Vetëm 19 vjeçe, por me një zë që rrëmben vëmendjen që në notën e parë.

Hana Orllati nga Kosova ka ndezur emocionet në skenën e “The Voice of Finland”, duke mahnitur jurinë dhe publikun me interpretimin e saj fantastik.

Me këngën “How I Was Supposed To Live Without You”, Hana Orllati arriti të kalojë me sukses fazën e parë të kësaj gare prestigjioze këndimi, duke dëshmuar se talenti i saj nuk njeh kufij.

Foto: YouTube

Zëri i saj i fuqishëm, u prit me reagime entuziaste nga publiku dhe juria.

Rruga e Hanës me muzikën ka nisur herët.

Që në fëmijëri ajo ka qenë e lidhur ngushtë me artin, ndërsa në moshën vetëm 10-vjeçare ka marrë pjesë në “The Voice of Albania”.

Përveç kësaj, ajo ka performuar në shumë koncerte për fëmijë në Kosovë.

- YouTube www.youtube.com

Hana Orllati ka përfunduar shkollën e mesme të muzikës “Prenk Jakova” në Prishtinë.

Tash e një vit, ajo jeton në Finlandë me prindërit dhe tre vëllezërit, të cilët u shpërngulën atje vite më parë për të ndjekur studimet.

“Që kur isha e vogël kam ëndërruar të këndoj në skena të mëdha dhe të bëhem një artiste profesionale. Kjo ëndërr tani ka nisur të bëhet realitet", shprehet Hana.

Historia e saj është dëshmi se talenti, puna dhe ëndrra e madhe mund ta çojnë zërin e Kosovës në skenat ndërkombëtare.

Dy banorët e BBVK-së, Dolce dhe Limi janë parë sërish duke kaluar kohë së bashku.

E kjo gjë e ka zhgënjyer Alba Pollozhanin, e cila tha se s’do të shoh gjëra të tilla.

“Pas darkës ishte super mirë. Nuk dua t’i shoh këto gjëra”, është shprehur ajo.

Foto: Instagram

"Pse Albës iu largove sot. Nuk kam ardhur këtu për lojëra, nuk jam unë lojë. Nuk e kam problemin të flas me tjera por jo lojëra me mua", tha ajo në një bisedë me Labinot Rexhën.

Limi u sqarua me Dolcen për distancimin e tyre dhe pse vendosën një gjë të tillë.

Dolce u shpreh e zhgënjyer për mënyrën se si është sjell me të dhe pse e bëri pikërisht në Prime.

Mbetet për t'u parë në vazhdim se si do të zhvillohet situata mes tyre. /Telegrafi/

Endri, këngëtari që dikur shkëlqente me hitet e tij, është rikthyer në qendër të vëmendjes së publikut dhe këtë herë jo vetëm për muzikën.

Ai ishte i ftuar në rubrikën “25 pyetje” të Prive me Liberta Spahiun, ku nuk i shpëtoi pyetjeve që të gjithë donin të dinin.

Pas një pauze nga skena, rikthimi i tij artistik shënohej me projektin e ri muzikor “Pa ty”, por vëmendja e publikut u fokusua më shumë te marrëdhënia e tij me banoren e Big Brother VIP Kosova, Benitën.

Foto: YouTube

Pas shumë spekulimeve dhe kuriozitetit të madh rreth kohës së tij jashtë skenës, Endri foli hapur dhe pa rezervë.

Ai zbuloi se ka një raport shumë të mirë me familjen e Benitës dhe se komunikimi me ta është i vazhdueshëm dhe i ngushtë gjatë gjithë qëndrimit të saj në shtëpinë e Big Brother.

Kjo vërteton mbështetjen e tij ndaj partneres.

Kur u pyet për performancën e saj në lojë, Endri nuk kurseu fjalët.

- YouTube www.youtube.com

Ai e vlerësoi Benitën maksimalisht, duke i dhënë një 10 të plotë në shkallën 1‑10.

Sipas tij, ajo që shohim në ekran është Benita reale, pa asnjë maskë ose shtirje, e cila qëndron besnike ndaj vetvetes edhe brenda dinamikës së programit. /Telegrafi/

Khaby Lame është një krijues përmbajtjeje me origjinë senegaleze, i cili u shndërrua në një nga figurat më të njohura dhe më të dallueshme në botë falë humorit të tij të thjeshtë, pa fjalë, në platformën TikTok.

I lindur në mars të vitit 2000 me emrin Khabane “Khaby” Lame, historia e tij e suksesit përfaqëson një nga shembujt më domethënës të fuqisë së ekonomisë së krijuesve në epokën digjitale.

Para famës, Khaby punonte si punëtor fabrike. Gjatë izolimeve të pandemisë COVID-19, ai nisi të publikonte video në TikTok, ku reagonte në mënyrë ironike dhe pa asnjë fjalë ndaj videove të komplikuara të ashtuquajtura “life hack”.

Foto: X

Pikërisht kjo formë humori universale, e kuptueshme për çdo kulturë dhe gjuhë, e bëri atë të spikaste dhe ta kthente në një fenomen global.

Brenda një kohe shumë të shkurtër, Khaby u bë një nga krijuesit më të ndjekur në TikTok, duke fituar miliona ndjekës në mbarë botën.

Sot, pasuria e tij neto vlerësohet rreth 74 milionë euro, sipas burimeve si Celebrity Net Worth.

Të ardhurat e tij vijnë kryesisht nga bashkëpunime të mëdha me marka ndërkombëtare, sponsorizime në rrjete sociale dhe marrëveshje komerciale, të cilat e kanë shndërruar famën e tij në një biznes serioz dhe shumë fitimprurës.

Raportohet se Khaby ka përfituar deri në rreth 690 mijë euro për një postim të vetëm në TikTok ose Instagram, duke u renditur mes krijuesve digjitalë më të paguar në botë.

Një tjetër moment i rëndësishëm në karrierën e tij financiare ishte përfshirja e kompanisë ‘Step Distinctive Limited', e lidhur me markën dhe aktivitetet e tij të biznesit, në një marrëveshje me vlerë rreth 830-900 milionë euro.

Kjo marrëveshje tërhoqi vëmendje të madhe ndërkombëtare, por nuk e bëri Khabyn miliarder, pasi ishte e strukturuar si një transaksion në aksione dhe ai nuk zotëron 100 për qind të kompanisë.

Megjithatë, Khaby Lame mbetet një multimilioner i konsoliduar dhe një shembull i qartë se si fama në internet, e shoqëruar me zgjuarsi biznesi dhe menaxhim të kujdesshëm të imazhit, mund të shndërrohet në pasuri afatgjatë.

Historia e tij sot shkon përtej videove virale: ajo flet për lidhjen me audiencën, për ndikimin kulturor dhe për mënyrën se si vëmendja digjitale, kur përdoret me mençuri, mund të kthehet në fuqi reale ekonomike. /Telegrafi/

DJ personal i Gjestit, fituesit të Big Brother VIP Albania 4, Gimbo, është bërë banori më i ri i këtij formati.

Ai iu bashkua shtëpisë më të famshme të shtunën, ku pas tij u fut edhe këngëtarja Baby G.

I njëjti tregon edhe një këshillë që ka marrë nga miku i tij i ngushtë për lojën brenda.

Foto: Instagram

“Këshilla që më ka dhënë Gjesti, shko edhe fito”, u shpreh ai.

Mbetet për t’u parë se si do të jetë loja e DJ Gimbos dhe nëse ka marrë ndonjë mësim nga Gjesti.

Ky i fundit ka kohë që ka bërë një tërheqje nga rrjetet sociale pasi vëllai i tij vdiq në një aksident me motoçikletë.

Kjo ishte një tronditje e madhe për artistin dhe familjen e tij në vitin që lamë pas. /Telegrafi/

Ish-e dashura e Brooklyn Beckham, Afton McKeith, ka dalë në mbështetje të tij pas një deklarate që shkaktoi trazira ditët e fundit, në të cilën ai bëri akuza të rënda kundër prindërve të tij të famshëm.

Aktorja (25 vjeçare), e cila ishte në lidhje me Brooklyn (26 vjeç) disa vite më parë, pretendon se ai po thoshte të vërtetën dhe se kishte luftuar me rritjen nën vëmendjen e publikut për një kohë të gjatë.

"Shumë nga kjo ka qenë duke u përgatitur për vite me radhë. Kjo nuk ndodhi brenda natës", tha ajo për The Sun.

"Brooklyn po thoshte të vërtetën në postimin e tij. Ai e pati të vështirë të rritej", shtoi McKeith.

Brooklyn luftonte me ankthin dhe ndihej sikur bota po priste vazhdimisht që ai të bënte një gabim.

"Ka dy anë në çdo histori, por e di që rritja nën mikroskop ishte sfiduese për të", tha mes tjerash.

Afton beson se prindërit mund ta kishin mbrojtur më mirë nga presionet e emrit Beckham.

Brooklyn

Thotë se Brooklyn, siç pritej, ishte shpesh në qendër të vëmendjes dhe mërzitej kur i bëheshin fotot, kështu që kishte nevojë për mbrojtje.

Në intervistë, tha gjithashtu se e kishte të vështirë që prindërit e tij ishin shpesh larg dhe se, pavarësisht se kishte dado dhe vëllezër, ndonjëherë ndihej i vetëm. /Telegrafi/

Derisa po kërcente me Benita Zenën, Alba Pollozhani për një moment u shtang.

Kjo pasi pa Dolcen dhe Lim Hotin së bashku, të cilët po qëndronin në oborr.

Ajo reagoi menjëherë duke u larguar nga oborri për të dhoma e rrëfimit, si një gjë që nuk i pëlqeu.

Foto: Instagram

“Çfarë, jo këto lojëra nuk i ha. Këta lojëra të Big Brother-it nuk i ha. Për Zotin nuk dua”, u shpreh ajo.

Dyshja e lartpërmendur ndërkohë u sqaruan për raportin e tyre të lënë pezull.

Ata ndanë arsyet se pse vendosën të distancohen nga ky raport, meqë Limi ka pasur një histori edhe me Albën.

Alba ndërkaq thotë se është e dashuruar akoma me Limin dhe se nuk e do askënd tjetër. /Telegrafi/

Dole dhe Lim Hoti janë sqaruar me njëri-tjetrin pasi vendosën që të bëjnë një distancim nga raporti i tyre.

Ka qenë banorja që u shpreh e zhgënjyer nga ai dhe se nuk e priste këtë gjë.

Konkurrenti ndërkohë i tha se nuk kërkoi që të largohej nga ajo tërësisht.

Por Dolce i tha se duhet të sqarohet fillimisht me Alba Pollozhanin për raportin e tyre e më pas t’i shoh gjërat.

Ata shkëmbyen edhe një përqafim përpara se të nisnin këtë diskutim së bashku.

“Kjo ndodhi nga ana jote. Ti u largove nga unë pa ditur asnjë gjë. A jam unë e para që duhet të flasësh. Çka është keqkuptuar. Unë çka po bëj këtu. Ti akoma nuk e ke mendjen në vend”, i tha Dolce.

Limi theksoi se nuk ka hyrë për Albën dhe se nuk ka ndonjë interes për të. /Telegrafi/

Nëna e Brikena Selmanit i ka bërë një surprizë asaj në Big Brother VIP Albania 5.

Veç kësaj në fund u takua edhe me Mateon, i cili i kërkoj falje nëse mund t’i ketë lënduar ata, pra familjen e modeles.

E ëma ka dhënë një intervistë edhe për ‘Fan Club’, teksa komenton lojën e të bijës dhe raportin me Mateon.

Foto: YouTube

“Jemi të kënaqur me Brikenën, i uroj suksese gjithë banorëve brenda. Ka hy me pëlqimin tonë, dëshirën tonë. E përkrahim në çdo moment. Jemi me Brikenën”, u shpreh ajo.

Nëna thotë se familja nuk është kundër Mateos dhe se i duket djalë i mirë.

Foto: YouTube

“Mateo është shumë djalë i mirë, kam respekt. Ia uroj të gjitha të mirat. Për nga ana jonë nuk kemi kundër asgjë. Çka të vendos Brikena. Si të është e kënaqur Brikena, ne jemi me të. Nuk kemi kundër asgjë. E presim me fitore”, theksoi tutje.

Duket se e gjithë kjo është në dorë të Brikenës dhe se ajo do të vendos për raportin e krijuar me banorin e BBVA 5, me të cilin ka pasur një njohje para disa vitesh. /Telegrafi/

- YouTube youtu.be

Filmi “The Rip” me Matt Damon dhe Ben Affleck në rolet kryesore, është një triler aksioni i disponueshëm në Netflix që nga 16 janari dhe ka një buxhet rreth 100 milionë dollarë.

Skenari dhe regjia janë të Joe Carnahan, ndërsa ngjarja zhvillohet në Miami, duke shfrytëzuar atmosferën vizuale dhe tematike të qytetit.

Historia nis me një prolog të errët që vë në lëvizje një zinxhir ngjarjesh kriminale.

Foto: YouTube

Fokusimi kalon te një grup policësh të Miamit, të udhëhequr nga Dane (Damon) dhe JD (Affleck), të cilët zbulojnë mbi 20 milionë dollarë të fshehura në një shtëpi periferike.

Ndërsa përpiqen ta transportojnë paratë, tensioni rritet dhe pyetja kryesore bëhet: kujt mund t’i besohet?.

Kimia mes Damonit dhe Affleckut, e ndërtuar nga një miqësi dhe bashkëpunim shumëvjeçar, është një nga pikat më të forta të filmit.

Megjithatë, ndonëse ritmi dhe atmosfera mbajnë pezull interesin, filmi nuk arrin një kulm të fortë narrativ.

- YouTube www.youtube.com

Personazhet femra mbeten kryesisht në plan të dytë, duke e bërë filmin një triler klasik, të zhurmshëm dhe të orientuar kryesisht drejt audiencës mashkullore.

Në përfundim, “The Rip” është argëtues dhe i tensionuar, por pa surpriza të mëdha apo thellësi që ta bëjnë të paharrueshëm.

I përshtatshëm për një shikim tipik në Netflix, por jo një vepër që lë gjurmë afatgjata. /Telegrafi/

“Pse e bën tabu të flasësh për gruan dhe familjen tënde?”, ishte pyetja që publiku zgjodhi t’ia bënte Ludo Lee në 'Darkën e të Nominuarve'.

Megjithatë, Ludo nuk ngurroi të përgjigjej duke treguar edhe arsyet për këtë.

“Sepse familja është e shenjtë dhe ia kam premtuar familjes time, gjithmonë në shoubiz për me i nda gjërat ta kuptoni. Mentaliteti im Ludo shqiptar më ka sjell këtu ku jam, shoubizi është shoubiz", u shpreh ai.

Foto: YouTube

Tutje banori theksoi: "Unë e mbroj familjen dhe do ta mbroj gjithë. Jam krenar se e kam familjen time, është shumë e lehtë të kuptohet. Familja do të jetë privat përgjithmonë në anën e shoubizit”.

Ludo ka folur tejet pak për familjen e fëmijët dhe kjo mund të ketë qenë në interes të atyre që e ndjekin.

Por duket se kjo është mënyra e tij dhe se do t'i lë jashtë këtij rrugëtimi.

Ludo Lee ndërkaq po vazhdon të jetë personazh tejet i komentuar brenda shtëpisë. /Telegrafi/

- YouTube www.youtube.com

“Kush të ka zhgënjyer më së shumti deri tani?”, ishte pyetja e publikut që e bëri të mendonte Alba Pollozhanin.

Por banorja nuk hezitoi të përgjigjej, duke përmendur edhe raste konkrete.

“Për ta thënë realitetin jam zhgënjyer nga çdokush në sasi të ndryshme, por kjo jo patjetër për faj të tyre”, u përgjigj Alba.

Foto: YouTube

"Një rast konkret tani ka qenë me Labin që afrimitetin tim njerëzor e ka përkthyer komplet për të sulmuar moralin tim si femër. Realisht më ka prekur e pranoj, po sidoqoftë çdokush dëshmon veten e vet. Ndonjëherë bëhet e tepërt ngarkesë. Vet unë, nuk dua të dëgjoj fjalë të tilla", tutje tha.

"Për momentin Albës i ka rënë pak disponimi a më bën mua të dobët, jo nuk më bën. Jam e sigurt që mund të kem bërë gabime kundrejt të tjerëve, por Alba nuk shpif. Të vij Labi të shpif diçka që nuk ka qenë të më prek te morali. E kam pritur siç pres nga të tjerët këtu brenda", shtoi mes të tjerash.

"Limin nuk mund ta komentoj dhe ta fus me të gjithë banorët e tjerë. Te Limi është përzier edhe çështje tjetër përpos lojës. Kemi pasur një histori dhe kam zgjedhur heshtjen në drejtim të Limit. Deri diku ndihem e zhgënjyer nga Limi", tha Pollozhani.

Në nominim veç Albës janë edhe Arditi, Hygerta, Labinoti dhe Ludo Lee. /Telegrafi/

- YouTube www.youtube.com

Dolce dhe Lim Hoti po vazhdojnë të jenë në vëmendje të publikut gjatë qëndrimit të tyre në Big Brother VIP Kosova 4.

Dyshja, të cilët po tregohen edhe më të afërt, nuk po ndalojnë momentet e bukura së bashku.

Ata së fundmi shihen duke shkëmbyer puthje pasionante me njëri-tjetrin, gjë që tregon se ky raport po bëhet edhe më i fortë.

Foto: Instagram

Ndonëse nuk e cilësojnë si lidhje, të njëjtit po shijojnë çdo moment së bashku.

Kjo vjen në kohën kur në shtëpinë e famshme ndodhet edhe Alba Pollozhani, e cila ka qenë në lidhje me Limin.

Ka akoma paqartësi se kur janë ndarë meqë kanë dhënë versione të ndryshme.

Sidoqoftë, koha e tregon marrëdhënien e tyre se si do të jetë në vijim. /Telegrafi/

Ylli i famshëm botëror, Paris Hilton, në një intervistë për Telegrafin ka folur edhe për artistet me prejardhje shqiptare, Rita Orën dhe Bebe Rexhën.

Ajo tregon se ka një raport shumë të mirë me këngëtaret dhe se i thur lavde për punën, karrierën e mbi të gjitha për atë që janë.

"I dua Ritën dhe Beben shumë. Janë vajza fantastike, shumë të talentuara dhe shumë argëtuese", thotë Hilton në intervistë.

Foto: Telegrafi/Instagram

Tutje shtoi: "Sa herë që jemi bashkë, kalojmë për mrekulli. Janë të vërteta, shumë të mira me zemër të madhe, të bukura brenda dhe jashtë. I dua si motra dhe jemi shumë të afërta dhe vërtet i dua dhe jam shumë krenare për të dyjat, mendoj se janë të dyja artiste të jashtëzakonshme, kanë zemër shumë të madhe, gjithmonë shkëlqejnë".

"Unë thjesht i dua aq shumë dhe do t'i shohë të dyja pas disa ditësh në festën e mikut tim, kështu që mezi pres të rri me to", ka theksuar mes tjerash Paris për Ritën dhe Bebën në intervistën për Telegrafin.

Foto: Telegrafi/Instagram

Krahas kësaj, ikona globale e kulturës pop flet hapur për dokumentarin e saj të ri "Infinite Icon: A Visual Memoir".

Ajo jep një rrëfim mbi jetën, muzikën dhe rrugëtimin e saj personal. /Telegrafi/

Aktori i njohur shqiptar, Bes Kallaku, ka marrë vëmendje me një postim të rri në rrjete sociale.

Bëhet fjalë për një tatuazh të ri, i cili ka lënë të nënkuptohet shumë për jetën e tij personale.

Këngëtari duket se ka gjetur dashurinë e re, ndonëse nuk ka ndarë më shumë detaje.

Foto: Instagram

Në një tatuazh të radhës ka shkruar 'Ejona' dhe një datë, ndërkohë që shihet një dorë e një vajzës.

"Ejona 25.12.2025. Trëndafil në kohë lufte", thuhet në tatuazhin e ri të Kallakut.

Duket se kjo është gruaja që ia ka marrë zemrën Besit, edhe pse nuk ka deklaruar akoma asgjë.

Besi ka një kohë që është ndarë nga këngëtarja Xhensila Myrtezaj, me të cilën ka dy fëmijë. /Telegrafi/

Shpallja e nominimeve për çmimet më prestigjioze të kinematografisë botërore vazhdon të jetë një moment i rëndësishëm për industrinë e filmit, duke sjellë gjithmonë vëmendje të madhe dhe diskutime të shumta.

Këtë vit, në mesin e projekteve që kanë hyrë në garë për çmimin “Oscar”, është përfshirë edhe një film ku luan aktorja me origjinë nga Kosova, Luana Bajrami.

Filmi i shkurtër “Two People Exchanging Saliva” është renditur në mesin e pesë kandidatëve në kategorinë përkatëse të Academy Awards.

"Two People Exchanging Saliva"

Ky projekt është realizuar si bashkë-prodhim mes Francës dhe Shteteve të Bashkuara të Amerikës, ndërsa titulli i tij origjinal në gjuhën frënge është “Deux personnes échangeant de la salive”.

Në këtë film Luana interpreton personazhin e quajtur Malaise.

Nominimet për të gjitha kategoritë e Academy Awards janë bërë publike të enjten, duke shënuar një tjetër sukses të rëndësishëm për filmin dhe për përfaqësimin e talenteve shqiptare në skenën ndërkombëtare të kinemasë.

Oscars 2026 mbahet më 15 mars në Dolby Theatre në Los Angeles. /Telegrafi/

- YouTube www.youtube.com

Edicioni i 98-të i çmimeve Oscar tashmë ka të konfirmuar datën, vendin dhe prezantuesin.

Ceremonia më e rëndësishme filmike në botë do të mbledhë sërish figurat kryesore të industrisë për të festuar arritjet më të mira të artit, në një mbrëmje që pritet të sjellë momente të reja dhe historike.

E organizuar nga Academy of Motion Picture Arts and Sciences (AMPAS), ngjarja vlerëson çdo vit arritjet më të spikatura në aktrim, regji, skenar dhe kategoritë teknike, duke u konsideruar çmimi më prestigjioz në kinemanë ndërkombëtare.

- YouTube www.youtube.com

Oscars 2026 do të mbahen të dielën, më 15 mars

Ceremonia e Oscars 2026 do të zhvillohet të dielën, më 15 mars, një datë tashmë e shënuar në kalendarin e dashamirëve të filmit.

Ngjarja do të mbahet sërish në Dolby Theatre në Los Angeles, vendi tradicional i ceremonisë në vitet e fundit.

Zgjedhja e këtij lokacioni riafirmon traditën e Hollywoodit si epiqendra e industrisë globale të filmit dhe si skena ku kurorëzohen filmat më me ndikim të vitit.

ABC dhe Hulu do ta transmetojnë ceremoninë drejtpërdrejt

Transmetimi zyrtar do të realizohet nga ABC, ndërsa ceremonia do të jetë e disponueshme edhe për ndjekje live përmes Hulu, për të gjithë abonentët në Shtetet e Bashkuara të Amerikës.

Kjo mundësi e dyfishtë transmetimi forcon strategjinë e Akademisë për të zgjeruar shtrirjen digjitale dhe për të tërhequr audienca më të reja, pa hequr dorë nga televizioni tradicional.

Conan O’Brien rikthehet si prezantues i ceremonisë

Conan O’Brien

Mbrëmja gala do të drejtohet sërish nga komediani dhe prezantuesi Conan O’Brien, i cili rikthehet për të dytin vit radhazi në këtë rol.

Vazhdimësia e tij vjen si rezultat i pritjes pozitive që pati performanca e tij në edicionin e kaluar, duke kombinuar humorin, ritmin dhe përvojën televizive.

Nominimet shpallen më 22 janar

Filmi "Sinners" ka thyer rekord në historinë e kësaj ceremonie, pasi u nominua 16 herë.

- YouTube www.youtube.com

Nga ky edicion e tutje, Akademia do të zbatojë një rregull të rëndësishëm: anëtarët duhet t’i kenë parë të gjithë filmat e nominuar në një kategori përpara se të votojnë në raundin final, një masë që synon të rrisë transparencën dhe seriozitetin e procesit.

24 kategori dhe një risi historike

Në vitin 2026, Oscars do të përfshijnë 24 kategori konkurruese, mes të cilave edhe kategoria e re Best Casting (Kasti më i mirë), që vlerëson punën thelbësore pas përzgjedhjes së aktorëve.

Që nga edicioni i parë më 16 maj 1929, Oscars janë shndërruar në ceremoninë më të vjetër të çmimeve në botën e argëtimit.

Rekordin për më shumë statuja e mban 'Walt Disney', me 22 çmime konkurruese dhe katër nderi, një arritje që vazhdon të mbetet e pathyer. /Telegrafi/

Këngëtarja e njohur shqiptare, Gjyste Vulaj, duket se ka një personazh të preferuar në Big Brother VIP Albania 5.

Ajo ka treguar hapur mbështetjen për konkurrenten nga Kosova, modelen Brikena Selmani.

E njëjta ka ndarë një video në Instagram, ku e quan nusja e ëndrrave, madje për djalin e saj.

Foto: Instagram

"Nusja e ëndrrave të mia për djalin tim", kanë qenë fjalët e artistes.

Brikena ndërkohë ka fituar simpatinë e publikut nga jashtë me lojën dhe paraqitjen në reality shou.

Banorja ka krijuar një popullaritet të madh në rrjete sociale, duke marrë pothuajse të shumtën e kohës komente pozitive.

Mbetet për të parë në vazhdim lojën e saj dhe se deri ku do të arrijë në këtë format. /Telegrafi/

Alba Pollozhani ka shprehur xhelozi edhe ndaj Benita Zenës, për afërsinë e saj me Lim Hotin.

Ajo madje e akuzoi Benitën se po vepron sikur Dolce dhe se me Limin i ka mbetur vetëm të puthet.

Banorja u bazua në festën që u organizua në Big Brother, ku në disa momente Benita dhe Limi ishin të afërt e po kërcenin bashkë.

Foto: Instagram

Alba po vazhdon debatet me konkurrentët në shtëpi, e më së shumti për Limin.

Me këtë të fundit gjithashtu ka vazhdimisht përplasje për raportin e tyre, e shpesh edhe me akuza.

Dolce në festën e BBVK pati një moment tensionues edhe me Dolcen, e cila tani po shijon lidhjen me Limin.

Mbetet për t'u parë në vijim se si do të shkojë kjo e çfarë do të ndodh me ta. /Telegrafi/

Është bërë virale në rrjete sociale një video e banorit të Big Brother VIP Albania 5, Keijsit.

Kjo pasi ai dëgjohet duke sharë Stelinën, me të cilën ka pasur një histori dashurie.

"Bravo Stelina, bravo", u shpreh ai dhe më pas fraza duke sharë.

Foto: TikTok

Duket se Ina ia kujton që ndodhet në një reality shou dhe ia bën me dije për t'i zgjedhur fjalët.

"Më lër rehat se nuk më plas që ka kamera", tha ai ndër tjerash.

Shihet që Keijsi ka qenë në nervoz e sipër dhe nuk i ka menduar pasojat për këtë.

Por, a do të ketë një zarf të zi për këtë si një lloj ndëshkimi? Mbetet për t'u parë në vazhdim. /Telegrafi/