Nuk ka kompensim 480 apo 1000 euro! Do ketë rillogaritje tatimi. Kush del me tepricë kreditore (tatim të mbipaguar) do t’i kthehet diferenca e lekëve të paguar për tatim, por nëse bën kërkesë në tatimet rajonale.

Sipas sistemit e-Tax, pas datës 22 janar 2026 nis gjenerimi për plotësimin e Deklaratës Individuale të të Ardhurave (DIVA) për vitin 2025, ku për herë të parë do të aplikohet zbritje tatimore për tatimpaguesit me fëmijë në ngarkim nën 18 vjeç. Afati për plotësimin e deklaratës është deri më 31 Mars 2026.

Zbritja prej 48,000 lekësh apo 100,000 lekësh për prindërit e fëmijëve dhe për shpenzimet e arsimimit nuk është kompensim direkt. Kompensimi do të llogaritet si diferencë mes tatimit të ri (pas aplikimit të zbritjeve) dhe tatimit të paguar gjatë vitit 2025.

Ligji “Për tatimin mbi të ardhurat” përcakton që vlerat 48 mijë lekë apo 100 mijë lekë (sipas rasteve) do të ulen nga baza e tatueshme, dhe kompensimi do të llogaritet si rezultat i diferencës së tatimit të ri (pasi janë bërë zbritjet e shpenzimeve sipas shkallës të të ardhurave të individëve) dhe tatimit që është paguar në 2025.

Pra nëse individi do të rezultojë me tatim të mbipaguar, pasi t’i zbriten shpenzimet, shumën e tepricës do ta kërkojë për rimbursim nëpërmjet një kërkesë që do t’i bëjë drejtorive rajonale të tatimeve.

Administrata Tatimore sqaroi për Monitor se është duke u hartuar udhëzimi përkatës me procedurat e për plotësimin e deklaratës, dokumentacioni që nevojitet dhe si do të bëhen kërkesat pranë drejtorive rajonale të tatimeve.

Shembull

Zbritjen e shpenzimesh në vlerën e 48 mijë lekëve apo rreth 480 euro nga totali vjetor i të ardhurave bruto, do ta përfitojnë të gjithë individët pavarësisht nivelit të të ardhurave, nëse kanë fëmijë në ngarkim të moshës deri 18 vjeç. Ndërsa zbritjen e shpenzimeve me vlerë maksimale deri 100 mijë lekë apo rreth 1,000 euro për arsimin e fëmijëve do të përfitohet nëse të ardhurat vjetore bruto të deklaruara janë deri në 1.2 mln lekë.

Njëri nga çifti i prindërve që kanë fëmijë nën 18-vjeç, pra ai që ka të ardhurat më të larta, do t’i zbriten 48 mijë lekë, nga tatimi e paguara mbi pagën gjatë këtij viti në momentin kur do të plotësojnë Deklaratën Individuale të të Ardhurave Personale.

Nëse të ardhurat bruto vjetore të një individi A janë 150 mijë lekë apo 1,8 mln lekë në vit.

Tatimi i paguar çdo muaj është:

Deri në 30,000 lekë- tatim 0

Pjesa 30,001–130,000 (130,000 − 30,000) × 13% = 100,000 × 13% = 13,000 lekë

Pjesa mbi 130,000 → (150,000 − 130,000) × 23% = 20,000 × 23% = 4,600 lekë

Tatimi mujor i paguar është 17,600 lekë. Tatimi vjetor është 211,200 lekë.

Individi ka një fëmijë të moshës 7 vjeç. Pra numri i personave nën 18 vjeç në kujdestarinë e deklaruesit është 1.

Si fillim të ardhurat vjetore të këtij individi janë mbi 1,2 mln lekë. Automatikisht i lind detyrimi për plotësimin e Deklaratës Individuale të të Ardhurave. Me hyrjen në fuqi të zbritjes së shpenzimeve për fëmijët, nga totali i të ardhurave bruto të këtij individi do të zbriten shpenzimet prej 48 mijë lekë.

Duke qenë se të ardhurat e deklaruara janë mbi 1.2 mln lekë nuk do të përfitojë zbritjen e shpenzimeve prej 100 mijë lekë për arsimimin.

Tatimi i rillogaritur pas zbritjes së shpenzimeve:

Të ardhurat mujore pas zbritjes së shpenzimeve prej 48 mijë lekë do të jenë 146 mijë lekë apo rreth 1,7 mln lekë në vit.

Deri në 30 mijë lekë tatimi është zero

Pjesa 30,001 – 130,000 (130,000 − 30,000) × 13% = 100,000 × 13% = 13,000

Pjesa Mbi 130,000 (146,000 − 130,000) × 23% = 16,000 × 23% = 3,680

Tatimi mujor i rillogaritur = 13,000 + 3,680 = 16,680 lekë apo 200,160 lekw nw vit.

Tatimi i paguar gjatë vitit (pa zbritje) = 211,200 lekë

Gjendja kreditore –  211,200 lekw tatimi i paguar gjatw vitit 2025 -200,160 lekw tatimi i rillogaritur = 11,040 lekë

Kjo është shuma që individi mund ta kërkojë për rimbursim pas plotësimit të DIVA-s.

Kërkesë do të dorëzohet brenda 3 muajve nga plotësimi i DIVA, në drejtoritë rajonale tatimore.

Llogaritja e tatimit pas zbritjes së shpenzimeve rreth 1000 euro për arsimin

Po ashtu nga viti 2026 prindërit me të ardhura vjetore jo më shumë se 1,2 mln lekë në vit, do të përfitojnë edhe zbritje për shpenzimet për arsimimin e fëmijëve deri në vlerën 100 mijë lekë.

Pra nëse merr më pak se 100 mijë lekë (apo rreth 1000 euro) në muaj pagë, përmes faturave të ruajtura për shpenzimet e bëra për arsimimin e fëmijës mund të përfitosh deri në 100 mijë lekë zbritje nga tatimet. Edhe këtë zbritje e merr pasi të plotësosh DIVA-n.

Shembull: Individi X ka të ardhura nga punësimi 70,000 lekë në muaj apo 840,000 lekë në vit.

Tatimi i paguar në çdo muaj është (70,000 – 30,000)*13% = 5,200 lekë dhe në vit 62,400 lekë. Individi për të përfituar zbritjet për arsimin e fëmijëve duhet të plotësojë dhe dorëzojë deklaratën e të arshurave personale deri në 31 mars 2026.

Shuma maksimale që zbritet për arsim është 100,000 lekë pavarësisht nga numri i fëmijëve në moshë nën 18 vjecc. (840,000 – 100,000)/12 = 61,667 lekë/muaj. Tatimi 4,117 lekë (vjetor 49,400 lekë).

Individi do të rezultojë në Deklaratën Individuale të të Ardhurave me gjendje kreditore 13,000 lekë (e rrumbullakosur ).

Këtë gjendje kreditore do ta kërkojë brenda një afati 3 muaj nëpërmjet një kërkesë pranë Drejtorive Rajonale të Tatimeve.

 

 

The post Arsimi, nuk ka kompensim direkt 480 ose 1000 euro! Do ketë rillogaritje tatimi pas plotësimit DIVA appeared first on Revista Monitor.

Norma maksimale e interesit (NEI maksimal) për kreditë konsumatore është ulur sërish për gjysmën e parë të vitit 2026.

Sipas normave të reja të miratuara nga Banka e Shqipërisë, për kreditë konsumatore me vlerë deri në 200 mijë lekë, institucionet financiare nuk mund të aplikojnë normë efektive interesi më të lartë se 54.8%, nga 62.2% që kishte qenë në gjysmën e dytë të vitit 2025 dhe nga 70.9% që kishte qenë një vit më parë.

Norma efektive maksimale e interesit përfshin normën nominale të interesit, komisionet e aplikuara nga huadhënësi dhe të gjitha kostot e kredisë që i transferohen klientit.

Sipas ndryshimeve të miratuara në fillim të vitit 2025 nga Banka e Shqipërisë në rregulloren “Për kredinë konsumatore dhe kredinë hipotekare”, norma maksimale e interesit për kreditë konsumatore me këste deri në vlerën e 200 mijë lekëve do të jetë sa mesatarja e thjeshtë e normës efektive të interesit për kredinë e dhënë në 6-mujorin paraardhës, pa u shtuar me një të tretën, siç parashikohej më parë.

Ndërkohë, për kreditë në vlerë më të lartë se 200 mijë lekë mënyra e llogaritjes do të vazhdojë të jetë e njëjtë, duke i shtuar mesatares së 6-mujorit të kaluar një të tretën, për të përcaktuar vlerën e NEI-t maksimal.

Pjesë e ndryshimeve në rregullore ishte edhe shtimi i detyrimit për kryerjen e pagesës nga ana e konsumatorit të komisioneve të aplikuara nga subjektet në momentin e dhënies së kredisë konsumatore, duke mos lejuar shpërndarjen e këtyre kostove përgjatë jetëgjatësisë së kredisë.

Gjithmonë për shumat deri në 200 mijë lekë, NEI maksimal për overdraftet (paradhëniet) është ulur lehtë në 18.27%, nga 18.3% që kishte qenë në gjashtëmujorin e dytë 2025 dhe nga 18.54% që kishte qenë në gjashtëmujorin e parë 2025.

NEI maksimal për kreditë nga 200 mijë lekë deri në 600 mijë lekë ka shënuar një rritje të lehtë në 35.43%, nga 35.21% që kishte qenë në gjashtëmujorin e kaluar, por ngelet në nivel më të ulët nga norma prej 36.55% e gjashtëmujorit të parë 2025.

Për overdraftet në intervalin 200-600 mijë lekë, NEI maksimal është rritur në 18.5%, nga 18.41% që ishte në gjashtëmujorin e dytë 2025 dhe në të njëjtin nivel me gjashtëmujorin e parë 2025.

Ndërkohë, për kreditë me vlerë nga 600 001 deri në 2 000 000 lekë NEI maksimal është ulur në 14.71%, nga 14.93% që kishte qenë në gjashtëmujorin e kaluar, por ngelet në nivel lehtësisht më të lartë nga norma 14.67% e gjashtëmujorit të parë të vitit 2025.

Aplikimi i një norme tavan interesi për kreditë konsumatore në Shqipëri nisi në fillim të vitit të vitit 2022. Sipas Bankës së Shqipërisë, arsyeja kryesore ishte mbrojtja e konsumatorit nga normat potencialisht abuzive të interesit, të aplikuara kryesisht nga disa institucione financiare jobanka.

Që prej aplikimit për herë të parë, NEI maksimal ka pësuar një rënie të ndjeshme. NEI i parë maksimal për kreditë e vogla deri në 200 mijë lekë, që u vendos në fillim të vitit 2022, ishte në nivelin 171.41%, ndërsa sipas publikimit më të fundit të Bankës së Shqipërisë ky tregues ka zbritur tashmë në 54.8%./ E.Shehu

The post Interesi maksimal i lejuar për kreditë e vogla konsumatorë ulet më tej në 54.8% appeared first on Revista Monitor.

Korporata Shqiptare e Investimeve shtyu afatin për aplikimet për projektin e Pallatit të Kongreseve nga data 26 janar në 16 shkurt.

Projekti që bën pjesë në nismën e qeverisë për të zhvilluar me privatin disa prona shtetërore kërkon të tërheqë pranë vetes investitorë që pas paraqitjes së projektit dhe shpalljes fitues të garantojnë edhe financiarisht zhvillimin e tij ndërkohë që shteti të marrë pas pjesën takuese.

Lidhur me pallatin e Kongreseve gara parashikohet të ketë dy faza ndërkohë që kushti i bazë për ofertat është që të ofrojnë jo më pak se 45 për qind të sipërfaqes totale të zhvillimit të objektit multifunksional në pronën e Korporatës pranë Pallatit të Kongreseve, Tiranë. Sipas Korporatës për objektin multifunksional në pronën e saj pranë Pallatit të Kongreseve, sipërfaqja maksimale për t’u projektuar dhe zhvilluar është 50,000 metra katrorë.

“Ky konkurrim përfshin konkursin e projektimit për dy objekte të ndryshme: Rivitalizimi i Pallatit të Kongreseve dhe objektin multifunksional (pranë Pallatit të Kongreseve). Së bashku, këto dy objekte përfaqësojnë një mundësi unike për të krijuar vepra arkitekturore me vlerë të lartë shoqërore dhe rëndësi urbane, duke përforcuar rolin e Tiranës si një qytet i kujdesit, inovacionit dhe rritjes” thuhet në dokumentet e procedurës.

Sipas Korporatës përveç ndërhyrjes tek Pallati i Kongreseve objektivi i dytë i projektimit është ndërtimi i një godine të re me përdorim të përzier, në pronën për sipërmarrje, në kufi me Pallatin e Kongreseve.

“Dy strukturat duhet të funksionojnë në mënyrë të pavarur, secila me identitetin dhe qëllimin e vet të veçantë, por duke ruajtur harmoni si në aspektin arkitektonik ashtu edhe në atë funksional. Ky zhvillim i ri duhet të pasurojë zonën përreth dhe të shërbejë si një qendër e re, e gjallë, e shumëllojshme dhe dinamike brenda kryeqytetit të Tiranës” thuhet në dokument.

Pse zhvillimi me privatin nuk ka pasur sukses

Deri më tani qeveria ka tentuar disa herë të hyjë në partneritete me privatin për të zhvilluar pronën shtetërore por finalizimi i kontratave ka qenë modës në raport me numrin e procedurave të çelura.

Void Tower që parashikonte ndërtimin e një objekti shumëkatësh në Bulevardin “Zhan d‘Ark në këmbim të ndërtimit të kompleksit Governativ dështoi gjatë negociatave me fituesin e parë dhe kaloi tek kompania e dytë.

Lift Tower një projekt që përfshin një shumëkatësh tek Inxhinieria e Ndërtimit nuk u finalizua asnjëherë me sukses pavarësisht shpalljes disa herë.

Po kështu janë një seri procedurash të tjera që mbeten pezull si stadiumet ne disa qytete apo projekte te veçantë te lidhura me institucione si Biblioteka e re. Nën zë kompanitë që kanë shfaqur interes dhe janë tërhequr në disa prej garave duket se shohin si problem qasjen për sipërfaqen minimale që kërkon Korporata që është mbi 45 për qind ndërkohë që risku i financimit dhe gjithë elementët e tjerë i lihen zhvilluesit. / N.Maho

 

The post Privati nuk i “do” pronat e shtetit, shtyhet afati për Pallatin e Kongreseve appeared first on Revista Monitor.

Vrasja e 49-vjeçarit shqiptar Jani Aliaj brenda burgut të Koridallos ka marrë vëmendje të gjerë nga mediat greke. Gazeta greke “Protothema” shkruan se autori është një grek 28-vjeçar, i cili me një thikë të improvizuar vrau shqiptarin brenda krahut të tretë të burgut më të madh të vendit fqinj. Gjithçka, sipas gazetës greke tregon se kjo është një vrasje me pagesë, sipas hetimeve që po kryhet nga Forcat e Sigurisë së Pireut. Viktima ka një të kaluar të rëndë kriminale, ashtu si edhe autori. 49-vjeçari Aliaj ka kryer të paktën 2 vrasje në Shqipëri, për të cilat ishin lëshuar urdhër-arreste ndërkombëtare. E para ndodhi në qytetin e tij të lindjes, në Tepelenë, në vitin 2005, dhe e dyta u krye në Tiranë në maj të vitit 2016 kur ai ekzekutoi Elton Çiçon në zonën e ish-Bllokut. Sipas “Protothema” ai ishte anëtar i një bande të fortë në jug të Shqipërisë të përfshirë në trafikun e drogës. Edhe 28-vjeçari grek ka kryer dy vrasje. E para disa muaj më parë në Agios Panteleimonas, kur qëlloi me gjakftohtësi në kokë një shqiptar, i cili kishte qenë në shënjestër të policisë për grabitje dhe vjedhje me thyerje. E dyta ndodhi këtë të hënë me thikë në burgun Korydallos. “Sipas informacioneve, oficerët e policisë që po merren me çështjen besojnë se kjo është një kontratë vdekjeje kundër 49-vjeçarit, të cilën 28-vjeçari e ka kryer me urdhër të një tjetër krimineli shqiptar, të cilin e ka punësuar për vrasje. Sipas të njëjtave burime, trafiku i drogës në Athinë është fajtori më i mundshëm. Domethënë, kush do të kontrollojë sheshet e kryeqytetit? Viktima ishte liruar nga burgu disa javë më parë dhe ishte kthyer. Ndoshta aty qëndron përgjigjja për vrasjen”, shkruan “Protothema”. #voxnews #media #lajme #news

12.5K views

💾

Ish-kryeministri britanik Tony Blair, i cili është emëruar në organin ekzekutiv të “Bordit të Paqes” të Donald Trump, është distancuar nga kërkesa e presidentit që vendet të paguajnë 1 miliard dollarë për anëtarësim të përhershëm. Blair ka refuzuar të mbështesë kërkesën për këto fonde, e cila bazohet në një draft-kartë të organizatës së re. Ky qëndrim shihet si një tjetër sinjal se detajet e “Bordit të Paqes” po shkaktojnë kundërshti midis aleatëve dhe partnerëve të SHBA-ve ndaj projektit të Trump. Një zëdhënës i Tony Blair deklaroi se ai nuk është i përfshirë në përcaktimin e përbërjes së bordit, duke lënë të kuptohet se nuk do ta mbështesë publikisht këtë propozim. Zëdhënësi shtoi se çdo pyetje lidhur me tarifën prej 1 miliard dollarësh duhet t’i drejtohet administratës Trump. Bloomberg News shkruan se disa vende mund të refuzojnë anëtarësimin në bord për shkak të kushteve të vendosura nga Trump. Vende të tjera mund të pranojnë parimisht t’i bashkohen “Bordit të Paqes”, por pritet të refuzojnë pagesën e tarifës për anëtarësim të përhershëm. Në këtë rast, ato ose do të përpiqen ta negociojnë tarifën ose mund të tërhiqen nga bordi nëse Trump insiston mbi këtë ide. Kryeministri kanadez Mark Carney ka deklaruar se ka pranuar parimisht të bashkohet me bordin, por nuk ka rënë dakord për pagesën. “Sa i përket detajeve të Bordit të Paqes, ende nuk kemi shqyrtuar strukturën, mënyrën e funksionimit, financimin dhe çështje të tjera. Do të punojmë për këto gjatë ditëve në vijim”, tha ai. Një zyrtar kanadez theksoi se qeveria nuk do të paguajë për një vend në bord, dhe se draft-karta e organizatës është ende në diskutim. Sipas tij, pjesëmarrja e Carney bëhet edhe për të ndikuar në proces nga brenda. #voxnews #media #lajme

3871 views

💾

Fiks Fare denoncoi një nga fenomenet që po shqetëson të rinjtë e sotëm, kërcënimet dhe shantazhimet në rrjete sociale, ku persona të njohur apo panjohur hapin profile me emra dhe fotografi të personave të tjerë, duke iu bashkëngjitur të dhëna diskriminuese, madje edhe numra telefoni. Në redaksinë e emisionit investigativ u ankua një 22 vjeçare nga Fieri, të cilës i kanë hapur profile false në Instagram dhe TikTok. Vajzës së re i kanë publikuar fotot personale dhe numrin e telefonit, madje i denigrojnë edhe figurën, pasi e akuzojnë se punon si prostitutë. “Mua më kanë hedhur në ‘TikTok’ dhe shkruajnë se unë dal me lekë. Mua më kanë hedhur fotot dhe çmimet. Detaj tjetër është se më kanë shkruar në Instagram. Kanë vendosur numrin tim të telefonit. Më pas më kanë shkruar lloj-lloj numrash, je për takim”, thotë e reja. Sipas saj, këto profile janë hedhur ditët e fundit, madje ajo ka bërë denoncim në Policinë e Tiranës. “Më thanë do të presësh 1 javë. Më morën intervistë. Unë u thashë se dyshoja te 3 goca që më kanë hedhur. I ka hedhur një B.Sulaj dhe një Silvana. Këtë bionden, Silvanën, e njoh nga koha kur kam punuar te një lokal. Vinte si kliente. Dyshoj se ndoshta e kanë bërë se mund të kem lekë, t’ia marrim, t’ia vjedhim. Dyshoj që edhe mos më marrin lekët”, thotë ajo. Më tej shkruan se ka kontaktuar në Instagram me një nga këto gocat. “Ato kanë hedhur edhe një kushërirën time. Çupën e dajës, ajo është në Angli është e martuar. Këto e kanë bërë se duan të më marrin lekë me zor. Më kanë kërkuar 1 milionë lekë. Në mesazhe s’ma kanë shkruar dhe e dyshoj kur vinte ajo goca që pinte kafe te lokali”, vijon qytetarja. Ajo ka kontaktuar me disa nga këto personazhe në TikTok, ku duket një gjuhë rruge, pasi e kërcënojnë se do të djegim, do të vrasim, do të fusim në dhe’. 22-vjeçarja u kërkon që të fshijnë postimet në TikTok, por merr mbrapsht kërcënime dhe sharje të rënda. Në një bisedë, një nga vajzat me të cilat kontakton e pranon se e ka hapur ajo këtë faqe. “Më ka sharë dhe më ka kërcënuar, do të vras, do të marr policinë. Donte t’më fuste brenda. Gjoja sikur unë i kisha hedhur unë një foto në Tik Tok. Unë këtë denoncim e kam bërë në Policinë e Tiranës. Unë kërkoj që të mbyllet dhe mos të bëhet më. Cënohem unë, familja ime, dajot që kam. Më thonë dil përjashta. Unë me aq mundësi sa kam, punoj, mbledh ndonjë lekë. Paguaj qiranë dhe u jap ndonjë lekë. Familjen e kam në një fshat të Fierit” shton më tej vajza. Aktualisht, e reja punon në një lokal në zonën e Freskut në Tiranë si kameriere. “Deri në momentin që të mbledhim lekët t’ia çoj familjes. Mamin e kam me astmë”, shton ajo, ndërkohë tregon edhe një detaj nga ato që e kërcënojnë dhe shantazhojnë: Unë dyshoj se ata punojnë në zonën e Durrësit, në afërsi të Urës së Dajlanit. Punojnë me lekë, janë prostituta. Këto i kanë bërë të gjitha Pas kësaj ankese, Fiks Fare kontaktoi me Sektorin e Hetimeve të Krimeve Kibernetike në Drejtorinë Vendore të Policisë së Tiranës. Shefi i këtij sektori, Osman Fuçia, tha se ka dijeni për këtë problematikë, madje i ka marrë kallëzimin 22-vjeçares. “Kemi dijeni, i kam marrë kallëzim dhe shtesë kallëzimi. Materialet i kam referuar në Prokurorinë e Tiranës. Kam kontaktuar edhe me Drejtorinë e Përgjithshme të Policisë së Shtetit, ku specialistët duhet t’i kenë kërkuar Tik Tok-ut mbylljen e faqes. Ne vetëm i referojmë. Duhet të ketë pasur ngarkesë”, thotë Fuçia. Duket se, rrjetet sociale janë bërë makth për qindra qytetarë apo edhe për institucionet ligjzbatuese. Janë hapur dhjetëra dosje penale, madje ka pasur raste që individë të veçantë janë dhunuar dhe plagosur edhe gjatë lidhjeve direkte. Ndërkohë që ka pasur mijëra dosje të tjera, për gjobëvënie, shantazh apo kërcënime. #voxnews #media #lajme #news

20.6K views

💾

Disa zona të Tiranës janë përballur me ndërprerje të energjisë elektrike pasditen e kësaj të hëne. VoxNews mëson se zonat e prekura janë lagjja “Ali Demi”, “Brryli”, “Paazari i Ri”, “Fresku”. Ende nuk ka njoftim nga OSHEE pse është shkëputur energjia elektrike, ndërsa dhjetëra familje gjenden në të ftohtë. Ndërsa deputeti demokrat Eno Bozdo i ka bërë thirrje OSHEE të riparojë difektin sa më shpejt. “Prej 45 minutash, thuajse gjysma e Tiranës është pa drita. Në këto ditë të ftohta, energjia e sigurtë dhe ngrohja e banesave është primare, dhe jo fjalimet për reformën e (pa)suksesshme në sektorin e energjisë! I bëj thirrje OSHEE të riparojë difektin sa më parë. Qytetarët duan shërbim sepse e paguajnë energjinë shumë shtrenjtë, ndër më të shtrenjtat në Evropë, edhe kur nuk e kanë!”, shkruan Bozdo në rrjetet sociale. #voxnews #media #lajme #news

4247 views

💾

Greta-Lorna për Keijsin: “Pse e ke mësuar kështu çunin?” #voxnews #media #lajme #bigbrothervipalbania

3463 views

💾

Presidenti amerikan Donald Trump nuk pranoi të komentonte këtë të hënë kur u pyet nëse do të përdorte forcën për të marrë Groenlandën. Në një intervistë të shkurtër telefonike për NBC News, ai u përgjigj shkurt: “Pa koment.” Trump gjithashtu u shpreh i bindur 100 për qind për të vijuar me planet e tij për të goditur vendet europiane me tarifa nëse nuk e merr Groenlandën. Presidenti amerikan përsëriti zhgënjimin me Norvegjinë për Çmimin Nobel të Paqes. “Norvegjia e kontrollon plotësisht, pavarësisht se çfarë thonë. Atyre u pëlqen të thonë se nuk kanë të bëjnë me të, por kanë të bëjnë me gjithçka”, tha ai. Zhgënjim shprehu gjithashtu ndaj liderëve europianë që po fokusohen te Groenlanda, duke thënë: “Europa duhet të fokusohet te lufta me Rusinë dhe Ukrainën, sepse, sinqerisht, e shihni çfarë u ka sjellë atyre. Kjo është ajo ku Europa duhet të fokusohet, jo te Groenlanda”. #voxnews #media #donaldtrump

1491 views

💾

Qytetarët shqiptarë i janë përgjigjur në kohë rekord apelit për të ndihmë të familjes së modeles dhe influenceres së njohur Dajana Kalo. Shqiptarët kanë mundur të mbledhin në kohë rekord 200.000 euro që i duhen familjes, për operacionin dhe rikuperimin e modeles. 25-vjeçarja ka pësuar hemorragji cerebrale dhe ndodhet në QSUT prej 29 dhjetorit të vitit të kaluar. Motra shkruan se Dajana ka pësuar hemorragjia në tru është shkaktuar nga Malformacioni Arteriovenoz (AVM), një gjendje serioze dhe kërcënuese për jetën, ku enët e gjakut në tru janë të formuara në mënyrë jonormale dhe mund të çahen pa paralajmërim. Me mijëra shqiptarë i janë përgjigjur thirrjes për të ndihmuar Dajanën, pas apelit të motrës Bora dhe shumë personazheve të njohur të ekranit. Ndihmat kanë qenë të shumta dhe në pak orë janë mbledhur më shumë se 200.000 euro. #voxnews #media #news

15.3K views

💾

Aktiviteti rreth centralit bërthamor Kashiwazaki-Kariwa ka arritur kulmin: punëtorët heqin dheun për të zgjeruar gjerësinë e një rruge kryesore, ndërsa kamionët mbërrijnë në hyrjen e tij të ruajtur rreptësisht. Një gardh i gjatë është i mbuluar me tela me gjemba, dhe në një vendpushim, një makinë patrulle policie monitoron vizitorët e plazhit, një nga vendet e pakta me pamje të qartë të reaktorëve, të kornizuar nga mali i mbuluar me borë, Yoneyama. Kur të shtatë reaktorët e tij janë në funksion, Kashiwazaki-Kariwa prodhon 8.2 gigavat energji elektrike, mjaftueshëm për të furnizuar miliona familje. Duke zënë 4.2 km katrorë tokë në prefekturën Niigata, në bregun e Detit të Japonisë, ai është centrali më i madh bërthamor në botë. Që nga viti 2012, megjithatë, centrali nuk ka prodhuar asnjë vat energji, pasi u mbyll, së bashku me dhjetëra reaktorë të tjerë, pas shkrirjes së trefishtë në mars të vitit 2011 në Fukushima Daiichi, aksidenti më i rëndë bërthamor në botë që prej Çernobilit. I vendosur rreth 220 km në veriperëndim të Tokios, Kashiwazaki-Kariwa menaxhohet nga Tokyo Electric Power (Tepco), e njëjta kompani që administronte centralin e Fukushimës kur një cunami i fuqishëm shkatërroi mbrojtjet e tij, duke shkaktuar ndërprerje të energjisë që çoi në shkrirjen e tre reaktorëve dhe detyroi evakuimin e 160 mijë njerëzve. Pak javë para 15-vjetorit të aksidentit dhe cunamit që vrau rreth 20 mijë njerëz përgjatë bregut verilindor të Japonisë, Tepco pritet të sfidojë opinionin publik lokal dhe të rifillojë njërin nga shtatë reaktorët e Kashiwazaki-Kariwa. Të hënën, Tepco tha se do të shtynte rifillimin, fillimisht të planifikuar për ditën pasuese, pasi një alarm dështoi gjatë një testi të pajisjeve fundjavën e kaluar, sipas transmetuesit publik NHK. Reaktori pritet të rikthehet në punë në ditët në vijim, shtoi NHK. Rifillimi i reaktorit nr. 6, i cili mund të rrisë furnizimin me energji elektrike në zonën e Tokios me rreth 2%, do të jetë një pikë kthese në rikthimin e ngadaltë të Japonisë drejt energjisë bërthamore, një strategji që qeveria thotë se do ta ndihmojë vendin të arrijë objektivat e emetimeve dhe të forcojë sigurinë energjetike. Por për shumë nga 420 mijë banorët që jetojnë brenda një rrezeje prej 30 km nga Kashiwazaki-Kariwa, të cilët do të duhej të evakuoheshin në rast të një incidenti si Fukushima, rikthimi i kompanisë Tepco në prodhimin bërthamor është i mbushur me rreziqe. Mes tyre është edhe Ryusuke Yoshida, shtëpia e të cilit ndodhet më pak se 2.5 km nga centrali, në fshatin e qetë Kariwa. I pyetur se çfarë e shqetëson më shumë për rifillimin, 76-vjeçari ka një përgjigje të thjeshtë: “Gjithçka,” thotë ai, ndërsa dallgët përplasen në breg, me reaktorët që ngrihen në sfond. “Planet e evakuimit janë qartësisht joefektive,” shton Yoshida, një prodhues qeramike dhe anëtar i një shoqate banorësh pranë centralit. #voxnews #media #news #japan

2033 views

💾

Kryetari i PD-së Sali Berisha, në fjalën e tij në foltoren e radhës pas Kryeministrisë tha se Kuvendi është mbushur me të korruptuar. Ai u shpreh se në 24 janar do të mbahet protesta më e fuqishme që ka njohur Tirana. Berisha theksoi se Shqipëria nuk do të ketë drejtësi, pa pasur kryengritje paqësore. Partia Demokratike ka paralajmëruar se në 24 janar do të mbajë një protestë fuqishme përpara Kryeministrisë, ku do të denoncojë sipas saj, korrupsionin e qeverisë. #voxnews #media #saliberisha #edirama

1976 views

💾

Valentino Garavani, stilisti i njohur italian i cili ka veshur yje e figura mbretërore, ka ndërruar jetë në shtëpinë e tij në Romë, në moshën 93-vjeçare. Lajmi është bërë i ditur nga profili i tij zyrtar në Instagram. “Themeluesi ynë, Valentino Garavani, është ndarë sot nga jeta në rezidencën e tij në Romë, i rrethuar nga njerëzit e dashur”, teksa jepen detaje për përgjimin, i cili do të mbahet në datat 21-22 janar. “Funerali do të mbahet të premten, më 23 janar në bazilikën Santa Maria degli Angeli e dei Martiri në Piazza della Repubblica.” Vdes në moshën 93-vjeçare Valentino Garavani, kush ishte Marka e tij, e themeluar në vitin 1960 u bë e njohur nga e kuqja e fortë dhe detajet si fjongot, frudat, dantellën dhe qëndisjet. Valentino është një prej arkitektëve më të spikatur të stilit të shek. XX. Valentino ka qenë një prej stilistëve më të preferuar nga yje si Jennifer Aniston, Gwyneth Paltrow, Nicole Kidman dhe Anne Hathaway. “E di çfarë duan gratë”, shprehej ai në dokumentarin e tij “Valentino: The Last Emperor”: “Ato duan të jenë të bukura.” Valentino doli në pension në vitin 2007. Në vitin 2008, ai prezantoi koleksionin e tij të fundit të modës së lartë në Musée Rodin në Paris. Valentino është nderuar me titullin Kalorës i Legjionit të Nderit nga presidenti francez Jacques Chirac në korrik të vitit 2006. Dy vjet më vonë, ai u vlerësua me Medaljen e Qytetit të Parisit. Në vitin 2011, ai mori çmimin e Këshillit të Couture për Artin e Modës nga Muzeu i Institutit të Teknologjisë së Modës në New York, si edhe çmimin Golden Plate të Akademisë Amerikane të Arritjeve në vitin 2017. #voxnews #media #news

1510 views

💾

Bordi i Paqes i Trump, ku Shqipëria ka marrë ftesën si vend anëtar, është kthyer në një nga temat ‘e nxehta’ në politikën ndërkombëtare që përpiqet të zbërthejë lëvizjen e presidentit. Nën lupën e analistit Artan Hoxha, është një lëvizje për efikasitet dhe jo globalitet. Sipas analizës së tij në emisionin “Opinion” në Tv Klan, qëllimi i Trump është një organizatë që vepron shpejt, pa procedura të zgjatura.

Artan Hoxha: Nga të dhënat e këtyre tri ditëve, unë konkludoj në këtë gjë që qëllimi i presidentit Trump është efikasiteti, jo globaliteti i organizatës.

Blendi Fevziu: Ç’do të thotë efikasiteti?

Artan Hoxha: Ai do të ndërtojë një organizatë që merr vendime shpejt dhe i zbaton ato me efektivitet. Ky është qëllimi i tij parësor.

Përzgjedhja e shteteve është një tjetër nga pikat që ka tërhequr vëmendje. Në rastin e Shqipërisë, Hoxha rendit disa faktorë që e favorizojnë në marrjen e kësaj ftese. Nga ana tjetër, Trump ka luajtur disa karta për numrin e vendeve që i duhen në këtë bord dhe afatin e 22 janarit për të kthyer përgjigje.

Artan Hoxha: Nuk ka ftuar gjithë shtetet e botës, ka bërë një shortlist. 60, 70, 50 nuk janë gjithë anëtarët e OKB-së, është një pjesë, gjysma e tyre. Janë hequr një mori shtetesh anëtare të OKB-së që s’do t’i bënin kujt punë në çështjen e konfliktit të Gazës. E dyta, vendet që kanë marrë ftesën ka pasur një mendim, një arsye pse e kanë marrë. Ne mund të analizojmë Shqipërinë, pse e ka marrë Shqipëria ftesën mes 60-70 vendeve?

Blendi Fevziu: Pse, sipas teje?

Artan Hoxha: Vend multifetar, me shumicë myslimane, me harmoni, që shkojmë shumë mirë me Palestinën, që shkojmë shumë mirë me Izraelin, që kemi një histori të mbështetjes së çifutëve, përveç atyre që jemi në NATO etj. Ka shumë vende në NATO, por kaq multifetarë e me harmoni fetare si Shqipëria. Jo vetëm që nuk janë gjithë shtetet e botës, por statuti thotë kjo organizatë mund të formohet edhe me tre shtete anëtare. Pra u ka thënë të gjithëve atyre që u ka çuar letrën, hajdeni, erdhët, s’erdhët mua tre më duhen për ta formuar. Ky është faktor nxitës që të vijnë më tepër se tre. E treta, afati. Ai thotë nuk do ju pres ju për një organizatë efektive, të shpejtë, të zhdërvjellët që të nderni lëveret dhe të miratoni në procedura të stërzgjatura dhe ta çoni pas një viti firmosjen. Kush e ndan mendjen shpejt e shpejt, vjen më datë 22 në Davos dhe firmos.

Një tjetër nga lëvizjet e Trump është ruajtja e ekuilibrit me disa shtete, duke e dërguar ftesën pa qëllimin e drejtpërdrejtë për të marrë mbrapsht një “po”, thotë Hoxha.

Artan Hoxha: Disa shtete në listën e atyre që kanë marrë ftesën janë edhe për kortezi duke e paragjykuar që s’ka për të thënë po. Ka thënë unë ftesën ta çova, mundësinë ta dhashë, ti nuk erdhe, unë eci përpara.

Krijimi i Bordit të Paqes për të administruar Gazën është një nga çështjet kryesore që po diskutohet në politikën ndërkombëtare.

Ndërkohë Presidenti i SHBA, Donald Trump, u ka dërguar ftesë shteteve që do të marrin pjesë në këtë strukturë ndërkombëtare, përfshirë edhe Shqipërinë.

Por çfarë parashikon konkretisht Bordi i Paqes dhe si do të funksionojë? Më poshtë do të lexoni Kartën e Brodit të Paqes, e cila sqaron deri në detaje se çfarë është kjo strukturë dhe cili do të jetë roli i saj në politikën ndërkombëtare.

KARTA E BORDIT TË PAQES

PARATHËNIE

Duke shpallur se paqja e qëndrueshme kërkon gjykim pragmatik, zgjidhje të bazuara në arsyen e shëndoshë dhe guxim për t’u larguar nga qasje dhe institucione që shumë herë kanë dështuar

Duke pranuar se paqja afatgjatë merr rrënjë kur njerëzit fuqizohen për të marrë pronësi dhe përgjegjësi mbi të ardhmen e tyre

Duke pohuar se vetëm partneriteti i qëndrueshëm dhe i orientuar drejt rezultateve, i mbështetur në barrë dhe angazhime të përbashkëta, mund të sigurojë paqe në vende ku ajo për një kohë të gjatë ka qenë e paarritshme

Duke shprehur keqardhje që shumë qasje të ndërtimit të paqes krijojnë varësi të përhershme dhe institucionalizojnë krizën në vend se t’i udhëheqin shoqëritë përtej saj

Duke theksuar nevojën për një trup ndërkombëtar më fleksibël dhe më efektiv për ndërtimin e paqes

Dhe duke vendosur të mblidhet një koalicion shtetesh vullnetare të përkushtuara ndaj bashkëpunimit praktik dhe veprimit efektiv

Të udhëhequra nga gjykimi dhe duke nderuar drejtësinë, Palët miratojnë me këtë Kartë Kartën e Bordit të Paqes.

⸻

KAPITULLI I — QËLLIMET DHE FUNKSIONET

Neni 1: Misioni

Bordi i Paqes është një organizatë ndërkombëtare që synon të promovojë stabilitetin, të rikthejë qeverisjen e besueshme dhe ligjore dhe të sigurojë paqe të qëndrueshme në zona të prekura ose të kërcënuara nga konflikti.

Bordi i Paqes do të ndërmarrë funksione të ndërtimit të paqes në përputhje me të drejtën ndërkombëtare dhe sipas miratimit të dhënë në përputhje me këtë Kartë, përfshirë zhvillimin dhe shpërndarjen e praktikave më të mira që mund të zbatohen nga të gjitha shtetet dhe komunitetet që kërkojnë paqe.

⸻

KAPITULLI II — ANËTARËSIMI

Neni 2.1: Shtetet Anëtare

Anëtarësimi në Bordin e Paqes kufizohet vetëm për shtetet e ftuara për të marrë pjesë nga Kryetari dhe fillon me njoftimin se shteti ka dhënë pëlqimin për t’u detyruar nga kjo Kartë, në përputhje me Kapitullin XI.

Neni 2.2: Përgjegjësitë e Shteteve Anëtare

(a) Çdo Shtet Anëtar përfaqësohet në Bordin e Paqes nga Kreu i Shtetit ose i Qeverisë.

(b) Çdo Shtet Anëtar do të mbështesë dhe ndihmojë operacionet e Bordit të Paqes në përputhje me autoritetet e veta ligjore të brendshme. Asgjë në këtë Kartë nuk interpretohet si dhënie e juridiksionit Bordit të Paqes brenda territorit të Shteteve Anëtare, apo si detyrim për pjesëmarrje në një mision të caktuar ndërtimi të paqes pa pëlqimin e tyre.

(c) Çdo Shtet Anëtar shërben një mandat jo më të gjatë se tre vjet nga hyrja në fuqi e kësaj Karte, subjekt rinovimi nga Kryetari. Ky kufizim trevjeçar nuk zbatohet për Shtetet Anëtare që kontribuojnë më shumë se 1.000.000.000 dollarë amerikanë në fonde monetare për Bordin e Paqes brenda vitit të parë nga hyrja në fuqi e Kartës.

Neni 2.3: Përfundimi i Anëtarësimit

Anëtarësimi përfundon në njërën nga rastet e mëposhtme, cilado që ndodh më herët

(i) përfundimi i mandatit trevjeçar, subjekt Nenit 2.2(c) dhe rinovimit nga Kryetari

(ii) tërheqja, në përputhje me Nenin 2.4

(iii) vendim për largim nga Kryetari, subjekt vetoje nga një shumicë prej dy të tretash e Shteteve Anëtare

(iv) shpërbërja e Bordit të Paqes në përputhje me Kapitullin X

Një Shtet Anëtar, anëtarësimi i të cilit përfundon, pushon gjithashtu së qeni Palë e kësaj Karte, por mund të ftohet sërish për anëtarësim në përputhje me Nenin 2.1.

Neni 2.4: Tërheqja

Çdo Shtet Anëtar mund të tërhiqet nga Bordi i Paqes me efekt të menjëhershëm duke i paraqitur Kryetarit një njoftim me shkrim.

⸻

KAPITULLI III — QEVERISJA

Neni 3.1: Bordi i Paqes

(a) Bordi i Paqes përbëhet nga Shtetet Anëtare.

(b) Bordi i Paqes voton për të gjitha propozimet në axhendën e tij, përfshirë buxhetet vjetore, krijimin e entiteteve vartëse, emërimin e drejtuesve të lartë ekzekutivë dhe vendimet kryesore politike, përfshirë miratimin e marrëveshjeve ndërkombëtare dhe nisjen e nismave të reja të ndërtimit të paqes.

(c) Bordi i Paqes mblidhet për seanca me votim të paktën një herë në vit dhe në kohë e vende të tjera sipas përcaktimit të Kryetarit. Axhenda caktohet nga Bordi Ekzekutiv, pas njoftimit dhe konsultimit me Shtetet Anëtare dhe miratohet nga Kryetari.

(d) Çdo Shtet Anëtar ka një votë.

(e) Vendimet merren me shumicën e Shteteve Anëtare të pranishme dhe votuese, subjekt miratimi nga Kryetari, i cili mund të ushtrojë votën e tij si Kryetar në rast barazie.

(f) Bordi i Paqes mban gjithashtu mbledhje të rregullta jo-votuese me Bordin Ekzekutiv, të paktën çdo tre muaj.

(g) Shtetet Anëtare mund të përfaqësohen nga një zyrtar i lartë alternativ, me miratimin e Kryetarit.

(h) Kryetari mund të ftojë organizata rajonale të integrimit ekonomik për të marrë pjesë në punimet e Bordit të Paqes sipas kushteve që ai përcakton.

Neni 3.2: Kryetari

(a) Donald J. Trump shërben si Kryetari inaugurues i Bordit të Paqes dhe njëkohësisht si përfaqësues inaugurues i Shteteve të Bashkuara të Amerikës.

(b) Kryetari ka autoritet ekskluziv për të krijuar, ndryshuar ose shpërbërë entitete vartëse sipas nevojës për përmbushjen e misionit të Bordit të Paqes.

Neni 3.3: Pasardhësia dhe Zëvendësimi

Kryetari përcakton në çdo kohë një pasardhës për funksionin e Kryetarit. Zëvendësimi ndodh vetëm pas dorëheqjes vullnetare ose paaftësisë, të konstatuar me votë unanime të Bordit Ekzekutiv.

Neni 3.4: Nënkomitetet

Kryetari mund të krijojë nënkomitete sipas nevojës dhe përcakton mandatin, strukturën dhe rregullat e qeverisjes së tyre.

⸻

KAPITULLI IV — BORDI EKZEKUTIV

Neni 4.1: Përbërja dhe Përfaqësimi

(a) Bordi Ekzekutiv përzgjidhet nga Kryetari dhe përbëhet nga personalitete me reputacion global.

(b) Anëtarët e Bordit Ekzekutiv shërbejnë mandate dyvjeçare, të rinovueshme dhe subjekt largimi nga Kryetari.

(c) Bordi Ekzekutiv drejtohet nga një Drejtor Ekzekutiv i Përgjithshëm, i emëruar nga Kryetari dhe i konfirmuar me shumicë votash nga Bordi Ekzekutiv.

(d) Drejtori Ekzekutiv mbledh Bordin Ekzekutiv çdo dy javë gjatë tre muajve të parë dhe më pas çdo muaj.

(e) Vendimet e Bordit Ekzekutiv merren me shumicë të anëtarëve të pranishëm dhe hyjnë menjëherë në fuqi, subjekt vetoje nga Kryetari.

(f) Bordi Ekzekutiv miraton rregulloren e vet të procedurës.

Neni 4.2: Mandati

Bordi Ekzekutiv

(a) ushtron kompetencat e nevojshme për zbatimin e misionit

(b) raporton çdo tre muaj para Bordit të Paqes.

⸻

KAPITULLI V — DISPOZITA FINANCIARE

Neni 5.1: Shpenzimet

Financimi i Bordit të Paqes sigurohet përmes kontributeve vullnetare nga Shtetet Anëtare, shtete të tjera, organizata ose burime të tjera.

Neni 5.2: Llogaritë

 

Bordi i Paqes mund të hapë llogari financiare dhe të vendosë mekanizma kontrolli dhe mbikëqyrjeje për buxhetet dhe disbursimet.

⸻

KAPITULLI VI — STATUSI JURIDIK

Neni 6

(a) Bordi i Paqes dhe entitetet e tij kanë personalitet juridik ndërkombëtar.

(b) Bordi siguron privilegje dhe imunitete të nevojshme për ushtrimin e funksioneve të tij.

⸻

KAPITULLI VII — INTERPRETIMI DHE ZGJIDHJA E MOSMARRËVESHJEVE

Neni 7

Mosmarrëveshjet zgjidhen përmes bashkëpunimit miqësor. Kryetari është autoriteti përfundimtar për interpretimin e Kartës.

⸻

KAPITULLI VIII — NDRYSHIMET E KARTËS

Neni 8

Ndryshimet miratohen me dy të tretat e Bordit dhe konfirmim nga Kryetari. Disa kapituj kërkojnë miratim unanim.

⸻

KAPITULLI IX — REZOLUTA DHE URDHËRESA

Neni 9

Kryetari është i autorizuar të nxjerrë rezoluta për zbatimin e misionit.

⸻

KAPITULLI X — KOHËZGJATJA DHE SHPËRBËRJA

Neni 10

Bordi shpërbëhet sipas vlerësimit të Kryetarit ose në fund të çdo viti tek, nëse nuk rinovohet.

⸻

KAPITULLI XI — HYRJA NË FUQI

Neni 11

Karta hyn në fuqi pas pëlqimit të tre shteteve.

⸻

KAPITULLI XII — REZERVAT

Neni 12

Nuk lejohen rezerva ndaj Kartës.

⸻

KAPITULLI XIII — DISPOZITA TË PËRGJITHSHME

Neni 13

Gjuha zyrtare është anglishtja. Selia dhe vula miratohen nga Kryetari.

Qendra Spitalore Universitare “Nënë Tereza” ka reaguar pas ndërprerjes së energjisë elektrike në Urgjencë, duke lënë jashtë funksionit pajisjet mjekësore që përdore për pacientët.

Lidhur me këtë ngjarje, ka reaguar zyrtarisht vet spitali. Në këtë reagim Qendra Spitalore Universitare “Nënë Tereza” thotë se pavarësisht kësaj situate, jeta e pacientëve nuk u rrezikua.

Reagimi:

Qendra Spitalore Universitare “Nënë Tereza” informon se sot në mbrëmje, për shkak të një defekti në linjën e furnizimit me energji elektrike të tensionit të lartë që furnizon Godinën A2 të QSUT, ka pasur një ndërprerje të përkohshme të energjisë elektrike.

Falë aktivizimit të menjëhershëm të sistemeve rezervë (UPS, Gjeneratorë), aparaturat mjekësore jetike kanë vijuar të funksionojnë normalisht, duke garantuar vijimësinë e trajtimit dhe duke mos u cenuar në asnjë moment jeta e pacientëve.

Menjëherë, ekipet mjekësore, teknike dhe drejtuese janë vënë në gatishmëri të plotë, duke vepruar sipas protokolleve të sigurisë dhe duke ofruar çdo suport të nevojshëm, për garantimin e shërbimit shëndetësor si dhe duke marrë masat e nevojshme.

QSUT siguron qytetarët se situata është menaxhuar me përgjegjësi dhe profesionalizëm dhe se institucioni mbetet në gatishmëri të plotë, për të përballuar çdo situatë, në funksion të mbrojtjes së shëndetit dhe jetës së pacientëve.
QSUT ka ngritur menjehere grupin e punës për verifikimin e situatës.

NATO do të vazhdojë të punojë me Danimarkën dhe Groenlandën për sigurinë e Arktikut, thotë sekretari i përgjithshëm i saj Mark Rutte në një postim në rrjetet sociale, ka raportuar BBC.

Në postimin, i cili vjen pas takimit të tij me ministrin danez të mbrojtjes dhe ministrin e jashtëm të Groenlandës, Rutte thotë se ata diskutuan se sa “i rëndësishëm është Arktiku – përfshirë Groenlandën – për sigurinë tonë kolektive”.

Rutte shton se Danimarka po rrit gjithashtu investimet në “aftësi kyçe” dhe thotë se ata do të “vazhdojnë të punojnë së bashku si aleatë për këto çështje të rëndësishme”.

Sinjali – aty ku e vërteta flet para lajmit!

/GazetaSinjali/

The post Rutte: NATO do të vazhdojë të punojë me Danimarkën dhe Groenlandën appeared first on Sinjali.

Shefja e politikës së jashtme të Bashkimit Evropian ka paralajmëruar se blloku do të “mbajë qëndrimin” ndaj kërcënimeve tarifore të Donald Trump, dhe se ka një “grup mjetesh” për të mbrojtur interesat e tij.

Kaja Kallas u takua sot në Bruksel me ministrin e Mbrojtjes të Danimarkës dhe ministrin e Jashtëm të Grenlandës, transmeton Telegrafi.

“Siguria e Arktikut është një interes i përbashkët transatlantik dhe një që mund ta diskutojmë me aleatët tanë amerikanë”, thotë ajo në X pas takimit.

“Por kërcënimet tarifore nuk janë mënyra për ta bërë këtë. Sovraniteti nuk është për tregti. Ne nuk kemi interes të fillojmë një luftë, por do të mbajmë qëndrimin tonë. Evropa ka një gamë mjetesh për të mbrojtur interesat e saj”, shtoi ajo.

Kallas ka të ngjarë t’i referohet instrumentit anti-shtrëngim të BE-së, i cili do t’i lejonte bllokut të vendoste tarifa hakmarrëse ndaj SHBA-së, të kufizonte investimet dhe tregtinë amerikane me Evropën dhe të kufizonte qasje në tregun e vetëm.

Është arma më e fuqishme tregtare e bllokut dhe nuk është përdorur kurrë më parë.

Sinjali – aty ku e vërteta flet para lajmit!

/GazetaSinjali/

The post BE-ja paralajmëron Trumpin se ‘Evropa ka mjete për të mbrojtur interesat e saj’ appeared first on Sinjali.

Më shumë se 100 automjete, përfshirë disa kamionë të mëdhenj, u përfshinë në një aksident zinxhir në autostradën Interstate 196 në perëndim të Michiganit, si pasojë e kushteve ekstreme të motit dhe shikueshmërisë pothuajse zero.

Sipas autoriteteve lokale, autostrada u mbyll në të dy drejtimet për disa milje dhe pastrimi i rrugës pritet të zgjasë me orë të tëra.

Ekipet e emergjencës dhe shërbimet rrugore ndodhen në terren për të ndihmuar të përfshirët dhe për të rikthyer qarkullimin sa më shpejt të jetë e mundur.

Zona po goditet nga stuhi të forta bore, të cilat kanë krijuar kushte shumë të rrezikshme për udhëtim.

Autoritetet u bëjnë thirrje drejtuesve të automjeteve të shmangin udhëtimet e panevojshme dhe të ndjekin paralajmërimet e motit deri në përmirësimin e kushteve.

Sinjali – aty ku e vërteta flet para lajmit!

/GazetaSinjali/

The post Aksident masiv në Michigan: Mbi 100 automjete të përfshira nga bora intensive appeared first on Sinjali.