Pas sulmeve masive ruse në infrastrukturën e energjisë në Ukrainë, mijëra objekte banimi në Kiev kanë mbetur pa ngrohje dhe rrymë. Për këtë arsye, gjithandej Kievit janë ngritur disa tenda, në të cilat mund të ngrohen banorët e qytetit, me ndihmën e gjeneratorëve. (Përgatiti: Krenare Cubolli)

Në disa zona në Kiev, ku objektet e banimit kanë mbetur pa ngrohje dhe ka probleme me furnizim me rrymë, Shërbimi Shtetëror i Emergjencave i ka ngritur disa tenda, si pika për ngrohje. Ka punëtorë të angazhuar që punojnë aty vazhdimisht. Secila tendë ka kapacitet për t’i pranuar deri në 500 persona.
1
Në disa zona në Kiev, ku objektet e banimit kanë mbetur pa ngrohje dhe ka probleme me furnizim me rrymë, Shërbimi Shtetëror i Emergjencave i ka ngritur disa tenda, si pika për ngrohje. Ka punëtorë të angazhuar që punojnë aty vazhdimisht. Secila tendë ka kapacitet për t’i pranuar deri në 500 persona.
Njerëzit shkojnë nëpër tenda për t’u ngrohur, për të pirë çaj të nxehtë dhe për t’i mbushur bateritë e telefonave. Secila tendë ka hapësirë për pushim. Ka edhe specialistë që ofrojnë ndihmë psikologjike. Të gjitha shërbimet janë falas.
2
Njerëzit shkojnë nëpër tenda për t’u ngrohur, për të pirë çaj të nxehtë dhe për t’i mbushur bateritë e telefonave. Secila tendë ka hapësirë për pushim. Ka edhe specialistë që ofrojnë ndihmë psikologjike. Të gjitha shërbimet janë falas.
Nëpër tenda mund të shihen ukrainas të të gjitha moshave.
3
Nëpër tenda mund të shihen ukrainas të të gjitha moshave.
Organizatat vullnetare kontribuojnë me ushqime të ngrohta.
4
Organizatat vullnetare kontribuojnë me ushqime të ngrohta.
Autoritetet e qytetit të Kievit i kanë krijuar disa harta për t’i informuar banorët se ku gjenden tendat dhe çfarë shërbimesh ofrohen aty.
5
Autoritetet e qytetit të Kievit i kanë krijuar disa harta për t’i informuar banorët se ku gjenden tendat dhe çfarë shërbimesh ofrohen aty.
Edhe kafshët shtëpiake janë të mirëpritura. Në gjithë Kievin janë 1.200 pika të tilla.
6
Edhe kafshët shtëpiake janë të mirëpritura. Në gjithë Kievin janë 1.200 pika të tilla.
Në rast të mungesës së internetit, harta mund të shkarkohet më herët në aplikacionin e qytetit “Kievi Digjital”.
7
Në rast të mungesës së internetit, harta mund të shkarkohet më herët në aplikacionin e qytetit “Kievi Digjital”.
Hapësirat brenda duken kështu…
8
Hapësirat brenda duken kështu…
Fëmijët gjejnë gjithmonë arsye dhe vend për të luajtur.
9
Fëmijët gjejnë gjithmonë arsye dhe vend për të luajtur.
Këto pika janë funksionale 24 orë brenda ditës, mirëpo mbyllen vetëm në rast të alarmit për sulme.
10
Këto pika janë funksionale 24 orë brenda ditës, mirëpo mbyllen vetëm në rast të alarmit për sulme.
Autoritetet thonë se mijëra njerëz kanë mbetur pa rrymë e ngrohje, si pasojë e sulmeve.
11
Autoritetet thonë se mijëra njerëz kanë mbetur pa rrymë e ngrohje, si pasojë e sulmeve.
Prandaj është ofruar mundësia që banorët ta bëjnë edhe gjumin në tenda.
12
Prandaj është ofruar mundësia që banorët ta bëjnë edhe gjumin në tenda.
Ndërkohë, autoritetet kanë kërkuar ndihmë nga qytete tjera të Ukrainës për t’i rregulluar sa më shpejt linjat e dëmtuara të energjisë.
13
Ndërkohë, autoritetet kanë kërkuar ndihmë nga qytete tjera të Ukrainës për t’i rregulluar sa më shpejt linjat e dëmtuara të energjisë.
Sipas tyre, mbi 130.000 njerëz i kanë vizituar tendat deri më tani.
14
Sipas tyre, mbi 130.000 njerëz i kanë vizituar tendat deri më tani.

Ish-Princi Andrew ka lënë rezidencën e tij luksoze në Windsor për t’u zhvendosur në pronën mbretërore të Sandringham. BBC raporton se Andrew Mountbatten-Windsor u largua nga Lozha Mbretërore të hënën.

Ky zhvillim vjen në një kohë kur presioni ndaj tij është rritur për shkak të lidhjeve të mëparshme me financierin amerikan Jeffrey Epstein.

Sipas raportimeve të gazetës The Sun, Princi Andrew aktualisht po qëndron në një banesë të përkohshme, Wood Farm Cottage, ndërsa rezidenca e tij e përhershme në të njëjtën pronë, Marsh Farm, është duke iu nënshtruar punimeve të rinovimit.

Kryeministri Edi Rama thotë se gjyqtarët kërkojnë n37 milionë euro plus nga buxheti i shtetit për t’i rritur pagat vetes. Në një lidhje live në rrjete sociale, kreu i qeverisë tha se nuk ka as ligj e kushtetutë që ua jep atyre këtë të drejtë.

Rama thekson se me qëndrimet publike që ka mbajtur, nuk ka përmendur asnjë emër, por ka reaguar ndaj kësaj kërkese që sipas tij nuk është e drejtë. Kryeministri përmendi shembuj konkret, teksa tha se vetëm për një gjyqtar të Gjykatës së Shkallës së Parë kërkojnë një rritje mujore page nga 3360  euro në 5300 euro, ndërsa për të Apelit nga 3480 euro në 5500 euro.

Kryeministri tha se ajo që e bën edhe më serioze çështjen është fakti se gjyqtarët në Shqipëri marrin më shumë pagë sesa vendet e rajonit si Maqedonia e Veriut dhe Mali i Zi dhe krahasohen me ato që ka Greqia.

“Unë e kam provuar linçimin, është diçka krejt tjetër nuk ka lidhje fare me një qëndrim publik ku nuk është as përmendur njeri me emër dhe as është fyer njeri, por është ngritur një problem i madh serioz. Ju kërkoni 37 mln euro plus nga buxheti i shtetit për t’i rritur vetes tuaj pagat. Shqiptarët duhet të dinë se ju kërkoni që për gjyqtarin e shkallës së parë paga të shkojë nga 3360 euro në 5300 euro, për të apelit nga 3480 euro që është sot, në 5500 euro. Ju kërkoni që paga në gjykatën e lartë të shkojë 5800 euro dhe të Prokurorëve të SPAK, të cilët i veçoj se nuk i është bashkuar kësaj përpjekje absurde dhe respekte, për ta çuar pagën e vet 9800 euro.

3 mijë euro doni t’i rrisni vetes në muaj me një vendim gjykate. Çfarë kërkoni? Ajo që e bën edhe më serioze këtë situatë, është se pagat tuaja, janë pagat më të larta goxha më të larta se në rajon, se në RMV, Mal të Zi dhe janë të barabarta me një vend të BE si Greqia. Sot ju i keni pagat sa në Greqi, dhe doni ti rrisni me nga 3 mijë euro në muaj, në emër të çfarë në emër të ligjit e kushtetutës? E pavërtetë, nuk ka ligj e kushtetutë që iu jep juve këtë të drejtë.”, tha Rama.

Sipas Ramës, “ju me këtë tentativë në GJK doni të jeni ligji.” Po ashtu, shtoi ai, Shoqata e Gjyqtarëve arriti në pikën që të sulmonte publikisht qeverinë dhe kryeministrin.

“Si arrini deri në pikën që të sulmoni publikisht qeverinë, kreun e këshillit të ministrave, mediave de t’i akuzoni të gjithë për histeri. Për çfarë histerie e keni fjalën? 37 mln euro plus që kërkoni nga buxheti janë para që duhet të hiqen nga diku tjetër”, shtoi kryeministri.

Ministria e Punëve të Brendshme ka shkarkuar nga detyra drejtoreshën e IdentiTek Freskida Halilaj. Ende nuk dihen motivet e qarta te shkarkimit nga detyra.

Kujtojmë Freskida Halilaj ka mbajtur postin e drejtoreshës së IdentiTek që prej muajit nëntor 2024.

Më parë këtë post e ka mbajtur Loina Prifti. Sot pritet të bëhet emërimi i drejtuesit të ri.

IdentiTek ofron regjistrimin, prodhimin dhe shpërndarjen e dokumenteve biometrike të shtetasve shqiptarë dhe të huaj me banim të përhershëm apo të përkohshëm në Shqipëri.

Shoqata e Prokurorëve të Republikës së Shqipërisë, në kuadër të zhvillimeve të fundit dhe debatit publik rreth gjykimit kushtetues mbi pagat e magjistratëve, në përmbushje të misionit dhe veprimtarisë së saj, e konsideron të domosdoshme të shprehë një qëndrim zyrtar në funksion të mbrojtjes së parimeve të shtetit të së drejtës dhe pavarësisë së sistemit të drejtësisë.

Shoqata e Prokurorëve të Republikës së Shqipërisë vlerëson se debatet publike për çështje që lidhen me sistemin e drejtësisë duhet të zhvillohen në mënyrë të përgjegjshme, të balancuar dhe me respekt për rolin kushtetues të magjistratëve. Çdo formë retorike që synon të kthejë opinionin publik kundër magjistratëve nuk i shërben forcimit të shtetit të së drejtës.

Shoqata e Prokurorëve të Republikës së Shqipërisë i bashkohet qëndrimeve publike dhe kërkimeve të argumentuara tashmë në mënyrë shteruese nga shoqatat e gjyqtarëve përpara Gjykatës Kushtetuese. Theksojmë se çdo ndryshim ligjor që passjell regres në standardet e njohura më parë dhe ulje të pagave të magjistratëve, përbën cenim të garancive kushtetuese.

Në një shtet demokratik dhe të së drejtës, pavarësia e Gjykatës Kushtetuese dhe e sistemit të drejtësisë në tërësi përbën një parim themelor, i cili duhet të respektohet nga të gjithë aktorët institucionalë dhe publikë, veçanërisht në faza të ndjeshme përpara vendimmarrjes. Në këtë kontekst, gjykimi kushtetues i inicuar nga shoqatat e gjyqtarëve duhet të përfundojë i pandikuar nga çdo presion i jashtëm apo instrumentalizim i opinionit publik.

Shoqata e Prokurorëve të Republikës së Shqipërisë shpreh besimin e saj të plotë në Gjykatën Kushtetuese si autoriteti i vetëm legjitim për të dhënë fjalën përfundimtare në këtë proces, si dhe mbështet çdo përpjekje institucionale dhe civile që synon forcimin e rendit kushtetues, pavarësinë e sistemit të drejtësisë dhe mbrojtjen e standardeve demokratike në vend.

Kryeministri Edi Rama në një polemike më gjyqtarët për debatin për rritjen e pagës thotë se ata kanë shkuar në Gjykatë Kushtetuese për t’i kërkuar taksapaguesve shqiptarë, që të paguajnë paga më të larta se të tjerëve për gjykatës dhe prokurorë që vettingu i hoqi sepse kishin pasuri të pajustifikuara.

Rama kritikoi Shoqatën e Gjyqtarëve, ndërsa tha se kjo shumicë i ka dhënë pavarësinë drejtësisë, duke i kërkuar që detyrën ta ushtrojnë me dinjitet.

“Ju keni shkuar në GJK për tju rritur pagën atyre që i hoqi Vettingu sepse nuk ishin të denjë për sistemin e ri të drejtësisë. Ju keni shkuar në GJK për ti kërkuar taksapaguesve shqiptarë, që të paguajnë paga më të larta se të tjerëve për gjykatës dhe prokurorë që vettingu i hoqi sepse kishin pasuri të pajustifikuara.

Ju keni vajtur në GJK për tu thënë taksapaguesve shqiptarë se edhe ata që ishin korruptuesit dhe gjakpirësit e sistemit të drejtësisë meritonin rritje pagash njësoj si ata që e kaluan vettingun.

Si mund ta fusni këtë në radhën e pretendimeve që keni nga kjo qeveri e poshtër që ka bërë një reformë historike dhe që ka bërë atë që kolegët tuaj nga 2012 derisa u bë kjo reformë e kanë ëndërruar por nuk e kanë prekur dot. I ka dhënë pavarësinë, që ju sot duhet të bëni cdo gjë që ta ushtroni me dinjitet, ta ktheni në të mirë rtë madhe të popullit shqiptar”, tha Rama.

epartamenti i Drejtësisë i Shteteve të Bashkuara (DOJ) ka tërhequr nga faqja e tij zyrtare mijëra dokumente që lidhen me çështjen e Jeffrey Epstein, pasi u konstatua se identitetet e viktimave ishin ekspozuar për shkak të redaktimeve të gabuara.

Avokatët që përfaqësojnë viktimat thanë se publikimi i dokumenteve të premten kishte përmbysur jetën e afro 100 të mbijetuarve, pasi në to përfshiheshin adresa email-i, fotografi nudo dhe të dhëna të tjera personale që lejonin identifikimin e tyre.

Të mbijetuarit reaguan ashpër, duke e quajtur këtë veprim “të papranueshëm” dhe duke theksuar se publikimi i emrave dhe detajeve personale i ka ekspozuar ata ndaj ritraumatizimit, kërcënimeve dhe rrezikut serioz për jetën.

DOJ pranoi gabimet, duke deklaruar se ato ishin rezultat i “gabimeve teknike ose njerëzore”, dhe njoftoi se të gjitha dokumentet e sinjalizuara janë hequr për redaktim të mëtejshëm. Siç shkruan BBC, në një letër drejtuar një gjyqtari federal, departamenti konfirmoi se po shqyrton edhe kërkesa të reja dhe po kontrollon nëse ka dokumente të tjera që kërkojnë redaktim shtesë.

Sipas autoriteteve amerikane, një numër i konsiderueshëm dokumentesh janë hequr edhe pas identifikimit të pavarur të shkeljeve, ndërsa procesi i verifikimit vijon.

Publikimi i dokumenteve ishte i detyrueshëm pas miratimit nga të dy dhomat e Kongresit të një mase ligjore që detyronte DOJ-në të bënte publike materialet e lidhura me Epstein, me kushtin që çdo informacion që mund të identifikonte viktimat të redaktohej.

Megjithatë, dy avokatë të viktimave i kërkuan një gjyqtari federal në Nju Jork të urdhëronte mbylljen e faqes që publikoi dokumentet, duke e cilësuar rastin si “shkeljen më të rëndë të privatësisë së viktimave brenda një dite në historinë e SHBA-ve”.

Sipas tyre, situata përbën një emergjencë që kërkon ndërhyrje të menjëhershme gjyqësore, pasi mijëra raste përmbanin emra dhe informacione personale të paredaktuara.

Disa viktima raportuan pasoja serioze pas publikimit, përfshirë kërcënime me vdekje dhe rrezik real për sigurinë e tyre personale, pasi u zbuluan edhe të dhëna bankare private.

Duke folur për BBC-në, e mbijetuara Annie Farmer tha se dëmi i shkaktuar nga ekspozimi i viktimave e ka bërë të vështirë përqendrimin te informacionet e reja që dolën nga dokumentet. Ndërkohë, një tjetër viktimë, Lisa Phillips, deklaroi se shumë të mbijetuar janë të zhgënjyer nga mënyra se si u menaxhua publikimi.

Ajo akuzoi DOJ-në se ka dështuar në tre pika kryesore: publikimin e plotë të dokumenteve, respektimin e afateve ligjore dhe mbrojtjen e identitetit të viktimave, duke shtuar se beteja ligjore do të vazhdojë.

Avokatja e njohur për të drejtat e grave, Gloria Allred, konfirmoi se në dokumentet e publikuara janë zbuluar emrat dhe madje fotografitë e disa viktimave që nuk kishin dalë kurrë publikisht më parë.

Nga ana tjetër, një zëdhënës i DOJ i tha medias amerikane se departamenti e merr seriozisht mbrojtjen e viktimave dhe se deri tani vetëm 0.1% e faqeve të publikuara përmbanin informacion të paredaktuar, duke theksuar se puna për korrigjimin e situatës po vijon pa ndërprerje.

Miliona dokumente që lidhen me Jeffrey Epstein janë bërë publike që nga miratimi i ligjit për transparencë vitin e kaluar, përfshirë miliona faqe, qindra mijëra imazhe dhe mijëra video.

Ka shkuar në 15 numri i personave që humbën jetën pas përplasjes së një anijeje të rojes bregdetare greke me një gomone që transportonte emigrantë të paligjshëm pranë ishullit lindor të Detit Egje, Çios, të martën vonë, njoftuan autoritetet. Dhjetëra të tjerë mbetën të plagosur.

Siç raporton media greke Kathimerini ngjarja ndodhi ndërsa gomonia, e dyshuar se operohej nga kontrabandistë emigrantësh, po përpiqej të afrohej në zonën Myrsinidi në bregun lindor të ishullit për të zbarkuar pasagjerët.

Anija transportonte rreth 30 persona dhe ishte e pajisur me motor të fuqishëm kur u vu re nga një mjet patrullimi i rojes bregdetare që operonte nga ishujt e afërt Oinousses.

Pas një ndjekjeje, të dyja mjetet u përplasën, sipas zyrtarëve të rojes bregdetare. Autoritetet njoftuan se viktimat përfshinin 11 burra dhe katër gra, ndërsa paralajmëruan se numri i të vdekurve mund të rritet.

U nis menjëherë një operacion i madh kërkimi dhe shpëtimi, që përfshinte disa anije të rojes bregdetare dhe një gomone private me zhytës civilë. Ambulancat transportuan të mbijetuarit e plagosur në Spitalin e Përgjithshëm Skylitseio të Çios. Deri në mesnatë, 24 emigrantë, përfshirë dy gra shtatzëna, si dhe dy oficerë të rojes bregdetare me lëndime të lehta, u dërguan në spital. Më vonë u konfirmua se fetuset e dy grave shtatzëna nuk mbijetuan.

Tre emigrantë të tjerë iu nënshtruan operacioneve për dëmtime të rënda në organe jetësore.

Zyrtarët thanë se ky incident është ndër më seriozët në vitet e fundit, edhe pse ndjekje të shpejta me gomone emigrantësh kanë ndodhur më parë pranë ishujve grekë si Kos, Symi, Rodos, Samos dhe Agathonisi.

Në muajt e fundit, mbërritjet e emigrantëve në ishujt e Detit Egje kanë rënë ndjeshëm. Në dhjetor, rreth 220 persona mbërritën në Çios, ndërsa në fillim të shkurtit u regjistruan 33 mbërritje, sipas të dhënave të Ministrisë së Migracionit. Në përgjithësi, flukset e emigrantëve drejt ishujve të Egjeut ranë në vitin 2025, me rreth 40% të mbërritjeve të regjistruara në Kretë.

Të martën vonë, Ministri i Migracionit, Thanos Plevris, njoftoi gjatë një debati parlamentar se qeveria do të krijojë dy qendra pritjeje për emigrantët në Kretë, të financuara nga Bashkimi Evropian, dhe pritet të jenë funksionale deri për festën e Pashkëve. Ligji përfshin gjithashtu masa kompensuese për komunitetet lokale, të ngjashme me ato që tashmë zbatohen në ishujt e Egjeut që presin qendra pritjeje afatgjata.

Kryeministri Edi Rama thotë se gjyqtarët kërkojnë n37 milionë euro plus nga buxheti i shtetit për t’i rritur pagat vetes. Në një lidhje live në rrjete sociale, kreu i qeverisë tha se nuk ka as ligj e kushtetutë që ua jep atyre këtë të drejtë.

Rama thekson se me qëndrimet publike që ka mbajtur, nuk ka përmendur asnjë emër, por ka reaguar ndaj kësaj kërkese që sipas tij nuk është e drejtë. Kryeministri përmendi shembuj konkret, teksa tha se vetëm për një gjyqtar të Gjykatës së Shkallës së Parë kërkojnë një rritje mujore page nga 3360  euro në 5300 euro, ndërsa për të Apelit nga 3480 euro në 5500 euro.

Kryeministri tha se ajo që e bën edhe më serioze çështjen është fakti se gjyqtarët në Shqipëri marrin më shumë pagë sesa vendet e rajonit si Maqedonia e Veriut dhe Mali i Zi dhe krahasohen me ato që ka Greqia.

“Unë e kam provuar linçimin, është diçka krejt tjetër nuk ka lidhje fare me një qëndrim publik ku nuk është as përmendur njeri me emër dhe as është fyer njeri, por është ngritur një problem i madh serioz. Ju kërkoni 37 mln euro plus nga buxheti i shtetit për t’i rritur vetes tuaj pagat. Shqiptarët duhet të dinë se ju kërkoni që për gjyqtarin e shkallës së parë paga të shkojë nga 3360 euro në 5300 euro, për të apelit nga 3480 euro që është sot, në 5500 euro. Ju kërkoni që paga në gjykatën e lartë të shkojë 5800 euro dhe të Prokurorëve të SPAK, të cilët i veçoj se nuk i është bashkuar kësaj përpjekje absurde dhe respekte, për ta çuar pagën e vet 9800 euro.

3 mijë euro doni t’i rrisni vetes në muaj me një vendim gjykate. Çfarë kërkoni? Ajo që e bën edhe më serioze këtë situatë, është se pagat tuaja, janë pagat më të larta goxha më të larta se në rajon, se në RMV, Mal të Zi dhe janë të barabarta me një vend të BE si Greqia. Sot ju i keni pagat sa në Greqi, dhe doni ti rrisni me nga 3 mijë euro në muaj, në emër të çfarë në emër të ligjit e kushtetutës? E pavërtetë, nuk ka ligj e kushtetutë që iu jep juve këtë të drejtë.”, tha Rama.

Sipas Ramës, “ju me këtë tentativë në GJK doni të jeni ligji.” Po ashtu, shtoi ai, Shoqata e Gjyqtarëve arriti në pikën që të sulmonte publikisht qeverinë dhe kryeministrin.

Kryeministri Edi Rama ka reaguar sërish në lidhje me debatin mbi rritjen e pagave të gjyqtarëve, duke i kthyer edhe një përgjigje Shoqatës së Gjyqtarëve, e cila tha se “po ushtrohet presion ndaj tyre”.

Kreu i qeverisë i qëndron mendimit se iniciativa e tyre për të rritur vetë pagën është një përpjekje e pajustifikueshme dhe  e papranueshme.

Rama thotë se Shoqata e Gjyqtarëve shfaqet si një parti politike dhe me një gjuhë, sipas tij të papranueshme për atë cka ata përfaqësojnë.

“Jam këtu në një komunikim sepse jam i surprizuar nga një reagim i pabesueshëm i shoqatës së gjyqtarëve lidhur me shqetësimin e ngritur nga unë për një përpjekje që në këndvështrimin tim është e pajustifikueshme, e papranueshme dhe e pa gëlltitshme për t’ju imponuar parlamentit dhe qeverisë përmes pushtetit gjyqësor dhe për ti rritur pagat vetes gjyqtaret me gjyq.

Këtë shqetësim publik unë e kam shprehur si palë në emër të një pale, një pale me të drejtën për të mbrojtur interesin e vet publik në gjykatë. Pra në emër të pushtetit ekzekutiv, por edhe si kryetar i shumicës parlamentare. Është hera e dytë që ndodh që ka një habi shoqëruar me një përpjekje për të më mbyllur gojën, kur në fakt unë flas në emër të çka përfaqësoj me votën e shqiptarëve në mbrojtje të interesi me të cilin jemi në gjyq, pra jemi palë.

Befas shoqata e gjyqtarëve shfaqet si parti politike me një gjuhë të papranueshme për ata që përfaqësojnë pushtetin gjyqësor, pra përfaqësojnë një pushtet, i cili arbitron dhe jo një arbitër i cili thotë bilbili është i imi, topi është i imi, topin do ta gjuaj vetë dhe porta duhet të rrijë pa portier”, tha Rama.

Barcelona ka paraqitur zyrtarisht kandidaturën për të pritur finalen e Ligës së Kampionëve 2029, duke propozuar stadiumin “Spotify Camp Nou” si arenën pritëse të ndeshjes më prestigjioze të futbollit evropian për klube.

Lajmi është konfirmuar nga vetë klubi katalanas përmes një deklarate zyrtare.

Barcelona është rikthyer të luajë në “Camp Nou” vitin e kaluar, ndonëse impianti vijon të jetë pjesërisht në proces rinovimi.

Sipas planeve të klubit, punimet për modernizimin e plotë të stadiumit pritet të përfundojnë deri në fund të vitit 2027, duke e bërë atë plotësisht të gatshëm për organizimin e eventeve madhore ndërkombëtare, përfshirë edhe finalen e Champions League.

Përveç finales së Ligës së Kampionëve, “Camp Nou” përmendet edhe si një nga stadiumet potenciale për Kupën e Botës 2030, e cila do të organizohet bashkërisht nga Spanja, Portugalia dhe Maroku, çka e forcon më tej pozicionin e Barcelonës si një qytet pritës i ngjarjeve të mëdha sportive.

Në deklaratën zyrtare thuhet se, FC Barcelona ka shprehur gatishmërinë për të marrë pjesë në fazën fillestare të procesit të kandidimit, në bashkëpunim me Këshillin e Qytetit të Barcelonës dhe Qeverinë e Katalonjës, duke propozuar qytetin dhe stadiumin “Spotify Camp Nou”, në varësi të homologimit dhe miratimit nga UEFA, me mbështetjen e Federatës Mbretërore Spanjolle të Futbollit (RFEF).

Klubi thekson se kjo fazë është paraprake dhe përfshin analizë e vlerësim nga ana e UEFA-s, ndërsa dorëzimi i dosjes përfundimtare me të gjithë dokumentacionin e nevojshëm është planifikuar për fillimin e qershorit 2026.

Nën drejtimin e trajnerit aktual Hansi Flick, Barcelona synon jo vetëm sukses sportiv, por edhe rikthimin e plotë në qendër të vëmendjes së futbollit evropian.

LEXO EDHE: Jep dorëheqjen presidenti i Barcelonës

Shqipëria do të ketë për herë të parë një qendër të madhe të të dhënave, falë një investimi prej rreth 100 milionë eurosh nga kompania izraelite ADC, e përzgjedhur pas afrimit të marrëdhënieve mes Shqipërisë dhe Izraelit.

Lajmi bëhet i ditur nga media izraelite “Globes”.

Projekti do të ndërtohet në një zonë të lirë ekonomike pranë Tiranës, në TEDA, dhe do të ketë një kapacitet fillestar prej 32 megavatësh, me mundësi zgjerimi deri në 100 megavatë. Qendra e të dhënave do të funksionojë mbi teknologjinë e avancuar të procesorëve grafikë të Nvidia-s dhe do të shërbejë për përpunim të avancuar të të dhënave dhe inteligjencës artificiale.

Falë statusit të Shqipërisë si vend anëtar i NATO-s dhe kandidat për Bashkimin Europian, projekti ka përfituar kushte të përshpejtuara dhe favorizuese. Leja e ndërtimit është miratuar brenda vetëm 60 ditësh, ndërsa objekti po ndërtohet në tokë shtetërore, me infrastrukturë energjetike dhe komunikimi të përgatitur paraprakisht.

Qendra do të furnizohet me energji të gjelbër nga burime hidroelektrike, ndërsa kompania publike e energjisë po ndërton një nënstacion elektrik të dedikuar për këtë projekt. Në aspektin financiar, 75% e kostos së investimit mbulohet nga një linjë kredie e Bankës Europiane për Rindërtim dhe Zhvillim.

Edhe pse ndërtimi nuk ka përfunduar ende, qendra e të dhënave ka siguruar tashmë tre klientë të rëndësishëm, mes tyre një kompani shqiptare e teknologjisë, një kompani gjermane dhe një institucion qeveritar shqiptar, identiteti i të cilit mbetet konfidencial.

Sipërmarrësit e projektit synojnë të tërheqin klientë europianë dhe amerikanë që kërkojnë qendra përpunimi të inteligjencës artificiale të bazuara në energji të pastër, në një kohë kur SHBA po përballet me kufizime serioze në zhvillimin e qendrave të reja të të dhënave dhe kapaciteteve energjetike.

Ky investim vjen në një moment të afrimit të fortë politik mes Shqipërisë dhe Izraelit, i cili është intensifikuar pas sulmit kibernetik ndaj Tiranës në vitin 2022 dhe bashkëpunimit të mëvonshëm në fushën e sigurisë kibernetike dhe të mbrojtjes.

Ministria e Migracionit dhe Azilit në Greqi ka paraqitur së fundmi një projektligj që synon modernizimin e sistemit të lejeve të qëndrimit dhe reduktimin e burokracisë.

Gazetarja shqiptare Nilda Baxha, e cila jeton në Athinë, ka hedhur dritë mbi zhvillimet e fundit rreth projektligjit të ri. Ky ligj, i cili synon të rregullojë mungesën e fuqisë punëtore dhe të reduktojë burokracinë, po pritet me nota të forta kritike nga përfaqësuesit e emigrantëve.

Sipas Baxhës, ky është një moment historik, pasi për herë të parë në debate parlamentare u përfshinë zëra direkt nga komuniteti.

“Javën e kaluar është zhvilluar një debat mjaft i rëndësishëm. Ishte hera e parë që morën pjesë dhe përfaqësues nga Forumi Grek i Emigrantëve. Ne shqiptarët u përfaqësuam nga Rovena Xhori dhe Alda Shashati,” raporton gazetarja.

Baxha e krahasoi projektligjin e ri me “thërrime”.

“Personalisht më kujton ato thërrimet që u hidhen pëllumbave për t’i mbajtur afër. Historia jonë 35-vjeçare e emigracionit ka kaluar nëpërmjet zvarritjeve burokratike, abuzimeve të ndryshme, vonesave të pajustifikuara, dhënieve të kartave të skaduara, të cilat kanë sjellë mërzitje dhe ankth veçanërisht te ne të brezit të parë. Tashmë brezi i 50-60 vjeçarëve janë në moshën e pensionit.

Atyre u jepet mundësia për një rinovim të lejeve të qëndrimit vetëm nëse do të kenë sigurime shoqërore. Këtu ka një kleçkë, sepse nëse nuk janë në marrëdhënie pune u duhet t’i paguajnë vetë ato. Mund të jepet një lehtësim të rinovimit  të lejes së qëndrimit, ka një anë pozitive, por flasim për një brez që ka mbuluar punët më të rënda, punët në ndërtim, në turizëm, në mbledhjen e ullinjve, agrumeve e të tjerë”.

Nilda Baxha sqaroi disa nga propozimet që po shkaktojnë debat. Emigrantët që kanë mungesë punësimi prej 3-6 muajsh rrezikojnë të mbeten pa karta. Baxha shpjegoi se kjo është mjaft e vështirë pasi jo të gjithë janë në punë gjatë gjithë vitit, veçanërisht në sektorët sezonalë.

Edhe pse rikthehen kartat e identitetit 10-vjeçare, ato kushtëzohen me një provim të vështirë.

“Një 50-vjeçar që punon për një kohë të gjatë duhet të lexojë shumë dhe të japë provim për gjuhën, kulturën greke, antikitetin, gjeografinë, historinë,” u shpreh ajo, duke e konsideruar këtë shumë larg pritshmërive.

Nga rreth 400 mijë emigrantë shqiptarë në Greqi, aktualisht janë 84 mijë çështje në proces shqyrtimi që presin në radhët e gjata të administratës greke.

“Ministrit të Migracionit dhe Azilit, Thanos Plevris, iu kërkua që të ketë një rritje të nëpunësve të cilët merren me këto dokumentacione të dorëzuara nga emigrantët, sepse zvarritjet janë shumë të gjata dhe shpesh emigrantët janë pajisur me karta të skaduara. Nuk pati përgjigje prej tij. Madje dhe ai vetë e pranon që ka pasur burokraci dhe zvarritje por nuk jep asnjë zgjidhje”.

Gazetarja sqaroi se për shkak të vonesave deri në 2 vite, shumë emigrantë pajisen me karta që janë pothuajse të skaduara në momentin që i marrin.

“Zgjidhja e vetme është që ne emigrantët të organizohemi në protesta paqësore për t’i dhënë një mesazh qeverisë greke për atë pjesë emigrantësh që kanë kontribuar në mënyrë të ndershme,” përfundoi ajo.

Një shofer shqiptar ka pranuar se shkaktoi vdekjen e një dentisti të pensionuar 89-vjeçar në një aksident që tronditi komunitetin e Gillinghamit, Kent.

Viktima, Thomas Wallace, u godit nga një Mercedes gri estate rreth orës 12:00 më 29 dhjetor të vitit të kaluar.

Trupi i tij u gjet pothuajse një milje larg vendit ku u godit, në Grange Road, Medway.

Shoferi shqiptar, 29-vjeçari Albert Matraxhiu, nga Edgware, Londër, së bashku me pasagjerin e tij po shqiptar, Erald Paci., 29 vjeç nga Chatham, Kent, braktisën makinën dhe më pas hodhën telefonat, rrobat dhe targat e automjetit.

Të dy shqiptarët u paraqitën në Maidstone Crown Court për të dhënë versionet e tyre. A.M. mohoi se kishte shkaktuar vdekjen nga drejtimi i mjetit në mënyrë të rrezikshme, por pranoi një akuzë më të butë, për shkaktim të vdekjes nga drejtimi i pakujdesshëm.

Gjyqtari Julian Smith e përshkroi ngjarjen si me rrethana të jashtëzakonshme, duke theksuar se makina kishte vazhduar të lëvizë me Wallace-n mbi makinë për pothuajse një kilometër, para se ai të binte në rrugë.

Matraxhiu do të përballet në gjyq për akuzën “shkaktim të vdekjes nga drejtimi i rrezikshëm” më 13 korrik. Ai po ashtu akuzohet për drejtim pa sigurim, drejtim në kundërshtim me lejen, mosndalim pas aksidenti dhe mosraportim të aksidentit.

Të dy shqiptarët kanë status imigrant të papërcaktuar. Erald Paci është deportuar më parë nga Britania e Madhe dhe po priste vendimin e Home Office, ndërsa Matraxhiu ka status imigrant i refuzuar.

Familja e Wallace-s, disa prej të cilëve ishin në sallën e gjyqit, lëshoi një deklaratë përmes policisë duke theksuar se ai ishte bërë së fundmi stërgjysh.

“Ai ishte një anëtar i respektuar dhe i dashur i komunitetit dhe meritonte një fund më të mirë të jetës së tij sesa ky”, thanë ata.

Shumë futbollistë të Kombëtares shqiptare ndryshuan skuadër në merkaton e janarit.

Transferimi më i bujshëm ishte ai i Kristjan Asllanit, nga Torino te skuadra e Besiktashit, me bekimin e Interit që zotëron kartonin e mesfushorit kuqezi. Pas një muaji me lajme të shumta, zyrtarizimi i tij erdhi vetëm një ditë para fundit të merkatos.

Po ashtu, në Turqi u rikthye Rei Manaj, pasi mbylli aventurën e tij me skuadrën e Al Sharjah në Emiratet e Bashkuara Arabe. Sulmuesi vendosi ta vazhdojë karrierën te Sivaspori.

LEXO EDHE: Zyrtare! Rey Manaj firmos kontratë 3.5 vjeçare me Sivasspor

Anis Mehmeti vendosi të largohej nga Bristol City për të luajtur me Ipswich Town, klub që ka synime të qarta për ngjitjen në Premier Ligë këtë sezon.

Mbrojtësi Klisman Cake u transferua nga Shkëndija e Tetovës drejt kampionatit rus, për të vazhduar karrierën me Akhmat Grozny, një mundësi e mirë për të provuar veten në një kampionat më të fortë.

Edhe Maldin Kaçuri u largua nga Morecambe, për t’u transferuar në ekipin e Grimsby Town, ndërsa talenti Elton Fikaj la Panathinaikosin në Greqi për të luajtur me Piast Gliwice në Poloni.

Alen Sherri ndërpreu huazimin e tij me skuadrën e Frosinones, për t’u rikthyer te Cagliari në Serinë A. Edhe Marvin Çuni u huazua nga Sampdoria te Bari. Shumë të tjerë si Mitaj dhe Arbër Hoxha patën oferta, por marrëveshjet nuk u konkretizuan.

Lëvizjet e Legjionarëve

Kristjan Asllani: Torino → Besiktas

Rei Manaj: Al Sharjah → Sivaspor

Klisman Cake: Shkëndija → Akhmat Grozny

Alen Sherri: Frosinone → Cagliari

Maldini Kaçurri: Morecambe → Grimsby

Anis Mehmeti: Bristol City → Ipswich

Elton Fikaj: Panathinaikos → Piast Gliwice

Joan Laporta do të japë dorëheqjen nga pozicioni i Presidentit të Barcelonës të hënën me 9 shkurt. Laporta, ka deklaruar diçka të tillë, për të bërë kështu të mundur kandidaturën e tij për rizgjedhje në votimin e planifikuar për 15 mars 2026, raporton “Mundo Deportivo“.

Në fjalën e tij, ai theksoi se kjo periudhë është e rëndësishme për të ardhmen e klubit, ndërsa mirëpriti kandidatura si Victor Font, Marc Ciria, Xavi Vilajoana dhe Joan Camprubi Montal.

Laporta foli edhe për të ardhmen. Nëse ai fiton zgjedhjet, gjëja e parë që do bëjë është rinovimi me trajnerin gjerman Hansi Flick.

Ndërsa jemi në muajin shkurt, Barcelona mbetet një nga skuadrat më të forta në Evropë dhe është ende në garë për katër tituj.

Një operacion është në zhvillim e sipër në Durrës dhe në Tiranë për 2100 ton mbetjet e rrezikshme të kompanisë “Kürüm International” që u kthyen nga Tajlanda.

Në total janë lëshuar në total 33 urdhërarreste nga Prokuroria e Durrësit, nga të cilat 26 masa arrest në burg dhe 6 të tjera arrest shtëpie.

LEXO EDHE: FOTO-EMRI/ Mes të ndaluarve për skandalin e mbetjeve të rrezikshme, kush është drejtoresha e Agjencisë së Arsimit Parauniversitar? 

Operacioni është në zhvillim për ekzekutimin e masave të sigurisë në 3 qytete, Tiranë, Elbasan dhe Durrës.

Masat vijnë pas mbërritjes nga Italia të rezultateve të analizave laboratorike për mostrat e mbetjeve të sekuestruara, të cilat, sipas burimeve hetimore, i klasifikojnë ato si të dëmshme dhe potencialisht kancerogjene për shëndetin e njeriut.

Masat e sigurisë

Arrest me burg

Erdal Demir – Administratori i “Kürüm International”

Yusuf Sezai Kurum – Administrator me prokurë i “Kürüm International”

Gjovana Sokolaj – Pronare e kompanisë “Sokolaj”

Doni Sokolaj – Administrator i kompanisë D.o.o Minerals

Olizana Pemati – Ish- administratore e kompanisë “Sokolaj”

Mujo Ilazaj – Drejtori i Transportit në kompaninë “Kürüm International”

Rami Bunga – Specialist pranë zyrës së mjedisit në “Kürüm International”

Harun Sarica – Drejtori i prodhimit të çelikut në “Kürüm International”

Arif Shkalla – Drejtues në kompaninë “Kürüm International”

Shaban Hyseni – Drejtor i departamentit të shitjeve në “Kürüm International”

Mikail Hila – Aksioner i agjencisë doganore “Joti Spedition”

Mbarime Koroci – Aksionere e kompanisë “Alliance Resource”

Nazif Bajrami – Pronar i kompanisë “Bajrami N”

Andon Prifti – Administrator i kompanisë “Bajrami N”

Petrit Qosja – Person fizik në tregtinë e mbetjeve

Indrit Likaj – Dega e Doganës Durrës

Helidon Lila – Dega e Doganës Durrës

Edmond Voda – Dega e Doganës Durrës

Shkëlqim Jakupi – Dega e Doganës Durrës

Florian Çimo  – Administrator i kompanisë koncesionare EMS APO

Gazmend Sina – Punonjës i kompanisë koncesionare EMS APO

Ingo Hesse – administrator i kompanisë EMS APO

Dritan Seferaj – Drejtoria e Inspektim- Kontrollit, AKM

Xhulio Golgota – Inspektor i Autoritetit Portual Durrës

J.K   arrest me burg

K.M   arrest me burg

Arrest shtëpie

Mirjeta Zotaj – Kontabiliste e kompanisë “Sokolaj”

Kledina Skendo – Sektori i monitorimit të lejeve mjedisore, AKM

Evis Mellonashi – Sektori i lejeve mjedisore, AKM

Iva Musa – Inspektore e Autoritetit Portual Durrës

Marjeta Përlala – Drejtoresha aktuale e AKM

Arta Dollani – Ish- drejtoresha e Përgjithshme e AKM

B.T  arrest shtëpiak

Si u fshehën 10 kontejnerët me mbetje të rrezikshme?

Brenda 102 kontejnerëve me mbetje të kompanisë turke, që do të eksportoheshin drejt Tajlandës nëpërmjet kompanisë “Sokolaj” sh.p.k. të Gjovana Sokolajt, është verifikuar se ishte futur hiri i furrave të metalurgjikut, një mbetje e rrezikshme.

Sipas dokumenteve të Prokurorisë, rezulton se të dyja kompanitë kanë kryer një sërë veprimesh për të fshehur llojin e vërtetë të mbetjes.

Analizat laboratorike dhe aktet e ekspertimit kanë konfirmuar se bëhet fjalë për mbetje të koduara 10 02 07*, të cilat konsiderohen të rrezikshme për shëndetin dhe mjedisin.

“Duke iu referuar akteve të administruara dhe rezultateve të ekspertimit, rezulton se subjektet Sokolaj sh.p.k. dhe Kurum International, në dijeni të plotë të rrezikshmërisë së mbetjeve të rrezikshme, të cilat kualifikohen sipas kodit 10 02 07*, kanë kryer një sërë veprimesh për fshehjen e llojit të vërtetë të mbetjes, në bashkëpunim edhe me të tretë, me qëllim eksportimin jashtë Shqipërisë, duke iu shmangur të gjitha detyrimeve ligjore të parashikuara në legjislacionin shqiptar dhe atë ndërkombëtar për menaxhimin e mbetjeve të rrezikshme”, thuhet në dokumentin e Prokurorisë.

2100 tonë mbetje

102 kontejnerët me 2100 tonë mbetje që kishin destinacion Tajlandën, u kthyen në nëntor 2024 në vendin tonë pasi organizata mjedisore “Basel Action Network” ngriti alarmin se brenda tyre mund të fshiheshin tonelata me mbetje të rrezikshme.

Pas denoncimit, Prokuroria e Durrësit nisi hetim ndaj kompanisë eksportuese “Sokolaj” sh.p.k, e cila nga ana e saj ka deklaruar se i kishte blerë mbetjet nga kompania e prodhimit të shufrave të hekurit, “Kürüm International”.

Ngarkesa u nis nga porti shqiptar, si pjesë e një marrëveshjeje eksporti të kompanisë shqiptare “Sokolaj”, e cila i kishte blerë mbetjet nga kompania Kurum, prodhuese e çelikut dhe hekurit, në mjediset e ish kombinatit metalurgjik në Elbasan, për një vlerë 141 mijë dollarë dhe ia shiti subjektit kroat “GS Minerals Doo” për një vlerë 141 mijë dollarë.

Pas alarmit të dhënë nga organizata joqeveritare ‘Rrjeti i Aksionit të Bazelit’ me seli në Seattle, të Shteteve të Bashkuara, anija u kthye në Shqipëri dhe mbërriti mëngjesin e 28 tetorit 2024, në radën e jashtme të portit detar të Durrësit, ndërsa u ankorua në port më 8 nëntor 2024.

Kush është “Kürüm International”

“Kürüm International”, pjesë e “Kürüm Holding” në Turqi, vepron në ambientet e privatizuara të ish Kombinatit Metalurgjik në Elbasan që prej vitit 2009.

Uzinat e Prodhimit të Çelikut Elbasan të cilat kanë një kapacitet të gjerë shtrihen në një kompleks me sipërfaqe totale 219.410 m2 të përbërë nga një uzinë çeliku, tre uzina petëzimi dhe një hapësirë pjesërisht të mbyllur prej 88.410 m2 .

Sot kompleksi me kapacitet prodhimi 700.000 ton të hekurit për ndërtim të petëzuar në të nxehtë dhe 510.000 ton prodhim çeliku të lëngshëm.

“Zullumet” në Shqipëri

“Kürüm International”, që prej vitit 2009, duke shkrirë çdo ditë tonelata me hekurishte të ardhura nga Maqedonia e Veriut, Kosova, Bullgaria, Mali Zi, e deri nga Serbia,  helmoi gjithçka. Tokën, ajrin, lumin, pyjet, rrugët, pemët, të mbjellat, bagëtitë, pulat, lopët, dhe mbi të gjitha jetën e banorëve të zonave ku punon si Bradasheshin, Shijonin, Kusarthin, Katundin e Ri, dhe deri ata të Elbasanit.

Madje për dëmin e madh të ndotjes vite më parë iu pezullua edhe leja nga Inspektorati i Mjedisit, por pavarësisht kësaj ajo solli sërish helme.

Mashtrime me bankat

Në vendin e origjinës, Turqi, pronari Asmet Kürüm ka qenë protagoniste e një tjetër skandali mashtrimi ku mediat turke e akuzuan se u mori qindra miliona euro bankave turke e britianike dhe 210 milion euro bankave shqiptare në formë kredie duke gënjyer me bilancet.

Skandali mori përmasa më të mëdha pasi pjesë e listës së bankave të mashtruara ishin turke, shqiptare, madje edhe britanike duke e kthyer në një skandal ndërkombëtar.

Gazeta turke “Sabah” raportonte se skandali i kompanisë turke “Kürüm Demir”, e cila ka operuar në Shqipëri përmes kompanisë “Kürüm International” ka të bëjë me një mashtrim gjigant që i është bërë bërë 33 bankave në Turqi, Shqipëri dhe Angli. S

iç shkruante gazetarja turke Dilek Güngor, mashtrimi ishte aq mirë i menduar sa “nuk do t’i shkonte ndërmend as djallit”.

Kryetari i Grupit Parlamentar të Partisë Socialiste, Taulant Balla, deklaroi në Kuvend se të rinjtë dhe fëmijët janë grupi më i ekspozuar ndaj rrezikut të drogës, duke theksuar nevojën për rritjen e sigurisë brenda dhe përreth shkollave.

Gjatë fjalës së tij, Balla u shpreh se është detyrim i Ministrisë së Arsimit, Ministrisë së Brendshme dhe i të gjithë aktorëve të tjerë institucionalë të forcojnë masat për mbrojtjen e fëmijëve nga shpërndarja e lëndëve narkotike, të cilat sot përfshijnë jo vetëm drogat tradicionale, por edhe substanca të reja të shpallura të paligjshme me ligj.

“Do ta votoja me shumë kënaqësi një vendim për ndalimin e rrjeteve sociale për fëmijët nën 16 vjeç, një praktikë që po ndiqet nga vende që marrin përgjegjësi si Franca, Spanja dhe Australia”, u shpreh Balla, duke theksuar se një vendim i tillë duhet të merret përmes një konsultimi të gjerë publik.

Pak kohë pasi Spanja, Australia, Franca dhe Portugalia njoftuan se planifikon të ndalojë përdorimin e rrjeteve sociale nga personat nën 16 vjeç, duke miratuar një ligj që do t’i bëjë drejtuesit e mediave personalisht përgjegjës për gjuhën e urrejtjes në platformat e tyre, edhe Greqia duket se po merr të njëjtat masa.

Në një aktivitet me titull “Mbrojtja e Fëmijëve në Epokën Digjitale”, në kuadër të Javës së Nivelit të Lartë të Asamblesë së Përgjithshme të OKB-së, kryeministri grek Kyriakos Mitsotakis theksoi se Greqia është e gatshme të shqyrtojë edhe “ndalimin e përdorimit të rrjeteve sociale duke vendosur një prag për moshën e pjekurisë digjitale”, në bashkëpunim të ngushtë me partnerët ndërkombëtarë.

“Nuk mund t’i përdorim vështirësitë e zbatimit të këtyre politikave si justifikim për të mos bërë asgjë për këtë problem”, theksoi ai.