Presidenti i SHBA-së, Donald Trump, ka njoftuar se forcat amerikane do të fillojnë operacione tokësore në Meksikë për të luftuar kartelet e drogës, pas disa muajsh sulmesh detare në Paqësorin lindor dhe Karaibe.

Në një intervistë për Fox News me Sean Hannity, Trump tha: “Tani do të fillojmë të godasim terrenin në lidhje me kartelet. Kartelet po e drejtojnë Meksikën”.

Pavarësisht deklaratës, Trump nuk dha detaje të tjera për kohën ose natyrën e operacioneve të ardhshme.

Deklarata vjen pas kapjes së të shtunës nga forcat Delta të Nicolas Maduro të Venezuelës në një kompleks ku ai po strehohej në Karakas, kulminacioni i një fushate të zgjatur ushtarake dhe ekonomike amerikane kundër qeverisë së tij.

Maduro tani përballet me akuza për trafik droge në New York.

Sulmet amerikane ndaj narko-anijeve kanë rezultuar në vdekjen e më shumë se 100 personave që nga shtatori, sipas zyrtarëve amerikanë.

Trump gjithashtu ka zbuluar së fundmi se forcat amerikane goditën një strukturë ankorimi për anije të tilla në Venezuelë.

Fushata detare ka synuar anije të dyshuara për kontrabandë kokaine dhe fentanili në ujërat ndërkombëtare dhe pranë bregdetit të Venezuelës.

Trump i ka përshkruar operacionet si zbatim të një bllokade ndaj trafikut të drogës.

Sulmet tokësore ndaj karteleve në Meksikë do të përfaqësonin një zgjerim të konsiderueshëm të përfshirjes ushtarake amerikane në rajon.

Dy organizatat kriminale më të fuqishme të Meksikës, Karteli Sinaloa dhe Karteli i Gjeneratës së Re Jalisco, kontrollojnë territore të gjera dhe janë përfshirë në një konkurrencë të dhunshme që vrau më shumë se 30 mijë njerëz vitin e kaluar.

Trump i caktoi gjashtë kartele meksikane si organizata terroriste të huaja në shkurt të vitit 2025, një veprim që Meksika e dënoi si kërcënim për sovranitetin e saj dhe potencialisht justifikonte ndërhyrjen ushtarake.

Presidentja meksikane Claudia Sheinbaum ka propozuar reforma kushtetuese për të forcuar mbrojtjen kundër operacioneve të huaja të paautorizuara dhe ka hedhur poshtë vazhdimisht çdo prani ushtarake amerikane në tokën meksikane.

Mbetet e paqartë nëse Trump do të kërkojë autorizim nga Kongresi për sulme në Meksikë.

Kushtetuta amerikane i jep Kongresit autoritetin për të shpallur luftë, megjithëse presidentët historikisht kanë nisur operacione ushtarake pa deklarata zyrtare.

Sinjali – aty ku e vërteta flet para lajmit

/GazetaSinjali/

---

The post Trump njofton se do fillojnë operacione tokësore në Meksikë për të luftuar kartelet e drogës appeared first on Sinjali.

Nënkryetarja e Lidhjes Demokratike të Kosovës, Hykmete Bajrami, ka falënderuar votuesit e kësaj partie, por ndër të tjera ajo ka shkruar edhe për rezultatin e partisë në zgjedhjet e 28 dhjetorit.

“Votat për mua nuk janë vetëm shifër, për mua janë mirënjohje e thellë për punën që kam bërë gjatë këtyre viteve, por mbi të gjitha janë përgjegjësi e madhe që më shtyn të vazhdoj me të njëjtin përkushtim, ndershmëri dhe guxim”, shkruajti Bajrami.

Ajo tha se e bënë të qartë se dorëzimi i LDK-së nuk është opsion, pavarësisht rezultatit dhe pavarësisht rrethanave.

“Nuk ka rrugë tjetër përveç ringritjes dhe rikthimit të LDK-së, duke vendosur gjithmonë LDK-në para individit dhe Kosovën para çdo partie”, theksoi Bajrami.

Sinjali – aty ku e vërteta flet para lajmit

/GazetaSinjali/

The post Bajrami: Nuk ka rrugë tjetër përveç ringritjes dhe rikthimit të LDK-së appeared first on Sinjali.

Në ditën e katërt nga moti i keq, janë 1 mijë e 587 banesa dhe 13 mijë e 211 hektarë tokë të përmbytura.

Bilanci u shpall në mbledhjen e këshillit të Emergjencave Civile të cilin e drejtori kryeministri Rama. Për situatën e krijuar janë vënë në dispozicion 50 milionë euro, dhe sipas kreut të ekzekutivit, do dëmshpërblehen banorët e prekur.

Ndërkohë sot është shfaqur që përmirësim i situatës në disa zona, ku ka nisur tërheqja e ujit.

Në Durrës vijon të mbetet problematike, edhe pse në disa zona ka shenja të përmirësimit. Në Durrësin e Ri (ish-Kënetë), strukturat e emergjencave dhe grupet e shërbimit ndodhen në terren, ku po punohet për normalizimin e plotë të situatës. Paralelisht, vijojnë verifikimet dhe vlerësimet në banesat e përmbytura, ku deri më tani janë konstatuar 2 380 banesa të prekura nga uji. Në qytetin e Durrësit, situata është ende e ndjeshme. Aktualisht janë 356 persona të evakuuar, prej të cilëve 123 janë akomoduar në hotele, ndërsa 304 të tjerë janë strehuar në dy konvaleshencat e ministrive të Brendshme dhe të Mbrojtjes.

Në Sukth, situata paraqitet disi më e lehtësuar. Në zonën e Vadardhës, uji ka nisur të tërhiqet, megjithatë autoritetet mbeten në gatishmëri për shkak të pasojave të shumta të përmbytjeve. Në këtë zonë janë evakuuar 322 persona, nga të cilët 76 janë strehuar në hotele, ndërsa 246 pranë familjarëve.

Prurjet e lumit Vjosa kanë shënuar rënie gjatë natës. Aktualisht, prurjet e ujit janë ulur dhe niveli i ujit te Ura e Mifolit është 8.4 metra, duke bërë që uji të tërhiqet gradualisht nga zonat e përmbytura. Megjithatë, situata mbetet problematike në zonën e Bishanit, ku nënkalimi vijon të jetë i mbuluar nga rreth 2 metra ujë, duke e bërë të pamundur qarkullimin e automjeteve.

Situata hidrometeorologjike në qarkun e Fierit paraqitet më e qëndrueshme, ndërsa autoritetet raportojnë për ulje të niveleve të lumenjve dhe funksionim normal të infrastrukturës kryesore.

Situata në qarkun e Korçës vijon të jetë problematike në disa zona, si pasojë e reshjeve të shiut, borës dhe temperaturave të ulëta.

Problematika janë evidentuar në disa zona të bashkisë Gramsh, ku si pasojë e motit të keq dhe temperaturave të ulëta është raportuar ndërprerje e energjisë elektrike dhe bllokim të fshatrave për shkak të dëborës.

Sinjali – aty ku e vërteta flet para lajmit

/GazetaSinjali/

The post Situata në Shqipëri: 1 mijë e 587 banesa dhe 13 mijë e 211 hektarë tokë të përmbytura appeared first on Sinjali.

Gazeta Sinjali mëson ekskluzivisht se Ensar Franca është i dyshuari për sulmin me shufër metalike ndaj S. L, ngjarje kjo që ka ndodhur më 08 janar 2026 në Drenas.

Burime të besueshme nga strukturat e hetimit bëjnë të ditur se konflikti dyshohet të ketë nisur nga një koment në rrjetet sociale, për të eskaluar më pas në dhunë fizike, ku viktima është goditur në pjesën e shpinës.

I dyshuari është arrestuar dhe ndaluar për 48 orë me vendim të Prokurorit kujdestar, ndërsa rasti po hetohet për veprën penale “Sulmi”. Hetimet janë në vazhdim.

Sinjali – aty ku e vërteta flet para lajmit!

/GazetaSinjali/

The post Ekskluzive | Ky është i dyshuari për sulmin me shufër metalike në Drenas appeared first on Sinjali.

Një incident mes një çifti ka ndodhur pasditen e së enjtes në Prishtinë, ku përveç përplasjes verbale e fizike është raportuar edhe dëmtim i pasurisë, mëson ekskluzivisht Gazeta Sinjali.

Rasti ka ndodhur më 08.01.2026, në intervalin kohor 15:30–18:00, në rrugën “Epiri”, në afërsi të një lokali nate në kryeqytet. Sipas informatave, policia është njoftuar rreth orës 18:00 për një mosmarrëveshje mes një çifti, çka ka bërë që njësitë relevante policore të dalin në vendin e ngjarjes.

Në vendngjarje janë hasur dy të dyshuarit: F.P. rreth 32 vjeç, B. K. rreth 26 vjeç.

Burimet bëjnë të ditur se gjatë incidentit, të dyshuarës i është dëmtuar një telefon celular, ndërsa ka pasur edhe lëndim të lehtë trupor si pasojë e konfliktit mes palëve.

Pas ofrimit të ndihmës së parë mjekësore në vendin e ngjarjes nga Njësiti Ambulatore i QKUK-së, të dyshuarit janë shoqëruar në stacion policor për intervistim.

Në konsultim me prokurorin kompetent, hetuesi kujdestar për rastet e dhunës në familje ka iniciuar procedurë penale: F. P dyshohet për veprën penale “Asgjësimi apo dëmtimi i pasurisë”, ndërsa B.  për veprën penale “Lëndim i lehtë trupor”.

Rasti do të trajtohet në procedurë të rregullt, ndërsa hetimet lidhur me rrethanat e plota të incidentit janë në vazhdim.

Gazeta Sinjali do të raportojë për çdo zhvillim të ri lidhur me këtë rast.

Sinjali – aty ku e vërteta flet para lajmit!

/GazetaSinjali/

The post Përleshje mes çiftit në Prishtinë- gruas i dëmtohet telefoni, burri pëson lëndim trupor appeared first on Sinjali.

Real Madridi ka ndërmend të përforcojë mesfushën e tij me një transferim të ri gjatë verës, duke synuar që të mbushë boshllëkun e lënë nga largimi i Toni Kroos dhe Luka Modric.

Gjatë muajve të fundit, janë vlerësuar disa opsione dhe një prej emrave që ka tërhequr vëmendjen është Adam Wharton.

Zyrtarët e klubit madrilen kanë filluar ta monitorojnë 21-vjeçarin që nga fillimi i vitit të kaluar, dhe ai konsiderohet një target i përshtatshëm për politikën e transferimeve të Real Madridit.

Nëse Wharton transferohet në Santiago Bernabeu, ai mund të bëhet pjesë integrale e mesfushës së Realit, duke formuar një dyshim të fortë me bashkëkombasin e tij Jude Bellingham, si dhe me lojtarë të tjerë të rëndësishëm si Aurelien Tchouameni, Eduardo Camavinga, Fede Valverde, dhe Arda Guler.

Gjithashtu, Manchester City, Liverpool, Manchester United dhe Chelsea janë gjithashtu të interesuara për të sjellë Whartonin në ekipin e tyre gjatë verës. Sipas raportimeve nga Diario AS, edhe Real Madridi është një nga klubet që po garon për të siguruar shërbimet e tij.

Klubet madrilene i është ofruar mundësia për të realizuar marrëveshjen, me Crystal Palace që kërkon të paktën 70 milionë euro, ndërsa vetë lojtari do të kërkonte një pagë “galaktike”.

Wharton nuk është një organizator i pastër loje si Vitinha apo Pedri, mesfushorë që Real Madridi i vlerëson, por drejtuesit e klubit e konsiderojnë atë si një përputhje të mirë për skuadrën e Xabi Alonsos.

Ai shihet si një mesfushor hibrid, taktikisht shumë i disiplinuar, me ndikim të madh në lojë falë inteligjencës së tij, ndërsa pjekuria që tregon në moshën 21-vjeçare vlerësohet veçanërisht.

Do të jetë interesante të shihet nëse Real Madridi do ta rrisë interesimin për Ëhartonin gjatë muajve në vijim. Shuma prej 70 milionë eurosh do të ishte një çmim shumë i arsyeshëm për një lojtar që ka potencialin të bëhet një nga mesfushorët më të mirë në botë në vitet e ardhshme.

Sinjali – aty ku e vërteta flet para lajmit!

/GazetaSinjali/

The post A është Real Madrid i gatshëm ta transferojë superyllin anglez për 70 milionë euro? appeared first on Sinjali.

Qendra Kombëtare për Menaxhimin e Kufirit ka përditësuar informacionet mbi situatën e pritjeve në pikat kufitare të Kosovës.

Sipas të dhënave të fundit, mërgimtarët që po kthehen në vendet ku jetojnë dhe veprojnë.

Aktualisht qytetarët po presin deri në 90 minuta në pikën e kalimit të Jarinjes, në Merdarë deri në 1 orë si dhe te Dheu i Bardhë pritjet janë deri në 40 minuta.

Ndërkohë, pritjet te pikat tjera kufitare vazhdojnë të jenë më të shkurtra, deri në 5 minuta.

Gjersa sa i përket pritjeve për hyrje në Kosovë, pritjet janë nga 1 deri në 10 minuta.

Sinjali – aty ku e vërteta flet para lajmit!

/GazetaSinjali/

The post Kolona të gjata në kufi për të dalë nga Kosova, pritje deri në 90 minuta appeared first on Sinjali.

Kompania Rajonale e Ujësjellësit “Mitrovica”, ka njoftuar qytetarët se ka rifilluar operimin në Impiantet e Trajtimit të Ujit, pas krijimit të kushteve të nevojshme për funksionim.

Kompania bëri të ditur për qytetarët se uji nuk është i pijshëm

“Megjithatë, deri në njoftimin e radhës, REKOMANDOHET që uji të mos përdoret për pije, por vetëm për nevoja higjienike dhe sanitare”, thuhet në postimin e Kompanisë Rajonale të Ujësjellësit “Mitrovica”.

Sinjali – aty ku e vërteta flet para lajmit!

/GazetaSinjali/

The post Paralajmërohen qytetarët e Mitrovicës: Uji të mos përdoret për pije appeared first on Sinjali.

Prej tre ditësh, në shumë zona Shqipëria vijon të jetë e përmbytur për shkak të reshjeve të dendura të shiut, duke shkaktuar dëme të konsiderueshme.

Sipas Ministrisë së Mbrojtjes situata më problematike paraqitet në qarqet Shkodër, Lezhë, Durrës, Fier, Berat dhe Gjirokastër, ndërsa në qarqe të tjera situata është nën monitorim ose pa rrezik.

Në disa zona të Elbasanit si dhe në veri, shiu i ka lënë reshje dëborës, e cila ka shkaktuar vështirësi në qarkullim në shumë akse.

Në Vlorë, niveli i Vjosës në Novoselë ka kaluar mbi 8 metra, janë evakuuar 13 familje pranë Urës së Mifolit dhe në Novoselë.
Në Shkodër ka rritje të nivelit të ujit në fshatin Obot, me rreth 60 cm ujë mbi rrugën kryesore. Qarkullimi bëhet vetëm për mjete të tonazhit të lartë. Ka rritje të sipërfaqeve të tokave bujqësore nën ujë. 15 banesa janë të rrethuara nga uji në Vaun e Dejës. Në bashkinë Fushë-Arrëz janë evidentuar shkarje dherash dhe rënie gurësh, prezencë e shtuar e ujit në rrugët autorurale, që kanë shkaktuar dëmtime.

Në Lezhë rreth 3000 ha tokë bujqësore janë nën ujë. Është bërë evakuimi i dy familjeve, rreth 100 banesa janë të rrethuara nga uji, kryesisht në njësitë administrative Dajç, Babullojë, Balldren dhe Shënkoll, rrëshqitje dherash në fshatrat Torovicë dhe Tresh dhe po punohet për mbylljen e çarjes së argjinaturës në lumin Droje, fshati Dukagjin.

Në Durrës, një nga zonat më të prekura, po punohet për heqjen e ujit nga rreth 800 banesa dhe objekte, veçanërisht në zonën e burgut, ish- Kënetës, Shkozet dhe Nishtullë. Në terren ndodhen ekipe të vlerësimit të dëmeve që po vazhdojnë evidentimin dhe dokumentimin e rasteve: 250 persona janë të strehuar në Shtëpinë e Pushimit të FA, Durrës dhe 55 persona janë strehuar në Kovalishencën e Ministrisë së Brendshme. Lumenjtë Erzen dhe Ishëm, si dhe kanali i Tones janë në kuota maksimale; disa rrugë të qytetit mbeten të bllokuara, për shkak të pranisë së lartë të ujit.

Në Krujë si pasojë e çarjes së argjinaturës së lumit Droje ka vërshime uji në dy fshatrat: Dukagjin i Ri dhe Miliska. Në fshatin Miliska uji ka hyrë në banesa, ku janë prekur 50 familje. Në terren ndodhen ekipe të Bordit të Kullimit Durrës, për përballimin e situatës.

Në Shijak ka prani uji në 15 banesa. Situata problematike veçanërisht në njësitë administrative Xhafzotaj, Maminas dhe Gjepalaj.

Në Gjirokastër, si pasojë e reshjeve të dendura ka rrëshqitje dherash në aksin Tepelenë-Gjirokastër, ku qarkullimi është i kufizuar; po punohet për rikthimin e energjisë në disa zona malore; ka nivele të larta të lumit Vjosë në Memaliaj dhe Përmet.

Po ashtu, ka rritje të niveleve të lumenjve në Rrogozhinë dhe Kavajë, por pa rrezik të menjëhershëm për zonat e banuara.

Në Korçë ka disa rrugë të pakalueshme në Devoll si dhe janë evidentuar rrëshqitje dherash dhe bllokime rrugore në Pogradec dhe Prrenjas. Në Maliq ka sipërfaqe të tokave bujqësore nën ujë.

Rreth 95 ha tokë bujqësore nën ujë në Berat. Ëshë evidentuar rritje e nivelit të lumit Osum. Në lagjen 22 Tetori dhe Goricë, janë marrë masa për sigurimin e bizneseve dhe punohet për largimin e ujit nga pedonalja me pompa thithëse, shkruan TopChannel.

Rreth 200 ha tokë bujqësore e përmbytur në Fier. Ka prezencë uji në 27 banesa në disa fshatra; në qarqet e tjera nuk paraqiten problematika serioze.

Sinjali – aty ku e vërteta flet para lajmit!

/GazetaSinjali/

The post Përmbytjet në Shqipëri shkaktojnë dëme katastrofike në qytete dhe fshatra! appeared first on Sinjali.

Një tjetër ambient i përshtatur për kultivimin e bimëve narkotike me llamba është zbuluar në Shkodër, duke çuar në finalizimin e operacionit policor të koduar “Neonët 6”.

Numri i rasteve të goditura në kuadër të operacionit të gjerë “Neonët” shkon në 10 e që synon goditjen e kultivimit të kanabisit në ambiente të mbyllura.

Sipas policisë dy persona janë shpallur në kërkim, njëri prej tyre 35 vjeç, banues në Shkodër, si dhe një 16-vjeçar.

Të dy të dyshuar se kishin përshtatur një banesë në lagjen “Ndoc Mazi” për kultivimin e bimëve narkotike, duke përdorur pajisje elektrike të furnizuara me lidhje të paligjshme të energjisë.

“Gjithashtu, u referuan materialet në Prokurori ku nisi procedimi penal për shtetasit: B.C., 33 vjeç dhe G.A., 63 vjeç, të dy banues në Shkodër, punonjës të OSHEE-së, për veprën penale “Shpërdorimi i detyrës”, kryer në bashkëpunim; E. H., 22 vjeçe, banuese në Pukë, për veprën penale “Moskallëzimi i krimit”, thuhet në njoftimin e Policisë së Shtetit.

Gjatë kontrollit, policia ka sekuestruar 60 bimë të dyshuara narkotike kanabis, 57 pajisje të ndryshme elektrike si dhe 4 celularë.

Ndërkohë, nga kontrolli në banesën e një 49-vjeçari, ngjitur me ambientin e kultivimit dhe i ndaluar më herët për vepra të tjera penale, u sekuestruan një pistoletë sportive pneumatike pa numër, municion luftarak dhe një automjet.

Sinjali – aty ku e vërteta flet para lajmit!

/GazetaSinjali/

The post Policia zbulon një tjetër ambient kanabisi në Shkodër, 60 bimë të sekuestruara appeared first on Sinjali.

Presidenti amerikan, Donald Trump, ka njoftuar tërheqjen e Shteteve të Bashkuara nga 66 organizata ndërkombëtare të identifikuara si pjesë e shqyrtimit të Administratës Trump të organizatave ndërkombëtare të dëmshme, joefektive dhe shpërdoruese.

Shqyrtimi i organizatave të tjera ndërkombëtare në përputhje me Urdhrin Ekzekutiv 14199 mbetet në vazhdim, thuhet një njoftimin e Departamentit Amerikan të Shtetit.

Ne mesin e tyre janë Komisioni i Venecias i Këshillit të Evropës, Mekanizmi Ndërkombëtar për Tribunale Penale (pasardhësi i Tribunalit Penal Ndërkombëtar për ish-Jugosllavinë), UN Women, e Këshilli për Bashkëpunim Rajonal.

Në këtë të fundit, Kosova bën pjesë, së bashku me vendet e tjera të Ballkanit Perëndimor dhe kjo organizatë synon forcimin e bashkëpunimit politik, ekonomik dhe shoqëror në Ballkanin Perëndimor dhe Evropën Juglindore dhe synon afrimin e rajonit me Bashkimin Evropian.

Në Komisionin e Venecias, që është trup këshillues për çështje kushtetuese dhe jep rekomandime për parlamentet dhe qeveritë, SHBA-ja ishte vëzhguese e jo anëtare.

Sekretari amerikan i Shtetit, Marco Rubio, tha se rishikimi i organizatave të tjera ndërkombëtare mbetet në vazhdim, e që këto tërheqje mbajnë një premtim kyç që Trump u bëri amerikanëve “ne do të ndalojmë subvencionimin e burokratëve globalistë që veprojnë kundër interesave tona. Administrata Trump do ta vërë gjithmonë Amerikën dhe amerikanët në radhë të parë”.

Today, President Trump announced the U.S. is leaving 66 anti-American, useless, or wasteful international organizations. Review of additional international organizations remains ongoing.

These withdrawals keep a key promise President Trump made to Americans – we will stop…

— Secretary Marco Rubio (@SecRubio) January 8, 2026

Sinjali – aty ku e vërteta flet para lajmit!

/GazetaSinjali/

The post SHBA-të largohen nga 66 organizata ndërkombëtare appeared first on Sinjali.

Pjesë të ndryshme të Europës përballen me një mot të keq, që e largoi shumë shpejt harenë e festave.

Në ditën e ujit të bekuar, furia e natyrës u përplas fort mbi pellgun e Ballkanit dhe reshje të dendura shiu e bore, ndërprerjeje të energjisë elektrike dhe një viktimë në Bosnje, një grua që humbi jetën mes stuhisë. Pasi pothuajse 40 centimetra borë ranë në kryeqytetin Sarajevë, gruaja në fjalë dha shpirt në spital pasi u godit nga një pemë që u rrëzua nën peshën e borës. Reshjet e dendura të dëborës paralizuan një pjesë të lëvizjes në Holandë.

Aeroporti i Schipholit në Amsterdam raportoi anullimin e rreth 600 fluturimeve, ndërsa ekipet kanë punuar pa reshtur për të pastruar pistat dhe për të shkrirë akullin nga avionët që prisnin të niseshin. Më shumë borë parashikohej për pjesën tjetër të javës. Bilancin më të rëndë të viktimave e shënon sakaq Franca, me pesë të vdekur. Me të ftohtin që i bëri rrugët tepër të rrezikshme, tre persona humbën jetën në aksidente të lidhura me akullin e zi në jugperëndim të vendit, ndërsa një shofer taksie vdiq në spital pasi automjeti i tij doli nga rruga dhe ra në lumë, në rajonin e Parisit.

Në Romë, javë të tëra reshjesh shiu kanë rritur nivelin e lumit Tiber që ka dalë sërish nga shtrati, duke zbehur kremtimet e Papa Leonit XIV. Sheshi i Shën Pjetrit ishte vetëm pjesërisht i mbushur me njerëz të martën, të mbledhur aty me cadra  për të dëgjuar Atinj e Shenjtë teksa jepte bekimin e Epifanisë. Roma është përballur me reshje të vazhdueshme shiu që para Krishtlindjeve cka nxiti kryetarin e bashkisë, Roberto Gualtieri, të nxirrte një urdhër për kufizimin e aksesit publik në parqe dhe zona të tjera në rrezik nga rënia e pemëve dhe përmbytjet. Temperaturat kanë rënë ndjeshëm edhe në Mbretërinë e Bashkuar; në zonat veriore të saj termometri ka shënuar minus 12.5 gradë Celsius, ndërsa bora ndërpreu udhëtimet hekurudhore, rrugore dhe ajrore dhe mbylli qindra shkolla, shkruan TopChannel.

Shiu dhe bora kanë vazhduar po ashtu të mbjellin kaos në Ballkan; në Serbi, disa komuna perëndimore vendosën masa të jashtëzakonshme për shkak të motit të keq, ndërsa erërat e forta dhe deti i trazuar  goditën vijën bregdetare të Adriatikut në Kroaci dhe Mal të Zi.

Sinjali – aty ku e vërteta flet para lajmit!

/GazetaSinjali/

The post Evropa në kaos: Stuhi, viktima dhe dëmtime të rënda nga moti i ligë appeared first on Sinjali.

Reshjet e shumta që kanë rënë në Kosovë gjatë ditëve të fundit kanë shkaktuar vështirësi të mëdha, duke bllokuar rrugë, përmbytur zona të ndryshme dhe duke rritur rrezikun për qytetarët.

Reshjet e dendura të shiut kanë krijuar vështirësi të mëdha për disa familje në komunën e Rahovecit, të cilat kanë mbetur të bllokuara brenda shtëpive të tyre.

“Bashkë me trupat e Forcës së Sigurisë së Kosovës (FSK), sot u realizua evakuimi i dy familjeve në fshatin Xërxë, duke siguruar daljen e tyre të sigurt nga zonat e rrezikuara“, njofton komuna e Rahovecit.

Për t’u siguruar që qytetarët e evakuar të kenë kujdes shëndetësor, stafi i Qendrës për Kujdesin Mjekësor Familjar në Rahovec ka ofruar ndihmën e parë mjekësore, ndërsa ata janë dërguar për trajtim të mëtejshëm në spital.

Sinjali – aty ku e vërteta flet para lajmit!

/GazetaSinjali/

The post FSK ndihmon në evakuimin e familjeve në Rahovec pas reshjeve të dendura appeared first on Sinjali.

Komisioni Qendror i Zgjedhjeve në po vazhdon të përditësoj të dhënat e votimit me postë, e që deri më tani janë numëruar mbi 80% e tyre.

Në bazë të të dhënave Lëvizja Vetëvendosje po prin me 73.37% apo me 25 mijë e 424 vota, e pasuar nga Lidhja Demokratike e Kosovës me 10.07% apo 3 mijë e 490 vota.

E treta është Partia Demokratike e Kosovës me 8.79% apo 3 mijë e 47 vota, gjersa Aleanca për Ardhmërinë e Kosovës ka 3.95% apo 1 mijë e 368 vota.

Sinjali – aty ku e vërteta flet para lajmit!

/GazetaSinjali/

The post Numërohen mbi 80% e votave me postë, ja se cila parti po prin appeared first on Sinjali.

Policia e Shqipërisë ka arrestuar shtetasin K. K., 48 vjeç, i cili ishte shpallur në kërkim për kultivimin e bimëve narkotike.

“Në vitin 2023, kultivoi në një ambient të mbyllur (magazinë), në fshatin Marikaj, rreth 2000 bimë dhe fidanë narkotikë, kapet 48-vjeçari.

Si rezultat i kontrolleve të mbështetura te puna informative, për përcaktimin e vendndodhjes së shtetasve në kërkim dhe për kapjen e tyre, shërbimet e komisariateve të Policisë Nr. 3 dhe Nr. 7 finalizuan operacionin “Lokacioni”, gjatë të cilit u kap dhe u vu në pranga shtetasi K. K., 48 vjeç”, thuhet në njoftimin e Policisë së Shtetit.

Thuhet se për këto veprime penale, ai do të vuajë një dënim prej 2 vjetësh, 2 muajsh dhe 17 ditësh burgim, për veprat penale “Kultivimi i bimëve narkotike” dhe “Vjedhja e energjisë elektrike”.

“Në vitin 2023, në fshatin Marikaj, në një ambient të mbyllur (magazinë), ai kultivoi 1035 bimë narkotike, në vazo, dhe 907 fidanë narkotikë, në kubikë, duke shfrytëzuar lidhje të paligjshme të energjisë elektrike”, njofton tutje policia shqiptare.

Materialet për këtë rast janë dorëzuar në Prokurorinë e Tiranës për hetime të mëtejshme.

Sinjali – aty ku e vërteta flet para lajmit!

/GazetaSinjali/

The post Kultivoi 2 mijë bimë narkotike, policia arreston 48-vjeçarin në Tiranë appeared first on Sinjali.

Qendra Kombëtare për Menaxhimin e Kufirit ka përditësuar informacionet mbi situatën e pritjeve në pikat kufitare të Kosovës.

Sipas të dhënave të fundit, mërgimtarët që po kthehen në vendet ku jetojnë dhe punojnë, e që aktualisht po presin deri në 30 minuta në pikën e kalimit të Merdarës.

Ndërkohë, pritjet në Dheu i Bardhë vazhdojnë të jenë më të shkurtra, deri në 15 minuta.

Gjersa sa i përket pritjeve për hyrje në Kosovë, pritjet janë nga 1 deri në 5 minuta.

Sinjali – aty ku e vërteta flet para lajmit!

/GazetaSinjali/

The post Përditësimi i fundit, pritje deri në 30 minuta për të dalë nga Kosova appeared first on Sinjali.

Kryeministrja italiane, Giorgia Meloni, u ka bërë të qartë partnerëve të saj evropianë dhe amerikanë se Italia nuk do të dërgojë trupa në Ukrainë si pjesë e garancive të sigurisë që do të ofrohen në të ardhmen.

Meloni mori pjesë në takimin e zhvilluar në Paris, i cili ishte i përqendruar në nismat negociuese për përmbylljen e garancive të sigurisë për Ukrainën.

Sipas qeverisë italiane, këto garanci janë “të frymëzuara nga Neni 5 i Aleancës Atlantike, siç është sugjeruar prej kohësh nga Italia”. Ato pritet të bëhen pjesë e një pakete më të gjerë marrëveshjesh që do të miratohen në bashkëpunim të ngushtë me Shtetet e Bashkuara të Amerikës. “Përfshirë përmes një mekanizmi efektiv dhe të strukturuar mirë për të monitoruar armëpushimin e shpresuar dhe për të forcuar ushtrinë ukrainase”, tha qeveria italiane.

“Duke konfirmuar mbështetjen e Italisë për sigurinë e Ukrainës, në përputhje me atë që është bërë vazhdimisht, kryeministrja Meloni përsëriti një numër pikash të fiksuara të qëndrimit të qeverisë italiane mbi çështjen e garancive, në veçanti përjashtimin e trupave italiane që do të vendosen në terren”.

Deklarata gjithashtu vuri në dukje se pjesëmarrja e vendeve të koalicionit në forcat shumëkombëshe do të jetë vullnetare, dhe se çdo vendim për mbështetjen e Ukrainës në rast të një sulmi të ri, duhet të merret në përputhje me procedurat kushtetuese kombëtare.

Sinjali – aty ku e vërteta flet para lajmit!

/GazetaSinjali/

The post Meloni thotë se Italia nuk do të dërgojë trupa në Ukrainë si pjesë e garancive të sigurisë appeared first on Sinjali.

Rreth 100 fluturime u anuluan këtë mëngjes në aeroportet kryesore të Parisit, “Roissy Charles-de-Gaulle” dhe “Orly”, për shkak të borës së dendur, njoftoi ministri francez i Transportit, Philippe Tabarot.

Anulimet ishin të parashikuara një ditë më parë.

Ministri i bëri thirrje qytetarëve për “vigjilencë” në të gjithë vendin gjatë një intervistë për kanalin televiziv privat “CNews”.

Bora dhe akulli përfshinë Francën veriore dhe perëndimore këtë mëngjes, një fenomen që është konsideruar “i pazakontë për klimën aktuale”, sipas “Meteo-France”, përcjell Sinjali.

Ky mot i keq pritet të shkaktojë kufizime të konsiderueshme në rrugë dhe fluturime.

Sinjali – aty ku e vërteta flet para lajmit!

/GazetaSinjali/

The post Anulohen rreth 100 fluturime në Paris, shkak bora e dendur appeared first on Sinjali.

Futbolli është duke pritur një moment të papritur pas njoftimit se Al Hilal ka rinisur interesin për të nënshkruar me Raphinha. Drejtuesit e klubit saudit kanë shfrytëzuar bisedimet e fundit për huazimin e Joao Cancelos për të propozuar një ofertë të jashtëzakonshme.

Propozimi nga gjiganti i Superligës së Arabisë Saudite arrin në një vlerë prej 100 milionë euro, që ndahet në 80 milionë euro të garantuara dhe 20 milionë euro shtesë në formë bonusi.

Ky veprim ka për qëllim të mbushë boshllëkun e lënë nga Neymar Jr dhe të forcojë ekipin e Simone Inzaghit si dominuesin kryesor të futbollit aziatik. Nga ana tjetër, Barcelona është duke monitoruar me vëmendje një ofertë që, për shkak të madhësisë së saj financiare, do të ishte pothuajse e pamundur të përballohej në tregun aktual evropian.

Projekti sportiv i klubit me seli në Riad nuk po kursen asnjë shpenzim për të bindur sulmuesin anësor që të transferohet në shkretëtirë. Al Hilal dëshiron që sulmuesi 29-vjeçar të bëhet ikona e re e skuadrës së tyre, pas performancës zhgënjyese të nënshkrimit të tyre të mëparshëm brazilian me para të mëdha.

Përfaqësuesit sauditë kanë hartuar një kontratë stratosferike që do të tejkalonte çdo pritshmëri për pagën, duke kërkuar ta joshin lojtarin me një projekt fitues dhe financiarisht të pamposhtur.

Pavarësisht refuzimit fillestar të Joan Laportës verën e kaluar, këmbëngulja e klubit saudit tregon se paratë nuk janë pengesë. Inzaghi e ka miratuar personalisht këtë transferim, duke e parë brazilianin si lojtarin ideal për të rritur nivelin konkurrues të sistemit të tij.

Koha e Raphinhas te Barcelona është në kulmin e saj, duke u bërë një lider i padiskutueshëm për Hansi Flick. Trajneri gjerman ka deklaruar vazhdimisht se e konsideron lojtarin brazilian të domosdoshëm, si për ritmin e tij të punës në mbrojtje, ashtu edhe për aftësitë e tij sulmuese, shkruan El Nacional.

Megjithatë, Al Hilal është i bindur se shifra prej 100 milionë eurosh do ta bëjë bordin e Barcelonës, i cili ka nevojë për të ardhura, ta rishqyrtojë vendimin, transmeton Sinjali.

Lojtari i ka sytë nga Kupa e Botës 2026, ku aspiron të jetë titullar i rregullt për trajnerin e ekipit të tij kombëtar dhe të shkëlqejë në turne. Edhe pse dëshira e tij fillestare ishte gjithmonë të kishte sukses te Barcelona, ekziston një marrëveshje zotërinjsh me drejtorin sportiv që mund të ndryshojë rrënjësisht gjithçka.

Sinjali – aty ku e vërteta flet para lajmit!

/GazetaSinjali/

The post Al Hilal ofron një shumë marramendëse për Raphinhan appeared first on Sinjali.

Presidenti Volodymyr Zelenskiy zëvendësoi kreun e agjencisë së tij të fuqishme të sigurisë të hënën, duke vazhduar me një riorganizim të zyrtarëve të lartë.

Një veprim i tillë vjen ndërsa lufta e Rusisë në Ukrainë i afrohet katërvjeçarit, pa asnjë fund në horizont, pavarësisht diplomacisë intensive.

Shkarkimi i Vasyl Maliuk, i cili mbikëqyri një seri vrasjesh dhe një operacion të papritur me emrin e koduar “Rrjeti i Merimangës” që shkatërroi fluturaket luftarake ruse, trondit udhëheqjen e një agjencie të madhe sigurie në zemër të luftës së Ukrainës.

Zelenskiy emëroi Gjeneral Major Yevhenii Khmara si kreun në detyrë të Shërbimit të Sigurisë së Ukrainës (SBU), të cilin Maliuk e kishte drejtuar që nga viti 2022.

Agjencia e përshkroi Khmara si një komandant me përvojë i cili kishte shërbyer në njësinë elitare luftarake Alfa që nga viti 2011 dhe e kishte udhëhequr atë që nga viti 2023.

Zelenskiy tha në X se i kishte kërkuar Maliuk të përqendrohej në operacionet luftarake, duke shtuar: “Duhet të ketë më shumë operacione asimetrike ukrainase kundër pushtuesit dhe shtetit rus, dhe rezultate më të forta në eliminimin e armikut”.

Zelenskiy javën e kaluar emëroi shefin e spiunazhit ushtarak Kyrylo Budanov si shefin e tij të stafit për të zëvendësuar Andriy Yermak, i cili u shkarkua në nëntor për shkak të një skandali korrupsioni, por mohoi shkeljet.

Ministrat e rinj të mbrojtjes dhe energjisë do të emërohen gjithashtu në një riorganizim që ishte pezulluar gjatë negociatave për një marrëveshje të mundshme paqeje që nuk dha asnjë shenjë të një përparimi, shkruan Abcnews.al.

Rusia, e cila pushtoi Ukrainën në shkurt të vitit 2022, mban rreth një të pestën e territorit ukrainas, përfshirë Krimenë, të cilën e pushtoi në vitin 2014. Kievi thotë se përparimet kanë sjellë humbje të mëdha për Rusinë. Zelensky ka emëruar gjithashtu Zëvendësministrin e Parë të Jashtëm Serhiy Kyslytsia si zëvendës të parë të Budanov, duke sjellë një anëtar të ekipit negociator të Ukrainës në administratën e tij.

Sinjali – aty ku e vërteta flet para lajmit!

/GazetaSinjali/

The post Zelenskiy shkarkon kreun e Shërbimit të Sigurisë, Khmara drejtues i përkohshëm i SBU-së appeared first on Sinjali.