Ish trajneri i kombëtares, Gianni de Biasi thotë se është kontaktuar nga 3 kombëtare europiane.

Në një intervistë për emisionin “Real Story” në ABC News, de Biasi u shpreh se do të ishte katastrofë nëse Italia nuk do ia dilte sërish të kualifikohej për në Botërorin 2026.

Ndër të tjera, de Biasi pati edhe një këshillë për trajnerin aktual të kuqezinjve, Sylvinho, lidhur me ndeshjet e play off.

Sokol Balla: Do ishit i hapur për një ofertë për të stërvitur një skuadër qoftë edhe klubesh apo një përfaqësuese?

Gianni de Biasi: Unë jam kontaktuar në mars për të marr një klub të madh në Serinë B në Itali, bëhej fjalë për Palermon, fituan dy ndeshjet e radhës dhe nuk më morën më. Më kërkuan të drejtoj Persepolis në Iran, por të shkosh në Iran është njëlloj si të rrezikosh kockat. Kam mundësinë për të bërë zgjedhje, nëse gjej opsionin që më pëlqen, që jam brenda me 100 % të projektit, por në aspektin fiktiv nuk është se jam i detyruar për të bërë një zgjedhje.

Sokol Balla: Je bërë pak tekanjoz..

Gianni de Biasi: Jo jo, nuk jam i vështirë, jam duke e thënë në një mënyrë pak alegorike, për të treguar si histori. Jam shumë më ndryshe, por në një moment të dytë, vjen dikush ma mbush mendjen me tregon dy tre gjëra, por nëse dicka ma mbush vërtetë zemrën unë shkoj. Ajo që më pëlqen është se kam një dëshirë të çmendur, një pasion të çmendur që të vijoj ta bëj.

Sokol Balla: Çfarë bën Giani De Biasi ndërsa pret telefonatën e artë për t’u rikthyer në futbollin aktiv?

Po kam marrë 3 telefonata në tre javë nga tre kombëtare. Shpresoj që me njërën prej tyre uroj shumë të arrij të konkretizoj diçka. Njëra është shumë e mirë, dy të tjerat janë realitete diskrete.

Europiane, apo ..?

Europiane.

Sokol Balla: Qenka interesante, edhe pse do doja që Italia të skualifikohej se besoj skuadrat ju marrin ju në telefon kur janë në momentin e tyre më të vështirë. Aty vjen De Biasi dhe i shpëton.

Gianni de Biasi: Unë uroj që Italia të shkojë në Botëror, jam italian, jam edhe shqiptar. Por besoj se Italia duhet ta meritojë, edhe nëse nuk shkon është gjithmonë faji jonë.

Sokol Balla: Tre herë rresht do të ishte ..

Gianni de Biasi: Do ishte katastrofë.

Sokol Balla: Me çfarë merreni në kohën tuaj, përvec faktit që duket se mbaheni në formë optimale fizike.

Gianni de Biasi: Në verë shkoj me biçikletë në shtëpinë time që kam në Siçili, kam bërë tre muaj pushime. Gjatë sezonit ndjek fubollin, dhe më pas i dedikohem më shumë dashurive të mia, familjes etj.

Sokol Balla: Ndërkohë vini shumë shpesh në Shqipëri.

Gianni de Biasi: Më ftojnë dhe unë vij. Kur janë evente të tilla si kjo e galasë së futbollit, është gjithmonë kënaqësi. Unë kam shumë miq në Shqipëri, keni një kuzhinë që më pëlqen shumë dhe ndihem mirë.

Sokol Balla: Ka ndonjë projekt në Shqipëri?

Gianni de Biasi: Jo, kam shumë investime imobliare nëpër Europë, ishte diçka interesante për të bërë diçka interesante vite më parë, kur isha këtu trajner por nuk rrezikova. Kam shumë opsione nëpër Europë.

Sokol Balla: Pas asaj që ndodhi në 2016, nisi si një dritare e atyre ditëve dhe përfundoi një libër, që unë e quajta loja që ndryshoi Shqipëri. Ke qenë në përurimin e atij libir. Është gjithmonë dilema, e ndryshoi futbolli Shqipërinë apo ndryshimi i Shqipërisë u shfaq edhe në futboll. Ju çfarë mendoni? Sa realisht e ndryshoi futbolli Shqipërinë?

Gianni de Biasi: Unë mendoj se futbolli i ka dhënë një dorë të madhe Shqipërisë. Në këto terma thelbësore, vetëm fakti për të parë një grup djemsh që nisën një rrugë të gjatë, me  dëshirën, angazhimin dhe impenjim, arritën një objektiv të pabesuar nga shumë njerëz. Por duke punuar shumë me anën  psikologjike, u bindëm dhe bindëm veten që mund t’ia dilnim dhe këtë e përcollëm te të gjithë shqiptarët. Dhe më pas gjëja që pash më pas, nuk është që ne e bëmë këtë më parë dhe ndodhën më pas zhvillimet në Shqipëri. Kur erdha në 2012, rrugët ishin problematike, ndërkaq vjen pas shumë vitesh në Shqipëri dhe sheh një ndryshim radikal, të rrugëve, infrastrukturës, të imazhit. Shqipëria ka bërë hapa gjigandësh, është një interlokutor shumë i rëndësishëm edhe në nivelin ndërkombëtar, për gjitha raportet me vende të ndryshme. Fillimisht me Italinë, por edhe me komunitetin europian.

Sokol Balla: Në fakt lojtarët që luajnë në Serie A, nuk quhen ekstrakomunitarë, pra lojtarët shqiptarë quhen lojtarë komunitarë dhe falë një pasaporte shqiptare, që mori Zhegrova ai sot luan te Juventus dhe kjo është shenjë e progresit. Ndjen dicka që ndoshta mund ta kishe bërë më mirë?

Gianni de Biasi: Unë mendoj që gjithmonë mund të bëhet më mirë, por në momente të vecanta duhet edhe të kënaqesh me atë që ke arritur në jetë. Sepse nëse përballesh me trishtimin nuk shkon mirë. Ajo që bëmë ne ishte dicka e jashtëzakonshme, por mund të bënim edhe dicka më shumë, por nuk duhet që të mos kënaqemi me këtë që kemi arritur.

Sokol Balla: Për ta mbyllur, një këshillë për Sylvinho për ato dy ndeshje të marsit

Gianni de Biasi: Luaj siç luajte me Serbinë dhe mos e vrit mendjen fare, luaj siç luajte me Serbinë!/abcnews.al

Ish trajneri i kombëtares shqiptare, Gianni de Biasi ka folur për periudhën në të cilën drejtoi ekipin përfaqësues të Shqipërisë.

Në një intervistë për emisionin “Real Story” në ABC News, de Biasi u shpreh se përpara ndeshjes me Izraelin, ai vendosi që të largohej nga kombëtarja.

De Biasi thotë se nuk ia tha askujt, por e ndjente se kishte mbërritur në fund të rrugëtimit, pas 5 vitesh e gjysmë.

Sokol Balla: Një nga momentet që mbaj mend më shumë simpati është mënyra si ti ike nga Kombëtarja. E kishe kuptuar se erdhi mbyllja e një cikli, por prite atë momentin kur arrite fitoren e fundit para se të jepje dorëheqjen dhe të largoheshe.

Gianni de Biasi: Jo, mund të themi se e kisha vendosur përpara ndeshjes me Izraelin. E kisha vendosur vetë, pavarësisht se nuk i kisha thënë kujt, sepse e ndjeja. Isha këtu 5 vite e gjysmë dhe kisha mbërritur në fund të një rrugëtimi. Nuk rri këtu për të marr rrogën, pas fitores mora Presidentin dhe i komunikova që ‘kaq ishte’. Pse e thash, mungonin 4 ndeshje, ne ishim të tretët, kishim Spanjën dhe Italinë në atë grup eleminator, përtej kësaj ishim në vendin e tretë. Kishin mbetur 4 ndeshje por që këto do të shërbenin për trajnerin e ri për projektin e ardhshëm. Unë në këtë rast bëra një gjest dashurie në raport me Shqipërinë dhe Federatën. Nuk u largova për shkak të kontratës, unë më tej shkova në Spanjë.

Sokol Balla: Më pas eksperienca me Azerbajxhanin, je dakord me mua kur unë them se kulmi yt profesional patjetër është Shqipëria?

Gianni de Biasi: Unë shkova në Azerbajxhan, për të tentuar të bëj atë që bëra këtu, por ka një diferencë mentaliteti thelbësore. Të kualitetit dhe të ambjentit. Këtu luaje ndeshjen me ekipin Kombëtar dhe ishte një festë, vinin njerëzit të mbështesnin, në Azerbajxhan nuk vinte askush në ndeshje. Te Karabaku shkonin 30 mijë, te ndeshjet e ekipit kombëtar shkonin 2 mijë. Unë në Azerbajxhan fitova 5 ndeshje radhazi me Kombëtaren, dhe nuk do t’i fitojnë më kurrë në historinë e tyre. Dhe u largova nga Azerbajxhani pas 3 vitesh e gjysmë sepse u mbusha, nuk më ndihmonte askush. Ai zotëria që e kemi në foto pas më dëgjonte dhe më dha gjithmonë rrugë të lirë, dhe gjithmonë më duhet t’i them Armandos, faleminderit që më dhe mundësinë për të punuar. I thoja shpesh ‘President më duhet të shkoj filanin në Gjermani, shko Giani nuk ka problem’, të gjitha këto në Azerbajxhan përgatita shumë gjëra që i futën në sirtar dhe nuk merrej njeri. Dhe kështu u largova, për momentin nuk kam gjetur ende asgjë.

Sokol Balla: Këtë doja t’ju pyes, ju dhe aktiviteti aktiv në futboll. Ju kam parë në komente, televizione italiane, zvicerane. Ju shoh shumë aktiv fizikisht dhe nuk shoh shumë trajnerë cilësorë italianë.

Gianni de Biasi: Unë besoj se kam bërë shumë gabime në jetën time, edhe kur fitoja. Sot e shoh 15 vitesh dhe them sa budalla kam qenë në ato momente. Sepse mbaja një qëndrim prej diktatori

Sokol Balla: Pak ishe..

Gianni de Biasi: Por ka mënyra e mënyra edhe për të komunikuar edhe në dhomat e zhveshjes, ku mund të arrihen rezultate edhe në një mënyrë tjetër. Por unë kisha vetëm një mënyrë për të reaguar. Kur erdha në Shqipëri, erdha në mënyrë tjetër të arsyetuari. Edhe pse mbështja nga njerëzit ishte 110, jo 100%, por ndonjëherë në momente të ndryshme e kaloja cakun dhe bëja gabime. Por kjo përkthehej në eksperiencë dhe tani jam shumë me ndryshe se 2012 apo 2016, kanë kaluar shumë vite. Në këto 10 vite jam matuar shumë gjëra, kam patur shumë momente reflektimi, sepse janë ndryshuar edhe modulet e aftësisë për të kritikuar, dhe unë mendoj se tani kam mundësinë, aftësinë, për të menaxhuar cdo lloj situate. Vetëm se nuk më thërrasin./abcnews.al

Ish trajneri i kombëtares, Gianni de Biasi shpreson se Kosova do të kualifikohet në Botërorin 2026, përmes fazës play off.

Në një intervistë për “Real Story” në ABC News, De Biasi u shpreh se Kosova dhe Shqipëria kanë skuadra me identitete të ndryshme.

Sokol Balla: Edhe Kosova është pranë Botërorit.

Gianni de Biasi: Shpresojmë, do të ishte hera e parë në historinë e saj.

Sokol Balla: Mendoj se do ishte më mirë nëse përplasemi, pasi mendoj se ka ardhur momenti të reflektojmë a na duhen dy ekipe shqiptare, apo ndoshta duhet të bëjmë atë që bënë kroatët, malazezët, serbët, maqedonasit, kur u prish Jugosllavia. Sot jemi në paradoksin qe kemi një Kombëtare të Shqipërisë, dhe një përfaqësuese të Kosovës, kur në fakt të dyja janë ekipe shqiptare. Në këtë mes do përfitonte futbolli shqiptar.

Gianni de Biasi: Sigurisht, por gjithkush ka identitetin e tij, për sa kohë janë komunitetet e etnive, por tashmë janë dy situata të ravijëzuara Kosova dhe Shqipëria. Janë dy kombëtare vëllezër, ndoshta në një moment të dytë në Botërorin e ardhshëm mund të ndodhë. Në një të ardhme të afërt edhe mund të bashkohen dhe do jetë një surprizë e bukur./abcnews.al

Gianni de Biasi beson se nëse Shqipëria kalon Poloninë në ndeshjen e parë play off për Botërorin, ka shanse të fitojmë në ndeshjen e fundit, ndaj Ukrainës dhe Suedisë.

Ish trajneri i kombëtares, në një intervistë për emisionin “Real Story” në ABC News, de Biasi u shpreh se nuk ka ambicie të drejtojë Shqipërinë.

Sokol Balla: Duhet të mundim Poloninë në Varshavë që duket shumë e vështirë, nëse kalojmë duhet të mundim Ukrainën ose Suedinë që ka dy sulmuesit më të shtrenjtë të Premier Leagues sot.

Gianni de Biasi: Suedinë e kam mund edhe unë me Azerbaixhanin 3-0. Besoj se janë dy ndeshje shumë të vështira, kam përshtypjen që ai ‘djaloshi I vogël’ që ka Barcelona përpara të mos jetë në momentin më të mirë të tij, por do ta luajmë dhe mund të luajmë edhe si të barabartë edhe pse luajmë në fushën e tyre, më pas është për të parë kush kualifikohet. Nëse kalojmë Poloninë, do ta kalojmë edhe të dytën, por duhet të mbërrijmë mirë deri në mars, të mos kemi dëmtime, kemi shanse të mëdha.

Sokol Balla: Unë mendoj që sa herë ti vjen në një eveniment, dhe vjen gjithmonë i ftuar nga Federata, si ndihet Sylvinho mendoni ju sa herë ju sheh? Edhe ai ka ngritur një skudër shumë të mirë.

Gianni de Biasi: Sokol, unë nuk kam asnjë ambicie për të drejtuar sërish Shqipërinë, nëse vij këtu, vi për miqtë e mi, presidentin e FSHF, ju jeni miku im, të gjithë që unë kam patur mundësinë të njoh në këto 5 vite e gjysmë.  Unë nuk kam asnjë zili, nuk kam asnjë interes, ai ka bërë pikërisht atë që bëra unë, e coi skuadrën në Europian, tani është duke provuar për ta cuar në Botëror, dhe për ne shpresoj që t’ia dalë. Do të jem më shumë se sa i lumtur, madje nuk kam zili fare. Do të jem shumë i lumtur.

Sokol Balla: Ti je në rolin e babait shpirtëror të futbollit shqiptar, por po thoja si mendoni se ndjehet një trajner që ka patur po aq sukses sa ju, po nuk ka qenë i pari. Nuk mendoj se Sylvinho i druhet një rrokade, po ndoshta ndjen pak hijen tuaj.

Gianni de Biasi: Unë jam i bindur që ai nuk e ndjen hijen time. Është më i ri se unë, ka gjithë rrugën përpara, dhe unë i uroj që ta ketë sa më shumë fushore se sa malore. Duhet të marrë kënaqësinë më të madhe, është një person i aftë, si kur ishte lojtar por edhe tani si trajner. Edhe ai është duke përjetuar dicka që nuk e imagjinonte, e shpresonte, por nuk e imagjinonte. Është një trajner që është krenar për punën që ka bërë dhe mund të ecë me kokën lart. Kam ngritur dolli edhe me kryeministrin edhe me Sylvinhon, ishte dicka shumë e bukur, sa i përket mbarësive që kanë ndodhur me ekipin kombëtar.

Sokol Balla: Ti the vetë se Sylvinho është një trajner që ka krijuar identitetin e tij, edhe me Kombëtaren tonë, por a mund të krijojë dot identitetin vetë futbolli ynë. Ai bazohet në djem të talentuar që vijnë nga diaspora dhe shumë pak prej tyre prej skuadrave brenda Shqipërisë. Lojtarët cilësorë numërohen me gishtat e njërës dorë. Ata që sot luajnë me Kombëtaren, si Muca apo ndonjë tjetër.

Gianni de Biasi: Të themi se kampionati shqiptar nuk është se është në një nivel me ato që luajnë jashtë. e kështu duhet të themi se ne trajnerët kërkojmë të marrim më të mirët, e bën Italia që luan me lojtarë të ekipeve të standardeve të larta. Një kohë Italia e bënte me lojtarë që ishin brenda ekipeve, por të hapësh horizontet dhe të shikosh përtej kopshtit sepse mund të vijnë edhe mundësi të reja.

Sokol Balla: Pamë shembullin e Italisë, Spaletti dështoi me Kombëtare, ndërkohë që Gatusso pati shumë sukses.

Gianni de Biasi: Besoj se diferenca është se Gatusso deri tani ka patur gjithmonë skuadra të niveleve të mesme, por tashmë gjeti Italinë që u mund edhe nga Novergjia. Bëhet më e vështirë për trajnerin mund të jesh motivuesi më I madh por diferencën e bëjnë lojtarët me kualitet, sa më shumë t’i kesh aq më shumë do bësh diferencën. Besoj se sot në Itali kemi një Kombëtare interesante sepse kemi një portier të mirë, të fortë, mbrojtës të mirë. I kemi lojtarët por kur i bashkojmë bashkë nuk arrijmë që të marrim produktin e cilësisë prej tyre. Është i mirë Spaletti për lojtarët e klubeve, por kur pash rezultatet me Italinë, me ata lojtarë që ka mund të bëjë më mirë.

Sokol Balla: Mendoni si do ishte një Botëror me Shqipërinë, por pa Italinë

Gianni de Biasi: Nuk do kisha siklet fare për kë do të bëja tifo. Do të ishte diçka e jashtëzakonshme, por do të ishte një katastrofë e madhe për ne që Italia tre herë të ishte jashtë Botërorit, shpresoj së Rino të na çojë në Botëror./abcnews.al

Read More...

Në një intervistë për emisionin “War Report” në ABC News, ish-ambasadori në SHBA, Roland Bimo, komentoi mbi interesin e Presidentit amerikan, Donald Trump, për Groenlandën. Sipas Bimos, ishulli ka një rëndësi strategjike të madhe për sigurinë kombëtare të SHBA-së, dhe kjo nuk është një çështje e re.

Megjithatë, vëmendja që Trump i jep temës i shton përmasa të reja debatit. Ai theksoi se banorët e Groenlandës jetojnë në kushte të ngjashme me pavarësinë, dhe një referendum për autonomi mund t’i afrojë ata më shumë me SHBA-në.

Interesat amerikane në ishull duket se kanë tejkaluar sovranitetin e Danimarkës, duke shfaqur një hap të ri ekzistencial në politikën e jashtme, ndërsa Bashkimi Evropian dhe SHBA shfaqin qëndrime kontradiktore ndaj paqes dhe kontrollit rajonal.

“Groenlanda është shumë e rëndësishme për sigurinë e Amerikës, kjo nuk ka asgjë të re. Por, të thuhet nga Presidenti Trump, kjo i jep ngjyrime të tjera. Banorët e ishullit janë më shumë në kushtet e pavarësisë së Holandës, nëse populli voton në refendum për pavarësi mund të anojë nga SHBA.

SHBA-ve nuk u ka nxjerrë askush pengesë qoftë për dominimin ushtarak apo edhe ekonomik të vendit. I gjithë sovraniteti i Danimarkës pranë ishullit është anashkaluar sepse tashmë ka dërguar të dërguar të saj. SHBA ka bërë një hap ekzistencial, duke anashkaluar Danimarkën. BE është por luftës, kurse SHBA është pro paqes”, tha Bimo.

Për emisionin Real Story në ABC News, historiani Pëllumb Xhufi zbardh detaje të panjohura më parë mbi marrëveshjen e Ballit Kombëtar me Greqinë gjatë Luftës së Dytë Botërore, duke theksuar se Kosova dhe Çamëria u injoruan në këtë plan. Xhufi shpjegon se firma e Mit’hat Frashërit synonte krijimin e një shteti dualist greko-shqiptar, ku Shqipëria do të kufizohej në një pjesë federative dhe Greqia do të kontrollonte mbrojtjen dhe politikën e jashtme. Sipas tij, kjo tentativë u refuzua nga Partia Komuniste dhe u përball me kundërshtim të fortë nga udhëheqësit nacionalistë shqiptarë.

Gjithashtu, historiani Mariglen Kasmi shton se brenda Partisë Komuniste shqiptare kishin nisur përçarje të brendshme, të cilat lidhen me mënyrën e organizimit të saj dhe me rivalitetet personale, ndërkohë që figura si Sadik Premte dhe Anastasi konsideroheshin si të rrezikshëm për ndikimin dhe bazën që kishin në Vlorë.

Pëllumb Xhufi: Alternativë nuk mund të kishte nëse mohoje që në fillim lëvizjen e parë, për t’iu përgjigjur thirrjes së kohës. Jo vetëm kjo që kapi momentin, por kanë ndodhur edhe gjëra të tjera. Kur mbaroi ofensiva gjermane e dimrit dhe ato formacionet partizane u rritën si numër. Në atë kohë Balli Kombëtar i pari, bëri një shkelje të vetvetes, sepse që në maj 1944 duke parë se Britania e trajtonte me shumë precedencë Greqinë, tentuan marrëveshjen me qeverinë greke në mërgim për një shtet të përbashkët greko shqiptar, ku Greqia do të mbulonte edhe mbrojtjen edhe politikën e jashtme. Është bërë me disa takime të turpshme, si është formuluar. Është firma e Mit’hat Frashërit, me këtë detyrë, do propozoni shtetin dualist greko shqiptar, ku ata të kenë mbrojtjen dhe politikën e jashtme dhe ti reduktoheshe në një provincë, apo në një pjesë federative. Në atë propozim thuhej edhe që Shqipëria në kuadrin e këtij shteti dualist do kishte kufijtë e vitit 1939, pra e harroi edhe Kosovën edhe Çamërinë. Këtë punën e aleancës me britanikët Partia Komuniste e refuzoi që në fillim e thonë amerikanët vetë. Tom Stefani në një raport të tij thotë: Ne Enveri na toleron, anglezët nuk i duron dot sepse e dinte pikërisht që me deklaratën që bëri në 1942 që pas luftës do ua rishohim kufijtë dhe kjo e alarmoi edhe Mit’hat Frashërin, se i pari ka reaguar Mit’hat Frashëri, po në kafene.  Dhe në 1944 në shtator Shtabi i Përgjithshëm në shtator, Shtabi i Përgjithshëm, me firmën e dikujt lëshon një urdhër, tre brigada të Ushtrisë Antifashiste Nacional Çlirimtare rreshtohen me detyre mbrojtje kufiri. Kur u mbajt fjalimi në 28 nëntor në Bulevard, kryetari i qeverisë së përkohshme që erdhi nga Berati në atë fjalim dy apo tre faqe, gjysmë faqe ia kushtoi Greqisë sepse kishte dalë Papandreu me deklaratë që do marrim Vorio Epirin dhe tha ne jemi gati të bëjmë një luftë tjetër, nuk kemi tokë për të dhënë, kemi për të marrë. Ndaj e ka patur edhe këtë momentin nacionalist.

Mariglen Kasmi: Vetë Sadiku ka lënë të shkruara për marrëdhëniet e tij me kolegë të tjerë. Ato që vetë Sadiku shkruan janë pretendimet që ai pati me rolin e dy emisarëve jugosllavë me mënyrën si ata vepruan brenda Partisë Komuniste dhe duke qenë se u prek nga qëndrimi i tyre i sheh edhe ata si problemi më i madh brenda kësaj lëvizje. Sheh gjithashtu se komiteti qendror u zgjodh sipas shijeve të tyre. Dhe në momentin që mënjanohet edhe nga zgjedhja në komitetin qendror, sepse grupit të të rinjve përsëri iu bë një padrejtësi kur do themelohej partia u mor vendimi paraprak që nga çdo grup komunist do ketë dy përfaqësues në këtë komitet qendror, sigurisht përjashtoheshin drejtuesit e grupeve dhe shohim që kur themelohet Partia Komuniste grupi I të rinjve përfaqësohet vetëm me një anëtar që është Ramadan Citaku. Pra, pakënaqësia e parë vjen në këtë drejtim. E dyta, për mënyrë si u organizua partia e re komuniste duke prishur celulat e vjetra duke i ribërë celulat, dhe në këtë pikë jep edhe profesor Kristo një të dhënë shumë interesante se thoshte dakord por PSE? Të gjitha këto për hir të konspiracionit dhe më pas vijmë në një moment shumë të rëndësishëm te kritika dhe autokritika. Dhe aty kam shkruar se Sadik Premte dhe Anastasi ka qenë i njohur me ide trockistë se internacionalja e katërt u krijua që në vitin 1938. Pra ka qenë i njohur me përmbajtjen e kësaj opozite që i bëhej Stalinit dhe shkon në një linjë edhe logjika e sjelljes së tij. Ambicia për të bërë karriere dhe kritika dhe autokritika. Pra, nisi si një çarje në këtë mënyrë pastaj ndarja kryesore është momenti që ishte tërësisht kundër linjës së vrasjes brenda radhëve të tyre. Dhe ky është momenti që sidomos pas organizimit të atentatit në gusht 1943 është çarja përfundimtare.

Pëllumb Xhufi: Pse ishin të rrezikshëm kjo dyshja Anastasi me Sadikun se pas vetes kishin edhe një çetë, që kishte degëzime në të gjithë qarkun e Vlorës i cili ishte projektuar si baza e luftës që në atë kohë. Dhe këta me një çetë të fortë siç ishte çeta ‘plak’ dhe me tendenca edhe të zgjerohej duke bërë fraksionistin rrezikonin.

Historiani Mariglen Kasmi ka sjellë një këndvështrim të ri mbi rrethanat e krijimit të Partisë Komuniste Shqiptare, duke theksuar se ajo nuk lindi si rezultat i bindjeve të thella marksiste, por si produkt i një momenti historik dhe shoqëror të favorshëm.

Gjatë prezantimit të librit të tij më të ri “Sadik Premtaj, Trockisti i fundit”, Kasmi u shpreh se në fillim të viteve ’40 komunizmi ishte një trend për të rinjtë, ndërsa një nga arsyet kryesore të zgjerimit të kësaj lëvizjeje ishte urrejtja e akumuluar ndaj regjimit të Ahmet Zogut.

I ftuar në emisionin “Real Story” në ABC News, ai theksoi se Partia Komuniste u themelua me program kryesor çlirimin e vendit, duke shfrytëzuar kontekstin e Luftës së Dytë Botërore dhe zhvillimet ndërkombëtare, çka bëri që ajo të gjente mbështetje të gjerë dhe të konsolidonte radhët e saj në një moment kyç historik.

Mariglen Kasmi: Fillim vitet 40 të ishe komunist ishte trend i kohës dhe këtu dal te elementi moshës. Komunizmi për të rinjtë ishte atraktiv, nuk duhet harruar që grupet komuniste që ishin aty, pavarësisht se nuk merreshin vesh për tu angazhuar dhe formuar një parti të vetme, shtratin e kishin të shtruar nga urrejtja që kishin patur me regjimin e Zogut dhe ky shtrat u kanalizua më qartë me sulmin nga Bashkimit Sovjetik.

Është e vetmja parti komuniste që themelohet me program kryesor çlirimin e vendit, çka padyshim i shtrëngoi më shumë radhët e saj. Nuk duhet menduar se ishte parti që u formua nga marksist leninistë të vërtetë komunistë me bindje. Një nga arsyet kryesore që partia komuniste gjeti një shtrat kaq të zgjeruar në Shqipëri, ishte pikërisht ajo urrejtje që ishte mbledhur ndaj sistemit të Zogut. E tregojnë faktet, ka historianë që e trajtojnë.

Në libër nuk jam marr me pjesën e organizimit të luftës, por jam përqendruar vetëm me organizimin e saj të brendshëm si një analizë politike, duke marrë si shembull edhe Sadik Premten me qëllim që të kuptojmë më mirë, intensitetin e zhvillimit të ngjarjeve brenda dhe kjo parti që drejtoi luftën duhet parë edhe si luftoi brenda saj. Ndaj viti 1941 përveç angazhimit të madh në nivel botëror ku bota hyri qartë në një konflikt të hapur, u krijuan kampet dhe derisa u përmend  Curcill, thirrja e tij nuk i drejtohet qeverisë së Bashkimit Sovjetik, por popullit sovjetik. Ndaj ky është momenti që u shfrytëzua nga komunistët shqiptar. Në gjithë këtë zhvillim, ditën të gjejnë shtratin kapën momentin historik.

Disidentët e të majtës shqiptare/ Ndoji rendit emrat e të rinjve të pushkatuar. Kasmi: Opozita e parë brenda Partisë Komuniste

Historiani Mariglen Kasmi ka prezantuar librin e tij më të ri “Sadik Premtaj, Trockisti i fundit”, një biografi politiko-historike që trajton një nga figurat më të debatueshme të lëvizjes komuniste shqiptare dhe përplasjet e brendshme në vitet e para të saj.

I ftuar në emisionin “Real Story” në ABC News, Kasmi theksoi se Sadik Premtaj përfaqësonte një opozitë të organizuar brenda Partisë Komuniste, e cila u godit ashpër për të shmangur përçarjen dhe për të garantuar unitetin e brendshëm të partisë së sapokrijuar.

Libri mbështetet në burime arkivore të panjohura më parë dhe sjell një analizë kritike të fatit tragjik të të rinjve që u konsideruan fraksionistë, duke hedhur dritë mbi një kapitull të errët të historisë politike shqiptare.

Mariglen Kasmi: Sadiku është opozitari i brendshëm i Partisë Komuniste. Fraksion, se për sa kohë doli me një program politik dhe krijoi një organizatë të re komuniste dhe i fundit sepse një nga arsyet që u godit fort grupi i të rinjve por sidomos dy drejtuesit e këtij grupi është fakti se ishte moment historik. Që Partia Komuniste e sapokrijuar nuk donte dhe s’mund të toleronte një opozitë dhe një përçarje të tillë menjëherë pas themelit të saj. Duhej që të godiste këtë grupim me qëllim që të siguronte unitetin e saj të brendshëm dhe duhet thënë se u arrit qëllimi. Partia Kominuste kalon në një lloj stabiliteti të brendshëm. Enveri e përmend gjithmonë Sadik Premtajn si krimineli, terroristi, tradhtari, pa i thënë asnjë herë çfarë krimi. Duhet parë edhe çfarë përfaqësonin të dy. Sadik Premtaj vinte në këtë histori me një mbështetje shumë të madhe në Vlorë, Anastasi ishte i formuar por nuk kishte mbështetjen që kishte Sadiku, ndaj kaloi në plan të parë për goditjen sepse rreziku vinte nëse kjo parti do të përçahej.

Lek Ndoji: Nga ana historike ne nuk jemi në atë historinë intertaitment, që duan politikanët, jemi në analizën kritike. Marengleni përdor disa burime në këtë libër, përdor burime arkivore, të pahapura, por duke futur edhe  analizën, shkrimi bëhet intensive. Historiani është shkrimtar, të dijë të shkruajë. Duke bërë leximin, mora shënim emrat, ku shoh Simon Gjonin, ishte te aleatët, ishte në Bari erdhi u pushkatua. Anastas Lulo, u pushkatua, Kasem Trebeshina ka qenë pjesë e grupit të ekzekutimit. Sadik Staveleci, Perlat Rexhepi ka luftuar në Shkodër vetëm. Ramadan Citaku i del emri në çdo dokument, pushkatuar. Të gjithë këta janë grupi i të rinjve, të gjithë të vrarë.

Mariglen Kasmi: Grupi i të rinjve së bashku me grupin e Shkodrës, ishin dy grupet që morën lidhje me partinë komuniste jugosllave u kujdesën për ardhjen e dy emisarëve jugosllavë mund t’i quajmë edhe nismëtarët e partisë komuniste duke patur parasysh që kontradikta dihej se nuk po merreshin vesh. Grupi i të rinjve ndryshonte, ishin të shkolluar, aktiv dhe është grupi me të cilin do të përplaseshe menjëherë Mugosha, aty mungon emri i profesor Kristo Frashërit, është anëtar i grupit të të rinjve, është përjashtuar nga partia në të njëjtën ditë bashkë me Sadik Premtajn, Anastas Lulon e disa të tjerë. Dhe mori pushkën doli në mal luftoi si partizan. Dushan Mugosha nga formimi i tij, shquhet për arrogancë, fjalor banal, e distancon këtë grup e godet ashpër. Përplasja e parë vjen edhe si pasojë e mospërputhjes së këtyre personazheve me të.  Citaku ishte anëtar i grupit të të rinjve por u bë njeriu më i afërt i Dushanit dhe këtu hyn edhe gjuha e komunikimit. Grupi i të rinjve me të drejtë, ka dalë lista është grupi që mund të quhet si opozita e parë brenda kësaj partie dhe që është grupi që mori edhe goditjet më të mëdha./abcnews.al

Historiani Mariglen Kasmi ka prezantuar librin e tij më të ri “Sadik Premtaj, Trockisti i fundit”, një biografi politiko-historike që hedh dritë mbi një nga figurat më komplekse dhe të debatueshme të lëvizjes komuniste shqiptare.

I ftuar në emisionin “Real Story” në ABC News, Kasmi theksoi se Premtaj përfaqëson një rast unik në historinë politike shqiptare, duke u pozicionuar përballë Enver Hoxhës dhe Komitetit Qendror, njësoj si Lev Trocki përballë Stalinit.

Libri trajton rrugëtimin politik të Premtaj pas largimit nga Shqipëria, angazhimin e tij në Internacionalen e Katërt Komuniste dhe fundin e jetës në prag të ndryshimeve demokratike të vitit 1991.

Ndërkohë, historiani Pëllumb Xhufi e vlerësoi veprën si një punë të vështirë, por të ndershme shkencërisht, e ndërtuar mbi dokumente, letra dhe dëshmi arkivore, duke e cilësuar librin si një hap të rëndësishëm drejt një leximi kritik të historisë së brendshme të Partisë Komuniste.

Mariglen Kasmi: Nëse Trocki u vendos përballë Stalinit, Sadik Premtaj vendoset përballë Enver Hoxhës si sekretar i Partisë komuniste por edhe përballë Komitetit Qendror. Edhe në libër është trajtuar Premtaj pas largimit në Shqipëria u bë anëtar i Internacionales së katërt komuniste dhe si i tillë vdiq. Vdiq menjëherë me ndryshimet demokratike në prill 1991, nuk arriti të vijë dot, kishte probleme shëndetësore, edhe pse kishte dëshirë të kthehej. Është një personazh historik. Lulo u ekzekutua gjatë luftës në 1943, pas përjashtimit nga partia të dy largohen nga Tirana. Lulo u vra më parë, u tentua edhe të eliminohej edhe Premtaj. 

Pëllumb Xhufi: Është një libër, që nuk ishte i lehtë për t’u realizuar. Në fillim i dedikohet Zijait, vëllait të Sadik Premtes, që edhe ai ka vuajtur në burgje gjatë periudhës 50-vjeçare. Por ai e pësoi nga i vëllai. Zijai ishte njeri i hapur, me humor. Mëdyshja që ka pasur Marigleni ka qenë mëdyshja nga një anë e historianit, nga një anë e mikut, ndaj të cilit ndjenim një atraksion jo vetëm për historinë e tij. Marengleni ka bërë historianin në libër, jep faktet, nuk shprehet nuk gjykon. Shohim biografi që shkruhen sot edhe janë skandalin, fshehin. Enveri ishte politikan e dinte që disa gjëra duhen thënë. Maringleni këtë ka bërë, ka marrë personazhin ka gjetur dokumentet, ato që thuhen për Sadikun, letër këmbimet e tij me personazhe nga më të ndryshme, dhe shënimet që ka mbajtur kur u vendos në Francë. Libri më nxit të hap edhe ndonjë libër tjetër për ta krahasuar. Hedh një hap të parë në këtë gjini të leximit kritik, edhe të atyre që ishin brenda Partisë Komuniste.

Abc News Live

Analisti Arben Meçe gjatë intervistës në emisionin “Real Story” në ABC News u shpreh se Prokuroria ka sabotuar dosjen e “21 janarit”.

Gjithashtu Meçe tha se për dosjen e 21 janarit janë të gjitha provat dhe se drejtësia duhet të ishte vendosur, ndërsa akuzoi Berishën si përgjegjësin kryesor të vrasjeve në 21 janar.

“A pati Dumani ndonjë çështje ndaj funksionarëve të lartë të PD? Një çështje që është e Berishës nuk është  Dumanit, por e Arben Krajës. Edhe 21 janarin nuk donte ta merrte, por ia vendosën me dhunë. Për 21 janarin janë të gjitha provat. Dhe në fund të vijë të deklarojë Ilir Meta…Ajo që ngatërron Ilir Meta është kush do bëhet vrasësi. Dhe Meta e ngatërron, unë jo e parashikova, por e dija që Berisha do bënte vrasje…Vrasjet ishin të planifikuara për të ndodhur në kuadër të skemës së dytë, pasi dështoi skema e parë. Prokuroria është institucioni që ka sabotuar 21 janarin. Korrupsioni berishian ishte në përmasa të mëdha…SPAK ka harruar që detyrë e tij nuk ishte vetëm të bënte goditjen e korrupsionit aktiv, por edhe të atij tjetër….”, tha Meçe.

TIRANË- Ish-prokurori Ervin Karanxha, i ftuar në emisionin “Real Story”, u shpreh se në ndërtimin e Rrugës së Kombit është shkelur rëndë ligji, duke sjellë pasoja të rënda në ekonominë e vendit. Sipas tij, janë marrë kredi me interesa shumë të larta, të cilat vijojnë të paguhen nga qytetarët shqiptarë.

Karanxha theksoi se procedurat ligjore nuk janë ndjekur siç duhet, ose nuk kanë ekzistuar fare, ndërsa çmimet e parashikuara në kontrata kanë qenë tre deri në katërfish më të larta se çmimet e tregut.

Ai deklaroi se çështja penale është nxjerrë jashtë afatit përmes lojërave procedurale dhe është pushuar me procedurë, duke fajësuar ish-kryeprokuroren e përgjithshme, Ina Rama. Sipas tij, ndryshimet e fundit në Kodin e Procedurës Penale lejojnë ngritjen e akuzës edhe jashtë afatit për aktet procedurale.

Ai theksoi se kjo çështje duhet të hetohet nga SPAK.

“Te Rruga e Kombit është shkelur rëndë ligji dhe kjo ka sjellë pasoja shumë të rënda në ekonominë e vendit, sepse janë marrë disa kredi me përqindje shumë të lartë, të cilat paguhen nga populli shqiptar. Duhet të ishte ndjekur procedurë tjetër, ose s’ka pasur fare procedurë. Çmimet e parashikuara në kontratë kanë qenë tre apo katërfish më të shtrenjta se çmimet e tregut.

Kjo çështje penale është nxjerrë jashtë afatit me lojëra procedurale, me lojë të ish-kryeprokurores së përgjithshme, Ina Rama. Është nxjerrë jashtë afatit dhe është pushuar çështja me procedurë. Me ndryshimet e fundit ligjore ka ndryshuar Kodi i Procedurës Penale; veprimet procedurale, provat jashtë afatit nuk mund të përdoren, por aktet procedurale, ti mund të ngresh akuzë jashtë afatit.

Kjo çështje nuk është filluar nga SPAK.Mendoj se duhet të hapet. Kjo është dosje 600 milionë eurosh vjedhje, është e barabartë me të gjitha dosjet që mund të diskutohen sot. Kemi të bëjmë me pesëfishin e çmimeve”, tha ai./abcnews.al

Ish prokurori Ervin Karanxha thotë se ish presidenti Ilir Meta mund të ketë të dhëna për çështjen e “21 janarit”, por është e vështirë që të kthehen në prova.

Në emisionin “Real Story” në ABC News, Karanxha u shpreh se Ina Rama manipuloi hetimet, kur ishte kryeprokurore.

Karanxha shtoi se kjo çështje duhet të zbardhet dhe t’i shkohet deri në fund.

“Mendoj, Ilir Meta ka bërë kërkesë, kam informacion. Faktikisht, për shkak të dosjeve që ka pasur, kryetar Kuvendi, Preisdent i Republikës, mund të ketë të dhëna që ka marrë nga shërbimet. Por të dhënat e shërbimit, ta kthesh në provë, është shumë e vështirë. Duhet të gjesh dëshmitarë. Ti merr informacione për një ngjarje, por e ke të vështirë të procedosh. Duhet prova konkretisht që ta lidhim me faktin. Informacioni policor, informacioni nga shërbimet sekrete, janë krejtësisht gjëra të tjera. Kjo është çështje e nxehtë duhet të mbarojë. Janë vrarë 4 persona, është rrezikuar jeta e shumë të tjerëve. I vetmi detyrim që kam, është moral, ndaj viktimave. Çështja e 21 janarit, është çështje që ka akte korruptive brenda, ka falsifikim brenda. Rruga e Kombit, me procedura të dyshimta e nxorri jashtë afatit Ina Rama. 21 janari, e la Ina Rama, nuk e mori përsipër. PD i dha votën kësaj që të jetë në KPA. Ka shumë gjëra që nuk hetohen. Duhet zbardhur kjo ngjarje. SPAK duhet të lëvizë.”, theksoi ai./abcnews.al

Analisti Arben Meçe në një intervistë në emisionin “Real Story” në ABC News u shpreh se SPAK është kthyer në një auditues rrugësh.

Analisti Meçe tha se SPAK ka dalë edhe mbi politikën, duke shtuar se aksioni i SPAK sipas tij është për t’i dhënë material opozitës.

Gjithashtu shtoi se “Korporata prokuror gjyqtar” po bëhet precedent i rrezikshëm në Shqipëri

“Është skenar”. Dosja që ka shkuar në Prokurori është një dosje që nuk ka provë. Është 48 faqe dhe ka vetëm zbërthim të telefonatave që tashmë janë publike. Askush nuk arrin të identifikojë se kush është prova. Megjithatë gjykata e mirëpranoi sepse është krijuar një filozofi se po e vendosi SPAK Kemi prodhuar atë element të rrezikshëm që nuk kemi më gjykata por noter të vendimit të SPAK. Në Gjykatë Kushtetuese u pa që SPAK kishte tejkaluar kompetencën e saj. Korporata gjykatë prokurori ishte futur në një element që nuk e lejonte ligji.  Kryeneçësia e SPAK vjen në përmasa ku çështjen ligjore e kthen në reagim emocional. Dhe tani na ka dalë që Prokuroria nuk është më organ akuze, por organ auditimi për të gjitha rrugët në Shqipëri. Sot në Parlament ne pamë një betejë. Sot u organizua ky aksion që në themel ishte akuza ndaj Belinda Ballukut. Gaz Bardhi thonte nuk po na jepen dokumente, por dosja që ka shkuar janë arsyetimi ligjor u tyre. Prokurori është i qartë. Sot dhe dje diskutohej me të madhe se po fshiheshin dokumentet. Gjithë ajo lëvizje ndaj u inicua dhe unë konstatoj që SPAK këtë çështje mund ta shtynte dhe katër ditë dhe pesë ditë.  Aksioni i Prokurorisë është materiali që i jepet opozitës për të motivuar protestës. SPAK në kuadrin e krizës së vet, pra nga çështja e parë ku nuk kishte prova prodhoi auditimin e rrugëve në Shqipëri. Pra ky është nervozizëm i SPAK, dështim dhe me veprimin e dytë që bëri, 3 ditë para se të bëhej mitingu e deklaruar nga doktori, këta japin material. Pra është një skemë që ballafaqon PS dhe koalicionin e korporatës gjyqtar SPAK me PD”, tha ai.

Ish prokurori Ervin Karanxha thotë se kërkesa e SPAK për pezullimin e zv.kryeministres, njëherësh ministres së Infrastrukturës dhe Energjisë, Belinda Balluku, tregoi se kishte paqartësi, pasi qeveria iu drejtua Gjykatës Kushtetuese.

Në emisionin “Real Story” në ABC News, Karanxha u shpreh se për çdo kërkesë, për heqje lirie, duhet kërkesë në Kuvend.

“Unë kam pasur personalisht çështje me deputetë, para ndryshimeve kushtetuese. Kushtetuta ka qenë e qartë. Ti nuk mund të bëje asnjë lloj veprimi procedural, pa marrë autorizim nga parlamenti, qoftë për kontroll banese, sekuestrim provash. Do marrësh leje në parlament. Reduktimi, këtu ka nisur problemi. Janë disa akte procedurale që prapë do i drejtohesh Kuvendit. Me ndryshimet e fundit kushtetese, problemi qendron te neni teknika legjislative e bërë në kuadër të reformës në drejtësi, në 2017. Zyrtarët e lartë janë hetuar nga prokurori i përgjithshëm. Me ndryshimet ksuhtetuese, zyrtarët e lartë, kaluan në kompetencë të SPAK. SPAK sot ka kompetencë për shkak të veprës penale dhe për shkak të subjektit të posaçëm që ka.

Dalim te imuniteti i ministrit. Ky nen, 288, ky është i paqartë. Është pa titull. Anëtari i Këshillit të Ministrave dhe kryeminsitri nuk e dinë se për çfarë masa sigurimi duhet t’i drejtohet prokurori Kuvendit. Tregon për një paqartësi. Masa e sigurimit arrest me burg, arrest në shtëpi, kontrolli personal dhe kontrolli i banesës. Duhet të jesh i saktë. Këto janë të vetmet që mund të shkosh në Kuvend. Masat e sigurimit duhet të ishin me numra. Dalim te pezullimi. Ky nen nuk është ndryshuar që nga viti 1995. Është e palogjikshme që kjo masë që sjell pasoja, nuk është te neni 288. Fakti që ka shkuar për interpretim në Gjykatën Kushtetuese, tregon se është i paqartë. Deputetët, ministri dhe kryeministri duhet ta dinë se për çfarë masash sigurie shkon në Kuvend”, theksoi ai./abcnews.al

Juristi Rezart Kthupi është shprehu se Partia Demokratike është “shkërmoqur”.  Kthupi për këtë situatë të vështirë të PD bën përgjegjës kryetarin e sa Sali Berishën.

Në një intervistë në emisionin “Real Story”, Kthupi theksoi se partia sot është pa shtyllë kurrizore dhe se tashmë “ka zyrën, por nuk ka njerëz dhe kjo sipas tij është vepra finale e Berishës.

“Sot partia është pa shtyllë kurrizore. Ke zyrë po nuk ke njerëz dhe kjo është vepra finale e Berishës. PD do vdesë bashkë me Berishën. Qëllimi i vetëm i Berishës është të jetë kryetari i partisë, ta thërrasin të gjithë lideri i opozitës”, tha ai.

Nga ana e tij analisti Arben Meçe tha se Partia Demokratike me Berishën në krye nuk do të ketë asnjë ndryshim. Sipas tij Berisha e ka kthyer PD në pronë të tij.

Ndërsa theksoi se detyra e Ervin Salianjit tani është të mbledhë militantë që kanë bërë luftë për ideal.

“Kushdo duhet ta harrojë që në PD do ketë ndryshim. Të gjithë po e kuptojnë që PD është ndërmarrje politike e PD. Si mund t’i shkosh tjetrit t’i marrësh pronën? Të tjerët duhet ta mësojnë këtë. Salianji nuk është individ, brenda militantë të flaktë të PD po ekziston fryma që duhet ndryshim dhe këtë frymë duhet ta dirigjojë dikush, duke të dalë një flamurtar dhe këtë flamurtarin nuk duhet ta godasin”, tha Meçe.

/abcnews.al/

Ish-deputeti i Partisë Demokratike Fatbardh Kadilli, në emisionin Real Story, deklaroi se Partia Demokratike në Shqipëri funksionon si parti e individit dhe e tiranisë së shumicës.. Ai theksoi se frika kryesore e grupit parlamentar të PD-së lidhet me figurën e Sali Berishës.

Sa i takon përpjekjeve të Salianjit për ‘revolucion blu’, Kadilli tha se ashtu si Berisha edhe Salianji është mjeshtër i fasadës që pëlqen të mbushë sallat.

“PD dhe partitë demokratike në Shqipëri nuk janë demokratike, por janë bolshevike. Që nga ’91 nuk ka lëvizje në PD, ka ngjarje. PD, si gjithë partitë në Shqipëri, nuk janë demokratike; veprojnë si parti të individit dhe të tiranisë së shumicës, ku shumica është një masë amorfe. Në PD nuk kishim lista; kjo është tirania e shumicës së militantëve që nuk janë anëtarë.

Partia ka tiraninë e shumicës dhe ka edhe liderin. Në këto lloj partish nuk ka hapësirë për debat, për të krijuar fraksione apo përfaqësime. Duhet të unifikohesh dhe, në gjeste dhe fraza, me liderin. Të dy janë mjeshtër të fasadës, si Salianji ashtu edhe Berisha.

Dy ngjarje ka historia: 26 korriku i vitit 1943, Këshilli i Madh Fashist, dhe rasti i dytë qershori i ’91. Ndryshimet kanë ardhur nga ata që janë në krye. Çfarë frike perceptoj te grupi parlamentar i PD-së? Frika e vetme e tyre është Berisha. Këto forume nuk ekzistojnë. Në çdo sekondë hidhen përjashta nga tirania e shumicës.

Salianji pëlqen të mbushë sallat; edhe Lapaj mbushte sallat. Berisha do të zotërojë hapësirën publike politike; këtë e kanë kuptuar dhe e imitojnë edhe Lapaj edhe Qorri.”  / abcnews.al /

TIRANË– Analisti Rezart Kthupi, i ftuar në emisionin “Real Story”, u shpreh se Partia Demokratike ka vlerësuar më shumë individin se partinë.

Ai shtoi se PD historikisht ka qenë një parti e individit, jo e strukturave, duke mos pasur mekanizma për të ruajtur partinë si institucion.

“Në Shqipëri nuk ka ndodhur kurrë që kryetari i partisë nga më të mëdhatë deri tek më të voglat, që kryetari të jetë rrëzuar, përveç kur ka dashur vetë të ikë dhe të lë pasardhësit e tij.

PD nuk ka pasur elementë ruajtës, që do të thotë se partia vlen më shumë se individi. Vlerën gjithmonë e ka pasur individi, PD ka qenë parti e individit, partia nuk ka pasur mekanizma për të ruajtur partinë.

Që të arrijmë tek kjo pjesa që baza  të çohet dhe përmbysë lidershipin e partisë dhe që partia të ketë mekanizma vetëmbrojtjeje, që do të thotë se ata që janë anëtarë të partisë të vlerësojnë partinë më shumë se individin. Nëse në PD do krijohet kjo kulturë do jetë fitorja më e e madhe e demokracisë shqiptare.”, tha ai/abcnews.al

Analisti Arben Meçe ndërsa komentoi takimet e Ervin Salianjit, tha se ky i fundit po punon me bazën.

Në një intervistë në emisionin “Real Story” në ABC News, Meçe, u shpreh se sot kreu i PD Sali Berisha është i frikësuar sepse baza po lëviz, pasi sipas tij Salianji ka “kapur” bazën. Sipas Meçes është baza ajo që do ta rrëzojë Berishën.

“Sot Berisha është kujdesur në PD, kryesi e vogël , kryesi e madhe i ke të besuara. Berisha i ka 100% të besuar sepse janë edhe militantë në kuptimin filozofik të gjësë. E vetmja gjë që ka frikë, dhe ka problem është ajo që “e shqetësojnë zërat që prishin ekuilibrat dhe vijnë nga baza. Sot baza po lëviz sepse Salianji nuk po punon me strukturën, por me bazën dhe Berisha e di se kjo bazë do ta rrëzojë. Salianji po kap baza dhe Salianji do ta riformatojë. Ai që është kryetar do bjerë nga baza”, tha ai.

/abcnews.al/