Mijëra turistë kanë mbetur të bllokuar në Lapland të Finlandës, pasi që i ftohti ka bërë që të anulohen fluturimet nga një prej aeroporteve të saj, raportoi BBC-ja.

Nisjet nga aeroporti i Kittilës në Lapland, nga ku udhëtarët do të shkonin në vende si Londra, Bristoli, Manchesteri, Parisi e Amsterdami, u anuluan të dielën pasi temperaturat shkuan deri në -35 gradë Celsius.

Problemi pritet të vazhdojë edhe të hënën, pasi agjencia meteorologjike e Finlandës parashikon temperaturë minimale prej -39 gradë Celsius. Fluturimi i parë nga Kittila është anuluar tashmë.

I ftohti ekstrem e bën të vështirë shkrirjen e akullit të aeroplanëve, ndërsa pajisjet e mirëmbajtjes dhe të furnizimit me karburant në tokë mund të ngrijnë.

Operatori i aeroportit Finavia i tha transmetuesit publik Yle se lagështia në ajër po e përkeqëson situatën pasi po krijon ngricë të rrëshqitshme.

Derisa Laplandi – i cili përfshin Norvegjinë veriore, Suedinë dhe Finlandën – është i njohur për të ftohtin dhe borën, Laplandi finlandeze zakonisht ka temperaturë mesatare dimërore prej -14°C, me rënie të herëpashershme në -30°C, sipas bordit të turizmit të vendit.

Aeroporti i Kittilës u shërben kryesisht njerëzve që dëshirojnë të udhëtojnë në vendpushimet ku mund të shohin Dritat Veriore, ndërsa aeroporti i Rovaniemit, më në jug, është destinacioni “zyrtar” për vizitorët në shtëpinë e Babagjyshit të Krishtlindjeve.

Një fluturim u anulua nga Rovaniemi të dielën.

Fluturimet thuhet se u anuluan për në dhe nga Kittila edhe të premten dhe të shtunën.

Sinjali – aty ku e vërteta flet para lajmit!

/GazetaSinjali/

The post Mijëra turistë të bllokuar në Lapland për shkak të pezullimit të fluturimeve nga të ftohtit appeared first on Sinjali.

Irani ka hyrë në ditën e katërt të ndërprerjes së internetit, ndërsa lidhja me botën e jashtme mbetet në nivele minimale.

Sipas organit ndërkombëtar mbikëqyrës të sigurisë kibernetike, NetBlocks, aksesueshmëria në internet në vend është vetëm një përqind e vogël e niveleve normale.

Autoritetet iraniane nuk kanë dhënë ende një shpjegim zyrtar për ndërprerjen e zgjatur, ndërsa kufizimi i internetit po pengon komunikimin e qytetarëve dhe rrjedhën e informacionit drejt jashtë vendit.

Sinjali – aty ku e vërteta flet para lajmit!

/GazetaSinjali/

The post Ndërprerja e internetit për ditën e katërt, Irani mbetet i izoluar nga bota appeared first on Sinjali.

Raphinha ka shkëlqyer me dy gola për t’ia mundësuar Barcelonës triumfin në garën për Superkupë të Spanjës.

Në finale, të dielën mbrëma, Barcelona fitoi 3:2 ndaj Real Madridit.

Finalja u zhvillua në Jeddah të Arabisë Saudite.

Barcelona e ka fituar Superkupën spanjolle për herë të 16-të, që është rekord. Real Madridi mbetet me 13 trofe të Superkupës.

Finalja ishte dramatike, por u dominua nga Barça.

Golin e fitores 3:2, braziliani Raphinha e shënoi në minutën e 73-të. Ai realizoi me asistim të Dani Olmos, ndërsa topi u devijua rrugës për në portë.

Pas pjesës së parë rezultati ishte 2:2. Raphinha shënoi golin e parë në ndeshje në minutën e 36-të.
Vinicius Junior barazoi në 1:1 në minutën e dytë shtesë. Ai shënoi supergol pas një depërtimi individual. Në minutën e katërt shtesë të pjesës së parë për 2:1 në të mirë të Barcelonës shënoi Robert Lewandowski.

Por 21-vjeçari Gonzalo Garcia shënoi në minutën e gjashtë shtesë të pjesës së parë për 2:2.

Sinjali – aty ku e vërteta flet para lajmit!

/GazetaSinjali/

The post Barcelona e fiton Superkupën e Spanjës appeared first on Sinjali.

Ministria për Evropën dhe Punët e Jashtme i ka këshilluar për kujdes qytetarët shqiptarë të cilët ndodhen aktualisht në Iran.

Po ashtu iu është kërkuar të qëndrojnë në kontakt të vazhdueshëm me përfaqësitë diplomatike e konsullore, duke publikuar edhe numrat e ambasadave shqiptare në vendet përkatëse.

“Ministria për Evropën dhe Punët e Jashtme këshillon qytetarët shqiptarë që ndodhen aktualisht në Iran, të tregojnë kujdes të shtuar dhe të qëndrojnë në kontakt të vazhdueshëm me përfaqësitë tona diplomatike dhe konsullore”, thuhet në njoftim.

AMBASADA SHQIPTARE NË KATAR

Email: embassy.doha@mfa.gov.al

Tel: +974 77180778

AMBASADA SHQIPTARE NË KUVAJT

E-mail: embassy.kuëait@mfa.gov.al

Tel: +965 94048219

AMBASADA SHQIPTARE NË ARABI SAUDITE

Email: embassy.riyadh@mfa.gov.al

Tel: +966501422449

AMBASADA SHQIPTARE NË EMIRATET E BASHKUARA ARABE

Email: embassy.UAE@mfa.gov.al

Tel: +971 50 980 7881

AMBASADA SHQIPTARE NË TURQI

Email: embassy.ankara@mfa.gov.al

Tel: +90 (549) 561 19 85

Sinjali – aty ku e vërteta flet para lajmit!

/GazetaSinjali/

The post Protestat vdekjeprurëse në Iran, shqiptarët që janë atje këshillohen të kenë kujdes appeared first on Sinjali.

Safet Kamberi është zgjedhur kryesues i Kuvendit të Komunës së Mitrovicës.

Ai u zgjodh me 18 vota për. 10 ishin kundër dhe dy abstenuan.

“I garantoj çdo anëtarit të Kuvendit që do ta ketë hapësirën e vet, që ta çojmë Mitrovicvën përpara”, ka deklaruar Kamberi në cilësinë e kryesuesit.

“Seanca e radhës është nesër në ora 10:00. Do të jenë në shqyrtim themelimi i dy komiteteve të rëndësishme”.

Komuna e Mitrovicës mban seancë për zgjedhjen e kryesuesit sonte në 21:30, arsye e “urgjencës” afati ligjor

Sinjali – aty ku e vërteta flet para lajmit!

/GazetaSinjali/

The post Peci arrin koalicion me LDK-në në Mitrovicë, Safet Kamberi kryesues i Kuvendit Komunal appeared first on Sinjali.

Presidentja e Kosovës, Vjosa Osmani, ka deklaruar se një nga arritjet më të mëdha gjatë mandatit të saj ka qenë rikonfirmimi i njohjeve të Kosovës nga shtetet për të cilat Serbia pretendonte se e kishin çnjohur vendin. Ajo tha se ky proces ka kërkuar angazhim të madh institucional dhe diplomatik nga Presidenca.

Osmani theksoi se janë ndërmarrë veprime intensive për të sqaruar dhe rikonfirmuar statusin e Kosovës në raport me këto shtete.

“Kemi arritur që të rikthejmë rreth 20 çnjohje të pretenduara”, ka deklaruar Presidentja, duke shtuar se edhe pse e Drejta Ndërkombëtare nuk njeh konceptin e çnjohjes, deklaratat për tërheqje të njohjeve i shkaktojnë dëm të madh Kosovës.

“Nëse një shtet thotë se ne ju çnjohim, neve na dëmton shumë. Edhe në imazh, edhe në parandalimin e njohjeve të reja, por edhe në anëtarësim në organizata ndërkombëtare”, u shpreh Osmani, për emisionin Nerv.

Ajo bëri të ditur se gjatë pesë viteve të mandatit të saj, Presidenca është marrë me të gjitha pretendimet për çnjohje të shtetësisë së Kosovës.

“I kemi rikonfirmuar dhe betonuar të gjitha”, tha Osmani, duke shtuar se në kuadër të këtij procesi shumë liderë shtetërorë janë ftuar në Kosovë dhe janë nënshkruar marrëdhënie diplomatike.

Sipas saj, vetëm me një shtet ende nuk ka pasur përgjigje zyrtare. “Përveç me njërin akoma nuk kemi përgjigje prej atij shteti”, tha presidentja, pa e përmendur emrin e tij.

Sinjali – aty ku e vërteta flet para lajmit!

/GazetaSinjali/

The post Osmani: Kemi shpartalluar propagandën e Serbisë duke rikonfirmuar njohje të Kosovës appeared first on Sinjali.

Sulmuesi brazilian Raphinha ka realizuar golin e dytë të ndeshjes dhe Barcelona po udhëheq 3:2 ndaj Real Madridit në finalen e Superkupës së Spanjës.

Raphinha realizoi në minutën e 73-të me devijim. 

Sinjali – aty ku e vërteta flet para lajmit!

/GazetaSinjali/

The post Raphinha realizon tjetër gol, Barcelona kthen epërsinë appeared first on Sinjali.

Presidenti i SHBA-së, Donald Trump po shqyrton një sërë opsionesh të mundshme ushtarake në Iran pas protestave vdekjeprurëse në vend.

Dy zyrtarë amerikanë për CNN kanë deklaruar se Trump po shqyrton zbatimin e kërcënimeve të tij të fundit për të goditur vendin nëse ata përdorin forcë vdekjeprurëse kundër popullit iranian.

“Disa nga diskutimet kanë përfshirë gjithashtu opsione që nuk përfshijnë forcën ushtarake të drejtpërdrejtë amerikane,” tha një nga zyrtarët.

Presidenti ende nuk ka marrë një vendim përfundimtar për ndërhyrjen, thanë zyrtarët, por ai po shqyrton seriozisht veprimet, ndërsa numri i të vdekurve në Iran vazhdon të rritet.

HRANA ka bërë me dije se të paktën 420 protestues janë vrarë gjatë demonstratave gjatë 15 ditëve të fundit në Iran kundër regjimit në vend. Mësohet se mes viktimave janë tetë fëmijë. Gjithashtu HRANA bën me dije se 10,000 persona janë arrestuar.

Mbetet e paqartë nëse numri i të vdekurve nga HRANA-ja e pasqyron plotësisht shkallën e viktimave, duke pasur parasysh mbylljen e internetit dhe linjave telefonike nga autoritetet në të gjithë vendin.

Sinjali – aty ku e vërteta flet para lajmit!

/GazetaSinjali/

The post Protestat në Iran, Trump po shqyrton disa opsione të mundshme ushtarake appeared first on Sinjali.

Trazirat në Iran kanë vrarë më shumë se 500 persona, tha të dielën një grup për të drejtat e njeriut, ndërsa Teherani kërcënoi të shënjestrojë bazat ushtarake amerikane nëse Presidenti Donald Trump kryen kërcënime për të ndërhyrë në emër të protestuesve, ka raportuar Reuters.

Me establishmentin klerikal të Republikës Islamike që përballet me demonstratat më të mëdha që nga viti 2022, Trump ka kërcënuar vazhdimisht të ndërhyjë nëse përdoret forcë ndaj protestuesve.

Sipas shifrave të fundit – nga aktivistë brenda dhe jashtë Iranit – grupi i të drejtave të njeriut me bazë në SHBA, HRANA, tha se kishte verifikuar vdekjen e 490 protestuesve dhe 48 personelit të sigurisë, me më shumë se 10,600 persona të arrestuar në dy javë trazirash.

Irani nuk ka dhënë një numër zyrtar dhe Reuters nuk ishte në gjendje të verifikonte në mënyrë të pavarur numrin e viktimave.

Trump do të informohej nga zyrtarët e tij të martën mbi opsionet mbi Iranin, duke përfshirë sulme ushtarake, përdorimin e armëve të fshehta kibernetike, zgjerimin e sanksioneve dhe ofrimin e ndihmës online për burimet antiqeveritare, tha të dielën Wall Street Journal.

Kryetari i Parlamentit iranian, Mohammad Baqer Qalibaf, paralajmëroi Uashingtonin kundër “një llogaritjeje të gabuar”.

“Le të jemi të qartë: në rast të një sulmi ndaj Iranit, territoret e pushtuara (Izraeli), si dhe të gjitha bazat dhe anijet amerikane do të jenë objektivi ynë legjitim”, tha Qalibaf, një ish-komandant në Gardën Revolucionare të elitës së Iranit.

Sinjali – aty ku e vërteta flet para lajmit!

/GazetaSinjali/

The post Grupi i të drejtave të njeriut thotë se numri i të vdekurve nga protestat në Iran arrin në mbi 500 appeared first on Sinjali.

Patrullat e stacionit policor në Ferizaj, gjatë kontrolleve të realizuara në pika të ndryshme të qytetit të Ferizajt, kanë identifikuar dhe ndëshkuar tetë shoferë për shkelje të rënda në komunikacion.

Gjatë veprimeve policore, shtatë shoferë janë ndëshkuar, sepse kanë kryer manovra të rrezikshme, përfshirë rrëshqitjen e gomave me frenë dore, ndërsa një shofer është ndëshkuar për qarkullim me automjet me afat të skaduar të regjistrimit, njofton policia.

Për këto kundërvajtje, shtatë shoferëve u është shqiptuar gjobë nga 150 euro dhe nga një (1) pikë negative secilit.

Sinjali – aty ku e vërteta flet para lajmit!

/GazetaSinjali/

The post Ndëshkohen tetë shoferë në Ferizaj për manovra të rrezikshme, njëri me 2 mijë euro appeared first on Sinjali.

Reshjet e mëdha të shiut dhe përmbytjet kanë bërë që nisja e gjysmëvjetorit të dytë të mësimit në shkollat e Kosovës të shtyhet.

E nesër pritet që procesi mësimor të rinisë në shumicën e shkollave, përveç atyre në Fushë Kosovë dhe Malishevë.

Lidhur me gjendjen, foli kreu i Sindikatës së Bashkuar të Arsimit dhe Shkencës, Rrahman Jasharaj.

Ai tha se më mirë është që mësimi të shtyhet edhe për disa ditë, për shkak të temperaturave tejet të ulëta, dhe problemeve me ngrohjen në disa shkolla.

“Edhe unë besoj që drejtoritë arsimore bashkë edhe me drejtorët e shkollave do ta analizojnë mirë situatën dhe mësimi do të fillojë atëherë kur duhet. Ka informacione se temperaturat do të shkojnë në – shumë gradë dhe një pjesë e shkollave mund të ketë probleme shtesë me ngrohjen”, deklaroi Jasharaj.

Sinjali – aty ku e vërteta flet para lajmit!

/GazetaSinjali/

The post Kreu i SBASHK-ut kërkon që të shtyhet fillimi i gjysëmvjetorit të dytë edhe për disa ditë për shkak të ftohtit appeared first on Sinjali.

Real Madrid ka shënuar golin e dytë ndaj Barcelonës.

Golin e dytë e realizoi Garcia.

Spanjolli barazoi shifrat në 2-2 në minutën e 50-të të takimit në një ndeshje të zjarrtë të Superkupës së Spanjës.

Ja goli:

Sinjali – aty ku e vërteta flet para lajmit!

/GazetaSinjali/

The post “Derbi i zjarrtë” – Real Madridi barazon sërish rezultatin ndaj Barcelonës, katër gola në pjesën e parë appeared first on Sinjali.

Barcelona ka rikthyer avantazhin ndaj Real Madridit në finalen e Superkupës së Spanjës.

Golin e dytë për katalunasit e shënoi Lewandowski.

Polaku realizoi në minutën e 49-të të takimit me anë të një parabole.

Rezultati aktual 2-1.

Ja momenti i golit:

VIDEO

Real Madrid ka barazuar rezultatin ndaj Barcelonës

Sinjali – aty ku e vërteta flet para lajmit!

/GazetaSinjali/

The post Barcelona ka rikthyer avantazhin ndaj Real Madridit appeared first on Sinjali.

Real Madrid ka barazuar rezultatin ndaj Barcelonës në ndeshjen finale të Superkupës së Spanjës.

Golin e parë për madrilienët e shënoi Vinicius Junior.

Vinicius realizoi në minutën e  47-të takimit pas një solo aksioni të bukur.

Rezultati aktual 1-1.

Ja momenti i golit:

VIDEO

BARCELONA 1 – 1 REAL MADRID
GOAL!

VINICIUS

pic.twitter.com/hRpWyhAaXZ

— Ayuba (@ayuba_shomefun1) January 11, 2026

“El Clasico”, Barcelona kalon në epërsi

Sinjali – aty ku e vërteta flet para lajmit!

/GazetaSinjali/

The post Real Madrid ka barazuar rezultatin ndaj Barcelonës appeared first on Sinjali.

Sonte në ora 21:30 mbahet seanca e jashtëzakonshme e Kuvendit të Mitrovicës, në rend dite janë dy pika; Betimi i anëtarit të Kuvendit, Arian Tahiri dhe Zgjedhja e kryesuesit të Kuvendit të Komunës.

Kjo seancë po mbahet me orar të “parregullt”, meqë e njejta pritej të mbahej nesër duke filluar nga ora 10:00.

Siç raportohet, arsyeja e ndryshimit të datës lidhet me zbatimin e nenit 43 të Ligjit nr. 03/L-040 për Vetëqeverisje Lokale; nenit 3, paragrafi 1, nënparagrafi 1.2, dhe nenit 5 të Udhëzimit Administrativ (MAPL) nr. 02/2015 për mbajtjen e mbledhjeve të Kuvendit të Komunës; nenit 50, paragrafi 1, nënparagrafi 1.2, dhe nenit 52, paragrafi 1, të Statutit të Komunës së Mitrovicës e cila parasheh mbajtjen e kësaj seance jo më larg se një muaj pas seancës konstituive e cila ishte mbajtur me 12 dhjetor 2025.

Bazuar në këtë zhvillim, duket se data e thirrjes së seancës ishte llogaritur gabim, rrjedhimisht afati ligjor, andaj e njejta është thirrur për sonte në ora 21:30.

Sinjali – aty ku e vërteta flet para lajmit!

/GazetaSinjali/

The post Komuna e Mitrovicës mban seancë për zgjedhjen e kryesuesit sonte në 21:30, arsye e “urgjencës” afati ligjor appeared first on Sinjali.

Barcelona ka kaluar në avantazh ndaj Real Madridit në finalen e Superkupës së Spanjës.

Golin e parë për katalunasit e shënoi Raphina.

Braziliani realizoi në minutën e 35-të të takimit.

Rezultati aktual 1-0.

Ja momenti i golit:

VIDEO

GOAL Barcelona 1-0 Real Madrid

What a goal from Raphina!!!!!!! pic.twitter.com/TQBfkfZcFY

— Saul (@Saul40343749) January 11, 2026

Sinjali – aty ku e vërteta flet para lajmit!

/GazetaSinjali/

The post “El Clasico”, Barcelona kalon në epërsi appeared first on Sinjali.

Nisja e gjysmëvjetorit të dytë në shkollat e Drenasit është shtyrë deri më 14 janar. Vendimi është marrë nga kryetari i kësaj komune, Ramiz Lladrovci.

“Për shkak të rrethanave të krijuara nga vërshimet, bora, ngricat dhe mungesa e ujit të pijes në disa pjesë të komunës, Kryetari i Komunës së Drenasit ka marrë vendim që të pezullohet vijimi i mësimit në të gjitha nivelet e arsimit parashkollor dhe shkollor”, thuhet në njoftim.

“Ky vendim është marrë me qëllim të ruajtjes së sigurisë së nxënësve, mësimdhënësve dhe stafit arsimor. Ekipet emergjente dhe institucionet tjera lokale janë të përkushtuara për ta normalizuar gjendjen, në bashkëpunim me Policinë e Kosovës, me qytetarët dhe kompanitë në tërë territorin e komunës së Drenasit”, thuhet tutje në njoftim.

“Komuna e Drenasit do të vazhdojë të njoftojë me kohë për çdo zhvillim të ri”.

Sinjali – aty ku e vërteta flet para lajmit!

/GazetaSinjali/

The post Drenasi merr vendim, mësimi pezullohet deri më 14 janar appeared first on Sinjali.

Policia e Prizrenit njofton se me datën 10 janar 2026, rreth orës 17:30, ka ndodhur një aksident trafiku me lëndime të rënda në rrugën “Ismail Kryeziu” në Prizren.

Lajmin e ka konfirmuar Shaqir Bytyqi, zëdhënësi i policisë për rajonin e Prizrenit.

“Aksidenti dyshohet të ketë ndodhur si pasojë e ngasjes së pakujdesshme dhe mos përshtatjes së shpejtësisë me kushtet e rrugës”.

“Drejtuesi i një automjeti me targa vendore, gjatë lëvizjes, ka goditur me pjesën frontale të automjetit një këmbësore, e cila po kalonte rrugën në vendkalimin e shënuar për këmbësorë”.

“Si pasojë e goditjes, këmbësorja, femër rreth 57-vjeçare, ka pësuar lëndime të rënda trupore dhe është dërguar me autoambulancë në Qendrën Emergjente të Spitalit të Prizrenit. Për shkak të rrezikut për jetë, ajo është transferuar për trajtim të mëtejmë në Qendrën Klinike Universitare të Kosovës në Prishtinë”.

Lidhur me rastin është njoftuar prokurori kujdestar, dhe me urdhër të tij, drejtuesi i automjetit është ndaluar. Hetimet për përcaktimin e rrethanave të sakta të aksidentit janë duke vazhduar.

Sinjali – aty ku e vërteta flet para lajmit!

/GazetaSinjali/

The post E tmerrshme, vetura godet këmbësoren në vija të bardha në Prizren – pëson lëndime të rënda appeared first on Sinjali.

Detaje shqetësuese janë zbardhur lidhur me tentim-vrasjen e Jeton Buqukut, i cili u plagos me armë zjarri paraditen e sotme në Pejë, në një ngjarje që ka tronditur qytetin.

Sipas informatave ekskluzive të Sinjalit, incidenti ka ndodhur më 11 janar 2026, rreth orës 09:15, në rrugën “Adem Jashari” në Pejë.

Policia është njoftuar se një person ishte plagosur me armë zjarri, ndërsa patrullat kanë reaguar menjëherë duke siguruar vendin e ngjarjes dhe duke organizuar përcjelljen e viktimës drejt Emergjencës së Spitalit Rajonal të Pejës, fillimisht me automjet privat.

Burimet bëjnë të ditur se, sipas deklaratave të dëshmitarëve okularë, viktima ishte futur i plagosur brenda lokalit “Buquku”, menjëherë pasi ishin dëgjuar të shtëna me armë zjarri. Pas tij, në lokal kanë hyrë tre persona: njëri prej tyre me revole në dorë, i dyti me një mjet të fortë, me të cilin e ka goditur viktimën, ndërsa i treti, sipas dëshmitarëve, ka qëndruar pranë dhe ka vëzhguar ngjarjen.    

Pas sulmit, të tre personat janë larguar në këmbë nga vendi i ngjarjes dhe aktualisht ndodhen në arrati.

Ekskluzive | Plagosje në Pejë – Tre persona dyshohet se gjuajtën me armë në drejtim të Jeton Buqukut

Në vendngjarje kanë dalë menjëherë hetuesit dhe krim-teknika e Stacionit Policor të Pejës, udhëheqësi i ndërrimit, komandanti i stacionit, udhëheqësi i hetimeve, si dhe njësitet rajonale të Hetimeve dhe Krim-teknikës. Zona është siguruar dhe janë ndërmarrë të gjitha veprimet hetimore përfshirë grumbullimin e provave dhe deklaratave.

Pas trajtimit fillestar në Spitalin Rajonal të Pejës, Jeton Buçuku është transferuar në QKUK në Prishtinë për trajtim të mëtutjeshëm mjekësor. Sipas mjekëve, gjendja e tij është stabile dhe jashtë rrezikut për jetë.

Hetimet janë në zhvillim intensiv për identifikimin dhe arrestimin e të dyshuarve.

U godit nga dy plumba, kjo është gjendja shëndetësore e Jeton Buqukut i cili u plagos sot në Pejë

Gazeta Sinjali do të vazhdojë të raportojë ekskluzivisht për këtë rast, sapo të ketë zhvillime të reja nga hetimi.

Biznesmeni nga Peja, Jeton Buquku, pronar i fabrikës për përpunimin e mishit “Buquku”, ka qenë edhe më herët i përfshirë në një skandal.

Në lokalin e vet ‘Buquku Grill House’, Jeton Buquku, dyshohet se ka ushtruar presion dhe dhunë ndaj një personi për të dëshmuar për disa incidente te bizneset e tij, para më shumë se një viti. Sinjali ka siguruar video ekskluzive të rrahjes dhe gjithë rastit që ndodhi më 21 shkurt të vitit 2023.

Por, a lidhet rasti i sotëm me ngjarjen që ka ndodh më herët mbetet për t’u parë, pasi organet e drejtësisë të merren me hetimin dhe zbardhjen e rastit.

Ekskluzive: Krimi i Jeton Buqukut, pamje skandaloze të rrahjes dhe presionit ndaj një personi për të dëshmuar

Sinjali – aty ku e vërteta flet para lajmit!

Shënim: Personat e apostrofuar në këtë artikull prezumohen të pafajshëm derisa fajësia e tyre të mos provohet me vendim të formës së prerë nga gjykata.

/GazetaSinjali/

The post Ekskluzive | Detaje të rënda nga tentim-vrasja e Jeton Buqukut në Pejë – tre persona të armatosur hynë pas tij në lokal appeared first on Sinjali.

Një rast i posedimit të paautorizuar të narkotikëve është zbuluar në orët e para të mëngjesit në Mitrovicë të Veriut.

Sipas informatave që ka mësuar Sinjali, më 11.01.2026, rreth orës 01:30, njësitë e Stacionit Policor Veri kanë ndaluar një veturë Golf Plus, ngjyrë e bardhë, në rrugën “Kral Petri”, ku brenda ndodheshin katër persona.

Gjatë kontrollit të detajuar të automjetit, policia ka gjetur një sasi të substancës së dyshuar narkotike – marihuanë. Në lidhje me rastin është njoftuar njësiti i hetimeve, i cili ka kontaktuar Prokurorin kujdestar të Shtetit.

Me vendim të Prokurorit, rasti është iniciuar si “Posedim i paautorizuar i narkotikëve, substancave psikotrope ose analoge”, ndërsa i dyshuari Arianit Pllana është proceduar në procedurë të rregullt.

Hetimet për këtë rast janë në vazhdim.

Sinjali – aty ku e vërteta flet para lajmit!

Shënim: Personi i apostrofuar në këtë artikull prezumohet i pafajshëm derisa fajësia e tij të mos provohet me vendim të formës së prerë nga gjykata.

/GazetaSinjali/

The post Ekskluzive: Kapet me drogë në Mitrovicë të Veriut – arrestohet i riu pas kontrollit policor appeared first on Sinjali.