Arkivi i Kosovës ka angazhuar një konsulent për recepsion me pagë vjetore mbi 18 mijë euro, vendim të cilin ky institucion e ka arsyetuar si nevojë për të mbuluar mungesën e përkohshme të një punonjëseje.

Është institucioni kryesor që merret me mbrojtjen, ruajtjen dhe arkivimin e dokumenteve shtetërore.

Së fundi, Agjencia Shtetërore e Arkivave të Kosovës ka publikuar një njoftim për dhënien e kontratës për angazhimin e një konsulenti në recepsion në këtë agjenci.

Sipas kontratës, të cilën e ka siguruar T7, për këtë pozicion është punësuar Ardita Toverlani, me një pagë totale prej 18 mijë e 810 euro.

Megjithatë, njohësit e prokurimit konsiderojnë se kjo kontratë duhet të anulohet, pasi nuk është në përputhje me rregulloren.

Ardit Dragusha, hulumtues në Democracy Plus, deklaron se kjo mënyrë e kontraktimit paraqet gjithashtu një abuzim të mundësisë ligjore për kontraktimin e konsulencave.

Në anën tjetër, Agjencia Shtetërore e Arkivave të Kosovës e ka arsyetuar vendimin për mbulimin e mungesës së përkohshme të një punonjëseje.

ASHAK deklaron se çdo rishqyrtim eventual për anulimin e kësaj kontrate do të bëhet vetëm mbi bazën e vlerësimit administrativ dhe ligjor.

Sinjali – aty ku e vërteta flet para lajmit!

/GazetaSinjali/

The post Ndodh edhe kjo: Arkivi i Kosovës punëson konsulent për recepsion me pagë vjetore 18 mijë euro appeared first on Sinjali.

‘Dokumenti i SHBA-së mbi garancitë e sigurisë për Ukrainën është gati’, ka deklaruar presidenti ukrainas Volodymir Zelenksy.

Gjithashtu ai ka theksuar se Kievi po pret njoftimin se kur do ta nënshkruajë atë.

“Për ne, garancitë e sigurisë janë kryesisht garanci sigurie nga SHBA-ja. Dokumenti është 100% gati dhe ne po presim që partnerët tanë të konfirmojnë kohën dhe vendin ku do ta nënshkruajmë atë”, tha Zelensky në një konferencë për shtyp në Vilnius, kryeqytetin e Lituanisë.

Sinjali – aty ku e vërteta flet para lajmit!

/GazetaSinjali/

The post Zelensky: Dokumenti i garancive të SHBA-së për Ukrainën është 100% gati appeared first on Sinjali.

Një rast i vjedhjes së rëndë është zbuluar në orët e hershme të mëngjesit në Gjilan, ku Policia ka arrestuar një person të dyshuar, i cili sipas hetimeve lidhet edhe me raste të tjera të ngjashme.

Sinjali mëson se më 25.01.2026, rreth orës 05:30, Njësiti i Hetimeve i Stacionit Policor në Gjilan, pas një pune të vazhdueshme hetimore, ka arrestuar të dyshuarin: Egzon Isufin.

Sipas informacioneve, i dyshuari është kapur në flagrancë, teksa po kryente veprën penale “Vjedhje e rëndë”, në lokalin/kafiterinë “Sag Lounge Bar”, në rrugën “Raif Halimi” në Gjilan.

Burime të besueshme bëjnë me dije se gjatë procedurave policore, i dyshuari ka pranuar edhe disa raste të tjera vjedhjesh, ndërsa rasti po trajtohet edhe për veprat penale “Vjedhje” dhe “Vjedhje e rëndë”.

I dyshuari është intervistuar në prani të avokatit mbrojtës, ndërsa me vendim të Prokurorit të Shtetit, ai është dërguar në ndalim policor prej 48 orësh.

Hetimet për rastet e tjera që dyshohet se lidhen me të njëjtin person janë duke vazhduar.

Ekskluzive | Kapet në flagrancë duke vjedhur në “Sag Lounge Bar” në Gjilan, në pranga i dyshuari për disa raste vjedhjesh

Sinjali – aty ku e vërteta flet para lajmit!

Shënim: Personi i apostrofuar në këtë artikull prezumohet i pafajshëm derisa fajësia e tij të mos provohet me vendim të formës së prerë nga gjykata.

/GazetaSinjali/

The post Ekskluzive: Ky është personi që u kap në flagrancë duke vjedhur në “Sag Lounge Bar” në Gjilan appeared first on Sinjali.

Ish-Presidenti amerikan Barack Obama ka kritikuar drejtpërdrejt Presidentin Donald Trump për vdekjen e Alex Pretti, i cili u qëllua për vdekje nga agjentë federalë gjatë një proteste në Minneapolis.

Në një deklaratë të postuar të dielën në rrjetin social X, Obama e quajti ngjarjen një “tragjedi zemërthyese” dhe akuzoi administratën aktuale se po përshkallëzon qëllimisht situatën.

“Kjo duhet të ndalojë”, tha Obama, duke theksuar se vrasja e Pretti-t duhet të shërbejë si një thirrje për zgjim për të gjithë amerikanët, pavarësisht përkatësisë politike. Sipas tij, shumë nga vlerat themelore të Shteteve të Bashkuara janë gjithnjë e më shumë nën kërcënim.

Në deklaratën e tij, Obama dënoi gjithashtu taktikat e përdorura nga ICE dhe agjentë të tjerë federalë, duke thënë se qytetarët në mbarë vendin janë me të drejtë të zemëruar nga veprimet e agjentëve të maskuar që, sipas tij, veprojnë pa përgjegjësi dhe me pandëshkueshmëri, duke frikësuar dhe rrezikuar banorët e një qyteti të madh amerikan.

Deklarata e Obamës përbën një ndërhyrje të rrallë dhe të hapur politike kundër një administrate në detyrë dhe ka nxitur reagime të forta politike, protesta dhe thirrje për hetim të plotë mbi rolin e autoriteteve federale në këtë rast.

Sinjali – aty ku e vërteta flet para lajmit!

/GazetaSinjali/

The post Obama dënon Trumpin për vrasjen e Alex Pretti në Minneapolis: Kjo duhet të ndalojë appeared first on Sinjali.

Një zjarr i përmasave të mëdha ka rënë në orët e mbrëmjes në Orikum.

Në ndihmë të forcave zjarrfikëse të Vlorës kanë shkuar edhe mjete dhe efektivë nga Himara. Era e fortë po favorizon përhapjen e flakëve, duke vështirësuar ndërhyrjen për shuarjen e zjarrit.

Në vendngjarje po vijon puna intensive për vënien nën kontroll të situatës.

Sinjali – aty ku e vërteta flet para lajmit!

/GazetaSinjali/

The post Zjarr i përmasave të mëdha në Orikum appeared first on Sinjali.

Një rast i dhunës në familje është raportuar në orët e hershme të mëngjesit në Fushë Kosovë, ku një i ri dyshohet se ka sulmuar fizikisht motrën e tij pas një mosmarrëveshjeje të çastit.

Sipas informacioneve, ngjarja ka ndodhur më 25.01.2026, rreth orës 04:40 në rrugën “Nënë Tereza”.

Burime nga rasti bëjnë me dije se i dyshuari D. N dyshohet se ishte zgjuar nga një zhurmë dhe e ka akuzuar motrën e tij, viktimën A. N se ajo e kishte shkaktuar zhurmën, çka ka çuar në përshkallëzim të situatës dhe konflikt fizik.

Në momentet pasuese, dyshohet se i dyshuari e ka goditur viktimën disa herë me grushte në trup.

Sipas të dhënave, viktima nuk ka pësuar lëndime trupore dhe nuk ka kërkuar ndihmë mjekësore, por rasti është trajtuar si “Dhunë në familje”.

I dyshuari është intervistuar në prani të avokatit mbrojtës dhe me vendim të Prokurorit të Shtetit është dërguar në mbajtje për 48 orë, në Qendrën e Mbajtjes.

Hetimet lidhur me rastin pritet të vazhdojnë.

Sinjali – aty ku e vërteta flet para lajmit!

/GazetaSinjali/

The post “Pse ma prishe gjumin”? Vëllai rrah motrën pas një zhurme në banesë, përfundon në mbajtje për 48 orë appeared first on Sinjali.

Një person i kërkuar me urdhërarrest të Gjykatës Themelore në Mitrovicë është ndaluar sot në pikën kufitare Jarinjë, raporton Sinjali.

Burime zyrtare bëjnë me dije se më 25.01.2026, rreth orës 11:30, në Jarinjë është ndaluar: Branko Sretenoviq.

Sipas informacioneve, ai ishte në kërkim me urdhërarrest të lëshuar nga Gjykata Themelore në Mitrovicë, për shkak të dyshimeve se ka kryer veprën penale “Falsifikim i dokumenteve”, nga neni 390 paragrafi 2 i KPRK-së.

Në lidhje me rastin është kontaktuar gjyqtarja e lëndës, e cila ka urdhëruar që i arrestuari të dërgohet në Qendrën e Mbajtjes, ndërsa më 26.01.2026, në ora 10:00, të dërgohet në gjykatë.

Rasti pritet të trajtohet nga organet kompetente.

Sinjali – aty ku e vërteta flet para lajmit!

/GazetaSinjali/

The post Arrestohet në Jarinjë i kërkuari nga Gjykata e Mitrovicës për “Falsifikim të dokumenteve” appeared first on Sinjali.

Një rast i vjedhjes së rëndë është zbuluar në orët e hershme të mëngjesit në Gjilan, ku Policia ka arrestuar një person të dyshuar, i cili sipas hetimeve lidhet edhe me raste të tjera të ngjashme.

Sinjali mëson se më 25.01.2026, rreth orës 05:30, Njësiti i Hetimeve i Stacionit Policor në Gjilan, pas një pune të vazhdueshme hetimore, ka arrestuar një të dyshuar.

Sipas informacioneve, i dyshuari është kapur në flagrancë, teksa po kryente veprën penale “Vjedhje e rëndë”, në lokalin/kafiterinë “Sag Lounge Bar”, në rrugën “Raif Halimi” në Gjilan.

Burime të besueshme bëjnë me dije se gjatë procedurave policore, i dyshuari ka pranuar edhe disa raste të tjera vjedhjesh, ndërsa rasti po trajtohet edhe për veprat penale “Vjedhje” dhe “Vjedhje e rëndë”.

I dyshuari është intervistuar në prani të avokatit mbrojtës, ndërsa me vendim të Prokurorit të Shtetit, ai është dërguar në ndalim policor prej 48 orësh.

Hetimet për rastet e tjera që dyshohet se lidhen me të njëjtin person janë duke vazhduar.

Sinjali – aty ku e vërteta flet para lajmit!

/GazetaSinjali/

The post Ekskluzive | Kapet në flagrancë duke vjedhur në “Sag Lounge Bar” në Gjilan, në pranga i dyshuari për disa raste vjedhjesh appeared first on Sinjali.

Në Komisionin Qendror të Zgjedhjeve kanë shprehur pritje që pas përfundimit të rinumërimit të votave të ketë më pak dilema rreth rezultateve, gjë që mund të ndikojë në përfundim më të shpejtë të procesit. 

Zëdhënësi i KQZ-së, Valmir Elezi, ka thënë të dielën se me këtë dinamikë pune, rinumërimi pritet të përfundojë këtë javë.

“Natyrisht, procesi i rinumërimit i heq të gjitha dilemat sa i përket rezultateve dhe kjo mund të zvogëlojë nevojën për ankesa, por KQZ duhet të presë afatin për paraqitjen dhe shqyrtimin e tyre para se të procedojë me certifikimin e rezultatit të zgjedhjeve dhe njëkohësisht me përmbylljen e procesit zgjedhor”, ka thënë Elezi.

Deri në orën 16:00 të së dielës janë rinumëruar 65% të vendvotimeve. 

Procesi i rinumërimit ka përfunduar edhe në Komunën e Drenasit. Më së shumti vota që s’ia kanë dhënë qytetarët ka dalë t’i jenë shënuar Fadil Demakut të PDK-së – 222. 

Asnjë kandidati tjetër nuk i janë shtuar më shumë se 20 vota gjatë numërimit fillestar.

Procesi ka përfunduar edhe në Gjakovë. Rinumërimi ia hoqi 383 vota kandidates Adonjeta Zymberi-Selmanit e 244 vota Hajdar Beqës, të dy kandidatë të PDK-së. 

Gjatë numërimit fillestar në Gjakovë vota që nuk i kanë dhënë qytetarët ka përfituar edhe kandidati i Vetëvendosjes Agon Batusha – 215. 

Në këtë komunë ka edhe dallime të tjera që janë evidentuar, por asnjë nuk i kalon 100 votat. 

Rinumërimi është afër fundit edhe në Gjilan. Nga 130 kuti gjithsej kanë mbetur edhe 7 pa u rinumëruar. Dallimi më i madh nga numërimi fillestar janë 43 vota që i ishin shtuar kandidates së LVV-së Arijeta Rexhepi.

Në Istog janë rinumëruar 53 nga 62 kuti. Dallimi më i madh i evidentuar në këtë komunë është 14 vota, e që i janë shtuar gjatë numërimit Gani Dreshajt të AAK-së. 

Procesi ka përfunduar në 23 komuna, e 15 të tjera janë ende në rinumërim, ndër to edhe Prishtina, ku deri tash për së dyti janë numëruar 32% të vendvotimeve.

Sinjali – aty ku e vërteta flet para lajmit!

/GazetaSinjali/
 

The post KQZ: Procesi i rinumërimit i heq të gjitha dilemat sa u përket rezultateve appeared first on Sinjali.

Policia e Kosovës ditë më parë ka sekuestruar 156 kilogramë eksploziv komercial në rrugën e Jagnjenicës, në komunën e Zubin Potokut, në një lokacion të pabanuar.

Sipas të dhënave zyrtare, eksplozivi është i prodhuar nga kompania serbe “Trayal Korporacija A.D.” nga Krushevci i Serbisë.

Drejtor gjeneral i kësaj kompanie është biznesmeni serb Millosh Neneziq, i cili njihet për lidhjet e tij me Partinë Përparimtare Serbe (SNS).

Portali serb Nova ka raportuar më herët se Neneziq ka marrëdhënie shumë të afërta me ish-drejtorin e Agjencisë së Inteligjencës Serbe (BIA) dhe ish-ministrin e Mbrojtjes, Bratislav Gashiq.

Sipas raportimeve, fabrika “Trayal” kishte qenë për një kohë të gjatë në gjendje të rëndë financiare dhe në prag të shkatërrimit, me borxhe që në një moment arrinin deri në 130 milionë euro.

Megjithatë, Neneziqi i atribuohen meritat për rimëkëmbjen e kompanisë, pikërisht në periudhën kur Gashiq u emërua ministër i Mbrojtjes së Serbisë.

Pas këtij emërimi, “Trayal” nisi të përfitojë kontrata shtetërore. Gjatë një vizite në fabrikë në vitin 2015, Gashiq nënshkroi një kontratë për furnizimin e Ushtrisë së Serbisë me maska mbrojtëse.

Ai deklaroi se nga viti 2012 deri në atë kohë, fabrika i kishte furnizuar ushtrisë produkte me vlerë rreth shtatë milionë dinarë, ndërsa për tre vitet pasuese parashiheshin kontrata të reja në vlerë prej 250 milionë dinarësh.

Lidhjet mes “Trayal”-it dhe Gashiqit konsiderohen të hershme dhe të forta. Aktualisht, djemtë e Gashiqit janë pjesë e drejtuesve të klubit futbollistik FK “Trajal”, sponsori kryesor i të cilit është pikërisht fabrika “Trayal”.

Sinjali – aty ku e vërteta flet para lajmit!

/GazetaSinjali/

The post Sekuestrimi i 160 kg eksplozivi në Zubin Potok, prodhim i një kompanie serbe të lidhur me pushtetin appeared first on Sinjali.

Kremlini ka ashpërsuar sërish tonet ndaj Ukrainës dhe presidentit Volodymyr Zelensky, duke e akuzuar Kievin për mungesë mirënjohjeje ndaj aleatëve perëndimorë.

Zëdhënësi i Kremlinit, Dmitry Peskov, deklaroi se Ukraina është e gatshme të “kafshojë dorën që e ushqen”, duke iu referuar kritikave të bëra nga Zelensky ndaj Bashkimit Evropian gjatë fjalimit të tij në Forumin Ekonomik Botëror në Davos.

Në një intervistë për televizionin shtetëror Rossiya 1, Peskov tha se “regjimi i Kievit është gati të kafshojë këdo”, duke shtuar se kjo sjellje tregon, sipas tij, qëndrimin e vërtetë të udhëheqjes ukrainase ndaj partnerëve ndërkombëtarë.

Deklaratat e Kremlinit vijnë në një moment tensionesh të shtuara diplomatike, pas kritikave të Zelensky se Evropa nuk po vepron me vendosmëri të mjaftueshme përballë agresionit rus dhe për mbështetjen e Ukrainës.

Moska dhe Kievi mbeten në përplasje të hapur politike dhe retorike, ndërsa lufta dhe pasojat e saj vazhdojnë të ndikojnë marrëdhëniet mes Rusisë, Ukrainës dhe Perëndimit.

Sinjali – aty ku e vërteta flet para lajmit!

/GazetaSinjali/

The post Fjalimi i presidentit ukrainas në Davos, reagon Kremlini: Zelensky është gati të kafshojë dorën që e ushqen appeared first on Sinjali.

Protesta të mëdha janë përhapur në dhjetëra qytete të Shteteve të Bashkuara, pasi Alex Pretti, 37 vjeç, u qëllua për vdekje nga agjentë federalë.

Demonstratat shpërthyen një ditë pas një marshimi masiv kundër Agjencisë së Emigracionit dhe Doganave (ICE) në Minneapolis dhe u shtrinë në New York, Washington DC, San Francisco, Boston, Los Angeles dhe Providence. Pavarësisht temperaturave ekstreme, mijëra persona dolën në rrugë duke kërkuar drejtësi për Pretti-n dhe ndalimin e operacioneve të ICE.

Në Minneapolis, protestuesit u rikthyen në vendin ku Pretti u vra, duke ndezur qirinj dhe duke vendosur pankarta me mesazhin “Drejtësi për Alex Pretti”. Në New York, turma të mëdha u mblodhën në Union Square, ku u dëgjuan thirrje për shpërbërjen e ICE.

Në Washington DC, qindra persona protestuan përpara selisë së Departamentit të Sigurisë Kombëtare (DHS), ndërsa në San Francisco dhe Los Angeles protestat u shoqëruan me slogane kundër “terrorizimit të komuniteteve nga agjentët federalë”.

Sipas pamjeve video që janë bërë virale, Pretti shihet duke u përplasur në tokë nga agjentët federalë dhe më pas qëllohet disa herë. Analistë të pavarur kanë deklaruar se nga pamjet nuk duket se ai kishte armë në dorë në momentin e të shtënave.

Autoritetet federale pretendojnë se Pretti iu afrua agjentëve me një armë zjarri, por shefi i policisë së Minneapolis konfirmoi se ai ishte pronar ligjor i armës dhe me leje mbajtjeje, sipas ligjit të Minesotës.

Ngjarja ka ndezur debat të ashpër kombëtar mbi përdorimin e forcës nga agjentët federalë dhe rolin e ICE në qytetet amerikane.

Sinjali – aty ku e vërteta flet para lajmit!

/GazetaSinjali/

The post Protesta masive në SHBA pas vrasjes së Alex Pretti-it, përplasje të forta me Agjencinë e Emigracionit dhe Doganave appeared first on Sinjali.

Një stuhi masive dimërore, që shtrihet në të gjithë territorin e Shteteve të Bashkuara, ka lënë rreth 730 mijë persona pa energji elektrike në jug të vendit dhe tashmë po lëviz drejt Bregut Lindor, duke shkaktuar kaos në transport dhe paralizim të lëvizjeve.

Që nga mëngjesi i së dielës, më shumë se 190 milionë amerikanë ishin nën paralajmërime për kushte të rrezikshme dimërore, nga Nju Meksiko deri në Karolinën e Veriut dhe më tej deri në Maine.

Stuhia dimërore e quajtur Fern vazhdon të godasë jugun e SHBA-së, duke sjellë borë, shi të përzier me borë dhe shi të ngrirë në një zonë të gjerë. Gjatë orëve të para të së dielës, reshjet e borës kanë arritur edhe në verilindje të vendit.

Sipas parashikimeve, stuhia do të lëvizë drejt lindjes gjatë mëngjesit të së dielës, duke sjellë reshje bore nga Wichita e Kansasit deri në Cincinnati. Flokët e parë të borës pritet të bien në Uashington D.C. që në orët e para të mëngjesit, ndërsa në Filadelfia rreth orës 07:00 sipas orës lokale të Bregut Lindor.

Shi i ngrirë parashikohet deri në lindjen e diellit në zona si Shreveport (Luiziana), Memphis, Atlanta dhe Raleigh (Karolina e Veriut).

Gjatë paradites, zonat në perëndim të lumit Misisipi pritet të fillojnë të thahen, ndërsa stuhia zhvendoset drejt verilindjes.

Nju Jorku pritet të përjetojë reshje bore më vonë gjatë mëngjesit, ndërsa ajri më i ngrohtë që vjen nga jugu mund ta shndërrojë borën në përzierje dimërore në Uashington D.C.

Midis orës 11:00 dhe 16:00 (ET), një brez me reshje të dendura bore dhe përzierje dimërore pritet të prekë korridorin e autostradës I-95, me intensitet deri në 2.5 cm borë në orë. Në Filadelfia parashikohet shi i ngrirë ose përzierje dimërore, ndërsa në Nju Jork dhe më në veri reshjet do të jenë kryesisht borë.

Deri rreth 18:00 (ET), ajri i ngrohtë nga Oqeani Atlantik pritet të depërtojë në korridorin I-95, duke sjellë kalime të shpeshta mes borës, shiut të ngrirë, përzierjes dimërore dhe shiut, ndërkohë që në Nju Angli priten reshje të dendura bore.

Rreth orës 21:00 të së dielës, Nju Jorku pritet të përballet me përzierje dimërore, ndërsa Nju Anglia dhe zonat e brendshme të verilindjes do të vazhdojnë të marrin borë. Reshje të lehta pritet të vazhdojnë deri në mëngjesin e së hënës, me dobësim gradual deri rreth mesditës.

Mbi 10 mijë fluturime të anuluara

Më shumë se 10.000 fluturime janë anuluar të dielën brenda, drejt ose nga SHBA-ja, përfshirë të gjitha fluturimet në aeroportin Ronald Reagan Washington National (DCA) dhe shumicën e fluturimeve në Aeroportin Ndërkombëtar të Filadelfias.

Stuhia ka shkaktuar gjithashtu probleme serioze në rrjetet elektrike të disa shteteve, përfshirë Teksasin dhe Tenesin.

Ndërprerjet e energjisë kanë prekur mbi 244.000 konsumatorë në Tenesi, 134.000 në Teksas, 123.000 në Misisipi, gati 120.000 në Luiziana dhe rreth 40.000 në Kentaki.

Sinjali – aty ku e vërteta flet para lajmit!

/GazetaSinjali/

The post Stuhi e fuqishme dimërore në SHBA, 730 mijë njerëz pa energji elektrike, mbi 10 mijë fluturime të anuluara appeared first on Sinjali.

Kryeministri Edi Rama do të zhvillojë një vizitë pune në Jeruzalem, Izrael, më 25–27 janar, me rastin e pjesëmarrjes së tij në Konferencën Ndërkombëtare për Luftën kundër Antisemitizmit.

Në këtë vizitë, Kryeministri shoqërohet nga delegacioni shqiptar dhe bashkëshortja e tij, Linda Rama.

Ditën e hënë, më 26 janar, ora 11:00 – 12:30 Kryeministri Rama do të zhvillojë një takim kokë më kokë me Kryeministrin e Izraelit, Benjamin Netanyahu, i cili do të pasohet nga takimi mes dy delegacioneve, në përfundim të të cilit do të ketë edhe deklaratë për shtyp.

Paralelisht, Linda Rama, në shoqërinë e znj. Herzog, bashkëshortes së Presidentit të Izraelit, Isaac Herzog, do të zhvillojë një vizitë në Bibliotekën Kombëtare.

Në orën 14:00, Kryeministri Rama, i shoqëruar nga Linda Rama, do të mbërrijë në Knesset “Plaza”, Parlamenti i Izraelit, ku do të pritet me një ceremoni të posaçme shtetërore nga Kryetari i Knessetit. Ceremonia përfshin rojet e nderit, ekzekutimin e himneve kombëtare, si dhe vendosjen e kurorave në monumentin e ushtarëve të rënë dhe në monumentin e viktimave të terrorit.

Më pas, Kryeministri Rama do të firmosë Librin e Përshtypjeve në Hollin Shagall.

Në orën 14:30, Kryeministri Rama dhe delegacioni shqiptar do të zhvillojnë një takim me Kryetarin e Knessetit, Amir Ohana.

Në orën 16:15, do të nisë seanca plenare speciale e Knessetit, e shoqëruar nga hyrja ceremoniale në sallë. Gjatë kësaj seance do të mbajnë fjalën Kryetari i Knessetit, z. Amir Ohana, Kryeministri i Izraelit, Benjamin Netanyahu, Lideri i Opozitës, Yair Lapid, si dhe Kryeministri Edi Rama, i cili do t’i drejtohet Parlamentit të Izraelit me një fjalim historik sipas protokollit të posaçëm që Knesseti u ka rezervuar një numri të kufizuar udhëheqësish të huaj dhe së fundmi Presidentit të SHBA, Donald J. Trump.

Në orën 17:15, do të zhvillohet një pritje zyrtare në nder të Kryeministrit Rama, me pjesëmarrjen e ambasadorëve dhe të ftuarve të posaçëm, në Jerusalem Hall të Knessetit.

Ndërsa, Linda Rama do të ketë një takim të veçantë me gratë parlamentare.

Më 27 janar, Kryeministri Edi Rama do të marrë pjesë në Konferencën Ndërkombëtare për Luftën kundër Antisemitizmit, ku do të mbajë një fjalë, në praninë e Presidentit të Izraelit, Isaac Herzog.

Gjatë qëndrimit në Jeruzalem, Kryeministri Rama do të kryejë gjithashtu vizita simbolike në Western Wall (Muri i Lotëve) dhe në Kishën e Varrit të Krishtit.

Sinjali – aty ku e vërteta flet para lajmit!

/GazetaSinjali/

The post Edi Rama vizitë në Izrael, nga takimi kokë më kokë me Netanyahun te fjalimi në Parlament – zbardhet agjenda appeared first on Sinjali.

Sulmuesi Xherdan Shaqiri ka shënuar dy gola të bukur për ta barazuar rezultatin për Baselin ndaj Zurichut.

Zurichu kaloi herët në epërsi falë Phaeton, që u asistua nga Bledian Krasniqi, mirëpo Baseli u kthye në lojë falë golit të Xherdan Shaqirit.

Lojtari nga Gjilani e finalizoi për mrekulli asistimin e Otele (11’), me një goditje të saktë, ku s’i dha asnjë shans portierit vendas – VIDEO.

Ndërkohë, vlen të ceket se gol shënoi edhe Dion Kacurri, por u anulua nga VAR-i shkaku që kishte prekje të topit me dorë.

Zurichu e riktheu epërsinë në përfundimin e pjesës së parë falë Keny, sidoqoftë vetëm dy minuta më vonë – në skenë doli sërish Shaqiri që e tundi rrjetën.

Këtë herë, Schmid dhuroi një pasim të saktë te Shaqiri, me këtë të fundit që s’gaboi përballë portierit për ta barazuar sërish rezultatin (45+3’).

Sinjali – aty ku e vërteta flet para lajmit!

/GazetaSinjali/

The post Xherdan Shaqiri shënon dy gola të bukur ndaj Zurichut appeared first on Sinjali.

Në Qendrën e Numërimit dhe Rezultateve, vazhdon numërimi i fletëvotimeve sipas listës së vendvotimeve për të cilat KQZ-ja ka marrë vendim për rinumërim.

Zëdhënësi Valmir Elezi, deklaroi se nga fillimi i procesit më 13 janar 2026 dhe deri më 25 janar, janë rinumëruar 1 mijë e 662 vendvotime nga gjithsejt 2 mijë e 557, që përbën 65% e totalit.

Rezultatet pas rinumërimit të çdo vendvotimi mund të ndiqen në platformën e KQZ-së për rezultate.

Sinjali – aty ku e vërteta flet para lajmit!

/GazetaSinjali/

The post KQZ: Janë rinumëruar 65% e votave appeared first on Sinjali.

Presidentja e Kosovës, Vjosa Osmani, është pyetur në një intervistë për BBC-në se si do të ndjehej të ulej pranë presidentit të Rusisë, Vladimir Putin në Bordin e Paqes.

Shtetet perëndimore nuk i janë përgjigjur pozitivisht ftesës së presidentit amerikan, Donald Trump për t’iu bashkuar atij në këtë traktat, për shkak të shqetësimeve lidhur me përfshirjen e Rusisë.

Për përfshirjen e Rusisë, Osmani pati disa replika me gazetarin e BBC-së.

“Sepse në këtë bord për paqe, mund të jesh ulur pranë Vladimir Putinit. A ndiheni rehat me këtë?”, e pyeti ai.

“Ne kemi qenë duke u përpjekur të bëhemi anëtarë të Kombeve të Bashkuara për kaq gjatë, dhe Rusia na ka bllokuar sepse ka të drejtën e vetos. Në këtë organizatë Rusia nuk ka veto. Në këtë organizatë, Republika e Kosovës, vendi im, është ftuar të jetë anëtare themeluese, shtet anëtar i barabartë. Por ky është një bord për paqe, dhe presidenti Putin po ndjek një luftë në një vend europian. Të gjitha vendet që po e kritikojnë këtë janë ulur pikërisht pranë Putinit në Kombet e Bashkuara”, tha ajo.

“Po si ju duket kjo?”, pyeti gazetari.

Osmani tha se vendet e tjera “gjithashtu janë ulur pranë Rusisë si anëtare e përhershme e Këshillit të Sigurimit të OKB-së me të drejtë vetoje”.

“Vlen të theksohet se edhe Mbretëria e Bashkuar është ulur pranë Rusisë. Prandaj do të thosha se është më mirë të jesh pjesë e një organizate ndërkombëtare ku Rusia nuk ka të drejtë vetoje, nuk mund ta bllokojë paqen në botë, sesa në një organizatë ku ajo e ka bllokuar paqen në botë dhe ka shkaktuar luftëra dhe kaq shumë shkatërrim, jo vetëm për popullin e Ukrainës, por edhe duke mbështetur një përfaqësues proxy të Rusisë këtu në Ballkanin Perëndimor”, tha ajo.

Sinjali – aty ku e vërteta flet para lajmit!

/GazetaSinjali/

The post “A do të ndiheshit rehat afër Putinit në Bordin e Paqes”, Osmani polemizon me BBC: Të gjithë janë ulur me të në OKB appeared first on Sinjali.

Të paktën 50 persona janë mbytur pasi një varkë që tentonte të kalonte Mesdheun u përmbys në kushte të vështira moti. Mjeti lundrues ishte nisur nga Tunizia dhe transportonte azilkërkues.

Vetëm një person ka mbijetuar. Ai u gjet i kapur pas mbetjeve të varkës nga anija “Star” ku kishte qëndruar për rreth 24 orë. Pas gjetjes u transportua në spital në gjendje të rëndë, ku edhe konfirmoi se në varkën me të cilën po udhëtonte ishin rreth 50 pasagjerë, që tashmë konsiderohen të vdekur.

Autoritetet e portit të Lampeduzës në Itali kanë kërkuar zonën ku ndodhi përmbysja e varkës që prej mbrëmjes së së premtes, por pa rezultate.

Europa Jugore u godit ditët e fundit nga cikloni Harry, çka ka rritur frikën se numri i viktimave mund të jetë edhe më i lartë. Roja Bregdetare Italiane ka lëshuar alarm për të gjitha anijet, duke njoftuar se tetë varka janë nisur nga Tunizia gjatë 10 ditëve të fundit dhe nuk kanë mbërritur kurrë në destinacion.

Sipas autoriteteve, këto mjete lundruese besohet se transportonin të paktën 400 persona, të cilët aktualisht rezultojnë të zhdukur.

Sinjali – aty ku e vërteta flet para lajmit!

/GazetaSinjali/

The post Tragjedi në Mesdhe – 50 emigrantë të vdekur dhe 400 të zhdukur pas ciklonit Harry appeared first on Sinjali.

Presidenti i Serbisë, Aleksandar Vuçiq, ka propozuar të dielën krijimin e një ekipi operativ dhe forcimin e kapaciteteve për ta ndihmuar vendin të ecë më hapa më të shpejtë në rrugën e tij evropiane.

Vuçiqi e bëri këtë propozim gjatë një seance të Qeverisë serbe.

Ai propozoi kreun e Misionit Serb në BE në Bruksel, Danijel Apostoloviq, si president të ekipit operativ.

Lideri serb deklaroi se ekipi duhet t’i ketë tetë deri në dhjetë persona në mënyrë që “ata të mund të jenë në kontakt çdo ditë përmes konferencës telefonike”.

Vuçiq e dha këtë ide për ta përshpejtuar punën për reformat sepse, siç pretendon ai, organi i mëparshëm koordinues nuk ishte mjaftueshëm efikas.

Ai tha gjithashtu se Serbia mbetet në rrugën evropiane.

Gjatë seancës së Qeverisë, ai shprehu disa kritika për punën e ministrave dhe drejtorëve të ndërmarrjeve publike, duke paralajmëruar shkarkime të mundshme.

Lidhur me marrëdhëniet me SHBA-në

Edhe pse ai njoftoi ditë më parë nga Davosi se seanca do të shqyrtonte dy kërkesa nga Shtetet e Bashkuara që do të mundësonin fillimin e një dialogu strategjik me Serbinë, ai nuk e përmendi këtë çështje në mbledhjen e Qeverisë të dielën.

Vuçiq më parë tha për TV Prva se është mirënjohës ndaj Shteteve të Bashkuara për disa gjëra, duke përfshirë pezullimin e bisedimeve strategjike me Prishtinën, licencën operative për Industrinë e Naftës të Serbisë dhe për mosvendosjen e Serbisë në “listën e zezë” për vizat e emigrantëve, gjë që, sipas tij, ishte një sinjal politik.

Vitin e kaluar, SHBA-ja e pezulloi për kohë të papërcaktuar fillimin e dialogut strategjik me Kosovën, për shkak të veprimeve të Qeverisë së kryeministrit në detyrë, Albin Kurti, në veriun e vendit të banuar me shumicë serbe.

Kur bëhet fjalë për licencën e operimit, Zyra e Kontrollit të Aseteve të Huaja (OFAC) e Departamentit të Thesarit të SHBA-së ia zgjati atë NIS-it deri më 20 shkurt. Kjo i lejoi kompanisë të vazhdonte të operonte nën sanksionet e SHBA-së për shkak të pronësisë së saj me shumicë ruse.

Vuçiq i përmendi gjithashtu vizat e emigrantëve, përkatësisht njoftimin e janarit se administrata e presidentit të SHBA-së, Donald Trump, po pezullonte lëshimin e vizave të emigrantëve për aplikantët nga 75 vende, përfshirë Bosnjën, Kosovën dhe Malin e Zi, por jo Serbinë.

Sinjali – aty ku e vërteta flet para lajmit!

/GazetaSinjali/

The post Vuçiq propozon formimin e një ekipi operativ për përparim më të shpejtë të Serbisë drejt BE-së appeared first on Sinjali.

Dhjetëra njerëz rezultojnë ende të zhdukur pas rrëshqitjeve të dheut në ishullin Java të Indonezisë të shtunën që vrau të paktën 25 persona.

Kërkimet vazhdojnë për 72 persona që besohet se janë varrosur nën baltë, shkëmbinj dhe pemë të rrënuara pas rrëshqitjes së dheut. Përmirësimi i motit të dielën ndihmoi një ekip kërkimi prej 250 anëtarësh të nxirrte 14 trupa të tjerë, duke e çuar totalin e të gjeturve në 25.

Shefi i Basarnas, Mohammad Syafii, tha se situata në terren po vazhdon që të ndërlikojë operacionet e kërkimit.

“Jemi në mëshirën e motit, dhe rrëshqitja është ende baltë… rrjedhëse dhe e paqëndrueshme”, tha ai.

“Me një zonë kaq të gjerë, ne do të përdorim çdo aset që kemi… dronë, ekipe K-9 dhe njësi tokësore, por siguria është e para.”

Zëvendëspresidenti indonezian Gibran Rakabuming Raka, i cili vizitoi zonën të dielën, tha se do të merren masa për të parandaluar përsëritjen e katastrofës.

Zyrtarët e shpëtimit thanë se operacioni do të vazhdojë pa ndërprerje për aq kohë sa e lejojnë kushtet. Katastrofa vjen më pak se dy muaj pasi përmbytjet dhe rrëshqitjet e dheut goditën pjesë të Azisë Jugore dhe Juglindore duke vrarë më shumë se 1,300 njerëz.

Në janar të vitit 2025, më shumë se 20 persona humbën jetën në përmbytje dhe rrëshqitje toke pas shirave të rrëmbyeshëm në provincën Java Qendrore.

Indonezia, një arkipelag me më shumë se 17,000 ishuj, është i prirur ndaj përmbytjeve dhe rrëshqitjeve të shpeshta të dheut si rezultat i shirave sezonale dhe baticave të larta nga tetori deri në prill.

Sinjali – aty ku e vërteta flet para lajmit!

/GazetaSinjali/

The post 25 të vdekur pas rrëshqitjeve të dheut në Indonezi, dhjetëra persona të zhdukur appeared first on Sinjali.