Policia e Tiranës, ka njoftuar se përfaqësues të Partisë Demokratike të Shqipërisë, kanë depozituar kërkesë për zhvillimin e një tubimi, i cili do të mbahet ditën e nesërme, në orën 17:00, para godinës së Kryeministrisë.

Në funksion të garantimit të rendit dhe sigurisë publike, si edhe për mbarëvajtjen e tubimit, Policia e Tiranës ka marrë të gjitha masat e nevojshme në zbatim të ligjit “Për tubimet”.

Si pasojë e këtyre masave, do të ketë kufizime të qarkullimit dhe parkimit të automjeteve në disa akse kryesore rrugore të kryeqytetit.

Konkretisht, nga ora 23:45 e ditës së sotme do të bllokohet lëvizja dhe nuk do të lejohet parkimi i automjeteve në bulevardin “Dëshmorët e Kombit”, nga zona e njohur si “Ura e Dajtit” deri në rrugën “Ismail Qemali”, deri në përfundim të tubimit.

Ndërkohë, ditën e nesërme, nga ora 15:00 dhe deri në përfundim të protestës, do të ndalohet qarkullimi i automjeteve në bulevardin “Dëshmorët e Kombit”, nga kryqëzimi pranë Ministrisë së Brendshme deri te sheshi “Nënë Tereza”.

Po ashtu, do të ketë bllokime edhe në rrugët “Ukraina e Lirë”, “Papa Gjon Pali II” dhe “Ismail Qemali”.

Policia bën me dije se, në varësi të zhvillimit të tubimit, mund të ketë kufizime të mëtejshme edhe në akse të tjera rrugore.

Në rast bllokimesh, qarkullimi do të devijohet në rrugë alternative, për të lehtësuar lëvizjen e qytetarëve.

Në njoftimin e saj, Policia e Tiranës u bën thirrje qytetarëve që të shmangin lëvizjen me automjete në akset që do të bllokohen dhe të përdorin rrugë alternative.

Gjithashtu, ajo apelon që qytetarët të distancohen nga çdo veprim i kundërligjshëm që mund të cenojë rendin dhe sigurinë publike.

The post Nesër protesta kombëtare e PD/ Policia plan masash: Kufizim i qarkullimit në këto akse rrugore appeared first on Albeu.com.

Në një bisedë shumë prekëse me Stenaldon, Luizi ka vendosur të hapë zemrën dhe të flasë pa filtra për periudhën më të errët të jetës së tij. Ai rrëfen se, një vit para se të bëhej baba, ndodhej në një gjendje ku kishte humbur çdo shpresë për të ardhmen. Në moshën 37-vjeçare, ndiente se jeta nuk i rezervonte as familje, as rol prindi dhe as mundësinë për të qenë shembull për dikë.

Luizi tregon se kjo ndjesi boshllëku e çoi drejt një izolimi të thellë. Vetmia, sipas tij, ishte përvoja më e vështirë që kishte kaluar ndonjëherë. Me kalimin e kohës, ai u mësua me të, por kjo nuk e bëri dhimbjen më të lehtë përkundrazi, e çoi drejt depresionit dhe stresit të vazhdueshëm.
Në këtë gjendje, ai pranon se kishte tentuar gjithçka për të dalë nga errësira, madje edhe veprime që i quan “budallallëqe”. Mes tyre, një moment shumë i rëndë, ku kishte menduar t’i jepte fund jetës.

‘Unë 38-vjeçe u bëra baba. 37-vjeçe i kisha humbur shpresat, thoja që nuk do kem kurrë familje, nuk do jem kurrë shembull i fëmijës tim por u mësova dhe nisa ta vuaj shumë. Kam jetuar vetëm dhe vetmia është gjëja më e tmerrshme në botë. Po u mësove, asgjë nuk të prek më. Në vetmi ti kalon gjithçka, kam tentuar t’i jap fund jetës, është shumë e rendë. Po e kalove këtë fazë kthehesh te faza që bëhesh i akullt. Thua kur nuk ia ndjen botës për mua përse të ma ndiejë mua? Aty pastaj ti ke rrugën më të rëndësishme dhe thua ‘çfarë do bëj tani’?’

The post Rrëfimi tronditës i Luiz Ejllit: Kam tentuar t’i jap fund jetës appeared first on Albeu.com.

Paraqitjet pozitive të futbollistëve kuqezinj që aktivizohen jashtë vendit kanë vijuar edhe fundjavën e sapombyllur, me disa prej tyre që kanë spikatur, duke dhënë kontribut vendimtar për skuadrat respektive në kampionatet ku aktivizohen.

Protagonisti absolut i javës ishte Arlind Ajeti. Qendërmbrojtësi i Kombëtares, realizoi dy gola në fitoren e thellë 0-5 të Adana Demirspor ndaj Bodrumspor, duke shënuar dy golat e parë të takimit dhe duke udhëhequr ekipin drejt një suksesi bindës.

Një paraqitje shumë e mirë për mbrojtësin kuqezi, i cili u shfaq vendimtar edhe në fazën ofensive.

Paraqitje të shkëlqyer zhvilloi edhe Taulant Seferi në të njëjtën sfidë. Sulmuesi shqiptar shënoi golin e pestë të takimit dhe dhuroi asist për golin e katërt, duke mbyllur një ndeshje perfekte.

Ky ishte goli i 13-të sezonal në kampionat për Seferin, i cili vijon të konfirmohet si një nga lojtarët më vendimtarë të skuadrës së tij.

Në Turqi spikati gjithashtu Ernest Muçi. Sulmuesi kuqezi realizoi një gol dhe dha një asist në fitoren 3-0 të Trabzonspor në transfertë ndaj Samsunspor, duke qenë një nga lojtarët më të mirë në fushë dhe duke dhënë kontribut të rëndësishëm për skuadrën e tij. Ky ishte goli i 9-të sezonal në kampionat për Ernest Muçin.

Në Itali, Cristian Shpendi ishte protagonist me Cesenan. Sulmuesi shqiptar asistoi për golin e parë në fitoren 2-0 ndaj Pescarës, ndërsa në fund të takimit pati mundësinë të shënonte edhe nga pika e bardhë, por nuk ia doli, pasi gjuajtja e tij u prit nga portieri kundërshtar.

Titullarë me klubet e tyre këtë javë ishin gjithashtu Thomas Strakosha, Mario Mitaj, Berat Gjimshiti, Qazim Laçi, Ylber Ramadani, Juljan Shehu, Arbër Hoxha, Jasir Asani, Rey Manaj dhe Anis Mehmeti, të cilët vijojnë të japin kontribut të rëndësishëm me klubet e tyre.

The post Paraqitjet e legjionarëve/ Ajeti protagonist me dy gola, Seferi dhe Muçi vendimtarë appeared first on Albeu.com.

Apeli i GJKKO, ka dënuar me 1 vit burg kryebashkiakun socialist të Rrogozhinës, Edison Memolla.

Pas vendimit të dhënë nga Apeli i GJKKO, SPAK pritet të bëjë urdhrin e ekzekutimit, duke vënë në pranga kryebashkiakun.

Hetimet për kryebashkiakun e Rrogozhinës, nisën pasi në media u publikua një audio përgjim ku siç thotë SPAK, dëgjohet Edison Memolla në atë kohë kandidat për kryetar bashkie në Rrogozhinë, duke ndikuar  tek një punonjës i OSHEE , për të mos i ndërprerë energjinë elektrike një abonenti debitor.

The post Dënohet me burg kryebashkiaku socialist Edison Memolla appeared first on Albeu.com.

Rita dhe Roza Lati ishin të ftuara këtë fundjavë në emisionin “Me prit të dielën”, ku ndanë me publikun detaje si nga bashkëpunimi i tyre profesional, ashtu edhe nga marrëdhënia nënë–bijë. Gjatë bisedës dyshja folën për vlogun që kanë nisur së bashku, ndërsa Rita vlerësoi korrektësinë e Rozës në aspektin financiar. Ajo theksoi se përveç pagesës, e bija e surprizon shpesh edhe me shpërblime të tjera, duke e quajtur bashkëpunimin mes tyre të sinqertë dhe të balancuar.

Vëmendje të veçantë mori edhe jeta personale e Rozës, një temë e komentuar shpesh në media. Rita nuk e fshehu dëshirën e saj për t’u bërë gjyshe dhe zbuloi se ka ndërmarrë hapa konkretë për ta realizuar këtë ëndërr, duke u interesuar për metoda moderne të të pasurit një fëmijë.

Nga ana tjetër, Roza pranoi se dëshira për t’u bërë nënë është shumë e fortë dhe se kjo është një lutje e vazhdueshme për të. Megjithatë, ajo theksoi se ka pritshmëri të qarta, duke theksuar se dëshiron një lindje natyrale dhe praninë e babait në jetën e fëmijës.

“Edhe unë e dua një fëmijë, lutem për një bebe. Jam për një lindje natyrale, që fëmija të ketë babain prezent, kjo është ajo që dua,” u shpreh ajo.

The post “Lutem për një bebe”/ Roza Lati rrëfen dëshirën për t’u bërë nënë appeared first on Albeu.com.

Paralajmërimit të kryeministrit Rama se do të ndërhyjnë në legjislacion, pas vendimit të Gjykatës Kushtetuese për pezullimin e Ballukut, Berisha iu përgjigj se, “qëndrimi i opozitës do të jetë protesta dhe revolta”.

Në konferencë me gazetarët, Berisha deklaroi se opozita ka dialog konstant vetëm me qytetarët.

“Qëndrimi i opozitës do jetë protestë, revoltë dhe asnjë votë për asnjë hap të kreut të organizatës kriminale në mbrojtje dhe krimeve në vjedhje të tyre. Ne kemi dialog konstant me qytetarët, i ftojmë që me guxim ti tregojnë vendin këtyre narko-qeveritareve”, tha Berisha.

Ndërsa i pyetur në lidhje me protestën e banorëve në Rrjoll kundër ndërtimit të një resorti, Berisha tha:

“Ne mbështesim çdo protestë të drejtë. Ne kërkojmë dhe insistojmë respektin e plotë të të drejtave të pronësisë dhe të drejtave të tjera të qytetarët. Së treti i them atij qytetari se PD është interesuar, dhe deputetë të PD kanë qenë aty dhe janë marrë me problemin”.

The post Rama paralajmëroi ndërhyrje në legjislacion për vendimin e ‘Kushtetueses’ për Ballukun, reagon Berisha: Qëndrimi i opozitës protesta dhe revolta! Ne jemi në dialog me… appeared first on Albeu.com.

Ditën e sotme, nuk munguan debatet te Komisioni për Administratën dhe Çështjet Ligjore në Kuvend. Pas fjalës së ministres për Evropën dhe Punët e Jashtme, Elisa Spiropali, për projektligjin e ri për shërbimin e jashtëm, mbledhja kaloi me pyetje dhe përgjigje të deputetëve prezent.

Nga opozita e mori fjalën ligjvënësi i PD, Saimir Korreshi, i cili nuk i mungoi ironitë, duke u shprehur se mos bëhet Akademia Diplomatike që propozohet si ajo e Barinjve të ish-ministres Frida Krifca.

Korreshi hodhi dyshime se diplomatët e rinj do jenë socialistë dhe do e japin provimin tek PS-ja, do të jenë siç tha ai “taze me teserë”.

Ai tha se po kërkohet që të ndryshohet një ligj që ishte miratuar në vitin 2015, që ishte miratuar nga vetë PS-ja, ndërsa shtoi se në diplomaci janë emëruar vetëm socialistët.

“Shoh që trupi diplomatik ka përparësi, se boll këto avantazhimet ekonomike. E vetmja kategori, jemi ne që rrimë të lodhur dhe presim nëpër kafe, janë deputetët. E kemi në qiell namin, por duhet të hysh mik për një copë letër te sekretaria. Te kjo pjesë, me Akademinë, se më kujtohet ajo, mos kthehet kjo akademia, akademia e barinjve? Si ajo që sugjeroi zonja Kricfa (ish-ministrja), dhe kthehet gjeli me një thelë. Ju zonja ministre, thatë se ligji nis me ndryshime gjeopolitike dhe thatë se këto vitet e fundit ka ndryshuar bota dhe Europa. Por sa vite keni në pushtet ju? Ju deshën 13 vite që të merrnit vesh se ka ndryshuar bota. Në 2015u bë ligji që sot është në fuqi. Por çfarë nuk funksion te ky ligj që bëtë ju, se ndoshta ne ishim demode”, tha ai.

Më tej, deputeti pyeti se çfarë ka ndryshuar që ishte i nevojshëm ky projektligj për shërbimin e jashtëm dhe cilat do jenë rregullat, pasi shtoi se do të duhej tesera e PS për t’u bërë diplomat.

“Çfarë ndryshoi? Pse nuk është ky ndryshim në relacion? Pse nuk është përcaktuar! Meqë Europa ka ikur përpara, por cilët vende iu referohet ky ligj? Na cituat këtë gjë me akademinë, por cili vend e ka? Doni dy kamberë me një derë! Po cili nga këto vende ka!? Ky ligj, e zhvesh nga ana profesionale trupën diplomatike. Ligjet e mëparshme e kishin 20%. Tani po e hiqni fare, por çfarë ndryshimi ka? A duhen me tesera të PS? Ore hajde fusim ata të PS dhe heqim ata diplomatë që nuk kanë bindjen si ju. Ju do të emëroni ambasadorë ad-hoc, pra ti vësh atij dhe një ambasador tjetër, e nuk të pëlqen ky! Kështu do funksionojë? Çfarë janë këta që do të hyjnë këta të rinjtë, taze, që kanë qenë në OKB, OJZ, po kush i ha këto rrena?! Kush i ha këto përralla me mbret”, tha deputeti opozitar.

Korreshi u kap edhe me kryetarin e Komisionit, Ulsi Manja, i cili i ndërhyri gjatë fjalës që të përqëndrohej te pyetjet dhe jo komentet.

“Të rinj me teserë PS, kush do e bëjë provimin, partia komuniste? Këta të rinjtë nuk kanë vendojë për provim se kanë qenë në OKB, dhe do i nënshtrohen ata që kanë 30 vite! A ka një tjetër mendim, hajd të diskutojmë e të flasim. Dy gjuhë të huaja? Po e bëjmë tre ne. Ty të ka ikur e gjitha PS-ja në diplomaci o Ulsi. Më lerë rehat o burri i dheut! Puna e ambasadorëve për mua është shumë e rëndësishme dhe shumë e ndjeshme. Kush vende ka dy ambasadorë për një vend?! 700 mijë lekë një ambasador nuk mund të marrë. Dy kamberë me një derë? Jo nuk shkon! A do ketë një risi ndryshe nga ajo që duket, për këtë flasim”, përfundoi ai.

Ministrja Spiropali e kontestoi deputetin, duke i thënë se e priste që të bënte interpretime të tilla për akademitë dhe i kujtoi se gjithmonë mban qëndrime me dy standarde apo bipolike.

“E prisja atë krahasim mes akademive. Por secila akademi ka risitë e veta zoti deputet. Por ka nevojë edhe për pak ajër ndryshe. Ne e dimë se zoti Korreshi ka mendime bipolike (dystandardshe). Nuk ka asnjë shërbim të jashtëm që ka këtë akademi diplomatike dhe shërbim të këtij niveli, ndaj ky është qëllimi. Ky ligj nuk shfuqizon vetëm atë të 2015, por edhe atë të 1998 të Konsullatave e shërbimeve konsullore”, tha Spiropali.

The post Korreshi ironizon Akademinë e Diplomacisë: O Ulsi, ty të ka ikur e gjithë PS-ja në… appeared first on Albeu.com.

Klodian Mihaj dhe Elijona Binakaj kanë kurorëzuar sonte (e diel) dashurinë e tyre me martesë.

Atyre i është organizuar një dasmë në Big Brother VIP Kosova 4, konkretisht në Klan Arena.

Në fund normalisht që kërkohet edhe puthja në mes të çiftit, gjë që nuk ndodhi.

Klodi tentoi më shumë se dy herë për një puthje në buzë, por që u refuzua nga Elijona.

Ai më pas i dha një përqafim, si shenjë miqësie, por jo më shumë mes tyre.

Më pas u krijua një atmosferë e mrekullueshme nën performancën e Yllka Kuqit.

Klodi nga ana tjetër ka të dashur jashtë shtëpisë së famshme, reality shout.

The post Tentoi dy herë, por Elijona refuzoi ta puthte Klodin në buzë appeared first on Albeu.com.

Faza përfundimtare në gjykimin ndaj krerëve të UÇK-së, që ka nisur sot në Hagë, ka marrë vëmendjen edhe të mediave ndërkombëtare.

Reuters raporton se prokurorët ndërkombëtarë për krime lufte kanë kërkuar dënim me 45 vjet burg për ish-presidentin e Kosovës, Hashim Thaçi, dhe tre të bashkëakuzarit, ish-komandantë të Ushtrisë Çlirimtare të Kosovës (UÇK).

Sipas raportit të Reuters, ata janë akuzohen për përndjekje, vrasje, torturë dhe zhdukje të detyruara gjatë dhe menjëherë pas konfliktit të vitit 1998–99, që çoi drejt pavarësisë së Kosovës nga Serbia.

Gjykimi ndaj Thaçit dhe të tjerëve në fazën përfundimtare – ZPS kërkon 45 vjet dënim për secilin

Prokurorja Kimberly West i tha gjykatës në Dhomat e Specializuara në Hagë se të akuzuarit kryen krime kundër “personave që i potenconin si kundërshtarë” për të marrë kontrollin e Kosovës, duke përfshirë më shumë se 100 vdekje dhe keqtrajtime në kampet e UÇK-së.

Thaçi, i cili ka shërbyer si kryeministër, ministër i Jashtëm dhe president i Kosovës midis viteve 2008 dhe 2020, mohon të gjitha akuzat së bashku me të bashkëakuzarit.

Raporti i Reuters nënvizon se kjo gjykatë, e themeluar në Hagë me gjyqtarë dhe prokurorë ndërkombëtarë, është ngritur për të trajtuar krimet e dyshuara të luftës sipas ligjit të Kosovës, por ka sfiduar perceptimet e brendshme ku shumë e shohin UÇK-në si heroike e gjykatën si të njëanshme.

The post Reuters raporton për fazën përfundimtare të gjykimit ndaj krerëve të UÇK-së appeared first on Albeu.com.

Këtë të hënë, Shkëlqim Hajdari, ka marrë detyrën zyrtarisht si Prefekti i ri i Tiranës. Në fjalën e mbajtur ai ka deklaruar se si busull në punën e tij do të ketë vetëm ligjin, ndërsa ka shtuar se ky do të jetë posti i fundit që do të mbajë, pas 35 vitesh në shërbim të shtetit shqiptar.

“Kjo frymë e ka bërë Tiranën një frymë të hapur për të gjithë ata që erdhën për të ndërtuar jetën këtu, duke e kthyer sot në një metropol.

Sot dua të them të hapur, do të jem prefekt i të gjithëve, të çdo kujt që jeton në metropol pa dallime. Kjo sepse Tirana është e fortë vetëm kur banorët janë të bashkuar. Busulla ime do të jetë vetëm ligji.

Kam mbi 35 vite që shërbej në shtetin shqiptar, por ky pozicion do të jetë më i dashuri ndoshta edhe i fundit. Pikërisht për këtë arsye dua të ushtroj me dinjitet e të lë gjurmë për mirë”, u shpreh ai.

The post Shkëlqim Hajdari merr detyrën si Prefekt i Tiranës: Busulla ime do të jetë vetëm ligji appeared first on Albeu.com.

Këtë të hënë, u mbajt në Gjykatën e Posaçme seanca paraprake për dosjen e Erion Veliajt. Mësohet se është vendosur që dosja e kreut të Bashkisë Tiranë, Erion Veliaj, të kalojë për gjykim.

Gazetarja Klodiana Lala, shprehet se; “Pas katër muaj zvarritje në seancë paraprake gjykata e posaçme vendosi ta konsiderojë të plotë vendimin e prokurorisë së posaçme. Përgjatë këtyre muajve, avokatët e zotit Veliaj kanë munguar në mënyrë të vazhdueshme”.

Seanca e parë u zhvillua më 29 shtator 2025, por u shty për mosparaqitje të avokatit. Për të njëjtën arsye u shtynë edhe seancat e 10 tetorit, 21 tetorit dhe 28 tetorit, kur Veliaj zëvendësoi avokatët që e kishin përfaqësuar gjatë hetimit paraprak dhe seancës së masës së sigurimit personal. Ai pajtoi atëherë për t’u përfaqësuar avokatin Artan Gjermëni.

Seancat e 12 dhe 17 nëntorit u shtynë për t’u dhënë kohë avokatëve të përgatisnin kërkesat e tyre në seancën paraprake.

Seanca e 2 dhjetorit, u shty për t’i dhënë kohë avokatit të konsultohej me të pandehurin, ndërsa ajo e 12 dhjetorit për t’u dhënë kohë për përgatitjen e kërkesave në seancë paraprake.

Në këtë seancë, Veliaj largoi si mbrojtës avokatin Gjermëni dhe gjykata caktoi kryesisht avokaten Valentina Teodoresku për mbrojtjen e tij.

Seanca paraprake dështoi të përmbyllej edhe në janar të këtij viti, kur seanca e 5 janarit u shty për mungesë të një avokati, ndërsa ajo e 19 janarit për t’i dhënë kohë konsultimit me të pandehurin.

Seanca e zhvilluar më 2 shkurt u shty për shpallje vendimi, që do t’u njoftohet palëve në proces sot.

Neni 332 i Kodit të Procedurës Penale, “Caktimi i seancës paraprake”, përcakton ndër të tjera se: “Gjykata vendos mbi kërkesën për dërgimin e çështjes në gjyq brenda 30 ditëve nga data e depozitimit të saj”.

Erion Veliaj u arrestua më 10 shkurt, pasi akuzohet se, së bashku me bashkëshorten Ajola Xoxa, ndërtuan një skemë komplekse korrupsioni dhe pastrimi parash për të përfituar në mënyrë të paligjshme nga fondet e bashkisë së kryeqytetit dhe ryshfete nga biznesmenë kontraktorë të saj, duke përdorur një rrjet kompanish dhe organizatash jofitimprurëse.

Sipas SPAK, kryebashkiaku i kryeqytetit dhe bashkëshortja e tij kanë përfituar rreth 1 milion euro nga kjo skemë korruptive.

The post GJKKO kalon për gjykim dosjen e kryetarin e Bashkisë Tiranë, Erion Veliaj appeared first on Albeu.com.

Presidenti i SHBA-ve, Donald Trump, ka shprehur shqetësimin e tij për sigurinë personale, duke thënë se pozicioni i presidentit është më i rrezikshmi në botë.

Në një intervistë për NBC Trump pranoi se tani mendon më shumë për çështjet e sigurisë, sidomos pas tentativave të mëparshme për vrasje.

Ai shtoi se, megjithëse shqetësohet, përpiqet të mos lejojë që frika të dominojë, pasi ndryshe nuk mund të kryente detyrat e tij.

“Jam i shqetësuar, por duhet ta largosh nga mendja për të bërë punën tënde,” tha ai.

Në këtë kuadër, presidenti përmendi edhe masat e shtuar sigurie në vendet ku zhvillohen ngjarje zyrtare. Ai përshkroi një hapësirë të re me dritare antiplumb dhe tavan të përforcuar, i cili, sipas tij, është projektuar për të rezistuar edhe ndaj përplasjes së një droni, pa shkaktuar shpërthim në ndërtesë.

Sipas Trump, struktura është ndërtuar me çelik të rëndë dhe ka vetëm karakter mbrojtës.

Ai theksoi gjithashtu se “jetojmë në kohë të ndryshme” dhe se kushtet e sotme kërkojnë masa të rritura sigurie, veçanërisht gjatë shfaqjeve publike ose ngjarjeve të rëndësishme politike.

Trump vuri në dukje se, statistikisht, presidenca është më e rrezikshme edhe se profesione të rrezikshme si gara me shpejtësi ose sportet ekstreme.

Në përfundim, presidenti nënvizoi se, pavarësisht rreziqeve që lidhen me postin, përgjegjësia e detyrës e kërkon të vazhdojë të kryejë detyrat e tij, me mbrojtje, por pa lejuar që frika të diktojë sjelljen e tij.

Join me in prayers of protection for our President. He does have the most dangerous job in the world especially with these leftest crazies running around. pic.twitter.com/2PAsNxKsPW

— ⚔️ Love Me When I’m Gone ⚔️ (@TSH3_) February 5, 2026

The post Donald Trump: Jam i shqetësuar për sigurinë time, puna e presidentit është më e rrezikshmja në botë (VIDEO) appeared first on Albeu.com.

Hetimet për dosjen e bujshme të AKSHI-t, kanë hyrë në një fazë më intensive pas dëshmisë së Daniel Shimes, ish-zëvendësdrejtor i këtij institucioni, i cili ka deklaruar se veprimet abuzive janë kryer me urdhër të drejtpërdrejtë të Mirlinda Karçanajt.

Dëshmia e tij, e konsideruar kyçe nga organi i akuzës, ishte ajo që i hapi rrugë SPAK-ut për të siguruar mbështetjen e Apelit të GJKKO-së në lënien në arrest shtëpie të Karçanajt dhe zëvendëses së saj, Hava Delibashit.

Dosja e AKSHI-t konsiderohet një nga më të mëdhatë e dekadave të fundit, ku hetimet kanë zbuluar një skemë të gjerë manipulimi tenderash, rritje fiktive kostosh dhe presioni ndaj kundërshtarëve përmes pengmarrjes.

Në qendër të kësaj skeme sipas SPAK qëndrojnë Ergys Agasi dhe Ermal Beqiri, ndërsa Mirlinda Karçanaj, Hava Delibashi, Andis Papa dhe të tjerë dyshohet se kanë zbatuar urdhrat e kësaj dysheje, me Beqirin të përshkruar si figurë ekzekutuese në shërbim të Agasit.

Megjithëse ndaj Agasit dhe Beqirit është urdhëruar arresti dhe ata rezultojnë në arrati, pagesat nga AKSHI drejt kompanive të lidhura me dosjen nuk janë ndalur.

Të dhënat e konsultuara nga skyweb.al përmes platformës OpenSpending Albania tregojnë se vetëm dy ditë pasi SPAK shpalli në kërkim pronarin e saj, kompania Horizon e Ermal Beqirit ka përfituar një pagesë prej rreth 430 mijë lekësh nga AKSHI për mirëmbajtjen e platformës së Agjencisë së Prokurimeve Publike, si pjesë e pagesave periodike.

Pagesa pas operacionit të SPAK te AKSHI ka marrë edhe kompania First e Gëzim Hoxhës, edhe ai me masë sigurie nga GJKKO për skandalin AKSHI.

Skandali zgjerohet edhe më tej me rastin e kompanisë Fastech të Andis Papës.

Sipas të dhënave të konsultuara nga Skyweb.al, kjo kompani ka përfituar gjithsej rreth 31.6 milionë lekë, ose afërsisht 350 mijë euro, që nga data 8 dhjetor, periudhë kur SPAK kërkoi masën e sigurimit “ndalim i daljes jashtë shtetit” për Papën, i dyshuar si pjesë e skemës së zhvatjes së fondeve publike përmes AKSHI-t.

SPAK dyshon se Andis Papa me Fastech, ka shërbyer si hallkë në pastrimin e parave, përmes një transaksioni rreth 10 milionë eurosh për blerje çokollatash dhe biskotash.

Ky transaksion, sipas hetimeve dyshohet se kishte për qëllim legalizimin e fitimeve nga tenderët abuzivë.

Prokuroria ka deklaruar se procedurat e prokurimit manipuloheshin për t’u fituar nga kompani të kontrolluara nga Ermal Beqiri dhe Andis Papa, ndërsa fitimet transferoheshin në mënyrë fiktive te subjekte të tjera, në pronësi të grupit nën koordinimin e Ergys Agasit.

Sipas akuzës, skema funksiononte në bashkëpunim të ngushtë mes aktorëve privatë dhe drejtuesve të institucionit.

Nga ana tjetër, ndërsa Agasi dhe Beqiri, rezultojnë në arrati dhe Papa vijon të përfitojë pagesa, aktiviteti ekonomik duket se vazhdon pa ndërprerje përmes figurave të tjera.

Të dhënat tregojnë se Gerond Meçe, përmes kompanisë Advance Business Solutions, ka përfituar rreth 40 mijë euro pagesa nga AKSHI dhe institucione të tjera që prej fillimit të dhjetorit.

Në të njëjtën kohë, kjo kompani rezulton të ketë fituar disa kontrata të reja, duke u rikthyer në skenë pas largimit të aktorëve kryesorë të skemës.

Pamja që del nga të dhënat financiare është se, pavarësisht arrestimeve, masave të sigurisë dhe arratisjes së figurave kyçe, fluksi i parave publike nuk është ndalur.

Ndryshojnë emrat që dalin në skenë, por mekanizmi vijon të funksionojë, ç’ka tregon se ndërkohë që aktorët dhe regjisori i skandalit AKSHI janë në kërkim dhe arrati, “producenti” ndodhet ende në Tiranë duke futur dhe nxjerrë nga skena personazhe të ndryshëm me qëllim që të vijojë spektakli me fondet publike te AKSHI. /skyweb.al

The post Ermal Beqiri, Gerond Meçe dhe Andis Papa i Fastech vijojnë marrjen e pagesave nga AKSHI pavarësisht DOSJES së SPAK me akuza për zhvatje, pengmarrje dhe abuzime me paratë publike appeared first on Albeu.com.

Kryeministri i vendit Edi Rama, ka zhvilluar një mbledhjen me Grupit Parlamentar të Partisë Socialiste, pas vendimit të fundit të Gjykatës Kushtetuese që rivendosi pezullimin e ministres Belinda Balluku, duke paralajmëruar se socialistët do ta zgjidh çështjen përmes ndërhyrjes në legjislacion.

“Nisur edhe nga leximi i deklaratës publike të Gjykatës Kushtetuese, ku të gjithë anëtarët e trupës shfaqen unanimë lidhur me problemin, po ndahen tek rrugëzgjidhja, grupi parlamentar socialist do të angazhohet për zgjidhjen përmes ndërhyrjes në legjislacion”, shkruan Rama.

Sipas kryeministrit, funksionet e padelegueshme kushtetuese nuk mund të pezullohen nga askush, duke u nisur nga një emër përveçëm, pasi kjo sipas tij, do të paralizonte institucionin që ata drejtojnë.

REAGIMI:

Tre konkluzione nga mbledhja e Grupit Parlamentar pas mosvendimit të Gjykatës Kushtetuese dhe rivendosjes së pezullimit të ministres nga :

1. Funksionet e padelegueshme kushtetuese, nga ai i anëtarit të qeverisë tek ai i Presidentit të Republikës dhe jo vetëm, nuk mund të pezullohen kurrësesi nga askush duke u nisur nga një emër përveçëm, sepse pezullimi paralizon funksionin, pra institucionin që ai/ajo drejton.

2. Nisur edhe nga leximi i deklaratës publike të Gjykatës Kushtetuese, ku të gjithë anëtarët e trupës shfaqen unanimë lidhur me problemin, po ndahen tek rrugëzgjidhja, grupi parlamentar socialist do të angazhohet për zgjidhjen përmes ndërhyrjes në legjislacion.

3. E vetmja palë e përmbushur nga rikthimi i pezullimit është SPAK-u, që në kushtet e pezullimit mund të vazhdojë krejt qetësisht hetimin përkatës, ndërkohë që deri në adresimin ligjor të zgjidhjes nuk ka asnjë urgjencë për të trajtuar kërkesën që SPAK-u bëri pas rënies së masës së pezullimit.

Një shtesë nga ana ime:

SPAK-u nuk preket, vetëm mbështetet. Liria dhe e drejta e çdo prokurori për të hetuar çfarëdoqoftë e këdoqoftë nuk preken, vetëm garantohen. Pavarësia kushtetuese e pushtetit legjislativ dhe ekzekutiv, gjithashtu nuk preken. Vetëm garantohen.

The post SPAK kërkon arrestimin e Ballukut/ Kushtetuesja e rrëzoi, Rama nuk ndalet: Do të ndërhyjmë në legjislacion, asnjë urgjencë për imunitetin appeared first on Albeu.com.

Biance Censori ka ndarë një informacion rreth marrëdhënies së saj me bashkëshortin Kanye West.

Arkitektja australiane u martua me reperin kontrovers në vitin 2022. Në një intervistë të sinqertë, Bianca foli hapur rreth vuajtjeve nga probleme emocionale, për shkak të të cilave kaloi ca kohë në një klinikë rehabilitimi në Spanjë. Zhvillimi i ri vjen disa ditë pasi u raportua se 31-vjeçarja u përpoq të dilte nga martesa e saj disa herë për shkak të vërejtjeve dhe lëvizjeve antisemite të Kanye-t.

Por sipas deklaratave të fundit të Censorit, duket se ajo është mirënjohëse ndaj bashkëshortit të saj që e ndihmoi në fazën më të vështirë.

Gjatë një bisede me revistën Vanity Fair, ajo foli hapur për vuajtjet e saj emocionale dhe tha: “Kisha nevojë të punoja me veten”.

“Meqenëse kisha modele të gjërave që bëja, të cilat jo vetëm që më dëmtonin mua, por edhe njerëzit përreth meje”, shtoi Biance.

Ajo zbuloi se do t’i fajësonte të tjerët si shkakun e lumturisë dhe pakënaqësisë së saj.

Bianca tregoi se rehabilitimi “i ndryshoi jetën plotësisht” pasi më parë ajo kishte “çrregullime emocionale”. Por tani ajo mund të funksionojë në mënyrë aktive.

Ajo i dha shumë merita West për shërimin e saj. “[I thashë atij] ‘Asgjë që më ke blerë ndonjëherë nuk është e barabartë me sa e rëndësishme ishte kjo për mua’, këmbënguli ajo.

Për Biance, vendimi për të paguar për trajtimin e saj ishte dhurata më e mirë që mund të merrte ndonjëherë nga Kanye.

The post Bianca Censori zbulon ‘dhuratën më të mirë’ që ka marrë ndonjëherë nga Kanye West appeared first on Albeu.com.

Ditën e djeshme, një ngjarje e rëndë është regjistruar në zonën e Kalitheas, në Greqi, ku një vajzë 2-vjeçare ra aksidentalisht në shatërvanin e sheshit “Kyprou”, pasi për disa çaste doli nga vëmendja e prindërve të saj.

Sipas informacioneve, fëmija po luante në shesh kur, pa u vënë re nga prindërit, ra në ujë. Kalimtarët që panë ngjarjen njoftuan menjëherë një patrullë policie që ndodhej aty pranë.

Efektivët reaguan menjëherë, nxorën vajzën nga uji dhe e transportuan me makinë patrullimi në Spitalin Pediatrik “Aglaia Kyriakou”.

Në spital, mjekët u përpoqën për rreth 40 minuta të ringjallnin vajzën e mitur, duke kryer ndërhyrje të menjëhershme reanimimi (CPR).

Përpjekjet rezultuan të suksesshme, pasi fëmija u rikthye në jetë, por autoritetet shëndetësore bëjnë me dije se gjendja e saj shëndetësore mbetet kritike dhe ajo ndodhet e shtruar në njësinë e kujdesit intensiv.

Gjatë hetimeve, autoritetet konstatuan se prindërit, kur u pyetën nga mjekët e urgjencës, kishin deklaruar se vajza ishte 5-vjeçe, ndërkohë që më pas u vërtetua se ajo ishte vetëm 2-vjeç, ç`ka ka ngritur shqetësime serioze për neglizhencë në mbikëqyrje.

Në këto rrethana, policia greke bëri të ditur se arrestoi babanë e fëmijës, një 25-vjeçar me origjinë shqiptare, ndërsa nëna 23-vjeçare po hetohet në gjendje të lirë.

Të dy prindërit do të dalin para prokurorit ditën e hënë, me akuzën e neglizhencës në mbikëqyrjen e një të mituri.

Sipas mediave greke, ndaj babait është ngritur një çështje penale për veprën e “ekspozimit të një të mituri ndaj rrezikut”, ndërsa e njëjta akuzë rëndon edhe ndaj nënës, e cila ndodhet pranë vajzës së saj në spital, nën mbikëqyrjen e policisë. Hetimet për zbardhjen e plotë të rrethanave të ngjarjes vijojnë.

The post E rëndë në Greqi/ 2-vjeçarja ra në shatërvan, në gjendje kritike për jetën, arrestohet babai shqiptar, prindërit gënjyen për… appeared first on Albeu.com.

Detaje të reja kanë dalë në dritë lidhur me vdekjen e Massimo Ferro, biznesmenit italian 54-vjeçar, i cili humbi jetën në Tiranë pas një ndërhyrjeje kirurgjikale për zvogëlimin e stomakut.

Sipas mediave të huaja, pas ndërhyrjes në klinikën private “Trita Hospital”, ai ka shfaqur komplikacione dhe është dërguar në QSUT.

Këtu sipas informacioneve, antibiotiku është administruar me vonesë, pavarësisht përkeqësimit të dukshëm të gjendjes shëndetësore.

Biznesmeni italian ishte dërguar në urgjencën e QSUT pasi kishte shfaqur temperaturë të lartë, vështirësi në frymëmarrje dhe shenja të një infeksioni të rëndë.

Sipas raportimeve të mediave italiane dhe deklarimeve të familjes, ndërhyrja me antibiotik ka ndodhur vetëm në orët e mbrëmjes, ç`ka ka ngritur dyshime për mënyrën e trajtimit mjekësor dhe menaxhimin e rastit.

Familjarët kanë denoncuar gjithashtu, mungesën e informacionit të qartë mbi gjendjen reale të Ferro-s dhe shkaqet e vdekjes së tij.

“Askush nuk na shpjegoi pse Massimo nuk u kthye më në shtëpi”, citojnë për mediat italiane të afërmit e viktimës, të cilët kërkojnë zbardhjen e plotë të rrethanave.

Sipas rindërtimit të ngjarjes, mëngjesin e 22 dhjetorit 2025, Massimo Ferro pësoi një arrest kardiocirkulator brenda klinikës private “Trita Hospital” ku ishte shtruar pas ndërhyrjes.

Ai u reanimua dhe u transportua në terapi intensive në QSUT. Familjarëve u ishte komunikuar fillimisht se gjendja e tij ishte “e qëndrueshme”, por në mbrëmje bashkëshortja u thirr me urgjencë dhe u informua se biznesmeni kishte ndërruar jetë prej disa orësh.

Massimo Ferro, sipërmarrës nga Camposampiero, në provincën e Padovës, kishte udhëtuar drejt Shqipërisë për të kryer një gastrektomi, pas vitesh përpjekjesh të pasuksesshme për të luftuar obezitetin.

Ai ishte drejtuar fillimisht te një klinikë private në Milano, e cila i kishte propozuar kryerjen e ndërhyrjes në Tiranë, në një strukturë të lidhur me atë italiane, për shkak të kostos më të ulët: rreth 4.400 euro, krahasuar me afërsisht 15.000 euro në Itali.

Mediat italiane, raportojnë se kontakti i parë me kirurgun është kryer përmes WhatsApp-it, ndërsa analizat para-operative që nuk ishin realizuar në Itali, janë kryer vetëm një ditë para operacionit në Tiranë.

Ndërhyrja kirurgjikale u krye më 18 dhjetor, ndërsa Ferro kishte mbërritur në Tiranë një ditë më parë, i shoqëruar nga bashkëshortja.

Pas operacionit, gjendja e tij u përkeqësua që nga dita pasuese, me përgjumje të theksuar, reagim të dobët dhe rritje të nivelit të glicemisë.

Më 20 dhjetor u shfaqën ethet, ndërsa më 21 dhjetor situata u rëndua më tej, duke çuar në ndërhyrjen e shërbimeve spitalore.

Për këtë çështje, Prokuroria e Padovës, ka hapur një hetim dhe ka regjistruar si të dyshuar dy profesionistë të përfshirë në rrugëtimin mjekësor të biznesmenit.

Hetimet vijojnë për të përcaktuar përgjegjësitë dhe për të zbardhur plotësisht shkaqet e vdekjes së Massimo Ferro.

The post Zbardhen detaje nga vdekja e biznesmenit Italian në Shqipëri appeared first on Albeu.com.

Këtë të hënë, biznesmeni Ram Geci, është paraqitur në Prokurorinë e Posaçme. Nuk dihen ende arsyet e paraqitjes në SPAK, por emri i tij doli pak kohë më parë në dosjen e Belinda Ballukut.

Në dosjen e Belinda Ballukut, një nga mesazhet dërguar ish-vartësit të saj Evis Berberi, ish-kreu i ARRSH-së, numri dy i qeverisë u e informon këtë të fundit se ka takuar biznesmenin, Ram Gecin me kërkesën e te KM, cili dyshohet te jete Kryeministri Rama.

Bisedat janë zbardhur nga telefoni i sekuestruar “Blackberry” i Evis Berberit!

Nga komunikimi i datës 24.08.2021, në aplikacionin “Whatsapp”, në orën 13:49, shtetasja Belinda Balluku i dërgon shtetasit Evis Berberi mesazhin: “KM më kërkoi të takoj Ram Gecin”.

Pas këtij mesazhi, në orën 13:51, shtetasi Evis Berberi i dërgon shtetases Belinda Balluku mesazhet në aplikacionin “Signal Private Messenger”, me tekst: “E kishte takuar sot. Të kaloj nga zyra se e takova para një ore në kantier, bëra një xhiro në gjithë Unazën”.

Përgjimet:

Në orën 13:52, Belinda Balluku: “Jam në shpi peshk, me pak fjalë, me një virozë”.

Në orën 13:52, Evis Berberi: “Obobo”.

Në orën 13:52, Belinda Balluku: “Në PR do e çojmë këtë, them unë. Sa është PR?”.

Në orën 13:53, Evis Berberi: “15 ml, rreth diku te 10 milionë euro pa TVSH, 15 miliardë lekë”.

SPAK sqaron se në lidhje me bisedat e mësipërme, nga hetimi rezulton se Autoriteti Rrugor Shqiptar në datën 15.09.2021 ka bërë njoftimin për procedurën e prokurimit me objekt “Ndërtim rruga Porto Romano Durrës, Loti 3 (vazhdimi)”.

Në Buletinin nr. 167, datë 22.11.2021, të Agjencisë së Prokurimit Publik, rezulton se për këtë procedurë prokurimi është publikuar njoftimi mbi vlerësimin e ofertave të operatorëve ekonomikë, ku ka rezultuar se është kualifikuar oferta e paraqitur nga shoqëria “Geci” sh.p.k.

“KM më kërkoi të TAKOJ biznesmenin Ram Geci”, Balluku: “Ndërtim rruga Porto Romano Durrës, Loti 3 (vazhdimi)”

Referuar të dhënave të sistemit elektronik të prokurimit publik, si rezultat i shpalljes fitues të shoqërisë “Geci” sh.p.k., në këtë procedurë prokurimi, është lidhur kontrata midis Autoritetit Rrugor Shqiptar dhe shoqërisë “Geci” sh.p.k., me objekt “Ndërtim rruga Porto Romano Durrës, Loti 3 (vazhdimi)”.

Nga hetimi rezulton se shoqëria “Geci” sh.p.k. ka si ortak të vetëm dhe administrator shtetasin, Ram Geci.

The post I doli emri në dosjen e Ballukut, biznesmeni Ram Geci paraqitet në SPAK (VIDEO) appeared first on Albeu.com.

“Mirë se vini në Amerikën e Benito Bowl”. Pritja ka marrë fund: ai që pushtoi skenën e Super Bowl LX në Levi’s Stadium të Santa Clara-s, Kaliforni, në perëndim të San Jose-s në Bay Area të San Franciscos, është Benito Antonio Martínez Ocasio, superylli portorikan që e ka ndarë Amerikën, ose më mirë, sapo e ka ribashkuar, shkruan La Repubblica. Fenomeni Bad Bunny shpërthen në pushimin e Super Bowl-it, mitikun Halftime Show, dhe tingulli i tij stereofonik, i bashkuar me një salsa, reggaeton, trap, dembow, bolero dhe ritme tradicionale portorikane si bomba dhe plena, magjeps stadiumin.

Me mbërritjen e tij, temperatura arrin 19 gradë Celsius. Në topin e futbollit amerikan që mban në dorë lexohet “Together We Are America”. “Mbreti latin” ngjitet në kabllot elektrike dhe valëvit flamurin portorikan ndërsa interpreton El Apagón, i shoqëruar nga kërcimtarë që tundin flamujt e vendeve latinoamerikane, si edhe të Shteteve të Bashkuara dhe Kanadasë. Në uniformën e tij të futbollit ngjyrë kremi bie në sy numri 64. Një numër për t’u deshifruar: nëna e tij, Lysaurie Ocasio, ka lindur në vitin 1964, por mund të lidhet edhe me bilancin fillestar (të rremë) të viktimave të uraganit María të vitit 2017 ose me Kongresin e 64-të të Shteteve të Bashkuara, që miratoi Aktin historik Jones-Shafroth duke u garantuar portorikanëve shtetësinë statutore në vitin 1917.

Fillon me Tití Me Preguntó, kushtuar njërës prej hallave të reperit që e pyet për të gjitha të dashurat që ka pasur; Bad Bunny zhytet në një peizazh tipik portorikan, ku marrin pjesë madje edhe boksierë, dhe në një “pushtim” kapelash karakteristike (“pava” ose “sombrero de pava”). Skena paraqet “la casita”, shtëpinë klasike të fshatit portorikan, e shfaqur në performancat e Bad Bunny-t në ishull. Cardi B, Karol G, Alix Earle dhe Pedro Pascal gjenden mes mureve pastel të shtwpizws. Seguimo’ Aquí, jo rastësisht, është përvoja imersive e Bad Bunny-t dhe Vibee-s e vendosur në Plaza Las Américas në San Juan, Puerto Rico; një tunel autobiografik, i pasur me elemente hiper-simbolike të karrierës së artistit, përfshirë rindërtimin e studios së tij të regjistrimit dhe, pikërisht, një shtwpizë. Nën sytë e gjithë botës, Bad Bunny nuk humb kohë: “Po dëgjoni muzikë nga Puerto Rico, nga lagjet, nga barakat”. Luhet një copëz e Gasolina e Daddy Yankee, dhe ai thotë: “Arsyeja pse jam këtu është sepse nuk kam reshtur kurrë së besuari te vetja”.

Pas një vrapimi drejt Voy a Llevarte a PR dhe Safaera, vjen surpriza më e madhe: Lady Gaga i bashkohet festës dhe interpreton një version salsa të Die With a Smile. Në sfond, banda shoqëruese Los Pleneros de la Cresta luan aranzhimin e përditësuar, duke kaluar nga Baile Inolvidable, Café con Ron dhe DtMf mes një shiu fishekzjarresh. Në shenjë mbështetjeje, Ricky Martin këndon Lo Que Le Pasó a Hawaii, një këngë proteste për të paralajmëruar Puerto Rico-n që të mos pësojë të njëjtin fat si Hawaii, e cila ka humbur një pjesë të kulturës së saj për shkak të ndikimit amerikan. Në vitin 2019, kur Bad Bunny u bashkua me reperin Residente dhe këngëtaren iLe për të lançuar këngën Afilando los Cuchillos mes revoltave kundër guvernatorit të atëhershëm të Puerto Rico-s, Ricardo Rosselló, politikisht i izoluar përpara dorëheqjes, edhe Martin kishte zgjedhur të dëgjohej, duke hipur mbi tavanin e një kamioni mes turmës dhe duke valëvitur një flamur ylberi. Në mes të performancës, i shoqëruar në qiell nga një tabelë me shkrimin “E vetmja gjë më e fuqishme se urrejtja është dashuria”, një thirrje çliruese: “Zoti e bekoftë Amerikën!”.

Lavdia për emigrantët e Nju Jorkut

Në Nuevayol, Benito/Bad Bunny mostron Un verano en Nueva York të orkestrës portorikane të salsës El Gran Combo, një këngë që lëvdon praninë e emigrantëve latinë në New York City. Me këtë rast, videoklipi i tij muzikor, i publikuar më 4 korrik, Ditën e Pavarësisë së SHBA-së, përfshin një imitim gazmor të Donald Trump-it, që nënvizon rëndësinë e komunitetit latin në “Mollën e Madhe”. Bad Bunny jo vetëm që është artisti i parë latin që fitoi, pak më shumë se një javë më parë, Grammy-n për Albumin e Vitit, por është edhe “hispaniku” i parë që shkaktoi debat në momentin e shpalljes si headliner. “Nuk e mbështes. Mendoj se është një zgjedhje e tmerrshme”, kishte komentuar presidenti Donald Trump të nesërmen e njoftimit zyrtar. “Ai vetëm sa mbjell urrejtje”. Fjalimi i El Conejo Malo në Grammy Awards shënoi një pikë pa kthim në përplasjen me administratën Trump dhe zemëroi shumë konservatorët: “Para se të falënderoj Zotin, do të them një gjë: ICE jashtë, jashtë ICE. Nuk jemi të egër, nuk jemi kafshë. Jemi qenie njerëzore dhe jemi amerikanë”.

Në të vërtetë, tabu-në e Halftime Show-t Bad Bunny e kishte thyer që në vitin 2020, duke performuar I Like It dhe Callaíta së bashku me Shakira-n, paralelisht me yllin kolumbian të reggaeton-it J Balvin, i ftuar bashkë me Jennifer Lopez-in, e lindur në Bronx dhe me prejardhje portorikane. Ndikimi kulturor i Bad Bunny-t nuk njeh kufij. Mbërritja e tij në Super Bowl vjen pas një viti historik 2025. I lindur dhe rritur në Vega Baja, Puerto Rico, ai ka thyer rekorde streaming-u dhe ka realizuar albumin e tij më politik, introspektiv dhe “portorikan” deri më sot, DeBÍ TiRAR MáS FOToS, duke goditur tema si kolonizimi dhe gentrifikimi. Siç dokumenton The Athletic, Distrito T-Mobile në San Juan, Puerto Rico, dy orë para fillimit të ndeshjes, u mbush përplot.

Mbështetja në rrjetet sociale e Jennifer Lopez

Një det fansash të Bad Bunny-t u paraqit me bluza ku shkruhej “Jam këtu vetëm për Benito Bowl” dhe me kapele e fanella të WBC të Puerto Rico-s. Në sinkron, Jennifer Lopez “bllokon” X me mesazhin e saj të mbështetjes: “Bad Bunny… të dërgoj gjithë dashurinë, pozitivitetin dhe përqafimin më të madh në botë. Jemi të gjithë me ty sonte! E di që do ta shkatërrosh skenën. Jam këtu me ty ashtu siç ke qenë ti me mua. Kaq krenare! Jepi Benito! Ashtu siç di vetëm ti! #LatinoGangGang”. Më pas, postimi i Shakira-s i lidhur me videon e vitit 2020: “Duke kujtuar performancën tonë të parë së bashku në Super Bowl 2020 dhe duke të uruar, Benito, gjithë të mirat sonte”. Ylli i Hamilton, Lin-Manuel Miranda, publikoi një foto të tij me një xhaketë me flamurin portorikan. Ashtu si Bad Bunny, aktori-kantautor ka pjesërisht prejardhje portorikane. “Po bëj tifo për Puerto Rico gjatë pushimit”, shkroi ai në Instagram. Që Seattle Seahawks të përballen me New England Patriots tani është dytësore. Seattle Seahawks fituan 29-13, duke marrë titullin e dytë në historinë e tyre, të gjithë ishin me sytw te stadiumi për Bad Bunny-n. Por përpara mbërritjes së tij, mbi bar kalon një skuadër anekdotash dhe kuriozitetesh që tregojnë mirë gjendjen shëndetësore të Shteteve të Bashkuara.

Në Truth, rrjetin social të Donald Trump-it, presidenti komentoi menjëherë: “Kjo shfaqje është një fyerje ndaj Madhështisë së Amerikës dhe nuk përfaqëson standardet tona të suksesit, kreativitetit apo përsosmërisë. Askush nuk kupton asnjë fjalë nga ato që thotë ky tipi (Bad Bunny këndon vetëm në spanjisht) dhe kwrcimi është i neveritshëm, sidomos për fëmijët që po shikojnë nga e gjithë Amerika dhe nga e gjithë bota”. Me nisjen e ndeshjes vetëm pak orë larg, presidenti Donald Trump kishte parashikuar një Super Bowl “madhështor” në një video-mesazh të publikuar nga Shtëpia e Bardhë në rrjetet sociale. “Kam ndjesinë se ky do të jetë një Super Bowl i madh. E kam ndjekur gjithë sezonin. I kam parë këto dy skuadra të fitojnë, fitojnë, fitojnë”, kishte thënë, ulur pas Resolute Desk. Videoja ndërpritet në mënyrë komike pikërisht kur Trump është gati të zbulojë kë favorizon si fitues të ndeshjes. Jo rastësisht, Trump nuk mori pjesë në Super Bowl këtë vit. Kujtojmë se vitin e kaluar ishte presidenti i parë në detyrë i SHBA-së që e bëri këtë, por për këtë edicion zgjodhi një watch party në Palm Beach, Florida. “Është thjesht shumë larg”, i tha New York Post. Ndoshta nuk e imagjinonte fuqinë muzikore të Coco Jones, ish-yll i Disney Channel, që këndoi Lift Every Voice and Sing, “shkruar si himn nga udhëheqësi i NAACP James Weldon Johnson dhe përdorur gjerësisht gjatë Lëvizjes për të Drejtat Civile si thirrje beteje për afrikano-amerikanët”. Veshje e frymëzuar nga Whitney Houston, vija të kuqe, të zeza dhe të gjelbra. “Këto janë ngjyrat e flamurit panafrikan. E kuqja përfaqëson gjakun e derdhur nga populli, e zeza përfaqëson popullin dhe e gjelbra tokën e Afrikës”. Brandi Carlile intonon America the Beautiful, “një këngë shprese të brishtë për atë që Amerika mund të jetë”, e pasuruar nga SistaStrings, dueti i violinistes Chauntee dhe violonçelistes Monique Ross — dhe interpretimi i The Star-Spangled Banner nga Charlie Puth i lë të gjithë pa fjalë. Zgjat 1 minutë e 51,37 sekonda, një nga interpretimet më të shkurtra të viteve të fundit. Për krahasim, himni i vitit të kaluar, i kënduar nga Jon Batiste, zgjati 1 minutë e 59 sekonda. Relativisht të padëmshëm, Green Day, me një set prej tre këngësh, Holiday, Boulevard of Broken Dreams dhe një version “të zbutur” të American Idiot, për të festuar breza të Super Bowlit, mes tyre Emmitt Smith, Jerry Rice dhe Peyton e Eli Manning. Dy ditë para pjesëmarrjes në ceremoninë e hapjes, Billie Joe Armstrong dukej një roker tjetër krahasuar me atë të parë pasdite në Levi’s Stadium: ai vuri në dukje se ethet për futbollin nuk ia kanë shuar ndërgjegjen për ngjarjet aktuale, duke u drejtuar madje edhe agjentëve të ICE-s: “Të gjithë agjentëve të ICE-s atje jashtë, kudo që të jeni: lini punën tuaj të mjerë. Sepse kur kjo të mbarojë, dhe do të mbarojë në një moment, Kristi Noem, Stephen Miller, JD Vance, Donald Trump, do t’ju lënë si një ves të keq. Ejani në këtë anë të vijës”.

Pak orë para gongut të Super Bowl-it, protestues anti-ICE dolën në rrugë dhe zunë mbikalime me pankarta “ICE Out” përgjatë autostradës 101. Peshqirë stadiumi bardh e zi u shpërndanë tifozëve jashtë Levi’s Stadium nga grupi Contra-ICE, me një kod QR që i ftonte tifozët t’i ngrinin peshqirët me anën “ICE Out” të kthyer nga fusha sa herë që një arbitër hidhte një flamur ndëshkimi, si “flamuj ndëshkimi kolektivë kundër ICE-s”. Ana tjetër e peshqirit ka një lepur që godet një top futbolli brenda një blloku akulli. Si kundërpeshë “avangardë” e protestave, një shfaqje alternative ndaj Halftime Show-t u transmetua nga një vendndodhje ende e pazbuluar, e promovuar nga organizata konservatore Turning Point USA, me Kid Rock si headliner dhe artistët country Brantley Gilbert, Gabby Barrett dhe Lee Brice në skenën anti-Bad Bunny. Disa minuta para fillimit të eventit, Turning Point USA nuk arriti ta transmetojë në streaming The All-American Halftime Show në X për shkak të problemeve të licencimit. Kush, mes shikuesve, zgjodhi Kid Rock & Co. gjatë pushimit, u detyrua të kalojë në kanalin YouTube të Turning Point USA.

NBC njoftoi se do të transmetojë një pjesë të shfaqjes para-ndeshjes nga Ishulli i Alcatraz-it, që dikur strehonte një burg federal të sigurisë së lartë. Ish-burgu federal më i famshëm në botë, në Gjirin e San Franciscos, 2 km larg bregut, është shndërruar në një muze popullor që tërheq më shumë se 1 milion vizitorë çdo vit. Herë e parë absolute për një program të transmetuar drejtpërdrejt prej andej. Super Bowl rimon edhe me establishment-in: disa nga trailer-at e filmave më të rëndësishëm të vitit u shfaqën gjatë eventit. Nga Disney, që vuri gjithçka në promovimin e The Mandalorian & Grogu, filmi i parë kinematografik i Star Wars që nga viti 2019, te Paramount, me lançimin e një spoti të ri për Scream 7, i pari i serisë i projektuar në IMAX. Më pas, Toy Story 5, që del këtë verë, thriller-i me alienë i Steven Spielberg Disclosure Day, The Super Mario Galaxy Movie, Jumpers dhe Minions 3.

Reklamat fokusohen te shëndeti, solidariteti dhe e qeshura

Sa i përket Hollywood-it, në ekran shfaqet aktori Kevin Costner, më i njohur për bejsbollin sesa për futbollin. Mjafton të rikujtohen Bull Durham (1988), ku luan Crash Davis, një lojtar me përvojë i ligave të vogla; Field of Dreams (1989), filmi i tij më i njohur për bejsbollin, në rolin e Ray Kinsella-s, një fermer nga Iowa që ndërton një fushë për “sportin e diamantit” në arën e misrit; For Love of the Game (1999), si Billy Chapel, një hedhës veteran i Detroit Tigers. Tifozët e futbollit në Levi’s Stadium i dhanë një duartrokitje të ngrohtë. Reklamat e Super Bowl-it nuk duhen nënvlerësuar, të zhytura në një “reçel” kohësh të vështira. Reklamuesit u fokusuan te shëndeti, solidariteti dhe e qeshura. Sabrina Carpenter përpiqet të ndërtojë burrin perfekt me Pringles, Benson Boone dhe Ben Stiller luajnë një duo disko që bën salto për Instacart, Andy Samberg, në rolin e “Meal Diamond”, spërkat majonezë Hellmann’s mbi sanduiçët e Elle Fanning dhe klientëve të tjerë të delikatesës. Gjithashtu, arinjtë polarë, maskotat tradicionale të Coca-Cola-s, ndajnë një Pepsi në një parodi të kiss cam të vitit të kaluar; George Clooney shfaqet në një spot të Grubhub për të promovuar dërgesën falas për porosi 50 dollarë e sipër; Uber Eats rekruton Matthew McConaughey-n për të bindur Bradley Cooper-in dhe Parker Posey-n se futbolli është një komplot për t’i bërë njerëzit të kenë uri. Dhe reperi 50 Cent tallet me Sean “Diddy” Combs për DoorDash. Nuk mungon fokusi te mirëqenia dhe mjekësia. Octavia Spencer dhe Sofia Vergara i nxisin njerëzit të bëjnë testin për sëmundjet e veshkave për Boehringer Ingelheim dhe Mike Tyson flet për vdekjen e motrës së tij nga obeziteti në një promovim që i nxit njerëzit të hanë ushqim të shëndetshëm, jo të përpunuar (gjithçka e financuar nga MAHA Center Inc., një organizatë jofitimprurëse e drejtuar nga Tony Lyons, botues dhe aleat i ngushtë i Sekretarit të Shëndetësisë së SHBA-së Robert F. Kennedy Jr.). Barnat GLP-1 për humbje peshe gjejnë hapësirë gjatë Super Bowl-it. Novo Nordisk promovon pilulat e reja Wegovy, kompania e telemjekësisë Ro mbështet GLP-1-at e saj përmes Serena Williams dhe Hims & Hers premton t’u japë të gjithëve akses në një kujdes shëndetësor më të mirë, jo vetëm të pasurve.

Një nga reklamat më të paharrueshme të Super Bowl-it të këtij viti promovon të ashtuquajturat Trump Accounts, një program i ri investimi i mbështetur nga qeveria për fëmijët. Spot-i financohet nga Invest America, një grup advokimi me lidhje me liderë biznesi dhe aleatë të Trump-it. Në reklamë, një montazh fëmijësh u kujton shikuesve se “çdo fëmijë amerikan merr një llogari investimi” dhe se “miliona do të parapaguhen”. Trump Accounts, të quajtura edhe llogari 530A, u krijuan si pjesë e Big Beautiful Bill të administratës, miratuar vitin e kaluar. Fëmijët e lindur mes viteve 2025 dhe 2028 kanë të drejtë për një kontribut unik nga Thesari prej 1.000 dollarësh, ndërsa prindërit mund të shtojnë deri në 5.000 dollarë në vit. Prania në Super Bowl është vetëm një pjesë e një lançimi më të gjerë që përfshiu një tabelw gjigante në Times Square, një samit prezantimi të transmetuar drejtpërdrejt nga Uashingtoni dhe një faqe interneti që u lejon prindërve të regjistrohen përmes deklaratave të tyre të të ardhurave. Sipas Shtëpisë së Bardhë, mbi 1 milion familje janë regjistruar tashmë. Falë Super Bowl-it.

The post Bad Bunny ndez Super Bowl-in me mesazh për emigrantët, Trump shpërthen: Shfaqja më e shëmtuar ndonjëherë appeared first on Albeu.com.

Gazetarja e njohur Anila Hoxha, teksa për emisionin “Breaking”, ka dhënë detaje të reja në lidhje me dhunimin e avokatit Kujtim Cakrani, i cili përfaqëson edhe ish-presidentin Ilir Meta.

Hoxha tha se një nga dhunuesit është Skerdilajd Xhindi, teksa personi i dytë ende nuk është identifikuar.

Ata janë ende në kërkim dhe policia po vijon hetimet.

Paraprakisht, dyshohet se konflikti mes avokatit dhe dhunuesve ka nisur për një vend parkimi.

“Skerdilajd Xhindi është një nga personat që ka dhunuar avokatin. Personi i dytë ende nuk është identifikuar edhe pse janë këqyrur kamerat e sigurisë. Xhindi është ende në kërkim.

Paraprakisht dyshohet se konflikti ka nisur për shkak të parkimit, megjithatë, nuk përjashtohen as mundësi të tjera që mund të kenë lidhje me detyrën e Cakranit. Avokati është goditur me doreza hekuri në pjesën e kokës”,– u shpreh gazetarja.

The post Identifkohet një nga personat që dhunoi avokatin e Ilir Metës (EMRI) appeared first on Albeu.com.