Emmanuel Macron shkoi të mërkurën në punë duke mbajtur syze dielli dhe i kërkoi stafit dhe bashkëpunëtorëve ta “pranonin” kështu, duke ironizuar me situatën.

Kjo shfaqje vjen një ditë pas publikimit të pamjeve ku presidenti francez u shfaq në publik me një sy të kuq dhe të gjakosur, gjë që nxiti kuriozitet dhe shqetësim te qytetarët.

Pallati Elize reagoi menjëherë, duke kërkuar nga njerëzit që të mos shqetësoheshin dhe duke sqaruar se bëhej fjalë për një enë gjaku të çarë në sy.

Zyrtarët theksuan se situata nuk përbënte rrezik për shëndetin e presidentit dhe se ishte një problem i përkohshëm.

Në një ton më lehtësues dhe humoristik, Macron shfrytëzoi rastin për të bërë shaka “tani kam shikimin e një tigri,” u shpreh ai, duke e kthyer problemin e vogël shëndetësor në një moment qesharak.

Shfaqja e tij me syze dielli u prit me buzëqeshje nga stafi dhe komentuesit e mediave sociale, disa prej të cilëve e komentuan se kjo i shton një “aura misterioze dhe sportive” figurës së presidentit.

Sinjali – aty ku e vërteta flet para lajmit!

/GazetaSinjali/

The post Macron shfaqet me syze dielli në punë – pamje të rralla nga kabineti qeveritar appeared first on Sinjali.

BERLIN, 16 janar /ATSH-DPA/ – Kancelari gjerman Friedrich Merz tha se Evropa duhet të bëhet më strategjikisht e pavarur nga Shtetet e Bashkuara të Amerikës duke paralajmëruar kundër rrezikut që kontinenti të lihet mënjanë në një rend botëror që po ndryshon.

Duke folur gjatë një takimi për fushatën zgjedhore lokale në landin e Baden-Württembergut, Merz tha se Shtetet e Bashkuara të Amerikës po largohen nga një rend ndërkombëtar i bazuar në rregulla dhe po lëvizin drejt një qasjeje më të bazuar në forcë.

“Ne nuk duhet të fusim kokën në rërë ose të përpiqemi të mbijetojmë në ndonjë qoshe”, tha Merz.

“Kjo lloj llogaritjeje nuk funksionon”, theksoi ai.

“Për t’u respektuar, Gjermania duhet të mësojë të mbrojë interesat e saj”, shtoi Merz./ /Ad.Ab./ a.jor.

The post GJERMANI – Merz: Evropa të jetë më e pavarur strategjikisht nga SHBA-ja appeared first on Agjencia Telegrafike Shqiptare.

NATO ka njoftuar se Kroacia po hyn në një fazë të re të mbrojtjes së saj ajrore, pasi do të marrë përgjegjësinë e plotë për mbrojtjen e hapësirës së saj ajrore me aeroplanë luftarakë modernë Dassault Rafale.

Sipas njoftimit të Aleancës, aeroplanët kroatë do të integrohen në sistemin e integruar të mbrojtjes ajrore dhe raketore të NATO-s, duke forcuar aftësitë e Kroacisë, por edhe duke kontribuar në mbrojtjen kolektive të Aleancës.

Kalimi nga MiG-21 në Dassault Rafale përfaqëson një hap të madh teknologjik dhe operacional, thekson NATO. Aeroplanët e rinj sjellin sensorë modernë, ofrojnë ndërveprim të plotë me aleatët dhe integrim të drejtpërdrejtë në sistemet e komandës dhe kontrollit të NATO-s.

Gjatë periudhës kalimtare, Italia dhe Hungaria siguruan mbrojtje të vazhdueshme të hapësirës ajrore kroate, një shembull që NATO e përshkroi si solidaritet të qartë aleat.

Sipas njoftimit të Aleancës, ekuipazhet kroate janë tashmë plotësisht të trajnuara, ndërsa aeroplanët Rafale janë në detyrë të vazhdueshme 24 orë në ditë, shtatë ditë në javë, duke forcuar sigurinë kombëtare dhe mbrojtjen kolektive të NATO-s.

Sinjali – aty ku e vërteta flet para lajmit!

/GazetaSinjali/

The post NATO: Kroacia tani do të mbrojë qiellin e saj me Rafale appeared first on Sinjali.

Kryeministri britanik, Keir Starmer “nuk ka plane” të flasë me presidentin rus Vladimir Putin, siç sugjeruan presidenti francez Emmanuel Macron dhe kryeministrja italiane Giorgia Meloni, tha sot një zëdhënës i Downing Street.

“Kryeministri nuk planifikon të flasë me Presidentin Putin. Qëllimi i tij është qartësisht të mbështesë Ukrainën në arritjen e një paqeje të drejtë dhe të qëndrueshme dhe ta vendosë vendin në pozicionin më të fortë të mundshëm për të vazhduar luftën dhe për të ndërmarrë hapa drejt negociatave të paqes”, u tha zëdhënësi gazetarëve.

Zëdhënësi shtoi se presidenti rus “deri më tani nuk ka treguar shenja” se dëshiron t’i japë fund luftës në Ukrainë.

Ai theksoi gjithashtu se qeveria britanike është në kontakt “të rregullt” me qeverinë ruse, veçanërisht përmes ambasadës së saj në Moskë.

Sinjali – aty ku e vërteta flet para lajmit!

/GazetaSinjali/

The post Macron e Meloni për dialog me Putinin, Starmer refuzon appeared first on Sinjali.

Kryeministrja e Italisë, Giorgia Meloni, i ka kërkuar NATO-s të premten të zhvillojë “një prani të koordinuar” në rajonin e Arktikut, me qëllim parandalimin e tensioneve dhe përgjigjen ndaj “ndërhyrjes nga aktorë të tjerë”, në një kohë kur tensionet midis aleatëve perëndimorë mbi Groenlandën po përshkallëzohen.

Në një letër të lexuar gjatë prezantimit të një dokumenti të qeverisë italiane mbi Arktikun, Meloni tha se rajoni po bëhet gjithnjë e më i rëndësishëm për shkak të zhvillimit të rrugëve të reja detare dhe “burimeve të tij të mëdha të energjisë dhe mineraleve”.

Italia ka pasur statusin e vëzhguesit në Këshillin Arktik që nga viti 2013 dhe e ka përditësuar politikën e saj mes tensioneve të fundit midis SHBA-së dhe Danimarkës mbi Groenlandën, të cilat theksuan rëndësinë e fokusit në këtë zonë.

Presidenti i SHBA-së, Donald Trump, ka ripërtërirë thirrjet për kontrollin amerikan të Groenlandës për të parandaluar pushtimin e saj nga Rusia ose Kina. Ishulli, një territor autonom i Danimarkës, e hodhi poshtë idenë gjatë bisedimeve të mbajtura në Uashington këtë javë, duke nxjerrë në pah dallimet “themelore”.

“Ne jemi një vend vëzhgues në Këshillin Arktik dhe gjithmonë kemi mbështetur respektin për të drejtën ndërkombëtare, duke filluar me Konventën e OKB-së mbi Ligjin e Detit”, tha Meloni.

Sinjali – aty ku e vërteta flet para lajmit!

/GazetaSinjali/

The post Tensionet në Groenlandë, Meloni: NATO duhet të koordinohet në Arktik për të parandaluar përshkallëzimet appeared first on Sinjali.

Kryeministri i Polonisë, Donald Tusk, deklaroi të enjten se Varshava nuk ka plane për të dërguar trupa ushtarake në Grenlandë, pavarësisht se disa vende të tjera të NATO-s kanë nisur kontingjente të vogla për stërvitje të përbashkëta me forcat daneze.

Gjermania, Suedia, Franca dhe Norvegjia kanë konfirmuar se po dërgojnë njësi ushtarake në territorin autonom të Mbretërisë së Danimarkës, pas shqetësimeve mbi përpjekjet e presidentit amerikan Donald Trump për të vendosur Grenlandën nën kontrollin e SHBA-së.

Në një konferencë për shtyp, Tusk u pyet nëse Polonia do të ndiqte shembullin e aleatëve.

Ai u përgjigj: “Jo, nuk kemi plane të dërgojmë ushtarë polakë në Grenlandë.”

Duke folur më gjerë për situatën, kryeministri paralajmëroi se një ndërhyrje ushtarake amerikane do të ishte një “katastrofë” dhe “fund i botës siç e njohim”.

Sipas tij, një konflikt i tillë do të shkatërronte rendin botëror të bazuar në solidaritetin e NATO-s, i cili ka penguar për dekada komunizmin, terrorizmin dhe forma të tjera të agresionit ndërkombëtar.

Tusk shtoi se nuk dëshiron të spekulojë nëse një pushtim është i mundshëm, por paralajmëroi: “Fatkeqësisht, asnjë skenar nuk mund të përjashtohet.”

Ai kujtoi se gjatë takimeve të mëparshme, Trump i kishte bërë të qartë se: “Papriturat dhe surprizat, sidomos ndaj aleatëve, ishin metoda e tij e preferuar.”

Tusk theksoi gjithashtu se në rast se aleanca transatlantike shembet, Europa do të duhet të përgatitet për të ndërtuar një arkitekturë të re sigurie me vendet që mbeten besnike ndaj projektit të Perëndimit si komunitet.

Javën e kaluar, Tusk bashkëfirmosi një deklaratë me kryeministrin e Danimarkës dhe liderët e Britanisë, Gjermanisë, Francës, Italisë dhe Spanjës, duke i bërë thirrje Trump-it të respektojë sovranitetin e Grenlandës.

Tusk, ish-president i Këshillit Europian, udhëheq një qeveri centriste, pro-BE, e cila shpesh ka qenë kritike ndaj Trump, por ka kërkuar të ruajë bashkëpunimin me SHBA.

Nga ana tjetër, Presidenti i Polonisë, Karol Nawrocki, i afërt me opozitën e djathtë dhe aleat i ngushtë i Trump, ka mbajtur qëndrim krejt tjetër. Ai tha për BBC se çështja e Grenlandës duhet të mbetet:

“Një bisedë mes kryeministrit të Danimarkës dhe presidentit Trump.”

Nawrocki e ka cilësuar Trump-in si “i vetmi lider që mund të mbrojë Europën nga kërcënimi rus” dhe ka shprehur shqetësime të ngjashme me të për drejtimin e Bashkimit Europian.

Sinjali – aty ku e vërteta flet para lajmit!

/GazetaSinjali/

The post Tusk: S’kemi plane të dërgojmë ushtarë polakë në Grenlandë – pushtimi amerikan do të ishte katastrofë appeared first on Sinjali.

Presidenti i Francës, Emmanuel Macron, tha të enjten se vendi i tij tani është duke ia ofruar dy të tretat e të dhënave të inteligjencës Ukrainës, duke i zëvendësuar në masë të madhe Shtetet e Bashkuara, të cilat deri vitin e kaluar e ofronin pjesën më të madhe të këtij shërbimi.

Në marsin e vitit të kaluar, Uashingtoni mori vendim për ta pezulluar shpërndarjen e të dhënave të inteligjencës me Ukrainën si pjesë e përpjekjeve për t’ia shtuar presionin presidentit ukrainas, Volodymyr Zelensky, për të bashkëpunuar me homologun amerikan, Donald Trump, në planin e tij për organizimin e bisedimeve të paqes me Rusinë, raporton agjencia e lajmeve “Reuters”.

Në një fjalim për vitin e ri para ushtrisë franceze, Macroni i çmoi përpjekjet e Evropës gjatë dy viteve të fundit në lidhje me mbështetjen me armë për Ukrainën.

Ai tha se një koalicion prej rreth 35 shtetesh tani është duke e ofruar tërë përkrahjen, përfshirë atë financiare, për Ukrainën, pasi Uashingtoni kishte vendosur që të mos i financonte më ose t’i jepte drejtpërdrejt armë Ukrainës.

“Ku Ukraina ishte tepër e varur nga kapaciteti i inteligjencës amerikane, shumica e madhe [e saj] një vit më parë, brenda një viti, dy të tretat tani ofrohen nga Franca” – tha Macroni.

Komentet e tij bien ndesh, megjithatë, me vlerësimin e Kyyrlo Budanovit, i cili është emëruar shef i zyrës së presidentit Volodymyr Zelensky dhe dikur shërbente si shef i inteligjencës ushtarake të Ukrainës.

Ai në dhjetor tha se Ukraina ishte e varur në mënyrë kritike nga Uashingtoni sa u përket të dhënave të inteligjencës, duke filluar nga pamjet satelitore deri te sistemet për paralajmërim të hershëm pas hedhjes së raketave balistike.

Sinjali – aty ku e vërteta flet para lajmit!

/GazetaSinjali/

The post Presidenti francez thotë se tash Ukraina dy të tretat e të dhënave të inteligjencës i merr nga Franca appeared first on Sinjali.

Bashkimi Evropian dhe grupi i ekonomive të zhvilluara, G7, kanë paralajmëruar se mund t’i vendosin Iranit sanksione të reja për shkak të shtypjes së dhunshme të protestave që kanë shpërthyer atje.

Presidentja e Komisionit Evropian, Ursula von der Leyen, duke folur në Limassol të Qipros, tha: “Ajo që është duke ndodhur në Iran është e neveritshme dhe vrasja e njerëzve të rinj është tragjedi njerëzore”, shkruan gazeta “The Guardian”.

Bashkimi Evropian tashmë ka në fuqi sanksione të gjera kundër Teheranit, përfshirë masat kufizuese ndaj më shumë se 230 zyrtarëve qeveritarë iranianë, policëve, gjykatësve e më shumë se 40 organizatave shtetërore, përfshirë burgjet dhe policinë e moralit.

Sanksionet e BE-së propozohen nga Komisioni Evropian, por për to duhet të ketë pajtim të njëzëdhëm nga të gjitha 27 vendet anëtare. Edhe pse blloku ka sanksione kundër anëtarëve të Rojave Revolucionare, asnjëherë nuk ka mundur që të arrijë pajtim të brendshëm për ta cilësuar atë zyrtarisht si organizatë terroriste.

“Jemi duke e shqyrtuar thellimin e sanksioneve kundër Iranit. Sanksionet japing ndihmë për të shtyrë përpara që këtij regjimi t’i vijë fundi dhe të ketë një ndryshim” – tha zonja Von der Leyen.

Sipas saj, protestuesit kundër regjimit po kërkojnë që në listën e masave ndëshkuese të futen Roja Revolucionare dhe organizata të tjera përgjegjëse për mizoritë në Iran.

Përmes një deklarate të përbashkët, minsitrat e jashtëm të Kanadasë, Francës, Gjermanisë, Italisë, Japonisë, Britanisë së Madhe dhe Shteteve të Bashkuara si dhe shefja e politikës së jashtme të BE-së thanë se vendet e grupit G7 janë “seriozisht të shqetësuara” nga zhvillimet rreth protestave në Iran dhe se ato “e kundërshtojnë fuqishëm intensifikimin e shtypjes brutale të popullit iranian nga autoritetet iraniane”.

Sinjali – aty ku e vërteta flet para lajmit!

/GazetaSinjali/

The post BE-ja dhe G7-a paralajmërojnë sanksione të reja kundër Iranit appeared first on Sinjali.

Agjencia Evropiane e Barnave (EMA) njoftoi se sëmundjet kardiovaskulare vazhdojnë të jenë shkaku kryesor i vdekjeve në Evropë, duke çuar çdo vit në humbjen e jetës së rreth 1.7 milionë njerëzve.

EMA mbajti konferencë për mediat lidhur me aktivitetet e saj vjetore.

Drejtoresha e Departamentit të Fushave Terapeutike në EMA, Francesca Day tha se “Sëmundjet kardiovaskulare vazhdojnë të jenë shkaku kryesor i vdekjeve në Evropë dhe çdo vit shkaktojnë vdekjen e 1.7 milionë njerëzve”.

Ajo theksoi se këto sëmundje çojnë në probleme si paaftësia, dalja e parakohshme në pension dhe mungesat në punë, duke shtuar se kjo ul cilësinë e jetës dhe redukton jetëgjatësinë mesatare.

Day vuri në dukje se statistikat tregojnë rritje të faktorëve të rrezikut, duke thënë: “54 për qind e të rriturve janë mbipeshë. Një në tre të rinj është mbipeshë ose obez. 25 për qind e popullsisë vuan nga hipertensioni”.

Duke rikujtuar se Komisioni Evropian së fundmi ka nisur Planin e BE-së për Zemra të Sigurta (EU Safe Hearts Plan), Day theksoi se EMA do ta mbështesë këtë plan brenda fushës së saj të përgjegjësisë.

Day foli gjithashtu për një klasë barnash të quajtur agonistë të receptorit të peptidit-1 të ngjashëm me glukagonin (GLP-1), të zhvilluara për trajtimin e diabetit dhe të përdorura edhe në trajtimin e obezitetit, duke vënë në dukje se interesi publik për këtë klasë barnash mbetet shumë i lartë.

Ajo paralajmëroi se “këto barna nuk janë një rrugë e shkurtër për ndryshimin e stilit të jetesës”. Day tha se ato janë trajtime afatgjata dhe kërkojnë mbikëqyrje mjekësore.

Në fjalimin e tij vjetor drejtuar forcave të armatosura, presidenti francez, Emmanuel Macron, u përqendrua veçanërisht në nevojën që Franca dhe Evropa të forcojnë kapacitetet e tyre të mbrojtjes dhe të sigurojnë sovranitetin e tyre, shkruan The Guardian.

Ai foli për punën e bërë gjatë një dekade në fushën e riarmatimit, duke theksuar se përpjekjet e deritanishme kanë filluar të “japin fryte”, por ndryshimi i shpejtë i rendit botëror kërkon më shumë urgjencë dhe përpjekje.

“Për të mbetur i lirë, duhet të të kenë frikë. Që të të kenë frikë, duhet të jesh i fuqishëm. Dhe për të qenë i fuqishëm në këtë botë brutale, duhet të veprosh më shpejt dhe më fort,” tha Macron.

Presidenti francez pranoi gjithashtu se Franca mbetet prapa Ukrainës në disa teknologji, veçanërisht në fushën e dronëve, duke vënë në dukje ritmin e shpejtë të inovacionit në këtë sektor.

Në një pjesë të veçantë të fjalimit, ai theksoi rëndësinë e koalicionit European Long-Range Strike Approach (ELSA), i cili synon zhvillimin e kapaciteteve evropiane për goditje në thellësi. Macron theksoi se kjo ka marrë urgjencë pas përdorimit së fundmi nga Rusia të raketës Oreshnik në Ukrainë.

“Ky lëshim është një sinjal shumë i qartë nga një fuqi që tashmë i ka këto kapacitete dhe ka vendosur të sigurojë edhe më shumë, si dhe një mesazh i qartë për të gjithë ata që mendojnë se Rusia nuk është shqetësim për ne,” tha ai.

Sinjali – aty ku e vërteta flet para lajmit!

/GazetaSinjali/

The post Macron para ushtrisë franceze: Thirrje Evropës që të shtojë kapacitetet mbrojtëse appeared first on Sinjali.

Komisioneri i Këshillit të Evropës për të Drejtat e Njeriut, Michael O’Flaherty ka dënuar sulmet e Rusisë ndaj infrastrukturës energjetike të Ukrainës.

Të dhënat e reja të OKB-së që tregojnë se viti 2025 ishte viti më vdekjeprurës për civilët në Ukrainë që nga pushtimi në shkallë të plotë i Rusisë në 2022.

Sipas Misionit të Monitorimit të të Drejtave të Njeriut të OKB-së (HRMMU), në 2025 u vranë 2,514 civilë dhe u plagosën 12,142 — një rritje prej 31% në vdekje krahasuar me 2024 dhe numri më i lartë që nga viti i parë i luftës.

O’Flaherty e quajti shkatërrimin sistematik të infrastrukturës energjetike gjatë dimrit të ftohtë një sulm ndaj shëndetit fizik dhe mendor, dinjitetit dhe sigurisë së popullit ukrainas.

Në javët e fundit, Rusia ka nisur valë të përditshme raketash dhe dronësh kundër termocentraleve, nënstacioneve dhe objekteve të ngrohjes në të gjithë Ukrainën.

Goditje të mëdha kanë pësuar Dnipro, Zaporizhzhia, Kyiv, Lviv, Odesa, Chernihiv dhe Kharkiv, duke lënë qindra mijëra pa energji elektrike në temperatura deri në -15°C.

“Këto sulme të përditshme po pengojnë seriozisht përpjekjet për riparim dhe po lënë miliona civilë pa shërbime thelbësore në mes të temperaturave të ngrira dimërore”, tha O’Flaherty.

Pjesa e majtë e qytetit Dnipro ka mbetur pa energji për pesë ditë radhazi. Spitalet, sistemet e ngrohjes dhe rrjetet e furnizimit me ujë janë ndërprerë në disa rajone. Ndërprerje emergjente të energjisë vazhdojnë në të gjithë vendin.

Komisioneri kujtoi se Gjykata Ndërkombëtare Penale ka lëshuar urdhër-arrest për komandantë ushtarakë rusë për sulmet ndaj infrastrukturës elektrike të Ukrainës.

Gjenerallejtënant Sergei Kobylash dhe Admiral Viktor Sokolov akuzohen për drejtimin e sulmeve ndaj objekteve civile dhe krime kundër njerëzimit.

Sinjali – aty ku e vërteta flet para lajmit!

/GazetaSinjali/

The post Komisioneri i Këshillit të Evropës dënon sulmet e fundit ruse ndaj Ukrainës appeared first on Sinjali.

Një zjarr shpërtheu në Pavijonin 16 të Spitalit Sacco të Milanos rreth orës 10:00 të mëngjesit më 15 janar. Mediat italiane bëjnë të ditur se flakët përfshinë një pjesë të Arkivit Diagnostikues brenda pak minutash.

Zjarri preku gjithashtu dhomat e zhveshjes dhe disa klinika ambulatore ku punonjësit e kujdesit shëndetësor po kryenin analiza dhe po ekzaminonin dhjetëra pacientë në atë kohë.

Sipas informacioneve të raportuara deri më tani nga mediat fqinje, askush në korridoret e spitalit të Milanos nuk është  lënduar ose helmuar. Ky rezultat u arrit falë përpjekjeve të përbashkëta të zjarrfikësve dhe stafit të spitalit, të cilët reaguan menjëherë për të shuar zjarrin.

Të gjithë pacientët u evakuuan dhe tridhjetë zjarrfikësit që mbërritën në vendngjarje po kryejnë operacione pastrimi, shkruan A2CNN.

Ende nuk është e qartë se çfarë e shkaktoi zjarrin. Flakët u përhapën me shpejtësi dhe ndërhyrja e shpejtë e shërbimeve të emergjencës dhe zjarrfikësve ishte thelbësore. Zjarrfikësit mbërritën me katër automjete dhe i shuan flakët.

The post Shpërthen zjarri në spitalin Sacco të Milanos, evakuohen të gjithë pacientët appeared first on Sinjali.

Ministri i Jashtëm turk Hakan Fidan ka thënë të enjten se Ankaraja është kundër veprimeve ushtarake në Iran dhe përparësia e saj është të shmangë destabilizimin.

“Ne jemi kundër një ndërhyrje ushtarake kundër Iranit”, tha Fidan në një konferencë për shtyp në Stamboll, shkruajnë mediat e huaja, përcjell Telegrafi.

Ai ka shtuar se Turqia do të vazhdojë iniciativat e saj diplomatike në lidhje me Iranin.

“Ata janë nën sanksione për shkak të disa politikave rajonale dhe ndërkombëtare që kanë ndjekur. Ne i themi Iranit, duhet të zgjidhësh problemet e tua në rajon”, shtoi ai.

Ministri i Jashtëm turk argumentoi gjithashtu se disa njerëz po i keqinterpretojnë protestat që vijnë nga problemet dhe ankesat e justifikuara ekonomike si një kryengritje kundër regjimit.

“Kjo po krijon një zonë gri”, citohet të ketë thënë ai.

I pyetur në lidhje me njoftimin e fundit të administratës Trump se vendet që bëjnë biznes me Iranin do të përballen me një tarifë të re prej 25%, e cila ka të ngjarë të zbatohet për Turqinë, Fidan tha se ishte vetëm një deklaratë dhe jo një “dekret konkret presidencial”.

Si rezultat, ai theksoi se Turqia ende nuk e ka vënë në axhendën e saj shqyrtimin e tarifave të reja.

Sinjali – aty ku e vërteta flet para lajmit!

/GazetaSinjali/

The post Ministri turk: Ne jemi kundër një ndërhyrje ushtarake kundër Iranit appeared first on Sinjali.

Presidenti i Ukrainës, Volodymyr Zelensky, ka shpallur gjendje emergjente në sektorin energjetik, pasi sulmeve të vazhdueshme ruse, të cilat kanë shkaktuar dëme të mëdha në infrastrukturën energjetike dhe kanë lënë mijëra banesa pa energji elektrike dhe ngrohje, në mes të temperaturave që kanë zbritur deri në -19°C.

Në Kiev, qindra ndërtesa mbetën pa ngrohje edhe disa ditë pas një sulmi masiv, ndërsa autoritetet po punojnë për riparime emergjente dhe rritjen e importeve të energjisë.

Kryebashkiaku Vitali Klitschko paralajmëroi se situata është kritike për kryeqytetin.

Zelensky tha se ekipet e emergjencës po punojnë 24 orë në ditë, ndërsa qeveria po shqyrton lehtësimin e masave si ora policore për shkak të të ftohtit ekstrem.

Sulmet ndaj infrastrukturës energjetike mbeten një nga elementët kryesorë të luftës, duke thelluar krizën humanitare në vend.

Sinjali – aty ku e vërteta flet para lajmit!

/GazetaSinjali/

The post Zelensky shpall gjendje emergjente energjetike pas sulmeve ruse appeared first on Sinjali.

Amerika po kthen vëmendjen nga zgjidhja e konfliktit mes Rusisë dhe Ukrainës. Të dërguarit e presidentit Donald Trump për paqen, Steve Witkoff dhe Jared Kushner, do të udhëtojnë së shpejti për në Moskë për të takuar liderin, Vladimir Putin. Diskutimi pritet të jetë mbi planin e paqes të reduktuar nga 28 në 20 pika. Kështu shkruan media Bloomberg.

Teksa firma për uljen e armëve nuk është hedhur në letër, palët vazhdojnë ta qëllojnë njëra-tjetrën. Rusia ka sulmuar rajone të shumta në Ukrainë me raketa dhe dronë, duke goditur dhe kryeqytetin Kiev. Shpërthime u dëgjuan në një ndërtesë me 17 kate, ndërsa raportohet për të plagosur dhe dëme materiale. Ushtria e Moskës pretendon se ka rrëzuar dhjetëra dronë të lëshuar nga Ukraina, por disa mjete fluturuese me eksploziv përfunduan në rajonet kufitare Rostov dhe Belgorod duke u marrë jetën dy personave. Një vatër zjarri u raportua në një park industrial në Rostov.

Ukraina thekson se mijëra qytetarë të saj kanë mbetur pa energji elektrike dhe akuzon Rusinë se po shënjestron qëllimisht infrastrukturën jetike. Presidenti Volodymyr Zelenski thekson se “rajonet Dnipro, Zhytomyr, Zaporizhzhia, Kharkiv dhe Kherson janë goditur”. “Objektivi kryesor është infrastruktura energjetike, një infrastrukturë e rëndësishme që siguron një jetë normale për popullsinë tonë: ngrohje, dritë dhe ujë”, shtoi ai. Tani, përsëriti Zelenski, “prioriteti është të forcojë mbrojtjen ajrore”.

“Nëse mund t’i kundërshtojmë 100% këto sulme ruse, terrori i Putinit nuk do të jetë më. Ky është avantazhi i tyre dhe ne duhet t’i privojmë ata. Kjo mund të funksionojë dhe ta detyrojë Rusinë të ndalojë vrasjet dhe të ecë drejt paqes”, nënvizon presidenti, shkruan A2CNN.

Sikur lufta të mos mjaftojë, dimri ka ardhur me fuqi të plotë në Ukrainë me temperatura që shkojnë deri në minus 19 gradë celsius. Kjo po detyron shumë banorë që të zgjedhin strehimoret e ngrohta për të kaluar natën, pasi në banesat e tyre mungon energjia elektrike, ngrohja dhe uji.

Sinjali – aty ku e vërteta flet para lajmit!

/GazetaSinjali/

The post -19 gradë: Ukraina pa energji e ujë, amerikanët do të shkojnë në rusi të takojnë Putinin appeared first on Sinjali.

Shitjet e automjeteve elektrike arritën në 12.9 milionë njësi në Kinë, duke u rritur me 17 për qind, 4.3 milionë në Evropë, duke u rritur me 33 për qind, 1.8 milionë në Amerikën e Veriut, duke rënë me 4 për qind dhe 1.7 milionë në pjesën tjetër të botës, duke u rritur me 48 për qind.

Në njoftimin për mediat të kompanisë Benchmark thuhet se 20.7 milionë njësi u shitën në nivel global në segmentin e makinave të pasagjerëve dhe automjeteve të lehta. Në Evropë, tregu i automjeteve elektrike u rrit me 33 për qind, me një rritje prej 31 për qind që erdhi nga automjetet elektrike me bateri (BEV) dhe 38 për qind nga automjetet elektrike hibride me prizë (PHEV) gjatë së njëjtës periudhë.

Tregu evropian i automjeteve elektrike u shënua nga një vit ndryshimesh legjislative, pasi objektivat e BE-së për emetimet e gazrave u zbutën gjatë gjithë vitit. Gjatë vitit 2025, shitjet e automjeteve elektrike u përshpejtuan në disa tregje të mëdha. Vendet me vëllim të madh si Gjermania dhe Mbretëria e Bashkuar u rritën me 48 për qind, përkatësisht 27 për qind.

“Viti 2025 ishte vit i trazuar për tregun e automjeteve elektrike në Amerikën e Veriut. Në SHBA, eliminimi i kredive federale tatimore më 30 shtator 2025, së bashku me uljen në zero të gjobave të standardeve CAFE dhe futjen e politikave proteksioniste që synojnë vendosjen në treg të prodhimit dhe zinxhirëve të furnizimit të automjeteve, e dobësuan ndjeshëm momentumin e tregut”, thuhet më tej.

“Si rezultat, shitjet e automjeteve elektrike në SHBA u rritën vetëm me 1 për qind në vitin 2025. Mes këtyre ndryshimeve, tregu kanadez performoi dobët pas heqjes së subvencioneve në fillim të vitit 2025, duke bërë që shitjet e automjeteve elektrike të bien me 41 për qind gjatë vitit”, tha kompania në njoftim.

Shitjet e automjeteve elektrike në Meksikë u rritën me 29 për qind, me pjesën më të madhe të kësaj rritjeje të nxitur nga importet e automjeteve elektrike kineze. Në Kinë, tregu i automjeteve elektrike u rrit me 17 për qind në vitin 2025 krahasuar me vitin 2024, me automjetet elektrike me energji elektrike që u rritën me 26 për qind dhe automjetet elektrike me energji elektrike me 6 për qind gjatë së njëjtës periudhë.

Rritja nga viti në vit u ngadalësua ndjeshëm në tremujorin e fundit të vitit 2025, duke arritur vetëm 4 për qind krahasuar me tremujorin e fundit të vitit 2024. Shitjet e automjeteve elektrike në gjysmën e parë të vitit 2025 u rritën me 33 për qind nga viti në vit.

Në pjesën tjetër të botës, një numër i konsiderueshëm rajonesh shënuan prani të fortë të importeve kineze të automjeteve elektrike, përfshirë Azinë Juglindore që pothuajse u dyfishua nga viti në vit dhe në tre muajt e fundit të mesatares së vitit 2025 u shitën mbi 55 mijë automjete elektrike në muaj krahasuar me mesataren prej 32 mijë automjetesh elektrike në muaj në tre muajt e fundit të vitit 2024.

Komisioni Evropian njoftoi të mërkurën për prezantimin e një pakete huaje prej 90 miliardë eurosh për Ukrainën, ndërsa Brukseli po intensifikon përpjekjet për të mbështetur luftën e Kievit kundër sulmeve gjithnjë e më të ashpra ruse dhe iniciativave të udhëhoqura nga SHBA për të përfunduar luftën.

Dy të tretat e këtij fondi do të përdoren për ndihmën ushtarake ndaj Ukrainës, përfshirë blerjen e armëve dhe municioneve, edhe nga jashtë Bashkimit Evropian, siç deklaroi presidentja e Komisionit, Ursula von der Leyen. Tridhjetë miliardë eurot e mbetura do të shfrytëzohen për të mbuluar humbjen e pritshme në buxhetin e Ukrainës.

Sipas Komisionit, Ukraina ka nevojë për 135.7 miliardë euro mbështetje ushtarake dhe buxhetore në vitet 2026 dhe 2027. Kjo përfshin 52.3 miliardë euro mbështetje fiskale dhe 83.4 miliardë euro ndihmë ushtarake. Po sipas Komisionit, Kievit pritet t’i mbarojnë fondet në prill.

“Me këtë mbështetje, ne sigurohemi që Ukraina, nga njëra anë, të mund të forcojë mbrojtjen e saj në fushëbetejë dhe aftësitë e saj mbrojtëse pra të gjitha nevojat ushtarake dhe, nga ana tjetër, të mbajë funksionimin e shtetit dhe shërbimeve bazë”, tha para gazetarëve, Von der Leyen.

Ajo shtoi se mbështetja ushtarake do të funksionojë sipas një “parimi kaskadë”, ku Ukraina do të furnizohet me armë nga jashtë bllokut vetëm nëse nuk ka pajisje të përshtatshme ushtarake evropiane në dispozicion.

“Preferencë evropiane së pari, dhe nëse kjo nuk është e mundur, atëherë blerje jashtë”, pohoi ajo.

Franca ka shtyrë prej kohësh “preferencën evropiane” në prokurimin e pajisjeve ushtarake. Megjithatë, Gjermania dhe shumë vende të Evropës Lindore të BE-së argumentojnë se blloku duhet të mbetet i hapur për blerjen e pajisjeve mbrojtëse nga Uashingtoni, pavarësisht zbehjes së mbështetjes amerikane për Kievin dhe tensioneve të fundit lidhur me kërcënimet e presidentit amerikan, Donald Trump për të pushtuar Grenlandën, një territor gjysmë-autonom danez.

Huaja do të funksionojë mbi bazën e “bashkëpunimit të përforcuar” mes vendeve të BE-së, duke u lejuar Hungarisë, Çekisë dhe Sllovakisë të përjashtohen nga skema. Këto tre vende janë thellësisht skeptike ndaj ofrimit të ndihmës financiare për Kievin.

Një zyrtar i lartë i Komisionit tha se huaja, e mbështetur nga buxheti afatgjatë i BE-së, do t’i kushtojë shteteve anëtare pagesa vjetore interesi prej rreth 3 deri në 4 miliardë euro. Propozimi i së mërkurës vjen gjithashtu pasi Komisioni dhe Gjermania, ekonomia më e madhe e BE-së, dështuan vitin e kaluar ta bindnin Belgjikën të mbështeste një “hua reparacionesh” për Kievin duke përdorur asetet sovrane ruse të ngrira. Belgjika mban shumicën dërrmuese të 185 miliardë eurove fonde të Kremlinit të bllokuara nga BE-ja pas pushtimit të plotë të Ukrainës nga Moska në vitin 2022.

Megjithatë, Von der Leyen sugjeroi se huaja e reparacioneve “mbetet në tryezë”.

“Është… shumë e rëndësishme t’i dërgojmë Rusisë një kujtesë të fortë se ne rezervojmë të drejtën për të përdorur asetet ruse të ngrira,” tha ajo, duke shtuar se këto asete do të mbeten të bllokuara deri në përfundimin e luftës dhe se Ukraina do të duhet ta shlyejë huanë vetëm pasi Moska të paguajë reparacione ndaj Kievit.

Presidenti ukrainas, Volodymyr Zelensky tha në rrjetet sociale se breshëria përfshinte 113 dronë sulmues si dhe tre raketa balistike “është shumë e rëndësishme t’i përforcojmë luftëtarët tanë tani”.

Huaja duhet të miratohet nga Parlamenti Evropian dhe vendet e BE-së. Komisioni synon që disbursimi i parë të bëhet deri në prill, tha Von der Leyen.

Sinjali – aty ku e vërteta flet para lajmit!

/GazetaSinjali/

The post Komisioni Evropian prezenton paketën e ndihmës prej 90 miliardë eurosh për Ukrainën appeared first on Sinjali.

Donald Trump është i vetmi lider botëror i aftë ta ndalë Vladimir Putinin nga kërcënimi ndaj Europës, sipas presidentit të Polonisë, Karol Nawrocki.

Në një intervistë për programin Today të Radio 4, ai tha se liderit rus nuk duhet t’i besohet, por se Europa duhet të bëjë gjithçka që mundet për ta mbështetur presidentin Trump në përpjekjet e tij për t’i dhënë fund luftës në Ukrainë.

Presidenti Nawrocki ishte tashmë i njohur si një mbështetës i fortë i Donald Trumpit edhe para se të mbërrinte në Britani për takime me kryeministrin Sir Keir Starmer dhe të tjerë, raporton BBC, transmeton Sinjali.

Tani, ai thotë se, me Rusinë e Vladimir Putinit që po kërcënon vendin e tij, si dhe Europën Qendrore dhe Lindore, presidenti amerikan është i vetmi person që mundet, siç u shpreh ai, “ta zgjidhë këtë problem”, si dhe t’i japë fund luftës në Ukrainë.

Duke iu referuar inkursionit masiv të dronëve rusë në shtatorin e kaluar, kur më shumë se 20 mjete ajrore pa pilot kaluan në Poloni nga Bjellorusia dhe Ukraina, presidenti Nawrocki e quajti atë “një situatë të jashtëzakonshme”, duke shtuar se “deri në atë kohë, asnjë shtet anëtar i NATO-s nuk kishte përjetuar një sulm me dronë në atë shkallë”. Rusia, tha ai, po testonte mbrojtjen e Polonisë dhe po testonte solidaritetin e NATO-s.

Presidenti polak më pas falënderoi Britaninë për dërgimin e avionëve luftarakë RAF Typhoon për të ndihmuar në mbrojtjen e kufijve të tij. Ai tha se Polonia ka qenë në gjendje lufte hibride me Rusinë që nga viti 2021, ndërsa është përballur me dronë dhe dezinformim.

Ky aktivitet rus në “zonën gri” tregonte se “po jetojmë në kohë të rrezikshme”, shtoi ai. Ai u pyet për miqësinë e tij me Donald Trumpin, veçanërisht në dritën e kërcënimeve të presidentit amerikan për të marrë “me çdo mjet” territorin autonom danez të Groenlandës, diçka që ka tronditur Europën dhe që kërcënon të çajë aleancën 77-vjeçare të NATO-s.

Sinjali – aty ku e vërteta flet para lajmit!

/GazetaSinjali/

The post Presidenti polak thotë se vetëm Trump mund ta ndalë Putinin appeared first on Sinjali.

Ministri i Jashtëm i Gjermanisë, Johann Wadephul, tha të martën se ka më shumë konsensus se mosmarrëveshje me Shtetet e Bashkuara.

“Unë vërtet po kthehem i qetë, por gjithashtu me ndjenjën se është mirë që të mbetemi në shkëmbime të ngushta në të ardhmen”, tha ai para kthimit në Berlin pas dy ditëve me takime në Shtetet e Bashkuara, raporton agjencia e lajmeve “Reuters”.

Komentet e ministrit gjerman vijnë në kohën e ngritjes së tensioneve për shkak të qëllimeve të Uashingtonit për Grenlandën, rajon autonom i Danimarkës për të cilin presidenti amerikan, Donald Trump, thotë se është jetik për sigurinë e vendit të tij.

Kryediplomati gjerman përsëri theksoi se Grenlanda dhe Danimarka duhet të vendosin për të ardhmen e ishullit.

“Çështjet e sovranitetit mbi territorin e Mbretërisë së Danimarkës do të vendosen nga Danimarka, nga askush tjetër”, tha ai.

Përplasjet për Grenlandën kanë nxitur frikë në Evropë për të ardhmen e aleancës së NATO-s dhe marrëdhënieve transatlantike, por ministri gjerman tha se pothuajse të gjithë bashkëbiseduesit e tij thanë se duan që të marrin pjesë në Konferencën e Munihut për Sigurinë muajin e ardhshëm në Gjermani.

“Kjo e tregon interesimin e gjerë të Shteteve të Bashkuara – përtej vijave partiake – për një marrëdhënie të ngushtë me Gjermaninë dhe Evropën”, tha ai.

Sinjali – aty ku e vërteta flet para lajmit!

/GazetaSinjali/

The post Ministri i Jashtëm gjerman thotë se me ShBA-në ka më shumë konsensus se mosmarrëveshje appeared first on Sinjali.

Një djalë 13-vjeçar humbi jetën pasi u përfshi nga një ortek në vendpushimin e skive Sportgastein në Alpet austriake. Viktima, shtetas çek, po bënte ski së bashku me një fëmijë tjetër kur u mor nga bora.

Ky nuk është rasti i vetëm në zonë, pasi disa kilometra më në lindje, në Untertauern të Austrisë qendrore, një skiatore dhe partneri i saj u përfshinë gjithashtu nga një ortek. Burri arriti të shpëtonte dhe të nxirrte gruan, e cila pësoi vetëm lëndime të lehta.

Gjatë të dielës pasdite, disa ortekë u regjistruan në rajonin Virberg pranë Tirolit, ku një skiator 58-vjeçar humbi jetën dhe të tjerë pësuan lëndime të ndryshme.

Ndërsa gjatë fundjavës, në Alpet Franceze, orteqet shkaktuan vdekjen e gjashtë skiatorëve të tjerë, duke e bërë situatën në Alpe të rrezikshme për sportet dimërore.

Sinjali – aty ku e vërteta flet para lajmit!

/GazetaSinjali/

The post E rëndë në Alpet austriake: Orteku i merr jetën një 13-vjeçari appeared first on Sinjali.