Ministri i MPJ-së, Timço Mucunski sot ka reaguar ndaj deklaratave të liderit të BDI-së, Ali Ahmeti që qeveria të formohet me Badenter.

Ai tha se Ahmeti jeton në një folklor politik të para 20-vjetëve.

“Ndoshta thellë brenda vetes e di se të gjitha këto gjëra për të cilat flet janë joreale, por qartazi ndjehet se hapësira e tij politike është ngushtuar dhe nuk ka temë tjetër për të cilën mund të diskutojë. Unë nuk besoj se në këtë shtet ka ndonjë të ri maqedonas, shqiptar, turk, rom, vllah, i cili beson në të gjitha këto gjëra. E di që qytetarët tanë presin që ne të sigurojmë kushte më të mira për standardin e jetesës. Ky folklor politik është folklor që vjen nga një periudhë para 20, madje edhe më shumë se 20 vjetësh, por mungesa e kreativitetit dhe vizionit është arsyeja pse BDI është në opozitë. Dhe nga kjo retorikë që vjen nga zoti Ahmeti, ajo që për mua bëhet gjithnjë e më e qartë është se BDI edhe për një periudhë më të gjatë me gjasë do të duhet të mbetet në opozitë”, theksoi Mucunski në intervistë për emisionin “360 Gradë”.

Mucunski tha se është e padiskutueshme që “Badenteri” është pjesë e rendit tonë kushtetues-juridik, por njëkohësisht nuk është mekanizëm që përdoret për zgjedhjen e Qeverisë apo për votim në Gjykatën Kushtetuese.

Ahmeti: BDI do të vendos kusht Badenterin për pjesëmarrje në çdo Qeveri

“Imagjinoni hipotetikisht sikur të lejonim “Badenterin”, le të biem dakord, gjë me të cilën nuk pajtohemi, dhe po ua them që në fillim, ta shndërrojmë Gjykatën Kushtetuese në një alternativë, në një dhomë të dytë ligjvënëse në shtet? Kjo nuk është funksioni i saj. Nga këndvështrimi kushtetues-juridik, ajo që thotë zoti Ahmeti është absolutisht jologjike. Edhe nga aspekti i rregullimit shtetëror është po ashtu jologjike. Është e padiskutueshme që herë pas here ka një kompleksitet të caktuar në sigurimin e “Badenterit”, por ajo që mund t’ju them është se në mandatin aktual të qeverisë, ligjet që lidhen me Badenterin, në një masë të madhe (jo të gjitha, por në një masë të madhe), janë ligje të ndërlidhura me integrimin evropian të shtetit – ligje që do të kenë flamurin evropian. Dhe në fund të ditës, nëse deputetët e opozitës vendosin se nuk duan të mbështesin ligje që janë pjesë e agjendës evropiane, kjo është edhe një dëshmi tjetër e hipokrizisë. Vazhdimisht në konferenca për shtyp bëjnë thirrje për përshpejtimin e procesit të integrimit evropian, por ja që shohim se për interesa të ngushta politike nuk sigurojnë shumicë Badenteri për ligje që lidhen me integrimin evropian”, shtoi Mucunski.

Ministri i Punëve të Jashtme dhe Tregtisë së Jashtme Timço Mucunski konsideron se tema e pranimit të azilkërkuesve të refuzuar në vend është ngritur në mënyrë spekulative nga mediat nga Mbretëria e Bashkuar, dhe jo vetëm për Maqedoninë.

Një diskutim dhe qëllim të tillë nga qeveria jonë nuk ka pasur dhe nuk do të ketë, thotë Mucunski në një intervistë për “360 Gradë” në RTVM.

“Në asnjë formë, as të ligjshme dhe as të paligjshme, të tilla e të tilla, kurrfarë migrantë nuk do të pranohen në shtetin tonë në bazë të ndonjë forme marrëveshjeje me Mbretërinë e Bashkuar… As azilkërkues të refuzuar. As nuk do të jenë në qendra speciale… thamë se nuk do të ketë qendra speciale, kështu që pashë opozitën të fillonte të përhapte histeri – “po, ata nuk do të jenë në qendra speciale, ata do të jenë në banesa”. Nuk do të ketë as atë dhe as atë. Pra, asnjë paketë lidhur me migrantë ose azilkërkuesit e refuzuar kjo qeveri nuk do të lidhë, as nuk ka negociuar diçka të tillë, as nuk ka ndërmend të negociojë diçka të tillë. Pra, ky është një lajm i rremë plotësisht i krijuar që u përhap në një mënyrë të paturpshme dhe të dëmshme nga partia kryesore e opozitës në shtet”, theksoi ministri.

Në pyetjen nëse pika fillestare për të gjithë debatin ishte informacioni i publikuar në mediat britanike, Mucunski thekson se kjo nuk është e diskutueshme, por shton se pavarësisht mohimeve nga njerëzit më me ndikim në shtet – presidentja, kryeministri, ministri i Punëve të Jashtme dhe ministri i Punëve të Brendshme, opozita ende po përhap atë panik.

TIRANË, 22 dhjetor/ATSH-Maela Marini/ Ministri për Punë dhe Tregti të Jashtme, Timčo Mucunski njoftoi sot hapjen e konsullatës së Maqedonisë së Veriut në Korçë, në vitin 2026.

Në një konferencë të përbashkët për shtyp në Shkup me ministren për Europën dhe Punët e Jashtme, Elisa Spiropali, ministri Mucunski u ndal te marrëdhëniet mes dy vendeve dhe bashkëpunimin rajonal.

“Dialogu politik mes dy vendeve tona po zhvillohet në nivel të lartë dhe konstruktiv. Ne jemi fqinjë, aleatë në NATO dhe vende kandidate për anëtarësim në Bashkimin Europian. Jemi po ashtu 100% të harmonizuar për sigurinë e jashtme të BE-së”, tha ai.

Duke folur për bashkëpunimin dypalësh, Mucunski nënvizoi rëndësinë e Korridorit 8 për dy vendet.

“Do të bashkëpunojmë për më tepër iniciativa dhe nisma të ndryshme që do t’i paralajmërojmë në tryezën e ardhshme mes nesh dhe kolegëve të tjerë të vendeve anëtare të BE-së”, tha ministri Mucunski.

“Para disa muajsh Republika e Shqipërisë hapi një Konsullatë të Përgjithshme në Strugë. Jemi të lumtur që në vitin 2026 do të hapim Konsullatë në Korçë. Biseduam për bashkëpunimin edhe në fusha të tjera, për fqinjësinë e mirë, shkëmbimin e projekteve të ndryshme. Bashkërisht konstatuam se lidhjet kulturore janë të fuqishme dhe këtë dëshmojnë më tepër aktivitete të realizuara gjatë vitit të kaluar”, tha ai.

Mucunski vlerësoi po ashtu edhe angazhimin e Shqipërisë për mbrojtjen e pakicës maqedonase.

“Pata nderin të marr pjesë në në manifestim kulturor, një organizim të pakicës kombëtare të Maqedonisë së Veriut në Pustec. Prandaj shpreh falënderimin për bashkëpunimin që kemi në planin bilateral për mbrojtjen e pakicës maqedonase që jeton në Shqipëri”, shtoi ai.

Ndërsa ministrja Spiropali bëri të ditur se gjatë takimit me homologun e saj, Mucunski, është diskutuar edhe hapja e një Konsullate të Republikës së Shqipërisë në qytetin e Manastirit.

Ajo theksoi se Manastiri mbart një simbolikë të veçantë për shqiptarët, pasi aty, në Kongresin e Manastirit të vitit 1908, u mor vendimi historik për njehsimin e gjuhës shqipe.

“Kjo kërkesë vjen në vijim të hapjes së Konsullatës së Përgjithshme të Republikës së Shqipërisë në Strugë më 8 korrik dhe vendimit të Qeverisë së Maqedonisë së Veriut për të hapur një Konsullatë të Përgjithshme në qytetin e Korçës”, tha Spiropali.

/a.f/

The post Mucunski: Vitin e ardhshëm hapim Konsullatën në Korçë appeared first on Agjencia Telegrafike Shqiptare.

TIRANË, 22 dhjetor /ATSH/ Ministrja për Europën dhe Punët e Jashtme, Elisa Spiropali, ka nisur vizitën zyrtare në Shkup të Maqedonisë së Veriut ku mëngjesin e sotëm u prit nga  ministri për Punë dhe Tregti të Jashtme, Timčo Mucunski.

Gjatë bashkëbisedimit, Spiropali dhe Mucunski bashkëndanë vizionin, perspektivën dhe vendosmërinë e përbashkët për të avancuar në rrugën drejt integrimit në BE.

Spiropali theksoi se “bashkë me Maqedoninë e Veriut, Italinë, Bullgarinë dhe Rumaninë na pret një punë e mirë për projektin strategjik të Korridorit të VIII-të”.

“Forumi i parë që do të mbahet në Tiranë në shkurt të 2026, do të institucionalizojë më tej bashkëpunimin pesëpalësh për këtë projekt që i shërben sigurisë Euro-Atlantike, transformimit dhe zhvillimit të qendrueshëm ekonomik në rajon e më gjerë”, tha Spiropali.

Ministri Mucunski deklaroi se thellimi i marrëdhënieve mes Shqipërisë dhe Maqedonisë së Veriut, dy vende partnere dhe aleatë në NATO, i shërben në vetvete përparimit të të gjithë rajonit tonë.

Spiropali do të pritet gjatë ditës nga Presidentja e Maqedonisë së Veriut, Gordana Siljanovska-Davkova, Kryeministri Hristijan Mickoski, si dhe Kryetari i Parlamentit Afrim Gashi.

1 nga 7

/gj.m/

The post Spiropali-Mucunski: Konkretizojmë bashkëpunimin për Korridorin VIII appeared first on Agjencia Telegrafike Shqiptare.

Rëndësia e marrëdhënieve politike dhe ekonomike midis BE-së dhe partnerëve të Ballkanit Perëndimor, veçanërisht në kontekstin aktual gjeopolitik dhe nevojën për lidhje gjithnjë e më të forta midis BE-së dhe rajonit tonë, riafirmimi i plotë dhe i qartë ndaj perspektivës së anëtarësimit të Ballkanit Perëndimor në Union, si dhe progresi i arritur në procesin e zgjerimit, të pasqyruar në raportin e fundit të Komisionit janë temat kryesore në samitin BE- Ballkani Perëndimor në Bruksel.

Maqedonia e Veriut atje është në përbërje të kryeministrit, ministrit për Eurointegrime dhe ministrit të Jashtëm, mes tjerash presin diskutim edhe për zhbllokimin e procesit eurointegrues të vendit, respektivisht, gjetjen e një zgjidhjeje me Sofjen zyrtare.

“Do të jetë mundësi e mirë, e para të vërtetohet strategjia e BE-së për zgjerim me Ballkanin Perëndimor. Ky është mesazhi i përgjithshëm që do te lëshohet, i cili përherë është i mirëseardhur dhe përcjell sinjal pozitiv ndaj rajonit. Besoj se liderët nga ana jonë të rajonit dhe të vendeve të BE-së do të bisedojnë edhe për shumë iniciativa konkrete që i ka BE-ja, në drejtim të asaj që quhet integrim në disa hapa….Ne duam të bisedojmë me Bullgarinë, sepse duhet të gjendet zgjidhje në këtë problem, i cili bën bllokadë në progresin tonë drejt BE-së…Mua më vjen keq që në javët e fundit në kthim nuk marrim besim të mirë nga pala bullgare, që për këtë ¬çështje bilaterale të gjejmë zgjidhje racionale, i cili në asnjë moment nuk mund t’i rrezikojë interesat në të cilat Qeveria jonë flet dhe qëndron në këto pozicione.”, – deklaroi ministri i Jashtëm, Timço Mucunski.

Sipas konkluzave në të cilat kanë pasur qasje disa media ditë më parë, thuhet se Këshilli Evropian mirëpret angazhimin e vendit ndaj integrimit evropian dhe e inkurajon në intensifikimin e përpjekjeve për të avancuar reformat.

“Këshilli vëren se Maqedonia e Veriut akoma nuk i ka mbaruar ndryshimet kushtetuese për të cilat ka marrë obligim. Këshilli e vërteton gatishmërinë e tij për ta mbledhur konferencën ndërkombëtare edhe njëherë, pa prolongime të mëtutjeshme ose vendime politike shtesë, pasi që Maqedonia e Veriut ta implementojë detyrimin, në harmoni me procedurat e brendshme.”.

Samiti do të nënvizojë rëndësinë e progresit të prekshëm në reforma, përafrimin me legjislacionin evropian, bashkëpunimin rajonal, marrëdhëniet e fqinjësisë së mirë dhe pajtimin.

Ministri i Punëve të Jashtme dhe Tregtisë së Jashtme, Timço Mucunski, shkroi në Facebook për të adresuar reagimet e nxehta të shkaktuara nga tema e emigrantëve, përcjell Telegrafi Maqedoni.

Ai është i bindur se "qeveria nuk ka ndjekur dhe as nuk do të ndjekë një politikë pranimi të emigrantëve".

"Qeveria është plotësisht e përkushtuar ndaj zhvillimit ekonomik dhe përmirësimit të cilësisë së jetës së qytetarëve. Ne po ndërtojmë partneritete që sjellin përfitime konkrete për çdo familje, çdo komunë dhe vendin në tërësi. Dhe dua të jem shumë i qartë: kjo qeveri nuk ka ndjekur dhe as nuk do të ndjekë një politikë pranimi të emigrantëve, në asnjë formë. Nuk ka marrëveshje, as negociata, as kuota, as qendra, as marrëveshje tranziti. Një iniciativë e tillë as nuk është marrë në konsideratë, as nuk ka një qëllim politik në atë drejtim. E gjithë kjo është një gënjeshtër absolute”, shkroi Mucunski në Facebook.

Partneriteti strategjik me Mbretërinë e Bashkuar, thotë ai, bazohet në respekt dhe besim të ndërsjellë, si dhe në bashkëpunim në politikë, ekonomi dhe siguri.

Kjo, shton Mucunski, do të thotë iniciativa dhe projekte të vërteta që përshpejtojnë zhvillimin ekonomik, krijojnë vende pune dhe sjellin përfitime të prekshme për qytetarët - jo skenarë të shpikur për nevojat e përditshme politike./Telegrafi/

Ministri i Punëve të Jashtme dhe Tregtisë së Jashtme, Timço Muçunski, deklaroi se aktualisht Bullgaria nuk shfaq interes për dialog, ndërsa vullneti për të ndihmuar ekziston te Bashkimi Evropian dhe te disa shtete anëtare që kërkojnë të nxisin procesin drejt një zgjidhjeje.

Ai theksoi se objektiv i paplotësuar i vendit mbetet anëtarësimi i plotë në BE, por gjatë 30 viteve shteti përballet me bllokada të padrejta.

“Ka vullnet në BE dhe te disa vende anëtare për të ndihmuar në zhvillimin e dialogut drejt një zgjidhjeje. Qytetarët mund t’i siguroj se qëndrimet e Qeverisë janë të qarta dhe nuk do të pranojmë asnjë lëshim që cenon identitetin tonë – gjuhën dhe historinë. Për fat të keq, në këtë moment nuk ka gatishmëri për dialog nga Bullgaria, por sinqerisht shpresoj se kjo do të ndryshojë”, tha Muçunski.

Ai shtoi se bllokimi i procesit të integrimit dëmton para së gjithash Maqedoninë e Veriut, por humbje ka edhe Bullgaria, e cila, sipas tij, po humb kohë në vend që të ketë një fqinj sa më shpejt anëtar të BE-së.

“Duhet të gjejmë mënyrë për ta çliruar këtë proces, gjithmonë brenda parimeve tona. Edhe Bullgaria ka interes politik, ekonomik dhe kombëtar që të ketë pranë një vend anëtar të BE-së. Besoj se racionaliteti do të mbizotërojë edhe te fqinjët tanë”, u shpreh Mucunski.

Në margjinat e takimit ministror të OSBE-së në Vjenë, Ministri i Punëve të Jashtme dhe Tregtisë së Jashtme Timço Mucunski u takua me Ministrin e Punëve të Jashtme dhe Tregtisë hungarez Peter Szijarto.

Ministrat shprehën kënaqësi për bashkëpunimin dinamik dypalësh midis Maqedonisë së Veriut dhe Hungarisë, si dhe për dialogun e vazhdueshëm politik në nivel të lartë.

Ata theksuan potencialin e fortë për forcimin e bashkëpunimit në një numër sektorësh dhe për vazhdimin e mbështetjes së ndërsjellë në formate të ndryshme shumëpalëshe.

U theksua gatishmëria e të dy vendeve për të intensifikuar më tej bashkëpunimin në periudhën e ardhshme.

U përshëndet edhe mbajtja e fundit e sesionit të pestë të Komisionit të Përbashkët për Bashkëpunim Ekonomik midis dy vendeve, si një mekanizëm i rëndësishëm për forcimin e bashkëpunimit dypalësh në disa fusha.

"Diskutimet trajtuan edhe tema që lidhen me zhvillimet aktuale në rajon dhe Evropë, partneritetin brenda NATO-s dhe procesin e anëtarësimit në Bashkimin Evropian, duke theksuar mbështetjen e rëndësishme që Hungaria i jep Maqedonisë së Veriut në këtë proces, thuhet në deklaratën e MPJ-së./Telegrafi/

Ministri i Punëve të Jashtme dhe Tregtisë së Jashtme i vendit, Timço Mucunski, zhvilloi një takim pune me Zëvendës Sekretarin e Shtetit të SHBA-së, Christopher Landau, në margjinat e takimit të ministrave të jashtëm të NATO-s në Bruksel, njoftoi Ministria e Punëve të Jashtme.

Bisedimet trajtuan tema që lidhen me rolin e SHBA-së në stabilitetin dhe zhvillimin e Ballkanit Perëndimor, me theks në bashkëpunimin brenda NATO-s dhe rëndësinë e tij për sigurinë kolektive.

"Konfirmuam marrëdhëniet e ngushta dhe miqësore, si dhe bashkëpunimin e fortë dhe konstruktiv me SHBA-në si partnerin tonë strategjik. Shkëmbyem mendime mbi potencialin për bashkëpunim të mëtejshëm dhe konfirmuam gatishmërinë tonë për ta thelluar atë. Diskutuam rolin e SHBA-së në stabilitetin dhe zhvillimin e Ballkanit Perëndimor.

Gjithashtu theksuam bashkëpunimin brenda NATO-s dhe rëndësinë e tij për sigurinë kolektive. Unë theksova kontributin tonë në Aleancë dhe veprimin e vazhdueshëm si një faktor konstruktiv në rajon", tha Mucunski./Telegrafi/

Në dekadën e fundit, Maqedonia e Veriut, si pjesa më e madhe e Evropës Juglindore, është përballur me sfida të konsiderueshme të migracionit. Vlerësimet tregojnë një rritje të vazhdueshme të numrit të emigrantëve, i cili sot vlerësohet të kalojë 30 përqind të popullsisë së përgjithshme, ose më shumë se 700.000 njerëz, raportoi "Deutsche Welle".

Sipas të dhënave nga Qendra Ndërkombëtare për Zhvillimin e Politikave të Migracionit nga dhjetori 2022, diaspora e RMV-së vlerësohet në 693.896 persona. Nga këta, 38.4 përqind janë të vendosur në vendet e Bashkimit Evropian, kryesisht në Gjermani, Zvicër dhe Itali. Jashtë BE-së, komunitetet më të mëdha ekzistojnë në Australi, Shtetet e Bashkuara dhe Kanada.

Ministri i Punëve të Jashtme dhe Tregtisë së Jashtme, Timço Mucunski, prezantoi sot draftin e tekstit të “Strategjisë Kombëtare për Bashkëpunim me Diasporën 2025–2030” – një plan pesëvjeçar që duhet të përmirësojë marrëdhëniet me diasporën, emigrantët dhe anëtarët e pakicës maqedonase jashtë vendit.

Mucunski theksoi se strategjia nuk është vetëm një dokument formal, por një tregues i qartë i vendosmërisë së shtetit për t'u qasur emigrantëve me një “angazhim sistematik, substancial dhe afatgjatë.

“Kjo nuk është një Strategji e shkruar pas dyerve të mbyllura, por në partneritet me institucione, ekspertë, organizata, profesionistë dhe, më e rëndësishmja, me diasporën”, tha Mucunski.

Mucunski shtoi se "shteti krijon një sistem, jo improvizim; një partneritet, jo një protokoll; një vizion afatgjatë, jo masa ad-hoc"./Telegrafi/

Ministri i Punëve të Jashtme dhe Tregtisë së Jashtme, Timço Mucunski, mori pjesë në një takim pune me ministrat e jashtëm të shteteve anëtare të Iniciativës së Evropës Qendrore (CEI) në Beograd këtë mbrëmje.

Fokusi i bisedimeve ishte zgjerimi i Bashkimit Evropian, rrethanat aktuale gjeopolitike dhe sfidat që rrjedhin prej tyre, si dhe siguria rajonale dhe domosdoshmëria e lidhjes dhe bashkëpunimit të zgjeruar rajonal.

Ministrat konfirmuan edhe një herë rëndësinë e CEI-t si një platformë e qëndrueshme për thellimin e bashkëpunimit në të gjitha fushat me interes të ndërsjellë, duke promovuar partneritete dhe duke adresuar në mënyrë efektive sfidat rajonale.

Mucunski theksoi rolin e lidhshmërisë rajonale dhe iniciativave rajonale si mjete kyçe për përshpejtimin e integrimit evropian - procesi më i rëndësishëm për mbështetjen e paqes, sigurisë dhe zhvillimit ekonomik në kontinent.

Ai riafirmoi angazhimin e plotë të Republikës së Maqedonisë së Veriut në rrugën evropiane, duke theksuar se kjo është një domosdoshmëri gjeostrategjike për një rajon të qëndrueshëm, të sigurt dhe të begatë./Telegrafi/

Perspektivat evropiane të vendit, sfidat e përbashkëta të sigurisë dhe thellimi i bashkëpunimit në fushën e sigurisë dhe mbrojtjes ishin temat kryesore të takimit midis ministrit të Punëve të Jashtme dhe Tregtisë së Jashtme Timço Muçunski dhe komisiares evropiane për zgjerim Marta Kos në Bruksel.

Në takim është konfirmuar angazhimi i fuqishëm i vendit në rrugën e integrimit evropian, në vazhdimësinë e proceseve të reformave, si dhe në miratimin e ligjeve që janë pjesë përbërëse e procesit të anëtarësimit.

Siç informo Ministria e Punëve të Jashtme dhe Tregtisë së Jashtme, në takim, komisarja evropiane Kos ka shprehur mbështetje për rrugën evropiane të Maqedonisë dhe ka përshëndetur vazhdimësinë në reformat dhe fokusin e Qeverisë pas zgjedhjeve lokale.
Mucunski merr pjesë sonte në darkën joformale për shefat e diplomacisë së gjashtë vendeve kandidate dhe kandidate potenciale për anëtarësim në Union nga Ballkani Perëndimor, të organizuar nga Përfaqësuesja e Lartë e BE-së për Punë të Jashtme dhe Politikë të Sigurisë, Kaja Kallas.

Për nesër është planifikuar, Mucunski, së bashku me ministrin e Kulturës dhe Turizmit Zoran Lutkov dhe kryetarin e Qytetit të Shkupit Orce Gjorgjievski, të takohen me komisionerin evropian për barazi ndërgjeneracionale, rini, kulturë dhe sport, Glen Mikalif

Ministri i Punëve të Jashtme dhe Tregtisë së Jashtme, Timço Mucunski sot, në lidhje me punën e Komisionit të Ekspertëve për Çështje Historike dhe Arsimore, theksoi se politika nuk ka të drejtë të ndërhyjë në lirinë akademike, ndërsa detyrimi i anëtarëve të këtij organi është të debatojnë dhe të nxjerrin përfundime bazuar në metoda shkencore.

"Një gjë që thashë në fillim të mandatit tonë është se politika nuk ka të drejtë të ndërhyjë në lirinë akademike. Detyrimi i anëtarëve të atij komisioni është të diskutojnë, të debatojnë dhe nëse arrijnë të arrijnë në disa përfundime bazuar në njohuritë e tyre shkencore. Pra, politika i ka hequr duart, pasi Qeveria udhëhiqet nga kryeministri Mickoski dhe pasi unë jam Ministër i Punëve të Jashtme dhe Tregtisë së Jashtme", tha Mucunski në konferencën e sotme për shtyp në Qeveri me nënkryetarin e BEI-së, Robert De Groot, duke iu përgjigjur pyetjes së gazetarëve lidhur me deklaratën e bashkëkryetarit bullgar të Komisionit, Angel Dimitrov, se Komisioni po ngec në punën e tij.

Mucunski theksoi se ata nuk kanë ushtruar presion dhe as nuk kanë ndikuar, diçka që, siç tha ai, për fat të keq ka ndodhur në të kaluarën, dhe për të cilën ka dëshmi nga anëtarët e Komisionit në atë kohë.

"Nëse do të komentoja për atë që tha zoti Dimitrov, dhe më besoni, kam një mendim personal si person, domethënë shumë gjëra që ai tha në periudhën e fundit, atëherë ndoshta do ta arrija qëllimin që ai dëshiron edhe ai, ta politizojë atë proces. E vetmja gjë që mund ta përsëris dhe e them shpesh këtë si individ që vjen nga mjedisi akademik është se ata duhet të punojnë si shkencëtarë brenda atij Komisioni", shtoi Mucunski./Telegrafi/

Ministri i Punëve dhe Tregtisë së Jashtme, Timço Mucunski nuk dha detaje se kur do të ndodhë takimi mes partnerëve të koalicionit qeverisës për rikonstruktimin e qeverisë, por u shopreh shkurt se ka komunikime dhe se është i bindur që do të arrihet një marrëveshje e pajtushme për të dyja palët.

“Nuk mendoj që marrëveshja ose vendosja e kushteve duhet t a bëjmë përmes mediave, me respekt maksimal për mediat, nuk dua të më keqkuptoni, por mendoj se janë çështje që fillimisht duhet t’i dakordojmë mes vete, ndërsa më pas t’i njoftojmë. Ashtu krijohet besimi, kur funksionon si ekips”, tha Mucunski.

Në lidhje me ndarjen e resorëve, Mucunski tha se të gjithë partnerët e koalicionit duhet ta kenë parasysh parimin për cilësi mbi sasinë.

“Jam i bindur se ditëve në vijim do të arrihet marrëveshje, që do të drejtohet në rritjen e efikasitetit të qeverisë. Një çështje që vazhdimisht edhe kryeministri mendoj para disa dite e theksoi, më lejoni që edhe unë ta them është që nuk bëhet fjalë për numrin e vendeve të partnerit të koalicionit, bëhet fjalë për kapacitetin e individëve. Dijen dhe përvojën e tyre dhe se si ata do të kontribuojnë për institucionet që duan t’i udhëheqin. Më pak të fokusohemi në sasi, më shumë të fokusohemi në cilësi. Ky duhet të jetë prioriteti i të gjithë partnerëve të koalicionit në qeveri”, deklaroi Mucunski.

Në Muzeun e Qytetit të Shkupit sot u shënua Dita e Kombeve të Bashkuara një ngjarje e organizuar në bashkëpunim midis Ministrisë së Punëve të Jashtme dhe Tregtisë së Jashtme dhe Zyrës së Kombeve të Bashkuara në vend.

Nga Ministria e Punëve të Jashtme informuan se Ministri i Punëve të Jashtme dhe Tregtisë së Jashtme Timço Muçunski dhe koordinatorja e përhershme e OKB-së, Rita Kolumbia, konfirmuan së bashku angazhimin e tyre ndaj parimeve të Kartës së OKB-së dhe për bashkëpunim të vazhdueshëm drejt forcimit të institucioneve, promovimit të të drejtave të njeriut, mbrojtjes së mjedisit jetësor dhe përmbushjes së Agjendës 2030 për Zhvillim të Qëndrueshëm.

“Shënimi i këtij viti synon t’i kujtojë bashkësisë ndërkombëtare nevojën për të forcuar besimin dhe solidaritetin e ndërsjellë, veçanërisht në kohë sfidash të shumta që prekin çdo pjesë të botës. Me këtë rast, Republika e Maqedonisë së Veriut riafirmon përkushtimin e saj ndaj parimeve dhe vlerave të Kartës së Kombeve të Bashkuara, ndaj promovimit të të drejtave të njeriut, zhvillimit të qëndrueshëm dhe paqes, si dhe ndaj partneritetit të vazhdueshëm me sistemin e OKB-së në vend”, thotë Ministria.

Ministri Mucunski theksoi se si vend anëtar i Kombeve të Bashkuara, ne riafirmojmë besimin tonë të fortë në multilateralizëm, në të drejtën ndërkombëtare dhe se sfidat globale mund të zgjidhen vetëm bashkërisht.

Ai theksoi se shteti mbetet i përkushtuar ndaj proceseve globale dhe do të vazhdojë të promovojë vlerat kryesore të Kombeve të Bashkuara dhe të jetë një partner i besueshëm në arritjen e qëllimeve universale – përparimin e njerëzimit, paqen, drejtësinë, dinjitetin njerëzor, dialogun, tolerancën dhe solidaritetin.

“Duke ju uruar në këtë ditë, ju siguroj se ne mbetemi një partner i përkushtuar dhe i besueshëm në arritjen e qëllimeve universale të Kombeve të Bashkuara”, tha Mucunski.

Ministri i Punëve të Jashtme dhe i Tregtisë së Jashtme i Maqedonisë së Veriut, Timço Mucunski tha se integrimi në Bashkimin Evropian (BE) mbetet një nga shtyllat kryesore të politikës së jashtme të qeverisë së vendit, transmeton Anadolu.

Mucunski përmes profilit në Facebook njoftoi se së bashku me delegacionin e udhëhequr nga kryeministri Hristijan Mickoski, sot janë takuar me presidentin e Këshillit Evropian, Antonio Costa në Bruksel.

“Integrimi në BE mbetet një nga shtyllat kryesore të politikës së jashtme të qeverisë sonë”, shkroi ai duke theksuar se në takim kanë riafirmuar angazhimin e tyre të fortë për zbatimin e reformave dhe për të avancuar në rrugën drejt anëtarësimit në BE.

Takimi konfirmoi mbështetjen e vazhdueshme të BE-së për perspektivën tonë evropiane dhe angazhimin tonë të përbashkët për rritje ekonomike, investime dhe përafrim të plotë me politikën e jashtme dhe të sigurisë të Unionit”, shtoi Mucunski.

Ndërkaq, kryeministri Mickoski sot do të marrë pjesë në Samitin e Zgjerimit të BE-së, që do të bashkojë udhëheqësit e BE-së dhe të vendeve kandidate mbi çështjet për të ardhmen e integrimit evropian.

Nënkryetari i OBRM-PDUKM-së, Timço Mucunski, ka dalë në konferencë për shtyp, pas përfundimit të procesit zgjedhor.
Ai tha se presin që OBRM-PDUKM të arrijë fitore të madhe në të gjitha komunat.

"Jemi në prag të një fitoreje të madhe për OBRM-PDUKM-në dhe koalicionin. Do të fitojmë në shumicën e komunave. Sot, Maqedonia pati zgjedhje paqësore dhe të suksesshme, të cilat plotësojnë të gjitha kriteret për një proces të suksesshëm demokratik. Zgjedhjet më paqësore, dhe merita u takon qytetarëve. I falënderojmë qytetarët. Presim një rezultat të shkëlqyer zgjedhor dhe një fitore të madhe që do të jetë një festë e vullnetit të qytetarëve, dhe një mesazh për të gjithë ata që po e zvarrisin Maqedoninë drejt fundit, pa koncept dhe pa vizion".

"Maqedonia ka vendosur t'i japë fund kësaj. Disa informacione që flasin për parregullsi i shohim si një strategji nga LSDM-ja për të kërkuar një alibi për humbjen e ardhshme zgjedhore. Pritet që ajo parti të fillojë të reformohet. Duam t'ju sigurojmë se fitorja do të jetë e pastër dhe e qartë, dhe kjo do të thotë një përgjegjësi për ne që nuk duhet ta tradhtojmë. Presim më shumë vota sesa në zgjedhjet e kaluara lokale në vitin 2021, por le të presim rezultatet", tha Mucunski.

Ministri i Punëve të Jashtme dhe Tregtisë së Jashtme, Timço Mucunski, priti Presidenten e Komisionit Evropian, Ursula von der Leyen, në aeroportin e Shkupit këtë pasdite.

Ministri theksoi se pret konfirmim të mbështetjes për procesin e integrimit evropian nga takimet e sotme.

"Pres që takimet e sotme të konfirmojnë mbështetjen për integrimin evropian të Ballkanit Perëndimor dhe afrimin gradual të rajonit me tregun e vetëm të Bashkimit Evropian. Anëtarësimi në Bashkimin Evropian mbetet një përparësi strategjike e politikës së jashtme maqedonase", theksoi Mucunski.

Von der Leyen do të takohet sot me Presidenten Gordana Siljanovska-Davkova, Kryeministrin Hristijan Mickoski dhe Kryetarin e Kuvendit, Afrim Gashi./Telegrafi/

Ministri i Punëve të Jashtme dhe Tregtisë së Jashtme Timço Mucunski pasdite përmes një postimi në profilin e tij në Fejsbuk thekson se hedh poshtë plotësisht dezinformatën se Qeveria ose Ministria kanë biseduar ose kanë lidhur ndonjë marrëveshje me Mbretërinë e Bashkuar për pranimin e emigrantëve.

Kryetari i LSDM-së, Venko Filipçe, sot i bëri thirrje ministrit Mucunski që më së voni deri nesër të informojë publikun nëse bisedohet me Britaninë e Madhe për vendosjen e emigrantëve në vendin tonë.

Filipçe e tha këtë duke komentuar artikullin e publikuar në “Politiko” se Britania po i afrohet një marrëveshjeje për hapjen e një qendre për kthimin e emigrantëve në një vend nga Ballkani Perëndimor.

“Plotësisht e hedh poshtë dezinformatën se Qeveria ose Ministria e Punëve të Jashtme dhe Tregtisë së Jashtme kanë biseduar ose kanë lidhur ndonjë marrëveshje me Mbretërinë e Bashkuar për të pranuar emigrantë. Një gjë e tillë nuk ekziston – as si iniciativë dhe as si qëllim politik”, thotë Mucunski në njoftim.

Mucunski thekson se spekulime të tilla janë të pabaza, të dëmshme dhe shërbejnë ekskluzivisht për pikë politike.

Kryetari i LSDM-së, Venko Filipçe, tha se ministri i Punëve të Jashtme dhe Tregtisë së Jashtme, Timço Mucunski, duhet që më së voni deri nesër ta informojë opinionin publik nëse po zhvillohen bisedime me Britaninë e Madhe për vendosjen e migrantëve në territorin e Maqedonisë së Veriut.

Filipçe këtë e tha duke komentuar tekstin e publikuar në “Politico”, sipas të cilit Britania e Madhe është shumë afër arritjes së një marrëveshjeje për hapjen e një qendre për kthimin e migrantëve në një prej vendeve të Ballkanit Perëndimor.

“Ministri Timço Mucunski duhet të tregojë nëse po zhvillohen bisedime për sjelljen e migrantëve në vendin tonë. Duhet të tregojë nëse kjo ka ndonjë lidhje me paketën e kredisë prej shtatë miliardë eurosh. A ka ndonjë lidhje? A është e kushtëzuar Qeveria për ato para që ta bëjë këtë?”, deklaroi Filipçe.

Filipçe tha se qeveria e OBRM-PDUKM-së qëllimisht po e bllokon procesin e reformave në sistemin gjyqësor me qëllim që të ndikojë politikisht në emërimet e gjyqtarëve dhe prokurorëve.

Ai potencoi se në vend të një reforme thelbësore në drejtësi, qytetarët janë dëshmitarë të përpjekjeve të vazhdueshme për manipulime nga ana e pushtetit.

Filipçe kujtoi se reformat në sistemin gjyqësor janë qartë të përcaktuara në agjendën reformuese të përgatitur nga qeveria e LSDM-së dhe e nënshkruar nga qeveria aktuale e OBRM-PDUKM-së.