Altin Meçaj, banues në Vjosë, emigrant në Gjermani, është bërë prehë e një sulmi të dhunshëm mbrëmjen e djeshme rreth orës 23:00, pasi ka bërë një koment në Messenger, një bashkëfshatareje, motra e një punonjësi policie të zonës. 

Ai rrëfen momentet e tmerrit, ndërsa kërkon drejtësi.

“Mbrëmë në orën 11 të natës kam arritur në shtëpi. Kur isha te lokali i fshatit më kishte ardhur një mesazh kërcënues për një “like”. Mesazhi më erdhi nga një bashkëfshatari im që ai sot është komandant me forcat RENEA në Fier. Like i bëra motrës së tij në Facebook. Në 11 që kam arritur në shtëpi, janë fikur dritat vetëm të shtëpisë time dhe unë jam thirrur në emër që të dal jashtë. Porta e madhe me portën e shtëpisë janë në një distancë prej 50-60 metra.

Ai ishte tek porta e shtëpisë, jo tek porta e madhe. Unë dola se mendova se ishte vëllai. Mesazhi thoshte që nuk e di se me kë je mpleksur. Unë dal në derë dhe aty më qëllon direkt dhe më përsërit ato të mesazhit. Ishin të paktën 3 persona. Më kanë qëlluar pa mëshirë dhe më kanë rrëzuar përtokë pa ndjenja. Nëse unë jam gabim për një like apo koment ka dhe falje. Port ë arrijë deri në këtë gjendje sat ë më bëjë mua për spital. Qëlluan edhe babanë, sapo doli jashtë.

Unë kam punuar në shtëpinë e tyre, kemi pasur marrëdhënie të mira. Fredi Astrit Lamaj e ka emrin. Më that ë njëjtat gjëra si në mesazh. Unë kam rënë pa ndjenja dhe kur u përmenda e ash veten në ambulancë. Unë kërkoj që kjo mos përsëritet më dhe dua të drejtën time, më është shkelur prona.

Telefoni im është marrë me vete, unë atë telefon nuk e gjej. Sot ka vajtur edhe policia atje po e kërkon, por nuk po e gjen. E logjikshme është që e kanë marrë këta”, tha Altin Meçaj.

Ndërkohë , babai i tij 80- vjeçar, Ylli Meçaj tregon se si e ka gjetur të birin të mbuluar me gjak dhe pa ndjenja, ndërsa thekson se kurrë më parë në fshat nuk kanë patur kontradita me askënd.

Sinjali – aty ku e vërteta flet para lajmit!

/GazetaSinjali/

The post  “Je bërë shumë e bukur”, mërgimtari nga Gjermania rrahet nga polici në Fier, i komentoi motrës së tij appeared first on Sinjali.

Instituti Hidrometeorologjik i Kosovës, ka njoftuar se pas reshjeve rekorde që e kanë përfshirë pothuajse të gjithë territorin e vendit, situata meteorologjike është stabilizuar sa i përket reshjeve.

Sipas parashikimit të motit nga IHMK-ja, java nis me depërtimin e masave të ftohta ajrore, të cilat do të përfshijnë gjithë territorin e Kosovës, duke shkaktuar rënie të ndjeshme të temperaturave.

Temperaturat minimale gjatë mëngjeseve pritet të zbresin deri në -12 gradë Celsius, derisa maksimalet e ditës parashihet të jenë deri në 7 gradë Celsius.

Era do të fryjë kryesisht nga veriperëndimi dhe juglindja, e lehtë deri mesatare. Mëngjeset do të jenë të ftohta me ngrica, ndërsa vende-vende pritet të ketë edhe mjegull.

Tutje, ky institut, ka kërkuar kujdes të shtuar për pjesëmarrësit në trafik.

Të hënën parashihet mot kryesisht i vranët dhe me intervale me diell. Temperaturat minimale do të sillen nga -11 deri në -8, ndërkaq maksimalet -5 deri në -1.

Të martën do të mbajë mot kryesisht i vranët me temperatura minimale -12 deri në -7 ndërkaq maksimalet -2 deri në 2 gradë celsius.

Të mërkurën parashihet mot kryesisht i vranët dhe me intervale me diell. Temperaturat minimale do të sillen nga -5 deri në -2 ndërkaq maksimalet 1-5 gradë celsius.

Të enjten do të mbajë mot i vranët dhe me intervale me diell. Temperaturat minimale do të jenë -5 deri në -1 ndërkaq maksimalet 3-7 gradë celsius.

Kurse, të premten, do të mbajë mot i vranët dhe me intervale me diell. Temperaturat minimal do të shkojnë në -5, maksimalet në 7 gradë celsius.

Sinjali – aty ku e vërteta flet para lajmit!

/GazetaSinjali/

The post Parashikimi i motit, java nis me -12 gradë Celsius appeared first on Sinjali.

Agjencia e Menaxhimit Emergjent ka lëshuar raport për gjendjen për vërshimet.

Në Prishtinë ka pasur vërshime në rrugën e Qagllavicës dhe nënkalimin përkatës; nënkalimi në Shkabaj, rruga për Obiliq. 

“Shumica e rasteve si pasojë e bllokimit të kanalizimeve”, thuhet në njoftim.

Në Fushë Kosovë ka pasur vërshime në fshatin Lismir, rruga në fshatin Kuzmin është e bllokuar për qarkullim, në Sllatinë e Madhe afër urës ka vërshime të shkaktuara nga kanalizimet e bllokuara

Në Lipjan:

• Nuk ka pasur vërshime

• Niveli i ujit në lumenj është qetësuar

Obiliq:

• Nënkalimi në dalje të autostradës në fshatin Mazgit i bllokuar nga uji

• Vërshim i rrugës te rrethi afër pompës “Spahia”

• Bllokim i rrugëve Hamedi–Plemetin dhe Obiliq–Palaj

Drenas:

• Vërshime në lokalet e reja në qytet

• Vërshim i rrugës te trafoja kryesore e KEDS-it

• Vërshime në oborret e shtëpive në Qikatovë e Vjetër Podujevë

• Nuk ka pasur vërshime

• Niveli i ujit në lumenj është qetësuar

Shtime

• Nuk ka pasur vërshime

• Niveli i ujit në lumenj është qetësuar

Graçanicë:

• Vërshime në rrugën te Prishtina Mall

• Vërshim i oborreve në fshatin Radevë.

Në Prizren nuk ka pasur intervenime apo thirrje; rrugët janë të pastruara dhe të kalueshme

Suharekë: Gjendje e qetë; rrugët të kalueshme

Malishevë: Pa intervenime; rrugë të kalueshme

Rahovec: Pa intervenime; rrugë të kalueshme

Dragash: Pa intervenime; rrugë të kalueshme

Mamushë: Pa intervenime; rrugë të kalueshme

Në rajonin e Mitrovicës pas reshjeve të vazhdueshme dhe rritjes së nivelit të lumenjve, është konstatuar rrezik real për dalje të lumit Sitnica nga shtrati, veçanërisht në Lagjen “2 Korriku”, Mitrovicë e Jugut.

Raporti i plotë:

Ministria e Punëve të Brendshme

Agjencia e Menaxhimit Emergjent (AME)

Raport i përditësuar për situatë

Data: Gjendja nga ora 22:00 – 08:00, data 11.01.2026)

1. Bazuar në raportet nga Qendrat Operative Emergjente (QOE) 112

• Njësitë Profesionale të Zjarrfikjes dhe Shpëtimit (NJPZSH)

• Drejtoritë për Siguri dhe Emergjenca në komuna

• Informatat e drejtpërdrejta nga qytetarët përmes linjës 112

 Situata si pasojë e reshjeve atmosferike paraqitet si më poshtë:

Prishtinë

• Vërshime në rrugën e Qagllavicës dhe nënkalimin përkatës

• Nënkalimi në Shkabaj, rruga për Obiliq, i vërshuar

• Shumica e rasteve si pasojë e bllokimit të kanalizimeve

Fushë Kosovë

• Vërshime në fshatin Lismir

• Rruga në fshatin Kuzmin e bllokuar për qarkullim

• Në Sllatinë e Madhe, afër urës, vërshime të shkaktuara nga kanalizimet e bllokuara

Lipjan

• Nuk ka pasur vërshime

• Niveli i ujit në lumenj është qetësuar

Obiliq

• Nënkalimi në dalje të autostradës në fshatin Mazgit i bllokuar nga uji

• Vërshim i rrugës te rrethi afër pompës “Spahia”

• Bllokim i rrugëve Hamedi–Plemetin dhe Obiliq–Palaj

Drenas

• Vërshime në lokalet e reja në qytet

• Vërshim i rrugës te trafoja 

kryesore e KEDS-it

• Vërshime në oborret e shtëpive në Qikatovë e Vjetër

Podujevë

• Nuk ka pasur vërshime

• Niveli i ujit në lumenj është qetësuar

Shtime

• Nuk ka pasur vërshime

• Niveli i ujit në lumenj është qetësuar

Graçanicë

• Vërshime në rrugën te Prishtina Mall

• Vërshim i oborreve në fshatin Radevë.

Rajoni i Prizrenit

• Prizren: Nuk ka pasur intervenime apo thirrje; rrugët të pastruara dhe të kalueshme

• Suharekë: Gjendje e qetë; rrugët të kalueshme

• Malishevë: Pa intervenime; rrugë të kalueshme

• Rahovec: Pa intervenime; rrugë të kalueshme

• Dragash: Pa intervenime; rrugë të kalueshme

• Mamushë: Pa intervenime; rrugë të kalueshme

Rajoni i Mitrovicës,

Pas reshjeve të vazhdueshme dhe rritjes së nivelit të lumenjve, është 

konstatuar rrezik real për dalje të lumit Sitnica nga shtrati, veçanërisht në Lagjen “2 Korriku”, Mitrovicë e Jugut.

Veprimet operative

• Është paraqitur kërkesë urgjente pranë Qendrës së Situatave të Këshillit të Sigurisë së Kosovës për angazhimin e FSK-së

• Niveli i rrezikut: I mesëm

Situata

• Ora 00:28: Reagim parandalues në bashkëpunim AME – NJPZSH – Policia – strukturat komunale

• Ora 03:27: Rritje e nivelit të ujit për rreth 20 cm, depërtim në lagjen “2 Korriku”

• Ora 05:30: Operacioni ka përfunduar me sukses; janë vendosur rreth 200 m mur mbrojtës me thasë zalli

Pjesëmarrës në operacion

• AME – 2 automjete

• NJPZSH Mitrovicë Jugore – 2 automjete

• Shoqata e Kërkim-Shpëtimit të Kosovës – 15 anëtarë, 5 automjete

Komunat tjera

• Vushtrri & Skenderaj: Pa raste të reja të raportuara

• Qarkullimi rrugor i vështirësuar në disa segmente për shkak të ngricave

Rajoni i Pejës

• Pejë: 1 intervenim – rrezikim i 5 shtëpive, rruga “Qel Desku”, fshati Kliqinë

• Deçan, Klinë, Istog, Junik: Gjendje e qetë dhe stabile

• Rrugët: 

• Pejë–Rugovë e kalueshme me kujdes

• Pejë–Kullë e kalueshme vetëm për automjete të lehta

Rajoni i Gjakovës

• Gjendje e qetë dhe stabile

• Niveli i ujit në lumenj në rënie

• Bllokim i rrugës Gjakovë–Qafë 

Prush në fshatin Vogovë për shkak të shembjes së dheut

• Intervenime nga SHME dhe kompania kontraktuese

Rajoni i Gjilanit,

Ferizaj

• 5 raste vërshimesh në fshatrat Prelez, Mohoc, Tërrnë, Balaj

• Evakuim i dy të moshuarve në Tërrnë

• Pompa aktive në të gjitha lokacionet

Kamenicë

• Vërshime në Raogan dhe Topanicë – pompa aktive

Gjilan, Viti

• Situatë e qetë dhe nën monitorim

Kaçanik

• Ngritje e nivelit të lumit Lepenc, pa dalje nga shtrati

Komunat tjera

• Hani i Elezit, Shtërpcë, Artanë, Kllokot, Partesh, Ranillug: Pa raportime për vërshime

3. Kërkesa për mbështetje drejtuar QO AME-s

• Kërkesa e NJPZSH Mitrovicë për bariera uji është miratuar dhe realizuar

• AME në gatishmëri të plotë për mbështetje operative

• Aktivizimi i FSK-së kërkuar për mbështetje parandaluese

4. Përmbledhje,

• Operacioni në Lagjen “2 Korriku” ka përfunduar me sukses

• Pompat me kapacitet të lartë të KEK – Termocentrali A funksionojnë me kapacitet të plotë

• Në Drenas, gjendja është nën kontroll

• Ka filluar reshja e borës në shumicën e komunave, situat e cila zbutë rrezikun nga vërshimet. Ndërsa kujdesi për të evakuarit vazhdon.

Qendra Operative – Agjencia e Menaxhimit Emergjent (AME, MPB)

Sinjali – aty ku e vërteta flet para lajmit!

/GazetaSinjali/

The post Situata në vend si pasojë e vërshimeve, AME raporton se çfarë ndodhi nëpër komuna: Reshjet e borës zbusin rrezikun appeared first on Sinjali.

Ish-lojtari i Manchester Cityt, Martin Demichelis, ka pasur një përvojë të frikshme gjatë pushimeve në Uruguaj, kur ai dhe fëmijët e tij u morën nga një rrymë e fortë në det dhe u shpëtuan nga surferët vendas.

Ngjarja ndodhi pranë resortit të njohur Punta del Este, në një zonë pa shërbim rojtar plazhi. Në mesin e fëmijëve ishin Bastian (16), Lola (12) dhe Emma (8), si dhe mbesa e tij Camila, të cilët u morën nga rryma dhe u ndihmuan nga banorët dhe surfistët që ndodheshin aty.

Pamjet e shpëtimit kanë bërë xhiron e mediave në Argjentinë dhe Uruguaj, me banorët lokalë që e përshkruajnë si një “mrekulli” që drama nuk përfundoi në tragjedi.

Fëmijët kapeshin pas një dërrase surfi dhe u tërhoqën drejt bregut, ndërsa Demichelis dukej se i shtynte nga pas. Duartrokitje dhe brohoritje dëgjoheshin nga bregu pas përfundimit të shpëtimit.

Susto en Punta del Este: Martín Demichelis y sus hijos rescatados del mar

El exfutbolista y director técnico Martín Demichelis estuvo a punto de vivir una tragedia en Punta del Este junto a sus tres hijos y una sobrina, tras quedar atrapados por la corriente en la playa… pic.twitter.com/6NAWzinklz

— NPY Oficial (@npyoficial) January 10, 2026

Sinjali – aty ku e vërteta flet para lajmit!

/GazetaSinjali/

The post Ish-ylli i Premierligës dhe fëmijët e tij shpëtohen mrekullisht nga valët e rrezikshme në det appeared first on Sinjali.

Presidenti i ShBA-së, Donald Trump ka deklaruar në “Truth Social” se Kuba për shumë vite ka jetuar nga sasi të mëdha nafte dhe parash që vinin nga Venezuela, por kjo tashmë ai thotë se ka marrë fund.

Ai ka paralajmëruar Kubën që të bëjnë një marrëveshje me ShBA-në, para se të jetë shumë vonë.

Postimi i plotë:

Kuba ka jetuar për shumë vite nga sasi të mëdha nafte dhe parash që vinin nga Venezuela. Në këmbim, Kuba ofronte të ashtuquajtura “shërbime sigurie” për dy diktatorët e fundit të Venezuelës. Por kjo ka marrë fund – JO MË!

Shumica e këtyre kubanëve kanë humbur jetën gjatë sulmit amerikan të javës së kaluar, dhe Venezuela nuk ka më nevojë për mbrojtje nga banditët dhe shantazhuesit që e mbajtën peng për kaq shumë vite.

Venezuela tani ka Shtetet e Bashkuara të Amerikës, ushtrinë më të fuqishme në botë (pa asnjë krahasim), për ta mbrojtur. Dhe ne do ta mbrojmë atë.

Nuk do të ketë më naftë apo para që shkojnë drejt Kubës – ZERO!

I sugjeroj fuqishëm që të arrijnë një marrëveshje, PËRPARA SE TË JETË VONË.

Sinjali – aty ku e vërteta flet para lajmit!

/GazetaSinjali/

The post Trump paralajmëron Kubën: Bëni marrëveshje me ShBA-në para se të jetë shumë vonë appeared first on Sinjali.

Më shumë se 1,000 pallate apartamentesh në kryeqytetin ukrainas Kiev janë ende pa ngrohje pas një sulmi shkatërrues rus në fillim të kësaj jave, thanë të dielën autoritetet lokale.

Rusia ka intensifikuar bombardimet e sistemit energjetik të Ukrainës që kur pushtoi fqinjin e saj në vitin 2022, shkruan Reuters. 

Presidenti Volodymyr Zelenskiy tha se Rusia kishte lëshuar 1,100 dronë, më shumë se 890 bomba ajrore të drejtuara dhe mbi 50 raketa, duke përfshirë armë balistike, lundrimi dhe me rreze të mesme veprimi, kundër Ukrainës gjatë javës së kaluar.

Sinjali – aty ku e vërteta flet para lajmit!

/GazetaSinjali/

The post Një mijë apartamente në Kiev ende pa ngrohje pas sulmit rus appeared first on Sinjali.

Mallorca ka barazuar shifrat ndaj Rayo Vallecanos në ndeshjen e xhiros së 19-të të La Ligës.

Ishte sulmuesi i Kosovës Vedat Muriqi që shënoi për 1-1 në minutën e 30-të.

Muriqi me këtë gol shkon në shifrën e 11 golave në La Liga të realizuara këtë edicion.

VIDEO

The post Kush tjetër përveç Muriqit, Mallorca shënon ndaj Rayo Vallecanos appeared first on Sinjali.

Avokati Besnik Berisha ka komentuar reagimet e fundit mbi lidershipin e Lidhjes Demokratike të Kosovës që erdhën pas rezultateve jo të mira në zgjedhjet e 28 dhjetorit.

Berisha përmes një postimi në Facebook tha se Lidhja Demokratike e Kosovës përgjatë historisë ka kaluar në stuhi të forta me rënie e ngritje, por siç thotë ai ka mbijetuar falë njerëzve që në momente të vështira kanë ditur të vendosin partinë mbi egon personale.

Sipas tij, LDK ka nevojë për qartësi dhe komunikim të hapur duke lënë anash etiketimet dhe ndarjet e reja.

Berisha thekson se partia duhet t’i përgjigjjet me përgjegjësi politike dhe morale të gjithë votuesve të saj.

Tutje, ai shton se ‘forca e vërtetë politike nuk tregohet duke mbyllur debatin por duke hapur atë’ duke potencuar se partia nukë është pronë e askujt.

Postimi i plotë:

LDK ka nevoje per qartesi, jo per zhurme.

LDK ka kaluar shume stuhi ne historine e saj. Ka pasur fitore, humbje, ringritje dhe rënie. Por gjithmone ka mbijetuar sepse ka pasur njerez qe, edhe ne momentet me te veshtira, kane ditur ta vene partine mbi egon, mbi nervin dhe mbi interesin personal.

Ka caste kur lodhja, presioni dhe zhgenjimi e bejne secilin te reagoje me ashper se sa duhet. Kjo eshte njerezore. Por lidershipi matet pikerisht aty, ne aftesine per te mos e bartur mllefin te partia, te elektorati dhe te ata qe presin orientim e shprese.

LDK sot nuk ka nevoje per tone te larta, as per etiketime, as per ndarje te reja. Ka nevoje per qartesi. Per komunikim te hapur. Per pergjegjesi politike dhe morale ndaj njerezve qe na besuan voten edhe kur nuk kishim pushtet, edhe kur ishte me e lehte te na braktisnin.

Partia nuk eshte prone e askujt. As tribune per te shfryre inate, as strehë per ta relativizuar humbjen. LDK eshte amanet i qytetareve dhe pergjegjesi ndaj se ardhmes se vendit.

Une besoj se forca e vertete politike nuk tregohet duke e mbyllur debatin, por duke e hapur ate. Jo duke i perjashtuar zerat ndryshe, por duke i degjuar. Jo duke i mbrojtur pozitat, por duke e mbrojtur besimin.

Sot me shume se kurre, LDK ka nevoje per maturi, reflektim dhe udheheqje qe bashkon. Jo per te fituar nje dite, por per te rikthyer nje shprese.

Qartesia sot eshte detyrim, jo zgjedhje.

Sinjali – aty ku e vërteta flet para lajmit!

/GazetaSinjali/

The post Avokati Besnik Berisha: LDK nuk ka nevojë për ndarje të reja, por për komunikim të hapur appeared first on Sinjali.

Komuna e Malishevës ka njoftuar se mësimi në shkollat e kësaj komune shtyhet deri më 14 janar.

Malisheva është një nga qytetet që është goditur më shumë nga vërshimet e fundit në Kosovë.

Kujtojmë se gjysmëvjetori i dytë shkollor është paraparë të filloj nesër, sipas vendimit të Ministrisë së Arsimit.

Sinjali – aty ku e vërteta flet para lajmit!

/GazetaSinjali/

The post Komuna e Malishevës merr vendim për shtyrjen e mësimit appeared first on Sinjali.

Nxënësit e shkollës “Mihal Grameno” në Fushë Kosovë, nuk do të fillojnë nesër procesin e mësimit.

Klasat 6 deri 9, do të fillojnë gjysmëvjetorin e dytë më vonë, për shkak të mungesës së ngrohjes qendrore dhe temperaturave të ulëta.

Sipas njoftimit të Drejtorisë Komunale të Arsimit në Fushë Kosovë, mësimi do të shtyhet deri më 19 janar 2026.

“Vendimi është marrë për të garantuar kushte më të sigurta dhe më të rehatshme për nxënësit dhe mësimdhënësit”, është bërë e ditur në njoftimin e shkollës.
Shkolla ka falënderuar prindërit, nxënësit dhe stafin për mirëkuptim dhe bashkëpunim gjatë kësaj periudhe.

Kujtojmë se fillimi i procesit mësimor ishte planifikuar të niste më 8 janar, por për shkak të vërshimeve pas reshjeve MASHTI mori vendim për shtyrje deri më 12 janar.

Sinjali – aty ku e vërteta flet para lajmit!

/GazetaSinjali/

The post Shtyhet fillimi i gjysmëvjetorit të dytë në “Mihal Grameno” në Fushë Kosovë, shkak mungesa e ngrohjes appeared first on Sinjali.

Sulmuesi kosovar Vedat Muriqi do të jetë titullar për Mallorcan në ndeshjen e xhiros së 19-t të La Ligës, ku skuadra e tij përballet me Rayo Vallecano në Campo de Futbol de Vallecas.

Para kësaj përballjeje, Rayo Vallecano ndodhet në vendin e 15-të me 19 pikë, ndërsa Mallorca renditet në vendin e 17-të me 18 pikë, duke e bërë ndeshjen një sfidë të rëndësishme në luftën për qëndrimin në elitën e futbollit spanjoll.

Trajneri i Mallorcas ka vendosur që Muriqi të jetë në formacionin startues, duke shpresuar që sulmuesi kosovar të sjellë gol dhe kreativitet në repartin ofensiv, në një ndeshje që premton të jetë e ashpër dhe e balancuar. 

Sinjali – aty ku e vërteta flet para lajmit!

/GazetaSinjali/

The post Vedat Muriqi startues për Mallorca në përballjen ndaj Rayo Vallecano appeared first on Sinjali.

Irani ka kërcënuar Izraelin dhe Shtetet e Bashkuara të Amerikës me kundërsulme në rast të një sulmi amerikan në mbështetje të lëvizjes protestuese mbarëkombëtare kundër udhëheqjes autoritare të shtetit.

“Çdo sulm amerikan do të çonte në sulme ndaj Izraelit dhe bazave ushtarake rajonale amerikane si objektiva legjitime”, tha zëdhënësi parlamentar iranian, Mohammad Bagher Ghalibaf për transmetuesin arab “Al Araby”, sipas një postimi sot në X, shkruan ATSH.

Presidenti amerikan Donald Trump, pak më parë i kishte siguruar pjesëmarrësit në protestat masive që po zhvillohen në Iran për mbështetjen e tij.

“Irani po shikon LIRINË, ndoshta si kurrë më parë”, tha Trump.

“SHBA-ja është e gatshme të ndihmojë!!!”, shkroi Trump në platformën e tij “Truth Social”.

Duke cituar zyrtarë amerikanë, “New York Times” raportoi se Trump ishte informuar ditët e fundit mbi opsionet e reja për sulme ushtarake në Iran.

“Trump po shqyrton përmbushjen e kërcënimit të tij për të sulmuar vendin për shkak të shtypjes së protestave”, raportoi gazeta.

Sipas Agjencisë së Lajmeve të Aktivistëve të të Drejtave të Njeriut (HRANA) me qendër në SHBA, numri i personave të vrarë në protestat masive që kanë vazhduar prej dy javësh është rritur në 116, ndërsa më shumë se 2 600 persona të tjerë janë arrestuar.

Pavarësisht një ndërprerjeje pothuajse të plotë të internetit, tani në ditën e katërt sipas monitoruesit të internetit “NetBlocks”, HRANA tha se ka pasur demonstrata në 185 qytete në të gjithë vendin.

Reza Pahlavi, djali i monarkut që u rrëzua në Revolucionin Islamik të vitit 1979 dhe i cili është në mërgim në SHBA, bëri thirrje për greva mbarëkombëtare në Iran dhe protesta të reja sot në orën 18:00 pasdite për të pushtuar sheshet qendrore në qytete.

Sinjali – aty ku e vërteta flet para lajmit!

/GazetaSinjali/

The post Irani kërcënon me kundërsulm ndaj Izraelit dhe bazave amerikane appeared first on Sinjali.

Presidentja e Kosovës, Vjosa Osmani, ka kujtuar Enver Malokun, duke e cilësuar atë si intelektual të qetë, atdhetar dhe bashkëpunëtor të afërt të Presidentit historik Ibrahim Rugova.

Ajo theksoi rolin e Malokut si zë i urtësisë dhe dinjitetit në kohët më të vështira, kontributin e tij në komunikimin politik të Kosovës me botën, si dhe kërkoi që autorët e vrasjes së tij të vihen para drejtësisë.

Postimi i plotë:

Sot kujtojmë Enver Malokun, intelektualin e qetë, atdhetarin dhe bashkëpunëtorin e afërt të Presidentit historik Dr. Ibrahim Rugova. Ai ishte zëri i urtësisë dhe i dinjitetit në kohët më të rënda për Kosovën, arkitekt i komunikimit politik që e çoi të vërtetën tonë përtej kufijve.

Enver Maloku besoi te fuqia e fjalës, te dialogu dhe te vizioni rugovian i lirisë, një Kosovë e lirë, demokratike dhe e orientuar drejt Perëndimit. I shërbeu atdheut me integritet dhe përkushtim, duke lënë gjurmë të thella në rrugën tonë shtetformuese.

Vrasja e Enver Malokut është krim që ende kërkon vënien e autorëve para drejtësisë. Është obligim i institucioneve të drejtësisë dhe borxh ndaj zërit të së vërtetës sonë.

Lavdi jetës dhe veprës së Enver Malokut!

Sinjali – aty ku e vërteta flet para lajmit!

/GazetaSinjali/

The post Osmani: Enver Maloku besoi te fuqia e fjalës, te dialogu dhe te vizioni rugovian i lirisë appeared first on Sinjali.

Albin Kurti, ka kujtuar Rexhep Malajn dhe Nuhi Berishën në 42-vjetorin e rënies së tyre, duke theksuar rezistencën e armatosur dhe sakrificën e tyre për lirinë e Kosovës.

Ai rikujtoi veprimtarinë e tyre politike dhe kombëtare, jetën në ilegalitet, përballjen me policinë jugosllave dhe ndikimin e rënies së tyre si simbol i qëndresës dhe frymëzim për brezat që luftuan për liri.

Postimi i plotë:

Në një ditë të ftohtë dimri sikur e sotmja, më 11 janar të vitit 1984, u vranë duke rezistuar të armatosur përballë policisë jugosllave, Rexhep Malaj dhe Nuhi Berisha, dy veprimtarë të shquar politikë e kombëtarë.

Mbrëmjen e 11 janarit 1984, policia jugosllave ndërmori një aksion për kapjen e Rexhepit dhe Nuhiut, duke i rrethuar në një shtëpi ku ata ishin strehuar, në lagjen Vranjec (tash Kodra e Trimave) në Prishtinë. Rexhepi dhe Nuhiu rezistuan me armë, dhe pas mesnate u vranë të dy. Rënia e tyre si angazhim dhe luftë për liri deri në flijim, u përjetua si shembull ideal nga shokët aktivistë dhe nga populli shqiptar, në Kosovën e pushtuar nga Serbia nën Jugosllavi.

Rexhep Malaj ishte anëtar udhëheqës i organizatës së fshehtë Lëvizja për Republikën Shqiptare në Jugosllavi (LRSHJ), kurse Nuhi Berisha ishte udhëheqës i Shtabit Operativ të LRShJ-së për Universitetin e Prishtinës. Që prej tre muajsh, Rexhepi dhe Nuhiu ishin duke jetuar së bashku në kushte ilegale, meqë më 8 tetor 1983, ishin pikasur dhe po gjurmoheshin nga shërbimi sekret jugosllav. Si aktivistë, ata ishin lidhur mes tyre vetëm disa muaj më parë, pas daljes së Rexhepit nga burgu më 23 maj 1983.

Rexhep Malaj kishte qenë një nga veprimtarët politikë drejtues më të rëndësishëm të kohës, i cili qysh si gjimnazist ishte përjashtuar nga shkolla dhe dënuar për përfshirje në organizimin e demostratës së 27 nëntorit 1968 në Gjilan. Ai kishte lindur më 29 mars 1951 në fshatin Hogosht të Kamenicës. Në vitin shkollor 1970/’71 punoi si mësues në fshatin Marec të Prishtinës, teksa studionte për ekonomi në Universitetin e Prishtinës. Më 1973, Rexhepi ishte dënuar me 28 ditë burgosje për kalim ilegal të kufirit Jugosllavi – Shqipëri, kurse më 1974 qe dënuar po për kalim ilegal të lufirit në territorin e Sllovenisë, ku nga Jugosllavia kishte dalë në Austri. Më 23 maj 1975, Rexhep Malaj u arrestua dhe në një proces të gjerë gjyqësor ku u gjykua edhe Adem Demaçi, u dënua me 9 vite burgosje. Këto 9 vite, Rexhep Malaj i kaloi në burgje të ndryshme nëpër Jugosllavi: në Prishtinë, Mitrovicë, Zenicë, Shtip, Idrizovë, Prizren, Foçë dhe Mostar.

Nuhi Berisha kishte lindur më 3 tetor 1961 në Svircë të Kamenicës. Pas kryerjes së gjimnazit në Gjilan, ai kishte studiuar për drejtësi dhe kulturë fizike në Universitetin e Prishtinës. Gjatë asaj kohe, si student, Nuhiu i ishte bashkuar Komitetit të Studentëve në kuadër të organizatës Grupi Revolucionar, duke marrë pjesë në organizimin e demostratave të vitit 1981. Ai kishte migruar në Zvicër ku e kishte vazhduar angazhimin e tij politik dhe prej nga ishte kthyer në qershor të vitit 1983.

Fryma e kontekstit kur u vranë Rexhepi dhe Nuhiu, mund të lexohet në shtypin ilegal të kohës, sikur në gazetën “Zëri i Kosovës”, organ i Lëvizjes për Republikën Socialiste Shqiptare në Jugosllavi, e cila në numrin 1 të shkurtit 1984, njoftonte për rezistencën dhe rënien e Rexhep Malajt dhe Nuhi Berishës, me portretet e tyre në ballinë dhe me titullin “Qëndresë heroike në Prishtinë”.

Kurse për ta njohur drejtpërdrejt veprën dhe mendimin politik të këtyre dy patriotëve të paepur, mund të lexohen veprat e tyre të shkruara: ditari i burgut i Rexhep Malajt, me titull “Qëndresa” dhe kujtimet e Nuhi Berishës të shkruara në Zvicër, për demonstratat e vitit 1981, “Pranverë e luleve të kuqe”. “Qëndresa” e Rexhep Malajt është dëshmi e qëndresës së tij në burg dhe e qëndresës së atyre që besuan te liria deri në vdekje, ashtu siç “Pranvera e luleve kuqe” e Nuhi Berishës, është regjistër kujtimesh për demonstratat e vitit 1981 dhe rezistencën e shqiptarëve të shtypur nën Jugosllavi.

Lavdi Rexhep Malajt dhe Nuhi Berishës, në 42 vjetorin e rënies së tyre për lirinë e Kosovës!

Sinjali – aty ku e vërteta flet para lajmit!

/GazetaSinjali/

The post Albin Kurti kujton Rexhep Malajn dhe Nuhi Berishën në 42-vjetorin e rënies heroike appeared first on Sinjali.

Një grua ka vdekur dhe tre të tjerë janë plagosur në sulmet me dronë që Ukraina kreu gjatë natës në qytetin rus të Voronezhit, sipas guvernatorit të këtij rajoni, Alexander Gusev.

Më shumë se dhjetë ndërtesa banimi, dhjetë shtëpi private, një shkollë e mesme dhe disa ndërtesa qeveritare janë dëmtuar gjatë sulmeve në këtë qytet, tha Gusev në Telegram.

“Qyteti ynë ishte cak i një prej sulmeve më të mëdha me dronë që nga nisja e operacionit të posaçëm ushtarak”, tha Gusev, duke përdorur termin që Moska përdor për luftën në Ukrainë.

Sulmet në Voronezh, që gjendet 470 kilometra nga Moska dhe rreth 250 kilometra larg nga kufiri me Ukrainën, nuk kanë mundur të verifikohen në mënyrë të pavarur.

Ukraina thotë se sulmon caqe brenda Rusisë si kundërpërgjigje ndaj sulmeve ruse me raketa dhe dronë ndaj qyteteve ukrainase dhe infrastrukturës, përfshirë edhe ndërtesave të energjisë, teksa lufta po i afrohet vitit të katërt. 

Sinjali – aty ku e vërteta flet para lajmit!

/GazetaSinjali/

The post Rusia pretendon se Ukraina ka kryer sulme vdekjeprurëse me dronë gjatë natës appeared first on Sinjali.

Gjiganti i Microsoft-it, Bill Gates, i ka dhënë ish-gruas së tij Melinda 8 miliardë dollarë pesë vjet pasi u divorcuan për shkak të përfolurve për aferat e tij dhe afërsisë me Jeffrey Epstein.

Gates bëri donacionin prej 7.88 miliardë dollarësh për Fondacionin Pivotal Philanthropies të Melinda-s në vitin 2024, zbuloi The New York Times.

Melinda dha dorëheqjen nga Fondacioni Bill dhe Melinda Gates që ata drejtonin së bashku në maj 2024 dhe i sugjeroi ish-bashkëshortit të saj të dhuronte 12.5 miliardë dollarë për fondacionin e saj të ri, i cili punon për të çuar përpara përparimin shoqëror për gratë.

Një përfaqësues i grupit të avokimit të grave Pivotal konfirmoi për Times se marrëveshja prej 12.5 miliardë dollarësh është përmbushur dhe donacioni prej gati 8 miliardë dollarësh ishte pjesë e asaj marrëveshjeje.

Dhurimi ishte i listuar në deklaratën e tij tatimore të vitit 2025, por nuk është e qartë se si u nda pjesa tjetër e marrëveshjes prej 12.5 miliardë dollarësh dhe ku u bënë donacionet.

Melinda u martua me Gates në vitin 1994 dhe u nda prej tij në vitin 2021 pasi çifti pati tre fëmijë së bashku.

Shumë pak detaje të divorcit të tyre janë bërë publike dhe deklarata tatimore zbulon kontributin e parë specifik financiar të ndarjes së tyre.

Melinda ka pranuar më parë se miqësia e ish-burrit të saj me financierin e pedofilit të turpëruar Epstein ishte një faktor nxitës për ndarjen e tyre.

Sinjali – aty ku e vërteta flet para lajmit!

/GazetaSinjali/

The post Bill Gates i dhuron ish-gruas Melinda 8 miliardë dollarë pesë vjet pas divorcit të tyre appeared first on Sinjali.

Një aksion policor është zhvilluar pas mesnate në Skenderaj, ku është zbuluar një aktivitet i dyshuar i organizimit të lojërave të fatit dhe bixhozit të paligjshëm, në kundërshtim me ligjin.

Burime të sigurta bëjnë të ditur se rreth orës 00:45, Policia është njoftuar se në një lokal në rrugën “Bekim Berisha” po zhvilloheshin lojëra të kundërligjshme. Njësitë relevante kanë reaguar menjëherë dhe kanë bastisur lokalin “Erka”, ku kanë hasur pronarin Erkan Xhinovci (1975) dhe 14 persona të tjerë, të cilët po luanin Poker.

Gjatë kontrollit në lokal, Policia ka sekuestruar mjete të shumta të bixhozit, përfshirë:
• një tavolinë pokeri,
• çipsa pokeri,
• letra loje,
• tabela “All In – Dealer”,
• pajisje për Party Roulette.

Sipas burimeve të afërta me hetimin, të gjithë personat e pranishëm janë shoqëruar dhe do të intervistohen në cilësinë e dëshmitarëve, ndërsa pronari i lokalit është ndaluar dhe dërguar në Qendrën e Mbajtjes, me urdhër të Prokurorit kompetent.

I dyshuari pritet të intervistohet gjatë ditës së sotme në prani të avokatit mbrojtës, ndërsa rasti po trajtohet si “Organizim i skemave piramidale dhe bixhozit të paligjshëm”.

Hetimet janë në vazhdim, ndërsa Gazeta Sinjali do të sjellë detaje të tjera sapo të konfirmohen nga autoritetet.

Shënim: Personi i apostrofuar në këtë artikull prezumohet i pafajshëm derisa fajësia e tij të mos provohet me vendim të formës së prerë nga gjykata.

Sinjali – aty ku e vërteta flet para lajmit!

/GazetaSinjali/

The post Ekskluzive | Poker ilegal në Skenderaj – Policia bastis lokalin “Erka”, arrestohet pronari appeared first on Sinjali.

Ekonomia e Kosovës në dekadën e fundit ka kaluar nëpër faza të ndryshme të zhvillimit: rritje, ulje, stagnim dhe kriza.

Edhe pse të dhënat zyrtare të institucioneve të Kosovës tregojnë se ka rritje të disa indikatorëve ekonomikë, në terren vazhdojnë ankesat e qytetarëve për përkeqësim të standardit të jetesës.

Viti 2025 është mbyllur me rritje ekonomike prej 3.9 për qind dhe parashikimet e Bankës Qendrore të Kosovës janë që, këtë vit, kjo shifër të arrijë në 4.1 për qind.

Rritja sipas BQK-së do të mbështetet te konsumi privat, rimëkëmbja graduale e eksportit dhe zbutja e inflacionit.

Por, në vitet e fundit – sidomos pas pandemisë COVID-19 në vitin 2020 dhe nisjes të pushtimit në shkallë të plotë të Ukrainës nga Rusia më 2022 – shtrenjtimi i produkteve dhe shërbimeve esenciale ishin ndër temat më të përfolur në Kosovë.

Qytetarët shpesh janë ankuar se inflacioni ka ulur fuqinë e tyre blerëse, duke i detyruar shumë prej tyre të heqin dorë nga produkte dhe shërbime, pasi që pagat nuk mjaftojnë për të përballuar të gjitha shpenzimet e nevojshme.

Ndërkohë, zyrtarë të institucioneve të Kosovës kanë theksuar se inflacioni vjen për shkak të varësisë së vazhdueshme të shtetit nga importi i produkteve të huaja.

Me qëllim zbutjen e inflacionit, Qeveria e Kosovës ka rritur pagat në sektorin publik. Ndërkaq, sektorin privat ka tentuar ta ndihmojë me platformën “Superpuna”, e cila ka nisur në vitin 2023.

Përmes kësaj platforme, Qeveria subvencionon punëdhënësin duke paguar pagën e punëtorit për gjashtë muajt e parë, në vlerë të pagës minimale prej 350 eurosh. Punëdhënësi, pastaj, ka të drejtë ta shtojë vlerën e pagës për punëtorin e angazhuar.

Por, kjo rritje e pagave, sipas ekspertëve të ekonomisë, nuk është përkthyer në përmirësimin e standardit të jetesës se qytetarëve për shkak të inflacionit të lartë.

Në vitin 2025 numri i të punësuarve ka kaluar mbi 400 mijë, duke vazhduar kështu trendin e rritjes së numrit të punësuar me kontratë formale.

Ndërkaq, në mesin e personave të papunë ka më së shumti gra, të cilat mbajnë barrën më të madhe për kujdesin ndaj familjes dhe fëmijëve.

Numri i vogël i çerdheve, sidomos në zonat rurale, vlerësohet si një ndër faktorët që ka pamundësuar që gratë të futen në tregun e punës.

Një çështje nga e cila vuan ekonomia e Kosovës, sipas ekspertëve të fushës, është sasia e lartë e produkteve të importuara nga tregjet e huaja.

Me gjithë mbështetjen e prodhuesve kosovarë, ende nuk është arritur të ndryshohet deficiti tregtar për shkak të kapaciteteve të kufizuara prodhuese.

Vlera e importit tashmë ka arritur në gjashtë miliardë, derisa vlera e produkteve të Kosovës që kanë dalë në tregjet e jashtme është më pak se një miliard euro.

Investimet e huaja në Kosovë konsiderohen shtytës i zhvillimit ekonomik. Megjithëse, viteve të fundit ka rritje të investimeve të huaja direkte sipas shifrave zyrtare, por kjo gjithmonë ka nxitur diskutime se shumica vijnë nga diaspora që investon në patundshmëri.

Si pengesë për investitorët e huaj në Kosovë janë përmendur më parë procedurat e shumta burokratike, ndërkohë që në vitet e fundit është rritur vlera e investimeve nga Kosova jashtë vendit.

Paratë e diasporës dërguar familjarëve të tyre në Kosovë mbeten një ndër shtyllat kryesore të ekonomisë në vend.

Remitencat kanë një ndikim të drejtpërdrejtë në mirëqenien e qytetarëve, duke zvogëluar varfërinë dhe rritur konsumimin.

Por, jo gjithmonë është lavdëruar mënyra e shfrytëzimit të këtyre mjeteve, pasi që është kërkuar ndërrimi i fokusit. Sipas ekspertëve, investimi në projekte kapitale do të ndikonte në zhvillimin e përgjithshëm ekonomik.

Sfida kryesore mbetet përkthimi i rritjes ekonomike në mirëqenie reale, përmes rritjes së prodhimit vendor, pagave të qëndrueshme, uljes së varësisë nga importi dhe krijimit të një klime më të favorshme për investime afatgjata. /REL

Sinjali – aty ku e vërteta flet para lajmit!

/GazetaSinjali/

The post Ekonomia e Kosovës në dekadën e fundit: Rritje në shifra, ulje në jetën reale appeared first on Sinjali.

Agim Veliu ka reaguar pas rezultatit të zgjedhjeve të 28 dhjetorit për LDK-në, duke e cilësuar atë si një mesazh të qartë nga qytetarët që kërkon reflektim dhe përgjegjësi politike.

Ai theksoi se humbjet e rënda nuk duhet të relativizohen dhe se dorëheqja është akt force dhe pjekurie politike, duke kërkuar analizë të menjëhershme, hapje të brendshme, demokraci funksionale dhe një proces të ri zgjedhor në të gjitha nivelet brenda partisë.

Postimi i plotë:

Të dashur anëtarë, simpatizantë dhe qytetarë,
Rezultati i zgjedhjeve të 28 dhjetorit për Lidhjen Demokratike të Kosovës është një sinjal i qartë që nuk mund dhe nuk duhet të anashkalohet.

Ky është një mesazh nga qytetarët dhe mesazhe të tilla kërkojnë reflektim të thellë dhe përgjegjësi politike.

Si kontribues i LDK-së, ndjej obligim moral dhe politik të them se humbjet e rënda nuk mund të relativizohen, as të kalohen me heshtje.

Në demokraci, përgjegjësia është parakusht për besim, ndërsa dorëheqja nuk është dobësi, por akt force dhe pjekurie politike.

Prandaj: dera është e hapur!

LDK, sot nuk ka nevojë për justifikime (në studio televizive), por për:
• analizë të menjëhershme të shkaqeve të humbjes,
• hapje të brendshme dhe demokraci funksionale,
• dhe për një proces të ri zgjedhor në të gjitha nivelet që i jep shpresë anëtarësisë dhe elektoratit.

Vetëm duke hapur rrugë për ndryshim mund ta rikthejmë besimin e humbur dhe të përgatitemi për sfidat e ardhshme.

Koha kërkon vendime të guximshme, jo mbrojtje asaj që nuk mbrohet, jo mbajtje të status quo-së.
LDK-së i duhen fitues në ekipin e saj, e jo kandidat të përhershëm!

Zoti e bekoftë LDK-në.

Sinjali – aty ku e vërteta flet para lajmit!

/GazetaSinjali/

The post Veliu komenton rezultatin e LDK-së: Humbjet e rënda nuk mund të kalohen në heshtje appeared first on Sinjali.

Një person i dënuar me burg efektiv është arrestuar mbrëmjen e së premtes në fshatin Llaushë të Skenderaj, gjatë realizimit të tri urdhëresave aktive të lëshuara nga Gjykata Themelore e Mitrovicës.

Sipas informacioneve që ka mësuar Sinjali, ngjarja ka ndodhur më 10.01.2026, rreth orës 18:00, kur patrulla policore, gjatë një pike kontrolli rutinë, ka ndaluar një automjet Golf 4, ngjyrë e zezë, me targa të Bosnje dhe Hercegovinës.

Fillimisht, drejtuesi i mjetit është identifikuar me letërnjoftim si Asmir Muminović, rreth 29 vjeçar. Megjithatë, pas verifikimeve në sistemin SIPK, Policia ka konstatuar se personi në fjalë figuron me identitet tjetër, Asmir Ajeti rreth 29 vjeçar në Grabs të Zvicrës, me vendbanim në fshatin Klinë e Mesme, i njohur më herët për organet e rendit.

Bazuar në urdhëresat gjyqësore në fuqi, i dyshuari rezulton i dënuar me burgim në kohëzgjatje prej tre vjetësh, tetë muajsh dhe dy ditësh, dënim i formës së prerë. Pas arrestimit, ai është dërguar në Burgun e Hajvalisë në Prishtina, ku ka nisur vuajtjen e menjëhershme të dënimit, konfirmojnë burime të sigurta.

Rasti është trajtuar në koordinim me institucionet përkatëse, ndërsa Policia vlerëson se veprimet janë kryer në përputhje të plotë me procedurat ligjore, pa incidente shtesë.

Shënim: Personi i apostrofuar në këtë artikull prezumohet i pafajshëm derisa fajësia e tij të mos provohet me vendim të formës së prerë nga gjykata.

Sinjali – aty ku e vërteta flet para lajmit!

/GazetaSinjali/

The post Ekskluzive | Arrestohet në Llaushë të Skenderajt personi me tri urdhëresa aktive, përdorte identitet tjetër dhe ishte i dënuar me rreth 4 vjet burgim ( EMRI) appeared first on Sinjali.