Prokuroria e Hagës ka kërkuar dënim prej 45 vjetësh për secilin nga ish-krerët e UÇK-së gjatë seancës për deklaratat përmbyllëse.

“ZPS-ja kërkon vendim dënues për persona konkretë, jo për shtabin e përgjithshëm, por për persona konkretë. ZPS-ja kërkon dënim për të gjitha pikat e aktakuzës, prej 45 vitesh, mbështetur në kontributet individuale të kryera nga secili prej personave”, deklaroi West.

Kryeprokurorja Kimberly West theksoi se kërkesa është për përgjegjësinë individuale të secilit, jo për Shtabin e Përgjithshëm, dhe përfshin të gjitha pikat e aktakuzës.

Sinjali – aty ku e vërteta flet para lajmit!

/GazetaSinjali/

The post Prokuroria e Hagës kërkon 45 vjet burg për ish-krerët e UÇK-së appeared first on Sinjali.

Në 24 orët e fundit në vend janë regjistruar 38 aksidente trafiku, prej të cilave 17 me të lënduar dhe 21 me dëme materiale.

Po gjatë këtij periudhe janë shqiptuar 2,197 gjoba për shkelësit e rregullave të trafikut.

Gjithashtu, 15 persona janë arrestuar, 9 janë dërguar në mbajtje dhe 3 në vuajtje të dënim.

Sinjali – aty ku e vërteta flet para lajmit!

/GazetaSinjali/

The post 38 aksidente dhe mbi 2 mijë gjoba në 24 orët e fundit appeared first on Sinjali.

Mbrëmë në lagjen Ortakoll të Prizrenit, një veturë ka goditur një lokal.

Nga pamjet e siguruara nga Sinjali shihet se në vendngjarje ka ardhur policia.

Sinjali ka kontaktuar me policinë për detaje, por deri në momentin e publikimit nuk ka marrë përgjigje.

Nuk raportohet për të lënduar rëndë, ndërsa shkaku i aksidentit mbetet ende i paqartë.

Sinjali – aty ku e vërteta flet para lajmit!

/GazetaSinjali/

The post Aksident në Prizren, vetura godet një lokal në Ortakoll appeared first on Sinjali.

Policia në Korçë ka goditur dy raste të lojërave të fatit në lokalet e qytetit. Gjatë aksionit u arrestua një 43-vjeçar, M.P., ndërsa dy persona të tjerë, G.A. dhe Gj.M., po procedohen penalisht.

Gjatë kontrollit u sekuestruan tre celularë ku ishin të hapura faqe për baste sportive.

Arrestimi i M.P. lidhet me veprat penale “Organizimi i lojërave të fatit në kundërshtim me ligjin” dhe “Vënia në dispozicion e lokaleve për lojëra të palejuara”.

Sinjali – aty ku e vërteta flet para lajmit!

/GazetaSinjali/

The post Policia godet lojërat e paligjshme të basteve në Korçë appeared first on Sinjali.

Ambasadori britanik në Beograd, Edëard Ferguson, tha se përgjegjësia për mosprogresin në dialogun Kosovë-Serbi është e përbashkët.

Ai kërkoi nga Kosova që të formojë Asociacionin e komunave me shumicë serbe, siç parashikohet në Marrëveshjen e Brukselit të vitit 2013, dhe theksoi se Serbia duhet të respektojë angazhimet e saj, përfshirë mospengimin e anëtarësimit të Kosovës në organizata ndërkombëtare.

Ferguson nënvizoi se Marrëveshja e Ohrit e vitit 2023 ofron një rrugë të qartë drejt normalizimit, por zbatimi kërkon vullnet politik nga të dyja palët.

Sinjali – aty ku e vërteta flet para lajmit!

/GazetaSinjali/

The post Ambasadori britanik: Kosova dhe Serbia duhet të përmbushin detyrimet për normalizim appeared first on Sinjali.

Mësimdhënësi i biologjisë nga shkolla “Gjergj Kastrioti Skënderbeu” në Pantinë, Selami Zeqiri, ka ndërruar jetë.

Me këtë rast, kryetari i Vushtrrisë, Ferit Idrizi, ka shprehur ngushëllime për familjen, kolegët dhe nxënësit e të ndjerit, duke theksuar se Zeqiri do të kujtohet për përkushtimin, profesionalizmin dhe kontributin e tij të çmuar në edukimin e brezave të rinj.

“Qoftë i përjetshëm kujtimi për të!”, ka shkruar Idrizi në telegramin e ngushëllimit.

Sinjali – aty ku e vërteta flet para lajmit!

/GazetaSinjali/

The post Ndërron jetë mësimdhënësi i biologjisë Selami Zeqiri nga Vushtrria appeared first on Sinjali.

Një rast i rëndë është raportuar pas mesnate në Ferizaj, ku një grua e re ka tentuar t’i japë fund jetës duke konsumuar sasi të tepruar të barnave.

Ngjarja ka ndodhur më 08.02.2026 në rrugën “Kemajl Hetemi”, ndërsa Policia është njoftuar më 09.02.2026 rreth orës 00:30 nga Qendra Emergjente e Ferizajt, se D. P (1997) ishte duke marrë tretman mjekësor, pasi dyshohet se kishte ingeruar medikamente me qëllim vetëvrasjeje.

Njësitë policore kanë dalë menjëherë në vendngjarje, ku kanë kontaktuar stafin mjekësor si dhe dëshmitarin – ish-bashkëshortin e viktimës, L. H. (34 vjeç). Ky i fundit ka deklaruar se janë të ndarë tash e tetë vite, ndërsa sot ishte njoftuar nga djali i tyre 10-vjeçar se nëna kishte përdorur barna.

Sipas tij, ai kishte shkuar menjëherë në banesë dhe kishte thirrur emergjencën.

Viktima nuk është intervistuar për shkak të gjendjes shëndetësore dhe nga Emergjenca e Ferizajt është transferuar për tretman të mëtutjeshëm në Prishtinë. Burimet mjekësore bëjnë të ditur se gjendja e saj për momentin nuk është në rrezik, ndërsa motivi i këtij veprimi mbetet ende i paqartë.

Lidhur me rastin janë njoftuar njësia e hetimeve në stacion si dhe Hetimet Rajonale, ndërsa procedurat janë në zhvillim.

Rasti po trajtohet nga organet kompetente.

Sinjali – aty ku e vërteta flet para lajmit!

/GazetaSinjali/

The post Tentim-vetëvrasje në Ferizaj: 28-vjeçarja përfundon në emergjencë pasi konsumoi sasi të madhe medikamentesh appeared first on Sinjali.

Një incident i dhunshëm ka ndodhur pak para mesnatës në Prishtinë, ku dy vëllezër janë përfshirë në një rrahje që ka alarmuar Policinë.

Rasti është raportuar më 08.02.2026 rreth orës 23:50, në rrugën “Bekim Fehmiu”, konkretisht në ambientet e hotelit “Bavaria”, ku sipas informatave fillestare bëhej fjalë për një rrahje në progres.

Njësitë policore kanë dalë menjëherë në vendngjarje dhe kanë shoqëruar në stacion dy personat e dyshuar, Erion Dodaj (25 vjeç) dhe Egzon Dodaj (30 vjeç). Pas shikimit të kamerave të sigurisë dhe intervistimit të dëshmitarit, është konstatuar se të përfshirët janë vëllezër që jetojnë në të njëjtën shtëpi.

Për shkak të natyrës familjare të incidentit, rasti është marrë nga hetuesi i dhunës në familje, i cili ka njoftuar Prokurorin kujdestar. Me urdhër të këtij të fundit, rasti është iniciuar si “Dhunë në familje”, ndërsa të dyshuarit janë ndaluar për 48 orë.

Ata janë dërguar në Qendrën e Mbajtjes, ndërsa hetimet lidhur me rastin janë duke vazhduar.

Sinjali – aty ku e vërteta flet para lajmit!

/GazetaSinjali/

The post Ekskluzive | Rrahje mes vëllezërve në hotel “Bavaria” në Prishtinë – dy të dyshuar përfundojnë në mbajtje appeared first on Sinjali.

Një incident serioz me elemente dhune dhe kërcënimi me armë është raportuar mbrëmjen e së dielës në Pejë, ku tre persona kanë sulmuar fizikisht një qytetar, duke e kanosur edhe me armë zjarri dhe sëpatë.

Ngjarja ka ndodhur më 08.02.2026, rreth orës 20:50, në rrugën “Ismail Qemajli”, ku Policia ka intervenuar pas raportimit për një mosmarrëveshje mes disa personave.

Sinjali mëson se viktima, Jus Jusaj (53 vjeç), fillimisht është shoqëruar në stacion policor bashkë me një dëshmitare, ndërsa gjatë transportit ai ka deklaruar se Durim Luci (34 vjeç) e kishte kanosur me armë të shkurtë, e kishte goditur dhe madje ia kishte vendosur armën në fyt. Ndërkohë, Kreshnik Luci (37 vjeç) dyshohet se e ka sulmuar me grushte, kurse Naser Luci (69 vjeç) e ka kanosur me sëpatë.

Sipas deklarimeve, deri te incidenti ka ardhur pasi viktima ishte ftuar për vizitë nga L. L.(1974), ndërsa të dyshuarit – familjarë të saj – janë irrituar nga prania e tij dhe e kanë sulmuar në mënyrë brutale.

Në vendin e ngjarjes kanë dalë njësitet e Hetimeve dhe Krim-Teknika, të cilët kanë sekuestruar sëpatën që dyshohet se është përdorur për kanosje.

Burimet bëjnë të ditur se, pas intervistimit të palëve dhe në konsultim me Prokurorin kujdestar, rasti është iniciuar për veprat penale “Kanosje” dhe “Lëndim i lehtë trupor”, ndërsa tre të dyshuarit janë ndaluar për 48 orë.

Hetimet për këtë rast janë duke vazhduar.

Sinjali – aty ku e vërteta flet para lajmit!

/GazetaSinjali/

The post Ekskluzive | Sulm brutal në Pejë: Tre familjarë kanosin dhe rrahin një burrë – i vënë armën në fyt dhe e kërcënojnë me sëpatë appeared first on Sinjali.

Një person i dënuar për vepër të rëndë penale është lokalizuar dhe arrestuar mbrëmë në Prishtinë, pas një operacioni të njësive policore.

Më 08.02.2026, rreth orës 21:50, në Rrugën B, pas hulumtimeve operative dhe mbledhjes së informatave në terren, policia ka arritur të lokalizojë Enkel Mustafa (27- vjeçar), i cili pas verifikimit ka rezultuar me urdhërarrest aktiv.

Sinjali mëson se Mustafa ishte i dënuar me tre (3) vite burgim për veprën penale “Keqpërdorimi seksual i personave nën moshën 15 vjeçare”.

Pas arrestimit, i dyshuari është shoqëruar nga njësitë policore dhe është dërguar në Qendrën e Paraburgimit në Hajvali, ku do të vuajë dënimin e shqiptuar nga gjykata.

Rasti konsiderohet i përfunduar nga ana e policisë, ndërsa i dënuari tashmë ndodhet në institucion korrektues.

Sinjali – aty ku e vërteta flet para lajmit!

/GazetaSinjali/

The post Ekskluzive | I dënuari me tre vite burgim për keqpërdorim seksual të të miturve, arrestohet në Rrugën B – dërgohet në Hajvali për vuajtje dënimi (EMRI) appeared first on Sinjali.

Policia e Kosovës ka arrestuar një person që ishte në kërkim dhe i dënuar me tre vjet burgim për veprën penale “Keqpërdorim seksual i personave nën moshën 15 vjeç”.

I dyshuari E.M., 26 vjeç, u arrestua nga Njësia për Realizimin e Urdhëresave e Stacionit Policor Veriu në Prishtinë dhe pas arrestimit u dërgua në vuajtje të dënimit, sipas vendimit gjyqësor.

Sinjali – aty ku e vërteta flet para lajmit!

/GazetaSinjali/

The post Arrestohet 26-vjeçari i dënuar me 3 vjet burg për keqpërdorim seksual appeared first on Sinjali.

Sulmuesi i Arsenalit, Viktor Gyokeres, po kalon një formë të mirë, por thotë se ende nuk është i kënaqur plotësisht me paraqitjet e tij.

Pas dy golave në fitoren 3-0 ndaj Sunderland, suedezi theksoi se gjithmonë ka hapësirë për përmirësim.

27-vjeçari ka shënuar gjashtë gola në tetë ndeshjet e fundit dhe deri tani numëron 13 gola në 32 paraqitje me Arsenalin.

Gyokeres u shpreh i fokusuar për të vazhduar progresin dhe për të dhënë edhe më shumë për skuadrën londineze në pjesën vendimtare të sezonit.

Sinjali – aty ku e vërteta flet para lajmit!

/GazetaSinjali/

The post Gyokeres kërkon më shumë nga vetja: Mund të shënoj edhe më shumë për Arsenalin appeared first on Sinjali.

Jimmy Lai, ish-magnati i medias pro-demokracisë dhe kritik i ashpër i Pekinit, është dënuar me 20 vjet burgim në Hong Kong, dënimi më i rëndë deri tani sipas ligjit të sigurisë kombëtare të vendosur nga Kina.

78-vjeçari u shpall fajtor për komplot me forca të huaja dhe për botim të materialeve nxitëse kundër shtetit. Lai u paraqit i qetë në seancë, duke përshëndetur mbështetësit e tij, ndërsa dënimi ka ngjallur reagime të forta në opinionin publik ndërkombëtar.

Sinjali – aty ku e vërteta flet para lajmit!

/GazetaSinjali/

The post Kritiku kinez Jimmy Lai dënohet me 20 vjet burg në Hong Kong appeared first on Sinjali.

Kujtim Cakrani, avokati i njohur i Vlorës dhe mbrojtësi ligjor i ish-presidentit Ilir Meta, është dhunuar ditën e sotme rreth orës 13:30 në ambientet e një karburanti në qytetin e Vlorës.

Sipas vetë avokatit Cakrani, dy persona të panjohur për të e kanë sulmuar në momentin që ai po furnizohej me karburant. Fillimisht, ata e kanë ofenduar dhe sharë, ndërsa dyshohet se konflikti ka nisur për shkak të një parkimi , edhe pse avokati shprehet se nuk beson se ky ka qenë shkaku i vërtetë.

Më pas, dy personat kanë ushtruar dhunë fizike ndaj tij, duke e goditur me një mjet prerës në pjesën e pasme të kokës. Si pasojë, Cakrani ka pësuar një frakturë të rëndë në pjesën e pasme të kokës dhe është transportuar me urgjencë në Spitalin Rajonal të Vlorës, ku ndodhet i shtruar në reanimacion.

Burime spitalore bëjnë me dije se avokati ka dëmtime serioze në kokë, dhe aktualisht nuk arrin të qëndrojë në këmbë.

Ndërkohë, në spital pritet mbërritja e ekspertëve mjeko-ligjorë, si edhe e përfaqësuesve të policisë, të cilët do të marrin dëshminë e avokatit dhe po punojnë për zbardhjen e plotë të ngjarjes.

“Ishin dy çuna me një makinë, të cilët pasi më provokuan, më dhunuan fizikisht. Nuk i njoh ata. Me njërin po bisedoja, tjetri më goditi pas koke. Ka ndodhur në hyrje të Vlorës, në një pikë karburanti. Nuk e kam idenë. Erdhën aty provokuan dhe më pas filluan me fjalë fyese. Ata dolën nga makina, më dhunuan./ TCH

Ka qenë me mjet prerës. Më goditën pas koke. Unë isha ulur në makinë. Njëri nga dritarja po më ofendonte, kurse tjetri hyri nga dera e pasagjerit dhe më goditi.

Më thanë: ‘Pse ke parkuar keq makinën. Ke zënë gjithë karburantin’. Pra ishte një mënyrë, një formë provokimi. Nuk i njoh të dy. Ishin moshë e re”, tha Cakrani.

Sinjali – aty ku e vërteta flet para lajmit!

/GazetaSinjali/

The post Sulmohet avokati i Ilir Metës në Vlorë, goditet pas koke me mjet prerës appeared first on Sinjali.

Kongresmeni amerikan Kieth Self gjatë një tryeze me deputetët shqiptarë në Kongres theksoi se anëtarësimi i Kosovës në NATO do të sjellë stabilitet në Ballkan.

Ai nënvizoi se kjo është një pjesë kyçe për sigurinë rajonale dhe se duhet tejkaluar kundërshtimet e disa vendeve.

“Unë po kërkoj ekuilibër në Ballkan. Dua ekuilibër në Ballkan dhe mendoj se një nga pjesët kyçe – dhe e kam marrë si mision personal- është anëtarësimi i Kosovës në NATO, e cila do të ishte një forcë jashtëzakonisht stabilizuese në Ballkan. Prandaj duhet të bëjmë përparim në këtë drejtim dhe duhet t’u përgjigjemi kundërshtimeve të disa vendeve. Besoj se kjo është një pjesë kyçe e asaj për të cilën po flasim sot, sepse siguria në Ballkan-Ballkani sot, sipas mendimit tim, është një fuçi baruti- dhe ne duhet ta zgjidhim këtë dhe të sjellim stabilitet në rajon”.
Sinjali – aty ku e vërteta flet para lajmit!

/GazetaSinjali/

The post Kongresmeni amerikan: Kosova duhet të bëhet pjesë e NATO-s appeared first on Sinjali.

Korporata Energjetike e Kosovës njofton se prodhimi i energjisë gjatë dhjetorit 2025 dhe janarit 2026 është rritur ndjeshëm krahasuar me vitin e kaluar.

Sipas KEK-ut është arritur një shtesë totale prej rreth 110,000 MWh dhe përmbushur kërkesën e brendshme për energji.

Sinjali – aty ku e vërteta flet para lajmit!

/GazetaSinjali/

The post KEK: Prodhimi i energjisë rritet me 110,000 MWh në dy muaj appeared first on Sinjali.

Kryeministri Hristijan Mickoski deklaroi se ligji për gjuhët lejon që provimi i jurisprudencës të mbahet në shqip, pas kërkesës së studentëve shqiptarë të juridikut, të cilët dorëzuan peticion në institucione për ta realizuar këtë të drejtë.

Ai tha se ligji i gjuhëve është i qartë, prandaj edhe provimi në gjuhën shqipe mund të mbahet.

“Ligji për gjuhët është i qartë në këtë rast. Nëse dikush kërkon dhënien e provimit në shqip, duhet t’i lejohet”, deklaroi Mickoski.

Sinjali – aty ku e vërteta flet para lajmit!

/GazetaSinjali/

The post Mickoski: Provimi i jurisprudencës mund të mbahet në gjuhën shqipe appeared first on Sinjali.

Tre persona u vranë dhe një prift katolik u rrëmbye gjatë një sulmi armatosur në rezidencën e tij në distriktin Kauru, shteti Kaduna, në veri të Nigerisë.

Sulmi ndodh vetëm disa ditë pas shpëtimit të 166 besimtarëve nga sulme të ngjashme në rajon, duke rikthyer shqetësimin për pasigurinë e vazhdueshme në zonë.

Prifti i rrëmbyer është identifikuar si Nathaniel Asuwaye, famullitar i Kishës Katolike të Trinisë së Shenjtë në Karku.

Sinjali – aty ku e vërteta flet para lajmit!

/GazetaSinjali/

The post Tre të vrarë dhe një prift i rrëmbyer në sulm armatosur në Nigeri appeared first on Sinjali.

Skiatorja amerikane Lindsey Vonn pësoi një aksident të rëndë gjatë garës së zbritjes në Cortina 2026, u rrokullis dhe u transportua me helikopter në spital.

Gjendja e saj mbetet e paqartë.

U.S. ski star Lindsey Vonn was injured in a crash during the Winter Olympics and was airlifted by helicopter to a medical facility. pic.twitter.com/g4KrageW1q

— Open Source Intel (@Osint613) February 8, 2026

Sinjali – aty ku e vërteta flet para lajmit!

/GazetaSinjali/

The post Tronditje në Olimpiadë: Lindsey Vonn rrëzohet rëndë, dërgohet me helikopter në spital appeared first on Sinjali.

Një bursë kriptomonedhash në Korenë e Jugut u shpërndau aksidentalisht klientëve më shumë se 40 miliardë euro në Bitcoin, duke i bërë ata për një kohë të shkurtër multimilionerë.

Kishte planifikuar t’u jepte përdoruesve një shpërblim të vogël simbolik, por për shkak të një gabimi teknik, u transferuan 2.000 bitcoin për secilin klient.

Bithumb kërkoi falje për gabimin dhe njoftoi se kishte rikuperuar 99.7% të 620,000 bitcoin-eve të dërguar gabimisht.

“Duam ta sqarojmë se kjo çështje nuk ka të bëjë fare me hakim apo shkelje sigurie dhe nuk ka asnjë problem me sigurinë e sistemit apo menaxhimin e aseteve të klientëve”, tha Bithumb në një deklaratë.

Në një takim urgjent, rregullatori financiar i Koresë së Jugut tha se do të hetonte incidentin, shkruan BBC.

Çdo shenjë e aktivitetit të paligjshëm do të nxiste hetime zyrtare, sipas Shërbimit Mbikëqyrës Financiar (FSS).

Ndër tjera, Bithumb u zotua të bashkëpunojë me rregullatorët.

“Ne do ta marrim këtë aksident si mësim dhe do t’i japim përparësi besimit dhe qetësisë mendore të klientit në vend të rritjes së jashtme”, tha CEO Lee Jae-won.

Kompania planifikon të paguajë kompensim për të gjithë klientët që përdornin platformën në atë kohë dhe do të heqë dorë nga tarifat e tregtimit.

Gjithashtu, Bithumb tha se do të përmirësonte sistemet e verifikimit dhe do të prezantonte Al për të zbuluar transaksione anormale.

Ndryshe, incidenti ka të ngjarë të nxisë diskutime rreth kontrolleve më të rrepta rregullatore në financë.

Sinjali – aty ku e vërteta flet para lajmit!

/GazetaSinjali/

The post 40 miliardë euro në Bitcoin shpërndahen aksidentalisht appeared first on Sinjali.