Një hartë e publikuar nga Newsweek tregon zonat dominuese të karteleve meksikane të drogës kundër të cilave presidenti amerikan Donald Trump është zotuar për një goditje të menjëhershme.

Trump tha se SHBA-të “do të fillojnë tani të godasin tokën” në luftën e tyre kundër karteleve të drogës që ai thotë se po e qeverisin Meksikën.

Brandon Buck, nga Instituti CATO, tha se objektivat e mundshëm do të ishin udhëheqja e karteleve ose sulmet simbolike kundër kontrabandistëve.

Zëdhënësja e Shtëpisë së Bardhë, Anna Kelly, tha në një deklaratë se administrata Trump po rivendoste dhe zbatonte Doktrinën Monroe për të rivendosur epërsinë amerikane në Hemisferën Perëndimore, për të kontrolluar migracionin dhe për të ndaluar trafikun e drogës.

Trump ka folur ashpër për drogën dhe ka shtuar fushatën e tij detare kundër trafikantëve të dyshuar të narkotikëve.

Komenti i tij i fundit sugjeron se ai është gati për një përshkallëzim nga një fushatë kundër narkotikëve e fokusuar në det në territorin meksikan.

Por, Trump nuk dha detaje të mëtejshme mbi kohën ose vendndodhjen e ndonjë sulmi të planifikuar tokësor.

Ndryshe, 6 organizata kriminale transnacionale meksikane janë përcaktuar si organizata terroriste të huaja nga Departamenti i Shtetit i SHBA-së.

Karteli Sinaloa përshkruhet nga DEA (Agjencia për Zbatimin e Ligjit kundër Drogës) në Vlerësimin e saj Kombëtar të Kërcënimit nga Drogat 2025 si një nga kontrabandistët më të mëdhenj në SHBA të fentanilit, metamfetaminës, kokainës, heroinës dhe marihuanës së paligjshme.

Siç tregon harta e Newsweek, karteli Sinaloa ka shtrirjen më të madhe me një prani të konsiderueshme në shtetin Sinaloa, nga i cili merr emrin, si dhe nga Baja California në veriperëndim deri në shtetet Jukatan dhe Quintana Roo në juglindje.

Ai gjithashtu ka një prani të fortë në Chihuahua, Coahuila dhe Durango.

Karteli i Gjeneratës së Re të Jaliscos është gjithashtu i rëndësishëm sipas DEA-s, me një prani të fortë në shtetet në qendër të Meksikës, duke përfshirë Jalisco, Michoacan dhe Veracruz. Ai është përfshirë në një konkurrencë të dhunshme me Sinaloan, e cila vrau më shumë se 30,000 njerëz vitin e kaluar. /Telegrafi/

Numri i njerëzve të vrarë në protestat në Iran është më shumë se dyfishuar në orët e fundit, raporton agjencia e lajmeve Reuters, duke cituar Agjencinë e Lajmeve të Aktivistëve të të Drejtave të Njeriut (HRANA) me seli në SHBA.

Në përditësimin e saj të fundit, organizata e pavarur tha se 466 persona kishin vdekur - një rritje e madhe nga shifra e mëparshme prej 203.

HRANA, e cila mbështetet në verifikimin e informacionit nga aktivistët në Iran, ka ofruar shifra të sakta në raundet e mëparshme të trazirave në Republikën Islamike.

Ndryshe, njerëzit në të paktën 180 qytete në të gjithë Iranin kanë dalë në rrugë ditët e fundit për të protestuar kundër regjimit aktual të vendit.

Edhe pse demonstratat fillimisht ishin "jashtëzakonisht të bukura dhe shpresëdhënëse" sipas një personi, autoritetet shtypën me dhunë ata që protestuan të premten në mbrëmje, thanë dëshmitarët okularë.

Skenat në Iran nga dëshmitarët janë përshkruar si "kaotike". /Telegrafi/

Presidenti amerikan Donald Trump u ka urdhëruar komandantëve të forcave të tij speciale të hartojnë një plan për pushtimin e Grenlandës, por po has rezistencë nga figura të larta ushtarake, sipas Daily Mail.

Burimet thonë se njerëzit rreth presidentit të SHBA-së, të udhëhequr nga këshilltari politik Stephen Miller, janë inkurajuar aq shumë nga suksesi i operacionit për të kapur udhëheqësin e Venezuelës, Nicolas Maduro , saqë duan të veprojnë shpejt për të pushtuar ishullin përpara se Rusia ose Kina të bëjnë një lëvizje.

Diplomatët britanikë besojnë se Trump është i motivuar gjithashtu nga dëshira për të shpërqendruar votuesit amerikanë nga performanca e ekonomisë amerikane para zgjedhjeve të mesit të mandatit më vonë këtë vit, pas të cilave ai mund të humbasë kontrollin e Kongresit ndaj demokratëve.

Siç raportohet, Trump i ka kërkuar Komandës së Përbashkët të Operacioneve Speciale (JSOC) të përgatisë planin e pushtimit, por ai po kundërshtohet nga shefat e përbashkët të shtabeve me arsyetimin se do të ishte i paligjshëm - dhe nuk do të mbështetej nga Kongresi.

Thuhet se diplomatët kanë përgatitur një lojë lufte atë që e përshkruajnë si një “skenar përshkallëzues” sipas të cilit Trump përdor forcën ose “shtrëngimin politik” për të prerë lidhjet e Grenlandës me Danimarkën.

“Ne do të bëjmë diçka për Grenlandën, pavarësisht nëse atyre u pëlqen apo jo, sepse nëse nuk e bëjmë ne, Rusia ose Kina do ta marrin Grenlandën dhe ne nuk duhet ta kemi Rusinë ose Kinën si fqinj”, tha Trump.

“Do të doja të bëja një marrëveshje në mënyrën e lehtë, por nëse nuk e bëjmë në mënyrën e lehtë, do ta bëjmë në mënyrën e vështirë”, shtoi ai. /Telegrafi/

Brenda pesë viteve të ardhshme, tekstet shkollore në Shqipëri pritet të ndryshojnë ndjeshëm në funksion të përmbushjes së kritereve për anëtarësimin në Bashkimin Europian. Ministria e Arsimit ka miratuar programet e reja mësimore, të cilat do të shërbejnë si udhërrëfyes për hartuesit e teksteve dhe për mësuesit në procesin e përditësimit të kurrikulave në nivele të ndryshme arsimore.

Source

Maringlen Disha, kryetari i Bashkisë Librazhd, bëri të ditur se në disa njësi administrative trashësia e dëborës ka arritur deri në 60 centimetra, çka ka sjellë bllokime të përkohshme të disa akseve rrugore dhe vështirësi në aksesin drejt fshatrave të thella. Sipas Dishës, pavarësisht kushteve të rënduara atmosferike, strukturat vendore janë në terren dhe po punojnë pa ndërprerje për menaxhimin…

Source

Një episod i pazakontë në Shtëpinë e Bardhë ka tërhequr vëmendjen e mediave amerikane, pasi Presidenti Donald Trump ka vendosur të ndërhyjë personalisht në pamjen e jashtme të disa prej zyrtarëve më të lartë të administratës së tij. Sipas një raportimi të New York Times, Trump ka vlerësuar se këpucët që mbanin disa anëtarë të kabinetit nuk ishin në përputhje me standardet që ai kërkon për…

Source

Nga Enver Robelli

Konrad Adenauer, kancelar legjendar gjerman, i cili pas horrorit nazist e integroi Gjermaninë Perëndimore në strukturat euro-atlantike, mendohet të ketë përshkruar me tri fjalë shkallët e armiqësisë në betejat politike. Sipas tij, ekzistojnë tre lloje armiqsh: armiku i thjeshtë, armiku i përbetuar dhe kolegu i partisë. Domethënë: më të rrezikshëm se armiqtë e jashtëm, janë ata të brendshmit, brendapartiakët. Këta janë të paparashikueshëm, ata të jashtmit kryesisht janë të parashikueshëm.

Në këtë kontekst, m’u kujtua Kongresi i Partisë Socialdemokrate të Gjermanisë (SPD) në Mannheim në vitin 1995. Kryetari i Partisë Rudolf Scharping kandidonte edhe për një mandat. Nuk ishte i popullarizuar. Partia kishte humbur zgjedhjet kundër Helmut Kohlit më 1994. Scharping shkoi në Kongres i bindur në fitore. Kundërkandidat zyrtar nuk kishte. Por para se të fillonte Kongresi, kryeminstri i landit Saarland, Oskar Lafontaine, e njoftoi Scharpingun se e kishte ndërmend të kandidonte. Scharping doli në foltore, tregoi se kishte një kundërkandidat. Ai quhej Oskar Lafontaine. Pasoi një habi e madhe në sallë, shoqëruar edhe me duatrokitje nga përkrahësit e Lafontaine. Fjalimi i Scharpingut nuk pati efekt të madh. Lafontaine, një popullist i talentuar, ndezi sallën. Nisi votimi. Dhe siç ishte paralajmëruar nga duartrokitjet, fitoi Lafontaine. Scharping pranoi humbjen, u ankua se rivali i tij i kishte shkaktuar shumë plagë, por tha se tani duhet të punonin bashkë sepse kishin një detyrë më të madhe se ata vetë.

Ish-kancelari Helmut Schmidt ishte duke shkuar me veturë në Kongresin e partisë së tij, kur dëgjoi në radio për zgjedhjen e Lafontaine, me të cilin ndante një përbuzje të dyanshme. Schmidt doli nga autostrada dhe u kthye në shtëpi.

Lafontaine e ngjalli partinë, sidomos me premtimet e tij për t’u kthyer te agjenda më e majtë. Më 1998 SPD (bashkë me të Gjelbrit) e rrëzoi Helmut Kohlin nga pushteti, pas 16 vitesh. Lafontaine u bë ministër financash në qeverinë e kancelarit Gerhard Schröder. Pak ditë para se NATO të fillonte bombardimin e Serbisë, Lafontaine tha dorëheqje (edhe për shkak se kundërshtonte ndërhyrjen, por s’pajtohej edhe me politikat ekonomike të qeverisë të cilat, sipas tij, nuk ishin mjaft të majta). Lafontaine vazhdoi rrugëtimin në partinë pasardhëse të komunistëve gjermanolindorë (Die Linke), në fund iku edhe nga aty dhe përfundoi në një parti të themeluar nga gruaja e tij, e njohur për qëndrime mirëkuptuese ndaj Kremlinit. Fatmirësisht, në zgjedhjet e fundit kjo parti (BSW) nuk arriti të hyjë në parlamentin gjerman.

PS. Se për pak harrova: ish-kancelari Schröder përfundoi si argat i Putinit, i cili me miliardat e tij nga gazi e nafta arriti të fusë në xhep edhe politikanë konservatorë. Nën kancelaren Merkel u ndërtua gazsjellësi Nord Stream, përkundër protestave amerikane dhe të europiano-lindorëve.

Marcus Rashford do të mbetet një futbollist i Barcelonës edhe pas këtij sezoni. Kështu shkruan e përditshmja spanjolle ‘Mundo Deportivo’ sipas së cilës klubi e mori vendimin në ditët e fundit, pavarësisht rendimentit me ulje-ngritje të 28 vjeçarit të ardhur nga Manchester United, 4 gola në 6 ndeshje në Champions, 2 gola(por edhe 8 asist) në 18 ndeshje të La Liga. Marcus Rashford konsiderohet si…

Source

Aksi rrugor Qafë Priskë – Shëngjergj, i cili ishte mbuluar nga dëbora, është tashmë i hapur për qarkullimin e automjeteve. Rruga është pastruar dhe trajtuar me kripë për të mundësuar lëvizjen e mjeteve, njoftoi Anuela Ristani, kryetarja e komanduar e Bashkisë Tiranë. Drejtuesit e mjeteve këshillohen të udhëtojnë me kujdes për shkak të temperaturave të ulëta dhe mundësisë së ngricave.

Source

Modelja e njohur dhe ish-Miss Universe Albania, Xhesika Berberi, ka marrë propozimin për martesë, duke i dhënë fund beqarisë në fillim të këtij viti. Ajo ka ndarë me ndjekësit atmosferën romantike dhe momentin e veçantë të propozimit përmes disa fotove në rrjetet sociale. Për herë të parë, Xhesika ka publikuar edhe portretin e partnerit të saj, duke thyer “rregullin” e zakonshëm të privatësisë…

Source

Në merkato duket se po shfaqet një aks i veçantë që mund të përshkohet pa probleme për të dy klubet. Nga njëra anë është Juventusi, që kërkon një mesfushor me eksperiencë dhe fleksibilitet për të luajtur në qendër, si gjysmësulmues krahu ose si sulmues i dytë, dhe nga ana tjetër është Milani, që ka nevojë të forcojë mbrojtjen. Në mes janë dy futbollistë, Federico Gatti dhe Ruben Loftus-Cheek…

Source

Reshjet e shiut dhe dëborës kanë shkaktuar dëme të konsiderueshme në një banesë dykatëshe në Vilë të Bushtricës, e cila i përket familjes së Naim Dragjoshit. Banesa ka pësuar plasaritje të shumta, duke e bërë të rrezikshme për banim. Familja, e përbërë nga tetë anëtarë, jeton në kushtet e pasigurisë dhe apelon për ndihmë urgjente. Anëtarët e familjes kërkojnë ndërhyrjen e autoriteteve për…

Source

Mjedisi i ashpër i Groenlandës, mungesa e infrastrukturës dhe gjeologjia sfiduese kanë penguar zhvillimin e minierave të metaleve të rralla, lëndë e nevojshme për teknologjitë e larta. Edhe nëse SHBA-ja nën Trump do të marrë kontrollin e ishullit, këto pengesa nuk do të zhduken. Trump ka bërë prioritet uljen e varësisë së Perëndimit nga Kina për tregun global të metaleve të rralla…

Source

Teksa flitej për dashurinë, opinionistja Monika Kryemadhi u pyet nga moderatori Ledion Liço nëse beson në dashuri. Kryemadhi u shpreh se e ka shijuar dashurinë e saj dhe se çdo përjetim mes një çifti nuk harrohet. “Unë e kam shijuar dashurinë time. E kam shijuar në maksimum. Dashuria nuk është vetëm me fjalë, por edhe me sjellje. Çfarëdo që ndodh mes dy personave, dashuria brenda nuk harrohet,”…

Source

Kreu i qeverisë, Edi Rama, gjatë podkastit ‘Flasim’, duke folur për përmbytjet që kanë përfshirë vendin, deklaroi se do të merren masa ligjore ndaj personave që hedhin plehrat jo në zonat e caktuara. Sipas Ramës, përveç kushteve atmosferike dhe infrastrukturës, përgjegjësinë e ka edhe qytetari. Hedhja e mbeturinave në kanalet kulluese ka një ndikim të drejtpërdrejtë në situatën e përmbytjeve.

Source

Kampionati italian i futbollit ka arritur në një moment të rëndësishëm që mund të përcaktojë ecurinë e tij në muajt në vijim. Frenimi i Napolit në Verona ka ridizenjuar renditjen, duke e kthyer ndeshjen e mbrëmjes së kësaj të diele në San Siro në një mundësi të shkëlqyer për Interin që të thellojë avantazhin e tij, të paktën kundrejt kampionëve në fuqi. Interi i Cristian Chivu vjen në këtë sfidë…

Source

Territori i qarkut të Lezhës ka qenë i përfshirë nga reshje shiu me intensitet të ulët dhe dëborë në lartësi mbi 700 metra. Aktualisht reshjet janë ndërprerë, por problematika nga përmbytjet dhe rrëshqitjet e tokës vazhdojnë të monitorohen nga strukturat e Emergjencave Civile. Në bashkinë Mirditë, gërryerja e tokës bujqësore në Zall–Donaj nga Lumi Fan i Vogël ka rrëzuar përsëri shtyllat…

Source

Deputeti venezuelian Nicolas Maduro Guerra njoftoi të shtunën se babai i tij, Presidenti Nicolás Maduro, i ka dërguar një mesazh përmes avokatëve të tij, duke theksuar se ai është në gjendje të mirë shëndetësore dhe mbetet i vendosur, ndërsa mbahet nga autoritetet amerikane. Gjatë një takimi me udhëheqësit e Partisë Socialiste të Venezuelës, Maduro Guerra tha se avokatët kishin konfirmuar se…

Source

Gjatë natës në qarkun e Dibrës, moti është shoqëruar me reshje dëbore, të cilat në Peshkopi kanë arritur trashësi nga 13 deri në 25–40 cm. Aktualisht reshjet vazhdojnë me intensitet të ulët, por situata në terren mbetet problematike në disa zona. Në Bashkinë Klos, si pasojë e dëborës, disa rrugë fshatrash në njësitë administrative Xibër dhe Gurrë paraqiten me prani dëbore dhe qarkullimi kryhet…

Source

Vijojnë edhe sot, për të dytën ditë radhazi, kërkimet për gjetjen e trupit të 30-vjeçarit Jurgen Karaj, i cili dyshohet se është marrë nga rrjedha e përroit në fshatin Dars të Klosit. I riu ndodhej si pasagjer në automjetin që drejtohej nga 24-vjeçari Andi Losha, kur drejtuesi humbi kontrollin dhe mjeti përfundoi në përrua. Losha arriti të dalë nga automjeti dhe të shpëtojë…

Source