF raporton se ka paraqitur një protestë zyrtare. Pas këtij veprimi, një hotel me pesë yje iu nda përfundimisht ekipit tonë, duke garantuar kushtet e nevojshme për finalen.”

Kishte edhe ankesa në lidhje me fushën e stërvitjes. “FSF njoftoi CAN-in për refuzimin e saj për t’u stërvitur në kompleksin Mohamed VI. Ky vendim rrjedh nga fakti se këto ambiente shërbejnë si bazë për ekipin kundërshtar, duke ngritur një çështje të drejtësisë sportive. Për më tepër, FSF specifikon se, deri më sot, nuk ka marrë ende njoftim për vendndodhjen e stërvitjes së ekipit senegalez para finales.”

Së fundmi, raporti u përqendrua në shitjen e biletave dhe aksesin në stadium. “Situata është shqetësuese. FSF dëshiron të sqarojë se paketa zyrtare përbëhet vetëm nga dy bileta VVIP dhe shpreh keqardhje për pamundësinë për të siguruar bileta VIP dhe VVIP, siç ndodhi gjatë gjysmëfinaleve. Megjithatë, Federata arriti të sigurojë bileta për tifozët e saj, deri në limitet maksimale të autorizuara zyrtarisht nga CAF, përkatësisht: 300 bileta në Kategorinë 1, 850 në Kategorinë 2 dhe 1,700 në Kategorinë 3. FSF beson se këto sasi janë të pamjaftueshme për të përmbushur kërkesën dhe denoncon kufizimet e vendosura si penalizuese për publikun senegalez.”

Në këtë atmosferë të tensionuar, finalja vjen me Marokun si favorit, pasi ka luajtur të gjashtë ndeshjet e tyre deri më tani në të njëjtin stadium (Rabat) mes disa vendimeve të dyshimta të arbitrimit që kanë tërhequr ankesa nga të gjithë rivalët dhe zyrtarët e tyre.

The post E turpshme në Afrikë, Senegali denoncon Marokun përpara finales së Kupës appeared first on Albeu.com.

Opozita u shpreh kryedemokrati Sali Berisha, nuk synon marrjen e pushtetit me dhunë, por përmes një kryengritjeje të zgjatur dhe paqësore, të cilën ai e cilëson jetike dhe vendimtare për fatin e Shqipërisë.

Në bashkëbisedimin me qytetarët, ai deklaroi se largimi i mazhorancës aktuale mund të arrihet vetëm përmes qëndresës civile dhe mobilizimit të gjerë opozitar, duke shtuar se PD po bën përgatitjet për një lëvizje paqësore që, sipas tij, do të çojë në shpëtimin e vendit nga ajo që e quan një bandë kriminale në pushtet.

Pjesë nga bashkëbisedimi me qytetarët:

Fatos Doçi: Përshëndetje doktor, edhe sa do të vazhdojmë ta trajtojmë këtë bandë kriminale në mënyrë paqësore. Ne jemi PD apo jemi media që merremi vetëm me denoncime, sepse iku dhe janari.

Sali Berisha: Pyetja juaj është e drejtë. Ne jemi PD, do të ndalemi këtu. Çfarë do të thotë kjo. Ne jemi partia që nuk e kemi synuar kurrë pushtetin me dhunë, përkundrazi, kur këta e kanë marrë me dhunë pushtetin ne i kemi përzënë me votë.

Ne besojmë se me një kryengritje paqësore të qëndrueshme, është plotësisht e mundur largimi i tyre nga pushteti. Ndaj dhe duhet të krijojmë një bindje të gjerë, tek qëndrestarët, opozitarët, tek të gjithë ata që duan të shpëtojnë Shqipërinë nga kjo e keqe; se një kryengritje e zgjatur, paqësore është jetike dhe vendimtare për fatin e Shqipërisë, për shpëtimin nga kjo bandë, organizatë kriminale të vendit.

Po bëjmë përgatitjet tona dhe besojmë se shumë shpejtë qytetarët, opozitarët do të jenë të gatshëm për këtë akt, proces, lëvizje.

Andon Kello: A do ketë kontribut opozita në ndryshimet kushtetuese për të cilat foli kryeministri?

Sali Berisha: Me Edi Ramën nuk ka asnjë kompromis. Edi Rama të japë dorëheqjen dhe të paraqitet para ligjit për të gjitha aktet e tij, vjedhjet e tij monstruoze. Të dashur miq, dosja Balluku në fakt është dosja Rama.

Ne 6 mijë mesazhe të asaj dosje, shumica dërrmuese lidhet direkt me Palloshin e gjatë dhe janë të tijat direkt.

Në tre rreshta të asaj dosje, dy janë akuzë direkt për Edi Ramën. Por një dosje kriminale e shkallës më të lartë është dosja e AKSHI-t.

Ergys Agasi, ish-koordinatori i Edi Ramës për kartelet e drogës dhe bandat, është njeriu që me urdhër të Edi Ramës ka kontrolluar çdo të dhënë private, çdo telefon celular, çdo email të cilitdo person që Edi Rama i ka kërkuar atij, qoftë ky shqiptar apo i huaj.

Edi Rama me Ergyg Agasin ka kontrolluar në mënyrën më mafioze, duke ushtruar pengmarrje të pjesëmarrësve në tender, tenderat e AKSHI-t me qëllimin e vetëm që qindra milionë euro të shkojnë në kontot e familjes Rama nëpërmjet kunatit të Lindës së Surrelit dhe në fakt jo Lindës së AKSHI-t.

U faktua dje nga dosja se hakerat e kompjuterëve të SPAK-ut, komunikonin direkt me Edi Ramën dhe i nisnin atij direkrt të dhënat që hakeronin nga këto kompjutera. Dhe këto janë vetëm një pjesë e aferave.

Ju e mësuat Duranën se çfarë vjedhje e paimagjinueshme. Miq, kur ju mësuat se inceneratori i Tiranës 130 milionë euro nuk ekziston, por ato janë paguar, kjo ishte në bindjen time rasti i parë në jetën tuaj që kishit dëgjuar për një gjë të tillë.

Kurse pas tij na rezultojnë tenderat e AKSHI-t, në të cilat baxhanaku me prestanome fiton tendera me 98 përqind fitimin, pa bërë asnjë blerje, asnjë shitje, asnjë punë, asnjë faturë për tenderin që ka fituar, por thjesht një transfertë të parave nga thesari i shtetit në kontot e tij bankare.

Edi Rama i jep kunatit në AKSHI tender me 75 milionë euro për përmirësimin e inteligjencës artificiale, një trillim fund e krye se si të marrin edhe 75 milionë të tjera pasi nuk ngopen.

Kështu që në këto rrethana, fjala e qytetarëve është vendimtare për shpëtimin nga ky regjim.

Ejona Rusa: Kampusi i Universitetit të Tiranës do të kalojë në Durrës, sipas Ramës. Kjo po ndodh në një kohë kur kolegji i Mogherinit ka marrë tokën e Universitetit Publik të Tiranës dhe kur kampusi i premtuar prej vitesh këtu në Tiranë, nuk po ngrihet. Cili është qëndrimi juaj?

Sali Berisha: Qëndrimi ynë është ky. Ne i bëjmë thirrje Komisionit Europian, prokurorisë publike Europiane, OLAFI-t dhe EuroJust të hetojnë aferën Mogherini në Shqipëri, e cila sipas të dhënave tona paraprake është të paktën 7-8 herë më e madhe se ajo e Bryzhit.

Frederica Mogherini lobistja e Edi Ramës, ka një marrëveshje sekrete me Ramën për kampusin e Kolegjit Europian, të cilën Edi Rama e mban sekret dhe nuk ja dha ndonjëherë parlamentit me të cilën këta grabisnin tokën e kampusit për studentët e Universitetit të Tiranës. Tokë e kadastruar dhe përcaktuar përfundimisht kampusin e studentëve. Për të cilin është bërë dhe projekti. Për të cilin ishin përcaktuar dhe fondet dhe në një marrëveshje korruptive të plotë, këtë tokë Edi Rama e grabit së bashku me Mogherinin dhe nuk dihet se çfarë fature kanë taksapaguesit shqiptarë dhe çfarë fature kanë taksëpaguesit europianë.

Prandaj e garantoj Edi Ramën se, pa një hetim të plotë nga institucionet kompetente të akuzës së BE-së, asnjë lloj veprimi nuk do pranohet në këtë vend, dhe se historia e turpshme e korrupsioni Rama-Mogherini duhet të sqarohet në gjykatë.

Shyqyri Myrtollari: Përshëndetje. Nuk mendoni se Niko Peleshi duhet denoncuar në SPAK sepse po mban pezull heqjen e imunitetit të Ballukut.

Sali Berisha: Procedurat po shqyrtohen. Por në fakt, peng Niko Peleshi nuk është gjë tjetër veç se një ushtar mjeran i Edi Ramës.

Por çdo procedurë për shkelje të ligjeve dhe kushtetutën ne jemi të gatshëm ta paraqesim në institucionet përkatëse.

The post Berisha: Nuk marrim pushtet me dhunë! Një dosje kriminale e shkallës më të lartë është dosja e AKSHI-t appeared first on Albeu.com.

Kryeministri Edi Rama mbajti mesditën e sotme një takim me kryebashkiakët për sfidat e bashkive për 2026, sezonin turistik dhe betejat e përbashkët politike e shoqërore kundër mbetjeve plastike.

Kryeministri Rama tha se derdhja e plastikës është krim qytetar, duke theksuar dëmet e pariparueshme për jetën detare dhe ushqimin.

Ai njoftoi krijimin e një task-force qeveri–pushtet vendor për të hartuar një plan tre-fazor nga sensibilizimi te veprimi konkret.

“Para disa ditësh, kryetarja e Bashkisë së Durrësit më dërgoi një video që tregonte se si po mbushej pika në Shkozet, pasi ishte ripastruar në kushte bllokimi.

Kur gjendemi përballë kësaj situate agresioni plastik, që është drejtpërdrejt ndikim i njeriut, duhet të angazhohemi për të ndërmarrë një ofensivë të përbashkët dhe për të përfshirë sa më shumë komunitetin, në mënyrë që ta vëmë nën kontroll këtë faktor kaq të dëmshëm.

Plastika derdhet në det dhe shkakton dëme të pariparueshme për jetën detare dhe për cilësinë e ushqimeve tona. Duhet të bëjmë gjithçka për ta ndalur këtë lemeri papërgjegjshmërie qytetare.

Ky është një krim shqiptar. Nuk duhet të kërkojmë fajtorë te turistët spanjollë, japonezë apo gjermanë. Duhet të marrim masa konkrete dhe për këtë arsye i kam kërkuar ministrit të Pushtetit Vendor të ngrejë një task-forcë mes qeverisë dhe pushtetit vendor, për të konceptuar një plan me tre faza, që nga sensibilizimi deri te veprimi konkret.”, tha Rama.

Bashki më të forta, më funksionale më të qëndrueshmë, ishte motoja e fjales se kryeministrit Edi Rama.

“Meqë është takimi i parë i vitit dhe shihemi sy më sy të gjithë ju uroj një vit të mbarë familjarisht dhe profesionalisht patjetër politikisht të gjithë bashkë.

Jemi këtu në vijim të takimeve të organizuara për të celur vitin, duke diskutuar për sfidat e për të vënë disa piketa dhe për të përcaktuar cështjet kryesore me të cilat do të duhet të merremi bashkarisht.

Viti nisi me një situatë tejet të vështirë atmosferike preku një pjesë jot ë vogël të territorit dhe që na përballi me sfidën e emegjencës në kushtet që emergjencat po bëhen sistematike dhe po marrin një profil tjetër si rezultat i ndryshimeve klimatike.

Kemi më shumë thatësirë e zjarre dhe më shumë befasira në aspektin e atmosferën ku krijohen vorbulla si ajo e ditëvë të para të vitit që sipas ekspertëve janë vorbulla që mund të trajtohen me gjuhën e përditshme si ngërce në qarkullimin e flukseve të ajrit dhe krijojnë përqëndrime dhe reshje shiu e borë me intensitet të lartë.

Në këto kushte nuk ka shumë për të bërë por patjetër që ka elementë të kësaj situate që lidhen me njeriun dhe pamë se si kjo situatë u ndërlikua ndër të tjera edhe nga papërgjegjshmëria rrënshqethëse e shumë kujt ndër ne që si qytetar i kësaj Republike apo si vizitorë shqipfolës, se nuk hedhin turistët mbetje plastike në rrugë e konsideron këtë vend si një landfill kudo ku ndodhet.

Dhe gjithë kjo sasi e madhe që hidhet rrugëve ku këtu hyn edhe mungesa e menaxhimit të mbetjeve në territoret rurale mblidhet dhe falë erës vjen e bllokon pika kyce të rrjetit të kullimit sic ndodhi në Shkozet, Gjirokastër, në disa pika të tjera.”, tha Rama.

The post “LEMERI”/ Rama mbledh kryebashkiakët: Task forcë për pastrimin e mbetjeve plastike! Përmbytjet treguan papërgjegjshmëri, duke e trajtuar vendin si landfill kudo appeared first on Albeu.com.

Autoritetet ekuadoriane njoftuan se kanë vendosur 10,000 ushtarë kundër bandave të drogës të fajësuara për rritjen e aktivitetit kriminal në vendin e Amerikës Latine, raportojnë mediat e huaja.

I vendosur midis dy eksportuesve më të mëdhenj të kokainës në botë, Kolumbisë dhe Perusë, Ekuadori është bërë një qendër tranziti për drogën dhe po përjeton një përshkallëzim të dhunës për shkak të përplasjeve midis bandave të lidhura me kartelet meksikane dhe kolumbiane.

Ndërkohë së fundmi pjesë e kësaj zone është bërë edhe mafia shqiptare, e cila gjithnjë e më shumë po i shtrin fijet edhe në Ekuador.

Për t’u përballur me fenomenin, qeveria e Presidentit Daniel Noboa, një aleat i Presidentit të SHBA-së Donald Trump në rajon, ka vendosur të përforcojë forcat e sigurisë.

Thuhet se mbi 10,000 personave, anëtarë të forcave speciale, zbarkuan në qytetin e Guayaquil. Ministri i Mbrojtjes, Giancarlo Loffredo urdhëroi ushtrinë të ndërmerrte veprime për një periudhë të pacaktuar në qytet.
Avionë me personel ushtarak u dërguan gjithashtu në Manta, portin kryesor të peshkimit të vendit, gjithashtu një qendër kritike për kartelet. Në mesin e dhjetorit, Uashingtoni njoftoi se po dërgonte trupa amerikane në Ekuador si pjesë e një “misioni të përkohshëm” kundër trafikut të drogës.

The post Kartelet e Meksikës dhe Shqipërisë shtrijnë ‘tentakulat’/ Ekuadori 10 mijë ushtarë në gatishmëri appeared first on Albeu.com.

Gjykata e Shkallës së Parë e Juridiksionit të Përgjithshëm Durrës ka vendosur masën e sigurisë “arrest në burg” për 26-vjeçarin Arbër Xhaxhaj, i cili shkaktoi aksidentin tragjik te ura e Dajlanit në Durrë, ku humbi jetën 18-vjeçarja, Vikena Greku.

Arbër Xhaxhaj u arrestua nga policia natën e 15 janarit, pas aksidentit dhe pas testit të alkoolit rezultoi se i riu kishte qënë i dehur në timon.

Ai akuzohet për kryerjen e veprave penale: “Drejtimi i mjetit në mënyrë të parregullt” dhe “Shkelja e rregullave të qarkullimit rrugor”.

The post Aksidenti me 1 viktimë në Durrës, lihet në burg Arbër Xhaxhaj appeared first on Albeu.com.

Kryetari i Partisë Demokratike, Sali Berisha, ka publikuar këtë të shtunë një denoncim në lidhje me kontrollet e ushtruara një ditë më parë nga Policia në Tiranë, për goditjen e call-centerave.

Sipas denoncimit të publikuar nga Berisha, thuhet se Policia ka zbarkuar dje në një call center në zonën e Astirit, por teksa efektivët po ushtronin kontrolle, Taulant Balla i ka telefonuar dhe i ka urdhëruar të largohen.

Sipas denoncuesit Taulant Balla është pronar i këtij call center-i që merret me mashtrime financiare të tipit “forex”. Sipas mesazhit, ky call center ndodhet në zonën e Astirit, në një pallat mbi një subjekt tregtar

Policia e Shtetit ka shkuar për të ushtruar kontroll në ambientet e këtij call center-i, pas komunikimeve me agjenci ligjzbatuese të një shteti tjetër dhe në omentin e mbërritjes së policisë, Taulant Balla dyshohet se ka kontaktuar vetë punonjësit e policisë, duke bërë që kontrolli të ndërpritej dhe forcat të largoheshin.

Denoncimi i plotë:

Miq, Tao në tavë!

Lexoni mesazhin e qytetarit dixhital!

Përshëndetje Doktor Berisha do të doja të bëja një denoncim edhe pse nuk kam prova faktike do të doja ta publikonit këtë.

Sipas të dhënave Taulant Balla (Tao Tao) është pronari i një call-centeri mashtrimi ‘forex’ në zonën e Astirit në pallatin që ndodhet mbi Nami Longue. Policia e Shtetit ka shkuar për të ushtruar kontroll në këtë call center për arsye të komunikimeve me agjensitë ligjzbatuese të një shteti tjeter. Në momentin e mbërritjes së forcave të policisë për kontroll vetë Taulant Balla ka telefonuar policët të cilët ndodheshin për kontroll kjo sipas fjalëve të gjjthë punonjësve të këtij call centeri duke i detyruar policët që të largoheshin menjëherë. Call Center është mbyllur përkohësisht dhe për të shmangur arrestimin dhe kontrollin janë urdhëruar për të goditur një call center mashtrues forexi tjetër i cili ndodhej po në të njëjtën godinë dhe për të njoftuar organet që call centeri që operonte u kap dhe mbas disa ditësh puna ka vijuar normalisht në biznesin e jashtligjshëm të Taos.

Punonjësit e call center janë të gjjthë të rinj dhe të reja të cilët janë detyruar të punojnë në këto vende pune nga mospërkrahja e qeverisë dhe pagat e ulëta. Ju ftoj ju dhe Partinë Demokratike të investigoni këtë çështje të turpshme ku qytetarëve europianë po i vidhen çdo muaj miliona euro. Gjjthashtu i përfshirë në këtë skemë është dhe Drejtori aktual i krimit ekonomik. Jam i bindur që mbas publikimit menjëherë ky biznes ka për tu mbyllur.

Ju lutem Anonim

The post “Miq, Tao në tavë!” – Kontrollet për Call-Centerat, Berisha nxjerr denoncimin: Taulant Balla urdhëroi policët të largohen appeared first on Albeu.com.

Kur udhëheqësi i linjës së ashpër të lëvizjes shiite Hezbollah në Liban, Hassan Nasrallah, u vra në shtator 2024 në një sulm ajror izraelit, udhëheqësi suprem i Iranit , Ajatollah Ali Khamenei, dihej se fshihej në një bunker. Ai bëri të njëjtën gjë në qershor 2025 kur bombarduesit amerikanë goditën objektet bërthamore të Iranit.
Ajatollah Ali Khamenei e di se ai është objektivi numër një i vrasjes për SHBA-në dhe Izraelin. Ka të ngjarë që ai tani të jetë në një bunker nga ku po jep urdhra për gjakderdhjen në protesta.

Prandaj, lind pyetja nëse vrasja e udhëheqësit suprem do të sillte edhe fundin e regjimit të mullahëve në Iran. Përgjigja nga analistët dhe zyrtarët amerikanë që e informojnë Trumpin rreth zhvillimeve në Iran është e qartë: Jo.

Si e ka siguruar Khamenei mbijetesën e mullahëve

Që nga qershori i kaluar, Khamenei, i cili pa se “litari” po shtrëngohej rreth tij, ka siguruar një proces të qetë dhe të shpejtë të trashëgimisë . Sipas një raporti në New York Times, gjatë asaj kohe, Khamenei mori vendimin e pazakontë për t’i udhëzuar Këshillit të Ekspertëve, organit më të lartë të klerikëve shiitë që zgjedhin udhëheqësin suprem të vendit, të zgjedhin pasardhësin e tij nga tre emra që ai vetë u dha atyre.
Publikimi citon deklarata anonime nga zyrtarë iranianë që shpjegojnë se midis pasardhësve nuk është djali i Khameneit, Mojtaba, i cili ishte klerik dhe konsiderohej si një “i preferuar” për pozicionin e tij.

Zgjedhje të vështira
Khamenei është një figurë e urryer për shumë iranianë, pasi regjimi i mullahëve është një nga më represivët në planet. Megjithatë, dekada të tëra të sundimit të vendit nga klerikët shiitë kanë çuar në mënyrë efektive në shpërbërjen e frontit të opozitës dhe të disidencës.
Një zgjidhje mund të jetë ish-presidenti iranian Hassan Rouhani , i cili është reformist.
Emri tjetër që përmendet është ai i djalit të ish-Shahut të Iranit, Reza Pahlavi, i cili jeton në Uashington dhe i ka intensifikuar deklaratat e tij publike ditët e fundit. Problemi është se ai nuk ka një bazë organizative brenda Iranit për të organizuar ngritjen e tij në krye të vendit.
Vlerësimi është se popullariteti i tij i fundit gjatë protestave është për shkak të faktit se shumë protestues e shohin atë si dikë që nuk ka të bëjë fare me regjimin dhe dëshiron marrëdhënie më të mira me Perëndimin.

Skenari i juntës dhe lufta prapa skenave për pushtet
Në rast të një rënieje të regjimit, të cilit shtetet e Lindjes së Mesme i frikësohen shumë për shkak të kaosit që do të shkaktonte, shumë besojnë se korpusi elitar i Forcave të Armatosura Iraniane, Garda Revolucionare, do të dalë përpara për të mbushur boshllëkun e pushtetit dhe për të ruajtur privilegjet e tyre.

Megjithatë, disa aktorë brenda regjimit duan që Khamenei të largohet, sipas lektorit të Universitetit Yale, Aras Azizi.

“Një pjesë e konsiderueshme e elitës sunduese në Iran është gati të bëjë disa ndryshime. Të heqë qafe Khamenein. Të heqë qafe disa nga politikat dhe institucionet themelore të Republikës Islamike. Pra, ata madje mund t’i mirëpresin sulmet e SHBA-së si një mundësi për të përshpejtuar këtë proces”, tha Aras Azizi.
Për shembull, kryetari i parlamentit iranian, Mohammad Bagher Ghalibaf , i cili vesh rroba civile dhe është i njohur për tendencat e tij autoritare, është një nga njerëzit që nuk ka pasur kurrë besimin e plotë të Khameneit. Anëtarët e regjimit iranian dyshojnë se ai pretendon besnikëri dhe pret momentin e duhur për të vepruar kundër mullahëve.

Ndoshta ai moment nuk është larg. Edhe nëse protestat pushojnë, arsyet pse protestuesit dolën në rrugë – korrupsioni, rritja e çmimeve për mallrat bazë dhe gjendja tragjike e ekonomisë iraniane – mbeten dhe matematikisht do të ndezin një zjarr të ri.

The post Irani prej javësh nën “zjarrin” e protestave, analiza: Si e ka siguruar Khamenei mbijetesën e regjimit të mullahëve appeared first on Albeu.com.

Detaje të reja janë zbuluar në lidhje me kontrollet e zhvilluara nga SPAK në lidhje me Call Centerat në Tiranë.

Gazetarja Klodiana Lala bën me dije se janë arrestuar 10 persona, ndërsa janë shpallur në kërkim dy pronarët.

Sipas burimeve, nga kontrollet janë zbuluar disa prova materiale, ndërsa ato po vijojnë edhe sot, bashkë me marrjen në pyetje të disa personave të lidhur me çështjen.

The post Kontrollet e SPAK për call center-at, dhjetë të arrestuar. Shpallen në kërkim dy pronarët appeared first on Albeu.com.

Ervin Kaftiraj është arrestuar nga Sektori i Antidrogës në Tiranë gjatë një operacioni të zhvilluar në një restorant të njohur në periferi të kryeqytetit.

Burimet nga terreni bëjnë me dije se gjatë prangosjes, uniformat blu i gjetën mbi 1 kilogram kokainë.

Sipas burimeve zyrtare, Kaftiraj ishte nën vëzhgim disa muaj nga policia, e cila monitoronte lëvizjet e tij.

Ai është i njohur në Tiranë për aktivitetin e tij me makina me qira luksoze dhe mjete retro.

Agjentët e Antidrogës po vijojnë hetimet për të zbuluar personat e tjerë të përfshirë në këtë rrjet të trafikut të drogës./Syri

The post Në përgjim prej muajsh, arrestohet Ervin Kaftiraj në Tiranë, me vete iu gjet edhe mbi një kg kokainë appeared first on Albeu.com.

Përmbytjet prekën disa qarqe të Shqipërisë në jabën e dytë të Janarit, duke shkaktuar bllokime rrugësh, dëme materiale dhe ndërprerje të përkohshme të aktiviteteve në zona urbane dhe rurale, si pasojë e reshjeve të dendura dhe vërshimeve të ujërave.

Sipas autoriteteve, moti i keq ka shkaktuar një të vdekur, përmbytjen e gati 1600 banesave dhe të 14 mijë hektarëve tokë bujqësore, në qarqet Durrës, Shkodër, Lezhë, Berat dhe Korçë. Për t’iu përgjigjur dëmeve, qeveria ka akorduar një fond prej 50 milionë euro për t’u ardhur në ndihmë familjeve të dëmtuara.

Vërshimet e ujërave e gjetën Shqipërinë të papërgatitur. Situata e krijuar, gjithashtu nxori në pah problemet e përsëritura me infrastrukturën e kullimit dhe kanalizimeve, argjinaturat e amortizuara dhe mungesën e masave parandaluese.

Nërsa vendi përllogarit dëmet e shkaktuara, ekspertët paralajmëruan se fenomene të tilla pritet të bëhen më të shpeshta dhe më të forta në kushtet e ndryshimeve klimatike.

“Fenomenet e motit kanë qenë dhe do të jenë të pranishme,” tha Kristi Bashmili, ekspert mjedisor me Organizatën Shqiptare të Ornitologjisë. “Fatkeqësisht reagimi ndaj këtyre fenomeneve, përballimi me sa më pak kosto i ngjarjeve të tilla apo fatkeqësive natyrore duket i dobët,” shtoi ai.

Sipas Bankës Botërore, rajoni i Ballkanit Perëndimor është një nga zonat më të prekura të Europës nga ndryshimet klimatike. Ndryshimi i klimës po sjell fenomen ekstreme të motit dhe si pasojë përmbytjet, zjarret, thatësirën dhe dukuri të tjera negative. Shqipëria konsiderohet si një nga vendet e rrezikuara.

Gjatë viteve të fundit, thatësirat e zgjatura, të ndjekura nga reshje intensive, po shkaktojnë përmbytje, rrëshqitje dherash dhe probleme serioze në bujqësi dhe infrastrukturë.

“Këtë herë fati nuk na ndihmoi, dhe ne pamë përmbytje masive të shkaktuara jo vetëm nga prurjet e lumenjve, por nga mosmirëmbajtja e argjinaturave dhe kanaleve të kullimit,” tha Besjana Guri, aktiviste mjedisore dhe drejtuese e qendrës mjedisore “LUMI”.

Sipas Gurit, një tjetër shkak për përmbytjet masive është edhe niveli i lartë i erozionit që ka Shqipëria.

“Një nga shkaktarët kryesorë të vërshimeve është erozioni i lartë dhe humbja e pyjeve në shpatet malore apo në zonat breglumore,” tha ajo. “Nga ana tjetër, gërryerja e shtratit të lumenjve dhe marrja e inerteve pa kriter vetëm sa e përkeqëson situatën dhe nxit edhe më tepër vërshimet,” shtoi Guri.

Sipas Kristi Bashmilit, edhe kanalet kulluese ishin të pakontrolluara dhe të papastruara, çka solli që vendi të përmbytej me reshje që mund të konsiderohen relativisht normale.

“Ngjarjet e fundit treguan që jemi të papërgatitur mirë dhe që nuk i kemi marrë aq seriozisht sa duhet fatkeqësitë natyrore,” tha ai.

“Dikush tha që kanalet janë të zëna nga mbetjet, diku u pa që ishin të zëna nga pllaka betoni, diku pamë ura mjaft të ulëta për të maksimizuar kalimin e ujit, pra në Shqipëri shikojmë që kemi mungesë të theksuar të kontrollit paraprak të strukturave kulluese,” shtoi eksperti i mjedisit.

Bashmili theksoi se shpyllëzimet dhe djegiet e kryera ndër vite në zonat kodrinore dhe malore po japin pasojat e tyre nëpërmjet fenomeneve të përmbytjeve në zonën e ultësirës.

“Përrenjtë malorë të padisiplinuar ne i shikojmë kudo dhe kujtohemi për to vetëm kur uji ka ardhur dhe është vështirë të menaxhohen sepse kanë fuqi të jashtëzakonshme kur dalin në zonë të banuar,” shpjegoi Bashmili për BIRN.

Keqmenaxhimi i territorit është një tjetër shkak parësor që ndikon në pasojat fatale të fatkeqësive natyrore. Sipas Besjana Gurit, ndërtimi pa kriter në zona pranë shtretërve të lumenjve ndikon seriozisht në rritjen e dëmeve sociale, mjedisore dhe ekonomike të fatkeqësive natyrore.

“Ndërtimi i bizneseve apo shtëpive që janë ngritur në shtretërit aktivë të lumenjve dhe janë të predispozuar të përmbyten sjell kosto të mëdha për komunitetin,” tha ajo.

Sipas ekspertëve të mjedisit, përmbytjet e janarit nuk janë vetëm fatkeqësi natyrore, siç është munduar t’i paraqesë qeveria, por tregues i qartë i mungesës së masave parandaluese.

“Institucionet qendrore duhet të ndërmarrin hapa konkretë dhe urgjentë për të minimizuar në maksimum katastrofa të tilla, duke e marrë seriozisht çështjen e ripyllëzimeve dhe masave të shpejta të parandalimit dhe monitorimit të situatës,” tha Guri.

Ajo shtoi se gjithashtu shteti shqiptar duhet të vendosë në prioritetet e tij ndërmarrjen e masave për parandalimin e përmbytjeve në zonat e riskut, duke ndërmarrë paralelisht masat e ripyllëzimit dhe mirëmbajtjen e kanaleve të kullimit./ BIRN

The post “SHUMËFISHIM I DËMEVE”/ BIRN: Përmbytjet nxjerrin në pah keqmenaxhimin e territorit dhe infrastrukturës appeared first on Albeu.com.

Babai dhe vëllai i Jurgen Karajt, i cili dyshohet se është marrë nga rrjedha e prroit të fshatit Dares, i bëjnë apel shtetit për intensifikimin e kërkimeve.

Ngjarja ka ndodhur rreth orës 01:00 pas mesnate, kur automjeti me të cilin po lëviznin dy të rinjtë ka përfunduar në prroin e fshatit Dares. Drejtuesi i mjetit ka arritur të dalë nga makina dhe është arrestuar nga policia, ndërsa Jurgen Karaj, i cili ishte pasagjer, rezulton i zhdukur prej 9 ditësh.

Pavarësisht kërkimeve intensive nga forca të shumta policie dhe ekipe shpëtimi, në terren nga zona e Ulzës deri në vendin ku automjeti përfundoi në rrjedhën e prroit, ende nuk është gjetur asnjë gjurmë e Jurgenit.

Babai i tij, Shaban Karaj, dhe vëllai, Endrin Karaj, u bëjnë apel institucioneve shtetërore që të shtohen forcat dhe mjetet për gjetjen e Jurgen Karajt. Ata theksojnë se të vërtetën ia kanë lënë drejtësisë dhe kërkojnë vetëm zbardhjen e plotë të ngjarjes.

“Kërkoj të më gjejnë vëllanë e të ma sjellin në shtëpi,, ngjarjen e zbardh policia, dua ngashteti të më gjejë vëllanë të ma sjellë në shtëpi. Ta varros ta di ku e kam. Kemi kërkuar por deri tani nuk ka pasur asnjë rezultat. Është 9 ditë sot që nuk kemi asnjë shenjë prej tij. Nuk dihet fati i tij. I bëj thirrje kryeministrit që të kemi më shumë forca për ta kërkuar”, shprehet vëllai i Jurgen Karaj.

The post “9 ditë pa asnjë gjurmë”/ Dyshohet se u mor nga rrjedha e përroit, babai dhe vëllai i Jurgen Karajit apel shtetit: Na ndihmoni ta gjejmë, ta dimë ku e ka varrin… appeared first on Albeu.com.

Sot, në tregun e këmbimit valutor shqiptar, një dollar amerikan do të blihet me 82.6 lekë dhe do shitet me 83.6 lekë.

Euro do blihet me 96.1 lekë dhe do shitet me 96.9 lekë.

Franga zvicerane sot në tregun shqiptar do blihet me 102.8 lekë dhe do shitet me 103.8 lekë.

Ndërsa paundi britanik do blihet me 110.5 lekë dhe do shitet me 111.5 lekë.

The post Këmbimi valutor sot/ Me sa lekë blihen e shiten valutat kryesore, çfarë ndodh me monedhat e tjera appeared first on Albeu.com.

Autoriteti Kombëtar i Ushqimit (AKU) ka njoftuar bllokimin dhe tërheqjen nga tregu të disa produkteve të formulës për fëmijë, pas një alarmi të ardhur nga Sistemi Evropian i Njoftimit të Shpejtë për Ushqimin dhe Ushqimin për Kafshët (RASFF).

Sipas njoftimit, Shqipëria është informuar nga RASFF se pas kontrolleve të kryera nga autoritetet italiane, është konstatuar prania e substancës Cereulide në formulë për fëmijë me origjinë nga Holanda, e cila përbën një rrezik potencial për shëndetin e njeriut.

Produktet e identifikuara janë:

BEBA PRE 800G – Lot nr. 51250346AA, skadencë 05.2027

BEBA PRE 800G – Lot nr. 51720346AA, skadencë 06.2027

BEBA PRE 800G – Lot nr. 51660346AC, skadencë 06.2027

BEBA 1 800G – Lot nr. 51180346AB, skadencë 04.2027

BEBA 1 800G – Lot nr. 51450346AA, skadencë 05.2027

BEBA 1 800G – Lot nr. 51660346AB, skadencë 06.2027

BEBA SUPREME PRE 800G – Lot nr. 51720742F3, skadencë 06.2027

BEBA SUPREME 2 800G – Lot nr. 51550742F1, skadencë 06.2027

BEBA SUPREME 2 800G – Lot nr. 51550742F2, skadencë 06.2027

AKU bën me dije se, pas kryerjes së kontrolleve dhe ndjekjes së plotë të gjurmueshmërisë, sasia e produktit është bllokuar dhe do të asgjësohet.

Autoriteti u bën thirrje konsumatorëve që nëse e kanë blerë këtë produkt dhe e kanë ende në përdorim, ta kthejnë menjëherë në pikat e shitjes, duke shmangur përdorimin e tij.

The post Alarmi u vu nga autoritetet italiane/ Përmban substancë të rrezikshme për fëmijët, AKU tërheq nga tregu qumështin formulë “BEBA” appeared first on Albeu.com.

Shërbimi Meteorologjik Ushtarak njoftoi se ditën e shtunë do të ketë mot të kthjellët në pjesën më të madhe të territorit. Në relievet malore lindore priten vranësira mesatare deri të dendura, me intervale të herëpashershme dielli.

Mjegull e dendur do të regjistrohet gjatë mëngjesit dhe mbrëmjes në zonat luginore.
Era do të fryjë kryesisht nga verilindja-lindja me shpejtësi mesatare 6 m/s, ndërsa përgjatë vijës bregdetare dhe zonave luginore shpejtësia e erës mund të arrijë deri në 12 m/s, shoqëruar me valëzim në det 1-2 ballë.

The post Kujdes nga mjegulla në rrugë! Moti sot parashikohet i kthjellët! Ja si luhaten temperaturat appeared first on Albeu.com.

Miri dhe Selin kanë biseduar me njëri-tjetrin në shtëpinë e “Big Brother VIP 5”, ku në një moment është përmendur dhe babai i banores.

Teksa Miri po i përsëriste një gjë, Selin iu kthye duke i thënë se është fiks si babai i saj: “Më duket sikur e kam përballë, por nuk e beson njeri”.

Më pas këngëtari e pyet nëse do t’a takojë ndonjëherë dhe balerina iu përgjigj: “Nuk e di, ndoshta edhe e ke mërzitur”.

Ndërkohë kujtojmë se babai i Selin ka bërë deklarata të forta kundër Mirit, duke e quajtur atë ‘zhigolo dhe pervers’. Gjatë një bisede telefonike me emisionin “Shqipëria Live”, ai shtoi se sipas tij, Miri bën çdo gjë për famë dhe lekë.

Pjesë nga biseda-

Selin: Nuk e beson njeri. Po je fiks, fiks, fiks.

Miri: Fiks si çfarë?

Selin: Fiks si ta kam lënë emrin. Fiks sikur e kam përballë, por s’e beson njeri.

Miri: A do ta takoj ndonjëherë?

Selin: S’e di. Ndoshta edhe e ke mërzitur.

Miri: Jo, s’kam mërzitur njeri. Edhe ai e di se çfarë bëj unë këtu.

Selin: S’e di.

Miri: E di pra. Kur thua fiks, ai e kupton se çfarë bëj unë.

The post “A do ta takoj ndonjëherë?”/ Selin bisedon me Mirin për babain e saj: Nuk e di ndoshta e ke mërzitur… appeared first on Albeu.com.

DASHI

Pas javësh pritjeje ose pengesash të vogla, dëshira për të ndërmarrë veprime dhe për të vërtetuar vlerën tuaj kthehet. Por kini kujdes të mos nxitoheni përpara: yjet po ju kërkojnë të jeni strategjikë. Në dashuri, ka më shumë pasion, por edhe disa sqarime të nevojshme; ata që janë beqarë mund të kenë një takim stimulues, ndoshta në një kontekst të papritur. Në punë, idetë fituese janë të shumta, por diplomacia është e nevojshme.

DEMI

Sipas horoskopit të Paolo Fox (e shtunë, 17 janar 2026), nuk ju pëlqejnë ndryshimet e papritura, megjithatë diçka po ndryshon brenda jush: dëshironi më shumë liri, më shumë hapësirë ​​për atë që ju bën të ndiheni mirë. Në dashuri, keni nevojë për konkretësi: më pak fjalë, më shumë veprim. Në punë, mund të merrni konfirmim ose një propozim që kërkon durim, por që do të shpërblehet në planin afatgjatë.

BINJAKËT

Është koha juaj për të sqaruar, shpjeguar dhe treguar histori. Vetëm kini kujdes të mos humbisni: shumë ide në të njëjtën kohë mund të çojnë në konfuzion. Në dashuri, ekziston një dëshirë për qetësi, por edhe për të vërtetën; ata që luajnë shumë fort rrezikojnë të humbasin diçka autentike. Kjo është një kohë e shkëlqyer për të studiuar, udhëtuar ose ringjallur një projekt.

GAFORRJA

Yjet ju nxisin të mbroni veten dhe të mos merrni përsipër probleme që nuk janë tuajat. Në dashuri, keni nevojë për siguri dhe mirësi; ata që janë në një lidhje të fortë mund të bëjnë plane, ndërsa ata që janë beqarë duhet të ndalojnë së shikuari prapa. Në punë, besoni intuitës suaj: një zgjedhje e bërë nga zemra do të jetë ajo e duhura.

LUANI

Sipas horoskopit të Paolo Fox (e shtunë, 17 janar 2026), pas një periudhe heshtjeje ose pritjeje, tani ndjeni dëshirë të ulërini, duke e bërë veten të dukshëm dhe të dëgjuar. Por kini kujdes me krenarinë tuaj: jo gjithçka është një sfidë. Pasioni po rritet në dashuri, por ju duhet të dëgjoni. Në punë, është koha e duhur për të kërkuar, për të propozuar dhe për të guxuar: yjet ju mbështesin, veçanërisht nëse besoni vërtet në veten tuaj.

VIRGJËRESHA

Kjo është një fazë në të cilën gjërat po qetësohen, edhe nëse jo gjithçka është e menjëhershme. Në dashuri, keni nevojë për më pak kritika dhe më shumë mirëkuptim: jo të gjithë mendojnë si ju. Në punë, jeni të saktë dhe të besueshëm, dhe kjo do të vihet re. Thjesht kini kujdes me stresin: jepini vetes një pushim, madje edhe mendërisht.

PESHORJA

Disa njerëz po kërkojnë shumë nga ju dhe të tjerë po ju japin shumë pak: është koha për të sqaruar. Në dashuri, mund të lindin vendime të rëndësishme, jo gjithmonë të lehta, por të nevojshme. Në punë, një bashkëpunim mund të jetë i paçmuar, për sa kohë që nuk sakrifikoni veten për t’i pëlqyer të tjerëve.

AKREPI

Sipas horoskopit të Paolo Fox (e shtunë, 17 janar 2026), nuk ju pëlqejnë gjysmat e masave, dhe tani yjet po ju kërkojnë të hiqni dorë nga ajo që nuk funksionon më. Pasioni është në kulmin e tij në dashuri, por xhelozia është gjithashtu një sfidë për t’u menaxhuar. Në punë, mund të bëni një lëvizje të rëndësishme strategjike: ndiqni instinktet tuaja, por mos veproni impulsivisht. Diçka mbyllet, diçka më e mirë hapet.

SHIGJETARI

Yjet flasin për zgjerim, ide të reja dhe horizonte të reja. Në dashuri, nevojitet ndershmëri: nëse diçka ju rëndon, flisni hapur. Kjo është një kohë e shkëlqyer për udhëtime, kontakte ndërkombëtare dhe ndryshime në rol ose perspektivë në punë. Energjia juaj po rritet; përdoreni atë me mençuri.

BRICJAPI

Po ndërtoni diçka të rëndësishme, edhe nëse ndonjëherë ndiheni të lodhur. Yjet ju kërkojnë qëndrueshmëri, jo ngurtësi. Në dashuri, keni nevojë për më shumë kohë për t’iu përkushtuar ndjenjave tuaja: puna nuk mund të vijë gjithmonë e para. Profesionalisht, përgjegjësitë rriten, por edhe kënaqësia rritet. Mos e nënvlerësoni një ofertë.

UJORI

Sipas horoskopit të Paolo Fox (e shtunë, 17 janar 2026), ide të reja, dëshirë për ndryshim, por edhe pak konfuzion. Yjet ju ftojnë të zgjidhni një drejtim. Në dashuri, nevojitet qartësi: qoftë brenda ose jashtë. Në punë, është koha e duhur për të eksperimentuar, por pa prishur gjithçka. Inovacioni është i mirëpritur, kaosi jo.

PESHQIT

Ndjeni thirrjen e fortë të shpirtit tuaj. Yjet flasin për intuitë, ëndrra dhe emocione të thella. Në dashuri, ka romancë, por kini kujdes nga iluzionet. Në punë, ndiqni atë që ju frymëzon vërtet: talenti mund të shfaqet nëse ndaloni së dyshuari në vetvete. Kujdesuni për pushimin dhe mirëqenien e brendshme.

The post HOROSKOPI I SË SHTUNËS/ Parashikohen konflikte të vogla në dashuri, do të jeni të dyzuar mes… appeared first on Albeu.com.