Kina ka raportuar një valë të fortë eksportesh gjatë vitit 2025, me një sufiçit rekord prej 1 trilion dollarësh, ndërsa prodhuesit e saj përgatiten për 3 vite të tjera nën administratën Trump, e cila synon të ngadalësojë gjigantin prodhues duke zhvendosur porositë amerikane drejt tregjeve të tjera.

Qëndrueshmëria e Pekinit përballë tensioneve të rinovuara tarifore që nga rikthimi i Donald Trump në presidencë në janar të kaluar ka inkurajuar firmat kineze të fokusohen tek Azia Juglindore, Afrika dhe Amerika Latine për të kompensuar tarifat amerikane.

Me Kinën që shikon tek eksportet për të zbutur efektet e krizës së pronave dhe kërkesës së dobët të brendshme, sufiçiti rekord rrezikon të prekë më tej ekonomitë që janë të shqetësuara për praktikat tregtare të Kinës, kapacitetin e saj të tepruar prodhues dhe varësinë e madhe nga produktet kyçe kineze.

Sufiçiti i përgjithshëm për vitin arriti në 1.189 trilion dollarë, një shifër që është e barabartë me GDP-në e një ekonomie ndër 20 më të mëdhatë në botë, si Arabia Saudite, sipas të dhënave të doganave të publikuara të mërkurën, 14 janar, duke kaluar për herë të parë nivelin e trilionit në nëntor.

“Rritja globale e tregtisë duket e pamjaftueshme dhe ambienti i jashtëm për zhvillimin e tregtisë së jashtme të Kinës mbetet i ndërlikuar dhe serioz”, ka deklaruar Wang Jun, zv.ministër në administratën doganore kineze, gjatë një konference shtypi të mërkurën.

Megjithatë, Wang shtoi se me partnerë tregtarë më të diversifikuar, aftësia e Kinës për të përballuar rreziqet është rritur ndjeshëm dhe se “parimet themelore për tregtinë e jashtme të Kinës mbeten të forta”.

Eksportet nga ekonomia e dytë më e madhe në botë u rritën me 6.6% në dhjetor krahasuar me të njëjtën periudhë të vitit të kaluar, krahasuar me një rritje prej 5.9% në nëntor. Analistët e anketuar nga Reuters kishin parashikuar vetëm një rritje prej 3%.

Importet u rritën me 5.7%, pas një rritjeje prej 1.9% muajin e mëparshëm, duke tejkaluar gjithashtu pritshmëritë për 0.9%.

Yuani kinez qëndroi i qëndrueshëm pas publikimit të të dhënave, ndërsa investitorët në bursë mirëpritën shifrat më të mira se pritshmëria. Indeksi kryesor Shanghai Composite dhe indeksi i aksioneve të mëdha CSI300 u rritën mbi 1% gjatë mëngjesit.

Suficitet mujore të eksportit mbi 100 miliardë dollarë janë regjistruar shtatë herë gjatë vitit të kaluar, krahasuar me vetëm një herë në 2024, duke treguar se masat e Trump-it nuk kanë dëmtuar dukshëm tregtinë kineze me botën, edhe nëse kanë ngadalësuar eksportet drejt SHBA-së.

Ekonomistët presin që Kina të vazhdojë të fitojë pjesë tregu globale këtë vit, falë kompanive kineze që po krijojnë qendra prodhimi jashtë vendit për të përfituar nga tarifat më të ulëta ndaj SHBA-së dhe BE-së, si dhe nga kërkesa e fortë për çipe dhe elektronikë me cilësi më të ulët.

Industria e makinave kineze shënoi një rritje të eksportit prej 19.4%, me 5.79 milionë automjete të dërguara vitin e kaluar, ndërsa eksportet e EV-ve (makinat elektrike) u rritën 48.8%. Kina pritet të mbetet eksportuesi më i madh i makinave në botë për vitin e tretë radhazi, pas arritjes së këtij rekordi për herë të parë në 2023 duke kaluar Japoninë.

Megjithatë, Pekini ka treguar shenja që duhet të moderonte eksportet industriale për të ruajtur suksesin, duke qenë gjithnjë më i vetëdijshëm për pabarazitë në ekonomi dhe për imazhin negativ që po krijojnë volumin e lartë i eksportit.

Pas raportimit të suficitit prej trilion dollarësh në nëntor, kryeministri kinez Li Qiang u shpreh javën e kaluar në televizionin kombëtar për “zgjerimin proaktiv të importeve dhe promovimin e zhvillimit të balancuar të importeve dhe eksporteve”.

Kina gjithashtu hoqi subvencionet e tipit taksë për eksportet në industrinë e saj të energjisë diellore, një pikë e gjatë e tensioneve me vendet e BE-së.

Në dhjetor, ligjvënësit miratuan ndryshime në ligjin e tregtisë së jashtme pas dy leximeve, në vend të tre të zakonshme, si një sinjal për anëtarët e një marrëveshjeje të madhe trans-Paqësore se Kina është gati të zhvendoset nga subvencionet industriale drejt një tregtie më të lirë dhe më të hapur.

Edhe pse ekziston një armëpushim tarifor njëvjeçar që Trump dhe presidenti kinez Xi Jinping nënshkruan në fund të tetorit, tarifat amerikane prej 47.5% mbi mallrat kineze janë ende shumë mbi nivelin prej rreth 35%, që analistët thonë se mundëson fitim për kompanitë kineze që eksportojnë në SHBA.

Të gjithë personazhet kryesore të dosjes AKSHI, të cilët deri më tani kanë përfituar fonde publike përmes paracaktimit të fituesve dhe fryrjes së kostove në tendera, ishin përgatitur që nga 1 janari 2026 të mos paguanin asnjë lek taksa për qindra miliona euro që vijonin të merrnin nga buxheti i shtetit.

Skyweb.al ka zbuluar skemën e ndërtuar për këtë qëllim, e cila parashikonte kalimin formal të aktivitetit drejt Durana Tech Park, përmes krijimit të kompanive të reja me emra të ndryshëm, por me të njëjtët pronarë dhe administratorë që qëndrojnë pas subjekteve të përfshira në dosjen e AKSHI-t.

Skema lidhet drejtpërdrejt me ndryshimet fiskale që hynë në fuqi nga viti 2026. Pas presionit ndërkombëtar, qeveria u detyrua të hiqte privilegjin e tatim-fitimit 5 për qind për kompanitë e teknologjisë së informacionit, duke rikthyer normën standarde.

Në këtë fazë, për të shmangur pagesën e taksave, u aktivizua mekanizmi i parqeve teknologjike, i parashikuar në ligjin e vitit 2022, i cili garanton përjashtime totale nga tatim-fitimi, TVSH-ja dhe taksat mbi pagat për një periudhë 10–15 vjeçare.

Ligji ndalon transferimin e një veprimtarie ekzistuese në park vetëm për përfitim fiskal. Por, rezulton se kjo pengesë u anashkalua përmes regjistrimit të subjekteve të reja, ndërsa aktiviteti real, personat kyç dhe interesat ekonomike mbetën të pandryshuara.

Nga analiza e listës së kompanive të regjistruara në Durana Tech Park rezulton se disa prej tyre lidhen drejtpërdrejt ose indirekt me emra të hetuar nga SPAK në dosjen AKSHI.

Në disa raste, pronarë ose administratorë të kompanive të reja rezultojnë të jenë të njëjtët persona që drejtojnë ose përfaqësojnë subjektet në qendër të hetimeve për tenderat e AKSHI-t.

Të njëjtët emra me kompani të ndryshme

Nga shqyrtimi i listës së plotë të subjekteve të regjistruara në Durana Tech Park rezulton se një pjesë e konsiderueshme e tyre lidhen drejtpërdrejt ose indirekt me Ergys Agasin, Ermal Beqirin dhe rrethin e tyre të afërt.

Sipas verifikimeve të redaksisë, në disa raste lidhjet janë të dokumentuara përmes personave që shfaqen si pronarë ose administratorë në kompani të reja, por që paralelisht mbajnë role kyçe në subjekte të përfshira në dosjen AKSHI.

Një nga rastet është kompania KronoTech, e regjistruar në Durana Tech Park, e cila në dokumente rezulton me pronare Arjola Koromanin. E njëjta është administratore edhe e kompanisë Soft & Solution, subjekt i cili ndodhet në qendër të hetimeve për tenderët e AKSHI-t.

Në një tjetër rast, kompania Test & Tech figuron me pronar Ergys Agasin dhe me administratore Ina Cikon.

Ina Ciko është njëkohësisht administratore edhe e kompanisë EA Solution, në pronësi të Agasit, e përfshirë gjithashtu në dosjen e AKSHI-t.

Ciko ka lidhje familjare me Elon Cikon, pjesë e rrethit të afërt të Ergys Agasit dhe administrator i kompanisë EA Logistic.

Ndërkohë, Gëzim Hoxha, ndaj të cilit SPAK ka vendosur masë sigurie në kuadër të hetimeve për skandalin AKSHI dhe që dyshohet si pjesë e skemës së tenderëve, ka regjistruar në Durana Tech Park dy kompani, CyberMind dhe Box Artificial Logic.

Nga ana tjetër, vetë Ermal Beqiri ka regjistruar po ashtu kompaninë Data Storm në Durana Tech Park.

Të gjitha këto subjekte janë regjistruar gjatë muajve të fundit të vitit 2025, në një periudhë kur grupi i përfshirë po përgatitej të kalonte aktivitetin drejt Durana Tech Park, me të njëjtët aktorë, por përmes kompanive të reja, për shkak se ligji ndalon transferimin formal të një veprimtarie ekzistuese.

Një burim i tha redaksisë se SPAK duhet të verifikojë nëse këto kompani kanë ushtruar aktivitet tregtar real gjatë kësaj periudhe dhe të analizojë marrëveshjet e lidhura mes tyre dhe Durana Tech Park, për të përcaktuar nëse kemi të bëjmë me një skemë të mirëorganizuar shmangie taksash.

Plani i mirëmenduar i grupit në fjalë u prish nga hetimet për dosjen AKSHI. SPAK ka shtrirë tashmë hetimet e dosjes AKSHI dhe te Durana Tech Park pikërisht prej këtyre kompanive.

Altin Ndocin nuk e kishte lënë në harresë organizata Çopja.

Ky fragment shkruhet në dosjen e Çopjave teksa i dyshuari po përballej me drejtësinë për episode të tjera dhe të tjerë që gjendeshin jashtë flasin në SKY ECC se si ta lirojnë gjuajtësin sepse kishin mbetur pa qitës.

Përpara se Altin Ndoci ta bënte fakt arratisjen gati 5 vjet nga këto biseda në SKY ECC, anëtarët e organizatës Çopja ku dyshohet se ai bën pjesë shfaqeshin shumë të shqetësuar për arrestimin tij.

Ndoci lakohet me nofkën “kokë çami” dhe siç përmend SPAK anëtarët flasin jo vetëm si ta lirojnë me çdo kusht, por edhe të mbulonin shpenzimet familjare deri dhe pagesat për avokatët.

SPAK e cilëson këtë metodë tipike mafioze që synonte heshtjen dhe që për ti thënë se organizata nuk e kishte lënë në harresë, në këtë dosje Altin Ndoci tashmë i arratisur akuzohet për vrasjen e trefishtë në Bradashesh të Endri Alibej, Arben Dylgjerin dhe të një shtetasi turk, e po ashtu për vrasjen e Kelvis Brahos.

Altin Ndoci shfaqet, sipas SPAK, kur refuzon planin 1 milionë eurosh për të vrarë Erjon Alibej, në kohën që ai ishte në paraburgim sepse kjo sipas tij që ishte e pamundur. Por edhe si i përfshirë në grabitjen e gati 5 milionë eurove në pistën e Rinasit.

Çështja ndaj organizatës Çopja është në seancë paraprake dhe aty dyshohet se ka rolin e krahut të armatosur të të dyshuarve kryesore.

Për herë të parë përballja me SPAK e Altin Ndocit ishte për vrasjen e Besmir dhe Viktor Haxhisë dhe Anxhelo Avdisë dhe Dorian Shkozës. Ky hetim që solli dhe arrestimin e Ndocit nisi nga rrëfimi i Klevis Allës.

Për katër SPAK vrasjet u tërhoq sepse kishte hapur një kuti tjetër nga rrëfimet e Nuredin Dumanit. Në këto seanca Altin Ndoci paraqitej gjakftohtë dhe shpesh akuzat i ka hedhur poshtë përmes avokates.

I përshkruar si i burgosur i rrezikshëm, dhe me një dosje të hapur, Ndoci hyn tani te të kërkuarit e SPAK, që ndryshe nga ata që nuk i ka kapur, Ndocin e kishte në qeli dhe u arratis.

Policia ka kryer kontrolle në Durrës, Kavajë, Elbasan dhe Tiranë por pa rezultat.

Ilir Vrenozi ka lënë garën e Big Brother VIP Albania 5.

Ai ka vendosur që të largohet nga shtëpia, pasi thotë se nuk ndihet mirë dhe nuk e përballon dot.

“Nuk e përballoj dot jam i sëmurë”, i tha ai Stenaldos, teksa kanë shpërthyer të dy në lot duke u përshëndetur.

Indrit Cerloj, Drejtor i IEVP Durrës është shkarkuar nga detyra nga Ministria e Drejtësisë, një ditë pas arratisjes së të paraburgosurit Altin Ndoci.

Shkarkimi i tij vjen rreth 24 orë pasi fillimisht u pezullua.

Ndërkohë zinxhiri komandues i IEVP Durrës, mbeten të pezulluar.

Konkretisht:

• z. Afrim Zeqiraj – Shef i Policisë;

• z. Dezdemon Pazaj – Shef i Policisë IEVP Durrës (i komanduar);

• znj. Ylfete Sema – Shefe e Shërbimit të Kujdesit Shëndetësor;

• z. Aulon Quku – Kryeinfermier;

• z. Dorjan Saraçi – Punonjës i Policisë së Burgjeve;

• z. Sali Ferrollari – Punonjës i Policisë së Burgjeve;

• z. Preng Marvataj – Punonjës i Policisë së Burgjeve;

• z. Fatjon Braçi – Punonjës i Policisë së Burgjeve;

• z. Idajet Calamaj – Punonjës i Policisë së Burgjeve;

• z. Aranit Çela – Punonjës i Policisë së Burgjeve;

• znj. Violeta Uka – Punonjëse e Policisë së Burgjeve.

LEXO EDHE: Arratisja spektakolare e Altin Ndocit, reagon Drejtoria e Burgjeve: IEVP Durrës nuk na ka informuar për shoqërimin e tij në spital

Ndërsa Saudi Pro League po merret me mundësinë e pezullimit katër ndeshjesh të Cristiano Ronaldos, emri i Lionel Messit po rikthehet në qendër të vëmendjes në Lindjen e Mesme.

Anmar Al Haili, president i Al-Ittihad-it, ka riafirmuar obsesionin e tij për të nënshkruar me argjentinasin, duke deklaruar se është i gatshëm t’i ofrojë një kontratë historike, pa precedent në sportin profesional.

Një “çek i bardhë” për numrin 10

Ekzekutivi saudit u shpreh qartë se paratë nuk janë pengesë për të parë kampionin e botës të veshur me fanellën e verdhezi. Al Haili tha se nëse Messi do ta pranojë ofertën, ai do të mund të zgjedhë personalisht pagën dhe kohëzgjatjen e kontratës, madje duke sugjeruar edhe një marrëdhënie “për gjithë jetën” me klubin.

“Fitimi financiar nuk ka rëndësi për mua; dua Messin sepse ai është lojtari më i mirë në histori,” pranoi presidenti i klubit.

Megjithatë, më herët Messi kishte refuzuar oferta të tjera nga Arabia Saudite, por shpresa për një marrëveshje mbetet ende e gjallë, me Al-Ittihad që duket i vendosur të bëjë gjithçka për të bindur ‘yllin’ argjentinas.

Kujtojmë që pjesë e Al Ittihad-it, momentalisht, është edhe mbrojtëis i Kombëtares Shqiptare, Mario Mitaj, pa harruar emra të tjerë të mëdhenj të futbollit si Benzema, N’kante, Fabinho etj.

Kryetari i Partisë Demokratike, Sali Berisha, ka zhvilluar sot një takim me drejtuesit politikë dhe koordinatorët e strukturave të opozitës.

Raportohet se në fokus të diskutimeve ka qenë organizimi i protestës kombëtare të paralajmëruar për më 24 janar.

Vendimi për datrën e protestës u mor disa ditë më parë, ndërsa Berisha ka bërë më herët thirrje për dalje masive të qytetarëve në shesh, për të kërkuar largimin e qeverisë.

Ekonomia e Shqipërisë do të rritet me 3.5% në vitin 2026, duke ruajtur të pandryshuar projeksionin e publikuar në tetor dhe vlerësuar vendin si një nga ekonomitë më të qëndrueshme në rajon.

Sipas raportit “Global Economic Prospects” të publikuar të martën, rritja ekonomike e vendit pritet të mbetet në nivelin 3.5% edhe në vitin 2027.

Kështu, Shqipëria renditet mbi mesataren e Ballkanit Perëndimor, e cila për vitin 2026 parashikohet në 3.1% pas një rritjeje të vlerësuar prej 2.7% në vitin 2025.

Edhe për Kosovën, Banka Botërore parashikon rritje prej 3.8% për vitin 2026 dhe 3.9% në vitin 2027, duke e renditur Kosovën si ekonominë me rritjen më të shpejtë në rajon.

Për krahasim, vendet e tjera të Ballkanit Perëndimor parashikohen të kenë rritje më të ulët. Ekonomia e Serbisë, Maqedonisë sw Veriut dhe Bosnje-Hercegovinën projektohet të rritet me rreth 3%, ajo e Malit tw Zi me 3.2% dhe e Kroacisë me 2.9%.

Kanë kaluar më shumë se 24 orë nga arratisja e Altin Ndocit dhe pavarësisht kërkimeve në disa qytete, autoritetet nuk kanë rënë ende në gjurmët e tij.

Por cilat janë shkeljet e rënda që identifikohen në shoqërimin e tij dhe jo vetëm?

Rregullorja e Përgjithshme e burgjeve parashikon në nenin 109, pika 2 se, “numri i punonjësve të sigurisë që bëjnë shoqërimin e të burgosurit të sëmurë në shërbimet e kujdesit shëndetësor jashtë institucionit caktohet në varësi të situatës, rrezikshmërisë, ambienteve, por në asnjë rast jo më pak se 3 (tre) punonjës sigurie për një të burgosur”.

LEXO EDHE: Video/ Fax News siguron videon e momentit kur i paraburgosuri Altin Ndoci arratiset me vrap nga spitali i Durrësit

Në furgonin e policisë së burgjeve, për të shkuar drejt Spitalit Rajonal të Durrësit, nuk ishte vetëm Altin Ndoci, por dhe një tjetër i paraburgosur, i dyshuar për vepra jo të rënda.

Po sipas rregullores, do të duhej që minimalisht për shoqërimin e tij të ishin 6 punonjës sigurie. Në të vërtetë, ishin vetëm 5. (I gjashti ishte shoferi).

Altin Ndoci ishte një i paraburgosur i konsideruar “me rrezikshmëri të lartë shoqërore” dhe në këto raste protokollet e sigurisë nuk janë ato të një rasti normal.

Në situata të tilla përfshihen forcat operacionale, me një numër më të lartë efektivësh. Madje kërkohet dhe mbështetje nga policia. Dhe minimalisht dy furgonë. Por as kjo nuk ka ndodhur.

Policia e Shtetit pretendon se, nuk është njoftuar dhe jo më të kërkohej ndihmë. Ndërsa Drejtoria e Përgjithshme e Burgjeve nuk ka patur asnjë informacion.

LEXO EDHE: Arratisja e Ndocit, shkarkohet drejtori i Burgut Durrës

Spitali i Durrësit ka një dhomë qeli ku kryen visitation për të dënuarit dhe të paraburgosurit.

Në çdo rast, personeli mjekësor njoftohet paraprakisht. Këtë herë rezulton të mos ketë ndodhur.

Nuk mbaron me kaq. Sipas dinamikës së ngjarjes, Ndoci është shoqëruar lart, vetëm nga dy punonjës sigurie. Tre të tjerët shoqëronin të paraburgosurin tjetër, larg së qeni, i një rrezikshmërie të lartë.

Madje pasi ky i fundit ka përfunduar vizitën, të tre i kanë hipur furgonit për ta rikthyer në qeli, duke e lënë Ndocin, tërësisht në duart e vetëm dy kolegëve të tyre.

Por dyshimet duhet të nisin më herët.

Si mund të lihej në një burg të sigurisë së zakonshme si ai i Durrësit, një person me rrezikshmëri të lartë, i arrestuar me urdhër të SPAK, si pjesë aktive grupeve kriminale?

Pakujdesi apo plan i mirëorganizuar, këtë pritet ta vërtetojnë hetimet. Por diçka është e konfirmuar tashmë: arratisja e Ndocit është një dështim spektakolar.

Është zhvilluar disa  ore seance, për tragjedinë e Gërdecit ne Gjykatën e Posaçme. Seanca e ardhme u la më datë 22 janar.

Ne ketë seance Mediu dhe avokatët mbrojtës kanë kërkuar që “faxi për Shkëlzenin” të mos merret si provë ose te kryhet ekspertimi i kaligrafisë.

“Është në proces si ministër mbrojte por prokuroria ka marre një vendim kunder Nato. Është hedhur ne opinionin publik për emra te ndryshme dhe pro të mos sjell letra te paverifkuara. Ose të hidhet poshtë ose të ekspertohet. Bumçi e ka quajtura mashtrim të bërë nga ish sekretarja. Të thërras çdo ministër që ka qenë para dhe pas meje, a ka qenë njeri nga sto që është marrë me distanca sigurie, sepse s’ka asnjë akt ligjor që të përfshin ministrin e Brendshëm. Ne kemi bërë edhe një kërkesë për ekspertët që kanë bërë ekspertizën e shpërthimit.
Nuk është gjetur sekretarja e Bumcit, ne e kërkuam sërish ish-sekretaren e Aldo Bumcit. Nëse është jashtë të gjendet, e kanë në TIMS; nëse është në Shqipëri ta gjejnë”, tha Mediu.

Mediu akuzohet për shpërdorim detyre, pasi, sipas SPAK, janë shkelur procedurat e ngritjes së fabrikës së demontimit në Gërdec, pranë një zone të banuar si dhe ato të municioneve.

Ambasada amerikane në Tiranë ka reaguar pas deklaratave të një dite më parë të kryeministrit Edi Rama se Shqipëria është një vend me interes të madh për Kinën sa i përket çështjeve të energjisë.

Ambasada e SHBA vlerëson investimin e fundit të bërë nga kompania amerikane Clean VVorld Professional për ndërtimin e një parku Eolik në zonën e Tropojës me kapacitet 600 megavat.

Në të njëjtën kohë, ambasada vë theksin te nxitja e transparencës dhe drejtësisë në Shqipëri, për ta bërë vendin tërheqës për investimet amerikane.

“Ambasada e Shteteve të Bashkuara mirëpret progresin në investimin e CËP-së, duke sjellë lidershipin amerikan në teknologjinë e energjisë në Shqipëri. Ne vazhdojmë të nxisim transparencë dhe drejtësi në mjedisin rregullator të Shqipërisë për ta bërë vendin më tërheqës për investitorët amerikanë”, thuhet në reagimin e Ambasadës

Teksa ishte i pranishëm në një ceremoni me kompaninë amerikane Clean VVorld Professional po zbaton projektin për ndërtimin e një parku Eolik në zonën e Tropojës me kapacitet 600 megavat, kreu i qeverisë shqiptare Edi Rama tha se kinezët ia kanë vënë syrin Shqipërisë.

“Po mos të ishte Shqipëria kaq e rëndësishme potencialisht, kinezët që janë civilizimi më i vjetër edhe tregtarët më të padiskutueshëm nuk do i kishin vënë syrin dhe nuk do e konsideroni Shqipërinë si “pikën e mjaltit” në gjithë Europën apo jo?”  deklaroi Rama.

E pranishme në këtë aktivitet ishte edhe e Ngarkuara me Punë e SHBA-së në Tiranë, Nancy VanHorn.

Gjatë konferencës me gazetarët, kreu i PD, Sali Berisha reagoi për hetimet e SPAK në lidhje me financimin e Kuvendit të 11 dhjetorit 2021, të cilin e cilësoi si hetim politik.

Kryedemokrati u shpreh se ai është i vetmi politikan i hetuar me hollësi brenda dhe jashtë vendit.

“Hetimi pasuror i Berishës është bërë me lupë, finalizuar dhe dërguar me kohë në gjykatë. Ky hetim politik që bënë s’ka asnjë lidhje me asnjë hetim pasuror të Sali Berishës dhe fëmijëve të tij. Është hetim i mirëfilltë politik. Unë kam thënë që prokuroria duhet të jetë e lirë dhe ne jemi të hapur për çdo hetim.  Lidhja është mashtrimi që ish xhelati i sigurimit të shtetit në bashkëpunim me Dumanin i bënë çështjes, asnjë lidhje. Për të justifikuar dhe janë primitivë… fakti që s’kanë çtë hetojnë është dëshmuese se po bëjnë hetim politikë. Hetimi pasuror i Berishës, jam i vetmi politikan i hetuar me hollësi brenda dhe jashtë vendit, çdo variant tjetër është mashtrim politik.

Manchester United ka zgjidhur përkohësisht drejtimin e skuadrës, por mbi “Old Trafford” vazhdon të qëndrojë pezull një vendim madhor për të ardhmen afatgjatë të klubit.

Michael Carrick ka pranuar të marrë drejtimin e ekipit si trajner i përkohshëm deri në fund të sezonit, ndërsa drejtuesit e klubit – Ineos dhe familja Glazer – janë në kërkim të trajnerit të ri të përhershëm të “Djajve të Kuq”.

Pas periudhës zhgënjyese nën drejtimin e Ruben Amorim, presioni nga tifozët është rritur ndjeshëm dhe gabimet nuk tolerohen më.

Tregu i trajnerëve nuk ofron shumë zgjedhje të qarta, por disa emra interesantë mund ta rikthejnë Manchester United në rrugën e duhur.

Ja shtatë kandidatët kryesorë që po përfliten:

Michael Carrick

Ish-mesfushori i United e sheh pjesën e mbetur të sezonit si një provë reale. Nëse arrin rezultate pozitive, ai mund të bindë drejtuesit se është njeriu i duhur për postin. Megjithatë, bordi mbetet i kujdesshëm për të mos përsëritur gabimin e së kaluarës me Ole Gunnar Solskjaer.

Gareth Southgate

Emër i lidhur prej kohësh me stolin e United. Ish-trajneri i Anglisë është pa skuadër që nga largimi nga “Three Lions” në vitin 2024 dhe shihet si profil i përshtatshëm për të stabilizuar situatën. Tifozët dyshojnë se klubi po përgatit terrenin për ardhjen e tij, sidomos pas përfshirjes së Steve Holland në stafin e Carrick.

Luis Enrique

Një trajner i nivelit botëror, fitues i Champions League me Barcelonën dhe PSG-në. Aktualisht është ende nën kontratë me kampionët e Francës deri në fund të sezonit të ardhshëm, gjë që e bën transferimin të vështirë dhe të kushtueshëm, edhe pse në Francë përflitet për një sfidë të re në horizont.

Xabi Alonso

Vendimi për t’u larguar nga Real Madridi e ka futur papritur në listën e kandidatëve. Edhe pse nuk fitoi trofe në Madrid, puna e jashtëzakonshme te Bayer Leverkusen – me një sezon të brendshëm të pamposhtur dhe finalen e Europa League – e mban reputacionin e tij shumë të lartë.

Oliver Glasner

Që nga ardhja te Crystal Palace në vitin 2024, Glasner ka ndërtuar një emër të fortë në Premier League. Megjithëse forma e fundit e Palace ka rënë dhe eliminimi nga FA Cup ka qenë zhgënjyes, CV-ja e tij mbetet mbresëlënëse dhe një sfidë e re mund ta rikthejë në nivelin më të lartë.

Thomas Tuchel

Trajneri gjerman aktualisht është i angazhuar me kombëtaren e Anglisë deri në përfundim të Kupës së Botës. Pas saj, ai do të jetë i lirë për një rikthim në futbollin e klubeve. I vlerësuar si “kandidat i jashtëzakonshëm” nga Wayne Rooney, Tuchel ka në CV edhe triumfin në Champions League me Chelsean.

Andoni Iraola

Spanjolli ka lënë përshtypje shumë pozitive me Bournemouth-in në Premier League. Stili i tij me presion të lartë dhe futboll agresiv shihet si pikërisht ajo që tifozët e United kërkojnë pas periudhës së zbehtë nën Amorim.

Ati i Shenjtë ka emëruar Nunc të ri Apostolik në Shqipëri Shkëlqesinë e Tij Imzot Mirosław Adamczyk, Arqipeshkëv titullar i Otrikolit, deri tani Nunc Apostolik në Argjentinë.

Imzot Mirosław Adamczyk lindi më 16 korrik 1962 në Gdańsk. Në vitin 1981 filloi studimet në Seminarin e Gdańsk. Ai u shugurua prift më 16 maj 1987 në Bazilikën e Shën Marisë në Gdańsk nga peshkopi dioqezan vendas Tadeusz Gocłowski .

Kryetari i grupit parlamentar të Partisë Socialiste, Taulant Balla, njëherësh drejtues politik i PS për Diasporën priti sot në një takim në ambientet e Kuvendit, Enkelejda Dajçin (Beqon), përfaqësuese e diasporës shqiptare në Landin e Bavarisë, Gjermani.

Balla vlerësoi lehtësimin e procedurave për lejet e qëndrimit dhe punësimit në Gjermani, duke i konsideruar ato si faktorë kyç për integrimin dhe suksesin e shqiptarëve që jetojnë e punojnë atje.

“Në Bavari jetojnë e punojnë rreth 18 mijë shtetas shqiptarë, ndaj vlerësojmë lehtësimin e procedurave për lejet e qëndrimit, punësimit. Gjithashtu në universitetet e Bavarisë studiojnë afro 800 studentë shqiptarë”, u shpreh Balla.

Takimi u konsiderua një dëshmi e rëndësisë që institucionet shqiptare i kushtojnë diasporës dhe forcimit të lidhjeve me komunitetet shqiptare jashtë vendit.

Pas arratisjes së të paraburgosurit për vrasje Altin Ndoci nga spilati i Durrësit, një denoncim ka ardhur nga deputeti Flamur Noka, i cili vë në shënjestër kupolën drejtuese të qendrës së burgut të Durrësit.

Noka shkruan se nëndrejtori i burgut të Durrësit Juli Agasi, është vëllai i Eno Agasit e rrjedhimisht kushërinj të biznesmenit të shpallur në kërkim Ergys Agasit.

Më tej Flamur Noka vijon të thotë se dhe vetë drejtori Indrit Cërrloj është emërim direkt i Ergys Agasit.

“Edhe nëndrejtori i burgut e ka vëllain në arrati

Nëndrejtori i burgut të Durrësit quhet Juli Agasi.

Është vëllai i Eno Agasit, person në kërkim nga Policia e Shtetit pasi mori verërat e shtrenjta të Ramës dhe ia mbathi. Të dy janë kushërinj të Ergys Agasit.

Drejtori i burgut Indrit Cërrloj është emërim direkt i Ergys Agasit. Si drejtori dhe nëndrejtori i Burgut #Durrës janë emëruar nga Gysi.

Në foto dallohet i burgosuri Altin Ndoci teksa merr arratinë”, shkruan Flamur Noka.

.

Deputeti i Partisë së Lirisë, Tedi Blushi, denoncoi sot gjatë një konference për mediat shkelje të rënda ndaj ish-presidentit Ilir Meta, i paraburgosur prej 21 tetorit 2024 me urdhër të SPAK.

Blushi theksoi se edhe pse Avokati i Popullit ka bërë një raport dhe ka dhënë rekomandime për rastin e Metës, asnjë prej tyre nuk është zbatuar deri më tani.

“S’është marrë asnjë masë. I jam drejtuar Ministrit të Drejtësisë dhe Drejtorit të Përgjithshëm të Burgjeve, por nuk ka pasur asnjë përgjigje. Asnjë rekomandim i Avokatit të Popullit nuk është zbatuar”, tha Blushi.

Ai shtoi se komunikimi me Metën është i pamundur, pasi SPAK nuk lejon takime as me deputetë dhe eurodeputetë, ndërkohë që ligji dhe konventat ndërkombëtare garantojnë këtë të drejtë.

“Më nuk kontaktoj dot me zotin Meta. As deputetët, as eurodeputetët nuk mund të takohen me të. Edhe tek ajrosja janë vendosur kufizime; të gjithë të paraburgosurit e bëjnë çdo ditë, kurse zoti Meta është i vetmi që nuk e bën”, u shpreh Blushi.

Kreu i Partisë së Lirisë vijon të mbahet në kushte të rënda izolimi, ndërkohë që mbrojtësit e tij kërkojnë zbatim të të drejtave të garantuara nga ligji dhe konventat ndërkombëtare.

Washingtoni është i gatshëm të të forcojë partneritetin me Qeverinë e ardhshme të Kosovës dhe të rifillojë Dialogun Strategjik mes dy vendeve, e këtë e pohoi ambasada e Shteteve të Bashkuara në Prishtinë, e cila theksoi megjithatë se realizimi i këtij synimi do të kërkojë veprime nga Qeveria e Kosovës, të cilat “çojnë përpara agjendën e përbashkët për paqe dhe stabilitet rajonal”, si dhe “prosperitetin e ndërsjellë ekonomik”.

Ekzekutivi i ri i Kosovës, që pritet të formohet pas zgjedhjeve të parakohshme parlamentare të 28 dhjetorit, në të cilat Lëvizja Vetëvendosje e kryeministrit në detyrë, Albin Kurti, fitoi mbi 51 për qind të votave.

Kurti e ka bërë të qartë se synon që institucionet e reja të krijohen sa më parë, pa vonesa.

Numërimi i votave përfundoi më 9 janar, por procesi zgjedhor ende nuk është mbyllur zyrtarisht, për shkak të afateve ligjore për ankesa dhe certifikimin e rezultateve. Gjatë mandatit të mëparshëm,

Qeveria e tij ishte përballur shpesh me kritika nga partnerët ndërkombëtarë, veçanërisht për shkak të veprimeve që janë cilësuar si të pakoordinuara dhe të njëanshme.

Nga mbyllja e shumicës së institucioneve serbe në Kosovë deri te heqja e dinarit serb nga përdorimi, këto veprime janë parë si të dëmshme për komunitetin serb dhe si faktor që ka rritur tensionet në veri të vendit.

Kritikat kanë shkuar deri në atë pikë sa është folur edhe për lëkundje të marrëdhënieve ndërmjet Kosovës dhe Shteteve të Bashkuara.

Me sa duket, tani po shpresohet në një ndryshim qëndrimi, pasi edhe Kurti vetë ka insistuar vazhdimisht se SHBA-ja mbetet partneri kryesor i Kosovës, ndonëse ka pranuar se ekzistojnë dallime në qasje për disa çështje.

Shërbimet e Komisariatit të Policisë Peqin, pas marrjes së njoftimit për një rast vjedhjeje në një banesë në lagjen “Xhami”, organizuan menjëherë punën dhe shkuan në adresën e dhënë, për verifikimin e rastit dhe kapjen e autorit. Si rezultat i veprimeve të shpejta operacionale, u kap në flagrancë në banesën e shtetases E. T., ku kishte hyrë për të vjedhur dhe u arrestua shtetasi:

Nga hetimet dyshohet se ky shtetas, para një kohe të shkurtër nga kapja në flagrancë, ka vjedhur një armë gjahu dhe disa sende në banesën e shtetases E. T.

Mjeti (darë) që dyshohet se i arrestuari e përdorte për të kryer vjedhjet dhe sendet e vjedhura të cilat u gjetën në banesën e tij, u sekuestruan në cilësinë e provës materiale.