Punonjësit e transportit publik në të gjithë Gjermaninë kanë hyrë sot në grevë për të kërkuar kushte më të mira pune duke shkaktuar ndërprerje të mëdha për udhëtarët, të cilët përballen edhe me rrugë të akullta.

Greva njëditore, e thirrur nga sindikata “Verdi”, ka bërë që që nga ora 03:00 të mos qarkullojnë autobusë, tramvaje dhe metro.

Sipas sindikatës, grevat kanë prekur të gjitha, përveç njërit, nga 16 landet federale të Gjermanisë.

Rreth 5 000 punonjës të transportit publik në landin verior të Saksonisë së Poshtme janë të përjashtuar nga greva për shkak të një marrëveshjeje që i ndalon të marrin pjesë në aksion.

Veprimi sindikal nuk prek shërbimet e udhëtimit në distanca të gjata, si dhe trenat rajonalë dhe ata periferikë, që veprojnë nga kompania shtetërore hekurudhore” Deutsche Bahn”.

Bisedime për marrëveshjen kolektive po zhvillohen me shoqatat lokale të punëdhënësve në të 16 landet.

“Verdi” kërkon përmirësime të ndjeshme të kushteve të punës për punonjësit e transportit publik, përfshirë uljen e orëve javore dhe kohëzgjatjes së turneve, periudha më të gjata pushimi, si dhe shpërblime më të larta për turnet e natës dhe fundjavës.

Sipas sindikatës, në landët e Bavarisë, Brandenburgut, Saarlandit dhe Turingisë, si dhe në rrjetin e metrosë së Hamburgut, në negociata janë në diskutim edhe rritjet e pagave.

“Prioriteti ynë është të arrijmë përparim në tryezën e negociatave”, tha kreu i ekipit negociator të “Verdi” Serat Canyurt.

“Kolegët tanë kanë gjëra më të mira për të bërë sesa të hyjnë në grevë në këtë mot ”, shtoi ai.

Pjesë të Gjermanisë janë goditur nga kushte të qëndrueshme dimërore, me temperatura nën zero dhe reshje dëbore, çka ka sjellë ndërprerje në transportin publik, përfshirë edhe Berlinin.

The post Grevat mbarëkombëtare paralizojnë transportin publik në të gjithë Gjermaninë appeared first on Albeu.com.

Një rast i rëndë ka ndodhur fundjavën që lamë pas në Gjilan, ku një grua dyshohet se u shtyt drejt vetëvrasjes, në rrethana e motive akoma të paqarta.

Fatmirësisht viktima ka shpëtuar, por me lëndime trupore. Ajo fillimisht është dërguar në Emergjencën e Spitalit të Gjilanit, por për shkak të gjendjes shëndetësore është transferuar në Qendrën Klinike Universitare të Kosovës.

Sipas informacioneve të para, posa ngjarja është denoncuar, janë ndërmarrë veprimet e nevojshme dhe me urdhër të Prokurorit të Shtetit, është inicuar rasti si ” Shtytja në vetëvrasje”.

Kjo është konfirmuar edhe nga Policia Rajonale e Gjilanit.

Kjo vepër penale sanksionohet me Kodin Penal të Republikës së Kosovës me burgim, por nëse ka vetëm tentim, dënimi zbutet.

The post Gjilan: Gruaja dyshohet se u shty drejt një akti ekstrem, në gjendje të rëndë shëndetësore appeared first on Albeu.com.

Bad Bunny ka hyrë në histori në Çmimet Grammy, duke u bërë artisti i parë në 68 vite që fiton çmimin “Albumi i Vitit” me një album të kënduar tërësisht në gjuhën spanjolle.

Muzikanti portorikan u shpërblye për albumin e tij të gjashtë, “Debí Tirar Mas Fotos”, duke mposhtur emra të njohur si Lady Gaga, Kendrick Lamar dhe Sabrina Carpenter.

I emocionuar në skenë, Bad Bunny ia dedikoi çmimin emigrantëve, në një ceremoni ku shumë artistë ngritën zërin kundër politikave aktuale amerikane të imigracionit.

“Ky çmim është për të gjithë ata që u detyruan të lënë vendin e tyre për të ndjekur ëndrrat”, u shpreh ai.

Gjatë mbrëmjes, disa artistë shprehën hapur mbështetjen për emigrantët, ndërsa në tapetin e kuq u panë edhe mesazhe proteste kundër autoriteteve të imigracionit

Ndërkohë, Billie Eilish dhe vëllai i saj Finneas fituan çmimin “Kënga e Vitit” për “Wildflower”, duke e marrë këtë trofe për herë të tretë që nga viti 2020.
Në fjalën e saj, Eilish theksoi rëndësinë e reagimit dhe protestës në kohë të vështira, duke nënvizuar se zëri i artistëve dhe i njerëzve ka rëndësi.

Ceremonia e këtij viti u karakterizua jo vetëm nga fituesit, por edhe nga mesazhe të forta sociale dhe politike.

The post Bad Bunny hyn në historinë e Grammy, fiton “Albumin e Vitit” në gjuhën spanjolle appeared first on Albeu.com.

Një takim i papritur në orët e para të mëngjesit të së hënës ka tërhequr vëmendjen e publikut dhe rrjeteve sociale.

Lim Hoti dhe Edi Kuçi, dy ish-konkurrentë të Big Brother VIP Kosova, janë parë bashkë në Prishtinë, duke surprizuar ndjekësit, sidomos për shkak të marrëdhënies jo gjithmonë të qetë që kishin gjatë qëndrimit të tyre në shtëpinë më të famshme në Kosovë.

Pamjet e publikuara kanë nxitur menjëherë reagime të shumta, pasi raporti mes Limit dhe Edit nuk ishte zhvilluar, pasi kur Limi hyri ne show, Edi u largua. Megjithatë, duket se jashtë kamerave, dinamika mes tyre ka marrë një drejtim tjetër, miqesor mesa duket.

Interesimi rritet edhe më shumë për shkak të një detaji të njohur për publikun: që të dy kanë pasur një lidhje me Dolcen, një nga banoret më të përfolura të edicionit të katërt të BBVK-së.

Kujtojmë se Dolce dhe Edi janë parë shpesh në momente afërsie gjatë qëndrimit në shtëpi, duke nisur ditën me përkëdhelje dhe skena intime që kanë bërë xhiron e rrjeteve sociale. Ky takim i fundit ka shtuar kureshtjen e ndjekësve, të cilët po spekulojnë nëse bëhet fjalë për një sqarim mes dy ish-banorëve, një pajtim të mundshëm apo thjesht një takim rastësor.

The post Të dy krijuan lidhje me Dolcen, Limi dhe Edi shfaqen bashkë pas Big Brother VIP Kosova appeared first on Albeu.com.

Legjenda e Formula 1, Lewis Hamilton, thuhet se është në një lidhje me yllin amerikan të reality show-t, Kim Kardashian. Sipas The Sun, kampioni shtatë herë i botës britanike në F1 dhe Kim Kardashian shijuan një fundjavë romantike në fshat. Dyshja shijoi një vakt intim dhe një masazh në çift në Cotswolds pasi sipërmarrësja amerikane udhëtoi nga Los Angeles me avionin e saj privat prej 100 milionë paundësh, raporton Manchester Evening News.

45-vjeçarja ndaloi në Estelle Manor në Oxfordshire e shoqëruar nga tre truprojat e saj, raporton botimi. Pretendohet se çiftit iu dha përdorimi ekskluziv i ambienteve të spa-së në klubin e vendit në Witney, Oxfordshire, përpara se të darkonin në një suitë private.

Një burim tha: “Gjithçka dukej shumë romantike. Kim dhe Lewis i shfrytëzuan të gjitha lehtësitë që ofroheshin. Ajo kishte dy truproja me vete dhe Lewis kishte një oficer afërt.”

“Lewis dhe Kim kanë vite që njihen, me ish-kampionin e botës që mban lidhje të ngushta edhe me ish-partnerin e Kim, Kanye West. Megjithatë, dyshja nuk ka pasur kurrë më parë një lidhje romantike’– thote burimi.

Ata u larguan nga aeroporti afërsisht në orën 11:00 dhe të dy u nisën me dy makinat me të cilat Kim kishte mbërritur nga aeroporti. Një kalimtar tha se mundi të shihte një nga oficerët e saj duke mbajtur çantën Birkin të yllit me vlerë 800,000 £ dhe diametër 50 cm, së bashku me tetë valixhe.

Kim dhe Lewis u takuan për herë të parë në vitin 2014, kur u fotografuan së bashku me ish-partnerët e tyre në GQ Men of the Year Awards në Londër. Lewis më pas ka krijuar një miqësi me motrën e Kim, Kendall Jenner, me supermodelen që e shoqëroi atë për një xhiro në Grand Prix të Miamit 2024.

The post Kush është i dashuri i Kim Kardashian? A është ylli i reality show-t në një lidhje me legjendën britanike të F1? appeared first on Albeu.com.

DASHI

Asnjë planet nuk do ndikojë sot në jetën tuaj sentimentale, kështu që gjithçka do shkojë si e kishit ëndërruar. Lërini pas krahëve edhe ato që keni kaluar. Beqarët do i marrin gjërat më seriozisht dhe në çdo moment do e kërkojnë princin e tyre të kaltër. Financat do mbeten të qëndrueshme gjatë gjithë kohës. Asgjë dhe askush nuk do mund t’i trazojë ato.

DEMI

Venusi do ndikojë pozitivisht gjatë kësaj dite në jetën tuaj sentimentale. Më në fund do pajtoheni me personin që keni në krah dhe do e shihni me pozitivizëm të ardhmen. Beqarët do kenë disa takime, por në asnjë moment nuk do mendojnë të krijojnë menjëherë një lidhje. Në planin financiar tregohuni gjatë gjithë kohës të vëmendshëm, sepse përndryshe do keni vështirësi.

BINJAKËT

Ditë e mbushur me çaste të lumtura kjo e sotmja për të dashuruarit. Si kurrë më parë do flisni hapur edhe për disa tema delikate. Beqarët do luajnë me zjarrin dhe ka rrezik të digjen rëndë. Gjërat e nxituara asnjëherë nuk dalin për mirë. Sektori i financave do jetë i animuar. Nuk priten aspak probleme dhe vështirësi të mëdha, megjithatë maturia duhet të mbizotërojë.

GAFORRJA

Ka rrezik që gjatë kësaj dite të ketë mjaft konflikte në jetën tuaj sentimentale. Marrëdhënia me partnerin do jetë delikate. Beqarët do ndihen gati për të filluar një histori dashurie dhe do i shohin me kujdes të gjitha mundësitë që do iu jepen. Edhe gjendja e të ardhurave do përmirësohet ndjeshëm, kështu që do jeni më të qetë kur të kryeni ndonjë shpenzim.

LUANI

Do tregoheni shumë të matur gjatë kësaj dite dhe nuk do lejoni të krijohet asnjë lloj problemi me personin që keni në krah. Beqarët do jenë nervozë dhe nuk do mund të fillojnë dot një lidhje serioze. Duhet të presin edhe pak kohë për të ndryshuar status. Në planin financiar duhet të merrni masa strikte në mënyrë që gjendja të mos përkeqësohet më tepër.

VIRGJËRESHA

Ata që janë në një lidhje nuk do ndihen të qetë gjatë kësaj dite. Të shumtë do jenë personat që do ju thonë histori nga më të ndryshmet në mënyrë që t’iu ngrenë dyshimet mbi partnerin. Mos ua bëni qejfin. Për beqarët ka shumë mundësi që një miqësi të përfundojë në diçka më shumë. Në planin financiar duhet të ndërmerrni disa rreziqe që gjendja më pas të rregullohet.

PESHORJA

Do ia njihni të gjitha cilësitë partnerit tuaj gjatë kësaj dite dhe gjithçka do shkojë për mrekulli mes jush. Emocionet do jenë të njëpasnjëshme. Beqarët do jenë të parezistueshëm dhe do marrin propozime nga më mbresëlënëset. Gjendja e të ardhurave do vijë dalëngadalë duke u përmirësuar dhe kjo edhe falë ndihmës së disa familjarëve.

AKREPI

Do ndiheni mjaft xhelozë sot për atë që keni në krah dhe kjo mund të nxisë edhe debate të njëpasnjëshme. Asgjë nuk ka për të ecur si e kishit ëndërruar. Beqarët nuk do ndihen ende gati për të filluar një lidhje dhe do iu bien me shkelm edhe mundësive të mira që do iu jepen. Në planin financiar perspektivat janë goxha të mira. Nëse hiqni para mënjanë, keni për t’u pasuruar shpejt.

SHIGJETARI

Do e ngrini në piedestal gjatë kësaj dite partnerin, sepse në fakt ai i meriton të gjitha. Shumë gjëra kanë për të ndryshuar që sot e tutje. Beqarët do fillojnë aventura kalimtare të cilat do i bëjnë të ndihen mjaft mirë. Gjendja e financave do vijë dalëngadalë duke u përmirësuar. Do lodheni pak duke marrë masa strikte, por rezultati do ju bëjë të ndiheni të qetë.

BRICJAPI

Mos ëndërroni gjëra të cilat partneri nuk do mund t’ua plotësojë dot sot, sepse do lëndoni veten tuaj. Jo gjithçka do jetë në dorën e tij. Beqarët do jenë sensualë dhe gati për të pranuar ftesat që do ju bëhen. Me shumë gjasë do fillojnë histori të bukura dashurie. Financat nuk do mbeten në gjendjen që ishin, pasi ndihma e një të afërmi do iu ndihmojë mjaft.

UJORI

Fatmirësisht kjo ditë nuk do jetë aspak e tensionuar për jetën tuaj sentimentale. Do merreni vesh për çdo gjë me atë që keni në krah dhe gjërat do ecin për mrekulli. Beqarët do i mendojnë gjërat me kujdes dhe nuk do nxitohen të fillojnë menjëherë një lidhje. Në planin financiar bëjini mirë llogaritë në mënyrë që gjendja të mos përkeqësohet.

PESHQIT

Duhet të tregoheni sa më besnikë gjatë kësaj dite me atë që keni në krah, përndryshe situata mund t’iu ndërlikohet më tepër nga sa mund ta keni menduar ndonjëherë. Beqarët do kenë një ditë shumë të zakonshme dhe nuk do arrijnë të krijojnë dot një lidhje. Në planin financiar do kryeni transaksione të rëndësishme, sepse gjendja do jetë goxha e qëndrueshme

The post HOROSKOPI I SË HËNËS/ Zemra juaj është një busull dhe kohët e fundit duket se po lëkundet midis … appeared first on Albeu.com.

“Administrata Trump thuhet se i ka njoftuar zyrtarët iranianë, përmes “kanaleve të shumëfishta”, se është e hapur për mundësinë e një takimi për të negociuar një marrëveshje bërthamore”. Kështu i ka thënë një zyrtar i lartë amerikan portalit të lajmeve Axios, mes një rritjeje të konsiderueshme të pranisë ushtarake amerikane në Lindjen e Mesme.

Dy burime anonime rajonale kanë specifikuar se autoritetet në Turqi, Egjipt dhe Katar po punojnë për të organizuar një takim midis të dërguarit të SHBA-së Steve Witkoff dhe zyrtarëve të lartë iranianë.

Takimi pritet të zhvillohet këtë javë në Ankara. “Po bëjmë çmos”, tha një zyrtar anonim nga një prej tre vendeve.

Burime nga Shtëpia e Bardhë kanë sqaruar se Presidenti Donald Trump ende nuk ka marrë një vendim përfundimtar mbi mundësinë e sulmit ndaj Iranit dhe se ai mbetet i hapur për një zgjidhje të mundshme diplomatike.

The post Orë kritike për Iranin, a do të urdhërojë Trump sulmin? Mediat: SHBA-të me qasje diplomatike, të gatshme për takim me Teheranin appeared first on Albeu.com.

Papa Leo ka bërë thirrje për një armëpushim vetëm pak ditë para fillimit të Lojërave Olimpike Dimërore në Itali.

Duke pasur parasysh konfliktet e shumta të armatosura në të gjithë botën, kreu i Kishës Katolike u bëri thirrje sot udhëheqësve të bëjnë veprime konkrete për të ulur tensionet dhe për të kërkuar dialog.

Lojërat e 25-ta Olimpike Dimërore fillojnë të premten dhe më pas do të zhvillohen Lojërat Paralimpike. Qytetet pritëse janë Milano dhe Cortina d’Ampezzo.

Teksa ka folur para dhjetëra mijëra besimtarëve në Sheshin e Shën Pjetrit, Leo i cilësoi të dyja ngjarjet si “shenja të forta vëllazërie që frymëzojnë shpresë për një botë në paqe”. Ai u bëri thirrje politikanëve të ndjekin këtë shembull.

Ideja e një armëpushimi olimpik, të paktën një armëpushim gjatë garave, daton që nga kohërat e lashta. Megjithatë, thirrje të tilla rrallë merren parasysh.

Në vitin 2014, Lojërat Olimpike Dimërore u mbajtën në vendpushimin rus të Detit të Zi, Soçi, pak para se Rusia të pushtonte gadishullin ukrainas të Krimesë. Presidenti rus Vladimir Putin më pas urdhëroi një pushtim në shkallë të gjerë të Ukrainës në shkurt të vitit 2022.

The post Pak ditë nga Lojërat Olimpike Dimërore në Itali, Papa Leo thirrje për paqe: Duhen hapa konkretë për të ulur tensionet! appeared first on Albeu.com.

Një aksident ka ndodhur mbrëmjen e sotme në qendër të qytetit të Shkodrës.

Një automjet ka përplasur humoristin Nexho Shabani, i cili po lëvizte me biçikletë.

Si pasojë e përplasjes, Shabani ka pësuar dëmtime të shumta dhe është transportuar me urgjencë në spital, ku po merr ndihmën mjekësore.

Ende nuk dihen detaje mbi gjendjen e tij shëndetësore, ndërsa rrethanat e aksidentit janë në hetim nga policia.

Policia Shkodër – Informacion paraprak

Rreth orës 20:05, në sheshin “Demokracia”, automjeti me drejtues shtetasin N. Xh., është përplasur me shtetasin N. Sh., i cili po lëvizte me biçikletë.

Si pasojë e aksidentit, është dëmtuar shtetasi N. Sh., i cili ndodhet në Spitalin Rajonal Shkodër, nën kujdesin e mjekëve.

Grupi hetimor po punon për sqarimin e rrethanave të aksidentit.

The post Aksidenti në qendër të Shkodrës, u përplas nga makina humoristi i njohur Nexho Shabani appeared first on Albeu.com.

Një ngjarje e rëndë me armë zjarri është shënuar këtë mbrëmje në qendër të Rrilës, në Lezhë.

Si pasojë e të shtënave, ka mbetur i plagosur shtetasi Sokol Daci, rreth 30 vjeç.

Burime zyrtare bëjnë me dije se ai ndodhet jashtë rrezikut për jetën dhe po merr ndihmën mjekësore në spital.

The post Të shtënat në Lezhë, identifikohet i plagosuri, si paraqitet gjendja e 30-vjeçarit (EMRI) appeared first on Albeu.com.

The post Të shtënat në Lezhë, identifikohet i plagosuri, si paraqitet gjendja e 30-vjeçarit (EMRI) appeared first on Albeu.com.

Deputeti i PD Klevis Balliu, ka reaguar në lidhje me situatën e krijuar sot në Kthesat e Dragostunjës, ku për tetë orë aksi Librazhd-Prrenjas është bllokuar pas rrëshqitjes së gurëve dhe shkëmbinjve.

Në një postim në rrjetet sociale, Balliu shkruan se çdo rrugë është kthyer në rrezik për jetën e qytetarëve, ndërkohë që qindra milionë euro janë shpenzuar për infrastrukturën.

Balliu shton se fajtor për situatën e krijuar është vjedhja dhe korrupsion I kryeministrit Edi Rama dhe numrit 2 të qeverisë, Belinda Balluku.

Postimi i plotë:
Qindra milionë euro taksa për rrugët dhe infrastrukturën, ndërsa realiteti është alarmant. Ja se çfarë po ndodh në aksin Librazhd–Prrenjas në këtë moment.
Çdo rrugë është kthyer në rrezik për jetën e qytetarëve.
Arsyeja është e qartë: vjedhja dhe korrupsioni i Edi Ramës dhe Belinda Ballukut.
Ky pushtet rrezikon jetën e njerëzve për të mbushur xhepat e tij.
Më 10 shkurt, të bashkohemi në protestë kundër narkopushtetit.

The post “Qindra mln euro taksa për infrastrukturën, rrugët rrezik për jetën e qytetarëve”, Klevis Balliu: Pasojë e vjedhjeve dhe korrupsionit të Ramës dhe Ballukut appeared first on Albeu.com.

Presidenti i Serbisë, Aleksandar Vuçiç ka thënë më 1 shkurt se shteti nuk ka asnjë lidhje me aferën që bërë e ditur pas kapjes së pesë tonëve të marihuanës në pronën e një zyrtari lokal të partisë në pushtet, Partia Përparimtare Serbe (SNS).

Ai ka thënë se policia “ka arrestuar njerëz” dhe që kundërshtarët e tij politikë “kanë kthyer gjithçka mbrapsht” dhe pretendojnë se shteti është mbrapa aferës.

“Njerëzit nga Policia gjetën pesë tonë të një lloj droge. Tani, nëse vetëm djali e ka ditur për këtë apo të dy, edhe djali edhe babai, kjo është çështje tjetër, le ta vendosin autoritetet kompetente, nuk dua të pretendoj asgjë. Ne e kemi kryer atë operacion”, ka thënë Vuçiq për Televizionin Pink.

Më 29 janar, Policia e Serbisë, në bashkëpunim me Zyrën e Prokurorit për Krim të Organizuar ka konfiskuar pesë tonë marihuanë në zonën e fshatit Konjuh afër Krushevcit, në Serbinë qendrore.

Të dyshuar për këtë rast janë Aleksandar Mijajlloviq, Nebojsha Spasojeviq, Rade Spasojeviq, Ivan Dragniq and Urosh Mlladenovski.

Autoritetet kanë kërkuar lëshimin e një fletarrestimi, përfshirë edhe atë ndërkombëtar për Aleksandar Mijajlloviqin, i cili është identifikuar si organizator i grupit të organizuar kriminal dhe tani është në arrati.

Sipas autoriteteve serbe, grupi ka vepruar në nivel ndërkombëtar dhe ka përvetësuar pesë tonë të marihuanës në territorin e Maqedonisë së Veriut përgjatë muajit janar.

Presidenti i partisë opozitare Lëvizja Popullore e Serbisë, Mirosllav Aleksiq, ka thënë përmes një postimi në X – dikur Twitter, se njëri prej të arrestuarve gjatë sekuestrimit të drogës ishte një këshilltar i Partisë Përparimtare Serbe, parti në pushtet, në Krushevc.

Aleksiq ka thënë se personi i arrestuar është “mik dhe ndihmës i ngushtë” i familjes së ministrit të Mbrojtjes, Bratisllav Gashiq.

Ministri Gashiq nuk ka bërë ndonjë koment pas akuzave dhe as nuk e ka përmendur emrin e personit të arrestuar.

Përmes një deklarimi të publikuar në gazeta serbe, ai i ka përgëzuar autoritetet policore dhe të sigurisë për aksionin, duke thënë se veprime si këto tregojnë se “nuk ka njerëz të mbrojtur në Serbi”./REL

The post Në pronësi të një zyrtari të partisë së Vuçiçit/ U kapën 5 tonë drogë, presidenti serb: Shteti nuk ka asnjë lidhje! appeared first on Albeu.com.

Erald Kapri ka reaguar në lidhje me situatën ku u gjendën sot mijëra qytetarë, të cilët për rreth 8 orë u bllokuan në aksin kombëtar Prrenjas-Librazhd, pas rrëshqitjes së gurëve dhe shkëmbinjve nga mali në zonë e njohur si Kthesat e Dragostunjës. Shkak për shembjen e masivit gjigant të gurëve e dherave u bënë punimet në kodër në kuadër të Korridorit VIII.

Në një postim në rrjetet sociale, Kapri shkruan se Kompania ANK sh.p.k e ish-deputetit socialist Ndue Kola mori 20 mln euro për zgjerimin e rrugës, ndërsa në total për aksin Elbasan–Qafë Thanë janë shpenzuar 80 milionë euro, vetëm që kjo e fundit të shembet në shiun e parë.

Ai ka renditur edhe disa rrugë dhe tunele të dëmtuara që sipas tij tregon se qëllimi i kësaj qeveri nuk është të ndërtojë infrastrukturë të sigurt, por që të ndaj tenderat me kompani afër pushtetit.

Postimi i plotë:
Kanë kaluar shtatë orë dhe mijëra qytetarë vijojnë të jenë të bllokuar në aksin Librazhd–Elbasan.
Të sëmurët janë detyruar të kalojnë me barrela.
Në këtë segment të shkurtër janë dhënë 20 milionë euro kompanisë ANK, në pronësi të ish-deputetit socialist Ndue Kola, për zgjerimin e aksit.
Në total, për Elbasan–Qafë Thanë janë shpenzuar 80 milionë euro.
Çfarë ndodhi?
U shemb me shiun e parë.
Ky nuk është rast i izoluar. E njëjta gjë ka ndodhur edhe me aksin Qukës–Qafë Plloçë, ku pavarësisht se u shpenzuan 6 milionë euro për kilometër, rruga u shemb. Pikëpyetje serioze ka edhe për tunelin e Llogarasë dhe tunelin e Murrizit.
Pas vitit 2013, nuk kemi asnjë kompani perëndimore që të ketë ardhur në Shqipëri dhe të ketë fituar një tender për ndërtimin e rrugëve. Arsyeja është e qartë; qeveria ka ndërtuar kritere të tilla që tenderat t’i fitojnë kompani të afërta me pushtetin, për të ndarë fitimet.
Këta nuk kanë interes të ndërtojnë rrugë me standarde apo rrugë të sigurta. Interesi i tyre i vetëm është të përfitojnë sa më shumë para nga tenderat.
Dhe kush i vuan pasojat e gjithë këtyre aferave korruptive?
Qytetarët, që edhe sot vijojnë të presin të bllokuar për të kaluar rrugën.

The post Mijëra qytetarë të bllokuar për rreth 8 orë në aksin Prrenjas-Librazhd, Kapri: Kompania ANK e ish-deputetit socialist Ndue Kola, mori 20 mln euro për zgjerimin e rrugës appeared first on Albeu.com.

Publikimi i dokumenteve të reja nga dosja e Jeffrey Epstein, të bëra publike nga Departamenti Amerikan i Drejtësisë në faqen e tij zyrtare, ka nxjerrë në pah edhe komunikime ku përmenden emra të lidhur me Kosovën.

Në një prej email-eve të publikuara, të datës 19 shtator 2012, figuron të jetë përmendur emri i ish-presidentit dhe ish-zëvendëskryeministrit të Kosovës, Behgjet Pacolli.

Email-i, i dërguar nga Konsulli i Republikës së Kosovës në Tajlandë në atë kohë, mban titullin “Kush është Behgjet Pacolli?” dhe i drejtohet Jeffrey Epstein. Në përmbajtje, dërguesi, i identifikuar si “Daniel”, shkruan se “princesha dëshiron që ti ta shohësh këtë video”, duke bashkëngjitur një link nga YouTube, i cili aktualisht nuk është më funksional.

Në të njëjtin komunikim, përmendet edhe emri i konsulles së atëhershme të Kosovës në Tajlandë, Mom Luang Rajadasari Jayankura, e cila thuhet se ka kërkuar që materiali t’i përcillet Epstein-it.

E njëjta konsulle përmendet edhe në një email tjetër të vitit 2012, ku flitet për një takim të mundshëm në New York. Në atë email përmendet se “princesha nga Tajlanda do të jetë në Kombet e Bashkuara me presidenten e Kosovës”, duke i shprehur dëshirën për një takim gjatë asaj jave. Edhe pse presidentja nuk përmendet me emër, në vitin 2012 presidente e Kosovës ishte Atifete Jahjaga.

Mom Luang Rajadasari Jayankura ka folur më herët publikisht për rolin e saj në lobimin për njohjen e Kosovës nga Tajlanda dhe shtete të tjera. Në një tekst autorial, ajo përshkruan bashkëpunimin me Behgjet Pacollin, duke theksuar se ishte njohur me të në Filipine në nëntor të vitit 2011 dhe se kishte vendosur të angazhohej për mbështetjen ndërkombëtare të Kosovës.

Ajo shkruan se kishte investuar përpjekjet e saj për njohjen e Kosovës, duke e cilësuar këtë si një të drejtë legjitime të shtetit të Kosovës për të ekzistuar si entitet sovran në sistemin ndërkombëtar politik, social dhe ekonomik.

Publikimi i këtyre email-eve nuk përmban akuza penale ndaj personave të përmendur, por dëshmon për komunikime dhe kontakte që janë bërë publike në kuadër të dokumenteve zyrtare të dosjes Epstein.

The post Publikohen email-et/ Behgjet Pacolli shfaqet në dosjen ‘Epstein’, ja për çfarë flitet appeared first on Albeu.com.

Në Jeruzalem javën e kaluar, kryeministri Edi Rama i zgjodhi fjalët e tij me kujdes dhe i zgjodhi ato sipas traditës hebraike, sipas “The Jerusalem Post”.

“Talmudi mëson se kushdo që shpëton një jetë të vetme, është sikur të ketë shpëtuar të gjithë botën”, tha Rama në konferencën ndërkombëtare për antisemitizmin “Generation Truth” të organizuar nga Ministria e Çështjeve të Diasporës dhe Luftës Kundër Antisemitizmit e Izraelit.

Takimi, i mbajtur në Jeruzalem për të dytin vit radhazi, që përkon me Ditën Ndërkombëtare të Përkujtimit të Holokaustit, mblodhi udhëheqës ndërkombëtarë dhe figura të komunitetit hebraik në Izrael, për të diskutuar rritjen globale të antisemitizmit.

“Antisemitizmi nuk është thjesht një urrejtje ndaj hebrenjve, por një sulm ndaj arkitekturës morale të vetë njerëzimit”, tha Rama.

“Bëhet fjalë për njerëzimin. Historia tregon se fillon me hebrenjtë, por nuk mbaron me hebrenjtë”, tha kryeministri Rama për “The Jerusalem Post”.

Paralajmërimi i Ramës, i cili është pjesërisht instinkt historik, pjesërisht gjykim politik, qëndron në fokus të marrëdhënies së tij me Izraelin.

Pikëpamja e Ramës për Jeruzalemin nuk është pikëpamja mesatare diplomatike, por vjen nga një botë ku ai u rrit duke u mësuar të urrente shtetin hebre.
Jeruzalemi diskutohet pas Perdes së Hekurt

Historia personale e Ramës fillon në një Shqipëri komuniste të izoluar nga bota, ku paranoja ishte politikë shtetërore dhe ku pak miq gjendeshin në të dyja anët e Perdes së Hekurt.

“Që kur isha fëmijë, isha i fiksuar pas Jeruzalemit”, tha ai.

“Ne jetonim në një vend krejtësisht të izoluar dhe na mësuan se duhej të përgatiteshim për “luftën e madhe”, sepse “ata” do të vinin për ne. “Ata” ishin imperialistët amerikanë, socialimperialistët sovjetikë dhe sionistët izraelitë”, shtoi Rama.

“Jeruzalemi vinte nëpërmjet dy kanaleve. Njëri ishte versioni i miratuar nga shteti, ai i nxënësve të shkollës që lexonin gazetën e Partisë Komuniste në mëngjes, me raporte rreth “sa keq ushtria sioniste vret, plagos ose zhvendos palestinezët”, tha kryeministri Rama.

“Kanali tjetër ishte më privat dhe shumë më i ndaluar nën regjimin e Enver Hoxhës”, shtoi ai.

“Kanali tjetër i lidhjes sime ishte Bibla e gjyshes sime, e cila ishte një katolike shumë e zjarrtë”, tha Rama.

“Bibla në atë kohë ishte e ndaluar, por ajo kishte një Bibël të vërtetë, dhe kështu edhe nëna ime”, shtoi ai.

“Pas rënies së komunizmit, nuk mund të vija në Izrael sepse nuk kishte udhëtime ajrore ose detare”, kujtoi ai.

“Por fillova të mësoja shumë më tepër rreth historisë së Jeruzalemit, dhe më në fund arrita të vija, dhe dashuria vetëm rritej që atëherë”, tha Rama.

Ishte pas Luftës së Ftohtë që marrëdhëniet moderne midis Izraelit dhe Shqipërisë u rindërtuan.

Marrëdhëniet u vendosën menjëherë pas themelimit të Izraelit, u ndërprenë për disa dekada dhe u rivendosën në fillim të viteve 1990.

Ambasadat u krijuan, më vonë si në Tel Aviv ashtu edhe në Tiranë, dhe bashkëpunimi u zgjerua në ekonomi, kulturë, bujqësi, kibernetikë dhe turizëm.

Në konferencën e Jeruzalemit, ai u rikthye te historia e kohës së luftës që është bërë karta morale e Shqipërisë: kodi i nderit i njohur si “Besa” dhe strehimi i hebrenjve gjatë Holokaustit.

“Kur Shqipëria u bë i vetmi vend në Evropë që nuk dorëzoi asnjë hebre gjatë Luftës së Dytë Botërore, popullsia hebraike u rrit gjatë luftës”, tha Rama, ndërsa i tha pjesëmarrësve se Shqipëria i kishte dhënë mbi 3,700 emra, Qendrës Botërore të Përkujtimit të Holokaustit “Yad Vashem” – të hebrenjve të shpëtuar gjatë Holokaustit.

“Gjatë Holokaustit, zyrtarët nazistë erdhën në Shqipëri me dy kërkesa: listat e hebrenjve dhe listat e arit”, tha Rama në konferencë.

Ai tha se përgjigjja u dha përmes autoriteteve të Shqipërisë dhe më pas u përforcua nga katër udhëheqësit fetarë të vendit – figurat që vetë nazistët i trajtuan si arbitra moralë dhe u përpoqën t’i angazhonin për të zgjidhur ato “dy çështje”.

“Por, përgjigjja e Shqipërisë nuk u përkul dhe nuk bëri pazar. Ishte e thjeshtë dhe përfundimtare: “Mund t’ua merrni arin, nuk mund t’i merrni hebrenjtë tanë. Ari ishte i tyre për ta marrë, hebrenjtë ishin tanët për t’i mbrojtur. Dhe kjo nuk është një legjendë, është një fakt”, theksoi Rama.

“Antisemitizmi po rishfaqet sërish hapur dhe pa turp, shpesh i maskuar si kritikë politike, ankth kulturor, ose edhe më keq, superioritet moral”, shtoi ai.

“Urrejtja nuk fillon me dhunë. Fillon me gjuhë. Fillon me indiferencë. Fillon me justifikime”, tha Rama.

“Sapo të fillosh të tolerosh antisemitizmin, në fakt po hap një vrimë në strukturën që i mban shoqëritë të qëndrueshme”, këmbënguli Rama.

“Është si të hapësh një vrimë, pastaj ajo bëhet gjithnjë e më e madhe me kalimin e kohës. Ose si të kesh një ndërtesë pa dritare ose dyer për mbrojtje”, shtoi ai.

Rama iu drejtua gjithashtu 7 tetorit dhe luftës dyvjeçare që pasoi, duke iu referuar perceptimit se Izraeli kishte dështuar në “luftën e PR” në Perëndim.

“Terrorizmi nuk është një perspektivë. Është thjesht një krim kundër njerëzimit. Masakra e 7 tetorit nuk ishte rezistencë. Ishte një vrasje masive”, tha ai.

Ai i pranoi vuajtjet palestineze në Gaza si “reale” dhe “vërtet zemërthyese”, por tha se detyrimet morale në Perëndim e kishin ngatërruar të vërtetën për disa njerëz.

“Ne jetojmë në kohë të vështira të së vërtetës, sepse tani opinionet po trajtohen si fakte dhe faktet po trajtohen si opinione”, tha ai.

“Është një rrëmujë. Më shumë se kaq, bazuar në besnikëri, njerëzit zgjedhin opinione se “kjo është e drejtë” dhe pastaj e konsiderojnë atë si fakt”, tha Rama.

“Është një çmenduri të turbullosh vijat morale ose të legjitimosh terrorin në emër të proporcionalitetit. Paqja nuk do të thotë dhe nuk mund të nënkuptojë neutralitet ndaj terrorit”, tha kryeministri Rama.

Gjatë intervistës, Rama argumentoi se marrëdhënia e Shqipërisë me Izraelin nuk kufizohet vetëm në historinë ceremoniale.

“Izraelitët, mund ta ndiejnë atë në terren, veçanërisht në një kohë kur hebrenjtë janë përballur me armiqësi në pjesë të Evropës”, tha ai.

Presidentja Osmani, kurorë lulesh për dy dëshmorët e familjes Humolli në Koshare
“Nuk kishte asnjë tubim, nuk kishte asnjë shenjë në asnjë formë antisemitizmi ndaj numrit shumë të gjerë të turistëve hebrenj që vijnë në Shqipëri”, tha ai, duke e krahasuar atë me vendet e tjera të afërta – ku tha se turistët hebrenj kishin vuajtur për shkak të luftës së Izraelit kundër Hamasit.

Megjithatë, pati momente më të lehta gjatë vizitës së tij. Kryetari i Knesset-it, Amir Ohana, i dhuroi Ramës një palë këpucë të dizenjuara me porosi të stampuara me flamurin shqiptar si shenjë vlerësimi.

Gjithashtu, kryeministri Rama pati takime për të çuar përpara Dhomën e Tregtisë së Shqipërisë në Izrael dhe një konferencë për shtyp së bashku me kryeministrin Benjamin Netanyahu.

Rama mori gjithashtu një duartrokitje në këmbë kur doli në podiumin e Knesset-it ndërsa do iu drejtohej ligjvënësve izraelitë.

Rama e shpjegoi këtë afërsi në terma më të thjeshtë.

“Mendoj se është normale të jesh mik me Izraelin, por është një nder të konsiderohesh një mik kaq i ngushtë i Izraelit”, tha Rama.

I pyetur se çfarë do të ndodhte më pas midis dy vendeve, Rama tha: “Shpresoj se do të kemi shumë gjëra të tjera të mira”.

Për Izraelin, vizita e Ramës ishte më shumë sesa thjesht një gjest diplomatik midis vendeve miqësore.

Jeruzalemi ka një aleat të vërtetë te kryeministri shqiptar, i cili mund të qëndrojë në skenë në kryeqytetin e përjetshëm të Izraelit dhe të citojë Talmudin.

Por për Ramën, përgjigjja është e qartë dhe kthehet te ideja e tij thelbësore e njerëzimit – se “nëse i lini të fillojnë me hebrenjtë, së shpejti do të vijnë për ju”.

The post Rama për “Jerusalem Post”: Kush shpëton një hebre, shpëton botën appeared first on Albeu.com.

Gjatë qëndrimin në Big Brother Vip 5 Kristit dhe Krusitës kanë qenë shumë të afërt mes njëri-tjetrin, por me paqartësi mbi sinqeritetin e ndjenjave mes tyre.

Pas Prime-t të së shtunës, në orët e para të mëngjes Krusita i ka kërkuar Kristit një përqafim ku ky i fundit ka shkuar drejt saj edhe e ka puthur në ballë.

Gjatë Prime-it, të dy kanë deklaruar se mes tyre ekziston një marrëdhënie e mirë dhe një kimi e dukshme. Krusita u shpreh se nuk ka ndjenja romantike për Kristin, por pranoi se afrimi dhe kimia mes tyre janë reale.

Nga ana tjetër, Kristi ka pohuar se ndjen një pëlqim për Krusitën, por theksoi se nuk dëshiron ta përdorë një lidhje si kartë loje brenda shtëpisë.

Megjithatë, disa prej banorëve mbeten skeptikë, duke ngritur dyshime se afrimi i tij mund të jetë strategjik dhe i përdorur në funksion të lojës.

The post Shprehën pëlqim për njëri-tjetrin në Prime, Krusita i kërkon përqafim Kristit, banori e puth appeared first on Albeu.com.

Kryetari i Partisë Demokratike Sali Berisha ka postuar një video nga paralizimi i aksit Përrenjas – Librazhd, e cila mbetur bllokuar prej rreth 8 orësh, pas rrëshqitjes së dherave dhe gurëve nga mali.

Në një postim në rrjetet sociale, Berisha shkruan: “Arsyeja? – janë – Vjedhjet kolosale të Rama-Balluku!”.

Mijëra qytetarë mbetën të bllokuar në trafik pas bllokimit të qarkullimit të mjeteve në të dy kahet e rrugës, në temperature të ulëta.

The post Aksi Përrenjas-Librazhd 8 orë i bllokuar, Berisha ndan pamjet: Arsyeja, vjedhjet kolosale Rama-Balluku! appeared first on Albeu.com.

Largimi i papritur i Limit nga shtëpia e “Big Brother VIP Kosova 4” ka ngjallur reagime dhe pikëpyetje të shumta tek publiku.

Vetëm pak pas daljes, ish-banori ka bërë reagimin e tij të parë publik, duke hedhur dritë mbi arsyet që çuan në ndërprerjen e garës.

Sipas Limit, largimi i tij nuk ka qenë një vendim i momentit, por pasojë e një marrëveshjeje të paracaktuar me produksionin, e cila ishte vendosur që përpara nisjes së formatit.

Ai ka bërë të ditur se gjithçka u aktivizua pas një telefonate specifike, e cila kishte të bënte me një çështje strikte personale.

Limi ka sqaruar se kishte lënë udhëzime të qarta për stafin drejtues: nëse do të merrte një telefonatë të tillë, ai duhej të largohej menjëherë nga shtëpia.

Ky, sipas tij, ishte i vetmi kusht që kishte vendosur për pjesëmarrjen në këtë format dhe që u respektua në momentin kur situata ndodhi.

“Duhet ta marr siç vjen”, është shprehur ai, duke theksuar se, ndonëse nuk është një person që dorëzohet lehtë, rrethanat personale ishin të pashmangshme.

Ai shtoi se rrugëtimi i tij në shtëpi duhej të ndalej aty, pavarësisht dëshirës për të vazhduar lojën.

Në përfundim të deklaratës, Limi la të kuptohet se arsyeja madhore e largimit lidhet me jetën jashtë shtëpisë, duke përfunduar me fjalët: “Por çka të bëjmë, kjo është jeta”.

The post Limi zbulon arsyen e largimit nga BBVK appeared first on Albeu.com.

Pas rreth shtatë orësh pune intensive, është hapur për qarkullim segmenti i bllokuar i rrugës kombëtare Librazhd–Prrenjas, i cili u mbyll përkohësisht pasi trasesë iu derdhën qindra metra kub gurë dhe dhe, si pasojë e rrëshqitjes së një masivi shkëmbor nga shpati i kodrës.

Shpati ku ndodhi rrëshqitja është pjesë e punimeve për ndërtimin e një segmenti të trasesë së re rrugore, në kuadër të projektit të njohur si Koridori VIII, ku aktualisht po operon kompania “ANK” sh.p.k.

Falë ndërhyrjes së menjëhershme me mjete të rënda dhe angazhimit të ekipeve në terren, u bë i mundur pastrimi i plotë i aksit dhe rifillimi i qarkullimit të automjeteve në të dy drejtimet.

Autoritetet rrugore u bëjnë thirrje drejtuesve të mjeteve të tregojnë kujdes të shtuar gjatë lëvizjes në këtë zonë, të respektojnë sinjalistikën rrugore dhe paralajmërimet, veçanërisht në segmentet ku vijojnë punimet.

Hapja e rrugës erdhi pas një ndërhyrjeje emergjente që synoi garantimin e sigurisë së udhëtarëve dhe rikthimin sa më të shpejtë të qarkullimit normal në këtë aks të rëndësishëm lidhës mes Librazhdit dhe Prrenjasit.

The post Rikthehet qarkullimi pas SHTATË orësh!/ Hapet aksi Librazhd-Prrenjas pas bllokimit nga qindra metra kub gurë appeared first on Albeu.com.