Veshja e Berishës me uniformen e Interit dhe thirrja për mosnjohjen e humbjes ishte një gjetje sipërfaqësisht e bukur. Ashtu si skuadra e Milanos në finalen e Ligës së Kampioneve edhe ajo e ShQUP-it u mund thellë dhe doli me turp nga fusha e lojës.

Triumfi i fituesve ishte ngadhënjyes.

Pikërisht kjo ngjashmëri në rezultat u dha dorë taborëve të regjimit, të cilët kanë adoptuar parrullën e kryeministrit se “ky popull nuk ndryshon qeverinë pa ndryshuar më parë opozitën”, ta qesharakëzojnë Saliun si një humbës serial që nuk pranon dot realitetin e disfatave të veta.

Por, po u mendove pak për simbolikën e kësaj “gjetjeje” kupton dhe anën tjetër: atë, se sa shumë janë shumfishuar mediat, analistet, opozitarët fallco që e kanë shndërruar talljen, kritikën fajsimin e Saliut në burim jetese.

Ngaqe s’ kanë leje te hapin gojën për njeriun e gjithfuqishëm që vendos për gjithçka në jetët tona, merren me nje kalë të ngordhur, impakti i të cilit mbi pensionet, taksat, gjobat, bursat, subencionet, hipotekat, gjykatat tona është zero.

Ata që veshën Berishën si interist dhe qe imponojnë çdo ditë debatin nëse duhet të japë dorëheqjen apo jo, me siguri që po mos ekzistonte ai, do përmbytnin mediat dhe TV me pyetjet: a duhet ta mbajë fjalën Tik Llapaj dhe të japë dorheqjen??? A dështoi me turp Agron Shehaj i cili premtoi se do të merrte një grup parlamentar? A e zhvlerësoi elektorati tezën e Arlind Qorit se jetojmë në një regjim oligarkik, pasi i dha vetëm 1 deputet nga 140 të mundëshëm?

Janë pikërisht të njëjtit që i hapën katër kanatë dyert e mediave dhe emisioneve të tyre për Bashën, po atij Luli, që kur ishte rival i Edi Ramës e etiketonin si spiunues të luftëtarëve të UÇK-së dhe të paguar nga Putini.

Ngaqë nuk gjejnë dot asnjë argument për të mburrur padronin e tyre real, kjo farë meskinësh, që s’flasin dot për gjëra më të mëdha, me vlerë dhe interes publik, sforcohen të bymehin çdo kauzë minore.

Këtë dëshmon dhe imazhi i veshjes së Berishës me simbolet e interistit. Ajo tregon se ata që e krijuan e shpërndanë dhe e botuan mbajnë nën xhaketë vulën e zhgryer të socialistit.

©Lapsi.al

The post Kush e veshi Berishën me uniformën e Interit? appeared first on Lapsi.al.

Data 31 maj ka hyrë tashmë në historinë futbollistike të Paris Saint-Germain, që ngriti titullin e tij të parë të Champions League duke e poshtëruar pa mëshirë Inter në Mynih. Një finale me një drejtim të vetëm për njerëzit e Luis Enrique, të cilët ndezën festimet e pakontrollueshme të tifozëve të tyre. Festa që u përshkallëzua në qytet në mënyrën më të keqe të mundshme, me një mori të plagosurish dhe një bilanc dëshpërues, por që nuk ishte më pak shqetësuese as brenda stadiumit menjëherë pas minutës së 90′, kur një turmë e madhe u fut në fushë, duke hedhur më parë kapsolla dhe duke përdorur tymuese, pa marrë parasysh rregullat e UEFA-s, që tani pritet të vendosë ndaj PSG sanksione të rënda.

Çfarë ndodhi në minutat e fundit të PSG-Inter

Përballë asaj që ndodhi menjëherë pas vërshëllimës përfundimtare të ndeshjes mes PSG e Inter, ekzistojnë të paktën dy situata për të cilat skuadra franceze është e ekspozuar ndaj sanksioneve të rënda nga UEFA, e cila në orët në vijim do të vendosë se si do të ndërhyjë përmes vendimeve të Komisionit të saj. Së pari, tifozët parisienë brenda stadiumit të finales ndezën në mënyrë të përsëritur tymuese dhe fishekzjarrë gjatë fazave përfundimtare të ndeshjes, duke shkaktuar edhe një re të dendur tymi që u vu re në transmetimin televiziv global.

Një praktikë e ndaluar prej vitesh dhe për të cilën në skenën ndërkombëtare zbatohet zero tolerancë: si futja, ashtu edhe ndezja e këtyre mjeteve janë të ndaluara rreptësisht nga autoriteti më i lartë i futbollit europian. Vetëm për një rastësi të thjeshtë arbitri nuk u detyrua ta ndërpriste ndeshjen për shkak të pamjes së dobët që mbuloi fushën për disa çaste.

UEFA, tolerancë zero ndaj sjelljes së tifozëve

Ajo që po diskutohet në selinë e UEFA-s ka të bëjë edhe me atë që ndodhi në fund të ndeshjes: ndërkohë që PSG po festonte trofeun me tifozët e tij, mbi 18 mijë të shpërndarë në shkallët e stadiumit – mes sektorit të dedikuar dhe atyre që kishin blerë biletë në zona “neutrale” – situata doli shumë shpejt jashtë kontrollit.

Lexo më tej: PSG, ultras racistë e huliganë/ Pse shpërtheu dhuna pas finales së Champions në Paris

Pak pas minutës së 90′, me ekipet ende në fushë, një turmë e madhe njerëzish u fut në fushë, duke detyruar vetë lojtarët e PSG të vraponin për t’u strehuar në dhomat e zhveshjes për të vazhduar festën. Edhe në atë rast, pati momente shumë të tensionuara me një grup ultrasish që, duke iu shmangur kontrollit të sigurisë, tentuan të “rrëmbenin” trofeun nga skuadra e tyre duke u përpjekur të futeshin me forcë në dhomat e zhveshjes – një përpjekje që dështoi.

The post PSG rrezikon sanksione të rënda nga UEFA për atë që ndodhi gjatë finales me Inter appeared first on Lapsi.al.

Përshtypjet janë se aventura e Simone Inzaghi në stolin e Interit mbaroi që në Mynih. Është e vështirë të imagjinohet se mund të fillohet nga e para pas një zhgënjimi kaq të madh sa finalja e Ligës së Kampionëve, në të cilën zikaltrit hynë në histori në një mënyrë kaq negative.

Dyshimet për të ardhmen e trajnerit kishin filluar të shfaqeshin që para ndeshjes, por ata ishin përpjekur t’i fshihnin sepse ishte një ndeshje shumë e rëndësishme për t’u fituar me çdo kusht. Në vend të kësaj, gjërat shkuan në mënyrën më të keqe të mundshme dhe fjalët e Inzaghit në fund të ndeshjes tregojnë se do të jetë e vështirë për të ecur përpara së bashku. Duke filluar nga Kupa e Botës për Klube që do të zhvillohet së shpejti në SHBA.

Sidoqoftë, gjithçka do të vendoset në takimin e planifikuar për të martën me Presidentin Marotta. Zhgënjimi sigurisht që nuk do të ketë mbaruar ende, por të paktën Inzaghi do të ketë mundësinë të mendojë pak më me qetësi. Përveç nëse ai e ka marrë tashmë vendimin. Sepse nga njëra anë janë shumë miliona që vijnë nga Arabia Saudite dhe ndërgjegjësimi se ndoshta ka përfunduar një rrugë, me sukses, por me shumë keqardhje.

LEXO EDHE: Ç’ndodhi/ Frattesi u përplas me Inzaghin pas humbjes: Pse nuk më fute në lojë?

Nga ana tjetër, mundësia e vazhdimit në klub që e bëri të madh si trajner, por edhe me sigurinë se do të jetë e nevojshme të rindërtohet pothuajse nga e para një projekt që ka arritur në fund të udhëtimit të tij.

Inzaghi do të dëshirojë të kuptojë se deri në çfarë mase Interi do të jetë në gjendje t’i plotësojë kërkesat e tij, të cilat sigurisht nuk janë vetëm financiare (propozimi i klubit do të jetë zgjatja e kontratës aktuale me një vit me të njëjtën shifër ose me një rregullim të lehtë të pagës), në mënyrë që të dalë në treg dhe të gjejë lojtarët e duhur për t’i futur në skuadër. Disa blerje janë bërë tashmë, Luis Henrique i pari dhe më kryesori, por do të nevojiten edhe disa të tjera.

Shkurt, Interi do të duhet të vendosë nëse do të provojë përsëri pas një sezoni në të cilin preku gjithçka, por nuk solli asgjë në kabinetin e trofeve, apo do t’i dorëzohet asaj ndjenje të fundit të ciklit që u shfaq edhe në Gjermani. Ndërkohë, në rast të një lamtumire, ka dy kandidatë të mundshëm për stolin e tij: Fabregas dhe De Zerbi. ©LAPSI.al

The post Të martën takimi Inzaghi – Marotta/ Nëse ikën, kandidatë Fabregas dhe De Zerbi appeared first on Lapsi.al.

“Pse nuk më latë të hyja?”. Ky ka qenë thelbi i një përplasjeje të ashpër në dhomat e zhveshjes së “Allianz Arena” midis lojtarit të Interit Davide Frattesi dhe trajnerit Simone Inzaghi, pas humbjes 5-0 ndaj PSG-së. “Gazzeta dello Sport” shkruan se mesfushori i ka vënë dorën në sup trajnerit pas 90 minutave në stol në finalen e Ligës së Kampionëve.

Njeriu që shënoi 2 gola vendimtarë kundër Bayern Munich dhe Barcelonës priste një trajtim të ndryshëm, veçanërisht pas momenteve kaq të rëndësishme dhe vendimtare. Davide i kërkoi Inzaghit një shpjegim në lidhje me mungesën e tij në fushë dhe mbajtjes në stol. Konfrontimi verbal megjithatë thuhet se nuk zgjati shumë. Nuk ishte momenti për një shpërthim hidhërimi dhe zhgënjimi, të kombinuar me një humbje në finale si kjo.

Frattesi me 7 gola në 47 ndeshje këtë vit priste më shumë marrje në konsideratë. Nga ky moment është e lehtë të imagjinohen skenarë të ardhshëm. Nëse Inzaghi mbetet në stol, Frattesi do të largohet 100%. Vendimi tashmë është marrë. Nëse trajneri do të ndryshojë, atëherë situata e tij do të vlerësohet. Interi ka me të një kontratë deri në vitin 2028. Ai vlerësohet rreth 40 milionë euro. ©LAPSI.al

The post Ç’ndodhi/ Frattesi u përplas me Inzaghin pas humbjes: Pse nuk më fute në lojë? appeared first on Lapsi.al.

Dy persona kanë humbur jetën dhe qindra janë arrestuar në të gjithë Francën gjatë festimeve të forta pas fitores së Paris Saint-Germain në finalen e Ligës së Kampionëve mbrëmjen e djeshme.

U dogjën makina, ndërsa ndizeshin fishekzjarre dhe flakadanë. E gjitha kjo ndërsa tifozët përplaseshin me policinë në kryeqytetin francez të shtunën mbrëma, pas ndeshjes që u zhvillua në Mynih.

Ministria e Brendshme franceze tha të dielën se 491 persona u arrestuan në Paris, kur turma të mëdha u mblodhën në bulevardin Champs-Élysées. 68 persona të tjerë u arrestuan jashtë Parisit.

Ndër viktimat ishte një djalë 17-vjeçar, i cili thuhet se u godit me thikë në gjoks vonë të shtunën në mbrëmje në qytetin jugperëndimor Dax. Një burrë 23-vjeç, që po udhëtonte me skuter në qendër të Parisit, gjithashtu humbi jetën pasi u godit nga një makinë, sipas autoriteteve franceze.

Ministria e Brendshme tha se 18 oficerë policie në Paris u plagosën, së bashku me tre të tjerë në pjesë të tjera të Francës, si dhe 192 persona që po festonin në rrugë. Shtatë punonjës të shërbimit zjarrfikës gjithashtu u lënduan.

Një oficer policie u vendos në gjendje kome të induktuar në rajonin e Normandisë, pasi u plagos nga fishekzjarrët. Sipas një burimi të policisë për agjencinë Agence France-Presse, oficeri u godit në sy kur një fishekzjarr shpërtheu aksidentalisht. AFP raportoi se gjatë natës ndodhën 692 zjarre, përfshirë 264 automjete të djegura.

Presidenti francez, Emmanuel Macron, pritej të priste të dielën lojtarët fitues për t’i përgëzuar pas fitores ndaj Inter Milan.

Ministri i Brendshëm i Francës, Bruno Retailleau, shkroi në rrjete sociale pas ndeshjes: “Tifozët e vërtetë të PSG-së po gëzohen për performancën e mrekullueshme të ekipit të tyre. Ndërkohë, barbarë kanë dalë në rrugët e Parisit për të kryer krime dhe për të provokuar forcat e rendit… Është e padurueshme që nuk mund të festosh pa pasur frikë nga egërsia e një pakice banditësh që nuk respektojnë asgjë.” 

Rreth 5,400 oficerë policie u angazhuan në të gjithë qytetin për festimet pas ndeshjes, me forcat e rendit që përdorën gaz lotsjellës dhe sprej piperi për të ruajtur rendin në Champs-Élysées.

Një zëdhënës i policisë tha për Reuters se një makinë u dogj pranë stadiumit Parc des Princes dhe dhjetëra arrestime ishin bërë deri në përfundim të ndeshjes.

Trafiku përreth Harkut të Triumfit u bllokua që në mesditë të shtunën, ndërsa Champs-Élysées dhe rrugët përreth u mbyllën mbrëmjen e së shtunës.

Më herët, në Mynih, tifozët e PSG-së dhe të Interit hodhën gurë ndaj njëri-tjetrit në stacionin Fröttmaning gjatë rrugës drejt stadiumit Allianz Arena për finalen, sipas Bild. Ata gjithashtu shkaktuan vonesa në transport duke hyrë në shinat e trenit, sipas raportimeve.

The Guardian, përshtati në shqip ©LAPSI.AL 

The post Rrugët e Parisit në flakë: 491 të arrestuar, dy të vdekur pas fitores në Champions appeared first on Lapsi.al.

Paris Saint-Germain është kampion i Europës për herë të parë në histori. Në finalen e Champions League 2024/25, djemtë e Luis Enrique kanë dominuar përballjen ndaj Inter të Simone Inzaghi, që nuk hyri kurrë në ndeshje dhe u shkatërrua pa mëshirë me rezultatin 5-0. Ndeshja u zhbllokua që në minutën e 12’ nga ish-lojtari i zikaltërve, Hakimi, i cili nuk festoi, pas asistit të Désiré Doué, protagonisti absolut i një nate ëndrrash. Francezi i lindur në vitin 2005 realizoi golin e dytë në minutën e 20’ dhe shënoi edhe dygolëshin personale në minutën e 63’ në përfundim të një aksioni në vertikal.

Inter arriti të afrohej pranë portës së Donnarumma vetëm nëpërmjet goditjeve standarte, por dhjetë minuta më vonë pësoi edhe golin e katërt nga Kvaratskhelia, i cili ndezi festën e tifozëve francezë shumë përpara fundit të ndeshjes. Në fund, erdhi edhe goli i talentit të vitit 2006, Mayulu, i cili vulosi diferencën më të madhe ndonjëherë në një finale të Champions League.

Lexo më tej: Kush e fiton finalen e Champions Inter-PSG: parashikimi i inteligjencës artificiale

Ngul flamurin, Luis. Ngule në qendër të fushës sikur duart mbi atë shtyllë të jenë sërish katër – të tuat dhe të vajzës Xana – mbyll sytë dhe imagjino se ajo është aty me ty. PSG e tepron. Pesë gola ndaj një Interi të panjohur, titulli i parë në Champions në histori, tripleta dhe premtimi i mbajtur nga Luis: të festojë në mes të fushës, me flamurin, për të kujtuar vajzën që nuk është më prej pesë vitesh.

Një finale e fituar duke dominuar dhe ndërtuar futboll në çdo repart, nga një mbrojtje granit deri te tre sulmues që meritojnë kapelën. Katër lojtarë u shpallën “njeriu i ndeshjes”: Hakimi, Kvara, Mayulu dhe Doué (me dopietë). Më 3 qershor, “djali i artë” i Angers do të festojë 20-vjetorin si kampion i Europës.

Luis Enrique do të parakalojë në Champs-Élysées si trajneri i dytë në histori që fiton tripletën me dy skuadra të ndryshme, pas Guardiolës. Inzaghi largohet nga Mynihu i mposhtur dhe me vetëdijen se ka përmbyllur një cikël, pasi ka luajtur dy finale të Champions League në tre vjet. Një goditje pa asnjë justifikim.

The post Video/ Supersticioziteti nuk bën punë: PSG dërrmon 5-0 Inter e rrëmben Champions appeared first on Lapsi.al.

PSG merr një avantazh të fortë pas pjesës së parë në finalen e Champions League kundër Inter. Skuadra e Luis Enrique ka shënuar dy gola në çerekorëshin e parë me Hakimi e Doue. Zikaltrit u shfaqën në vështirësi nën administrimin e lojës së francezëve që shkuan edhe pranë golit të tretë me Doue. Për Inzaghi bëhet e vështirë tashmë të kthejë lojën.

The post Video / PSG dërrmon Inter në 45 minuta appeared first on Lapsi.al.

Rreth orës 17:00 ka ndodhur një përplasje midis rreth tridhjetë tifozëve të Inter dhe policisë gjermane në metronë e Mynihut. Ngjarja ndodhi në stacionin Universität, në linjën blu U6 që çon drejt stadiumit. Disa tifozë të Inter kanë tentuar të sulmojnë në metro kundërshtarët e PSG, por janë shtyrë jashtë me shkelma prej tyre.

Për të qetësuar situatën u desh ndërhyrja me gaz lotsjellës. Një grup policësh të pajisur me helmeta dhe shkopinj gome ndoqën tifozët nëpër shkallët lëvizëse. Sipas asaj që shkruan Bild, “disa tifozë të Inter janë lënduar dhe me fytyrën e mbuluar me gjak”.

Numri i njerëzve është shumë i madh (më shumë se 40 mijë tifozë interistë, si ata me biletë ashtu edhe ata pa biletë), po ashtu edhe forcat e sigurisë të vendosura në rrugët e qytetit. Rreth pesë mijë policë janë të dislokuar në të gjithë Mynihun, përfshirë forcat speciale për trazira.

Inter and PSG fans clashed in the Munich metro this afternoon, ahead of tonight’s UCL final. pic.twitter.com/x8VDNwHZyC

— 𝐂𝐚𝐬𝐮𝐚𝐥 𝐔𝐥𝐭𝐫𝐚 𝐎𝐟𝐟𝐢𝐜𝐢𝐚𝐥 (@thecasualultra) May 31, 2025

Zona e tifozëve dhe situata në qytet

Zona e tifozëve të Inter ndodhet në Odeonsplatz, me një kapacitet prej rreth 16 mijë personash, ndërsa ajo e tifozëve të PSG është në Königsplatz. Të dyja ndodhen rreth dy kilometra larg njëra-tjetrës. Ekrani më i madh për ndjekjen e finales është vendosur në parkun olimpik.

Lexo më tej: Mynihu “pushtohet”, 40 mijë tifozë të Inter: gati për sherr, vijnë tifozeritë aleate

Përplasje midis tifozëve të Interit dhe PSG

Rreth orës 18:00 janë regjistruar përplasje edhe midis disa tifozëve të Inter dhe PSG, gjatë të cilave disa prej tyre janë lënduar. Ndërhyrja vendimtare e forcave të rendit arriti ta qetësojë situatën, duke përdorur edhe gaz lotsjellës. Si pasojë e incidenteve, disa stacione të metrosë janë mbyllur dhe është ndalur përkohësisht qarkullimi i linjës drejt Allianz Arena.

The post Sherr në metro në Mynih: pritë e tifozëve të Inter, rrihen me shkopinj me ata të PSG appeared first on Lapsi.al.

Një vend në finalen e Champions League, i arritur nga Inter falë suksesit kundër Barcelonës, i konfirmuar në “San Siro” në gjysmëfinalen e kthimit, i ka sjellë zikaltrit jo vetëm prestigjin sportiv të finales së dytë në tre vjet, por edhe mundësinë për të përfituar shumë para për klubin. Shuma të rëndësishme janë tashmë futur në arkën zikaltër, të cilat mund të rriten edhe më shumë nëse fitojnë në Mynih, me një total që është tashmë më i madh se ai i edicionit të fundit kur arritën në finale. Bëhet fjalë për një shpërblim shumë të pasur për skuadrën, i përcaktuar që në fillim të sezonit.

Bonus i çmendur

Pritja është e madhe për aktin e fundit që do të zhvillohet sonte, në orën 21.00 në “Allianz Arena” të Mynihut, pas një ecurie gati perfekte në Champions nga një Inter që ka pësuar vetëm një humbje. Me vendin e 4-t në fazën e kampionatit dhe me kualifikime që e çuan deri në finale, klubi zikaltër ka arkëtuar deri tani 131.5 milionë euro:

18.62 milionë për pjesëmarrjen në kompeticion,
11.7 milionë për vendin e katërt në fazën e kampionatit,
11 milionë për kalimin në 1/8 e finales,
12.5 milionë për kualifikimin në çerekfinale,
15 milionë për kualifikimin në gjysmëfinale,
18.5 milionë për arritjen në finale.
Në rast të fitores së Champions, do të vijnë edhe 6.5 milionë euro të tjera.

Lexo më tej: Kush është Istvan Kovacs, mësuesi i fizkulturës që arbitron finalen e Champions

Përveç këtyre të ardhurave që po mbushin arkën e Inter, ka edhe miliona të tjera që janë tashmë të arkëtuara, si:

7.36 milionë euro nga të drejtat televizive,
24.02 milionë euro nga kuota evropiane.
Në ndeshjen e kthimit kundër Barcelonës, nga shitja e biletave janë fituar 13 milionë euro, një shifër rekord që kalon edhe të ardhurat nga derbi i Champions kundër Milan në sezonin 2022/23 (12.5 milionë euro).

Sa vlen shpërblimi i Champions dhe sa përfiton Inter

Pra, sa do të fitojë Inter nëse do të ngrejë në qiell titullin e katërt të Champions në histori? Bëhet fjalë për një shifër rekord: afërsisht 150 milionë euro në total, nëse mblidhen të gjitha të ardhurat e lartpërmendura. Të ardhura që do t’i mundësojnë klubit të riinvestojë menjëherë, si në aspektin sportiv, ashtu edhe për të përmirësuar financat. Dhe mbi të gjitha, për të shpërblyer protagonistët e kësaj aventure, me një premio finale prej 10 milionë euro të përcaktuar që në fillim të sezonit, e cila do të ndahet në rast fitoreje – rreth 400 mijë euro për çdo lojtar.

The post Sa arkëton Inter nëse fiton Champions League: shpërblimi i pasur dhe vlera e trofeut appeared first on Lapsi.al.

Finalja e Champions League mes PSG dhe Inter do të luhet në stadiumin Allianz Arena të Mynihut. Takimi është caktuar për sonte, më 31 maj në orën 21:00, në një impiant që, në kompeticionin më të lartë kontinental, quhet zyrtarisht ndryshe: “Fußball Arena München”. Arsyeja e këtij “ndryshimi” emri? Një ndalim i rreptë nga UEFA.

Pse stadiumi i finales ka një emër të ndaluar në Champions

Rregullorja e UEFA-s, në fakt, është e qartë: gjatë kompeticioneve zyrtare nuk lejohet përdorimi i emrave tregtarë për stadiumet. Kjo do të thotë që marka “Allianz”, duke qenë një sponsor, duhet të hiqet për të respektuar rregullat në fuqi. Dhe kështu, PSG dhe Inter do të luftojnë për Champions League jo në Allianz Arena, por në Fußball Arena München.

Karakteristikat e stadiumit të finales PSG-Inter

Ajo që është shtëpia e ndeshjeve të Bayern Munich është një nga stadiumet më moderne, ikonike dhe të avancuara në botë. I inauguruar në vitin 2005, ai mund të mirëpresë deri në 70.000 spektatorë dhe ka qenë tashmë skenë e një finaleje të Champions League. Në vitin 2012, në Fußball Arena München u zhvillua sfida mes vendasve të Bayern dhe Chelsea. Tani pritet një spektakël i ri i madh, i favorizuar gjithashtu nga bukuria e jashtëzakonshme e strukturës.

Një nga veçoritë më të veçanta të stadiumit të Mynihut është fasada e tij që ndryshon ngjyrë. Pjesa e jashtme përbëhet nga 2.874 jastëkë të fryrë prej ETFE, një material plastik që mund të ndriçojë në ngjyra të ndryshme: të bardhë, blu ose të kuqe, në varësi të skuadrës që luan. Për shembull, kur luan Bayern, stadiumi ngjyroset krejtësisht me të kuqe; bëhet i bardhë për ndeshjet e kombëtares gjermane. Kush e di se çfarë ngjyre do të zgjidhet për finalen e Champions League mes PSG dhe Inter.

Munich Football Arena #UCLfinal pic.twitter.com/TnrXLpxOQ8

— UEFA Champions League (@ChampionsLeague) May 30, 2025

Programi i finales së Champions në Allianz Arena

Programi i finales së Champions në stadiumin e Mynihut është përcaktuar tashmë prej kohësh. Portat do të hapen në orën 19:00 dhe tifozët do të mund të fillojnë të zënë vendet e tyre. Para ndeshjes do të ketë një aktivitet argëtues, me performancën e Linkin Park, grupi i njohur amerikan i muzikës rock. Më pas, në orën 21:00 nis përballja mes Inter dhe PSG. Ata që nuk mund të udhëtojnë nga Milano drejt Gjermanisë, do të mund ta ndjekin ndeshjen në San Siro, ku janë vendosur ekrane gjigante brenda stadiumit Meazza.

The post Finalja PSG-Inter luhet në stadiumin që ka një emër të ndaluar në Champions League appeared first on Lapsi.al.

PSG-Inter është finalja e Champions League 2024/2025. Një mundësi e jashtëzakonshme për zikaltërit për të fituar një trofe këtë sezon, pas humbjes së Superkupës së Italisë, Kupës së Italisë dhe kampionatit. Skuadra e teknikut Simone Inzaghi është vibruese, e bashkuar dhe e gatshme për të ngritur këtë kupë. Për ta bërë këtë, i besohet edhe supersticionit. Dhe pikërisht ky është rasti për ta thënë, pasi në sfidën e programuar për të shtunën më 31 maj në orën 21:00 në Allianz Arena të Mynihut, Lautaro Martinez dhe shokët e tij kanë vendosur të zbresin në fushë me një fanellë të pazakontë.

Jo me fanellën klasike me vija të zeza dhe blu, pasi “në shtëpi” luajnë francezët që do të veshin fanellën e parë, blu me një vijë të bardhë e të kuqe në mes, dhe as me fanellën e dytë të bardhë, por me fanellën e tretë të verdhë. Fanellë pra me detaje të zeza për Inter, e frymëzuar nga dizajni dhe arkitektura e Milanos. Të kenë zgjedhur të verdhën kanë qenë vetë lojtarët, qoftë për çështje estetike por ndoshta edhe për arsye supersticioni. Statistikat që lidhen me rezultatet pozitive të arritura duke luajtur me fanellë të verdhë, në fakt, e kanë shtyrë skuadrën të marrë këtë vendim.

Lexo më tej: “Ajo ende na sheh”: Luis Enrique dhe ëndrra me të bijën Xana që nuk jeton më

Vetëm një precedent negativ

E vetmja humbje e Inter në këtë Champions këtë sezon ka ardhur me fanellën e bardhë, në ndeshjen e zhvilluar në BayArena të Leverkusen më 10 dhjetor ndaj ish-skuadrës së drejtuar nga Xabi Alonso. Me të verdhën, përkundrazi, dy fitore në dy ndeshje: më 22 janar në Pragë ndaj Spartës dhe më 5 mars në Rotterdam, në ndeshjen e parë të 1/8-ave kundër Feyenoord me rezultatin 2-0. Përveç këtyre dy ndeshjeve të fituara me të verdhën, i shtohen edhe pesë të tjera në kampionat, që pra e kanë bindur skuadrën të vazhdojë këtë traditë fituese.

Sommer me fanellën portokalli të veshur edhe kundër Barcelonës

Yann Sommer, mes shtyllave, do të vishet si zakonisht me fanellën portokalli. Një ngjyrë që, duke qëndruar në temën e supersticionit, zvicerani e ka veshur kur ka bërë pritje të jashtëzakonshme në fitoren 4-3 ndaj Barcelonës, duke i hapur Inter dyert e finales. Simone Inzaghi pra mbështetet te golat e Lautaro e Thuram, te shpikjet e Calhanoglu dhe te sprintet e Dumfries, por në këtë rast edhe te supersticioni që, në ndeshje të rëndësishme si kjo që vlen një sezon të tërë, mund të jetë me rëndësi thelbësore.

The post Inter, lojtarët me bestytni për finalen e Champions: ja arsyeja e fanellës së verdhë appeared first on Lapsi.al.

Finalja e Champions League është vetvetiu një nga ngjarjet më të shumëpritura të vitit, dhe në mënyrë të pashmangshme sjell histori, si përpara ashtu edhe pas saj. PSG-Inter është finalja e sezonit 2024-2025 dhe do të luhet në Mynih, ku do të përjetojnë finalen e dytë në karrierë Simone Inzaghi dhe Luis Enrique, i cili fiks dhjetë vjet më parë triumfoi me Barcelonën. Pas asaj ndeshjeje ai festoi suksesin edhe me vajzën e tij Xana, që në atë kohë ishte 5 vjeç dhe që në vitin 2019 ndërroi jetë pas një sëmundjeje të shkurtër dhe të egër.

Ai mendon shpesh për vajzën, do ta bëjë edhe në momentet para finales, dhe shpreson ta kujtojë pas ndeshjes duke bërë diçka shumë të veçantë. Muaj më parë, Luis Enrique kujtoi çfarë ndodhi dhjetë vjet më parë, pas finales Barcelona-Juventus: “Vajza ime nuk do të jetë fizikisht e pranishme në finale, por do të jetë shpirtërisht. Ëndrra ime është të përsëris skenën që ndodhi pas finales së vitit 2015, kur Xana mbolli një flamur të Barcelonës. Kam dëshirë të bëj të njëjtën gjë me PSG-në.”

Dëshira e Luis Enrique për të nderuar vajzën Xana

Për vite me radhë, Luis Enrique është konsideruar si një figurë përçarëse: ose e do, ose e urren; por me kalimin e kohës shumë vetë kanë filluar ta kuptojnë. Këtë vit PSG e nisi shumë keq Champions-in dhe në pushimin e dhjetorit ishte më shumë jashtë sesa brenda. Fitorja kundër Manchester City-t ndryshoi gjithçka. Që aty nisi një rrugëtim i mrekullueshëm, me fitore radhazi, të bukura dhe bindëse, dhe finalja e dytë në histori për Parisin.

Pas fitores 4-2 kundër skuadrës së mikut të tij Guardiola, në prag të ndeshjes së Ligue 1 ndaj Lens-it, ai tha diçka të veçantë: “Mbaj mend një foto të jashtëzakonshme nga finalja e Champions në Berlin, kur Xana nguli një flamur të Barcelonës. Kam dëshirë të bëj të njëjtën gjë me Paris Saint-Germain. Vajza ime nuk do të jetë aty fizikisht, por do të jetë shpirtërisht.”

Dukej si një frazë për të kujtuar një vajzë të vogël që la këtë botë në moshën vetëm 9-vjeçare, por me arritjen e finales ajo frazë u bë pothuajse profetike.

Nada me alegraría más que Luis Enrique gane la Champions y pueda clavar la bandera del PSG en el campo en honor a su hija Xana pic.twitter.com/9G1XR2PC96

— Ju@n (@juanborrego98) May 7, 2025

Flamuri i ngulur nga Luis Enrique dhe Xana pas finales së Champions 2015

Ka shumë pak imazhe publike të vogëlushes Xana, dhe të gjitha lidhen me finalen e Champions League që Barcelona luajti kundër Juventusit në Paris, në vitin 2015. Barcelona e drejtuar nga Luis Enrique fitoi 3-1 dhe e ngriti për herë të pestë (dhe deri tani të fundit) trofeun. Pas ndarjes së medaljeve pati festime të mëdha në fushë, dhe aty mbërriti edhe Xana, e cila pas përqafimeve dhe puthjeve me babanë mori një flamur gjigant të Barcelonës. Të dy bënë një xhiro në fushën e Saint Denis përpara se ta mbanin flamurin në qendër të fushës. Pamje që kur i sheh tani, të japin të dridhura.

Kujtimi i Luis Enrique: “Xana është gjithmonë me ne”

Luis Enrique është gjithmonë shumë i përqendruar në punën e tij dhe në të tashmen, por nuk harron dhe nuk do ta harrojë kurrë vajzën e tij, Xana, për të cilën foli edhe në një dokumentar që doli tetorin e kaluar. Edhe aty, ish-trajneri i Romës dhe i Spanjës nuk ishte aspak banal. Duke e kujtuar, madje duke folur për të bijën, tha: “Më pyet nëse mund të quhem me fat apo fatkeq? Unë e konsideroj veten me fat, shumë me fat. Kur e them këtë, shumë më thonë: ‘Po si ka mundësi? Vajza jote vdiq kur ishte vetëm 9 vjeç’. Por vajza ime Xana jetoi me ne 9 vite të mrekullueshme. Dhe për të kemi mijëra kujtime, video, gjëra të jashtëzakonshme”.

Fjalë që shumëkush i ka gjetur befasuese, por që shpjegojnë saktësisht çfarë njeriu është Luis Enrique, i cili shtoi: “Nëna ime nuk donte të kishte foto të Xana. Një ditë u ktheva në shtëpi dhe i thashë: ‘Mami, pse nuk ke asnjë foto të Xana?’ Ajo m’u përgjigj: ‘Nuk mundem’. Unë i thashë: ‘Mami, duhet të vësh foto të saj, Xana është gjallë, nuk është këtu në planin fizik, por është në atë shpirtëror. Çdo ditë flasim për të, qeshim dhe kujtojmë, besoj që ajo ende na sheh’.”

”¿Yo me puedo considerar afortunado o desgraciado? Yo me considero afortunado, muy afortunado. Mi hija Xana vino a vivir con nosotros 9 años maravillosos”. #LuisEnrique pic.twitter.com/rlb6pXCXnU

— Fútbol en Movistar Plus+ (@MovistarFutbol) October 14, 2024

Xana u nda nga jeta në vitin 2019 nga një sëmundje e rrallë

Ishte marsi i vitit 2019, Spanja ndodhej në Maltë ku do të duhej të luante një ndeshje kualifikuese për Euro 2020. Me një komunikatë u njoftua se Luis Enrique nuk do të ishte me skuadrën për shkak të një problemi familjar. Zëvendësi i tij menaxhoi skuadrën, dhe do ta bënte edhe në ndeshjet e qershorit, për të cilat trajneri vendosi vetë listën e të grumbulluarve. Pak më vonë, trajneri dha dorëheqjen nga kombëtarja spanjolle. Arsyet e largimit u mbajtën plotësisht sekret, por ishte e qartë se bëhej fjalë për diçka shumë të rëndë dhe të vështirë për t’u përballuar.

pic.twitter.com/hI7B10HkW8

— LUISENRIQUE (@LUISENRIQUE21) August 29, 2019

Më 29 gusht të atij viti, ishte vetë ai që njoftoi se vajza e tij Xana, 9 vjeç, për fat të keq kishte ndërruar jetë për shkak të një tumori të rrallë në kocka. I gjithë botës sportive, jo vetëm ajo e futbollit, iu gjend pranë. Mijëra mesazhe, me mendime të përkushtuara për vogëlushen dhe familjen e saj, nga Messi e Maradona, Del Piero e Nadal, e deri te çdo klub futbolli. Ai, trajneri, e mbylli mesazhin me këto fjalë:

“Do të na mungosh jashtë mase, por do të të kujtojmë çdo ditë të jetës sonë me shpresën që të takohemi sërish një ditë. Do të jesh ylli që udhëheq familjen tonë. Pusho e qetë, Xanita.”

The post “Ajo ende na sheh”: Luis Enrique dhe ëndrra me të bijën Xana që nuk jeton më appeared first on Lapsi.al.

Mynihu është shndërruar në një kryeqytet interist: në prag të finales së Champions League të së shtunës mbrëma, qyteti është lyer në orët e fundit fuqishëm me ngjyrat zikaltër. Falë pushtimit nga 40 mijë tifozë të Inter që kanë mbërritur në qytet, pavarësisht nga “vetëm” 18 mijë biletat e vëna në dispozicion nga UEFA për Allianz Arenën, që do të presë të njëjtin numër mbështetësish të PSG-së. Shumë prej tyre kanë arritur të blejnë biletat e sektorit “neutral” të publikut, por shumica janë pa biletë: një arsye që nuk i ka ndalur aspak nga dëshira për të qenë të pranishëm me çdo kusht për një ëndërr me sy hapur.

Ata që ia kanë dalë, do të jenë në stadium në sektorin e rezervuar për tifozët zikaltër: 18 mijë bileta, të shpërndara në kohë nga UEFA, me përballë tyre francezët që do të mbështesin Paris Saint-Germain. Në mes, publiku “neutral”, por që shumë gjasë do të mbulohet nga ngjyrat zikaltër për shkak të pushtimit të madh të interistëve që tashmë janë derdhur në rrugët e Mynihut, duke sjellë me vete dashurinë për Lautaron dhe shokët e tij. Edhe nëse nuk mund të hyjnë në stadium: përveç atyre që mund të kenë vepruar në mënyra më pak ortodokse, me rrezikun përkatës për t’u ndaluar në hyrje, pjesa më e madhe është nisur drejt Mynihut pa biletë në xhep.

30.05.2025, Inter Milan fans in München before tomorrow match with PSG , click here for LIVE report: https://t.co/beLtS10EQT pic.twitter.com/MXPDO0uHzi

— Hooligans.cz Official (@hooliganscz1999) May 30, 2025

Pushtimi zikaltër në Mynih për finalen PSG-Inter

Eksodi paqësor ka nisur ditët e fundit me një prani gjithnjë e më të madhe të italianëve në qytet, që ka arritur kulme deri në 300% më shumë se zakonisht. Makina, trena, avionë: çdo mjet është bërë i lejueshëm për të arritur vendin ku të dielën mbrëma do të kremtohet një ëndërr sportive e pritur prej 15 vitesh dhe që iu rrëshqit nga duart vetëm dy vite më parë.

Edhe vendet për të fjetur në pritje të finales janë nga më të ndryshmet: ka nga ata që kanë rezervuar me kohë hotele, bujtina apo bed & breakfast, por edhe nga ata që flenë me ndihmë, në karavanë, atje ku kanë gjetur vend apo mikpritje. Sidomos në zonën Schwabinger Tor, ku qëndron skuadra, dhe në Odeonsplatz, ku UEFA ka vendosur pikën e takimit për tifozët, vendi i përcaktuar edhe për të parë ndeshjen për ata që nuk do të kenë hyrje në Allianz.

30.05.2025, Inter Milan fans in München before tomorrow match with PSG , click here for LIVE report: https://t.co/beLtS10EQT pic.twitter.com/EkQzxCQKH3

— Hooligans.cz Official (@hooliganscz1999) May 30, 2025

Rreziku i incidenteve: tifozë të Nice pro Inter dhe të Napolit pro PSG, të pranishëm në qytet

Sa i përket tifozëve që do të përpiqen deri në fund për të hyrë në stadium, policia gjermane ka angazhuar një dislokim të jashtëzakonshëm forcash për të parandaluar incidente dhe kontakte të mundshme mes fraksioneve më të nxehta të tifozerive. Që mund të “mbështeten” nga aleatë të tjerë të vjetër dhe miqësorë: nga njëra anë ata të PSG, që tradicionalisht janë afër tifozëve napolitanë dhe gati t’i mbështesin; nga ana tjetër ultrasit e Nice, rivalë historikë të parisienëve, një pjesë e të cilëve tashmë i janë bashkuar zikaltërve.

Në mes, rivaliteti mes napolitanëve dhe interistëve: një përzierje shpërthyese që mbi 2.000 policë të njësive speciale kundër trazirave të shpërndarë kudo, do të kenë për detyrë ta shuajnë përpara se të ndizet edhe një shkëndijë.

30.05.2025, PSG fans in München before tomorrow match with Inter Milan , click here for LIVE report: https://t.co/beLtS10EQT pic.twitter.com/tjwfkP8jNO

— Hooligans.cz Official (@hooliganscz1999) May 30, 2025

The post Mynihu “pushtohet”, 40 mijë tifozë të Inter: gati për sherr, vijnë tifozeritë aleate appeared first on Lapsi.al.

Një moment shumë emocionues gjatë transmetimit televiziv në ekranet e Sky: Lautaro Martinez shpërtheu në lot dhe nuk arriti të fliste, ndërsa Fabio Caressa ishte dukshëm i prekur. Kjo ndodhi gjatë lidhjes me kapitenin e Inter direkt nga stadiumi i Mynihut, ku të shtunën mbrëma skuadra zikaltër do të luajë finalen e Champion League kundër PSG: nga studioja u transmetua një video me mesazhet prekëse të familjes së argjentinasit Lautaro. Fjalë dashurie të pakushtëzuar dhe krenarie për atë që ka arritur “Toro”, fjalë që prekën fijet më të thella të shpirtit të tij.

Videoja e familjes së Lautaro Martinez: kapiteni i Inter përlotet

Në ekran kaluan pamjet e bashkëshortes Agustina, të fëmijëve Nina dhe Tomas, të babait, të vëllezërve dhe në fund të nënës. “Të dua me gjithë shpirtin tim”, tha e ëma Karina, duke mbyllur videon. Lautaro, i prekur thellësisht, u përpoq me vështirësi të shprehej me fjalë për atë që ndiente brenda vetes: “Është e vështirë të flas, por ata janë gjithmonë ata që qëndrojnë pas meje, që më shtyjnë të mos dorëzohem kurrë… Dua t’i falënderoj dhe t’ua kushtoj atyre këtë moment, këtë kupë, sepse gjithçka që jam unë, si njeri dhe si futbollist, është falë babait tim që më transmetoi këtë dashuri për këtë sport, dhe nënës sime që nuk më la kurrë të më mungojë asgjë, dhe më pas fëmijëve të mi dhe gruas sime që…”

Në atë moment sulmuesi argjentinas u ndërpre duke qarë, ndërsa Fabio Caressa, i cili ishte në lidhje, nuk fshehu as ai emocionin. Më pas Lautaro rifilloi: “Ata janë gjithmonë me mua, në këtë moment dhe edhe kur gjërat shkojnë keq, por janë ata që gjithmonë më ngrejnë lart”.

pic.twitter.com/HpvMblnEMW

— IlDimash2 (@IIDimash2) May 30, 2025

Lautaro: “Shpresojmë që kjo të jetë hera e duhur”

Duke folur në konferencë së bashku me teknikun Inzaghi dhe mesfushorin Barella, kapiteni zikaltër u mundua të motivonte shokët e skuadrës për ndeshjen që vlen një jetë sportive: “Nesër do të përpiqemi të bëjmë një ndeshje perfekte për ta sjellë në Milano Kupën që mungon prej shumë kohësh. E respektojmë kundërshtarin tonë, por duhet të përgatitemi për t’i bërë dëm. Jemi përmirësuar shumë si skuadër, kemi bërë hapa të mëdhenj përpara dhe kemi përballuar kundërshtarë me vlerë në stadiume të vështira. E kemi fituar respektin në këtë kompeticion dhe tani kemi mundësinë ta çojmë objektivin në shtëpi pas shumë kohësh. Shpresojmë që kjo të jetë hera e duhur”.

The post Emocione në transmetim direkt: i shfaqin një video, Lautaro në lot nuk arrin të flasë appeared first on Lapsi.al.

Simone Inzaghi paraqitet në konferencë për shtyp për finalen e Champions League mes Inter dhe PSG dhe analizon kështu rrugëtimin e skuadrës së tij, e cila krahasuar me Stambollin nuk konsiderohet si e pafavorizuar: “Ndryshe nga dy vite më parë është përgatitja, mënyra se si mbërrijmë në finale, në këto ditë para ndeshjes. Çdo ndeshje është histori më vete, kemi provuar të punojmë mbi çdo detaj. Duke prekur dru, janë të gjithë të gatshëm, këtë vit në 59 ndeshje në tri raste i kam pasur të gjithë 23 lojtarët në dispozicion, siç janë edhe nesër, dhe për një trajner kjo është një gjë shumë e mirë”.

Kur i bëhet pyetja se cila do të jetë gjëja e fundit që do t’u thotë nesër lojtarëve, ai përgjigjet kështu: “Nuk e di, varet nga ajo që do të më thotë zemra ime, për të tjerat çdo ndeshje është histori më vete: në fushë nuk hyjnë paga apo xhiro financiare, por lojtarë që e dinë se do të duhet të jenë shumë të vëmendshëm ndaj detajeve. E dimë që finalet vendosen nga episodet, dy vite më parë konsideroheshim të pafavorizuar dhe fusha tregoi se kemi luajtur të barabartë, se ndoshta kemi merituar diçka më shumë, megjithëse kishim përballë skuadrën më të fortë në botë”.

Inzaghi: “L’esperienza di due anni fa ci sarà d’aiuto”#ForzaInter #UCLFinal #ParisInter

— Inter (@Inter) May 30, 2025

Inzaghi: “Të martën do të takohemi me klubin”

“Për të ardhmen them se ka finalja e Champions League, pastaj të martën do të takohemi me klubin dhe do të flasim me shumë qetësi, duke pasur gjithmonë në mendje të mirën e Interit. Tani kemi këtë finale, nesër na mungon vetëm një hap dhe do të përpiqemi ta bëjmë siç kanë bërë gjithmonë këta djem”. Kjo është përgjigjja e Simone Inzaghit lidhur me zërat që qarkullojnë për të ardhmen e tij.

Për gjendjen e Benjamin Pavard, i cili u dëmtua kundër Romës dhe ka qenë jashtë për një kohë, përgjigjet kështu: “Pavard është mirë, ka bërë disa stërvitje të mira dhe ndjesitë janë pozitive. Nëse ndërmjet sot dhe nesër do të ndihet mirë, do të luajë. Është një lojtar shumë i rëndësishëm që na ka munguar, e kemi humbur për një periudhë gjatë sezonit. Nëse do të tregojë, si këto ditë, që është rikuperuar plotësisht, nesër do të luajë”.

Lexo më tej: Kush e fiton finalen e Champions Inter-PSG: parashikimi i inteligjencës artificiale

Inzaghi foli edhe për praninë e Lautaro Martinez dhe Nicolò Barella me të në konferencë për shtyp: “Kam kërkuar posaçërisht që këtu të jenë Lautaro dhe Barella sepse janë shumë të rëndësishëm. Kur vjen momenti i duhur, ata bëhen të ndjeshëm. Kam besim të verbër te këta të dy. Dëshira jonë më e madhe është t’u dhurojmë tifozëve tanë kënaqësinë më të madhe, mos harrojmë të mirat që na kanë bërë. E dimë që, edhe nëse jo fizikisht, Curva Nord do të jetë me ne në fushë, sepse duam ta përfundojmë punën e nisur shtatorin e kaluar”.

La conferenza stampa di vigilia di Inzaghi, Lautaro e Barella #ForzaInter #UCLFinal #ParisInter

— Inter (@Inter) May 30, 2025

Së fundmi, kur i bëhet pyetja se çfarë nevojitet për të fituar një ndeshje të kësaj përmase, ai përgjigjet kështu: “Vetëdije, vrapim, vendosmëri, agresivitet, kthjelltësi. Për të fituar një ndeshje kaq të rëndësishme do të nevojitet gjithçka, së bashku me të gjitha detajet që po përpiqemi t’i përpunojmë në mënyrën më të mirë të mundshme, duke ditur që përballë do të kemi një skuadër shumë të madhe, me një trajner shumë të madh si Luis Enrique”.

The post Inzaghi psikolog para PSG-Inter: “Kjo është gjëja e fundit që do t’u them lojtarëve” appeared first on Lapsi.al.

Kush do ta fitojë Champions League, Inter apo PSG? Cili është rezultati më i mundshëm? A do të përfundojë ndeshja brenda 90 minutave të rregullta apo do të nevojiten shtesa dhe penallti për të vendosur fituesin? Këtë e kemi pyetur inteligjencën artificiale, e cila ka analizuar një sërë faktorësh që lidhen me të dyja skuadrat: kontekstin e përgjithshëm dhe faktorët e jashtëm; formën momentale, analizën taktike bazuar te stilet e lojës; cilësitë individuale dhe lojtarët që mund të bëhen vendimtarë; përvojën e trajnerëve, Simone Inzaghi dhe Luis Enrique; ndikimin psikologjik; pikat e forta dhe të dobëta; duelet kyçe në fushë.

“Ndeshja do të jetë gjithsesi e luftuar – është përmbledhja e analizës hipotetike –. Interi mund të rrezikojë me Martinez ose me një gol nga një top i ndalur, por PSG duket se ka diçka më tepër për ta fituar titullin e saj të parë europian.”

Kush fiton Champions League sipas inteligjencës artificiale

Sipas Grok, skenari më i mundshëm është që Paris Saint-Germain të fitojë Ligën e Kampionëve në finalen që zhvillohet në Allianz Arena të Mynihut, për shkak të thellësisë së skuadrës dhe freskisë fizike. Rezultati i parashikuar është 2-1 në favor të francezëve, një rezultat që ka gjasa të arrihet në kohën shtesë, pasi skuadra parisiene ka “një avantazh të lehtë falë freskisë më të madhe dhe talentit individual në sulm” si dhe përfiton nga “një pankinë më e re dhe më dinamike”.

Megjithatë, nuk përjashtohet një tjetër hipotezë tronditëse: që sfida të vendoset brenda 90 minutave për “një penallti vendimtare të Dembélé ose një gabim mbrojtës i Interit pas një kundërsulmi”. Dembélé, në fakt, është lojtari më i përfolur për të shënuar ose për të dhënë një asist vendimtar, ndërsa Donnarumma vlerësohet si thelbësor me të paktën një pritje vendimtare.

Parashikimi i fituesit: pse PSG është favorite

Skuadra e Luis Enrique konsiderohet favorite ndaj asaj të Simone Inzaghit për nga cilësia dhe forma, dhe për këtë arsye, sipas analizës, ka “53,6% mundësi për të fituar kundrejt 46,4% të Interit”. Janë të paktën katër faktorët kyç:

Forma dhe freskia: PSG e mbylli Ligue 1 më herët dhe ka pasur mundësi të përqendrohet vetëm te finalja, ndërsa Interi ka luftuar për titullin në Serie A deri në ndeshjen e fundit, me lodhje fizike dhe mendore të mundshme.

Cilësia individuale: Tridhëmbëshi sulmues i PSG (Dembélé, Kvaratskhelia, Barcola/Doué) ka më shumë papritshmëri krahasuar me çiftin Martinez–Thuram. Donnarumma është në një formë të shkëlqyer që mund të bëjë diferencën në një ndeshje të barabartë.

Ndikimi psikologjik: PSG luan me presionin për të fituar dhe për të kurorëzuar projektin katariot, por ka një vetëbesim të madh pas fitoreve ndaj skuadrave angleze. Interi, si “underdog” (46,4% gjasa për të fituar), ka motivim nga suksesi historik ndaj Barcelonës (4-3 në San Siro në gjysmëfinalen e kthimit), dhe luan me më pak presion, megjithatë zhgënjimi i fundit në kampionat mund të ketë lënë pasoja. Aftësia e Inzaghit për të motivuar ekipin dhe përvoja e finales së 2023 i japin zikaltrit një qëndrueshmëri mendore të rëndësishme. Klubi ka premtuar një shpërblim të majmë në rast fitoreje.

Përvoja në finale: Edhe pse Interi ka më shumë përvojë në finalet e Championsit (3 fitore, 3 humbje, e fundit në 2023 ndaj Manchester City), në këtë edicion PSG ka eliminuar kundërshtarë të fortë si Liverpool dhe Arsenal. Luis Enrique gjithashtu ka fituar një Champions si trajner (2015 me Barcelonën), gjë që i jep një avantazh taktik ndaj Inzaghit, që është ende në kërkim të trofeut të tij të parë europian.

Ecuria e mundshme e ndeshjes mes pjesës së parë dhe të dytës

Ekuilibri në mbrojtje dhe tranzicionet e shpejta karakterizojnë skemën 3-5-2 të preferuar nga Simone Inzaghi. Ndërkohë, karakteristikat e PSG janë të ndryshme dhe Luis Enrique e ka formuar skuadrën në një 4-3-3 që favorizon kontrollin e mesfushës (Vitinha, João Neves, Fabian Ruiz) dhe një sulm fluid. Dembélé dhe Kvaratskhelia ofrojnë shpejtësi dhe paparashikueshmëri në krahë, ndërsa Achraf Hakimi (ish-lojtar i Interit) dhe Nuno Mendes janë mbrojtës krahu ofanzivë.

Lexo më tej: PSG në Monako për një Katërshe historike: e ka bërë vetëm Celtic në 1967 kundër…Inter

Sipas Grok, në pjesën e parë PSG “duhet të dominojë në zotërimin e topit (rreth 55-60%)”. Pika e fortë e Interit është mbrojtja e ulët dhe kundërsulmet. “Parashikoj një pjesë të parë të barabartë, me PSG që krijon më shumë raste (1.5-2.0 xG), por Interi mban rezultatin, ndoshta 0-0 ose 1-0 për PSG nëse Dembélé përfiton nga ndonjë aksion individual”. Skenari mund të ndryshojë në pjesën e dytë “falë aftësisë së Inzaghit për të lexuar ndeshjen dhe zëvendësimeve. PSG, nëse është në avantazh, mund të tërhiqet shumë prapa, duke lënë hapësira për kundërsulme të Interit. Një gol nga goditje standarte (ku Interi shkëlqen me lojtarë si Acerbi dhe Dumfries) mund ta rikthejë ekuilibrin në ndeshje. Ndeshja mund të qëndrojë e hapur deri në minutat e fundit, me rrezikun për kohë shtesë.”

Kjo është arsyeja pse, sipas këtyre parashikimeve, rezultati i mundshëm është 2-1 për PSG pas kohës së rregullt. “Megjithatë, Interi mund të barazojë dhe ta çojë ndeshjen në shtesa, ku lodhja dhe presioni mund të favorizojnë PSG, që ka një pankinë më të re dhe më dinamike”.

The post Kush e fiton finalen e Champions Inter-PSG: parashikimi i inteligjencës artificiale appeared first on Lapsi.al.

Shumë nga ata që kanë lindur në vitet ’90 e kujtojnë emrin e tij falë një skene të famshme nga filmi “Tre uomini e una gamba” i Aldo, Giovanni dhe Giacomo: bëhet fjalë për italo-zviceranin Ciriaco Sforza. Pas një karriere mes Zvicrës, Gjermanisë dhe Italisë, vetëm për një sezon, sot është rikthyer në atdhe ku është trajner futbolli.

Etapat e karrierës së tij

Por në të vërtetë, përpara se të bëhej një kult gjeneracional për një skenë komike, Sforza ishte tashmë i njohur në botën e futbollit. I konsideruar nga shumë si një nga mesfushorët më të talentuar të brezit të tij, karriera e tij megjithatë nuk arriti kurrë të përmbushte plotësisht pritshmëritë.

I lindur në Zvicër nga prindër me origjinë nga Avellino, hapat e parë në futboll i bëri me Aarau, për të kaluar më pas te Grasshoppers, një nga klubet më prestigjioze të vendit. Debutoi në kategorinë më të lartë zvicerane vetëm 16 vjeç, duke treguar menjëherë aftësi teknike jashtëzakonisht të veçanta.

Në moshën 23-vjeçare mbërriti në Bundesligë, te Kaiserslautern, për dy sezone, përpara se të bënte hapin e madh te klubi më i titulluar në Gjermani: Bayern Munchen. Pas një viti në Bavari, në vitin 1996 u rikthye në Itali, i blerë nga Interi i drejtuar nga Roy Hodgson, një admirues i madh i tij. Por ajo që duhej të ishte pagëzimi përfundimtar, u shndërrua në një sezon nën pritshmëri. Në sezonin e tij të vetëm me Inter regjistroi 40 paraqitje dhe 4 gola, duke e mbyllur vitin me shije të hidhur për shkak të humbjes në finalen e Kupës UEFA kundër Schalke 04.

Pas eksperiencës zikaltër u rikthye në Gjermani, sërish mes Kaiserslautern dhe Bayern, por aty nisi edhe rënia e karrierës së tij. Ajo që e shpëtoi nga harresa totale ishte Kombëtarja e Zvicrës, ku arriti shpesh të gjente vazhdimësi dhe një rol protagonisti.

Jeta e tij sot

Pasi i vari këpucët në gozhdë, Sforza vendosi të qëndrojë në botën e futbollit duke nisur karrierën si trajner në Zvicër, duke drejtuar gjithashtu Thun, Grasshoppers dhe klubin prestigjioz Basel.

Përveç futbollit, Ciriaco Sforza ka qenë gjithashtu ndër të parët që ka thyer heshtjen mbi një temë delikate si depresioni, duke rrëfyer publikisht përvojën e tij. Fjalët e tij ndihmuan në hapjen e një debati të rëndësishëm mbi një çrregullim që me kalimin e kohës ka prekur gjithnjë e më shumë futbollistë, duke dhënë një mesazh force dhe afërsie për të gjithë ata që vuajnë nga kjo: “Po, njëzet apo edhe vetëm dhjetë vite më parë konsiderohej një turp. Asgjë më e gabuar. Kur isha trajner i Grasshoppers, vendosa të ndalem për gati dy vite. Kisha frikë. Nga dështimi, nga jeta, nga mundësia për të vdekur nga një infarkt për shkak të presionit. Sot, në moshën 54-vjeçare, jam një njeri më i fortë. Dhe ëndërroj Interin. Skena e filmit? Jam krenar për të.”

The post Historia mes Inter, “Aldo, Giovanni e Giacomo” e depresionit: ja çfarë bën sot Sforza appeared first on Lapsi.al.

Vetëm Inter qëndron mes PSG dhe legjendës së futbollit botëror. Pasi ka fituar Ligue 1, Kupën e Francës dhe Superkupën franceze, skuadra e Luis Enrique mund të fitojë të shtunën mbrëma në finalen e zhvilluar në Mynih jo vetëm Champions League për herë të parë në histori, por edhe një Katërshe historike, një arritje që deri më sot është realizuar vetëm një herë: nga Celtic në sezonin 1966-67.

Një mision shumë i vështirë, por që gjithsesi po i tremb Lautaro Martinez dhe shokët e tij. Arsyeja është e thjeshtë: 58 vite më parë, skocezët fituan Champions League – që atëherë quhej Kupa e Kampionëve – duke mposhtur pikërisht zikaltërit në finalen e Lisbonës me rezultatin 2-1.

Lexo më tej: PSG fiton edhe Kupën e Francës e tremb Inter: Luis Enrique në ankth për Kvaran

Atëherë, skuadra e drejtuar nga magjistari Helenio Herrera kaloi në avantazh në minutën e 7’ me një penallti të realizuar nga Mazzola, por më pas u përmbys nga golat e Gemmell (63’) dhe Chalmers (84’). Një humbje që në fakt shënoi fundin e ciklit të “Grande Inter”. Tifozëve zikaltër u mbetet vetëm të kryqëzojnë gishtat dhe të shpresojnë që historia të mos përsëritet.

Të gjitha skuadrat që kanë realizuar Tripletën (kampionat, kupë vendase dhe Champions League):

1966/67: Celtic
1971/72: Ajax
1987/88: PSV Eindhoven
1998/99: Manchester United
2008/09: Barcelona
2009/10: Inter
2012/13: Bayern Munich
2014/15: Barcelona
2019/20: Bayern Munich
2022/23: Manchester City

The post PSG në Monako për një Katërshe historike: e ka bërë vetëm Celtic në 1967 kundër…Inter appeared first on Lapsi.al.

Mund të përfundojë vërtet në Mynih, më 31 majin e ardhshëm, aventura e teknikut Simone Inzaghi në pankinën e Inter. Kjo, të paktën, është ajo që pretendon SSC, një nga transmetuesit sportivë më të mëdhenj në Arabinë Saudite, sipas të cilit trajneri zikaltër do të kishte dhënë dritën e gjelbër për finalizimin e marrëveshjes me Al-Hilal.

Sipas televizionit saudit, Inzaghi do të jetë madje në stol për Al-Hilal me rastin e Kupës së Botës për Klube 2025 dhe pritet të shpallë largimin nga Interi menjëherë pas finales së Champions League kundër PSG.

Lexo më tej: Gaia, gruaja e Inzaghi provokon me një foto: “Imazh i paparë në një botë frikacakësh”

Pra, ajo në Mynih duhet të jetë ndeshja e fundit e teknikut Inzaghi në krye të Inter dhe do të mbyllë kështu një katërvjeçar suksesi që Simone do të donte ta pasuronte me trofeun e Champions. Në çdo rast, në ditët në vijim një person i afërt me trajnerin aktual pritet të fluturojë drejt Rijadit për të finalizuar tratativën dhe për të përcaktuar detajet e një kontrate që do t’i garantojë teknikut 25 milionë neto në sezon për dy vjet.

Kjo, pavarësisht kontratës në fuqi me Inter dhe premtimit, nga ana e presidentit Marotta, për një rinovim deri në vitin 2027 me një rritje të lehtë të pagës deri në 7 milionë.

New: Simone Inzaghi is ‘closer than ever’ to accepting an offer from Al-Hilal.

[via @hilalstuff] pic.twitter.com/lZf0viV17H

— Inter Xtra (@Inter_Xtra) May 24, 2025

The post Inzaghi, Champions dhe pastaj lamtumira: trajneri ka pranuar ofertën e Al-Hilal appeared first on Lapsi.al.

Napoli është kampion i Italisë për herë të katërt në historinë e vet! Në ndeshjen e fundit të kampionatit, të kaltrit e Antonio Contes e përmbushën misionin për titullin kombëtar duke mposhtur 2-0 Cagliarin në “Maradona” dhe duke ruajtur avantazhin prej një pike në krye të renditjes ndaj Interit.

Sulmi i Napolit zgjati gjatë gjithë pjesës së parë, në të cilën Sherri, portieri i zgjedhur titullar nga Nicola, tregoi të gjitha cilësitë e tij, por nuk mundi të bëjë asgjë ndaj goditjes akrobatike të McTominay, i cili në minutën e 42-të, me një gjysmë-roveshatë, shënoi golin 1-0 që bëri të shpërthente në festë i gjithë stadiumi. Pasi e hoqi nga vetja tensionin për një fitore që duhej arritur me çdo kusht, Napoli në pjesën e dytë gjeti menjëherë dyfishimin me një aksion personal të Lukakut. Po i njëjti belg dhe Neres iu afruan edhe golit të tretë, por asgjë nuk ndryshoi në aspektin e renditjes: titulli është i Napolit!

Lexo më tej: Sa fiton Napoli nëse e fiton titullin kampion: shpërblimi financiar për ekipin fitues

Nuk pati histori në “Maradona”, Napoli nuk u drodh përballë takimit me historinë dhe në veçanti me titullin e katërt. Në një “Maradona” (dhe në një qytet) që për çudi kishte lënë mënjanë supersticionin, të Kaltërit e Contes mposhtën 2-0 Cagliarin me një ndeshje cilësore dhe me përkushtim, duke sulmuar me durim gjatë gjithë pjesës së parë – deri te goli i McTominay – dhe duke menaxhuar në pjesën e dytë pas dyfishimit nga Lukaku, në stilin klasik të Lukakut.

Festë në shesh në golin e McTominay

Në Napoli, fishekzjarrët përshëndetën golin e McTominay që zhbllokoi ndeshjen e vendasve kundër Cagliarit, vendimtare për ndarjen e titullit. Goli i skocezit erdhi në minutën e 42-të dhe konkretizoi epërsinë e të kaltërve që që në minutat e para e kishin mbyllur Cagliarin në zonën e vet, pa arritur megjithatë të gjenin rrjetën. Një britmë çliruese u ngrit nga Piazza Plebiscito. Sheshi u mbush me të kuqen e tymuesve dhe zhurma e borive ishte shurdhuese. Sheshi – i mbushur me dhjetëra mijëra njerëz – gjatë gjithë pjesës së parë e shoqëroi skuadrën me thirrje inkurajuese, pa ndalur kurrë. Inkurajim që u bë edhe më i fuqishëm pas lajmit për golin e Interit. Festë kishte edhe në sheshet e tjera ku ishin vendosur ekranë gjigantë, si në Scampia.

INTER, FITORJA NË COMO NUK MJAFTON

Inter bën detyrën duke mposhtur 0-2 Comon në javën e fundit të Serie A, por ndalet një pikë larg Napolit, që duke mposhtur Cagliarin në “Maradona” shpallet për herë të katërt kampion i Italisë. Zikaltërit e zhbllokojnë ndeshjen në minutën e 21-të me një goditje me kokë të De Vrij pas një këndi të Calhanoglu, pastaj luajnë gjithë pjesën e dytë me një lojtar më shumë pas përjashtimit të Reinas në minutat shtesë të pjesës së parë dhe e thellojnë rezultatin me golin e Correas. Skuadra e Inzaghit e mbyll kështu me një rezultat pozitiv dhe disa keqardhje; tani ka një javë të plotë për t’u përgatitur në mënyrën më të mirë për finalen e Ligës së Kampioneve kundër PSG-së.

The post Napoli, Kampion i Italisë për herë të katërt: Sherri e Asllani nuk i bëjnë punë Inter appeared first on Lapsi.al.