Robert Lewandowski ka konfirmuar se do të mbetet te Barcelona deri në fund të sezonit 2025-26, duke refuzuar disa oferta të mëdha nga Arabia Saudite, sipas gazetarit Kerry Hau.

Kontrata e sulmuesit 37-vjeçar skadon më 30 qershor 2026, duke përmbyllur vitin e fundit të marrëveshjes së tij me klubin katalanas.

Barcelona kishte përfshirë një klauzolë në kontratën e tij që mundësonte zgjatjen automatikisht, dhe pasi Lewandowski ka përmbushur kërkesat e minutazhit, kontrata e tij tashmë është e siguruar deri në verën e vitit 2026.

Pavarësisht spekulimeve të shumta rreth së ardhmes së tij, Barcelona nuk ka nxituar të hapë bisedime për një rinovim të ri, duke preferuar të presë zhvillimet e pjesës së mbetur të sezonit përpara se të vendosë nëse do t’i ofrojë sulmuesit një kontratë përtej vitit 2026.

Raportet sugjerojnë se është diskutuar mundësia e një zgjatjeje njëvjeçare, por asgjë nuk është finalizuar ende dhe situata pritet të qartësohet më afër verës.

Nga ana e tij, Lewandowski mbetet i përqendruar te sezoni aktual dhe synon një përfundim të fortë me Barcelonën, pa u nxituar për vendime afatgjata.

Kjo vjen në një kohë kur ai është përfolur për një transferim të mundshëm jashtë Evropës, përfshirë Major League Soccer apo kampionate të tjera, por sulmuesi veteran duket i vendosur ta përfundojë kontratën e tij në Spanjë.

Sinjali – aty ku e vërteta flet para lajmit!

/GazetaSinjali/

The post Lewandowski konfirmon qëndrimin te Barcelona, refuzon oferatat nga Arabia Saudite appeared first on Sinjali.

Ndërmarrja “Trepça” ka bërë të ditur se ka vënë në funksion kanalit zyrtar për sinjalizim, me qëllim të parandalimit dhe luftimit të korrupsionit.

Vendimi është marrë nga kryeshefi ekzekutiv i ndërmarrjes, në përputhje me legjislacionin në fuqi të Republikës së Kosovës.

Sipas njoftimit, përmes adresës elektronike sinjalizuesi@trepcasha.com, qytetarët dhe punonjësit mund të raportojnë dyshime për korrupsion, keqpërdorim të pozitës zyrtare, shkelje ligjore dhe etike, si dhe veprime apo mosveprime që dëmtojnë interesin publik dhe integritetin institucional.

Sinjali – aty ku e vërteta flet para lajmit!

/GazetaSinjali/

The post Trepça funksionalizon kanalin zyrtar për sinjalizimin e korrupsionit appeared first on Sinjali.

Kryeprokurori i Prokurorisë Speciale të Kosovës, Blerim Isufaj, së bashku me dy drejtues të lartë të sistemit prokurorial, Sami Istrefi dhe Naim Abazi, kanë nisur një vizitë zyrtare në Washington me ftesë të institucioneve amerikane.

Gjatë qëndrimit në SHBA, ata do të marrin pjesë në ceremoninë e Lutjeve të Mëngjesit dhe do të zhvillojnë takime me zyrtarë të lartë amerikanë, me synim forcimin e bashkëpunimit ndërinstitucional dhe sundimit të ligjit në Kosovë.

Sinjali – aty ku e vërteta flet para lajmit!

/GazetaSinjali/

The post Kryeprokurori Isufaj me dy drejtues të lartë në vizitë zyrtare në Washington appeared first on Sinjali.

Snapchat ka pezulluar më shumë se 400 mijë llogari që u përkisnin përdoruesve nën moshën 16 vjeç në Australi, vetëm dy muaj pas hyrjes në fuqi të ndalimit ligjor për të miturit.

Kompania ka pranuar se sistemet aktuale të verifikimit të moshës kanë kufizime dhe diferencë gabimi, duke propozuar që verifikimi të bëhet nga dyqanet e aplikacioneve para shkarkimit.

Ligji australian po shërben si model edhe për vende të tjera, përfshirë Indinë dhe Francën.

Sinjali – aty ku e vërteta flet para lajmit!

/GazetaSinjali/

The post Snapchat pezullon mbi 400 mijë llogari të të miturve pas ndalimit në Australi appeared first on Sinjali.

Gjykata Themelore në Prishtinë ka dënuar Muhamet Alidemajn me 13 vjet burg për krime lufte kundër njerëzimit, lidhur me vrasjen e 130 civilëve shqiptarë në masakrën e Izbicës në mars 1999.

Alidemaj ishte shpallur fajtor pas rigjykimit nga Gjykata e Apelit, ndërsa më parë ishte deklaruar i pafajshëm gjatë seancave të mëparshme.

Sinjali – aty ku e vërteta flet para lajmit!

/GazetaSinjali/

The post Muhamet Alidemaj dënohet me 13 vjet burg për krime lufte në Izbicë appeared first on Sinjali.

Mbi tre milionë dokumente që lidhen me Jeffrey Epstein përmendin emrin e presidentit rus Vladimir Putin 1.056 herë, ndërsa Moska citohet 9.629 herë, duke ngritur dyshime serioze tek hetuesit amerikanë.

Edhe pse nuk ka prova për lidhje direkte me Kremlinin, raportimet sugjerojnë se Epstein mund të ketë qenë i përfshirë në rrjete shantazhi seksual (“kompromat”) me lidhje ruse, përmes kontakteve me Robert Maxwell dhe bashkëpunëtorë të tjerë.

Dokumentet përfshijnë email-e për takime të mundshme me Putinin dhe pretendime për informacione komprometuese ndaj figurave me ndikim, ndërsa vdekja e Epstein në vitin 2019 vijon të mbetet e diskutueshme.

Sinjali – aty ku e vërteta flet para lajmit!

/GazetaSinjali/

The post Skandal global: Emri i Putinit del mbi 1 mijë herë në dokumentet sekrete të Epstein appeared first on Sinjali.

Futbollisti i Kombëtares së Kosovës, Edon Zhegrova, po konsideron largimin nga Juventusi në ditën e fundit të afatit kalimtar të janarit.

Sipas gazetarit Nicolo Schira, dy klube nga Premier League janë të interesuara për shërbimet e tij, përfshirë Evertonin, por “Zonja e Vjetër” preferon ta mbajë edhe pse trajneri Spalletti nuk po i jep minuta.

Sinjali – aty ku e vërteta flet para lajmit!

/GazetaSinjali/

The post Dy klube të Premier League shfaqin interes për Zhegrovën, Juventusi nuk e lëshon appeared first on Sinjali.

Tregtari belgo-izraelit i diamanteve Ehud Arye Laniado, 65 vjeç, ka vdekur pasi iu nënshtrua një procedure në një klinikë franceze për zmadhimin e organit gjenital.

Tani kirurgëve u është ndaluar të praktikojnë kirurgjinë plastike pas vdekjes së miliarderit, raporton The Mirror.

65 vjeçari, vdiq nga një atak në zemër në klinikën estetike Saint-Honore-Ponthieu në Paris.

Pronari i pasur i Omega Diamonds, Ehud, raportohet se u operua jashtë orarit të punës.

Sinjali – aty ku e vërteta flet para lajmit!

/GazetaSinjali/

The post Miliarderi vdes pas ndërhyrjes për zmadhim të organit gjenital appeared first on Sinjali.

Pas komenteve të Trevor Noah gjatë ceremonisë së çmimeve Grammy lidhur me Donald Trump dhe lidhjet e tij të dyshuara me Jeffrey Epstein, ish-presidenti amerikan ka reaguar ashpër, duke paralajmëruar se do ta padisë komedianin “për shumë dollarë”.

Trump mohoi çdo lidhje me ishullin e Epstein dhe akuzat e përmendura, duke i cilësuar komentet si “shpifje të rreme” dhe sulm ndaj reputacionit të tij.

Dosjet e fundit të Epstein, të publikuara nga Departamenti i Drejtësisë, kanë zgjuar debate të reja për lidhjet e ish-presidentit me financierin e dënuar për abuzime seksuale.

Sinjali – aty ku e vërteta flet para lajmit!

/GazetaSinjali/

The post Trump kërcënon Trevor Noah pas komenteve për Epstein: Do ta padisë për shpifje appeared first on Sinjali.

Paneli Zgjedhor për Ankesa dhe Parashtresa (PZAP) ka konfirmuar pranimin e shtatë ankesave lidhur me rezultatet përfundimtare të zgjedhjeve të 28 dhjetorit.

Subjektet politike dhe kandidatët ankohen kryesisht për parregullsi gjatë votimit dhe numërimit të votave.

Lista Serbe ka dorëzuar ankesë ndaj vendimit të KQZ-së, ndërsa PZAP ka njoftuar se të gjitha ankesat do të shqyrtohen brenda 96 orësh. Vendimet pritet të ndikojnë në certifikimin final të rezultateve zgjedhore.

Ndërkohë, rinumërimet dhe hetimet për manipulim votash kanë çuar në arrestimin e dhjetëra personave në disa rajone të vendit.

Sinjali – aty ku e vërteta flet para lajmit!

/GazetaSinjali/

The post PZAP pranon shtatë ankesa pas zgjedhjeve të 28 dhjetorit appeared first on Sinjali.

Një rast i rëndë është raportuar fundjavën e kaluar në Gjilan, ku një grua dyshohet se është shtyrë drejt vetëvrasjes në rrethana ende të paqarta.

Gazeta Sinjali mëson se viktima ka shpëtuar, por ka pësuar lëndime trupore dhe është transferuar nga Spitali i Gjilanit në QKUK për trajtim të mëtejmë.

Sinjali – aty ku e vërteta flet para lajmit!

/GazetaSinjali/

The post Rast i rëndë në Gjilan: Dyshohet për shtytje në vetëvrasje appeared first on Sinjali.

Pas fitimit të çmimit si lojtari i muajit janar në La Liga, Vedat Muriqi është gati për ndeshjen e parë të shkurtit me Mallorcan, që sfidon Sevillan.

Me 14 gola këtë sezon, Muriqi kërkohet të ndihmojë skuadrën të ngjitet tre pozita lart në tabelë dhe të largohet nga zonat e rrezikut për rënie.

Sinjali – aty ku e vërteta flet para lajmit!

/GazetaSinjali/

The post Vedat Muriqi, ylli kosovar i janarit, sonte sfidon Sevillan në La Liga appeared first on Sinjali.

Policia italiane ka goditur një grup të trafikut të drogës, duke sekuestruar 70 kg hashash dhe 75 mijë euro cash.

Në pranga ranë dy persona, një shqiptar dhe një rumun, ndërsa aktiviteti kryhej në banesa dhe një garazh të kthyer në laborator.

Aksioni u zhvillua kryesisht në Bergamo dhe Milano, pas një hetimi që nisi më 26 janar.

Sinjali – aty ku e vërteta flet para lajmit!

/GazetaSinjali/

The post Operacion antidrogë në Milano, sekuestrohen 70 kg hashash dhe 75 mijë euro, arrestohen shqiptar dhe rumun appeared first on Sinjali.

Në Klinikën e Kirurgjisë Vaskulare të QKUK-së, është kryer për herë të parë me sukses ndërhyrja kirurgjikale për Sindromën Eagle, një patologji e rrallë dhe komplekse.

Pacienti, 65-vjeçar, paraqiste dhimbje të forta në qafë dhe vështirësi në gëlltitje për shkak të zgjatjes së procesit stiloid me gjatësi 5.5 cm.

Kirurgët përdorën qasjen ekstraorale për të siguruar kontroll të plotë mbi strukturat vaskulare dhe nervore.

Pas operacionit, pacienti ka shfaqur përmirësim të menjëhershëm dhe ndodhet në gjendje të mirë shëndetësore, duke pritur të lirohet për trajtim shtëpiak.

Sinjali – aty ku e vërteta flet para lajmit!

/GazetaSinjali/

The post Operacion i suksesshëm për Sindromën Eagle, kryhet për herë të parë në Kosovë appeared first on Sinjali.

Një kamion ka dalë nga rruga dhe ka përfunduar në zonën e plazhit te Kalaja, në Vlorë.

Shoferi, Perparim Kapaj, 62 vjeç, është lënduar rëndë dhe transportuar në Spitalin Rajonal të Vlorës.

Policia Rrugore dhe zjarrfikësit ndodhen në vendngjarje dhe po punojnë për zbardhjen e shkaqeve të aksidentit, të cilat dyshohet të jenë shpejtësia e lartë ose defekt në frenim.

Sinjali – aty ku e vërteta flet para lajmit!

/GazetaSinjali/

The post Kamioni del nga rruga dhe përfundon në plazhin e Vlorës, shoferi i lënduar rëndë appeared first on Sinjali.

Dokumentet e fundit të Departamentit Amerikan të Drejtësisë zbulojnë se një profesor maqedonas në Universitetin e Kolumbias dyshohet të ketë ndihmuar në eksportimin e rreth 1,000 trurëve njerëzorë nga Maqedonia për eksperimente shkencore në SHBA, disa prej të cilëve nga viktima të vetëvrasjeve.

Truri është transportuar me aeroplan dhe anije nën eskortë speciale dhe është përpunuar në laboratorë të universiteteve amerikane, përfshirë Columbia, Yale dhe Pittsburgh. Dokumentet rihapin polemikat mbi rrjetin e kontakteve të Jeffrey Epstein, i cili u dënua në 2008 dhe u akuzua në 2019 për trafikim të qenieve njerëzore.

Sinjali – aty ku e vërteta flet para lajmit!

/GazetaSinjali/

The post Afera Epstein: Maqedonia përmendet si burim i trurit njerëzor për eksperimente në SHBA appeared first on Sinjali.

Këshilltari i kryeministrit sllovak, Miroslav Lajçak, ka dhënë dorëheqje pasi janë publikuar mesazhet e tij me të akuzuarin për abuzim seksual, Jeffrey Epstein.

Ish emisari i BE’së për Ballkanin Perëndimor dhe Epstein kanë diskutuar me entuziazëm për gratë dhe për një takim me Ministrin e Jashtëm rus Sergei Lavrov, raporton BBC.

Pasi Epstein dërgoi një imazh, i cili nuk mund të shihet në video, Lajcak përgjigjet: “Pse nuk më fton për këto lojëra? Do të merrja vajzën ‘MI’.”

“Kush nuk do të donte,” i përgjigjet Epstein. “Mund t’i kesh të dyja, nuk jam posesiv. Edhe motrat e tyre.”

Më vonë gjatë bisedës, Epstein mund të shihet duke iu lutur Lajcak që t’i kërkojë Lavrovit t’i marrë një bluzë me Lavrovin dhe Viltaly Churkin, një ambasador rus në OKB i cili kishte vdekur vitin e kaluar.

“Ti merr bluzën. Pastaj merr vajzat,” shkruan Epstein, me të cilën Lajčák pajtohet.

Epstein më pas thotë: “Pa shaka, motrat e tyre po notojnë të dyja në pishinë.”

“Kjo nuk është e drejtë!” përgjigjet Lajcak.

“Megjithëse të gjitha janë nën 30 vjeç. Pra. Ndoshta shumë të reja për ty,” shton Epstein. “Ose duhet të them nën 50 vjeç.”

“Mos u bë i keq. Nuk më ke parë në aksion”, ia kthen Lajçak.

Në një email drejtuar Epstein në nëntor 2017, Lajcak i kërkon Epstein të ndihmojë një producente filmash që ta fusë filmin e saj në listën e ngushtë për çmimet Oscar të atij viti.

Lajcak fillimisht mohoi të kishte diskutuar për gratë me Epstein kur dosjet u publikuan të premten, sipas mediave sllovake. Më vonë thuhet se ai tha se kishte vendosur të jepte dorëheqjen për të shmangur dëmtimin politik të Ficos.

Sinjali – aty ku e vërteta flet para lajmit!

/GazetaSinjali/

The post Dalin bisedat e Lajçak me Epstein për gratë dhe takimin me Lavrov: Janë të reja për ty appeared first on Sinjali.

Dy ditë pas shpalljes së rezultateve përfundimtare të zgjedhjeve të 28 dhjetorit, Lista Serbe ka dorëzuar një ankesë në Panelin Zgjedhor për Ankesa dhe Parashtresa (PZAP) kundër vendimit të KQZ-së për mosmiratimin e listës së kandidatëve të saj.

Igor Simiq, përfaqësues i Listës Serbe, e ka cilësuar vendimin si “të paligjshëm dhe diskriminues”, duke theksuar se janë mohuar 42.759 vota të serbëve.

Ai tha se presin që PZAP-ja të shfuqizojë vendimin dhe të sigurojë respektimin e të drejtave të komunitetit serb dhe ligjshmërinë e procesit zgjedhor.

Sinjali – aty ku e vërteta flet para lajmit!

/GazetaSinjali/

The post Lista Serbe ankohet në PZAP pas mosmiratimit të listës së kandidatëve nga KQZ appeared first on Sinjali.

Sot në orën 06:45 në Bulevardin “Maqedonia” në Delçevë, Policia e Maqedonisë privoi nga liria S.D. (23) nga fshati Trabotivishte.

Ai u kap duke drejtuar një Volkswagen Golf pa patentë shoferi. Automjeti u sekuestrua sipas udhëzimeve të prokurorit publik, ndërsa kundër tij do të ngriten akuzat përkatëse pas dokumentimit të plotë të rastit.

Sinjali – aty ku e vërteta flet para lajmit!

/GazetaSinjali/

The post Voziti pa leje, arrestohet zyrtari policor në Delçevë appeared first on Sinjali.

Kryeministri izraelit, Benjamin Netanyahu, organizoi një takim të nivelit të lartë për çështje sigurie, në të cilin morën pjesë figura të rëndësishme, përfshirë Shefin e Shtabit të Ushtrisë, Eyal Zamir, i cili së fundmi u kthye nga një vizitë në SHBA, ku pati bisedime me zyrtarë amerikanë për situatën me Iranin.

Në takim ishte i pranishëm edhe drejtori i Mossad-it, David Barnea, sipas raportimeve nga transmetuesi shtetëror izraelit KAN.

Raportohet se Zamir udhëtoi për në SHBA me një aeroplan privat, për të shmangur çdo mundësi zbulimi, dhe kërkoi që Washingtoni të ndërmarrë një sulm ndaj Iranit.

Një zyrtar izraelit i paidentifikuar i përfshirë në diskutime pretendoi se presidenti i SHBA-së, Donald Trump, dëshiron të ndjekë negociata të ashpra me Iranin, të cilat zyrtari pretendoi se do të çonin në çmontimin e programit të tij bërthamor.

Gjatë bisedimeve, zyrtarët izraelitë thanë se Izraeli preferon që SHBA-ja të kryejë një sulm ndaj Iranit, duke paralajmëruar se përmbajtja nga një veprim i tillë do të kishte pasoja, duke përfshirë atë që ata e përshkruan si përparim nga Irani drejt blerjes së armëve bërthamore.

Zyrtarët izraelitë gjithashtu i përcollën shqetësimet e tyre homologëve të tyre amerikanë në lidhje me programin e raketave bërthamore të Iranit, shkruan AA.

Asnjë deklaratë zyrtare nuk është lëshuar nga autoritetet izraelite në lidhje me takimin.

Sinjali – aty ku e vërteta flet para lajmit!

/GazetaSinjali/

The post Netanyahu organioi takim sigurie me zyrtarët e lartë izraelitë, pati bisedime për situatën me Iranin appeared first on Sinjali.