Presidenti i Shteteve të Bashkuara, Donald Trump, së bashku me këshilltarët e tij po shqyrtojnë një plan afatgjatë për të fituar kontrollin e sektorit të naftës të Venezuelës, me qëllim që të ndikojnë në tregun global të energjisë dhe të ulin çmimin e naftës në rreth 50 dollarë për fuçi, raporton “Wall Street Journal“.

Sipas burimeve, një nga elementët kyç të këtij plani nën vlerësim është që Shtetet e Bashkuara të ushtrojnë kontrollin mbi kompaninë shtetërore të naftës të Venezuelës, Petróleos de Venezuela S.A. (PDVSA), duke blerë dhe duke tregtuar shumicën e prodhimit të saj të naftës.

Ende nuk ka koment zyrtar nga Shtëpia e Bardhë mbi detajet e planit, ndërsa çështja pritet të diskutohet edhe me kompani të mëdha energjetike në SHBA dhe partnerë ndërkombëtarë.

Një zjarr i përmasave të mëdha ka përfshirë mbrëmjen e sotme tregun e rrobave pranë rrugës “5 Maji” në Tiranë.

Flakët kanë shkaktuar dëme të shumta materiale, ndërsa deri më tani nuk raportohet për persona të lënduar.

Në vendngjarje janë angazhuar forca zjarrfikëse, të cilat po punojnë për shuarjen e zjarrit dhe izolimin e tij.

Shkaku i zjarrit mbetet ende i paqartë. Megjithatë, përmasat e flakëve dhe fakti që ngjarja ndodh në një zonë me interes të lartë ndërtimi ngrenë dyshime nëse kemi të bëjmë me një zjarr të qëllimshëm.

Gjithësesi, do të jenë forcat zjarrfikëse ato që do të certifikojnë shkakun real të zjarrit.

Ka marrë përmasa të frikshme zjarri që ka përfshirë tregun e rrobave të përdorura në lagjen 5 Maji në Tiranë.

Raportohet se, për shkak të materialeve tekstile lehtësisht të djegshme, zjarri është vështirë të vihet nën kontroll. Ndërkohë në vendngjarje janë përqendruar të gjitha forcat zjarrfikësve, si dhe janë tërhequr edhe ato që ndodheshin në Durrës për përmbytjet.

Mësohet se është kërkuar ndihma edhe e ushtrisë dhe zjarrfikësve të Elbasanit, Vorës, Durrësit dhe qyteteve të tjera.

LEXO EDHE: VIDEO/ A fshihen interesat e ndërtimit pas zjarrit masiv te tregu i “5 Majit”?

Fatmirësisht, deri tani nuk raportohet për persona të lënduar.

Shqipëria vazhdon të vuajë pasojat e përmbytjeve masive, me raportime të shumta për evakuime në Durrës, një pjesë të Kurbinit, Vlorë dhe Fier.

Sakaq, kanë nisur evakuimet e para edhe në fshatin Ferras, ku në terren ndodhen zv/kryeministrja Belinda Balluku, ministri i Mbrojtjes Pirro Vengu dhe kryebashkiaku Armando Subashi.

Në një prononcim për mediat, ministri Vengu deklaroi se në Vlorë janë evakuuar 20 persona, ndërsa në Ferras 15 familjarë.

Ndërsa numri dy i qeverisë theksoi se:

“Në pikën e matjes që përdorim për lumin Vjosa, niveli ka qenë 8 metra, ndërsa tani është 5.5 metra. Ka një rënie të konsiderueshme, e cila pritet të reflektohet në situatën e mëtejshme”.

Delegacioni i Bashkimit Evropian po ndjek me shqetësim situatën e përmbytjeve të shkaktuara nga kushtet e pafavorshme atmosferike në disa zona të Shqipërisë.

Sipas njoftimit zyrtar, Drejtoria e Përgjithshme e BE-së për Mbrojtjen Civile dhe Ndihmën Humanitare (DG ECHO) është në kontakt të ngushtë me autoritetet shqiptare, duke shkëmbyer informacion të vazhdueshëm dhe duke vënë në dispozicion pamje satelitore përmes programit Copernicus.

Bashkimi Evropian, në bashkëpunim me Shtetet Anëtare, ka shprehur gatishmërinë për të mbështetur popullin shqiptar në përballimin e pasojave të kushteve ekstreme atmosferike. Kjo mbështetje mund të realizohet edhe përmes aktivizimit të Mekanizmit të Mbrojtjes Civile të BE-së, në varësi të nevojave të evidentuara në terren.

Autoritetet vijojnë monitorimin e situatës, ndërsa prioritet mbetet garantimi i sigurisë së qytetarëve dhe menaxhimi i pasojave të përmbytjeve.

Renee Nicole Good, një nënë 37-vjeçare e tre fëmijëve dhe një qytetare amerikane nga Colorado Springs, u vra nga një agjent i Emigracionit (ICE) në Minneapolis.

LEXO EDHE: VIDEO/ Vrasja e 37-vjeçares nga oficeri në SHBA, protestuesit përleshen me forcat e rendit

Good, e cila kishte sapo ishte zhvendosur në qytet nga Kansas City, ishte e pasionuar pas artit, dhe sipas udhëheqësve të qytetit, ishte e pranishme si vëzhguese ligjore gjatë një operacioni të ICE, që do të thotë një vullnetare që monitoron veprimet e policisë dhe forcave të sigurisë për të ndihmuar në ruajtjen e qetësisë dhe mbrojtjen e të drejtave ligjore të qytetarëve.

Por administrata Trump e quajti atë “terroriste të brendshme”. Vdekja e Good ka nxitur protesta në të gjithë vendin, me shumë qytetarë që mbajnë pankarta “Drejtësi për Renee”.

Në një intervistë për Minnesota Star Tribune, nëna e saj, Donna Ganger, tha se vajza e saj ndoshta ishte tmerruar, gjatë përballjes me oficerët dhe e përshkroi atë si një nga njerëzit më të mirë që kishte njohur. “Ajo ishte jashtëzakonisht e dhembshur, kujdesej për njerëzit gjithë jetën e saj, ishte e dashur dhe falte shumë” tha Ganger.

Babai i saj, Tim Ganger, i tha Washington Post se Renee kishte një jetë të mirë, por të vështirë.

Një fond mbledhës parash për familjen e saj, i cili kishte një qëllim fillestar prej 50,000 dollarësh, arriti të grumbullojë më shumë se 500,000 dollarë brenda 15 orësh.

Në llogarinë e saj të Instagramit, e cila tani është private, Good e përshkruante veten si “person që i pëlqen të shkruajë për udhëtimet, grua dhe nënë”.

Good kishte studiuar shkrim krijues në Old Dominion University në Norfolk, Virginia, dhe në vitin 2020 fitoi një çmim për studentë nga Academy of American Poets për veprën e saj “On Learning to Dissect Fetal Pigs”.

Sipas biografisë së saj, ajo kalonte kohë duke bërë maratona filmi dhe duke krijuar art të çrregullt me fëmijët e saj. Ajo kishte një djalë me ish-burrin e dytë, Tim Macklin, i cili vdiq në vitin 2023, dhe dy fëmijë të tjerë me burrin e saj të parë. Good kishte punuar më parë si asistente dentare dhe në një bankë që jepte kredi, por kryesisht ishte shtëpiake, vitet e fundit.

Sipas disa udhëheqësve të shtetit dhe zyrtarëve të Universitetit Old Dominion, Good ishte atje për të vëzhguar operacionin e ICE si vullnetare, pa ndërhyrë në veprimet e oficerëve. Por zyrtarë të Shtëpisë së Bardhë, duke përfshirë sekretaren e Sigurisë Kombëtare Kristi Noem, e përshkruan Good si dikë që “ndiqte dhe pengonte punën” e oficerëve dhe e akuzuan se ajo kishte tentuar të përdorte automjetin për të dëmtuar një oficer. Sipas tyre, agjenti i ICE kishte frikë për jetën e tij dhe kishte qëlluar në vetëmbrojtje.

Presidenti Trump e përforcoi këtë rrëfim në rrjetin e tij social, duke e quajtur Good “agjitatore profesioniste” që “sulmoi dhunshëm një oficer të ICE”. Ndërkohë, kryetari i qytetit të Minneapolis, Jacob Frey, tha se agjenti kishte vepruar në mënyrë të pakujdesshme, duke rezultuar në vdekjen e një gruaje.

Good jetonte vetëm disa blloqe larg vendit ku u qëllua dhe rreth një milje larg vendit ku George Floyd u vra nga një oficer policie në 2020, ngjarje që shkaktoi protesta të mëdha kundër racizmit në mbarë botën. Familja, miqtë dhe komuniteti i saj e përshkruajnë si një njeri të jashtëzakonshëm, të dashur dhe të përkushtuar, dhe vdekja e saj ka shkaktuar reagime të forta dhe kërkesë për drejtësi në të gjithë vendin.

Një zjarr masiv ka përfshirë mbrëmjen e sotme tregun pranë rrugës 5 Maji në Tiranë.

Mësohet se, 30 forca dhe 6 mjete të shërbimit zjarrfikës janë dërguar në vendngjarje për shuarjen e zjarrit të madh, i cili mësohet kanë nisur prej më shumë se 30 minutash.

Deri më tani, raportohet për dëme të shumta materiale, por fatmirësisht jo për të lënduar.

Ende nuk është i ditur shkaku i zjarrit.

Një rast zjarri është regjistruar së fundmi në Tiranë, ku tregu i rrobave të përdorura në zonën e “5 Majit” është përfshirë nga flakët.

Sipas informacioneve paraprake, një magazinë në këtë treg është djegur pothuajse plotësisht, ndërsa zjarri ka qenë aktiv prej rreth 20 minutash para mbërritjes së forcave zjarrfikëse në vendngjarje.

Zjarrfikëset kanë ndërhyrë për shuarjen e flakëve, ndërsa situata paraqitet problematike për shkak të rrezikut të përhapjes së zjarrit edhe në magazinat e tjera përreth, ku tregtohen rroba të përdorura dhe sende të ndryshme.

Ende nuk dihen shkaqet e rënies së zjarrit, ndërsa autoritetet pritet të nisin hetimet për të zbardhur rrethanat e plota të ngjarjes. Nuk raportohet për persona të lënduar.

“Unë kam gabimet e mia, por ajo më ka ndjekur në çdo hap nga mbrapa. Do ju lutesha shumë të kishim një sensibiltet. Nuk mund të merren gazetarët a u nda nga gruaja, a u nda nga burri. Nuk është faji juaj, por është faji i sistemit. Ajo është jeta personale e çdo njeriu. Ajo femër, nuk është ajo femër që me aq pak mesazhe që kam lexuar, nuk është ajo femër dhe për këtë ju garantoj.

Sipas llogaritjeve hidrologjike të IGJEO-s, si rezultat i reshjeve me intensitet të lartë të rëna gjatë ditëve të kaluara dhe ditën e sotme,  e enjte 8 Janar, do të ketë rritje të prurjeve dhe niveleve në lumenjtë Mat, Ishëm, Erzen, Shkumbin, Seman.

Rrezik të shtuar për përmbytje në vazhdim të ditës së sotme do të ketë lumi Vjosë, lumi Drin-Buna dhe Liqeni i Shkodrës.

Prej ditës së nesërme, e premte 9 Janar, pritet rënie e prurjeve dhe niveleve në të gjithë lumenjtë.

DËBORA DHE NGRICA

Sot (e enjte, dt. 08) dhe nesër (e premte, dt. 09) reshjet e dëborës pritet të përfshijnë zonat në Veri, Lindje dhe Juglindore të territorit. Reshjet e dëborës të pasuara nga ulja e ndjeshme e temperaturave dhe ngricat mund të krijojnë probleme të ndryshme dhe vështirësi në transportin rrugore.

RESHJET

Sot pasdite (e enjte, dt. 08) dhe nesër (e premte, dt. 09) në qarqet Shkodër, Kukës, Lezhë priten reshje mesatare deri lokalisht intensive ndërsa në Dibër priten reshje mesatare. Në qarqet Durrës, Tiranë, Elbasan priten reshje të dobëta deri lokalisht mesatare ndërsa në qarqet e tjera priten reshje të dobëta. Reshjet priten të shoqërohen me shtrëngata (siç tregohet në tabelë, respektivisht për secilin qark).

Në  Veri, Lindje dhe Juglindje në lartësitë mbi 300 m nga niveli i detit reshjet do të jenë në formë dëbore.

TEMPERATURA

Nesër (e premte, dt. 09) temperaturat minimale dhe maksimale të ajrit pritet të arrijnë:

në bregdet: 2 / 12 °C

në vendet e ulëta: -2 / 9 °C

në vendet malore:  -6 / 6 °C

ERA

Sot pasdite (e enjte, dt. 08) dhe nesër (e premte, dt. 09) era pritet të fryjë mesatare deri e fortë në bregdet dhe në zonat malore.

Janë gjetur tre personat që kishin mbetur të bllokuar në dëborë në zonën malore të Gramshit, falë ndërhyrjes së banorëve të fshatit Rovje, konkretisht z. Pirro Trushi dhe Marjo Kishta, të cilët ishin në komunikim të vazhdueshëm me ekipin e zjarrfikëses së Gramshit, të drejtuar nga Ilir Llapushi.

Tre personat ishin bllokuar për shkak të erës së fortë dhe trashësisë së madhe të dëborës, e cila kishte krijuar forma vorbullash (vortomete ) në zonën e njohur si “Ara e Dares”, duke e bërë të pamundur lëvizjen dhe orientimin. Pas lokalizimit, personat u shoqëruan me siguri drejt banesave të tyre dhe ndodhen jashtë rrezikut për jetën.

Autoritetet lokale vlerësojnë ndihmën e banorëve të zonës, të cilët luajtën një rol kyç në përfundimin me sukses të këtij operacioni shpëtimi në kushte të vështira atmosferike.

Përkeqësohet situata në fshatin Ferras në Fier.

Shkak është çarja e argjinaturës së kanalit të Martinës, duke bërë që uji të dalë jashtë kontrollit dhe të futet me shpejtësi në zonat e banuara.

Si pasojë, disa banesa janë rrezikuar drejtpërdrejt, ndërsa uji ka depërtuar në oborre dhe rrugë, duke krijuar panik mes banorëve.

Autoritetet lokale dhe strukturat e emergjencave civile ndodhen në terren dhe po marrin masa për evakuimin e banorëve, për shkak të rrezikut të lartë që paraqet situata.

Sipas burimeve, niveli i ujit po rritet vazhdimisht, ndërsa përmbytjet kanë dalë jashtë kontrollit.

Banorët janë udhëzuar të largohen nga banesat dhe të bashkëpunojnë me forcat e emergjencës për të shmangur rrezikun për jetën.

Situata mbetet alarmante, ndërsa pritet ndërhyrje e menjëhershme për të frenuar përhapjen e ujit dhe për të vënë nën kontroll përmbytjet.

Gjithashtu, Bashkia ka vënë në dispozicion të banorëve numrat e kontaktit:

Emergjencat Civile

+355 69 213 9738

E Ngarkuara me Punë e SHBA në Tiranë, Nancy VanHorn ka zhvilluar një takim me kreun e SPAK Klodian Braho dhe kreun e BKH Joni Keta.

Gjatë takimit u ritheksua mbështetja e Shteteve të Bashkuara për përpjekjet e SPAK në luftën kundër krimit të organizuar dhe trafikut të narkotikëve.

Zv/kryeministrja Belinda Balluku bëri të ditur se situata nga moti i keq në jug të vendit po shkon drejt përmirësimit, pas mbledhjes së Emergjencave Civile në qarkun e Gjirokastrës.

Ajo theksoi se niveli i lumit Vjosë ka shënuar një rënie prej 1.5 metrash, nga 8 metra në 6.5 metra, çka pritet të reflektohet pozitivisht edhe në zonën e Novoselës.

Sipas Ballukut, rrugët në Gjirokastër janë të zhbllokuara, situata është nën kontroll dhe vetëm disa banesa në zonën e Memaliajt po inspektohen, ndërsa institucionet po qëndrojnë në gatishmëri për një përkeqësim të motit të parashikuar gjatë fundjavës.

“Kemi përfunduar një mbledhje të Emergjencave Civile në qarkun e Gjirokastrës ku u diskutua e gjithë problematika e cila ndodh në këto momente në terren. Një lajm i mirë që doja të ndaja është që nuk bëhet fjalë vetëm për gjithë Gjirokastrën, por për të gjitha jugun dhe zonat ku kalon lumi i Vjosës, krahasuar me nivelin që kemi pasur sot në pikën e matjes që ka qenë 8 metra, tani ka rënë në  6.5 metra.

Kemi një ulje që është me 1.5 metra, e cila do të reflektohet gjithashtu edhe në zonën e Novoselës. Me të vërtet ky është një lajm që tregon përmirësimin e situatës.

Në Gjirokastër kemi një ulje të temperaturave, kanë nisur edhe reshjet e lehta të dëborës, rrugët janë të zhbllokuara. Vetëm në zonën e Memaliajt në fshat ka disa banesa që do të inspektohen në këto momente nga forcat e emergjencave civile dhe forcave të armatosura. Nga ana tjetër e gjithë situata është nën kontroll.

Plani i evakuimit duhet të jetë në të gjitha bashkitë, të gjitha bashkitë duhet të marrin masat bashkë me Emergjencat Civile. Situata e motit është duke u përmirësuar. Megjithatë të shtunën do të kemi një përkeqësim të motit, por kemi 48 orë në dispozicion për ta menaxhuar”, u shpreh Balluku.

Nga Adriatik Golemi, Gazetar

Më 6 janar 2026 u mbushën plot 35 vjet nga krijimi i Degës së Partisë Demokratike në Fier. Një datë historike, jo vetëm për demokratët, por për vetë qytetin. Një ditë që simbolizonte revoltën qytetare kundër diktaturës, guximin përballë frikës dhe lindjen e pluralizmit politik në një nga qendrat urbane më të mëdha të Shqipërisë së asaj kohe.

Por 35-vjetori kaloi… pa u ndjerë. Pa miting. Pa takim përkujtimor. Pa debat. Pa reflektim. Pa asnjë përpjekje për ta kthyer këtë datë në një moment bashkimi, kujtese dhe veprimi politik.

Në vend të kësaj, u publikua një status në Facebook nga deputeti Luan Baçi, kryetari de facto i PD-së së Fierit. Një kolazh fotosh, ku mes tyre spikaste edhe një foto e re me ngjyra, ku shfaqej Sali Berisha dhe, sigurisht, jo larg tij edhe vetë Luan Baçi. Një foto pa asnjë lidhje me ngjarjen e 6 janarit 1991, as me Fierin, as me mitingun historik, as me themeluesit realë të degës.

Një simbol i përsosur i shkëputjes mes historisë reale dhe mënyrës se si Partia Demokratike sot e trajton atë histori.

Si pjesëmarrës dhe dëshmitar okular i mitingut të 6 janarit 1991, më kujtohet qartë se në Fier nuk kisha parë kurrë aq shumë njerëz. Sheshi përpara Turizmit ishte përplot. Ura e re, ajo që sot të çon drejt kishës, dukej sikur do shembej nga pesha e qytetarëve. Ishte një shpërthim i vërtetë popullor – jo i organizuar nga zyra, jo i komanduar nga lart, por i lindur nga nevoja për liri. Një energji spontane, kuriozitet dhe ndjenjë lirie, me të cilën nuk ishim mësuar.

Më 6 janar 1991, djem dhe vajza të Fierit, nën terrorin e një prej diktaturave më të egra në Europë, u ngritën në revoltë, ashtu si studentët në Tiranë. Ata u përballën ballë për ballë me regjimin dhe themeluan Degën e PD-së në Fier, duke organizuar një miting madhështor, ku mijëra qytetarë mbushën sheshin e qytetit si kurrë më parë. Mitingun e përshëndetën Dr. Sali Berisha dhe Azem Hajdari, heroi i demokracisë.

Heronjtë e asaj dite ishin Fatos Mihali dhe Viktor Margjilaj, së bashku me një grup trimash dhe guximtarësh – sepse ose trim, ose i çmendur duhej të ishe për t’i dalë përballë asaj diktature:
Edmond Ymeri, Sotiraq Aleksi, Arjan Nika, Muhamet Sherri, Veli Koçi, Stavri Furxhi, Mihal Pikuli, Vladimir Muçaj, Avdulla Dyrmishi, Ilmi Hoxha, Xhelal Tahiri, Shpëtim Kastrati, Hasan Misiri, Artur Çuni, Vasil Kalemi dhe Niko Vrushi.

Ata firmosën themelimin e Degës së PD-së në Fier.
Dhe megjithatë, sot: asnjë nderim,asnjë fjalë, asnjë përkujtim.

Kjo nuk është thjesht harresë. Kjo është simptomë.

PD-ja në Fier është bërë e flashkët, pa grintë, e përgjumur, e mekur. Nuk ka arritur të zbërthejë dhe të shpjegojë të keqen lokale. Është marrë më shumë me të ndenjurit poshtë Ballkonit në Tiranë dhe me studiot televizive, duke sharë Sorosin dhe “narkoshtetin”, ndërkohë që Armando Subashi me kompani kanë livadhisur të qetë në Fier, pa një opozitë reale përballë.

Ironia është e hidhur.

Partia Socialiste e Fierit jo vetëm që feston dhe kujton ata që realisht i konsideron heronj, por feston edhe beteja imagjinare, të shpikura nga Kinostudio “Shqipëria e Re”. I kthen në rituale gati fetare çdo përvjetor, çdo lapidar, edhe aty ku nuk ka ndodhur asgjë. Me ngjyra, muzikë, shami pionieri dhe ceremoni pompoze, edhe gënjeshtrat që nuk i beson as vetë i shndërron në “histori patriotike”. Edhe kanalet, ferrat dhe zhukat e Myzeqesë ku këto trillime supozohet se kanë ndodhur, i kthen në “vende të shenjta”.

Ndërsa Partia Demokratike, edhe në ditën e saj më të rëndësishme në Fier – që përkon simbolikisht edhe me Epifaninë (nga greqishtja epifaneia, shfaqje, zbulim) – pra rizbulimin e lirisë, e lë gjithçka të kalojë në heshtje dhe me statuse Facebooku, sa për të larë gojën.

35-vjetori i Degës së PD-së në Fier nuk ishte thjesht një datë për t’u kujtuar. Ishte një mundësi për t’u mbledhur, për të reflektuar dhe mbi të gjitha për të vepruar.

Një mundësi e humbur.

Dhe ndoshta kjo është përgjigjja më e dhimbshme për pyetjen: Pse ka vdekur PD-ja? Në Fier, mesa duket, po.

Qindra qytetarë të Durrësit kanë dalë pasditen e sotme në protestë duke marshuar drejt Bashkisë.

Protestuesit mbajnë pankarta ku shkruhet qartë: “Korrupsioni na mbyti, jo shiu!”, ndërsa marshimi shoqërohet me thirrje të fuqishme: “Na u bashkoni!” apo ‘Durrësi skenë krimi’…

“Disa njerëz të tjerë, bashkë edhe unë, vendosëm që të organizonim një protestë sepse këta nuk po e marrin asnjë gjë serioze. Durrësi ishte qyteti që kishte më pak reshje, vetëm 43mm, në krahasim me qytetet e tjera, dhe kjo tregon se ka një problem tjetër, jo vetëm shiu. Kjo është përmbytja e tretë brenda një viti, dhe vjen pas ndërrimit të hidrovorit dhe pas disa tenderëve për sistemimin e kanaleve kulluese.

Gjithashtu, zonja kryetare e Bashkisë, Emiriana Sako, në vitin 2022 ka bërë një deklaratë në rrjetet sociale se po bëhej një investim për të mbyllur 2.6 km kanalesh të ujërave të larta që vinin nga kodrat drejt Spitalit, për të lehtësuar zbritjen e ujit poshtë. Por sot shihet qartë që këto masa nuk kanë funksionuar, dhe institucionet duhet të sqarojnë çfarë ka ndodhur.

Të shpallen dëmet, të dëmshpërblehen qytetarët dhe të bëhet një studim serioz që t’i japë fund këtij problemi njëherë e përgjithmonë. Kjo nuk është fatkeqësi natyrore, por e shkaktuar nga neglizhenca, dhe të gjithë inxhinierët që kemi konsultuar e konfirmojnë këtë”, shprehen banorët.

Qytetarët kanë nënshkruar edhe peticione për tetë institucione, duke paralajmëruar situatën para se të ndodhte përmbytja e fundit, por sipas tyre, masat nuk janë marrë në kohë.

Institucionet e përfshira përfshijnë Këshillin Bashkiak, Bashkinë e Durrësit, Prefekturën, Kryeministrinë, Këshillin e Ministrave, Avokatin e Popullit dhe Këshillin e Mediave.

Protesta e qytetarëve është një thirrje e qartë për përgjegjësi dhe veprim urgjent nga institucionet, ndërsa përmbytjet e përsëritura vazhdojnë të kërcënojnë banesat dhe jetesën e familjeve në Durrës.

LEXO EDHE: PAMJE ME DRON/ Urdhërohet evakuimi i banorëve, Sukthi në pushtetin e ujit

Medin Memeti është pjesë e një investigimi në Australi, për racizëm ndaj Justin Vidiç.

Lojtari serb është ankuar, ndërsa pretendon se Memeti e ka thirrur “cigan” gjatë ndeshjes së fundit të luajtur më 6 janar.

Melbourne City nuk ka reaguar për akuzat ndaj talentit të tyre shqiptar. Kjo çështje është bërë e madhe në Australi, ndërsa së fundmi është njoftuar se investigimi po kryhet nga federata.

Një situatë që u faktua ishte në vitin 2017, kur portieri Dean Buzanis që luan aktualisht me Brisbane u dënua për pesë ndeshje. Asokohe ishte pjesë e Melbourne dhe e quante Besart Berishën e Melbourne Victory një “cigan”.

Memeti është 18 vjeç dhe bën pjesë tek Australia U-19.

Melbourne City, ku aktivizohet sulmuesi shqiptar, fitoi 1-0 ndaj Brisbane Roar.